#أنسام_اللهيب
بقلــمي أنا زيــنب خالــد
علقو بين الفقرات ؏َ ڪـــد متكدرون وصوتو للبارت ترا ميگهرب 😹😔! وتابعــو حسابي
واتبــــاد 💛.
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
أنـــهار :- سديت الخــط وية أنسام
بعد ما عرفت تحددت موعــد خطوبتها بقت المُهمه الأصعب تعال قنع هذا الشفيه
أروح للعقد
اندفرت الباب فزيت باوعت عليـــة دخل بارود أعصاب ميتحاجة حمدت ربي خوش قسمة قسمتي خفت أحجي ويلطمني ؏َ حلگي
ظليت ساكته تالي أجتي بالي فڪرة سحبت تلفوني دخلت ؏َ الحساب الثاني
رحت حملت برنامج زخرفة زخرفت السلام عليكم حطيت بيها الالف قلب وحركة
ودزيتها الـة ڪاعد ڪدامي يطحن جگاير ويباوعلي عيونة تريد تذبحني وإني أسوي
نفسي أطرش بزفة فتح تلفونة رفعت عيوني أشوف ردة فعلة
أبتسم بـ سخرية وباوعلي رافع حاجبة دنگت رأساً طلعلي ديكتب ظليت أكل بأصابيعي
ڪتب
- خير؟
لميت شفتي للداخل كتبت
- الي يصيبك عمري
توسعت عيونة بصدمة عگد حاجبة بعصبية عيونة صارت تجدح نار يمة إسم اللّٰـه
هذا رجلي مخبل
- امرأة اتعبها الزمن كتيلي ها
شمتعبج حبيبتي
ظليت صافنة أرمش ؏َ المحادثة شكد ساقط ومايستحي حبيبتي مرة وحده النذلل ردت أكتب ماحس الى أنسحب التلفون من
أيدي رگعه بالحايط فلشة تفلش
جرني من زندي حيل مقربني عليه عيونة ؏َ وجهي درت وجهي خايفة ماعندي جرأة
احط عيونة بعيونة
لزم فگي قوي عصرة بأيده
گز ؏َ سنونة وڪال
:- عينج بعيني أنهار لا اعميهن الج
باوعتله بـ تحدي
::- يلا شو اعميهن ؟
ماحس إلى ضربني راجدي قوي من قوتة أذني صوفرت أحس خدي خدر
غمضت عيوني بيأس زفرت نــفس فتحتهم أباوعلة
استجمعت ڪل قوتي دفعته حيل قوي
:- اللّٰـه ياخذك أن شاءلله
هز رأسة بـ توعد تقرب عليه حصرني بالحايط لزگ جسمة بجسمي أيدية محاوطاتني
أنهار :- شتررريييد وليييي وخررر
السبـع ::- هذا لسانچ راح اكصه يا بربوك
أنهار :- طم روحك يا عار
تفشر ؏َ مرتك عرضك اني
السبـع :- أي بربوك لوما بربوك ماتراسلين
من حسابات بت المطي هاي لو واحد غيري هم تكتبين عمري وحبيبي
أنهار ::- الاجلح المحترگ مصدك
نفسة كلتله عمري عابت لخلقتك وخرر جبح لهل وجهه
السبـع ::- مو راح أشگ حلكج يا عرمـة
أنهار :- مدري ؏َ شنو شايف روحك
ترا مكاتله روحي عليك أكدر اراسل غيرك بس گبر طمني لـ خلاني اجي واحجي وياك
أريد اشوف شتسوي يلا وخر خنگتني جنك بغل
رخت ملامحة وجهه بلع ريگه يباوعلي بخُبث
السبـع ::- وإذا موخرت شتسوين؟
دفعته قوي ماكو ثابت بمكانة ميتحرك
أنهار :- دوخرررر شتريييد منييي
طگها بضحكة بصوت عالي غمزلي وڪال
:- أريد حلگ
تقرب يريد يبوسني حطيت أيدي ؏َ شفايفة بسرعة أبعده عني تلاقت عيونة إلي تنظر إلي برغبة بعيوني إلي واضح عليها القرف
باس باطن أيده أبتعد عني ڪال
::- أحسج تحبيني
أنهار :- عساك لا حسيت أن شاءلله
باوعلي يتصنع البراءة بوجهه ڪال
السبـع ::- شلون اخليج تحبيني؟
أنهار :- مستحيلة
السبـع ::- لا شلون شلون
باوعتلـة بتحدي متأكدة محيكــدر يسويها
أنهار ::- أصعد للسما نزلي النجوم ؏َ صدري وبدربك أسئل القمر شلون تزين صدري
بـنجوم
حجيتها أضحك بأستهزاء رفعت رأسي الـة لكيته يباوعلي بـجدية زفر نفس بقلة حيلـــة
هز رأسة أدري بـي ميكدر يسويها
طلع من الغرفة ورگع الباب باوعت ؏َ تلفوني المگسور ڪعدت ڪدامة
أنهار ::- يمة سودة علية حبيبي راح
الجان معيش العشيرة راح الغالي أبو الطيبة عساها برجلي السگط ولا بيك يا ضي عيوني
خلصت اليوم بين الشغل والدراسة تندمت ليش چفصت بمصارينة هسه شلون
اطلب يأخذني للحفلة ظليت الوب وصبا مانحجي إني وياها من يوم جية زهور
للبيت
هي تتجنبي وإني اتجنبها أنفتحت الباب دخـل يفرگ عيونــة رفعت عيوني للساعـة جانت
بـ ١٢:٣٠ بليل هزيت بأيدي بعدوكت لو مخليها ؏َ باجــر
سحبني من معصم أيدي سحبني وگفني ڪدام التسريحة وكف وراي ردت
التفت ثبتني بمكاني حط رأسة برگبتي سحب نفس وڪال
:- ڪتيلي أصعد للسما نزلي النجوم ؏َ صدري وبدربك أسئل القمر شلون تزين صدري
بـنجوم مو صحيح
گزبر جلدي من حركـة هزيت رأسي بـ أي طبع قبلة رقيقة ؏َ نحري أبتعد فتح علاگه
طلــع من گلاده ذهب بيها نجوم تصميمها ڪُلش حلو لبسنياها وأيده تتجول ؏َ أنحاء
رقبتي بكل حركـة يسويها يذب حــسرة
رجع سحبني مگعدني ؏َ السرير سحب رجلي حطها ؏َ رگبه صافنة عليــة عيوني تتجول
