تحميل رواية «انتَ غرامي وجنوني» PDF

:يابنتي اسمعني حنا مو دايمين لك الرجال والنعم منه وعارفينه واحسن من غيره ولاتنسين انه الحين صعبه انك

تلقين حد يقبل فيك وانتي ارمله وعندك بنت

رغد :يمه الله يخليك لاتجبروني عليه مااقدر اتخيل نفسي لرجال غير وليد مااقدر وبالذات هذا انا مااطيقه

انسان مغرور لابعد درجه يمه وغير كذا لاتنسين انه اخوه اخو زوجي مااقدر يمه مااقدر

ام رائد :يابنتي انا ماابي اغصبك على شئ بس حطي ببالك ان بنتك راح ياخذونها منك لا تنسين انهم يقدرون

على كذا

رغد :بس ..انا ماني متصورة ان هالانسان الجامد يكون زوجي مااقدر مااقدر

ام رائد : يابنتي انتي فكري زين وفكري ببنتك قبل لاتحرمينها منك وبعدين الرجال مايعيبه شئ والنعم منه وبيكون

ابو لبنتك وبعزها باعتبار انها بنت اخوه

رغد دخلت بنوبة بكاء: يمه مو قادرة اتصور اني انام بحضن حد غير ولدي مو قادرة اتصور اني احب حد غيره

يما وليد كان حياتي كان الحبيب والاخ ولابو والزوج مااقدر مااقدر يمه

ام رائد جت وحضنتني : بس يمه قطعتي قلبي خلاص انتي قلتيها كان وماراح يرجع لك فكري يمه وانتي عارفه ان

حنا مانبي غير مصلحتك

رغد :..........................................

ام رائد :يابنتي حنا مو دايمين لك فكري زين

رغد تنهدت تنهيدة قهر وحزن بفراق حبيب روحي : طيب يمه بفكر

ام رائد : وحطي ببالك انك ماتفكرين بمصيرك لحالك انتي بتقررين مصيرك ومصير بنتك

((رغد عمرها 22 بنت جميله كثيرررر وملامحها جذابه شعرها لنص كتفها وصابغته

بالون البني ومناسب مع بياضها وطيوبه كثيرر ونحيفه على انها حملت وولدت بس جسمها

ظل على حاله ولها بنت اسمها جنى عمرها 3 سنين سبحان من خلقها بياض وجمال

تشبه امها بكل ملامحها ))

ابو رائد :ها وش صار

ام رائد بتنهيده :والله قطعت قلبي هالبنت وما الومها

ابو رائد:لاحول ولا قوة الله حاولي تقنيعها الرجال مصر يايخذ البنت ولا يتزوجها

مايبي الغريب يربي بنتهم

ام رائد :الله يكتب الي فيه الخير

رغد"اااااااااااااه ياوليد وين رحت وتركتني لحالي "انسدحت بسريري جنب بنتي

النايمه ياربي تحفظها لي يارب هذا الي بغى لي من المرحوم لا مااقدر اخسرها

حطيت راسي على المخده وغمضت عيوني ورحت للمكان الي يريحني بخيالي

وليد :يارجال تعال مايحتاج يعني لهدرجه تعتبرني غريب ياخوك

رائد :لا والله اني اعتبرك اخو وراعي بيت

وليد :اجل انثبر بس وماله داعي تكلف على نفسك

رائد :مو لعيونك لاني انا نفسي ميت جوووع

وليد :بس بس لا يطيح بلعومك

رائد :ثواني وجاي

رغد :امي وين رائد

ام رائد :وين ياغرفته يالمجلس روحي شوفيه

رغد "اكيد نايم الدب انا اوريك نيهاهاها"ورحت طيران للمجلس ومشيت بشويش

عشان ماينتبه لي ودخلت وشفته معطيني ظهره وعلى طول هجمت عليه وصرت

ادغدغ فيه وهو يصرخ ويقول وخرررري وانا فاطسه ضحك

وليد "كنت جالس اتفرج على مجسمات التراث اليم سوينها بالمجلس وماحسيت

الابحد ماسكني من خصري وصار يدغدغني ظنيته بالبدايه رائد بعدين قلت لا

اليدين صغيره وناعمه حتى بالمسك هاما الريحه طيرت عقلي عطرها بريحه

الفرواله وهاديه "

رغد وانا مروحه بالضحك :ها يارئود تعيدها مره ثانيه ان شفتك طاب على مره ثانيه

الغرفه ياويلك يلا قول توبه مااعيدها يلا

وليد "يااااااه وش هالصوت وش هالنعومه طيب شكلها مثل صوتها الناعم وليد انت

وش قاعد تقول اتقي ربك هذي اخت صديقك "

رغد بهاللحظه قلت ابي اشوف وجه كيف صار ابي اضحك عليه:رئود وانصدمت

وجمدت بمكاني........

وليد "سبحان من خلق وصور ملاك ماهي بنت ماشاءالله "انتبهت لنفسي لما شفت عيونها

تعلن وصولها وبصوت حنون :روحي قبل لايجي اخوك

رغد "تمنيت ان الارض تنشق وتبلعني يااااااااربي ليه انا هبله يعني مااعرف افرق بين

اخوي وهو واضح ياغبيه من شكل الجسسم ":انا ...انا ..

وليد بتفهم :عارف عارف ياق..روحي قبل لايجي اخوك بسرعه

رغد ركضت باسرع ماعندي وطيراااان لغرفتي وقفلت الباب ورحت قابلت المرايه

وصرت اضحك على نفسي وموقفي الغبي "الحين وش بيقول عني ياربي بس ماكنت

عارفه ان عندنا حد قطع على صوت الباب :مين

الشغاله :ماما يقول لا يروح ديوانيه في رجال

رغد "بالله بدري ":طيب طيب خلاص روح

رائد :السلام عليكم ورحمة الله

ام رائد وابو رائد :وعليكم السلام

رائد جلس جنب امه :ااااااه تعب تعب

ام رائد :انت الي ذابح نفسك ماله داعي هالمحل مادام وظيفتك زينه

رائد :يمه انا عندي ميول تجاري وعارف انه هالمجال مو مضمون لذلك مااعتمدت عليه

كمدخول لي فلذالك عندي وظيفتي والمحل

ابو رائد :الله يوفقك ان شاءالله

رائد :الا وين رغد وجنى

ام رائد بحزن :بغرفتها

رائد :الحين وش صار على موضوعها

ابورائد :لاجديد بس الرجال مستعجل يبي يرجع ديرته

رغد:يبه انا موافقه مااقدر اخسر اخر شئ بغى لي من وليد عشان بنتي بتحمل

رائد :ليه تفكيري سوداوي الرجال والنعم منه وكفايه انه اخو المرحوم

رغد :انت ناسي موقفه معنا يوم جى وليد يتقدم لي نسيت يوم يقول حنا مو من ثوبهم

لانا مو قبايل نسيت تعامله معنا

ابو رائد :يابنتي لاتجلسين تقلبين بالماضي خلاص انسي واذا منتي مقتنعه اعرفي انه

ماراح نغصبك على شئ

رغد :لا خلاص موافقه بس لي شرط

ام رائد :وشو

رغد :ماابي زواج ولا حتى حفله خلوا الموضوع سكاتي "لانه يوم مماتي مو يوم زواجي "

ابو رائد :متاكده يابنتي هذا مافيه تراجع

رغد :متاكده

ابو رائد :الله يكتب الي فيه الخير

ام رائد :رغد رغد

رغد "كنت جالسه افرفر بالنت :هلا يمه

ام رائد :اتركي الي بيدك وتعالي ابيك بموضوع

رغد :طيب "سكرت الاب توب ورحت لها

ام رائد بفرحه :مااصدق يابنتي كبرتي وصرتي عروس وصارو الناس يطقون بابنا

رغد "يي خطاب ":.............

ام رائد :يابنتي في ناس متقدمين لك وابوك يشوف انه والنعم فيهم وهو رجال مصلي وعارف

ربه وغير كذا صاحب اخوك

رغد "لايكون تقصد ..":

ام رائد :اظنك سمعتي بوليد صاحب اخوك

رغد "طرت من الفرحه هو ايه هو يافرحتي ماتتخيلين ياامي قد ايش جلست وانا احلم

انه يكون زوجي ":..........

ام رائد :انتي فكري واستخيري وعطيني رايك

رغد بحزن :بس كيف يمه هم مو منا

ام رائد :يعني عشانهم قبايل الولد جاي هو وابوه وماعندهم هالكلام وهم ماعليهم زود عنك

انتي بنت حمايل والكل يتحمد ويتشكر باصلنا

رغد "ياربي ماني مصدقه وليد تقدم لي ":ان شاءالله افكر واعطيك خبر

((وليد عمره 25 سنه شاب وسيم وطويل وعريض ويميزه سماره البدوي شاب طيب

وحنون وصديق رائد الروح بالروح وهم اصحاب من ايام الجامعه وبنفس الوظيفه"

رائد :يلا يمه وينها تاخرت والرجال مستعجل

ام رائد :ان شاءالله الحين اروح اناديها

رغد :مايحتاج انا هنا

رائد :تعالي معي

رغد "مشيت معه وتمنيت اني مااوصل تمنيت انه يصير شئ يوقف السالفه وانتبهت لاخوي

وهو يقول وقفي هنا

الشيخ :هل تقبلين يابنتي بسعود خالد ..ال زوجا لك

رغد "ياربي ماني قادرة سامحني وليد سامحني ":........

الشيخ :يابنتي تكلمي اذا حد غاصبك تكلمي لاتخافين

رغد :لا مافيه حد انا موافقه

الشيخ :هل انت متاكده

رغد "لا":نعم

جاب لي رائد ووقعت وقعت على موتي وموت كل احساس لي وقعت على خيانتي لحبيبي

ورفيق عمري

ام رائد :يلا يابنتي سمي بالله وان شاءالله خير

رغد "يي ياربي ليه طيب يعني هو ماشفني لازم هالشوفه ياررربي ":يمه مو لازم

ام رائد :كيف يعني هذا من حقه انه يشوفك وبعدين ليه الخوف ان شاءالله بتعجبينه

رغد "بلاك ماتدرين انه شافني وخلص بس ياربي احرااج ":..........

ام رائد :يلا ياقلبي اخوك ينادي

رغد شفت نفسي بالمرايه كنت لابسه تنورة جينز سوداء وبلوزة بنك ناعمه مره وحطيت

لي كحل خفيف وغلوس بنك عجبني شكلي قريت المعوذات وايه الكرسي وتوكلت على الله

رائد :يلا رغد فشلتيني عند الرجال

رغد وانا خايفه ومنحرجه :رائد خلاص قوله ابوي مو موافق مو لازم ادخل

رائد :وليه اكذب على الرجال خلصي بس بلا دلع

رغد تمسكت فيه وصرت امشي وراه دخلت وانا منزله راسي واطلع الارض

انتبهت لجزمته وثوبه وكان رائد يحاول يبعد وانا متمسكه فيه

رائد :رغد الله يهداك شوي وتمزعين ثوبي

وليد يحاول يمسك ضحكته:السلام عليكم

رغد "يي وش ذا الاحراج المفروض انا الي اسلم وبصوت واطي :وعليكم السلام

جلس رائد وجلست جنبه ومارفعت نظري له

وليد :اخبارتس رغد

رغد "ياربي صوته جنان هو بس صوته كله على بعضه ..رغد يامهبوله اشتغلتي غزل

وهو لسه ماصار شئ :الحمدالله

وليد :انتي تدرسين

رغد :ايه

وليد وحسيته يبغى يطول السالفه :وش تدرسين

رغد :تو مادرست لسى ماخلصت الاجازة بس انقبلت بالجامعه

وحسيت ان السالفه مطوله قمت بسرعه :يلا استاذن "وطيران قبل لايقول أي حاجه

وصعدت لغرفتي وانا طيااااااااارة من الفرح مااصدق وليد الي من يوم ماشفته

وانا احلم فيه كزوج لي بيصير لي خلاص "ياربي تمم اموري على خير "

رائد :مبروك

رغد وانا اتغصب الابتسامه :الله يبارك فيك

رائد :طيب روحي للمجلس عشان يبي يشوفك

رغد :انا قلت لا يعني لا

رائد:يارغد اسمعي الكلام لاتفشلينا عند الرجال

رغد :لا افشلكم ولا حاجه انا قلت لكم ماابغى اشوفه الا اذا جيت امشي معه

رائد هز راسه بقلة حيله :على راحتك بس لاتنسين انه من حقه هالطلب

رغد مشيت عنه ورحت طيران للغرفتي ابكي قهر وحسره على مصيري ااااااااااه ياسعود

لو تعرف قد ايش اكرهك ااااااااه بكيت قهر وانا ارمي نفسي على السرير بكيت قلة حيلتي

لو ماتزوجته كان اخذ بنتي مني وحرمني منها اكرهك اكرهك ياسعود .....

وماحسيت بنفسي الا والنوم غالبني

وليد :هلا وغلا ببعد حالي انا

رغد بحيا :وليييييد

وليد بحب :عيون وروح وحياة وليد

رغد :..........زز

وليد :ياقلبي على الخجوله

رغد :وليد بسكر

وليد بضحكه ذوبتني :هههههههههه خلاص خلاص اخبارك

رغد :هههههه كل مره بتسالني عن حالي كم مره باليوم سالتني

وليد :لازم اتطمن على حياة وقلب وليد

رغد :انا بخير اذا سمعت صوتك وانت اخبارك

وليد :طول منتي معي انا بالف خير يابعد تسبدي

رغد :هههههههههه ليه ماتتكلم بلهجتكم وليد

وليد :ههههههه ان تكلمت ماراح تفهمين كلامنا حنا القصمان

رغد :هههه بس لازم تتكلم ولا كيف راح افهم على كلام اهللك

وليد :ان شاءالله ولا يهمك بس انتي تجين عندي يوميا اعطيك دوروس

رغد :وليه مو الحين

وليد يعض على شفته :لا في دروس تحتاج انك تكونين بجنبي عشان يظبط الموضوع

رغد مااستوعبت :كيف يعني

وليد بخبث :يعني يابعد حالي اذا صرتي ببيتي قلت لك كيف وتطبيقي بعد

رغد حمر وجهي وكان ودي اقفل السماعه بوجهه :وليييييييييييد

وليد :ههههههههههههههههههههههههههههههههههههههههههههههههه ههه

رغد :اسمع بتتكلم كذا بسكر حنا وين وانت وين

وليد :اااااااااه متى تعدي هالثلاث شهور وتصيرين عندي ببيتي

رغد بحيا :هههههه

ام رائد :ياربي من هالبنت الرجال كل يوم يتصل يبغى يكلمها وهي ماهي راضيه

ابورائد:اتركيها هو كان عارف بموقفها وهو الي اصر يتحمل ولو صدق يبيها يصبر عليها

ام رائد :الله يستر بس

ابورائد :والحين سكر ولا لازال على الخط

ام رائد :لا سكر

رغد:طيب حبيبي انا نازله لك الحين

شيكت على نفسي بالمرايه وكنت لابسه تنورة قصيرة لنص الساق نحاسيه وفيها تطريز

بالعنابي مع بلوزة داخليه عنابيه فوقها بدي علاق نحاسي وشعري خليته مسيح وفيه ترويله

خفيفه وحطيت لي كحل وغلوس وشدو خفيف لان وليد يكره الميك اب الثقيل وتعطرت

ونزلت له تحت

رغد :السلام عليكم

ابورائد ووليد :وعليكم السلام

رغد سلمت عليه وجلست جنب ابوي :........

وليد :هلا رغد اخبارك

رغد كنت منحرجه من ابوي :الحمدالله بخير وانت

وليد :انا الحمدالله بشوفتس

رغد :....

ابورائد :يلا انا بطلع واعتبر نفسك ياوليد ببيتك

وليد :بدري عمي لسه ماسولفنا

ابورائد :لاحقين والحين اخليكم

طلع ابوي وعلى طول ماانتبهت الا بوليد جالس جنبي :اخبارك غلاي

رغد انحرجت من قربه لي :قلت لك تمام

وليد :اشتقتي لي

رغد "ياويل حالي بيذبحني "احس وجهي صار طماط من الاحراج :.........

وليد :بديت تجهيز

رغد :ايه انا وامي ننزل يوميا بالسوق الحين

وليد :لاتستعجلين اذا ماخلصتي الي تبغين خلصيهم اذا جيتي عندي

رغد :لا عادي ا نشاء الله نخلص بالوقت لانا مخصصين كل يوم للشئ معين

عشان نقدر نلحق

وليد: تمام كذا حلو

ابو رائد :جاهزة يمه يلا رجلك ينتظرك على الباب

رغد "حسيتا ني بنخنق ابي امووت ماني قادرة خلاص صار الموضوع مافيه مفر

وبالغصب طلعت صوتي وانا خانقتني العبرة :ايه جاهزة

سلمت على امي وبكينا حنا الثنتين وسلمت على اخوي وطلعت لقيته واقف يسولف مع

رائد وهو مبتسم ماحسيت بالراحه له ابدا احسه مغرور وشايف حاله بسبب موقفه

بزواجي من وليد انتبهت على نفسي يوم شفته ركب السيارة

ترددت بالبدايه وين اركب واستقريت قدام ركبت بعد ماسلمت على رائد وكانت بنتي معي

ركب وسلم :السلام عليكم

رغد "حسيت انه صوتي مو راضي يطلع ":وعليكم السلام

سعود :كيفك

رغد "اجاوبه باختصار ماابغى أي احتكاك معه الله يعني والطريق طويل يارب صبرني :الحمدالله

سكت شكله حاس اني مالي خلق له

((سعود عمره 33 سنه كان متزوج وطلق زوجته بسبب سوء تفهم بينهم وسيم لابعد درجه

يفوق اخوه وليد بالزين والحلا ثقيل مررره نادر مايضحك ودايم ماخذ الدنيا جد طويل وعريض

ومميزه السكسوكه معطيتيه جاذبيه "

وليد جرني له وحضني وباسني :كيفك يابعد حالي

رغد ياربي يعني مايعرف اني استحي :تمام وانت

وليد يجلسني جنبه :بخير دامك جنبي ياقلبي

رغد "كنت ادور أي عذر عشان اقوم منحرجه مره من قربه مني وهو ماشاءالله عليه

ماخلا للجراءة شئ :وليد ممكن تبعد شوي

وليد بعناد :لا لحد متى يعني مر علينا شهرين ونص ولحد الحين ماتعودتي ابيك تتعودين على

وعلى طبعي ياحبيبي انتي

رغد :.....................

وليد حس باحراجي بس قربني ازيد له :تدرين لانها اخر زيارة ماراح اهتم ابي اشبع منك لاني

بنحرم من شوفتك اسبوعين كاملين انت عارفه كيف اسبوعين

رغد "كنت طايرة من الفرح بسبب حب وليد ليه ماني مصدقه ان ربي وفقني ورزقني برجال

طيب وحنون مثله "

وليد :وش تفكرين فيه

رغد بحب :ادعي ربي لايحرمني منك

وليد حضني :ولا يحرمني منك ياقلبي

انتبهت وهو يوقف السيارة عشان يعبي بنزين نزل وبعد ربع ساعه رجع وكان معه كيس

مليان اغراض من شيبسات وعصيرات "

سعود يعطيني الكيس :خذي لك الي تبغين وعطي الصغيرة

رغد بدون نفس:مشكور

سعود :على ايش ماله داعي هالكلام

رغد اخذت الكيس وحطيته بالجنب انهي فيه الموضوع ولفيت وجهي للنافذة وهو

فهم على وكمل طريقه وحنا ساكتين ومافيا لا صوت الراديوا

رغد :ههههههههههههههههههه من جدك انت اعقل

وليد :وين انتي خليتي فيني عقل جننتيني هبلتي فيني يابنت

رغد بخجل :وليد

وليد :لالالالا مافيه لاتحاولين تلهيني بالاسلوب هذا يلا بسرعه قوليها ولا ثواني وانا

عند بابكم يلا

رغد :هههههههههههه مجنون

وليد :يلا قلبي قوليها فرحي قلبي يابعد حالي

رغد وكنت مترددة وبصوت هامس :احبك

وليد :ايش ايش ماسمعت عيدي

رغد بدلع :ولييييييد خلاص

وليد :وليه خلاص انتي قلتي شئ الحين

رغد :ايه قلت

وليد :وانا ماسمعت

رغد "ياربي يحب يحرجني الدب ياربي اموووت فيك ":احبببك خلاص ارتحت الحين

وليد بحب :وانا احبك واموووت فيك ربي لايحرمني منك ياشمعة حياتي

رغد :ولا منك ان شاءالله

سعود :رغد .. رغد

رغد :..........................

سعودحركني من كتفي :رغد

رغد نقزت بمكاني :خير وش تبي

سعود وعلامات التعجب بوجهه:ابد سلامتك ليه وش شايفه بوجهك جنى على هالخوف

رغد"الجني يهون من وجهك "وبدون نفس:لا بس خوفتني

سعود يطالع عيوني من رى البرقع :اقو ليلا انزلي صلي الظهر والعصر ونزلي غطاتس

رغد رفعت حاجبي ماعجبتني صيغة الامر :وليه انزله انا مااعرف اطلع

سعود :ليه عاجبك الناس تناظر فيتس وبعيونتس استحي ونزلي غطاتس

رغد"بذبحه اخر عمري هالمعقد يتحكم فيني بس لاجل خاطر بنتي "نزلت غطاي ونزلت

من غير لااطالعه ودخلت للمسجد

حنان:يلا قلبي جاهزة

رغد :حنون خلاص هونت ماابي اتزوج

حنان بضحكه :ايه ماسمعك وليد كان دخل واسحبك من غير زفة ولا يحزنون

رغد واحس قلبي بيوقف من الخوف : حنون ماني ناقصتك

حنان :ههههههههههه تعوذي من الشيطان واقري المعوذات وان شاءالله مافيه الا الخير

وهذا شئ طبيعي انك تخافين حبيبتي

رغد رحت اشيك على نفسي بالمرايه كنت طالعه خيال بفستاني الابيض الفخم عبارة

عن بدي من غير علاق وبقصة عند الصدر وعند القصة كرستالات ذهبيه وفضيه

وعند الخصر كرستالات نازله اما التنورة فكان مطرزة بالخرز والكرستال وخليط الذهبي

والفضي اما تسريحتي فكانت عبارة عن ترولات نازله من فوق التاج والميك اب وكل شئ

كان تمام عجبني شكلي وانغريت بنفسي لان ولله الحمد اعتبر جميله بملامحي سواء بالميك اب

او من غيره

خلصت من الصلاة ودعيت ربي يوفقني وييسر اموري ويفرج همي وجلست اقرا لي

قران لاني احس بضيقه مو طبيعيه وكنت احاول اطول بجلوسي بالمسجد لاني ماابغى اشوفه

وليد :قلبي يلا حبيبي اصحي

رغد غطيت وجهي باللبطانيه :...........

وليد :ههههههه يابعد حالي قومي لا اتهور الحين

رغد حمر وجهي وابي اقوم من مكاني بس هم محاوطني مافي لي مفر وانا من تحت الغطا

:طيب بعد خلني اقوم

وليد بخبث :ليه انا ماسك قومي

رغد حسيت بيديه وهي تقرب اكثر وتحاوطني اكثر وبدلع :وليد بعد

وليد يبعد الغطا عني ويقرب وجه من وجهي :كل هالدلع وتبيني ابعد ليه قالوا لك مهبول

رغد حسيت وجهي تقلب لميه لون :.....

وليد يقرب اكثر واكثر وباس جبيني وبعدها خدي و:..الله ي..من هالغثيث الي داق الحين

رغد"حمدت ربي ودي ابوس راس هالي دق "وابتسمت وانتبه لي وليد

وليد :تضحكين ها اوريك بس خليني اشو فمين هالغثيث

رغد اخذتها فرصه وعلى طول طيران للدورة المياه اكرمكم الله وسمعت وليد يضحك على

وليد :هلا اخوي

سعود :هلابك وراك تاخرت ياولد يلا اخلص الوالد مع الرجال ينتظرون

وليد يضرب جبينه :ااووف تصدق نسيت

سعود :وشلون تنسى علوم الرجاجيل مااقول الا بنت الحضر نستك طبيعنا

وليد :سعود رجعنا خلاص سكر الموضوع وش الفرق بين البدو والحضر وراك يااخوي على

تفكيرك هذا بتودينا ورى الشمس

سعود :اقول لايكثر واخلص عجل

وليد :ان شاءالله اوصل المرة بيت الاهل وجاي

سعود :يلا مع السلامه

وليد :حياك

كنت اتروش سمعت وليد يدق الباب :هلا وليد

وليد :حبيبي عجلي نسينا العزومه

رغد حسيت صوته متغير :ان شاءالله

انتبهت لجوالي يهز لاني حطته صامت طلعته وشفت رقم غريب ومارديت بعدها جتني رساله

فتحتها :انا سعود ردي "من زينك ارد بس مظطرة

سعود :الو

رغد"حسيت باحساس غريب من صوته صوته حنون بالجوال غير الطبيعه":هلا

سعود :هلابك خلصتي

رغد :ايه

سعود :تقبل الله يلا اجل اطلعي طريقنا طويل

رغد :ان شاءالله

مدري ليه حسيت بالخضوع وماقدرت اتمرد عليه رجعت المصحف مكانه وشلت جنى لانها

نامت و راح عن بالي انزل غطاي وغير كذا لاني شايله بنتي مااهتميت للموضوع وانا

طالعه الا بمجموعة شباب يعبون البنزين عند المحطه وصارو يلحقوني بعيونهموكل وحد منهم يهمس لخويه ومن حظي النحس سعود انتبه شفت عيونه وهو ياشر لي انزل الغطا بس ماقدرت

لاني شايله جنى وخفت اطيح وكملت طريقي وركبت السيارة وتفجات فيه يصرخ

سعود بعصبيه :وراتس مانزلتي غطاتس ماتشوفين اشر لك ولا عاجبك الوضع

رغد قهرني وش قصده يعني وحاولت قد مااقدر امسك نفسي :وشلونا غطيه وانا

شايله البنت وبعدين مااعرف امشي وانا شيايلتها ومنزله الغطا لو كنت تبي جيت شلتها عني

مو جالس تصارخ لي

سعود والشرار باين من عيونه :ولا كلمه غلطانه وتحاجج بعد مو منك من اخوي الي

عطاك وجه اكثر من اللزوم

رغد انقبض قلبي لما جاب طاري وليد ولا اراديا انزلت دموعي وانتبه لها بس فضل السكوت

وانا لفيت وجهي اتجاه الشباك باللحظه هذي كرهته وحقدت عليه زود

رغد بدلع :وليد ماابغى ادخل لحالي ادخل معي

وليد :حبيبي مايصير المكان كله حريم ولو بكيفي ماتركتك ثانيه ولاتخافين انا دقيت على

اختي مشاعل وهي تنتظرك عند الباب

رغد :طيب

وليد :ماراح نتاخر نتغدا ونجلس شوي وبعدها نمشي طيب حبيبي

رغد :طيب

نزلت ودخلت الا بمشاعل بستقبالي الصراحه ارتحت لها وصارت بين صحبه بايام خطبتي

صرنا ندق على بعض ونتراسل

مشاعل وهي تسلم على :هلا وغلا بمرت اخوي

رغد وانا خجلانه :هلا بك كيفك

مشاعل :تمام بشوفتك اخبارك واخبار اخوي معك

رغد بخجل :الحمدالله تمام

مشاعل :دووم ياربي ..تعالي معي الغرفه عشان تتجهزي وتدخلي للحريم

مشيت معها ودخلت بغرفه فصخت عبايتي وكنت لابسه فستان نعوم اصفر فيه تموجات

برتقاليه وكان عبارة عن علاق ومافيه أي موديل نعوم مره وشعري سيحته على طوله

رتيت شكلي وقلت لها اني جاهزة ودخلنا على الحريم وكانوا عبارة عن خالات وعمات

وليد وحريم خواله وعمامه وخواته واقربائه كلهم

دخلت سلمت على ام وليد وحبيت راسها :السلام خالتي كيفك

ام راشد :وعليكم السلام هلابتس يابنتي اخبارك علومك

رغد وانا احس عيون الكل موجها لي :الحمدالله تمام خالتي وانتي بشريني عنك

ام رشد :الحمدالله بخير واخبار وليد معتتس

رغد وانا فاهمه قصدها :الحمدالله بخير

بعدها توجهت وسلمت على كل الي بالمجلس الي ارتحت لهم وهناك الي ماارتحت لهم وخاصة

زوجه سعود حسيت بضيق لما شفتها مدري ليه ماحسيت بالراحه لها

مر اليوم بسلام مع سوالف الحريم الي ماتخلص ومن نظراتهم احس اني ابي الارض تنشق و

تبلعني من الخجل والي ريحني اكثر خالتي كانت مهتمه فيني كثير وحسستني اني بنتها من جد

ووليد هههههههه كل عشر دقايق يتصل يطمن على وكنت طايرة من الفرح

مزنه:ها يارغد ان شاءالله مرتاحه مع وليد

رغد:الحمدالله

مزنه:ابقولك شئ

رغد كنت مستغربه :تفضلي

مزنه :مره ثانيه لو بتزورينا لاتلبسي لبسك الفاصخ هذي الملابس تنلبس لرجلت سمو لنا

رغد ناظرتها نظرات استنكار خير خير وش فاصخ لبسي كان ساتر الحمدالله :..........

مزنه :حنا ماعندنا هالفصخاه وبعدين لاحظي منتي لحالك هنا وممكن يدخل عليتس فجاة

واحد من العيال فاهمه يعني لاعاد تعيدين هاللبس

رغد حسيت كلامها صيغه امر:بس لبسي ماهو خالع ولا مخل للادب وبعدين وليد ماقال

أي حاجه او اعترض عليه

مزنه:بالبدايه عشانكم لساتكم معاريس جدد وماحب يضايقك باول يوم

رغدحبيت انهي الموضوع وانا قايمه:ولايهمك مره ثانيه ماراح البس حاجه الا وانا متاكده

من وليد اذا هي تناسب ولا

رن جوالي وكان وليد:هلاحبيبي

وليد:هلا فيك يابعدي اخبارك

رغد:تمام وانت

وليد:دامني اسمع صوتك اكيد بخير اقول قلبي

رغد:هلا

وليد:خلك جاهزة بعد ربع ساعه بنمشي اوك حبيبي

رغدواخيرا احس اني تعبت حيل:اوك

انا من النوع الي يحب الحضن كثير كنت متعودة لما اتضايق اروح احضن امي وخالاتي

وصديقتي لما اتضايق وبعد مااحس بالراحه ولامان اتركهم ..اول ما وصلنا للفندق كان ودي

اروح بحضن وليد بس الخجل منعني تو ماكملنا يوم مع بعض مستحيل اروح له او اطلبه

بس اول مافصخت عبايتي جرني وليد لحضنه مدري حسيت انه فهم على اني محتاجه

لحضنه وارتحت كثير

وليد :مرتاحه معي

رغد تمسكت فيه وكان ودي ادخل جواته :ايه كثيرررررر ماتتصور قد ايش

فرحانه ومرتاحه معك حبيبي الله لايحرمني منك

وليد يبوس راسي :ولامنك ياعمري

مر علينا شهر وانا من اسعد مايكون وليد انسان طيب وحنون لابعد درجه بس اخاف

منه اذا عصب احس انه هذي الصفه الشينه فيه اذا عصب مايعرف ايش يقول كذا

مره بالشارع احسه شوي ويهجم على الي يتهاوش معهم

وليد:جهزتي كل حاجه

رغد:أي كل شئ جاهز

جلست جنبه :حبيبي كم بنجلس هناك يعني بطول

وليد :بالكثير اسبوع لانك عارفه هذا الاجازة الي قدرت اخذها

رغد وكنت مترددة :طيب حنا بنجلس مع اهلك ولا بشقه ولا كيف

وليد :لا بنجلس ببيت اهلي عندي هناك جناح كامل

رغد :...........

وليد مسك ايدي :ليه احسك خايفه في شئ تكلمي حبيبي

رغد :لا ابد بس تعرف ماني متعودة على اطباعهم وغير كذا صار معي موقف مع

مزنه

وليد :زوجه اخوي سعود

رغد:ايه

وليد :ايش هالموقف عسى ماضيقتك بشئ اعرفها بنت عمي لسانها متبري منها

رغد :لا بس لمحت لي عن لبسي وانه المفروض ماالبس كذا

وليد باس خدي :قلبي خليها تتكلم لحد ماتشبع هذي وحده تحب المشاكل واذا قالت لك

أي حاجه قولي لها وليد راضى وهذا المهم طيب

رغد ابتسمت له ابتسامه ولا ابتسامه دعايه كرست لانه كلامه ريحني كثيرر:طيب

وليد يناظر ساعته :حلوو

رغد :ايش

وليد يناظرني بنظرات خجلتني وعرفت مقصده :وليد يلاحبيبي مابقى شئ على

وليد قاطعني :لا لاتخافين في وقت وكثيررر بعد

رغد ابتسمت بخجل :...

وصلنا بيت اهل وليد وكان عباره عن فيلا كبيرة مره اول مادخلنا كان بستقبالنا

مشاعل حضنا بعض ودخلنا للصاله سلمت على خالتي وعمي وكان موجود مزنه

ومنيرة زوجه راشد

ام راشد :اقول يامي وسلونتس مع وليد ان شاءالله مرتاحه معه

رغد:الحمدالله خالتي

ام راشد :اذا زعلك بشئ لايردك الا لسانت سترا غلاتك من غلات بناتي

رغد قمت وحبيت راسها :تسلمين لي ياخالتي

مزنه:اقول رغد

رغد الله يستر :هلا

مزنه :كم لتس من تزوجتي

رغد :اليوم نكمل الشهر

مزنه :ايه ...طيب مافي شئ بالطريق يعني ماحملتي للحين

مشاعل :أي حمال الله يهديتس تو تقولك مكملين الشهر

مزنه :لا مو عن شئ بس الطبيعي بهالوقت يبان عليها اثار الحمل واخاف بعدين تكون

ماخذه موانع ولا شئ بعد تعرفين بنات الحضر يحبون تاخير الحمل

رغد قهرتني وبنرفزة قلت لها:مافي فرق اظن بين بنات الحضر والبدو كلنا بنات حمايل وبنات

اصل وبعدين الحمل والموانع شئ يخصني انا ووليد وذا ربي كتب لي احمل ان شاءالله بحمل

ولا تخافين اذا صار بتكونين من اول العالمين بالموضوع

مشاعل بصوت هامس :بعدي والله مرت اخوي ايه لاتسكتين لها

رغد :ابي اعرف وش بيني وبينها علشان تسوي كذا 

النهــــآية 

  مشاعل : ولاشئ بس هذا طبعها من يوم هي صغيرة وحده تدور على المشاكل

رغد :عذريني بس كيف اخوك صابر عليها

مشاعل :ههههههههه نصيبه وبنت عمه مايقدر يسوي شئ بس لاتخافين شفتي

كيف الحين هي اصبري خليه يدخل تشوفينها تاكل تبن ولاتنطق بحرف

رغد :ليه

مشاعل :بوجوده تسكت لانه لو شاف عليها غلط يهزئها قدمنا ولايهتم من حد

وهي عشانها ماتحب حد يضحك عليها تنثبر بوجوده

رغد :اها

:تغطوا ياحريم

رغد:مين هذا

مشاعل :اكيد العيال جوا تغطي

رغد:طيب

اخذت الجلال وتغطيت وشوي الا دخل عمي ابو راشد مع وليد وسعود واظن راشد

الكل :السلام عليكم

انا مع الحريم:وعليكم السلام

جلسوا بعيد عنا وصارو يسولفون مع خالتي ام راشد وخواتهم بعدها اشر لي وليد اني

اجي اجلس جنبه قمت وانا احسهم يراقبوني وجلست

وليد بصوت هامس :هلا وغلا

رغد:هلا فيك

وليد :ها مرتاحه

رغد :الحمدالله

وليد يقوم :يلا اترخص بروح ارتاح شوي

ام راشد:روحي ارتاح انت جاي من طريق وخذ مرتك معك

وليد يحب راس امه :تسلمين لي

مشينا للجناح المخصص لي ولوليد كان حلو وفخم مره ومكون من غرفتين نوم وصاله

ومطبخ صغير وطبعا دورة المياه كان الغالب عليه لون البني والبيج بس كان الذوق رهييب

رغد:جنان

وليد :عجبتك

رغد:تجنن ذوق مين

وليد :هذا الله يسلمتس ذوق مشاعل

رغد :والله وطلعت خطيرره هالبنت من جد رهيبه

وليد مسكني من ايدي :تعالي افرجك على باقي الجناح

الساعه 2 بالليل انتبهت وقمت عطشانه كنت بحضن وليد "ااه قد ايش احس بالامان وانا

بحضنه انسى الدنيا والناس الي فيها وانا بحضنه "قمت بشويش عشان مايحس مع اني

متاكده انه ماراح يقوم لانه نومه ثقيل مررره قمتوتوجهت للمطبخ اخذت لي كوب وفتحت

الثلاجه "افف وش هالحظ خلص الماي"دورت بالمطبخ مافيه "ياربي عطشانه طيب الحين كيف

مافي الا انزل تحت بس اخاف حد من اخوانه يكون تحت ..لا لا مااظن الكل نايم وعلى

مافهمت من وليد كل واحد جناحه مجهز بمطبخ "توكلت على الله واخذت جلالي ونزلت

حسيت نفسي حرامي هوانا جالسه اتسحب عشان مويه ضحكت على نفسي اخيرا وصلت

المطبخ وشربت المويه وتو كنت بطلع الا لفت نظري الحلا الي قدموه على العشاء

حسيت بالجوع اخذت لي قطعه وجلست بالطاوله الي بالمطبخ واخذت لي كوب عصير

وصرت اكل

مزنه :ماني عارفه اخوك كيف انهبل واخذ هالبنت

سعود :يامراه انخمدي صجيتي راسي خالص

مزنه :بعد وش اسوي بك انت الي صحيتني

سعود:صحيتك قلت يمكن احصل فايده منك اقولتس وين البندول تقولين ماعاد فيه وانا

منبهك اذا خلصت الحاجه وقبل لا تخلص تعطيني خبر

مزنه :ماانتبهت

سعود:وين تنتبهين وانتم تفرقه للمشاكل تدورينها وين ماتكون "وكان يصارخ وهو يكلمها"

مزنه :...........

