#أنسام_اللهيب
بقلمي أنا زينب خالـد
علقو بين الفقرات وصوتو للبارت وتابعو حسابي بالواتبــاد + حسابي انستا موجود بالبايو اذا تحبون تضيفوني
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
نــوران :- كاعدة بالفاتحة
أباوع ؏َ ودق مخبوصة تفتر منا ومنا
حَشرت روحـي بزاوية مغطية رأسي حاضنه رجلية لصدري أنعاد عليه المشهد
فاتحة علي ٰ
رفعت عيوني من حَسيت بيها دخلت
دخلت ؏َ الغرفة رفعت رأسي
باوعت إلها عيوني مدمعة تلاقت عيونها
الحاقدة بعيون العالم
إلي حادين سنونهم عليها
ڪلها تريد تهجم عليها
بس خايفين من الي وراها يدرون
بيه بس يقربن
منها يذبحهن عدهن هوَ مخبل
وكفت مقابيلها عاطت بيها
مُهرة :- شعدج جايييية امشيييي منااا
لا احطج وأطلع غضب اللّٰـه بيج
حدقت بيها بجمود سوت بأيدها
اشش وهذيج عيونها تشع غضب شلون تسكتها
الكـل مستصغرها
وماحسبلها حَساب
نطقت بعد صمت دام ثواني
: من أكول اشش يعني
اشش لتحجن
حجت وحده من الڪاعدات
بصوت عالي بضحكة تريد تفشلها عـود
- ليش هوَ منو أنـتِ
من سمعتها ڪلامها صار بؤبؤ عيونها
يتحرك بين الحضور
يدور صاحبة الصــوت لمحتها تبتسم إلها بحقارة عرفتها هيَ صاحبة الكلام
وجهت بصرها الها وكفت مقابيلها
ڪالت بصوت مُفاخــر
وأبتسامة خبيثة ارتسمت ؏َ ثغرها بعد مانطقت ڪلام خلت ڪل الكاعدين
يحسبون الــها حَساب
أنسام : انــه أنســـام اللـــــهيب ..
زفرت نــفس براحــة
أنسام : شفتي شصار؟ شفتي
الدنيا ماتدوم لـ أحد انتظري دورج أنـتِ الثانيييه !
صارت مُشادة كلاميه حجايه منا
حجايه مناك وهجمن يردن يگتلنها بالكوه
طَلعتها ودق من بين أيدهم
لحكتها العباية تشحط وراي ماعرف البسها
سحبها لهيب ؏َ جهه
لازمها من زندها قوي يعت بيها
لـهيب : شبييج أنـتِ شبييج طلعتج
من أيدهن بالگوه
جايه تتشمتين بيهن تردين يخبلنج ولج بابا!!!
نترت أيده بقوة رصت ؏َ سنونها
أنسام : خيولن خيولن گــلبي محترگ منهن
كلشي صار بسببهن الله لايوفقهن
حتى هاي صبرية لو أموت مانسى شلون حرگتني لووو امووووت !!
باوعلها بيأس فرگ وجهه يستغفر
أشر برأسة بمعنى أمشي يدفع بيها وهيَ تنافخ معاجبها الوضع
طلعنا برة البيت وصاح ؏َ ولد يجي يودينا
لزمها من طرف العباية عبالك شالها بأيد
وحَده
لـهيب : خلي اشوفج هنا بعد
يايابة إذا مافرغ شاچور البندقية برأسج
فلا اتسمى لهيب
باوعتله صفحَ دفعت أيده رفعت أصبعها
تحجي بتحذير
أنسام : شوووف لا عبالك أني أنسام القدددييم
لااا حبيبيييي أنـتَ بعدك
ماشفت وجهي الجديد
رفع حاجبة باوعلي مبتسم بسُخرية
لـهيب : هسه هذا وجهج الثاني ؟
هزت رأسها بـ أي
لـهيب : شو حَتى وجهج الثاني حَلو؟
هيَ تصنمت بمكانها تباوعله بذهول وإني ضربت صفنة أستوعب شكال
رأساً صحت بصوت عالي بدون وعي مني
نـوران : عزااااااا عزاااا
عزااا شلون تتغزل بيها عيب عليكم أنتو مو متزوجين والله عيب شكد عيب
لزمتها أسحلها وهيَ صافنة بوجهه
مثل الثولة
نوران : امشي أنسام عيب من الله
اذا يشوفج شيكول عليج
متستحين ترا هذا مو رجلج
دفعت أيدي عَدلت ملابسها خزرته
طَلع ولــد لابس شفقه سودة ومنزلها ؏َ عيونة
ومامبين منه شي بس لحيته
عگدت حواجبي بأستغراب أحس مو غَريب عليه
تجاهلت شعوري هذا
صعد بسيارة وأنسام فتحت الباب
وسحبتني وراها وهيَ تخوزر بـ لهيب
فتحت الجامه وغمضت عيوني من داعبت وجناتي نسمات الهوئ الدافية
أبتسمت أباوع لـ أنسام كل شوي تحط أيدها ؏َ خدها وتبتسم مثل الخَبلة
هزيت أيدي
نزلنا والسيارة شخَطت بسرعة
باوعت بدهشة هذا شبي!
تنهدت فتحت الباب بوجهي للغرفة نمت والنومة نومه ..
حسيت بدفرة بخاصرتي فتحت عيوني
الهث رفعت رأسي
الها خازرتني رأساً عاطت
:- كوووومي ولج راح عليييج الدواممم !!
