#أنســام_اللهيـب
بقلــمي أنا زيــنـب خالـــد
علقو بين الفقرات ؏َ ڪد متكدرون وصوتو ؏َ البـــارت حيل هواي أتعب ؏َ
البارتات مثل ما أنتو تردون بارتات إني هم أريد تصوتون ؏َ البـــارت 🦦 + تابعــــو حسابي واتبــاد 🫶🏻♥️.
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
أنســـام :- فتحت عيونـي
بتعب أحس بجسمي يأذيني افتح عيوني
واسدهن أحس بعطش موطبيعي
باوعت للجهه الثانيــة لڪيته ڪاعد ؏َ الكرسي
ومغمض عيونة مگسور رأسة من هل
نومــة
شوي شوي بديت أستعيد طاقتي
نهضت روحـي عدلت ڪعدتي هذا بس إلي
ڪدرتله بعدها صار تنفسي صعب
رجعت رأسي ؏َ السرير رافعته ليفوك
اسحب نَــفس غير دگات گـــلبي المُتسارعــة لثواني شگيت بروحي صار عندي خفقان
حسيت بأيد خَشنة تلمست أيدي رفعت جفن عيني تلاقت عيونه سكت لثواني بعدها
زفر نَــفس براحـــة صار يردد بشكل
مُستمر
:- الحَمدُللّٰـه الحَمدُللّٰـه
حجيت بصوت واهن مهزوز
أنسام ::- نوران شلونها ؟
لهــيب :- صحت زينــة
أنهار يمها جابولها أكل راح تأكل وتصير أحسن
أنـتِ شتحسين؟
أنسام ::- عطشانة
هز رأسة طلع برة الغرفة وسد الباب أستغربت تصرفاته ليش هيـج يعاملني
رجعت غمضت عيوني ماحسيت بنفسي شوكت غفيت
بس حَسيت ؏َ حرڪته وهو يشيل
رأسي بـهدوء يحطه
؏َ المخــدة
لزمت طرف قميصة قوي من حَسيت بدفو
شفايفة ؏َ گصتي مابعد أيدي
قرب الكرسي وخلاني لازمته
رجعت فتحت عيوني جان ڪاعد يباوعلي
صافن عليــــة
:- أريد أكوم ، هم أريد مي
لـهيب ::- أي تدللين
تقرب حط أيده وره رأسي وكعدني جاب
بطــل المي فتحـة وقدمة اليــة
سحبته شربته ڪله دفعة وحده وهو صافن عليــة
أنسام :- أريد اشوف نوران
لـهيب ::- يجي الدكتور يشوفج
أول تالـي نشوف أختج
سكتت مارديت عليه حط حجاب ؏َ رأسي وطلع يصيحة ماعترضت أريد أعرف
گـــلبي ليش هيج
يدگ
ثواني ودخــل وياه دكتور ڪبير بالعمــر
وجهه بشوش
حاط أيده بجيبة شافني
وڪال
:- شنو تحسيــن بابا؟
أكو شي يوجعج ؟
أنسام ::- گــــلبي يدگ
سريع ماعرف ليش
أبتسم بـخفة
:- طبيعي بنتي إلي فهمته من زوجج
أنو أنـتِ تعرضتي للصدمة
نفسية فـ صار
عندج خفقان بسببها
بعدها توقف ؏َ الكلام وڪأنو تذكر شي مُهم
:- ها لاحظت أنـتِ مامعتنية
بصحتج موزين
بابا بيج سكر انتبهي أكثر
توسعت عيونـي بذهول مصدومــة
أنسام ::- بس شلون إني مابية
سكر ؟
:- شلون مابيج بابا من اجيتينا
قسنا سڪرج التراكمي وطلع صاعد
الظاهر ماتعرفين عندج
سكر من فترة ڪُلش طويلة
ظليت صافنـــة بوجهه ماعندي ردة فعل
ولهــيب مڪتف أيدة يباوعلي تشكرة وطلــع
رجع يباوعلي بقلق
:- امج جان عدها سكر وراثة
هذا انتبهي لنفسج
ذبيت حَـــسرة خاف جانت عايزة
هَسه التمت عليـــة
طلـع لهيب ماعرف وين راح
شويـــة وأنفتحت البــاب دخلت أنهار بعباتها باوعتلي تقربت عليـــة ڪعدت ؏َ الكرسي
أنهار ::- تعبت هلگت
شنو سالفة غيرة
هي طاحت وحده تطيح الثانيـــة
شبيج أنـتِ ؟
رفعت رأسي ليفوگ أباوع ؏َ سگف
:- صار بية خفقان
ويكلي عندج سكر ومادري بي
شهگت حاطه أيدها ؏َ حلگها تحجي واني مامركــزة وياها شلت الكانونة
تحت انظارها ڪمت عدلت حجابي
لبست العباية ردت أمشي
عثرت
ركضت عليــة بسرعة
:- ويييين وين
أنسام ::- أشوف نوران
تأففت أخذتني لغرفتها مجان أكو احد مَــادري
وينهم فتحت الباب وهي صافنة
؏َ جهه معينة من الغرفة
خطفت نظرة تشوف منو دخل
بعدها رجعت تباوع
سحبت نَــفس عميييق دفعت أيــد أنهار تقدمت ڪعدت ؏َ السرير مالتها
باوعتلي باستغراب
أنسام ::- بعدج صغيرة متعرفين
شي باجــر أن شاءلله
من تكبرين وتتزوجين نوران وتخلفين
ويصير عندج طفل تعرفين
شكد عزيز الضنه وشكد صعبة تخسرين ابنج
ضحكت بأستزاء
:- أنـتِ مو أمه مو أمه
محددددد محددددد تأذى ڪدي إني ...