سعود:الله يل..استغفر الله العظيم كانك بتجيبين لي الظغط والسكر الله يسامحك ياعمي يوم

بليتني ببنتك

مزنه "مالت بس وانت تطول تاخذني":....

سعود لبس له ثوب وقام

مزنه :وين

سعود :انخمدي ولا كلمه اروح ادور لي تحت يمكن الاقي الله يرجتس من حرمه

"اخخخ ياراسي بينفجر الله يسامحك ياابوي وعمي يوم بيتوني بالادميه ذي مافيها الا

المضرة "نزلت وانا نازل انتبهت لحركه بالمطبخ ضنيتها مشاعل عشان كذا كملت

ودخلت من غير لااناظر :مشاعل ولا عليت سامر عطيني بنادول من الثلاجه

وجلست على الطاوله حسيت فيها واقفه من غير حركه وبنرفزة :وراك واقفه مثل الحيط تحركي

رغد والدموع تجمعت بعيوني :.................

سعود "لا هذي الي يبي لها كم كلمه تسنعها "رفعت نظري الا الصدمه هذي ماهي

مشاعل عقدت حجاتي "اكيد هذي زوجه وليد "وعلى طول نزلتي نظري وطلعت من

المطبخ :مره ثانيه لاتجلسين تدورين بالبيت ماخذه راحتس في غيرك ساكنين بالبيت

واحتشمي مرتن ثانيه

رغد"قلبي حسيته بيوقف ولا من حظي النحس مااخذت جلالي وانا اغسل الصحن الي بعدي

وماقدرت اتحرك حسيت رجولي ماعاد تشيلني ولا يوم قال احتشمي خالص ماعاد اقدر امسك

دموعي جلست بالمطبخ ابكي قهرني هذا هو ومرته ماغير يلمحون لي بالكلام هذا وش قصدهم

يعني ماتربيت ولا ولا لاني حضريه صرت قليله حيا "ياربي صبرني تحملي يارغد عشان وليد

وبعدين الكل تمام معي ومو محسسيني بالفرق بس هو ومرته "قمت غسلت وجهي "مالت عليك

وعلى مرتك "بعد ماحسيت اني هديت قمت طلعت لجناحي وصلت وعلى طول رميت نفسي

بحضن وليد وهو مروح بالنوم مو حاس فيني دفنت وجهي بصدره كان ودي ادخل جواته

ابي احس بالامان وصدق ماهي دقايق الا انا بسابع نومه

وليد :حبيبي

رغد :همم

وليد :يلا قلبي اصحي شوي وياذن الظهر

رغد حطيت ايدي على عيوني :امم كم الساعه

وليد يقومني وكاني بزر وكان ظهري بصدره :الحين عشر ونص

رغد :طيب باقي على الصلاة

وليد :أي بس عشان نفطر مع الاهل ونتجهز ونروح المسجد مع الوالد

رغد كنت متضايقه من سالفه الفجر بس حاولت ماابين :طيب

وليد :يلا قلبي قومي تجهزي وانا بنتظرك بالصاله

رغد :اوك

قمت وتروشت على السريع وجففت شعري ولبست لي جلابيه لان مشاعل قالت لي

البسها اذا ماصار عندنا حريم وعشان اريح نفسي من المشاكل حطيت لي بس كحل

وغلوس واخذت جلالي وطلعت لوليد:جاهزة

وليد ناظرني بنظرات اعجاب :ياعمري على الجلابيات والي لابسينها تصدقين

ماكنت احبهم بس الحين صارو غير

رغد بضحكه:ههههههههه

وليد يقرب مني ويحضني :تدرين لو مو الوالد فوق راسي ولا كان الحين سحبت عليهم ومانزلت

رغد وجهي صار اشارة مرور من نبرة كلامه ونظراته :احم ..طيب يلا ننزل

وليد يعض على شفته :يلا بس الوعد بعد ماارجع من الصلاة

رغد :وليييييييد

وليد:عيون وروح وليد ههههههههههه

نزلنا وكان الكل مجتمع على الطاوله الرجال الاكل الي بالصاله والحريم بالمطبخ

دخلت عليهم :السلام

الكل :وعليكم السلام

رغد توجهت لخالتي وحبيت راسها :صباح الخير خالتي شلونك ان شاءالله بخير

ام راشد :صباح النور والسرور الحمدالله بخير يابنتي وانتي ان شاءالله مرتاحه

بجناحك ناقصك شئ مايردتس الا لسانتس

رغد :لا الحمدالله مو ناقصني شئ

مشاعل :تعالي رودة اجلسي جنبي

رحت جلست جنب مشاعل :اخبارك يادبه

مشاعل :انثبري دبه بالعكس وش حلات جسمي اجل انتي يالعصله

رغد :هههههههههه

مشاعل :الله يعينتس اليوم بيجون حرررررررررريم كثار

رغد :ياربي وماخلصنا

مشاعل : ولا راح تخلصين معارف امي كثار والكل يبون يشوفونك

رغد :الله يكون بالعون بس

مشاعل :يلا خلينا ناكل وبعدين نروح غرفتي ونسولف على راحتنا

رغد :اوك

بعد الفطور الكل انشغل خالتي راحت للمجلس مع وليد واخوانه ومزنه قامت تشوف

الغدا وانا ومشاعل صعدنا لغرفتها

مشاعل :ها ياطويله العمر تبين تسمعين بلاوي رجلتس ومغامراته

رغد :ههههههههه ليه مجرم هو

مشاعل :الا هو الاجرام بعينه هههههههههه

رغد وانا فرحانه كنت ابي اعرف كل حاجه عن وليد :يلا بسررعه

مشاعل :مره زوجك المجرم وحنا رايحين الشرقيه

رغد :ايوا

مشاعل :رحنا للبحر وتهاوشت انا معه عند الالعاب كان عمري تقريبا 6 سنين

وهو 12 طيب

رغد :ايوا

مشاعل:المهم زوجك النذل راح عني وتركني العب لحالي يوم شبعت وخلصت لعب

انتبهت اني ماادل الطريق ولا اعرف اهلي وين طبعا شغلت صفارة الانذار وصرت

ابكي وتجمعوا على الناس وسين وجيم المهم جا شرطي وصار يدور فيني ويسال

الناس اذا كنت بنتهم وحنا بالطريق الا شفت وليد اششرت عليه ووقف الشرطي

قال له تعال يولد والشيخ وليد قرب قال له نعم قال الشرطي تعرف هالبنت

تتوقعين وش قال

رغد تحمست للموضوع :هههههههه وش قال

مشاعل :وبكل برود قال لا مااعرفها

رغد انصدمت :بذمتك

مشاعل :وربي ولا راح ولا كاني اعنيه ولا كاني اخته النذل

رغد :ههههههههههههههه وبعدين

مشاعل :ايه اضحكي مبسوطه من عمايل وجرايم زوجتس

رغد وانا فاطسه من الضحك :طيب وبعدين

مشاعل :مااذكر بالظبط بس وصلني الشرطي بامان لاهلي بس للحين حاقده على

زوجك الدب

رغد :ههههههههه ياقلبي عليه اعترفي وش مسويه عشان يتنكر لك

مشاعل اخذت المخده وصارت تضربني :مالت بس بس عشان مانزلت من اللعبه

ينكر اني اخته

رغد :ههههههههههههه محد قالك تعاندينه

مشاعل :ايه مالقيت اقول الا لمرته

رغد :هههههههههههههههههه

مشاعل :ههههههههههههههههه هذا ولاشئ من جرايمه

رغد :قولي قولي افضحيه

وليد :شعيل ياويلك لو تكلمتي

رغد :ليييه خايف تطلع فضاحيك

مشاعل :عناد فيك بقول لها كل شئ هههههههههههههه

وليد :قولي وانا اطلع فضايحك

مشاعل بثقه :عادي قول

وليد بنظرة :اقول

مشاعل استوعبت :لالالالا خلاص بنثبر

رغد :خير خير تكلمي اقول

مشاعل :لا يماما عندتس زوجك هو يقولك

وليد يجلس :ايه حريم مايجون الا بالعين الحمرا

وجلسنا سوالف وضحك بعدها نزلنا تحت وعلى الساعه 2 حطوا الغدا تغدينا

وطلعت انا ووليد على جناحنا

رغد وكنت مترددة :وليد

وليد :هلا

رغد :مم......انت اليوم مشغول

وليد :ليه في حاجه

رغد :مم.....لا بس اذا منت مشغول ابغى اروح لسوبر ماركت او اكتب لك الحاجات الي ابيها

وليد :حاجات مثل ايش يعني

رغد :يعني شيبسات على شكولاته عصيرات مثل الاشياء هذي انت عارف اني اجوع

بااخر الليل واقوم ادور لي حاجه

وليد :هههههههه لانك ماتسمعين الكلام اذا قلت لك كلي قلتي شبعت

رغد :بعد وش اسوي بالليل اشبع بسرعه

وليد :طيب اليوم يمكن مااقدر خليها بكرا

رغد :لا وليد ماابي يصير مثل ام"يي وش اقو لانا "........

وليد رفع حاجبه :مثل ايش كملي

رغد "صدق اني غبيه والحين مااقدر اكذب يعرف هو اذا صرت اكذب ولا ":لا عادي

بس امس حسيت اني عطشانه ولما رحت اشرب شفت انه مافي مويه فنزلت تحت

وبعدها حسيت بالجوع وجلست اكل الا بااخوك سعود دخل وطلع بسرعه لما انتبه لي

بس هذا السالفه ومافيها ماابي انحرج معه

وليد :وشافك

رغد :بسرعه طلع

وليد يصر على اسنانه :شاافك

رغد :ايه بس على طول نزل راسه وطلع

وليد :وليه مانزلتي بجلالك

رغد :نزلت به بس كنت اغسل وتركته على الطاوله

وليد وحسيت انه مو متقبل السالفه :..........

رغد :وليد

وليد :هلا

رغد :والله ماكان قصدي ولا هو بس صار الي صار

وليد يبين ان الوضع طبيعي :حصل خير بس مره ثانيه لاتنزلين من راسك الجلال طول منتي تحت

رغد وانا ابي انهي الموضوع : ان شاءالله

وليد :ان شاءالله اليوم اخلص اشغالي ونروح نقضى اغراضنا اوك

رغد :اوك

المغرب جاو معارف خالتي وامتلى المجلس نسوان وكذالك الرجال وحسيت اني صورة

للعرض ماغير يناظروني ويبتسمون وان ارد الابتسامه لهم على الساعه عشر حطوا

العشاء وبعدها الكل راح على بيته حسيت بارهاق مو طبيعي وبدها طلعت مع وليد

واخذت لي اغراض تكفي لاسبوع وحسبت شعوله معي

مزنه :سعود

سعود:..............

مزنه :سعود انا احكيك ليه ماترد

سعود:خير وش عندتس

مزنه :لحد متى اخوك وحرمته بيجلسون هنا

سعود رفع حاجبه :وليه السؤال لايكون جالسين عندك وانا مدري ولاتنسين هذا بيته مثل ماهو

بيتي

مزنه :ايه بس مو بيت مرته لانها مو منا

سعود اكتفى بنظراته لها بمعنى تنثبر وانسدح ونام وهي بعد انسدحت ونامت

رغد :شعوله انا سمعت من وليد انك مخطوبه صح

مشاعل بخجل :ايوا

رغد :الله يتمم لك على خير على ولد عمك صح

مشاعل :ايوا واسمه مشعل

رغد :ياعيني مشعل ومشاعل

مشاعل :ههههههههههه الله يرج عدوينتس

رغد تو كنت باكل لي مارس الا حسيت بالم ببطني وحطيت ايدي عليه :اااه

مشاعل :رغودة وش بلاتس

رغد عقدت حجاتي من الالم :مدري بس احسب الم ببطني ااااه

مشاعل :الله يهديتس قلت لك لاتكثرين من الحلا وهذي النتيجه

رغد :يامشاعل ماهي اول مره اكل كذا بس هالالم اول مره يجيني كذا اااه يابطني

مشاعل تقوم :دقايق اجيب لك مسكن للالم

رغد الم مو طبيعي وش جاني ولااراديا بدت دموعي تنزل :مشااعل نادي وليد

مشاعل خافت يوم شافت دموعي وراحت ركض تدق على وليد وكلها ربع ساع هالا

وليد وخالتي ومزنه وعمي جنبي

وليد وهو يمسك يدي :رغد وش فيك

رغد وانا اتعصر الم :مدري بطني اااه

وليد :مشاعل ولا عليت سامر جيبي عبايتها

مشاعل :ان شاءالله

رحنا للمستشفى ودخلنا على الدكتورة وكشفت على وانا مازالت اتالم من بطني ياربي

ارحمني ماني قادرة اتحمل

بعد ساعه دخلنا على الدكتورة عشان نعرف نتايج التحليل "ياربي ماتكون الزايده او سرطان

يمه لا لا ان شاءالله مايكون سرطان "وبدت دموعي تنزل زود

وليد :بشري يادكتورة ان شاءالله خير

الدكتورة :ايوا خير مبروك المدام حامل

رغد ماانتبهت للي قالته وبخوف من الوضع :دكتورة الله يخليك لاتخبين شئ انا وش

فيني اكيد السرطان صح

وليد والدكتورة :ههههههههههههههههههههههههههههههههههههه

رغد قهروني انا بهمي وهم يضحكون وبنرفزة :ليه تضحكون

وليد يمسك ايدي :ياقلبي تقول لك مبروووك انتي حامل تقولين والعياذ بالله سرطان

رغد مااستوعبت :اايش

وليد :مبروك ياقلبي بتصيرين ام وانا بصير ابو

رغد لحد الحين ماني مستوعبه :انا..انا .حاامل

وليد بضحكه :هههههه ايه حامل

وطلعنا من الدكتورة واحس وليد شوي ويطير من الفرح وانا بعد ماني مصدقه اني حامل

وبصير ام ياربي تمم علينا فرحتنا وجلست احمد ربي وااستغفره

وصلنا البيت وانتشر الخبر والكل فرح وبارك لنا وعمي عزم اخوانه وخواته على

العشاء بمناسبه حملي والكل كان مبسوط مره

مزنه :ثبتت نفسها

سعاد :ايه ماهيب سهله حملت على طول ضمنت نفسها

مزنه :مدري كيف عمي وافق بس ولا وش فيها زود عليتس

سعاد :ماعلينا السالفه انتهت الحين وتاكدت بعد من شفت وليد كيف طاير من الفرح

مزنه :ولا يهمتس ان شاءالله بكرا اذا انخطبتي ورحتي بيندم وقولي اختي ماقالت

سعاد :وش هاللبس الي لابستها وكيف مرت عمي راضيه

مزنه :والله انا اقول شكلها مسويه لهم بلاى ولا حاجه ابد ماينطقون بشئ

مخلينها على راحتها مير

سعاد :والحين بيزيد الدلال يوم حملت

مزنه تناظرني بقهر :هالكلام مايصير طول ماانا موجوده

سعاد بضحكه :بعدي والله اختي

رغد صعدت للجناح احس ان جسمي كله متكسر من التعب غيرت وانسدحت وماانتبهت

لنفسي الا ووليد جالس يمسح على راسي :هلا

وليد :هلابتس

رغد :تصدق ماكنت ناويه انام قلت بريح وماحسيت بنفسي

وليد يبوس جبيني :من التعب يابعد حالي ان شاءالله ماتعبت

رغد :لا خالتي ماخلتني اقوم حتى الحريم يسلمون على وانا جالسه

وليد ببتسامه :ايه خابر امي عشان كذا تطمنت وخليتهم يسون العزومه

رغد صلحت جلستي :وليد

وليد :عيونه

رغد ابتسمت :تسلم عيونك انت فرحان

وليد يجرني لحضنه :الا طااااااااااير من الفرحه ماني مصدق اني بصير ابو

رغد :ولا انا

وليد :الله يتمم الموضوع على خير

رغد حطيت ايدي على بطني :ماني مصدقه انب يصير لي كرش هههههه

وليد :وهذا الي همك الكرش

رغد :ههههههههههه لا بس مااتخيل شكلي وانا امشي وبطني قدامي احس شكلي بيصير

نكته هههههههههههه

وليد :وشلون نكته وانتي قمر بكل حالاتك

رغد :ايه قص على بكم كلمه اقول يالحبيب خلهم لبعدين يوم احس ماني طايقه نفسي

ههههههههه

وليد ينسدح ويسدحني على صدره ويحضني :اذا جى ولد بسميه عبد المحسن على ابوي

اما اذا جت بنت انتي سميها

رغد :بس اسميها الاسم الي يجي ببالي ولا تعترض

وليد :لا لازم اعترض يمكن الاسم مايجوز لي

رغد :وش رايك باسم جنى

وليد :جنى جنى حلووو

رغد :جد

وليد يبوس خدي ويقرصه :كل شئ منك حلو ياقلبي

رغد ابتسمت بخجل يوم حط وليد ايده على بطني وصار يتحسسه:.......

وليد :اقول قلبي

رغد :هلا

وليد :احبك احبك

رغد دفنت وجهي بصدره :وانا اموت فيك

مر على حملي خمس شهور هبلت بوليد من طلباتي ومزاجي المتقلب احمد ربي اني قريبه

من اهلي ولا كان طفش مني ههههههههه وكنت سعيده مرره بحياتي

بس بيوم رجع وليد من الدوام ووجهه اصفر وشكله تعبان خفت عليه كثيرر وطلبت منه

يروح للدكتور بس مارضى وقال تعب بسيط ويخف بعد ماينام

رغد :حبيبي

وليد :هلا قلبي

رغد :شلونك الحين ان شاءالله احسن

وليد :لا تمام الحين شفتي قلت لك بس ارتاح ويروح التعب

رغد كنت اشوف وجهه مازال مصفر بس احسن من قبل :اكيد

وليد :اكيد ياعمري

رغد :اهلين

مشاعل :هلابتس اخبارتس يابعدي

رغد :تمام وانتي اخبارك

مشاعل :الحمدالله بخير وسلونتس مع الحمل امي رجتني وهي تسال عنك

رغد :ههههههه الحمدالله الله يخلي لي خالتي سلمي لي عليها

مشاعل :يوصل يالبطه يام كرشه

رغد :وشو وشو من قال اني ام كرشه اساسا من قال اني انتفحت

مشاعل وماسكه نفسها لاتضحك :وليد الي قال انا ماجبت شئ من عندي

رغد رفعت حاجبي وبنرفزة :كذاااب والله ماني بطه

مشاعل :ههههههههههههههههههههههههههههههههههههههههههههههههه

رغد وحسيتا ني شوي وبصيح :فهميني ليه تضحكين ها ليه

مشاعل :امزح معك يالدوبه ماينمزح معك

رغد :لا ماينمزح وبعدين ماني دبه انتي الدبه

مشاعل :ههههههه طيب موافق هانا دبه يالبطه

رغد :بطه بعينك ووجع

مشاعل :هههههههههههههههههههههههههههههههههههههههه

رغد :ضحكتي بلا سنون ان شاءالله

مشاعل :قص قص

رغد :تستاهلين وقص بلسانك

مشاعل :طيب يالرشيقه لاتقطعين اتصلي مو كلا انا كل هذا بخل

رغد:مالت عليك بس مو بخل وانتي عارفه بس تدرين مع الحمل والتعب انسى

نفسي تصدقين صايره منسمه وبقوة بعد

مشاعل :ههههههه كيف يعني

رغد :صايره انسى بسرعه مثل امس وليد قال لي جيبي لي الشاحن للجوال

مشاعل :ايوا

رغد :اقوم لك واروح للغرفه واجيب الشاحن حلو

مشاعل :ههههههه حلو

رغد :مدري وش خالني اروح للمطبخ ووين وين اروح افتح لك الفريزر واحط الشاحن وارجع

واجلس بالصاله واكمل متابعه للمسلسل

مشاعل :من صدقك

رغد وانا اضحك على نفسي:والله

مشاعل :ههههههههههههههههههههههههههههههههه طيب ماسالك وليد وينه

رغد :الا قال لي اشوفك رحتي ورجعتي وين الشاحن قلت له أي شاحن

قال شاحن الجوال قلت ليه وانت قلت لي جيبيه قال ايه قلت طيب لاتدف بروح

اجيبه الحين وينه فيه هو قال على التسريحه واروح وارجع له واقول مافي شئ

قال الا انا حاطه قبل امس قلت يعني اكذب قوم شوف

مشاعل :ههههههههههههههه وبعدين

رغد :والله احس اني جبت لعقله الهبل قام مسكين وشاف انه مو موجود وصار يدور وانا

ادور معه المهم ياس من انه يلقاه

مشاعل :طيب كيف عرفتي انك حطيتيه بالفريزر

رغد:هههههههههه اليوم الثاني اشتهيت ايس كريم ورحت فتحت الفريزر الا الشاحن

بوجهي وبعدها تذكرت

مشاعل :مو بس منسمه وفاصله بعد هههههههههههههههههههه

رغد :ههههههههههه مالت عليك بس

مشاعل :طيب وش قال وليد يوم لقاه

رغد :مسكين هههههههههههه حطيته بالدرج وقلت له مره ثانيه تذكر وين تحط اغراضك

مشاعل :هههههههههههه يالظالمه خليتي الغلط عليه هو

رغد :اجل اخليه يضحك على وعلى تنسيمي لا والله

مشاعل :انا من اتذكر يوم تطيحين بفرختك افطس ضحك

رغد :ايه اما على ذيك الفرخه رقبه مو صاحيه هههههههههههه

مشاعل :محد قالك ماتنتبهين لنفسك لو ان وليد ماجا مبكر كان ظليتي بالارض

رغد :يالله ياشيخه ايام عدت

مشاعل :كم لك الحين

رغد :بكرا بدخل السابع تصدقين بديت الحين صدق اخاف

مشاعل : اكيد بتخافين بس توكلي على الله ومافيه الا الخير ان شاءالله

رغد :ان شاءالله

مشاعل :يلا اخليك الحين سلمي على وليد

رغد :ان شاءالله يوصل وانتي سلمي لي على خالتي وعمي

مشاعل :يوصل يالله مع السلامه

رغد :بحفظ الله

وليد :قلبي

رغد :هلا عمري

وليد يحط ايده عاى راسه :جيبي لي بنادول احس راسي بنفجر

رغد خفت عليه هذا ثاني شهر والم الراس مو تاركه :حبيبي ليه ماتسمع الكلام وتروح للطبيب

على الاقل تطمن وطمني عليك

وليد عاقد حواجبه :لا ياعمري مايحتاج مع البنادول بيخف ان شاءالله

رغد:ان شاءالله

قمت وجبت له كاسة مويه مع الحبه وعطيته اياه وبعدها انسدح على رجلي وصرت اسوي له

مساج لراسه بعد فتره حسيت وجهه ريح حسيت الم خف عليه بس ثواني ورجع عبس بوجهه

الصراحه زاد خوفي عليه وعدم مبالاته تقهرني قررت اكلم رائد عشان يقنعه يروح

رائد :وهو من متى معه هالحاله

رغد :الحين بيكمل الشهرين يارائد اقنعه والله خايفه عليه

رائد :خير ان شاءالله الليله اكلمه

رغد:لا ماابيك تكلمه ابيك توديه للطبيب

رائد :الله يهداك يارغد بزر هو

رغد :عارفه بس عناده يقهر اذا مو خايف على صحته ولا يفكر فيها يفكر فيني وبالي ببطني

رائد :طيب طيب لاتسوين لي فلم هندي

رغد :رائد تكفى هو مايرد لك طلب

رائد :خلاص رغيد قلت بكلمه

رغد :رررررررائد

رائد :خلاص خلال الاسبوع هذا ان شاءالله يكون عند الطبيب

رغد:تسلم يااخوي

رائد :يلا تبغين شئ تامرين على شئ

رغد :لا سلامتك يالغلا انتبه لنفسك

رائد :ان شاءالله وانتي كذالك

سعود :رغد .رغد

رغد :...........................

سعود حركني من كتفي :يامرة اكلمتس انا

رغد انتبهت له وبعدت يده بقرف:خير

سعود عقد حواجبه:نعم وش خير ماتعلمتي كيف تردين على رجلتس

رغد اللهم طولك ياروح : نعم وش بغيت

سعود وهو يمسك نفسه :انزلي وصلنا

رغد انقبض قلبي لما شفت البيت وعلى طول صورة وليد جات ببالي نزلت مني دمعه

غصب عني وانا اشوف بيت اهل وليد وعمري ماتخيلت ادخله من دونه او

ادخله مع حد غيره ومين هالاحد اخوه اااااااااااااااااه ياوليد

سعود :مطوله حضرتك

رغد من غير مااناظره نزلت من السيارة واخذت بنتي معي وتوجهت للبوابه ...  

النهـــاية

رغد :لالا لالا اااااااااااااااااااااااااااااااااااااااااااا ولييييييييييييد لا تكذبون على تكذبون

رائد يمسكني ويهديني :ياقلبي مايصير كذا

رغد وانا منهارة كليا :رائد قول وليد مامات وليد مامات

رائد يحاول يمسك دموعه :اطلبي له الرحم هوانا اخوك

رغد :ابغى اشوووفه حرام عليك رائد لاتسوي فيني كذا وليد ماراح يتركني ولا راح يترك بنته

ابو رائد :يابنتي

رغد ارتميت بحضن ابوي وصرت ابكي وابكي :يبه قول وليد مامات وليد نجحت عمليته قول

ابو رائد :لاحول ولا قوة الا بالله

رغد:اااااااااااااااااااه لا لا وليد مايتركني لحالي هو وعدني بيكون جنبي طول العمر

ابو رائد :ياولدي روح ناد أي ممرضه خلهم يعطونها مهدئ ولا شئ

رغد بهستيريا :لاالالالالالا ابي اشوفه الله يخليكم ابي اشوفه

رائد:وش تشوفين الله يهداك

رغد :ماراح اصدقكم لحد مااشوفه بعيني ابي اشووووفه

ابو رائد :يابنتي يعني بنكذب عليك

رغد صرت اصرخ من قهر لفراقه:ااااااااااااااااااه ابي اشوووفه حرام عليكم ابي اشووفه

سعود :يامره احشمي منتي ببيتك اقصري صوتك

رغد بقهر :انت مالك دخل سامع

سعود :يابو رائد سكتها حنا بمكان عام الله يهداك

رائد :سعود انت شايفها بحالة تميز بمكان عام ولا غيره

رغد واحس الدنيا ضاقت فيني الغالي راح مني راح وتركني :رائد الله يخليك ابي اشوفه

رائد:...............

رغد وصوتي بدى يروح :رائد تكفى ا..بي ااشوفه

بعد دقايق دخلوني عليه عمري ماتصورت اني بشوفه بالشكل هذا ممد على السرير بلا

حركه ومغطى وليد الي كله حيويه ونشاط يكون جامد ساكن قربت منه وشفت كيف

الاجهزة مازالت موجوده

رغد بصوت رايح ومنهك :رائد الله يخليك ابي اكون لحالي معه

رائد:ياقلبي مايصير

رغد ناظرت عيونه :رائد اخر طلب اطلبك خلني لحالي ابي اودعه ابي اكون

لحالي مع زوجي ودنيتي ابو بنتي الي ماكحل عيونه بشوفتها تكفى

رائد قلبه تقطع على حالي :طيب بس ماراح اطول

رغد مارديت عليه وصرت اقرب واقرب من وليد وكنت ادعي انه يكونون غلطانين

وانه مازال عايش بس رجعت للواقع لما شفت وجهه جامد ولاجهزة عليه قربت

ايدي بتردد من وجهه كان بااارد :و..وليد تسمعني قوم انا رغد

:...................

رغد انهارت على صدره :وليد قووم قووم لاتتركني لحالي قووم حبيبي قوم شوف بنتك

ايه قلبي انا ولدت وجبت بنوته صغيرة مثل ماتمنيت قم كحل عيونك فيها

:...............

رغد صرت احرك فيه صرت اضرب فيه بس لاجواب:وليد ..لاتتركني

حبيبي قووم الله يخليك قوم ..... انا السبب انا السبب لو ماخليتك وشجعت انك تسوي العمليه

كان انت الحين حي انا السبب انا ااااااااااااااه

:.....................

رغد رجعت وانسدحت جنبه وحطيت راسي على صدره لاخر مره بس ماكان وليد

مااسمع نبضات قلبه الي كانت تتسرع لوقربت منه ماحسيت بالدفى والحنان

:وليد حبيبي من راح يهتم فيني اذا بكيت من بعدك من راح يراضيني لو زعلت

تركتني وحيده تركتني وتركت بنتك الي تو جات للدنيا وصارت يتيمه من بعدك اااه ياعمري

انت

رائد:يلا ياقلبي لازم نمشي

رغد تمسكت بوليد :مااقدر اتركه مااقدر

رائد يشيلني غصب عني :......

رغد وصرت ابكي زود واصرخ :لا لا اتركني رائد وليد وليد قوله ينزلني وليد حبيبي

قوله ينزلني قوله انك مامات

رائد صار يبكي ويقرا على عشان اهدى:............

رغد:وليد حبيبي قوم قول لهم انك مامت قولهم انك وعدتني ماتتركني قوم حبيبي قوم

لا لالالا وليييييييييييد

وبعدها ماحسيت بالدنيا انتبهت وانا على سرير بالمستشفى والمغذي على ايدي

صحيت وكنت اتمنى يكون حلم ماهو واقع شفت امي جالسه تقرا القران

رغد بصعوبه تكلمت حسيت ريقي ناشف:ي..يمه

ام رائد :عيون امك

رغد وبخوف من سؤالي الي بساله :وليد

ام رائد صارت دموعها تنزل وتمسح على راسي:الله يرحمه ويسكنه فسيح جناته

رغد تكورت على نفسى مثل البزر :ابيه ابي وليد يمه ليه يتركني انا ذبحته لو ماسمع

كلامي وسوا العمليه كان الحين هو عايش

ام رائد:استغفري ربك يابنتي هذا يومه وبعدين سواء سوا العمليه ولا لا هذا يومه

رغد:ابي اموت ماابي اعيش من دونه

ام رائد تحضني :استغفري ربك يابنت مايجوز الي تسوينه بحالك

رغد حضنت امي زود وصرت ابكي:يمه راح راح الغالي وتركني وحيدة بدنيتي

تركني وترك بنته يامي

ام رائد:ياعمري انتي خلاص مايجوز الي تسوينه بنفسك اطلبي من الله انه يرحمه وادعي

له ولازم ترضين بكتبه الله

رغد وانا امسح دموعي :والنعم بالله بس..

ام رائد تقاطعني :لا بس ولاغيره

ام رائد شايله بنتي :سمي بالله وخذي بنتك

رغد ظبطت جلستي وسميت بالله :ياعمري انتي ياروحي انتي

ام رائد :ماشاءالله شوفي كيف اسكتت يوم اخذتيها

رغد جالست اناظر بنتي كيف تتحرك ووتمغط تمنيت اكون مثلها بلا هموم ولا حزن

ااااه ياريحة الغالي انتي "يارب قدرني اني اعيشها براحه ومااحسسها بالنقص مع انه شئ

لانه بتفقد ابوها مهما صار يارب احفظها لي وسلمها من كل شر "ناظرت لعيونها كيف

تناظرني وكانها فاهمه على وتقول خلاص يامي لاتبكين انا معك "

رائد :تطنتي الحين وهذا هو راح الطبيب وان شاءالله خير

رغد :ان شاءالله ..هو وينه الحين

رائد :يقول عنده كم شغله وبيرجع

رغد :اوك اجل انا بروح اكلمه اشوف اذا بيتاخر ولا عشان تتغدا معنا

رائد :لا انا ماشي

رغد ناظرته وانا رافعه حاجبي :انثبر بس يلا

رائد وهو ماسك ضحكته :ان شاءالله عمتي

رغد:رجال ماتجي الا بالعين الحمرا

رائد :ههههههههههههههههههههههههههه

سعود :السلام عليكم ورحمة الله وبركاته

الكل :وعليكم السلام

سعود يحب راس ابوه:كيفك اليوم

ابو راشد :بخير جبت معك حرمتك

سعود:ايه يبه هي عند الحريم الحين

ابو راشد :زين ماسويت ياولدي مانبي بنتنا تتربى عند الغرب

سعود "اخ ياوليد لولا وصيتك ولا كان اخذت البنت وبلا وجع هالراس":الله يعين

راشد:سعود

سعود:هلا بو خالد

راشد :هلا بك وش العلوم معك

سعود:اسكت يارجال الله يعني على ماابتلاني

راشد :الله يعين خلصت من بنت العم جاتك غيرها

سعود :على الاقل بنت العم منا وفينا لكن هذي ماهي منا ولا من ثوبنا

راشد:هو صحيح بس ماشفنا الا كل خير منها واهلها والنعم فيهم صحيح مو قبايل بس حموله

سعود:ايه يلا انا بروح اريح ظهري انكسر من الطريق

رغد :السلام

الكل :وعليكم السلام

ام راشد تقوم تحضني:هلا وغلا بريحة الغالي الحمدالله على السلامه

رغد حبيت راسها :الله يسلمك

ام راشد :طمنيني عنك وعن الصغيرة ان شاءالله ماتعبتوا

رغد :لا الحمدالله

مشاعل تحضني :الحمدالله على السلامه يالغلا

رغد :الله يسلمك

مشاعل :كيفك ان شاءالله بخير

رغد بهمس:وين اكون بخير وربي بلاني باخوك

مشاعل :وش قلتي

رغد ببتسامه :سلامتك ولا شئ

ام راشد :قومي يامشاعل وصليها لغرفتها ترتاح

مشاعل:ان شاءالله

قمت مع مشاعل وام راشد اصرت ان جنى تظل معها وخليتها كانت تحضنها وتبوسها

حسيتها تشوف وليد فيها ااااااااه ياوليد الله يرحمك ياحبيبي

مشيت مع مشاعل ومن غير شعور رجولي اخذتني لغرفتنا غرفتي انا ووليد كانت مشاعل

تناديني وماكنت اسمعها كنت بعالم ثاني عالم كنت اشوف واحس بوليد ينادي باسمي فيه

ينادي روحي وعقلي وقلبي فيه وقفت عند باب الجناح وكان شعور غريب متملكني حسيت

لا كنت متاكده اني لوفتحت الباب بلاقي وليد بلاقيه فاتح لي يديه وينادني لحضنه وبكل

فرح وسعادة فتحت الباب والابتسامه ماليه وجهي.......

لا لا لا مستحيل الي جالسه اشوفه لا مش ممكن غمضت عيوني وفتحتها على امل اني

عيوني خانتني النظر فتحتها لا لا انا مااحلم ناظرت للممر الي يودي لجناحنا ايه هذا هو

انا مو غلطانه هذي غرفتنا هذا جناحنا بس بس وين السرير وين الدولاب صرت اتوجه

لمكان السرير واشوف مكانه فاضي التسريحه كل شئ كان مشيول كانت الغرفه فاضيه لدرجه

اني اسمع صدى حركاتي وبحاله هستريا رحت ركض لمشاعل ومسكتها وصرت اهزها

مشاعل انصدمت مني ومن دموعي الي ملت وجهي وخافت منطريقة مسكتي لها

رغد:مشاعل وش سويتوا وين اغراضي انا ووليد

مشاعل منصدمه:.............

رغدصرت اهز فيها :تكلمي من الي تجراء وحرك اغراض الغالي ونقلها من مكانها مين تكلمي

مشاعل استوعبت الوضع وحاولت تهديني:رغد حبيبتي اسمعيني

رغد:تكلمي بسرعه من عديم الاحساس الي تجرء وحرك ونقل اغراضه

سعود بكل حزم:انا الي نقلت الاغراض وش عندك

رغد تجمدت بمكاني ودموعي زادت غزارة وحضنت مشاعل

سعود:مشاعل

مشاعل:سم اخوي

سعود:انا بروح اريح دلي"وهو ياشر على باصبعه "على جناحنا

رغد"كلمة جناحنا هي الكف الي صحتني من حالتي تذكرت ان وليد ماعاد موجود بحياتي

الحين في انسان جديد ملك حياتي انسان كرهته من اول ماطاحت عليه عيني انسان حكم

على بالموت من يوم قرر اكون زوجه له "ناظرت لمشاعل قلت يمكن الي اسمعه واشوفه

مجرد حلم بس لما شفت دموعها وخوفها على من الحال هالي انا فيها عرفت انه واقع لامهرب

منه هذا حياتي ومصيري الي لازم اتعايش معها .. طلبت من مشاعل تاخذني لغرفتها لاني

ماراح اتحمل اكون معه بمكان لحالنا

وليدوهو نايم بحضني وانا جالسه امسح على راسه:حبيبي لو يكون الي بطني تؤام وش

راح يكون شعورك

وليد :لا اذا بيصير تؤام ماراح اقبل باثنين

رغد:كيف مافهمت

وليد :يعني بيكون تؤام اربعه او ست اما ثنين ماله داعي

رغد بشهقه:نعم اربعه ولا سته وش قالوا لك ارنب ولا قطوة وليه حضرتك ماتبي اثنين

وليد بضحكه اسرتني من اول يوم سمعتها فيه:الي يسمعك الحين صدق ياقلبي امزح معك

بس احب ارفع ظغطك شويه

رغد وانا ادفه عن حضني:بعد يالدب بعد بس

وليد يقوم:انا الدب ولا انتي صايرة بطه الي يشوفك يقول حامل بثمانيه مو واحد

رغد وانا متخصرة:والله هذا ولدك او بنتك ماخذ حيز يعني كل الزايده الي فيني

من الي ببطني

وليد وهو ماسك ضحكته:انا الي اسمعه ان البنت البكر بحملها الاول ماتزيد كذا شوفي صايره

وكانك بالون

رغد وشوي وابكي قمت عنه ودخلت الغرفه وثواني الا وليد وراي سويت نفسي مااشوفه

ورحت بنسدح الا مسكني وحضني

وليد:قلبي

رغد:...........

