أنسام اللهيب الفصل السادس 6 - بقلم زينب الشمري

#أنسام_اللهيب

بقـلم :: زينب خالـد

صوتـو حبيباتي وعلقو بين الفقرات وتابعـو حسابي ؏َ الواتبـــاد 🫶🏻♥️

𖦆 𖦆 𖦆 𖦆 𖦆 𖦆 𖦆 𖦆 𖦆 𖦆

أنســام ::- واكفــة ونوران تحدق بيها بصمت خايفة وعلي يأكـل ويباوع ؏َ السچينه

إلي محاوطــة نحرها
حجيت واني عين عليها وعين ؏َ السچينة الي على ركبتها

أنسام : شبيج تخبلتي
هستوج جنتِ شحلاتـج لبسج جني؟؟؟؟

أنهار : ماريدكممممم ماريدددكممممم عتقونـييييي
أريد اتزوج

علي : اهوووووو دولـي هوه ياهو لازمج
ولـي تزوجي أريد أشوف يا حمار هذا الي يتحملج هذا شاربـي ازينـة اذا بقيتي للسبعة ومارجعج علينـا

أنهار : دنجب أنـتَ مامصدك صايرات عنده شوارب
ويحلف بيهن دمشيي شواربي اثخن منهن

كـام وكف موجهه الكلام اليـة
: هاي اختج إذا ما هي تذبح روحـها
إني راح اذبحها

التفت عليـة يباوع عقج وجهه
علـي : هايشبيها شفتج

استغربت حطيت أيدي عليها
: مَــادري مابيها ، شبيها

رفع أكتافة بمعنى ماعرف وكال
: مَــادري مورمة شو وين مضروبة وممنتبها

صعـد على الدرج واختفى من تحت انظاري رجعت عيونـي على مصيبة رأسي غمضت عيوني
فگيـت الشال ماعرف بـ منو احير لو اشيل هـم شنو
: تَــمام أنهار موافقـة
اني تتزوجين بس يخطبج إني أوافق

حجيتها وحطيت الشال بيدي وصعـدت على الدرج عايفتهن جــوة اول مدخلت الغرفة
قفلت الباب أباوع عليـها انتچيت على الباب غمضت عينـي بـ تعب

شمرت الجنـطه باوعت على ملابسي استغفرت وفرگت وجهي أحس بطنـي گطعتني من الألم بسلا الدورة دخلت للحمام

وفعلاً طلعت دورة دورتـي مزعجـة بشكل على مدار الأسبوع تضل تأذينـي لحدما تخلص
توصل بيـة مرات أتمنى اتزوج واحبل حتى بس اخلص من الوجـع

كعدت على الجرباية تقربت سحبت جنطتـي طلعت التلفون وفتحتـه ودكيت على عـمو هشام
رأساً جاوب وكال
: ها بابا أنسام

بدون أي مجال رأساً بديت احجيلة كُــل الي صار من البداية ولحد النهاية من أول يوم داومت
وشكـو شي حجينا كله سولفته وهوه مارد ابد جان يستمـع بكُـل هدوء وبس خلصت
أحس ريگـي نشف بگـد مسولفت وهوه ساكت

: الو

هشام : وياج عـمو أنسام بنيتي أنـتن حسبة بناتـي اللّٰـه شاهـد والي صار امسحي بوجهي وحسبيها عليـــة ومن باجر أنـتِ تداومين بالشركــة وأريد رجال طالع من ظهر رجال يحجـي وياج حشى السامع احط قندرتي بحلگـه فوتـي وانه بظهرج

ماكدرت أعترض لأن فعلاً أحتاج الوضيفة منو يصرف على إخواني لعــد جريت نفس
وكلت : عمو أكو بعد شـي
هشام : اسمعلج بنيتي احجيلي

أنسام : أنهار يردون يخطبوها
بلعت ريگـي مستحية احجي وياه بهيج
مواضيـع : وشيسمونة هي نوعاً ما موافقـة وماعندي احد بمشية الزلـم

حجيت احك بشعري وافتر وارجع متوترة سكت شوي زفر نفس وكال بهدوء وصوت خافت
: مو جنـها صغيرة بعــد عمـج ؟
ششافت من حياتي تروح تتزوج
ضحك واردف مكمل
: اشو إني طخ عمـري الأربعين وماتزوجت
شعدها مستعجلة

: هاي بــعد هوه صديق ميريام على الي فهمته من عدها وهاي يعني خوش ولــد

- ميخالـف الحفلة والخطوبة والعرس وكل هلسوالف
عليــة ويمي تصير وبيتـي
وأنهار تنزف منـا عروسة من بيت ابوها

أبتسمت وأحس الدموع تجمعت بعيني
: أنـتَ فعلاً أبو ماقصرت عمو اللّٰـه شاهد لو أبوي عايش مجان قدملـي إلي أنـتَ قدمته

مسحت دمعتـي ترخصت منــه برغم فرحتـي أحس أكو شي منگــسر جواي يمكـن بسبب
تصرفات أنهار بهاي الفتـرة ماعرف شلون أتعامل وياها أصلا

أحس كل هذا جـذب وراح تبطــل مداتخيـل يوم يمـر من عمـري ماشوفها بـي يمكن تعلق
زيادة عن اللزوم اجت عيوني على روحـي بالمراية توسعت عيوني وإني اشوف شفتـي
مورمة من الجهه الي ضاربـني بيها عبالك مضروبة فلـر

