تحميل رواية «انقذني ايها الغريب........» PDF
بقلم Hunen23Hatum
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
#حنين حاتم #انقذني ايها الغريب .... ماما سويلي كرون حبابة ماريد كصايب اي حتة ترجعينلي شعرج صاير صوفة طلي موو ﻻماما ماكفشة والله ليلى سدي حلكج وكومي خل اريكج بسرعة ماضل وكت هسة بدة ﻻصطفاف اي سويلج لفة وحطيهة بجنطتج شبعت ماما ماريد لبسي لحذاء عدل ولج موتك وتك اي ماما ليش تضربيني لتجاوبين ولج لبسي وامشي بساع مرحبا اسمي ليلى صف رابع بتدائي عمري عشر سنين ناعمة وكل ليشوفني ميصدك اني صف رابع شعري اصفر ماما تكلي شعرج بلون الذهب وعيوني خضر بس لونهن فاتح ابوية يكول اشبه بيبيتي بس اني ماشايفتهة وحيدة امي و...
رواية انقذني ايها الغريب........ الفصل الحادي والعشرون 21 - بقلم Hunen23Hatum
#حنين_حاتم
#انقذني_ايها_الغريب....#بارت21
(#غير_محلل_نشر_القصة_بدون_ذكر_اسمي)
اجة كعد يمي بلكاع
تقرب علية لزم ايدي
ليلى منو سوة بيج هيج
اني مفرفحة اريد احجي مااكدر خايفة من عدة حييل ادري بفاطمة سوتلة غسيل دماغ
احجي ليلى جاوبينيي
هنة والله هنة سون بية هيج
تقى :نجبي لدايحة لوما طلعتي لصبح مدري وين رحتي ول11 يلله لفيتي
كام سد باب لمطبخ
ورجع جرنيي حضني
اني نفجرت وكمت اصرخ حضن دافي بعد كل لصار وياي جنت محتاجتة كلش جنت محتاجة شخص يطبطب علية ويكلي ادري بيج مضلومة
ليلى ماتت سيف ماتت
اسم الله حبيبي لاتكولين هيجي بس حجيلي فتح لملحق طلعلي ملابس وكلي كومي بدلي دار وجهة ولبست هدومي
منو سوة بيج هيج
كلهم والله كلهم
تقى وفاطمة خططن ووليد نفذ
كام علة حيلة ضرب لحايط بيدة حييل 3 مرات كامت تجري دم
سيف لاتسوي بروحك هيج عوفني انتة ماملزوم بية اني صرت عار وهسة يذبحوني واخلص من هلدنية اروح يم الله اقلها اخلص منهم
كام سد لباب وكام يضرب بيدة ويحجي
ادب سز شلون هيج تسوين ليوم اني اذبكج مو وليد
هاي شتسوي سيف
اجة علية سد حلكي سكتي ولج واكفات ورة لباب يتسنطن
اشرلي علكاع
شفت خيال رجليهن من جوة لباب
سوي روحج دا تبجين
يضرب علة ايدة ويغلط علية واني ابجي
صدك جنت ابجي موامثل ابجي من لفرح ماتوقعت هيج راح يصير
لحمد لله ربي الف حمد وشكر الك
كام لزمني من ملابسي وكلي ابجي وصرخي
راح علة باب لمطبخ فتحة هنة رأسن رجعن ليورة
ها عيني سيف وين ماخذهة
اريد اربطهة بسيارتي واسحلهة بلشارع واخلي لعالم كلهة تشوفهة وبعدين اذبحههة واذبهة بهاي لزبالة لكبالكم حتة لدفن متستاهل تندفن مثل لبشر
هنة كيفن من كللهن تفلن علية ثنينهن
وتقى تكلة عود صورلهة سيف الله عليك
طلعني هوة يسحل بية وصلنة للسيارة هنة واكفات بلباب يباوعن
كلي صعدي بساع خل نشلع
ركضت صعدت ليورة وحرك بسرعة
واني ابجي واضحك من لفرح حتة لوجع نسيتة
كبل ودانة علة لمولدة مال عمو خليل
ليلى خل نخلص مشوارنة وكبل اوديج للمستشفى حبيبي اكو شي يوجعج
لا بس لجرح يأذيني يمكن رجع نفتح من ضربني وليد لحقير اووووف ياسيف لوتدري شسوة بية حسيت روحي طلعت بين ادي
ليلى حبيبي
ماريد اعرف اي شي عن لصار وياج لأن هاذ لشي ماصار بلنسبة الي بعدج بعيني ليلى لبريأة الي عدهة خوف الله اهم من كلشي
وصلنة يم مولدة عمو دكلة عورن وكلة اصعد
شكو وين رايحين
ليلى شبيهة شنو هاي وجهج عمو
خليل اصعد ونحجيلك كلشي
صعد عمو وحجالة سيف علة كلشي كام يلطم
ليوم وليد اذبحة
خليل هسة لمطلوب منك راح اذبك علشارع وتنزل تجيب جنسيتك وجنسية ليلى
اريد اعقد عليهة هسة واخذهة وياي للبيت بعد متبقة دقيقة يمكم
ماشي
نزل عمي جاب لجنسية وفاطمة لحكتة لباب لشارع تصيح
اجة بسرعة صعد وصلنة للكاضم نزلت للحمامات سبحت من لدم لان شعري نترس دم وخليت شاش و كطن علجرح سيف شتراليا من لصيدلية من لطريق طلعت رحنة جوة بداخل لصحن
طبينة لغرفة لعقد
وعمو راح جاب شاهد واجة
عقدولنة وعمو حضني وكام يبجي فرفح يكلي سامحيني عمو ماحافضت عليج ولا صنت لأمانة
لا عمو مسامحتك دنية واخرة
طلعنة رحنة للمستشفى عقمو راسي وضمدو الي وسيف ودانة لمطعم تغدينة بي
هسة اني راح اخذهة وياي خليل بعد صارت مرتي هية
لا سيف مايصير وديهة لخالتهة ورتب امورك وسوي عرس لعالم تضل تحجي موبس اهلنة حتة اهلك وعمامك هم يضلون يحجون
سوي عرس وفضهة انتة خوما يومية متزوج
ماشي بس ماريد اهلك يعرفون بيهة يم خالتهة بس هاذ لسبوع اكمل شغلات لعرس ولخميس انشاء الله نسوي عرس واخذهة ونسافر
براحتك بعد هية زوجتك
خليل ليلى اذا صارلهة شي احملك كامل لمسؤلية فاطمة اذا تسألك كللها سيف اخذهة مدري وين ولا تجيب طاري خالتهة ابد
ماشي
نزلني سيف يم محل نزلنة اني ويا شترالي ملابس كوووومة واحذية وجنط وشالات اكثر من ساعاين احنة بلمحل ماخلة شي بلمحل ماشترا يكوم ملابس ويكلي طبي قيسيهن
كملنة هدور وداني علة محل مكياجات
سيف اني كلشي مااعرف بهاي لسوالف وماحبهن عليمن تجيبهن ويضلن
لا ماكو شي يضل تتعلميلهن وتحطين
شترالي مكياج ب350 الف
ورد ودة عمو للمولدة ووداني لبيت خالتي وطب وياي
اول ماطببنة خالتي كامت تهلهل وتبجي فرفحت واني هم تذكرت جروحي ومشتاقتلهة حييل حضنتهة وكعدنة بلكاع بلحديقة نبجي وسيف يباوع علينة وهم يبجي
بقيت يمهم 4 ايام واني وخالتي ومريم يومية نطلع نشتري جهاز عرسي لان سيف نطة لخالتي 3 ملاين للذهب و500 كللهة خل تكمل بيهن لنواقص مال لنيشان
كاعدين بليل نتعشة ودك تلفون خالتي شالتة ورأسن صرخت يبوووو
بيومهة تلقينة خبر وفات عم امي علي ورحنة للفاتحة 3 ايام خالتي ملخت روحهة وهناك لاكيت زهراء وسلمت عليهة
خلصت لفاتحة وتأجل عرسنة لحد دورة لأربعين اني طلبت هلشي من سيف علمود خالتي خطية مقهورة حييل علي
وعمار قرر يسوي عرسهم ويانة بنفس ليوم
فد يوم كاعدين لعصر اني وخالتي ومريم نتفرج تلفزيون ندكت لباب راحت خالتي فتحتهة طبت ووياهة سكينة
ركضت علية حضنتني وكامت تبجي
وين رحتي ليلى مشتاقتلج كلش والله كلبي عليج مثل لنار
شمدريج بية هنا
عمار كلي لتخافين مااحجي وسيف يدري بية جايتج
ها
اووف ليلى لوتدرين شصار بابا لليوم ميحجي وية امي ويكلي بس تتزوجين اطلك امج واروح اأجرلي غرفة واعيش بيهة
ووليد من يوم لصار طفر لبيت خالتي بلسماوة ولمدرسة ودولنة ورقة لفصل مالتة لبارحة
ضليت ساكتة ماعلقت ولا كلمة علة حجيهة
كعدت شوية يمنة وراحت اجة عليها عمار
طلعت لأربعين وسيف حدد يوم عرسنة احنة وعمار يوم لجمعة واجر قاعة تخبل وبدينة بتحضيرات لعرس وهوة يومية يمي بليل بس من قرب لعرس صار وكح ميكعد راحة ابد ههههه
ويومية موديني مكان فرني لدنية كلها وكل لمراقد الي بلعراق زردتهن حتة سامراء وطلعلي جواز وحجزلنة شعر عسل لتركيا احنة وعمار وسكينة
النهاية
هواي شفت تعليقات محبطة ولأغلب صار يتذمر من لأحداث طيب اني شنو ذنبي لقصة حقيقية اني مجرد داضيفلهة مشاهد وطريقة سرد لا أكثر ولا اقل لهاذ لسبب ختمت هلقصة رغم بعد بيهة احداث كوومة اكثر من لأحداث الي ذكرتهة بلبارتات لفاتت ولأن لأحداث لجاية غريبة من نوعهة ولربما لبعض مراح يصدكهة واني ماريد ادخل بهاي لدوامة واكعد ابررلهم لهاذ لسبب ختمتهة
شكرا لحسن متابعتكم دمتم في امان الله وانتضروني في قصة اخرى
اختكم لكاتبة #حنين_حاتم
موتنسون لتصويت 😙
تعديل للبارت لتكملة جوة 👇👇👇👇👇👇
رواية انقذني ايها الغريب........ الفصل الثاني والعشرون 22 - بقلم Hunen23Hatum
حبايبي والله ادري لقصة نضلمت بهلنهاية بس الله شاهد اجتني مراسلات علخاص كلش اذتني وبلحضة عصبية نهيت لقصة بكد مانقهرت
بس متابعيني حييل نقهرت علة تعليقاتهم خلص يوم لثنين راح ابدي انشر بارت 22 واكمل لقصة بس اترجاكم ماريد تعليقات محبطة
لقصة بعد بيهة احداث ومفارقات احتمال تأذيكم اكثر من لأحداثات لفاتت الي اريدة منكم صبر ولتسبقون لأحداث
احبكم 😙
#حنين حاتم
رواية انقذني ايها الغريب........ الفصل الثالث والعشرون 23 - بقلم Hunen23Hatum
#حنين_حاتم
#انقذني_ايها_الغريب......#بارت22
(#غير_محلل_نشر_القصة_بدون_ذكر_اسمي)
اليوم احد وللجمعة عرسنة بليل خابرني سيف كلي باجر تجي امي تاخذكم للصالون انتي و سكينة
كتلة ماشي
خالتي بيتهة بمنطقة زراعية وريفية وماكو يمهم صالونات ولا محلات ملابس يادوب محل اسوالق وبقالة
كعدنة لصبح يوم لأثنين اني ومريم بدلنة وتانينة ام سيف ب9 اجتنة هية وسكينة عمار جايبهم نزلت ام سيف سلمت علة خالتي ورجلهة ورحنة للصالون
طبينة وام لصالون من شافت شعري تخبلت علي كلتلي اسويلج ميش ثلجي انتي بيضة يلوكلج وفعلا سوتلي وطلع يجنن ام سيف تخبلت علية كلسا تقرالي المعوذات
وسكينة كلتلهة انتي سمرة مانصحج تسوين شقارات خلي اسويلج احمر
بلبداية ماقتنعت ورادت مثلي بعدين خابرهة عمار وكلتلة كللهة اي سوي احمر اني احب لصبغ لأحمر
ومن سوتة كلش لاكلهة طلع وجهة
ومريم عجبهة تسوي خصلتين لون وردي وخابرت خالتي وبلكوة قتنعت
طبعا مريم تداوم تربية مرحلة أولى
كملنة صبغ وميش وتفقنة وياهة لثلاثاء نجيهة علمود حفافة وتنضيف بشرة
ام سيف دفعت الحساب وحتة حساب مريم ما خللتهة تدفعة
رجعونة اني ومريم للبيت وخالتي من شافت شكلي شلون تغير تخبلت علية
وكامت سوتلي حرمل ههههه
لليل خابرني سيف كلي راح نجي عليكم اني وامي هسة
ماشي هلة بيكم
رحت كلت لخالتي
تانيناهم اقل النص ساعة وطبو
دخلناهم للأستقبال اني وخالتي ورجلهة
سولفنة وضحكنة ومريم ابد متكعد راحة بس تحشش علينة اني وسيف
بعدين ام سيف
كلت لرجل خالتي
ابو مريومة اني جاييتك بطلب
اريد اخذ حريماتك يمي
شلون يعني مافهمت
خوية انتو بيتكم بعيد علصالون وعلة مكان لبدلات وعلقاعة ولتصوير يعني لو ردنة ناخذهم لطريق بلساعة يلله نوصل احنة بيتنة قريب علة كلشي واني وحدي ومحتاجة مريم وامهة يساعدوني
بلكوة قنعت رجل خالتي وقبل كمنة اني ومريم بساع لمينة ملابسنة وغراضنة
ورحنة وياهم سيف راح نام يم عمار واحنة نمنة بغرفتة الي هية غرفتي
واليل كلة كلسا يخابرني
سيف شلون يعني ليوم متنام
ماطولج يمنة بلبيت ماكدر انام
يمعود خالتي ومريم نايمات وانتة كسا تدك
واذا غير مرتي
هسة شتريد
اريدج
لا بلله
حبابة طلعي اني واكف علدرج
يااا سيف عود صدك
اي لعد جذب يلله تعاي
ماكدر بس افتح لباب يكعدون
اي كليلهم رايحة للتواليت
يووو سيف هسة شيكومني
يلله لتصيرين اعجوزية
كمت لميت شعري بقراصتي ونزلت بعدني بس حطيت رجلي علة اول درجة
ما حس الة نشاليت من لكاع
يااا سيف نزلني وين ماخذني شبيك
شالني وداني علكرويتة الي بلصالة كعدني وكعد يم رجلية بلكاع
احبج
اني هم
طالعة جنج اجنبية
ههههه منيلي
تقرب علية يريد يبوسني
اول ماخلة شفتة علة شفتي تذكرت وليد وسوايتة مادري شصار بية متت من لخوف خفت لا يتمادة ويسوي وياي مثل وليد
اباوع علة شعرهة لحلو وحلكهة يخبل احمر بدون كلشي ماكدرت الزم روحي تدنيت اريد اضوك لعسل حسيتهة كامت ترجف كلت يجوز خجلت مني بديت ابوسهة حسيت برطوبة دموعهة علة وجهي عرفتهة خايفة مني جريت راسهة خليتة علة صدري
ليلو حبيبي تخافين مني
رأسن كامت تبجي بحضني
اششش حبيبي كافي اريدج تنسين كلشي صار وياج
خلص اذا ضجتي من لبوسة بعد مابوسج
بعدني احجي وياهة باستني حيييل
اني ماعاولت هههههه رأسن ندمجت وياهة بس موبوسة يبووو ذوبتني
وخرت عني وهية تبجي وتضحك بنفس الوقت شكد احب برائتهة وعفويتهة
حضنتهة حيييل كسرت ضلوعهة وبستهة من راسهة وكتلهة يلله حبيبي روحي نامي راح يطلع لفجر باستني من خدي وراحت