تنرفزت من ڪلامها صرخت بوجع وإني أحس دگات گـــلبي تتسارع حجيت مفرفرحــة
أنسام ::- ليشششش ليشششش
مو أمه ليششش ؟ منو شال أول ماجهه؟؟؟
أمج ؟؟؟؟ الي راحت وعافتكمممم
باوعن الييييه عدل هاي وييين جانت امج عنج من تمرضتي ؟ منو سهر وياج يدرسج للصبح ؟
منو جان يبدلج الصبح ويسويلج ريوگ ؟ اذا ڪل هاي التفاصيل الصغيرة متحسبني أم الكم وآلام بس الي تجيب فـ خرا ؏َ هيج أمومة جنت
أكدر اروح واعوفجن بس گلبيييي ماهلييي
شهگت بوچع أحس التنفس صار صعب عنــدي
ڪلت بصوت واهن يرجف
:- هسه أنـتِ محاسبتني أمج ؟
شو باوعيلي نوران متشوفيني أمج
أنـتِ صحتيلي ماما إني نيمتج
إني وگلتج إني اشتغلت لخاطر اعيشج تجين تكليلي هيج
لميت شفتي للداخل بندم اباوع للوضع أشرت إلها بأدية ؏َ روحـي
:- شوفي وين وصلت روحـي
شوفي رايحة أتزوج لخاطر مياخذوج من
أيدي جنت أكدر ابقى يم خوالي معززة مكرمة واخليج يم عمج بس ماكددرررت
وبالاخير هاي مچازاتيي اجي الكاج هيج مسوية
ڪامت تناشغ وتبجي غطت وجهه بأيدها
نوران :- م.. مم موقصدي
موقصدي بس إني اشوفة بكل مكان
رفعت أيدها تأشر بتجاه المڪان إلي وراي
:- شوووفي هسه داشوفة واكف
يبتسم إلي
ماعرف شسوي ميروح ميروح أدري بي مات
بس داشوفة هذا هناكك
لزمت گــــلبي قوي غمضت عيني قوي فتحتهن أباوع ؏َ رچفة أيدية اندگت الباب
اجاني صوت لهـيب
:- أنهار بابا أنـتِ هنا؟ شفتي أنسام وين؟
أنسان ::- أدخل إني هنا
فتح الباب ؏َ الخفيف باوع ؏َ أنهار صارت عينه عليـــة مارفعها ؏َ نوران لأن ڪاشفة
بدون حجاب
تقدم عليـــة بسرعـــة لزمني من أيدي يفرگ بيهن حركني ڪعدني هدئت دگات گـــلبي
شوي راحت الرجفــة وهو يفرگ بي الوضع هدوء ماكو صوت بالغرفة غير صوت
شهگات نوران
ڪلنا تأذينا وزعلنا ؏َ موتة ڪل وحده بينا
جانت عدها طريقتها حتى تهرب
من حزنها بس نوران
اختارت الطريق الغلط
رفعت رأسي الــة تذكرت شسوة أخير مرة خزرته باوعلي بأستغراب أشر برأسة بمعنى
شكو درت وجهي عنه مو وڪتها
هواي شغلات أريد نحجــي بيهن
أنســام :- خلي بس نعقــد محكمة
ماريد عرس ولا هوســة
جان مركز بأيديه لازمهن قوي يفرگ بيهن باوعلي بأستنكار ممقتنع حتى
خواتي باوعو اليــة
أنسام ::- أنهار سوت عرس مــات علي
انخطبت انتحرت نــوران
إذا نتزوج شيصير بعد ڪارثة بشرية
لم شفته للداخل يحاول يخفي أبتسامته باوعتلي أنهار رافعة حاجبها حجت بتردد
:- عادي أطلب منك طَلب
بِما أنو صرت نسيبنا بعد
ضحك والتفت إلها يباوع ينتظرها تحجـي
:- قبل لا أتزوج عثمــان ڪتلي
إذا عثمان يأذيني أجي أكول ألك مو صحيح؟
عگد حواجبة باوع إلها بتركيز سحب أيده من أيدية باوعت عليـــة يا شبي هذا
أيدية شكو يعوفهن
بلعت ريگها بللت شفايفها متعرف شلون
تحجي السالفــة گسر الصمت
لـهيب ::- مد أيده عليــج ؟
رفعت عيونها الــة ڪأنها ڪانت منتظرة إشارة
:- ضربني أكثر من مرة علمود أسباب
سخيفة ومرة منها علمود طليقته
گلبت عيوني ضحكت مستهزائة باوعتلي بقهر ڪُل ظنها راح اتشمت بيــها نهضت
بسرعــة فتحت الباب ادورة بعيوني
أمشي بممرات المستشفى التفت ورأي شفت لهيب يمشي بهدوء حاط أيده بجيبة
اللّٰـه يرزقني برودة
طلعت برة جانت أكو حديقـــة بالمستشفى لمحته ڪاعد يدخن جگارة
وكفت ردت أتحرك باتجاه لزمني من أكتافي بيده وهوه يحط السترة مالته ؏َ أكتافي
ضاغط بيها قوي
مجان أكو أحد المكان فارغ بس إني وياه وذاك يدخن جانت الدنيـا فجر
والبرد يصل صل
تقرب حط شفايفة يم أذني
لهـيب :- خلي عليــه
هذا ن** متكدريلة
فتحت عيوني رفعت رأسي تلاقت عيوني
بعيونــة
:- يااااا
ضحك بخفة وتحرك ليكدام مشيت مسافة وراه حتى أكدر اسمع حديثهم ڪعد بصفة ؏َ
مصطبة مد أيده لهـيب
باوع عليـــة السبــع جر حَـسرة طلع جكارة خلاها لهيب بطرف شفته طلع
السبـع جداحــة ورثها الـــة الجو هدوء صنطة
اباوعلهم بكل تركيز متجاهله جسمي
إلي يرتعش من البــرد
صرت ؏َ جهه أكدر اشوفهم ملامحهم وشيسون بس
ميشوفوني
لهـيب :- اللّٰـه بالخيــر
السبـع ::- اللّٰـه بالخير والعافية
لهـيب :- مجاي لخاطر سواد
عيونك أكيد تعرف
رفع حاجبة السبـع ضحك بطرف شفته
ڪال
:- أي طبعاً
لهـيب ::- مالك حَرمة عندي
السبـع :- ليش حرمتي أخذها منك
إنه ؟ حرمتي تخصني
ومتخص أحد غيري
لهـيب ::- ايببببباخ من هيچ حرمتگ
عزيز جا ؏َ شنهي تطگها
تغيرت ملامح وجهه وبينت العصبية عليــة صار يهزز برجــلة حط ايديه اثنينهم ؏َ رجلية
يباوع ليكدام حگ لحيته لهـيب وأخذ نفسة وضعيته
ڪال
لهـيب ::- ياا تصيرررر گد ڪلامك
يا تخلي ڪلامك ؏َ گدك
هو حجاها وذاك شمر الجگارة وداس عليها شرايين رگبته نطت من العصبية خزر لهــيب
وهذا ماخذ وضعية الريلاكس ممهتم يدخن حتى محط عينه عليه
السبـع :- شتقصد ؟
أبتسم لهـيب نهض بهدوء شمر الجگارة وداس عليــها برجلة وعينه عليها متجاهله
رفع عيونة بهدوء يحدق بي بصمت
لهــيب ::- المقصــــد ڪالاتي
هلمرا عديتها وراح أخذها عندي بيتي معززة
مڪرمة مرت الخ
تقرب عليــة ڪِلش ڪال بتحذير
:- أخذها وتحلم تلمح طيفها !
لزمه السبـع من ياخته قوي وابتسامة لهيب ماختفت يباوع عليـــة بثبات
السبـع ::- حرمتي شتسوي
بيت واحد مثلك
رفع أيدية لهــيب لزم أيد السبع بقوة ودفعهن باوع ؏َ الإرجاء نطق وهو يشدد ؏َ ڪلامة
:- لأن اني زوج أختها وخواتها
يمي هي حالها من حالهن تجي يمي تكعد
معززة مكرمة وشوكت مايعجبها هي وتريد ترجـــع تجي تأخذها وأنت الممنون
صرت أضرب سن بسن مم البــرد أنسحبت
رجعت للغرفة الي بيها خواتي
حنطلع نوران مابيها شي ڪال بطريقنا ؏َ المحكمه نعقد وبعدها مناك ؏َ البيت
خليت أنهار وية نــوران هي تهتم بيها وصلنا
يـــم البيت نزلت وحــدي
لكيت ودق محضرة الجنط صعدهن لهيب ودعتهم ڪلهم وصلت لـ خالي أحمد تجمدت بمكاني
ماعرف شسوي
هز رأسة سحبني حضني قوي طبطب ؏َ ڪتفي ماحجه شي طلـــعت خالي
محمد وياي نعقد
فعلاً صارت صدُك ماحسيــت نفسي إلى واني طالعـــة من المحكمة
وعاقدة باوعت ؏َ لــهيب سلم ؏َ خالي صرت مرته ڪدام اللّٰـه والقانون
زفرت نــفس مد أيده اليــة لزمها وصعدنا
بالسيارة مالته أول مرة
يجي بالسيارة مالته لهنا بالعادة
صعدت وياه وخالي رجع بسيارته عَدل المراية ڪال
:- اعزمجن بمُناسبة زواجي
ضحكت أنهار وودق نوران حاطه رأسها ؏َ چتف أنهار ساكته ماتحجي شي
واني أباوع من الجامــــة
حط أيده ؏َ المسجل شَغل اغنيته نفسها
يا نبـِعـــــــة الـريـٰــحــان
مندمج وياها وإني سارحــة بخيالي شنو حيصير هناك راح أكدر أرتاح بعدين؟
باوعت الــة زين إذا بيوم طلب يتمم زواجنا شراح أسوي ساعتها غمضت عيوني
هو إني لسة ماصحتله بأسمة تالي نتمم زواجنا
حتى عقلي مديتخيل وصلنا يم مطعم نزلنا صعدنا فوگ طلب أكل للبنات إني ڪاعد وهو
بصفي والبنات مقابيلنا رادت ودق تكعد يم نوران
خزرتها نوران وحطت أيدها ؏َ كرسي
:- لتكعدين هنا
عاينت عليها ودق بأحراج سكتت ماردت عليها
حطيت أيدي ؏َ عيونـي أمنع
روحـي ما أبجي هاي شصاير بحالها
حاولت أنهار تگسر هذا الجو
:- هو أصهب وين ؟
فتح ڪاسة المي لهـيب شربها دفع ڪاملة أباوع ؏َ تفاحـة آدم من شرب المي
فتحت عيوني بصدمة عزا بعيني هاي إني شسوي
ليش أركز بهلتفاصيل
غطيت وجهي ماعرف شسوي تخبلت
لهـيب :- عفته هناك بالمستشفى
ودق ::- عليك الله خالي ڪول جذب
لهـيب ::- لا وداعت عزاز گـــلبي عايفة
هناك
ودق :- ياه عايف أخوي
لهــيب ::- يدبر روحــــة معليج
أنهار :- مو عنده سيارة ليش ميرجع
بيها؟
لــهيب ::- أخذها أحمد
أنهار :- عفيييييية هذا شكددد
غثيث شبي
لـهيب ::- هو شگاك بزياده
ويغار
گلبت عيونها بملل أنهار
نوران :- خلي نروح لـعلي
حجتها وساد الصمت المكان ڪلها تباوع عليها وهي عيونها ؏َ لهيب عدها أمل يقتنع
هز رأسة بـ أي
حطيت رأسي ؏َ طاولة مغمضة عيوني شعور غريب رايحتله بس مراح اطفي نيران
اشتياقي الــة مراح احضنه راح احضن گبرة
الشوق للميت مُميت !
