#أنسام_اللهيب
بقلمي أنا زينب خالـد
علقو بين الفقرات وصوتو للبارت وتابعو حسابي بالوتبـــاد ♥️. + حسابي أنستا موجَـود بالبايو اذا تحبون تضيفوني .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
نوران : يمممه
صرخت بخوف وإني مغمضة
عيوني من اجت سيارة سريعة تمشي بتجاهي
صدري يصعد وينزل فتحت عيوني
بُطئ وإني اشوفه
وكف قبل لتوصل الي بالمعنى الحرفي بيني وبينها شعراية أنفتحت الباب
ونَزل أخر شخص جنت متوقعة أشوفه !!
أصهب ..!
باوعلي مضيگ عينه جانت بحلگه جكارة
صرخ عليه
أصهب : شبيج عميه؟
تشمرين بروحج كدام السيارات
رمشت بعيوني ممستوعبـة انداريت أحدق
بذاك الي مكتف أيده
وينظر اليه بأبتسامة أنتصار عضيت شفتي خزرته صحت بصوت عالي بدون
مانتبهه لـ نفسي
نوران : شبيييك يمممه مخبلل
تشمرني
هيج
- وطمه كون أن شاءلله
احجي عدل لا أفرگ حلكج والي خالقج
رصيت ؏َ سنوني وصحت
نوران : أحتررررم نفسك باوع لنفسك
تارس روحك وشوم جنك الشيطان الرجيم تف تف تف
رفع حواجبة
- على كيفج ترستي الشارع تفال
أصهب : ها ها بعد تعال أخذلك
راشدي شو أنـتَ تشمر حجي لك؟
عض شفته تقدم خطوه وحجه
-هاي عليمن الـ لك؟
جان أصهب لازم الباب من شافه تقدمة
سدها قوي وشمر الجكارة بالگاع وتقدم هو أكثر
أصهب : عليييك اكو أشكال صديقي؟
نوران : طبعاً انتو ماتستحون
وتفشلون كلش وطيرتو برستيجي مال الجامعة
رجعت شالي ليورة وتمشيت أدعي عليهم
العالم كلها تباوعلنا
اصواتنا جانت عاليه
مامشيت بس خطوتين وحسيت بأيد قوية لزمتني من زندي
دارني عليه التفت
اباوع بعيونة
نوران : شبييك شببيك
ايدك منا العالم
خزرني
أصهب : هذذذا منين ؟
نوران : من بطن امه منين
يعني هد أيدي أنـتَ شكد ماتستحي
نتر أيدي بقوة حط ايدة بجيوب البنطرون
همس بخفوت
أصهب : حلو حلو ست نوران طالعة
عينج وصاير تصداقييين شباب
رفعت حاجبي
نوران : أحترم نفسك خوش
ومعليك بيه روح حاسب حبيبتك وكللها لا تضل تشمر حجي عليه لان لا أنت ولا هيَ
بالي وأنتو كُلش ايع ومو برستيجي
ضحك بصوت عالي
أصهب : شبيج بابا هستوج متعلمة
كلمه جديدة وكل شوي كايلتها
كمت انافخ احس دخان يطلع
من وجهي شلون كشفني
ضربت برجلي ؏َ الأرض باوع من فوك ليجوة
أصهب : أكول صايرة طويلة
طلعت لابسة گعب
عوجت حلگي شلون ما جَانت
تسوي أنهار اردف مكمل وهو يباوع لرجلي
_زين تعرفين تمشين بي
_ماراح ارد عليك لأن عقاب الجاهل
التجاهل شوفني شلون أمشي
حجيتها ومشيت عايفته يباوع وراي
وحظي الاغبر عثرت بحصواية وردت أوگع ؏َ وجهي بالگوة سيطرت
مو هنا المُشكلة المُشكلة الگعب نگسر !!!
حطيت أيدي ؏َ حلگي مغمضة عيوني
وإني أسمع صوت ضحكته ترن بمسامعي بللت شفتي الله لا يحط أبنادم بموقفي
صاح بصوت عالي
أصهب : تعاااي أوصلج تعااي
التفت مخنزرة حجيت بنفاذ صبر
نوران : مامحتاجك خووشش؟
عندي خط وهسه يجيني
دگ تلفوني فتحت الجَنطة طلعت التلفون
اباوعله
_هذا خطي اجاني الله لا يعوزنا
نوران : ها وسام وووينك
عايفني مثل الجلبة
وسام : ها اكلج هاي سيارتي
عطلت ماكدر اجيج اخذي تگسي
غمضت عيوني وعصرتهن قوي رصيت ؏َ سنوني
وعضيت شفتي أحاول الزم
نفسي ماشتمه
نوران : ؏َ شنو ادفعلك ؏َ شنو
سيارتك المعفنة هاي بدلها لخاطر ربك
كل يوم وثاني عطلانه وينوران اجري تكسي ورجعي بي ؏َ شنو ادفعلك متكلييي؟؟
آخر جملة حجيتها بصياح والعبرة
خنگتني منورة الفشلات الي اكلتها اليوم حذائي انگسر وابو الخَط عافني
شيسوي بيه الله بعد
راد يحجي سديت الخَط بوجهه كعدت ؏َ الرصيف
منزله رأسي للأرض
حتى ماعندي الجُرأة ارفع رأسي اشوفه
راح لو لا
دموعي تنزل ؏َ خدي بغزارة
رفعت رأسي أمسح دموعي حسيت بظل شخص خيم فوكاي
التفت لكيته يباوعلي چفلت وصحت بصوت مسموع
_يُمممه
تنهد بضيق تقرب كعد يمي خزرته
وحطيت الجَنطة بيناتنا
نوران : هاا ابووالوشوم شتريد
_عندي إسم ؏َ فكرة
نوران : ميخصني خوش ويلا كوم
من يمي هذا مكاني لاتظل تنبز وراي ماحبيتك
باوعت وراه ؏َ مكان
أصهب جان ماكو راح وعافني دنگت رأسي بحزن العب بأصابيعي
_أسمي ذوالفقار
نوران : ماطلبت أعرف وراح تظل ابوالوشوم
ترا محلو لعبان نفسك
رگبتك متروسه وجهك وأيدك اوع شنو همج
أنـتَ مشايف شنو أول نزلة الوشوم
رفع حاجبة وأبتسم
ذوالفقار : شو أنـتِ تشمرين حجي
بدون متنتبهين لروحج ؟
نوران : منو كال بدون مانتبه؟
همس بهدوء
بدون مايباوعلي
ذوالفقار : أعرفج ..