وخر عني وكلي خلاص اذا تخافين بعد مابوسج بس اني ماريد هاذ لشي يصير هاذة حبيبي وزوجي ماريد اخاف منة ردت اكسر لحاجز الي بينة تقربت علي وبستة ولحمد لله حسيت لخوف بدة يروح تدريجيا
كعدتنة لصبح ام سيف كالت خل نروح نشتري بدلات
لا خالة ماريد اشتري أئجر احسن ما يضلن بلكنتور وبعد ماالبسهن
حتة لو يضلن فدوة الج اني شكم سيوفي عدي وهنة ذني فلوس رجلج اني ماحاطة شي من جيبي
لعد وسكينة متجي ويانة
كتلة لعمار يكول تريد تروح هية وصديقاتهة
ها
رحنة للصالة مال لبدلات اخذت 3 بدلات وحدة لونهة بصلي طويلة كصة السمجة ووحدة لونهة ذهبي قصيرة ومنفوشة تور
ووحدة لونهة ازرك ومشغولة من كدام قصيرة ومن ورة سلفي بس كلهن حلوات يخبلن
وام سيف اخذت بدلة لمريم لونهة وردي قصيرة تخبل خالتي ماقبلت وكلتلهة اني ادفع بس هية مارضت كلتلهلة هية هم بنيتنة
كملنة ورجعنة للبيت بتكسي
وصلنة عمار فتحلنة لباب
و طبينة لكينة سكينة كاعدة بلصالة وبهدوم لبيت ومفرفحة وعيونهة حمر وشعرهة مكفوش
ياااا سكينة هاي شبيج
رأسن كامت تبجي
رحت عليهة شبيج سكينة منو هيج مسوي بيج
امي
ليش
لان درت بية اجيتلج
يااا وهية شمدريهة
سمعتني احجي وية بابا بلمطبخ وكتلتني وشككت بدلاتي ملات لحنة وطردت صديقاتي وطردتني اني وبابا بلشارع خو اني طلعتني بدون حجاب وبملابس لبيت
جبتلهة ماي شربت وهدئت ومريم تضحك بيهة شوية صارت احسن
وام سيف كلتلهة ميخالف لعصر اخذج ائجرلج بدلات وابقي هنا يمنة حتة ترحن سوة انتي وليلى للصالون وباتي يمهن فوك بغرفة سيف
سيف:هاي شنو مجتمعات لحبايب
ابن لحلال بذكرة
جبتلكم 3 سمجات شوي يخبلن بس روحو سوولنة تمن وصبو لان ميت جوع ليوم طلعت من وكت اريد اخذكم للزوراء
صدك سيف
اي والله حبيبي
كمنة اني ومريم سوينة تمن وزلاطة وطرشي ومدينة لسفرة شكبرهة ومريم بس تعيب وتحشش موتتنة خو لحجية ام سيف خطية ختنكت من لضحك
كملنة غدة وغسلنة المواعين اني وسكينة ومريم وصبينة جاي وكعدنة نسولف
صارت ب3 سيف كال حضرو غراضكم وراح طلع منقلة وجاب لحم حتة نروح بلزوراء نشوي
صعدنة بدلنة وسكينة كلتلي
تعاي احطلج مكياج
لا ولج ماريد استحي
دتعاي شنو تستحين غير انتي عروس
خلتلي باودر وكحلة ومسكرة وحمرة وردي يكولون طلعت حلوة هههه
لبست جبة لونهة نيلي كولش حلوة شتراهة الي سيف مخصرة علية ووياهة شال وري وحذاء نيلي وبي خط وردي
كملنة ونزلنة
ها كملتن
اي
يلله صعدو بلسيارة
طلعن لبنات ولحجية وخالتي واني ردت اطلع جرني سيف من ايدي
هاي شطالعة ولج
شنو
يبوووو تصير بعد احلة من تسوي روحهة غبية
باسني جوة عيني وطلع من جيبة علبة حلوة فتحهة بيهة سوار وساعة
هاية لحبيبي
جر ايدي لبسنياهة
شكرا
بس
شنو لعد
اريد بوسة
بستة من خدة
مومنا شنو اني اخوج
لعد
منا يأشرلي علة حلكة
ضليت صافنة استحي
يلله متانينة برة
دنكت
ها اروح
مشيت ردت اروح
جرتني من قميصي جان تبوسني بس مغمضة عيونهة وعاصرتهن عبالك مغصوبة حركتهة ضحكتني
ليش تضحك علية
عافتني ومشت
ولج موعليج اضحك والله
ركضت صعدت بلسيارة ليورة
دفعتني ام سيف
وين اجيتي هوة احنة 4 شيكفي الورة روحي يم رجلج يلله كش كش
اجت يمي ومغندبة لطريق كلة
فشلت لان عبالهة اضحك عليهة
علكتلهة اغنية كاضم الساهر
ها حبيبي مو على بعضك احسك
جريت ايدهة بستهة وسكينة تصفك وتصوفر هية ومريم
يغنلي
حبهة ولك حبهة لتخاف من خاالتهة
كامت تضحك
وندارت علة سكينة ومريم عاطت بيهن تكللهن انتن وياي لو ويا
مريم :احنة وية الحق حياتي
سيف:يحيا البوس ههه قصدي يحيا الحق
وصلنة للزوراء وطبينة اول مرة اروحلهة جنت اسمع سكينة ووليد من يجون منهة يسولفون عليهة ويغورون بية
مكان جبير حييل عبالك محافضة مومدينة العاب وهوسة وكلهة ناس
سيف لزم ايدي ومشسينة كدامهم وصلنة يم مكان فارغ كعدنة وفرشنة فراشنة وحطينة غراضنة مريم وسكينة ركضن علملاعيب واحنة نمشي وراهن علة كيفنة
مريم: يلله عيني قيس وليلى باعو لسرة شطولة فضوهة عاد تمشون علة بيض مكسر
وصلنة للعبة السلاسل سيف شالني و صعدني لان عالية وربطلي لحزام وراح هوة كعد
صعدنة كلنة وبدت تشتغل
لبنات يضحكن ويصرخن وفرحانات واني ميتة من لخوف وابجي وسيف يضحك علية
بلكوة وكفهة لولد ونزلت وكلت لتوبة بعد
تانيتهم نزلو واجن لبنات يحششن علية ويضحكن
اني بعد اصعد بلعبة لو اموت
ههههه شايفة شكلج انتي لحجاب لاف ليفوك ولجبة طارت صارت ام الكتافيات مال معلمات قبل
رجعنة يم خالتي وام سيف
وسيف اخذ امة يسحل بيهة صعدهة بلعبة السيارات ولمرة تصيح وتغلط علي متنة عليهة من لضحك
جابهة سيف يبوس بيهة من راسهة وهية تدفع بي وتكلة وخر مزاعلتك
صار لمغرب لهناك طلع سيف لمنقلة كعدنة اني ومريم نسويلة بلكباب وهوة يشوي وكضيناهة ضحك وسوالف واي واحد يفوت من يمنة مريم وسكينة يعيبن علي
تعشينة وكملنة طكينة صور وفترينة شوية ولمينة غراضنة ورجعنة للبيت
كعدنة بلصالة شوية تفرجنة تلفزيون هدور كلهة نعست وكلمن نسحب لغرفتة
صعدنة اني ولبنات لغرفتي فوك وخالتي بقت يم ام سيف تنام يمهة بغرفتهة مريم رأسن نامت اني ممدة ومغمضة بس مانابمة
سكينة مانامت اسمعهة لافة روحهة بلبطانية وتحجي وية عمار علة كيف لهناك كامت علة كيفهة بدون متطلع صوت تريد تطلع من لغرفة عرفتهة تريد تروح لعمار جريت ثوبهة خترعت
يمة خرعتيني كاعدة انتي
اي
وين رايحة
سكتت بعدين كلتلي للتواليت
اكفيلي خل اجي وياج اني اريد اغسل وجهي عركانة
رحت وياهة وصلنة للتواليت كتلهة
يلله طبي واني راح انتضرج هنا
لا روحي خاف اتأخر
لا اتانيج ماعدي شي
ضلت واكفة
هل سكينة تردين ترحين لعمار مو
ضحكت
اعرفج متتحملين
يلله لعد خليني اروح
سكينة مابقة شي لعرسكم وتشبعين منة
هسة لو شافتج لحجية لوخالتي شيكولن ترة فشلة
ليلى شتحجين انتي اني حامل من عمار
يااااا 😱
عزة بعينج سكينة
ضلت تضحك وعافتني وراحت طبيت للغرفة منفاجئة ضليت اضرب اخماس بأسداس
نمت وسكينة ماادري بيهة اجت شوكت
كعدت لصبح علة صوت لتلفون منبهتة وية لأذان دكيت علة سيف اكعدة يصلي ويروح للدوام دكيت مرتين لثالثة نطاني رفض
كمت توضيت وصليت قريت قران شوية صارت بل6 نزلت لكيت سيف كاعد علطبلة بلمطبخ يشرب جاي وياكل جبن
صباح لخير
هلة بحبيبتي احلة صباح والله
كلمة صباح لخير اسمعهة منك غير لدنية حلوة تصير لدنية حلوة تصير اذا وجهك يصابحني تكعدني من لنوم اشوفك وانسا لهموم يصير شكد حلو ليوم اذا وجهك يصابحني
يغني بلغنية ويلبس سترتة ويتمركص كبالي خربني ضحك هدور نزل عمار شافة واجة كابلة ويغني خالي ابن اختك هلمعرض ويكمزون ثنينهم جنهم ديوجة واني اضحك عليهم نزلت لحجية بعدهة علدرج ركض عليهة سيف جرهة بنصهم وهية تركص بشيلتهة وتصفك اجة علية كومني اني ماعرف اركص ضليت اصفك وواكفة
عمار ركض علة سكينة جابهة سحل هية وكفشتهة تفرك بعيونهة بس شافتهم يركصون طبت بلنص تكمز يابة خربت ضحك عليهم
كملو زفتهم وسيف راح لدوامة وعمار راح يجيب ريوك وسكينة راحت تكمل نومتهة
نزلت خالتي كالت
اني رايحة للبيت اجيب نيشانج
لأن ماقبلت نجيبة ويانة من اجينة كالت ميصير فال موزين اخذت مريم وراحن
تريكنة اني وام سيف وسكينة وعمار
وكمنة بدلنة ورحنة للصالون حفينة وسوينة تنضيف بشرة يبووو شكلي نكلب كلب بلحفافة وسكينة هم تغيرت حييل لان حواجبهة جانن ثخان كلش ومطابكات
كملنة ب11 ونص لحجية مررتنة بلسوك اخذنة غدة دجاج شوي ويانة لان بعد ماضل وكت نطبخ رجعنة لكينة خالتي هستوهة جاية هية ومريم وجايبة غراضي كووومة وياهة
تغدينة وكملنة وصعدناهن اني ومريم وسكينة هم راحت تجيب غراضهة هية وعمار كوة مطببتهة امهة وهم معاركتهة ورايدة تضربهة وكايلتلهة بعد لتجين للبيت ابد وانسي عدج ام
اجت تبجي
كوة سكتناهة اني ومريم وكتلهة امشي خل نصفط ملابسج ردت الهيهة شوية
كمنة عزلنة ملابسهة ومكياجاتهة وغراضهة كوووومة لكنتور نترس وبعد اكو ملابس بلكاع واحذية وجنط
شلون هسة ذني وين اوديهن
خل نرجعهن نخليهن بجنطهن ونصعدهن فوك
ماشي خوش فكرة
صعدنة كوومة وبعد اكو نترس لكنتور من فوك بس ملابس لأن هية جايبة كول ملابسهة حتة ملات لشتة تكول خاف امي بعد ماتخليني اطب لبيتهم
اكلج ذني خل اذبهن لو انطيهن
ليش ولج حريمة جديدات
اكفي اني عدي فكرة لكنتور مالتي من فوك بي كراتين مادري شنو خال بيهن سيف خل افرغهن الج بلكنتور مالتي لان بي مجال كومة واجيبهن حطي ملابسج بيهن ونخليهن جوة لجرباية
رحت جبت كرسي وصدت نزلت اول كارتونة بيهة اوراق وفايلات صفطتهن وخليتهن بجرار نزلت لكارتونة لثانية ثكيلة حيييل فتحتهة دورت بيهة جان الكة 😱😱😱😱...يتبع
#حنين_حاتم
طبعا من شفت تصويتكم كلش فرحت وحبيت افاجئكم ونزلتهة الكم قبل الموعد ال11
لأن تستاهلون علة هلتفاعل لحلو
استمرو حتة اني هم استمر وانزلهة الكم من وكت
موتنسون لتصويت فديتكم😙
رواية انقذني ايها الغريب........ الفصل الرابع والعشرون 24 - بقلم Hunen23Hatum
#حنين_حاتم
#انقذني_ايها_الغريب.....#بارت23
(#غير_محلل_نشر_القصة_بدون_ذكر_اسمي)
فتحت الكارتونة لثانية بيهة زعابيل وأوراق
بديت انفش بيهن اجة بيدي علاكة بيضة بيهة صور
طلعتهن وضليت اكلب بيهن
😱
عزززة هاي تقى
لصورة لأولى سيف وتقى شايهلة من خصرهة ورافعهة ليفوك
لصورة لثانية بايسهة من خدهة وصورة مغمض عيونهة وصاير وراهة وبعد صور كوووومة كلهن لقطات حميمية عبالك زوج وزوجتة
نتهيت من شفتهن احس الدنية طلعت من عيني كمت سديت باب لغرفة وكعدت انفش بلكارتونة لكيت مبايل نوكية بس ابو لكامرا فتحتة مليان صور لسيف وتقى ولبسهة مامحتشم وهوة لوبايسهة لوحاضنهة وحركات اشكال مسوين احس كلبي مات من شفتهن اريد اتنفس ماكو بس دموع يجرن
ليش شلون شوكت ميت سؤال اجة ببالي وميت فكرة دماغي احسة راح ينفحر
ساعة ابجي وساعة اضحك على روحي ساعة ارجع اكلب بلصور واشكك بيهن موقف خلاني من صدك اكره سيف
ليش جذب علية
واني اكول تقى شبيهة تخبلت من درت بي خطبني وماخلت مصيبة ماسوتهة بية
يعني حتة اغتصاب وليد الية سببة سيف
لان ست تقى نقهرت علة حبيبهة ورادت تزحلكني حتة ترجعة ونفذت خطتهة
واني لغبرة ضالة مثل لمطي مصدكة اكو واحد يساعد واحد بدون سبب
ساعدني لان هوة لسبب بلي صارلي اي اني لازم انهي زواجي منة مستحيل ارتبط بواحد جذاب
بس اني حبيتة 😔
دكت لباب علية مريم
ها وينج متانيج
اني راح اطب اسبح روحي بعدين اجي
اااخ ياحضي ليش هيج من دون لعالم عمري ماكملت فرحتي
لو عفتة وين انطي وجهي
اروح لبيت خالتي احسنلي ابقة يمهة
بس رجل خالتي رجال غريب واني موبنية بعدين منو ياخذني لو عفت سيف
ضليت افتر بلغرفة مثل لمخبلة اريد اوصل لحل موكادرة احس دماغي توقف مدا يفكر
احسن شي اكل لخالتي اني داافكر بمشاعري موكادرة اشغل دماغي هية افهم مني لازم استشيرهة
نزلت جوة لكيتهة يم لحجية كتلهة خالة اريدج
صعدت وياي
اول ماطبت ركضت حطيت لصور ولرسايل بحضنهة ضلت تكلب بيهن ومصدومة
وين لكيتيهن
فوك لكنتور بغراض سيف
انتي سائلتة عن حياتة قبل
لا ابد
خلص ماالج حق تزعلين انتي لا سا ئلتة ومجذب عليج ولا عارف تقى اثناء علاقتكم لصور قديمات ونصهن صور جامعة يعني علاقة قديمة ونتهت اكيد
بس مهما يكون خالة جان لازم يحجيلي تدرين بتقى بعدهة تحبة وكل لسوتة بية حتة تخلي يعوفني اصلا اني من شفتهة شلون جرتة بيوم عيد ميلاد عمار شكيت عدهة مشاعر تجاهة موهدور طلع حبيبهة وعلاقة قديمة واكيد تطلكت علة مودة وتريد ترجعلة