وليد:حبيبي

رغد نزلت مني دمعه حاولت قد مااقدر ماتنزل :.......

وليد رفع وجهي ومسح دمعتي:الحين ابي اعرف وش لزوم هالبكي

رغد حاولت ابعد عنه بس ماقدرت:......

وليد حضني بقوة لصدره:ياعمري وروحي انتي انتي تعرفين انك تعجبيني بكل حالاتك

بس انا احب امزح معك واحب انرفزك بس

رغد بدلع طفولي :وخر عني مااحبك

وليد بضحكه:عيني بعينك اشوف

رغد:بعد

وليد :ماراح ابعد لحد ماتقولين الي قلتيه وانتي تناظرين عيوني

رغد بعناد :عادي اقوله

وليد :يلا ناظريني وقولي

رغد رفعت عيوني لعيونه وضعت وسبحت بخيالي عيونه دايم تحسسني بالامان

دايم احس بالحب واحس اني اسعد بنت بالعالم

وليد :يلا قولي

رغد:دب ليه تنرفزني كذا انت تعرف ان موضوع وزني صايره اتحسس منه

وليد:خلاص ياقلبي ماراح انرفزك او اتكلم عن وزنك بس مااوعدك اني ماانرفزك

بشئ ثاني لاني بصراحه اذوب واموت على وجهك وشكلك وهو متنرفز

رغد بخجل:هههههههههههههههه دب

بعد العشاء تجمعنا بالصاله وكان مافيه الا عمي ابوراشد وخالتي ومشاعل والي ينقال

عنه زوجي انا كنت جالسه جنب مشاعل وحاطه الجلال على راسي وبحضني جني

ام راشد:رغد يابنتي

رغد:هلا خالتي

ام راشد تناظر يمين ويسار:يابنتي وش هوله هالجلال الي على راستس

رغد بارتباك وابي ابين لهم انه مافي شئ :والله ياخالتي مدري يمكن لاني تعودت على هالشئ

ام راشد:ايه يابنتي بس مافي حد غريب افسخيه بس

رغد ناظرت لمشاعل استنجد فيها كيف اشيله وانا للان ماخليته يشوفني كيف اشيله واخلي

رجال غريب يجلس يناظر فيني

مشاعل تستدراك الوضع :رغد الا انا ماورايتس غرفتي الجديده

رغد بفرحه انه بنفذ من هالسالفه :لا قومي وريني اياها الحين

وبسرعه قمت وبحركه سريعه طلعت من الصاله ووصلنا لغرفه مشاعل وجلست على السرير

مشاعل:رغد

رغد:هلا

مشاعل:رغد قولي الصدق انتي مجبورة على سعود

رغد مارفعت نظري له وكنت اناظر الارض:.............

مشاعل :رغد ناظريني

رغد رفعت عيوني وانا احاول اكتم عبرتي وونتي :وش تبيني اقول لك

مشاعل :ابي الصدق وابيك تتاكدين ا نالي بتقولينه لي ماراح يطلع برا الغرفه

رغد اخذت نفس عميق وقلت لها كل الي صار والي خلاني اتزوج اخوها

مشاعل بصدمه :يعني انتي ماوفقتي عليه بقناعه

رغد وانا ابكي :وتظنين اني برضى بواحد يكرهني وبواحد مايتركفرصه يشوفوني فيها

الا ويهني ويجلس يعيب فيني لاني ماني بدويه واني مو من ثوبكم كيف تظنين اني بوافق

على اخوك

مشاعل :طيب يعني الحين انتي وافقتي بس عشان بنتك

رغد:ايه

مشاعل:طيب وش راح يكون وضعك مع سعود يعني بتظنين انه ....

رغد:اظن ايش تقصدين انا بنكون مثل أي زوجين لا طبعا انا اليوم بتكلم معه

واحط النقط على الحروف اذا هو مثل مايقول مااخذني الا عشان بنتي ماتتربى

عند احد غريب فما راح يكون بينا أي علاقه بس قدام الناس راح نبين انه طبيعين

مشاعل :وسعود بيوافق

رغد:مو بكيف انا انجبرت ووافقت عليه عشان بنتي لكن مستحيل يقدر يجبرني اني

اتقبله كزوج او احبه او .....

مشاعل : او ايش

رغد:ولا شئ مشاعل الله يخليك سكري الموضوع انا تعبانه وابي ارتاح

مشاعل: اوك بكرا نكمل كلامنا تبين اخلي جنى عندي

رغد:ليه ماهو انا وجنى عندك الليله ولا ماتبينا بغرفتك

مشاعل :غرفتي وراعيتها تحت امرك بس اخاف سعود يقول شئ

رغد:خليه يقول الي يقوله المهم انا بنام الحين وبكرا يحلها الف حلاال

بالغرفه عند سعود جلس ينتظرني اجي وكل شوي يناظر لساعته لما نفذ صبره طلع

من الغرفه ونزل يدورها ماشاف بالصاله الا امه وابوه وانحرج يتكلم او يقول حاجه

فعرف اني نمت عند مشاعل ورجع بكل هدوء للغرفه وسكر على نفسه

مزنه رايحه جايه :يمه يمه بموت من القهر انا يطلقني ويتزوج على بنت لا اصل ولا فصل بنت

لاهي من ثوبنا ولا حنا من ثوبها

ام سعد:طبخن طبختيه يالرفثا كليه ولا من مثله يصبر على حرمتن مثلك هامله زوجها وعييلها

وجالسه للقيل والقال حتى اهله ماسلمو من لسانك

مزنه:يمه انا ابيك تهونين على تزيديني ..بس مااكون مزنه ان ماخليتها تندم وتكره اليوم

الي فكرت ووافقت فيه على شئ ملكي

ام سعد بسخريه :علميني يابنت ابوك وش ناويتن عليه

مزنه :راح تشوفين وش راح تسوي مزنه راح اطين عيشتها وحتى وانا ببيت اهلي

اصبري على بس

ام سعد:اقول لو بطاوعتس ماراح انام خليني اروح اريح احسن من مقابل هبالتس

الي مدري وين بيوديك فيه اكثر من الضياع الي انتي فيه

مزنه :يمه عندي لك خبر

ام سعدوهي قايمه :خليه لبكرا

مزنه :يمه انا للحين اعتبر زوجه سعود

ام سعد رجعت لها :انهبلتي انتي طلقك من اربع شهور يعني انتهت العدة

مزنه :ايه بس الحامل عدتها لحد ماتولد صح ولا

ام سعد :انتي حامل

مزنه تمسح على بطنها :ايه يمه حامل وهذي بطاقتي الي راح العب فيها الحين"وبابتسامة خبث ومكر"وراح تشوفين كيف راح ارجع للسعود وبيته واخليه يطلق الخايسه"

رغد نزلت على الفطور مع مشاعل وسلمت على خالتي وعمي وجلسنا نفطر كانت خالتي

طايرة من الفرح بجنى كانت تلاعبها والدمعه بعينها بسبب ان جنى عيونها عيون ابوها واسعه

ورمشها كثيف اذا ناظرت فيها اتذكر عيون وليد لما كان يناظرني وابتسم كل ماناظرتهم

واظن خالتي انتبهت له الشئ عشان كذا كانت تطول وهي تناظرهم كنت مبسوطه

وانا اشوف هالصغيرة بسطت خالتي وعمي كانوا يلاعبونها وياكلونها وجنى طبعا كانت

مبسوطه هي تنبسط باي حاجه فيها لعب

سعود:السلام عليكم

الكل :وعليكم السلام

رغد لما شفته على طول حطيت الجلال على راسي وهذا خلى عمي وخالتي يناظروني

باستغراب بس مافي حد منهم تكلم

مشاعل تحرك كتفي:ناظري كيف صار وجه سعود"بهمس"

رغد رفعت نظري لاني كنت مغطيه وجهي شفت كيف كان ماسك نفسه وعلامة الغضب بانت

على ملامحه بس سكت وجلس يفطر

مر اليوم بسلام واغلبه زيارات من حريم عمام سعود وعماته وخالاته وحريم اخوانه

صحيح مر بسلام بس كان متعب بشكل كبير.... بعدها صعدت لغرفتي الي هي غرفة مشاعل

وجهزت فراشي وفراش جنى وسدحتها ورحت اغير ملابسي بس لما رجعت تفجات بشخص

ماكان مشاعل كان سعود جالس يلعب بشعر جنى وهي نايمه على طول تراجعت على ورى

لاني كنت بالبيجامه ولا كان على جلال يغطيني انتظرت تقريبا ربع ساعه ولما حسيت انه

مافيه أي حركه ولا صوت تطمنت وتاكدت انه طلع من الغرفه طلعت من غرفة التبديل ومن

لا انتبه الا هو بوجهي مسك ايدي وسحبنب لبرى الغرف هوانا كنت منصدمه كنت امشي

وراه من دون احساس كنت افكر كيف اهرب منه كيف اغطي نفسي انتبهت لنفسي لما دخلنا

غرفته

رغد كنت معصبه مره :انت باي حق تمسك ايدي وتجيبني لهنا ومن غير مااستر نفسي

سعود يناظرني من فوق لتحت:نعم عيدي ماسمعتس وش قلتي

رغد وانا مندفعه وودي امسك رقبته واخنقه:اظن لك اذون وسمعت وش قلت

سعود :اظن انك نسيتي انك زوجتي يامراه ومن حقي اجرك من شعرك بعد ومن حقي اني

ومن غير مايكون عليك حاجه يالي تتكلمين عن الغطا انهبلتي ولا تستهبلين نسيتي انك حرمتي

لاتظنين اني سكت عنك البارح يعني بسكت اليوم بعد لا اصحي على نفسك ماهو سعود الي

حرمه تمشيه على كيفها سامعه

رغد قهرتني نظراته لي وبتحدي:ولا هو انا الي تمشي الرجال بكيفها بس اظن انك صدقت

هالمهزله وصدقت انا متزوجين صدق انت الي اصحى انا ماتزوجتك وقبلت فيك الا لانك

هددتني بحرماني من بنتي مو لسواد عيونك

سعود بصوت حازم خلاني ارجف بس مابينت له خوفي:اقول اقصري صوتك لااقطع لك

لسانتس سامعه

رغد لفيت بوجهي عنه وكنت بطلع برا الغرفه بس مسكني من زندي:على وين على وين

رغد رفعت حاجبي :على وين يعني لغرفتي

سعود سحبني لجوات الغرفه :اقول بلا هبل وانثبري بمكانك هذي غرفتك مكانك مع زوجك

رغد :لا منت بزوجي لاتصدق نفسك

سعود باستهزاء:بالله يعني وعقد الزواج والشهود والمهر الي اندفع مو كل هذا يثبت انك زوجتي

ولا انا غبي ماافهم

رغد :...............

سعود :اسمعي ياحرمه انا رجال مااحب وجع الراس ومااحب طولة اللسان وكل افكار الهبل

الي براستس شيليها ومن اليوم تتصرفين على انك حرمة مزوجه يعني انا مااخذتك ديكور اصرف عليتس اخذتك زوجة لي تخدميني وتريحيني مو تجيبي لي وجع الراس

واذا انك تظنين اني ميتين عليك لا شيلي من بالك هالشئ انا بعد اخذتك عشان بنت اخوي

ماتربى عند غريب ولا كان مااخذتك ولا حلمت فيك بس الحين رضيتي ولا لا انتي

زوجتي يعني عليك واجبات تسويها لزوجك وااولها الاحترام يعني لسانتس اقصريه ولا ينرفع

حسه ولا والله ماتلومين الا نفسك

رغد اكتفيت اني اناظره بحقد :............

سعود "ماعجبتني نظراتها ودي اخذتها واعطيها كم كف يبرد قلبي بس على كذا عجبتني

قوتها الي كانت تبينها لي رغم خوفها الواضح من عيونها ":والحين انا بنام وماابغى ازعاج

وان انتهبهت ولا لقيتك بالغرفه ماتلومي الا حالك سامعه

رغد لفيت عنه والتزمت الصمت :.........

بعد فترة حسيت بسكون يخيم على الجو لفيت عليه لقيته نايم على السرير ومعطيني ظهره

قلت بطلع من الغرفه بس باين انه كلامه مو مجرد تهديد اخذت بنتي ونمت على الكنبه الكبيرة

مع انه النوم تركني ولا مار على جلست افكر بحياتي الجديدة حياة من غير وليد حياة بتكون

هم وعذاب من اولها

انتبهت على الساعه 2 وباب الغرفه يندق صحيت مرعوبه ادور بنتي مو هنا قمت بسرعه

اشو فمين الا مشاعل مع جنى

رغد اخذتها بسرعه وحضنتها :هلا حبيبي

مشاعل :وس بلاك رغودة الي يقول حنا خاطفينها

رغد بعد ماهديت :لا ياقلبي بس صحيت مالقيتها ولا حسيت فيك وانتي تاخذيها مع انوا

نومي خفيف مره

مشاعل :بس ماهوب انا الي اخذتها سعود نزلها وقال انتس مانمتي عدل

رغد :...............

مشاعل بغمزة :الا و سالي مسهرك ياختي "وتضحك"

رغد بشمئزاز :لايروح بالك لبعيد ماصار حاجه بس ارق ماحسيت بنفسي حتى لما نمت

مشاعل :طيب طيب لاتاكليني بعيونتس يمه منك الواحد مايمزح معتس

رغد :مزح مثل كذا خليه لك سامعه

مشاعل :هههههههههههههههههههههههههههههه

رغد :طيب امسكي حبيبة امها وانا بتروش والبس وانزل

مشاعل تاخذ جنى :ان شاءالله

رغد لفيت عليها :اسمعي لاتنزلي انتظريني هنا طيب

مشاعل :ان شاءالله بس لاتتاخرين

رغد :اوك

نزلنا تحت انا ومشاعل لتحت وتغدينا ومر اليوم بسلام وظلينا على هالحال الاسبوع هذا

انا انام على الكنبه وهو على السرير من دون أي احتكاك او كلام بينا وانا كنت مرتاحه

ومبسوطه من هالوضع لحد ماشرف لي

سعود :اقول يامره لاتظني ان الوضع بيستر على هالحال انا قلت اترك على راحتك

هالاسبوع بس من بكرا راح تعيشي وضعك انتي حرمة متزوجه يعني زوجك له حقوق عليك

واهمالك هذا اتركيه على جنب

رغد تخصرت :المطلوب

سعود رفع حاجبه ماعجبه طريقة كلامي : يعني يافهيمه من بكرا مكان نومتك مع زوجك

بنفس السرير يعني يافهيمه تجهزي ملابسي قبل لاتنخمدي ترتبي ملابسي وتغسليها تجهزي

غداي وعشاي تهتمي بنفسك وتكشخي لي ممكن اقدر اتقبلك كزوجه يامتعلمه

رغد :نعمممممم وليه انتم تزوجني خدامه لك

سعود بصوت حازم:يعني الحرمه لاسوت الاشياء هذي لزوجها تصير خدامه

رغد :لاطبعا بس هالاشياء تكون برضى وطيب خاطر من الزوجه مو غصب عنها

سعود:والله هذا شئ راجع لك بيكون من طيب خاطر زين وحلو بيكون غصب عنك

هذا راجع لك

رغدورفعت حاجبي له:ومستحيل هالشئ يصير سوء برضاي او غصب عني سامع

ماحسيت الا بحرارة بخدي وبعدها طحت مغمى على

رغدوانا منفعله:حبيبي وش هالكلام الي تقوله انت صاحي حبيبي مستحيل اسوي هالشئ

لو حتى امي وابوي يطلبونه لي وحتى لو غضبوا على انت زوجي وحبيبي وروحي كيف

تتصور اني ممكن افكر او مجرد تفكير اني اتركك بعز حاجتك لي وبعدين ليه تحكم

على نفسك بالموت وانت عارف انه في علاج ليه الياس ياعمري ليه

وليد حاضن وجه بيديه:رغد انتي سمعتي وش قلت لك انا معي الخبيث وباراس يعني علاجه

اصعب واصعب وغير كذا انه بمرحله متقدمه من المرض يعني نسبة نجاح العلاج ماتقل

عن 30%

رغد واحاول امسك نفسي وامسك دموعي :وهذي نسبة قليله برايك هذي احسن من واحد

بالميه حتى لو واحد هي فيها امل ياعمري لاتفقد ايمانك بالله وخلك قوي من اتكل على

الله ماخاب ياحياتي لازم تحارب هالمرض وباذن ربي انك راح تنتصر عليه وتهزمه

مثل كثير مثلك عانوا منه وقدرو بقدرة الله عز وجل انهم ينتصرون ويغلبونه

وليد:ان شاءالله انا بوكل امري لله وبتبع خطة العلاج وربي يقدم الي فيه الخير

رغد رحت وحضنته :ايه ياحياتي ابيك تكون قوي وتوجه المرض واعتبره مرض بسيط

لانه التغلب على هالمرض يكون اغلبه بالنفسيه يعني ياحبيبي حط ببالك انك ان شاءالله

بطيب وبتتعافى منه باذن الله

وليد زاد حضنه لي وباس راسي:الله لايحرمني منك يابعد حي وهلي وناسي انتي

رغد:ولا يحرمني منك

ام رائد:وانتي ياقلبي طمنيني عليك

رغد:انا الحمدالله ياامي بس وليد مقلقني حاله العلاج تاعبه حيل

ام رائد :لاحول ولا قوة الا بالله الله يشفيه يارب

رغد:اللهم امين

ام رائد:وانتي يابنتي لاتهملي حالك لاتنسين انك حامل لازم تهتمي بحالك

رغد:لاتخافين يمه وليد مو مخليني انسى حالي ولا الي ببطني

ام رائد :الله يخليه لك وان شاءالله يشوف الي ببطنك بيديه ويربيه بعزة

رغد:امين اميين

مشاعل :رغد ..رغد

رغد:وليد ..وليد حبيبي شوي واقوم

مشاعل ارتبكت خفت اخوي سعود يطب ويسمع اسمه مسكت وجهها وشفت الاحمرار

الي بخدها وعرفت انه طين ليلتها :قلبي رغودة اصحي

رغد انتبهت والم فظيع براسي :هلا ..مشاعل

مشاعل:هلا بك ياقلبي قومي تروشي وصلي الظهر وانا راح اصعد الغدا لي ولك

رغد :لا مشاعل مو مشتهيه

مشاعل:عشان خاطري على الاقل لقمتين يلا قومي تجهزي وانا بروح اجيبه

رغد قمت وبالحيل شلت حالي احس ان الحركه عندي ثقيله وراسي بعد قمت واخذت

ملابسي من الدولاب وتوجهت للحمام انتبهت بالمرايه للاحمرار بخدي وتذكرت الكف

الي جاني منه "طيب ياسعود مااكون رغد ان مارديت لك الصاع صاعين وانا حرمة وليد

"تروشت ولبست ملابسي ورتبت شعري وطلعت شفت مشاعل مع جنى ينتظروني

رغد:تاخرت عليكم

مشاعل تلاعب جنى :تو انا وحبيبة عمتها بناكل عليك الاكل صح جنونا

رغد انبسطت من شوفة بنتي وضحكتها رجعت لي شويه راحه

رغد :شعوله

مشاعل :هلا

رغد:بسالك واذا ماتبغى تجاوبي براحتك اوك

مشاعل:تفضلي

رغد:مممم سعود ليه طلق زوجته

مشاعل سكتت فترة بعدين تكلمت:هذا الله يسلمك لازم اقول لك القصه من اولها عندتس وقت

رغد ضحكت على طريقتها:ماعندي الا هو تكلمي كلي اذان صاغيه

مشاعل:هذا سعود لما تخرج من ثانوي ابوي خطب له مزنه حتى من غير ماياخذ رايه

وسعود عشان مايعصي امر ابوي وافق مع انه ماكان مقتنع

رغد:ايوا وبعدين

مشاعل:تم الزواج مع ان الكل ماكان مقتنع بمزنه بس هذا امر الوالد كانت وحده سخيفه

كل همها القيل والقال وكانت مهمله بنفسها وبزوجها وسعود بالبدايه كان دايم يشكي

لامي عنها بس بعد ماحملت سكت وصار يصبر ويصبر عليها بس عرف كيف يسنعها

رغد:طيب وبعدين وش صار

مشاعل :ابد هي نفسها ماتغيرت بس لما يكون سعود فيه هي تجلس وكل الادب فيها

بس يطلع تطلع عيونا معه هههههههه

رغد:طيب وش كانت تسوي يعني عطني سبب مقنع انه يطلق زوجته وام عياله وبنت

عمه بعد

مشاعل:اصبري جايك السبب صارت مشاكل كثيرة واولها ان الذهب حقها صارت

تبيع وتخش فيه وتتهمنا انا حنا والشغلات سرقنه

رغد ماكنت اتوقع انه يصير منها هالتصرفات:من جدك

مشاعل:والله وهذا غير الاكل والمثلجات الي تشيلها لاجات تروح عند امها طبعا انتي

تعرفين ان عمي على قد حاله مو مثل ابوي بالعز والنعمه

رغد:أي سمعت

مشاعل:ايوا وظلت على هالحال بس كل مانقول خلاص عقلت صار شئ جديد منها

صارت تتطاول على امي وعلى بالكلام

رغد:مو مصدقه وسعود كان عارف

مشاعل:عرف بس مو من طريقنا لان هامي ماحبت تقول له وتزيد كرهه لها

رغد:كيف اجل

مشاعل:مره كانت معليا صوتها على امي وهو جا البيت وكان مو وقت جيته عشان

كذا صادها واستلمها طق

رغد تذكرت الكف الي جاني منه:اها

مشاعل:بس تعرفين وس كان يقهره اكثر شئ

رغد:وش

مشاعل:انها ماتمسك لسانها كل حاجه تصير بينه وبينها على طول تنقلها لامها وخواتها

رغد:كيف كل حاجه

مشاعل:كل حاجه حتى اشياءهم الخاصه

رغد اشتغربت من هالحرمه الغريبه:من صدقك

مشاعل:والله

رغد:طيب للحين مااقتنعت ليه طلقها وخاصة انها بنت عمه

مشاعل:لانه مسكها وهي تاخذ ملفات تخص شغله وبتعطيها لاخوها وهذي السالفه

الي خلته يطلقها

النهـــاية 

رغد"انسانه تخوف هالمزنه جد عليها تصرفات ترعب الله يستر منها

خايفه انها تحطين براسها اكيد بتحطك يابنت اخذت زوجها وابو عيالها

يارب رحمتك ... جلست ارتب اغراضي وتذكرت صاحبتي غلا اعتبرها

اخت مو صاحبه اعزها حيل واشتقت لها ولسوالفها اخذت الجوال

واتصلت .....

رغد: السلام عليكم ورحمه اله وبركاته

غلا:وعليكم السلام اخير افتكرتي انه لك صاحبه تفكر فيك وتبي تطمن

عليك مالت عليك من صاحبه

رغد:ههههههههههههه يمه منك اصبري عطيني فرصه اتكلم الله برجك

من بنت

غلا: ابد خير دفاع الهجوم وانا هجمت

رغد: ليه الاخت خاشه على حرب

غلا: واكثر من ذلك ههههههههههه المهم اخبارك يادوبه وحشتيني

رغد: الحمدالله على كل حال وانتي اخبارك

غلا"بتنهيده":مثل ماقلتي الحمدالله على كل حال

رغد:صار شئ على موضوعك

غلا: ولا شئ مكمله المهزله ولحد مهتم ....

غلا"احساس غريب احسه يمكن احساس كل بنت بتنخطب وتصير

عروس ..ياربي خايفه اني مااعجبهم ..لا بنت خالتي تقول نهم

شافوني بخطبتها وانعجبو فيني حيل ويبوني "

الباب يدق:

امي: ها تجهزتي يلا اليوم لاتسهرين تروشي وصلحي شعرك ونامي

الناس بيجون المغرب طيب

غلا: طيب

صحيت اليوم ومااعرف كيف شعوري هل هو فرحه ولا خوف مدري

تجهزت ولبست واستعديت لبست تنورة قصيرة لساق سوداء وفيها

ورد ابيض مع تنورة بيضاء نص كم وفتحت شعري ..شعري طويل

لاخر ظهري وبياضي حلو وملاحمي عاديه بس فيها جاذبيه

حطيت لي روج خفف وكحل وجلست اقرا لي قران والاذكار

لحد ماجات خالتي وقالت يلا جاهزة

غلا"مرتبكه":أي

خالتي:سمي بالرحمن ومافيه الا الخير باين عليهم طيبين وحليوين

غلا:طيب

مشيت ورى خالتي وانا مرتبكه وخايفه طبيعي هالشعور لاي بنت

دخلت وشفت ثلاث حريم اتوقع كلهم خواته سلمت وجلست وسولفت

معهم شوي وبعدها امي اشرت لي اقوم وقمت بعد ماسلمت وطلعت

امي:ابوك واخوانك وخوالك سالو عنه والنعم منه وبعد ماطلعت

التحاليل بعد بكرا بيجي عشان شوفة السنه

غلا: لا ماابي

رغد: انتي الله يهديك لو قبلتي يشوفك وتشوفينه

غلا: يابنت انا اقتنعت بس تفجات انه جاو وقالو بكرا الملكه

غل" تفجات وارتبكت ماعرفت وش اسوي حسيت كل شئ يمشي

بسرعه كنت بعترض بس على كلام امي انه ماعليه كلام بس شكيت

شوي.....

امي: هو اسمر شوي بسمار اخوك تقريبا

غلا"حلو اصلا مو حلو الرجال ابيض وهذا راي طبعا "

امي :طول ابوك

غلا:وشو طول ابوي يعني قزم انا اطول من ابوي

امي: لا يجي طولك او اطول بشوي

غلا: توك تقولين طول ابوي

امي "كملت ولا اهتمت":تجهزي وربي يكتب لك الي فيه الخير

غلا" مدري حسيت ودي اعترض واقول ابي اشوفه بس كنت

خايفه انسان مااعرفه ادخل عليه وبيجلس يقز وعارفه ومتاكده

اني ماراح اشوف منه شئ .....

اليوم ملكتي ماحسيت باي فرحه ولا أي احساس استعديت ومشينا

لبيت جدي لانه الرجال والشيخ هناك رحت وشوي الا الشيخ جا وسالني

ووقعت وانتهى كل شئ صرت بنت متزوجه الحين ..بس ليه مو فرحانه

مع انه كل الي حولي مبسوطين وفرحانين الا انا ليه ....

شوي الا امي قالت يلا بنمشي لانه هو وخواته بيجون بيتنا لانه يبي

يشوفني ....

وصلنا بيتنا دقايق الا جرس الباب يعني صلو حسيت بخوف اكثر

من اني اكون فرحانه ومتشوقه اشوف زوج المستقبل ..

امي: يلا جاهزة

غلا: ماراح اطول بسلم واطلع

امي: لاتفشلينا سلمي وجلسي وسولفي معه زوجك خلاص

مشيت ورى امي الا اخته واقفه عند باب المجلس تنتظر سلمت على

وباركت لي ومسكت يدي ودخلتي ماحسيت بنفسي حسيت اني بحلم

سلمت وماادري على مين سلمت جلست جنب واحد انفجعت لما استوعبت

هذا زوجي مو غرور ولا تكبر بس حسيت اني انغشيت ضعيف حيل وشكل

رزته شكل واحد بمتوسط وانتبهت ليده مو اسمر هذا اسمر مايل للسود

تعوذت من ابليس وقلت يابنت مو مهم الشكل اهم شئ اسلوبه ومعاملته

وجلس يسالني عن اخباري واول مره اشوف واحد اول مره يشوف

خطيبته وبعد السؤال عن الحال يسالها ليه كتبتي بعقد الزواج كذا وليه

كتبتي كذا.... ماجاوبت عليه شوي الا جا الفرج قال يبي ماي وقمت ما

صدقت خبر ولا رجعت ثاني مع انه امي حاولت معي وانا رفضت ارجع

مر يومين وجاتني امي تقول جالس يزن فوق راس اخته يبي يكلمني

وانه هي قالت لها انه ماعندي جوال والصدق عندي بس مدري ليه

مااهتميت وقلت احسن يمكن يتاخر على مايجيب الجوال كنت اتهرب

من واقع اني صرت زوجه له ... يومين الا جاب الجوال ونفس الشئ

صدمني مره ثانيه ماكان عنده اسلوب جايبه بكيس المحل الي شراه منه

الي اعرفه الحين انه ميسور حاله وحالته اكثر من التمام والمعروف

انه الخطيب لما يجيب الجوال يغلفه على شكل هديه يحطه بمجسم

شئ يبين له ذوقه فيه ماانكر انه الجوال من احداث الجوالات بس

الذوق يكسر أي حاجز مهما كان ... مدري اتصيد له الغلطات ولا

ايش انصدمت ثاني لما شفت بطاقه السوا طيب انا متعودة على جوال

فاتورة وش قضيته لايكون بخيل بعد الله يستر بس....

جاب لنا اخوي عشاء ومبسوطين وتو بااكل الا الجوال يرن وطبعا مافيه

الا هو ماكان ودي ارد وكان ودي تكون مكالماتنا بعد حفلة الخطوبه بس

غلا"بارتباك":الو

عادل: السلام عليكم

غلا: وعليكم السلام

عادل: اخبارك

غلا: الحمدالله تمام وانت

عادل: انا زين

جلس يسولف فترة بس نرفزني تونا اول مكالمه

عادل: سمعي اهلك لايدخلون بشئ ولا تقولين لهم عن الي يصير بينا

غلا" هو صح كلامه بس مو وقته تونا نتكلم تونا نتعرف على بعض":

عادل: وبعدين اذا سالك ابوك وقال لك عن الشقه قولي انا اتفقت مع عادل

بالمكان الفلاني طيب

غلا: بس حنا متفقين انها تكون بالمنطقه....

عادل: بس بعيده عن العمل

غلا: بس الي فهمته انك بتنزلني بيت اهلي كل مره تروح الدوام صح

عادل: صح

غلا: يعني ماتفرق هو المشوار بتروحه بتروحه

عادل: ايه بس انتي قولي كذا

غلا: لا بفكر وبعدين اقولك

عادل: انتي فكري مو اهلك

غلا"رفع ظغطي كل شوي اهلك واهلك .. وبعدين اعرف المنطقه هذي

مشهورة بالروايح الكريها والكلاب المنتشره فيها ":يصير خير

حسيت انه يبي يفرض رايه من البدايه وحسيت انه حد معلمه هالكلمتين

بس مامشيتها له قلت مافي شئ يمشئ الا بالتفاهم مافي شئ ينفرض

طفشني حسيته مزعج مو راضي يقفل اذني وجعتني ابيه يحس يقفل

ابدا مافيه احساس جلس يكلمني من الساعه 9 بالليل لحد الساعه 3

وبعد ماصرفته قلت له خلاص بروح انام لاني طفشت حسيته حرمه

عجيز وماسكه لي تحقيق عن اهالي وخوالي واعمارهم ووين يشتغلون

ومن هالكلام ..... قفلت منه بس للحين ماحسيت براحه للحين ماتقبلته

قلت ماراح استعجل بنتظر.

غلا"وانا متملله": مدري ماشفت الساعه

عادل:نمتي اول ماقفلتي

غلا"اللهم طولك ياروح":ايه

عادل:تغديتي

غلا: لا توي صحيت من شوي الا انت داق

عادل: اها

وبعد سوالفه الي حسيت مافي اثقل منها

عادل : وش صار على الشقه

غلا: لا ماابي المنطقه هذي ابي الي قال لك ابوي عليها

عادل: ليه ابوك قال لك تقولين كذا

غلا "ياربي":لاماقال هذا رايي انا واظن انه لي عقل افكر واقرر مو اهلي

هذي حياتي مو حياة اهلي

عادل:يصير خير

غلا:تبي شئ مشغوله الحين

عادل:وش مشغوله فيه

غلا"لا بذبحه وش دخلك مابقى تسالني متى تدخلين دورة المياه اكرمكم

الله يالقافتك ياشيخ" مشغوله يلا ابوي ينادي مع السلامه

قفلت منه وحسيت الدنيا مقفله ابوبها بوجهي كيف بتحمله العمر كله

يعني لا اسلوب ولا شكل مو اني استهزئ فيه بس لو مشيت معه

بالشارع بكرا بيقولون ولدها مو زوجها انا مو سمينه جسمي ريان

بس بالنسبه له اصير سمينه ياربي وش اسوي ..

غلا:امي

امي:هلا

غلا"وانا ماسكة نفسي عشان ماابكي":ماابيه

امي:وشو ماتبينه

غلا:عادل ماابيه

امي:انجنيتي هو لعب عيال ماتبينه

غلا:يمه ماارتحت له ولا تقبلته ومادام حنا على البر كل واحد يروح

بطريقه احسن

امي:وش هالكلام وبعدين الي تحسينه عادي لانك مو متعوده تكلمين

رجال غريب ومابعد تتعودين عليه

غلا:يمه مو كذا اقولك مو مرتاحه له ولا لاسلوبه

امي :قومي اقري لك قران وتعوذي من ابليس بتشوفين كلها اسبوع

وبتتعودين عليه

مر الاسبوع وحسيته سنه مو اسبوع ثقيل بالحيل من ازعاجه ومكالمته

وتحقيقه واهلك واهلك والمشكله يقول لاتدخلين اهلك وهو الي يدخللهم

عادل: بس اخوي يقول كذا

غلا:وش دخلني بااخوك انا بعيش مع اخوك ولا انت

عادل: ايه بس

غلا: اسمعني اخوك على عيني وراسي بس هالشئ خاص بيني وبينك

مرت ساعتين وهو على نفس الموال وتحقيقه عن اهلي

عادل:طيب اختي تقول نسوي كذا

غلا :الحين تقول لاتدخلين اهلك فينا ليه ماتطبق هالكلام عليك

عادل: ايه بس هم اكبر منا ولا زم نسالهم وناخذ رايهم

غلا: انت قلتها راي مو امر نسمع اراهم وحنا بمزاجنا نسوي ولا لا

عادل: انتي بس تبين تسوين مسشاكل

غلا:طيب اسمع ابي مكالماتنا ماتطول يعني بعد 12 بالليل مانكلم بعض

عادل: ليه ابوك قال

غلا: لا مو ابوي

عادل: يعني اعتبر انه امر منه هذا

غلا"رفع ظغطي":يلا مع السلامه ابوي ينادي

رحت غرفتي وانا اسب واللعن اليوم الي وافقت فيه على الزواج وش الي

خلاني انهبل واوفق وجلست ابكي لحد ماحسيت قلبي تعب من البكي بس

ماقدرت اوقف تعبت منه ومنه صوته يالي يسبب لي كل الضيقه بالعالم

تعبت من استفزازه تعبت من تحقيقه واسلوب الحريم الي مو تاركه

تعبت من خفة الي اعرف انه الرجال كل ثقل ورزانه الا هذا كل خفة

العقل فيه يعني معقول توك تشوفني بعد الملكه ثاني يوم تقول تحبني

خير ان شاءالله تعبت من شخصيته الضعيفه والي الكل يمشيه بكيفه

من اخو واخت واصحابه تعبت والله تعبت وش اسوي ياربي مالي غيرك

يارب فرج همي يارب وجلست طول الوقت اصيح وكان اليوم المفروض

بنت خالتي تجي عشان تروح معنا نختار فستان الخطوبه بس جات

امي وتفجات من حالتي وانا اصرخ :ماابيه يمه ماابيييييييييه

امي"بخوف":سمي بالله وتعوذي من ابليس وهدي

غلا:ماابي اهدى ماابيه تعرفين وشو ماابيه مو قادرة اتقبله ولا ارتاح له

امي: طيب بس انتي هدي شوف وجهك شلون صاير وجسمك كله احمر

غلا"وانا ابكي زيادة والتعب لاعب فيني":ماابيه يمه ماابيه

امي: طيب بس هدي انتي

قفلت جوالي ورميته لامي واخذتني لشيخ يقرا على ظن منها انها عين

والناس حسدوني وانا اقول بنفسي على وشو يحسدوني مر اسبوع

وكنت اظن انه خلاص اهلى ماراح يغصبوني على شئ ماابيه كنت

اظن انه موضوعي انتهى...

رغد: ايه هذا اخر شئ سمعته منك وش صار

غلا"بالم": صار العكس كانوا يلعبون على يبغوني اهدى وبعدها يكملون

رغد:وامك ليه مصرة عليه

غلا:تقول انه والنعم منه واهله طيبين وشاريني ونادر ماتحصلين ناس

مثلهم ..هو صح كلامها بس انا بتزوجه هو مو متزوجه اهله

رغد"ماحبيت اتكلم وقلت بهديها بس":هدي ياقلبي هددي تبغين تتكلمين

ولا اقفل عشان ترتاحين

غلا: لا ابي اتكلم مع حد فاهمني تعبت من كل الي حولي ومو فاهميني

رغد: طيب كملي

غلا"جاني ابوي وصار يهدد ويهاوش ويقول انه بيلعن خيري ويدوس

ببطني ان ماظبطت حالي وتركت هالدلع عني وانه يشوفني ميته ولا حد

من الناس يتكلم عليه ... بكيت وبكيت لحد مامل البكى مني ودعيت ربي

انه ياخذ عمري لاني مااقدر اعيش مع انسان مو مرتاحه له ولا متقبلته

وش اسوي لاني بنت اسكت واقبل بالشئ هذا والله لو انها جات منه ما

في حد بيناقشه او يهزءه بس لاني بنت اسكت ....

جا يوم الخطوبه والفرحه بمكان وانا بمكان حاسه الدنيا سوداء بوجهي و

مقفله ابوبها كرهت الدنيا وكرهت كل شئ فيها صرت انسانه ثانيه

انطوائيه منعزله كرهت الضحك والوناسه صار النوم مهربي من كل شئ

وحتى بالخطوبه رفضت انه يجلس معي اكثر من ربع ساعه وانتهت

الحفله وانتهت حياتي معها...