؏َ ملامحـة التعبانة فتحه علبة صغيرة طلع منها حجل ذهب بي نجـوم لبسنياه
مسح ؏َ رجلية بهدوء رفع رأسة اليـة ڪال بخدر
:- نزلت النجـوم ؏َ صدرج وبرجلج
أعتذر ؏َ السويته اليـوم موقصدي تعبان وطلعتي بوجهي
سحبت رجلي أباوعلة مصدومة حجيت بعدم تصديق
أنهار ::- أنـتَ عُثمان لو مبدليك؟
غمض عيونة أبتسم ؏َ صامت تحرك من ڪدامي نزع ملابسة ممهتم لوجودي درت
وجهي أباوع ؏َ الگلاده الي مزينة رگبتي شكد شكلها حلو اتلمسها بأيده
شعور حلو غميت روحـي شكد زوج انضحك عليه بسرعة اتداركت نفسي أحاول
اخفي سعادتي حتى لا عبالة لنت وياه ويحصلني بسهوله
باوعتله بس بالبجامة بدون قميص شمر ࢪوحـة چفي ؏َ المخدة تلمس بأيده الخشنة
ملامحـة بنته إلي نايمة بُعمق بصفة
أنهار ::- باردة لتبرد وتتمرض
السبـع :- بسلا تطلعين تخافين عليه
حجاها وهو عيونة ؏َ بنته ممنطيني أي إهتمام
أنهار ::- عُثمان
رفع عينـة الية
:- هااا
سحبت الغطة تغطيت الجو صار حيل بارد وهو مامتهم صوت قطرات صار ؏َ شباگ
دليل ؏َ سقوط المطر أبتسمت
أنهار ::- ڪامت تمطر أحب المطر
السبـع :- ماحب المطر
رفع حاجبلي الـة بأستنكار
:- أكو إنسان عاقل ميحب المُطر والغيوم
باوعلي صفن عليـة عدل ڪعدتة أردف بهدوء
عُثمـان ::- أنـتِ الغيمة الوحيدة
إلي من مطرت عليــة ماضجت
باوعتله بأستغراب
:- شنو مفهمت شقصدك
هز رأسة بـ لا مدري شبي اليـوم ؏َ غير عادته ضم رأسة بين أيده ضليت صافنة
عليـة الغرفة هدوء ماينسمع بس صوت المطر
ڪال بغصة
عُثمان ::- نـهري عادي أنام بحضنج
رمشت بعيوني بعدم أستيعاب شنو نهري شنو ينام بحضني فتحت عيني بصدمة
من رفع رأسة وعيونة حُــمر دم والدموع متجمعة بعينة
بدون وعي مني متناسية وضعنا ومنو هو ومنو إني فتحت ادية الــة شعور غريب
رجال طول بعرض نايم بحضني تعبان ضام رأسة بصدري
أول مرة اشوفة بهلضعف حاضني قوي ضاغط ؏َ خصري بأيده
أنهار :- شبيك عُثمان
عُثمان ::- گتلته إني اليوم گتلته
هيج يوم دم أبوي طاح بالگاع جانت تمطر دمة نمسح من أيدي راح آخر أثر منه
يحجي والغصة واضحة بصوتة جنت ڪل حياتي اتوقع ماكو رجال يبجي أو ينهار
وخصوصاً عثمان أشوفة كُلش قوي ويتحمل هواي بس مشاعري تلخبطت وإني لامته لـ صدري أحمي من مخاوفة وگابوسة إلي ينعاد
ضلينا ؏َ هلحالـة لحد ما ثگل نفسة عرفت نـام أباوع ؏َ ملامحـة حرگت أيدي ؏َ رموشة
أنهار :- لو تدري إني حتى ثوم
حطيت لرموشي علمود يطولن وأنـتَ من اللّٰـه عندك
انفتحت الباب خفيف دخلت جدته باوعتله أبتسمت ڪالت
:- جنت خايفة عليـه اليوم بس
الظاهر لگه حظن يلمـة من هوسة سنينه
رديتلها الإبتسامة طلعت وسدت الباب رأسي ؏َ تاج الجرباية وهو نايم ؏َ صدري
ماكدر اتحرك لو أنام ظليت ؏َ هلحال ڪل ما اغفى يوگع رأسي وافز
لحدما حسيت بي فز ؏َ حرگتي باس رأسي
سحبني لمني لحضنة مغطي روحة ومغطيني ضميت رأسي برگبته أستشعر دفوها
غمضت عيوني بتعب مستسلمة للنوم
فتحت عيوني ؏َ صوت طرقات ؏َ الباب خفيفة أحس بثگل ؏َ بطني وحرارة برگبتي
أفتح عيني واغمضها من النعاس رفعت رأسي شفته محاوطني بأيده وضام رأسة برگبتي
شفت الساعــة بـستة الصبح استغفرالله
أنهار ::- عُثمان گوم خلي اشوف
منو ؏َ الباب
أحجي وأدفع بي وهو نايم داخل بسُبات عميق تأفافت حاولت أبعده مايتزحزح
گرصني من خصري قوي
حجه وبحة النوم واضحة بصوتة
السبـع :- لتحوصين لا أگوملج
أنهار ::- الباب
السبـع :- ** أمها
حجاها وطفر فتح الباب غمضت عيوني لثواني أسمعة يحجي ماعرف وية منو
اخير شي قفلها ورجع شمر روحة نايم
طارت النومــة من عيني غطيته ردت أگوم چلب بمعصم أيدي قوي
:- وين ولج
أنهار ::- دوام عثمان شبيك
گلب عيونة بملل دفن رأسة بالمخدة نهضت نزلت غسلت وجهي لبسن ملابسي وهو
بعـده نايم
ردت أطلع فززني صوتة
:- يواشيج أنه اوصلج انتظري
حطيت أيدي ؏َ گــلبي
أنهار ::- يمة أنـتَ مو نايم شمگعدك
رفع أكتافة بمعنى ماعرف غلست نزلنا سوة محد ڪاعد بس حليمة مرت عمه وتباوع وتخوزر
الطريق هدوء ماحجه ولاشي ساكت فكرت احجي وياه بخصوص الموضوع
:- احم احم
باوعلي رافع حاجبة
السبـع ::- خير أن شاءلله
أنهار :- أنسام نخطبت
داس بريك قوي لدرجة رأسي انرگع بالجامه لزمت گصتي افرگ بيها
:- شبيك يمعود تفلش رأسي
السبـع ::- شني هاي شوكت
هاي هي مو يم خوالها
أنهار :- صارت بعد هسه شسمة ..
