#أنسام_اللهـيب
بقلـمي أنا زيـنـب خــالــد
علقو ؏َ البارت وصوتو خوش ترا ميگهرب
من تصوتون وتابعو حسابي
بالواتبـــاد 🫶🏻♥️.
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
أنســام : هَربت مني صرخة
شبهه مسموعـة حطيت أيدي ؏َ خدي لأن طَفر زيت من الطاوة ؏َ وجهـي جريت
حَسرة ركزت ؏َ الأكل الي ڪدامي
ڪاعدة احضر الريوگ لـ عمي وأهل
بيتـه طفيت الطاوة رتبت الأكل ؏َ الصينية حطيتها ؏َ سفرة صعدت بسرعــة
طرقت بهدوء ؏َ باب غرفته
هو وزوجَتــه
أنسام : عموو خلصت الأكل
انفتح الباب قوي خزرني
تقرب أيده حاوطت رگبتي
: لگ لگ لگ من الصبح شبيج
غير صوت الترگع إلي صاير جوه بالمطبخ !!!
حتى الجَمعة مخلصانين منج
رفعت أيدي أبعد أيده عن نحري
خنگني مو راضي يهدني
أنسام : قابل هو المن الي
هو الك ولبناتك
فتح عيونــة بـ صدمة أعتبر ردي
البسيط هذا تجاوز وقلة أدب شمرني بالگاع ودفرني ؏َ خاصرتي قوي عقجت وجهي
بألــم نزل ؏َ درج يدبچ دبچ مو ينزل انفتحت باب غَرفة بناتــة
طلعت أبتهاج تفرك وجهه ڪالت بتذمر : يوو
أنسام متعرفين متسوين
دراما من الصُبح !!
سحبت نَــفس نهضت من الگاع
بلش البــرد شلون بيــنا نزلو ڪلهم ؏َ سفرة
يأكلون
رفعت عيوني ؏َ ساعــة بـ 6:30
نزلت ؏َ درج توجهت المخزن وهذا هوَ بالضبط
إلي يضحك بيت شگبرة شكده
مخليني إني واخواني ڪاعدين بالمخزن
ضحكت بـ سخرية ؏َ الوضع
حدقت بـ ڪل واحد من أخواني قبل
لا أطلع اليوم عطلتهم ڪلهم بالمدرســة بس إني خلصت سادس وبلشت أشتغل
حَـتى أسكت عمي
لبست ملابسي المُعتادة سحبت
تلفوني وطلــعت أمشي للشركــة مشي مو ڪُلش بعيدة بس أتعب بالمشي
أشتغل عنــد صديق أبوي ڪان بابا
اللّٰـه يرحمو يشتغل هو وصاحبة سوة الروح
بالروح
من طفولتي ماتذكر شي
عن أبوي ڪان قاسي يعاملنا برود
لكن ڪان يقدس شي اسمة شغل !!
گرس حياتــة ڪُلها يشتغل
ولحد آخر لحــظة بحياتــه هو ڪان يشتغل
فتحت باب الشركـــة دخَلت لفحتني
ريحــة العطر الطيبة
وأصواتهم وهمه يشتغلون أبتسمت صارت علياء بوجهـي ردتلي الإبتسامة
علياء : صباح الجماللل
أنسام : ههه فدوة
مشيت بخطوات واثقة ؏َ مكتبي
إني اشتغل سكرتيرة هنا
أول مكعدت بلشت أشتغل ؏َ الملفات تگسر ظهري عليهن
نحط ڪوب گهوه ؏َ الميز
رفعت رأسي شفتها مبتســمة
ڪالت بصوتها الناعم اللطيف : مورنگ مورنگ
يا حلو
ڪمت من ؏َ الكرسي حضنتها وهيَ
بادلتني ڪالت بفضول : أكدر أعرف
شلون ممكن يكون الأمان ڪُله بحضن شخص
رفعت رأسي من حضنها قلصت
عيوني وڪلت
أنسام : اممم وبلاا اني هذاا الشخص ؟
بـتول : هههههه أي وبجدارة
تأخذين المرتبة الأولى
شو راويني خلصتي شغلج؟
عدلت روحـي سحبت الملف خزرتها وكلت
أنسام : وخري ڪوب الگهوه
لا أنتحـر بيج لا يوگع عليها !!