عبست دنگت رأسي استغفر الله شحجـي وياه هذا اكله لتغلط يكلي قللتي ادبج وياي
لو أني مثل باقـي البنات هل جنت راح أعيش مثل هيج شغلات أصلاً استاهل
إني انطيته مجال زايــد يتمادى

نزلت ليجـوة سويت عشا حطيتـه وصعـدت فوك اول محطيت رأسي على المخـدة غفيت من
التعب

ثانـي يوم الصبح كعـدت من وكت لأن أصلاً نمت من وكـت لبست وطلعت أريد أشوف
أستاذ لهيب شيحـجي طلعت قبلـهم ولأن ماعنـدي فلوس أجـر تگـسي ضليت
أمشي وصلت متأخرة

صعـدت من شافونـي كلها سلمت علية يسلون ليش مادومت هلفترا تحججت بضرف صار
عنـدي شافتني بتول ركضت حضنتني وبوستني لزمت أيدي قوي تجـر بيـه لغرفة عمو
هشام

دكت الباب واجه صوتـة يكول
: منــو

فتحت الباب وسحبتنـي وياها دخلنا تفأجات من شفت أستاذ لهــيب هم كاعـد وجانت
أيده ملفوفة بشاش باوع عليـــة مستغرب وجودي
بلعت ريگ وجهت نظــري لأستاذ
هشـام
ابتسملي بهدوء يالله شكد محترم هذا الإنسان

حجت بـتول بحماس
: يلا يلااا كوللهااااا
عفست وجهي مستغربـة
- شكــو

هشام : تدري حبيبتي
برطمت شفايفها كالت
- اهو شنو هاي بس ميخالف فرحانــة حضنتني قوي وأستاذ لهيب كاعد يباوع علينا

أسأذنت منهم واخذتها برة لمكتبي القديـممم رجعتله مجنت حاسة بقيمته كعدت
وهي واكفـة تباوعلـي
أنسام : شصاير شدعـوه هلكد فرحانه
- مَــادري عبالي متدرين خالي كال خطوبة اختج ييتنا حيل فرحت ههه حتضلين يميييي

غميتها :
عبالي شو شنو طيح اللّٰـه حظج

بتول : بس ترا بعدهي صغيرة شعدها مستعجلة

تجاهلت سؤالها وغيرت الموضوع شوي وراحت تكمـل شغلـها طلع أستاذ لهــيب باوعلـي
بطرف عينـه ومشه هزيت برأسي شبـي هذا شوي واندار شلون الي استذكـر شي
باوع عليـــة وتحديداً شفتـي

زم شفـه كاتـم ضحكته غير اتجاه وصار يمشي بتجاهلي عقدت حواجبي يا ساتر
دنگ على الفايلات الي كدامي يلعب بيهن بدون مايسوي شي بس حتى يبين أنو
هوه ديشتغل مو يحجـي وياي

رفعت عيونـي رفع عينـه وكال
: هاي شبيها شفتج من مسوي بيها هيج

درت وجهي للجـهه الثانيـة صاده عنـه ديلا هسه هذا شتحجـي وياه أباوعـلة گـوه لازم
روحـه ليضحك
: عيب عليك هاي التصرفات

ميل برأسه وباوعلي كأنو ديفكر
:: امم احس تردين بعد وأحد منا مو بالله لأن طالع شكله نشاز مو صحيح

طلـع أستاذ هشام وباوعلـة شلون يحجـي وكفـته خزرة رأساً باوعلـه أستاذ لهــيب وتغيرت
ملامحـة صارت قاسية أحس الجو شتـد بيناتـهم تقرب أستاذ هشام عليــة وكال
: أنسام عندي موضوع وياج تعالـي خلي نطلع

ضحك أستاذ لهــيب مستهزاء حك لحيته وكال يبسمـر أستاذ هشام
: أبو المواضيع ولا يستـقر

هشام : اكو شي ؟

رفع حاجبـة مستنـكر :
لا سلامتك إبن ابـوي ماكــو شي

حجاهـا ومسح طرف شفته وراح اختفى من انظارنا كمت لملمت الغراض وطلعت وياه
هوه يمشـي سريـع صار بوجهـي أستاذ لهــيب دينزل هـم أستاذ هشام اختفى يعني نزل
أريد انزل مستعجلة وهوه واكف بطريقي اجي منا يجي ينزل كدامي اروح مناك
يغيـر مكانـة

وكفت استغفر
: شنو تصرفات الزعاطيط هاية

اندار رافع حاجبة
لـهيب : هاي وياية ؟

هزيت رأسي بمعنـى لا واخيراً نـزل طلعت برة شفت أستاذ هشام واكف ويـة بنية
كُلش حلــو شعرها أشقر وملامحها حلـو علـى الرغم من جمالها أكو شي بداخـلي ماكدر
يتقبلها أو يستلطفها

باوعت عليها توسعت عيونها وتغيرت ملامحها لوحـده كأنها نقرفت من الشي الواكف
كدامـها أشرت عليه من فوك ليجوة مستهزائـة أستاذ هشام خزرها وصوتـه صار عالـي

طلع وراي أستاذ لهــيب اجت عيونـة عليه بعدين انتقـلت على البنيـة الواكفـه
يم استاذ هشام توسعت عيونه بغضب كور قبضة ايده تقدم عليهـم

التفت أستاذ هشام حدق بخوف على لهيب تقدم يصـده وذاك تخبل عبالك شايف مجرم
كدامــه مو بنية بس يريد يلزمها وأستاذ هشام

وهي ولا يمـها واكفة بكل ثقة تباوع مكتفة أيدها عاطت بصوت عالـي وكالت
: اي طبعاً هاي انتو زلم تطربون على الغريبة وبت عمك ولا يمها