ثاني يوم رجع اتصل وصار يفرض نفسه بحياتي اكثر من اول وانا اتهرب

وادور الاعذار عشان اقفل منه بس ماينفع مافيه احساس اقوله تعبانه

بقفل يقول صبري شوي بعدين قفلي ..يعني أي انسان له احساس يحس

ويعرف انه من طريقه معاملتي معه اني ماابيه مو متقبله أي شئ منه بس

هذا الاحساس بعيد عنه ...

عادل: متى اجي عشان ازورك

غلا"من زينك ولا من زين جلستك تجي ":مابعد تجي الشغاله وبيتنا

مقلوب فوق تحت انتظر كم يوم

عادل:يعني كم يوم

غلا:وش عرفني هم قالوا بالاسبوع هذا بتوصل

عادل:أي يوم طيب

غلا:اذا جات قلت لك تعال حياك

عادل:ليه يعني لازم بالمجلس عادي اجلس بالصاله

غلا:نعم وش تجلس بالصاله

عادل: ايه انا مو غريب

غلا:الا غريب وانت تجي بيت اهلي مو بيتي يعني ضيف ومكان الضيوف

المجلس مو الصاله

عادل:كذا زعلتيني ليه تحسسيني اني غريب المفروض تقولين حياك

البيت بيتك مو تقولين كذا

غلا"بنرفزة..وهذا روتين حياتي بالوقت الي يكلمني كل نرفزة العالم فيني

":لا مو بيتك وبعدين بيتنا كل شئ متصل بالصاله اعطل اهلي واخليهم

يجلسون بغرفهم لانه حضرتك مو صابر كم يوم

عادل:ايه وش فيها مافيها شئ

غلا:بالله مابقى الا تقول بدخل غرفتك

عادل: ايه عادي

غلا: اقول يلا مع السلامه ابوي ينادي

عادل:اذا خلصتي منه كلمني

غلا:لا ماراح اكلم لاني بطلع مع اهلي مع السلامه

وطبعا ماينتهي تنقيصه لحياتي لهنا يشتغل بالرسايل انتي زعلتيني

انتي ضايقتيني انا تعبت ورحت المستشفى كله منك ..

وش خلى للبنات الي اعرفه الرجال ثقيل مو خفيف مثل هذا الي اعرفه

انه البنت هي الي تتضايق وتزعل وتسوي الاسلوب هذا وانا العكس

حسيت اني انا الرجال وهو البنت يارب الهمني الصبر يارب..

رغد:الله يصبرك فيما ابتلاك مالك الا الصبر ياقلبي

غلا:وش نسوي غير كذا

رغد"حبيت اكسر التوتر والحزن":يااختي وش هالحظ علينا مثل وجهنا

هههههههههههه

غلا:وش فيه وجهنا بس علينا حظ يمرض هههههههههههههههههه

رغد:وش نسوي الحمدالله على كل حال

غلا: الحمدالله

رغد:وبعدين وش صار على الزيارة

غلا"رحت لامي وقلت لها ليه محتج حضارة جانبه واستغربت انها معي

بالموضوع وقالت انه مكانه لضيوف ووقلت لها اني مو مستعده انه يجي

وعلى مافهمت زواجنا مطول للسنه الجديده يعني بالبدايه احاول اتقبله

بالجوال واذا بقى على الزواج 3 شهور يشرف قالت لا طويله خليها

بعد عيد الفطر وانا بكلم ابوك ... حسيت هم وانزاح ارتحت بس هو يخلي

حد يرتاح يجلس يزن مثل البزر والله ماخلى شئ للبزر من كثير مايزن

وسو قضيه وزعل واشتغل بالرسايل انتي عديمة احساس انتي جافه

انا متضايق وزعلان ومن هالكلام ....

سعود: رغد .. رغد

رغد: يلا ياقلبي شرفت مصيبتي اكلمك بكرا ان شاءالله ووكلي امرك لله

غلا: ان شاءالله حبي لي جنوي وانتبهي لنفسك

رغد: ان شاءالله وانتي بعد

غلا:يلا مع السلامه

رغد:مع السلامه

قمت ورحت له :بغيت شئ

سعود"رافع حاجبه":هذا رد زوجه لزوجها

رغد"تخصرت": وشلون حضرتك تبيني ارد عليك

سعود:مثل أي زوجه هلا امر سم لبيه مو كذا

رغد" ماعجبني تطويله للسالفه:وش فيك منادي

سعود:بكرا صحيني بدري وراي اشغال كثيرة 

النهـــىاية

قمت ورحت له :بغيت شئ

سعود"رافع حاجبه":هذا رد زوجه لزوجها

رغد"تخصرت": وشلون حضرتك تبيني ارد عليك

سعود:مثل أي زوجه هلا امر سم لبيه مو كذا

رغد" ماعجبني تطويله للسالفه:وش فيك منادي

سعود:بكرا صحيني بدري وراي اشغال كثيرة

رغد:وليد حبيبي

وليد:عيون وروح وكل مافي وليد

رغد"وانا اسبل بعيوني وبدلع": تسلم لي عيونه وروحه وكل مافيه

وليد "يصلح جلسته وبنظرة عارفه وش تعني":يابنت اهجدي لااتهور

رغد"شكله كان يضحك":ههههههههههههههههههههههه

وليد:تضحك بعد اسكتي

رغد:هههههههههههههههههههههههههههه

وليد"مسوي حاله معصب":بتسكتين ولا اقوم اعضك

رغد:هههههههههههههههههههههههههههههههههههههههههه

وليد"يقوم من مكانه":انتي الي جبتيه لنفسك

رغد"وانا احاول انحاش بس مسك يدي": بعد يامتوحش هههههههه

وليد:وانا ولد ابوي كل هالحنيه والرقه ومتوحش

رغد:هههههههههههههههه اااه يابطني خلاص مو قادرة

وليد"مسك يدي":ها اعض

رغد"وانا احاول ابعد":لالالالا توبه خلاص بسكت

وليد "يجلس بمكانه ومازال ماسك يدي":ناس ماتجي الا بالعين الحمرا

رغد"احاول امسك نفسي عشان مااضحك":......

وليد:الحين قول لي وش عندك

رغد"بدلع":حبيبي ابي اطلب طلب صغنون

وليد:انتي امري يابعد حيي انتي

رغد:ممممممم ابي اقص شعري"واطق له ابتسامه كرست"

وليد"يحرك اذنه":نعم نعم ماسمعت عيدي

رغد"سويت حالي زعلانه وبدلع":حبيبي والله تعبت منه

وليد:وش الي تعبك

رغد:ايه لو انه شعرك الطويل كان عرفت المعاناة الي احس فيها

وتعرف الحين برد وتعرف اني من النوع الي يبرد بسرعه وماادفى

بسرعه ولما اتروش يبغى لشعري ساعه عشان يجف وتعب تجفيفه

والاستشوار تكفى حبيبي بس اقصر منه

وليد"يلعب بحواجبه": لا ثم لا ثم لا اذا على التروش لا تتروشين

رغد"وقفت وتخصرت": ياسلام يعني اخيس لا والله مااسويها

وليد"يمسك يدي ويقربني منه":الحين يالظالمه تعرفين اني اذوب واروح وطي لما اشوف شعرك وتبين تحرميني منه ليه بس عشان تعب خفيف اذا على التعب انا بنفسي اقدم لك على عامله خاصه تصلح وتجفف لك شعرك بس قص انسي

رغد:ليه طيب بس اقصر منه او اغير من شكله

وليد:لا لا لا

رغد: ياربي منك"ولفيت عنه زعلانه"

رن المنبه وصحاني من احلى حلم شفت الساعه 6ونص قمت وغسلت وجهي ورتبت شعري ورحت اصحيه جلست اسمي واقرا المعوذات حسيت اني رايحه لابليس من كثر ماتعوذت وسميت المهم استجمعت كل قوتي وفتحت الباب بشويش ودخلت ...

رغد:احم سعود ..سعود

سعود"نايم على جنبه ومغطي وجهه":..........

رغد"ياربي لايكون من الي نومهم ثقيل":سعود

سعود:...............

رغد"عليت صوتي اكثر":سعود..سعود

سعود"بصوت ثقيل":همم

رغد:يلا قوم الساعه 6 ونص لاتتاخر

سعود:طيب طيب

رغد لماشفته تحرك ضنيته خلاص بيقوم وكنت بطلع على طول بس الاخ لف على الجهه الثانيه وكمل نوم كنت بطلع ..بس فكرت الحين يسويها سالفه وهو يدور على الزله رجعت وماودي انحط بالموقف هذا ابدا

رغد:سعود قوم لاتتاخر

سعود"لاحياة لمن تنادي":......

رغد"قربت اكثر من السرير ":سعووود

سعود"فتحت عيوني وعلى بالي باقي مزنه بس تفجات نسيت اني طلقتها وتزوجت زوجه اخوي حسيتها ملاك واقف بوجهي وجهها منور وصافي وناعم حييل حسيتها بزر وهي ترجف من الخوف جلست دقايق وانا اناظر بعيونها وهي تبادلني النظر حسيت الوقت وقف بس بعدها تنبهت لنفسي وغيرت معالم وجهي للعبوس":كم الساعه

رغد"وانا ارتجف": 6ونص مثل ماقلت اصحيك بالوقت هذا

سعود"بعدت البطانيه وقمت بسرعه كنت ابي ابعد عنها بسرعه"

رغد"تو كنت بطلع الا وقفني صوته"

سعود:جهزي ملابسي وجهزي لي الفطور

رغد"رفعت حاجبي..خير ان شاءالله مابقى الا اجيب المويه تحت رجوله" وقفت اناظر فيه متعجبه منه

سعود:مطوله وانتي واقفه مثل الصنم بسرعه لااطلع من دورة المياه الا كل شئ جاهز سامعه

رغد"لفيت عنه وبينت له بطريقه طلعتي من الغرفه ان كلامه مو عاجبني واني بسويه مو برضاي..... رحت لدولابه واحترت أي ثوب اطلع له واخترت له ثوب رمادي مدري ليه احسه يعبر عن شخصيته وحطيته على السرير وطلعت من الدرج بعد مادورت عليه ملابسه الدخليه وحطيتها على السرير وطلعت من الغرفه اجهز فطوره مو خوف منه بس ماحبيت تصير مشكله حبيت ينتهي يومي بحلاة بدايته بشوفة الغالي......

نزلت للمطبخ وانا مااعرف فيه شئ على كثر ماجيت البيت بس عمري مادخلت المطبخ الا عشان اشرب مويه ولا اخذ شئ من الثلاجه ...وبعد بحث مطول عرفت اماكن الاشياء وبديت اجهز الفطور حبيت اكسر عينه واكسر النظره الي ماخذها عن بنات الحضر انهم مايعرفون السنع وجهزت له احلى فطور وبترتيب وعنايه وبعد ماخلصت شلت الصينيه وصعدت فيها فوق

سعود"تفاجات من ترتيبها لملابسي ..ماتوقعت منها كذا ثوبي مرتب ومعطر وملابسي الداخليه بعد على ايامي مع مزنه يومن اقول لها تجهزهم ترميهم على السرير ومن غير أي اهتمام لبست ملابسي وطلعت للصاله وفاجاتني ثانيه يوم شفت الفطور وريحته الي تدخل بالراس جلست لثواني اناظر الصينيه واناظر هالبنت العجيبه وش قصدها من الشئ هذا انا توقعت العناد منها يوم طلبت الاشياء هذي

رغد"ماحبيت نظراته وحسيت انه تفسيره غلط ويظن شئ ثاني من تنفيذي لاوامره ":بغيت شئ ثاني بروح انام

سعود"مازالت سرحان":.......................

رغد"عليت صوتي": تبغى شئ ثاني

سعود:ها لا سلامتك ويعطيك العافيه

رغد: يعافيك ربي يلا عن اذنك

سعود"جلست افطر وانا متعجب من هالبنت تصرفاتها رازينه وسنعه والله انها اسنع من مزنه وحتى طريقه حكيها ...يمكن كل هذا تمثيل ايه تمثيل هي اساسا رافضه انها تكون زوجه لي ليه تتصرف كذا سميت بالله وافطرت لاني تاخرت ..........

مشاعل:اليوم رغود صايرة ربت بيت

رغد:وجع وش عرفك

مشاعل: امينه نسيت اقول لك انها وكالة انباء متنقله ههههههههه

رغد: صدق وكالة انباء

مشاعل:ههههههههههههههه

رغد:لايروح فكرك بعيد كل مافي الموضوع اني ماابغى اعطي اخوك فرصة انه يقول اني مو بنت سنعه ولا اعرف شئ

مشاعل"بخبث":اها

رغد"نرفزتني":صدقتي ولا بكيفك الا وين بنتي

مشاعل :عند ابوي تفطر

رغد:الساعه 1 مابقى شئ على الغداء وش بيخليها تاكل الحين

مشاعل :لاتخافين ابوي وامي مو تاركينها ن ماشفتيها بالون متحرك

رغد:بسم الله عليها هههههههههههههههه

وليد:يااخوي ليه مو راضي تفهمني

سعود: وش تبيني افهم انك عايف اهلك وناسك ورايح للغرب

وليد: لمتى وتفكيرك كذا يااخوي انت متعلم وفاهم انه مافيه فرق بينا وبعدين البنت بنت اصل وفصل ماهي بنت ماينعرف عنها ولا اهلها شئ بالعكس ناس معروفين بالطيب والسمعه الطيبه

سعود:والنعم فيها هي واهلها بس ماهي منا وفينا وش عيب بنات عني وبنات حمولتنا قولي وش عيبهم يومن انك تناظر لبرا

وليد:مافيهم عيب بس ماابي منهم وانا اخترت شريكة حياتي

سعود:ياوليد اسمعني وش لك بعوار الراس ليه تروح لناس ماتعرف اطباعهم ولاهم يعرفون اطباعنا ولا عاداتنا وتقاليدنا

وليد :سعود انت واعي وش تقول الي يسمعك يقول اني باخذ وحده لاهي عربية ولا مسلمه ..لا يااخوي عربية ومسلمة وبنت بلدي بعد وش هالعيب الكبير الي يخليك تفكر كذا

سعود:مهوب عيب بس انت عارف وش اقصد

وليد: عارف وماني مقتنع ناس والنعم فيهم والبنت ماعليها كلام متعلمه واخلاقها الكل يشهد لها وبنت حمولة يعني اصل وفصل

سعود: وانت وش عرفك فيها وش عرفك انها ماتكون شينه

وليد:مايهم اهم شئ اني استخرت وارتحت لاختياري وبتسالني وش يضمن لك تكون من اصل طيب اخوها وابوها وعمانها وخوالها يشهدون لها

سعود:..................

وليد:سعود انا مستعد اتراجع عن قراري بس تجاوبني بامانه ومن غير لف او دوران

سعود:تفضل

وليد:الحين يومن انك مسوي لي هالمحاضرة بنت عمك اولى وبنت عمك قولي وش استفدت يومن انك مشيت ورى عادتنا البنت لولد عمها قولي مرتاح بعيشتك معها حسيت انك لقيت فيها كل مواصفات الزوجه الي تشاركك حياتك بحلوها ومرها

سعود:........................

وليد"حطيت يدي على كتفه":شفت يااخوي شفت وش ابي اوثل لك بكلامي

سعود"يناظرني ومتكتف":...........

وليد: يااخوي انت نصحتني وماقدرت تقنعني ولا انا قدرت اقنعك وماعليك الا انك تخليني امشي بطريقي وبااختياري وعذرك يوم اجيك واقول انا غلطت بس لاتبدى تلوم وتعاتب قبل لايصير شئ

صوت الجوال.....

سعود:وعليكم السلام ياهلا بالغاليه ياهلا

ام راشد:هلافيك يابعد هلى وينك يابوك تاخرت

سعود:انا عند الباب قولي لي الغداء جاهز ميت من الجوع

ام راشد :ايه جاهز وننتظرك

سعود:طيب يلا انا عند الباببعد العشاء نومت جنى وامي وابوي صلو وراحو ينامون وسعود برا ومافي الا انا ومشاعل وكانت محمله فلم واتفقنا نجلس نسهر عليه

مشاعل:يابنت صديقاتي يمدحونه يقولون انه خطير حييل

رغد:وش اسمه

مشاعل:اورفن

رغد:عنوانه احسه دراما مو رعب واكشن

مشاعل :انا مااخليتهم يقولون قصته ماابيهم يحرقونه على بس هددتهم ان طلع مثل خششهم مايلومون الا حالهم

رغد:اف يالقويه هههههههههههههه

مشاعل:اجل وس انتي خابرها

رغد: بس لاينط لك عرق شغلي خلينا نتفرج

مشاعل:طيب

شغلت الفلم واندمجنا صدق فلم خطير يتكلم عن حرمة بجسم بزر جسمها توقف عن النمو بس كل شئ فيها يتقدم بالعمر ...

مشاعل:الخايسه ناويه تجنن الام

رغد:وجع يوجعها صارت حالة الام النفسيه من قبل من حظها

مشاعل :الله ياخذها مافي قلبها رحمة

وانتهى الفلم وحنا تعليقات بس فلم يستحق المشاهدة .....

مشاعل:ودك بفلم ثاني

رغد:مممم مدري وش عندك

مشاعل :اصبري اشوف

وفجاءة انقطعت الكهرباء ...........

رغد:مشاعل وش صار

مشاعل:مدري بس الكهرباء انقطعت اصبري ادور شمعه ولا أي حاجهتنور

رغد:لا لاتروحين وتتركيني بجي معك

مشاعل:ههههههههههه اهلا الاخت خوافه

رغد:اقول امشي لااحوسك هنا

مشاعل:طيب طيب هههههههههههههههههههه

وانا امشي وراها الا مشاعل اختفت ومت من الخوف واكثر شئ خوفني ان جنى تصحى وهي تخاف من الظلمه طالعه على امها

رغد"بخوف" :مشاعل وين طسيتي ووجع

مشاعل"من بعيد": ثواني اخبر هنا في كشاف

رغد"مت من خوفي يوم سمعت صوت قطوة":مشااااااعل

مشاعل"بخوف": وش فيك صار فيك شئ

رغد"شوي وبصيح": مشاعل في قطوة دخلت

مشاعل:ههههههههههههه ياقلبي قطوة وتخافين منها وش بغيتي للبزارين

رغد: والله ابذبحك تعالي بسرعه

وحسيت بحد يقرب مني وحسيت بالقطوة تقرب اكثر مني وانط بسرعه

لمشاعل :يادووبه بعديها احسها قربت

مشاعل:............

رغد"حسيت بشئ يمر عند رجولي واموت من الخوف ومدري كيف نطيت من خوفي بحضن مشاعل وتعلقت برقبتها"":مشااعل بعديها

مشاعل:................

رغد"ماقدرت امسك دمعتي":يمه مشاعل بعديها شوي الا الانوار تشتغل وانصدم وانا اشوف مشاعل وهي ميته ضحك واناظر بالشخص الي متعلقه برقبته ...تمنيت الارض تنشق وتبلعني لا لا مستحيل ياربي لا ....

سعود بضحكه قويه:ههههههههههههههههههههههههههههههههههههههههههههههههه ههههههههههههههههههههههه

مشاعل وسعود:ههههههههههههههههههههههههههههههههههههههه

رغد"وانا مازالت متعلقه بسعود ومصدومه":.................

مشاعل:أي يابطني الله يعينك ياخوي على حرمتك طلعت تخاف من كل

شئ ههههههههههههههههههههههههههههه

سعود:هههههههههههههههههههههههههههه

رغد"عصبت من مشاعل ومن هذا الي يضحكون على وجيت ببعد الاهو حاضني لصدره ومن قوة الضحك حضني اكثر وبصوت مبحوح: بعد عني بروح

سعود"انتبهت لصوتها وكيف متغير جذبني وحبيت اعاندها بس يوم سمعت دقة قلبها كيف سريعه خفت يجيها شئ وبعدتها وماشفت الا غبارها طارت للغرفة واناومشاعل نتذكر الموقف ونضحك

غلا"اف اف ياربي لازم يتصل ويعكر يومي":هلا

عادل:السلام

غلا:وعليكم السلا

عادل:اخبارك

غلا:بخير وانت

عادل:انا زين

غلا:.................

عادل:وش تسوين

غلا:ولاشئ

عادل:ليه مااتصلتي يوم تاخرت

غلا:قلت يمكن مشغول وماحبيت ازعجك

عادل:لا كان اتصلتي يمكن صاير فيني شئ ولا تعبان غلا"هذا انت تمرة مافيك شئ":.........

عادل:يعني لو تاخرت كان مارديتي صح

غلا:ايه كنت بنام

عادل:يعني عادي عندك تنامين من غير مااكلمك

غلا"عادي وابركها من ساعه":...........

عادل:وبعدين يعني مو حالة انا لازم اكلم عمي

غلا"وجع انا ناقصه تكلمه":تكلمه وشو تقوله

عادل:بقوله عن اسلوبك الجاف وعن طريقتك ومواعيدك

غلا:يعني تبي تسوي لي مشكله

عادل:مشكله يوم اقوله عن طريقتك الغلط يعني عارفه الي تسوينه غلط

غلا: لا مو غلط

عادل : لا غلط ويوم قلت بروح لابوك مارضيتي

غلا" نرفزني وطلبته حتى الجامد بيحس من تصرفاتي اني ماابيه وماابي اسمع صوته مكالمتنا هو الي يتكلم وانا مستمعه ابي انهي المكالمه باي وقت": تبي الجد ومن غير لف او دوران

عادل: ايه

غلا: الصراحه انا ماابيك ومو متقبلتك ولا مرتاحه لك

عادل:.................

غلا:...................

عادل:وليه ماقلتي هالكلام من بدري

غلا:لانه الصدق ابوي مهددني اني اذا قلت ماابيك بيوريني الويل

عادل:.............

غلا: عرفت ليه اتصرف معك كذا لاني مجبورة ومغصوبه على شئ ماابيه

عادل:يعني وش تبيني اسوي الحين

غلا: مدري

عادل:تبيني اروح لعمي واكلمه

غلا: ايه عشان يجي ويدوس ببطني

عادل:وش تبيني اسوي طيب

غلا"طبيعي مو عارف او تتغيبا يعني ثلاث شهور وانا جافه واكلمك من غير نفس ومااكتشفت اني ماابيك ":.......................

عادل:وش تبيني اسوي واسويه

غلا:تقدر تروح وتقول انك ماتبيني

عادل: يعني تبينها تجي مني واكذب

غلا: مافيها كذب عادي

عادل: لا اسف مااقدر اكذب

غلا: اجل براحتك اذا تبي لي الشر بتروح وتقوله اني قلت لك اني مغصوبه

عادل:مدري شسوي انتي صدمتيني

غلا:وانا مدري وش اقول لك بس مو بدي اني ماتقبلتك ولا بيدي اني مو قادرة افتح لك قلبي المحبه والالفه من الله وربي مو كاتبها

عادل:طيب انا بسكر الحين تبين شئ

غلا: لا سلامتك

رغد" كنت معصبه ومفورة ع مشاعل وسعود.. جلست ع السرير وانا اهز

رجولي .. وكل شوي ينعاد براسي يالي صار تحت .. ياويلي وش

هالاحراج وش بيقول عني لحين.. قمت للمرايا.. وناظرت نفسي .. وش

بيهمني وش يفكر فيه.. ايه بتجاهل الي صار ولا كانه صار شئ...

سعود" جلست اسولف مع مشاعل بس بالي ماكان معها كان مع يالي

كانت بحضني قبل.. شوي ريحتها علقت براسي .. امسه يدينها الدافيه

ونعومتها ..انتبهت من سرحاني ع صوت مشاعل..

مشاعل: ياخوي علامك نحن هنا

سعود" اضيع السالفه": لا ولاشئ بس تعرفين الشغل والتعب

مشاعل: وانا اختك قوم ريح

سعود" يقوم": يلا تمسين على خير

مشاعل: على خير

رغد" انسدحت ع الكنبه وغمضت عيوني كنت محتاجه له ولو حتى

بالخيال...

وليد: مزيونتي وش بلاها اليوم

رغد" بدلع ": روح انا مااحبك

وليد" يسوي حاله منصدم": ليه وش سويت

رغد"وانا العب بملامح وجهي": لا مسوي برئ ولا كانك سويت شئ

وليد" ببرائه": وش سويت

رغد" عصبت ع بروده ": انت تعرف اني مااحب القطاوة ولا شئ

من الحيوانات وتجيب لي واحد

وليد" بستعباط": طيب انا ماجبت حيوان جبت ببغاء

رغد" عصبت": وليد بذبحك تستظرف انت

وليد" ببرود ومخفي ابتسامته": ايه انتي تقولين حيوان وانا ماجبت لك

حيوان جبت لك طير .."ويسوي حاله فيلسوف" ياويلي حالي شكلي

انغشيت انا يالي فهمته من اخوك انك متعلمه " ويحك راسه" لاي مرحله

وصلتي

رغد"اخذت المخده وضربته على راسه": ولييييييييييد

وليد" كان عاجبني شكلها وهي متنرفزة .. ودي اقوم واخمها بس ابيها

تتعود وتترك خوفها": وش فيك

رغد: اعرف انه طير بس انت تعرف اني اخاف منهم سواء حيوان ولاطير

ولا زواحف

وليد" يطلع الببغاء من القفص ويمسكه بيده": يعني ناظري فيه هالمخلوق

الوسيم ينخاف منه

رغد" بعدت عنه ووقفت عن باب الغرفه": ايه شوفه كيف ينفخ بريشه

ومنقاره كيف كبير يعني يوم يعضك لاتجي عندي وتقول يوجعك

وليد" ضحكت على كلامها ": هههههههههههههه يعض .. هالبراءه تعض

رغد" لفيت وجهي عنه": لما يعضك لاتجي لعندي انا حذرتك

وثواني الا وليد يصرخ.............

وليد" ينزل الببغاء ويمسك صبعه": بنت اللذين عضتني

رغد" بانتصار":هههههههههههههه هذا يالي مايسمع الحكي

وليد" متوجع لانه صار ينزف دم ..ومن غير مايحس ..انضرب بالقفص

وبصرخه":آآآآآآآآآآآآآآآآهـ

رغد" فزيت من مكاني ": وليد حبيبي فيك شئ

سعود" كنت باخذ لي ملابس وشفتها سرحانه وتركتها يمكن للحين منحرجه

من الي صار تحت .. وكنت ماشي ونسيت اقفل الدرج وضرب برجلي":آآه

رغد" تجمدت بمكاني يوم شفت سعود.. متى جا وكيف ماانتبهت له..

وخوفني اكثر نظرته الحاده لي .. يوم طريت وليد بلعت ريقي":...........

سعود" مدري ليه حسيت بغضب من طاريها لاخوي .. وكنت بتكلم ..بس

تعوذت من ابليس .. وتراجعت واكتفيت ارميها بنظرة .. ودخلت لدورة

المياه.........................

رغد" تنفست براحه بعد مادخل لدورة المياه .. وعلى طول انسدحت على

الكنبه وتغطيت وسويت حالي نايمه .. خوفا مناي مواجهه ممكن تصير

سعود"طلعت من دورة المياه .. بعد ماهديت شوي.. استغربت من حالي

ليه حيت بغضب من طاريها لوليد.. هو طبيعي بيكون ببالها ويالي

سمعته من كلام مشاعل .. انها حبته بالحيل.."حطيت يدي على ذقني

وصرت احركها... بس مر على وفاته 4 سنين يعني يمديها تنسى

وخاصه انه على ذمتي الحين .. تقديرا لي ماتجيب طاريه وخصوصا

انه اخوي..رفعت نظري للمرايا ومسحت وجهي بالمنشفه..وبتفكير

سخريه" حضريه وش تتوقع منها ياسعود .. مشيت للغرفه..ورفعت

حاجبي يوم شفتها تكسر كلامي وتنام على الكنبه..

سعود" بنبرة حاده": انتتتي

رغد"من سمعت خطواته وانا قلبي قبضني وحسيت انه هالليله

ماهي معديه على خير...سمعت صوته ولا اراديا غمضت عيوني

بقوة":..................

سعود" كنت عارف انها صاحيه مايمدها تنام لو ايش ..ورفعت حاجبي

على تطنيشها..وبصوت حازم":اظن اني اتكلم معك مو مع الحيط اصحي

رغد"خفت من صوته بس مابينت له وقمت بثقه": طعم خير

سعود" وكل علامات الغضب بانت بوجهه":عيدي يابنت الاصول

ماسمعتس امكن اذوني فيها مويه ولا شئ

رغد"بلعت ريقي بصعوبه شكله كان يخوف..بس تجاهلته": افف يعني

الوحده ماترتاح بنومتها خير وش بغيت

سعود: وش بغيت

رغد"لفيت وجهي عنه":ايه

سعود" وبكل عصبيه شدني من يدي..ووقفني قباله وانا مصدومه من

يالي صار": انتي شكلك ماتربيتي واهلك ماسنعوك عدل انا خابر ابوتس

والنعم منه وماعليه كلام وماشفت منه الا العلوم الزينه واخوتس بالمثل

لكن انتي دون عنهم ليه ..هقوتي .. لالا ماظنيت على كلام الوالده و

مدحها تكون .. مثلتس وشاكلتس

رغد" نفضت يده بعصبيه ورفعت حاجبي.. خير وش يقصد بكلامه

": وش ناوي توصل له من هالكلام يالي ماله داعي خلص

سعود" قوتها وعنادها ينرفزني ويشدني لها بنفس الوقت: وش ناوين عليه

رغد" رفعت وجهي لوجه وبكل شموخ": عجل وش تبي

سعود"عروقي كلها برزت بوجهي ماقدرت امسك اعصابي":........

رغد" شفت عيونه كيف صارت حمرا فجاءة .. سحبني على السرير

وخفت":لاتفكر مجرد تفكير انك تلمسني سامع

سعود" ماكان ببالي هالشئ .. كنت برميها بس على السرير وبعطيها

كم كلمه على راسها وتنخمد ": خير وش قلتي

رغد" بخوف يغلب على صوتي وانا ابين العكس": يالي سمعته

لاتتجراء تلمسني

سعود" باحتقار": تظنين اني ميتن عليتس يالعوبه ..لا والله ولاحركتي

فيني شعره .. وبعدين.. يوم افكر اني اجيك اعرفي ماراح اخذ رايتس

لانتسين انك حلالي"وشدد على هالكلمه".. يعني لاتظنين بلحظه او تفكرين

مجرد تفكير اني وليد .. وبتركبين على ظهري واصير خاتم بيدك سامعه

رغد" نبض وفز قلبي على طري وليد": وليد!!!

وليد: مهبوله انتي ولا كيف

رغد" باصرار": امانه حبيبي جاوب

وليد: لا عقلك صار فيه بلاى

رغد" بزعل": امانه حبيبي .. خذني ع قد عقلي وجاوبني

وليد" بنرفزة": على ايش

رغد" وانا اعيد السؤال": يعني لو كنت زعلانه منك الله لايجيب هاليوم

طبعا وانت .. هذا وشسمه.. يعني تبيني كزوجه الليله .. طيب

وليد" بطوله بال": طيب

رغد" غمضت عيوني": بتجيني غصب عني

وليد":.....................

رغد" فتحت عيوني يوم ماشفت منه جواب":وش فيك

وليد" بزعل": يعني هذا سؤال

رغد" جلست بحضنه وحطيت يدي على وجهه": حبيبي تكفى لاتزعل

بس شفت برنامج اليوم يتكلم عن هالشئ وحبيت اعرف انت من أي نوع

وليد" يلف وجهه عني": وتسالين بعد

رغد" حسيت ع دمي لاني عارفه وليد ووش تفكيره": اسفه حبيبي

وليد" بنبرة فيها عصبيه شوي": تعرفيين انه من يوم ماتزوجنا للحين

انه مستحيل اجبرك علي ولا افرض نفسي عليك وحتى لو كان من حقي

لاني ماابي شئ بالغصيبه بيه برضاك صحيح هذا حق وواجبك تسوينه

لي بس انا ابيه يكون برضا واقتناع معك هذي لحظات تكون خاصه

للزوجين وتكون بكامل قناعاتهم مو اجبار على حد منهم

رغد" تندمت يوم سالته": اسفه حبيبي بس هالبرنامج شغل اللقافه فيني

وليد"يمسك وجهي ويرفعه": رغد جاوبيني بصراحه

رغد" خفت من جديته": طيب

وليد: مره اجبرتك ولا فرضت نفسي عليك من دون مااحس

رغد"حسيت نفسي تافها يوم جبت هالطاري .. وليد ياعمري عليه

دايم مقدرني ومقدر مشاعري ..وبخجل من نفسي":لا

وليد" قومني من حضنه .. وطلع زعلان مني .. كرهت نفسي هذاك اليوم

وبصعوبه راضيته ...........

سعود" بنرفزة": انا اكلمك

رغد" صحيت من احلامي بصوته":هاهـ

سعود"ومن دون تفكير .. عطيتها كف حسيت بيدي وجعتني من عظم

وجهها.. كنت عارف الا متاكد انها سرحت بوليد.. مردي ليه هاللحظه

حسيت بغيرة .. مو غيرة يالي معروفه انه حرمتي تفكر بغيري لاني احبها

لا هو اخوي والله يرحمه .. بس خلاص تنساه من يوم وقعت ع عقد

زواجنا.. مهما كان انا رجال وحتى لو كنت ماابيها برضاي .. لي غيرتي

يوم حرمتي تفكر برجال غيري.. وتسرح فيه":اسمعيني

رغد"تكورت على نفسي وخايفه منه ومن أي ضربه ثانيه":........

سعود" لما اعصب ماارحم حد حتى لو كان بزر وهذا عيبي..رفعتها لعندي

وهي ترجف ودموعها ع وجهها .. كل هذا ماهمني .. كنت مقهور لتطنيشها

واحتقارها وتقليلها باحترامي": اسمعيني يابنت الناس انا مو وليد فااااهمه

يعني دلعك وحركاتس ومسخرتس مهيب على انا ..وحطي ببالك مو معناته

اني تركتك ع راحتك هاليومين بتركبين ع ظهري وبرخي لتس الحبل

لا افهي انا سعود انا غير ماني وليد ماني وليد" وبسرعه عطيتها كف ثاني

وثالث" لحد ماغابت عن الوعي وهي بيدي...........

مشاعل: ياعين ابوي انتي .." اخذت راسها وحطيته على حضني":رغد

رغد" كنت نايمه وماودي اصحى.. بس صوت مشاعل حسسني بالامان

يالي فقدته...مافتحت عيوني وحضنتها .. وصرت اصيح ..وهي اكتفت

تمسح على راسي وظهري.. وتركتني براحتي

رغد" كنت احس بوجهي يالمني وراسي مصدع بالحييل.. تمنيت وليد

فيه عشان ارتمي لحضنه .. فقدته وفقدت حنانه واحساس الامان يوم

انام بحضنه.....

رغد" مغمضه عيوني ": حبيبي

وليد" يمسح ع شعري بحنيه": عيونه

رغد"حطيت يدي ع خدي وراسي ع صدره": اوعدني

وليد: اوعدك

رغد" فتحت عيوني": هههههههههه توعد من غير ماتعرف وش

وليد: مايهمني دامك طلبتي وعدي انا ووعودي وكلي لك تحت امرك

رغد" كنت مبسووطه وطايرة من الفرح": وتلومني ليه احبك

وليد: طيب ماقلتي لي وشو سبب الوعد

رغد" رجعت انسدحت ع صدره .. وهو حاوطني بيديه .. يازين

حضنه ودفاه": ابيك دووم ومن غير مااطلبك تحضني .. ماابي لثواني

بس افقد حضنك..

وليد: ولو من غير طلب ياعيوني انتي ..بس هاهـ ياويلك ياسواد ليلك

يوم تجين وتقولين فكني اعتقني مليت منك

رغد" قمت ثانيه ولفيت وجهي عنه بزعل": وتظن ممكن يجي يوم واقول

كذا

وليد" يقوم ويلف وجهي له": ابد مافكرت حتى

رغد: ليه تقول كذا طيب

وليد: امزح يابنت وش بلاك

رغد" حسيت بضيقه مدري ليه باللحظه هذي ممكن افقد حضنه.. رميت

نفسي بحضنه": احضني بقوووة وليد لاتفكني

وليد" قلقت .. اخاف فيها شئ": حياتي وش فيك تعرفين انه اذا ببالك شئ

تقدرين تقولينه من غير خوف

رغد" اكتفيت بالصمت ودفنت حالي بحضنه ":................

مرت الايام وانا بغرفتي وماطلعت منها ويالي ريحني انه سعود سافر

عشان شغله .. احسسن روحه بلا رده يارب..مشاعل ياحياتي ماقصرت

معي .. غطت على عند خالتي ام راشد يوم تسال عني وليه ماانزل

وتعذرت لها باني منشغله بترتيب الجناح .. وانا اتصل عليها واتطمن

عليها مع انه بنفس البيت بس كنت اتحجج لها بميه حجه .. مستحيل

اطلع لها وتشوف وجهي كيف ..معالامه معدومه من ولدها حسبي الله

عليك كانت مصيبه بحياتي.....

مشاعل: كيفك رغوده عساك احسن اليوم

رغد" بابتسامه": لا الحمدالله " واشر لها" حتى شوفي راح التورم

مشاعل" باسف": رغوده انا اسفه ع تصرف اخوي وربي مفتشله

رغد" حطيت يدي ع يدها": لاتقولين كذا انتي مالك ذنب

مشاعل" بفضول": بس ليه سوا كذا

رغد" نزلت عيني": اسفه شعوله بس احب احتفظ بالسبب لنفسي

بس ابيك تفهمين اني ماغلطت عشان استاهل هالشئ" وش اقول لك

اخوك لعن خيري عشان عاندته ......"

جلست معها وانا العب مع جنى .. وقمت معها وسوينا لنا حاجه خفيفه

ناكلها ... واندمجنا بالسوالف والضحك .. قطع علينا لعبنا الاونو صوته

معلن حضوره وكتمته ع نفسي.........