بعدته ركزت ؏َ شغل وهي تأيدني بـ أيشي
أكولــة أبتسمت برضى
ورفعت إصبعها بـ معنى أوكي
بلعت ريگي ظهرت ابتسامة
النصر ؏َ ثغري تقــدمت أريد اودي الملف
دگ تلفوني التفت عليـــة
هاي مَرت عمي ردت اتجاهل الإتصال بس گـــلبي لعب
حطيت الملف ؏َ الميز سحبت
التلفون فتحت الخط
أنسام : الوو
أجتني صوت شهگه أنهار گطعت انياط گــــلبي
دگات گـــلبي تسارعت
حجيت بسرعـــة وإني روحـي شايطــة
أنسام : شبيج نوران
علي بي شي أحجي لا تخبليني
حجت والشهگه بصوتها
نوران : عمي عمي ك.. كاا.. كاعـد
يي.. يضرب أنهار..
عضيت شفتي عفت ڪُلشي
ماشفت دربي بس تلفوني وأخذت فلوس بأيدي نزلت بسرعة ؏َ درج مدنگه بالگاع عيوني
غرگانه بالدمـــوع مانتبهت انرگعت بـ شخص
قوي حيل طاح التلفون من أيدي
رفعت عيني الــة ملامحــة حادة ڪأن لابس
دشداشة بيضة أطول مني
بهواي حدق بية
بـ جمود نزلت بسرعــة عفت حتى التلفون وكفت بالشارع والحظ حالفني
صار تگسي بوجهي وكفته أريد أوصل بسرعــة
قبل لا أصعد لمحته واكف لازم تلفوني
بأيده رافعة اليــة
ماهتم طز اهمشي أخواني
وصلت وأحس الطريق الي الصبح
مشيته منه وصلت بلمح البصر هسـه صار شطولة بالگوه دفعت للرجال أيدي
ترجــف
نزلت ؏َ سريــع أسمع صوت الضرب
وصوت علي يصيح وعمي
صوته عالي ركضت ؏َ الإستقبال
وصلت شفت أنهار نايمة بالگاع وجهه
ازرگ من الضَرب وعلي واكف بوجهه عمي يحاول يحميها من الضَرب
ركضت بسرعة أريد اوصل مالحگت ضرب علي قوي نيمة بالگاع
عمي بُنيته خشنه محافظ ؏َ جسمـة
وأيده حيل قويــة
ركضت ؏َ علــي صحت بصوت عالي
أنسام : علييييي ياروحـــي
:- أجتييي الشفيييية
الراتبببب وين بتتتت الخرررره
جايتني بدون صخام وجهج
لزمني من شعري يعت بيه قوي
واني روحـي فرفرحت أريد بس أوصل
لـ أخوي باوعت الـه بقلة حيلـــة
أنسام : ابوسها
لـ إيدك عوفنيييي عوفنييي
والله اجيبة الك بس أخوي اخوي حيموت
نهض علي من الگاع عاط بي
علي : ڪافييي عاد هدها
من نطقها نجن عمي تركني
شمرني ؏َ الأرض تداركت الوضع بسرعة صرت مقابيلة
أنسام : اللّٰـه يخليك
عوفة هاي هي ميعرف يسولف
زعطوط أعذرة ميخالف
ضرب أنهار قوي حيل ضربة
اخيرة أبتعد تفل عليــها رگع الباب وهو لسانه ماسكت عــن الغلط والفشار
عليــة وعلى أمي سحبت نَــفس براحـة
التفت لكيت علي عيونه
بگصته خازرني
عقج وجهه بألم لزم گلبي بألم
أنسام : يممممة شكو
شصاير حبيبي علي يمة شبيك !!!
