#انسام_ اللهيب
بقلـمي أنا زينب خالـد
ضيفـو حسابـي وعلقو بين الفقرات وصوتو يحلوات ترا اغلبكـم يشوفون وميصوتن عيني
ترا ميگهرب جقونا بـ تصويت 🙈💙💙
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
أنهار ::- التفت أباوع علـى مصدر صوت
ارتخت ملامـح وجهـي لمـن شفتـها وحده من صديقاتـي
بدون سابـق إنذار رفعـت أيدي وضربتـه راجدي توسعت عيونـها الي كاعـده
تتأملنـه رمش بعيونــة بعدها بدت علامات الذهول تبين على ملامحـة
أعتقد جان يتسائل بينـة وبين نفسـة شنو الي خلانـي أرفع ايـدي بس أكو
شي بداخلـي ارتاح من ضربتـه يمكـن بعدهـي حازه بخاطـري شلون ساومنـي
تقدمـت عليها سحبت أيدها واني حلكـي ماوكــف من الغلط عليـــة عتيتـها عت
لداخل المدرســة ما التفت لـ ردة فعلـة ولا أعرف شسوة جنت حايرة بالمصيبتين
الي عنـدي
: منو هذا وشعندج واكفـة
يمة أنهار ؟؟؟
أنهار - يمعودة واحد ساقط حاول يتحرش بيــة وأكل حصته طايحين الحـظ
فدنوب زاعــو المستحــة عينك عينك صارو يتحارشون ماكـو شي يوكفهم
باوعتـلي بعــدم تصديق واني كُــل شوي أعيد السالفــة واغلـط عليـــة حتى
تصـدك لسانـي ينطق بالكلام وعقلـي وتفكيـري كُــله يم أيدي أحاول اضم التلفون
قبل ما أحد يشوفـني سويت نفسـي بطنـي مغصتنـي
ورحـت للصحيات دخلت رأساً نزعت صدريتي فتحت دكــم القميص فتحت التلفون
جان بدون رمـز أعرف بالتلفونات افتح تلفون أنسام أكثر منـها فـ كُلشي اعرف سويته
صامت للـ احتياط وقفلته وضميته بصدري رجـعت البس بملابسـي وكل تفكيري
بـ تصرفاتـة وشنو مصيـري معقولــة يكذب ؟ ههه أي أكيد يعنـي ماكو هيـج شـي اسولف
لـ ميريام شـراح أخسـر ؟ فززنـي من صِراع أفكاري صوت الجرس وهوه يدگ
طلعـت متوجهه للصـف مــر اليوم طبيعي بنات عمـي لسة ماكو مداومـن حلينــا
طلـعت انتظر ميريام يجـي ياخذنـي وكفت مستنده على الحايـط أباوع
على العالــم عيونـي تتنـقل مـن شخص لثانـي استوقفنـي شخص
رجعت عيونـي تدورة وفعلاً لكيتــه جــان لابس أسود كامل وملثم ولابس
شفقة يحَدق بيـــة
كُلشي ممبيـن من عنــدة رجف جسمـي بخوف معقولة يكون هو نَفسه؟ جانت عيونـة متمركــزة عليــة إني
من بين كُـل البنات
درت وجهي عنه أحاول اتصنع الشجاعة وداخلي يرجف مثل السعفة من الخـوف
عدلـت وكفتي لمن شفت سيارته اجتـي بدون وعي رأساً ركضت فتحت الباب
وصعدت التفت عليــة مصدوم من باوعت خزرني
أنهار : ميريام
- نعـم
أنهار : ماعرفت
عمي وين ؟
رفع اكتافـة دليل على أنو هوه ميعـرف سكتت عنـه شوي ورجع كال
ميريام - أنهار عثـمان غاصبج شي
عقجت وجهـي بعدم فـهم
: منو عثمان ؟
التفت عليـــة مصدوم
: متعرفين اسمـة ؟
بعدها ضحك مستهزاء وضرب على الستيرن بأيد وكال :
شنو من حُــب هذا ؟
بلعـت ريگـي
- مَــادري ليش يغصبني على شنو يغصبنـي
: هذا هوه اسلوبـة من المقابل يرفض
الـي يريــده يدور شي هوه يحتاجـه فعلاً ويلزمـه من هاي الأيـد
صاحبـي عثمان أعرفـة وأعرف كُــل اساليبــة القذرة المُبتذلــة
فرگت أصابيعي وإني عيني مدنگــه طول الطريــق أفكر إذا أكول لميريام لو لا
نزلـت من السيارة وهوه حركــها وطلـع والله مبتلـي بينـا صعدت ليفوك
تلكتنـي نوران باوعت عليـها مضيقـة عيونـي تجاهلت وجودها عبرتـها وفتت للغرفــة
لحكتنـي واكفــة وراي تباوع عليـــة بهدوء نزعت الصدرية وطلعت التلفون
شهگـت وحطت أصابيعها على حلكـها مصدومـة
نوران : أنهار ولج هذا منين
أنهار - هذا من صاحبـي
هوه انطانيا حتى يخابرني بليل ادزله صور
توسعت عيونـها والغبيـة فعلاً صدكـت
نوران : صددددك أنهار ؟؟
- نجبـي جذب يعني مو كُلش جذب
بس يعنـي نوعاً مـا جذب
تعـاي كـعدي هنا هسـه اسولفلج
أشرت على المكان بدلت مكانـي واجيت لكيتها متصنمـة بنفـس المكان جربايتي
بصف جربايتـها يفـصل بيناتنا ميـز صغير تربعت على الجربايــة وهي مقابيلي تنتظر
احجـي
بديت أسرد الـها السالفــة كلها من اول مرة شفـته بيها ولحــد آخــر مرة شفتـه بيها
حجت بخوف
نوران : أنهار يعنـي يحكتلونا اذا متزوجتـي
اباوعلـها وإني خايفــة أكثر منــها شمرت التلفـون عليـها لزمته بيدها وشمرت روحـي
على المخدة نايمــة على وجـهي كان الوضـع هادء لحـدمـا نطقـت
نوران : شنو أسوي بي
أنهار : مدري شحـني لتخلين أحد يعرف بي
رفعت رأسي خزرتـها كلت بحـده
- اذا لكـفو التلفون يا نوران اذبحج ؏َ القبلـة !!