انداريت اباوعله موسعة عيوني بدهشة
جان يحدق بالسيارات الي تمَر
نشالت عيوني عنه وصارت ؏َ هذاك الي يمشي بأتجاهنا عاقد حواجبة
نوران : يُمه يُمه راح يتعاركون
ويطير البرستيج
ذوالفقار : من كعبج المگسور هذا
باوعتله صفح وكمت امشي اعوج
لأن رجل لابسة كعب ورجل بدونها طلع
شكلي يخزي وذاك يصيح من وراي
ذوالفقار : طاررر البرستيج ياالله !!
صرت بوجهه أصهب يريد يمشي
وخازرة نيته شر وعيونة الغَضب يتطاير منهن
نوران : بداعت امك لا
رجعني شوف نگسر كعبي وعافني أبو الخط
وتطشر البرستيج شيصير بعد
أكثر من هيج ..؟
نزلت عيونة اليه باوعلي تگ عين
لزم معصم أيدي قوي يسحبني وراه ويمشي سريع وإني امشي اعوج يبووو
المنظر خزززي خزززي ..
فتح الباب وشمرني بالداخل غمضت
عيوني أهفي ؏َ وجهي
حتى اصير شخصية وأتعصب قبل لا يحجي أول مافتح الباب ردت أصيح عاط
بيه خنسني
أصهب : غببييية أنـتِ غبيية؟؟
نوران : شتكول أنـتَ وحده مثلي درست خامس وسادس ونجحت بتسريع
ونقبلت طب بغداد بجامعة المُستنصرية غبية؟ أحترم نفسك رجاءً وإني مصاعدة
وياك بلاش حتى أكعد يمك راح أدفعلك
ردت أفتح الباب وأنزل
لزمني من جنطتي قوي سحبني مكعدني
تقرب عليه سد الباب وقفل الباب
أصهب : كافيي عوفيها سوالف
الزعاطيط هاي عوفيها خوش؟
مارديت عليه سكتت هو اني هم ماعندي
احد يوصلني أنجبيت
وكعدت بنص الطريق دگ تلفونه باوعتله تگ عين جان مكتوب صابرين
صديت للجامة أسوي نفسي مامهتمة واني أذني يمهم
أصهب : ها شتردين , وين اجيج
مو متداوومين أنـتِ شبيج لتخبليني
روحي بابا شچلبتي روحي
سكت شوي يمسح بوجهه ويستغفر
عاط بيها بصوت عالي
إني من يمي فزيت
أصهب : كااااافي صابرررين كافييييي
حجاها وسد الخط وشمر التلفون قوي
إني سويت نفسي لا أرى
لا أسمع لا أتكلم
خلص الطريق يباوعلي صفح وينافخ
واني مغلسة
لحدما وصلنا نزلت للبيت ماراح الى دخلت
تنهدت هزيت أيدي بطران
هذا صارت بوجهي أنسام كاعدة وتأكل بيدها
نوران : اكلج راح يجي رمضان
شلون بينا عمي والله ماكدر اداوم كليلهم يشوفولنا حَل؟
رفعت رأسها اليه خزرتني
نوران : يبوو كلها مالها خلك اليه
اولي احسلي
صعدت فوك شمرت روحي ؏َ جرباية بملابسي
وبدة عقلي يستعيد الذكريات
الي صارت والمواقف
تنهدت بضيق عدلت نومتي صرت أباوع للسگف
صابرين رسبت وهاي ثاني
سنة الها بسادس جماعتها راحو جامعه وهيَ بعد
تذكرت أبو الوشوم هو صحيح حلو بس
شكله أبد مو راحة شنو جان يقصد من يكول اعرفج؟
صار صوت دليل ؏َ وصول رسالة
فتحت تلفوني أباوع من حساب جديد بالانستا اني حسابي عام داز هلو
عقدت حواجبي فكرت أتجاهل الموضوع
لكن الرسالة الي وصلتني جمدت أطرافي بسببها
خلتني صافنة بزماني ..