ردت احجي قاطعني
السبـع ::- منو خطبها؟
أنهار :- لهيب مديرها بشغل
عفس وجهه بقرف
::- مينبلع هذا الرجال
أنهار :- مثلك بضبط
::- جسمج يحگج من الصبح تردين تنگتلين؟
عوجت حلگـــي سكتت حتى ماجفص بمصارينة ونتعارك وتگب للضالين
أنهار :- هسه شنو توديني للخطوبة؟
هز رأسة بـ أي شرگت حلگي من الطول للطول نزلت من السيارة طبگت الباب قوي
دوامي اعتيادي عادي مابي شي مميز لكن إلي لفت نظري صابرين
صديقة نوران تحوم وراي وعيونها تدور أنصدمت من أجيت وية عثمان
تجاهلتها ماحسيته شي مُهم كُلش العصر ڪال عثمان يأخذني نشتري فستان ڪلها
مقبلت أشتري أسود ويصيحن تفگرين رجلج وأنتِ عروس ولابسة أسود انوب متخلفين
حجيت بعصبية
أنهار ::- هيجي يحجن عليه هسه شدخل
الأسود بالخلفة يربييي
باوعلي برود نفخ دخان الجگارة وڪال
:- دخلي ڪلامهن منا وطلعي منا
شنو عاجبج شسوي شتردين تشترين أشتري بس أني ؏َ نفسي أشوف ميصير كلچن تبلسن أسود وخطوبة البنية وحده بيجن تگسر
سحب نفس عميق وأردف مكمل
:- البسي بس بالحلفة مو إلى تذبي
الأسود ميرجع الميت لو يرجعة جان تلگين هسه ڪلنا لابسين أسود لهاي اللحظة
أستمع لكلماته لكُل ترگيز وأوكـل ليالي إلي ڪاعده ڪدامي رفعت رأسي الـة أعرف هسه
لو اتوسل بي يمكن ميقبل بس خلحاول
أنهار :- خلي أخذ ليالي وياي
عفية عثمان
خزرني بحده
:- انلصمي تروح تضيع بين النسوان
أنهار ::- لا والله مانزلها من أيدي
عفيييييية اللّٰـه يخليك
ليالي :- سنو مامي سنو وين نلوح
السبـع ::- مترحين لمكان تنچبين
وتكعدين بمكانج
باوعتله عيونها دمعت تفر بشعرها بأيدها
:- ماهبك بعد
السبـع ::- لتحبيني مميت عليج
استهضمت من حچايته گامت تبجي بصوت عالي هو نصدم متوقع حتكون ردة فعلها هيجـي
عاف الشغل وگف يسكت بيها بس هي محيلة مقبلت تسكت الى يقبل تروح وياي
واكفـة ڪدام المراية أعدل بالمكياج أحس تندمت لأن أخذت أحمر بس يلا بعد مابيها رجعة
افتريت اباوع لروحي عضيت شفتي
أنهار :- عزا بعيني صدُك لا لازم انزع
انفتحت الباب دخل مدنگ ميدري شكو حجو بدون ميرفع عيونة
:- شتنزعين
رفع عينة اليــة أنصدم بمظهري رمش بعيونة مرات متتالية واني أبتسمت
أنهار :- حلو؟
السبـع ::- أكلي تبن متروحين
هيج مگرن انه اطلعج محمرة وملطخه
أنهار :- أوي دكول طالعة حلوة ومتكدر
تتقبل الموضوع تغار مني
عيونة مانزلهن مني ثابت بمكانـة يرمقني بنظرات غريبة ڪال بهدوء مُخيف
:- ليالي وين ؟
أنهار ::- يم خليل
حجيتها وإني أرسم الحُمرة ؏َ ثغري تحت عيونة إلي مخترقتني ذب حَــسرة وڪال
:- أنهار من ڪل عقلج ترديني اخليج
تطلعين هيج؟
وكفت تخوصرت أحجي بـ جدية
أنهار ::- أي وذا شنو المانع أنـتَ ماتحبني
هاي الغيرة شيسمونها !!!؟
فرگ وجهه قوي ملامحـة معصبة يحاول يخفيها حجه بعصبية ڪاتمها
:- وذا ماحبج؟ مايمنع أنو أنـتِ عرضي
لو هاي هيج إني ماعندي غيره بنظرج
گلبت عيوني بملل
:- اهوووو شبيك هسه شلون يعني شسوي
السبـع ::- مثل الحبابة تلبسين حجاب وعباية
وتمسحين هذا الخرا إلي ؏َ وجهج
واوديج
فتحت عيوني مصدومة أشر ؏َ وجهي
:- هذا تسمي خرا ؟؟؟
عاط بية خنسني خنس
::- دفضييييهاااا عااااددددد
عوجت حلگـــي هذا مخبل هسه يسويها ويعوفني مياخذني لبست عباية
وخففت المكياج مامسحته شلت ليالي بأيدي
ونزلت ؏َ درج صارت ڪدام عيني زهور ڪاعدة هاي شنو ماعدها بيت ڪل يوم هنا
من شافتني باوعتلي من فوگ ليجوة بأشمئزاز
نزل عُثمان بسرعــة خطف نظرة عليها هز أيده
السبـع :- ابقي هنا
لتطلعين أحاجي الحجية بسالفة واجي
زفرت نــفس وهزيت برأسي وكفت انتظرة وكفت هيَ تقدمت فتحت أيدها لبتها تريدها
تروح الها
زهور ::- تعالي ياروحــي
ممشتاقة لماما ؟
گشولت وجهه ليالي
:- ايع عمو كليل يكولي أنـتِ ايع
خزرتها رأساً ورفعت أيدها ضربتها راشدي خلت البنية تفرفرح شطت لله عطت بيها
أنهار ::- أنـتِ شلوننن تمديييين أيدج عليهاا
أيا حيوانة
زهور :- نجبـي أنـتِ ومعليج إني
وبنتي اربيها مامترباية طبعاً ڪاعدة لحضن وحده أخوها يتعاطى
