أنسام اللهيب الفصل الثاني 2 - بقلم زينب الشمري

#أنسام_اللهـيب

بقلمـي أنا زيـنب خالــد

حبيبات قلبي أنتو تردون البارت
وتلحون عليــة بي
وإني أريد تعليقاتكم والتصويت 😔😂
وحدة بوحـدة 🫂
تابعـــو حسابي بالواتبـــاد .

𖦆 𖦆 𖦆 𖦆 𖦆 𖦆 𖦆 𖦆 𖦆 𖦆

أنســـام : جَمدت بمكاني
أحس رجلية خدرت ماكدر أتحرك
عيوني نترست دموع

واني أشوفها نايمة بالگاع
والدم غطه جسمها رجفة سرت بجسمي من حسيت بجسمة طخ بية
بالغلط دفعني ركض عليها يهز بيها
نزل الولــد من السيارة
عض شفته السفلية بندم

تحولت نظراتي ؏َ علـي إلي جان
شايل الدفتر وفاتح
عيونة بصدمة يباوع ؏َ أخته رمش بعيونة ممستوعب

نزيت ؏َ صوت صياح بأسمي
لـهيب : انسساااممممم

؏َ اثر صرخته وعيت ؏َ نفسي
توجهت لـ نوران شالها بيده حطها بالسيارة
الي دعمتها
زمخ بالولــد ڪال : أصهب طير للمستشفى
إذا صار عليها شي أنه بيدي هاي
أذبحك

حجاها وهو يتحرك بتجاه علي
ماشفت شسوة ولا شصار رأساً صعدت بالسيارة
حطيت رأسها بـ حضني
أمسد بأيدي ؏َ ملامحها الناعمة دموعي تنزل

رفعت رأسي الــة شفته يباوع من
المراية علينا
أصهب : ثقي بالله مجنت
أدري أكو أحد بشارع ..

هزيت رأسي ماعندي طاقة اجاوبة
وصلنا للمستشفى نزل فتح
الباب حط أيده جوه رأسها سحبها عليه وشالها
وركض بيها
أسحل بخطواتي سحل ڪعدت اباوعله
ملابسة ڪلها متروسة من دمها
لازم رأسة قوي

غمضت عيوني أدعي ربي
مايصير الها شي ...

قُرابة الـ ساعة دخل أستاذ لهــيب
يباوع بين الناس يدورنا لمحني أول شي طول النظر ماعرف شيسوي طلع تلفونة
يخابر

نزلت رأسي لازمته بأيدي قوي
تقــدم ڪعد بصفي أسمع صوت خطواته تقترب مني
لـهيب : ماعليها شي
الضربة خَفيفة

أنسام : خفيفة!!!!!
لـهيب : بنتي مايصير عليها
شي مستعد أحلف راح تصحى

مارديت عليه دمي فاير روحـي
محترگه ؏َ أختي النايمة جوه وهذا يكلي ماكــو شي
ڪاعدين لوقت طويل ننتظر
طلع الدكتور ڪال : الحَمدُللّٰـه ؏َ سلامتها
مابيها شي متأذت هواي
تكدرون تدخلون تشوفوها

رمشت بعيوني ممستوعبـة ڪلامة
فرحت أبتسمت
مثل الثولــة باوعت ؏َ أستاذ لهــيب رفع حواجبة بمعنى شفتي

ردت أحجي ماحس الى دوخــة
لزمتني قوي غمضت
عيوني الدنيا تفتر بيــة مَــادري شصار وشلون أخير شي شفته وگعت بالگاع

فتحت عيني اباوع ؏َ سگف غرفة
بيضة أشتم ريحـة المعقمات ريحة مستشفى
بده عقلي يستذكر الأحداث
زفرت نــفس حمدت ربي نوران بخير

نفتحت باب دخـل ميدري بي ڪاعد
أنصدم من شافني
فاتحـة عيوني وأباوعلة

لـهيب : مابيج غير العافية
احير بيج
بأختج

بللت شفتي فرگت أدية قوي
أنسام : أعتذر أستاذ
تعبناك ويانــه

تنـهد مد التلفــون اليـــة
عگدت حواجبي
ڪلت : هذا شنو؟
- تلفون

أبتسمت
أنسام : اعرف تلفون شسوي بي
لـهيب - تخابرين

أنسام : اخابرمن؟
لـهيب - أختج !

