تحميل رواية «انتَ غرامي وجنوني» PDF

رغد"انتبهت ونور الشمس بعيوني ...غطيتهم وجيت بلف ع الجهه الثانيه

...فتحت عيوني ع الاخر..وشلون ..متى..وكيف نمت بحضنه...قمت

بسرعه....وانا مو مستوعبه كيف صار هذا من دون مااحس..كانت يديه

محاوطنتي ...وراسي ع صدره..وكان مغطيني بالفروة وهو لابسها...

لمت حالي..وشلون نمت ولا حسيت الحين وش بيظن..بيظن اني ميته

عليه ..وابي قربه....قربت من السيارة وشفت جنى نايمه...فتحتها بشويش

وركبت وقفلت الباب..جلست اناظر فيه..كيف ساند ظهره ع السيارة

وفارد رجلينه يالي كنت نايمه بوسطهم...لمت نفسي مليون مره...كنت

مقهورة حيل... وجافاني النوم..كنت انتظر البنات يصحون..او جنى

تصحى وارجع المخيم......

سعود"صحيت والم بظهري مو طبيعي من نومتي...ناظرت حضني

وكانت مهيب موجوده...لفيت يمين ويسار ..وماشفتها ..وقفت بصعوبه

بسبب ظهري...يمكن بالسيارة.. وناظرت ومثل ماتوقعت ... كانت

بالسيارة ... وسرحانه...تقدمت وضربت قزاز النافذه...":........

رغد"كنت للحين مقهورة من يالي صار.. الا بطق النافذه...ناظرته

وكشرت بوجهي.. نزلت النافذه":نعم

سعود"تفاجاءت بتكشيرتها يوم شافتني ..واسلوبها بالرد..."رفعت حاجبي

":نعم!!!

رغد"وماكنت طايقته":ايه نعم

سعود"وش فيها هذي":فيك شئ

رغد"بقله صبر": لا تبي شئ

سعود"احترت منها":ليه تتكلمين كذا

رغد: وشلون تبيني اتكلم

سعود"لا مب صاحيه ":.............

رغد"لفيت بوجهي عنه..وبرفع النافذه "..............

سعود"استفزتني ..بحركتها..وبصوت عالي":رغددد

رغد"بلعت ريقي":..............

سعود"بغيض":وش حركات المبزرة هذي اتكلم معتس وتردين بنفس

خايسه"وفتحت باب السيارة وسحبتها بقووة ..وهي منصدمه..بعدتها

عن السيارة يوم انتبهت لجنى ..انزعجت من صوتي....":وش صايرن

معتس وش قالب حالتس

رغد"ماصدقت فتح لي باب": هي انت لاتظن اني للحظه انك يوم فرضت

نفسك على ..انه بقتنع وبرضى فيك كزوج.. وتستحلى الجلسه والنومه ع

كيفك.... اصحى..يابابا "وبنبرة سخريه"...انت صحيح تملك الجسد

لكن الروح والقلب مستحيل تملكه....قلبي وروحي...لانسان واحد

وبس..وانت مستحيل توصله...فااااهم

سعود"كلماتها..شعلت نار...فيني...اي واحد بمكاني..يسمع حرمته ..

تقول له كذا..وش بيسوي...يوم يسمع هالكلام الكبير...وبكل قوة

صفعتها":ولا كلممممه...سامعه

رغد"مااستغربت وبالاصح توقعتها":يعني بتظن كذا بخاف..وماراح

اقول الصدق..."وبصوت يرجف" صحيح انا عطيتك وجه..وتناسيت

كل احساس حقد وقرف من ناحيتك امس... بس مو معناه..تستغل الوضع

وتحاول...تقص ع حالك..وتصدق انه ممكن نكون مث أي زوج وزوجه

يحبون بعض...انت ولاشئ..سامع... ولاشئ..وبتظل لاخر نفس بحياتي

ولا شئ...فرضت نفسك بالاجبار..مشيتها لانه مااقدر احتج او اشتكي عليك

لكن تحاول تفرض نفسك وتستغل غفلتي ونومتي..لا والف لا سااامع

سعود"ماني مستوعب وش هالثوران المفاجئ..وكلماتها يالي تستفزني

وتحرق اعصابي...عمري ماسمحت لحرمه..تطاول بلسانها..او اني اعطيها

مجال ...مسكتها من زندها وشديت عليه..شفت علامات الالم بوجهها..

وزادني شعور بالانبساط وشديت اكثر..."وبكل قرف":انتي يالي اسمعي

ولاتصدقين نفستس...يوم رضيت فييك زوجتن لي ..اشاركها الفراش

مو معناه..اني برضا فيك كزوجه...اعرفي حدودك ..واعرفي مكانتك

انتي يالي اسمعي..واسمعي زين...وكل يالي صار شفقه لا اكثر ولا اقل

مثل أي متشرده بالشارع..عطفت عليها بالبرد..وبما انك..زوجتن لي

شفقت عليتس..."وبضحة سخريه"يعني بالله تظني سعود..ال..يفكر

فيك..كذا.. والله انك ماخذتن مقلب بحالتس...اصحي ومن جد اصحي

رغد"وجع يدي يالي بتحمله ولا وجع كلماته.. يالي يصوبها بكل اتجاه

لي.. جرح كرامتي... انوثتي..":ودامي مااشرفك ولا ممكن تتقبلني

ليه.. تفرض نفسك على

سعود"ورافع حاجبه"وبنبرة..احتقار":تحللين مصرفتس..واكلتس..

واسمي يالي شايلته

رغد"الكف يالي عطاني اياه..وجعه مايوصل للوجع يالي صابني ..من

كلماته...للدرجه هذي انا رخيصه...ويعتبرني تسليه...ماقدرت امسك

دموعي.. ولا انهياري...":وربي حرررام تكون اخو وليد وربي حرام

سعود"طاريها لوليد..زاد من عصبيتي..ودمي..يغلي بعروقي..من نطقها له

شديت زندها اكثر...وضغطت بقوة ..وقربتها لعندي حتى صارت لاصقه

فيني..ومايفصلنا الا انفاسنا..."وبوعيد..وصوت اقرب للهمس..":اسمه

ماابي اسمعه بلسانتس..سامعه"وشديت اكثر ع يدها"....ولا والي خلق

سابع سما ماتلومين الا نفسك...وربي...بتشوفين يالي مايسرك.."ووجهت

نظري..لجنى..ورجعت ناظرتها"...سامعه

رغد"جمدت بمكاني..ورجفت من الخوف من قربه ونبرته..وتهديده

شكله كان يخوف بالحيل..عروقه يالي بارزة بجبينه...عيونه يالي حمرت

طريقه رصه ع اسنانها..كلها ارعبتني..ومنعتني من الكلام":......

سعود"انفاسي صارت سريعه...حسيت اني بذبحها..خلاص..ورفعت

يدي..الا صوت الشيبان وقفني...ناظرتها بحده..وفلت يدها بقرف..

وبقوة حتى طاحت ع الارض...":يلا خذي بنتك وانقلعي عند الحريم

رغد"مصدومه..مجروحه...منهارة...كل هذا مايعبر عن احساسي المتفجر

بداخلي كان ودي اصرخ...واضربه..اذبحه...ماقدرت عجزت حتى عن

الحركه....وينك ياحبيبي وينك...ابي حضنك...ابي الامان يالي فقدته..

آآآآآآآآآهـ ياوليد ليه تركتني ورحت ..لييييه....":.........

سعود"بصرخه":فزي اخلصي وانقلعي عند الحريم

رغد"انتفضت من صرخته..وبالحيل شلت نفسي..رحت للسيارة

واخذت بنتي واغراضها..ومشيت للمخيم...وعيوني...مغطيها ضباب

دموعي....وصلت للخيمه...ورحت وراها...احاول اهدى العاصفه

يالي بداخلي...احاول اوقف...دموعي...يالي انزلت ..مثل الشلال...

قلبي يالي من سرعه نبضه احسه بيطلع من مكانه....جلست ..وبحضني

جنى...ناظرتها...وهي نايمه وماهي عارفه وش يصير ..ماهي عارفه

وش نوع الظلم والضيم يالي امها عايشته...يوم ناظرتها..عرفت ليه

استحمل هذا كل...وربي كله يهون ولا افقدك...حضنتها بقوة لصدري

وصرت استغفر واقرا يالي حافظته من القران...ربع ساعه..وحسيت

اني احسن...وهديت شوي...طلعت من شنطه جنى..قرشة المويه..