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
أنــسام :- صفنت بوجهه احس
جسمي كله صار يرجف بلعت ريگي الحجاية
متطلع من حلكي
أنسام - شتحجي أنـتَ؟
تستوعب شتكول باوع لنفسك جبيررر
وعندك جهال بطولك زلم
رفع حاجبة بأستنكار
الشيخ - لهيب نفس الشي
وخوبن لهيب أكبر مني شني الفرق؟
عضيت شفتي بنفاذ صبر أستغفرت
وخزرته
أنسام : عيببب الي كاااعد تسوي
إني جنت مرة أخوك و ؏َ ذمته شهلنفسية الزفره هاي وقسماً بالله العلي العظيم
إذا ماتروح منا اخابر لهيب وهو الي يتصرف وياك !
باوعلي صفح عدل عگاله
يمشي ويصيح :- بسيطة بسيطة
ركعت الباب قوي صحت بصوت عالي
أنسام : الله يبسط رأسك ڪون أن شاءلله
رجعت كعدت كل شوي أعيد الستوري
وأكل بروحي
حجيت بيني وبين نفسي بحرگة
أنسام : شششدعواااك شدددعواااك
هيج مبتتتسم أول مرة تتزوج
الي يشوفك ميكول متزوج قبلها إثنين!!!
شمرت التلفون ماتحمل بعد أباوع
الدمعة بطرف عيني أشتمه وأرجع ليورة
غطيت رأسي بـ أدية
أفكر بكل الأحداث الي صارت اليه
تذكرت كلام حَسن بللت شفتي اجت
فكرة بالي رحت ؏َ مُحادثة حسن دزيتله رقم
لهيب كتبت جواها
- هذا والدي تكدرون أنـتَ وياه تتفاهمون ..
دزيتها وإني أبجي تخيلت ردة فعله
وكمت اضحك مثل المخبلة صرت أضحك وأبجي منظري صار يلعب ستين نفس
دخلت نوران وضعها مخربط حجابها
مضروب شرجي والگعب مگسور جنها وحده متعاركة حجت وياي بس كُلشي ماسمعت
جنت كاعدة اهز برجلي وأكل بأصابيعي أحس بندم ليش سويت هيج اذا فشلني
وكال مو ابوها يببو ساعتها ياگاع انبلعي وشگيني
للعصر تقريباً بالخمس هيج دگ لهيب
من الخوف غلست كعدت أباوعله بس حرگ الدنيا
يدگ ويرد ليييورة
ضربت روحـي راشديات خَفيفة أحاول اصحصح
همست بيني وبين روحي
أنسام : أنـتِ تستطيعين أنسام
لتخافين هسه شيسسوي قابل
تشجعت فتحت الخط حطيته ؏َ أذني
أجاني صوتة يرعد رعد يصيح بصوت عالي زرف طبلة أذني
لـهيب : يابة بالعباس جااايج
جاااييج والحمزة أبوحزامين حزامي
اليوم أگطعه ؏َ ظهرج اصبريلي أنـتِ والفريخ مالتج هذا
بلعت ريگي حاول أصير عصبية
حجيت بثول
أنسام : لتهدد خوش أنـتَ متعرف إني
شنو ممكن أسوي
بعدين ترا انطيك معلومة مو رجال الي يمد أيده ؏َ مرة
أسمع صوت البتال كاعد يمه ويضحك وصوت
سيارات عزه بعيني سواها صدك
هذا مخبل
لـهيب : امشي ولي لا هسه
انزع اخلاقي واخلي البتال يشبعج عفاط
بسرعة سديت الخَط ركضت للباب قفلتها
وطگيتها ركضة للغرفة
ختلت جوة البطانية مغطية رأسي
سمعت صوت التلفون يدگ من جديد كمت اردد
أنسام : يُمه يُمه راح يسحلني
رفعت رأسي باوعت مكتوب أبو ليالي
تنفست براحة سحبته
رديت أجاني صوت يحجي برهاوة
عُثمان : الو السلام عليكم أنسام
اختج اجتِ؟
عدلت كعدتي
أنسام : وعليكم السلام أهلا ابو ليالي
أي اجتي قبل شوية
سكت شوي وتغيرت نبرة صوتة
عُثمان : مو نوران أنسام ، أنهار ؟
تصنمت بمكاني صارت الحروف تعجز
تطلع من ثغري همست بصوت مـهتز
أنسام : أنهار ماهيَ أبو ليالي
أسمعه واكف يتحرك ويستغفر
عُثمان : شتحجييين بابا شتحجيين
رجعتتها إني رجعتتتها الصبح عفتها يم بابكمم
وينها أنسام لتخبلينييي !!!