ضحكت ماريد افشلة ڪلت مترددة
: ههه شبيك أستاذ
هي غير اختي بالمستشفى

رفع حاجبة بأستنكار هز رأسة
- هاج بوية هاج
مو عندج خوات إثنين أنـتِ ؟

فتحت عيوني مصدومة ضربت ؏َ
گصتي نسيت أنهار
سحبت التلفون بسرعــة دكيت ؏َ رقم تلفوني
دك دك شوي وفتحت الخط

أجاني صوتها الخايف
- الوو
أنسام : هاي اني أنهار

أنهار : عزه أنسام
وين رحتو أجاني علـي وجهه
أصفر وعمج مدري شبي تخبل اللّٰـه يخليج
رجعي

أنسام : لا تطلعون ڪدامة
خليكم وحدكم أنهار لا تندگين بي
حتى لا تحصلين ڪتله ماكدر اعوف نوران وحدها

حجيت وياها شوية وسديت
الخـط مديت التلفون الـة ڪمت من الفراش
وكفت مقابيلة
أنسام : شكراً أستاذ
هواي شكراً تعبناك ويانا

رفعت رأسي أباوع الـة وهو يحدق
بية بـصمت والجكارة
بحلگــة نفث دخان الجگارة بوجهي ڪال : مو بالشركة إحنا لا تكولين أستاذ
مالها داعي

أنسام : شنو اكولك؟

ذب حَــسرة وڪال : بكيفج
شيعجبج

أنسام : عمو؟

فتح عيونة خزرني
لـهيب - عمه العماج هاز گاروچ
وعمو لو حاط الممية بحلگج

أنسام : بس أنـتَ مبين
جبير عيب غير احترمك ؟
حجيتها وإني أباوع بعيونـة ڪال
بدون مايحس ؏َ روحـة
- اويلي الله

تغيرت ملامح وجهي صفنت عليـــة
ڪلت بثول : شنو؟

ڪانه حَس ؏َ نفسة فرگ وجهه
حيل أستغفر خطف نظرة اليــة ڪال : عدلي
حجابج وتعالي اوديج لـ أختج

هزيت رأسي رتبته بأيدي بسرعـة
تقدمت ردت أطلع حط رجلة ڪدامي باوعت
عليها بغرابة
أنسام : خلي أطلع ؟

أشر بجگارة ؏َ حجابي
: شنو؟
- أكو شعارية طالعــة

تأفافت بضجر شبي هذا
ليش هلكد مركز !! حط التلفون ڪدام
وجهي لمحتها فعلاً مالي خلگ أدخلها گطعتها وذبيتها بالگاع

سحب رجلـة فتحلي الباب
خلاني أطلع هو بقى شوي بالغرفة بعدها
طلــع يمشي وراي
أخذني للغرفة صار بوجهنا الولد إلي دعمها ڪاعد من لمح لهـيب تقدم بتجاه الغرفة
وكف ؏َ حيلة

خزرة أستاذ لهــيب ودفعه قوي
من صَدرة حدقت بي بصمت بعدها فتح
الباب دخلت ودخل وراي

بلعت ريگي استذكرت
شعوري من شفتها واكعة والدم مغطيها
وشعــوري بالخــوف
ساعتها والنار إلي شبت بضلوعي

سارعت بخطواتي الها بوستها
أمسح ؏َ شعرها التفت الــة حدقت بـ عيونة وإني عيوني غرگانه بالدموع

ڪان واكف يم الباب منتچي
عليها حرك شعرة بعشوائية بـ أيده ڪال
- خفت لا تتخربطين
دخلت وياج هسه أطلع حتى تاخذين
راحتج

أنسام : خفت عليها
حجيتها وشهگت بصوت عالي غطيت
وجهي بأيدي أسمعه ذب حَــسرة وڪال : ميخالف صحت مابيها شي

أنسام : متتحمل وجع نوران
أكثر وحده متتحمل
بينا ..

مارد عليــة ساكت يسمعلي ومايجاوب
ڪانه تفهم إحساس إني
أحتاج أحجي وية شخص ضليت ڪاعدة يمها غفيت وإني حاطه رأسي ؏َ أيدها

فزيت عطشانة ونعسانة
حيل أغمض عيوني وافتحهم فرگتهم قوي
الدنيا ظلمة
فتحت باب الغرفة شفته ڪاعد فاتح أيده يباوع ؏َ شي لازمة ڪانت گلينسة
من لمحني لف الگلينسة وحطها بجيبة
هز رأسة بـ معنى شكو ؟

أنسام : مي
لـهيب : ثواني
رجعي دخلي جوه هسه
اجيبلج

فعلاً دخلت جوه عدلت ملابسي وحجابي
دگ الباب وانطاني علاگه
بيها بطلين مي وعلاگه ثانيــة بيها لفات

أنسام : هاي شنو؟
لـهيب : مماكله ڪل النهار
ڪدامي بالشركة ومن طلعتي بوجهج
للمستشفى
مسح گصته بسرعة وڪاال : فـ ڪلت
أكيد مماكلة أكلي
علمود صحتج حتى تكدرين توكفين وية أختج

دنگت رأسي مستحية أطلب منه
لأن غريب
أنسام : عادي اخابر بتلفونك
لـهيب : جداً عادي
حجاها وطلع تلفونــة من جيبة اخذته من أيده طلع وسد الباب وراه

خابرت ؏َ أنهار بسرعة ردت ڪالت :
احسبي حسابج شوكت متجين
منكعد هنا لأن عمج الشفية طردنا

غَمضت عيني بتعب
أنسام : يابوية ؏َ هلسالفة التعبانة
هم نرجع يمه
أنهار : وشبي يمة بس شوية
عنده فوتاتت بس أحسن من عَمج !!!