سعود: السلام عليكم

مشاعل وانا : وعليكم السلام

مشاعل: الحمدالله ع السلامه ياخوي

سعود: الله يسلمتس ويبقيتس

جلست مشاعل تسولف معه .. وانا متجاهله وجوده وصرت ارتب المكان

بعد ماقلبته جنى فوقاني تحتاني... اقهرتني مشاعل يوم استاذنت

مشاعل: يالله اخليكم ع راحتكم

رغد: وين وين

مشاعل" مستحيه من اخوها": بخليتس الحين تجلسين مع رجلتس

باين عليه تعبان ويبي يرتاح

رغد" ماكان ودي تطلع وتتركني لحالي معه": طيب وش عليك منه

هو بينام وحنا بنجلس بالصاله

مشاعل" حست بسعود بدى يعصب من تطنيشي له ": لا مره ثانيه

وطلعت من غير ماتعطيني فرصه

سعود" رفعت حاجبي .. اسلوبها كان ينرفز .. يعني ماتادبت من الي جاها

وعصبتني زود .. بتطنيشها لما جات بتطلع من الغرفه"وبصوت حاد":

تعالي هنااااا

رغد"بلعت ريقي.. الله يعديها ع خير":.....................

سعود" مدري ليه تستفزني حركاتها ": تعالي هنا

رغد" كنت ميته خوف .. بس رحت لها وانا اجاهد اخفي هالاحساس":نعم

سعود" بنظرات سخريه": نعم !! يعني هلك كذا ربوك كيف تستقبلين

زوجك يوم يرجع من السفر

رغد" قهرني بنبرته ورديتها له بنفس نبرته": واهلك ربوك تطلع

رجولتك ع بنت

سعود" اصدمتني بردها":............

رغد" حسيت بنشوة الانتصار يوم شفته جد بس فرحتي ماطولت..يوم

شدني من شعري":...........

سعود" بعصبيه": شكلك الضرب يالي جاتس ماادبك وتبينه ثانيه

رغد" حاولت ابعد يده ..بس عبث": بعد يدك

سعود" عنادها يستفزني .. ماعمري مديت يدي ع حرمه حتى مزنه

يالي من فعايلها تطلع الواحد من طوره .. مامديت يدي عليها":اسمعيني

انا مو وليد بيحن قلبي وبرحمك

رغد" عصبت يوم جاب طاريه ع لسانه": اسمعني انت لاتجيب طاري

وليد ولا تقارن نفسك فيه .. تحلم توصل مواصيله"وبصرخه" ساممع

وليد رجال باخلاقه وتعامله .. ويكفي انه مايستقوي ع بنت .. "وبسخريه"

تظن انها رجوله يوم تمد يدك وبتخوفني كذا.. هاها

سعود" حسيت بكل عرق فيني ينبض من العصبيه يالي وصلت منها

قهرني شجاعتها وعدم خوفها .. جيبت بمد يدي .. بس كلمتها وقفتني

تمد يدك ع بنت ياسعوود.. ليه تسويها وانت ماعمرك مديتها ..يمكن

لاني ابي اكسر غرورها وعنادها .. نظرتها بحد ذاتها تستفزني

كل يوم عن يوم اكتشف ليه وليد رضاها له زوجه وام لعياله..تركت

شعرها .. ومشيت عنها للسرير ومحاوله انهي الحديث": اسمعي

بكرا بتوصل الذبايح الساعه 10 يكون العشاء جاهز

رغد" كنت امسح ع راسي وجعني جعل يده الكسر":ايش ذبايح!!!

سعود"انبسطت يوم شفت علامات التعجب .. بوجهها .. وهذي فرصتي

اذلها واكسر راسها ...": ايه ذبايح .. اضنك تعرفين علومنا او سمعتي فيها

رغد" تخصرت ": يالي هي

سعود" بابتسامه سخريه": انه الحرمه السنعه تطبخ وتقوم بعازيم زوجها

رغد" للحين ماني فاهمه المطلوب مني": طيب والمطلوب

سعود: المطلوب انتس تصجين من الصبح وتبدين تجهزين كل شئ

من قهوة من حلا من عشاء ككل .. وطبعا لحالك ..يعني"بتشديد" من غير

أي مساعدات حتى الشغاله ماتمد ايدها

رغد" فتحت عيوني ع الاخر": ايششش!!

سعود: وش يالي ايش !!

رغد" للحين احاول استوعب": تبيني انا اطبخ!!

سعود" رفع حاجبه": ايه تطبخين ولا ع راسك ريشه

رغد" كنت متعودة اطبخ واجهز لعزايم وليد بس ماعمري طبخت ذبيحه

كان وليد يجيبها من برا مطبوخه وجاهزة .. وانا على الباقي":انت وش

تقول........

سعود: يالي سمعتيه وماراح اعيد

رغد"بنرفزة": انت تسوي كذا عشان تنرفزني ولا ايش .. تقنعني يعني

انه مزنه كانت تسوي كذا

سعود" بثقه": ايه واكثر من كذا بعد...ومشيت وانسدحت ع السرير..و

مااضن بتوصلين مواصيلها بالسنع .. بس وش نسوي ..

رغد" بسخريه": وماتخاف افشلك قدام معازيمك

سعود" ببرود": والله الفشيله لك ولاهلك مهب لي .. يعني حرمة مثلك

ولها عيال ومتزوجتن واحد منا وماتعرف بهالعلوم" وحاولت ادقها

بالكلام".. وغير كذا الفشيله الاكبر لاخوي الله يرحمه .. بيقولون ماعرف

يسنعها ...

رغد: طيب لازم يعني ذبيحه

سعود: اكيد حنا مهب مثلكم نعزم ع دجاجه وشويه خرابيط

رغد" نرفزني بالكلمه هذي":

سعود: عطيتك خبر

رغد" ودي قمت ودست ببطنه يوم طرى وليد: ....

سعود: والحين طفى الانوار وابي انام

رغد" نومه بلا صحي هان شاءالله .. والله لاوريك واكسر عينك..ومشيت

بس وقفني صوته"............

سعود: ولاتجبين وجع الراس لنفسك ترا ان صحيت وشفتس نايمه ع الكنبه

ماتلومين الا نفسك" وعطاني ظهره"...

رغد" صرت ادعي من قلب ان الله ياخذه ويريحني منه":..............

جلست طول الليل سهرانه وانا ادور ع الوصفات للعزومه .. وحطيت

ببالي اني لازم اكسب هالتحدي واعلمه مين رغد.....

ع الساعه 8 ونص وصلت ذبياحه .. وكانت ريحتهم .. اعوذ بالله

حسيت بغثيان من قوة الريحه .. الله يعز النعمه ومن اليوم ورايح

بحرم اكل اللحم من المنظر الي شفته.... رحت اخذ لي غفوة احس راسي

مصدع ... وع الساعه 1 نزلت المطبخ ثانيه .. وكنت رافعه شعري وحاطه

عليه ربطه عشان مايطيح على الاكل واعرفه بيدور الزله علي .. اخذت

كل احتياطاتي وطلبت من مشاعل قفازات لاني مااحب المس اللحم كذا

وحاولت مشاعل تساعدني بس رفضت وماعطيتها مجال .....وبديت مهمتي

بديت اول شئ بالحلا .... بحثت بالنت عن الحلا القصيمي ..وهي الكليجا

وجهزت مقاديرها:

4كاسات طحين برّ( أسمر)

كأس طحين أبيض

كأس سمن نباتي

فنجال قهوة سكر ناعم

2 فنجال قهوة حليب بودرة

قليل جدا" من الملح

ماء للعجن

وجهزت مقادير الحشوة:

م ص ليمون أسود مطحون

م ص هيل مطحون

م ص زنجبيل مطحون

م ص قرفة مطحونة ناااعم

ك سكر ناعم وليس مطحون

وبديت اخلط الطحين مع بعض في سلطانية كبيرة ثم ضفت له السمن

وقلبتهم مع بعض لحد مااختفى السمن في الدقيق

تماما" ثم ضفت السكر و الحليب البودرة والملح ووقلبتهم ثم

عجنت الطحين بالماء حتى صار عجينه لينه .. وكنت اتبع الخطوات يالي شفتها بالنت بالظبط

ثم قسمت العجين الى كور صغيره( بحجم الليمونة مثلا"أو أصغر قليلا" أو أكبر

ثم اخذت العجيه وفردتها وحطيت فيه ملعقه من الحشوة ولميتها وكورتها

ورعصتها بصحن مزخرف مثل صحن الحلويات ....

وصفيتها بصينيه ودهنتها بالبيض ودخلتها لمدة ثلث ساعه .. وطلعتها

وانا راضيه بالشكل النهائي يالي طلعت عليه .. انا سمعت عنها

وشفت ابوي يجيب منه بس ماعمري ذقتها .. والله يستر من طعهم

اخذت وحده لمشاعل تذوقها وعشان اتطمن ..

رغد" مديتها لها": خذي ذوقي

مشاعل: وش هذا

رغد: كليجا

مشاعل" تصفق": حركات .. بس مااحبها عطيها امي

رغد" بخوف انها تجامل": بس اخاف تجاملني

مشاعل" اخذتها من يدي": شوف .. وراحت وهي تصرخ .. يمه

بعد دقايق رجعت لي : ها وش صار

مشاعل: ابشرتس نالت الرضا ..

رغد: طيب يمكن تجامل

مشاعل: ابدا ماتدري انه انتي قلت لها شريتها وانا بالطريق ..

رغد" ارتحت ": طيب بروح اكمل باقي المهمه" وكنت مبتسمه بخبث"

مشاعل: الله يستر من هالابتسامه يارغيد

رغد"كملت طريقي ":ههههههههههههههههه روحي شوفي لك شغله بس

وبديت بالطبخه الثانيه والي هي

مصابيب على الطريقة القصيمية .

جهزت مقاديرها وبديت اسويها ونفس الشئ خليت خالتي تذوقها

والحمدالله نالت الرضا .. صعدت غرفتي .. وتوضيت وصليت العصر

وريحت شوي.. وحمدت ربي انه سعود مو موجود ماني ناقصته

احس ظهري انكسر وقل النوم مسوي عمايله نزلت ابدء بالطامه

الكبرى يالي هي الذبايح ..............

سميت بالله وبديت اتبع خطوات الطبخه ويالي اخذتها من النت

اول شي جبت قدر كبير وحطيته فوق النار وفيه مويه لنص القدرثم لبست القفازات وبديت اغسل اللحم

وحطيته بالقدر بعد معاناه بالغسل كانت ريحته مو حلوه ابد وحطيته بالقدر واخذ اللحم تقريبا نصف ساعه

جهزت البهارات وقطعت خمس حبا ت بصل ومثله من الثوم وقرفه وليمون اسود ثم حطيته على اللحم

وتركته على النار وخليته يطبخ ساعتين و.....................

بعدها تركته وبديت اجهز بالرز ااخذت كيس رز الشعلان 10كيلو ونقعته ساعه الاربع

بعدها اخذت القدر وحطيت فيه نصف كاس من الزيت حق الح ويكون مصفى من المرق وقليت

فيه ثلاث من البصل حتى يذبل ثم نضيف عليه القرفه واليمون 10 حبات هيل ومثله من القرنفل

ومن ثم حطيت عليه مرق الح الي يغطي الرز ويزود فوقه 4سم وخليته لين ينضج وتركته بعد النضج 10

دقايق بعدمنطفي النار حتى ياخذ البخا ر حقه ويتشربه ..................................

وبعدها رحت ع للكشنه والي هي

بصل نفرمه ونقليه في قليل من الزيت ثم اذا صفر حطيت عليه والون الاصفر وقرفه مطحونه واليمون

اسود مطحون وقليل من الكمون وحمرت صنوبر في قليل من الزيت وتركته على جنب

بعدها خلصت شغلي وحاسه ظهر بيتكسر من الوقفه واللحم والقدرو كانت ثقيله بالحيل....

بعدها ع طول من غير مااريح بديت بالقهوة والشاي لانه خلاص

بيجون المعازيم....سالت خالتي عن طريقه قهوتها وسويتها بالظبط

انا اعرف اسوي قهوة بس هم طريقتهم غير.. وكل يالي ببالي مااعطي

سعود فرصه يتكلم فيها ....

جهزت الدلال والفناجيل والبيالات .. وحطيتهم بصينيه .. وقبل حطيت

ع الصينيه مفرش.. وصفيتهم ....

رحت للحلا .. وصفيته بصحن التقديم .. ورتبته بشكل حلو .. واخذت

المصايب ونفس الشئ ....اخذت المبخر بعد ماشغلت الجمر .. ورحت

فيه للمجلس وبخرته .. وجهزت طاولات القهوة ولشاي ... وطاوله الحلا

وحطيتهم بالمجلس ...

صعدت ع غرفتي عشان اتروش لانه ريحتي لاتطاق ورميت القميص

مره وحده مستحيل البسه بعد يالي جاه اليوم ......تروشت ع السريع

وطلعت ورفعت شعري من غير مااجففه ولبست جلابيه مرتبه

وتعطرت ونزلت ... سالت خالتي اذا اغرف الاكل الحين او متى

قالت لي بعد مااشوف صحون الحلا تدخل المطبخ ابدى اغرف

وحاولت انه تجي معي وتساعدني وانا رفضت .... طول الوقت

وانا ادعي ربي مااشوفه .. لحد ماجا ولده الصغير راشد وقال

لي اجهز العشاء... غرفت الرز بثلاث صحون كبيرة ... وحطيت

فوقهم اللحم .. وزينته بحلقات طماط وبصل.. واخذت كزبرة مفرومه

ورشيتها فوقه... بعدها تطمنت ع شكله النهائي وقلت لراشد يقول لابوه

يجي ياخذه.. وطلعت للغرفه قبل لااشوف وجهه.. صعدت وانا افكر

لو انه وليد وربي كنت بطير من الفرح وانا اسوي كل هذ وماراح

احس بالهتعب يالي احسه قسم ظهري نصين.. وع طول انسدحت

ع السرير ودخلت بنومه عميقه .........

سعود" رجعت المغرب وانا اسمع اصوات القدور بالمطبخ .. صعدت ع

الغرفه لاني متاخر وابي اتجهز قبل لايوصلون المعازيم .. تروشت

وطلعت .. واستغربت من ملابسي المجهزة .. متى صعدت وكيف

ماانتبهت لوجودها.. اخذت ثوبي المبخر ولبسته وشماغي بعد ... ومعطر

بعد .. استغربت منها .. ووش ناويها عليه .. خلصت ونزلت ع السريع

للمجلس ...وانصدمت من الي شفته .. ع طول جا ببالي انها استغفلتني

وعصت كلامي وخلت امي تساعدها .. ناديت ع الشغاله بنرفزة":امينه

امينه: نعم بابا

سعود" ياشر": شيلي هالحلا وقولي لماما ام راشد شئ سويتوه كلوه انتم

امينه" من دون ماتفهم .. وراحت تشيله": يعني اوديه لماما رغد

سعود" هبله هذي": لا ماما انا مو هي يالي سوته

امينه: لا بابا هذا ماما رغد سوي العصر

سعود" رفعت حاجبي مستغرب": اكيد

امينه: ايوا

سعود" اشرت لها .. بمعنى روحي خلاص...تقدمت للصواني وشفت

كل شئ مرتب بعنايه ... معقوله كل هذا هي مسويته.. اخذت حبه

من الكليجا .. وكانت بمنتهى الروعه طعمها كان رهيب .. وافضل

من يالي امي تسويه بعد .. حيرتني هالبنت .. جاو الضيوف وشغلوا

تفكيري عنها شوي .. ويالي صدمني اكثر القهوة والشاي .. يوم عرفت

انها هي يالي سوته .. كنت احس بفخر مهوب طبيعي قدام الرجال

وهم يمدحون بالحلا والقهوة يالي جابت راسهم....جا وقت العشاء

وقت الجد ....دخلت ع غرفه الاكل وانصدمت مره ثانيه ... كانت

ريحته تسبق منظره .. ريحه تمخمخ الراس.. ناظرت شكله وهو

مغروف بعنايه وترتيب ...مزنه يالي هي مزنه .. ماقدرت تجيب

الطبخه كذا .. بس كيف هي جابتها .. وباتقان بعد... انتهت العزومه

والكل يشكر ويمدح بالطبخ وانا كنت مبسوط ... ودخلت البيت

وامي ومشاعل بعد يمدحون فيها وكيف كانت من الظهر واقفه ع رجولها

...كل هالكلام مازادني الا حيره بهالبنت...........

وليد:ماابي اتعبك ياحياتي

رغد: أي تعب اجل وش فايدتي قبل لاتتزوج كنت تعزمهم وتجيب من برا

بس الحين لك زوجه وتقدر تسوي لك وترفع راسك قدام ربعك

وليد: ياقلبي وربي ماهموني

رغد: وليد انا اعرف طبايعكم ولزوم المره تكون خابره المطبخ والاكل

وقت العزايم

وليد: واذا الحين كل شئ تغير وصارت العزايم بوفيه .. ومن هالخرابيط

رغد: لا العب علي يعني ماكانك بتطلب ذبيحه قال ايش بوفيه

وليد" بنذاله": يعني انتي تقنعيني بتاخذين الخروف وتغسلينه وتوخرين عنه

الصوف حقه وتطبخينه

رغد"طيرت عيوني":هاهـ

وليد" ماسك ضحكته": وش هاهـ

رغد" فكرت فيها انا ماعمري طبخت ذبيحه ولا سويت اكل لعزومه من

الاساس عشان اسوي ذبيحه ..": طيب حبيبي شوف

وليد: وش

رغد: انت جيب الذبيحه من برا .. اووك بس المقبلات والحلا والسلطات

انا بسويها وش رايك

وليد" بتفكير": ممم كذ اووك

رغد" بهذاك اليوم من جد حسيت بفرحه كبيرررة لما شفت نظرات وليد

واعجابه بيالي سويته من اكلات ومقبلات ومعجنات وحلا وعصيرات

وليد"منبهر": معقوله هذا كله انتي سويتيه

رغد" انغريت ": وش رايك يعني

وليد" يقرب مني ": وقسم منتي سهله يالربع

رغد" رفعت حاجبي": وليييييييييييييييييد

وليد: عيون وليد وروح وليد

رغد" نسيت اني معصبه من نبره صوته":هاهـ

وليد:هههههههههههههههههههههههه

رغد" انتبهت ع صوت فتح الباب وفزيت ع السريع ..."

سعود" دخلت الغرفه وكانت مظلمه وبارده وكان الهدوء مخيم .. وانتبهت

لحركتها وعرفت انها صحت .. شغلت النور.. وتوقعت بيكون شكلها مبهذل

وريحتها ماليه الغرفه ..هذي عوايد مزنه عشان تحسسني انها تعبت وهلكت

بس تفاجاءت ومثل كل مره .. تبين لي عكس تفكيري .. وتثبت اني غلطان

ووليد ع حق بتعلقه واختياره لها...": السلام عليكم

رغد" بعدت البطانيه عني .. ورفعت شعري يالي نزل ع وجهي.. وقمت

عن السرير.. وانا كل نيتي مااعطيه فرصه ينطق بالشينه فيني..": وعليكم

السلام

سعود" كان وجهها صافي والعين ماتقاوم النظر فيه حتى لو بالسرقه":

يعطيك العافيه

رغد"ماتوقعت منه هالكلام وارتبكت": يعافيك ربي

مشيت للدولاب وطلعت له ملابس لاني بالفترة هذي عرفت اطباعه شوي

وانه لازم يتروش قبل لاينام.. طلعت ملابسه بهدوء .. وبعدها جلست

ع الكنبه وشغلت التلفزيون وصرت افرفر بالقنوات ومافي بالي شئ

سعود" حيرني هدوئها .. وحيرني اكثر انها تبين لي انها مو تعبانه

من شغل اليوم ولا كانها كرفت من الظهر لحد الليل.. اخذت ملابسي

ودخلت دورة المياه"اكرمكم الله"......................

رغد" اخذ تجنى وسدحتها ع فراش بالارض لانها تتقلب واخاف

تطيح من الكنبه .. واخذت البطانيه وغطيتها وانا حطيت لي مخده

وانسدحت وتغطيت بالبطانيه...................

سعود" طلعت وانا احس انه جسمي متكسر طول الوقت اضيف

وواقف ع رجولي والذبايح اخذت وقت طويل ع ماخترتها..حطيت

نظري عليها ورفعت حاجبي.. وبعدين يعني": رغد

رغد" يارب سكنهم بمساكنهم مالي مزاج له تعبااانه حيل": هلا

سعود: وش تسوين

رغد" وانا متملله ":وش اسوي يعني اول مره تشوف وحده بتنام

سعود" رفع حاجبه وبنبره حاده": تستهبلين انتي

رغد" حسيته عصب وبلعت ريقي ابدا مو رايقه للهواش":سعود يرحم

اهلك .. ابي انوم امس مانمت عدل وسهرنه

سعود" متكتف": ومين ماسكك" وياشر بنظره ع السرير":يلا

رغد"عقدت حواجبي": انت ماتشوفني منسدحه وبنام

سعود" من غير ماانطق بكلمه.. توجهت لجنى وشلتها وكانت بتعترض

واشرت لها بمعنى"اص" بيدي سدحت جنى ع السرير بالوسط.. ورجعت

لها .. وشديتها من زندها .. وحاولت تبعد يدي بس عطيتها نظره

جمدت منها .. ومشت وراي من غير ولا صوت .. اشرت لها بيدي

بمعني.. يلا نامي

رغد" كنت مقهورة منه ومن تصرفه وش يبي يعني ..": وش

سعود" بجمود": هماك تقولين تعبانه وتبين تنامين يلا

رغد" وانا انقل نظري ع السرير وع سعود":كيف يعني

سعود"بطوله بال": يعني تنسدحين وتنخمدين وشلون كيف

رغد"بلعت ريقي": بس انا بنام ع الكنب ماابي ع السرير

سعود" بنرفزة": اسمعي يابنت الناس انا واحدن تعبانه ومن صباح الله خير

وانا واقف ع رجولي ومافيني حيل للهواش ومشاد الكلام فانسدحي وخلي

الليله تعدي ع خير .. ولا والله " واشر بااصبعه على" تنامين الليله منومه

بالمستشفى

رغد" خفت من صرخته وتعابير وجهه.. وكنت بصيح .. اسدحت ع السريع

وتغطيت بالبطانيه كلها وماتركت له مجال يتغطى معي...غمضت عيوني

ماابي اناظره او اكلمه لان هانا بعد مافيني حيل للكلام .. انتبهت له ياخذ

البطانيه يالي ع الكنبه ورجع انسدح وطفى الابجوارة...ونمت ع طول

من التعب

ام مزنه" متضجره": علامتس رايحه جايه اهجدي لعنبو دارتس

مزنه" كانت عرفه عن عزومه اليوم وتنتظر ابوها يجي بخبر يفرح

قلبها .. هي تعرف سعود وطبايعه وكيف انه يحب وقت عزايمه حرمته

يالي تقوم بكل شئ .. وكل يالي ع بالها اني مااعرف للطبخ .. وتنتظر

الشماته فيني..": يمه طولوا

لحظات الا ابو مزنه داخل ....................

ابو مزنه: السلام عليكم

مزنه وامها: وعليكم السلام

ام مزنه: ياهلا بك ياحيي " وتنادي ع الشغاله .. تجيب القهوة

مزنه" بقله صبر": وش صار بعزومه سعود يايبه

ابو مزنه " فاهم ع بنته": كل خير حرمه سعود ارفعت الراس ماهقيتها

انها سنعه ونفسها طيب بالاكل

مزنه" مو مستوعبه": وش تقول.. تقصد الحضريه هذي .. قامت بالعزومه

ابو مزنه" ياخذ فنجال القهوة من امها": سم الله عدوتس" ويناظر مزنه"

قامت فيها وبس الا رفعت الراس ان اشهد انه الوليد عرف يختار ويابخته

سعود بهالحرمه ربي عوضه خير" وناظر مزنه بحده"

مزنه" ماقدرت تتكلم او تقول شئ.. صارت تسب وتلعن ..وتمنت انها

ماقامت بالعزومه .. كانت تتمنى تشوفني ذليله ومهزئه..بس ربي ماطولها

مناها.. ": طيب وش صار ع موضوع يبا

ابو مزنه" يقوم": للحين ماكلمته

مزنه: طيب متى

ابو مزنه" يكلم امها": يلا انا بروح انام

مزنه" ناظرت ابوها وامها رايحين": افففف والله مااكون انا مزنه يابنت

اللذين ان ماكرهتس عيشتس......................

سعود" بالبدايه كانت تتقلب كثير .. وكنت ناوي اعطيها كم كلمه بس

هدت ووقفت عن الحركه ... شكلها نامت خلاص....انتبهت لها بعد فترة

حاضنه المخده بالحييل ...وكانت مكشرة بملامحها... شدتني ..صرت ادقق

بملامح وجهها لاول مره..عيونها وسيعه ورموشها كثيفه ..والعين ماتمل

شوفها..خشمها حاد وبالنفس الوقت صغير ..بس شموخه يجبر يالي يشوفه

ينعجب غصب فيه..اما مبسمها ..شئ ثاني ممتلي شوي وصغير بنفس

الوقت.. عامه وجهها يمتاز بالنعومه والحده بنفس الوقت ......انتبهت

لحركتها.. ولفيت بوجهي عشان ماتحس اني جالس اناظر فيها.. حاولت

انام بس الافكار حرمت عيني النوم.. افكر بعنادها قوتها شموخها لما

تواجهني .. وهذا شئ ماتعودت عليه ..لا من مزنه ولا من امي وخواتي

لفيت عليها ثاني.. وشفت شبه ابتسامه.. ابتسمت شكلها تحلم...حسيت

بعصبيه فجاءة ورفعت حاجبي .. ممكن تحلم بوليد..اكيد فيه من جات

هنا وهي ماتبتسم الا ع طاريه.. شديت ع يدي وكان ودي اصحيها

من حلمها...قمت عن السرير ودخلت دورة المياه"اكرمكم الله" وغسلت

وجهي مره ومرتين .. ناظرت نفسي ..الوم حالي ليه عصبت لانها تفكر

فيها هو زوجها وحبته من قلبها وبكل مافيها...معقوله حبيتها...ضحكت

ضحكة سخريه... لا ياسعود ماحبيتها بس حبيت يالي كنت فاقده عند مزنه

الاهتمام السنع ...لفيت عليها ثانيه ..وكشرت ثانيه..."انا اشهد انك مهرة

ومحدن بيروضها غيري".......................................

رغد" يالله حسيت بجسمي وكيف كان متكسر للحين من تعب امس..رفعت

يدي اشوف الساعه كم.. استغفر الله فاتتني الفجر.. قمت بسرعه ..من غير

مااحس بيالي جنبي وكنت ناسيه انه موجود معي..دخلت دورة المياه

وتوضيت ..وطلعت صليت الفجر ...وجلست ع سجادتي ادعي ربي

انه يصلح حياتي ويغفر لوليد ويجعل مثواه الجنه ...قمت وفجاءة

تذكرت سعود..ياربي انا وشلون نمت معه ع نفس السرير ..عصبت

ع نفسي وفكرت بوليد وانزلت الدمعه من عيني"سامحني حبيبي"ماوفيت

بوعدي لك"..

رغد"كنت متحمسه بالاجابه":مسسستحييييييل

وليد: وليه واثقه كذا

رغد" بثقه": اكيد واثقه وبعدين وش هالسؤال واسمح لي سؤال غبي

يعني تتوقع مني اني ممكن ارضى اتزوج بغيرك ا واني اشاركه النومه

ع سرير غير سريرك انت..مستحيييل

وليد" كان مبسوط":يعني مااقكر انه يجي يوم وتبتعدين عني ..او تكونين

لغيري

رغد" عصبت عليه ": لا طبعا ولو سمحت قفل السالفه

وليد" بعناد": لا اكيد لا

رغد"ماحبيت السالفه وحسيت بضيقه من الموضوع وعشان انهيه":اسمعني

اوعدك حبيبي.. مااشارك حد النومه غيرك انت وعيالي ..خلاص

رغد"مسحت دمعتي...ورحت ع الكنبه ...وانا كلي ضيقه وكتمه من الوضع

يالي انا فيه..دعيت ربي يفرجها لي باسرع وقت ..............

ع الغدا كنا متجمعين نتغدا الا سعود.. وهذا كان مريحني انه مو بوجهي

رغد"متضجره": يلا ماما كلي ترا مشاعل تاكله عنك الحين

جنى"تلعب بالاكل": ماابي

مشاعل: حبيبتي جنون اذا اكلتي بوديتس معي

جنى:ماابي

ابو راشد: تعالي يبى عندي اوكلتس بيدي"ويرفع يديه ياشر لها بمعنى"

تعالي

جنى"تقوم من حضني وتروح لجدها":ابي هدا

ابو راشد"ياكلها": حبيبة جدها ماتبي تاكل الا من يده ياحبي لها

رغد"ابتسمت ..كانت جنى تاكل وهي مبسوطه وكانها كانت تنتظر

جدها يناديها":شوفي الدبه تبي تدلع

مشاعل"تضحك":ياعيني والله وجات يالي تكسر رويسي

رغد:هههههههههههههه لا دام الموضوع فيه جنى راحت عليك خلاص

جنى"تناظرنا وتضحك وتلعب بيديها ":ياكلني ماياكلم ههههههههه

ابوراشد"يبوس راسها":خلاص من اليوم ورايح مااراح اكل الا وهي

بحضني وبيدي اوكلها

رغد:عز الطلب عندها ياعمي ماتشفها وشلون متشققه هههههههههه

قطع علينا دخول سعود ووجهه المكشر كالعاده..كنت اتمنى يوم بس

اشوفه مو عاقد حواجبه ومبتسم ..ضحكت ع نفسي ...هذا مستحيل

يضحك شكله متفق مع التكشير ...بس الكل تفاجاء بيالي دخلت وراه

سعودومزنه":السلام عليكم

الكل : وعليكم السلام

سعود يحب راس امه وابوه": شخباركم يمه ويبه

ام راشد: بخير يايمه تعال تغدا معنا

رغد"كنت مستغربه ..هو طلقها وش رجعها ..وبعدين وش دخلني

رجعها ولا لا هو وبحياته حر..لفيت عنهم":............

سعود: لا يمه ماني مشتهي بس ازعقي للشغاله تجيب القهوة

مزنه"تسلم ع ام راشد وابو راشد":وشلونك ياعمي وشلونك ياعمتي

ابو راشد"سافهها ويلاعب جنى":...............

ام راشد: بخير يابنيتي وانتي علومك

مزنه: بخير ياعمه "وتلف على وع مشاعل":وانتي يامشاعل اخبارتس

مشاعل"من غير نفس": كنت بخير بس الحين هماي شفتس ابدماني

بخير

مزنه"رفعت حاجبها":وليه ان شاءالله وش مسويتن لتس

مشاعل"تقوم وتصعد ع فوق":يلا يمه يبا اترخص

رغد"وقفت معها":بجي معك مشاعل

سعود:لا انتي تعالي وجيبي معتس القهوة

رغد"ماعرفت ارد عليه عشان خالتي وعمي":ان شاءالله

مزنه"ومن غير نفس وبنظرات احتقار":وشلونتس يا..

رغد"ناظرتها بنفس نظرتها":بخير يا.."ومشيت عنها اخذ القهوة

من الشغاله ..واحطها ع الطاوله وصبيت للسعود فنجال..ومديته

له":.سم

سعود"من غير مايناظرني":سم الله عدوتس

رغد"صبيت لعمي وخالتي يالي جاو واجلسوا ...وبعدها جلست جنب

خالتي ..وجت جنى بحضني..للحين ماتعودت ع سعود وتخاف منه"....

مزنه: وانا حيطه بوجهتس وراتس ماصبيتي لي ولا ماتعرفين الاصول

يا..

رغد: يا ايش

مزنه"تسفهني وتقوم تصب لنفسها وتجلس قريب من سعود ع بالها كذا

بتقهرني ولا بتحرك مني شعره.. ضحكت ع غبائها ....":.....

ابو راشد يناظر بسعود ينتظر منه جواب ع الي يشوفه ":.....

سعود"فهمت ع نظرات ابوي ": يبه عمي اتصل على اليوم ويقول ودا

مزنه ع الطبيب وطلعت حامل

ابو راشد"ماعجبه الكلام ..ماكرهها بس صار مايطيقها ع فعايلها":الله

يتمم لكم ع خير

ام راشد"بفرحه ع الي تسويه مزنه لها بس ماكرهتها": مبروك يمه

لفت ع مزنه"مبروك يابنيتي عساه من مواليد الصلاح لتس ولرجلتس

ابو راشد"ومدري وش قصده": وعقبال مانسمع بحرمتك حاملن بعدها

رغد" وجهي صار يطق لون ورى لون.. تجمدت وبلعت ريقي من

بعد ماسمعت الكلام ونظرات سعود يالي عطاني اياها":........

مزنه"بقهر": وانا ياعمي ماني مكفيه

ابوراشد: كلك خير وبركه بس همانا شفنا عيالتس انتي وسعود نبي نشوف

الولد لرغد

رغد" خجلت من نظرات عمي لي وماعرفت وش اقول":تبي اصب لك

قهوة ياعمي

ابو راشد "بابتسامه": لا يايمه انا بقوم اريح شوي

قام عمي ومعه خالتي عشان يريح وبقينا انا وسعود ومزنه وجنى...

مزنه: الا ماباركتي لي يارغد ولا مو فرحانه لي

رغد"رفعت حاجبي": وليه ماافرح لك بالعكس الف مبروك والله يتمم لك ع

خير

مزنه"تقوم وتجلس جنب سعود بالظبط": مير الله يبارك بعمرتس

سعود"ماكنت حولهم وكنت مشغول بالهم يالي رجع لحياتي ثاني انا ما

صدقت الاقي فرصه وارتاح منها ..الا وترجع لي ثاني"....

رغد"جلست الاعب جنى.. وانتبهت له سرحان ومزنه تسولف فوق راسه

وهو مو حولها ابد..بصراحه ارتحت برجعتها ع الاقل الحين يلهى معها

ومع مشاكلها وينساني ...ويقل احتكاكي معه..شفت جنى انعست

وقمت ابي اصعدها فوق تنام":عن اذنكم

سعود" انتبهت لها وهي تقوم":ع وين

رغد"وانا شايله جنى":بروح انوم جنى

سعود"بجمود":لا اسدحيها ع الكنب وصبي لي قهوة

رغد"رفعت حاجبي.. افف وش يبى":مزنه تصب ل كانا بروح اوديها

سعود"بنفس الجمود":انا قلت انتي

مزنه"يالي كانت بتقوم .. ناظرتني بنظرات حقد":خلاص ياحيي خلها تودي

بنتها وانا بصب لك ولا نسيت من كان يقهويك غيري..

سعود"متجاهل مزنه وكل نظراته مثبته علي": القهوة

رغد"سدحت جنى بغيض ع الكنبه خفت يرمي على كلمه ومزنه ماتصدق

خبر تمسكها على":سم"مديت له القهوة": شئ ثاني

سعود"ياخذ الفنجال": اجلسي

رغد" اللهم طولك ياروح"جلست":......

مزنه"تقوم وتجيب صينيه الحلا..وتقدم لسعود..":سم يابو مشعل

سعود"بجمود": لا حطيه ماابغى

رغد"كنت حاطه رجل ع رجل واحركها وكل شوي انفخ ":..........

سعود"قهرتني حركتها ..":رغد

رغد"تنهدت": نعم

سعود"رفعت حاجبي": نعم عيدي

رغد" شفت الابتسامه ع مزنه وكانها تنتظر الزله عشان سعود يهاوشني":

سم

سعود" عرفت انها ماعاندت لوجود مزنه..فرصة وجتني ومنها ابين لمزنه

انه المياه مارجعت لمجاريها وماتنسى يالي سوت بس لاني رجعتها":

عطيني من الحلا وصبي لي قهوة

رغد"طيرت عيوني وش يبي مو تو مزنه مدت له وقال مايبي..قمت من

مكاني متنرفزة...ومديت له الحلا وصبيت له القهوة":تفضل

ورجعت مكاني .. وانا متملله من الجلسه واحس اني مخنوقه من نظرات

مزنه الي كلها كره وحقد... شوي الا قام سعود ..شكله بيروح ينام مثل

كل مره...

سعود"لف على": انا رايح اريح شوي اذا اذن المغرب صحيني

مزنه"بلقافه": تامر امر يابو مشعل

سعود"ياشر على":سمعتي يارغد

رغد"ومن غير نفس": ان شاءالله

سعود صعد فوق ... وبعدها شلت بنتي وكنت بصعد الا وقفتني مزنه...

مزنه: لاتظنين اني بترك لتس زوجي وابو عيالي ..يعني الفترة يالي راحت

اعتبريها هديه مني لتس.. بس من اليوم انا حرمته وانا يالي اسوي له كل

حاجه مهب انتي ..

رغد" رفعت حاجبي منها واستنكرت كلامها": طيب وش المطلوب

مزنه: المطلوب يومن انتس تشوفيني معها لاتقطين خشتس..وكلها كم

يوم وانسيه وجودتس سامعه..

رغد"طنشتها": تسوين خير"...وصعدت فوق وتركتها .....

مزنه" جلست تفرك يدينها من القهر .. انا ياسعود تسفهني قدامها تفشلني

طيب ان ماوريتك .. ان ماخليتك ماتطيقها وتكرهه وجودها مااكون مزنه

...يعني عبالتس انك قدرتي تملكينه... لاوربي ماافرح قلبتس يابنت الحضر

سعود لي وبيظل لي ..وحتى لو خليتيه يتسبهه..بدلعك وحركاتك ..انا اقدر

اسويها بعد" شالت اغراضها وصعدت لفوق......