وغسلت وجهي....رتبت نفسي ...وسميت بالله ..ودخلت الخيمه كانت

خالتي.. وباقي الحريم صاحيين..والبنات نايمين....

ام راشد"بفرح":هلا هلا ببنتي هلا صباح الخير يايمه

رغد"حاولت ابتسم":هلا فيك خالتي"حبيت راسها":صباح النور والسرور

ام راشد: ها ياميمتي عساتس ارتحتي بنومتس

رغد"ايه بالحييل": الحمدالله ...

ام راشد"تمد لي كوب حليب":يلا سمي بالله وافطري

رغد"ماكان لي نفس ابد...وريحته لوعت كبدي...."كشرت بوجهي":لا

خالتي..ماابي

ام راشد:ليه اشربي يدفيتس

رغد"مايحتاج ياخالتي حرقه يالي صار..دفتني وحرقتني":لا مايحتاج

ام راشد:طيب كلي لك شئ..الغداء مطول..واذا بتنتظرين هالقرود

منتي ماكله..شئ

رغد"وجع بطني رجع ...غريبه..انا من بعد اول يوم..مايرجع الالم

..اااهـ مع هالنفسيه والظغط..كل شئ بيتغير يارغد": لا خالتي والله

ماني مشتهيه

ام راشد"بابتسامه وراح بالها لبعيد":لايكون

رغد"عقدت حواجبي":لايكون وش

ام راشد: يمكن انتس حامل يايمه عشان كذا منتي مشتهيه

رغد"مسسستحيل": لا لا لا يمه مني حامل ولا شئ

ام راشد: وش دراتس انتي الوكاد انتس حامل يايمه ومنتي حاسه

رغد"كنت منحرجه اقول لها بس عشان اقطع الشك باليقين لها وما

اخليها تبني امال..":لا مب حمل ياخالتي انا معذورة من يومين

ام راشد"بخيبه ..حاولت تخبيها": الله يرزقك ان شاءالله وعقبال ماتبشريني

بحملك ان شاءالله

مزنه: وليه ياعمتي حملي مهب مفرحك ومكفيك

رغد"لاعت كبدي من جد من صوتها مو ناقصتها ابد...قمت من بعد

مااستاذنت من خالتي..وتركت جنى..عندها...ومزنه ناشبه لها ..

مشيت لمشاعل...":مشاعل

مشاعل:هممم

رغد"هزيت كتفها":شعوله تكفين اصحي

مشاعل"خافت على وصحت":وش فيك ياقلبي

رغد"انسدحت ع مخدتها واحاول اني مااناظرها عشان ماتهل دموعي..

":ابي انام جنبك

مشاعل"ع الفترة يالي مرت علينا فهمت اني محتاجه لحضن ..":ولايهمك

"رفعت راسي وحطتها ع رجولها وصارت تمسح ع راسي"

رغد"ماقدرت امسك دموعي وصرت اصيح بصمت..وامنع شهقاتي عن

تفضحني...مر الوقت والنوم غلبني.......................

صحيت ع اصوات .الحريم وسوالفهم وراسي بالحييل مصدع..بصعوبه

رفعته...

ام راشد: صح النوم

رغد: صح بدنك

ام راشد: قومي يايمه غسلي وتعالي غداك خلينه ع الجنب

رغد"قمت ..":ان شاءالله

رغد"مشيت لعند الخيمه الثانيه يالي كانت مخصصه للتغسيل ..دخلت ..وع

طول امينه جت لعندي..بالمويه غسلت وجهي ...وفرشت اسناني..ورتبت

نفسي ..كان ودي اتروش بس مافي مجال هنا...غيرت ملابسي..ورجعت

للحريم..جلست وخالتي تحاول فيني عشان اكل بس ماكان لي نفس

مزنه"بابتسامخ خبيثه":اقول

رغد"اكتفيت اني اناظرها ماكان لي خلق اتكلم":...............

مزنه:وش هالضربه يالي بعينتس وش صار لتس من ضربك

رغد"عقدت حواجبي مستغربه...حطيت يدي ع المكان يالي تاشر عليه

ووجعني...جعل يدك الكسر..اهـ يوجع..نسيت انه عطاني كف..وش

هالفشيله...وشلون ارقعها..ولا من صادني ..ماغيرها":تقصدين هذي

مزنه:ايه في غيرها

رغد"بتطنيش": لا مافي حد ضربني تطمني بس طحت من السيارة"وحبيت

اقهرها":وربي رحمني طحت بحضن سعود.."رفعت حاجبي"يالبى بس

ولا لو مامسكني كان وجهي انعدم

الريم"تصفق": اقولتس ولد العم انقلب حاله وصار رومنسي منتم مصدقين

رغد"بالحيل يصبحني بكف وكلام يسم ..":.....................

مزنه"بقهر": اها

العنود"تطب عندي": رغيده تكفين عطينا السر

رغد"ضحكت بداخلي ..ابد كلام يسم من الطرفين":هههههههههههههه

مشاعل"كانت تناظرني وساكته... عارفه انه غير يالي قلت لهم":......

مر اليوم بهدوء وسوالف وضحك ..بس كل شوي الوم نفسي..صحيح

انه ماعجبني يالي صار..بس المفروض امسك لساني..وماله داعي

كل يالي صار..وكلامي وصراخي..هو ماقصر معي..بس مدري.ليه

انفجرت كذا...دايم يوم اواجهه..مقدر امسك نفسي واتلذذ يوم استفزه

...

سعاد: اقولتس سوي كذا ومالك الا يالي يطيب خاطرتس

مزنه"تجي لعندي":يارغد روحي خذي بنتس لايجيها شئ مع العيال

رغد"جلست ادورها":وينها

مزنه:مشعل خذها معه

رغد"قمت بسرعه ..الصراحه ماامن بنتي مع أي حد الا خالتي وعمي

ومشاعل وسعود....مشيت برا المخيم وعبايتي ع كتفي ...صرت ادور

عليها..وشفت مجموعه من العيال عند الدبابات ومشعل معهم..ومتجمعين

قربت منهم..الا هم حول بنتي..وكل واحد يضحك ويشجع...كانت جنى

مع ولد صغير..شكله ولد مزنه..يلعبون بالرمال وكل واحد يكب ع الثاني

والعيال يطلبون منه يضربها...وهي خايفه وجالسه تبكي...قهرني..يالي

يصير لها..وهذول مبسوطين..وبصرخه":ياقليلين الادب مستوحدين

بالبزرة..وتضحكون هذا بدال ماتهاوشونه وتشيلونها

جنى"يوم شافتني جت تركض لعندي وتصيح":.................

رغد"شلتها وحضنتها ..وصرت اهدي فيها":وانت يامشعل وشلون ترضى

عليها وتخليها

مشعل"يناظر فيني ومستغرب..انا نفسي استغربت من نظرته":ليه ماترد

ليه تسوي ببنتي كذا ...حرام عليكم هذي طفله

مشعل وباقي الاولاد"يناظروني":..........................

مشعل"بقله ادب": اقول انقلعي عند الحريم ماتستحين ع وجهك جايه

وكاشفه وجهتس عند العيال..بس مثل ماقالت امي حضريه ماعليتس

شرها

رغد"عصبت ع كلامه وقله احترامه":اقول امسك لسانك واحترم يالي اكبر

منك ...سامع

مشعل: انقلعي لانادي ابوي عليتس

رغد"فورت منه..ومن اسلوبه..مااستغرب من ولده ولد مزنه..":ماني

منقلعه لحد ماتتادب وتحترمني..سامع

مشاعل"تدور على":وين رغد

مزنه"تاشر":هالحضريه بتجيب العيد ع نفسها ..ناظرو وين رايحه للعيال

ولا كاشفه وجهها بعد

مشاعل"بسرعه جات لعندي بعد ماتغطت":رغد امشي معي بسرعه

رغد"وكنت معصبه وصوتي عالي": لا ماني ماشيه لحد ماادب قليل التربيه

هذا

مشاعل"وخايفه حد يشوفهم": طيب انا اعلمك فيه بس امشي معي

رغد"ولا كاني اسمعها ..وصرت اهاوش مشعل..وهو يرد على بقلة ادب

جمدت بمكاني ....ايه هو صوته......