نوران : والله والله
ماسوينا شي هو هو
دخَل علينا يتعارك وهاي هي ماسكتت
ڪتلها وعلي دافعلها وگبت
وكفت أنهار عدلت شعرها
وجهه مينشاف من الضرب شابعها گتل
أيدي ؏َ صدر علي وعيوني عليها ماعندي حل وين أروح بيهم ماكو أحد
يلفينا غيره
أنهار : صخونة
التصخنج يا چلبة گتيتي
الحجي ڪله حيوانة
أنسام : ڪافي يلا
ڪافي هسه يطلعون ونخلص
اشش روحو ؏َ المخزن بسرعـــة
أنهار : فرحانة حظرتج
اخوج بطولج تنامين أنـتِ وياه بمخزن
دنگ رأسة علي بأسف
بلعت ريگي رفع رأسة اليــة ڪال بقهر
علي الأكبر : أسف لأن
ماعدجن أخو مثل الأوادم يشتغل ويعيشجن
مسحت ؏َ وجهه بـحَنية
أنسام : فدوة ألك ياروحـي
عساني ڪله عمري لا شفت الراحـة
ولا ضگت طعمها ڪون بس انتو ترتاحون
أنهار : شكد درامية
دخيل ربج دوخري أوي
دفعتني وطلعت بدلت ملابسي
وطلعت لكيت مرت عمو كاعدة باوعتلي ودنگت رأسها كامت توجهت الية سحبت أيدية
تفرگ بيهم وتباوعلي وعيونها متروسة حَنية
:- مو بيدي حبيبة شسوي والله احجي وياه
بس هوه مايقتنع اعذريني دادة
وحگ علي داحي الباب لو بيدي شي چان سويته
أبتسمت ومِلت برأسي أحبها حبابة دوم تجيبلنا أكل بسر وتجي تكعد تسامرنا وتسولف ويانا
هي علوية وبختها الاغبر جابها على عمي الاعوج
أنسام : ميخالف العَتب مو عليج عماتي
العَتب على الماعندهم رَحمة عافوني لضيمي وراحو ارتاحو
دنگت رأسها بقـهر شوي وطلع هوَ
خزرنـي ململم غراضة بجنــطة ومتوتر بس يهز برجلــة حتى بناته يصيح
وينتر عنده شغل يريد ياخذهم لبيت
جدهم
هاي عَادتهم ڪل جمعة يأخذهم
ويرجعون السبت نرتاح
ناخذ فگه أغسل بالمواعين وأفكر
؏َ عــمو شحيكول عليـــة واليوم الراتب ماخذته
والملف والهوسة وتلفوني الطرگاعة
الجبيرة!!
ذبيت حَـــسرة طلعو فرغ البيــت
منـا للعصر إني ڪاعدة يم رأس علي أخاف
يتخربط هو مريض قلب
وميتحمل وإني روحـي تلوب عليــة
ندگ جرس البيت إخواني
ڪلهم نايمين عگدت حواجبي منو يجي
هيج وڪت وحتى عمي
ماكــو يجون عليــة
نزلت ردن الدشداشة
حطيت الشال ؏َ رأسي فتحت
الباب مديت رأسي شفته عمو هشــام
أبتسمت بـ فرح فتحت
الباب
أنسام : يااا عمو هاي
شچابك؟
دنگ رأسة مبتسم ڪال : ها
نرجع چا؟ ماتردينا ؟
باوعت بأستغراب جان وحده
واكـف ڪلت : بس أنـتَ وحدك
عمو محد وياك؟
التفت ؏َ سيارة
الي ڪانت خلفــة أشر بأيده
بمعنى تعال نزل من السيارة بطولــة
دخل عمو وهو دخَل
صفن بوجهي قبل ليدخل وإني رافعة رأسي
أباوع عليــة رفع حاجبة
ودخــل
ڪعدو وإني مقابيلهم صفنت
عليهم منتظرتهم يحجون
ضربت ؏َ گصتي
أنسام : يا نسيت الضيافة
قبل لا أكوم نززني صوتـة
هشام : اهچدي بوية اهچدي
ماجاين نجربج
بلعت ريگي متوترة وإني أحس
بنظرات الشخص الي جاي وياه اخترقتني
گصني گص بعيونة مرفعهن
عني أصلاً
فززني صوتة الخَشن
وهو يكول :- يابة السلام عليكم
رفعت رأسي الـه عصرت أصابيعي
قوي بأيدي
أنسام : وعليكم السلام
رفع حواجبـة طلع من جيبة
تلفون نفس تلفوني المگسور وياه تلفوني ڪال
: اليوم الصبح
من طلعتي أنرگعتي بيه
وأنگسر تلفونج وهاي جايبلج واحد بداله
رمشت بعيوني ممستوعبـة ڪلامة
هذا صدك يحجي
أنسام : ليش زحمت
روحــك مايحتاج رجعة وياك
إني الي أنضربت بيك
حگ لحيته يباوعلي بـ تمعن
ڪال : جؤ مايرجع
جايبة الج مو مراجلنا هاي نطخ
حَرمة نگسر شي يخصها ومانصلحـة
أنسام : مالـة داعي
رجاءً لتحرجني ماكدر اخذه
فرگ عمو وجهه بنفاذ صبر
باوعلي ومبين زَعــل من تصرفـي
:- يلا خوية
حدق عمو هشام بـي
بأستغراب ڪأن ماتوقع منه حيستسلم بهلسهولــة
هشام : نكوم أبو شهيناز
هز رأسة نهضو طلعو وهو
لحــد ما صعــد بالسيارة عينه بنص
عيني يمــة يخوف رجعت ؏َ المكان الي ڪاعدين بي شمرت روحي ؏َ القنــفة
حسيت بـ شي يهتز جواي
عگدت حواجبي ڪمت أدور لكيته
داحس التلفون بالقنفة!!!!