انهار : ماعرف متخبل أنسام!!!
حاط گورة من گور واحد ڪل شوي
نزل غلط وفشار عليــة

من حجتها تذكرت ڪلامة البارحــة
؏َ الرجال إلي أسمة السبــع
- شنو ڪال؟

تنهدت بضيق ڪالت : جان
يخابر ڪال بصوت عالي وصلولـة خبر
إنه الخــليــفة ...

أنسام : الخليفة أنوب شنو!!
أنهار : طگن فيوزاته
؏َ ساعــة تخبل حتى أني ضربني
يغلط ويفشر عليج دور الراتب مالگه وگسر الدنيا

أنسام : روحي روحي
ليخلص رصيد الرجال

سديت الخـط وياها ردت أسد التلفون
مَــادري شلون اجتي
رسالــة من الواتساب بالغلــط فتحتها جانت صورة رجال واكف بمنطقــة ريفية ممانتبه
من مصورينه
ڪان حاجبة مطبور وأثر ؏َ وجهه مخيط
منظر الاثر بشع
لعبت نفسي

ندزت رسالة بنفس الثانيــة مكتوب
بيها
- حجـي اعتبرني فاعل خير
الي يوصلك الرسالـة
"أسرافيل رجــع"
واخوك يدري بس ساڪت ...

بمُجرد ما قريت الرسالة انمسح
الكلام بسرعــة والرقم
حظرتي ضليت أكل بروحـي شسوي أكول الـة الكلام لو أسكت واسوي نفسي
ماشفت

خاف يطلع موضوع مهم
بس اذا احجيلة ويأخذ نظره عني
غلــط يكول تفتش بتلفوني
فتحت الباب لكيته ڪاعد يباوع ؏َ طفلـة تلعب هيَ وأبوها بالمستشفى
حطيت التلفون قريب منـه ورجعت
للغرفة

سحبت نَــفس بعمق أعرف
إلي سويته غلط بس إذا أكول يروح
يفهم غلط ويفسر
تصرفاتي ؏َ مزاجــة

ڪعدت ؏َ الكرسي إلي مقابيلها
غَمضت عيني ڪنت أريد اريحها ماعرف شلون وشوكت غَفيت

حسيت ؏َ صوت همسات خفيفة
بالغرفة فتحت عيني لكيتها نوران تون بألم
مفتحـة عيونها

ركضت بسرعة فتحت
الباب أنصدم بي ڪلت بسرعة : نوران
صحَت !!
لـهيب : ڪوم أصهب جيب
الدڪتور

فعلاً دقايق واجه الدكتور فحصها
زين ڪال : مابيها غير
العافية صحتها تَــمام وماعليها ضرر
مُجرد ترتاح ڪم يوم بالبيت..

نوران : انسام
- ها حبيبتي شبيج
شيوجعج؟

سكتت ماحجت وياي رجعت غمضت
عيونها بين الفاقدة والواعيـة
لـهيب : تعاي وياي نجيبلها هذا
الدوة حتى افهمج
عليه .

أصهب : اجيبه أنه خاال؟
التفت عليـــة خزرة بحدة وعض
شفته بتوعـد ڪال بغضب مگتوم : اهجد
بمكانك خليك يم
البنية

أنسام : خاف تكعد وماتلگاني
خطية
حجيتها وإني أباوع ؏َ وجهه
- تعالي يا بوية وين رايحين لمصر
نجيبلها هي هاي
الصيدلية هنا ..

فعلاً رحت وياه للصيدلية جبنا العلاج وشرحلي
عليــة من دخلت لكيتها
ڪاعدة من الباب أشر أستاذ لهــيب
لـلـولد بأيده بمعنى تعال
هو رأساً ڪام وعافونا وحـــدنا

نوران : شنو صارلي
علي وين؟

أنسام : بالبيت
يم أنهار لتخافين للعصر نطلع
مابيج شي

نوران : خلي هَسه ماريــد
اختنگ من ڪعدة
المستشفى ريحتها تخنگ خنگ

بللت شفتي صفنت بوجهه
ماعرف شسوي اطلعها واتحمل المسؤولية
أخاف بعدين هناك تتخربط

طلعت أدور ؏َ أستاذ لهــيب
مالگيته عبالي راح خطية هوهَ هم تعب
ويانا هواي

رجعت بخطواتي ليورة حسيت
بنفسي ضربت بـ شي التفت لكيته واكف
يباوعلي وبيده علاگه

أنسام : بعدك مارحَت؟
لـهيب : أي ، مارحَت
هاج هذا أكل الج ولـ أختج

باوعت ؏َ العلاگــة بصمت
رفعت عيوني اله صارت عيونة بعيوني
ڪلت : هذا ڪله أنت دافع
حسابة والمستشفى م..