سعود"وكل عرق بوجهه بارز من العصبيه":اقصري حسك ...وانت وياها

تقلعوا عن وجهي بسرعه

رغد"كل الاولاد ماشفت الا غبارهم...":سعود ادب ولدك

سعود"اخذ جنى مني وعطاها مشاعل": خذي البنت ع الخيمه

مشاعل: طيب يلا رغد

سعود"مسك يدي بقوة": وبعدين معتس انتي وقلة الادب يالي انتي فيها

رغد"انفجعت من كلامه وش يقصد":خير وش قله الادب يعني يوم جيت

اخذ بنتي وولدك يشجع الضرب فيها صرت قليله ادب..ولدك يالي معلي

صوته وقال ادبه..وانا يالي صرت قليله ادب...

سعود"ومطنش يالي قلته..وبصرخه": ايه وماتربيتي وماحد بيسنعك الا انا

اجل جاية كاشفتن وجهتس للعيال..وبوقاحه تقولين انهم قليلين الادب

رغد"استوعبت الحين...يعني هم مايكشفون ع العيال..بس هم صغار

اكبر واحد مايتعدى 12 سنه..":................

سعود"قرب اكثر وبهمس ووعيد": الوعد بالبيت مهب هنا

رغد"بسخريه":ليه يعني منت عارف تمد يدك هنا براحه

سعود"يرص ع اسنانه":لاتستفزني لاتشوفين شئ مايسرك

رغد"سكت مو خوف منه ..بس ماابي مزنه..تنتصر ويتحقق مطلبها":.....

سعود: والحين طسي ع المخيم

رغد"مشيت ولا نطقت بحرف....وصلت المخيم وجنى للحين تبكي..

اخذتها ..ع الخيمه الثانيه وسبحتها...ولبستها..وهي تشكي لي ع يالي

صار معها ..وتتشره..حضنتها..وبستها ...رجعت ع المخيم ...

مزون: والله مدري وش اقولتس ...وربي مسكته وهاوشته قليل الادب

ع الي سواه بجنى

رغد"بابتسامه":حصل خير طفل مايدري عن شئ ..بس اللوم ع الكبار يالي

شجعوه.."وكنت اناظر مزنه..يالي وجهها كله شماته"...

مزون:بس عسى ماتعورت

رغد:لا الحمدالله بس عدموها بالرمل ..بالحيل راح عن شعرها

لفيت ع مشاعل":مشاعل

مشاعل: هلا

رغد"بهمس": انتم تتغطون عن العيال

مشاعل: ايه ..الا انتي وش ودك لهم

رغد: مزنه قالت لي اروح لبنتي

مشاعل: استغفر الله ياربي...وبعدين وحركات المبزرة هذي

رغد:طنشي ماهمتني

جنى كانت عند خالتي ...شوي الا سمعت صرختها ..فزيت لها وهي تبكي

وخالتي خايفه عليها من صرختها...

ام راشد: وش فيتس يمه وش صاير

جنى"تصيح ومن قلب":.................

رغد"اخذتها من خالتي واحاول اهدي فيها ..شوي الا زاد صياحها":.يمه

حبيبتي وش فيك

جنى"تاشر بس وتصيح":........................ز

رغد"طيرت عيوني مدري وش فيها ..وخاصه وجهه صار احمر ع ازرق

من قوة صياحها وباين انها تتالم":حبيبتي يوجعك شئ

جنى"تهز راسها":..................

رغد: وين

جنى"تاشر ع يدها":................

رغد"مسكتها اشوف وش فيها..الا تصرخ ثانيه وبااقوى مافيها..":ياربي

وش فيها

مشاعل:يدها تعورها

رغد:ايه بس مب راضيه اشوف وش فيها

ام راشد: امينه ياامينه

امينه"جات ":نعم ماما

ام راشد: روحي نادي بابا سعود بسرعه

رغد"وانا احاول اشوف يدها": ماله داعي

ام راشد: لا يمه له لزوم يوديها المستشفى

رغد: ليه!!!!

ام راشد"بخبره":باين يدها مكسورة يايمه شوفي وشلون مزرقه

رغد"انتبهت للونها ...وشهقت": يمه بنتي وش كسر يدك حبيبتي

جنى"ماعاد فيها حيل من الالم ..وفجاءة سكتت":............

رغد"انفجعت ..ماجا ببالي الا اني فقدتها":لا لا لا يمه اصحي جنى

حبيبتي انا ماما قومي

مشاعل"بخوف" وش صار فيها ليه سكتت

رغد"بهستيريه وصياح": مشاعل ينتي بنتي ماترد على صحيها

مشاعل و خالتي يهدوني":مافيها الا الخير يمه شوفيها تتنفس

رغد: ليه ماترد

سعود"دخل ع الصراخ": وش فيكم بعد

مشاعل: الحق سعود جنى

سعود"ناظرت البنت مغمى عليها ويدها مزرقه ..وهستيرية امها ":وش

فيها

ام راشد: خذها يايمه ع المستشفى بسرعه

سعود"يجي لعندي ياخذها":هاتي

رغد"حضنتها لصدري بقوة": لا لا بعد ماراح تاخونها هي بعد

حرام عليكم مقدر اعيش من غيرها لاتاخذونها ...فقدت ابوها ...وماابي

افقدها...بنتي ابيها

سعود"شكلها كان يحزن ..وضنت انه جنى ماتت": رغد اسمعيني خليني

اوديها البنت مافيها الا الخير..بس اغمى عليها من الالم بس

رغد"واحاول اهدى...":.............ز

سعود"بحنيه":شوفيها تتنفس...بس من الالم ماتحملته

رغد"ناظرتها...وتطمنت شوي": طيب خلنا نوديها

سعود: لا اجلسي وانا بوديها

رغد"تمسكت فيها": لا مااخليها لحالها رجلي ع رجلها

سعود"ماكان بيخليني اجي ..بس عشان جنى نفسها خاف تصحى..

وتدور امها": يلا البسي عبايتك بسرعه

رغد"قمت ": طيب

سعود"اخذ تجنى ..": هاتي انا بشيلها

رغد" لبست عبايتي ..وتغطيت بسرعه وطلعت ورى سعود يالي سبقني

ع السيارة... ركبت واخذتها منه.. وصرت اقرا عليها ..وادعي ربي

انه يسلمها ويحفظها لي..طول الطريق وحنا ساكتين..وكنت الوم نفسي

يوم تركتها وغفلت عنها.. اسفه ياوليد ماحفظت امانتك... ولا صنتها

سامحني... ياكثر خيانتاتي لك... ااااهـ ياوليد..بس وربي مابيدي حيله

وربي....

بعد ساعه... وصلنا ع المستشفى... ودخلنا الطوارئ.... كشف عليها

الدكتور وصور يدها.. وطلع كسر بكتفها...ماقدرو يجبسونها ...بس

ربطوها...ووصونا...انه نهتم بحركاتها ..وانه الكسر..نوعه شين وخاصه

الكتف... ولانها بزر بتتحرك كثير..ومايقدرون يجسونه..عطاها ابره

تخفف الوجع عنها ..وصف لها ادويه ....اخذنها وطلعنا وجنى..نامت

بعد ماسوت فضيحه ثانيه بالمستشفى....وقفنا عند الصيدليه واخذ علاجها

وطلبت انه نرجع البيت ..ومارفض...رجعني البيت ..واتصل ع خالتي

وقال لهم يرجعون مع ولد عمه..لانه جنى تعبانه ويلزمها راحه البيت

رغد"دخلت وهو ورى بالظبط ...مشيت لحد ماصعدت للجناح

حطيتها...وحاولت اقيد حركتها لانها من النوع يالي يصارع بالنومه

يعني انومها وكل شئ مرتب وتصحى المخده بجهها والبطانيه بجهها

وهي بكبرها بجهها....غطيتها...ولفيت الا وهو موجود

سعود"بجمود":اذا بغيتي..شئ انا بالغرفه الثانيه

رغد:مشكور ماقصرت

سعود"مشى وسفهني...وسكر الباب":.........