فتحته جان أكو إشعار من التلفون
مطلع الخط مالتي وحاطه بي يااا
رسالـة مكتوب بيها
"التلفون الج وجبته الج وميرجع وهذا رقمي خلي يمج راح تحتاجينا هواي بالمستقبل" .
رمشت بعيوني هذا صدُك
يحجي باجر أداوم وارجعه ونشوف
تاليها وياه أخذني الفضول دخلت ؏َ حسابــة بالواتساب جان نفس الرجال
لابس عگال وعبايــة مال شيوخ وكاعد
زفرت نــفس شمرت التلفون
مو من أولوياتي اخذت آخر خَمس وعشرين
من الراتب أخذتها طلعت
تسوگــت بيها ورجعت من فَتحت الباب
صار بوجهي علي ڪاعد ؏َ درج يقرة
رفع عيونــة اليــة ڪال
: وين جنتِ
رفعت العلاگه حتى يشوفها
: أشتريت للبنات
هز رأسه بـ أي ورجع يدنگ يقرة بهدوء
هو ڪل عمره هيج
هادى بس هلفترة ؏َ غير العادة حيل صاير يختلف
حطيت العلاگة ؏َ الميز دخلت
شفت نوران ڪاعدة
وأنهار بعدهي فاتحة حلگها ونايمة
أنسام : أنهار
ڪومي صار الغروب موزين
عقجت وجهه بأنزعاج معاجبها الكلام
رجعت نامت ڪعدت
؏َ الفراش وهي فتحت عيونها باوعتلي
أنسام : أنهار مقهورة
ڪومي سولفي وياي ميته من القهر
أنهار : موتت الجلاب
السود شسويلج
دفرتها برجلي ڪلت : ديلا ياعيني
بس سالوفة وحده
ضحكيني
طلعت رأسها من جوه البطانية
سحبت جيس الحَب من أيدي
وبدت تحجي
أنــهار :- اي عيني غير بـ يوم كاعدين بصف عادي يعني ام التاريخ رأسها شگبره ساده الشاشة
ولج بوية وخري نريد نكتب ماكو عيني قافلة على القضية
اي و صدُك بساعتها رفعت أيدي وغَميتها يبويي وماشوفلج الى نسرين العگربة الكوبرااا
لگفتني وگمزت اللوگية
نسرين : عيب تصرفج هذا
التفت أم التاريخ تباوع مصدومة على نسرين وهي عيونها مركزة عليـة
بلعت ريگي حتى النفس ماكدر اسحبة بعد
: شنو بنات شصاير
- ست أنهار سوت تصرف غير لائق
عوچت حلگي عشتو غير لائق اذا مو بالبيت مخلصتها علينا صياح بصياح بت
ابو العرگ
خزرتني المدرسة ورجعت نظرها على نسرين
وحجت مستفسرة
: شنو سوت؟
نسرين:- ست رفعت أيدها هيج وغمتچ
حجتها مسوية الحرگة علية من باوعتلي المدرسة نسرين ضحكت ورفعت حواجبها
عاطت المدرسة بعصبية
: كوميييي أنهار صحيح كلامها لنسرين
أنهار::- لا ست مو صحيح
رجعت خزرتني متوعدة الية عضيت
شفتي بندم هسه شورطني إني
توها دتحجي ودخلت المُديرة وراها دخلو مجموعة ضباط گامن البنات كلهن وگفن وهي
وجهه مصوفر وتخزر بينا
عوجت حلگي كالت : كعدن بنياتي
اليوم ماما بناتي الضباط ذولة مثل اخوانكم جاين ينصحوكم ويعلموكم كم شغلة
تفضل أبني عمران
تباوعله مبتسمة وهوه رفع حاجبة ومسح وجهه زفر نفس مال واحد ضايج من الوضعية
كال :
عُمر عُمر مو عمران !