حسيت بي دنگ عليه رفعت رأسي اباوعلة
:- بيج شي بابا
نرجع للمستشفى ؟
أنسام ::- لا لا لا
باوعلي ممقتنــع خلصنا أكل وفعلاً سواها واخذنا ؏َ المگبرة توقعت هلمرا حَ تكون
أهون لكن كالعادة مثل ڪل مرة ننهار ونحتار شلون نعبر ؏َـــن حزنا
سديت باب السيارة وإني حاطـــة
رأسي ؏َ الجامـــة والدموع تنزل ؏َ وجناتي بغزارة
أكتشفت
الفاتحــة الحقيقية تبلش من تخلص الفاتحــة وتخف الرجل ؏َ البيت الفاتحة الحقيقة بحقيقه
ڪون أنو إحنا لازم نتقبل أنو مراح نشوفة بعد ونحارب ذكرياتنا سوة وصوتة وريحته وعطرة
بنهايـــة موت الإنسان ميأذي الــة
يأذي الي يحبو أما ؏َـــنة هو فهو مرتاح
غمضت عيوني بـ تعب ڪل شوي أفز ؏َ
أثر طسة لحد ماوصلنا بليل
فتحت عيوني ڪدام بيت أنهار نزلت هي وياه
دخلت طبيعية وطلعت دمها فاير عيونها تجدح نار باوعت ؏َ زوجــها واكف مكتف
أيده يباوع عليها لحدما تحرگت السيارة وهي مطنگرة صادة ؏َ جهه الثانية
تحركت السيارة بتجاه بيتهم
الخوف احتلني هي بس صبرية وحدها
فكرة تعيشين وياها تخوف
شلون بيــة عالم جديد ومكان مختلف
انقطع سطو أفكاري من وصلنا بدأ ينزل الجنط ويدخلهن للبيت ماخلاني
اشيل ولا جنطه لأ إني ولا نوران إلي
من رحنا للمگبرة ولسة هي حالتها حالة
انفتحت الباب طلعت صبرية باوعت علينا رفعت حواجبها لابسه چادر ماال صلاة
زفرت نــفس تجاهلته صعدت فوگ انتظرت لـــهيب يصعد حتى يفتح الباب
صعدت أنهار وكفت بصفي تهز برجليها بملل
:- شبيج وثول
باوعتلي بأستنكار
::- مابية مابية بس العافييية
باوعلها لهـيب ممقتنع دخلنا جان البيت فارغ سحبت نَــفس بعمق ودق
:- اللّٰـه أحب ريحة البيت
أبتسم لهيب باوعت ؏َ البيت هو ڪبير نوعاً ما المطلخ متصل بصالة نفس تصميم
بيت عمي عدهم أربع غرف بالبيت
تقدم ؏َ غرفة من الغرف دخل وقفل الباب ذبت حَـــسرة ودق أشرتلنا تعالن
گترنا الجنط ؏َ صفحه ڪعدت نوران ؏َ القنفة ڪالت :- من تعرفون غرفتي
وين صيحولي
صاحت ودق بصوت عالــي
:- تعايييي نامي يمي
أنهار وانسام بغرفة واخير شي غرفة لـ قيس وأصهب
فتحتلنا غرفة جانت نظيفة مرتبة بيها جرباية نفرين دخلت الجنط ڪعدت أنهار يمي نزعت ملابسي
غيرتهن والشال نزعته بوجهي
؏َ جربايـــة غمضت عيوني بـ تعب ماشوف دربي بعد من النعاس الطريق يگسر تگسر
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
أنـــهار :- روحــي تلوب احس نار وشبت بية
ردت أگسر عينه السگط من اجيت
الكاها الخاتوونة ڪاعده
بلعت ريگي درت ؏َ أنسام نايمة بدون متتغطى غطيتها باوعت ؏َ روحـي بالمراية
وجهي ذبلان والهالات واصلة لحلكلي استغفرت ربي
ڪمت طلعتلي دشداشة قصيرة
أحس بروحي محترة اخذتها لفيت العباية ؏َ رأسي دگيت باب غرفة ودق أكثر من
مرة مخليه الملابس جوه عباتي أنفتحت باب غرفة لهيب صايرة ڪدام غرفتنا
وغرفة ودق بصفنا
لـهيب ::- شمحتاجــة بوية؟
أنهار :- أريد ودق أريد اطب أسبح وماعرف وين
الحمام
أشرلي ؏َ مكانة فتح عيونة بـ تعب يفرگ بيهن
فتحت باب الغرفة ؏َ ڪيف
شفتهن ودق ونوران ثنينهن نايمات
غميت روحـي شچاني يحظي ڪاعدة لسة طبيت للحمام سبحا غسلت جسمي
ولبستها صگعني الهوى البارد بس ماهتميت لبست العباية فوگاها وطلعت
من وصلت قريب ؏َ صالة سمعت صوت أغنية
غريبة اخترقت مسامعي
لمحته ڪاعد مرجع رأسة ؏َ القنفة حاط أيده ؏َ عيونــة ولازم لعبة صغيرة بأيده
:- أجيـت أسئلج يادار عَن قُرة العين
يادار ڪوليلي وين أرحلو وين؟
يادار أسئل وين الأحباب؟
ملهوف أنه وعايد مِــن غَياب
يادار ماشفناهم سنين ڪولي
وصلَت لهنا وطفاها لزم رأسة قوي واللعبة بيده حسيت بنفسي حيوانة لأن جاي
اتجسس عليــة تمشيت حس بخطواتي ضمها ؏َــني سويت نفسي كُلشي مَــادري
دخلت لغرفتي
نشفت شعري دورت لكيت مشط بجنطه مالت أنسام مشطت ولميته ڪعدت ؏َ الجرباية
باوعت ؏َ ساعــة توها حتصير الـ ١١
فتحت تلفوني مينشاف منه شي الشاشة مگسور شدعي عليك يلي بالييي
فتحت حسابي الأصلي دخلت ؏َ طلبات المتابعة شفته متابعني
حطيت أيدي ؏َ خدي يا هذا منين عرف حسابي فتت لكيت روحي متابعته غميت نفسي
قبلته وكعدت أگلب بلي متابعهن ڪللللللهن نسوان وأشكال ألوان السافرة والمحجبة
المطلگه الارملة العزباء المتزوجة
أنهار :- أنوب الي تضيع منفتر وندور
عليها نلكاها هنا بحساب رجلي
العار
تمغطت أنسام مفتحة عيونها تباوع عليـــة ماحس الى دفرتني قوي
:- اويييي أنسام شبيييج
أنسام ::- هاي شلابسة
وشعرچ يگطر مي امشي نزعي يلا
لا تتمرضين !