باوعـت ؏َ تلفون ورجعت تباوع عليــة فتحت البـاب وطلعــت بــدة جسـمي يستسلم
للنـعاس أطرافـي خدرت ماحسيـت على روحـي إلى واني نايمــة
أحس بلمسات خفيـفة بديت اصحح شـوي شوي واستوعب هاي أيــد تهز
بـ چتـفي فتحت عيونـي تمغطت جسمي مگســر
باوعـت نوران تبجـي وبيدها
التلفــون وأيدهـا ترجف طفرت رأساً سحبته من أيدها اباوع
أحس رجليـة جمدن من الخــوف جسمـي گـــزبر وإني اشوف هذا المنـظر الخوف
احتلـني رفعت عيونـي إلها مگـرفصة كدامـي تبجـي بهدوء كاتمـة صوت شهگاتها
بأيدها الناعــمة
باوعت داير مدايري همسـت بصوت مبحوح
: بيش الساعــة ؟
- ١٢ وربـع
حيييييل هاي شــكد نمـت يمكـن لوما مكـعدتنـي جان ضليت للصبـح حسينـا على صوت
فزت مخترعـة لزمت أيدي قــوي گـــلبي يدك سريع ضميت التلفون بصدري من جديد
وفتحـت الباب أريد اشوف مــنو مجان أكو احــد ردت اطلـع حسيت بأيد
مچلبـة بية التفت اباوعلـها تهز برأسها بـ لا
نوران : أنهار لتروحين
أخاف أخاف وحــدي اللّٰـه يخليج
بللت شفايفي أفكــر بعد إلي شفتــه شنو الإجراء الي راح اخــذه يمكـن جان غلـط
منـي سولفت لنوران فوك خوفـي وقلقي هي جبانـة وترتني أكثـــر بس النــدم بعد
الي صار ميفيـــد
سديت الباب انتچيت عليـــة طببت أيدي بصــدري طلعت التلفون وفتحتـه
وإني اتأمل المحادثــة جانـت عبارة شخص داز صـورة علـي هوه ويطلـع
من المــدرسة وصورتـي إني ونوران نمشي ســوة وأخير شـي صورة أنسام
كــعدت أكل بأضافيري دخلت على الحســاب ماكــو حاظرنــي كعــدت بصفــي حاطـه
رأسها على متنـي
نوران : أنهار شنوديصيـر تدرين
ما نمـت من كـــد الخوف ومن
سكتت شـوي صوت شگاتها صار مسموع رجعت كملت وهي تحاول تبلع غصـتها
: من دز الرسالة مـتت من الخــوف ماريدكـم تموتون انتـو أهلي اخاف عليــكم
جريـت نفس أحس روحـي الهوى الـي ديدخـل لريتـي يخنگنـي مَــادري شسـوي
تايهه ماكـــو أحد اكدر أخذ بنصيحتـه ابيع عمـري واشتري لـ إخواني عُــمر ؟
رجـعت لزمــت التلفون كعــدت أبحث بيــه وهي تباوعلي دخلــت لكيــت رقـم
واحــد بــس ومســجل بأســم السبــع
دخلــت راسلته كتبت
: باجــر تعال اخذنـي ضروري نحجـي
سديت التلفـون وصفنـت بالفـراغ فزيـت مخترعــة وكفت على طولـي من صار صوت
شخص يحاول يفتح الباب بمُـجرد ما تأكد مقفولة صار صوت طرقات على الباب حدقت بية نوران بقلق سويتلــها اشش
ضميت التلفون تقربـت جريتـها حيل مسحت وجهه باوعـت عليـها وكـلت
: ديربالـج تجيبين طاري التلفـون
تقدمـت عدلــت ملابسـي ضربت على خدودي حتى اصحح شـوي فتحـت الباب
صارت بوجهـي أنسام عاگــده حواجبـها مستغربـة
أنسام : ليش قافلات الباب شكـو
أنهار : هيـجي جنه دنسولف عــادي
وتعرفين ميريام لا احم ولا دستور يچفت چفت
دخلــت عيونـها تتنقل بيني وبين نوران كالـت وهي عيونـها على نوران
أنسام : تردون أكل ؟
حجت نوران بسرعــة وبدون تفكـير
نوران - يا تلفون
جنـت واكــفة ورة أنسام فتحت عيونـي مصدومة عضيت شفتـي بقـهر راح تفضحـنا
بالعباس سحبت أنسام عليـــة الي استغربت من جواب نوران
أنهار : اانيييي حموت من الجوع
يلا امشن نسوي أكل جــوة
ادفــع بــ أنسام وهي تتلفت تريد تفــتهم شكــو اجتـي ورانا نوران واني اخزرهـا
وهي تفرگ بيـدها بخوف
نزلـنا ليجوه كعدنـا بالمطبخ واني كُـل شوي اخزر بـ نوران علـى جفصتـها وهي تباوع
بخـوف انتبهـت أنسام على نظراتـنا وباوعت بـشك
أنسام : شبيـجن تتغامزن بيناتجن شـكو
أنهار : ماكــو هيـج
باوعـت ممقتنعـة وكُــل شوي عينها علينـا تراقب حركاتـنا تندمت على الساعـة
السودة الي سولفت بيـها لـ نوران موتتني
نوران : لعـــد اكلج مدام كاعدات