لهيب : ك** عمي وبت عمي
ونعـال عليـج وعلى عمـي الكو** الي ورطنـي
بت **

: شعليك كاعـد يـم الكح** ومو يمي
حجتها تباوع عليــه ضحكت بستهزاء وأشرت علـــية بقرف
: هـي هاي أنسام الخابصينه بيـها ؟

رادت تحجـي شي ماحس الى أستاذ لهــيب دفع أستاذ هشام حيل بكُـل قوته
وركض عليــها عتها من شعرها يضرب بيها أحس من الخوف بعد رجليــة

متشيلنـي وگعه استاذ هشام قويـة بحيث أحس من يمي ظهري انقسم أحس روحـي مقيدة
اباوعلـه شلون يضربها اخاف اوصـل وانكتل وياها صدُك مخبل

شلون يمـد أيده عليــها وهي ميهمها أصلا ترادد وتلاسن تقربت من أستاذ
هشـام أريد اشوف ظهـرة شكد متأذي ردت الزمـه
ألتفت عليـــة لهيب عاط بيــة نزيت بخوف

أنسام : صفنت عليــة بخوف شمرها بالگاع ودفرها العالم تباوع بس محد تدخل سمعوها
تصيـح بت عمك أكيد فكرو أمور عائلية تراجعت ليورة وإني اشوفـة يتقدم

سنـد أستاذ هشام وكفـه باوع إلها بطرف عينـه وكال
لهيب :: وداعـت إلي تلوع گـــلبي
بفراگها إذا المح طيفـج يا فرقان بعـد وحق كل حرف مكتوب بالقرآن اخليج تتمنين
المـوت وماتلكــينه

باوع عليــه متنرفز صاح
: دكوميييي فتحي الباب يربجججج
خلي اصعدددده

كمت بسرعة لملمت غراضــي وهي بالگاع تتلوى من الوجع مباوعتلها حتى ركضت فتحت الباب وصـعد
أستاذ لهيب هوه يسوق وأستاذ
هشام بصفة واني كعدت ليــورة كح أستاذ هشام بعدها التفت اليــة
يسولف طبيعي ولا كأنـو جان متأذي

وأستاذ لهيب متنرفـز گـــوة لازم روحــه ليصيح اخير شي ماتحمـل وعاط
لهيب : شنيييـه عود سوالفففك هايييي

باوعلـه أستاذ هشام أشر على نفسة وكال
: اني ؟

: لا عمتـي الي سوت نفسها قبل شوي راح ظهرها ونگسر وهي جنها حصان اللّٰـه شاهد
شنيـه سوالف الزعاطيط هاي تدور إهتمام عود ؟

هشام :: شعليك شحارگ دمك أريد إهتمام
مو منك لو مكمل تگـتل بيـها
باوعلي مبتسم كمـل كلامـه وكال
: وإنسام هي تعيني شكو بيها

فتح عيونـه أستاذ لهــيب خازرة عض شفته وضرب الستيرين يغلـط ويفشر بأسم
البنيـة الي جانت هناك التفت اباوعلها ماهي عزا وين راحت هستوها جانت هنـا

لهيب : مولـي إني سوق أنـتَ هاي
شحلاتك جنك بغل

هشام : لا والله مفاصلي توجعني وظهري
يوجعني وراي مشاويـر وفرة وية البنـات مابيــة أسوق ضل

ضحك أستاذ لهــيب وباوعلـه رافع حاجبة
: ليش إني السايق مال الخلفوك

هشام : أي

فرگ عيونــة قوي التفت خازرني هسه اني شعلية أنـتَ وأخوك تتعاركــون إني ليش
تخزرنـي بلعت ريگ وحجيت موجهه كلامـي لـ أستاذ هشام

أنسام : احنا وين رايحين أستاذ

هشام : تشترن ملابس لـ حفلة الخطوبة بعد جم يــوم رأس السنــة ويصير ازدحام
ماكـــو محط رجل

عقج وجهه أستاذ لهــيب وكال
: خطوبــة منـو ؟

باوعلـي أستاذ هشام ضيق عيونــة رفع حواجبـة مبتسم حرك لسانــه بخدة وكال
: لهيب سـوق تأخرنا خلي نروح نأخذ
لبنات يتجهزون لخطبـة اختهم

أستاذ لهيب يباوع بـ استغراب عين عليـــه وعين على أخو درت وجهي من الجامــة ماعندي
فلوس شلـون بية فلوس مسواگ ماعنـدي عضيت شفتـي منين طلعتلـي
هاي شلـون بية

باوعـت عليـــة يسوق وعاگد حواجبــة تأملـت بيه شوي ماحس الى رفع عيـنه بالمراية
وشافنـي من الفشلـة والخرعـة درت وجهـي على الجامـة ويــة حركـتي صارت طسة
قويـة نرگــع رأسي بالجامـه

قـوي حيل لدرجــة الصوت مسموع أباوعـله عاض شفته يكتـم ضحكته وأستاذ هشام
غلس مدري هوه بعالم ثانـي تمنيت اتحول فاره واغوص بهدومـي ولا هاي الفشلة

وصلــنا لمدرســة البنات دخلت أخذت إذن من مديرتهم اخذهـم اجوي
مستغربات يباوعــون عليــــة

أنهار : شكــو شصاير

أنسام : مصاير شي امشي ولـي
كدامي للسيارة اسمج مورطتنـي ومفشلتني

باوعتلي مستغربـة دنطلـع ونوران بس لمحت سيارة أستاذ هشام وكفت وكالت
: اذا حنروح وياكـم هسه والسايق من يجـي وميلكانه

أنهار : زربـه على أم السايــق .