انهار ::- الج خلگ أول ماتكعدين تتعاركين
معليج بية
رادت تحجي ماحَس الى الباب نفتح بإهمال دخل قيس يدندن ممنتبه للوضع
صرخت بصوت عالي
:- عزاااااااااااااااااااااااااا
باوعت ؏َ أنسام غطت روحها باللحاف وإني ضليت صافنى أباوع تالي شلت علبت
الكلينس الي بصفي وغطيت وجهي
وهو مخترع يباوع يرمش بعيونة
ماحس الى طفر لهيب ؏َ الغرفة من شاف الوضع جرة من ياخة قميصة يعت بي برة
بس طلعو ضربت أنسام ؏َ رأسها بالعلبة
أنسام ::- شبييييج رعنة !!!
طلعت رأسها تفرگ بي قوي ڪامت ؏َ ڪيفها طلعت توضت واجت تصلي واني عيني مجايها
نوم
قررت ألعب بحسابي غيرت الإسم ڪتبت اسمي أنهار عشتو شنو بسمة الأمل أسمي يخبل
وصورة ماحطيت حاطه صورة سودة ضليت أگلب بالانستا من حساب لحساب
تثاوبت بنعاس ردت أطلع من التطبيق وأنام شفته ناشر باوعت ؏َ ساعة بثنتين ونص
فتحته دگات گـــلبي بدت تتسارع واني اشوفة ناشــر بملهى ليلي هو وجماعته وداير
مدايرة بنات يرگصن وهو يشرب
رمشت بعيوني ممستوعبة عدت المقطع عشر مرات شفته متصل مَــادري شصاير بيه حسيت بروحــي أختنگت سحبت شال بدلت ملابسي وطلعت
لكيت أنسام ولهــيب ڪاعدين بصالة
هوه صافن عليها وهي تباوع ؏َ اللعبة الي بيده انتبهو عليـــة عگد حواجبـة بأستغراب وڪال
:- وين رايحة بابا؟
حجيت وإني بالگوة بالعة الغصة
:- مختنگه عادي أكعد ؏َ درج ؟
هز رأسة بـ أي وهو يباوعلي ممقتنع مابية شي
أنسام ::- باردة أنهار
أنـتِ سابحة موزين
ماسمعت الها فتحت الباب نزلت ؏َ باية من البايات ذبيت العباية ؏َ متوني وشال فتحته
أفرگ برگبتي أريد أسحب نفس
رجعت عدت المقطع علمود أذي نفسي وأقسيها حتى باجر من ينگسر ڪدامي ماحَن عليـــة
ظليت ؏َ هلحالـــة خمس دقايق
طلعت منه وإني أحس أكو أحد لازم گـــلبي بأيده قوي ويعصر بي عَصر غمضت عيوني
باردة حيل باردة
اجتني رسالة فتحت عيوني باوعت جانت من عَنده ڪاتب
- عود شنو معنى هذا
الي سويتي؟
فتحتها ومارديت ظليت صافنة بالمحادثة اباوع ؏َ ڪلامة رجع ڪتب
- متردين؟
ظليت صافنة على ڪلامة هم مرديت ماحسيت شوكت دمعتي نزلت تحرگ خدي
رعدت الدنيا فزيت بخوف باوعت ؏َ السما شكلها حَ تمطر
- من فاتحة المحادثة متجاوبين شعندج؟
- راح اشكج شك ردي
- هيييييو
اقراهن وإني ساكته مارديت بـ ولا حرف أخير شي صارا تمطر تبللت ڪتبت قبل
لا أدخل للبيت
- أنهار اذا متردين اجي
اشگج شبيج تخبلتي ردي ؟
ڪتبت بهدوء واني دموعي تتسابق ياهي الي تطيح قبل الخ
- حَريمــة البارحـــة جنت بروحـي اشتريك
واليــوم حتى الحرف أستحسفة
بيـــك
دزيتها وسديت الجهاز أحس حتى عظامي ترجف من البرد ردت افتح الباب فتحتها
أنسام باوعتلي عاضة شفتها نترت بية
:- فوتيي فوتيي هو أنـتِ
مشتهيه المرضه
أبتسمت الها بتصنع نزعت هدومي تبللن لبست ملابس هواي أول محطيت رأسي
؏َ المخــدة غمضت عيوني
صرت اردد بيني وبين نفسي بشكــل مُستمر
:- لا تفكـــرين لا تفـــكرين
وفعلاً ظليت ؏َ هل حالــة لحـــد ما نمت بدون مافكـــر بشي
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
أنســـام :- لميت سجادة الصـــلاة رفعت عيني
؏َ أنهار فاتحة التلفون وتگلب
امنيتي أشوفها لازمة ڪتاب شعور بالفرحة أستقر بگلبي واني اشوفها رجعت
يمي لو بس يكدر يرجع هو همَ
ذبيت حَـــسرة طلعت برة لكيته ڪاعد يباوع بتلفونة رفع رأسة اليـــة رمقني بنظرة
غريبة من فوك ليجوة أبتسم ولم شفته للداخل هز رأسة
أنسام ::- اسويلك أكل؟
باوعلي صفن عليـة ڪأنة سمع شي غريب
لـهيب ::- لا شبعان تعاي ڪعدي هنا
أشر ؏َ مڪان بصفة
تَقدمت ڪعدت يمة الجو بارد حضنت روحـي وميلت برأسي أباوع عليـــة
ڪام شغل الصوبة خلاها قريبة عليـــنا
رجع ڪعد انتبهت ؏َ لعبة مال بنية تجنن شعرها وردي وهي ڪلها ؏َ بعضها حلوة
بس قَديمة وبيها صخام لزمتها
بمُجرد ماحطيت أيدي عليها سحبها قوي
من أيدي خزرني ضليت
باهته بوجهه ماعـــرف شكول
أنسام ::- ليش متغسلها ؟
وصخة
حجيتها بعفوية أكسر الصمت الي صار عاط بية
:- مابييييها شي معليج
بيها لتتدخلين مرة ثانية
ضليت صافنة بوجهه ردت أبجي بس يفشلني شبي من شاف ردة فعلـي جــــر حَــسرة
رخَت ملامحة لزمها
بأيده يمسح بهدوء عليها
ڪال بهدوء
:- جانت تحبها بنتي حيل
أنسام ::- عادي أسئل سؤال؟
:- أي
::- هيَ شلون ماتت؟
:- حَادث صار قضاء وقدر
يومها وساعتها
حجيت بغباء بدون تفكير
::- جَنت تحبها ؟
رمقني بنظرة أستياء دنگ رأسة يباوع بجمود ماكو بوجهه ردة فعل غير البرود
الي محتل ملامحــة
رجع رأسة ؏َ القنفة ڪال
:- مرتين يموت الإنسان بحياتــة مرة يدفنو ويخلص ومرة من يخسر
شي جان يحارب عَلمودة