بنيتي ميخالف عرسج لجمعة هاذ لحجي لايقدم ولا يأخر شتردين تسوين هسة
مادري خالة مادري بس تقى مستحيل تعوفني وتستسلم اكيد راح تنتقم مني هية بدون كلشي تكرهني وماتطيق تشوف وجهي موهدور اخذ حبيبهة وسيف مو مثل اي ولد يعني لكطة مستحيل تفرط بي
الله كريم خالة ربج يحلهة لا تفكرين بهاذ لشي من هسة
وسيف شلون يعني اسكت مااحاجي علة ذني لصور
لعد.شتريدين تسوين لحجي بعد لايقدم ولا ياخر سالفة قديمة ليش ترجعين تفتحيهة وتدورين سوالف عتيكة انتي عروس مومال تدخلين روحج بهيج سالفة انسي كلشي وحسبي روحج ماشفتيهن وفتحي ويا صفحة جديدة
ماشي خالة ماشي
طلعت خالتي بس اني مامقتنعة بحجيهة سيف جان لازم يحجيلي ويعوفني اني اختار لان تقى مو اي وحدة اني لو ادري عدهم علاقة مستحيل اقبل بسيف حتة لو هوة لوحيد الي ممكن يستر علية واصلا الي صارلي بسببة
لازم يعرف اني دريت اريد اشوف شنو ردت فعلة اريدة يبررلي كلبي احس نار موجرة بي
كمت طلعت لصور كلهن هنة ولرسايل وصفطتهن علتاج مال لجرباية ونزلت جوة
تانيتة اجة
كلي صعدي جيبيلي تراكي من فوك
رديت علي من ورة خشمي وكتلة
والله رجلي تعورت بلدرج مااكدر اصعد انتة اصعد
اجة يمي
شبيهة رجلج حبيبي
نلوت واني انزل
شو منين راويني
اشرتلة علة منطقة لساق
دنك عليهة باسهة وكلي مابيج غير لعافية تردين نروح للطبيب
لا مابيهة شي شوية وجع بسيط
عافني وصعد
لحجية وخالتي ومريم يباوعن تلفزيون بلصالة وسكينة وعمار بغرفتهم
صعدت ورا كبل كعدت بلصالة
دقايق وطلع
شافني كبالة كاعدة
اجة كعد يمي
وين لكيتيهن ذني
فوك لكنتور
ذني قديمات والله ليلى
ادري بيهن قديمات مبين ترة من شكولكم
بس اني عفتهة ترة ونسيت كلشي والله
حتة لو عفتهة جان لازم تكلي وتعوفني اني اختار اني لايمكن اخذ شي تقى حاطتة ببالهة ورايدتة تعرف تقى شنو ممكن تسوي بية اتوقع منهة كلشي اختصاص شر واذية ولسحر عدهة مثل شربة لماي
اني لو ادري اكو شي بينكم قبل مستحيل اقبل ارتبط بيك
ليلى هاذة شي من لماضي مومن حقج تحاسبيني علي
اني ماداحاسبك لان حبيت تقى اني داحاسبك لان ماحجيتلي لان خليتني ادخل بمعركة وية تقى واني موكدهة ولاكد شرهة
بشرفك سيف تقى مو خلت وليد يغتصبني حتى تخليك تعوفني
عليك بروح ابوك جاوب
ضل ساكت ومدنك
شفت يعني اني خسرت الشي الوحيد الي املكة بسببك وبسبب لامبالاتك
اصلا انتة تزوجتني لأن تدري بتقى سوت هيج بية علمودك وتزوجتني لان تريد تقهرهة مووو احجي ليش سكتت
ليلى وين تردين توصلين
ماريد اوصل لشي سيف
والله والله وانتة مالك علية حلفان لوما لصارلي بسبب وليد جان هسة تركتك بس مجبورة اقبل بيك لان ماكدامي حل ثاني
شنو قصدج ليلى
ماقصدي شي سيف بس متعجبة على شغلة وحدة شلون تسمح لنفسك هيج تسوي بية شلووووون
شمرت علية ورقة ونزلت فتحت الورقة مكتوب بيهة تهديد دزتة الية تقى من درت بية خطبت ليلى مضمون لرسالة تهديد بانو اعوف ليلى او تذب عليهة مصيبة ولكلام يثبت انو الي صار لليلى هوة ناتج هاذ التهديد
اني ماهتميت لتهديدهة قبل و ماعبالي تسويهة كلت بس حجي
ولورقة حتة ماذكر وين ضميتهة
نزلت جوة احس حرارة تطلع من جسمي كلة اريد اصرخ اريد املخ روحي اريد اطلع من هدومي مادري شصار بية من شفت لصور ماتأذيت
بس من قريت لرسالو احس حيلي طاح
سيف جان عندة علم بتقى تريد تأذيني ومع ذلك ضل ساكت وماحرك ساكن
نزلت بلأستقبال ضليت ابجي فرفحت راسي احسة يريد ينفجر بكد مابجيت
مر لنهار كلة اني بس ابجي ومكتأبة كلما اتذكر سيف يدري بتقى تريد تأذيني وماسوة شي ولا حتة حذرني مادري شيصير بية احس كأنهة جنت بوهم وطلعت منة
عرسي بعدلة يومين خلاص لازم اتناسة الموضوع
بليل كعدنة علاكل كلنة سيف يحاول يحاجيني بس اني ابد ماتجاوبت ويا كلبي صاير شكبرة من ورا يتصرف طبيعي ولا كانه صاير شي واني اتخبل من يسوي هيج
كملنة لاكل وكمنة نغسل لمواعين اني ولبنات سكينة ماقبلت وكلتلي روحي كعدي
رحت بلصالة كعدت شوية وكامن لحجية وخالتي عافنة وحدنا وراحن
اجة سيف كعد بصفي
ليلى ليش هيج تسوين
شنو
ترة عرسنة بعدلة يومين يعني مومال تسوين هيج ليلى انسي خلص قابل شنو الي صار
شنو الي صار سيف
الي صار اني خسرت شرفي بسببك
اني تعرضت لأبشع شي ممكن تتعرضلة بنية اغتصاب تعرف شنو الي صار بية
تعرف نفسيتي شنو صار بيهة من اثر هاذ لشي تعرف اثارة لساهة بجسمي وبروحي
طبعا متعرف ولا راح تعرف ولا راح تحس بية عمرك
الي شفتة اني صعب من انو اوصفة بكلمات تعرف يعني شنو روحك تطلع من جسمك علمود انسان صكط راد يرضي شهواتة وعلمود انسانة منحطة وفاشلة حطت شي براسهة ولا زم تسوي
حتة كرهت لزواج ولوما لزواج هوة الحل الوحيد الي يخلصني من لعار ولموت ماجان تزوجت ابد
بس سؤال واحد عندي الك
شلون سكتت وانتة تدري بتقى تريد تأذيني شلون كلبك نطاك بس كلي
ولو هوة انتة اكيد مثلهة لو ما من ثولهة ماجان حبيتهة
بعدني احجي اجة علية صربني راشدي حيييل احس اذاني كامت تصوفر
تخبلت من ضربني يعني فوك سوايتة يضربني صرخت علي بس صرخة احس طلعت من كلبي وطلع وياهة ضلم مال سنين كاتمتة بداخلي ليش تمد ايدك علية انتة مثلهة
اصلا كلكم نفس لشي كرهت جنس لبشر من وراكم حسبي الله عليك
جرني راد يعتذر مني دفعتة وطبيت للأستقبال سديت اباب وكعدت ورا بلكاع
كعدت اضرخ وملخت شعري ياربي شسويت اني ليش كل لناس تضلمني محد رحم بحالي ياربي تعبت ماناوي تريحني بس كلي اذا مانازي تريحني اخذ عمري خل اخلص تعبت ياربي بعد مابية اصبر
اجن خالتي وسكينة دكن لباب مسحت دموعي وطلعت حجن وياي مابية اجاوبهن كلش
عفتهن وصعدت فوك سديت لغرفة علية وكعدت
من صيحت علية وكامت تحجي وشبهتني بتقى فقدت اعصابي ضربتهة بس مادري شلون هيج سويت
بنفس الحضة تندمت حاولت اصالحهة ماقبلت دفعتني حييل ونزلت
نزلت وراهة اسمعهة تبجي بلأستقبال اني واكف ورة لباب فطرت كلبي ببجيهة وصراخهة
ركضت علة خالتهة كتلهة تعاي حاجيهة لاتسوي بروحهة شي
طلعت من لغرفة صعدت فوك
ضليت الوب اريد احجي وياهة واصالحهة مااكدر انام
هية سادة لباب لبنات نامن بغرفة عمار جوة تانيتهم نامو بليل ورحت طلعت نسخ مال مفاتيح لبيت كلة عد امي بكنتورهة طبيت اتخنس علة كيفي طلعتهن وصعدت فوك
اول شي دكيت لباب فتحتة اول ماشافتني طبكتة بوجهي
كعدت بصف لباب بلكاع اسمعهة تبجي فرفحت
حبيبي ليلو والله اسف انشاء الله تنكسر ادية اذا امدهة عليج بعد بس فتحي لباب خل احجي وياج
ماترد ضليت احجي وياهة واتوسل مافتحتة بعدين فتحتة بلمفتاح لعندي بس دفعتة كامت هية من ورة لباب ولعيون حمر وشعرهة منفوش
جريتهة اريد احضنهة دفعتني ودارت وجههة
اجيت يمهة ابوس باديهة تجرهن مني
كليلي شنو اسوي وتسامحيني والله الي تردي اسوي بس كولي
ماريد منك شي سيف عوفني بس نتزوج اروح وية خالتي وشهرين وتدزلي ورقة طلاكي اني ماريدك
ويهون عليج تعوفيني ولقران اموت روحي اذا تعوفيني شلي بعمري اذا ماعيشة وياج
وليش اتاني تعوفيني هسة اموت روحي
كام طلع من لغرفة ونزل جوة لحكتة وكفت علمحجر اشوفة طب للمطبخ
ركضت علي سويت لدرج خطوتين
طبيت ماهوة
بعدني اريد اندار نشاليت من لكاع
وخر ياجذاب شو ما موتت روحك
ليش ترديني اموت روحي
ادفع بي وهوة شايلني صعدني للغرفة فوك شيل نزلني سيف كافي
وصلنة للباب نزلني
يلله روح
وين اروح هاي غرفتي
لعد اني انزل جوة
دفعني وطببني للغرفة
سيف شتسوي
ماسوي شي والله
كعدت علجرباية كعد يمي
ها خير
شنو تطرديني من غرفتي
تعاي جرني نام علجرباية
سيف شتسوي
ولج شبيج خبصتينة كلهة درت بية يمج سدي حلكج ما سوي شي والله
بس اريد احضنج
تدنيت علي دارني ضهري صار علي حضني من ورة وخلة راسة بشعري يشتم بي
دقايق وحسيتة ثكلت انفاسة
تدنيت عنة ردت انام
مجلب بية غمضت عيني ونمت
كعدت لفجر علة صوت لمنبه
سيف اكعد حبيي
حاضني اريد اجر روحي منة مااكر ادي قويات ولازمني حييل عبالك راح اشرد
بلكوة كعدتةو نزلت صليت جوة وكعدت سويتلة ريوك دقايق ونزل مبدل تريكنة سوة وطلع سديت لباب ورا وطبيت
مر ليوم عادي بين نشتغل وننضف ونرتب بغراض لنيشان اني وسكينة ومريم ثاني يوم لحنة كعدنة لصبح من وكت نضفنة لبيت كلنة تعاونة لان جبير حييل لل10 كملنة ام لصالون كالت ب12 نجيهة ولحنة بل4 تبدي بلبيت نسويهة ولولد بلحديقة يسوولهم حنة
ام سيف سوت لغدة بساع كالت علمودنة نتغدى من وكت قبل منروح للصالون تغدينة وكملنة صعدنة اني وسكينة نبدل حتة نروح
بدلت اني ونزلت متانين سكينة تكمل
ندكت باب لشارع
طلعت ام سيف فتحتهة طبت ووياهة 😱....يتبع
#حنين_حاتم
اعتذر كولش عن لتأخير والله ابني مريض حييل كوة نومتة وكتبت لبارت
موتنسون لتصويت فدوة لكلبكم تصويتكم ودعمكم كلش يشجعني اقدم افضل ماعندي ويحسسني انو انتو حابين لقصة ومندمجين وياهة
رواية انقذني ايها الغريب........ الفصل الخامس والعشرون 25 - بقلم Hunen23Hatum
#حنين_حاتم
#انقذني_ايها_الغريب.....#بارت24
(#غير_محلل_نشر_القصة_بدون_ذكر_اسمي)
دخلت ام سيف ووياهة
تقى الحية هية وأمهة
تخبلت من شفتهة رأسن تذكرت سوايتهة لأخيرة بية وشلون اتهمتني وطلعت علية حجي
كمت من لدرج رحت قريب يمهة
كتلهة انتي شجابج هنا شكو جاية والله عينج وكحة وصلفة انتي
بعدني احجي دنكت علة رجلية ثنينهن باستهن سامحيني ليلى والله تندمت علسويتة بيج الله يخليج سامحيني والله لحضة شيطان
بس وراهة تندمت حييل ورجعت لعقلي
اني واكفة وهية جوة رجلية تبجي وتتوسل
دنكت عليهة ام سيف كومتهة باوعت علية منتضرة مني اجابة
لاتطلبين لسماح مني طلبي من ربج اذا الله سامحج وغفرلج ذيج لساعة اني اسامحج
الله يغفرلي اذا انتي سامحتيني ورضيتي عني
باوعت عليهة صدك ضحكت عن شنو بلضبط اسامحهة عن دكايكهة بية لو عن شرفي الي خسرتة بسببهة لو عن لكتل الي اكلتة علة اديهة واني طفلة جنت اتوسل وابجي اكللهة عوفيني بس ولا مرة نقهرت علة حالي وعافتني وبيوم يجي خطار تلم لجهال كلهم وتاخذني للحديقة تربطني هية ووليد علشجرة ويضلون لجهال يضربون بية ويذبون علية ماي وبيض مامستوي ويضربوني بحجار ويشمرون تراب علية
ابقة هيج لحد ما لجهال يتعبون ويعوفوني
ومن كبرت ماخلت سالفة طايح حضهة ماسوتهة بية طلعت حجي اشكال علية ومن غير مصايبهة هية ووليد كلبي محمل عليهة حقد وكره كووومة هسة لو تصبني ذهب مااكدر اسامحهة
باوعت عليهة حتة دموعهة مااكدر اصدك بيهن دموع التماسيح بعد مايعبرن علية
كتلهة
الله يسامحج تقى اما اني حاليا مااكدر اسامحج يجوز بلمستقبل بمرور لوقت انسا سواياتج وياي واسامحج بس هسة مستحيل
عفتهة ورحت للمطبخ راحت علة خالتي باستهة من راسهة وايدهة وبوست مريم
دقايق ونزلت سكينة شافتهة ماحاجتهة اجت كبل كعدت يمي
هاي لحقيرة شجابهة هنا
لأنسة جاية تطلب لسماح
جاي نحجي اجت للمطبخ سكتنة
اجت علة سكينة تريد تحضنهة سكينة دارت وجهة عنهة
سكينة اني ماسويتلج شي ليش هيج تسوين بية اني اختج وصديقتج وطول عمرنة اسرارنة سوة
سكينة بس يمعت كلمة اسرارنة ندارت عليهة وبوستهة بس مبينة كارهتهة تسلم عليهة من ورة خشمهة
يبووو يا اسرار سكينة هههههه
رحت للصالة كلت لأم سيف يلله خالة نروح للصالون ماضل وكت
اي حبيبة ماعدي شي بس اجيب شحاطتي
جابت شحاطتهة واجت
يلله خل نتوكل
كلت لام تقى لبيت بيتكم احنة نترخص
نريد نطلع جان تقى كلت لأم سيف
خالة ليش ترحون للصالون اني امكيجهم للبنات والله مكياجي يجنن وهنة ثنينهن شعرهن حلو اسويلهن بفة بسيطة وتاج يطلعن يجننن