أريد احجـي فدشـي الج أنسام
جـنت أشرب مي من سمعتـها غصيت أحس المـي طلع من خشمـي التفت أباوع عليـها
دعيت من كُـل گلبـي ما تسولف أباوع وعيونـي تترقب
نوران : أنسام اني أحس نفسـي صرت
زينــة واكدر اداوم وضايجـة
وماريــد المادة تروح عليـــة خليني اداوم
زفرت نَفس براحـة ملامح وجهـي ارتخت أحس الدم رجع يضخ بيــها حطيت الكلاص على
جهه وكعدت مقابيل أنسام
أنسام : امم ماشـي بس خلينشوف
منـو يوديجـن لأن بالأساس ميريام تلاث أيام ماكــو من باجر حيرحون للعـرس
وهون عنده التزامات ميكــدر ياخذجـن ويرجعـجن
أنهار : شلون لعـــد
رفعت أكتافـها بعدم معـرفة
: ماعـــرُف كال أدبــــر خــط الجن
على العمـوم هسه اصعدن نامن ترا الوقـت متأخـر
هزيت رأسي ماصدكـت أخلص حسيت نفسـي اذا نوران متفضحنـي إني افضـح
روحـي صعدت ونوران مچلبـــة بذيالـي
نوران : أنهار اخاف يكتلوني
حجيت واني أصعد على الدرج
- اكلــج كافـي اني بروحــي ماكلنـي الخوف تزيدها عليــــة ليش
- زين اتعـور اذا كتلونـي
: لا بس يدغدغوج ويرجعـوج لـ اهلج
دفعت أيـــدها وصعــدت متنرفــزة مالــي خلك احجـي دخلت للغرفــة ودخلت ورايــة
شـــكد حاولت أنام وماكدرت نايمة نُـص اليوم وعيني متاخـذ نوم
ضليـت أتگــلب تالـي أخير شي من شفت نوران نامـت طلعت التلفون جنت أسمع
صديقاتـي يحجون عن تطبيقات ينزلوهـا منهن جان الانســتا
أنسام مجانت تقبل احملـة بتلفونها جانت تتوقع يلهيني ومــدري شنو بس جــان بنفسي
وعمـري وحياتي مخليت شي
بنفسـي كُلشي جربتـه
بلعـت ريگي الشاشــة مفتوحــة كدامي انتظرة يحمل ظهـر إشعار على شاشة التلفون
رفعت التلفون كان من عنــدة الرقـم جان محفوظ عنـدي بأسـم السبــع
دخلت على الأشعار كاتب
: شكـو
ويمـها عشر علامات استفهام رجعت للسوق بلـي اباوع تحمـل مثل الزعاطيط مگــيفة
متناسيــة كُلشي حولـي مركــزة على إلي بأيدي اجاني إشعار ثانـي تأفأفت
شيريـد هذا
: شعنـدج كاعــده لهسـة
فتحت الرسالــة ومجاوبت رحت اسوي حساب بالانسـتا أريد استكشـف هذا
العالـم
رجـع دز
: أنهار وشرف خواتـي إذا تشوفيـن بعد
ومتجاوبيـن اگـسر الخرا الموبايل على راسج
تنرفزت من اسلوبــة رحت رأساً جاوبت
:: شعليك شعليك ؟؟؟؟؟؟؟؟؟؟.
وحطيت علامات سؤال هواي واخير شي نقطـة عود عصبيـة وهيج بللت شفتي اباوع ؏َ الشاشة
يكتـب
: انطمـي
فـار دمـي شلـون يحجـي وياي هيــج
صفنـت اريــد اجاوب ماحـس الى دك عليـــة من الخرعــة ماعرف شلون رديت
اجانـي صوتـه مبحوح مبـي جان نايـم
: الـو
بلعـت ريگ حجيـت بصوت خاف
- وجعـة هلي شتريــد
كــح بصوت عالـي وكال
: أنهار احجـي عدل لا حلگج افرگــه
مو أصغر زعاطيطج إني
وكفت متعصبـة ودمـي فايــر
: هسه شتريد ؟
: بنتـي عمرها تلاث سنوات
- أنـتَ متعــرف مداصدك القصــة مدتفوت رأسي ليش صار كُــل هذا هســه
وليـش على ساعــة طلعت أنـتَ الملاك البريئ الي راح تساعدنــا ؟
: أكيد مو بدون مقابــل
شديت على قبضــة ايدي ردودة تنـرفز بروده يحرگنـي لزمـت روحـي ما اجفص
:: مـثـل مـا أنـتَ اشترطت عليـــة فدشي وإني غصباً عني حوافق إني محقبل بس تأمنـلي
حمايــة
: لا والله شو أنـتِ ام الراهـي هنا
- أي والله عجبك ما عجبك تتوكـل أكو
الف واحــد غيرك
: اهااااا كتيلي الألف ؟
احجـي أنهار شنو شتريدين
: بيــت
ضحك بصوت عالـي
- شني شكايليلج عليــة زوج ؟
: لا حشاك عيني سيادتك بس إني هم
مو زوج ومن حقـي تأمنـلي مستقبلي ورة طلاقك اليــة مو إني حربـي بنوتك المحروسة
متخاف عليـــة بنية مطلقة عايشة وية إبن خالـها شيكولون عليــها العالم وأنـتَ أكيد تعرف