إني حاربت هواي شغلات بحياتي ومنها
حبيت وحده وماخليت واحد ماتوسلت بي حتى يخطبها اليــة ومحد قبل
:- متت ساعتها من عرفت بيها وراح تصير عنـدي بنت رفضتها كرهت الفكرة وماتقبلتها
ودائما الأشياء الي نكرهه بالبداية ونحبها بالنهاية تصير عَزيزة كِلش
صارت لروحـي روح حيتني من جديد
جانت حيل حَنية تنحط ؏َ جرح تطيب برغم صغر سنها جانت تهتم بيه وڪأنها
ڪبيرة
:- أقتنعت بعيشتي ورضيت وحمدت
ربي عليها
عتبرتها نعمــى وحافظت عليها
حتى بغلطة غلطــة مني غبائي وصلني لهل حالــة خلاني أخسرها
يحجي بدون ميباوع عَلية عينه ؏َ سگف سكت شوي صارت عينه بعيوني نزلت أباوع
؏َ لعــبة الي بأيده
حسيت بأحد ورانا التفت لكيتها أنهار وضعها موطبيعي مبينة مغثوثة طلعت برة
تحت أنظارنا
باوع عليـــة نهض ؏َ حيلة راد يروح ردت أحجي بالموضوع لأن ماتحمل
:- شسمة
التفت عليـــة حط عيونة بعيوني منتظرني أحجي واني تصنمت صافنة شلون
أفتح الموضوع
أنسام ::- شسمة بالعقد هذا
شيسمونة
احجي وشفايفي ترجف أباوع ؏َ ڪل مكانة الى عيونة هو عَدل وگفته التفت
الية حاط أيده بجيوبة مقلص عيونــة يرمقني بنظرات خَبيثة ڪأنة فهم
بس يريدني احجيها
لــهيب ::- شبي العقــد
حجاها وظهرت إبتسامة حَقيرة ؏َ ثغرة
وكفت فرگت أيدي قوي باوعت عليـــة هو أطول مني وأضخم رافعلي حاجبة منتظرني احجي
دنگ لمستواي قرب عليــة
ڪِلش ڪال
:- شبي العقـد ماڪتيلي؟
عضيت شفتي بندم شكو حجيت هسه انجبي وغلسي لو الى تحوصين نزلت عيونة
؏َ شفايفي حررتهن بسرعة أبتعدت عنه عدل نفسة باوعلي منتظر أحجي
مسحت أدية الي عرگت من الخجل
:- هيج ماكو شي تصبح ؏َ خــــير
باوعلي ممقتنع هز رأسة حگ لحيته وراح لغرفتة ظليت ڪاعدة الوم بروحــي ليش حجيت
لحـــد ما أجت أنهار فوتتها ورحت
للغرفة
بس مجايني نـــوم باوعت ؏َ ساعــة حتصير بتلاثة ردت انام بس ڪلت حَرامات
خلي أصلي فعلاً انتظرته يأذن ولفيت رأسي ونمـــت
حَسيت ؏َ ضربات خفيفة ؏َ خدي فتحت عيوني
بكسل تمغطت باوعت لهــيب
ڪاعد ڪدام الجرباية يضرب بهدوء ؏َ وجهي راجديات خَفيفة
فزيت طفرت طفررة للجهه الثانيــة من الجرباية
أنسام :- يمة شكوووو
لـهيب ::- ڪومي ڪومي
نروح للشركة
رمشت بعيوني ممستوعبــة
أنسام :- إحنا مطرودين
طگها ضحكة وعيونة تتجول ؏َ ملامحـي
باوعت ؏َ المراية الموجودة
بالكنتور ڪفشتي راح تطخ السگف غمضت عيوني سحبت اللحاف غطيت روحـي بي
ماسمع بس صوته يضحك واني مغطية روحـي طلعت عيني شوية شفت الساعـــة
بـ ١٠:٣٠
:- ترا عشرة ونص شلون نروح
متأخرين
نهض ؏َ حيــلة ڪال
::- ڪومي بابا أنـتِ مرت المدير
شوكت متردين تفوتين
سمعت صوت الباب طلعت رأسي من الغطة تنفست براحــة بعدني مطلعت الملابس
من الجنط بحوشت طلعت ملابس لبستهن
لفيت الحجاب ماحطيت شي
؏َ وجهـي بس رشيت عطر
طلعت لڪيت ودق تطبخ الغدة ولهيب ڪاعد يباوع ؏َ الساعة من طلعت باوعلي
من فوك ليجوة أبتسم أشرلي بأيده بـ معنى يـلا
طلع هو واني دورت بالبيت خواتي ماكو
ودق :- راحو ؏َ المدرسة
لتدوريهن مقبلت نوران تداوم بس
ڪامت تبجي فـ خليتها أنهار وياها
لبست حذائي ؏َ سريع وطلعت مستعجلة صعدت بالسيارة يسوق ؏َ ڪيفة سوة
الطريق شطولة وهو طول الطريق مبتسم بالعادة يطير طير للشركة
ڪل شوي يباوعلي ويبستم
:- أكو شي بوجهي يضحك
لـهيب ::- أي
باوعتله مستغربة نزلت المرايا اتفحص وجهي ڪُلشي مابي وهو يضحك ؏َ صامت
:- مابييي شي !
وڪفت السيارة باوعت وصلنا التفت عليــه حط أيدة ؏َ خدة يباوعلي ڪال
:- أريد اكلج هنا صيحلي أستاذ
بس گـــلبي ماينطيني
ذب حَــسرة وهز راسة متوعد ڪال بحرگة
:- والله يا أنسام ناذررر نذرر
بس ڪولي اسمي بدون أستاذ
شهگت وحطيت أيدي ؏َ حلگــي تأمل ملامحي بأستغراب بعدها وڪأنو أستوعب أنفجر
يضحك بهستيريــة
لدرجــة داهمته نوبة سُعال من بعدها
فتحت باب السيارة ونزلت بوجهي ؏َ شركــة قبل لا اوصل للباب سحبني من معصم
أيدي دارني عليـــة
:- عزا بعيني إحنا بشارع
غمزلي وڪال
::- بابا ليش ڪل تفكيرج
مُنحرف
صافنة بعيونـــة مَــادري شوكت سحب أيدي
وحط بيهم ملف أبتعد عني
دخل قبلي واني بعدني متصنمة بمكاني
سحبت نَــفس عميق فتحت الملف الي بأيدي نفس الملف الي انطردت منورة مسوي أحسن
مني ومرتب وكامل
دخلت بسرعــة أريد اشوفــة وين صارت ڪُل الأنظار عليــة لأن دخلت صار بوجهي أديم
أبتسملي ورديت الإبتسامة
فتحت باب غرفتـــة التفت شافني أشرلي بأيده
تقدمت سديت الباب
أنسام ::- هذا شنو؟
لــهيب :- انطي لـ هشام
ڪولي أنـتِ مسويته
حدقت ؏َ الملف ورفعت عيوني بعيونة
:- ليش؟
::- حتى ترجعين تشتغلين؟
:- ليش لازم أرجع أشتغل ماريد
المكان إلي ميردني ماري..