حجاها بنترة وهي وجهه صار بنفسجي عاد اني السخيفة ماتحملت ضحكت
ڪلها أنتبهت عليه خزرتني المديرة
حمحم ڪعد يحجي هواي
عن ولــد هلفترا يبيعون مخدرات وڪرستال
بالمدارس وحتى عند البنات
ولازم نأخذ حذرنا منهم
هزيت ايدي تثاوبت بـ نعاس وية طلعتهم دگ الجرس عبالي نست موضوعي بس وين ام التاريخ متحلفتلي اخذتني وياها
للإدارة دخلت على المُديرة
جانو الضباط ثنينهم الـ دخلو واكفين وكدامهم واحد ثالث كاعد وحاط رجل على رجل
المُديرة من شافتني دخلت تغيرت ملامح وجهه
باوعت ؏َ أم التاريخ بابتسامة
دفعتني وخلتني كدام المُديرة واني اوزع ابتسامات
والانظار ڪلها
متمركزة عليـــة
المُديرة ::- شنو صاير ست حنان شبيها
نهورة ؟
إلي ڪان ڪاعـد من سمع نهورة
طلع الچاي من خَشمة وصاحبة يدگدگ ؏َ ظهره رفع عينه اليـة يباوع بسخرية
؏َ الإسم
زفرت نــفس بـ ضجر
المُديرة : صحيح هذا الكلام ماما؟
أنهار : لا ست لااا وداعت أختي لا
أردفت مكملة
أنهار : ست كون أن شاءلله اذا داجذب هسه توگع أختي على وجهه
خزرتني وهزت رأسها مامقتنعة هدئت المُدرسة وكالت : روحـي
هستوني اطلع اجتي وحده من الخامس كالت :
أنهار الحكي اختج وگعت على وجهه
عصرت أيدي قوي عضيت شفتي
التفت الها أبتسمت بفشلة والرجال الكـاعد رفع حاجبة گوة لازم نفسة ميضحك
هي تحجي واني صافنة عليها
أنسام : صلفة أنـتِ حيل صلفة
رفعت أيدها غمتني فتحت عيوني
ڪمت من يمــها خلص اليوم طبيعي بين الشغل والرگض
بليل ڪلهم نايمين صافنة ؏َ سگف
اتگلب ماكــدر أنام
نهضت بهلع بعد ما سمعت صوت خطوات بالبيت
فَتحت باب مديت رأسي شفت
ظل شخص يصعد الدرج لزمت گــلبي عبالي
حرامي صعدت بخطوات بطيئة
حتى لا يسمع
ڪانت باب غرفة عمي مفتوحـة
تقربت ؏َ الحايط أباوع عليـــة مخبـوص
يتحرك بعشوائية بالغرفة
شفته فتح جنـطة يحط بيها هدومة سدها بسرعة شمرها ؏َ جهه
بلعت ريگي حطيت أيدي ؏َ حلگي
أخاف يسمعني
شفته سحب جيس أسود من جوه
الجرباية
فتحــة ڪانت أكياس صغيرة معبيهن بشي أبيض ماعرف شنو هو!!
دگ تلفونـــة فتح الخط وهو يباوع
بـ رغبة للكـيس إلي لازمه
تحرك بالغرفــة حطه ؏َ الميز أباوع عليــة بصمت وگـلبي صوت دگاته
تجيب التايهه
قرب أنفة أستنشقة مغمض عيونة
ڪأنه ڪان مقطوع عنه
الأوكسجين وهسه بدة يتنفس !!
أنسام : مخدرات!!