رغد"قهرتني حركته...وش يبي يوصل له يعني؟؟؟طنشته ورحت انسدحت

جنب جنى...وحمدت ربي انه سلمها لي...ياسلاام يازين نومة السرير

ع الساعه وحده سمعت حسس بالبيت قمت ..طلعت لبرى..الا صوت

مشاعل..نزلت ..الا وهي مقبله ع الدرج

مشاعل: بشريني عنها..الجوال حاولت اتصل بوه..مافي شبكه

رغد:لا الحمدالله عدت ع خير..والحين هي نايمه

مشاعل:الحمدالله

رغد:وش فيكم رجعتوا

مشاعل:ياختي مهيب حلوة الجلسه من دونك والكل كان متشاغب ع

جنى...وبكرا كلهم بيجون

رغد"ابتسمت": حياهم الله

مشاعل:طيب أي خدمه..هلكاانهوظهري متكسر ومشتاق لسريري

رغد:هههههههه لا سلامتك بس تروشي من بعد البر

مشاعل:افا عليتس من غير قول

اليوم الثاني كل يالي كانوا بالبر جاو عندنا عشان يتحمدون لجنى بالسلامه

ومزون ياحياتي كانت كل شوي تتاسف ع يالي صار وانا اقول لها ماله

لزوم اطفال ومايدرون ..ومن تشوفني متغربله مع جنى ترجع تتاسف..

مع انه المفروض مزنه وولدها ...وماقلت لسعود ع الي سواه ولده

ماحبيت اسبب مشكله..الولد من غير شئ يكرهني....

رغد"استغربت انه اليوم ماجا ع انه الليله ليلتي ع حسب جدوله ..بس

احسن ريحني من وجهه....نمت..وع الساعه 1 الظهر صحيت....

تروشت...وجففت شعري..ولبست لي بيجامه..برمودا وردي..مع

بدي.رصاصي..وبوسطه تويتي...كنت جالسه اسلي جنى كانت

متضجرة حيل..من التقيد يالي مطبقته فيها عشان كتفها..وكنت

محتاسه معها وماحسيت بسعود..وهو يدخل

سعود"طقيت الباب..وماسمعت رد..وسمعت صوتها هي وجنى

وهي تحاول تاكلها وهي رافضه لانه يدها تالمها..الكسر شين والكبير

بالحيل يتحمله وشلون بزر...يالله ان تشفيها بسرعه...دخلت وتفاجاءت

من شكلها لاول مره اشوفها بالشكل هذا..علقت عيوني عليها وهي

منشغله بجنى...قطع تفكيري يوم لفت وشافتني..ووقفت بسرعه

رغد"ارتبكت يوم شفته ونزلت عيوني..طيرت عيوني يوم شفت وش

لابسه..بسرعه فزيت ادور شي اغطي نفسي فيه..":...........

سعود"بسخريه":وش تغطين وانا شفت كل شئ

رغد"انحرجت من تعليقه وفهمت وش يقصد":.............

سعود"حاولت قد مااقدر..اتجاهل وجودها..مشيت لجنى..يالي كانت

مكشرة بوجهها..اخذتها بحضني":وش فيك يابابا ليه زعلانه

جنى"تنفخ ":هدا يوجعني

سعود"يبوس راسها":يطيب ان شاءالله واذا صرتي عاقله بيطيب

بسرعه

جنى"ببرائه":طيب

سعود:واذا تبين تطيبين لازم تاكلين

جنى:اكلني انت

سعود: من عيوني "اخذت الصحن وصرت ااكلها..وهي مبسوطه

وكل شوي طاقتن لي ابتسامه شكل..وتسوي حركات بوجهها ..ضحكتني

غصب...

رغد"يوم شفته منشغل مع جنى...استغليت الفرصه..ورحت غيرت ملابسي

لبست جلابيه...اكمامها طويله وواسعه شوي...":.......

سعود"ويحاول يقهرني..ويستفزني":غيرتي ولا ماغيرتي ...ماحركتي

شعره فيني

رغد"رفعت حاجبي..وتخصرت":وانت ماهميتني عشان اهتم اني احرك

فيك شئ

سعود"ياكل جنى ومطنشني":..................

رغد"جلست ع الكنب هوانا اقلب بالقنوات...قطع على صوته..":.........

سعود:قومي سوي غداء

رغد"وقفت":فيه غدا مسويته مزنه..بروح احط لك

سعود:لا انتي اطبخي هي مسويه سمك وانا مالي خاطرن فيه سوي كبسه

رغد"حسيت حركاته..بس سخافه لا اكثر ولا اقل..ماناقشته":طيب

رحت تحت ودخلت المطبخ..اشوا مزنه مهيب موجوده...طلعت الدجاج

وحطيته بالمويه عشان يذوب...واخذت البصل والطماط والثوم..قطعهتم

صغار..والثوم هرسته...اخذت الرز ونقعته...وبديت اقلي البصل

لحد ماتحمر...وحطيت الطماط والثوم..غطيته لحد مايذوب الطماط

ورحت للدجاج وغسلته ونظفته..فتحت الغطا واضفت الماجي والبهارات

وشويه قرفه وورق غار وليمون اسود وهيل...وحطيت الدجاجه

وغطيتها ع نار هاديه..بعد ربع ساعه..صبيت مويه لحد ماغطيت

الدجاج..واضفت الصلصل....بعد مااستوى..شلت الدجاج وحطيته

بصينيه الفرن..وبعد مانشفت الرز حطيته بمويه الدجاج....حطيت

الدجاج بالفرن..ورحت اقطع السلطه.............

ساعه وكل شئ خلاص..الدجاج حمرته...وحطيت الرز بالصحن

وربع دجاجه...وحطيت لخالتي وعمي...ومشاعل..شلت الصينيه

وصعدت.."وانا ابتسم بخبث "حطيتها عنده..وهو بدى ياكل

..وجنى تلعب بحضنه

سعود"حط اللقمه بفمه ..وشوي الا يكح بقوووة":...........

رغد"ضحكت ع شكله من داخلي...صدق حركات مبزرة..بس احسن

ابنتقم بالي سواه وقاله....."واسوي حالي بريئه":وش فيك

سعود"وعيونه دمعت يوم شرق بالاكل...وياشر ع المويه":.........

رغد"مديت له المويه وابتسامه خفيفه ع فمي...":تفضل

سعود"اخذت المويه وانا اقاوم الكحه...لفت انتباهي بسمتها...يعني متعمده":

رغد"اخذ تجنى ..وجلست ع السرير":.......

سعود"بعصبيه":وش مسويه انتي ..علبه الملح كلها هنا

رغد"ببلاهه":ايششش!! لا انا تو ذقته ملحه مظبوط

سعود"رفعت حاجبي ...اكثر شئ اكتشفته فيها انها ماتعرف تكذب..ولاتمثل

..."رفعت حاجبي"...وقمت واخذت ملعقه من الرز...ومديتها لها":يعني

اكذب ولا اتبلى مثلا

رغد: يمكن ليه لا

سعود: اها...طيب كلي اشوف

رغد"توهقت": ها لا شبعانه

سعود"تاكدت من رافضها انها متعمده..":ماقلت لتس كلي الصحن كله

ذوقيه عشان تتاكدين

رغد: لا ماابي مو غصب شبعانه

سعود"مسكت وجهها ..ودخلت الرز بفمها غصب...وبعدها سديت خشمها

عشان تبلعه..وفمها...":انا اوريك

رغد"ماقدرت صرت اكح بقووة....مالح وبقوووووة....":موووويه

سعود"ضحكت ع شكلها...مديت المويه وجلست مكاني...":..

رغد"شربت المويه ...واحس اني براجع ....":......

سعود"من غير مايناظرني":اليوم جهزي نفسك..

رغد"باستغراب":ليه

سعود:بوديك لاهلك

رغد"بلعت ريقي...معقوله بينفذ تهديده...بيطلقني ياربي

انا وش سويت .... بيحرمني بنتي.."!!