رجف جسمي من سمعت كلامه
لا إرادي صارت دموعي تنزل سمعت الباب تندگ روحي انطحنت طحن
نزلت أركض بسرعة حتى حجاب محطيت ؏َ رأسي فتحتها صار لهيب
بوجهي عيونة بگصته من شافني ابجي
تغيرت ملامحة
شهگت بخوف ودموعي تنزل أريد
احجي بس ماكدر هو تخَبل
لـهيب : ماسوي شي اشاقة وياج
شبيج بابا أنسام شبيج سكرج يالثولة شبيج شني يوجعج
يحجي وكل شوي يريد
يلزمني ويتذكر وضعنا ويرجع زفر نفس بغضب
لهيب : شبيج بوية ضربني وبكى سبقني واشتكى
أنـتِ الدستي بضلوعي وأنتِ الـ تبجين
نفيت برأسي مسحت دموعي أحاول
أستجمع قوتي حتى أشرحله إلي صار
أنسام : رجل أنهار خابرني
يكلي عافها هنا يكلي هيَ جانت هنا وماهيَ
مماعرف شسوي
حجيتها ورجعت أبجي مغطية وجهي
أسمعه يستغفر طلع تلفونة يخابر دفعني للبيت ودخَل ؏َ أثر صوت البجي وصياحنا
نزلت نوران وجهه أصفر تتراجف مدري شبيها
نوران : شش.. شصاير شبيكم
لهيب يفتر ويخابر ؏َ السبع بس ميرد
الأجواء بالبيت صارت مشحونة دنگ لهيب لمستواي گرفص كدامي يباوع لعيوني
لـهيب : أشتعل أهل عُثمان ؏َ هلدگة
السودة لا تبجين ياروح لهيب لا تبجين هسه نلكاها هيَ إسم اللّٰـه عليها جنها
قرد تتطافر منا ومنا بس سباعية تدبر روحها
أنسام : لهيب يمه أختي أريدها
نوران : عااادي افتهم شتحجوووون ؟
التفت خازرها عض شفته ونتر
لـهيب : انجبي أنـتِ
فتحت عيونها تباوعله بذهول وهو طلع
برة البيت مدري شيسوي
وإني صارت روحي تلوب ماضلت فكرة ماضل شي ماخطر ؏َ بالي شوي وندفرت
الباب قوي دخل لهيب بارود ميتحاجة خزرني وصك ؏َ سنونة وصاح
لـهيب : نوران لغرفتج بساااااع
كتفت أيدها وحطت رجل ؏َ رجل
نوران : ليش يُمه ماعوفك وية أختي
وحدكم عيب عليك هلسوالف
صاح بصوت عالي كلش نززنا أثنينا
لـهيب : فوووووووووك بسررررعة
رأساً وكفت وكالت
نوران : وشعليه اني قابل
اتحاسب بمكانكم تحتركون بجهنم وحدكم
حجتها وطگتها ركضة للغرفة ماينشاف
منها بس الترابة
تقدم عليه لزمني من زندي قوي يعت بيه قوي
لـهيب : فهد شيسوي جان يمج؟
تجمعت دموع بعيني هلمرة من وجع
أيده الي أحسها نبتت بعظمي
حجيت وصوتي يرجف
أنسام : يا فهد شبيك لهيب منو فهد
ماعرفه والله ؟
سحبني قوي ودفعني بالگاع جان أكو ميز كزاز نضرب ظهري بي
رأساً صحت
أنسام : اخ يمه
لزمت ظهري وإني ماحس بشي
غير گلبي الي محترگ ؏َ اختي نزل رأسة اليه يباوعلي مضيگ عينه
لـهيب : ماعرف شسوي وياج
أنسام عوفي الجذب اتخبل منه وكليلي فهد شيسوي يييمج
أنسام : ممممااامجذذذبة مااااماجذذبة
شبيك أنـتَ هووو فهددد
منو أصلاً إني بياحال وأنت جاي تتعارك وياي
هز رأسة متوعد
لـهيب : نلگه أنهار وحسابي وياج بعدين
اصبريلي أنسام
تنرفزت من نبرته بالكلام صحت وراه من طلع
أنسام : اصبرررلك وليششش ماصبرر
قابلل خايييفة منك !!!
أحتضنت وجهي بأيدي أناشغ واشاهگ
إني وين وهو وين
أحس بگلبي يحترگ ماعرف شسوي جان بيني وبين شوفتها شعره ورجَعت أختفت
من جديد
صعدت للغرفة اسحل بخطواتي سحل
ادور ؏َ تلفوني بلكت يرد عُثمان ويريح گـلبي
بس مارد ضلينا ؏َ هلحال
أيام لا ليلنه ليل ولا نهارنه نهار بس ننتظر خَبر هذا غير وضع نوران الي موتمام
مثل المخبلة تمشي وتتفلت من ظلها تخاف
ندگت الباب قوي ركضت بسرعة أنزل
؏َ درج الى شوي أعثر
فتحتها صار بوجهي لهيب واكف يباوع مقلص عيونة يحدق بـ البتال الي يخابر
؏َ جهه واكف يم السيارة
اندار صفن عليـة جانت ساعة تقريباً بـ ١٠ الصبح أباوع وراه على أمل المح اختي
لو أشوفها لكن سقف آمالي تحَطم وأني انظر الى وحده واكف كدامي ماكو
أي احد وياه
أنسام : شصار لهيب شصار ؏َ سالفة
أختي ؟
لـهيب : رجلها بعدة يدور عليها
باوعت لوجهه شفته مجروحة وبيها دمَ
ومعصم أيده ملفوف
همست بخوف
أنسام : شبيك
حجيتها وإني عيوني ؏َ أيده
أشر برأسة للداخل
تنهدت بضيق
لـهيب : خلي نفوت
أنسام : ترا محلوة فوتك عليه
طاب طالع وأنت غريب العالم شتكول عليه؟
تقرب عليه ڪِلش
وإني رجعت ليورة متوترة من قُربة
أنسام : شبيك يمعود ..
لـهيب : يكولون أبوها ، مو حظرتج
تدزين رقمي تكليله هذا أبوي ؟ مو حظرتج تفتحين الباب لـ أخوي وتدگيها سوالف
وياه وتمضحك
فتحت عيوني مصدومة
أنسام : ماضحكككت !!!
لـهيب : أبتسمتي !
أنسام : جنت أبتسم ؏َ وضعية !!
رگع الباب قوي لزمني من أكتافي قوي خازرني وعيونة راح تنط من العصبية
لـهيب : نعلان ياوضعية راح
أرتكب بيج جريمة..