فجأة تغيرت تعابير وجهه
عيونه أتسعت بصدمــة ضرب الميز قوي
برجلة وڪاال : شنو يعني
لگفني ؟ منين يعرفني ولد الكوا**
ضحك بطريقة مُقرفة مسح أنفه
بأكمام القميص ڪال
بـ خُبث : ههههه خلي يسمو
السبـع سبـع يم أمه أشگ ** بس يوصلي
غمضت عيوني أحس نعصر گــلبي
من سمعته يگفر
عضيت ؏َ شفتي أردد بداخلي
- قبح الله وجهك
سمعت صوت خطواتة بتجاهي
لطمت ؏َ خدي بس يشوفني هنــا يذبحني
ختلت بزاوية حشگت روحـي
حشگ حتى النفس ماسحبته
مديت رأسي شفته دينزل من
الدرج تنفست براحـة
حطيت أيدي ؏َ گــلبي هم ونزاح
كعدت بالگاع من الخــوف
تحركت نحو الدرج شفته طلـع باوعت ؏َ الغرفة مأخذ العلاگه السودة والملابس عايفهن وطالع
رجعت ؏َ الغرفــة نمت وإني
أفكــر بسالفــة عمي
حسيت ؏َ أنهار دفعتني قوي بطني
فتحت عيوني يربي هاي البنية
شكد تتحرك هي ونايمــة نهضت ؏َ حيلي لبست ملابسي طلعت للمطبخ
سويتلي لفــة چبن
تذكرت
ناسية جنطتي بالغرفة رحت أخذها
لكيت أنهار ڪاعـــدة
أنهار : حتطلعين بوجهج هذا!؟
أنسام : شبي وجهي
سحبتني من ياخة القميص ڪالت : بربج
لا بروح أبوج لا تعاي بس شوي
باوعت ؏َ ساعــة راح أتاخــر
من وراها لزمتني من وجهي عگدت حواجبي من شفت بيدها مكياج
أنسام : منيلج هاي؟
أنهار : معليج من مصروفي
صديقتي تشرتيلي
دفعت أيدها قوي خزرتني
أنسام : ويگتلج الجوع ؏َ المود المكياج ؟
هزت رأسها بـ أي والإبتسامة
مرسومة ؏َ ثغرها
لزمت وجهي قوي ورسمتلي الگحــلة وإني عيني الدمع
أنسام : ماحببب وخريي
أطلع محلوه
سوتلي بأيدها اشش رسمتلي حُمرة ؏َ شفايفي
يلا تركتني أروح
طول الطريق أمسح بالحُمرة مالتها طاحت أيدي والون مراح ضل بارز
دخَلت للشركــة ڪلها مستغربتني
لأن حاطه مكياج
وإني بطبيعة وجهي المكياج والحفافة تفرق عليه ڪُلش
بوجهي ؏َ غرفـة المُدير طرقت الباب
بهدوء أجاني صوته يكول : تفضل
فتحت الباب مديــت رأسي أبتسمت
الــة دنگ رأسة مبين
شايل بخاطرة
أنسام : صباح الخير أستاذ
هشام : صباح النور
حجاها بجفاء بدون ميحط عينه بعيني
بللت شفتي طلعت التلفون من الجنـطة
حطيت ؏َ الميز
رفع عينه يريد يشوف شنو عگد حاجبة بأستعجاب ڪال : هاي شنو؟
بعدني مانطقت أنفتحت الباب بسرعة ألتفت
تصنمت بمكاني من شفته هوَ
نفســة دخل من لمحني واكفة أبتسم بـ مُكر رد الباب بأيده نسدت دخل
ڪعد ڪدام استاذ هشام إلي عيونه
تتنقل بيناتنا
هشام : منين جبتي
التلفون أنســـام ؟
أنسام : هو نساه يمي البارحــة
حجيتها وإني أباوع عليــة
رمقني بنظرات غريبة رجع جسمة
؏َ الكرسي رخت ملامحة وڪال : مانسيته
ڪتلج الج ويبقى الج
لتصعبيها اعتبريها هدية
ردت أحجي قاطعني أستاذ هشام
بسرعة وڪال : مو إنه گـلبي
فتيتي ڪعدي وأقبليها أنسام حتى الرسول
مجان يرفض الهديـــة ..!!