ام سيف راسن باوعت علية اني سكتت
تقى طلعت تلفونهة وضلت تراوي لام سيف مكياج هية خالتة
يا خالة يخبل عبالك مال ام صالون صدك هاذ مكياجج
اي والله خالة
تعاي شوفي ليلى يخبل
نطتني لتلفون كلبت بي مكياج حلو ماصدكت هية خالتة كلبي ميرتاحلهة ابد اتخيلهة تريد تحطلي مكياج حتة تخرب شكلي
باوعت علة ام سيف كتلهة لا خالة اني مااكدر اجازف قابل يومية متزوجة اريد اروح للصالون
ماشي بنيتي براحتج
تقى:زين اوكفي خل احطلج مكياج اذا عجبج عجبج واذا ماعجبج روحي صالون
ام سيف:صدك خالة جربي شخسرانة اني موعلمود الفلوس والله بنيتي فدوة لتراب رجليج بس علمودكم انتو تنصلبون بلصالون لل4 ولطريق بعيد وحارة لمكياج يموع كلة وانتي تستحرمين لازم تغطين وجهج تتبهذلين والله خالاتي شوفي مكياجهة اذا ماعجبج نروح صالون هنة فلوس رجلج وبكيفج اني مالي شغل
اني ضليت ساكتة وسكينة تندس بية تكلي اذا انتي متردين تقى اني هم ماريدهة
ام سيف :يلله سكينة صعدي نزلي مكياج ومراية وغراضجن وتعالن هنا بلصالة ضاوية
سكينة تباوع علية
يلله خالة شبيج صفنتي امشي ماضللكم وكت
صعدت سكينة نزلت مكياجات وشسوار وماشات ومراية وكوومة شغلات
اول شي بدت بية سرحت شعري ورفعتة شوية وبرمتة وخلتلي تاج طلع كووولش حلو عجبني حييل بدت تمكيجني من تحط عينهة بعيني مادري شيصير بية نار وتغلي بداخلي اني ليش سكتت ليش ماضربتهة وريحت كلبي وطلعت ضيمي بيهة
بعد كل الصار بية بسببهة وهية عادي عايشة وكلشي مابيهة
لا اني شدا اخربط
الله هوة المنتقم الجبار اني سلمت امري الة وحطيتهم بأيدة كل الي اذوني وعدالة رب العالمين اكيد مراح تعوفهم اكيد الله راح ياخذ حقي منهة وتطلع حوبتي بيهة حاشا لله يترك ضالم متسلط
مغمضة واحجي وية روحي واتذكر كلشي سوتة بية وهية تخليلي مكياج
اقل لنص ساعة كملتلي كمت علمراية باوعت لروحي نصدمت
يااا معقولة هاي اني ام سيف تقرة علية المعوذات وتصلي علنبي هية وخالتي ومريم تركض ورة تقى تكللهة تعاي صبغيني مثلهة حبابة بلكي تطلع جهرزتي
اباوع علمراية مكياجهة مابي ولا غلطة يجنن وحتة لتسريحة عبالك مال ذني لأميرات لفرنسيات لقديمات
رافعة شعري رفعة بسيطة وخالتلي لتاج بعيد عن وجهي ومن ورة شعري نازل كلة برم يجنن
واكفة بلمطبخ اباوع علة روحي بلمراية مال لمغسلة طب سيف
شافني ضل فاك حلكة
اووووف الله هاي شنو وتردوني اصبر لباجر
عمي ستري علة روحج وختلي لا تراويني وجهج ابد
ههههه شدعوة عيني شنو لسالفة سيف ترة هاذ كلة مكياج
ندارينة اني وسيف
تقى لحقيرة سيف رتبك رأسن من شافهة دار وجهة علية
اجت قريب علينة
شلونك عريس
لحمد لله
عافنة سيف وصعد بعدة دايمشي علدرج صاح ليلى تعاي اريدج
صعدت ورا طبيت للغرفة لكيتة كاعد بلكاع
هاي شجابهة هنا
اجت هية وامهة لصبح
شتريد
تطلب لسماح
يا وسامحتيهة انتي
اكيد لا بس امك كالت عيب بعد طبو لبيتنة خوما نطردهم فشلة مهما يكون ذولة ضيوفنة
يا هاي امي صدك تحجي عود
شمدريني سيف اني نازلة اريد ابدل لساعة راح تصير ب3
تعاي وين وين
جرني كعدني بحضنة
شكو سيف شبيك
خل اضوك
شتضوك
هاذ لعسل
تخرب لحمرة
اي شنو ماكو حمرة قابل
ايي وخر سيف وخرررر
باسني حيييل كوة جريت روحي منة وشردت
بسيطة هوة يوم واحد بقة اريد اشوف وين تشردين
نزلت جوة اريد ابدل اباوع تقى تفتر بلبيت عبالك بيت لخلفوهة مادري شنو من بشر بحياتي ماشفت وحدة بصلافتهة
اخذت لبدلات من لحجية وطبيت لغرفة سكينة
ابدل
لبست لبدلة لبصلية وحذاء لونة بصلي بس طوخ مومثل لبدلة خليت عطر وطلعت كعدت بلأستقبال يم سكينة
طبعا لحنة اول ساعة بس احنة لبنات وبعدين تصير مختلط ف ام سيق جابتلي برنص ابيض حلو البسة من يطبون الولد
بدو لناس يجون كرايبهم وجوارين وزميلات سيف بلدوام هنة وبناتهن اجن
سيف اجر عازفة اورك بل4 ونص اجت وبدت تغني حيت لحفلة سوتهة تجنن
وتقى ذبت لحم تركص وماملحكة ليكول عرس امهة
وخالتي موتتني كاعدة يم راسي وتقرالي لمعوذات وعينهة علنسوان بس عوزهة تكللهم لاتباوعون هههه
صارت بل5 ونص طبو لولد اول شي بس عمار وسيف اخذنة صور وبعدين طبو بقية الواد هرجو لأستقبال هرج يركصون ويغنون وشالو سيف وعمار ويشمرون بيهم ليفوك ويلكفوهم ودور علكو اغاني كردية وكامو كلهم يركصون جوبي نسوان وزلم واني مثل لأطرش بلزفة لا اعرف اركص كردي ولا اعرف اركص عربي وسيف تحمبط وياي كاعد يمي مايكدر يركص وحدة علمودي ماعافني
وتقى تخبلت ملخت روحهة بلركص اخر شي جابت سجاجين وكامت تركص مثل ملاين بس سيف ابد ماباوعلهة داير وجهة علية ويتغزل بية ويسولف وياي طول لحفلة بعدين اجة لمطرب وطلعو الولد بلحديقة همة مسوين كوشة حلوة اضوية وزينة كعدو عمار وسيف بيهة
كاعدين احنة ولبنات يتلصلصن علولد حفلتهم حلوة تخبل وكلهم يركصون ويغنون
طب علينة سيف جرني من ايدي طلعني برة
سيف يا وين ماخذني
تعاي يمي هنا حفلتنة احلة
سيف استحي اني من لولد رجعني حباب
لا عمار هسة راح يجيب سكينة هسة لنسوان كلهم يحلكوكم عليمن عازليهن اشو هنة لامحجبات ولا محتشمات
عمار جاب سكينة وضلو يركصون بنص الولد هوة وياهة ورة شوية اجن خالتي ومريم وام سيف ولحكنهن لنسوان وصارت لحفلة تجنن والولد كلهم عيونهم علة تقى وهية ماشاء الله ابد ماقصرت ملاين متلحكهة
جابو كيكة 4 طوابق بيهة صورنة اربعتنة كلش حلوة كصصناهة وطكينة صور وام سيف لبستنة اني وسكينة كل وحدة كلادة تخبل
وخالتي خطية هم لبستني محبس وتراجي حلوات
بعدين علكولنة مسيقا سلو كلش حلوة وطفو لأضوية وعلكو اضوية لون احمر
علكولنة اغنية شيرين
انا
انا كلي ملكك انا كل حاجة حبيبي فيا بتناديك
انا انا مش بحبك
الحب كلمة قليلة بلنسبة ليك
انتة فرحة جات لعندي بعد عمر من لتعب
ضحكتك عقلك جنونك
الحنان الي بعيونك
اوصف ايييه
ولا ايه
الغنية وكعت علجرح كلماتهة لامست روحي احسهة توصف حالي
اخذتني لعالم ثاني تذكرت كلشي صار وياي من نولدت لليوم
يوووو هاذ اليوم عشت سنين احلم بي واتخيلة
لحمد لله ياربي ماقصرت
طفت لمسيقا ورجعنة لمكاناتنة ولحفلة مستمرة ولولد لعبو لعب
سيف دك تلفونة راح لهناك ورة لزوع علمود لصوت مال لمسيقا حجة بلمبايل وكمل اتصالة اجة كلي اني صاعد فوك اجيب شغلة من لغرفة واجي ماتاخر دقايق
اوك حبيبي براحتك
راح سيف واجت يمي مريم كعدت
شوية وتدنت يمي
ليلى تشوفين ذاك الولد ابو لقاط لنيلي
اي شبي
صارلة ساعة بس يبلوعلي ويبتسم
اممم عدج معجب ام حلك
يمة راح اموت ولج باع شكلة يموت
وشباب لجامعة عيني ماتارسين عيونج
تفو علة شباب جامعتنة اذا يلحكو
لج دباعي لطول باعي لشعر يبووووو يموت يروحولة فدوة ولد جامعتنة كل واحد صماخة شكبرة وكرشة بحضنة ويدورون وين لحلوة احنة كخة ميكلبونة
جاي نسولف ولود اجة بأتجاهنة
ومريم تخبلت دايرة وجهة علية وتكلي راح اوكع لزميني صخنت
سكتي ولج اجة اجة
وصل يمنة سلم علية
سلام عروسة شلونج الف مبروك
الله يبارك بيك خيي مشكور
اني صديق سيف
اهلا وسهلا اتشرف بيك خيي
والله يازين ماختار سيوفي جمال واخلاق
ضل يسولف ويانة ويحجيلي علة سيف وسوالفة بلدوام واني اجاملة
بعدين ندار علة مريم جان يكلي ماعرفتيني بل انسة
اها هاي مريم بت خالتي وصديقتي المقربة
سلم عليهة وضل يسولف وياهة
اسلوبة حلو ومثقف
ضل يححي ويانة بعدين خالتي نتبهت اجتنة تركض هوة بس شافهة سلم عليهة وترخص
مريم:يمة متكليلي شجابج
هاذ منين ولجن
يمة هاذ رجل وبلكوة صدنا من بين الاف بس شافج خترع وشرد
سدي حلكج ام لسان
جاي نحجي شو هاذ الولد جاب امة واجة
عرفنة عليهة وسلمت علينة ضلن يسولفن هية وخالتي واندمجن
والود ماشال عينة عن مريم
همة يحجون وتذكرت سيف تأخر
دكيت علي 4 مرات مارد علية
صحت علة طفل زغير كتلة طب جوة صيحلي سيف
راح بعد مارجع
شغلو اغاني عراقية والردح صار بفلس كلهة تركص بس اني كاعدة وسيف ماكو ولا بين
ضليت ادور بي بين الموجودين واحوص مالكيتة بس لكيت امة من بعد معانات لان لحديقة كلش جبيرة وعالم كووومة نسوان وزلم وكلهة تركص حتى الشياب
خالة خالة
ماتسمعني رحت صرت قريبة عليهة لزمتهة
خالة سيف شو ماكو
شننو
سيف سيف
شبي
شو ماهوة
مادري شوفي شو وين راح
بلكوة اسمعهة وتسمعني ضليت افتر بين الموجودين وادور علي مالكيتة تعبت من لفرة وهوة ماكو رجعت للكوشة كعدت لان بلكوة امشي بلكعب اول مرة البسة وخفت لا اوكع واصير مضحكة
دك تلفوني مسج
فتحتة رقم غريب مكتوب
تعاي للغرفة مالتج
كمت طبيت للبيت نزعت الحذاء وصعدت فوك لبيت فارغ كلهة برة وصلت للغرفة فتحت لباب جان الكة 😱😱
#حنين_حاتم
اريد تصويت حلو مثلكم تصويتكم موزين كلش
ليش اكو هواي ديقرون ويغلسون ترة اصير عصبية مثل تمارة ام الفديوات وبعد مانزل خوش 😠
رواية انقذني ايها الغريب........ الفصل السادس والعشرون 26 - بقلم Hunen23Hatum
#حنين_حاتم
#انقذني_ايها_الغريب.....#بارت25
(#غير_محلل_نشر_القصة_بدون_ذكر_اسمي)
فتحت الباب وياريتني مافتحتهة ياريت الله اخذ عمري من زمااان
وياريتني باقية يم فاطمة وضيمهة ولا جايبة لنفسي كل هاذ
اباوع تقى نايمة علجرباية وسيف نايم بحضنهة وخال راسة علة صدرهة وثنينهم نازعين ملابسهم كووولهة حتة الداخلية
حتة مامتغطين لابجرجف ولا بطاانية
تقى كاعدة عرفتهة لان ترمش
اريد اسند طولي ماكدرت درت وجهي ونزلت بس احس نفسي فقدت توازني اروح يمنة ويسرة شلون لسكران كوة كملت لدرج ووصلت للكوشة دموع ماكو بس بداخلي وجع بس الله العالم بي
احس نبضات كلبي يوجعني واذاناتي بيهن صوت
طوووووط كلشي مااسمع
لا مسيقا لا صوت لناس بس اباوع بعيوني
هوة هاذ لحبيتة هوة هاذ لكلت راح يكونلي سند وامان بهلدنية
هوة هاذ الي كلت عنة فرصتي الوحيدة للنجاة
ااااخ يانار كلبي
روحي لايبة لا دموعي ينزلن حتة ارتاح ولابية احجي واكول
شكللهم بليلة عرسي خاني
نايم بحضن حبيبتة لقديمة ومرتة كاعدة جوة ماتدري لدنية طشت لو رشت
ياشماتت لبنى وميس بية
ياشماتت اخوات فاطمة بية
يافرحة فاطمة لو وصللهة لخبر
بلعت لغصة وسكتت بس لعبرة خانكتني اريد احجي اريد اكللهم هاذ لوثقت بي وامنتة علة روحي نايم فوك يم تقى
الله اكبر علة راسك سيف جان تانيت الناس تروح جان اخذتهة بغير مكان
اباوع علناس تركص ومتونسة اريد اكللهم عليمن تركصون علة ياعزة علة ياصخام لعريس نايم بحضن حبيبتة فوك
بعد منو مااذاني وترك بداخلي جرح ماينسي
اوووف يربي ضيم فاطمة سنين تحملتة واكول لجاي احسن والعوض بلله
اتاري لجاي اسوء واسوء بمرات
كلما اكول خلص هانت وراح ارتاح تطلعلي سالفة جديدة هوة اني لفرحة محرمة علية من يوم يومي
اباوع علة عمار ماعاف سكينة دقيقة وبس يبوس بيهة
هوة هاذ الي جنت اكول عنة موراحة هوة هاذ الي اكول عنة مومثل سيف اوووف يلمضاهر شكد خداعة
اااخ سيف يروح فدوة لنعالة شلون يباوع علة سكينة وكلسا يشيلهة ويفتر بيهة
اباوع عليهم فرحانين واني امثل الضحكة وسيف لشفية ولا بين
خالتي اجتني تكلي ضحكي ليش مغندبة
اي خالة صار
سيف وينة لعد
هسة يجي
تدرين هاذ الولد خطب مريم مني
يا صدك علخير
اي بس مانطيتهم رد اكل لأبوهة بلأول
الله كريم
خالتي تحجي وياي واني اصلا مويمهة بالي مليون فكرة بي ميت سؤال واريدلهن اجابة بهاي الحضة لان راح انفجر
اذا بعدة يحبهة ليش ختارني
طبعا يختارني لان ليلى ماعدهة ضهر ولاسند يخونهة يجرحهة يضربهة منو يطلع وراهة ومنو يكلة ليش
ليلى شريفة وفتحت عينهة علي ليلى ماعرفت ولد قبلة تربيلة جهالة وهوة يروح لتقى وغيرهة اني استاهل اني مطية شلون سامحتة جان لازم اعوفة من شفت الصور