فزيت مخترعة لبست ايشي
طَلع بوجهي ركضت أنزل ؏َ درج بسرعة
واكفة بشارع الهث أباوع بين السيارات بس لا سواها!!
لطمت ؏َ خدي صحت بصوت مسموع
:- صخاااام عااافني !
عضيت شفتي بندم أضرب ؏َ گصتي قوي
نوران : عزاااا عزااا يمه
اليوم شيخلصني بدت مُحاضرة دكتور ضرغام
أغث دكتور بالمجَرة مستحيل
يتقبل تأخير دقيق بزيادة ويحاسب ؏َ حرف
كعدت أزلغ بخدودي
شوي واجاني مطفي مغمض عيونة بالگوه يفتحهن
صعدت وإني محملة عليه
نترت رأساً
نوران : صددددك تحجييي
وييينك ويينك عبالي عايفنييي!!!
فرگ عيونة ڪال بثول
:- شبيج اخذتني النومة شسويلج
للتعاركين جنج ابو بريص
رصيت ؏َ سنوني كوه لازمه روحـي
عنه كعدت أعصر باصابيعي
لحدما وصلت للجامعة جانت نهاية المُحاضرة بوجهي رحت ؏َ غرفة الدكتور أسمهان
هاي دكتورة عدنا حيل حبابة تساعد الكُل
ولطيفة
طرقت الباب وإني وضعي مبهذل
حَتى حجابي مخربط
سمحتلي أدخل فتت بسرعة اباوعلها بخوف
جان أكو رجال ڪاعد
يمها وريحه الدُخان تارسه المكان
گحيت وعقجت وجهي من ريحه الدُخان خنگتني
أسمهان : ها نوره حَبيبتي محتاجه شي؟
باوعت عليه منطيني ظهره
يدخن بهدوء حاط رجل ؏َ رجل أكتافة عريضة
سحبت نَــفس عميق اباوعلها
بترجي
نـوران : دكتووورة
حجيتها والدمعة بطرف عيني
ماتحملت وإني اتخيل شلون إذا رحت هسه يفشلني
حطيت أيدي ؏َ وجهي أبجي
أسهمان : يااا ياا إسم اللّٰـه
ولج شبيج أكو احد سوالج شي ؟
بعدت أيدي اباوعله ندار بجسمه يباوعلي مضيگ
عيونة بلعت ريگي شكله يخوف
مال مُجرمين أيده متروسة وشوم وحاجبة مطبور نصه خزرني
درت وجهي من الخوف رأساً
نـوران : دكتورة أخاف اروح للمحاضره
مُحاضرة دكتور ضرغام !! لو أموت مايدخلني هسه يفشلني وذولة طلاب قسمي
اوووع ماينطون من نفسهم مدري ؏َ شنو شايفين روحهم
وإني أحجي بدون قصد عيني
نزلت عليه مَستمر يباوعلي بتركيز يتمعن بملامحي ويه ڪل حرف أنطقة
بلعت ريگي سحبت نفس بعد ماخلصت
كلام أبتسمتلي ذبت
القلم الي بأيدها رجعت بجسمها ؏َ كرسي
أسمهان : لتضوجين حبيبتي
إني احاجي زُملائج يدزولج المُحاضرة لتخافين
خرعتيني كل هلبجي خوف من
دكتور ضرغام !!
أبتسمت الها
نـوران : والله دكتورة احبج شُكراً
ونبي الله يوفقج ويزوجج ويرزقج
ويفتحها بوجهج أن شاءلله..
فتح عيونة الولد كاعد رأساً نتر بيه
: هييييو وين رحتِ
شهل هيلكه؟
صفنت بعيونة كبار ولونهن أسود
ورموشة طوال !!
نسيت حَتى نتر بوجهي فهيت اباوعله
من كام وكف يلا صديت عني أحس توترت
وعرگت من الفشلة
أريد أذبح روحـي هسه عباله متت بجماله رأسه مصلبخ
فات من يمي يباوعلي صفح طلع
ورگع الباب قوي نزيت أبتسمت بفشلة الها
طلعت حاطة أيدي ؏َ گلبي حطيت ادية ؏َ وجهي
مغمضة عيوني
زفرت نــفس بقلة حيلـــة ضليت ؏َ هلحال مُحاضرة ورة مُحاضرة لحد ما الله
فرچها وخلص الدوام
وكفت كدام المراية أعدل بحجابي
شلت جُنطتي أعلج وانزل بدرج مبتسمة
بالجامعة ماعندي أي صديقات أكعد وحدي من أكل أشغل مسلسل كوري
أباوع ويخلص الوكت وصراحـة
عاجبني وضعي وفرحانة بي تنهدت بضيق هسه أنهار وين؟ شصاير بيها شنو حالها!
گلبت عيوني بتملل الشوارع هوسة
وأزدحام ماكدر أعبر سيارة ورة سيارة قُرابة
ربع ساعة إني واكفة
طفح الكيل حطيت رجلي أريد أعبر
حسيت بأيد قوي حاوطت زندي سحبتني بقوة
انداريت بسرعة اباوعله
نفس الولد الي جان بغرفة الدكتورة قبل شوي!!
رمشت بعيوني ممستوعبـة نزلت نظري
لـ أيده الي محاوطه زندي
خزرته ونترت أيدي من عنَدة جان لابس نظارة نزعها يباوعلي بأستنكار من فوك
ليجوة
: شبيج لج!