رغد"جهزت اغراضي واغراض جنى...لو بناقشه الحين ماراح اقدر

اوصل لشئ...ويمكن يخلها هنا ويوديني انا بس ...ع المغرب ..اتصل

وقال لي اطلع....ركبت السيارة وهو يحط الاغراض ...بالسيارة

طول الطريق ..كنا ساكتين ..ومافي الا صوت جنى....وقفنا

عند محطه...ونزل عشان يصلي...وقال لي انزل...كنت بقوله ماعلى

صلاة..بس انحرجت...نزلت واخذتها فرصه ادخل جنى..دورة المياه

"اكرمكم الله"....رجعنا للطريق ثانيه................

رغد"كنت حاضنه جنى ..ونايمه..انتبهت لصوته وهو يقول ":........

سعود:يلا انزلي

رغد"فتحت عيوني..وناظرت بيتنا...اااهـ اشتقت له...واشتقت لكل شئ

فيه لامي بوي اخوي...غرفتي....":ومتى بتوصلني

سعود"باستغراب":وش يالي بيوصلتس

رغد: ورقتي

سعود"رافع حاجبه ومستغرب":. ومن قال بطلقتس اصلا

رغد"بلعت ريقي...":اجل ليه جايبني هنا

سعود"ينزل من السيارة": ماتبين تشوفين اهلتس...انزلي

رغد"خاب ضني...كنت اضن اني برتاح منه ومن همه...."نزلت ..وطلعت

من شنطتي ..المفتاح...فتحت الباب...لانه ماودي ازعجهم اكيد انهم نايمين

الحين..ناظرت الساعه...3 الفجر...دخل سعود الاغراض...

سعود"بسخريه":لاتفرحين مالتس فكه مني الا بموتي او موتك

رغد"ماناظرته..وكملت طريقي..":......

سعود"قهرتني ببرودها وتطنيشها":بكرا ابتصل عليك عشان اسلم

ع عمي وعمتي

رغد: مب لازم

سعود"ويرص ع اسنانه ..لانه مايقدر يعلى صوته..":هذا عندتس انتي

اما حنا عيال القبايل والاصول ..لزوم نقوم بالواجب

رغد"قهرني بنظرته..ورجع يعيد الاسطوانه...تقدمت من الباب..":تبي

شئ ثاني

سعود"مستغرب..":لا

رغد"ومدري كيف جتني الجراءة..وقفلت الباب بوجهه":يلا بروح انام

سعود"قفلت الباب بوجهي..انا اوريتس يابنت...لا ماراح اسب بابوك ماله

ذنب..بس تربيتك ع يدي"وانا ارص ع يديني".................

رغد"دخلت بشويس...عشان ماازعجهم واصحيهم...صعدت ع طول

لغرفتي...فتحت الانوار...ومثل ماتركتها...سريري...اغراضي..وبنفس

نظافتها...الله يسلمك ياامي ويخليك ويطول بعمرك يارب...حطيت

جنى ع السرير...وشغلت التكييف..مع انه الغرفه كانت باردة شوي..

شكلهم كانو يشغلون التكييف دايم...نزلت عبايتي..وراحت اجيب شنطتي

وباقي الاغراض...نزلت وصعدت بهدوء....طلعت لي ملابس من دولابي

اشتقت لملابسي...طلعت لي قميص قطني...فوشي...واكمامه قصيرة..

وقصير لنص الساق...وفيه ورود جوري...دخلت لدورة المياه...وتروشت

طلعت وانا احس بنشاط مو طبيعي...جففت شعري...وحطيت الكريمات

يالي احبها..ع جسمي...ومااخذت منها لما رحت القصيم....شلت جنى

ونزلت تحت...حطيتها بالصاله ...ودخلت المطبخ...ابوي ورائد يصحون

7..وامي قبلهم عشان تجهز الفطور...بديت اجهز الفطور...والحليب..

اذان الفجر..ورحت الصاله..لانه ابوي بالوت هذا ينزل...جلست استنى

ومثل..ماتعودت....

ابو رائد"يصلح شماغه":لا اله الا الله ..اصبحنا واصبح الملك لله

رغد"شوفه ابوي ...وحشتني..وماقدرت امسك نفسي ولا دموعي..":يبى

ابو رائد"رفع عيونه مستغرب من الصوت..ناظر وهو مو مصدق":رغد!!

رغد"ركضت لعنده مشتاقه له ولحضنه...حبيت راسه ويده..ورميت نفسي

بحضنه":ايه رغد وحشتني يايبى

ابو رائد"مو مصدق ...حضنها..وحب ع راسها":ياهلا وغلا ببنتي

تو مانور البيت ...متى جيتي...وليه ماقلتي لنا

رغد"وانا امسح دموعي":كل هذا ابقوله لك لما ترجع من الصلاة..ناظرت

فوق"..وين رائد

ابو رائد":هذا هو نازل وراي

رغد"بهبال": اووك ابصرعه شوي

ابو رائد"يضحك ع هبالي يالي فقده":هههههههههههههه

رغد"صعدت بسرعه..ووقفت ع جدار باب غرفته..ولصقت فيه..انتظر

رائد..يفتح الباب..ومثل ماتعودت..فتحه..وهو مايشوف الدرب..وحالته

حاله..ويسكر ازرار ثوبه...نطيت بوجهه بسرعه وبصرخه":وبعدين معك

يالكسول ..بتتاخر ع الصلاة بسررعه

رائد"طير عيونه...مو مصدق اني بوجههه":...........

رغد"فطست ع شكله...":ياهووو نحن هنا"واشر بيديني"

رائد"حضني ..بسرعه": متى جيتي.."وبعدني بسرعه..وكفخني ع كتفي

"..وبعدين متى بتعلقين وهذا انتي متزوجه ومعيله وهبله للحين..والله

متاكد انك طلعتي براس سعود المسكين نخيل مب نخله

رغد"بسخريه": ايه بالحيل مسكين...يلا روح لاتتاخر ع الصلاة..واسالتك

خلها بعدين

رائد"ينزل بسرعه": ياويلك تنامين..مشتاق لك ولبنتك

رغد"مبتسمه":من عيوني

توجهت لغرفه امي ..وانا مشتاقه لها ولحضنها...طقيت الباب...وجاوبتني

بصوتها الحنون...

ام رائد: تفضل يمه

رغد"بهدوء عشان مااخوفها":السلام عليكم

ام رائد"منصدمه":يمه بنتي

رغد"رميت نفسي بحضنها..بست راسها وخدها ويدها":ولهت عليك يايمه

وحشتني

ام رائد"حضنتي اكثر ..وهي تبكي..":وانا اكثر يابعد دنيتي كلها.."بعدتني

عشان تناظرني"خليني اكحل نظري فيك...

رغد"رميت نفسي ثانيه لحضنها ..للحين مشتاقه وماشبعت منه":احبك

احبك احبك يااغلى مافي الدنيا انتي

ام رائد"تمسح دموعها":وشلونك يايمه وشلون جنى..وسعود

رغد"كشرت بطاري سعود": كلنا بخير وانتي بشريني عنك

ام رائد: بشوفتك يايمه اكيد بخير...

جلسنا شوي وسالتني عن الكل ..وكيف سعود..وكيفي معه..وطبعا ماقلت

لها شئ ..لانها بتعاتبني...لاني غلطانه..اعرف اني غلطانه..بس مو ذنبي

اكرهه...نزلنا تحت..وابوي ورائد..جاو..والشيخ رائد..مستلم جنى..ويجنن

فيها..عشان تصحى..وانا اقوله يبعد..وهو مو سامع

رائد"شايل جنى ..وهي نايمه ومو معطته بال":مشتاق لها لاتلوميني

ابو رائد"بانزعاج": اترك البنت غربلتها ..

ام رائد: اهجد ياولد ..متى ماصحت تصحى

رائد"مستمر..يصحيها..":لا ابيها الحين ..اعرفها دبه ع امها تعاند و

بتصحى يوم اروح الدوام

رغد:هههههههههههههههههههههههههه

رائد: يا اانا يابنتك"وصار يرج فيها لحد ماانزعجت وقامت...فتحت عيونها

مستغربه من المكان..بس تذكرتهم":حويحد

رائد"يحضنها": ع انه الكلمه ترفع ضغعطي..بس اشتقت لها"وصار يبوس

فيها..ويعرف انها تزعج من الحركه"...