عمـي بهذا وضعي ميستقبلنـي مو تالـي مطلقــة
أسمع صوتـه يتحرك ماعــرف شيسـوي
اكو صوت ثانـي يمة صوت
بنيــة ميزتــه سمعتها تكول
: وين رايح
بس جان صوتـها غريب
غلســت انتـظر جوابة
: واختج أنسام شلون تقبلـها
:: هاي سالفتـها مو يمـي أنـتَ حلـها
يلا تصبـح على خيـر رايحـة أنام منرخصتـك
ماسمـعت جوابـة رأساً سديت الخـط رغم الي كلتـه بس بعدنـي أحس بخوف
رجعت اگلب بالتلفون سويت حساب التهيت بي افتر منـا واتعـلم هاي واشوف ذاك
تابعت كل المشاهير أباوع وفاتحـة حلگـي
غلبنـي النعاس وبدون ماحـس على روحـي غفيت والتلفـون بيدي فزيـت من النـوم
وحـدي بالغرفـة أباوع التلفــون ماكــو بگت طن هوى
أفتــر منـا وارجع منا ماضلت فكرة ما جتي بالـي تخيلت حتى أنسام تذبحنـي بس
تعرف خابرتـه
استوقفنـي صوت أنسام وراي وهي تكول
: دتدورين على هاي
وكـفت صوت نفسـي مسموع التفت عليــها أباوع على أيدها الي مرفوعـة
وجانت بيدها شالي ارتسمت بسمـة مزيفة على ثغـري
أحاول اخفـي خوفـي الي جان ظاهر واضح على ملامحـي تقدمـت وإني احس
دكات گــــلبي أنسام حتسمعهـم وأفضـح روحـي
هزيت رأسي بـ أي تقدمـت عليها اخذتهم من أيدها وهي ملامحـها طبيعيـة مو عصبيـة
حجيـت وإني أحس رجليـة بعد متشيلـني
من كـــد ما أكلــت هبطات
طلعـت دتبدل تروح لدوامـها اجتـي نوران تركـض عليـــة لزمتـها من چتفـها
أنهار : هيـو التلـفون شفتي وين
نوران - أي اي يمي
كعدت لكيتج عايفتـه ونايمـة سحبته ضميته
غمضت عيونـي سندن رأسي على چـتفها ارتاحيت
أنهار : جيبي بسرعـة قبل لتجي
خلي اضمـة ماكـدر اضمـة بصـدري خاف يلگفنـي بالمدرسة
سدت الباب وأحنا مثل الي مهرب مخدرات ضميتـه جوه الملابس ولفلفته
بالقميـص
نزلنـا من الـدرج علي واكف مغمض عيونـه تعبان يهلـك روحـة بالقرايـة
ومينام أنسام اليــوم مداومت بقـت بالبيت طلعـو لارا وميريام وياها
هي صعدت وعلي حيوصلو بطريقـهم لأن مدرسته على الطريـق بقى ميريام
واكف بصفنا ينتظـر الولـد الـي علساس سايـق الخـط
اجـتي سيارة نزل منـها الولـد يركـض يلهث
وكـف كدام ميريام تسالمـو
بس ميريام وجهه ثگــيل اول ما باوع اجتـي عينة ؏َ نوران
التفت عليــها جانت لازمتنـي من أيدي وتباوع عليـــة بصدمة حجيت بخفوت
: شبيج نونو ؟
- أنهار
: شننننــــو؟
- هذا الولــد نفسة الي
دعمنـي
توسعت عيوني بصدمة أحاول استوعب الي تكولة التفت بسرعـــة اباوع عليــة
وهــوه يحجـي ضرب على چتفـي ميريام دفعنـي ليكدام فززنـي من صفنتـي
توترت أباوع شسـوي أصيح أنسام لو نروح وياه لزمت أيدها قــوي
ومشيـت أجــر بيــها صعدنـا ليورة وهي حشرت روحــها بصفي
انهار - تعالـي بعددد ڪعدي
بحضني
فزت وهي عينـها على الولــد جان بعده يحجـي وية ميريام كالت
: شبيج أنهار گبــر خرعتيني
أنهار : اوي
دفعتها عني وهي كلشوي ترجـع عليه أخير شي من صعـد خنسنا اثنينا اول ما صعد تحمحم
عــدل المرايـــة خلاهــا علينــا عوجت حلكـي گـــلبي لعـب
طــول الطريق هدوء لحــدما ضربتنـي نوران بيدي
خفـيف
التفـت أباوع الهـا
: شنو ؟
نوران - أنهار اكو سيارة دتلحكنا
التفت اباوع ماكــو شي غريب وهي التفت وياي سيارات عاديـــة دتفــوت
بس هـي ضلــت توهوس انتبهه علينــا جانت عيونة متمركزة علينـا
بلعت ريگ وضربتها حجيت وإني أباوع عليـة
: ههه هاي أختي شويــة مخبلـة
مرة واحد غبي ضربها بالسيارة وگــعت على رأسها وتخبلت خطية
احجـي وامسح على رأسها وهوه نصــدم كام يكحكح عــرف دانبسمـرة
نزلنــا للمدرسة مجان أكو أي أثــر لا اله ولا للشخص الي كان لابس أسود
البارحـــة مشه اليــوم طبيعي
بالرجعــة جان هدوء نوران نايمــة على جتفـي واني أباوع بالجامـة على الطريـق