نـوران : لج شنو تعرفني أعرفك ؟
:- ماداعي اعرفج لوما اعرفج
أنـتِ حيييل غبية بطريقة تنرفز
شددت ؏َ قبضة أيدي
نوران : وأنت واحدد عدديم أخلاق وماتستحي
تتحارش بنات العالم
رفعلي حاجبة وطگها ضحكة بصوت عالي
تقرب مني يحدق بيه بدهشة
:- انييي اني اتحرش بيج أنـتِ ؟
ههه والله نكته حلوه اسمعي لج إني بعمري مارايح لبنية كلهن يجني بحركة وحده
گشولت وجهي بقرف
نـوران : بنات هلوكت ذوقهن بزلم سزز!!
أنصدم من جوابي مسح لحيه
: هو صوجي أني
ماحس الى لزمني من أيدي قوي ودفعني
؏َ الشارع بنُص السيارات ..!
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
أنـسام : تنهدت ودفعت
باب الشركة دخلت صارت بوجهي فُرقان عوجت
حلگها وغمتني
رفعت حاجبي
أنسام : فرقان حتى لو ميتلج
جريذي تحزنين أكثر جايه لابسة أصفر شنو زردة؟
فرقان : معليج خوش بيبي
من تصيرين مثلي تعاي احجي
شنو لابسة قاط أزرگ أدري قلم جاف؟
خزرتها وخزرتني
رحت للمكتب حطيت غراض وبلشت شُغل
وكُلشي عقلي يسافر
أتذكر كلامه من يكلي وجهج حلو أحس بشغلات تدغدني بمعدتي
حطيت أيدي ؏َ حلكي
أنسام : الله الحُببب شكدد حلووو
فتحت تلفوني أتصفح بي نوران
نزلتني أنستا وعلمتني عليه كتلها تدزلي حساب
لهيب دخلت أباوع ؏َ حسابة
أشوف من متابع
توسعت عيوني بذهول وإني أشوفة
متابع فرقان !!
حاطع صورتها بفلتر الجلب ومسوي حسابها خاص وحاطه أول حرف من اسم لهيب
صرت أفور وأكل بروحـي
ضليت أگلب مامتابع بس هيَ
وإني الغبيه متابعته وهو مامتابعني روحي نسحنت
عضيت شفتي مَــادري شلون
أيدي اخذتني ؏َ رقمة دكيت عليه نسيت الفاتحة
ونسيت كلشي غيرتي عمت
عيوني
لـهيب : هاااا وجع شتردين خبصتي
الدنيا
أنسام : جنتتت أعتقدددك رجال
وزلمممه تالييها تابببع هاي أم السحورة فرقان
وإني متابعني
نزيت من نتر بيه وصاح
بصوت عالي
لـهيب : اكللليي تبن بت الزما** رجال
وغصباً ما على راسج لو تحبين أذكرج ؟؟
أنسام : شتذكرني المهم روح
هاي هيَ الله يوفقك أنت وياها بس ترا عيب
عليك والله متابعني شبيه
بيه ريحة؟
أسمعه يستغفر ويتأفف
لـهيب : أنسام تحسين الوضع مُناسب
أختي ميتة محترگه أكعد انه اتابعج واتابع فرقان؟
فارغ الجن انه؟
ماعندي لا شغلة ولا عملة؟؟
غمضت عيوني وحطيت أيدي ؏َ رأسي
اغم غبائي تفشلت
سديت الخَط بوجهه بدون مارد عليه
ضميت رأسي بين الملفات
صوت طرقات خفيفة ؏َ باب خلاني أرفع رأسي
أنسام : تفضل؟
أنفتحت ودخَل حسن مبتسم نهضت بسرعة
بادلته الإبتسامة
حَسن : أهلا أنسام الحَمدُللّٰـه ؏َ سلامتج
أكول الشركة منورة اليوم
بدون وعي مني عصرت أديه
متعودة أرد ؏َ البنات
أنسام : ياعُمري تسلمين
صفنت أباوع ؏َ ملفات رفعت عيوني يباوعلي صافن وإني صافنه وهو صافن
وعم الهدوء أرجاء المكان محَد بين
حجه ثنينا ساكتين يريد يحجي بس خايف لا يحرجني وإني من الصدمة
جمدت بمكاني
فكرت أنزل بالگاع واضم رأسي جوه
المكتب ؏َ هلموقف السخيف هذا بس هو جان واكف
تدارك الوضع وكال
حَسن : شسمه هذا شيسمونة
أريد رقم أمج!
رفعت حاجبي
أنسام : شتسوي بي؟
حَسن : أمي تريد تتصل عليها
ذبيت حَـــسرة فتحت التلفون أگلب
أدور ؏َ رقم أمي
توقفت عن الحركة رفعت رأسي اباوعله إني أمي ماموجودة!! يارقم راح أنطي
أصلاً إني ليش كاعد أدور عليه !!!