ماخلاني أكمل قاطعنــي حط أيده
ڪدام وجهي ڪال : ابن اختي
العال بيكــم لازم إحنا الـ ندفع الحَمدُللّٰـه من
عدت ؏َ خير

أخذت العلاگه من أيده وڪلت : الحَمدُللّٰـه
مشيت خطوتين وأستوقفني صوتة
وهو يڪول
- أنسام
: هَممم؟

لـهيب : هشام جان راح يجي
بس عنده شغلة
بالبصرة تأجلت ..

لميت شفتي للداخل أبتسمت
مُجاملة الـة
أنسام : مقصرت أنـتَ ڪفيت
وفيت

هز رأسه بـ إيجاب دخلت للغرفــة
وكلت نَوران
ماقبلت بالبداية بس من شافتني زعلت عليها بدت تأكل

ردت أذب علاگه الأكل
عن طريق الصدفــة سَمعت حديثهم
أصهب - يردوك
بالگعده
لـهيب : ** خواتهم متشوف
البنية حايرة بأختها اعوفها
واروحلهم شني

سحب نَــفس من الجگارة نفثه وڪال : تعال
بعدين مو دزيت هشام الهم
لو هيلگه يردون لهيب بالگعدة

أصهب : خال شسالفـة
غير أنـتو ولد الشيخ يردوكم بالگعدة

لـهيب : أگض المشيخة
و** هسه

غمضت عيوني بفشلة هو اني صوجي
ماستحي اتنصت عليهم
بدلت لـ نوران وبالگوه تمشي إني ساندتها
رجعــنا أستاذ لهــيب
بسيارته بالبداية مجان قابــل ؏َ طلعتنه من المستشفى وماعرف شلون
قتنع

فتحت باب السيارة لزمت أيدها قوي
نزلتها دگيت الباب
مرة مرتين محــد فتحها بالمرة ثالثة أنفتحت الباب
صارت مرت عمي بوجهي
: بسرعــة فوتي لـمي غراضج
وبوجهج ؏َ بيت إبن خالهن

أنسام - ليشش؟
: بـلا ليش وما ليش بسرعة
أنسام هاي غراض حضرتهن اخذيهن
واطلعي يلا

ذبيت حَـــسرة طلعت الجنط
ڪانو جنطتين وكفتنا بالباب حتى مو بالبيــت
دگيت عليــه انتظرة يرد
- هلا بالگاطعــة
متخابرين بس من تحتاجيني اطربيني شصاير هلمرا

دنگت رأسي عصرت ملابسي
قوي ڪلت بضعف : تعال أخذنا

سكت ماحجـه شي لثواني معدودة
بعدها ڪال بتسأول : طردكم؟

حَزت بخاطري الحجايـة بس بلعتها
وسكتت ماعدنا غيرة
قابل أضل بشوارع
أنسام : أي ، تعال إحنا
بشارع
- جايج
أنسام : لا شوف روح لـ أنهار
وعلي جيبهم وإني
اصعد تگسي واجي
- تَــمام براحتج ..

فعلاً أجرت تگسي ورحت ؏َ بيتــه
من وكفت السيارة ؏َ الحركة عرفت وصلنــا
نزلت لگيت سيارته
واگفه ڪدام البيت هاي شنو شبسرعــة وصل

دكيت الباب فتحها الـية
من لمحني أبتسم وڪال : فوتي
البيت بيتج إني اطلع
وانتو تطبون

رديت الــة الإبتسامة مُجاملــة
دخلت نوران لكيت علي ڪاعد بالصالــة
وأنهار بصفــة
زفرت نــفس بقلة حيلـــة وإني أشوف وجهه ڪله ضرب ظهرت ابتسامة
؏َ ثغرها المجروح

بادلتها الإبتسامة رفع عينه علي
لمح نوران نهض بسرعــة بـتجاه حضنها
قوي وهي تمسح ؏َ
ظهره بهدوء

أنسام : خلي أصعدها
فوگ ترتاح ماشي؟

أبتعد عنها برغم من خوفه عليها
لكن مانطق حرف
أكتفى بالحضن ركزت بوجهه ذبلان والهالات تحت عينه واضحــة وڪل خمس
دقايق يضيق التنفس عنــدة لو يلزم گــلبة