نزلنـا للبيت وضلت عيونــة تلحكــنا لحدمــا دخلنـا نزل الجنطة من جتفي شلتـها بيدي
دفرت الباب داحجـي تجمـدت من المنظـر الي كدامي أطرافـي خدرت دخلت نوران
وضلت ترمـش وصوت نفسـها مسموع لـي يمـي
أباوع الجنـطة وگعت من أيدي عيني صارت علـى أيـدي ترجــف شوكت رجفت ليش
محسيـت رفعت عيونـي عليها كاعــدة ولابسة العباية من شافتــنا دخلنا وكفت
: ها شلونجـن ماتجـن تسلمن
علـى امجن لو هاي يامن تعب يامن شقى يامن على الحاضر لكـه؟
ضحكت بصـوت عالـي باوعت على أنسام
كاعــدة ومكتفــة أيديها عيونها بالفـراغ حجيت بنبرة مستهزئـة أحاول اكتـم بيها
عصبيتـي
: أعتقد هذا المفروض تكولــة أنسام لو احنا
غلطانيـن ست كوثر ؟
کـــــوثر : لا يا بت الچلبة صاحبتج
اني وتكولين كوثر لو هي هاي الساقطـة ماعرفت تربيجن
تحجـي وتأشــر على أنسام وإنسام ؏َ كعدتها ماتحركـت
نتفضت نوران متعصــبة
: لتحجـين عليــها
ماحس الى تقدمـت بسرعـة بلمح البصـر سحبتـها منوراي ضربتها على حلگــها
ولسانها ماوكـف غلط وفشـار أنسام وكفت تباوع واني تقربت عليـها دفعت أيـــدها
قوي
أنسام : انهاررررر
التقت عيونـي بعيونها دنگت رأسها بسرعـة ودارت وجهه رجعت بصـري على البلوة الكدامي
أنهار : شتردين سنين عايفتنـة
والساقطـة ذيج لفتنـة وربتنـه يلا شتردين هسـة
جايــة لازم الگــرن مالتج شمرج ومحــد يلفيج ؟
راد تضربني لزمت أيـــدها قوي ونزلتها
خزرتـها وحجيـت
: لا أنسام ولا نوران إني ميوكـف بوجهي
ديـن تعرفين ليش ؟ لأن محاسبتـج أمي أصلاً أمي ذيج وينـها واكفـة هناك ولو تچنزنـي
ولو تسويني دوشگ مال گــتل ما أفتح حلگـي لكن أنـتِ
حجيت أخير كلمــه واني أشـر عليـها من فوك ليجوة بأستهزاء
:: أگســـــرها لـ أيدج واحطـها بحضنج
ضحكت وكالـت
: أي هوهَ هذا حـظ الكحا**
وسعت عيونـها أنسام ضحكت وعيونـها تلمـع بيها الدمعـة
: اني هيج تشبهينـي ؟
ماردت عليــها گلبـت عيونها وحجت
:: على العموم مجــاي علمودجن إني ابوجن من مـات عاف بيت الجن جنت مأجرته مستفادة
منـــه وهسـه ماريـــده بعـــد ولن اكعدن بي
حجت أنسام مستغربـة
: يا بيت هذا
طگـت بعلجها وكالـت
:: بيت عـمج بلأصل هوه لابوج ومن مات
كعـدو بي وكلشهر يدفعولـي إيجار
كالـت أنسام والغصـة الي بصوتـها شكت روحـي
:: إني جنت أدفع الإيجار الـج ؟
من جنت اخابرج واكلج يُـــمه كاتلنـي الجـوع وماكدر اصرف الفلوس علمــود الإيجار عليـج بداعــة ولــدج ماحـن گلـــبج مانگـــسر
عوجت حلگـــها وكالت
:: يبو شكـــد تحبين الدراما على العموم إني الي عنـــدي كلتـــه مع السلامـــة
بكُــل بساطــة طلعت وعافتنـا بحيرتنــه أنسام كعـدت بالگـــاع تشهگ نوران
ركضت شمرت جنطتـــها وراحت حضنتــها الشغلــة مدخلت رأسي كُــل هلسنيـن
ماطردتــه شمعنى إني من ردت بيت اجتـي وكالت هاجن
سويت الدرج خطوتين ركضــت قفلت الباب فتحت الكنتــور بسرعـــة بعثـرت الهدوم بالگــاع
طلعـــت التلفـــون ودكيـــت
عليـــة
أنســـام : سنيــن من عــمري وإني أركض واتعب اتذكــر حتى دراستـي ماجنت أهتم
الـــها لســة بالـي حجي المدرسات من يحجــون على مستــواي شكـــول الهــم نوران تمرضــت
وسهرت وياها لو انـــهار متعــرف تقــرة وخلصــت وقتـي اقريها
لو أركض ورا علـي أخاف لا يصيــر عليـــة شي جنت الفلوس الي أخذهـن احسبهن فلـس
فلـس أباوع للبنـات يلبسـون كُلشي وإني اللگــمة بحسرتـها أسوي روحـي ماكـلة
بشغل حتـى الأكــل يكفيهم جنت انطـي فلوس الـها
لخاطــر أعيش بيـت أبويــة مذلولــة
ضربـت على رجلــي قوي
وصحـت
: سَوالفهم تلچم بكلبي وحده ؏َ وحده .