سكتت من شفته وڪف ؏َ حيلة يتقدم عليـــة بخطوات بطيئة حَذرة
دنگت عيني ماعندي جُرأة احطها بعيونة
ڪل ما الــة ويتقدم واني ارجع حتى نضرب بالحايط وكف ؏َ بُعد مسافة عني ماتفصلنا
الى سانتيمات بسيطــة
لـهيب ::- هواي تحجين
وتسئلين أنسام
حجاها وحط أيده ؏َ خــدي يمشيها وعيونة تنتقل مركزة بـ تفاصيلي
رفع عينه لعيوني ڪال بـ ثقة
:- حتى تصيرين ڪدام عيني
بالبيت وبشغل
شددت ؏َ قبضــة أيدي أحس أذني بيها شي لو الي داسمعة غَـــلط زفر نفس دنگ عيونة
ڪأنة استوعب موقفة وڪلامة
لــهيب ::- راح اجيبلج جهاز سكر
حتى تقيسين سكرج مو كُلشي
تأكلين واجيبلج ادوية التزمي بيها ماشي
رفعت الملف بأيدي
:- زين وهذا هسه شنسوي بي؟
::- نودي لهشومي
يلا تعاي بسرعة عدنا إجتماع
مانطاني مجال أستوعب سَحب أيدي وفتح الباب طلع ڪدامهم ڪلهم لازم أيدي قوي
واني اشوفهم يباوعون وعيونهم مصدومة
وكلها تحجي شيخلصني بعد
فتح باب غرفة الاجتماعات ڪالعادة الي ڪاعدين دائماً علياء وبتول فرقان أديم وأستاذ
هشام وكم موظف ثاني
رفع رأسة أستاذ جان شايل بيدة ڪوب گهوه ڪاعد يشربة بمُجرد ما شافنا سوة
وعيونة نزلت ؏َ أيد لهـيب الي متشابگه بأيدي بقوة
تفل الگهوة ؏َ الملفات
ضحك بخفة لهيب سحب الكرسي اليــة وكعدني واني أحس روحـي راح اموع بنصهم
قرب عليه ڪِلش همس بأذني
:- نتصرف ڪدامهم زواج حقيقي
مانطيت ردة فعـــل سكتت وأستاذ هشام ماعلق ؏َ وجودي بس فرقان الي ساعة تضرب بالقلم
؏َ الميز لو تتأفاف ؏َ أبسط شي لو
تخزرني
لهـيب منطيها الأذن الطرشة اخير شي ڪال
:- أنسام خلال ذيج الفترة
خَلصت المشروع الي صارلنا هواي نشتغل
عليــة ومايضبط وتريد تعرضة عليكم
باوعت عليـــة خايفة بعدني مترردة والخلاف الي بيني وبين أستاذ هشام أحس أطرافي
صارت ترتعش باوعلي بعيونة
يهديني
بلعت ريگي شلت الملف وبديت أحجي ماعرف شسوي بس جنت أباوعلة وأحجيلهم
جان مركز وياي بكُل انتباه وڪانو أول مرة يشوف المشروع مو هو الي مسوي
قاطعتني فرقان وهي تكول
:- سبحانك ربي شكد بينا سوو المشروع
وشرط ملفاتهم تحترگ ومحد
يدري شلون وبس ملف أنسام إلي يبقى هاي وين صايرة
جان لهــيب يكتب بالورقة بـعشوائية
وهو مبتسم بخُبث
لـهيب ::- أي هيَ هاي نيران
الغيرة هيچ تحرگ
بمُجرد مانطقها رفع رأسة الها يبتسم بحقارة حتى ينرفزها وفعلاً نجح بهذا الشي
صارت تغلي غلي ماتحملت طلعت ورگعت الباب وراها رجع أستاذ هشام بالكرسي
ليورة حط أيده ؏َ خــدة يباوع ؏َ لهــيب
هشام ::- أي لهــيب شنوة
تفسريلك لـ سالفة ڪل الملفات لو تحترگ
لو تنباگ ؟
قوس شفايفة يحاول يخفي أبتسامته الخَبيثة عـنه رفع عينه للسگف ڪال برود
:- اللّٰـه ميريد يظلم أحد
هشام ::- اللّٰـه لو عبداللّٰـه
لــهيب :- لا خوية ڪُلشي
ولا ظن السوء مروتك تروح تبلينا
باوع الــة بيأس يدري ميكدر يغلب لــهيب ڪلهم وافقو ؏َ المشروع بمُجرد ماطلعت
أنسحبت من أدية قوية ؏َ جهه
باوعت بتول
سحبتني قوي لصدرها حاضنتني
بتول :- حقيررررة وين رحتييي
حيوانة ماحبج
أكرهج
أنسام ::- هههه بس وخري
خنتنفس شجاج
أبتعدت عني عفست وجهه وڪالت
:- صدُك شنوهاي شو لازم
أيدج عادي يعرفون إلي هنا أنتو مخطوبين
فرگت عيوني قوي مشيت وإني احجي وياها والعيون ڪلها عليــة
::- يمعودة تزوجنا حتى جنت
نايمة بيتكم
وڪفت شوية صافنة تباوع ؏َ الوضــع فتحت باب الغرفة صار بوجهي لهــيب
يباوع عليــنا ڪالت بفهاوة
بتول ::- هسه أنـتِ يعني صرتي
مرت خالي؟
ضرب أيد بأيد لــهيب وڪال
:- لا يالله أنسام صارت مرت خالج
شوف شلون ياربي
ضحكت عليها دخلت وهي مثل المطفية صافنة خَلص اليوم بالشغل
فرقان مالمحتها بعد أحسن عوذة خلصت
كَمت من ؏َ الكرسي رفعت أدية ليفوگ باوعت ؏َ ساعــة وحدة وربع حجيت بدون
مانتبه
- والله تعبت
فززني صوتة الخَشن
:- أمشي يلا نرجع للبيت
حطيت أيدي ؏َ شفايفي أباوع مصدومة
أنسام ::- لالا عادي موقصدي
هيج بس لأن تعودت ؏َ ڪعدة ال..
لزم السويج بأيده يفرة
لهـيب :- اووووه أنسام شكد تحجين
امشي جان هســة إحنا
رجعنا يلااا
مد اليــة أيده بمعنى لزميها باوعت عليها لوقت طويل وهو عيوني مركزة وياي
يشوف ردة فعلي
مديت أيدي بتردد سُرعان ما سحبها قوي فتح الباب وطلـــعنا رجعت ؏َ البيت
خواتي جايات شفت صبرية واكفة بالحديقة أول مالمحتني أبتسمت بـ حقارة
هو من شاف ردة فعلها بسرعة
دخلني جوة فتحت الباب گفختني ريحــة الأكل
لـهيب ::- احنا جينا
مدت رأسها ودق تبتسم ڪالت
:- هلاااا بيكمممممممم
دخلت شفتها مخلصة ڪل الأكل ومنظفة البيت من وصلت يمها ريحتها تجنن
واني بس أشتم ريحة الأكل تصير بملابسي
أبتسمت إلها فتحت باب
الغرفة لكيت أنهار ڪاعدة ؏َ جرباية تبجي
وگعت الجنطــة من أيدي ركضت عليها
:- شبيج شكوووو شنووو
حدقت بية بحزن بعدها نطقت بصوت
مهزوز
:- أريد أصير دكتورة
أنسام ::- وثول هو غير أنـتِ
أدبي شتصيرين دكتورة ؟
:- اهوووو أنسام
هسه شنو ماااا ماااا أريد
أريد
أخذت ملابس بدلت مالي خلگ هرموناتها گعدنا نأكل
جان الجو هدوء وأصهب وقيس
مارفعو عيونهم حتى لا يحرجونا ونتقيد
لـهيب ::- اليــوم الفجــر ڪلنه
نطلع مايبقى واحد بينا لا تخافن ودق هنا
وصبرية وبتول جوه
أنسام ::- ڪلكم منو ؟
لـهيب :- اني والولد وهشام
سكتت ماحجيت شي بس شعور محلو راودني وحدنا وصبرية هنا مارتاح إلها
أحسها ناوية النا ؏َ نيــة سودة
ڪمت غسلت المواعين وية ودق رغم ماقبلت بس أصريت عليها شنو ڪلنا ؏َ الحاضر
ڪاعدين وهي تخدمنا هم خطية
مر اليــوم طبيعي حاولت أحجي وية نوران بس هي عازلة روحها ومتقبل
تحجي وية احد تركتها قبل لا يطلع لهــيب صاحني لغرفته
واكفة ڪدام الباب مترددة اجفت جفت ادك الباب لو اغلس زين شيريد مني جان بيدي
تلفوني دگ باوعت جَان ميريام
أبتسمت وأنفتحت الباب باوعلي مقلص عيونة جان حاط الجكارة بحلگه وشعرة مبهذل
مبين هستوه ڪاعد من النوم
أنسام :- ليش تنام المغرب
موزين
مارد عليــة مخنزر مدري شبي سوالي مجال حتى افوت نزلت عيوني ؏َ تلفون
باوع الـــة ڪال
:- متردين
أنسام ::- هذا ميريام
بعدين ادك عليه شنو ردت
بمُجرد مانطقت إسم ميريام رفع حواجبة بأستنكار ممقتنع حرك لسانة بخدة
ذب حَــسرة وڪال
:- فوتي فوتي
ردت اكول ليش افوت بس أخاف يگتلني دخلت وسد الباب صارت عيني ؏َ الغرفة جبيرة
ريحت مسگ بالغرفة ڪُلش قوية زفر نفس يفرگ بوجهه تقدم
فتح الكنتور أشرلي ؏َ ملابس ڪال
::- خاف نتأخر وتحتاجون فلوس !