رغد"رحت لغرفه مشاعل لانه مالي مزاج اتواجهه معه":ممكن ادخل

مشاعل: حياتس الغرفه غرفتس

رغد"ابتسمت لها وكنت عارفه انها متضايفه من رجوع مزنه للبيت":وش

فيك مكشرة كذا لايكون اعداك اخوك"حبيتا لطف الجو"

مشاعل"اضحكت":ههههههههههههه من عاشر قوم

رغد: لا تكفين واحد ويكفي تصيرون انتم الاثنين لا لا حرام عليك

مشاعل:هههههههههههههههههههه الله يرج بليستس

رغد"سدحت جنى ع سريرها":ايه اضحكي واترك التكشير لاخوك

ترا مافي شئ يسوا

مشاعل"بتنهيده:وانتي صادقه .. الا وين طست

رغد"عرفت انها تقصد مزنه": تحت اظن انا صعدت وهي جالسه

مشاعل: اسمعيني يارغد لاتهتمين منها ولتسمعين لكلامها ترا هي عقرب

من تحت رمل تلدغك وتتشمت فيتس"وكانت جديه بكلامها وخايفه على

بنفس الوقت"

رغد"بخوف": ليه تقولين كذا

مشاعل": مدري رجعتها مخوفتني وعارفه انها ماراح تعدي ع خير

رغد: لا لاتخافين يوم تعرف انه مابيني وبين زوجها شئ بتتركني

بحالي هي تسوي كذا من حقها مهما كان زوجها وابو عيالها

مشاعل"وبتشديد ع الكلمه": ورجلتس الحين وابو عيالتس مستقبلا

رغد"ماعجبني كلامها وحبيت ا ضيع الموضوع": لاتقولين بتنامين

مشاعل"فهمت على وماحبت تضايقني": لا والله مافيني نوم ..مم وش

رايتس نتفرج ع فلم

رغد: اووك بس ماابي رعب

مشاعل: اووك

لما اذن المغرب قمت اصحي سعود.. لانه ماودي بمشاكل ...تركت جنى

عند مشاعل .. ورحت للجناح ..دخلت تفاجاءت بيالي اشوفه ..كانت مزنه

منسدحه ع الكنب وتتفرج ع التلفزيون... رفعت حاجبي بمعني سلامات

وش عندك هنا .. وهي سفهتني .. ومشت للغرفه ..عشان تصحي سعود

بصراحه حمل وانزاح يوم راحت تصحيه ..بس وش عندها بغرفتي..

ثواني وسمعت صرخه سعود"جمدت بمكاني "..صوته كان حاد..شوي

الا مزنه طالعه ووراها سعود ووجهها مكشر وتتحلطم....

سعود"وبنبره حاده":وانا وش قلت لتس

رغد"ياربي حرمته عنده وتصحيه مب عاجبه افف بس":قلت نصحيك عند

اذان المغرب

سعود"يتكتف":نصحيك..متى قلت صحوني انا .."وياشر بااصبعه"قلت

لتس انتي صحيني ماقلت انتم..لاتستهبلين فوق راسي مانيب رايقن لكم

رغد"عصبت وش يبي يوصل له": طيب انا او هي ماتفرق المهم تصحى

سعود"ضيق عيونه ..وبلعت ريقي بصعوبه لانه ناويها اليوم":وش يفرق

ها..."ويقرب من عندي بسرعه ويشد زندي بقووة":اسمعيني يوم اقول لتس

شئ تنفذينه .. مو تستهبلين ع راسي سامعه

رغد"حسيتا ني ببكي وكنت ماراح اجادله ..بس شفت نظرات الشماته

بعيون مزنه":مااستهبل ..وبعدين ماخذ مقلب بحالك ..ليه استهبل عليك

وانت مو ع بالي اصلا ولا فكرت فيك!!!!!!!..........

سعود"بصرخه هزت ارجاء البيت":نععععععععععم!!

رغد"بينت اني مو خايفه وانا كل جسمي يرجف خوف":يالي سمعته

سعود"استفزتني بكلمتها ومن دون تفاهم..شديت شعرها بقوة":وش قلتي

رغد"حيت شعري انتف من مكانه من قوة شده":ااهـ شعري بعد

سعود"وبكل قهر":من يالي ع بالك ياست هانك وشاغله غير زوجتس

وواجباته يابنت الاصل والفصل"وبسخريه"

رغد"قهرني بكلمته":ايوا بنت اصل وفصل غصب عن يالي يرضى

ويالي مايرضى..ويالي ماخذ ببالي زوجي الله يرحمه"وثبت نظري

ع عيون سعود وانا اقولها"..ومافي غيره بشغل تفكيري

مزنه"ملامح الخوف والاستغراب ..وتتراقب وش بتكون رده سعود":.....

سعود"حسيت الدم تجمع بعروقي يالي بوجههي وشديت ع يدي...وبكل

قوة عندي عطيتها كف":شكلك ماتربيتي .. وانا يالي بربيك

رغد"طحت ع الارض من قوة الكف واحس وجهي التوى من الضربه

ودموعي صارت تنزل من غير مقدمات":حرام عليك وش تبي مني

وش تبي هذا مرتك عندك .."ووقفت بشموخ..واحاول ماابين الالم

وامسح دموعي وابان اني قويه"...هماك تقول انك اخذتني عشان بنتي

خلاص اتركني بحالي وعندك الشيخه مزنه"بسخريه"تقووم بواجباتك

وبرضا منها ... يعني يوم كنت تخليني خدامه لعدم توفرها انتهى وقته

سعود"كلماتها تستفزني غصب عني ..عمرماحد استفزني بطريقتها

وخاصه حرمه "استغليت الفرصه عشان احط النقاط ع الحروف بالنسبه

لمزنه":اسمعي انتي وياها ..يوم اطلب من وحده فيكن شئ هي يالي تنفذه

وياويلها وياسواد ليلها يالي تحاول تستعبط فوق راسي ..وانتي يامزنه

مزنه"بخوف":سم

سعود"بعصبيه":حركات الضرة واستعباطها مهيب عندي ساممعه

مزنه"تبلع ريقها":ان شاءالله

سعود: وانتي ياهانم شكلك تعودتي انك ماتمشين الا بالضرب ..اسمعيني

مو معناه مزنه ارجعت بتنسين واجباتس شكلي عطيتك وجه اكثر من

اللزوم.. لكن اليوم لي تصرف ثاني يوم ارجع ..ويلا انقلعي جهزي ثيابي

ابي الحق ع الصلاة

رغد"كنت امسح دموعي ":..............

سعود"بصرخه":بسرررررعه

رغد"خفت ومشيت عنه ...مشيت وانا ادعي عليه وعليها ... دخلت غرفه

النوم وهو دخل بعدي..دخل دورة المياه"اكرمكمرالله"من غير ماينطق

بكلمه ... جهزت ملابسه وثوبه وشماغه وعطرتهم .. حطيت الكبك والقلم

والمحفظه بالثوب ..وجهزتهم ع السريع قبل لايطلع ابي اطلع احس اني

مخنوقه بالحيل ...ومالي خلق اشوف وجهه......

مشاعل"حاضنتني وتهديني":خلاص يابعد حيي انتي خلاص

رغد"كنت شاده عليها وابكي قهر":ليه يسوي كذا وش يبي هو عارف

اني احب وبظل احب اخوه وعمري ماراح افكر فيه كزوج ليه مايتركني

بحالي هذا زوجته عنده

مشاعل"تاخذ كمامه وتحطها ع خدي": هدي انتي وانسي الحين خلااص

مشاعل"سمعت صوت الباب":من

مزنه"بابتسامه خبيثه":وين ام جنى

مشاعل: خير وس تبين

مزنه: مهب انا يالي ابي ابو مشعل الله يحفظه ينادي عليها

رغد"كنت بسبها هي وهو بس..لا مابفرحها اكثر... قمت عن حضن

مشاعل وماودي ابعد عن الدفا والامان.... مسحت دموعي...ودخلت

دورة المياه وغسلت وجهي..ومشيت من غير انطق بكلمه..توجهت

للجناح.. وانا ادعي ربي يسهلهاويفرجها....

رغد: نعم

سعود"كنت متوقع انها بتعاند ومهيب جايه بس استغربت وقوفها ولا

وكانه ماصار شئ..خيبت ضني ..ضنيت للحظه اني كسرت شوكتها

وكسرت شموخها...":نعامه ترفسك وش نعم

رغد"ولا كاني سمعته":...............

سعود:وين مزنه

رغد:مدري

مزنه"داخله علينا":سم طال عمرك

سعود: اسمعي يا ام مشعل الجناح يالي ع اليسار بيكون لك وهالجناح لام

جنى

رغد"وجعني قلبي ..هذا جناحي انا ووليد..ليه طيب ليه":لا اني ابي الجناح

الثاني وخل جناحك انت وزوجتك لك ماله داعي التغيير

مزنه"واقفت لانها ماتبي تغير جناحها بعد":ايه

سعود"تحلمين يارغد..عشان يحلى لك الجو وتعيشين خيالك تمام":انا قلت

يالي عندي " واشر على":ومن اليوم بيكون كل وحده ليلتها..واليوم عشاي

ابيه يكون هنا وماابي شغل الشغالات ..كل يوم ع وحده ..رتبوا بينكم

سامعين

مزنه: ان شاءالله

رغد"لا باقي تجيب الثالثه والرابعه وتصير الحج متولي ع غفله":.........

سعود" ناظرتها وهي جامده ولا بينت أي احساس قهر ..غضب..ولاشئ":و

الليل هام جنى بتسوي العشاء وبكرا بيكون عليك يامزنه ..

رغد"رفعت حاجبي":يعني الليله عندي

سعود"ماعجبتني نبرتها":ايه عندك شئ

رغد:لا بس اليوم دامك توك مرجع مزنه تكون ليلتها..صح ولا لا ام مشعل

مزنه"انقهرت يوم جاب طاري رغد وانه الليله عندها ..بس هدت شوي يوم

سمعت ردي":انا مااطلع من شور ابو عيالي ويالي يقول عنه اسويه

رغد" لا ضحكتيني مسويه المطيعه ع غفله":لاتسوين فيها متقطعه عشان

تصير ليلتك

سعود"بحده":انا قلت يالي عندي ونقاش مافيه.. والليله ارجع اشوف العشاء

زاهب ..وانتي يالي مسويته مهب الشغاله

وطلع من الجناح من غير لايسمع ردي..................تو كنت بطلع الا

استوقفتني ....

مزنه"بخبث":والله وطلعت غلطانه اثاريك ماقدرتي عليه يابنت الحضر

رغد"رفعت حاجبي": خير وش تقولين انتي

مزنه: يالي سمعتيه.. الا قولي لي هو دخل عليتس ولا لا

رغد"انصدمت من وقاحتها": خير وش تحسين فيه انتي

مزنه"بضحكه خبيثه":هههههههههههههههههههه ياعين ابوي للحين

"وبغرور"اكيد ماحركتي فيه شعره ..اكيد يوم يكون عنده الاصل وبنت

ولا كل البنات وش له بيالي مثلك ...

رغد"استفزتني بس حاولت ماابين لها":اووك وانا راضيه وتاركته لك

تهني فيه

مشيت عنها وانا حاسه بضيقه وكتمه ودي اطلع وارجع لحضن امي ...و

تمنيت حضنه .. اشتقت له.. وربي اشتقت له...........

جهزت العشاء وصعدته ع فوق ..واخذت جنى معي ..ع الاقل كضمان

انه مايمد يده او يصرخ....حطيته ع الطوله ..وترددت انتظره ولا لا

وبعدها قلت مالي مزاج اشوف وجهه..وتوي بطلع الا دخل

سعود"شفتها وهي ناويه تطلع":وين كنتي رايحه

رغد: رايحه عند مشاعل

سعود"رفع حاجبه": وليه وش عندتس

رغد:جهزت عشاءك وش تبغى بعد

سعود"يفتح ازرار ثوبه ": ارجعي مكانتس

رغد"الله ياخذك"..جلست ع الكنب هوانا عافسه خشتي":....

سعود" غيرت ملابسي وجيت الصاله والعشاء جاهز... لاحظت عليها

انه مافي اشطر منها بالطبخ عليها نفس ....

رغد"قمت اشيل الصينيه بعد مااخلص... ولما جيت بنزل ناداني":.......

سعود: بعد ماتنزلينها ارجعي

رغد"ببلاها": ليه

سعود" اكتفيت بنظره بمعني..ارجعي وبس":...........

رغد"نزلت والصينيه بيدي ... نزلتها وانا افكر بوش يبي... صعدت و

مدري ليه حسيت باحساس غريب ويخوف ..تعوذت من ابليس وصرت

استغفر.....

سعود" جلست العب مع جنى ... ابد مافيها شئ من اخوي كلها امها

وماشاءالله عليها فطينه وتفهم..":ليه تضربين عمك

جنى"ببرائه اطفال":عسان تقيت ماما"عشان طقيت ماما"ليه تتقها

خلاص انا ماابيك ول

سعود"ضحكت من طريقتها وهي تتكلم صوتها مبحوح وعروقها بتطلع

من رقبتها ": افا ماتبيني طيب انا احبك

جنى"تشيل العابها": انا مااحبك انت يع ..

سعود" اخذتها لحضني": كذا تبين عمك يصيح

جنى "تهز راسها": ايه"وتضربه

سعود: عيب تطقيني

جنى: وانت عييب تتق ماما

سعود"يالبى هالبنت وعقلها": خلاص توبه ماعاد اطقها ..الحين تحبيني

جنى: ايه يلا نلعب

رغد"دخلت وانا متردده .. تفاجاءت لما شفت بنتي بحضنه وتلعب معه

هي تخاف منه لانه دوم مكشر ولا يلاعبها....":...

جنى "يوم شافتني جات ركض لعندي": مما خلاص لاتصيحين عمي ما

يتققك ثانيه يقول يتوب

رغد"ابتسمت بسخريه": ايه عمك طيب

جنى"تمسك يدي": يلا نروح لعمتي نلعب

رغد" شلتها": يلا

سعود"وانا عاقد حواجبي": ودي البنت وارجعي

رغد"باستغراب": ليه!!

سعود: اسمعي الكلام

رغد"يمكن يبي يكمل التهزئ ": طيب

رحت ع غرفه مشاعل .. وماكان لي نيه ارجع له .. كنت بنام عندها

وبسفهه.. بس تفاجاءت يوم انه جا معي ..""وجع متى ربي يفكني منه"

حطي تجنى عند مشاعل.. وتفاجاءت اكثر يوم سمعت سعود يقول لها

تنومها عندها... كنت بعترض بس ماعطاني مجال سحبني..للغرفه

وقفل الباب.. قلبي وقتها انقبض...وبلعت ريقي وبصعوبه تكلمت":ليه

تقفل الباب

سعود" اليوم ابي اادبك يارغد واخليك تفهمين انها زواجه مامنها طلعه

الابموتي..مثل منتي مجبورة على هم انا مجبورن عليتس.. ولازم

تفهمين انك زوجتي خلاص وماعاد بينفعك العناد".... تقدمت لعنادها

ماانكر انها تجذبني كاانثى هي ماعليها قصور زين وحلا ..وكل مافيها

يغري...":...........

رغد"فهمت نظراته وش يبي... بعدت مستحيل اخليه يلمسني.. انا لوليد

وبس...": بعد بطلع

سعود" ماكنت ابي اتناقش..واعطيها مجال ابحطها بالامر والواقع...تقدمت

لها ومسكتها من خصرها ..وهي تقاوم... قربتها مني...لحد مالصقت فيني

وهي تضرب وتحاول تبعدني....حملتها ع السريع وسدحتها ع السرير

..كانت بتقوم لكني سحبتها من رجلها ووقفتها..

رغد"كنت ابي اصرخ ... بس وش بيفيدني... مااقدرت ابعده..كان مثل

الجثه ..مايتحرك ولا يتاثر بضرباتي... كنت ع ظهري وهو بكل ثقله

انسدح فوقي.. حسيت نفسي ضاق.. مو قادره اتنفس..صرت اضرب

واضرب.. ومافي فود...."

سعود"ماكان ودي اجيها بالطريقه هذي..بس ماتركتي لي مجال..لانه

مافيه طلاق مافيها طلعه الا ع قبرك ولا بموتي......شديت ع يديها

وثبتها ..ودموعها صارت تنزل..تحاول تستعطفني اني ابعد..بس

ماعطيتها مجال.................

نفضت نفسي وانا استحقره بكل خليه بجسمي..غطيت نفسي..وانا

احس ببركان داخلي بخاطره ينفجر..لململت نفسي وقمت":حررام

عليك .. مافكرت بخوك... مافكرت انك كذا تخون اخوك يوم تتعدى

ع حقوقه...انت ايش .."صرخت "ايشششششششش

سعود"بجمود": اخوي الله يرحمه ..وانتي يالي ماتحسين انتي"وشدد"

زوجتي انا منتي حرمة اخوي...انتي يالي حرام عليك تفكرين بغيري

الحين ...وليد الله يرحمه..وانا ماتعديت ع حقوقه بالعكس اخذت حقوقي

انا.."ووقف قدامي.. وثبت نظره على".. ومن اليوم وطالع عودي نفسك

ع حياتك هذي..ووليد شيليه من بالك خلاص.....

رغد"ماعدت اشوف من الدموع يالي ملت عيني...جلست ع الارض

منهارة من بعد مادخل دورة المياه......"اسسسفه وليد ...اسفه حبيبي

انتبهت ع النور يالي صقع بعيوني..حطيت ايدي ع عيوني اغطيها

قمت..واحس راسي بينفجر..تذكرت وش صار امس..وحسيت بالدموع

ونيتها انها تنزل..لفيت راسي وانا ادور بنظري ع الغرفه..انا وشلون جيت

ع السرير..اذكر اني ع الارض...لفيت الا وهو نايم جنبي..ناظرت بنفسي

وانا للحين من غير ملابس"حسيت بمليون احساس اخترقني..خجل غضب

قهر..كتمه وضيقه..."قمت بسرعه ودخلت دورة المياه"اكرمكم الله"وفتحت

المويه البارده ع جسمي يمكن تطفى النار الشاعله بقلبي...مدري كم جلست

تحت المويه ابكي وادعي عليه... قمت بعدها واخذت المنشفه..وجففت

جسمي..ولبست ملابسي...وحطيت الفوطه ع راسي...

طلعت وماشفته.. ارتحت..الله ياخذك ويفكني منك .. محد منقص على

حياتي الا انت

مشاعل"تطق الباب": ممكن ادخل

رغد"بتنهيده": تفضلي

مشاعل"كانت حاسه انه في شئ صار": وش فيك رغوده

رغد"ماتحملت ورميت نفسي بحضنها":مشاعل اخووك ذبحني

مشاعل"تمسح ع راسي وتحضني":وش صار!!!!

رغد"ماتكلمت واكتفيت اني ابكي .. ابكي نهايه وليد..من بعد ماكان

حياتي كلها ..صار..مجرد خيال.. وواقعي سعود........"..........

نزلنا تحت ع الغداء وارتحت انه مو فيه بس كانت مزنه بالمرصاد

مزنه"بغيض تحاول تخفيه": اقول اليوم دوري اذا ماانا غلطانه

رغد"وانا كارهه نفسي والكل": وش تبين

مزنه: ولا شئ بس حابه افكرك وتتركين عنك حركاتك اذا ناويه ع شئ

لانه اليوم يومي

رغد"بقرف": وربي تسوين خير يوم يصير كل يوم يومك بس فكيني منه

مزنه"بسخريه": افكك والله مااقول الا الله يفكك عنه انتي يالي ناشبتن له

ولا هو مايبيك بس صرت بطريقه غصب عنه.. ولا سعود شيخ المزايين

يفكر فيك...ضحكتني ههههههههههههههههه

رغد"ماكان فيني حيل اتهاوش وارد... قمت عنها...

مشاعل: والله ميته جوع وش رايتس نطلب لنا

رغد: والله مالي نفس شعوله اطلبي انتي

مشاعل: مااحب اكل لحالي

رغد: طيب كلي من العشاء

مشاعل: وع مزين يالي طابخه ومااحب اكل شئ من يدها..تكفين

رغيد اطلبي معي

رغد: طيب من وين بتطلبين

مشاعل:ممم مدري لحظه ادور بالارقام

رغد: طيب

مشاعل: خلاص نطلب من...

رغد: طيب حلو

مشاعل: ايه خيال عليه مشويات وشاورما تجيب الراس

رغد: اووك اطلبي لي شاورما ..عندهم ورق عنب

مشاعل: ايه

رغد: طيب شاورما و2 ورق عنب وصحن بطاطس صغير لجنى

مشاعل: ليه 2

رغد: لجنى غرامها الورق عنب ههههههههههههه

مشاعل: اها طيب ياحلوة انتي يالي بتطلبين

رغد" استغربت ": اوك هاتي

مشاعل" تعطيني الرقم وسجلته بجوالي واتصلت....الو السلام عليكم

.. لو سمحت اخوي نبغى.. 2 شاورما وواحد كباب ...ايو لحم..و3ورق

عنب.. ايوا.. وصحن بطاطس صغير..ايوا عيد الطلب لو سمحت..اها

لحظه شوي" لفيت ع مشاعل": وش تبين مشروب

مشاعل: اذا بتتبرعين لي حدي مفلسه

رغد: اووك وش تبين ههههههههههههه مسويه مسكينه ويا ضحكتك هذي

ههههههههه

مشاعل: مالت بس جيبي لي حمضيات

رغد : اووك... ايو لو سمحت واحد ميراند برتقال وواحد حمضيات

ايو تسلم ..الله يعطيك العافيه...ايو تعرف بيت ال.. ايو هناك..

مشعل" يركض لامه": يمه يمه

مزنه" تطبخ وتتحلطم": ها وش فيك

مشعل: يمه خالتي ام جنى كانت تكلم رجال ع جوالها

مزنه"تركت يالي بيدها": وشو وانت وش دراك

مشعل: انا سمعتها تتكلم وتضحك معه بعد

مزنه"بخبث": والله وطحتي ومحدن سمى عليك ...........

سعود" بجناح مزنه يتعشى......

مزنه: الا يابو مشعل سمعت لك اليوم هرج ماضنيت يعجبك

سعود" ترك الاكل وعارف مزنه وطبايعها": اخلصي وش عندتس

مزنه" بخبث": والله ماودي اضيق خاطرك ياحيي ..بس بكون مالي

اصل لو سكت

سعود" بقله صبر": بتتكلمين ولا وشلون

مزنه"بخوف من حدته": بتكلم بتكلم.. هذا مشعل الله يحفظه كان

جنب حرمتك ام جنى وسمعها تهرج مع رجال وتضحك معه.. ولا تقول

اخوها ولا حد من قرايبها لا ....مهب منهم

سعود" ماكملت مزنه كلامها الا وانا قمت ... مشيت وانا اصرخ اناديها

":رغد ........رررررررغد

رغد"كنت جالسه مع مشاعل.. وخفت من صراخ سعود.. قمت وانا

ارجف...مهما حاولت ابيت قوتي..ز مااقدر قدام هيبته.. وقت يوم شفته

دخل علينا..":............

سعود" من دون تفاهم .. عطاني كف.. مااستغربت تعودت...": من يالي

كنتي تهرجين معه.. ياقليله التربيه.. تكلمي

رغد" كنت متوجعه ومتفشله .. من مشاعل":وش تقصد

سعود" بعصبيه وعروقه بتنفجر": من كنتي تكلمين ع الجوال اليوم

رغد"وش يقول ومن كلمت ": من تقصد ومتى

سعود" شديت شعرها .. حسيت الدم يغلى بعروقي.. تستغفلني ومسويه

الطاهرةو والمخلصه لاخوي...":من!!!!!!!!!!!

رغد"وانا احاول افك نفسي ": ماكلمت حد انت وش تبي تدور المشاكل

مشاعل: ياسعود اهدى الله يهداك انا كنت معها طول الوقت وماشفتها

تهرج بالجوال او التلفون

سعود" من غير تفاهم ..صرخ":مززززنه

مزنه" جات تركض وخايفه": سمم

سعود:نادي ولدتس

مزنه" بخوف: ان شاءالله... وتناديه وتجيب سرعه هي ومعه

سعود" مشى لعند مشعل": انت سمعت خالتك تهرج بالجوال مع رجال ولا

لا

مشعل" بخوف": ايه يبا سمعتها

سعود" يناظرني وعيونه بتطلع من مكانها": وش ردك

رغد: متى

مشعل: يوم كنتي مع عمتي بالصاله.. وتطلبون من المطعم

رغد" انصدمت من سخافته":.....................

سعود"حسيت براحه....... ظلمتها ..ياربي سامحني... ع ضني الشين فيها

استغفر الله": وليه تقول انها تهرج مع واحد ومدري ايش

مشعل" بخوف":يبه اسف بس امي قالت لي اراقب خالتي واشوف وش

تسوي واقول لها

سعود" لف ع مزنه ..وفجاءة": هذا عشان تتعودين تنقلين اخبار كاذبه

مزنه" حاطه ايدها ع وجهها من بعد الكف": تضربني يابو مشعل

سعود: واكسر راسك ...

مزنه"بقهر": انا تضربني وعشان مين"وتاشر على باحتقار":هذي

عمرك مامديت يدك ع وتجي بعد هالعمر عشانها

سعود"بنبرة حاده": اذلفي عن وجهي انتي وولدتس

سعود" لف على ": وانتي اسمعي كلام مع رجاجيل ومطاعم مهيب عندنا

وهذا العلم وصلك .... واذا هالشئ متعودتن عليه انسي .."وكنت اقصد

تعامل وليد":مهوب انا سااامعه..وطلع

رغد"وقفت وجيت بطلع":.............

مشاعل: رغد وين رايحه

رغد: رايحه انام

مشاعل: بس

رغد" اخذ تجنى.. وكنت ابي اكون لحالي... ويالي ريحني اكثر..انه بينام

عند مزنه.. دخلت .. وقفلت الباب وشغلت لجنى التلفزيون ع ام بي سي

3 ودخلت ع الغرفه وصرت ابكي ........بكيت لحد ماحست انه مابقى

بعيوني دموع..............

وليد"ياخذني لحضنه": مزيونتي من زعلها

رغد"رميت نفسي بحضنه وصرت اصيح اكثر": لا لاتسافر

وليد"يمسح ع راسي": اول شئ وقفي مااحب اشوف دموعك ياغلاتي

وربي.. تضيق الدنيا فيني..ومااافرح الا يوم اشوف ضحكتك

رغد"بدلع": صدق

وليد: والله العظيم انها تضيق فيني يوم اشوف دموعك ومااحبها عليك

ابيك طول منتي معي تنسي نشئ اسمه دموع ابي مبسمك مايفارقه الفرح

والابتسامه,... ابيك تنورين دنيتي فيها

رغد"مسحت دموعي وطقيت له ابتسامه كرست":كذا يعني

وليد"بضحكه":ياويل حالي هههههههههههههههههههه

صحيت الساعه 2 بالليل ..وانا احس بضيقه مهيب طبيعيه.. دخلت

دورة المياه "اكرمكم الله" توضيت.. وطلعت .. اخذت سجادتي ,,وصرت

اصلي.. وادعي ربي .. يبعد هالضيقه عني ويفرج همي...

دعاء يشيل عنك الضيقه

(اللهم إني عبدك، وابن عبدك وابن أمتك، ناصيتي

بيدك، ماض في حكمك عدل في قضاؤك، أسألك

بكل اسم هو لك، سميت به نفسك، أو أنزلته في كتابك

أو علمته أحدا من خلقك أو استأثرت به في علم الغيب

عندك،

أن تجعل القرآن ربيع قلبي، ونور بصري، وجلاء

حزني، وذهاب همي،

طويت سجادتي واخذت قراني وصرت اقرا صورة يس.. حسيت

براحه مو طبيعيه كيف العبد يوم يتقرب من ربه ويطلبه ..بكل صدق

وخشووع .. يحس براحه حتى لو كانت كل هموم الدنيا عليه....... وبعدها

نمت برااحه...................

رغد:زواج مين

مشاعل: ولد عمي

رغد: طيب ماعندي شئ البسه

مشاعل: سهله قومي البسي عبايتك ونروح السوق

رغد"بتردد ": من بيودينا

مشاعل" فهمت علي": مافي غيره

رغد: اجل منيب رايحه

مشاعل: شوفي ع الزواج رايحه رايحه مافيها كلام اما السوق مدري

اذا عندك شئ تلبسينه حلو ماعندك مشكله لك

رغد"وانا مظطره": طيب

مشاعل: يلا اتصلي عليه"تمد التلفون"

رغد"طيرت عيوني": ايششش!!

مشاعل"ببلاها": وش ايش كلمي رجلتس خليه يودينا السوق

رغد: مسستحيل.. عني مالبست شئ واروح بعبايتي

سعود"تو دخل وسمع اخر كلامي":وش بعبايتك

مشاعل"استغلت الفرصه لانها هي تبي تطلع": زين جيت والله جابك

سعود"يجلس ع الكنبه يالي مقابلتني ..حتى جلسته تبين غروره وشموخه

":وش عندتس

مشاعل: ابد ياخوي اليوم زواج ولد عمك ولا انت ناسي

سعود: لا مهب ناسي والعصر وراي مشاوير له

مشاعل:طيب حنا من بيودينا السوق

سعود: وش هو له

مشاعل: انا مالي غرض فيه بس حرمتك ماعندها شئ تلبسه وتقول بتروح

بعبايتها...

رغد"قهرتني .. من طلب منها تتكلم": لا عندي مو لازم السوق

سعود" يقوم ...": ربع ساعه واشوفكم جاهزين

رغد"بعد ماصعد فوق": اذبحك يادبه من قال لك تقولين له

مشاعل" تبعد عني":هههههههههه لا مو تقولين ماعندتس فستان يلا قومي

بس لايعصب

رغد: لا ماني رايحه قولي له خلاص

مشاعل"تصعد تجيب عبايتها": تبين انتي قولي له ههههههههههه

رغد"قمت وانا اتحلطم ع مشاعل ماكان ودي اكون معه بنفس المكان

للحين منقهره بيالي سواه...لبست عبايتي وغطيت عيوني عشان اتحاشى

أي كلام بينا.. ركبنا السيارة .. مشاعل وجنى ورى وانا قدام...كان الهدوء

مخيم ع الجو ..بس شغل المسجل ع اغنيه لخالد عبدالرحمن .......

وصلنا السوق ونزلنا .. جنى جلست عنده.. لانه بينتظرنا بالسيارة

دخلنا ع كم محل وللحين ماشفت فستان عجبني....وكنا خلاص بنمشي

ومشاعل تحاول تزين لي الفساتين بس مفي شئ دخل مزاجي...مشينا

الا واخيرا شفته...كان حلوو بالحيل.. وفخم .. ومشاعل اقنعتني فيه

لانه .. اول مره يشوفوني وانا زوجه سعود.. وع قولها لازم ابرز..

بعد اقناع من مشاعل اخذته.. وبعدها طلعنا ندور له جزمه واكسسورات

شوي الا ويتصل سعود .. رميت الجوال ع مشاعل...:هلا سعود

سعود"ماعجبتني حركاتها.. بس حسابي معها يوم نرجع":ماخلصتوا

مشاعل: الا هذا حنا جينا

مشاعل"كانت لابسه فستان سكري...مخصر ع جسمها وطالع شكله رهيب

جسمها ريان مهيب ضعيفه ...والفستان بارز حلاه..وكانت مسويه بف

ومرول ع طوله .. كان شعرها رهيب صابغته عسلي ومسويه هاي لايت

ومع الترويل صار خياااال.. والميك اب سوته ثقيل بالحيل...

":ماخلصتي يارغد تاخرنا

رغد"بعد ماقمت ": خلاص خلصت بروح البس

مشاعل"تصفر": ياعيني ع الزين ..يالي يشوفك مايصدق انك متزوجه

وعندك بنت

رغد"بغرور": عارفه من غير ماتقولين

مشاعل: مالت يالواثقه روحي البس لاتاخرينا مدحناك وصدقتي

رغد: طسي بس احمدي ربك انك بتسريحتك ولا كان رحتي فيها

هههههههههههههه

مشاعل:ههههههههههههههههه روحي لانتاخر وتعصب امي

رغد: طيييب

رغد"دخلت غرفتي وماقفلت الباب لانه مافي حد بالبيت غيري ومشاعل

وخالتي....والرجال كلهم بالزواج.....لبست الفستان بصعوبه.. عشان الميك

اب والشعر.. ليتني لبسته قبل.. بس اعرف جنى ماراح تخليني ..وخليته

بالاخير... بعد مالبست جنى فستان ابيض نافش.. وكانت طايره من الفرحه

ومسويه حالها عروسه...........

لبست فستاني الاسود..يالي مزيين بكريستالات تركوازفخامته كانت

بالقماش كان ثقييل بالحيل...كان عند الصدر ملفوف وبارز شكل صدري

ومزين بالكرستال ...ويصير مخصر ع الجسم لحد الخصر..ونازله

الكرستالات بالطول .. عند الخصر قماش تركواز ملفوف لف..وبعدها

يصير طايح وطويل وذيل...جيت بسكر السحاب ماقدرت..لانه نازل

وماقدرت اوصل له ..جيت بنادي مشاعل.. الا حسيت بحد يسكره":

زين انك جيتي يادبه سكريه ماعرفت اوصل له

مشاعل:..........................................ز

رغد"حسيت بلمسات دافيه ع ظهري واستغربت لفيت..وتمنيت

الارض تنشق وتبلعني":انت!!

سعود"اتصلت ع امي وقالت انه مخلصو.. وجيت اغير ثوبي لانه انعدم

من القهوة ولا ماكان لي نيه اصعد فوق...صعدت وشفتها...فقدت الاحساس

بالعالم كله ..عيوني تركزت عليها.. مع اني ماشفت الا ظهرها..بس جذبتني

كيف كان جسمها والفستان مبين تفاصيله بدقه..وخصرها ..كيف كان يتمايل

وهي تحاول تسكر سحاب الفستان..تقدمت لها بلا شعور..حسيت بكهربا

يوم لامست يدي ظهرها...............

رغد"وجهي صار عليه الوان ماتوقعته يكون موجود ابد ..ياربي لا

لفيت عنه ماني قادرة اشوف وجهه وفستاني.. ياربي.. ماودي شافني

فيها .. ظهري وصدري كله بارز وباين...كنت ناويه البس الشال واغطيه

بس الحين ....ياااااربي.. ببكي...كنت بمشي..بس جمدت بمكاني يوم مسكني

من خصري وشدني لها لحد مالزقت بظهره...شال البكله من شعري..

وخله ينزل ............

سعود"حسيت بنفسي صار سريع ودقات قلبي ماعاد اقدر اتحكم فيها

ماقدرت اقاوم عطرها الي تخلل بكل خليه بجسمي..كانت بتبعد..بس

شديتها وحاوطت يديني ع خصرها ...كانت ترجف بين يديني وتحاول

تفك نفسها.. فتحت شعرها كان ودي اشوفه..كانت دايم ترفعه..نزل

مثل الشلال ..كان اسود وطويل...وكثيف غطا ظهرها بالكامل...صرت

اشمه..ريحته دخلت براسي...رفعت يدي..وبعدته عن رقبتها...وخليته

ع جنب... وهي مازالت ترجف..وتحاول تفك....قربت راسي من رقبتها

وشميت عطرها...وانفاسي تحرق رقبتها...شفت كيف كتوفها ارتفعت

وبانت عظام كتفها...ماقدرت..بستها.....لفيتها ابي اشوف وجهها...

رغد"حسيت نفسي مثل اللعبه بيده...لفني له وصار وجهي قبال وجهه

نزلت نظري بسرعه.. بس هو رفعه...":............

سعود"مااقدر اوصفها ...جمالها كان جمال عربي بحت...عيونها الواسعه

والكحيله .. والكحل بارز حدتها....شفت صدرها طالع نازل من سرعه

تنفسها ...حطيت يدي عليه ابي اتحسس قلبها وشلون صاير..خافت..

وبان ع جسمها كله...ناظرتها من فوق لتحت..وكانت ايه بالجمال...

عجز لساني وعقلي عن يوصفها....

رغد"حرقتني نظراته.. ابي ابعد ماني قادرة...تجمدت من لمساته ونظراته

قربني له.. وانا صرت ارمش بعيوني من ارتباكي وخوفي...قربني

اكثر واكثر....وانا مثل اللعبه بيده..ليه تجمدت ليه مو قادره انطق..ليه

انا مااطيقه ولا اطيق لمساته لي ..لي مو قادره اتحرك...لصقت فيه

وجهي بوجهه وصدري بصدره..واحس بتنفسه يحرق وجهي ...

رفع وجهي .....بيد وبيد محاوطها حول خصري...حاولت ابعد اصرخ

ماني قادرة..شفتها صارت قريبه من شفتي...لااااا..."

سعود"ماقدرت اقاوم.. شفتها يالي كان اللون الاحمر مزينها..وطريقتها

بلعها لريقها.. وخوفها ورجفتها...ويالي كملها يوم نزلت راسها وهي تعض

ع شفتها..رفعت وجهها وقربت لشفتها...ابي ارتوي منها...بستهااااا

مشاعل" تفاجاءت بوجوده": اسفه والله اسفه ماكنت ادري انك هنا

سعود" بعدت عنها وانا مرتبك ..وبعصبيه":وليه ماتطقين الباب

مشاعل"جمدت ماعرفت وش تسوي":اسفه

سعود" بنبرة حاده":طيب اذلفي اجهزي

رغد"حمدت ربي انها دخلت...وجيت بطلع الا وقفني": تعالي هنا

رغد"لا لا لايكون يبي يكمل..لفيت عليه ..وانا ابلع ريقي...":بروح البس

عبايتي

سعود" رافع حاجبه": بتروحين كذا

رغد"استغربت": ايه وش فيها

سعود"بسخريه": لا احلفي بس.. ناويه تطلعين زينك عند الحريم كذا

رغد"احمر وجهي من كلمته":انا بلبس الشال

سعود"يناظره": وهذا بيغطي صدرك وظهرك

رغد"وجععع وش يحس فيه هذا يتكلم ومطيح الميانه":انا اعرف اتصرف

سعود: ياتغيرين الفستان ولا شوفي لك دبره ستريه روحه كذا منتي رايحه

رغد"عصبت وش يبي خير مصدق نفسه انه زوجي":انا اصلا بصلحها

ماني متعوده اطلع كذا قدام الغرب"وشددت ع الكلمه"

سعود"فهمت قصدها وحبيت ارفع ضغطها":ايه الغرب هذي الحرمه

السنعه يالي تخش زينها لزوووجها وبس

رغد"وجهي ولع..سفهته.. وصرت اعدل بالشال...دخلته من ورى وخليته

ع شكل بلوزة بعد ماثبته ببروش غطى ظهري وصدري,,لانه كبير

ولفيت عليه": وكذا

سعود"بنظره رضا": ايوا كذا وانتبهي لاينزل منك

رغد"اخذت عبايتي وطلعت ابي اتنفس براحه ماني قادرة":.....