أحس رجليــة بعد متشيلنـي أحســهم صارو خيــوط نوران تهــز بيــة وإني بعيني تنعــاد
المشاهـــد إلي عشت اسوء أنــواع الـــذل بيــها
رفعـت رأسي للسگــف سندت أيدي على القنفــة وگــفت سمعت صوت علـي وماكــدر
اخلـي يشوفنـي بهلحالـــة
كعــدت على القنفــة مرجعــة رأسي دخــل باوع على نوران بعــدها صارت عيونـــة
عليــــة تقـــدم بهدوء عكـــس ردة الفعــل إلي توقعتـها
شال جنطــة نوران من الگــاع من صار قريب عليها شمرها عليـــها وأشرلـــها برأسـة
لفـــوك نهضـت ومشت وهي عيونــها علينــا
كـــعد قريب من يمي حط رأسة على رجليــة وإني مــثل الجثــة لا احرك أيــد ولا رجــل
الموضوع مو هيـــن إني شفـت سنيني الطشرتهن جانـت تكدر تلمـهن بس يا حســافة
استكثرتهـن عليـــة
حسيــت بصــوت شهگــته گطعت روحـي
عدلت كعـدتي وكلت
أنسام : ليــــش ياروحـــي
ليـــش يـ عمــــر أنسام أنـتَ
لميـته الـ صدري وصار يبجـي مـــثل الطــفل نسيت حزنـي ونسيت روحــي
: شبيك يُــــمة علي لتخوف
گــــلبي
: أنسام أسئـلج سؤال
باوعت على وجـهه وعلى الدمعــة الواگــفة بعينـة هزيت رأسي بـ أي
علي الأكبر : تندمـتي لأن ضيعتي عمـرج عليــنا؟
ضحكـت ضربتـه بچتفــة
: ربحي بيكم وما يهمني الكون إذا بَعدكم خسرتَه .
فزيـت على صوت ثانـي من وراي
أنهار : گبـــر صخونة التصخنك يـ ثور بكــد الهايشة وتبجـي امداك أي واللّٰـه
كــام من يــمي وكال وهوه يصعـــد
: أنـتِ أسكتي
غمتــه وباوعتـلي وكالت
: ديــلا هســـة من يجـي ميريام كوليلة
حتى نــروح نعيش هنــاك
وكــفت على حيــلي لزمت رأسي أحس الدنيــا تفتر بيــة حجيت وإني ابسمرها
: أي وبدون راتــب مو صحيح
- اهــــو هســه شطلعت هاي طاحــظ
الحــظ المصخــم الــي مالكــه غيــري يطيــح حظة
غير شبعني گتل شسوي
صعــدت فوك بغرفــتي اليـــوم الصبــح كعدت لكيت رسالــة من أستاذ لهــيب كاتب بيها
لتجــين اليــوم توقعت بسبب الي سواه ميريام البارحـــة
باوعـــت علــى تلفونــي جانت يمكـن بالعشــر مكالمات من أستاذ لهيب
عضيــت شفتي خاف جانــت عايزة والتـمت
دكيت واني مستعــدة للرزالــة إلي راح أكلــها
نزيــت مخترعـــة من أجانـــي
صوتـــة يرعــد
: أنساممممم
- نن… نعـم أستاذ شنــو
حجــه بعصبيــة وأحس علــى ساعــة يطلعلي من التلفــون يذبحنـي
:: إني شنـــــــو عنـدي ويــاج ؟؟
حجيت مستغربــة
: شعنــدك وياي ؟
عاط
:: راد يحجـي شي وسكت شـوي
وسمعتـــة يتأفأف وراها استغفــر حجـه بهدوء ما قبل العاصفــة :
اني داسئلــج اني وياج شنو بيناتنا ؟
وسعــت عيونـي
: عزا استغفر الله أستاذ كُلشي مابينـا
- لخاطر ربج ليش دتستغفريـن
كايلــج نزعيلي
لطمــت على خــدي وشهـــگت
:: عزاااا أستاذ أنـتَ شلون تحجـي
هيــج كــلام بذيء
أسمــع صوت ضحكتـــه تـــرن بأذنــي
- أي عيني بذيء
چــــا أمج ماستحــت من تحجـي وتكـــول بينــا علاقـــة
رمشت بعيونـــة وعقلـــي ديحاول يستوعــب
الكـــلام الـي كالــه اليـــة
سكــتت صافنـــة على روحــي بالمرايـــة
فززنـي صوتة
- ويــن صفنتـي ؟
حجيــت بهـــدوء
: أستاذ إني أعتذر عن الـي صار إني ممسؤلـة
عنــة ومجــان إلي أي علـم بي
من باجـــر حقـــدم استقالـتي وبعــد محتشوف وجهـي أعتـــذر إذا سببتلك أحراجات
وية عائلتك مــع السلامــة
غلقـت الخــط بدون ماســمع جوابـــة وبـــدون أي ردة فعل حطيت رأسي علـى المخدة ساحبة
الغطـا علـى جسمـي
غمضــت عيونـي بتعب متجاهـلة صوت التلفـون الي يهـتز بسبب المكالمات أقل الـ ثواني
وعيونـي استسلمت للنـوم
فزيـت خايفـة حلمـت كابوس فتحت عيونـي أباوع يمين ويســار مجــان أكـو شي
أيــام طبيعيــة تمشي اعتيادي مثل عقارب الساعــة وهي تتحــرك زفرت نَفس أستاذ لهــيب
ماتصـل بعد بس بساعتها يمكـن بالعشرين مكالمــة من رجــع ميريام جانو وضعهم
غريب ومبهذل من سولفتلـه ماقتنـع ورفض بس بعــدين غير موقفة
أنهار تصرفاتها غريبـة وتلـح