هاي هنا
بلعت ريگي وإني أفكر مستحيل أمد أيدي عليهن سد الكنتور وانتچه عليه يباوعلي
لـهيب :- بغض النظر أن ڪان زواجنا
حقيقي أو ڪذب أنـتِ مرتي هسه ڪدام اللّٰـه ورسولة والج حقوق يمي فـ رجاءً بطلي هاي سالفة متاخذين صدكي أنسام أن رجعت ولكيت
الفلوس ؏َ حالهن تشوفين شي مايعجبج
عيونة تتجول ؏َ أنحاء وجهي وهو يحجي عدل وڪفته وأردف مكمل
- حتى وأن ما احتاجيتي أخذي
خوش؟ ماريد ارجع الكاهن ؏َ حطتهن متفقين؟
هو يحجي وإني صفنت هو لابس فانيلة بيضة بس وبجامة واني واكفة اباوعله بكل صلافة
هسه شيكول عليه يااا
لـهيب :- يابة وين صفنتي؟
أنسام ::- وياك وياك هاي هيَ
باوعلي ممقتنع بردة فعلي هز رأسة ضليت واكفة اباوعله وهو يباوعلي
صفنت ؏َ الوضع هو ساكت وإني ساكته ڪلت بثول :- أي وشنو بعد
بللت شفته دنگ راسة وضحك بخفة
لهـيب : هسه تطلعين لأن اريد
ابدل
أحس وجهي صارت تطلع من نار صار ساعة صافن بوجهي منتظرني أطلع واني لاطشة
عزا بعين امي
عضيت شفتي اني ودامشي ضربت أصبع رجلي الصغير بـجرباية روحي شاطتت لله
وهو يضحك ويصيح
:- اللّٰـه اللّٰـه
التفت عليـــة مبتسمة أحاول اخفف من الفشلة الي حطيت روحي بيها من التفت ركعت روحي بالحايط بدون مَــادري
ضليت واكفة بمكاني متصنمة مو علمود شي من فشلتي ڪمت ابجي التفت عليه داير
وجهه واكتافة تهتز من الضحك
ماصدكت فتحت الباب وطگيتها ركضة لغرفتي شمرت روحي جوة البطانية
اتگلب من الفشلات والمواقف السخيفة الي تصير
فعلاً لـ ثمانية وطلعـــو ڪلهم بقينا
بس البنات بالبيت ماعندي فضول أسئل وين راحو
صليت وردت أنام بـ ما أنو وحدي بالغرفة لأن أنهار يــم البنات ڪاعدات يسولفن
حتى يغيرن من نفسية نوران
تذكرت ميريام نسيته فتحت تلفوني دگيت عليــه رأساً رد طرش طبلة أذني وهو يعيط
:- أي وگت صار ميريام
غريب ومديرها عزيز
حجها وهو يجر بالعزيززز
أبتسمت
:- هههه شلونكم لارا شلونها
لا تخابر لا تسئل
::- أي مو صرنا غربة بعــد
ليش تزوجتي؟
سكتت مجاوبته ڪل ظني بعدة يحبني قاطعني قبل لا أنطق وڪال
:- مضايج إني اللّٰـه يهنيج
ويسعدج وياه أن شاءلله يطلع خوش رجال
حجاها وإني ألعب باظافيري حجينا شوية ؏َ وضعة وزواجــة بعدة ميمل لمرته ؏َ
رغم هي حيل حلوة وحبابة سديت الخــط وياه وحطيت رأسي ؏َ المخدة بمُجرد ماغمضت عيوني غفيــــت
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
أنــــهار ::- ڪاعدات نسولف إني ودق
إلي فهمت بين فَترة وفَترة
لـهيب وأخو يرحون ؏َ الجنوب شغل عدهم هناك مـدري شنو وشكو
ڪمت تمغطت أحس ظهري يوجعني من الكعدة نوران لازمة ڪتابها ومثل الربوت
تعيد وترجع ليورة و ودق نايمة ؏َ الجرباية تباوع ؏َ تلفزيون فلم هندي بادي هسه
شفت الساعــة وحده وربع
أنهار :- نونو تدرين الساعة بالوحدة وربع وأنتِ كاعدة
باوعت بعدم إهتمام ورفعت أكتافها بمعنى مَــادري غميتها وطلعت رحت شربت مي
وأنفتحت شاشة تلفوني دليل ؏َ وصول أشعار
رفعته ڪدام وجهي جانت رسالة من عثمان عگدت حواجبي بأستغراب شمرت التلفون ؏َ
جهه مالي خلگه ڪِلش
فكرت أغلس بس الوضع زاد وهو يدز رسايل
أخير شي استسلمت وفتحتهن
اقرة بهدوء ؏َ رسايلة الغريبة وڪأنو موصاحي
- أنهار
- متردين شدعوة شايفة روحج
- وصيتتتت الهوى يحاجيكككك
- اكلج فتحي الباب
- جاوبيييييييي
- اجيتج اجيتج
صافنة واقرة بيهن هذا شبي شاخط نزيت شمرت التلفون من أيدي من دگ عليــة
فتحته مانطقت حرف بس اسمعة شيحجي
صوتة مو طبيعي خدران ويحجي ڪأنو مو بوعية
:- هاولج البربوك
دازتلي هذا الـبغل يكلي متريدك
شنية مترديني
مارديت علية ظليت ساكته أسمعة يتنفس أنوب رجع حجه بصوت عالي
- وصييييييت الهوى يحاجيكككك
يذكرككك بليييي ماناسيككك
ذب حَــسرة وڪال
:- طلعي إني برة بيتكم ترا
هسه اطفرررر
لطمت ؏َ خدي هذا سكران أكيد مو صاحي
تجاهلته عبالي جذب بس دزلي
صورته مصور وية الباب ومبتسم مسوي علامة النصر
تخبلت نزلت بسرعة فتحت الباب أباوعلة صدُك واكف ڪدام الباب من شافني أبتسم
مغمض عيونــة
لطمت ؏َ خدي قوي حجيت بصوت هامس لأ أحد يسمعنا
أنهار :- صخام بوجهي
شچابك هنااااا !!!
ميكدر يسيطر ؏َ روحــة حط رأسة برگبتي شمني قوي رفع رأسة يباوع بعيوني
أبتسم وأشر ؏َ رجلة ڪال
:- رجليييية جابتني
شچابني قابل
لزم أيدي ڪال
:- يلا امشي نرجع
خزرته وسحبت أيدي بنترة
::- وين نوليييي !!!
رجع رأسة برگبتي منزل نفسة حتى يوصل لطولي مستنده ؏َ الحايط وهو رأسة
برگبتي مغمض عيونة يشم بيها
السبـع :- افيششششش
ريحتج خايسة
حجاها وضحك دفعته قوي من صدرة وسديت حلگه بأيدي
:- امشي روح عثمان تريد
تخزيني ڪدام العالم !!!! روح اللّٰـه يخليك
دفع أيدي وڪال
- لا صدك بعلي ريحتج تخبل
تعاي اشمج
يحجي ويجر بيه من الدشداشة يقربني عليـــة
وإني أدفع بي واتلفت لأ تطلع
اخت لهيب وتشوفنا فشللللة !!
دفعته قوي سحبت تلفونة من أيدة وهو ڪعد بالگاع لازم رأسة بأيده دكيت ؏َ خليل
رأساً عطت بية ڪتله يجي
صرخت بفزع
:- يــــمه
من سحبني من معصم أيدي مگعدني قريب منه عضيت شفتي بسلا سمعوني يربي !
السبـع :- تدرين شتكلي
عكدت حواجبي باوعت عليـــة
::- شتكلك
- تريدني أنام وياها
عوجت حلگـــي
:- متولي تنام وياها شچابك يمي
يحظي لو هذا حظي ميجبلي بس السگارة
باوعلي خزرني ڪال
:- طمي روحچ ياعار
تغلطين ؏َ رجلج عرضج إني
من حجاها توسعت عيوني بصدمة گوة لزمت روحي ماضحك ؏َ حجايته ديقلدني
ندگت الباب حطيت الحجاب ؏َ راسي نزلت
ردانات الدشداشة دخل خليل
باوع عليـــة جان ديگرط جزر باوعلي ڪال
:- شتردين متستحين دازة عليه
بنصاص اليالي
أنهار ::- دشوف أخوك سكران
بس حجيها وكف ؏َ حيلة سحبني حضني قوي گسر ضلوعي واني طبيت بهدومي
لأن خليل واكف يباوع عليــنا
أنهار ::- وخررررر عثمان
عيب العالم أخوك هنا
تقدم خليل يريد يسحبة ماحس الى عيطة خليل رفعت عيوني شفت ودق واكفة
وتضرب بخليل وعثمان بالماسحة
خليل :- هاااايمعودة شكو
شبيج ظهري
باوعت عليــة مصدومة خزرته باوعلي عثمان يباوع بعيوني
:- خنرجع سوة شبيج !