عفتـهن يحجن رحت وكفت على صفحة دزيت رقم أستاذ هشام لميريام وكتبت
: خلي صاحبك يخابـرة من هـذا الرقـم حتى يطلب أيدها

رأساً فتح الرسالــة وشافها تمشيت وياهن اباوع على التلفون اشوفـة شديكتب
هشام : ياااا هلااااا عمي شنوهــاي
صاير تخبلين ولج نهوره

حجاها وطگــها بضحكـة كالت أنهار وجهه مشمئز
:: ايع عفيـة
شنو هذا هم دلـع غدي

اندزت رساله ؏َ تلفون
دنگت عيني

- شنوالسالفة شأكلت بعقلج
واقتنعتي بابا بعدهي صغيرة هي أنـتِ الجبيرة ومامتزوجـة هاي الزعطوطـه شكو ؟

بلعت ريگ رفعت عيونـي لكيت أستاذ لهــيب يباوع بالمراية وأيده على الباب لازم بيها
الجكارة

نوران كاعده بصفي وأنهار بصفـها رجعت دنگت عيني كتبت
: ميريام فدوة رحتلك خوية لتصعبها
عليه ترا هاي بنتي وصعبة علييية انطيها واني ربيتها بتعب گــلبي وروحي بس شسوي
هذا اختيارها

رد كاتب
: خوية؟؟؟؟

استغفرت ربي انابياحال والدفان يغمزلي سديت التلفون كُلشي ماكتبت جانت
أنهار تسولف وية أستاذ هشام منسجمـة من هي وصغيرة شخصيتها جريئة
ومتخاف

ندستني نوران
نوران : أنسام خطية الولد خاف يجي ويشوفنا
ماكــو

غمضت عيوني وكلت
: شسويلة شسويلة مَــادري عود اللّٰـه كريم
مو ميريام منطي رقمي يخابر
ويسئل هاي هي على شنو شايلة همـه صدُك جذب

وصلنـا وعمـو رفض رفض قاطـع أنو ينطيني فلوس راتب إضافي يعني وكال
هوه يتكـفل بكُـل أمور العرس أحس رأسي حيطگ مـن كــد التفكــير ضايجة
ومقهورة أحس وضعنا مخربط

انجبرت اشتري فستان عجبنـي فستان أسود بس جان فضيحة من يم الصـدر مفتوح
ومن الرجل من عنـد الفخذ الفتحه مالته كُلش چبيـر صفنت اباوعـله هي حفلة
بنات وسعرة جان مُـناسب بنسبة للـ اخذوهن خواتـي

رجعنـا للسيارة جان ينتظرنا أستاذ لهــيب كاعد ويخوزر بالعالــم
صعدنا الغراض وأحنا وبالطريق دك تلفوني فتحته جان رقـم غريب

رديت : ألو

: ألو السلام عليكم إني أصهب
سايق البنات بس العفو أختي اجيت أخذ البنات كالولي طلعن عندج علـم ؟

أنسام : أي أي بلـي ذني وياي رحم
اللّٰـه والديك خوية تعبناك

تشكرت من وسديت الخـط باوعت على نوران تباوعلي
أنسام : السايق

بعدني ماكملت قاطعتني وكالت
: اي نفسة الي دعمني

باوعت على الوضع ماكــدر احجي هنا عيب منهم سكتت لحد ما نرجـع واشوف
حــل وصلونا لبيتنا ودعنا أستاذ هشام مبتسـم بكل هدوء عيني

اجتي على أستاذ لهــيب الي جانت نظراتـه
متمركـزة عليـــة درت وجهي وفتحت
الباب دخلت وشمرت العلاليك بالگاع باوعت على أنهار بقـهر هسه هاي شسويلها وتبرد
نار گلبـي منها

زفرت نفس وكلت
: مَــادري بعد شتسوين أنهار ماعرف
شنو من مصايب تجي من وراج بــعد

أنهار : كُـل هذا لأن بس ردت
اتزوج شبيج أنسام ماريدتني هيج هاي هـي بعد جم يوم اتزوج وتخلصين مني
ساعتها ارتاحي

حجتها وصعدت ليفوك بسرعـة باوعتلي نوران وكالت
: اكلج أنسام شفتي فساتني
شكد حلو؟

أنسام : ديلااااااااا استلم
عفتها وصعدت ليفوك من القهـر أحس ضغطي
صعـد

نوران : برطمت شفايفي شبيهن هذنـي أسمهن يتعاركـن شلت العلاليك
وصعدت حطيت العلاكـه كدام غرفة أنسام طبيت للغرفـة أنهار جانت تضم ملابسها
مال دوام بالكنتـور

أنهار : وجع شبيج مكيفه

نوران : ههه ماعرف أحس فرحانة تدرين
أنهار جنت اتمنى يصير عدنا عرس واركص وهوسة هواي جنت أدعي وحده بيجن
تتزوج وتصير عدها طفل ويصيحلي خاله أوي كيوت

جنت كاعد على الجرباية اهز برجلية واباوع على فستاني وكفت لكيتها تباوعلي
خازرتـني رمشت افكر حجيت شي غلط رفعت عيوني لسگف

طفرت على الجرباية لزمتني من أيدي قـوي
أنهار : خايبة نعيلة شنو طفل
شنو خالة والعباس لوووو اموتتتت لو يگطعوني وصل ويدفوني بصف ابوي ماخلي
يلمس شعرة منـي