جحظت عيوني أباوعلها وأرمش بعيني ممستوعبة نزلت ليالي من أيدي وهي تناشغ
من البجي ماصرت أشوف شي ڪدامي بس طيف علي وهو يتلوع ڪل حياته بسبب مرضة
واخير لحظة الـة وهو نايم ؏َ فراشة
لزمتها من شعرها قوي اعت بيها لزمت رأسها وضربته بالحايط عاطت بصوت
هزت أركان البيت
دفرتها بالگاع ڪعدت فوگاها خانگتها عيونة تعاين عليها برود ؏َ عكس روحـي إلي
احترگت حرگ بسبب ڪلامها
خنگتها بأيد وحده ورفعت الثانية إلها
أنهار :- خلي أسمعج جايبة طارية بعد بهاي
شايفتها
أحجي وأرفع بأيدي حتى تشوفها
اردفت بحرگــة
:- بهاي اخليج تتمنين
الموت ومتشوفينه تفتهمين شنو
يعني تتمنين الموت؟؟؟؟
أنسحبت من فوگاها شالني بيد وحده دفعني ؏َ الدرج انضربت بالمحجر
أحس ظهري أنقسم نصين توجعت عضيت شفتي هو من شاف ردة فعلي هيج خاف
وبينت ملامح الخوف ؏َ محياه
رفعت عيني الـة خازرته الحيوان الحقير حاقدة عليه بگد شعر رأسي ماكو غيرة
سولف الها وخلاها تحجي هيج
السبـع :- امشييي اطلع
برة بيتي بسرعــة
فتحت عيونها بصدمة ممتوقعة حيوڪف ضدها
نهضت تفرگ برگبتها
:- صدوك تحجي عثمان تطردني
علمود أخت السگير هاي وتخليها تربي بتنا ؟
التزمت الصمت ماحجيت صارت مشاده بيناتهم أنسحبت بهدوء بدون ميلاحظون
شفت الچدر الي طابخين بي رودينا أبتسمت بقهر الى اسويج ثريد
رودينا تموت وأنت بت النگس عايشة
شلت الچدر وهو شگبرة ثگيل أمشي وشايلته بدون ماشوف رگضت أريد اضربها
رفعت الچدر وضربت بي وإني مغمضة عيوني ماسمع بس صوت عثمان يتوجع
:- بت الحيوااااننن
عضيت شفتي لكيتها واكفـة ؏َ جهه تباوع بصدمة واني متلفلة بالعباية
فزيت ؏َ صوتي صرخة خليل
:- اخوييييي
أبتعد والچدر فوگ عثمان إلي لازم رأسة دينزل خليل من الدرج وعثر اتدعبل وگع فوگ عثمان
ڪل هذا واني واكفـة احس نار گـــلبي مبردت أريد اذبحة هو وياها بالسچينة
دفرة وكف خزرني مهتميت لزم زهور
من أيدها شمرها برة البيت وأختها طلعت تغلط وتفشر عليــة
خليل ڪام يدور بعيونة
:- منووووو ضربكككككك ولككك
عضيدي
ماحس إلى صلخة بدفرة ؏َ بخاصرته خلاه يشوط لله باوعت لـ ليالي خانسة
تأكل باظافيرها من الخوف
ذبيت حَـــسرة ردت احاجيها عاط عثمان
:- بسرعة للسيارة إذا مالگيتج
بالسيارة احطج وأكتلج
حجيت بخفوت بدون ميسمعنى
::- تخسى
شلت ليالي وطلعت وراه ڪاعد بسيارة مبين معصب وإني دمي فاير احس روحــي
جاي تنسحن مَــادري شلون بچيت وجعني گـــلبي هضمتني بحجايتها هاي
السبـع :- وهرش شكو تبجين
أنهار ::- لو تسكت أحسن
لأن صوتك يگلب معدتي
السبـع :- ليش تخليني أصف السيارة هنا
وانزل اشگج شگ
أنهار ::- أي حتى تحس روحك
رجال عاذرتك ماعندك
غير أساليب تحسسك بيها أنو أنت رجال
طگها بضحكة وهو محترگ دمة ومم العصبية يسوق بسرعـة
:- أكو هواي طرق اراويج
بيها إني رجال مو مستخطيج
تموتين جواي
أنهار ::- يلا أنجب
داس بريگ قوي ولطمني ؏َ حلگي جرني من العباية ڪال بصوت عالي يصيح
محترگ دمة
:- منو ينجب بت القنادررررر منووووو
حجيت برود إني وداعلج جان عندي علچ طلعته
اول مصعدته حطيته بحلگي
:- أنـتَ تنجب
باوعتله بعدم مُبالاة هدني قوي دفعني ؏َ جامة نضرب رأسي قوي ڪل هذا
وليالي ڪاعدة بحضني تباوع بتلفون أفلام ڪارتون ممهتمه تربية خليل بعــد
الضربة قوية حسيت بطعم دم بشفايفي
توجعت باوعلي وهو خازرني
:- هاي الرعونية بطليها هاي مو قوة
يسموها هاي صلافة
أنهار :- ما ڪتلك إني قوية
ولا يهمني أڪون قوية أوكي إني صلفة
بس أشكالك لازم نتعامل وياهم بصلافة
درت وجهي عليــه وهو ديسوق مركز بالطريق أيدي ؏َ شفايفي أمسح بيهم بالكلينس
حجيت بجدية
:- الفقير ميعيش بوگتنا
الفقير يدوسو ويعبرون من
فوكاه ويندفن حقه
ماعندي استعداد يندفن حقي
السبـع ::- السفن تمشي بگيف الرياح
حجاها وضحك بأستهزاء
أنهار ::- والله وعزة وجلالة
اغرگ السفن وأغرككم ولا ارضى بشي ميعجبني
هز رأسة ممقتنع بـڪلامي سكت عني
لا هو حجه بعد ولا اني بس ضليت شايلة بگلبـي حتى ماسئلت إذا هو حجه إلها
لو لا لأن أصلا منو ممكن غيره يسويها !