هسة يجي يكلي اسف وينتهي كلشي يعني بنضرة ليلى لفطيرة شتريد تسوي تسامحة وتستمر ويا لأن باجر عرسهة ولان هية موبنية وبحاجتة ولأن عيب من لناس متكدر تسوي شي
لا بعد مااستحي ولا اشيل هم واحد طووز بلكل عشت عمري كلة مااذيت بشر بس كلهة اذتني بعد مابية اصبر ولا بية اتحمل وجع
كلبي شيب كافي الشفتة عد فاطمة وماعندي استعداد ابدي بقصة عذاب جديدة هوة عمر واحد ومستحيل اكملة وية سيف لخاين وبعد مااسامح وكلبي لطيب اريد ادفنة واعيش بدون كلب
دقايق وشفت تقى طلعت من ورة لعالم علسريع هية وامهة
طبعا تروح هاذهو خلصت مهمتهة ورتاحت بعد شمتانية واني المطية الي خليتهة تبقة واكول يجوز الله هداهة
اذا لشيطان ينهدي تقى ماتنهدي
يوووو حريمة ماصورتهم هسة ينكر لنذل
لا لا اني اصلا ماريدة يبررلي ولا ريد اشوف وجهة بعد
خلصت لحفلة وسيف الشفية ولا بين وامة وخالتي كلسا يسألني اكللهن مادري بي
تانيت لعالم راحو كلهم وبقو بس لكرايب طبيت جوة بغرفة الحجية كاعدة والوب عقلي راد ينفجر يمكن بيني وبين الخبال شعرة
ساعة اكول اواجهة
ساعة اكول لا اكيد راح ينكر وحتة دليل ماعندي منو راح يصدكني
ساعة اكول اخذ خالتي ومريم واروح واخلي يطلكني بس شكل للناس ليش طلبت لطلاك اكيد كلهة تطلع لصوج بية وين اكو وحدة تطلك وهية بعدهة مامتزوجة
راسي راد ينفجر
طلعت من لغرفة ماكو احد بس اخت ام سيف وجنتهة صحت علة سكينة اخذت منهة ثوب لبستة ولميت شعري وغسلت وجهي ورحت يمهن بلأستقبال
ندكت باب لشارع طلعت ام سيف طبت ووياهة
😱😱😱😱😱😱😱
كلهن طلعن بلصالة بقن بس خالتي وام سيف يمي
وكفت لدنية بية
رجعت البيتنة
للخوف الي جنة نعيشة اني وامي لمن يطلع علينة الفجر ومايمنة رجال
لحديقتنة الي يكعد بيهة للصبح يغني ويفضحنة كدام لجوارين ولو حاجتة امي يلزمهة ميخلي بيهة شي سالم وبعدين يطلعهة بلشارع بدون حجاب ولا نعال
بعدين يرجع علية يشيلني ويشمرني عليهة لو تلكفني لو ماتلحك واوكع بلكاع مثل لحيوان وهوة يطب يكمل لسهرة لصباحية مالتة
ابوي لسكير
الي عشت عمري كلة اتعير بي
ابوي الي عافني تنهش بية فاطمة وجلابهة
ابوي الي مامرة كلف روحة وفكر يسال علة بتة يشوفهة عايشة ميتة
اكثر انسان اكرهة بحياتي كلهة
اكثر انسان من ادعي علي لدعاء يطلع من كل كلبي ومااتندم لحضة لان ادعي علي
هوة مو ابوي هوة بصمة عار عشت عمري كلة مطموغة بكصتي
شكلة متغير كلش لوما الوحمة الي بخدة ماجان عرفتة
باباتي ليلى شلونج بنيني
كمت اضحك بصوت عالي
ههههههههههاي
وينهة بتك
افتر بلأستقبال واكللهم وينهة بتة
هسة تذكرت عندك بنية
والله يا بابا الدنية شغلتني
لاتكوول بابا
صرخت علي حيييل كلهم ضلو صافنين
الدنية شغلتك عن لحمك
عن دمك
لاتكول الدنية كول الك......ب
كول الشرب الملاهي
ليش جاي فهمني شنو الي تريدة
ضل ساكت
جنت بأمس لحاجة الك وردت تشمرني كدام ملجئ وتخلص مني نسيت لو اذكررررك
ولك حتاجيتك بكد مااحتاج للمي
سهرت ليلي ابجي بلمطبخ من لضلمة وصوت الجريدية
مامرة وجعك كلبك علية مامرة تذكرتني وكلت هاي لمسكينة الي اسمهة بتي وين صفة بيهة لدهر
سامحيني بنيتتي والله لدنية اخذتني بغرورهة
اسامحك ههههه عن ياهية بيهن اسامحك كلي
عن يادمعة
عن ياحصرة جريتهة
عن ياوجع
عن ياضربة
هاك شوف شوف
شفت اثار لضرب ولجوي بلسجينة لو اطلعلك بعد
تدري لو اشوفك تحترك بنار كدام عيني مااطفيك
لو موتطلب لسماح مني هسة
لو تطلبة وانتة علة فراش لموت ماراح اسامحك انتة الوحيد الي مستحيل بيوم يرف كلبي عليك واسامحك
وحقي اخذة منك هناك يم رب رحيم مايضيع حق مضلوم ذيج الساعة كل لرب لعالمين اخذتني لدنية
روح لا محولل ولا موهوب ولا مبري الذمة وماسامحك اليوم الدين
وانتة جنت وراح تبقة ميت بلنسبة الي
يباوع علية متفاجأ
عفتة وطلعت رحت لغرفة سكينة احس نار تطلع من جسمي ابد ماتخيلت راح يجي يوم وانجمع بي
لحكتني ام سيف هية وخالتي
عفية بيج بنيتي زين سويتي تدرين كام يبجي وطلع
اي خلي يبجي انشاء يبجي دم مودموع كل الصارلي من ورا الله خصيمة ربي يوم لقيامة مااسامحة ولا انسة سواياتة بية وبامي
ولا انسة بيوم من لأيام راد يذبني بلشارع بدون مايرفلة جفن
حضنتني خالتي وخلت راسي علة رجليهة هدئت شوية ونفسي صار طبيعي
طلعت خالتي ضليت بلغرفة وحدي
شوية واجت مريم كلتلي ام سيف تكول خل تجي هنا يمنة
كعدت يمهم بلأستقبال بس بالي كلش مويمهم
ام سيف: لعد وينة سيف بنهاية لحلفلة وين اختفة
محد يدري بي واني سكتت ماكلت شي
صعدت فوك تشوفة ونزلت تكول
لكيتة نايم خطية
اخت ام سيف :لعد ماكعدتي خل نشوفة نباركلة بلحفلة ولا شفنا
كعدتة والله يكلي نعساان حييل وتعبان خطية تعب من لركض صارلة سبوع يركض لتحضيرات لعرس كلة براسة وعمار متكتر تدرون بي معتمد علة سيف بكلشي
اوووف اليدري يدري
طبعا تعبان تقى هدت حيلة اكيد
عمار راح جاب عشة جاهز واجة كلهة تعبانة محد بي يطبخ
صبتة سكينة وجابتة كلهة لتمت علسفرة واني كتلهم اريد انام تعبانة
ام سيف لحت رادت كلتلهة مااكدر
كلتلي لعد صعدي صيحي سيف خل يجي ياكل
خالة والله رجلية يوجعني من لكعب مابية اصعد
يلله خلي من يكعد نحطلكم سوة واكلو
كلتلهة ماشي ولعبرة خانكتني كوة صبرت علة روحي
ستأذنت من سكينة وطبيت لغرفتهة انام
تمددت علجرباية بس مانمت وهية المثل حالي تكدر تنام
لل10 طبت يمي سكينة
طفت لضوة تريد تنام تعبانة من لركص
كتلهة لعد اني راح اصعد اشوف سيف
طلعت علكيفي اتخنس محد ماكو كلمن بغرفتة ولخطار راحو ورة لعشة
وعمار نايم بلصالة ولبيت اضلم طلعت بلحديقة كعدت احاجي ربي
يربي الي راح اسوي صح لو لا اريدك ترشدني للطريق الصحيح
ضاكت بية ارضك الوسيعة وبعد مالي احد
ياربي هواي تحملت ضيم وبعد ماعندي لاصبر ولاطاقة ولابية حيل للقهر عبالي الكة راحتي يم سيف طلع اتعس منهم
طول عمري صابرة وحاطة عيني بعينك وكل لصار وياي ومافد يوم يأست من رحمتك لو وحدة بمكاني جان من زمان نهزمت ولتجأت للطريق الموزين
بس اني خايفتك ومافد يوم عصيتك
هيج جزاة الي يصبر ويطيعك ياربي لان يتيمة وماعندي ضهر هيج يسوون بية
كلهة تنهش بلحمي لغريب ولقريب
ضليت احجي وية رب لعالمين وابجي لحد ماصارت ب11 طبيت جوة سبحت وطلعت تفحصت لبيت و تأكدت لكل نايم صعدت لغرفة سيف فتحتهة بااردة وهوة متغطي بجرجف ونايم وومطفي لضويات
باوعت علي بكد ماجنت اشوفة ملاك بكد ماكمت اشوفة شيطان
فتحت لكنتور علة كيف طلعتلي ثوبين وملابس داخلية وحذاء وجبة صاية وشال وعندي مليون و300 زادن من لنيشان مالتي حطيتهن بلجنطة وطلعت لتراجيي ولمحبس لجابتهن الي خالتي هم خليتهن بلجنطة
نزعت الحلقة مال سيف خليتهة علة ميز المراية
فتحت لمجر طلعت قلم حمرة لزمتة كتبت علمراية
شكد نضلمت بحياتي وتأذيت بس محد ضلمني واذاني بكدك
وجرحك الوحيد الي يصعب علية اتناسا واكمل حياتي
رجعت لقلم وسديت الجرارة
ندارت اريد اطلع سيف كعد علة حيلة وفتح عيونة باوعتلة شكد كارهتة
عاينلي ماحجة ولا كلمة ندار علصفحة لثانية ونام شكد كرهتة بهاي الحضة وشكد كرهت روحي لأن حبيتة
مشيت نضربت بشي برجلي
دنكت😳 .....يتبع
#حنين_حاتم
البارت الثاني كامل والله
اشوف تفاعل حلو انزلة الكم ماكو تفاعل ماانزلة منا ل11 يلله
وبطريقكم اقرو قصتي لثانية (هسة حبنة ذكريات) كلش حلوة موجودة بصفحتي هاي يلله اتاني تصويتاتكم عليهة 😙
رواية انقذني ايها الغريب........ الفصل السابع والعشرون 27 - بقلم Hunen23Hatum
#حنين_حاتم
#انقذني_ايها_الغريب....#بارت26
(#غير_محلل_نشر_القصة_بدون_ذكر_اسمي)
ماحجة ولا كلمة ندار علصفحة لثانية ونام شكد كرهتة بهاي الحضة وشكد كرهت روحي لأن حبيتة
مشيت نضربت بشي برجلي دنكت لزمتة بطل كزاز ركزت بي بطل شرب
واني اكول شبي مسطور ونايم
اتاري يشرب لنذل شيفرق عن وليد اوووف ياربي صدمتي بي ماتنوصف
نزلت علة كيفي
كعدت بلحديقة جنطتي عفتهة بلمطبخ ساعة ب12 ضليت كاعدة وابجي بلحديقة لنوم مامر عيني لحضة ولانعست
تانيت لفجر طلع طبيت للمطبخ
فتحت لضوة علة كيفي توضيت وصليت وندعيت الله يوكف وياي
لبست جبتي ولشال صعدت علكرسي ونزلت لمفاتيح مال باب لشارع لحجية تعلكهن ببسمار فوك باب المطبخ
اخذتهن فتحت لباب ورجعتهن لمكانهن لبست جنطتي وطلعت وصلت للشارع اجرت تكسي
وين
للكراج
ليش رايحة لهناك وين رايحة ماادري اريد اطلع من بغداد وهاذهو
وصلت للكراج نطيتة فلوسة ونزلت
طبيت للمكان هووسة وعالم كوومة وسيارات لسواق يصيحون بصرة سماوة عمارة كربلاء
نجف مجف نجف
اي نجف
اريد اروح للنجق اريد اروح الأمير المؤمنين اريد اروح لابو لأيتام لابو لحسن الي مايرد احد
صعدت لسيارة وكعدت يم مرية لابسة عباية
ضلت تسأل بية انتي منين وين رايحة وليش لوحدج واني كوة احجي واجاوبهة
لهناك نامت وخلصت منهة
اباوع علطريق واتذكر لمن اجيت للنجف اول مرة وجنت متخيلتهة اخر مرة بحياتي وية امي الله يرحمهة وخالتي جنت صف ثالث ابتدائي جنت طفلة وهستوني استكشف الدنية جانت لطلعة عبارة عن لفة فلافل وحلاوة دهينة واضل اتوسل بامي تشتريلي لعابة وابجي واخبصهة لحد ماتحطهة بيدي يلله ارتاح واسكت
تمنيت ارجع لذاك ليوم تمنيت امي ترجع وكل هاذ ميصير
كل الي شفتة بحياتي كلهة بكوم والي شفتة لبارحة بكوم ثاني
سيف موبس اول حب بحياتي
سيف اول ايد تطبطب علية وتكلي شبيج اول انسان وكف وياي وساندني
اول شخص من اباوع بعينة ماشوف نضرة لأشمئزاز الي جنت اشوفهة بعيون فاطمة وكرايبهة
حبيتة حيييل تمسكت بي ونزعت ثوب لخوف علمودة وجازفت لان ماردت اخسرة تحديت حتى فاطمة الي بحياتي ماتجرئت احط عيني بعينهة واكللهة كلمة لا
بس علمودة سويتهة
نصدمت بي صدمة عمري
الي عشتى وشفة عد فاطمة ارحم بهواي من الوجع الي جاي احسة هسة
لطريق كلة بس ابجي كلبي نغزة موطبيعة بي
حبيتة اي ومن كل كلبي
طفلة محرومة ولكيت بحضنة ابو وام وحبيب وزوج جان الي كلشي وفجأة مات كلشي بعيني الي بداخلي شعور شبيه بشعور لأم لمن تفقد ضناهة
بس الفرق اني موفاقدة ضناي اني فاقدة دنيتي فاقدة روحي سندي ضهري كلشي ممكن تحتاجة البنية وفوك هاذ كلة شعور لصدمة شي صعب ينوصف كل انواع لوجع ضايكتهة وجربتهة
وجع لحرمان
وجع لخوف وعدم لشعور بلامان
وجع لضرب الي لسة اثارة بجسمي
وجع لذل ولتهم لباطلة وجع لفقد
بس الوجع البية يختلف عنهن كلهن اقوة من اي وجع حسيتة بحياتي
يصعب علية اوصفة بكلمات
مرت لدقايق طويلة كلش دقايق متوجهة بيهة لأبو لأيتام ازورة وبعدهة وين اروح ماادري
وصلنة للكراج نزلت لناس كلهة تباوعلي لأن لابسة جبة توجهت للأمام ومن اقرب محل عبي شتريت عباية ولبستهة
وصلت للمقام اول ماطبيت هلن دموعي بعدني باول تفتيش
وصلت للقبر كعدت بلكاع يم لقبر وضليت انحب ولازمة لشباك بدية ماهديتة ابد مثل لغركان ولكالة كشاية وتمسك بيهة
ها يابو لأيتام اني بحضرتك يامولاي محد رحم بحالي ياامير المؤمنين
اجيت استنجد بيك لأن كل الي ستنجدت بيهم خذلوني
#ربي موت كل يتيم😭
الدنية مابيهة علي 😔
وانتة معروف ماترد الي يدخل حضرتك
احلفك بسبي زينب ودموعهة احلفك بجفوف ابو فاضل وعطش اطفال الحسين
احلفك بصدر الحسين الي داستة الخيل
اريد ارتاح تعبت وحق رب الأكوان تعبت
انتة مو كافل لأيتام اكفلني بعطفك محتاجة دعائك مولاي دعيلي يم ربك اريد ارتاح
ماشفت شي من حياتي بس لضلم ولجوع ولذل ولحرمان وانتة ماترضة بلضلم ها
يا اسد الله ها يابو تراب