نوران : أوي ولج يمة اخ آسفة بس وخري
عني شبيج

دفعتني بقوة أعصابها تلفانة تفتر ولازمـة رأسها وتدعي عليـــة تروح وترجـع
أنهار : يريد يسويني خدامة ابن الجلبة اصبرلي اذا ماخليتك تلطم على رأسك برجلك
فلا اتسمى بأسمي

دخلت أنسام وجهه تعبان حجت بهدوء وعينها
على انهار
: باجـر راح يرحون الزلم مشيه ويحددون موعد الخطوبـة مستعجل الأخ مَــادري
شعنـده

بس خلصت كلامـها سدت الباب وراحت تقدمت أنهار قفلت الباب ركضت طلعت
التلفون وفتحتـه كعدت على الجرباية تقربت كعدت يمها فتحته كدامي شفت عدها
انستا

نوران : الله هاي عندج انستا خليني اباوع بي

رفعت عيونها خزرتني عضيت شفتي ندمانة لأن حجيت دخلت على الواتساب
دكت علية دك دك شوي ورفع الخط
ڪال
: الو

أنهار : الله لا يوفقك لا دنيا ولا أخرى
يا كلب يا حقير يا نذل ابونسوان وسخيف وسرسري
عساها أن شاءلله تطلع بتك
أريد من شريفة بت الحسن تلزمك وتعت روحك عت كون الزهره تسطرك والحمزة يدفرك

حجتهن كلهن كتتهن كتت وسكت تجر نفس بلعت ريگ أباوع عليها جان الطرف الثاني
هادئ لحدما گح حَمحم وڪال

: العفو أختي اني ماعرف أنـتِ منو بس هذا تلفون صاحبي يمي هسه هوه بالحمام أعتذر
جداً عبالـي موضوع ضروري

أباوع عليها لازمـه ضحكتي أخاف اضحك وتكتلنـي من الفشلة رأساً سدت الخط وشمرتـه
عليـــة دفعتني وغطت رأسها وكل جسمها باللحاف

نوران ::- اكلج انهار عادي
اباوع بي ؟

أنهار : اذا بالانستا لا نجبي

نوران : الله يخليج عفيةةة

كامت سحبته من أيدي ورجعت نامت طنگرت گبـر نحسة فتحت الباب البيت
هدوء تأخـر علي شوكت يجي باوعت على الساعة صاير هواي يتأخر وصايرة شخصيته
غامضة وميسولف ايشي

إني وعلـي أقرب شي لبعض من إحنا وصغار دائما سوة يسولفلي كُلشي مرات
اسولف الـه شغلات ماسولفهن لـ أنهار وإنسام
انفتح الباب توسعت عيونـي من فات وجان مضروب تقدمت بسرعــة عليــة

نوران : شبيك شبيك ليش هيج
شنوصار يمـة

دفع أيدي بقـسوة وعبرني وفات صحيح بالبداية جان مصدوم تجمعت الدموع
بعيوني التفت بسرعة وحجيت

نوران : علي ليش تتجاهلني
ضوجتك إني بشي

علي - لا ماضوجتيني بس مالي
خلك أحد
نوران : إني أحد علي ؟؟

سمعت صوت جاي من فوك جانت أنهار
- لا حبيبتي أنـتِ أربعاء

علي : هلا بلي مامصدكة واحد خطبها رأسا
قبلت حقج خايفة تبقين
كاعده على گلوبنا تحمضين بالعباس

أنهار : ديلا شحارگ دمك

باوع عليها وعبرها سوه الدرج خطوتين وصعد اختفى حطيت أيدي على وجهـي
وبجيـت

أنهار : اكلج شبيج بس تبجين
ترا والله لوعتي گلبـي

رفعت عيونـي عليها مستغربـة عيوني متروسة دموع حجيت بـ فضول
: عوفيني بحالي أنهار

نزلت صارت يمي سحبتنـي عليها رحنـا للمطبخ كعدتني بالگاع وجابت أكل تأكل وتوكلني وتصيح
أنهار : جنت أفكر
شلون تعيشون بدوني خطية
ماكو مني إني ..

أحس حلگي انترس بـعد ماكدر أتنفس تحط بحلگـي حتلو أكو لگمـة وإني ماكـدر
وهي مستمرة توكلني وتحجـي

: اي ولج اكلي حتى تصير بيج لحمة
شضعفااتج جنج مومياءء أكلي حبيبتي أكلي

خلصت أكل يــلا فــگت ياخـة عنـي مـر اليوم عادي والبقية هـم تحدد موعد عقد قرأنها
وهي بس تنافخ ماعرف شصار بعــد ذيج مكالمتها متحجي أبد وعلي ميحجـي
وياي

صار الموعــد والوكت وصار لازم باجـر نروح من الصبح لبيت عمو هشام هناك
العـقد ماعرف شبيــة حيل متحمـسة يمكن علمود الرگص والحفلة طايرة
من الفرح

نايمة على الجربايــة عيني على السگــف وأنهار بصفي نايمة على الجرباية
الثانيــة نفس حالتـي بس وضعها يخوف

نوران : أنهار أنـتِ ضايجة ؟
أنهار - شتكولـين أنـتِ ؟
واحد وغاصبيـنة يتزوج شخص أكبر منـه ومتزوح وعنده بنية وماخذني خدامة لجلالة
الأميرة بنتـه