أنسام : أنـتَ شلون عرفت
مجنت ناوية اكلك !
لـهيب : طبعاً لهيب هنا خراعة خضرة
ناس تفوت وناس تطلع
وناس تخطب ونتمعشگ ومن نجي يم لهيب اوووي يمه لهيييب حرررام تلزززمني
أنسام : أحترم نفسك خوش
مامسوي شي غلط حضرتك مو نخطبت
حاسبتك اجيت تعاركت وياك لو تهجمت عليك بيتك
لهيب : خاف عايزة
حجاها وأبتعد عني توجهه للمطبخ سحب گلاص مي شربة دفعه وحَدة شرايين رگبته برزت
وعروق أيده مبينه
واضح شكد عصبي
ضحكت مستهزاء تقربت كعدت ؏َ الكرسي الي بالمطبخ أريد أستفزة
أنسام : ماكتلي شلون عرفت
لـهيب : بالكاميرات واحد
من الجوارين عنده كاميرات شفناها علمود
أنهار ولكيتج طايحتلي دگ
سوالف عبالك عشرة عُمر
حجيت بسُخرية
أنسام : أي ليش لا ، يجوز نصير
أحجي وگـلبي محترگ عيوني
بالأرض ماعندي الجُراة ارفعهن أشوف شنو راح يكول
أنتفض جسمي بذُعر من گسر الكلاص
بالگاع قوي
وكام يضحك بهستيرية لثواني تذكرت أسرافيل ثنينهم نفس الخبال
بس الفرق واحد يخاف ربة وهذا الواكف بوجهه
وثاني ميخاف وماكو شي
وكف بوجهه ..
رجع خُصلات شعرة ليورة بأصابعة
لـهيب : وعلي مشتهيتلج گتله
من هاي الـ اويلي أخ الى أزورگج اخليج النفس متسحبينه أحجي عدل أنسام
كمل كلامة أشر برأسة ؏َ حزامة
لزمه وكال
لـهيب : جديد تحبين تجربين تنگتلين بي ؟
أنسام : شعليه اني غير اخوك
خطبني ؟
تغيرت ملامح وجهه ١٨٠ درجة صفن
بوجهي لدقايق طويلة
هو ساكت وإني ساكته جنت هادئة مانطيت أي ردة فعل بوجهي
لـهيب : فهد خطبج؟ الكوا** خطبج
وأخته هستوها ميته؟ الم** خطبج
وأنتِ مرتي؟ الن** خطبج وأنتِ مرت أخو ؟؟؟؟؟
حجيت برود وإني أحدق بي
أنسام : أي كلي اذا اتقدملج توافقين؟
تقدم عليه بسرعة رفعني حصرني بالحايط
لزم فگي قوي عصره بأيدة قووي
وإني ثابته بمكاني حتى مارفعت أيدي ابعده عني
لـهيب : تحجيييها هممميين
تشرررحييينننهااا أنسام
اقترب مني وأنفاسة تلفحني
لـهيب : شهلانحطاط إلي أنـتِ بي
يرادلج تربية من أول وجديد
أنسام : ربي روحك بالاول
رتفع حاجبة ضحك تك خد
ماحس إلى ضربني راشدي خفيف بيده
لـهيب : ** وعلي **
أنسام : تفشر عليه لهيب؟
لـهيب : شنو ابوسج ؟ تعالي ..
حجاها وسحب رأسي توسعت عيوني بذهول
رأساً دفعته وصحت
أنسام : شو أنـتَ متستحي شنو
إني تايهتلك
دفعني بأصبعة قوي بكتفي
لـهيب : أي أي تايهتلي تخصيني الي
وهذا أبو كرار مالتج إني أدبة وهذا أخوي شاچوري راح أفرغه براسه
حجاها وطَلع عصبي كلشي أتوقع منه
هَذا كعدت ؏َ الكرسي
أتذكر كل الي صار ضجت شوي بس بعدين كلت يستاهل خلصها يحرگ
بكلبي خلي يحترگ شويه خلي تلوحه ناري شوية
لحد العصر رجعت نوران والبيت هدوء اني وياها ساكتين وهيَ غريبة
ماتسولف ولا تفتح حلگها
ندكت الباب كامت نوران كالت
_منوو؟
اجانا صوت عُثمان يصيح
_اني ..
جنت كاعدة أغسل مواعين ونوران
جانت يمي من فتحت الباب شهگت بصوت عالي مديت رأسي شفت أنهار
واكفة كدامي ملابسها متربة وضعها مبهذل وشي أسود مذبوب ؏َ رأسها تبجي
ودموعها تنزل
؏َ خدها المتَرب
وگع الماعون من أدية أنتبهت اليه
تملصت من حضن نوران مشت بخطوات بطيئة مترددة اليه والدموع بعيونها
تلالي المي يدير وأيدي كلها زاهي صدري يصعد وينزل اباوعلها بلهفة
تقربت عليه حضنتني قوووي
إني جامدة بمكاني حتى
دموعي منزلت هيَ حاطع راسها بركبتي تبجي وأيدها محاوطه جسمي
أبتعدت عني تمسح بدموعها وإني بعدني تحت تأثير الصدمة كالت بقهر وغصة
أنهار : شبيج وثول فهيتي
بوجهي
ردت أرجع احضنها حَطت أيدها كدام وجهي
أنهار : لا فدوة ايدج كلها
زاهي غسلي واشبعي محاضن وبوس
تعويض للجفاف الطاگج
من شدَة فرحتي بيها تجاهلت كلامها غسلت أيدي
وركضت حضنتها
قوي وإني أبجي بعدتها من حُضني ضربتها راشدي ورجعت حضنتها وأبوس بيها
أنهار : عاذرتج مشاعرج
معوقة ، كافي وخررري أختنگتتت دفعتني التفت تباوع لرجلها الي واكف
منتچي ؏َ الحايط مكتف أيده عيونه عليها
من الصدمة ضربتها ؏َ رأسها
رجعت ليورة الطم ؏َ خدي
باوعتلي فاگه عييينها
أنهار : ليشش تضررربين شبيج أنـتِ!!