جنى"بعصبيه":حويحد..يع وخر "وتمسح بوجهها"

رائد"يحطها بحضنها..ويضرب راسها ع خفيف":قولي خالي..ياطويله

اللسان

جنى"بعناد":حوييييييحد

الكل:ههههههههههههههههههههههههههههههههههههههه

حطيت الفطور...والكل كان مبسوط ويسال عن سعود..مابينت انه بينا

خلاف او شئ...طلعوا ابوي ورائد للدوام..وامي قالت لي اروح انام

بس ماكان ببالي نوم...جلست معها ..وبحضنها..حتى غدا..ماخليتها

تسويه..وابوي جاب معه..

رائد"ياكل..جنى": الا سعود وينه

رغد"قصيت بلقمتي":كح.....كح

ام رائد"تمد لي كاسه المويه": بسم الله عليك خذي اشربي

رغد"اخذت المويه منها":احم احم

رائد"بهبال": كل هذا عشان طاري حبيب القلب

رغد"يبطي ":ياسخفك

ابو رائد": أي والله وينه

رغد"مدري وينه ..وش اقول وش ارقع..لو اقول مدري بتجيني..تهزيئه

بيقول زوجك وماتدرين وينه..":راح فندق يرتاح

ابو رائد"بنزعاج": وليه يروح وبيتا موجود

رغد: ماحب يضايقكم

ابو رائد: بسرعه اتصلي عليه اشوف

رغد"ارتبكت ماودي اكلمه..": يمكن نايم

ابو رائد: اتصلي اذا نايم ماراح يرد

رغد"اخذت الجوال وانا ادعي انه مايرد...اتصلت ..وانتظرت الرد

الحمدالله ..توي بقفل...

سعود:السلام عليكم

رغد"وجع يوجعك يارب": وعليكم السلام

سعود"مستغرب":وش فيك فيك شئ جنى فيها شئ

رغد"حاولت اكون طبيعيه قدام اهلي ومااخليهم يشكون بشئ":اخبارك

سعود"مستغرب...شوي فهم انه جنبها احد":ماشاءالله مسويه سنعه وتسالين

عن حال رجلتس

رغد"ماقدرت اناقشه لانه عيون ابوي علي": بخير الحمدالله

سعود: ماسالت عن حالتس

رغد"وماعندي استعداد اتكلم معه": هذا ابوي يبغاك

كلمه ابوي...واصر عليه يجي..يتغدا عندنا ..بس قال انه تغدا..بس انه راح

يجي..قاله ابوي ..يجيب اغراضه معه..وهو رفض..بس اصرار ابوي..

ماعطه مجال للرافض

ابو رائد:قومي يابنتي جهزي الملحق..هو نظيف..بس شيكي عليه

ام رائد: يلا قومي عجلي

رغد"وانا اتحلطم عليه": ان شاءالله

قمت ..ووراي رائد..دخلت الملحق...وهو دخل بعدي..جلس يراقب فيني

وانا ارتب..

رائد"متكتف":متى بتتكلمين

رغد"وانا اتحاشى اناظره": اتكلم بايش

رائد: رغد انا اعرفك قولي يالي بخاطرك

رغد"وش اول اني مااطيقه اكرهه..اني ندمانه اني وافقت علي..":حويحد

ع قول جنى..الا تبي تطلع فيني عله هههههههههههههه

رائد"يناظر فيني بتمعن":يعني تنعيني..انك تقبلتي حياتك مع سعود

رغد"لا طبعا": ايه

رائد: رغد لاتكذبين

رغد: ومن ال اني اكذب..شوف سعود..واقع بحياتي...وتعلمت اتقبله

رائد"بعدم اقتناع": اكيد

رغد: اكيد..ويلا طس خلني اخلص ترتيب قبل لايجي بعلي

رائد: ياعيني ع كلمه بعلي هههههههههههههههه

رغد: شفت كيف ههههههههههههههههههههههه

جهزت الملحق وبخرته...طلعت ورحت ..اغير ملابسي...ماابي اهلي

يحسون بشئ....لبست..بنطلون جينز..سكيني...مع بلوزة طويله..صفراء

وفيها رسومات بالاسود..رفعت شعري ذيل الحصان..وطلعت لي قذله

ع الجنب...لبست اكسسوراتي القديمه..هي مو قديمه ..بس لاني ما

خذتهم معي..لبست حلق كبير ع شكل حلقه..صفر..واساور..كبيره

وسلسال..طويل لونه اسود...حطيت كحل..وخليته..غامق..ومسكره

زرقاء...وروج..احمر مايل للبرتقالي...تعطرت...وحطيت كريماتي

ونزلت...

رائد"يصفر": ايه القمال ده كله لعنتر

رغد"والله لو مو خوف منكم وشككم ..ولا كان ماطلعت له":اجل وش

ع بالك

رائد"بتمثيل"متى متى ياربي ترزقني بزوجة وتكشخ لي مثل كشخه

المهبوله

رغد"اخذت مخده ورميتها عليه":مهبوله بعينك

رائد: امزح يادبه هههههههههههههههههه

رغد:طس بس ومافي حلا

رائد: ياعيني"ويغمز"اشوف الحلا ماطل عالا عشان احم احم

رغد"نرفزني..انا سويته اول ماوصلت مدري انه بيجي":اجل اذا ماسويته

له اسويه لمين "واغمز"

رائد: ايه الله لنا

رغد"وبنفس هباله": يوم تجي سحيلتك تسوي ل كيالي تبي

رائد"باستهبال..وصراخ":متتى متى بسسسس

رغد: الحمدالله والشكر بس هههههههههههههههههههه

بعد ساعه..وصل سعود..كان رائد معه..وانا رحت اجهز القهوة

والشاي..والحلا...بصينيه..قلت للخادمه..تجيبه...دخلت الا امي

موجوده..وجنى بحضنه..

رغد:السلام

الكل: وعليكم السلام

سعود"شفتها اقبلت..ناظرتها من فوق لتحت..وماعجبني لبسها ابد..

"عقدت حواجبي":يعني كذا الحرمه تسلم ع زوجها

رغد"طيرت عيوني وش يقصد": اجل وشلون

سعود"يمد يده":كذا

رغد"مديت..يدي..هو مسك يدي وشد عليها":....

سعود"قربتها":وش اخبارك

رغد"ارتبكت": بخير...وانت

سعود"شديتها وخليتها تجلس جنبي":بخير

رغد"ماعجبني قربه لي ابد..وقمت اتحجج اني بجيب مويه..قدمتها لها

ولامي ورائد..وجلست جنب امي.. شوي الا جنى..تبي تروح لدورة

المياه.."اكرمكم الله"بس امي قامت وقالت لي اجلس اقهويه..وبالعناد

رائد..قام ينادي ابوي...

سعود"مدت لي القهوة":عدوك يسم

رغد"تو بمشي الا مسكني من يدني":وش فيك

سعود"بصوت هامس": وش الي لابسته

رغد"ناظرت بلبسي":وش فيه!!

سعود"بغيض":انتي ماتستحين ع وجهتس جالسه قدام اخوتس كذا

رغد"للحين مستغربه":وليه كل هالكلام ممكن افهم

سعود:يعني جالسه وكل تفاصيل جسمتس بارزة وعادي عندتس استحي ع

وجهتس وروحي غيري

رغد"رفعت حاجبي": ماراح اغير ولبسي مافيه شئ..بالعكس ساتر

سعود"ياشر بيده": كل هذا وساتر...صدرتس بارز ..ومفصل..وباقي

جسمك كذالك وتقولين ساتر

رغد"خجلت من تعليقه..بس طنشت ..لانه لبسي مهب مخصر وكانت

البلوزة طويله..":ايه ساتر

سعود:قومي غير ولا عاد اشوفتس لابستن هاللبس

رغد"تخصرت":ياسلام وليه ماالبسه حتى بلبسي بتتحكم

سعود: ايه ابتحكم ويلا روحي غيري

رغد"بعناد":ماراح اغير

سعود"بغيض": لاتخليني احلف اني اشليتس مع عفشك وارجعك

رغد"تو برد الا ابوي دخل":...........