بموضوع الزواج وإني رافضــة كلياً تجفص بالحجـي وكــلام فــارغ مالــه أي معنى
نــوران وخوفها الغريب وسؤالـها المتكرر
: أنسام إذا رحنا لغير مدرســة يبقى نفس السايق ؟
وجوابـي المعتـاد أي ونظراتها الخايفـة
علـي هدوئة غريب علاقته بـ أنهار المتوتـرة حتى على موضوعـها ماعلق وجان جوابـة
الوحيــد هي تعرف مصلحتها
رفعـت رأسي أباوع للوضع إلي إني بي واكـفة كدام البيت الي انظلمت بـي من اهلـه
طابتله وهسه إني صاحبتـه إني الجنت اخـدم بي هه سبحان اللّٰـه أقل الشهـر غير أحوال
أنگلبـت الآية ميريام مامقتنـع وميحجي وياي وجهه ثگيل غلست
دخلت انصدمت الأثاث كله متغير حتى الحايط صابغيـنة شنو شعجـب أباوع لـ أنهار
تبتسـم بـ رضى هزيت أيدي صعدت أنهار تصيح
: الغرفــة الچبيرة اليـــة
أول مكـان صار عيني عليــة المخزن رحت الــة وإني استذكـر كُــل حياتي الي عشتها
هنـا رفعت رأسي لليفوك أمنع دموعـي تنـزل لازم ادور شغـل مترهــم بعــد
ميريام كال يريد يطلـعهم علـي مقبــل يروح يكـول يريـد يدرس وأنهار ونوران ممصدكـات
سندت ظهري للحايــط أباوع على ميريام عينـة عليــة رفعلي حاجبـة
هزيت رأسي بـ لأ وابتسمت صعدت أبدل ملابسـي
لبسـت ملابس من أنهار مَــادري
ليش وهاي أول مــرة رغـم ضيگات عليـة بس حيل طلعــو حلوات
بـرزو جسمـي إني اصلي وملتزمـة بس ماعرف هلمرا الشيطان وزنـي
باوعتلـي أنهار مبتسمـة
: واوووووو شنوهذااا الكيك والحلويات
تكلك بس تعـال أكلنـي
ضحكت ضربتها على جتفها نزلنـا باوعلي ميريام ممقتنـع بس ماتدخـل هلمرا
صعدت ليكــدام وإني يمــة والبنات ورة
ميريام : أي وين تردن يحلوات ؟
وها قبـل لتحجيـن هاي الطلعـة عليــة من تستلمين راتب عود عزميني خوش
باوعتـله مبتسمة كـال حياخذهن للمطـعم ويشترون هدية لنوران عيدميلادها بعــد جم
يــوم طــول الطريق جنت أفكــر بـ يا تُــرى شنو حجت عليــة يمة
وصلـنا نزلن نوران وأنهار يمشــون سوة كدامــنا وإني ويـاه أحس العالــم كلها عيونـها
عليـــة لدرجــة حسيـت بية شـي أباوع لنظراتـهم مستغربـة التفت على ميريام سارح
ماعرف بـ شنو يفكـر
بس يفتـرن خبلنـي أخير شـي بدون مانتبه تيهتن افتـر وادور عليهن عيوني تتنقل من مكان
لمكـان أريــد ألمح طيف
الــهن
توقفت عيونـي عن الحركـة عيوني صارت عليــها البنية إلي إسمــها ودق الي جانت
موجَودة بيـت أستاذ لهــيب رجـعت خطوة ليورة بعــد ما شفته طلـع من المحل الي
هـي واكفة كدامــة
بلعت ريگ جان شايل علاليك أيدها حاوطت أيده سندت رأسها على أيده لأن متوصل
هوه أطول وأكبر منـها عيونـها تتجول مانتبهتلي بس صار إلي جنـت خايفـة منه
هوه وديباوع بـ الإرجاء عينـه لمحتنـي رجع باوع عليــه
فاتح عيونــة مصدوم باوعلـي ورجـــع نزل عينــه لجسمي يباوع على ملابسـي ميـل برأسة
خزرنـي رأساً البنية تسحب بيـة وهوه متجمـد يباوع عليــة
رجعت خطــوة ليورة أريد اندار التفت انضربـت برجال رفعـت رأسي اعتـذرت منــه
ضل صافـن بوجهي مجاوب عبرتـه أركض أريد أنزل أحس شوي وأعثر التفت وراي لكيتـه يتقدم بتجاهـي والبنية مبرطمـة
نزلت ليجوة بدرج صار بوجهي ميريام عفس وجهه
: وين صرتـي؟؟؟ وين البنات
باوعت وراي أستاذ لهــيب من لمحنـا سوة خزرنـي وتشخصنت عيونـة علية خازرة
شبيــه هذا مخبل سحبت ميريام الي لمح أستاذ لهــيب وسوه تعبير بوجهه كأنو
لعبانـة نفسة
كتمت ضحكتـي لا يذبحنـي
فزيت على إثر الصوت الي ورايـة
: متتحرگين نريد نفوت
باوعت عليـــة ساكته خايفـة نظراتـه تخوف أبتعدت عن طريقــة عاضة شفتـي
مَــادري ليش أخاف منـه
اجنـي نوران وأنهار طلعـنا بسرعـة وإني كُـل بالي يمـة السيارة شغلها ميريام
متشتـغل أعصابي تلفت تندمت لبست هيـج الرايح والجاي يباوع لعبت نفسـي من روحـي
وكـفت سيارة قريبـة علينا التفت جانت الدنيا غروب واني واكفـة يم ميريام ديفحص السيارة
مدتشتغل أبد
دك هورن فزيت نزل من السيارة رجف گـــلبي
لهيب : تعالي أنـتِ وخواتج إني
اوصلكـم