أنسام : رجلج هنا إني بدون حجاب
عوجت حلگها تقدمت عليه تحجي
بصوت مسموع
أنهار : أمشي نحجي بالاستقبال ..
دخلو يحجون وإني لسه صافنة
معقولة أنهار رجعت كل شوي أحس حلم أريد
اروح ادخل عليهم وأرجع
آخر شي نوران ماتحملت كامت
أنسام : ويين ويين !؟
نوران : ولج ذولة فطسو جوه
خنشوف أختي
لزمتها من أيدها قوي خزرتها
أنسام : تأدبي نوران عيب رجال ومرته
كاعدين سوة عوفي
سوالفج هاي
توسعت عيونها بدهشة نترت أيدي
كالت بصياح
نوران : أنسام عزه بعينج
كاعد تشجعين ؏َ الرذيلة ياويلي
حجتها وطفرت وإني أركض وراها أريد
الزمها فتحت الباب قوي
جان عُثمان حاصر أنهار من سمعو الباب انفتحت صار مطافرهم ماله والي
إني غطيت عيوني ونداريت ونوران
صاحت بعلوو صوتها
نوران : عزززززززززززززززاااا
والله ماتستحون والله ماتستحون والله عيب عليكم
من الفشلة عضيت شفتي وسحبتها
فوك للغرفة سديت الباب
وغطيت رأسي بأدية وهيَ تردد
نوران : والله العلي العظيم
مايستحون أصلا شنو هسوالف المگسرة
أنسام : ولج بابا عيبب عييب
هسه شلون نباوع بوجهه الرجال بعد!!
دفعتني قوي تحجي بجدية
نوران : أنسام شفتي أستحه من عدنا
ومن رب العالمين ماستحه
يعني فدمرة نزعت المستحة صارت عينك عينك
شيحس ميفكر الله إذا يباوعله
شلون مايستحي الله يشوفه
لزمت رأسها تفتر وتحجي بجدية
نوران : شيسوي بينا الله بعد
لا اله إلى هسه تشوفون شيصير والله زين من الله متحملكم أنتو المتزوجين
إني لو منه مفخخه افجركم تفجر !!
لطمت ؏َ خدي تقربت سديت حلگها
بأيدي عضيت شفتي
أنسام : ولج بابا أسكتس نوران
حرام الي دتحجي الله ميضوج من المتزوجين
اذا سوو هيج !!
دفعت أيدي وصاحت
نوران : متستحووون متستتتحووون
الله يباوعلكم
تغيرت ملامح وجهه خزرتني ورفعت
أصبعها تهدد
نوران : أنسام بس لا أنـتِ هم
مسوية هيجي !! لا مُستحيل أنـتِ بنية مؤدبة متطلع منج هسوالف اصلا
گلبت عيوني بملل عفتها تلغي وحدها
وطلعت برة باوعت تلفوني محطوط ؏َ الميز الي موجود بالممر مال غرف جانت
الشاشة تضوي
تقربت فتحته جانت رسالة من لهيب كاتب
بيها
_احسبي حسابج كم يوم وترجعين ؏َ ذمتي
ضحكت مستهزائة كتبت
_لا بلا؟ تحلم فهمت لو لا بعدين
إني مقررة أتزوج شنو حظرتك جاي تغصبني أتزوجك ؟
دزلي رسالة صوتيه فتحتها جان
يضحك بصوت عالي بعدها حمحم وكال وصوتة بحة النوم واضحه بي
جان نايم ..
لـهيب : تتزوج منو حَبيب گلبي
أبو كرار إلي نطرد ماعنده شغل جؤ جؤ يعيش روحه يعيش إبنه بحالج أنـتِ ؟ لو فهد
الي خطيه ناس مجهولين الهوية مگسرين تگسرة تنفخين عليه يطير؟
رمشت بعيوني ممستوعبـة كلامه هذا كله هووه سواااه !! دزيت بسرعة
_لهيب شتحس؟؟
دزيتها وسديت التلفون من سمعت باب البيت انسدت
نزلت بسرعة أباوع لـ أنهار
كاعدة يم الباب حاضنه روحـها تبجي
نزلت بسرعة وراي نزلت نوران نباوع
الها بصدمة
كتفت نوران أيدها كالت وهي معاجبها الوضع
نوران : البدايات الي مترضي
رب العالمين نهايتها مترضيك
رفعت رأسها أنهار خزرتها وعاطت
أنهار : بت المطي مناقصتج اني
جملتج صحيحة بس الوقت مو صحيح أمشي ولي من وجهي لا أطلع ضيم گــلبي بيج ..