ذبيت حَـــسرة صعدت نوران
؏َ درج بهدوء گسرت الصمت ونطقت :
أتمنى لو أني أجيت ورة علي
مو هوَ

أبتسمت بـ حَزن ڪلت : حتى وأن
هذا الشي مكتوب ومقدر
الـة اللّٰـه لا يسامح إلي ڪان السبب

نيمتها ؏َ الجربايـــة غمضت عيونها
بــ تعب طفيت
الاضوية وسديت البــاب عليها

صارت بوجهي أنهار واكفــة نهاية
الدرج تباوع اليـة
بطريقــة تخوف تقدمت بسرعــة

أنهار : عمي
عگدت حواجبي بأستغراب ڪلت بملل : شبي
عمج

أنهار : يخلي بناته
يبيعون مخدراته بالمدرسة

فتحت عيوني مصدومة
رمشت مرات متتاليــة ممستوعبة لطمت
؏َ خـــدي سديت حلگها

فتحت باب الغرفــة وسحبتها
للداخل خزرتها
وشلت أيدي
أنسام : تخبلتي شلون تحجين
هيج بصوت
عالي !!

تحجي وعيونها مفتوحة وجهه
أصفر من الخوف
أنهار : ابتهاج تبلع هم ..!!

سديت حلگها قوي بيدي
: اششش ڪافي انسي
معلينا بيهم هسه إحنا اجينا هنا

دفعت أيدي من وجهه ڪالت بقهر : شنو الفايدة
دائما نرجع مثل ڪل
مرة ونتحمل أشكال الوان
وهنا نعيش بعز وخير وحظرتج متقبلين ..

رخت ملامح وجهي أحس
برود غريب أجتاح روحـي فتحت الباب وكلت
أنسام : تريدني أبيع
روحـي لخاطر تعيشين بعز ودلال؟
حتكدرين تكونين سعيدة أنهار ؏َ حساب سعادة
أختج ...؟

ماردت عليـــة لزمت رأسي
بوجع أحس راح ينفچر من التفكير ومنايمــة
رحت ؏َ الغرفة
إلي أنام بيها ڪلمرا اجي هنا
شمرت روحـي ؏َ جرباية چفي ؏َ وجهج غَمضت عيوني

بعدين أتذكرت الشغل بسرعــة
سحَبت التلفون بسرعة
دكيت ؏َ أستاذ لهــيب

أول مرة مارد ثاني مرة انفتح
الخـط بس
ماكو صوت هَمست بهدوء
: الوو
اجاني صوتـة وبي بحـة النوم
جان نايم وگعدته
ضربت گصتي
- احجي أنسام

أنسام : أسفه مَــادري بيك
نايم ردت أكلك ماكدر اجي اليــوم
لـهيب : اعرف لهذا ماداومت
إني هم

عگدت حواجبي
: شنوو؟
صفن شوية گح حَمحم ورجع ڪال
- أقصد ماكدر أكمل
الشغل وحدي باجـر تجين واخلصة
وانه هم تعبان

بمُجرد ما نهيت الخــط وياه
نمت حتى بدون ما اتغطى ؏َ التعب إلي شفته اليـــوم ...

❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜

أنـــهار :- أنفتحت الباب
دخـل علي حالتـه حالـه مَترب
وشعرة مبهذل

ركضت عليـــة لزمته من أكتافة
قوي اهز بي
وهو بعالــم ثانـي فاصل عني

ضربته قوي ؏َ صدرة باوعلي
يغمض عيونة
ويرجع يفتحهن ڪأنه مو صاحي

عقجت وجهي من شَميت بي ريحـة
دخـان
أنهار : علي تدخن؟
- جؤ
: لعد ريحـة جگاير بيك !؟

لزم عيونة فرگهن شمر روحــة
؏َ القنفــة ڪال وهو مغمض عيونــة :
نوران اندعمت

لطمت ؏َ صــدري وشهگت بصوت عالي
أنهار : وليش هيج
تحجيها بدم بارد وينها هَسه؟

علي الأكبر : مَــادري
أنسام وياها
مداحس بشي

صفنت بوجهه ماعرف شجاوبـة
بكد ما اعصابة باردة
حسيته يجذب أنفتحت الباب دخَل عمي
حدق بينا بصمت وبعدها
خزرنا

ڪال بعصبية : اختج الـ ** وين
الخرا الراتب وين ؟

أنهار : نوران اندعمت
وراحت وياها حتى ملحگت تدخل
للبيت

بلعت ريگي حجيتها وإني حاطه
عيني بعينه ضامه
الفلوس بصدري لأن اعرف بي محيصدك بية

تقدم عليه خزرني بحده
رفع حاجبــة وڪال : واذا دورت ولكيت ..؟

ردت أحجي دگ تلفونــة
طلعه من جيبة وهو عينه بعيني خازرني
زفرت نــفس براحـة

ضحك بصوت عالي
: لااااا والله
احلف شييييعرف؟

انتچه ؏َ الحايط ڪال بغضب وتحذير :
ڪلهم خلي يڪولن الــة
اني الخليـــفة خلي يگابلني ويحلم يوصلني
مايگدر يلزم خيط عليــة
افره باصبعي وافر أكبر واحد يطلع وراه

ذب حَــسرة علي الأكبر حط أيده ؏َ
رجلة ونهض راح للغرفـة
وسحبني من أيدي

أنهار : ويين
علي الأكبر : حتى متنعلسين
مابية حيل أدافع عنج!