ابو رائد: السلام عليكم

سعود"يروح لابوي ويحب ع راسه":وعليكم السلام ..وش علومك ياعم

بشرني عنك

ابو رائد"يجلس": بخير ربي يسلمك وانت ياولدي

سعود: دوم عسى ربي لايغير عليك..,,,انا بخير والحمدالله

جلس يسولف مع ابوي..وانا اصب لهم القهوة والشاي..نادني سعود

عشان اجلس جنبه...اظطريت اروح ...جلست..

سعود"بهمس":قومي غيري

رغد"بنفس الهمس":ماراح اغيررر

سعود"يناظر بالعصير...":اقول يارغد العصير انتي مسويته

رغد"استغربت": ايه انا

سعود: ماذوقتينا اياه

ابو رائد: قومي يابنتي قدمي لرجلك

رغد"وانا مو فاهمه": ان شاءالله

رغد" قدمت لابوي ثم رحت لسعود...يوم قربت من استغربت من نظرته

وشوي الا فهمت وش تعني..بس بعد ايش.....":شهقت,,وش سويت

سعود"يكتم ضحته": الله يخس ابليس..يدي طيرت الصينيه وعدمت

ملابسك...روحي غيري لايلصق العصير ويخرب ملابسك

رغد"ناظرته بغيض...وطلعت وانا اسب فيه..وهو ع شفته ابتسامه نصر..

طلعت لغرفتي..وشفت كيف عدم البلوزة والجينز..."حسبي الله عليك

عسى ربي ياخذك وارتاح منك"...دخلت لدورة المياة"اكرمكم الله"

غسلت جسمي ع السريع..كنت بلبس جلابيه..بس والله لاوريك..كفايه

انجبرت فيك..ماراح اخليك تجبرني ع اشياء ثانيه...

سعود"كنت مبسوط اني ماخليتها تمش يالي براسها..مهب سعود..يالي

حرمه تكس كلامه...السالفه مهيب عناد ولا شئ..بس حسيت عروقي

برزت من غيضي..يوم اشوفها كذا قدام ابوها واخوها..جسمها مفصل

ومخصر..وماقدرت اتخيل انه في غيري يشوفها..صحيح اهلها وماراح

يناظرونها بنفس نظرتي..بس ولو..حسيت نار مولعه..فيني..وزين

اني مسكت نفسي..نص ساع هالا دخلت ثاني..وحسيت الدم كله تجمع

بعروقي..وش مسويه ...":!!!!!!!!!!!!!!!

رغد"والله مااخليك تمشي كلامك علي..دخلت وشفت نظرة القهر بعيونه

ناظرته..وابتسمت بغرور...مشيت وجلست جنب ابوي...وهو مطير

عيونه..ومو مصدق...كنت لابسه..بلوزة..كمها جبينيز..لونها اسود

ومخصرة ع جسمي بالحيل...وتنورة قصيرة لتحت الركبه..كروهات

اسود وابيض..ومعهم ظاغط..ابيض..يوصل لنص ساقي...

سعود"ودي قمت ودفنتها ..بس وجود ابوها وقفني..كنت انتظر الوقت

يالي انفرد فيها عشان اوريها شغل العناد..انا اوريك..ان ماخليتك تندمي

ع الساعه يالي عاندتيني فيها......

رغد"كنت اشوف نظراته لي مع انها حرقتني..بس طنشتها..كفايه اشوفه

مقهور...كنت كل شوي اناظره ..وابتسم..حطينا العشاء..وتعشينا..

بعدها قام ابوي..ورائد..

ابو رائد: يلا نخليكم ع راحتكم...

سعود:تصبح ع خير ياعمي

ابو رائد: وانت من اهله..واعتبر البيت بيتك ..

سعود: ماقصرت ..تسلم

جيت بطلع بس وقفني ابوي":ع وين يابنتي

رغد"وعلامه التعجب مرسومه بوجهي": ع غرفتي

ابو رائد: وتتركين رجلك اجلسي نامي معه..يعني لازم نعلك يايمه اخبرك

تعرفين السنع

رغد"نزلت راسي انحرجت من ابوي": ان شاءالله

لت ابنتظر يطلع ابوي ..وع طول اطلع وراه..بس مخططي فشل..

يوم شفته سد الباب على..

رغد"بلعت ريقي": ممكن توخر بروح انام

سعود"ويرص ع اسنانه": اظن سمعتي كلام ابوتس

رغد: لاتسوي نفسك وتعرف كل الموضوع تمثيل بتمثيل

سعود"كنت ناوي اهاوشها..بس اعرف انه بيزيدها عناد..فكرت ومافيا لا

الا هي....قربت منها ..اكثر واكثر...":

رغد"طيرت عيوني..يوم شفته..يقرب من عندي..جيت بروح..بس":.

سعود"جت بتنحاش..بس مسكتها بسرعه..حاوطت خصرها..ولصقت

ظهرها ع الباب..وانا لاصق فيها بالحيل..حسيتها ارتبكت..ونبضات

قلبها حسيت فيها من سرعتها..وانفاسها تضرب بوجهي...

رغد"كنت كارهه قربه":بعد

سعود"وهو يناظرني من فوق لتحت":واذا مابعدت وش بتسوين

رغد"بخوف": ابصرخ

سعود"باستهزاء": اصرخي محد بيتفششل غيرتس

رغد"صح كلامه..":بعد

سعود"حضنتها ...بيد..وباليد الثانيه..فتحت شعرها..انا يوم اشوفه انسى

حالي..اموت ع الشعر الطويل..وشعرها كان قمة بالروعه...صرت العب

بيدي فيه..ويدي الثانيه لازالت بخصرها...":ماراح ابعد

رغد"لمساته كهربتني...ونظراته حرقتني...تندمت اني لبست وعاندت

توقعته بيهاوش..ماتوقعت.."انصدمت":.............

سعود"قربت من شفتها.....وبستها...حاولت تقاوم وتبعد..بس ثبتها بيديني

الثنتين...":لاتحاولين بيصير يالي براسي بيصير

رغد"كنت مطمنه انه ماراح يصير..بس كنت منحرجه انه يعرف..":

سعود"حسيت برجفتها وهي بين يديني..صرت احرك يدي ع ظهرها

وهي ترجف وترتبك اكثر...ناظرت لتنورتها":يعني كل هالزين عشان

مشتاقه لي...قلتيها من اول ومن غير لف ودوران

رغد"طيرت..عيوني": انت وش جالس تقول

سعود"بابتسامه رفعت ضغطها": يالي اشوفه

رغد"سبيت نفسي يوم عاندت شوفوا وش يفكر فيه..حاولت ابعده..وانزل

الظاغط..بس شدني..وبعد يدي": لا لا هو راح ينزل ..يعني نازل نازل

رغد"بلعت ريقي..من نظراته": سعود..بعد

سعود"لصقت فيها كثر....وصرت ابوس خدها ..ثم خدها الثاني...وهي

تقاوم...صرت افتح ازرار بلوزتها..وابوسها....

رغد"خلاص ماعاد اتحمل...بعدته بقووة..وطنشت كل شئ": بعد انا

محرمه عليك

سعود"رافع حاجبه": خير خير!!

رغد"وانا افرك يديني": انا معذورة يعني ماتقدر تلمسني

سعود"ضنيتها لعبه ..وتحاول تخلص نفسها بس..":اضحكي ع نفسك

مهوب علي...

رغد" خفت يوم شفته جاي لعندي..بعدت بسرعه": والله العظيم اني

معذورة

سعود"بنظرات شك":اسمعي اللعب واللف والدوران اتركيه عنك

رغد: والله ماالف ولا ادور

سعود"للحين..مو مصدق":.....

رغد"شفت نظراته وعديم تصديقه...بس ماهمني...جيت بطلع...بس

منعني ..سحبني..ولصقت بصدره...":اقول لك معذورة

سعود"بخبث ومكر وبابتسامه": طيب

رغد"طيرت عيوني":...........

سعود"احسها فهمت غلط": لا بروح بالك بعيد..اووك معذورة..بس

مافي مانع انك تكونين بحضني.."وناظرني..من فوق لتحت..وغمز"

رغد"لعنت وسبيت فيه..وش يحس..قطع تفكيري..":..