تردني واني بحضرتك ترد دموعي الي حتة عرش الله يهتزلهن
تتذكر شكد ستنجدت بيك بيوم اعتدة علية وليد مولاي وليد مارحم بحالي ابد ولا احد نقذني منة
شحجيلك يابو الحسن وانتة اعلم بحالي مني
من طفولتي ماعرفت غيركم سند ولساني مالهج غير اسمائكم كلهة عافتني امي وابوي لاتعوفني مولاي مالي غيركم احسبني وحدة من اطفال لحسين واني ماعاصية ربي والله وحدة يشهد علية
ضليت مجلبة بلشباك وابجي واشهك ولعبرة خانكتني بجيت بجي مال سنين الدمعة من تنزل تغرك وجهي دمعة ضلم وتطلب لأنصاف من امام عادل مايرضة بلضلم
عباتي وكعت وحجابي تخربط لنسوان كلسا وحدة تدوسني برجليهة بس ماهديت لشباك احجي وية لأمام بصوت عالي وحسيت بشعور كلش غريب رهبة تملكت جسمي كلة عركت وكمت ارجف جسمي تبنج اريد احرك لساني مااكدر وكعت بلكاع وغمضت عيني اسمع اصوات كومي ماما شبيج
جيبو ماي
كامت ترجف خاف بيهة صرع
يا امير المؤمنين ساعدهة
محد وياهة وين اهلهة
نسوان يحجن وهوسة وضجة كلشي ماافتهم بس ماكدر افتح عيوني ولا اكدر انطق
دقايق ونفصلت عن كلشي كأنه نمت او رحت لغير عالم
مكان ابيض كلة نور فارغ ومحد بي واني علة نفس حالي متمددة بلكاع ومااكدر اتحرك اجتني مرية لابسة ملابس سود بس كانه ملابس وحدة بدوية ماطالع بس عيونهة تقربت يمي مسحت علة راسي جان تكولي هاج فتحت اديهة بيهن ماي
تدنت علية ذبتة علة وجهي
بعدهة تمسح بوجهي جان اجة رجال ماشفت منة كلشي بس اسمع صوتة
كللها ام لبنين وصلتي امانة حيدر يلله كومي اني كمت ارجف من سمعت اسم ام البنين يعني ابو الحسن سمع ندائي يعني مولاي لتفتلي وراح يخلصني
راحت المرية وية لرجال واني من راحت يلله كدرت احرك جسمي فتحت عيني نسوان وزلم داير مدايري وخدام العتبة
كلهة تصيح الهم صلي على محمد وال محمد ونسوان يمسحن بملابسي يتبركن بية
اجاني رجال معمم كلي بنيتي شنو شفتي احجي
ليش عمو انتو شفتو شي
كوة انطق وحلكي يرجف وعيوني يصبن دموع وادية كوة احركهن عبالك جامدات
لا بنيتي ماشفنة شي بس انتي عركتي كللش وترجفين ووجهج كام ينور شكلج كلة نكلب عبالك ملاك صرتي موبشر شنو صار وياج شفتي شي
اي شفت ام البنين وغسلت وجهي
اني كلت هيج وكلهة كامت تمسح علة راسي وملابسي ويصلون علنبي
بعدين كوموني لخادمات مال لأمام نطني ماي واخذني بمكان فارغ بلصحن سألوني جاية لوجدج كلتلهم اي
انتي مريضة
لا مابية شي
لعد عندج مشكلة
ردت احجيلهم بس خفت اني بديرة غريبة ومحد وياي خاف يستطمعون بية لو عرفو عني شي عافني وراحن كمت جبت قران قريت بي وضليت اتشكر من ام لبنين ومن امير المؤمنين بس لرهبة بعدهة بية ودموعي مابطلن ابد
لهناك حسيت روحي نعست حييل خليت جنطتي جوة راسي ونمت
مادري شكد نمت بس كعدت لكيت لدنية ليل عاينت علساعة بل9
طلعت برة شتريتلي لفة اكلتهة ورجعت طبيت ضليت كاعدة بلحضرة ناس تروح وناس تجي لمكان كلش جبير بس كعدت قريب علقبر وضليت اصلي واندعي ابد ماتركت لدعاء
صارت ب12 نعست خليت جنطتي جوة راسي رأسن غفيت ماصحيت الة علة اذان لفجر طلعت برة توضيت ورجعت
مر شهر واني بلامام تلفوني ماجبتة وياي ولا ادري عنهم شي
هواي اشوف عالم بس ابد ماحتكيت باحد اخاف كلش من لناس اذا همة دمي ولحمي مارحمو بية لان مالي ضهر مو هدور لغربة
ضليت هيج يومية اطلع اكلي لكمة واسبح بلحمامات واتوضة واطب اكضي لنهار صلا ودعاء وابد مااحتك بأحد وكت لنومة بليل اشوفلي مكان زوية فارغ والف روحي واخلي فلوسي بصدري وجنطتي جوة راسي وانام مرات يخلونة للصبح نايمين مرات يكعدونة مايرضون
اذكر سيف مرات واكعد ابجي اشتاقلة هواي بس من اذكر الصار اكول كافي طيبة كلب واقشمر روحي واكول نسيتة والهي روحي بلصلا ولزيارة لو اطلع برة اكل
احاول شكد مااكدر مااصرف هواي صح هواي فلوس عندي بس بليوم مااصرف اكثر من 2000
دينار ومع ذلك بداخلي خوف موطبيعي اكول لو خلصن فلوسي وين اروح
مر علية 3 اشهر واني بعدني بلأمام مااعرف اي شي لاعن سيف ولا عن خالتي ولا مرة فكرت اتصل بأحد هنا راحتي يم ابو لأيتام
هنا محد يأذيني ولا احد يكدر يطردني
لخادمات مال لضريح تقريبا كلهن كامن يعرفني ويسألني شعدج هنا ليل ونهار نشوفج شنو ماعدج اهل
مرات اضعف واريد احجيلهن اريد اشكي هم جبال مكوم علة صدري بس اكول لا مهما يكون اني بنية وغريبة اكيد يطمعون بية
ضليت كل وحدة اكلهة شي
مرات اكللهن اني جاية حملة وماعدي فلوس انام بفندق ومرات اكللهن ناذرة بس محد منهن اذتني ابد ولو حتة بحجاية
واني لكيت روحي وراحتي يم لأمير كلما اختنك بلعبرة وتمرني لذكريات اروح يم لقبر الزمة وابقة بلساعات ابجي وانخة بي لحد مااخوة من لبجي يلله اهدة
مااذكر مر علية يوم اذا مالزمت لشباك وفرفحت ولنسوان كلهة تضل تبجي علة بجيي
ولخادمات يكتلهن لفضول يضلن يتسألن بية ويستفسرن مني بس اني كلعادة خوفي يمنعني احجيلهن
ثقتي تزعزت بكل لناس من ورة الي شفتة صرت صعب اثق بأحد وكمت اخاف اتعامل وية لبشر وابتعد عنهم والهي روحي بلزيارة
مرت سنة وشهرين علة تواجدي بلضريح لخادمات عرفني وبطلن حتة يسألني بعدني علة وضعي اكلي لكمة يومية واكضيهة صلا وزيارة هواي شفت ناس اعرفهم جوارين وكرايب فاطمة وناس شفتهم بلعرس بس دائما من اشوفهم الف روحي بلعباية وادور وجهي عنهن حتة لايشوفني
وبأخر فترة كمت اصلي لأمي قضا مافي الذمة والهي روحي واحاول شكد مااكدر اقتصد بلفلوس وبأيام الوفيات الم توزيع وثوابات شكد مااكدر فاكهة وعصاير وكيك وببسي اضمهن واضل اسابيع اكل بيهن حتة اوفر فلوس ثيابي بادن وبلشتة صارن مايدفني كمت شتريتلي ثوبين قديفة وملابس داخلية وبجايم
2015 شهر 5 يوم 7
فلوسي خلصن وبعت لتراجي ولمحبس وماباقيلي من فلوسهن غير 60 الف ولخوف تملك كلبي خايفة اذا خلصن شلون بية شاكل وششرب وين انطي وجهي لليوم ماعرفت اي خبر عنهم ولا وصلني شي من بغداد ولا حاولت اتصل بيهم
شردت من همومي من ضيمي من لضلم الي عشتة شردت حتة من نفسي وضعفي وقلة حيلتي وهنا مرتاحة حييل صح لوحدة تأذي بس ارحم من حياتي قبل
جان يوم خميس وكاعدة اصلي اجت يمي مرية تحجي كويتي جبيرة بلعمر ووياهة 3 جهال بنية و2 ولد كلتلي انتي باقية هنا
اي خالة باقية ههههه مقيمة منذ الأزل
عادي اعوف عيالي عندج ازور وارد اخذهم
اي خالتي عادي خليهم
يدة ضلو هني موتتحركون من مكانكم ارد الكاكم بمكانكم
وصت لجهال وراحت كلسا توصل لباب لقبر وترجع تكلي فدوة ديري بالج عليهم مااكدر ادخلهم ازدحام خاف يضيعون
زارت المرية بسرعة وطلعت وجهة مخطوف عبالهة بكتهم شفتهة من بعيد كلت للجهال ذيج امكم تدور روحو صيحوهة
واحد.من لولد كلي هاذي مو امنة هاذي يدتنة امنة متوفية
كطع كلبي من كلي امهم متوفية اوووف احسن من حالي عاد عدهم جدة حنينة ولامتهم
صاح الولد للمرية واجت كعدت يمي وتتشكر مني كملت صلاتهة واخذتهم وراحت
ثاني يوم بليل هم شفتهة اول ماشافتني اجت كعدت بصفي سلمت علية وهم خلت لجهال يمي زارت ورجعت اخذتهم واحد واحد تزورة من بعيد كعدت يمي صلت وضلت تسالني
انتي شسمج ومنين وليش هنا
جاوبتهة بس ماتعمقت
شفتهة شلون حنينة علة احفادهة وتخاف عليهم ضلت تحجيلي عن امهم شلون ميتة خطية محتركة بلطباخ ومفحمة وهاذ كلة صاير كدامهم وواحد من لولد لزغار صاير بي مرض نفسي من شايفهة
تكلي اني وابوهم نحاول قدر لامكان نعوضهم عن امهم شعور اليتم صعب
اوووف ياخالة انتي تححجيلي عن شعور اليتم
اذا همة امهم ميتة اني يتيمة ام وابو
ضلت تسأل بية واصرت تعرف قصتي
واني فعلا جنت محتاجة احجي هموم كلبي واشكي حجيتلهة كلشي ضلت فاكة حلكهة تخبلت وكلسا تكلي حلفي
اخر شي من حجيتلهة يوم حنتي فرفحت من لبجي جرتني حضنتني وكامت تبجي وتدعي عليهم كلهم
عافت احفادهة يمي وكلتلي هسة اجي
نص ساعة ورجعت وياهة .......يتبع
#حنين_حاتم
للقصة تتمة ولنهاية قربت اريد تشجيع وتصويت حلو مثلكم وتوقاعتكم كلش تهمني 😘
تفاعلكم لحلو خلاني انزل لقصة قبل ال11 اريدكم دائما هيج
بطريقكم اقرو قصتي بصفحتي القديمة ((رمتني عيون السمر دون جناية )) من اروع القصص الي ممكن تقروهة بحياتكم كلهة ومتابعيني يشهدون بهلشي ومايحتاج احجيلكم عن اسلوبي بلكتابة اعتقد صار معلوم يمكم
رواية انقذني ايها الغريب........ الفصل الثامن والعشرون 28 - بقلم Hunen23Hatum
#حنين_حاتم
#انقذني_ايها_الغريب.....#بارت27
(#غير_محلل_نشر_القصة_بدون_ذكر_اسمي)
تعال ماما نطيني ايدك لتضيع
فاطمة لتمشين علسريع امشي ويانة
لاحت كبالي قبب امير المؤمنين
اووووف شكد مشتاقة لهاذ لمكان
امشي كل سرعتي اريد بس اوصل تعبانة من لطريق حيييل
يا ليلى لومخليتنة رايحين للفندق نرتاح ونسبح وننام ولعصر نرد
لا خالة مااكدر اصبر للعصر بية شوك لهلمكان بس الله يدري بي
وصلت للضريح ولجهال بعد مادريت عنهم شي دموعي هلن وكلبي دكاتة تسارعت
اوووووف ياهلمكان شذكر منك وشنسة
طبيت وكلبي ودموعي يحجن قبل لساني ركضت علضريح
لحركة الي طوال سنة و3 اشهر ادمنتهة
شمرت روحي علضريح وكعدت ابجي اوووف مشتاقتلك مولاي مشتاقة لريحتك يابوتراب
تتذكر من جنت ابجي هنا يمك لحد مااخوة واكلك فرجهة علية
ماقصرت وياي بس من يومهة واني ابجي علة فراكك يابو لحسن صعب علية فراكك مولاي هنا جنت انام يم قبرك ودمعتي بعيني
شميت ريحة لجنة وردتلي روحي الي فاركتني وضلت هنا
كملت زيارتي وكمت اريد اشوف لجهال وينهم لان من دخلت للقبر فترقت عن ام حسين وبعد مادريت عنهم وين
طلعت من يم لقبر وطبيت للصحن الداخلي صار كبالي المكان الجنت انام بي ركضت بوجهي علي كعدت بي وفرفحت اشم بريحة لأمام واحس عبالك طابة للجنة اوووف ياهلريحة عشت ليالي ابجي علة عبق هلمكان وريحة المسك الي جنت اشتمهة بي
سمعت صوت عبد الله يصيح ماما
نداريت لكيت ام حسين وراي هية ولجهال وحسين
ها خالة زرتو
اي بنيتي زرنة خلينة نرد للفندق تعبانين كلش
اي خالة
شلت عبودي الي عمرة 4 سنوات بس عندة لين عضام وميكدر يمشي وحسين لزم فاطمة وام حسين لزمت فهد
مشينة طلعنة من لضريح اخذنة احذيتنة ودانلبس بيهن
لزمت عبد الله البسة بحذائة رفعت راسي جان اشوف
2015 شهر 7 يوم 7
راحت المرية وعافت احفادهة يمي الجهال ضاجو وكلسا واحد يبجي
نص ساعة ورجعت وياهة رجال يطلع عمرة بلأربعين لابس دشداشة وشماغ وعكال شكلة حلو ووقور رغم كبر سنة بس يبين ابن خير ولفلوس تلعب دور بشكل لأنسان
تقربو علية كعدت المرية بصفي وهوة كعد كبالنة
اول ماكعدت جيتو عليهة احفادهة عبالك الهم سنين مفاركيهة
تدنت علية جان تكلي
شايلة جواز هوية
اي خالة كل مستمسكاتي عندي ليش
انة حجيت قصتج لوليدي وهوة قرر يساعدج وكال ناخذهة ويانة تشتغل عاملة بلبيت وتداري لعيال وباجرج
خالة اني اشكرج بس مااكدر اروح وياكم ماجذب عليج اني مااكدر اثق باحد من بعد الي شفتة
وانة مستحيل اعوفج هني
كامت من يمي راحت يم ابنهة كعدت بصفة وضلت تحجي ويا ويتناقشون واني عيني عليهة واحاول افسر اشاراتهم وحركت حلوكهم
تقريب نص ساعة ورجعتلي تضحك
جان تكولي
انة ماتحرك من هني الة ورجلج علة رجلي
انتي حالج حال احفادي وصدكيني هناك تعيشين معانة بجنة ويوم ماتحبين تردين لحياتج وتردين عند خالتج انة بيدي راح اجيبج لهم
باجر اخر يوم النة بلعراق واحتمال بعد لا اشوفج ولا تشوفيني راح اخليج تغكرين وانة رايحة ازو لامام ومن اخلص زيارة ارد عندج واريد منج لجواب
صفنت بيني وبين روحي ماباقي عندي غير 50 الف دينار اذا خلصن وين انطي وجهي ماادري اجدي مادري شسوي