جرت حسـرة ماعرف شحجـي غمضت عيوني وماحسيت الى وإني نايمــة
وإنسام تكـعد بية تكول يلا باوعت كمت اتحضر عين مفتحـة وعين مغمضة

حضرنا الغراض والجنط هناك نلبس ونمكيج وهلسوالف نزلت أباوع علي حاط
الكتـب يحط بيهـن بالجنـطة

نوران : شنو متجي ويانا
علي : أي مو گـرن واجي لعقد أختي
ولا ماريــد روحن وحدج مالجن دخل بيـة

باوعت عليـــة أنسام ساكته حتى هي مستغربـة من اسلوبــه هذا وتصرفاته باوعت
عليها والغصة بروحـي مو بس بصوتـي
- بس إني تمنيت يشوفني بالفستان ويكولي طالعة
حلوه ليش هيجي وياي

أنهار : دمشننننن عاد
فضنها !
تحجي وتمشي تريد بس تطلـع تأفافت أنسام بملل وحجت بـ استفهام
أنسام : هسة أريد أعرف شعاجبها بالزواج
شبيـها هلبنية علساعة تخبلت ؟

هزت بأيدها بعجب ونزلت وإني اخير شي طلعت گالبه خلقتي لأن علـي مو ويانه
سدت أنسام الباب وقفلتها باوعت جان هوه واكف يدخن منتچـي على السيارة
ويباوع للسما

التفت علينـا يباوع خزرتـه وصعدت أحس أريد اتعارك وية ذبان وجهـي
صعدت أنسام طول الطريق محد حجه حتى أنهار تباوع بجامـة صافنة ماكو أي ردة
فعل أبد ولا جنها عروس عبالـك موديها نچفنها

وصلنـا ونزلت شايلة بالغراض حجه الولـد موجهه كلامه لـ أنسام
: خوية صعـدن فوك اكعدن يم ودق محد يوصل يمجـن ومن تصير الحفلة جـوة

هزت رأسها بـ أي اول مطبيـنا صار بوجهنا رجال ضخم وچبير نفس الي أخذنا
ذاك اليـوم من المدرسة وجان يسوق باوع علينا وحده وحده

يمكن مستغرب وجوهنا مو مال ناس عدها عرس وحتى أهل مثل الاوادم معدنـا
بلعت ريگي دنكت عيونـي صعدت ويـة البنات ليفوك

دكت أنسام الباب اجانا صوت بنية ناعـم ڪالت :جاية ثواني

فتحت الباب بنية حلوه حيل شعرها أسود يوصل لرجلها ملامحها هادئة
حلـوة باوعت علينـا مبتسمة أبتعدت ؏َـــن الباب وسوت مجـال نفوت
دخلت أنسام وراها أنهار وأخير شي أني

باوعت على البيت عيوني تتجول بيـة
وكفت تباوع علينـا
وكالت
ودق : مشاءلله عيني عليكـم باردة
عبالـي بس أنسام حلوه شو طلعتن كلجن حلوات وحده تكول لثانية إني أحلى

أنسام : فدوة لگلبج حبيبتي
أنـتِ هم تخبلين مو قاصرة إسم اللّٰـه عليج

حجت وهي نظراتها تتوزع بيـناتنا
: أي لعد منوو بيجن العروسـة ؟

أشرنا إني وإنسام على أنهار اباوعلها الإبتسامة شرگــت حلگــها من الطول
للطول واجتي بوستها وباركتلها وفوتتنا لغرفـة

أحس روحـي عطشانة طلعت أريد أطلب منـها سمعتها تخابـر ردت أرجع استوقفنـي
إسم ذكرته
ودق : خالـي مو أنسام العروسة هههههههه أي أي بس خواتها حلوات
ها يلا تَــمام براحتك حبيبي
من تحتاج شـي بس دك عليــة

صفنت شعليه خالها تكله أنسام مو العروسة تجاهلت الموضوع ورحت كتلها
نوران : شيسمونة عطشانة أريد مي

باوعتلي مبتسمة
ودق : يخسى العطش هسه اجيبلج مي
يروحـي خاف جوعانة تردين أكل لتستحين أمانة اللّٰـه

هزيت رأسي بـ لا شربت الكلاص وحطيت على الميـز وخطية البنية مخبوصة تروح منـا وترد
منـا باوعت للساعـة تتأخر العقد يلا يبدي شدعوه جاين من وكـت

هستوها بـ ٩
نوران : شسمج أنـتِ ؟

ودق : ودق أسمي و أنـتِ ؟

أبتسمت وكتلها
: نوران
- يخبل اسمج فدوة عادي
أطلب منـج طلب حبيبة؟

: أي أي عادي كُلش عادي
- بس باوعـي راح افوت
أسبح خاف أحد يدك
الباب كوليلهم ودق تسبح تَــمام ؟

هزيت رأسي بـ أي أنسام وأنهار بالغرفة كاعدات ماعرف شيسولفن بس طلعني من الغرفة
يعني ميردن أسمع

اندگت الباب بلعت ريگ شسـوي افتحها تقدمت بخطوات بطيئة اقدم رجل وأخر رجل
أسمع صوت ورة الباب يصيح
: ودق هيو فتحي الباب أريد
هدومي

صوتـة مألوف فتحت الباب صار بوجهي مصدوم صفن حگ شعره بعشوائية
دنگ عيونة محطها عليــــة
أصهب : أعتذر مَــادري ودق وين
نوران : ياودق ؟

أصهب : منو ودق؟
نوران - ها ؟

أصهب : روحي خوية صيحي ودق
كوليلها أصهب يريدج

نوران - منو أصهب ؟

فرگ وجهه يستغفر ونزل عضيت شفتي شوي وطلعـت ودق كلتلها الي
كاله مانطت أي ردة فعل بدينـا نتجهـز أنهار مكيجتنا كلنـا حتى البنية ودق كلتلها
تعالي امكيجج وأخير شي هي مكيجت روحها مقبلت أحد يسويلها مكياجها

أنسـام ::- أباوع العالم صارت هواي تفوت نسوان منين مَــادري ناس تكول من طرفنا وناس
من طرفـة ماعرف شكو

اباوع عليها وجهه مو مال وحــده عاجبها تتزوج لثواني گــلبي حسني أكو شي غلط
أكو أنه بالموضوع وياريت لو ماشية بأحساسي ذاك اليـوم !