مسحت وجهي بأثنين أدية
أنسام : هذا أبو كرار أعتذر بعدين ادزه
الك عادي؟
باوعلي مبتسم هز رأسة وطلع كعدت
؏َ كرسي لازمه رأسي قوي أريد الگاع تنشگ وتبلعني ؏َ هلفشلات
رجعت أشتغل أحاول الهي نفسي
حتى أنسئ رجعت للبيت مشي أفتقد بتول جانت وياي أول بـ أول حتى
لفاتحة أمها ماجت وقيس جان مامتأثر طبيعي
لميت شفتي للداخل
شنو سوت وياهم حَتى
لهاي الدرجـة كرهوها وصلت للبيت شفت سيارته
واكفة يم بابنا وهو منتچي
عليها يدخن
أستجمعت ڪل شجاعتي
هدئت نفسي وتقدمت بخطوات متزنة
نحوة من لمحني عَدل وگفته
وباوعلي من فوك ليجوه گصني گص
لـهيب : يا مرحباً
أنسام : هلو شعدك شعجب عايفهم
وجاي
لـهيب : كافي طلابة خلصت تلاث
أيام وخسارة بيها
الفلوس وعلي
أنسام : الله يرحمها
ضحك بسُخرية
لـهيب : استغفر الله ربي عساه لا رحمهن
نزلت عيوني للأرض أباوع ؏َ حذائي
أحاول أتجاهل النَظر إلى
لـهيب : أنسام
رفعت رأسي أحدق بي بصمت
أنسام : ها !؟
لـهيب : أكو عشرين وحَده بالحي مالتج
أحلى منج
چمدت بمكاني ماجَنت احس
بشي بس أحدق بي برود وعلامات الدهشة واضحة ؏َ ملامحي
لـهيب : وفرقان تريد أتزوجها
وأكو هواي كدامي أكدر بس أشر بأصبعي يصيرن يمي بس أنه بعدني أحبج !
رمشت بعيوني ممستوعبـة كلامه
أنسام : هسه شنو!
لـهيب : احبج يامطية يعني شنو؟
أنسام : اها خوش حبتك الجنة إن شاءلله
حجيتها وگوة لزمت نفسي ماضحك
عبرت من يمي أمشي بثقة بسرعة سحبني
من شالي عليه يباوعلي
مضيگ عينه عيونة تنتقل بين عيوني
لـهيب : شبيج ولج؟
أنسام : شبييه؟
لـهيب : اكلج أحبج تكليلي تحبك
الجَنة ؟ خبلة أنـتِ تردين أركعج ؏َ رأسج
حتى يرجع عقلج ، أنسام والي خَلقج هاي آخر مره أنزل من نفسي وأجي اطلب
منج نرجع أحترمي نفسج وأحجي عدل !
أنسام : وشسويلك يعني
راح تخلص الدنيا إذا ماطلبت بعد ؟
سحب نَــفس عميق وزفره
ذب الجگارة بالگاع وداس عليها قوي
برجله صعد سيارته وشخطها يمشي بسرعة غمضت عيوني من الصوت والتَرابة الي
صارت من وراه
فتحت الباب وأني أفكر
الي سويته صحيح لو لا؟ هو تخلى عني بسهوله
أستاهل اتعزز عليه ميكدر يتحمل ؟
سنتين عافني مايدري بحالي هسه جاي يسئل
دخلت أعض بشفايفي أحس تندمت
شچاني وحجيت هيج
صعدت للغرفة بدلت ونمت
ڪعدت العصر ؏َ صوت التلفون أحترك من المُكالمات
فتحته وإني عيوني مقفلة
والصَدمة جانت فُرقان ! بلعت ريگي دكيت عليها وإني أتذمر لأن كعدتني
فرقان : وييينج أنـتِ وووييينج !؟!؟
أنسام : وسم لهلصوت
شتردين نايمة؟
أسمعها ذبت حَـــسرة وڪالت بقهر
فرقان : الله ياااخذج لهيبب خطببب ولج
صفنت ؏َ الفراغ أحاول أستوعب
كلامها عقلي افتر أحس بدكات گلبي هي وتتسارع
فتحت محادثة فرقان لهيب
ناشر خاطب! وكل جماعته تباركله حتى البتاال !
صوت أنفاسي صار مسموع أباوع
؏َ الكلام ناشر روحـة مبتسم بأنتصار وإني روحـي انطحنت طحَن فرقان تقسم
وتفشر ؏َ بنية وإني من وجع گلبي ماكدر أحس بشي ثاني
أدية صارت ترجف عضيت شفتي شهگت
بقهر وحطيت أيدي ؏َ حلكي
سكتت فرقان من سمعت صوتي أبجي
تنهدت بضيق
فرقان : هاي حوبتي بيج
شلون ما بگتي مني الله جاب وحده تبوگه
منج ؏َ العموم معلينا باعي بنص بيني وبينج نص عليه ونص عليج ونسويله سحر
بس ها إني مرأة صاحبة مبدأ وضمير اخلي يأخذنا اثنيناتنا لأن دفعنا
إني منا گـلبي محترگ وموچور
وهاي ترطن فوك رأسي رأساً سديت الخط بوجهه ميتة قهر أنا بياحال
وهاي وين تحجي
خابرت ؏َ بتال رأساً أجاني صوتة يحجي بهدوء
بتـال : ها أنسام
أنسام : لهيب خطَب صدُك؟
يعني شنو خطب وراح يتزوج؟ منيه؟
البتال : لعبة هيَ طبعاً
خطب وراح يتزوج چا شني نضحك ؏َ بنات
العالم إحنا ؟
عيوني تنتقل بين الفراغ صافنة ؏َ الوضع
عقلي مديستوعب
شمرت التلفون لازمة رأسي قوي شفايفي ترجف
مسحت دموعي رأساً
نزلت للمطبخ أشتغل أسوي ايشي بس حتى
أحاول أنسى وأتجاهل
بس وجع گــلبي موتني أحس من الوجع گلبي ينهش بصدري يريد يطَلع
ندگت الباب توجهت بهدوء
حطيت الحجاب ؏َ رأسي فتحت الباب
صار بوجهي أخو لهيب !!