نترت أيده وخزرته
أنهار : بعمري وحياتي ماطلبت
من أحد يحميني
روح وحدك إذا أنت جبان وخايف
إني ماخاف ..

رفع حاجبة حط أيده بجيوب
البجامــة ودخل
ورگع الباب حركت لساني بخدي باوعت ؏َ الباب بقرف

ماحس الى انسحبت
من شعري قوي يسحل بيــة الدرج واني
متوجــعة لازمة
أيده قوي ماكــدر أصرخ اخاف يطلع علي ويتلازمون

شمرني بالگــاع قوي
أريد أرتاح من الألم ولو ثواني معدودة
رجع ضربني برجلــة
قوي ؏َ بطني عضيت شفتي بألــم
ماكدر اصرخ

سحب شعري لفه بأيده توالني
راجديات أحس
صفير بأذني أيده حيـل قوية
بديت أفقد من الألم وهو ماستسلم

سحبني قرب رأسي للحايـط
ڪال وانفاسة
تلفح خدي يحجي بفحيح غضب

الخلــيفة : أنهار تطلعين
الفلوس لو اطلــع روحج ..!

حجيت بتلعثم أحاول
أسحب نَـفس : بس وخر والله اطلعــة

دفعني ؏َ الگاع صفنت
شلون اطـلعهن ڪدامة
الخليــفة : فضييييهاااااا

أنهار : ماكدر بس دير وجهك
رفع حاجبـة ميل
رأسة وأبتسم بطريقــة مُقرفة رأساً بدون ما أهتم مديت أيدي طلعت الظرف

شگگته وشمرت الفلوس بالگاع
أبتسم بخباثة : لو ماطلعتيهن
جان مديت أيدي واخذتهن

ڪعد مثل الجلب يلم بالفلوس
ويشم بيهن فتح باب غرفتـــه سحب الجنـطة لبسها ؏َ ظهره وسوالي بـ أيده
بيباي

تفلت عليــة بس نَزل بطلعته دخلت مرتة
وبناتــه ڪالت مرت
عمي : ويييين رايح

هو من سمع صوتها عالي
تقدم عليها خنگها رفعها من الگـــاع لزگها بالحايط
صرخ بصوت عالي

الخلـــيفة : مننووووو أنـتِ
وتحاسبيني بت الـ ** تعبدين گبور
الساقـطة ام الـ ** بسيطة
لوما مستعجل جان عرفت اربيج

شمرها بالگاع وهي تسحب النفس گوة
ضرب بنته ابتهاج
؏َ رأسها حيل قوي زمخ بيها وڪال : هيَ
أنـتِ من اخابر عليج
تردين بسرعــة والبضاعة تمشيها لا
خلي النمل يمشي ؏َ گبــرج ...

هيَ هزت رأسها بـ أي ومن الخوف
حتى النفس نست تتنفسه
هزيت أيدي

طلع ورگع الباب وراه
أنهار : درب الســد مالــة رد
رفعت عينها اليــة نسرين خزرتني
وصاحت : هاي ؏َ أبوي

مسحت الدم الي ؏َ خشمي
بردن دشداشتي
أنهار : طرگاعــة طاحت ؏َ راسج
شلون عاد من أبو
وتدافعين الــة لوما سكير وينيمج بگتله
ويكعدج بگتله

نفتحت باب المخــزن طــلع علي
مبدل ولابس شفقة
رفع رأسة اليــة شاف وجهي هز أيده

فتح الباب وطـــلع غمته ابتهاج
: درب الســد مالـه رد
عساگ بسرطان يخلصنا منك

أنهار : بت أبو العرگ
ليش تخليني أكوم اسحلج ؟؟؟

تقدما عليــه تصعد ؏َ درج
ابتهاج : تسحلين منو ولج **

ماتحملت حجيها حاولت اضربها
بس جسمي تعبان
من ضرب عمي ماتحملت من تگابلن عليــة هي واختها ماكدرت احمي نفسي
منهن

وامهن جوه تصيح بس محد سمع
الـــها أخير شي
سحلني للمطبخ طلعت ابتهاج چدر صغير ترسته مي حمته ؏َ النار تباوعلي
وتبتسم بحقد وإني اصارع ؏َ الأرض
الألم جسمي