وصلنا متأخرين جانت مبلشة الحفلة جان كُلشي حلو حنى أنسام جانت أية من الجمال
بس خوفها الزايد وتوترها يخلي المقابيل يشگ
واكفـة ڪدامهم أباوع عليــة شلون يباوعلها عيونة أكلتها أكل رفع عينه بالغلط صارت
بعيني ضحكت بصوت عالي رفعلي حاجبة بمعنى شكو؟
هزيت رأسي بـ ولاشي تقربت من ودق جانت تصورهم وعيونها مدمعة
أنهار ::- ها حجية زوجتي ابوج شو تبجين
مسحت دموعها باوعتلي ڪالت
:- شعور حلو تشوفين أنسان تعب عليج
ورباج دعواته تُستجاب
عفست وجهي بأستغراب
:- دعواته ؟ مدافتهم ؟
بلعت ريگها صارت عيونها عليهم ڪالت
ودق ::- جان الدُعاء مثل الفرض
بكُل صلاة يطلبها
لمت شفايفها للداخل أردفت بحَـــسرة
:- الأقدار جانت تختلف
ڪل شخص جان نصيبة بعيد ڪُل البعد
عن الثاني
والدُعاء غير أحداث الرواية
دنگت رأسها وراحت قريبة عليهم باوعت الية ليالي بأستفهام وهي بحضني
:- مامي هاي شدتحجي
أنهار ::- شمدريني يُمة ذولة ڪل حجيهم
الألغاز محسسيني
ڪاعدة بفلم أجنبي غموض وتعال يعمي افتهم
تقربت عليـــة بنية حليوة باوعت ليالي
ندى ::- فدوة گـــلبي بنيتج هاي؟
أنهار :- أي بنيتي
باوعتلها مبتسمة بوستها وهي تحط أيدها ؏َ عيونها عود خجلانه
ندى ::- تعاي وكليها خطية خاف جاعت
أنهار :- لا عُــــمري تسلمين
بس أختي نوران وينها ماشفتها
باوعت بين الحضور مستغربة
:- يا دهر انه هم ماشفتها وين
راحت الفريخة شوفيها خاف بغرفتها فوگ
هزيت رأسي صعــدت بخطوات بطيئة ألعب ليالي رحت ؏َ الغرفة الي وصفتها اليــة فتحت الباب
خدرت أطرافي ماحس
جمد الدم بعروگي الرجفة إلي صارت بجسمي بحيث ماكدرت الزم ليالي رادت تطيح من أيدي
من شافت المنظر ضمت رأسها بصدري طحت بالگاع
حاضنة ليالي بكُل قوتي صحت بصوت حسيت حنجرتي تجرحت بسببة
:- ولك يمــــة عليييييييي الحكنيييييي
غَمضت عيني أدعي بلكت بلكت يطلع حلم الدموع مَــادري شوكت بجيت ماتذكر
بس فتحت عيوني أنسام جاحظة عيونها تباوع گحلتها سايحة فاتحة عيونها
جسمها يختض متكــدر تمشي زحفت إلها زحف تهز بيها
:- كومـي كومـي شوفي شسويت
علمودج ڪـومي اللّٰـه يخليج لا تعوفيني ليش مو إني سويت هيج علمود لتعوفيني ليش
هيجي نوران
اندفعت قوي شالها لهيب بأيده بسرعة نزل يركض بيها حط فوكاها غطه ساترها وانسام تريد
تركض وراه متكدر
حالتي مو أحسن من حالتها روحي تفرفرح
وليالي إلي تشاهگ بحضني
أريد انهض ماعندي حيل صعدي رجال يباوع ؏َ الوضع بصدمة من لمحني
دنگ رأسة بسرعة
رفعت رأسي للسگف
:- بس الحيل أريد الحيل ربي
اريد أسند أختي راح تموت
سحبت رأس ليالي من حضني
حجيت وصوتي يرجف
:- ليلي مامي روحي يم خالة ودق شوي بس أبدل لتخافين إني يمج ماعوفج
برطمت شفايفها بخوف شالتها ودق تباوعلي بحزن
:- مامقسوملجن الفرح
عضيت شفتي رجلية رجفتهن مو طبيعي ماكدر
امشي بالالف ياعلي وصلت لـ أنسام
إلي بعالم ثاني يضربون بيها وهي فاصلة
أنهار :- ڪومي يلا ڪومي بدلي
نروح وياهم ڪومي نزعي ملابسج هاي
مجان أكو أي استجابة منها طلعن برة نزعتها لبستها ملابس والحجاب أكثر من مرة
جرحت رگبتها بالدنبوس لأن أيدية ماكدر أسيطر عليهن وهي مثل الدُمية
أحرگها بڪيفي
لبست ؏َ السريع سحبتها من أيدها صارت ودق والبنية الي جانت تحجي وياي
جوه
ندى :- اطلعي حبيبه عمي محمد
بعده جوه لحگن عليه قبل لا يطلع
سحبتها ودق ويانا نزلت لكيناها رايح أنسام ممستوعبة شي طلعت برة زلم هواي
متجمعة لمحت اصهب ركضت بسسرعة عليه ودق أشرتله
خزرنه هو عاط
:- خرب روحجن شتسونننن هنا امشنن جوه
أنهار ::- لا تخليني أطلع ضيم
گـــلبي بيك شوف حالنا أخذني للمستشفى بسرعة
ضرب السيارة برجلة قوي
أصهب :- افوتجن هيج بهاي شگولجن
شگايليلج عليه دثو ترا الكدامج رجال شلون اقبلها ؏َ عرضي ؟ تفوت بنص الزلم محمرة
أنهار ::- رجال ؏َ روحك تأخذني
لو أجر تاگسي فضهااا عاد
ڪام يستغفر من شافني من صدُك
راح اروح لتأكسي أخذني طول الطريق لازمة أيد أنسام وهي صافنة ماكو أي ردة فعل
وصلنا نزلت بسرعة أركض مثل المخبلة
ودق خطية ابتلت بليالي شايلتها وتركض ورانا اصهب يمشي ڪدامنا
وصلت شفت لهيب واكف وزلم ثنين واكفين وياه واحد بيهم رفع رأسة من لمحنا خزرنا
عاط بأصهب
:- يا ** يا ** يا عرض السگط
شكوووو جايبهن ليششش تگفرني هناااا هسه
::- ڪافي أحمدددد ڪافييي
فرگ وجه يستغفر ڪعدت أنسام ؏َ الكرسي گلبها يدگ بشكل يخوف لا تبجي ولا أكو
ردة فعل
تقدم لهيب ڪعد ڪدامها وهي فاصلة
:- بهداي ؏َ گــلبچ أبويــة أنـتِ
ماردت عليه تهز برجليها صافنة ؏َ الحيطان
حط أيده ؏َ وجهه ضربها
خفيف مانطت ردة فعل
ميل رأسة يحجي بهدوء بس إني اسمعة
لأن قريبة عليها
::- ليش هيچي گليبچ يدگ سريع لتخافين ماك..