بللت شفايفي خايفة تذكرت
آخر مره شسوه أسرافيل لزمت الباب قوي
اباوعله خازرته
حمحم وعدَل عگاله
باوعلي باهتمام ڪال :- ممكن نحجي؟
أنسام : العفو خوية بـ شنو نحجي؟
أنـتَ أخو طليقي
مابيناتنا كلام إني أعتذر ماكدر أستقبلك
بيتي البيت مابي زلم
بلع ريگه عيونة عليه ڪال بثقة
:- انه ماجاين أدخل أنه جاي
أريد أسئلج سؤال واحَد وأروح ..؟
عگدت حواجبي بأستغراب
أنسام : شنو؟
سحب نَــفس عميق حدق بيه بصمت
فترة من الوقت
بعدها ڪال
:- إذا أطلب أيدج ؏َ سنة الله ورسولة
توافقين يبنت الناس؟..
❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜ ❛❜
أنـــهار :- فتحَت عيوني بكسل
شعري نازل ؏َ وجهي
تأففت بضجر بعدته أحس بثگل ؏َ صدري
باوعت يحيئ نايم بحُضني
شلت رأسة حطيته ؏َ المُخدة غطيتهم زين لا يمرضون الهوى هنا بارد
لا يرحون يتمرضون أنداريت بجسمي من سمعت صوت الباب تنفتح
توسعت عيوني بذهول وإني أشوفها
ليالي واكـفة كدامي بملابس المدرسة لابسة
صدرية سودة وقميص أبيض
ومسوية شعرها ذيل حصان تباوع علينه برود والجُنطة بأيدها
عيونها صارت ؏َ داود الي نايم وفاتح حلگه
أنهار : ليالي حبيبي شلونج
باوعتلي رافعه حاجبها
تنهدت وشمرت الجُنطة ؏َ الأرض حطيت أيدها ؏َ شعرها فتحت أنثر ؏َ متونها
نامت بنهاية الفراش يم الحايط وحَدها بدون غطه
ضليت صافنة ؏َ حركاتها متغيرة !!
نهضت ؏َ حيلي جانت أكو غطوة شلتها غطيتها
بيها حدقت بيه خازرتني
تجاهلت نظراتها طَلعت لكيت عُثمان حاط علاليك سود بالمطبخ رحت للباب
أريد افتحها جانت مقفولة !!
لحظة لحظة هذا حابسني هنا !
عضيت شفتي رفعت شعري بأدية أباوع ؏َ الوضع البيت يخوف بالنهار أكثر
من اليلل تحسة بيت أشباح أكثر من ما بيت بشر
بللت شفتي انداريت من سمعت باب
غرفة من الغرف أنفتح طلع عُثمان شعره مخربط
ولابس ملابس عادية
باوعلي بأبتسامة رافعة حاجبة
عُثمان : صباح الخير
أنهار : صباح الزفت عليك
وعلى عشيرتك ليش قافل الباب ؟
تحرك بهدوء فتح باب غرفة الجهال
باوع الها تحديداً لـ ليالي الي غَطت بنوم عميق واضح عليها التعب
يباوعلها بقهر لزمت أيده قوي باوعلي
يبتسم بمكر
عُثمان : تؤ تؤ عيب عليج
تتحارشين بيه من الصبح ياعيني بليل من اجيتج تكليلي اوي ايع اييي وخر عُثمان
ماعندي مشاعر الك خاب دگمييي
لزم تلفونة يگلب بي
عُثمان : يلا ولي سوي أكل لرجلج حبيبي
أنهار : وييين جنن الساعة بالعشرة الصبح
وليش حابسني عُثمان ؟
عُثمان : رحَت لجماعتي أدبتهم شوي
وراها جبت بنتي
من الدوام وأجيتج يارروح عُثمان
حجاها وغمزلي يضحك وعينه بتلفون
أنهار : أشتعلت روحك كون
ليش قافللل الباببب
رفع عينه خازرتي رص ؏َ سنونة وكال
عُثمان : فروخي نايمين أنلصمي
ولتصيحين بعدين تعاي أنـتِ خبرة بسوالف
الشردة ما أمن اعوفج سفردحي حُب
ذبيت حَـــسرة اهمشي أني وجهالي سوة
أول تالي نطلع منا
ضليت واكفة أباوع الـه أيست منه ماخذه كلشي شقه وضحك رحت سويت أكل من وره خشمي.حطيته ؏َ الميز وضربت بأيدي قوي
انتبهه اليه ورفع رأسه يباوعلي مقلص عيونــة
عُثمان : لسانج وين ماتلغين
لو بس بالعركات فالحـه ؟
مارديت عليه رجعت للغرفة أدور ؏َ تلفوني
بس مجان موجود گلبت
البيت گلاب عليه وماهو انداريت لـ عُثمان جان يغسل صارت عيوني ؏َ الجهاز الي يمه
جهازي !! إني الغبيه مانتبهت ركضت بسرعة أريد أسحبه بس شاله بأيده ورفع نفسه يباوعلي من جوه
خزرتة ونترت
أنهار : جييييبه جيييبه
عُثمان : هذا ليث وين لاكيته؟
أنهار : ليششش تقررره مُحادثاتي
منو سمحلك ؟
شمر التلفون بالگاع قوي دفعني قوي بأيده ؏َ ثلاجة حاصرني لزم فگي
قوي
عُثمان : هواي تهيلكتي مالها داعي
هلسوالف كتلج ندمان وخلي نرجع ونفضها
تبيعين ثگل برأسي ؟
دفعت أيده ولزمت وجهي أحسه
نگسر بأيده
أنهار : مالي علاقة بيك خوش ؟
مو تريد تتزوج روح تزوج وعوفني بحالي لخاطر الله !