أحس حتى النَفس الي أسحــبة
يأذيني من فَار الچدر شالتــه تريـد تگبه ؏َ رجلي ماعرف منين اجتني القوة

ودفرتها قوي وجانت لازمته
وخايفة لا تحترك
وانچفه عليها وشاطت لله بمُجرد ما صارت تصارخ وگعت ؏َ الكاع تصرخ من الألم
ركضت بسرعـــة ؏َ المخـــزن قفلت الباب

ضليت نايمة والألم
گطعني تگطع ضليت أتگلب بالفراش
سمعت صوت تلفــون يرن

ضليت ادور بالغرفــة لكيته تلفون
أنسام عايفته هنا
ڪان رقم خازنته باسم نقطة

فتحت الخـط حجيتلها
ترجيتها حتى ترجع بس ماتكدر مابيدها
حَيلــة شمرت التلفون
؏َ الفراش سحبت الشال حطيته ؏َ رأسي

طلعت من المخزن
اخذنها للمستشفى ضليت وحدي
بالبيت فتحت الباب
مديت رأسي للشارع شفت سيارة حَـمل شايلة
غَراض ورجال
منطيني ظهره واكف فوك روسهم

ناس جدد شايلين يمنـا مَــادري
شلــون حَس وانتبهه
أنو اكو شخـص يراقــبة التفت حط عينه بعيوني مالحكت المح ملامحـة
سديت الباب رأساً

رحت غسلت وجهي ومن اشمر المي
؏َ وجهي أون بوجــع
رحت رأساً بوجهي نمت ماحسيت إلى ؏َ صوت فتحته الباب

رفعت رأسي من جوه اللحاف
شَــفته علـي هستوه دخل نزع الشفقة والسترة
شمر روحـة
گلبت عيوني بملل يصير خير ترجع
أنسام وهي تعرف تتصرف
وياه

طلعت التلفون من جــوة المخــدة
بس لزمتـه
دگت رديت عليها هم سولفنــا شوي وراها رجعت نمَت

ڪعدني صوت المنبهه بالستـة علمود الدوام
سديته وحطيت التلفون
؏َ شحــن ردت أروح أكعد علـي لكيته فاتح عيونــة وصافن چفلت من
منظـــرة

رجعت ليورة مخترعــة
أنهار : شبيك خرعتني
اكو واحد هيج يسوي

ميل رأسة قلص عيونة
حگ مفصل أيده قــوي ڪال : شمسوي
قابــل

زفرت نــفس بقلة حيلـــة
نهضت ؏َ حيلي مالي خلگــة أبد
ڪمت بدلت ورحت مشي لمدرستي بعيدة حيل بس ماعدنا فلوس نأجر خط

وصلـــت للمدرسة دخلت ڪان
دوام عادي لحــد الدرس الخامس جانت فرصة
ڪاعدة برحلــة أضرب
بالقلم ؏َ رحــلة من الملل

إني وڪم بنية موجودات بالصـف
لأن ڪلها تطلع
للساحـة دخلت بنيـة أصغر منا باوعت ؏َ رحــلة نسرين بعدها حَولت
بصرها عليــة

تقربت عليـــة وڪالت : ابتهاج
ليش ماجتي

ركزت بوجهه ڪان ذبلان والهالات
واصلة لخشمها ضعيفة
ڪِلش

أنهار : أحترگت رجــلها
ماكدرت تداوم
نسرين يمها شتردين إني اكوللها

فرگ خشمها قوي تقربت
أكثر عليــه همست بخفوت : جايبتهن؟

عگدت حواجبي بأستغراب
أنهار : شنو هنه؟
- المخـــدرات

من نطقتها سرت بجسمي رعشة توسعت
عيوني بصدمة هي تغيرت
ملامح وجهه من شافت صدمتي سُرعان ما تداركت الموضوع نهضت
من الرحلــة سحبتها من أيدها قــوي
بــرة ...

ضحكت بفشلة أحاول أخفي
توتري وقلقي
أنهار : شبيج ثولة تحجين
ڪدام البنات

أرتخت ملامح وجهه سحبت
نفس براحــة
طبطبت ؏َ ڪتفي وڪالت : كوليلها
باجر إذا متجيبهن
افني حظها لأن دافعة فلوس

حجت هلكلام وأبتعدت
راحت لـ صفها خلص اليــوم وإني أفكــر
بـ ڪلامها
طلــعت برة حَسيت بظل أحد
خيم فوك رأسي

التفت لمحت رجال طويل
ضخم حدق بعيوني ڪان ملثم مالمحت
بس عيونــة
بس مكانو غريبين عليــة

رفع عينه ؏َ السيارة الي واكفـة
خنزر بحواجبــة
أنسحب بهدوء وغير اتجاه رهبـة الخوف
احتلت جسدي