دخلت للحمام لبست الفستان أباوع على روحـي وعلى مكياجي ماحب امدح نفسـي
بس فعلاً اول مرة انعجب بـ نفسي وأحس روحـي حلوه

أبتسمت بطرف شفتي افتريت اباوعلـه كُلش حلو صحيح فضيحـة بس كلت
كلـها نسوان

طلعت باوعتـلي ودق وطگتها هلهلوله
فتحت عيوني مصدومة
أنسام : مو إني العروس

ودق : خايبة دهر دهر تخبلين شنيهاي
گيــمرررررر خوماااااا گيـــمر الله يصبر گـــلبك يلي بالييييييييي

عفست وجهي مستغربـة
: منو بالج ؟

: امشي حبيبة شوفي خواتج مَــادري
شجاب الثوم على الحلقوم صدقة لمحمد هوه ينلام الي بالي

أنسام : هسه غير نعرف منو الي
بالهااااا ؟

تدفع بيه وتضحــك للغرفة فتت باوعلـي البنات أنهار أبتسمت ونوران تگمــز تصيح
: اللههه شكد حلووووة أنـتِ

أنهار : ترا ميصير هيج راح تگسريـن
عليــة عبالهم أنـتِ العروسة مو إني

أنسام : يلا عــاد مو لهل درجـة امشي نزلن اجتي الوادم هاي مَــادري منين

رفعت حواجبها أنهار ورشت عطر ترست روحـها ترس وطلعت تتبختر بمشيتها

نزلنا جوه وكعدنا وكعدنهن أكو نسوان مبينات حبابات واكو لا السـم والغيرة
مبينـه من عيونـها

كعدت أنهار وحطو على رأسها شلون الوشاح الأبيض اكو مرة واكفـة فوك رأسي تعلـم بية
ماعرف منين حطن قرآن بيدها وجوه رجلها نچانه وبيها حبات هيـل

رجعت ليورة كعدوها يم الباب أباوع عليها أريد ابجي وترفع رأسها تخزرني تخاف على
الكحلة الي راسمـتها اليـــة

باوعت عليـــة المرة الي جانت تعلم بية
: أنـتِ أمها شو صغيرة؟
- أختها

: أمها وين أبوها وين جا؟
- ميتين

عضت شفتها ندمانة اعتذرت مني وطلعت أحس بعـد ماكدر نسوان هواي وماعرف
أي وحــده تيهت انسحبت طلعت للمطبخ واكفة أتنفس بسرعة أريد الهوى يفوت لريتي

تقدمت أريد أشرب مـي انفتحت باب المطبخ التفت والكلاص داشرب بـي
عبالـي وحده من البنـات

جان أستاذ لهيب لازم تلفونة ويلعج وعينة على التلفون توسعت عيوني وتجمدت
بمكانـي رفع عينة صارت عينة بعيني

أنصدم من منظري نزل عيونـة يباوع على فستاني طاح التلفون من أيدة
من الخوف والفشلة والتوتر بقيت لازمـة الكلاص واباوع عليـــة

وهوه عينة مانزلت عني اتدارك الموضوع وفرگ عيونـة حيل وكال
: روحـي أنسام موكت فهاوتج لخاطر الكافـل

باوعت عليـــة بسرعة حطيت الكلاص على الكاونتر وطلعت سديت باب المطبخ انتچيت
على الحايط أريد ابجي من الفشلة ليش كل المواقف الي تفشل تصير وياه !!!

ردت امشي سمعت صوتـة يحجي
لهيب : أكره السياسة والحُروب
والأحزاب ورِجال الدين
والمَسافة الي بيني وبينها .

أسمعـة يستغفر سمعت صوت الباب انفتح وكأنو أحد دخل ضليت ساكنه بمكانـي
حتى رمش مارمشت

ودق : ها خالي حبيبي شبيك هنا

مجان أكو أي رد من عنده جان ساكت رجعت
ودق تحجـي
: وين صافن شكـو ؟

هم مجان أكو رد صاحت بصوت عالي
: خاليييييي

لهيب : وجعه ب** خالج شتردين
متكليلي
ودق : ياا شجاكككككك

انسحبت ماريد أكمل بعـد طبيت هستوه بده العقـد
وكفت يمها أباوع عليـها كاعده يمها طفلة صغيرة كُلش حلوه انتبهت أيديها
ترجف مسحت فوك جتفها أهدي بيـها

أنهار : على مـدار ذيج الفترة إلي راحـت جنت أتواصل وياه وتأكدت هوه فعلاً
مشتري البيت من أمي ومنطي النـا وهوه الي جايب هاي الناس كلها حتى لحد يحجي علينا

كاعــد أنسام مَــادري وين راحت ونوران كُلشي متعرف بس تباوع علساس تذب لحم
وتحرك الجو وهياتها كدامي كاعده تستحي