ولمرية شكلهة جدا مريح وكلامهة اطمانيتلة حييل ومن شفت حنيتهة علة احفادهة تمنيت الله رازقني بجدة مثلهة جان ماصارلي الي صار
كمت صليت صلاة استخارة ورحت يم الأمام وطلبت منة يساعدني لا خر مرة
رجعت للمكان الي جنت كاعدة بي عقلي مشوش كلش كدامي مصير مجهول ماادري اذا اروح وياخة شنو الي مككن الكة هناك
فكرت هوااي وقررت
خلاص اروح وياهة بس قبل كلشي لازم ائمن روحي
تانيتهة تجي وكلتلهة اروح وياج بس بشرط كلتلي شنوة
اخذتهة من ايدهة ورحت كلش يم لقبر
كلتلهة هاذة الكدامج ابوي وهوة سندي بهلدنية وضهري اني رايحة وياج لمكان ومصير مجهول احتمال تطلعون عصابة وتبوكون اعضائي احتمال تستغلوني وتسوون بية اكثر من الصارلي يم اهلي
بس اني امنت بيج وتوكلت علة الله وراح اروح وياج اذا بيوم اذيتيني انتي أو غيرج محد راح يوكفلي غير هاذ
ائشرلهة علة امير المؤمنين والدموع يجرن
هاذ خصيمج هوة ابو لأيتام واني موبس يتيمة اني ضايعة وتايهة ومالي بهلدنية احد
وكفت كبالي وكلتلي وحق هاذ السبع انتي بأمانتي والله ياخذ عمري اذا بيوم افكر ائذيج وحالج حال احفادي وانشاء الله احطج بعيوني واعوضج عن كلشي شغتي بحياتج
طلعت وياهة اخذوني للفندق دخلتني بغرفتهة هية وواحفادهة بس موغرفة عبالك قصر كلشي بيهة سبحت لاول مرة اسبح براحتي وشامبو وبانيو سبحت سبحت العمر طلعت رأسن مددت ونمت كعدت بليل اول مافتحت عيني اشرتلي بورقة بيدهة
هاذي الفيزة مالتج
شنو يعني
يعني كملنة كلشي وباجر انتي رايحة معانة للكويت
مادري شنو الي حسيتة وكتهة دموعي نزلن خايفة ومتوترة ومادري شراح الكة هناك وشلون راح اعيش وشلون اكمل عمري يمهم
طلبت منهة اروح اودع لامام واخذتني طبيت للضريح وكعدت بلكاع يمة فرفحت بجي
كتلة مولاي شلون راح افاركك شلون افتح عيني بدون مااشم ريحة الجنة الي اشمهة يمك شلون انام ليلي اذا مااكعد يمك واشكيلك
اذا صارلي شي بعد المن اشكي
مولاي توكلت عليك وراح اروح وياههم لاتخيبني عليك بدمعة ريدقية
عليك بسبي زينب وسترهة اريد ارتاح وانتةاماني وسندي لاتتركني من دعائك وانتة ماتردني اعرف دموعي عزيزات يمك ويذكرنك بدمعة رقية
بوست لشباك وودعت الأمام بدمعة وحزن كلش جبير
رجعنة للفندق اليل كلة مانمت خوف علة رهبة علة ارتباك مشاعر مضطربة ولخوف سيد الموقف
كعدت لفجر علة صوت الحجية الرقيق وايدهة الناعمة تتلمس وجهي برقة حتة لاتخرعني ماتدري بية متعلمة افز علضرب ولرفس
كمت صبحت عليهة وصليت وبدلت ساعدتهة بلريوم وبدلت للجهال وهية متعجبة بشكلي وشعري وكلسا تبوسني
تكلي لحجاب حييل ضالمج جمالج رايح بي
تريكنة وتوجهنة للمطار وصلنة
و هنا بلتحديد تملكني شعور جدا عريب يصعب علية اوصفة
حنيت لسيف بشكل موطبيعي شي بداخلي يصرخ بأسمة مشاعري تحركت ناحيتة مثل اول مرة شفتة بيهة
ردتة كلش بذيج الحضة
يمكن لو شايفتة وكتهة جان ركضت علي حضنتة ونسيت كلشي بس بعد فات الأوان
خلاص بعد ماشوف سيف مدى الحياة
بكد ماوكتهة شتاقيتلة حتة شميت عطرة وريحتة اجت بخشمي دمعتي بطرف عيني وكوة لازمتهة ولعبرة خانكتني واحس شي نايم علة صدري كوة اجر لنفس
صعدت لطيارة لأول مرة بحياتي هنا هلن دموعي مطر
ابجي علة بلدي الي اول مرة افاركة ابجي علة حب عمري الي ماتهنيت بي ابجي وعفتة واني عروس
ابجي علة طعنة سيف وخيانتة الي اجتني مثل الصعقة
ابجي علة. ماضيي علة سنين عمري الي ضاعن يم فاطمة ومافهمت منهن كلشي ابجي علة مولاي و شريك همي والوحيد الي يسمعني شكد مااشكي ومايمل مني
ابجي علة نفسي ومصيري المجهول الي رايحتلة
لحجية حاولت تهدئني بس اني كأنه بركان ونفجر صعب اترك تاريخي كلة واروح لدولة ثانية واحتمال ماارجع ابد لاوجمالة وية عالم غربة حتة مااعرفهم شنو
مرت الدقايق سريعة كلش ماحسين بلوقت نزلت واني لدمعة مافاركت عيني ولخنكة الي بصدري عبالك جبال ونايمة علي
اول مانزلنة طبكت يمنة سيارة عالية وجبيرة نزل منهة ولد لابس قاط فتحلنة لباب وصعدت لحجية وابنهة واني صافنة عبالك بمسلسل مومصدكة
صعدت وياهم اقل لنص ساعة وصلنة لبيت كلش ضخم مساحتة تتعدة الألف نزلنة لبيت مليان خدم تلكو الحجية يبوسون ايدهة وراسهة وهية تحاجيهم عبالك بناتهة موخدم شوية طمئنيت من شفت تعاملهة وياهم
مر اول يوم يعاملوني علة اني ضيفة معززة مكرمة بس بعدة لخوف مافاركني ابد
نطوني غرفة تجنن اصلا لبيت مليان غرف وكلهن مأثثات مر سبوع علة تواجدي يمهم مرتاحة كلش لأكل يوصل لغرفتي وملابسي ينغسلن وينكون واكعد لصبح الكاهن بلكنتور بعدين لحجية بدت توضحلي انو تريدني اهتم بلجهال لأن متأمن للخدامات لان موعربيان كلهن فلبينيات
بديت اتقرب منهم واتوددلهم عبد الله بسرعة كدرت اكسبة لان زغير كمت اشيلة والعبة واوكلة وفاطمة هم اسبحهة واشسور شعرهة وابدللهة والعب وياهة بلعاب مالتهة كدرت اكسبهم بس فهد كلش جان عنيد ويكرهني وحتة ضرب يضربني ويدفعني ويشمر لاكل علية
بتعدت عنة وخليتة علة راحتة لان البية مكفيني وروحي بزعانة
حسين الي هوة ابوهم
يشتغل استاذ جامعي حياتة كلهة دراسة وكتب وابد ميتواجد بلبيت وحتة اطفالة موهلكد علاقتة بيهم ونادرا مااشوفة والتقي بي بلبيت وامة تحجيلي عنة دائما تكول زوجتة من ماتت وهوة نكلب كيانة لليوم عايش علة ذكراهة لان متزوجهة عن حب جانت استاذة ويا وحياتهم جانت حلوة ومثالية ولمن ماتت كدام عينة قرر يترك كلشي بلدنية ويكرس حياتة بلدراسة ولشغل حتة يأمن مستقبل اطفالة
الخادمات صارن صديقاتي ويحجنلي عن اهلهن وحياتهن الي عايفاتهة هناك
كلش احن للعراق واحن لبغداد ولخالتي وحتة سيف
لمن اشوفهن ياخذن التلفون من الحجية ويخابرن اهلهن ويحجن وياهم افرفح من لبجي
وبدي احاجيهم بس اكول لاء خلاص هذيج حياتي نهيتهة واني نولدت من جديد وفتحت صفحة جديدة
صفحة مابيهة حرمان وجوع مابيهة ضلم مابيهة ضعف وفقدان للسند
يكفي الشفتة من حياتي يم فاطمة وسيف جان لختام وحياتي لقديمة صفحة وطويتهة
هنا عشت فعلا بجنة يمهم
حياة مثالية بكل معنى الكلمة
بس لغربة شعور قاتل كلش صعب وخصوصا غربتي اني
واكثر شي جنت اشتاقلة ايامي الي قضيتهن يم الأمير
اقاربهم جانو ابد ميحبوني وبلعيد والمناسبات ميسلمون علية ولايخلون بناتهم يحتكن بية ويحجون علية من وراي ولخادمات يوصللي والسبب هوة حرب الكويت وية العراق وكرههم لصدام حسين والي سوا بيهم خلاهم يكرهون كل لعراقين وياخذون عليهم نضرة وبلذات همة عدهم عمهم مستشهد بحرب لكويت ولهاذ لسبب عدهم حقد علة اهل لعراق
بس لحجية جانت مطيتني حجم كلش جبير كدامهم وابد متقبل شخص يمسني ولو بحجاية واكثر من مرة تخرب وية اقاربهة علمودي
لكيت بيهة ام حنونة عوضتني عن حرماني من كلشي حلو بلحياة جانتلي نعم الأم الطيبة والي تفهمني من نضرة عيوني تاخذني وياهة وين متروح وخلت لجهال يصيحوني ماما ومن اسألهة ليش تكلي لان فاقد الشيء يعطيه ويعطيه بكثرة همات
وانتي فاقدة الام وحنيتهة واكثر شخص ممكن ينطيهم حنية الام هوة انتي
واني فعلا جنت انطيهم كل حنان زرعة الله بداخلي ابد ماقصرت وياهم بشي اسبح وابدل وادرس حسيتهم صدك اطفالي لكيت بيهم الشي الي ممكن يلهيني وينسيني كل الصار بية وكل الي شفتة
2018 شهر 1 يوم 5
اخذنة احذيتنة من لكيشوانية
لزمت عبودي البسة حذائة رفعت راسي جان اشوف كبالي
سيف : جاي اسولف وية ليلى وروحي لايبة عليهة وعلة جمالهة كلسا بدي اشيلهة واشرد بيهة ليفوك وكوة اصبر بروحي واكول ماضل شي لباجر
دك تلفوني رقم غريب
عفت ليلى ورحت رديت علي طلعلي رجال كلي غرفتك شابة بيهة نار ومحتركة اركضلهة
انتة منو شجاي تخربط
بعدني احجي طبكة بوجهي
عاينت علغرفة من فوك كلشي مابيهة بس مامطمأن كلت خل اصعد اتأكد ماخسران شي ترخصت من ليلى الي جانت مثل الاميرة كاعدة علة عرش ووجهة عبالك كمر ولحجاب زينهة اكثر بيومهة جنت كلش عطشان الهة وكلسا افهي علة جمالهة وابلع ريكي
المهم طبيت للبيت لكيت ام تقى بلمطبخ تشرب ماي كتلهة خالة هم سمعتي صوت من فوك كلتلي لا ماكو شي
صعدت للغرفة وصلت فتحت لباب جان .....#يتبع
#حنين_حاتم
اعتذر كلش عن لتاخير والله عندي ضرف وكوة كتبتهة للقصة
رواية انقذني ايها الغريب........ الفصل التاسع والعشرون 29 - بقلم Hunen23Hatum
حبايبي هلبارت نزلتة للي مافهمو بارت 27 الي صار بهلبارت يسمو عنصر الحبك هاذة يشد القارء بس اضاهر انتو ممتابعين قصصي لقديمة فماتعرفون اسلوبي اني لا نعسانة ولا تعبانة بس انتو مافهمتو الي ردت اوصلة الكم
البنية من حجت وياهة المرية وراحت ورجعت وياهة ابنهة هنا نقلتكم نقلة سريعة 3 سنوات نطيتكم مشهد عن حياة ليلى بعد مانتقلت وياهم للكويت ومن دخلت للءمام وشافت المكان الي جانت تنام بي بدت تستذكر الصار وياهة وشلون راحت للكويت وشلون عاشت وياهم
هنا بديت اعرضلكم القصة كأنه مسلسل وصارت بي نقلة للأحداث حتة تصير حبكة بلقصة واشدكم اكثر وضفت عنصر التشويق
بعدين من من لبست الطفل الحذاء ورفعت راسهة هنا نصدمت بلشخص الشافتة وماذكرتة منو ووضفت عنصر لتشويق ايضا
بعدين نطيت لقلم لشخصية سيف حتة هوة بدورة يرويلكم لقصة من وجهة نضرة ويججي عن الصار ويا ويشرحلكم حالة
كل مابلموضوع اني دااعرضلكم القصة علة شكل مشاهد وكأنه مسلسل ودتشوفو كدامكم المطلوب منكم شغلو خيالكم وتعايشو وية لقصة وراح تغهمون الي اريد اوصلة بمنتهة البساطة
ها هسة فتهمتو لو بعدكم
اسفة علأطالة وسلامتكم😙
#حنين_حاتم
رواية انقذني ايها الغريب........ الفصل الثلاثون 30 - بقلم Hunen23Hatum
#حنين_حاتم
#انقذني_ايها_الغريب....#بارت28
(#غير_محلل_نشر_القصة_بدون_ذكر_اسمي)
صعدت للغرفة وصلت للباب فتحتة
الغرفة كلشي مابيهة علة حطة ايدي نضيفة ومثل الورد
معقولة واحد من الولد ناصب علية
نزلت وصلت للمطبخ لكيت ام تقى ووياهة مرية كرايب امي كاعدات يسولفن
شافتني جان تكولي
شبيك خالة وجهك مخطوف
لامابية شي
هاك امية اشرب لاخالة ماعطشان
جان كدامهن بطل عصير وكلاصات يشرب بيهن كامت دارت من لبطل بكلاص نضيف
جاي اطلع كلتلي
هاك خالاتي حلي حلكك
اخذتة منهة شربتة جرة وحدة ونطيتهة الكلاص
اريد اطلع سمعت صوت صرخة مرية كلش قوي من فوك
وفوك ماكو غير غرفتي وصالة
ركضت اريد اشوف شكو وام تقى ولمرية هم نهبطن وركضن وياي بعدني امشي علدرج حسيت رجلية ثكلن كلش و كمت احس بدوخة موطبيعية اريد اسند روحي موكادر
كمت اشوف لمكان يتحرك وكوة وصلت للغرفة وام تقى كلسا تكلي شبيك خالة دخت
وصلت للغرفة وهنة ضلن وراي بلصالة بحكم انو لغرفة غرفتي ويستحن يتانني ادخل يلله
فتحت لباب اريد اشوف شنو كبالي موكادر عيوني غوشن وكامن يغمضن من وحدهن بس تراوالي شفت تقى مادري صدك شفتهة لو لأن دايخ تدنيت علكرسي اريد اكعد علي
بس تناوشتة بيدي وكعت بلكاع وبعد ماحسيت بشي
اسمع صوت ناس بحجون يمي واحس بلمسات ادين علة جسمي بس موبوعيي ويتراوالي حلم مادري شكد نمت بلضبط
بس واني نايم سمعت صوت لكنتور وحركة قوية بلغرفة كأنما احد يتعمد يطلع صوت حتة اكعد فتحت عيوني بلكوة
شفت ليلى اريد احجي اريد اصحصح واحاجيهة موكادر عبالك شارب شي رأسن رجعت كملت نومتي
كعدت لصبح علة صياح امي وصراخ خالة ليلى فتحت عيوني بلمعجزة
امي مسبحتني بلماي حتة اكعد كمت علة حيلي مخروع ملابسي ينكطن ماي
ها يمة خير شكو
اشرتلي علمراية
كمت علة حيلي وافرك بعيوني رحت يمهة مكتوب بيهة كتابة كوة كدرت اقراهة من لنعاس ووجع راسي ولدوخة