عُثمان : معليج اتزوج ماتزوج
إنه ايشي اريده أحصله!! جبتج لو ماجبتج
نهري رجعتج لحُضني لوما رجعتج
أنهار : خوش سبع وخر خلي أروح
يم جهالي هسه يكعدون
دفعته قوي مشيت مسافة خطوتين
وحسيت بأيده حاوطت رُسغي سحبني قوي
عليه بحركة سريعه منه
طبگ شفته ؏َ شفتي يبوسني بعُمق محاوط وجهي بأيده من شدة صدمتي ضليت جامدة
بمكاني حَتى مابدر من أي تصرف يحركني ؏َ كيفة مَــادري شلون صرنا يم غَرفة الجهال
أيد لزم بيها خصري يقربني أكثر عليه وأيد ثاني قفل الباب عليهم
مايبعد شفايفة إلى من يحتاج أوكسجين
وقبل لا أنطق يرجع يبوسني
ماينطيني مجَال أحجي
صوت ضرب ؏َ الباب قوي
ليالي : أفتتتتح الببابب هذا الزعطوط
كعددد ابتعد عني
مسح شفايفة بطرف أصبعة يباوعلي مبتسم ؏َ ردة فعلي جسمي كله خَدران
ماكدر أتحرك فتحت عيوني وسديتهن رفعت رأسي خزرته فتح القُفل طلعت
ليالي باوعتلنا بطرف عينها دخلت للغرفة
بسرعة أتلافى النظر إله
الله يأخذني طارت هيبة الزعل والكرامة
داود : بيع
حجاها أول ماشافني ذبيت حَـــسرة وتخوصرت
أنهار : ياحقير
أمك مو مرت أبوك إني كل
ماشفتني كلت بيع ولي والله ولا اشيلك
وأبدلك
ندفعت من چتفي قوي دخل عُثمان باوعله
مبتسم گرفص فتحله أيده
عُثمان : تعال بابا حبيبي تعال
فدوة لطولك يروحلك فدوة الي بالي
عوجت حلگي
أنهار : عمت عينه يلي بالك
رفع حاجبة يباوعلي بأستهزاء شال داود يلعبه
ويحيى بعده نايم غاط
بسابع نومـة طَلعت باوعت الها تاكل بهدوء بدون حس تباوع ؏َ الفراغ حتى مو
؏َ أبوها وأخوها
تقربت كعدت يمها مشيت أيدي ؏َ شعرها
أنهار : شلونج؟
توقفت عن الأكل باوعتلي بجمود
ليالي : مالج علاقة
توسعت عيوني بدهشة
أنهار : حيل متغيرة مجنتي هيج !
ماردت عليه تأكل بصمت هلمرة
عيونها صارت ؏َ أخوها الي يضحك ويشاقة بصوت عالي وصوت ضحكاته
ترست البيت
أنهار : أحطه بحُضنج ؟
ماهتمت لـ كلامي ضلت تباوع الهم
بطريقة غَريبة
انتبهه الها عُثمان أبتسم رجع شعره للخلف بحركة سريعة تقرب كعد كدامها
وداود كاعد بالگاع يهوس ويرفع بأيده يلاعب أبو
عُثمان : روح أكعد بحضن
أختك
ليالي : ماريد شُكراً خلي الك
باوعلها بتگ عين خزرها وخزرته
علاقتهم واضحة متوترة شمرت الخاشوگة قوي رجعت للغرفة وسدت الباب
عليها عيوني ضلت تلحگها لحد ما أختفت
أنهار : ليش هيجي صايرة !؟
جان يلعبه ويحجي وياي بدون
ميباوعلي
عُثمان : تعَقدت من المشاكل صبا مو يمها
حايرة بأمي تسوي بهاي المشاكل وترد ليورة خليل جان يدرس سادس جَدتي ماتت
إنه هملتها جان كل همي الكاج إذا افوت للبيت بس أغلط وأفشر وماكو أم
يمها تعلمها وتكبرها ربت نفسها بنفسها
گـلبي وجعني عليها من يحجي غمضت عيوني
عاصرة أدية
أنهار : ليش هيجي سويت؟
ليش هملتها بهلطريقة خطية طفله هاي
شافت منك
عُثمان : لاتصعبيها عليه أعرف بروحـي
غلط !
أنهار : ديلا متولي ماعندك شغل
مگابلني وكاعد
رفع حاجبة
عُثمان : لا كاعدلج رگبه ونص اليوم...