سعود"الله يخسك يامشاعل .. لكن وين بتروحين"وابتسمت.. وانا مستغرب

من نفسي كيف قدرتتجذبني كذا..الله يستر منك يابنت منتي سهله..":

انتظروني بعبيكم لاانزل الا وانتم جاهزين..........

وصلنا ع القاعه وكن صوت الطقاقات شايل لقاعه شيل وكان الطق

رهييب بالحيل....دخلت انا وخالتي ومشاعل وماظل حد وماسلمت

عليه ..تذكرت مسلسل قديم خرج ولم يعد ..يوم حياة الفهد تسلم وتمشي

وتقول انا حرم سليمان بوالريش ههههههههه...اخيرا خلصت..وجلست

ع الطاوله انا ومشاعل وخالتي ومع كم وحده من حريم العيله...

مشاعل"تنقزني": شوفي شوفي

رغد: اااهـ وش فيك

مشاعل"تاشر": شوفي مزين ودها تذبحك ههههههههههه

رغد: روحي ياشيخه وانا اقول عندك سالفه "ناظرتها ..ومدري ليه

فرحت انها مغتاضه مني...لفيت عنها بغرور"...

سعاد: يقطع شكلها وش لون صايرتن قطعه وربي ولا بنات قبيلتنا

غطت عليهم..تعرفين ماالوم رجلتس يوم يدور له عذر عشان ينام

عندها

مزنه"بنظرة": بتسكتين ولا شلون

سعاد:هههههههههههههه خلاص خلاص بس الحق يقال وشلون فكها

وخلها تجي ههههههههههههههههه

مزنه: سعاااااد

خالتي ام راشد: يلا يايمه قومي انتي ومشاعل ارقصوا

رغد: لا ياخالتي مااعرف ارقص

مشاعل: يمه منيب راقصه الا ورجلي ع رجلها

رغد: اجل انثبري مافيه رقص

ام راشد"تمسك يدي": واذا قلت لك عشان خاطري

رغد"ماقدرت اردها": طيب بس شوي

ام راشد"بتصميم": لا الحين يلا قومي

رغد"بعدم اقتناع": ان شاءالله

قمت انا ومشاعل ع اغنيه لاواصيك...قمت وكنت متردده بالبدايه

بس شفت نظرات مزنه ..وقررت ارفع ضغطها..وبديت الرقص ع الجسر

وانا ومشاعل استلمنا رقص ع الجسر والطقاقه تحمس فينا

لااوصيك على حبي لااوصيك

واحرص على نفسك وروحك

ابيكيك لاشك اني ابيكيك

ياعزي العين ماتشوفك

بخليك للي مايخليك

عسى خالق الدنيا يصونك

انا اغليك انا كلي هوى فيك

تدري بس ماصير بدونك

وما خفيك والله لايوريك

عذابي اذا غابت عيونك

بناديك شوق وماني لافيك

من الحين وانا اتحرى رجوعك

ابرجيك بعدك لايقسيك

حسافه على الشوق وشعورك

لااوصيك ثلاثتنا باياديك

هوانا وروحي وروحك

وهي تحمس مره تقوول تنكس يالاسود ومره السكري ....وكملنا

لحد ماوصلنا المسرح وصرنا نرقص وانا بابتسامه غرور اعرف انه

رقصي حلو من كثر ماسمعت المدح.... تذكرت اول مره رقصت فيها

لوليد..........................

رغد: لا حبيبي ماابغى استحي

وليد: تستحين من رجلت سيلا قلبي طلبتك

رغد"كنت خجلانه حيل واتحلطم ع امي يوم قالت له اني قطعت نفسي

رقص بالعرس اليوم":حبيبي رجولي توجعني مره ثانيه

وليد"بخبث": ان مارقصتي الحين والله احلف ماترقصين باي عرس حتى

لو عرس اخوك

رغد: وليييد لا تكفى

وليد"يجلس ويتكتف": يلا اذا ماتبيني احلف قومي بسررعه

رغد"وانا مستحيه": حبيبي مااعرف ارقص كذا لحالي احس اني هبله

وليد: عادي قومي

رغد: طيب وش رايك ترقص معي

وليد: لا لا انا مااعرف انتي ارقصي بس

رغد: لا منيب راقصه الا اذا انت رقصت

وليد: طيب ارقصي انتي وانا اقوم

رغد: لا لا تبني ارقص تقوم قبل

وليد وقف .. وصار يقلب بالقنوات لحد ماشاف اغنيه الغرقان وطول ع

الصوت: يلا ابدي انتي

رغد: لا انت

وليد: تر وقسسم بحلف

رغد" كنت مستحيه حيل اول مره ارقص قدامه":طيب

وبديت ارقص ع الاغنيه واحاول مااناظر عيونه....وبعدها

جلس ع الكنبه .. كنت بوقف بس شفت نظراته بمعنى تكفين كملي كملت

وانا اتحاشى النظر بعيونه...

جيت وش جابك حبيبي من بعد طول المغيبي

ولا ناوي يا حبيبي تغرق الغرقـان اكـثر

ღ

تقـول اني ما اهمك يا برودة والله دمك

كنت فى عيني اضمك وتغزل بك واسهر

اللي جابك هو حبي ولا شئ مستخبي

يالي ساكن وسط قلبي ليه من حبي تنكر

ღ

انت فى دنياك لاهي وعن حبيب القلب ساهي

التغلي مو تباهي حس بشوقي وتذكر

يا دروب الحب صيحي ويا دموع العين طيحي

صرت من بعده جريحي وقلبي عن غيره تسكر

ღ

روح يا طاير وقله قلبي فىه ألفين عله

الحياه بعده ممله وحالى من بعده تدهور

ام راشد: عوووافي يابنات .."وتقرا وتنفخ علينا" الله مير يحفظكم

ماضنيتكم بترقصون كذا ولا ماخليتكم تقومون

مشاعل: ليه يمه الكل يناظرنا يعني

ام راشد"بخوف": أي يمه الله يستر من عيونهم

مزنه"جايه لعندنا":السلام

الكل: وعليكم السلام

مزنه: عمتي تسلم عليت سامي وتقول لك حياك عندنا ع طاولتنا

مشاعل: قولي لها يالي يبي امي هو يجيها مهيب هي يالي تجيه

مزنه"لاويه بوزها": وش له هالنبره بصوتس والله وانقلب حالتس

يابنت عني مااقول الا الله يجازي يالي كبر راسك

رغد"عرفت انها دقه بالكلام واكتفيت بنظرة استهتار":............

ام راشد: الله مير يسلمها وقولي لها حياها عندنا تعرفيني رجولي مهيب

شادتني

مزنه"بقهر": ان شاءالله يوصل

ع العشاء الكل كان يسال خالتي عني وهل انا متزوجه ولا لا الصراحه

اعجبني الاحساس يالي حسيته.. حسيت بغرور..اعرف اني حلوة ..بس

هالشئ زاد من ثقتي بنفسي.. وكنت انا ومشاعل نضحك ع خالتي وهي

تعصب عليهم يوم ترد عليهم ..باني متزوجه وعندي بنت ..وكيف

مايسالون قبل لايجون.... مر الزواج ع خير وانبسطنا حيي لانا ومشاعل

دخلت غرفتي وانا رجولي متكسرة من الجزمه ..من زمان مالبست كعب

رفعت شعري ..وجلست ع التسريحه عشان امسح الميك اب وبعدها اغسله

انفجعت..لما سمعت صوت الباب ينطبق بقوة ..لفيت ولا......................  

رغد"لفيت عليها بخوف": خير وش تبين

مزنه"والشرار يتطاير من عيونها": وانتي والنهايه معتس متى تحشمين

نفسك وتعرفين قدرتس

رغد"ماكنت فاهمه عليها ..وليه معصبه مدري":وش جالسه تقولين و

تخربطين انتي

مزنه: لاتدعين البراءه الليله لليلتي وقلت لتس لاتسوين حركات مالها

داعي وتخربين على مو كفايه مشاركتني فيه

رغد"وانا للحين ماني فاهمه": طيب خذيه واشبعي فيه من ماسكك

مزنه: لا صدقتس ماكانك تميلحتي قدامه لحد ماطيرتي عقله اسمعيني

لاتفرحين ولاتظنين انك انتصرتي على كلها كم يوم وياخذ يالي يبيه

ويشبع منك ويرميك

رغد"عصبت حسستني بكلامها.. اني وحده رخيصه وماني زوجته":انتي

اسمعيني... واتركي عنك الهبل انا سعود هذا مااطيقه ولا افكر فيه..ابد

واخر اهتمامي ..اني احاول اخليه ينام عندي ولا يجلس عندي..والحين

يلا طلعي برا تراني ماني رايقه لك ولهبالك....

مزنه"مكشرة وتتحلطم": طالعه من غير قول وانا اوريتس

رغد: اعلا مابخيلك براااا

طلعت .. وانا كنت متنرفزة بالحييل.. منها ومن عقليتها المتخلفه ..مدري

وش تحس فيه هالادميه...سمعت الباب ينفتح ثاني ":وانتي وبعدين معك

سعود: وش يالي بعدين

رغد"تجمدت بمكاني.. وبلعت ريقي":وش تبي

سعود"عاقد حواجبه ..وبنظرات استنكار": وش وش ابي

رغد: اقصد وش فيك هنا مب الليله ليله مزنه

سعود"يفك ثوبه ويشيل شماغه": لا مهيب ليلتها ...وبعدين انا يالي

احدد مهب انتم...

رغد"ماكنت بناقشه الحين ... ابي اغير الفستان ..نظراته مب مريحتني

فتحت الدولاب وطلعت الروب وملابس ع السريع ..وجيت بدخل دورة

المياه الا مسكني من كتفي...

سعود"ماكنت احمل لها أي احساس ...بس احساس الكره اختفى ..فجاءة

كيف ومتى ماني عارف...بس قدرت تجذبني لها ..وانا كاي رجال يشوف

قدامه حرمه وتملك كل مقومات الانوثه والجمال ..وتكون حلاله مستحيل

يقدر يقاومها...كانت بتمشي بس مسكتها من كتفها":ع وين

رغد"ارتبكت": بروح اتروش

سعود"ناظرتها من فوقها لتحتها": تعالي بدري ع التروش

رغد"بلعت ريقي.. لا لايكون ناوي يكمل يالي بداه ...مستحيل ارضى":بعد

انا تعبانه وابي انام

سعود: بنام ..بس شوي

رغد"لازم ابين له انه مهب كيفه كل مابقى ينبسط جا لعندي..مو معنى

اني رضيت مره وغصب عني انه ياخذها حلا": لاتظن بسك تلك

هالمره.. تسمع انا مااطيقك ولا اطيق نظراتك هذي ولا اطيق لمساتك

لي

سعود"عرق بجبيني نبض من العصبيه": نعم خير وش تفضلتي به

رغد: يالي سمعته..لاتصدق انا حنا متزوجين ..وتاخذها حلا..انا مستحيل

ارضى..رجال ثاني يلمسني غير وليد..والمره يالي فاتت لاتظن انها

بتتكرر...

سعود"رفعت حاجبي": بتتكرر غصبن عنك رضيتي ولا لا انتي زوجتي

ولا شرع ولا قانون يقدر يمنعني من حقوقي سامعه

رغد: حقوقك لما يكون الزواج بالرضى مهب بالاجبار

سعود"تقدمت منها وهي تبعد..واتقدم وتبعد.. لحد مالصقت بالجدار.. وانا

حشرتها ..حسيت بخوفها وهي تحاول تخفيه":اسمعي

رغد" خفت من قربه ..كنت لاصقه بالجدار.. وهو حاط يدينه عليه و

محاوطني..حاولت ابعد ماقدرت.. وزاد ربكتي قربه الشديد لي حتى انفاسه

احس بحرارتها ع وجهي": ماابغى اسمع وبعد

سعود"عطرها خش جوا راسي...وقربت لرقبتها..شميته...وانفاسي تحرقها

حاولت تنزل بجسمها وتبعد..بس مسكت خصرها وثبتها...":مافي مفر

رغد"دقات قلبي صارت سريعه ..وصرت ارجف..ماابي يالي صار

يتكرر لا..":سعود والي يرحم والديك بعد...

سعود"تجاهلت كلامها ..شديتها لعندي وحاوطت خصرها بيدي..طريقه

رمشها السريع ويالي يبين مدى خوفها وارتبكها شدني اكثر واكثر..

احاول امسك حالي ومااستسلم بس ماني قادر...بستها..وهي صارت

تقاوم وتحاول تبعد..مسكت يدينها ورجعتها ع ورى وصارت لاصقه

بصدري..تنفسها السريع ..وانفاسها صارت بوجهي...":

رغد"وبكل قوة":بكون لك جسد بلا روح ولا قلب

سعود"استفزتني..بكلمتها..كنت بتراجع..بس نظرات التحدي بعيونها

قهرتني...ناظرتها بتحدى اكثر":كلماتك هذي مابتغير شئ لانك بالنسبه

لي جسدوبس.........

رغد"ذبحني بالكلمه هذي...للدرجه هذي انا رخيصه عنده...جسد ..يلبي

رغباته بس...كنت بصيح ..بس منعت الدمعه من تنزل وبشموخ":اذا

هذا مطلبك ابشر بس..القلب والروح مهيب ملكك ولاعمرها بتكون لك

سعود"نظرة الشموخ هذي ..استفزتني..اذا انتي مهرة عنيده محدن

بيروضها غيري..":زين انك فهمتي

رغد"انكسرت بداخلي ..بس مابينت له...يوم ارخى مسكتها ..بعدت

عنه..وقلت :اذا هذا مطلبك"واشرت ع نفسي"تفضل خذ يالي تبي

سعود"ناظرتها من فوق لتحت.. شموخها ..عنادها قوتها..جذبتني

كنت بتركها..لانه مهب طبعي اخذ الشئ بالغصب...بس معها ماعاد

اقدر افكر..اصير انسان ثاني...:افهم من كلامك استسلمتي خلاص

رغد"وش بيدي...":...........

سعود"تقدمت منها ..كانت معطتني ظهرها....قربت اكثر...تعمدت احرقها

بانفاسي.... نزلت شعرها...وحاوطتها بيديني...ولفيتها على...وهي مازالت

بنظرتها يالي كلها شموخ رقم الموقف يالي هي فيه...رفعت وجهها بيدي

وبستها.. وماحصلت أي مقاومه منها ..كانت مستسلمه بالحيل...سحبتها

للسرير..وهي مثل اللعبه بيدي..كنت خلاص بتراجع...بس كلمتها زادت

من عزمي اني اكسر راسها...":...........

رغد:عمرك ماراح تملكني

سعود"رميتها ع السرير بقوة..كلمتها استفزتني...":ملكتك من يوم ماوقعتي

ع عقد الزواج

رغد"لفيت وجهي عنه...وماحسيت الا بثقل ع صدري...نظرات التحدي

يالي بوجهه....اعلنت هزيمتي ...لفيت وجهي ماعاد ابي اشوفه..بس لفه

عليه وثبته...............

لما حسيت بتنفسه انتظم عرفت انه خلاص نام..شلت نفسي وللمره الثانيه

ماقدرت اوفي بوعدي لك ياوليد...دخلت دورة المياه"اكرمكم الله"ودخلت

تحت المويه البادره وجلست ابكي ع حظي...كنت اسعد وحده ع وجه

الارض مع وليد واليوم اتعس وحده يوم صرت مع سعود.......جلست

ابكي وابكي.....ومانبهني الا اذان الفجر......

وليد"يحضني": وين

رغد"بخجل ..وتغطيت بالبطانيه ": وليد بقوم بعد

وليد"يحضني اكثر": لا ابيك بحضني طول العمر

رغد"كنت مبسوطه بدفا حضنه وماودي اقوم...":وانا حبيبي ماابي

ابعد عنه ..ابي احس بنبض قلبك ودفا حضنك ماابي افقده ابدا

وليد: عمرك ماراح تفقديني

رغد"غمضت عيوني بحضنه..وانا اسعد بنت بالدنيا":الله لايحرمني

منك

مانزلت اليوم ع الغدا ماكان لي مزاج اكلم حد ولا اشوف حد.. جلست اقلب

بالقنوات.. وانا افكر بحالي.. وش بيصير معي اكثر من كذا.. من بعد ماكنت

الدلوعه .. الغاليه .. صرت..المنهانه.. اخ ياراسي ..بينفجر من التفكير

حسيت بتعب... فجاءة.. وعرفت انه وقتها .. قمت واخذت لي بنادول

وانا ع لحم بطني من عشاء امس.. شربت معها عصير وتغطيت بالبطانيه

وانا اتقلب ع السرير ادور نومه مريحه.. وبطني مجنني.. كان الالم فظيع

بس بعد ماياخذ البنادول مفعوله بيخف....

صحيت المغرب ع صوت دق الباب.. قمت وبكسل وبطني للحين

يالمني...":مين

مشاعل: انا افتحي

رغد"فتحت الباب وبكسل رجعت انسدحت ع السرير":ادخلي

مشاعل" باستغراب": وش فيك رغد تعبانه

رغد: ايه شوي بس

مشاعل"بخوف": طيب قومي نوديك الطبيب

رغد" تغطيت بالبطانيه": لا مايحتاج بس اول يوم ويروح الالم

مشاعل"استوعبت": اها طيب اخذتي بروفيل

رغد: لا اخذت بنادول

مشاعل: دقيقه اجيب لك بروفيل احسن من البنادول

راحت ع غرفتها وثواني رجعت لعندي مدت لي حبه مع كوب المويا

مشاعل: اكلتي شئ

رغد"كذبت عليها لاني ماودي اكل": ايه

مشاعل: اجل سمي بالله وخذيها

رغد" اخذت الحبه وبلعتها مع المويه ..ورجعت انسدحت":تسلمين

مشاعل: اووك ارتحي الحين وبرجع عليك شوي لاتقفلين الباب

رغد" ماكان فيني حيل اقوم اصلا": اووك

بعد صلاة العشاء رجعت .. وجلست مع الوالده وقالت لي انها تعبانه

ومانزلت اليوم ... قلت لمزنه تجهز العشاء ع مااطل عليها... دخلت

الغرفه وكانت بارده بالحيل .. ومظلمه... مشيت لحد ماوصلت عندها

": رغد

رغد:............................

سعود" عليت صوتي ": رغد

رغد:...................................

سعود"شغلت الابجوارة وقربت لعندها اشوف تنفسها.. كانت تتنفس بس

باين ع وجهها التعب..": رغد

رغد" كنت دايخه حيل": همم

سعود: قومي اوديك الطبيب اذا تعبانه

رغد: لا حبيبي مايحتاج بس انوم اليوم وبكرا اكون بخير

سعود" الكلمه رنت باذوني...وسرحت كان نطقها للكلمه غريب..وفيه

حب وحنيه..."ابتسمت بسخريه"اكيد تظن اني وليد":متاكده

رغد"تغطيت اكثر بالبطانيه": ايه

سعود"حطيت يدي ع جبينها وكان حار.. معها حراره...قمت وقصرت ع

التكييف.. واخذت بطانيه ثانيه وغطيتها عشان تعرق وتخف الحراره..

طلعت لعند مشاعل.. وقلت لها تروح تحط لها كمادات بارده.. واذا ماخفت

تعطيني خبر......

مزنه"كانت جالسه ع اعصابها ومفورة من تصرفات سعود وتجاهله لها

":سعود مايصير كذا

سعود"يتعشى ولا كانه يسمعها":.............ز

مزنه: لازم تعدل وبعدين وين يالي يكرهها ومايطيق طاريها ..اشوفك

ماتقدر تفك عنها

سعود"عطيتها نظره خليتها تجمد":..................

مزنه" بخوف": ماابي اضايقك يابو مشعل بس من رجعتني وانت سافهني

وحتى النومه ع السرير ماشاركتني ..

سعود: يعني ع بالك يوم رجعتك نسيت يالي سويته ...بعلمك مارجعتك

الا عشان يالي ببطنك مو لسواد عيونك

مزنه: يعني مااهمك

سعود"سفهتها":..................

مزنه: معقوله الحضريه قدرت تاخذك مني ..وش فيها زود على ..وبعدين

كيف هذي .. تعجبك...

سعود: ابي اعرف وش دخلها الحين

مزنه: لها دخل من دخلت حياتك وانت مطنشني ومنت مهتم فيني ..سعود

انا غلطت وتاسفت وطلاقك لي كان عقوبه كافيه...والي يسلمك خلاص

مااقدر ع جفاك ...

سعود:............................

مزنه"بحزن": ابو مشعل..ابي اسالك سؤال

سعود"من غير مايناظرها": انتح بيتها

سعود"مدري ليه هالسؤال ..هزني.. لا مو معقوله حبيتها..انا تزوجتها

لانه ..لانه..":.....................

مزنه: ماجاوبتني

سعود" لا ماحبيتها انجذبت لها ولشخصيتها المخلفه لكل تفكيري...":

مزنه" متعوده ع سكوته وجفاه": تامر ع شئ

سعود"يقوم يغسل يدينه":سوي قهوة

مزنه"تشيل الصينيه": ان شاءالله

سعود" مافارقت فكري... مشت لجناحها ابي اتطمن عليها ..دخلت

ومازالت نايمه ... ومشاعل عندها ..": ها انزلت الحراره

مشاعل: ايه خفت ..

سعود: مايحتاج طبيب

مشاعل: لا ان شاءالله بكرا تصح

سعود: طيب اذا صار شئ انا بغرفتي

مشاعل: ان شاءالله ... وتصبح ع خير

سعود" ناظرتها قبل لااطلع ..مدري هو خوف عليها ولا احساس بالذنب":و

انتي من اهله

رغد"صحيت .. وانا احس اني احسن من امس.. لفيت بنظري ع مشاعل

وهي نايمه ع الكنب.. ياحياتي هالبنت .. شكلها سهرانه علي.. قمت..

وانتبهت للبطانيتين .. اخذت وحده وغطيتها فيها ودخلت دورة المياه

تروشت وجففت شعري ..حسيت بشويه نشاط.. بس كنت دايخه

لاني مااكلت امس شئ... لبست لي جلابيه ...زيتيه مخصرة ع الجسم

وفيها قصه من فوق ومزينه بجنيهات.. رفعت شعري ذيل حصان

من بعد ماجففته...حطيت الكريمات يالي استخدمها بعد مااتروش

وكحلت عيوني وحطيت مرطب.. مهما كان احب اهتم بحالي..ولنفسي

نزلت تحت وكانت خالتي وعمي جالسين وجنى تلعب حواليهم..سلمت

عليهم وجلست معهم وسولفت معهم .. وكيف فقدوني امس ..وكيف انه

لي مكان بالبيت.. من جد حبيتهم وحبيت صدقهم ..اعتبروني بنت لهم

وخوفهم .. ذكرني باهلي اشتقت لهم....قمت وسويت فطور..وسويت

لخالتي وعمي معي .. حطيت صينيتهم ... وتشكرو فيني .. وانا خجلت

..اخذت صينتي انا ومشاعل وصعدت........

رغد: شعوله قومي

مشاعل"تفرك عيونها": وش اخبارك الحين ان شاءالله احسن

رغد" حطيت الصينيه ورحت اطلع العصير من الثلاجه": ايه الحمدالله

تسلمين ياقلبي تعبتك معي

مشاعل"بزعل": لا تعب ولا شئ ..يالله وش هالفطور وش هالزين

كل هذا لي

رغد: هههههههههه ايه لعيونك يلا قومي .. غسلي خشتك وتفرجي

ع عيونك كيف بتنفجر من النوم

مشاعل: انا يالي بتنفجر ولا انتي شوفي وشلون متنفخه يهب عليتس ع

النومه هذي

رغد: هههههههههههههههههههه مو مني يادبه وربي من التعب

مشاعل: ههههههههههههههه عارفه ياقلبي "قامت ودخلت دورة المياه

وغسلت وجهها "

مشاعل" تحط يدها ع بطنها": اخ يازين الشبع بس

رغد"ابتسمت ع شكلها": عوافي

مشاعل: يعافي قلبتس

رغد: تعبتك معي من جد

مشاعل: شفتي هالصينيه ترا فوق راستس وش تعبتني وش هالخرابيط

رغد" بخجل": طيب

مشاعل"بخبث": وبعدين مو بس انا يالي تعبتيه امس

رغد"باستغراب": مين بعد

مشاعل: سعود يالبى قلبه كان طايرن عليتس وكل شوي جاي يتطمن

اذا حرارتك خفت ولا لا

رغد"كشرت من طاريه":اها

مشاعل" كنت عارفه انها للحين ماتقبلته ":تعرفين هو يالي غطاك

بالبطانيه الثانيه وهو يالي قال احط لك كمادات

رغد" ابتسمت بسخريه بداخلي.. يمكن حاس بالذنب ع يالي سواه

مو حب فيني خاف اموت ويكون هو السبب..": يعني مو من نفسك

حسيتي.. مالت بس وانا ضنيت انه مضحيه وسهرانه من غير قول

مشاعل: شب بس فوق ماحنا سهرانين لسواد عيونتس وتتشره

رغد:هههههههههههههه كيفي بتشره وبتدلع

مشاعل: يحق لتس

رغد"لعبت بحواجبي بغرور":هههههههههههههههههه

مشاعل: بس تبين الصدق ماضنيت بيوم بشوف سعود كذا متوتر

وخايف ع حد ... حتى مزنه يوم تولد كان بارد بااعصابه ومطنش

بس انتي بان ع وجهه..

رغد: طيب صكيها سالفه"بلاك ماتدرين وش مسوي "

مشاعل: ياربي منك ماتخليني انبش واعرف وش اسرارك ..يابنت

وراي زواج ابي رجلي ..يخاف علي

رغد"كفختها بالمخده": اقول قومي ننزل تحت . ومااقول الا الله يعين رجلك

عليك

مشاعل" بغرور": الا قولي يابخته

رغد: وانتي صادقه مدعي عليه ياحرام بس

مشاعل"بعصبيه": رغيييييد

رغد: هههههههههههههههههه امزح امزح وجع

مشاعل: ياحبك لتكسير مجاديفي وتحطيمي

رغد:هههههههههههههههههههه سوري من جد بس امزح

مشاعل: طيب بمشيها لك يلا ننزل

رغد: يلا

دخل سعود علينا .. وماكان فيه الا انا ومشاعل بالصاله اليوم راجع

متاخر حتى خالتي وعمي راحوا ينامون..وكان اليوم دوري بالطبخ

بس قال لمزنه تسوي العشاء.. بما اني تعبانه.. مسوي حنون ع غفله

سعود" دخلت وشفتها جالسه ..شكلها باين شويه تعب عليها بس

شكلها احسن الحين": السلام عليكم

انا ومشاعل: وعليكم السلام

مزنه " نازله من الدرج بعد ماعطوها جواسيسها يالي هم عيالها خبر

بانه سعود وصل": هلا باوبو مشعل ازهب العشاء واصعده

سعود" كنت مصدع ومالي نفس اكل": لا لاتحطينه مالي نفس

مزنه"بقهر لانه طبخت": طيب ويالي طبخته

سعود: كليه انتي والعيال

مزنه" تجلس جنبه": طيب تبي قهوة

سعود" يحط ايده ع راسه": اذا ماعليك امر

مزنه" تقوم": ان شاءالله

مشاعل: سلامتك سعود علامك

سعود: لا شويه صداع بس"ولف على":وشلونك الحين

رغد"ارتبكت من سؤاله": الحمدالله بخير

سعود: الحمدالله

وصلت مزنه بصينيه القهوة وصبت لسعود وصبت لها وجلست جنبه

انتبهت لوجهه وكل شوي مكشر .. هو بالعاده مكشر بس الحين باين

انه من الم راسه.. انا كنت اسوي لوليد مساج يوم راسه يوجعه..

ويخف عليه .. بس يحلم اسويه له ..ومزنه شغاله سوالف.. وبان عليه

انه تضجر...": خلاص تشوفيني مصدع

مزنه" بقهر لانه فشلها":اجيب لك بنادول

سعود: اخذت قبل لااجي

مشاعل: طيب قوم ريح ياخوي

سعود" يقوم وينسدح ع الكنبه الثانيه": مافيني حيل اصعد

رغد" رحمته.. ليه مدري؟؟ كان المفروض افرح بالمه.. بس يوم قالت

لي مشاعل انه اهتم فيني امس.. ماحبيت اطلع قليله اصل..وعشان اكسر

عينه .. واثبت له عكس تفكيره.. قمت وعيون مزنه تتابعني..خذت مخده

ورحت عنده ترددت وخفت يردني":ممكن ترفع راسك

سعود"فتحت عيوني واحسها بتحرقني من وجع راسي.. استغربت وهي

واقفه فوق راسي.. وتطلب ارفع راسي.. رفعته من غير نقاش":....

رغد"جلست وحطيت المخده وحطيت راسه عليها .. وصرت امسج راسه

بعد فتره حسيت بملامحه لانت .. يعني ارتاح..تفاجات يوم سحب المخده

وانسدح ع فخذي..ارتبكت...بس مابينت قدام مشاعل ومزنه يالي تناظرني

وودها تذبحني...وقفت وبعدت يديني.. وجيت بقوم

سعود"مسكت ايدها": لا كملي والي يرضى عليتس

رغد" باين ع صوته انه للحين يتالم.. بس مسكته اربكتني ..مو اول

مره يلمسني .. بس هالمره غير..لمسته..مدري كيف افسرهارجعت امسج

راسه..لحد ماانتظم تنفسه..ونام... جيت بقوم..واحط المخده..بس

ماقدرت كان ماسكني من فخذي ومثبتني.. انحرجت من نظرات

مشاعل.. وهي تلعب بحواجبهاوتاشر ع مزنه يالي مفورة.....

مشاعل استاذنت وراحت تنام.. وجلست انا ومزنه لحالنا بالصاله وسعود

نايم بحضني.. شعور غريب اجتاحني..ماقدرت وشلونا فسره.. واعتبرتها

خيانه بحق وليد... وشلون رضيت اسوي كذا...

مزنه" بغيض": خلاص تقدرين تقومين الرجال نام..وبعدي يدك عنه

ولا عجبتس الوضع...

رغد"بعدت يديني مو لانها طلبت مني بس احساس بقلبي..كتمني..

انا خنته يوم استسلمت وسلمته نفسي.. جات ع نومته بحضني....":...

مزنه" كنت مقهورة منها ع الاخر.. ولا الشيخ سعود مبسوط ع سدحته

بحضنها...كنت خلاص بنفجر قهر...لازم افرق بينهم ..لازم اخليه يكرها

ويطلقها... انا كذا مااستحمل.. مافي حرمه تقبل تكون ع راسها ضره..

قمت.. بعد ماشفت انه مافيا مل يصحى":...............

رغد" الصاله فضت ..والهدوء مخيم ع الجو.. قفلت التلفزيون عشان

ماينزعج....لفيت عليه .. وجذبني وجهه.. لاول مره اشوفه مب مكشر

ملامحها حاده ودقيقه..بس من ناحيه الجمال والوسامه هو اووسم

من وليد بالحيل...عيونه النعسانه.. ورمشها الكثيف.. احيانا اشك انه

مكحله...خشمه حاد ..وشامخ...مبسمه يالي محدد بالسكسوكه السوداء

معطته هيبه ...جذبني..ومن دون تفكير..مررت يدي ع وجهها اتحسس

ملامحه.. مدري ليه سويت كذا..

سعود" ماكنت نايم ..وكنت سامع كل شئ...بس ارتحت ..بدفا.حضنها

البنت باين عليها حنيتها ودفها بس...ليه تبين عكس كذا..وتسال ليه

ياسعود..لانها ماتطيقك وانت بعد ولا نسيت ..مو معناه..اني اخذ حقوقي

منها كزوج..اني بميل لها ولا بنسى مين هي....فجاءة حسيت بلمسات

دافيه ع وجهي..كانت رقيقه..وحنونه..مرت يدها ع خشمي ..وكان

عطرها..زلزل كياني...يالي اكتشفته من مقارنتي بمزنه ولها..انها

تهتم بنفسها كثير..وخاصه بنظافتها..وعنايتها بجسمها وبشرتها..

كانت ريحته خفيفه مو ثقيله مثل باقي العطورات..مر الوقت وانا مستمتع

بالهدوء وحضنها..ولمساتها ع شعري...حسيتها بالوقت هذا ..بعدت

كل الاقنعه وبرز فيها حنية الانثى المعروف عنها..تركت العناد والقوة

وخلت طبيعتها تغلب عليها...

رغد" رجلي نامت .. الصراحه راسه ثقيل..وتعبت ..ترددت اصحيه..

بس ..خلاص مسخها..":سعود

سعود" سمعتها تنادي وسفهتها":...................

رغد"ياربي نومه ثقيل ": سعووود

سعود"كنت ابي اشوف وشلون بتصحيني ولا بتياس":............

رغد"حركت كتفه ع خفيف":سعوود قوم ارتاح فوق

سعود:............................

رغد"ياربي وشلون يقوم ":سعوووود

سعود:همم

رغد"زين انتبه": يلا قوم

سعود: وين

رغد: ع غرفتك قوم ريح

سعود" صلحت جلستي.. واحس براحه من بعد الصداع الفظيع يالي

جاني..قمت من غير مااناظرها وصعدت للغرفه قبلها..وهي راحت عند

مشاعل تجيب جنى.. دخلت الغرف هوانا منسدح ع السرير

سعود: ليه جبتيها

رغد:وين اخليها

سعود: عند مشاعل

رغد: لا ابيها تنام بحضني

سعود"بلهجه قريبه للامر": رجعيها

رغد" بلعت ريقي ..وش ناوي عليه..ياويلي وشلون افهمه اني معذورة":لا

ابيها تنام اشتقت لها

سعود" قام وقرب سرير جنى للعند سريرنا.. واخذها مني..وسدحها..ومسك

يدي من غير مقدمت وجلسني ع السرير..وراح ع الجهه الثانيه وانسدح..

تفجاءت من حركته وجمدت بمكاني..يوم سحبني ونام ع صدري...

ماقدرت اتحرك ولا اتكلم ولا اسوي شئ...جمدت..وارتبكت ..ودقات

قلبي السريعه وضحت هالشئ.....

سعود"مدري ليه سويت كذا بس كل يالي كان ببالي اني ابي انام بحضنها

الليله حسيت براحه يوم انسدحت ع فخوذها تحت..وجاني فضول..كيف

راح تكون النومه ع صدرها...ماعمري نمت بحضن مزنه..ولاعمري

سويت هالحركه..بس دفها جذبني..انتبهت لسرعه نبضات قلبها وبين

ارتباكها بس طنشت...حاوطتها بيديني واستسلمت للنوم...

رغد"مافهمت وش مقصده من الحركه هذي..وش يبي يبين انا اعرف الا

متاكده انه مستحيل حبني او مال لي..بس ليه هالتصرفات...ماقدرت

انام ..وهو بحضني بلحظه حسيت بكتمه وقرف..حسيت اني اكبر

خاينه بالعالم كله...وشلون سمحت له يتمادى كذا..بس يارغد انتي

زوجته.. وهو ماتمادى..بس انا ماابيه ..مجبورة عليه وهو عارف

وانا عارفه انه مايبيني مااخذني الا عشان بنتي...جلست طول الليل

وانا افكر بتصرفاته يالي حيرتني...............

رغد"بضيقه": ياربي مااحب البر

مشاعل: بالعكس يزينه ويازين جوه

رغد: ايه هو حلو ماانكر بس الحشرات والضبان"وكش بدني"يامامي

مشاعل:ههههههههههههه وناسه اجل ماراح تكون فيه لحظات ملل

مع خوفك ههههههههههههههههه

رغد: انقلعي وجعععع

ام راشد: يلا يابنات تجهزو ع الساعه 7 بنحرك..يمه رغد

رغد: هلا خالتي

ام راشد: جهزي لتس ملابس ولجنى وخذي لها ملابس دافيه الجو

هناك يبرد بالليل

رغد"باستنكار": ليه حنا بنام

مشاعل"فاطسه ضحك": ايه هههههههههههه "تلعب بحواجبها"وبالخيمه

بعد هههههههههههههههههههههه

رغد"قمت عنها وانا معصبه..وخايفه مااحب نومه البر وكم مره اجنن

اهلي وامشيهم بدري من خوفي....تعوذت من ابليس ورحت اصلي الفجر

بعد ماخلصت نزلت للمطبخ وسويت صينيتن حلا ..وسلطات...وكان

بالفريزر ورق عنب ملفوف وجاهز طلعته وطبخته..وجهزت القهوة

والشاي... خلصت وقصرت ع النار للورق ورحت البس واجهز

ملابسي وملابس جنى...كانت نايمه..تركتها لحد مااخلص...جهزت

شنطتها واغلب ملابسها ملابس شتويه الاطفال يبردون حيل...وانا

اخذت لي جينزات..وتيشرتات..لاني من النوع يالي يحتر بسرعه

...خلصت ولبست ...صحيت جنى..وجننتني لانها ماتحب حد يصحيها

من النوم...لبستها وسرحت شعرها..شلتها وشلت الشنط وعبايتي ونزلت

الشغاله جهزت الاغراض وحطتها بااكياس وسلال القهوة والشاي

ع الساعه 7 بالضبط تحركنا ..كنا كلنا بسيارة الجيب تبع سعود..