أشرلي ؏َ الكرسي إلي مقابيل
الرجال حتى أكعد سحبت نَــفس بعمق وكعدت مقابيلة
فتح الرف أستاذ هشام وصار يحط
الملفات بي وجهت بصري ؏َ الي ڪاعد ڪدامي مگتف أيده وعيونة فصلتني تفصال
اهز برجلي متوترة من
نظراته
سمعتــه ذب حَــسرة رفعت رأسي
الـــة ڪال أستاذ
هشام گاطع الصمت إلي صار : تعرفينـه
هزيت رأسي بـ لا أبتسم لم شفته للداخل
هشام : هذا أخوي وعضيدي
لـهيب
طولت النظر عليه ماكو وجهه شبهه بينهم
ڪل واحد من عالم !!
مايشبهون بعض أبداً
هشام : هو بصراحـة مايحب
يشتغل بالشركـة هنا
دائما ما إضغط عليــة يجي وياي يعاوني
بس هو بعيد ڪل البعد
عن هاي السوالف بطريقة وبثانية هو
عنَد مصدرة رزقة الخاص بي
رجع نفسة ؏َ الكرسي يضرب
؏َ الطاولة بالقلم ضربات خفيفة اني مركزة
وياه أريد أعرف الغاية من ڪلامة
هذا وين ..
سحب نَــفس عميق ڪال : ڪدرت
اقنعــة يشتغل وياي وكونة أخوي
وعنده أسهم بالشركــة يحتاج سكرتيرة واني
مالگه شخص أكفى منج أسلمة
هاي المُهمه
نزلت عيوني أفكر بالموضوع
تجرأت وكلت
أنسام : أعتذر ماكدر
أكون سكرتيرة عمو
وجهت بصري عليـــة ڪنت
راح أحجي بس ردة فعلة صدمتني رافع
حاجبــة يباوعلي بأعتراض
لـهيب : عمو شنو وين
ڪاعدين إحنا
صفنت عليـــة ماتوقعت ردة فعلة
هيج مَــادري لساني متعود ؏َ الكلمـة خزرة
عمو وڪال : ڪافي لهيب
شبيك وية البنية !
زفرت نــفس بضجر أحس الجو
يوتر وإني منا هذا
يخوفني الطريقة الي يباوعلي بيها ...
هشام : طالبج لا ترديني
بس تشوفين شي مايعجبج ڪليلي
وايشي يجرالج
ڪام الي أسمه لهـيب عدل ملابسة
خطف نظرة اليـة اخيره
ڪال قبل لا يطلع : بس تخلصين تعاي لمكتبي
حجاها وطلـع بدون ميسمع ردي
رجع عمو يحجي ضحك وهوه يحك انفة
: لـهيب أخوية الصغير هوه شوي يدقق
بس ميخالـف بالبداية الشُغل وياه مُتعب بس بعدين تتعودين
أبتسمت مُجاملــة طلعت أفتريت
الشركــة ڪلها مالكيته
تأفافت بملل رجعت لمكتبي حطيت أيدي ؏َ المكتب ونمت عليــه أفكر
أقل العشر دقايق أحس الوضع
صار هادئ وصوت الموظفين بالكلام اختفى
رفعت رأسي لكيته واكف يباوعلي
حاط أيده بجيوبة
هز رأسة بـ يأس كمت بسرعة
أمشي وراه وهو يمشي أخير شي زهگ
عاط بي
: شبيج لخاطر ربج ليش تمشين
وراي؟
رمشت بعيوني ممستوعبـة سمعت
صوت همسات من وراي
- عزه شوفي شلون فشلها
غمضت عيوني سمعت الثانيـة تڪلها
- هي مبينه حطت عينها عليه
أنسحبت بسرعــة من المكان
رحت ؏َ الحمام غسلت وجهي حيل أفرگ
بي من حرگــه دمي
مسحت الگحلة ڪلها عيوني صارت حُمر من ڪد ما مسحتهن
فتحت باب الحمام صار بوجهي
رفع عينه حدق بيه بصمت أشرلي بأيده
بمعنى تعالي وراي
هدئت نفسي طبطبت ؏َ خدودي تحملي
كُلشي ميخالف
تقدمت ؏َ المكتب مالتـه فتحت الباب
بمُجرد ما شافني دخلت شال جبل ڪامل من الملفات حطه بأيدي
أشر برأسة ؏َ مكان يمة بالمكتب
لـهيب : يلا خلصيهن
هسـه هنا بسرعة أريد شغل مضبوط
أخذت نظرة لهذا الكم الهائل
من الملفات
أنسام : ماكدر
لـهيب : تكدرين ..