قاطعت ڪلامة وحجت وأخيراً
أنسام ::- گصايب گاولــية بليل
مايرگد نبض گــــلبي
صفن بعيونها حجتها بحرگه وبعدها تخربطت عيونها اختفى الون الأسود بيهن ضل بس البياض
صارت ترافس تريد تجر النفس متگدر
يريد يلزمها لهيب ميكدر تخبل وهي تحاول تسحب النَــفس فقدت الوعي متحس بشي
شالها مثل المخبل يركض بيها اختفى من ڪدام عيني بقت بس ودق يمي
وأصهب
رجعت رأسي ساندته ؏َ الحايط أشهگ بدون دموع
روحـي فرفرحـت مَــادري شسوي
ودق تباوعلي بقلق
نزلت ليالي من حَضنها صعدت بـ أيدها الناعمة مسحت دموعي إلي غلبتني
لميتها لحضني حاضنتها قوي أبجي بحرگة روحي مفرفرحة ؏َ إخواني
أنهار ::- ينعااااد الوگتتتت لو ينعاددد
اعيددده يُمه جنت متبطرة ؏َ عيشتي بس خليرجع الوكتتتت اتحمللل الضرب والله
اتحملللهه رجعوليييي علييييي
شهگت دك تلفوني باوعت ؏َ شاشة مگسورة يادوب يشتغل حتى ميسمع زين ودق واكفــة يمي تباوع عليه شفت رقمة مسحت دموعي
سحبت نَــفس
السبـع ::- ها ام حلگ بتي وين
أنهار :- تعال أخذها تبهذلت
مارجع إني
السبـع ::- شكو شبي صوتج باجية؟
شبيها ليالي بيها شي أنـتِ صارلج شي ؟
لتخبليني الغي لا اجي اشكج شك
أنهار :- نوران نوران بالمستشفى
اللّٰـه يخليك تعال
ماسمعت جوابــة قفل الخط ظليت منيمة ليالي ؏َ رجلي لحد ما غفت شلتها
خليتها بحضن ودق توجهت ؏َ الغرفة الي بيها أنسام
لكيته ڪاعد ڪدامها يباوع إلها رفع رأسة اليــة
أنهار ::- شبيها؟
لهـيب :- ماعرف تخربطت
لسة مكعدت
بُمجرد ماحجاها فتحت عيونها تهمس بصوت
ضعيف
:- مي عطشانة
ڪاملها بسرعة جاب المي يشربها تنفست براحــة أنفتحت الباب بسرعــة
دخل اصهب باوعلي فتح عيونة خازرني
أصهب ::- گلبت المستشفى ؏َ رأسج
عبالي صاير بيج شي
نزلت عيوني تعبانة بعد ماكو حيل عندي هاي هي خلصت طاقتي أحس النفس
صار يخنگني
دفعت أصهب وطلعت اتمشى أريد أسحب نفس أحس بروحي جاي اصارع حتى
أتنفس
لزمت الحايط امشي مستنده عليه
أصوات هواي دكاترة وناس مرضى وحده مات مدري منو عدها ڪاعد تصرخ
وصلت يم ليالي شفته ڪاعد ڪدامهم
عگدت حاجبي شبسرعة وصل مصارلي ساعة من دگيت بلعت ريگي
دار وجهه لمحني وكف بسرعة بمُجرد مابعدت أيدي من الحايط ردت أطيح
مَــادري شلون وشبسرعة صار يمي لازمني ماوگع
چلبت بأيده قوي
حجيت بغصة
:- لتهدني عُثمان أطيح
السبـع ::- ماهدچ وأن هديتچ
نطيح سوة مو وحدج
سحبني من ايدي ڪعدني وكعد يمي لزم رأسي حطه ؏َ ڪتفة أحس بالقرف
كارهته
أنهار :- اني اكرهك كره الموت
وماحبك لكن بس يمك احس بالأمان
واكرهه روحي واكرهك
ذب حَــسرة طلع جكارة يدخنها ڪال
:- مرات الدنيـا تعيشنا شغلات إحنا منريد نعيشها ومنعرف وين الحكمة بأختيار
رب العالمين النــا بيها
سكت شوي حاطه رأسي ؏َ گتفة دموعي تهطل مثل المطر الغزير مستنده ؏َ ڪتف أكثر إنسان
أذاني
أردف مكمل بهدوء
:- مرات المصدر إلي يسببلنا عدم امان وخوف وقلق تدور تدور الدنيا ويصير هو الشخص
الوحيـد إلي نحس يمه بالأمان غريبة الدنيا بوضعنا هذا اختج ڪاعد تصارع الموت
وكدامنا هاي شوفيها وحده توها شايلة طفلتها فرحانة بيها
:- وحده مريضة الموت أحسن إلها من هذا العذاب والي يطمئن أكثر بحكايتنا هاي
أنو اللّٰـه يشوفنا ڪلنا ومينسى أحد بينا
لزم أيدي قوي يفرگ بيها ضغط عليها قوي ڪال
السبـع ::- المشاعر مو كلشي
بابا أنـتِ بعدج صغيرة الحُب مرات مو ڪافي وحتى الكُره هاي مشاعر سخيفة مالها
صح من الوجود احنا ليش نسمي البيت بيت؟ لأن هو المكان الي نحس بي بالأمان
ساكته أسمع الــة بكُل تركيز
السبـع :- أسئلج سؤال؟
لزم أيدي قوي ڪال بأستفهام
:- تحسين يمي بالأمان أنهار ؟
بلعت ريگي روحـي انطحنت طحن
حجيت بحسرة وقهر
::- حرامات أي
مسح ؏َ رأسي بحنية وڪال
:- اعتبريني بيتج !