هاي شنو منو كاتبهة
ليلى
ليش كاتبة هيج وينهة هية
ماندري كعدنة مالكيناهة بلبيت
يا يمة دوريهة خاف بلحمام شو وين لاتخبليني
ماخلينة مكان يعتب حتة بلمنطقة عمار راح فتر وانتتةعبالك ميت الي نص ساعة افزز بيك جريت تلفوني اريد ادك عليهة
لتتعب روحك هاذ مبايلهة
وين عمار
جوة
ركضت اخذت لسويج وحتة بدون مااغسل وجهي ركضت اخذت عمار وركبت لسيارة وبوجهي لبيت فاطمة
فتحلي لباب ولد ابن اختهة لفاطمة طبيت للبيت لكيت خليل جاي يتريك ركضت فتريت لبيت كلة فتشتة غرفة غرفة وخليل كام يلطم من حجالة عمار وفاطمة تركض وراي تكلي موكتلك دايحة وعدهة واحد شكد حذرتك تستاهل يطبك مرض
كوة تمالكت اعصابي الة شوية جان لطختهة بلحايط
طلعنة من لبيت وبوجهي فريت المستشفيات الشوارع الحدايق العامة رحت للكاضم صحت اسمهة ماخليت مكان ببغداد يعتب علية ب11 بليل رجعت للبيت طبعا عمار عافني ورجع من لصبح بتكسي
طبيت كوة امشي اريد اتنفس مااكدر شنو لصار وليش اريد احد يكلي الحجي الي علمراية شنو معنا ردت اتخبل
لعرس نلغة وعمار اخذ سكينة بدون لازفة ولاشي واني كاعد وصافن شسوي وين اروح اسألمن عليهة وهية لاتندل ولاتعرف بشر للصبح مانمت
ثاني يوم هم اخذت لسيارة بدون لا اكل لاسبح طلعت فريت بغداد كلهة حتة مناطق لتجاوز ولعشوائيات هم رحتلهن افتر بلسيارة وابجي واعاتبهة بيني وبين روحي
ليش هيج تسوين بية ولج بالي كلة يمج وماضل عقل براسي
رجعي ليلى فدوة رجعي راح اموت
ساعة بلوحدة واني بلشارع حتة ماادري بيامنطقة من كثر مادايخ من لفر دك تلفوني رسائل ماسنجر من حساب غريب
فتحتة صور بيهن اني ووحدة مصاليخ ثنينة ولوحدة منزلة شعرهة علة وجهة ومامبين شكلهة بس ركبتهة وصدرهة طالع واني نايم بحضنهة
بعدني اريد اتصل علرقم طلعلي لايمكنك الرد على هذه المحادثة
ماكو غير تقى هية هواي هددتني بس شريد اسوي اي دليل ماعندي وماكو كدامي غير ارجع للبيت واتاني بلكي الله يهدي ليلى وترجع هية تخاف تطلع لوحدهة
هية تحبني ومستحيل تعوفني
اكيد ليوم راح تجي
اكيد هاي هية الي دتدك باب لشارع
4 سنين واني اضحك علة روحي بذني لكلمات واكول ليلى ماتعوفني ليلى تحدت الكل علمودي ومامرة دك تلفوني رقم غريب الة وكلت هاي ليلى وانتهي بهاي الحضات اموت الف موتة لحد ماارد علتلفون وتطلع مو ليلى
ويرجع شعور اليأس يتملكني وارجع لحزني
ليلى ملاكي الي مافارك روحي لحضة وكلما ادخل للمستشفى لو حديقة لو مكان عام اضل اباوع بلوجوه عسى ولعل المحهة
ومابطلت ادور عليهة مستشفيات بغداد صفيتهن علة ايدي وحتة للمراكز هم رحت
ويومية مخصص ساعتين من وقتي الهة من ارجع من ادوام افتر بلشارع وادورهة روحي بيهة ومااكدر انساهة واعيش حياتي
رسمت وياهة احلام حلوة جنت رايد اعوضهة عن كل حزنهة وحرمانهة بس للأسف ضفتلهة حزن وهم فوك همهة
ليلى يا ليلة عمري الي تمنيتهة ونحرمت منهة الله لا يوفقج تقى ولايوفقني لأن حبيتج
ااااخ ياليلى ياغصة بحياتي حتة لفرحة نسيتهة من يوم ختفت وماحضرت عرس ابد
اصدقائي كلهم تزوجو وعزموني بس مااكدر اروح لأن ليلة الحنة لساهة مطبوعة بخيالي وكل احداثهة متفاركني ابد اتذكر ملاكي شلون جانت طالعة اتذكر لهفتي عليهة وعلة جمالهة
ليلى:رفعت راسي جان اشوف 😱
سيف وامة كايدهة بيدة
ضليت صافنة ورجعت لذاكرة بية لأيام لضيم
مشاعر مضطربة ولدموع كتن علة وجهي مطر
معقولة هاي صدفة لو هاذ لقدر جمعني بي
سيف اااااخ ياغصة ماراحت مني لليوم
شفت لحجية ام سيف بدت تتقرب علينة وسيف واكف بمكانة مصدوم
بسرعة شلت عبد الله وكلتلهم يلله
مشيت كدامهم وام حسين تصيح وراي اوكفي
ماريد ارجع لحياتي ولاريد ارجعلهم
طلعت خارج لولاية ومادرت. وجهي ابد اخاف ايتبعوني هوة وامة
وام حسين ولجهال وحسين مادري بيهم وراي لو ضلو
وصلت مكان بي مي سبيل
وكفت يمة ونزلت عبودي لان تعبني نداريت علة كيفي شفت ام حسين ولجهال وحسين جاين بأتجاهي اول ماوصلو حسين صاح علية
انتي شفيج تركضين ريولنة طاحت نريد نوصل عندج موكادرين
تداركت الموقف بضحكة وكتلهم شفت واحد يوزع وردت الحك بي اخذ مراد
رجعت شلت عبودي ورجعنة للفندق
سيف:امي رادت تزور لحسين ولأمام علي ورادتني امشي وياهة تريد تدخلني علأمام عسا ولعل ونسى ليلى واقبل اتزوج
نطيتهى علة مايهة وماكسرت بخاطرهة اخذتهة وتوجهنة لكربلاء زرنة وبنفس ليوم رحنة للنجف هم زرنة وامي كلتلي خل نرجع كتلهة لا امي خليهة علة باجر لان صار لمغرب اخذتهة وحجزنة غرفة بفندق مقابيل لأمام
ثاني يوم كعدتني بل5 كلتلي يلله نرجع
لا خلينة ليوم هم نكضي يم لأمير
بقينة بلنجف واخذتهة ورحنة للكوفة
رجعنة للفندق بليل رأسن نمت كعدتني لوالدة لصبح كلتلي يلله خل نمشي ماشبعت زيارة موعدك دوام
مادري ليش ماريد اطلع من لنجف وكلبي نفتح ورتاحيت من دخلت للأمام
كتلهة ماشي نروح بس خل نزور لاخر مرة
اخذتهة كوة تمشي لان بأخر فترة كامت تشكي من مفاصلهة
طلعنة من لتفتيش لاخير ومتوجهين للصحن اجيت يم لكيشوانية اريد اخلي احذيتنة
كبالي مرية مدنكة علة رجل ابنهة تلبسة حذائة رفعت راسهة ووية مارفعتة حسيت واحد وضربني علة راسي حيل
ليلى
اريد احرك جسمي نشليت من لصدمة
تذكرت من شفتهة بلمكياج بيوم لحنة شلون جانت جنهة ملاك لسة بية عطش الهة ولحضنهة الي احس بي حضن ام
لسة صورتهة بلبدلة البصلية مافاركت خيالي وكل يوم اطلع لبدلة احضنهة وانام
واشم بريحة البيهة
اااااخ شكد مشتاق احضنهة وانسا روحي بحضنهة الي ماشفت مثلة ابد
شكد دورت عليهة تالي لصدفة جمعتني بيهة واني اكول ليش كلبي تعلق بهلمكان
باوعت عليهة وياهة ناس
منو هاي المرة لطفل لرجال لخليجي اريد اروح عليهة
شالت لطفل وركضت كدامهم وهمة ضلو يمشون وراهة ووياهم جنط مال سفر كبار
معقولة هاذ رجلهة وهاذ ابنهة يا هاي شبية اني تخبلت ليلى بعدهة علة ذمتي بعدهة زوجتي
كعدت امي بمكان ولحكتهم اتختل بين لزوار لحد ماوكفت ووكفو يمهة يحاجوهة بعدين صعدو سيارة ومشت مسافة بس موبعيدة اضاهر اجروهة لان شايلين جنط ووياهم اطفال لحكتهم ركض كل قوتي لسيارة ماجانت. تمشي سريع لان زوار كوومة ولمكان مزدحم
وصلو يم فندق قريب علأمام تاكدت من لعنوان وحفضتة وتاكدت همة طبولة
ليلى:طبينة للفندق احنة حاجزين مسبقا بلمبايل بس نطونة لمفاتيح وصعدنة
اني ولحجية ولجهال بغرفة بس جبيرة
وبيهة حمامين ومطبخ يعني مثل الشقة
ركضت للحمام بملابسي كعدت بلبانيو فتحت لدوش وكمت ابجي
شلون بية يربي بسلا يندل مكانة
ولدور اني علة ذمتة يعني بحساب مرتة وشاردة من عدة خاف يجي يرجعني
يربي شلون
ضليت ابجي خايفة ماريد ارجع لحياتي لقديمة وسيف اذا لكاني لو يجبرني ارجع ويا وذيج لساعة الله لعالم شراح يسوي بية لو يطلكني ويرجعني لفاطمة
وبلحالتين اني ميتة لأن الله يعلم هسة شطلع علية من حجي عروس وتشرد قبل عرسهة بيوم اووف دخيل اسمك يربي لو ادري ماجان اجيت للعراق ولا وصلت
يعني سنين صارلي منتضرة هلجية وبيوم اجي يطلعلي سيف
اووووف ياربي 😔
مادري شصار بية من شفتة احس مشاعري تجددت ناحيتة اااخ ياكلبي بعد كل لصار وياي من ورا بس ماكدرت انسا
البعد ومرور لوقت ماسوة شي غير انو زيد حبة بداخلي جنت متخيلة لزمن كفيل ينسيني حبة جنت متخيلة لبعد ولغربة راح تشغلني وتبعدني عن شوكي الة
بس الي كتشفتة
الغربة زيدت هاجس الحنين لكلشي بي
بس صعب اكدر اسامحة وانسة لصار
سيف:حفضت مكان لفندق زين رجعت للحجية لكيتهة بمكانهة
اخذتهة وديتهة للفندق مالتنة وبدلت ملابسي وطلعت رحت للأمام كعدت يمة بجيت لحد ماخويت طلبت منة كون ليلى مثل ماعفتهة علة حطتهة الكاهة مثل ماهية لأن من شفت الناس الي وياهة مليون فكرة اجت ببالي
ليلى طالبهة منك ياامير المؤمنين اريدك تساعدني ارجعهة وياي لبغداد وتوكف وياي وتسهلي كلشي صعب مروتك ماريد اخسرهة ماعاولت لكيتهة
لحمد لله نسخة لعقد مال المؤمن بمحفضتي من يوم عقدنة ولحد لآن لأن ماالكة مكان ائمن من محفضتي اذا هية غرفة نومي وكدرت تقى تدخلهة وسوت ملعوبهة ودمرتلي حياتي
طلعت من الأمام كبل توجهت للفندق
طبيتلة لمكان جبير وراقي وميدخلون اي احد لهاذ لسبب اني لبست وتكشخت
رحت علة ابو لأستعلامات نطيتة اسم ليلى الكامل ونطيتة مواصفاتهم
دك عليهم بلتلفون كللهم اكو شخص يريدكم ونطاهم مواصفاتي
كلولة احنة مانعرف احد بهلمواصفات واصلا منعرف احد من لعراق واي واحد يسأل علينة صرفة من يمك
طلعت عقد لزواج مالتي رأسن خليتة علميز مالتة كتلة هاي زوجتي وهية يمهم هسة لو تنزلي لو اروح للشرطة وارفع عليهم دعوة خطف واتهمكم انتو مساعديهم وموفريلهم المكان
السكيرتي كام يرجف رأسن دك عليهم كللهم تعالو حلو مشاكاكم وية هاذ الولد ولاتدخلونة بيهة وإلا تعادرون الفندق حالا
دقايق ونزلي الرجال لجان وياهن واني دمي يغلي علي كلسا تجي ببالي فكرة وأتعوذ من لشيطان
نزل من لدرج وراح كبل علسكيرتي
الولد رأين اشرلة علية اني جنت كاعد بلرسبشن اجة كعد كبالي جان يكلي
نعم تفضل كول شعندك شتبي
بس يحجي بتعالي وتكبر
طلعت لعقد اشرتلة علة صورة ليلى كتلة هاي زوجتي اريدهة تسلمهة الي لو اجيب لشرطة واخذهة بلقوة
صعد اقل لربع ساعة ونزل ويا ليلى ولطفل بيدة مفرفح عليهة ويصيح ماما
اني جن جنوني من سمعتة يكللهة ماما
اجت حجية وراهة جان تكلي هسة تذكرت عندك زوجة
رجائا لادخلين لموضوع بيني وبين زوجتي
زوجتك هاذي لكيناهة حطام واحنة ردينة لحياة فيها انتة موتتهة واحنة الي حيناهة
هاذي امانتك ردت لك بس خاف الله فيهة وبطلو ضلم ترة ربك مايعوفكم للتالي
بلله شجاوبهة هاي
باوعت علة ليلى بس دموع مانطقت كلمة وعينهة علجهال وتبجي لزمت ايدهة واخذتهة ومشيت وهية كلسا تندار عليهم وتبجي
اول ماطلعة من لفندق جرت ايدهة مني جان تكلي هسة تطلكني اني ماريدك ومستحيل ارجع وياك اني ذولة اهلي وناسي ذولة احن علية منك ومن اهلي عشت عدهم مدللة عيشة ملوك محد داسلي علة طرف وهمة غربة وجانو يكدرون كلشي يسولي بس ذولة عدهم خوف الله مومثلكم انتة نتهيت من حياتي ومايربطني بيك غير هلورقة امشي خل نروح للمكتب الي بداخل لأمام وننهي كلشي
باوعت عليهة شلون مفرفحة ولدموع غركن وجهة ومن تحجي بحركة حتة ماهتمت للناس وتحجي بصوت عالي
كتلهة ماشي اطلكج بس اخذج لمكان ووراهة تروحين لحال سبيلج
عاينتلي جان تأشرلي علامام كلتلي احلف ببو تراب يلله اصدكك
حلفتلهة واخذتهة كبل للكراج صعدنة سيارتي وتوجهنة لبغداد
اخذني ويا بلسيارة وحلفلي ورا هلمشوار يطلكني ويخليني ارجع وية ام حسين ولجهال لطريق طريق بغداد اعرفة
خايفة حييل وكلسا تجي ببالي فكرة ساعة اكول راح يذبحني بهاي لجولة ساعة اكول راح يسلمني لفاطمة بس ماريد احاجي مانطقت حرف ولخوف اكل كلبي ولوقت مايرضة يمشي
من بعد مادخلنة لبغداد وكف لسيارة وكلي نزلي وأشرلي علة بناية ورانة صارت
نزلت جان اشوف كبالي .....#يتبع
#حنين_حاتم
هواي شفت هلتلعيق تكرر من اكثر من شخص كاتبيلي انتي موكلتي تزوجو وراحو شهر عسل شلون كلبتي لأحداث وتلاعبتي بيهة هية موقصة حقيقية
اولا اني ماكلت تزوجو كلت تحدد عرسهم وبيوم الحنة ليلى نهزمت وراحت للنجف....الخ
وماكلت راحو لتركيا كلت حجزو تذاكر
رجائا لتقولوني اشياء اني مكايلتهة ومن يصير عدكم لبس بلأحداث رجعو راجعو لبارتات لقديمة ولتحجون شي من يمكم بلتعليقات لأن دتسوولي مشاكل
ماباقي غير بارت واحد من هلقصة اريد تفاعل حلو حتة باجر انزلة الكم قبل اليل موتنسون لتصويت 😘