حجاها ورجع ڪعد ؏َ الكرسي
يشتغل مخبوص عضيت شفتي بالگوه امشي
ماشوف دربي حطيتهن
ودنگت رأسي وبديت أشتغل
وارجع ليورة أحس ظهري أنقسم نصين
أباوع عليــة
مرات المحه مركز بصرة وياي ومرات يكون منغمس بالشُغل
رجعت بالكرسي ليورة
غمضت عيوني بتعب أحس الصورة
صارت مو واضحة السبعة أشوفها سبعة وسبعين من التعب
صارت عيني ؏َ ساعــة 1:30
أنسام : أستاذ
قلص عينه هز رأسة بـ معنى شنو؟
أنسام : عادي نطلع هسه
لـهيب : أي روحـي
حجاها وهو هم سحب سويچ
السيارة مالته والتلفون رتب الغراض بسرعة وطلـع
ينزل ؏َ الدرج لحگته
هو يمشي واني وراه ڪان لابس
نظرات شمسية
تحرك بتجاه سيارته وإني صرت أمشي
ماخطيت خطوتين وأستوقفني صوتة
التفت نزع النظارة
باوعلي
لـهيب : تعاي
طلع ضرف من جيبة مده اليـة
عقجت وجهي بأستغراب ڪلت : هاي شنو؟
لـهيب : راتبج ..
حط الظرف بأيدي وصعـد بالسيارة
ويسوق بهدوء يجاري مشي
بمُجرد ما دخلت للفرع الي موجود بي بيتي شخط السيارة وطار طير
دخلت للبيت لڪيته بحالـة
فوضويــة الغراض مشمرة بكـل مكــان
عيوني تتجول ؏َ البيت
أنسام : أنهار
أنفتحت باب المخزن مدت رأسها
أشرتلي بأيدها تعاي
تقربت عليها سحبتني بسرعة سوتلي بأيدها اشش
نزعت حجابي وبديت أسمع صوت
صياح عمي بالبيت
يغلط ويفشر دفعت أيدها قوي فتحت باب صرت بوجهه وهو أكبر واضخم مني
مالگه شي يطلع حرگة دمة بي
ضربني راجدي قوي أحس صوت صفير بأذني نرگعت قوي ؏َ حلگي بالحايط
حسيت بطعم زفرة الدم بحلگي
گشولت وجهي بقرف
رحت ؏َ المغسلـة غسلته من الدم
طلعت أنهار سحبت الچدر تربعت بالگاع ڪعدت تأكــل
حطيت ڪلينس ؏َ مكان
الجروح توجهت للمراية أمسح الدم الي
سال
أنسام : علي ونونو وين؟
أنهار : راحو لبيت صديقة نوران
يجيبون دفترها هناك
تريد تقرة
رفعت عيوني للساعــة
- من شوكت طلعو ؟
: أو من زماااان
عضيت ؏َ شفتي بقهر
أنسام : ليش ماحجيتي متشوفين
الساعـة بـ 2:30 الظهر هسه؟
تجاهلتني وكملت أكلها سحبــت
شالــي رجعت
لفيته شلون ما جان وطلعت أعرف بيت صديقتها قريب مو مال تتأخــر هيج
وصلــت للفرع مالتهم لمحت
لـهيب واكف ويدخن بالباب صافن ؏َ السمـا
ذبيت حَـــسرة تجاهلته
ردت أعبر بس لاحظني صارت عيونــة بعيوني
قلص عينه سحب نفس
من الجگارة يحدق بيـه نفخه بالهوه
تذكرت ؏َ شــنو جاية التفت شفتهم
طلعو علي يمشي
وهي وراه لازمـــه دفترها
وگع دفترها بالگــاع راح علــي يجيبة
صار عندي فضول أشوفة شديسوي
التفت عليــه لكيته
يحدق بية ولا ڪأن أكو أشخاص غيري بالشارع
عيونة متمركزة عليـــة
أستغربت نظراتة زفرت نــفس
سمعت صوت هــورن قوي انداريت شفت سيارة أجتي سريعـة حيل
ضربت أختي وخلتها توگع بالگــاع ..
- العيون أستراحن
هَودن بالشوف والگلوب
التقن وبشوگنا احترگن ..
للراحل سمير صبيح
يتبع ..
الحكايـــــة تستمر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
حسابي أنســتا للتواصل 👇🏻
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!