وفعلاً كلامه صحيح اليوم كله ضل بالبيت حار شيسوي
حركاته مُستفزه ينرفزني ويخليني
أشوط لحد اليلل ضليت للـ ١١ أشتغل بالمطبخ من رجعت للغرفة جَنت تعبانة
من الحركة دخلت أباوع أتطمئن ؏َ يحيى صوتة ماكو خَنس فتحت الباب صارت بوجهي
ليالي شايلة المُخدة وحاطتها فوك وجهه
شهگت ركضت دفعتها بكل قوتي
أبني مختنگ بالگوة يجر النفس وجهه صار أزرك
باوعتلها خازرتها حضنته
لصدري ودگات گــلبي صارت تقرة الألف
أنهار : شسسسسويتي شبييج
أنـتِ طفللل طفلللل
أحجي ودمي محترگ ضامته لصدري أمسح بوجهه أدية ترجف من المنَظر
ماتخيل حياة بدونهم
ليالي : شسويلة جان يبجي
بصوت عالي وإني رأسي يوجعني ردته يسكت
ماسكت ضربته ماسكت كلت هيج يسكت !
سرت رعشة بجسمي من تفكيرها
المُخيف باوعت لوجهه تلمسته فعلاً أكو أثر راشدي خَده صار أحمر
دخَل عُثمان جان برة يشتري غراض من المحَل عقج وجهه بأستغراب من شاف
الوضع
عُثمان : شبيجن شكو؟
صدري يصعد وينزل شايلة أبني وأفتر بيه فحَط يبجي بصوت عالي خايفة
حاضني قوي
عيوني دمعت وإني اباوعلها تباوع برود كأنها مامسوية شي
ليالي : جان يبجي صحت بي
ماسكت ضربته وماسكت من خنكته أختفى
صوتة وطبت هاي تتعارك
تحجي وتأشر بطرف أصبعها
باوعلها ابوها بنفس البرود لكن كانت علامات الخَيبة واضحه ؏َ ملامحـة
ماجان أكو حَرف يكدر يشرح مدئ صدمته وحَزنه اتجاه الموضوع
تنهدت هيَ كتفت أيدها تباوع بهدوء للجو المشحون
سكت يحيى شوي بس ماقبل ينزل
أطفالي صحيح تؤم لكن شخصياتهم تختلف
من هُمه وصغار شخصية داود جريئة يضحك ويسولف ويختلط وية غيره وميستغرب أحد عكس يحيى جان دائماً خجول
ويحب يبقى كاعد يمي مايختلط بأي بشر غيرنا إني وأزهار وأخو
وخطية هاي أول مرة يسويها
ويتجرأء يبقى يم احد ويريد يلعب وياه وأخذ الصدمة بعد
أنهار : حياوي حبيبي شوف
دوداية شجابلك نمنم روح أكل وياه
ماما هَسه تجي ؟
هز رأسة بـ لا وبرطم ذبيت حَـــسرة ضليت أفتر بي لحد ما نام حطيته بحُضن
عُثمان الي يباوعلي بقلق رحت للغرفة
رأساً صاح
عُثمان : شراح تسوين أنهار ؟
أنهار : ماضربها لا تخاف
دخلت للغرفة وقفلت الباب أنتجيت عليها أحدق بيها بجمود رفعت رأسها
اليه مو جَبيرة هيَ طفلة عُمرها ٧ سنين
نكدر نعالج مُشكلتها
لأن بعده مفات الوكت
أنهار : محَلو هذا التصرف الي سويتي ابداً
هذا أخوج تعرفين شنو؟ البنات تتحسر ؏َ إخوان حبيبتي أنـتِ بعدج صغيرة ومتفهمين
المُجتمع شنو من تكُبرين تحتاجين سند مهما كنت قوي الدنيا راح تدوسج
تنهدت براحة تقدمت كعدت قريبها منها
أنهار : إني هم جنت طفلة مثلج
صغيرة طايشة كلشي مافهم أعتقد أني قوية
وماكو شي يگسرني
من كبرت أنصدمت أنو مهما كانت قوتي إحنا بمُجتمع شرقي إذا ماكو رجال
بظهرج راح يسحگوج ويعبرونج تصيرين أنـتِ والحُطام واحد !
أنهار : لاتخلين علاقتج بأخوانج متوترة
همه يحبوج يحيى شخصيته ضعيفة بعُمرة مالعب وية أطفال جنت حابستهم
كل عُمرهم بالبيت بس يباعون تلفويون ماعدهم أحد بس هسه أنـتِ موجودة
ليش متصيرين صديقتهم
باوعتلها مبتسمة
أنهار : أنسي كُل الي صار أبدي صفحة
جديدة حَلو أنو أنـتِ تنطين نفسج فُرصة تعيشين الحزن بس لا تتعمقين بي هواي
تضعين الحاضر والمُستقبل ، وشوفي أنـتِ كُبرتي وصرت أحجي وياج مثل ما احجي
وية صديقتي مو صحيح ؟
جانت تباوع الي بأهتمام وتركيز حتى لو كانت تبين عكس هذا لكن كان اكو شي بداخلها
تأثر بـ كلامي
ليالي : بيبي ماتحب بابا
دائما تكلي لا تحبين أبوج مايحبج
ولتنامين يمه ماجنت أسمعها بس هو من اجي يمه مايهتم الي وهمه من يرحون اله
يهتم الهم ليش هيجي كلها تتعامل وياي
حجتها بغصة وغطت وجهه بأيدها
صارت تبجي بصوت عالي
زفرت نــفس بقلة حيلـــة الأهل هُمه أساس كلشي لو يدمرون الإنسان من طفولته
لو يصنعون من شخص قوي مُستحيل ينگسر
وهذا الأمر نادر الحَدوث .