عمي كان جالس قدام ...وورى انا وخالتي ومزنه..والمرتبه الخلفيه

مشاعل..وجنى وولد سعووالشغاله...كان ودي اجلس مع مشاعل

..بس ركبت الشغاله قبلي..واظطريت اجلس جنب مزنه...

وصلنا وكان ورانا عيال عم سعود..جلسنا بالسيارة لحد ماركبوا الخيام

وسنعوها.. وحطوا اربع خيام..خيمتين للحريم وخيمتين للرجال...نزلنا

وكان جو البر خيال...والمنظر رهيب...نزلنا الاغراض ورتبنها..

وعزلت قهوة الرجال والحريم والحلا حطيت لنا وللرجال..بعدها

تطمنت ع جنى يوم اخذتها خالتي بحضنها وطلبت منها ماتخليها

تنام ع الارض.. وطلعت براانا ومشاعل والبنات نتمشى....

العنود: وعلومتس يارغد

رغد: الحمدالله وانتي

العنود: تدرين كان من زمان خاطري اجلس معتس واسولف من كثر

ماشعوله تسولف عنتس

الريم: تدرين رغد ..قبل لااعرفك حقدت عليك

رغد"باستغراب": ليه

الريم: لانك اخذتي شعيل منا ..بس يوم عرفتس وربي تنحبين

رغد"بخجل": تسلمين

مشاعل: بس خلونا نجلس هنا

البنات : اووك

سعاد: الا وش اخبارتس مع سعود

رغد"ماارتحت لها.. اكيد ماراح ارتاح وهي اخت مزنه..": الحمدالله بخير

سعاد: ايه بس لازم تعلمين بنتك انه مهب ابوها..وابوها وليد الله يرحمه

رغد"حقدت عليها يوم ذكرتني اني فقدت وليد":................

مشاعل: سعاد..مهوب شغلتس تعلمها ولا لا وفكينا من سوالف العقارب

سعاد"بغيض": طال لسانتس ياشعيل.. ولا خربتي من بعد "وتناظر

لي"

مشاعل: سعاد..دام النفس طيبه اسكتي احسن لتس

رغد"تضايقت شوي يعني عند الحريم مزنه وهنا هي ..بس قررت اني

مااهتم لوجودهم ولا كلامهم...سولفنا وضحكنا والصراحه حبيت العنود

والريم كانوا بالحييل فله ورهيبين....دخلنا الخيمه وجلسنا ناكل الحلا

والقهوة...والكل يسالني عن طريقته...

غزلان: اقول يابعد حيي انتي وراتس ضعفانه كذا اخبر الزواج يسمن

رغد:هههههههههه مدري انا هذا جسمي من يومي بنت

غزلان"بنت عم سعود..متزوجه ولد عمها وعندها 3 اولاد وبنتين":يابختك

انا من جبت عزام..ومير اني صايرتن فيله

رغد" ضحكت ع تشبيهها ":ههههههههههههههههههه

مزون: ياويل قلبي ياغزلان ..والله اني ابصم لتس رجلتس مبسوط

وانتي كذا ياختي رجالنا تفكيرهم قديم للحين ..الا بالله ناظرو فيني

بطه جالستن تمشي ..ويقول يبي لك تسمنين زود ..اسمن وين اروح

الكل:هههههههههههههههههههههههههههههههه

مزنه: انا رجلي سعود مايعجبه .."تناظرني":البنت تكون يابسه اساليني

عنه ولا وش يصبر الرجال ع حرمه مهيب عاجبته...شوفي كم سنه

وانا معه..

مشاعل: ايه والدليل ماصدق طلقتس وتدبس فيتس بحملك لا اقل ولا اكثر

مزنه"رافعه حاجبها":انتي وبعدين معتس اكلت عقلتس هالحضريه اشوف

ونسيتي اهلتس وناسك وصرتي تقوفين معها وتطلعين اسرارنا للي يسوى

وللي مايسوى

رغد"قهرتني بكلمتها ونظرتها":والله يالي تبي بيتها يكون مصيون ولاتبي

تطلع اسرارها ..تنكتم وتقر ببيتها وتعامل الكل باحترام وتترك "وبنغزة"

حركات النشل من هنا وهناك والكلام لك ياجارة

الكل سكت من بعد كلمتي ومزنه شالت عبايتها وطلعت ووراها اختها

وخالتي ام راشد..ماعجبها كلامنا قدام الكل ..عاتبتني وعاتبت مزنه

مهما كان مانتكلم كذا قدامهم........

مشاعل"بفرحه: وربي انتس خطيره يابنت لاتسكتين لها ابدا يوم تسكتين

لها توطى عليتس

ام راشد: شعيل ووجعتن توجعتس اتركي حرمه اخوك ولا تخربينها

مشاعل"بزعل":يمممه

تغدينا وكانالطبخ خطيرر والله الرجال يوم يشدون حيلهم مافيا حسن

منهم ...الكبار من الحريم انسدحو يقيلون ..وحنا البنات طلعنا لبرا ومعي

بنتي جنى.. وكل وحده عندها بزرها الا مشاعل.والعنود والريم

للحين ماتزوجو بس يالي فهمته من مشاعل انه زواجهم قريب....

الريم"بخوف":وربي انه قلبي بيوقف كل مافكرت انه بيتقفل على بغرفه

انا وهو بس

العنود"تضربها":وجع وش هالطاري الحين خلينا نتمتع باخر ايام العزوبيه

مشاعل:هههههههههههههههههههههه

الريم: اضحكي الحين بس يالي فهمته من عمي قريب عنترك بيرجع

وبيتم الزواج

مشاعل"اجمدت بمكانها":وجععع انقلعي

الكل:ههههههههههههههههههههههههههههههههههههههه

الريم: بسالك رغد

رغد"بضحكه": اسالي

الريم"من غير ماتحس":قولي لي تجربتس اول مره وش سويتي

رغد"انتبهت لها كيف تغيرت ملامحها ..وحست بغبائها ع سؤالها"......

مزون: والله مكبرين الموضوع ع الفاضي... ومافي حد بياكلها الا حنا

هو بينام وبيشخر وانتي تفكرين ومحتاسه

غزلان:انا اشهد وربي انا متوترة واصيح ..وهو يقول عن حركات المبزره

ويقلب ع الجنب ويسحب امها نومه

العنود: وعع وش هالرجال لا ان شاءالله رجلي مب مثلهم باين عليه

رومنسي وحساس وكيذا .. وبيراعي خوفي وهب هاجم مثل وحوشكم

مزون:هههههههههه ضحكتيني والله هذا وجهي اذا خلاتس تنامين

غزلان: وانا اشهد هههههههههههههههههههههه

الريم: وجع انتم لاتخوفنا وربي خايفه....

العنود" ومتردده": وانتي وش سويتي مع سعود

رغد" حسيتها تبي ترقع وتصرف سؤال الريم": عادي

الريم: وشلون يعني

رغد: اول يوم نمت عند شعيل

الريم والعنود"بنفس الوقت": معقوووله

الريم: وتركك بسلام تسذا

رغد"ضحكت ع تعابير وجههم ":ايه ههههههههههه

العنود"تنغز الريم: لا ريوم في امل

الريم: تهقين

مزون"بخبث قاصده تخوفهم": ياهبله انتي وهي هو رجال متزوج من قبل

يعني عادي عنده يوم يصبر وظروفهم غير ظروفكم انتم مافيه مجال بتاتا

البتا

الريم: مزين الله ياخذ عدوينتس خلاااص

الكل:ههههههههههههههههههههههههههههههههههههه

  غابت الشمس وكان منظرها خيال بالحيل ..كنا بعيدين عن مخيم

الرجال وبما انه ظلم الوقت تركنا غطاوينا بالخيمه..كان الهواء بارد

بس احساس حلو وانا بالجو هذا...فقدت وليد...تمنيت اكون معه بالوقت

هذا لانه الجو احلى جو لاي اثنين يجبون بعض...صرت اتمشى لحالي

قريب عند المخيم...كنت مرتاحه..ومافي بالي شئ غير اني استمتع

بالجو الرهيب

سعود" كنت اجمع الخشب للنار وانتبهت لها..اعرفها من بين مية

حرمه.. مدري ليه يوم المحها مقدر اشيل عيني عنها...تتبعتها بنظري

وهي تمشي وسرحانه..باين ع وجهها الراحه....وتو بدخل المخيم

الا وعيال عمي مقبلين علينا.. بالدبابات ومتجهين لعندها وهي مهيب

حاسه تبعد.. تقدمت لها ع السريع.. والانوار صارت تقرب اكثر واكثر

..

رغد" سمعت ازعاج يقرب لي.. بس مااهتميت.. بس شفت انوار صارت

قريبه منى.. خفت لاني بعدت عن المخيم.. صرت امشي بسرعه وخاصه

انه ماعندي غير عبايتي.. لاغطا ولا شئ... مشيت الا وواحد يتقدم

لي ..يمه خفت اكثر.. وغيرت اتجاهي.. وصرت اسرع بالمشي...

سعود" استغربت يوم شفتها تغير اتجاهها .. بالبدايه عصبت ...بعدين

يوم شفتها تدور .. وماهي عارفه وين تروح.. عرفت انها ماعرفتني

وكانت تمشي وباين الخوف عليها.. سرعت بخطواتي..لحد ماحسيت

انها بتسمع صوتي..": يابنت

رغد" استغربت من يالي يمشي وراي... بس سمعت صوته عرفت

من هو ... وقفت وانا احاول القط انفاسي... انتبهت لرجوله..قبالي

رفعت وجهي.. وانا بصعوبه اتنفس.. واحس اني ارجف من الخوف..

": هذا.. انت

سعود" كان باين انها خايفه ... وبصعوبه تتنفس...انتظرت لحد ماهدت

": وش تسوين لحالتس هنا

رغد"وانا حاطه يدي ع قلبي": مدري كنت اتمشى وشفت الدبابات قبالي

وخفت وشفتك بس ماعرفتك .. وخفت اكثر يوم شفت اني بعيده عن

المخيم

سعود: وين غطاك

رغد" خفت ": بالمخيم

سعود"عاقد حواجبه": وش يسوي بالمخيم

رغد: مدري اني ببعد كذا وخالتي قالت ماله لزوم

سعود: ماله لزوم يوم تكونين قريبه من المخيم مو بعيده.. لو انه مهب انا

يالي جاي وش كان سويتي

رغد: عادي عبايتي عندي اتغطى

سعود" بنبرة حاده": ايه وبعبايتك بتشوفين دربك بالظلمه

رغد" ماعرفت ارد الصراحه معه حق":................

سعود: طيب يلا اوصلك عند الحريم

رغد" كنت بمشي بس تجمدت بمكاني يوم سمعت صوت الكلاب":.......ز

سعود" مشيت بس ماشفتها تمشي":وش فيك يلا امشي

رغد"بغيت اصيح يوم سمعت اصواتهم وكيف قريبه منا":وش هذا

سعود" مو فاهم": وش ايش

رغد"وانا ارتجف من الخوف": هالصوت ايش

سعود"والوضع عادي عنده": صوت كلاب وش يعني ماتعرفينهم

رغد" جلست بمكاني من الخوف": لا ماابي ابي اروح البيت

سعود" استغربت كيف تغير تصرفها من هدوء تام لهستيريا":تخافين

رغد"شوي وبصيح وانا اسمع اصواتهم تقرب":ابي ارجع البيت

سعود" كان باين خوفها من عيونها وباين انها شوي وبتصيح...حسيتها

باللحظه بزر من جد.. وبان فرق السن بينا..مشيت لعندها اطمنها..وهي

مابعدت تمسكت بيدني بقووة...حسيت باحساس اول مره احسه بقربها

مني كذا وخوفها ... تمسكت فيني خايفه وعارفه اني بحميها...اصوات

الكلاب علت ..وتفاجاءت يوم حطت راسها ع كتفي وصارت تبكي

رغد"يمه الحين بيجون ويهجمون علينا .. لا ماابي اموت بنتي من

بيربيها..تمسكت فيه بخوف .. ومتناسيه أي شئ بينا":سعود تكفى

ابي ارجع لبنتي

سعود"مسكت ضحكتي ع شكلها ..كيف خشمها احمر وعيونها تدمع

حسيتها بنتها جنى...كان كل يالي ببالي اهديها واحسسها بالامان وماله

داعي خوفها... حضنتها..وهي ماقاومت رمت نفسها بحضني وتمسكت

فيني...وصارت تبكي اكثر.. ماعرفت وشلونا تصرف معها...مسحت ع

شعرها وانا احاول اهديها": ماله لزوم هالخوف .. ماراح يقربون صدقيني

رغد" وانا متمسكه فيه بكل مافيني من قوة": لا تبعد وتخليني تكفى

سعود"ضميتها لصدري..ورفعت وجهها المليان دموع وخوف...ومسحت

دموعها بطرف اصبعي..":لاتخافين دامني معتس ماراح يحصل ل كالا كل

خير باذن الله

رغد"مدري ليه ارتحت لكلامه.. وحسيت بالامان..تمسكت اكثر فيها

وتنحت بمكاني .. رجولي مهيب قادرة تشيلني":.........

سعود" حاولت امشيها بس ..بغت تطيح على.. شلتها من غير تردد وهي

تمسكت فيني مثل البزر .. حالها حال جنى.. مشيت فيها لحد ماصار

المخيم .. يبان ونزلتها...مسكت وجهها بين يديني": خلاص اهدي

رغد"كنت اشاهق .. واحاول اهدي نفسي ":خلاص راحوا

سعود"وقسم حسيتا ني اكلم بزر": ايه راحوا "طلعت من جيبي منديل

وصرت امسح وجهها يالي عدمه الكحل...

رغد"كنت ناسيه وش بيني وبينه.. كنت ناسيه كل احساس..بقلبي له

كل يالي حسيته.. الامان الدفا .. يالي فقدته.. مدري ليه..ارتحت

وماودي بعدت...":......................

سعود" حاولت اخفف عليها وبمزح.. ناظرت ثوبي": الله يرجتس الحين

وشلون ارجع للرجال عدمتي ثوبي من كحلك وروجك

رغد" ناظرت ثوبه.. ياربي وش سويت كان كل كحلي ودموعي عليه

":اسفه

سعود"ماقدرت الا اني ابتسمت لها": ولا يهمك اصبري هنا بجيب

مويه وارجع عشان تغسلين وجهك

رغد: طيب

ثواني الا رجع وبيده مويه وبيده الثانيه ثوب له.. تقدم مني وعطاني مويه

اشرب منها ... وبعدها صب لي بيدي عشان اغسل وجهي..وكنت..

متفاجاءة من تصرفه وحنيته.. مسح وجهي بثوبه المعدوم...

سعود: يلا ادخلي ولا عاد تطلعين لحالك

رغد" من غير أي نقاش": ان شاءالله

سعود" تابعتها لحد مادخلت... ناظرت ثوبي وابتسمت.. رحت للسيارة

وغيرت ثوبي ورجعت للرجال

رغد"دخلت الخيمه وماكنت ناويه اقول شئ.. بس تفاجاءت من التصفيق

والتصفير":............

الريم"تصفق": مقدر مقدر ويقولون عيالنا ماعندهم رومنسيه ..

العنود: رغد طلبتس ابي دروس خاصه.. ابي رجلي يشيلني

ويحضني..مثلتس

مشاعل: والله وطلع اخوي رومنسي .. وماطلع المواهب هذي الا

لك

رغد"وجهي صار علبه الوان من تعليقاتهم": شب انتي وياها عادي

لو انتي بمكاني"واناظر مشاعل":كان سوا لك مثلي

مشاعل: والله مايسويها كان هفني ع راسي وقال عن المبزرة ومشى

وتركني لحالي وقسسسم

غزلان: ياويل قلبي حسيتا ني اتفرج ع مسلسل مكسيكي وتسذا

مزون: ايه ايه ماناقص الا يبوسها بالهواء الطلق

رغد" قهروني وزودها بتعليقاتهم.. عطيتهم نظره واسكتوا":ناس ماتجي

الا بالعين الحمر

شوي الا الكل .. منفجر ضحك":ههههههههههههههههههههههههههه

ورجعوا بتعليقاتهم الا تبي اعطيها دروس خصوصيه والي تقول

تحسفت ماصورت... والي والي... وانا سرحت بالي صار..

الريم : بناااات خلاص بتهور

العنود"وعارفه خبالها": وش بتسوين يامهبوله وش ناويتن عليه

الريم"وتسوي حالها رومنسيه":بتهور وبروح بين احضان قيسي

مشاعل"طيرت عيونها": لا منتي صاحيه وربي..وش بتسوين

الريم: سمعوني"وبصوت واطي عشان امها ماتسمعها"بروح واتميلح

عند خيمه الرجال...طيب وبنتظرها لحد مايطلع ..ويوم اشوفه بسوي

اني طحت..ورجلي توجعني وتسذا يعني ..فلم مصري يعني ..وش رايكم

العنود"تناظر فيها وفجاءة":ههههههههههههههههههههههههههههههه

وربي منتي صاحيه

مشاعل: انتي اشكالتس المفروض يمنعونهم من التلفزيون هههههههههههه

مزون: اقول اجلسي مكانتس اصرف لتس ويوم تطسين عنده سوي

هالافلام عنده مهيب هنا ..والله لو شافتس حد من اخوانك ولا ابوك

ولا عمامك..غير يحسون رجولتس..وتصيرين سجينه بالبيت..لحد

مايجي يوم عرسك

الريم"متنفخه":اففف وش هالحاله

رغد"كنت مستغربه..وحسيت انها ماجلست معها ولاتكلمه":الحين بسالك

الريم: تفضلي

رغد: مدري بس فهمت انك ماتكلمينه ولا تشوفينه مو

الريم"بقهر":وين اشوفه ولا اكلمه ماعندنا هالكلام ..يوم نملك ..يتحدد

الزواج ..واشوفه ويشوفني يوم الملكه بس..وبعدها ..بقفص الزوجيه

رغد"تعجبت ": من جدك... طيب كيف تفهمينه ويفهمك

الريم: خليها ع ربك بس

رغد: وانتي عنوده

العنود: نفس الحاله"وبابتسامه عبيطه"

رغد"ناظرت مشاعل ..ونفس العبط وهزت راسها بمعنى وهي بعد":اها

مزنه:حنا مهب مثلكم تسرح وتمرح والله العالم وش تغبر معه ..ويوم يصير

مفيه نصيب الا كرشها سابقها

رغد"رفعت حاجبي":اقول اقصري الشر وبعدي ومهب حنا بس عندنا

الخطيب يزور خطيبته..ومو كل الناس مثل تفكيرك ..المقصد من الزيارة

والشوفه انه يكون بينهم تالف..وكسر للحواجز لا اكثر ولا اقل..وازيدك

من الشعر بيت ايام خطبتي اخوي مافارق جلستنا...

مزنه"بخبث":بسعود ولا وليد

رغد"انقبض قلبي ع طاري وليد":............

مزنه: وش فيتس مارديتي

رغد"وانا ناويه اقهرها":الاثنين

مزنه"لوت بوزها وقامت":..........................

مشاعل: رغد وين تبين تنامين

رغد"ماكنت مرتاحه لنومه بالبر ...بس مافي مجال":مدري أي مكان

ماتقرب منه الحشرات

مشاعل:هههههههههه خبله انتي وين الحشرات

رغد:مدري وجع ...

كنا نجهز الفرش عشان بنام... وكل وحده ترتب مكانها.. والحريم الكبار

نامو بدي ..وهم متعودين ع نومة البر....جلسنا ع فرشنا وسدحت جنى

يالي كانت ..مسويه الهوايل بنفسها الرمل ع راسها ..وبعيونها ..من اللعب

روشتها بالمويه وجففتها ولابستها كل الشنطه خفت عليها تبرد وتمرض

والجو كان بارد...ونامت بعدها.....

الريم: انا تقريبا خلصت تجهيزات ومابقى الا اشياء بسيطه

العنود: وانا بعد

رغد: الحين زواجكم بنفس اليوم

الثنتين: لاااا

رغد: بسم الله على بشويش وجع "وهفيتهم بالمخده"قصرو حسكم بنتي

نايمه وجع

الريم: مدري عنتس قال ايش زواجنا بنفس اليوم

رغد: طيب سؤال مالت بس

العنود: شوفي ياعزيزتي...انا زواجي قبلها بااسبوع

رغد:اها

وتوي بلف اخذ غرض من الشنطه..تجمدت بمكاني...عيوني بتطلع

من مكانها...فجاءة....صرخت صرخه ..هزت المخيم كله حتى خالتي

والحريم صحوا ...وبسرعه اشيل بنتي وابعد: وش ذاااااااا

البنات كلهم ينطون مثلي:ياووويلي وش دخل هذا هنااا

مزون"بكرشها تقوم": وجع وشوفو وشلون يناظر

رغد"كان ضب كبير بالحيل..ولا مبسط ع شنطتي ":وخرووه

مشاعل"متخبيه وراي": لا احلفي بس وخريه انتي

رغد"وانا ابعدها": بعدي عني وجع تشوفين بنتي عندي وتتخبين وراي

وكل وحده تنط وتحاول تبعد عنه وهو ولا عنده خبر ...

ام راشد"معصبه": اقصروا اصواتكم ياقليلات الادب كل هذا عشان

الضب مسوين خيفات ع غفله

مشاعل: يمه شوفي وش كبره

ام راشد: وحده منكن تشيله وتطلعه وناموا

الريم"تطق العنود ع كتفها": انتي طلعيه

العنود: احلفي "وتبعد": انتي طلعيه

رغد"شفته تحرك... واصرخ ثانيه":يممممممممه وخرووه

جنى"صحت من الصراخ وشافته ..وخافت وصارت تتمسك فيني

اكثر...وتصيح":ماما ..طلعيني

رغد"وانا اهدي فيها": لا ياقلبي انتي لاتصيحين مهب جايك شئ

خلاص اسكتي حبيبي

سعود"كنت جالس انا وعيال عمي..حول النار ونتقهوى ..الا ونسمع

الصراخ عند الحريم..ونقوم بسرعه ونتوجه لهم

يزيد: وش تظن صاير

نايف: وانا وش عرفني ماتشوفني منرزع قدامك

يزيد: وش فيك مولع كذا

سعود: اتركوا شغل المناقر حقكم واخلصوا نشوف وش فيهم

وصلنا عند المخيم :احم احم ..ياولد

ام زايد"عمه سعود: تغطوا يابنات

سعود: وش صاير وش له هالصراخ

ام راشد: ماعليك منهم ياولدي روح ارجع مكانك مهابيل

يزيد: شوفي ياعمه من ناحيه مهابيل فصدقتي بس وش صاير

الريم"تكفخ عنود":شوفي رجلتس يسب فينا الاحول

العنود"ترد الطقه":لاتقولين احول وكيفه يسب عسل ع قلبي

الريم: يسبك انتي مهب حنا مالت بس

العنود"سفهتها":............

سعود: يعني نمشي مابوه شئ يمه

ام راشد: ايه يايمه روح

مشاعل: وش يروح والمليح من يطلعه

ام راشد: مب لازم ناموا معه

العنود"باستهبال": تبين رجال غريب ينام معنا اجل خلوا يزيد بداله

الريم"بنفس هبالها": لا والله نايف اصرف

رغد"المهابيل ماسكينها ضحك وانا مع هالبنت يالي مو راضيه تسكت

ولا هالكائن يالي يناظر فينا ولا هامه وكل شوي متحرك":خلاص وجع

طلعوه بنتي ماتت صياح

غزلان"اخت يزيد": يايزيد ادخل شل هالكديش ترا جالسن يتغزل بحرمتك

يزيد"مستغرب": وشو

غزلان: ادخلوا الكل متغطي

سعود" دخلنا وانتبهت لهم كيف متجمعين بزاويه الخيمه..ومتغطين..

ببطانيه.. وكانهم مرتفعات ومنخفضات ..":وش صاير

ام راشد"تاشر ع الضب": هذا يالي صاير

يزيد"بضحكه ع اشكالنا": كل هالصراخ والتجمع ..عشان هالمزيون

نايف:ههههههههههههههههههه ناظر يزيد اكيد حرمتك هالطويله اخبرها

نخله

يزيد"يهف نايف ع كتفه":اقول مالك شغل

مزون:اقو لانت وياه بدال التمسخر شيلوه وطلعوه

يزيد: نايف روح شيله

نايف"يناظر يزيد": وليه ماتشيله انت

يزيد"يصرف": شيله انت وانا بفتح الخيمه

نايف: لا ياشيخ شي لانت وانا بفتحها

سعود"كنت ادورها بنظري.. ولمحتها ..توقعتها هي يالي بدت بالصراخ..

كانت تحاول تهدى جنى يالي تفقعت عيونها من البكي..مشيت ومن

غير كلام..وتوجهت وصرت ورى الضب..اخذت شماغي..ولفيته..ع

يدي..وبشكل سريع ..مسكته ..وهو يحاول يفلت ويعضني..:اقول انت

وياه بلا هرج فاضي وبسررعه هاتوا شئ احطه فيه

يزيد: طيب طيب

وشوي الا يزيد جاي ومعه صندوق حديد اتوقع صندوق للعدة او شئ

مثل كذا..حطوه فيه .. وعطاه اياه وقال له يطلع ..

يزيد: ليه وانت

سعود: ابلحقك

نايف: اصبر يمكن نملى نظرنا شوي

سعود"فهم قصده":اقول قدامي لايصحون الشيبان وتروحون بخبر كان

نايف"مكشر":متى بس متى

الريم"انحرجت وحمر وجهها ع انه مافي حد يشوفها بس تعليقه

وطريقته ضحكتها واحرجتها":...................

طلعوا يزيد ونايف .. وماودهم يطلعون.. كان ودهم يكحلون نظرهم

بس ماقدرو لانه الحريم اكرشوهم......

سعود"خفت ع جنى يجيها شئ لانها للحين ماتوقفت عن الصياح":وش فيها

رغد"وانا احاول اهديها": خلاص ياقلبي..."خايفه من يالي طلعته...

سعود"قربت منها واخذ تجنى ..وهي بسرعه جات عندي وادفنت نفسها

بحضني":خلاص يابابا انتي كبيرة وتصحين كذا

جنى"وصوتها مبحوح من البكي":وحش يحوف.....

سعود"ضحكت عليها":هههههههههه لا يابابا مايخوف

جنى"باصرار": الا الا

سعود"اخذتها وجيت بطلع الا تنادي امها":ماما لاتروحين عني

رغد"جيت باخذها مارضت":تعالي عمك بيطلع

جنى"ويزيد صياحها": لا لا ماابي

سعود"مسحت دموعها بيدي": خلاص طيب لاتبكين

جنى"تشاهق":لاتروح

سعود"ماقدرت ارد طلبها بس وش يجلسني عند الحريم..وهي تبي امها بعد

": رغد يلا تعالي معي

رغد: ع وين

سعود: لحد ماتهدى وارجعي

رغد"شفت نظرات وابتسامات البنات العبيطه ..وكانت معهم ابي البنت

تهدى بس..مشيت معه لبرى المخيم..وهو يهز ويهدي فيها ..بعد دقايق

هدت ..وسكت بس للحين راسها ع كتفه...":يمكن نامت

سعود" يناظر بوجهها": لا ساكته.."مسكها بيده.. وجلس ع الارض..

وحطها بحضنه...":عطيني المويه يالي بالسيارة

رغد"فتحت السيارة وطلعت المويه وديتها له": تفضل

سعود" اخذت المويه وشربت جنى منها ..وصرت اقرا عليها المعوذات

وانفخ .. حنا ببر وخفت عليها من بعد هالبكي..":خلاص

جنى"تبعد المويه عن فهمها وتهز براسها":أي

رغد"ارتحت يوم هدت وسكتت":...........

سعود: الحين اقول جنى كبيرة ..وماتصيح .. وتسوين كذا

جنى"تبعد القبعه عن وجهها":انا نايمه وشفت وحش بياكلني يحوف

سعود"ماشاءالله عليها فهيمه وفطينه ..بكلامها":لا يابابا هذا مو وحش

جنى: وشو طيب

سعود: هذا اسمه ضب

جنى:دب

سعود: لا ضب ضب

جنى: دب دب

سعود:ههههههههههههههه طيب دب دب

جنى"ضحكت معه وماتدري وش السالفه":هههههههههه

سعود"يقوم ويشيل جنى..ويمشي..":............

رغد"مستحيل انام بالخيمه":وين بتروح

سعود: بوصلكم ع الخيمه

رغد: لا ماراح انام فيها مستحيييل

سعود"رفعت حاجبي": وليه منتي نايمه ووين تبين تنامين اجل

رغد: مالي شغل بالله طلع ثاني وحنا نايمين..لا ماابي

سعود"وقفت وقابلتها":اجل وش بتسوين

رغد: رجعنا البيت

سعود: لعبه هي ارجعتس البيت...

رغد"باصرار": ماراح ارجع للخيمه ولا راح انام فيها

سعود"مشيت عنها": مهب لازم تنامين خلك صاحيه....

رغد"وقفت بمكاني وبعناد": ماراح ارجع

سعود"عصبت": امشي يابنت

رغد"وماتحركت من مكاني": لا ماابي

سعود"انتبهت لملامح جنى والصيحه بتهل..": اجل وش تبين تسوين

رجعه الحين صعبه وحنا كلها يومين وبنرجع

رغد"يومين ..والشيطان صار يوسوس بعقلي.. اليوم ضب ...وبعدين

الله يستر وش ثعبان شئ ثاني عقرب.. لا مستحيل... يمه بنتي اخاف

اغفل عنها ويصير لها شئ.. وصارت مخيلتي تمثل لي اشياء مهيب زينه

تصير لجني.. ومن غير مقدمات بكيت": لا تكفى ماابي ارجع انام

الحين يصير ببنتي شئ ... ولا فيني .. وتتيتم بنتي..

سعود"تفاجاءت.. ليه هالصياح...تو كانت عدله...وابتلشت بعمري

اسكت بنتها تجي هي تصيح": الحين وش له هالصياح

رغد"حسيت نفسي بزر صدق وش له هالصياح تفشلت..وصرت امسح

دموعي..": الله يخليك مااقدر انام ولا ارتاح ع نفسي ولا ع بنتي

سعود"مراعي لي لانه اول مره انام بالبر وماني متعوده": طيب وش الحل

رغد"صرت الف بوجهي وافكر": طيب انام بالسيارة انا وبنتي

سعود"عاقد حواجبه": لا طبعا وش ينومك فيها لحالك

رغد"باصرار": سعود لاتقول لا ع الاقل اقدر ارتاح واطمن بالسيارة

مقفله ولا في شئ يدخل علينا

سعود"بعد تفكير .. وماكان فيه حل ثاني لان يماني متعديه من مكاني

وماراح انام بالخيمه..": طيب عندتس كل اغراضك

رغد"مشيت للخيمه": ثواني واجي

دخلت الخيمه.. والبنات يسالوني يوم شافوني اشيل بطانيه............

جنى.. وشويه اغراض.. وبدت تعليقاتهم.. وكيف الرومنسيه ومدري ايش

وهم وين وانا وين.. اهـ بس مالهم الا الظاهر ماالومهم.. وطبعا اخذتها

فرصه اغيض مزنه...": يلا بنات اشوفكم بالصباح

مشاعل: بجي معتس

رغد"كنت بقول لها تجي بس حبيت اقهر مزنه": ودي يامشاعل بس

اخوك معنا بتجين

مشاعل"انحرجت": لا خلاص

مزنه"بغيض": دلع ومساخه مالها داعي ...

رغد"ناظرتها من فوق لتحت وابتسمت..وطلعت....":..................

وصلت لعند السيارة .. الا وسعود مجمع حطب وشاب النار وجنى

تلعب بحضنه.. وتحاول تقرب منها وهو يبعدها عنها...

رغد: ليه النار

سعود"ماحبيت اقولهاانها تبعد الكلاب والذيابه.. وتخاف وترجع تصيح ثاني

":لزوم الدفا

رغد"كان الجو ثليج من جد برد:اها

سعود"يمد جنى": يلا خذيها وادخلي السيارة وقفليها

رغد"اخذ تجنى": وانت

سعود"استغربت":انا

رغد"يوم شفت نظراته ندمت .. الحين يضن اني مهتمه فيه ولا ابيه ينام

معنا": اقصد وين بتروح بترجع الخيمه

سعود"يحرك بالنار": لا ابجلس هنا

رغد: بتنام برا

سعود: ايه متعود ... يلا ادخلي

رغد"فتحت باب السيارة وركبت جنى وهي مبسوطه وتطامر..ومافي بالها

نوم..سكرت الباب ..وشفته.. جالس بفروته ... وباين عليه البرد..طنشت

وصرت احاول انوم جنى.. وهي تحاول تقوم .. وانا اهاوشها.. عشان تنام

بعد ربع ساعه.. قدرت انومها ... سدحتها وكنت جالسه ورى...حاولت

انام..بس شغل تفكيري سعود.. وحنيته يالي ماتوقعتها.. توقعت منه

يصرخ على .. يهزئني ..يوم طلبت اني انام بالسيارة...بس كان حنون

صحيح العصبيه ماتفارقه ولا التكشيرة ... بس مدري ..مدري..معقوله

فكرتي عنه غلط... هي يارغد..وش فيك نسيتي..كلامه ..نسيتي وش سوا

وكيف جبرك ع شئ ماتبينه..يعني حركاته هذي بتشفع له وتناسيك مين

سعود......مرت ساعه ساعتين والنوم مجافيني.. طليت عليه وشفته

يفرك يديه.. وباين عليه بردان..مو حنيه بس ماحبيت اشوفه كذا..فتحت

باب السيارة....وطلعت..ومديت له ..حليب بالزنجبيل..كنا ناسينها بالسيارة

:.سم

سعود"يناظرني باستغراب": وش نزلك ... ووش ذا

رغد"جلست بعيد عنه شوي": حليب بالزنجبيل.. وبعدين ماجاني النوم

ومليت.. والبنات اكيد نامو..بجلس عند النار شوي

سعود"اخذ الحليب..وصار يشرب..":..............

رغد"كان الجو بارد .. وشلون مستحمل هالبرد..صحيح لابس فروته

بس برد...صرت افرك يديني.. وبلا شعور ارجف من البرد....

سعود"لحليب جا بوقته.. بعد فتره قرصها البرد..وبان عليها ..":قومي

السيارة احسن لتس

رغد"ماكنت ابي اجلس معه.. بس السيارة ملل وتكسر ظهري..":لا شوي

سعود"حبيتا ضيع الوقت":اول مره تجين البر

رغد"ماكنت برد.. بس فرصه اضيع الوقت":لا اجي البر بس ماانوم

سعود: نومه البر حلوه.. الواحد يفكر بفكر صافي.. ومن غير مقاطعه

رغد: يعجبك البر

سعود: كثيررر

رغد: ليه

سعود: شوفي السما بس وتعرفين ..سما صافيه وشاسعه..تزينها النجوم

والغيوم...والهواء العليل.. النظيف..

رغد"كان صادق..الجو حلو بالحيل..وجو روقان...":تجي كثير

سعود: قبل كنت اجي واقنص.. واجلس بالاسبوع حتى الشهر

رغد: شهرر

سعود"يحرك النار بعصا":ايه شهر

رغد"حاوطت نفسي بيديني من البرد":اها

سعود"انتبهت لها ترجف..خفت تمرض..شلت فروتي..وقربت منها

وحطيتها عليها..جيت ببعد ..بس جدني وجهها..خشمها احمر..من البروده

وخدودها بعد...خصلات شعرها المتمرده ..طلعت من الغطا..وع وجهها

رغد"ارتبكت يوم حط فروته.. وارتبكت اكثر من نظراته..":........

سعود"مدري وش يالي يجذبني لها.. ليه مااقدر ارفض لها طلب من جينا

هنا...": قربي عند النار ومدي يدك

رغد"من غير نقاش قربت": خذها انا لاسه شئ ثقيل بس انت لا

سعود"من غير مايناظرني وكانه يتحاشى عيوني":لا مهوب لزوم الحين

يوم تروحين تنامين اخذها

رغد"جيت بشيلها..":لا عادي انا شوي وبقوم

سعود: خليها

رغد"حسيت بالدفا..والخمول .. والنوم بدى يسير على..جيت بقوم..

بس حرام اخليه لحاله.. انا كل همي اتطمن ع بنتي...ونومتها..ودامها

بالسيارة..بجلس اسليه..كفايه..تارك ربعه ومكانه ..ويحرسنا...جلست

ادور سالفه افتحها معه مالقيت ..والنوم بدى يخيم على وانا اقاومه..

سعود"كنت سرحان.. بس حسيت حركة راسها غريبه ..رفعت نظري

الا واشوفها استسلمت للنوم..ضحكت ع شكلها..قلت ابشيلها وادخلها

السيارة..بس بتحس..وهي عنيده وبتصر انه مافيها النوم...كانت مسنده

ظهرها ع السيارة ..حركت يدي قريب من وجهها ..شكلها نامت ودخلت

جو بالنوم....البرد قرصني..قمت بشويش..وشلت الفروة من عندها..بان

من رجفه جسمها انه البرد ضربها..حطيتها حولي ...ليه سويت كذا..

ليه شدني ..اني اسحبها لحضنى..سحبتها بشويش وهي ماحست..

ضميتها..لعندي وهي..ماحست ولا شعرت..بالعكس..تكورت ع نفسها

وادفنت حالها بحضني..غطيتها بالفروة..وصرت اناظر وجهها..ليه

ليه.. تجذبيني.. وانا مافكرت احبك.. ولا اتقبل وجوك بحياتي..انتي

انفرضتي على مثل ماانفرضت عليك...كنت مفكر.. انه بتكون لحياة

معك عاديه.. مثل حياتي بمزنه..بس ..اثبتي لي انه مافيه شئ عادي معك

بعنادك...قوتك..سنعك..وتصرفاتك..يالي تبين كبر عقلك..بس تمردك

وعنادك ..ليه يستفزني..ليه ..تحركين بداخلي هالمشاعر الغريبه..استغرب

من نفسي..بزر مثلك..وتقلب تفكيري..كذا...نمت وانا افكر..وافكر.....