هو يحجي وعيونة بعيوني وخليل ودق ورانا تعاركو صارت مكافش مَــادري
شلون طاحت الماسحة براس عثمان
السبـع :- شبيج قاتله اللحظات
السعيدة
سمعنه صوت مرة باوعت ودق بخوف رأسا أشرتلي ؏َ الباب دفعته عثمان وخليل
يسحب بي طلعو برة وسدت
الباب سحبتني عليها ضربتني راجدي قوي باوعت أكو مرة سمينه تباوع علينه رافعة حاجبها
ودق ::- شكد حقيرة
اللّٰـه ياخذج أن شاءلله
وين أكو وحده هيج تسوي
رمشت بعدم أستيعاب ماعرف ؏َ شنو ڪاعد تحجي
صبريــة ::- شصاير هنا ودق
باوعت عليها ودق مقلصة عيونها
:- ماكو شي خالتي موزين
عليج شمگعدج لسة روحــي نامي
مشت صعدت ليفوك عايفتني تحت صدمتي وأسفل النظرات الي اخترقتني وهي تگصني
گص اللّٰـه لا يوفقك عثمان
صعدت ؏َ درج مديت رأسي شفتها سدت الباب وقفلته ڪعدت بالگاع تربعت شكيت
زيك الدشداشة
رفعت أدية اثنينهن
أنهار ::- عساگ بابوخريان يا عثمان يا معفن
ڪون تشحن تلفونك بليل
تكعد تلكاه ماشاحن عساك تسوي أكل
بليل ويستوي ويطلع ماكو خبز ڪون أن شاءلله تزلك وتوگع ڪدام النسوان ويضحكن عليك
يا حقير
لميت روحـي وكمت وإني أدعي عليــة واتحسب ثاني يوم جان جُمعة مجان أكو دوام
ڪعدت متأخرة وأنسام راحت للشغل ورجعت من وكت
ڪاعدة ؏َ جرباية أحفظ بالإنكليزي
اجيبة منا اودي منا ميخش
بعقلي التفت ؏َ صوتـــها وهي تحجي
أنسام ::- تتوقعين بت لهيب
شلون ماتت
فريت أيدي عدلت ڪعدتي اباوع عليها
أنهار ::- شلون ماتت يعني ساعتها
ويومها اللّٰـه يرحمها شبيج
تبحوشين ورة البنية
سكتت مجاوبتني أجت بالي فكرة خبيثة أبتسمت فتحت تلفوني دزيتله
- مرة ثانية لا تجي للبيت وتسويلي
مشاكل وية عالم خوش
إذا هيج گاتل روحك عليه شكو
ضيعتني من أيدك
ماشافها تأخر حيل قُرابة الساعتين يلا رد ڪال
- ما تنجبين هو ياهو گاتل
روحة عليج
ڪتبت بسرعة
- مَــادري أسئل روحك
ليش جايني البارحـــة سكران
تتنوطح تتوسل أرجع وياك
بمُجرد ما دزيتها سمعت صوت عيطة جوة أنتفض جسمي بـ فزع شمرت التلفون لكيت
ودق وأنسام نازلات قبلي
نزلت وراها شفت نوران واكفة بالحديقــة
واخت لهيب واكفة تصيح
عليها وهي تختض وترجف مثل السعفة
نزلت أنسام بسرعة خلت نوران ورة ظهرها خزرت صبرية عاطت بيها بنفس نبرتها
:- خيرررر شكوووووو
صبرية ::- هاي شني أختج مخبلة
شو تحاجي روحها
تحجي وتأشر بطرف إصبعها ؏َ نوران بقرف
جان غرضها من ڪلامها هذا تستفز أنسام
وفعلاً نجحت بس أنسام
خفت عصبيته ونرفزتها ردت برود
أنسام ::- أنـتِ تصلين
صبرية :- أي الحَمدُللّٰـه
ماركض من حضن لحضن مثلجن
مفلفلات ڪلجن تردن رجولة
ضحكت بطرف شفتها أنسام باوعتلها بـ ثبات
:- يلااااا وليييي روحـي
صلي أريد اشوف شلون اللّٰـه يقبلها
تگسرين بخاطر يتيمة
هي حجتها لو صبرية نجنت عليـها تقدمت تضرب بأنسام بوحشية اني ركضت ؏َ
نوران الي صارت تبجي وتشهگ بشكل يخوف حضنتها قوي لامة رأسها لصدري
غمضت عيوني لثواني فتحتهن واني اشوف صبرية تعت بـ أنسام من شعرها تسحل بيها
لبيتها ودق ترجف وتلزم بأيدها تعيط
ودق ::- والله خالييي لهيب
يذبحج والله يذبحججج
گـــلبي وجعني بعدت رأس نوران لازمتها قوي همست وإني صوتي يرجف
:- لتخافيين خوش لتخافيين
ابقييي هنا اروح لـ أنسام نوران
لزمت أيدي قوي تهز برأسها
نوران ::- لااااترحينننن لااااا
لااا أخاف أخاف
صدري يصعد وينزل صوتس نفسي عالي تذكرت ڪلام أنسام وهي تكول صار عدها
خفقان والسكر شلون تتحمل هي مريضة روحـي تلوب مفرفرحة يم منو ابقى
يم نوران الي حالتها تبجي تشاهگ وترجف لازمة أيدي قوي
لو صوت أنسام وهي تصارع وية صبرية وهي أكبر حجم منها وأقوى منها ڪاعدة
والهوى البارد يگفخني وروحـي محترگة
نزيت مخترعة من سمعت صرخة ودق متألمة محد بالبيت غيرنا حتى بتول صديقة
أنسام ماكو
أنهار ::- نوران اللّٰـه يخليج خلي
اكوم مدتسمعين صوت أنسام تصرخ
متخافين عليها هاا؟
باوعت اليــة بخوف أبتعدت عني رأساً ركضت وإني اطرافي ترتجف أنفتحت الباب التفت
جانت بتول من شافت الوضع وسمعت الصوت
فتحت عيونها بـ صدمة شمرت الغراض من أيدها وركضت ؏َ البيت بسرعــة
فتت وراها أركض
لكيت أنسام مددة بالگاع گوة تسحب النفس متوليتها الحيوانة ضرب وجهه ڪله أحمر
من الراشديات وشعرها حالته
حالــة
أجتاح روحـي خوف فضيــع وإني أشوفها محميـــة شوگه بالنـــار
صحت بصوت عالي هز أركان البيت
:- لااااا أنسااااام
لكـن صوتي مخلاها تنهض من مكانها بالعكس تعالت اصوات صُراخها بـعد ما حطت
الشوگة ؏َ أيدها خلتها تشوغ لله
أشوف أختي تتلوى بالگاع من الوجع لازمة أيدها قوي أحس رجلية بعد متشيلني
رفعت عيني عليها وإني أشوفها تبتسم بـ إنتصار ڪأنها سوت إنجاز
وڪأن صوت صرخات أختي نوع من أنواع
المُوسيقى الفاخرة إلي
تستمع بيها وهي تطرب مسامعها
التفت ؏َ الي طاحت وراي فاتحة عيونها بشكل يخوف ترجف وحاطه أيدها
؏َ أذنها تمنع روحها من أنو تسمع صوت الصراخ
تردد جُملة وحــدة
بتـــــول - راح يذبحـــنا خالي لهـــيب
راح يحرگنا نفــــس ذاك اليـــوم ..
- ذكَرى أليمة!
واقع مُر تعيشهُ طفلة صغيرة
خوف ، حزن ، رعب
من نَدبة تترك في روح جراح ڪثير
أما الآن هو حَدث مُخيف
تعيشيها تلكَ اليتيـمة ..
يتبــع ..
الحكايـــة تستمـر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
حسابي انستا للتواصل 👇🏻
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!