إني احتويج
أنهار ::- أنت تأذيني تضربني
أنت احقر إنسان شفته بالعالم أن شاءلله تموت
السبـع :- رحم الله والديج
سكت بعدها ماحجه شي ولا تندمت ولا انقهرت عليه لأن فعلاً ڪلامي واقعي
أذاني هواي ضربني هاني جرح ڪرامتي جاي يكولي أن بيتج
يمكن جان الكلام الصح من الشخص الغلط لأني بعد ڪلامه أستجمعت شُتات نفسي
ولملتها انجبرت أرجع اصير قوية من جديد مو لخاطر أحد لخاطر خواتي
نوران فقدت دم هواي كُلشي مابيها بعدها عايشة بس لسة ماصحت منتظريها
تكعد هي بس الهبطة ڪافية أنسام بعالم ثاني حتى من عرفت مانطت ردة فعل نفس ما
جنه متوقعيها
صار ليل السبـع مارح بقى وياي خابر ؏َ خليل يجي يأخذ ليالي لليل يلا وصل
خوال أنسام يمها ولهيب معافها ولا لحظة
وأصهب نزل هو والسبـع يجيبون أكل ومي النا
بقينا بس إني ودق وليالي صعد خليل لمحته يمشي ويدندن شافني أشرلي بأيده
أبتسمت الـه شكد عنده طاقة هذا الولد
تقدم عليــة باوعلي ڪال
:- هلا بمرت أخوي جا وين بت أخوي
أشرت بعيوني ليورة التفت شافها نايمة
بحضن ودق ضل صافن بمكانــة يرمش بعيونة وهي مدنگه مامنتبه الـه وهي بطبيعتها
لاحظت متباوع ؏َ الولد ولا ترفع عينها
رجع يباوعلي أشر بأيده
:- هاي منو
أنهار ::- أو خليل گرايب أنسام
من رجلها سالفة شطولها
سكت مارد عليه تقرب يريد يشيل ليالي لأن غافية بحضنها دنگ عليها رفع عيونه صارت بعيونها
خزرته بسرعة ضربته راجدي قوي
ودق :- انتتتت ماتستحيييي
هو لازم خدة ويباوعلها واني مابيه حيل
أفتح حلگي واحجي
:- ودق انطي الطفلة هذا عمها
باوعتلي باستغراب استحت رفعتله ليالي شالها وهو لسة مصدوم اندار اليــة يباوع
حجه بهمس
:- منا لسنتين بعد ماغسل وجهي
ضحكت بعز قهري ؏َ ڪلامة راح وهو ڪُل شوي يندار يلتفت يشوفها
ڪمت أريد أشوف أنسام أنتظرت لحدما خوالها طلعو أستحي منهم
دخلت لكيته ڪاعد مغمض عيونة ؏َ ڪرسي ردت أطبگ الباب صار صوت
وفز عضيت شفتي بندم ڪعدت
أنهار ::- أعتذر مو قصدي أكعدك
ردت أطمن عليها
لهـيب :- لا عادي مصار شي
لميت شفتي للداخل ردت أطلع اجه بالي سؤال
ڪعدت مقابيلة خطف نظرة مستغرب
أنهار :- عادي أسئل شي
حجيت واني عيوني ؏َ أنسام الي نايمة ؏َ السرير بعُمق وملامحها التعبانة
لهـيب ::- أسئلي
أنهار :- شكد عمرك ؟
لهـيب ::- ١٩٨٤
فتحت عيوني بصدمة
:- مبين أكبررر بهواييي عبالك بالاربعين
عزا بعين أمي
ضحك بخفة ؏َ ڪلامي
:- لا صدُك والله مبين أكبر شبيك
لهـيب ::- هاي بعــد شنسوي
رمشت بعيوني أباوع الــة والها
:- بينكم بس ثمن سنين
أبد متوقعت
يهز برجلة والتعب مبينه عليه ڪأن أكو شي ديأذي
باوعت الــة بـ جديـة
أنهار ::- شمعنى أختي وأنـتَ
تفهم قصدي شنــو
جان مدنگ يباوع بالگاع من حجيت أبتسم
عض شفته السفلية ڪال
لهــيب :- ما تِنشال من راسي أسامي بدَفتر
الديّان !
صفنت بعيونة يحجي وعيونة تثبت مدى صحة ڪلامة هو فاضح روحـة
بعيونة ڪاشف ڪل اوراقى بعيونة
انفتحت الباب بسرعــة دخل السبـع يدور بالغرفة بقلق من لمحني أرتخت ملامحة
سحب نَــفس براحـة سُرعان ما تغيرت ملامحــة عگدت حاجبة بعصبية
من لمح لهـيب ڪاعد ڪدامي
رفع حاجبة لهـيب بأستنكار ممقتنع بالسبـع هم
ڪامو منورة خشمهم تسالمو
وهمه واحد مطايق الثاني
السبـع :- أنـتِ هنا
جنت ادور عليج
حجه لهيب بصوت مسموع
:- شدشوف يعني
خزرة السبـع
:- عفواً شكلت ؟
أبتسم لهـيب بتصنع الجو مشحون فدنوب لزمت عُثمان من أيده مطلعته برة رحنه بعيد
يم ودق وهو يغلط ويفشر ؏َ لـهيب
وصلنا لكيت خليل جاي من جديد وليالي ڪاعده تلعب
السبـع :- شبيك شرجعك
مو ڪتلك وديها شنية
فيلق ڪلنه هنا
خليل ::- التگسي
الي اجيت بي عافني وراح
وماكو هسه
حاجاها وكف يفرد عضلاته ڪدام ودق جان بيده بطل مي يشرب بي
بالغلط وگع منه ونگب خزرة عثمان
هو عود يريد يدنگ يمسحه جان يزلگ وچررررب ؏َ وجهه من الفشلة ڪام يلعب
شناو بالگاع واني مغطية روحي بالعباية وضحك
هو وديلعب شناو جان أكو مي جوه
أيده تزحلگ من جديد وگع ؏َ خشمه
سحبه عثمان من ياخته
خليل :- اخ گــلبي خشمي يوجعني
ولك يمكن نگسر
لزم خشمه بهدوء بطرف أيده
:- أي وعلي نگسر
عثمان ڪوة لازم روحة مايدفرة واني تخربطت بالگاع من الضحك ماتحملت
ودق تضحك بس ؏َ صامت أخذه خليل هو وليالي برة يدبرلهم سيارة نگسر
ظهري من الگرسي ودق خطية تبهذلت حالها من حالي
شوي واجو خوال أنسام ڪعدو يمنا