نوران : هيَ گدرت أبوي بس ؏َ أمي
كامت أنهار طفرت عليها سحبتها
من شعرها قوي تعت بيها وذيج لزمت أيدها تعضها وإني صافنة عليهن
أنهار تركت نوران وگلبت خلقتها صعدت ؏َ درج تنافخ
أنسام : تعاااي وييين رااايحه ؟
خلي نسولف
تأففت بضجر ڪالت بدون نفس
أنهار : مالي خلگ من اصير زينة عود نحجي
مابيه حيل هسه ..
عافتنا بوضعنا هذا وصعدت للغرفة هزت أيدها نوران نزلت گفشتها هي الثانية
هم راحت لغرفتها ضليت كاعده وحدي ؏َ القنفة أباوع ؏َ أرجاء البيت
أتذكر حياتنا وشنو الي عشناه ذكرياتنا وية علي أمي وين ؟ ردة فعلي من شفت خوالي
شعوري من تزوجت لهيب كأنما حياتي أنعرضت كدامي كلها
راودني سؤال غريب
_اذا صارت حياتي كتاب شنو راح يستفاد
القارئ؟
تنهدت براحة تمر الأيام بهدوء حياتنا أستقرت صحيح أخواتي شاخطات
وكل وحَدة بيهن طگه ونص بس حياتنا حَلوة نكدر نكول استقرت نوعاً ما ..
إلي عرفته خوالي بعدهم ؏َ وضعهم
خالي أحمد يطلگ ويزوج
ومحمد بعده لسه مامفكؤ بهلسوالف
مرت عمي اخذت بناتها وراحت لاهلها
عمي أنسجن
وأمي بعدها ماينعرف أرضها من سمائها
أم أنهار ونوران عايشة حياتها هيَ واولادها من زوجها بس مامرتاحة ولدها يتعاطون
وكل يوم مسجونين بتهمة شكل
مُهرة تخبلت بعد وفاة صبرية
تمشي وتتفلت تخاف من ظلها سمعت بطاري نار صارت تتراجف
عمو هشام بعده يشتغل بشركة
بتول أستقرت بالخارج حَتى بفاتحة أمها ماجتِ
قيس جان متكفل بكُلشي
ودق اختارت تهدي حياتها لخالها
هاي جانت طريقتها بأنو تقدم شُكرها وأمتنانها
اله أصهب بعده مامتزوج ..
أما بنسبة لعائلة السبع
مرت عمه وبتها عزلو عنهم بعد وفاة جدته
خليل دخل جامعة وراح
يصير مُحامي عجبته بنية بالجامعة ومقررين يخطبوها اله
صبا بعده البتال يحاول وياها وهيَ رأسها يابس
ورافضة تتزوجه
عُثمان وأنهار معلگين هو يهدد يتزوج
وهيَ تريد أطفالها
وضعنا إني ولهيب غريب بعد آخر مُحادثة بيناتنا هو اختفى عن الأنظار لا هو ولا بتال
بينو ..
صارت عيوني ؏َ گلادة ذهب مرسوم عليها أول حرف من أسم لهيب جذبتَني
جنت اباوعلها بتمعن أتامل تفاصيلها الهادئة
فززني صوت العالم الي حَولي
إحنا بالمول كاعد نشتري غراض انداريت ادور خواتي بلمح البصر
يختفون تأفف بملل
صارت عيوني تنتقل بين الواكفين أدورهم
جمدت أطرافي وأختل توازني
من لمحته واكف ؏َ مسافة قريبة مني
بعد ڪل هلوقت شفته مشاعر غريبة بللت شفتي توجهت انظاري ؏َ الي واكفة يمه
ويضحك وياها
عگدت حواجبي جانت بنية قصيرة حَلوة
شعرها قصير أشگر وملابسها
حَصر لابسة فُستان من كد ما ضيگ راح يطگ بيها تجمعت دموع بعيني بسرعة
وإني أشوفة يضحك ويسولف وياها !
يعني أني حَرام أتزوج وأكمل حياتي أي واحد يوصل يمي يفني وهو يتمضحك
ويه هلنماذج
حسيت بأيد تدفعني باوعت أنهار حاطه
رأسها ؏َ جتفي تباوعله بأبتسامة
خَبيثة طلعت قلمين كحلة وحُمرة رفعتهن اليه
أنهار : ولج أنـتِ بس حطي ذني
وفوتي من يمه يبوي اليوم المول يحرگه حرگ
أنسام : خيولي شعليه بي
أصلاً ميهمني شيريد يسوي يسوي
عوجت حلگها تأففت بضجر
أنهار : اوو أنسام لتعقديها فددوووة
احرگي گلبه شلون ماحرگ گلبج تخيلي هاي خطيبته ! بس تخيلي
انداريت اباوعلها بصدمة خزرتها حاولت اتجاهل كلامها بس طبع بعقلي كل شوي
عيوني تخوني وتروح عليه مركزة بتفاصيلة حتى بضحكته يضحك من كل كلبه
كمت انافخ وأحس الدخان يطلع رأسي
من العصبية عطت بيها
أنسام : نوران ويين خنولي نرجع للبيت !!