تقدمت طفلـة صغيرة علية يطلع عمـرها بـ ٤ ٥ سنوات حطت أيدها على رجلي ومدت
رأسها ليجوه تشوف شكلي

أبتسمت اليــة منظرها كُلش حلو وشكلها لطيف عيونها حلوات ملابسها وشكلها
گــلبي رفرف عليـها ما اميل للأطفال من إني وصغيرة بس هي جانت كُلش
حلوه

شـوي واجتي مرة سحبتها حيـل من أيدها رفعت رأسي خزرتـها هـي من شافتني
هيـج عوجت حلگـــها وشمرت الطفلة عليــة اباوعلها استهضمت برطمت شفايفها
منظرها كيوت

جبتها وكفتـها يمي بده الشيخ يحجي أسمع صوت عمي هذا شجابـة !!! أكيد علمود
يعقد اليــة بس ماعرف ليش جنت حيل خايفة أيدية ماكــدر اسيطر على رجفتهم

ضل السيد يحجي الكلام مرتين مجاوبت والثالثة هم بالرابعة ندستني أنسام جنت بعالـم
ثانـي كلت
: موافقـة .

زفرت نفس تعالت أصوات الهلاهل اسمع من ورة الباب يباركـون الـة
وإني بعالـم ثاني شوي قُـرابة الربع ساعـة ودخل لابس وكاشخ أول مادخل
عينــة اجتي عليــة يمكن مجان متوقع شكلي هيج صديت عنـة أباوع

للطفلة الي بصفي گرصت خدها شكد حلوه أشوفها صارت تتقـدم ركضت عليــة
فتحلـها حضنة طفرت لحضنـة شالها يبوس بيها دنـكت علية نوران جانت لابسة
شي فوك ملابسها يسترها وإنسام راحت فستانها مينستر يفضح أكثر ما يستر
هه شورت بيها بكــد مجانت تحجي عليــة

اتقربت نوران كالـت : هاي منو اختة ؟
ضليت مفهيـه بوجهه ماعــرف شجاوب عضيت شفتـي متجاهلتـها

اجه كـعد يمي تقرب وهي كعدها بحضنـة ناس تصفگ ناس تهلهل ودنيـا مخبوصة
أحس أريـد اعوفهم واطله أركض ابجـي بصوت عالـي

رفعت رأسي أباوع نوران تباوع علينا مصدومـة أشرت برأسي شكـو مجاوبت
كالت وحـده عجـوز من اهلـه :
يلا ولك يمـة عثمان وكلها هاك

شال قطعـة كيك بيده يباوعلي عقجت وجهي
أنهار : مو بيدك ايعع عفية

من شاف رده فعلـي هيج رفع حاجبة سحب وجهي عليـة دحس الكيكـة بحلگـي
صار كريم على شفـتي مسحـه بطرف اصبعة تعمـد يضغط قـوي قبل ليشل اصبعة
خزرتـه

بنته رافعة رأسها تباوع النـا مبتسمة وكلته كيك بالشوگه وهوه إسم اللّٰـه عليـه عينه
مشگلـه بس يغمـز

بده يلبس بالذهـب وصل للگلاده نزل بنته وكال
: يلا حبيبي خلي بابا يشوف
شغلة

وهي بس تضحك وتحط أيدها على حلكها عود مستحيـة تقرب وخر شعري
عن رگبتـي لبسنياها وإني صاده اباوعلهن يتهامسن ومدري شيحـجن ماحس إلى باسنـي
برگبتـي گـزبر جلدي

درت وجهي عليه مصدومة ماحس الى رأساً باغتني وباسني بخدي ونسوان تضحـك
كام وشال بنتـة أسمعها تكله
: بابي هاي البنية تشبهه الباربي مالتييي
باوع عليـه يضحك كاللها
- اي بس هاي سمرة

حجاها وطلـع يا يابة شكــد حزت بخاطري وأحس بس أحد يكلي بش ابجي إبن النذل
لزمني من الأيد الي توجعنـي درت وجهي تقربت علية نوران

تريد تحجـي قاطعتها وحده المرة العجوز
: يمة حبيبة روحـي لرجلج وحدكم كعدو

ماانطيت إهتمام الـها رجعت أباوع على أختي جانت مترردة تحجي بلعت ريگ تقربـت
يم أذنـي وكالت

نوران : أنـتِ مو كلتي السبـع انطاج التلفون وجان جديد ومحـد يعرف بيـة وبنفس
اليوم شفتي احد يراقبـج و أنـتِ كلتي توقعتي إلي يراقبوج من طرف عمـي وديهددوج
همـة شلون عرفو عندج تلفون ومنين عرفو رقمج وشلون صادفت بهذا اليوم

تسارعت دگات گلبـي وصوتي نفسي صار مسموع حجيت بعياط مامهتمه للناس الي حولي
أنهار : يعنييييي شنوووو؟؟؟؟

عضت شفتها بقـهر
نوران : يعني ماكـو غيرة جان يراسلج
ويوهمج أنـتِ مهدده ...

- مـو ذنبي ما أثق ببشر !
مـو ذنبي ذنب الأجة
و وداني للظلمة
يختفي أحساس الثقة
مـن تكبر الصدمـة .

يتبـع ..

الحكـــاية تستمر إلى إحداث أخرى .

𖦆 𖦆 𖦆 𖦆 𖦆 𖦆 𖦆 𖦆 𖦆 𖦆

حسابي انستا للتواصل 👇🏻