؏َ ساعــة إلي أسمة أحمد فز بسرعة نهض ؏َ حيلــة
عاگد حواجبة بعصبية
مخنزر بتجاه شي
شفت بنية صغير تطلع من عمري جاية عليه
خطية من شافته خازرها
چمدت بمكانها ماتحركت خايفة عيونها تباوع للكـل
أحمد :- هاي شچابهاااا
لتكفرونيييي
ماتحملت عطت بي
:- اكلك شنو فلمك ڪل حجاية
وثانية وكفرت أدري اللّٰـه إبن عمك وهيج
مأخذ ميانة؟
خزرني بحده وڪال
:- لتتدخلين أنـتِ
عوچت حلگي صار بوجهه أخو من راد يتقدم عليها
محمد :- انيي ڪتلهم
يجيبوها البنات وحدهن هنا تعبن
صاح بصوت عالي المستشفى ڪلها
سمعته
:- ميولوووونننن يرجعنننن شعدهننن جايات
مَــادري منين اجه لهيب باتجاه
معصب مدري شحجه وية البنية وصارت تمشي وراه وهو تقدم ؏َ أحمد لزمه من ياخته قوي
لهـيب :- وداعت الي تلوع گـــلبي
بفراگاها أن عله حسك يا أحمد ؏َ حرمتك
إنه گتالك هنا
حجه من بين سنونة ذاگ معصب وشراينه گصته راح تطگ من العصبية بس يريد
يهد عليها
:- ومالكيتوووو غيرررر هايييي
ماحس الى ضربة بوكس قوي طيحة
بالگاع وذاگ مارد
سحبة قوي رجع وكفة لطشه بالحايط ڪال
:- إبن الـ ** غير أنـتَ مطلكهن
ومبقي بس سحر اجيبلك سحر هنا تلعب فلگ بيهن اجيبهااا ؟؟؟؟
دفعه ذاك واخيرا نفض ملابسة ويباوعلها بتوعد وهاي الفطيرة تباوع بخوف
اجه السبـع باوع ؏َ الوضع عرف أكو شي بس سكت مارد رفع عينه بالغلط
؏َ البنية إلي أجتي رأساً عاط ذاك
أحمد :- عينك وين صديقي ؟
جان يباوع عليه يريد ينطيني علاگه اندار عليه باوعلي بأستزاء تنرفز من
نبرت صوته
السبـع :- شنو هلسؤال السخيف
مع احترامي لجنابك الموقر
أحمد ::- والله مَــادري أسئل روحك
أنهار :- أكلك شنو فلمك
اخذتنا بصوتك العالي شنو قابل
بس أنت صوتك عالي
ترا صوتي أعلى وهسه ألم عليك العالم
أحمد :- ضب حرمتك
أحسن ما اجي اراويها الزلم شلون
شمر العلاگه بأهمال السبـع راد يتقدم يضربة صار بوجهه أخو حط أيده ؏َ صدرة وڪال
:- احسبها عليــه امسحها
بوجهي خوية بس هلمرا عديها
باوعله السبع عين عليه وعين ؏َ أحمد رأساً سحب أخو وذاك مثل البارود بس
يريد يتعارك وية أحد مخبل هزيت أيدي
ڪعد يمي لزم زندي قوي مقربني عليـــة
:- أطلع ڪو** إبن سطعش ڪو**
إن خليتج تجين لهلشكول بعد
باوعتله بأبتسامة حقة مدري شبيهم گبحو بوجهه
شــوي ودخلت يم نوران
بس إني باوعت عليها نايمة وجهه شاحب جوه عيونها سواد
مسحت ؏َ وجهه بأيديه بهدوء گـــلبي مفرفرح
ماصدك جنت ممكن أخسرها
لو تمُوت
ضليت نايمة يمها شوية ماعرف بيش الساعة حسيت ؏َ حركــة بالغرفــة
فتحت عيوني رفعت رأسي لكيتها ڪاعده تباوع بالفراغ صافنة بدون ردة فعل
نهضت بسرعــة
أنهار ::- نوران ياروحـي شلون صرتي أمي؟
شتحسين من شوكت ڪاعدة
ليش مگعدتيني
دفعت أيدي بقوة أستغربت حرگتها ظليت اباوعلها وهي تخوف عيونها فاتحتهن ؏َ
وسعهن تباوع لـ مكان وماتحجي شي
أنفتحت الباب دخل أصهب بيده علاگه من شافتــه عيونها صارت عليـــة خزرته
لزمت أيدي قوي حيل قوي لازمتها
سحبتنـي عليها قربتي أذني لـ فمها نطقت بذعور
نوران :- أنهار اني أخاف منه
خلي بعيــد عني
بعدت نفسها تشوف تأثير ڪلماتها ؏َ مسامعي
باوعت إلها بقلق بلعت ريگها
أصهب يباوعلها بترقب
سحبت نَــفس ونطقت بعــد فترة من الصمت
إلي أجتاح المكان
نوران :- علــي هو ڪلي سوي
هيج هو ميريدني أتزوج !
أبتسمت بـ تصنع أحاول اخفي خوفي من ڪلامها
أنهار :- وين شفتي
نونو
رفعت أيدها تأشر بتجاه المڪان إلي
جانت تحدق بي
نوران :- هذاك علـــي
شبيج أنهار ليش مدتشوفي ؟ ..
- الموضوع صَعب يشبَه بَتر
جزء من أطرافَك تبقى
تتحَسّس مكانه الفارغ
برَهبة و صَدمة و خوف ..
يتبـــع ..
الحكــاية تستمر إلى إحداث أخرى .
𖦆 𖦆 𖦆 𖦆 𖦆 𖦆 𖦆 𖦆 𖦆 𖦆
أي عُـــمري تربعو دنسولف بشغلة إني أحب الردود الصامته فـ مراح أحجي أنتو شوفو
ماحجي انتو شوفو أحكمووو هاااا
وهسه طلعت إلي تگص شعرها تقلد أمهات التيك
شنسوي بعد نسكتتتتتت الحجي يگوي
العيييييين والسكته اوله
يا أمي إذا معاجبتج القصة اتركيها سواء ڪانت حقيقة أو خيالية أنـتِ استمتعي بيها
تعلمي من أخطاء الأبطال وها اها فضت وانتهت
وها ترا أقرا ڪُل التعليقات إني خاف تكولون كُلشي أشوف حبايبي أكو بيهن
حتى يتجاوزن بڪلام بذيء فأضطر ابلكهن
انتقو مُفرداتكم جَميلاتـي 🫂♥️
حسابي انستا للتواصل 👇🏻
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!