رفعت أكتافها بعدم معرفة حطت أيدها بأيدي هيَ مبتسمة غصب عني
لازم أفوت من يمهم أمشي ومدنگه رأسي ماريد المحهم وعباله اباوعله لو گاتلة روحـي
عليه
ماحس الى كتفي أنخلع بقوة
انداريت أباوع أنضربت بولد طويل وضخم وگعت العلاليك الي بأيدي وبأيدة
رفع رأسة إليه باوعلي بأسف
_موقصدي
هزيت رأسي بـ نفي
- مصار شي خوية
دنگ يشيل علاليكه ردت أنزل اشيل إني هم رفع ايده وقدمهن اليه
أبتسمت اله مُجاملة جانت العلاليك هواي
بدون قصد مني طخَ أصبعي بأصبعة
ماحس إلى خيالة مخيم فوك رأسي عصر أصابيعي قوي وسحبهن من أيدي باوعتله
عاقجهه وجهي خزرني وباوع الي حجه بنترة
لـهيب : مالها داعي هلحركات
حفظناهن
نهض الولد يباوعله بصدمة
_شتحجي خوية إني جنت مستعجل
وضربت بيها
رفع حاجبة لهيب
- مستعجل وتكعد تندگ وتشيللها العلاليك يلحنين ؟
دفعته قوي
أنسام : ماصار شي خوية أمسحها
بوجهي أعتذر منك ؏َ الي صار
باوعلنا صفح هز رأسة ومشه انداريت عليه خازرته
ڪل هذا الحجي وأنهار واكفة
تباوع وتعلج مكتفة أيديها
تقدمت البنية علينه لزمت من كتفه لا إرادي نزلت عيوني ؏َ أيدها أباوع بدهشة
_شنو سالفتك لهيب الولد خطية
واضح ممتقصد !
زفر نفس باوعلها وتغيرت ملامحه أبتسم وڪال
لـهيب : يمعودين اخيس خلق الله ذولة
تعلميني بيهم
أبتسمت اله وعيونها بعيونة أحس شياطين الدنيا كلها صارت تتطافر كدامي
ماتحملت بعد حتى العلايك عفتهن ومشيت عايفة أنهار تصيح وراي
طلعت برة المول الرجفة سيطرت ؏َ جسمي
اردد جمله وحده
أنسام - اكرره اكرره
حقيرر ..
وكفت ؏َ الرصيف كدام السيارات
أباوعلهن بقلة حيلة طلعت أنهار تلهث تباوع بين الناس تدورني وراها طلعت نوران
تباوع ؏َ أظفرها بتركيز أنهار تسحبها وذيج بالگوة تمشي
أنهار : خرررب روحج شبيج
وليتي وعفتيننننا ؟
أنسام : ماكدر بعد أنهار والله ماكدر
حجيتها ورفعت أدية الي ترجف لعيونها ذبت حَـــسرة تباوعلي بقلة حيلة
شتحجي وهيَ حالها من حالي
رجعنا للبيت شمرت الغراض بالگاع صعدت فوك لغرفتي قفلت ؏َ روحـي الباب
سندت جسمي ؏َ الحايط غمضت عيوني وبديت ابجي ، هلمرة جنت أبجي
؏َ روحـي علقني بي وأختفى مايحب يشوفني وية غيره ويضحك ويسولف ويه غيري
واحتمال هيَ هاي إلي راح يتزوجها
شمرت روحي ؏َ الجرباية نمت چفي ؏َ وجهي
ماحسيت الى ؏َ صوت التلفون
أحترگ من المُكالمات
رفعته بتملل فتحت الخَط بدون ماباوع منو
أنسام : الوو
لـهيب : أخ يابة مشتاقلك زقوچي گلبي
طاگ عليك
بعدت التلفون عن أذني هذا رقمه زفرت نــفس بقلة حيلـــة
أنسام : وطگتهم شسويلك هاي الوضعية
متصرفلي تختفي تختفي
أنوب تطلع ؏َ حسب مزاجك فهمت لو لا؟
لهيب : جؤ جؤ ، صاير ادبسزز ولسانك
طويل يلا تمون ؏َ روح ولك اخ اخ گــلبي اريد ابوسك
أحس بمعدتي مغصتني من حجايته
بلاوعي صحت بقهر
أنسام : كافيي لهيييب كافييي شتررريد مني
تعبت إني تعبت لا أنت الـ ترحم
ولا تخلي رحمة الله تنزل !
لـهيب : كافي شكد تحجي أريد
اجي اخذك اراويك بيتنا الجديد
عگدت حواجبي بأستغراب
أنسام : شتحجي أنـتَ يابيت منو انتو؟
لهيب : انه وياك وفروخنا
واذا هاي دگمه ماعرست ماكو أشكال ندحسها
بالگاونتر بالغسالة جداً
طبيعي
أنسام : لهيب الظاهر أنـتَ شارب
نحجي بعدين
ردت أسده أستوقفني صوتة وهو يكول
لـهيب : أنسام تجين نتزوج؟
تصنمت بمكاني تثاقلت أنفاسي
كأني اول مرة أسمعها من عندة كأن أول مرة يطلب أيدي للزواج
حجيت بتردد
أنسام : أنـتَ مو خطبت؟
لـهيب : ليش هلثول؟ تتوقعين لهيب
يحب غيرج؟ ثولة أنـتِ تلوعين گلبي بس بعدني اريدج
سكت شوي وبعدها همس بصوت
تعبان
لـهيب : أنسام تجين ؟..
- ما تجين ؟
شضل بعد ولمن بعد تتأملين
نتحرت النجمه بسمانه
ونذبح زاجل هوانه
واعلن البلبل حداده
وطائر النورس حزين
ما تجين؟ ...
يتبع .
الحكاية تستمر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
تلاث بارتات تفصلنا عن النهاية ♥️.
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!