ڪان جاي علمودي
التفت شفت السيارة الي حدق بيها
ڪانت سيارته
وهو واكف يدخن قريب منها

زفرت نــفس براحــة
سارعت بخطواتــي وصلت يم السيارة بعده
شارد نقرت بأصبعي
نقرات خَفيفة ؏َ الجامــة أندار شافني
أبتسم وڪال : حي اللّٰـه
ابوشهاب الأخبار شلونها

ضحكت وصعدت بسيارة
يسولف ويشاقــة وياي ڪل شوي
وصفن بوجهي
أخير شي ماتحـمل ڪال : معقولة
بس هذا ؟

أنهار : ههه لا أكثر
بس حاطــة مكياج خافيته

سكت هز برأسة بيأس
مانطق شي أول مادخلــنا للبيت
رحت ؏َ المغسلة غسلــت وجهي نص اليــوم جان طبيعي بس الشغلات الي صارت
بالمدرسة ماكدرت أسكت
عنها قــررت اسولــف ڪلشي الـة بس مو
هَسه من يصير
الوكت مُناسب

رحت ؏َ الفراش دحست روحـي
جوه اللحاف
بدت دموعي تنزل ؏َ خـدي من وجع
الضرب بدة يهيج عليــة

غَمضت عيوني اتمنى
أنام وانسى الوجــع بديت استسلم
للنعاس إلي سيطر ؏َ جسدي الهزيل

ماكـــدرت الوجع يدگ بالعظـــم
نزلت جوه شفت
ميريام ڪاعـد يفتر بالصالة ويخابر من
لمحني أشرلي
بأيدة اصبري

ڪعدت مقابيلة عقجت وجهي
بألم خلص
المكالمــة خطف نظرة مني ڪال وهو
يأخذ السويـچ
من الميز

ميريام : همزين ڪعدتي
صار عندي شغل
لازم أروح ديربالج ؏َ خواتج
شوي وتجي لارا

حجاها وطلــع بسرعــة
ردت أروح وراه اريد يجيبلي
شي يخفف هذا الألم

فتحت الباب الـ برة الشارع
فارغ هذا شبسرعة يروح شبسرعــة يرجــع
تنهـدت
مو جديدة عليــة هسه ڪم
يوم ويخف

ردت أسد الباب ماحس إلى برجل
انحطت ؏َ الباب
صارت عينه عليها انسحبت الباب
قوي

توسعت عيوني بصدمــة من انحطت
گلينسه ؏َ خشمي
بمُجــرد ما سحـبت نَفس منها
اختل توازني

والنعاس سيطر عليـــة
عرفت ساعتها إني وگعت بالفــــخ ...

أحس بأصوات هَمسات
حولي أريد احرك جســدي بس إني
مُقيــدة

فطنت ؏َ حبل محــاوط جسدي
شادينه بـ قوة ماكدر
اتحرك بسهولـه

فتحت عيوني أباوع ؏َ المكــان
إلي إني بـي ڪان
عبارة ؏َــن مخزن قديـم ڪِلش
والضوه الي بالمكان
حيل خَفيف

أسمع صوت خرخرشة حَول المكــان
وأصوات رجال
تتعالى وصراخهم
مافهمت شنو يحجون غير أني سمعت
جُمــلة وحــدة
" اششش اشش ڪافي اجهه"
گــــلبي يأذيني من الشعور إلي راودني
بسبب الكلام إلي سمعته

انفتحت باب المخَـــزن دخــل
نَفسة الرجــال
إلي ڪان ملثم وڪف حَدق بعيوني لثواني
طويلــة

أيدي مقيدة رجلية
مقيدة حلگي مشــدود
لبس شفقه نزلها حيل ؏َ عيونــة صرت ڪِلشي ماشوف منــه تقرب عليــة

ثنه رگبته وگرفص ڪدامي
تأملني
ميل رأسة وعيونـــة مالمحتنهن
ڪُلشي ماشوف منــه
بس هوَ يشوفني وفصلني تفصال

ڪال بصوت هادئ :
ڪل ظنــج تڪدرين تهربين
منـي ؟ مهما صارت حياتـج بيضة
وحَلوة راح أظـــل إني السواد إلي يحاوطج
من ڪل ڪتر

تقرب منـي نزع الشال
الي ڪان
ملثمني بي ذب حَــسرة وڪال : أنه عاشگج
عشگ الزلف للترچية ..

- غازلني بـ زلف سهران عُمر !
ناطر الترجيه .

يتبـع ..
الحكايـــة تستمـر إلى إحداث أخرى .

𖦆 𖦆 𖦆 𖦆 𖦆 𖦆 𖦆 𖦆 𖦆 𖦆

حسابـي أنستا 👇🏻