ميريام : شو أنـتَ تحجـي برهاوه
ولا چن اكـو طرن واكف هنا ؟
رفع حواجبة مستهزاء وحط ايدة بجيبة وكال
: لا حشاك عيني
بس شنو ماشفت بنت عمتك شلابسـة قبل لتطلعون عاجبك الرايح والجاي يعاين على
طـولها؟ إذا عاجبك فـ تعذرني أنـتَ ساعتها راح تكون طرن
تقربـت على ميريام باوعلي مصدوم
: عفيــة ميريام خليني أروح اللّٰـه يخليك
استغفر وفرگ وجهه حجه بغضب
: عاجبج حـلوه هسه من هيــج حجه عليـــة ؟
عضيت شفتي رحت للسيارة جريت جنطتي نزل البنات تقربت عليــة جان واكف
منتچـي على السيارة يباوع لكُـل تصرفاتي
: أعتذر عمـو حراح نتعبك ويانا
وسـع عيونــة مصدوم راد يسحبنـي عليــة بس شاف ميريام تراجـع أحسن هيـج
لازم نخلي حدود هوه فعلياً بكـد أمي شصيحلـه لعــد
صعدنا بالسيارة البنية سلمت علينــا أول مصعدنـا شـغل أغنيـة وسد الجامات لأن الهوة
صار بارد
:: كُـل ما اشوفة يدك گــلبي
و أتمنى لو يدري بحبـي بوسة منه تشفي جروحي
خلـبعدها أنسى جروحـي
ندستنـي أنهار بجتفي باوعـت الها أشرت برأسي
شكـو
قربت رأسها على أذني رفعـت عيوني اباوعله عيونه علينـا بالمراية
أنهار : حبيت الأغنية هذا أخو أستاذ هشام
عاشگ أحلف عليــة
أنسام : يمعوده متزوج وحتى يمكن مخلف
فتحت عيونـها
: عزا هو مبين عليه
بس مَــادري
گلبت عيوني استغفر الله متجوز هاي منو حط هاي الفكـــرة الغبيــه برأسها مـر على بيتهم
نزلت البنيـة وعيونـها المستغربة تبعتنا لحد ما اختفينا من تحت انظارها
وصلنـا لبيتنا نزلـو البنات دانزل وســـد الباب وقفلـها باوعت عليــــة فتح الجامـة كال
للبنات :
هسـه شوي وتجـي أنسام
حجاها بلطـف وحُـب وصعد الجامـه وخواتي الغبرات فاتـو كأنو الوضع طبيعي
أنسام : شنو نحجـي !!!!
لهيب - تعاي هنا حجاها وهوه يأشر على المقعد الي بصفة شغل جگارة وباوعلـي بالمراية
غمضت عيوني لازمـه أعصابـي
فتحتهم أباوع لنظراتـة الي مخترقتني خرق
أنسام : شلون أعبــر وأنـتَ الباب
قافلها
رفـع أكتافة بمعنى مَــادري
لهيب : طفــري
ردت احجـي صاح بصـوت عالـي نززني
: حلگــج لتفتحـي الى وأنـتِ هنا بصفي اذا فتحتي حلگـج ولغيتي وأنـتِ ورة أعرف شلون
اسدة بطريقتـي
دار وجهه على الجامــة بالعباس راح يخزينا العالـم هسه شتكـول عليـــة
صرت يمــة التفت عليـــة خازرني
ضليت مستمـرة أباوع وهوه ساكت عيونـة عليــة والجكارة بحلگـه
بعــد صمت دام ثوانـي قررت أنهي هاي المهزلـة
: عـمو
لهيب - لتصيحين عمو وتخبلينيييي
عطت بصوت عالي
أنسام : فگ ياااخة عني
أنت بكددد أبوي
ماحـس الى ضربنـي على حلگـي أيده طخت شفتـي من قوة ايدة أحس شفتـي خدرت
أباوع عليـــة مصدومــة
شلون يمــد أيده عليــه وهوه عيونــه على أيدة الي ضربنـي بيها يتلمس أصابيعة
ويباوع عليهن ممهتـم للي هوه سواه قبـل شوي
أنسام : أنـتَ على أي أساس تمد
إيدك عليـــة ؟
نز ڪانه انتبهه ؏َ الي سواه
لزم أيده قوي رمش بعيونة ممستوعب
ذب حَــسرة وڪال : مَــادري
أسف اسف
تعصبت من اسلوبـة المستفـز
أنسام : إني هذا الحجـي ميصرفلـي راح اكــول لـ عمو هشام ونشـوف شيصيـر
نزل الجامـه شمر الجگارة رجع باوع عليــة صفن بوجهـي وكال
لهيب : اكلج متكولين أسمي خلي اسمعــة
خاف متعرفين تنطقينه؟
أنسام :: أفتح البابببب أستاذ ترااا واللّٰـه
أصرخ والـم العالـم عليك
مسح وجـهه باوعلي وضحك كال
:: انزلـي أصلا الجـو صار حار
حيل حار
يحجيها ويجر بتيشيرت مالته خزرته رگـعت الباب قـوي اسمعـة يغلط بصوت عالي
دخلـت ركعت الباب سمعت صوت علـي يصيح ركضت بسرعـة دخلت عليهم
وگعت جنطتـي من أيدي وإني أشوف أنهار
واكفــة كدامـي وبيدها سچينـة
حاطتها على رگبـــــــتها
- أنا مو عريان وانفضهن نفض
وانهض ولا چَني
أنا التمن علية مشتتات البال
خَذن ثلثين حيلي وگبرن سني .
للراحل مظفر النواب
يتبــع ..
الحكـاية تستمـر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
حسابي انستا للتواصل 👇🏻
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!