تقربت عليها بحَذر سحبت رأسها لحُضني
خليتها تبجي براحتها
جنت أتعامل وياها بتأني واحسسها هيَ جبيرة وتفتهم حَتى تتقبل النصيحة
مني ويطبع الكلام برأسها
ليالي : ماسويها بعد
مسحت ؏َ رأسها بحنية
أنهار : أدري بيج
كومي هسه نلعب ويه اخوانج وأبوج وبعد معليج بأي احد يحجي وياج هذا أبوج
مستحيل يأذيج وهو يحبج للتفكرين هيج!
هزت راسها بـ أيجاب أكو كلام فعلاً بين أنو دخل بعقلها وأكو يحتاجلها ويه الوقت
حَتى تقتنع بي
فتحت الباب لزمت أيدها جان عُثمان كاعد ويباوع ؏َ يحيى يتلمس وجهه بأصابعة
رفع رأسة النا من طَلعنا هيَ ؏َ حالها ماتغيرت نظراتها وحَتى مافكرت تقترب من أبوها
أنهار : الله دوداية انطيني من هذا
الجبس احبه العباس عليك
عگد حواجبة وضم لجبس لصدرة صاح بصوت عالي
:- بيييع بيييع ماتي ماتي (ايع ايع مالتي مالتي)
گلبت عيوني بملل تركت أيدها
تقدمت عليه أحاول أخذ الجَبس من أيده بس الچلب ماخلاني ڪعدنا شوي بعده
تركتهم وحَدهم يحجون كأب وبنته شلت يحيى من حُضنه
همست بأذنة
أنهار : صاحبها لاتخوفها !
رحت للغرفة حطيتهم واحد بصف الثاني سويت مكان ليالي مرت فترة من الوقت
ماكدر أتحمل نَمت غفيت وفزيت من سمعت صوت خطواتهم للغرفة
دخلت هيَ نايمه بمكانها حسيت بدفرة بخصري قوي التفت خازرته
أنهار : شبيك!
عُثمان : ومرض البومة منيه
روحها وفريخاتهغ ومامخليتي مكان
أنهار : ترا حاسبه حسابك
مارحت من بالي أنت غير تكعد بالباب تحَرسنة من الجني
عض شفته وهز رأسة متوعد تقدم بهدوء
حشگ نفسه يم بنته حضنها شلون ما أني حاضنه أطفالي أباوع عليهم
منظرهم حلو شعور دافي احنه عائلة كاملة ..!
أبتسمت مغمضة عيوني نمت بسلام
هليلة جانت هادئة
دافيه نمت مرتاحـة أطفالي
يمي ومأمنة محدد يكدر يأذيني عُثمان يمي ..
فتحت عيوني ؏َ صوت حركة قريبة مني جان عُثمان لابس الزي العسكري أشرلي
بأيدة بمعنى كومي كوه سحلت نفسي من الفراش سحَل
همست بصوت مبحوح وإني أتنوطح
لزمني هو يباوع ؏َ شفايفي من أحجي صد عني ڪال :- نولي لبيوتنا
راح يلبسني جني من ورة هلبيت الاگشر هزيت رأسي بـ أي كعدت الجهال ولبستهم
صعدت وياه بسيارة هو ويسوق وإني طفية بالكوه مسيطرة لازمتهم مكعدتهم بحضني
وكفنا يم بيت عمي أشرلي برأسة بمعنى
يلا باوعتله بصدمة
أنهار : شنو!
عُثمان : انزلي يحلوه
بابا ليالي أخذي اخوانج
جمد الدم بعروگي ماحس أكو شي اسوء من هاي اللحظة اباوعله بـ خيبة عيوني
تجمعت بيها الدموع باوعت ؏َ بيتهم الي مقابيل بيت عمي مكتوب الدار للبيع
يعني معايشين هنا راح يأخذ جهاالي بعيد عني !
أنهار : لتسويها بغلات بنتك عندك
عُثمان بس بقيهم يمي كم يوم والله ماسوي شي بس كم يوم أشبع منهم
رفعلي حواجبــة
عُثمان : حتى تنهزمين بيهم مو؟
موزوج حُب متمشي عليه أكثر من مره
تقرب فتح الباب شالهم حطهم بحضن
بنته تحت أنظاري هيَ تباوعلي بهدوء بدون ردة فعل
بلعت ريگي روحي نسحنت سحن
نزلت من السيارة وشخطها وطار كدامي عافني هنل وحَدي وأخذ روحـي وياه
رجعت ليورة بخطواتي تعثرت بحجارة وكعت بالگاع ضميت وجهي بأدية أناشغ
ضليت ؏َ هلحال فترة طويلة لحد ما حسيت
بشخص كاعد يمي رفعت رأسي
أباوع جحظت عيوني وجمدت أطرافي وإني اشوفة ليث كاعد بصفي يدخن
ويباوع للشارع بهدوء
أندار عليه يباوعلي مبتسم قبل لا أحجي بسرعة طفر عليه جان الشارع فارغ ؏َ حظي
الاغبر
سحلني عتني عتت دخلني لسيارة سودة مضلله
دگات گـــلبي صارت مثل طبول
الحَرب من الخوف أحس ماكدر حتى أشرد عصر حلگي بأيده قوي
همس بفحيح غريب
لـيث :- حيوانة الـ ** حتى ويه
اهلي تعاركت علمودج وعفتيني علمود
كوا** بسيطة اني الج إذا مانعل والد والديج ..
- تِخاربنه ويَ أهلنا و ماخُربنا وياك
ماحَسبنا بهالـ رُخُص تِنطينا !
يتبع ..
الحكايــة تستمر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!