سعود"ماعطيتها مجال ..تفكر بشئ..سحبتها..لعندي..":طيب دام

انه عاجبتس..تتخلعين قدام اهلتس..اكيد بيعجبك تجلسين من غيرشئ

عند رجلتس

رغد"انصدمت..طيرت عيوني..ماني مصدقه وش يقول":ايششش!!

سعود"بابتسامه":يالي سمعتيه

رغد"وللحين ماني مستوعبه":انت صاحي

سعود"رافع حاجبه":اخلصي يلا يالي قلت لك

رغد"جيت بطلع ..بس شدني ثانيه":بعد مستحيل اسوي يالي قلت

سعود"ماسك يدي": بتسوينه غصب طيب بتسوينه

رغد"بنرفزة": انت وش تبي توصل له

سعود"ببرود": ولا شئ بس انتي يالي جبتيه لنفسك وبعنادك

رغد"بلعت ريقي": .......

سعود: يلا ولا تبيني انا انزلهم

رغد"بعدت عنه يوم رفع يدينه": لا بعد وماراح انزلهم

سعود"توجه للباب..وقفل الباب..وحطه بجيبه..وجلس..":وهذي جلسه

ومنتي طالعه لحد ماتسوين يالي قلت..

رغد"تكتفت..":عادي بتفتح الباب غصب..يوم يجي ابوي يصحيك

للفجر..

سعود"بثقه": والله ثم والله هالباب ماراح ينفتح الا يوم تسوين يالي قلت لتس

ويوم يسال ابوك وربي لااقوله ..ليه انا قافلن عليتس..

رغد"طيرت عيوني من حلفه..واعرفه يوم يحلف ينفذه..دموعي تجمعت

بعيوني..وتندمت قد شعر راسي..اني عاندت..ابد ماتوقعت بيسوي كذا

توعته بيهاوش يمد يده..عشان يشوفه ابوي ...وماخليني ارجع معه

بس طلع اذكى مني....":تكفى سعود مالها داعي هالحركات

سعود"بغرور": علمي نفستس ..وانتي يالي جبتيه لنفسك ويلا عجلي

رغد"كنت واقفه..مرت ساعتين وانا ع نفس وقفتي..وهو جالس بصبر

ويناظر..انتبهت انه قرب اذان الفجر..وبينزل ابوي يصحيه..ياويلي

واكيد بيقوله لانه حلف..لا مااقدر اوجهه ابوي..يوم يقوله واكيد بيقول

لامي..ياربي وش سويت لنفسي...

سعود"كنت معجب ..بعنادها وعدم استسلمها..بس ماراح اعديها ...

ابكسر راسك...ومحدن بيروضك غيري..يامهرتي العزيزة...ناظرتها

بنظرات تحدي...وهي كانت تبادلني النظرة....بس يوم قرب الفجر..حسيت

انه بان الاستسلام عليها....اكتفيت اني اناظرها وماانزل عيني عنها...

رغد"استسلمت ماعاد في مجال ولا بنفضح وبيعرفون..كيف اتعامل معه

ومحد بيتهزء غيري..لاني مااسمع كلاامه ......

سعود"جبيت اوترها..وصرت اناظر بالساعه ..واناظرلها وابتسم..ع جنب

وهالشئ زاد توترها يالي بان من سرعه تنفسها.....

رغد"وباستسلام..وقل حيله..وبيدين راجفه..نزلتهم..وكنت طول الوقت

اناظر الارض..كنت واقفه بملابس الداخليه..ودمعتي سالت ع خدي

سعود"يوم شفت دمعتها ماقدرت انزل بنظري...مع انه من حقى,,

ومافي شئ يمنعني..بس دمعتها هزتني....قمت..وانا نظري..معلق..

بوجهها...مديت يدي..ومسحت دمعتها...وبست راسها.."وبهمس":البسي

ملابسك

رغد"تجمدت بمكاني يوم قرب..خفت..بس تفاجاءت..يوم باس راسي

ويوم جاني..باين انه ماجلس يناظر فيني..لاني ع طول نزلتهم..وهو قبالي

ع طول...رفعت..بنظري..له من دون مااحس..استغربت من نظرته

كانت غير..مو عناد..ولا نيه شر..كانت غير وعجزت افسرها...

سعود"انا نيتي..اكسر راسها..بس يوم شفت دمعتها وانكسرها ماقوى

قلبي شوفتها...مدري ليه..مع انه هذا كان مقصدي...نزلت شماغي..

وفتحته ع الاخر..وغطيتها..وحضنتها..هي ماقاومت..بالعكس صارت

تبكي..من غير صوت..شهقاتها..يالي كانت كل شوي تزيد...حضنتها

اكثر..وصرت امسح ع راسها..

رغد"مدري ليه استسلمت لحضنه...بكيت..وماحاولت اقاوم يوم شد

بحضنه لي...استجمعت نفسي...واخذت نفس عميق..وبعدت..عنه

لبست بسرعه...ومن غير مااتكلم او انطق بحرف..فتح لي الباب

طلعت بسرعه ع غرفتي..ورميت نفسي ع السرير..كملت بكي

احس اني مكتومه ومخنوقه...بكيت وبكيت..لحد مامل الدمع من عيني

قمت..ودخلت دورة المياه..وتروشت ..اخذت دش بارد وانا بملابسي

يمكن برودة المويه تطفي نار قلبي وانكساري...طلعت بعد ماجففت

نفسي..فتحت لاب توبي..وفتحت صفحه القران وصرت اقرا...حسيت

اني هديت..وارتحت...بعد ماخلصت جلست استغفر...وادعي ربي

يفرجها لي....

سعود"طلعت مع عمي ورائد..للصلاة..كانت صورتها مو فارقه خيالي

وهي مكسورة...تندمت كثير..بس هي يالي حدتني اسوي كذا...مدري

متى تترك عنادها...ياررررب...سهل امورنا يارب..والهمني الصبر

...توجهنا للبيت ...ونمت ع طول......

رغد"اخذت جوالي..وصرت اقلب بالصور..كنت صور وليد...

جوالي كان مليان صور له..كنت اناظرهم وانا فاقدته..مشتاقه له

بكل ماتعنيه الكلمه....تذكرت صديقتي غاليه...واتصلت وكنت

اتمنى تكون صاحيه...استغربت انه جوالها مفصول مره واحده..

معقوله غيرت رقمها..طيب ليه ماخبرتني...استغربت وقلقلت عليها

فكرت اتصل عليها..بس احراج واخاف ابوها ولا امه يردون...

صحيت الظهر ..غسلت وجهي..وفرشت اسناني..ونزلت تحت

سلمت ع امي يالي كانت بالمطبخ..ومعها جنى..وراجه راسها..

جنى"تركض لعندي":مامااااا وين رحتي

رغد"حضنتها": مارحت مكان

جنى: الا ليه مانمتي معي

رغد"بستها...ياحبي لها ماشاءالله عليها ماينقص عليها":لا نمت

بس يوم جيت انتي نايمه..وصحيت قبلك

جنى"ببرائه":صدق

رغد: ايه

جنى: ماما

رغد:عيون ماما

جنى:وين حويحد

رغد"ضحكت ع نطقها":ههههههههههههههه بالدوام

جنى:قولي له ابي حلاوة

رغد:ههههههههههه تكلمينه

جنى"تهز راسها":ايه

رغد"اتصلت عليه وعطيتها الجوال تهذر ع راسها..رحت لامي اسالها

عن غاليه": يمه اتصل ع غاليه مفصول جوالها وش صار

ام رائد: ايه يمه سالفتها سالفه...

رغد"بخوف": وش فيها

ام رائد: تطلقت

رغد"انصدمت":ايششش!!!ومتى!!!!

رغد"كنت متضايقه حيل ومالي مزاج..اروح مكان ولا اشوف حد بس

ابوي اليوم عزم عماتي وعمامي ع العشاء....كنت اجفف شعري من

بعد ماتروشت..رولته ورفعته بشبكه لحد مااخلص من الميك اب.....

حطيت لي ظل برونزي..وبني..فاتح..وكحلت عيني..وحطيت المسكره

وحطيت لي بودرة الخد ودري ع بني فاتح...والروج..والغلوس....

رحت البس....لبست فستان ...برونزي..ملفوف ع الخصر...وقصير

لتحت الركبه...ولبست البوت كان لونه بني ع لمعه...وكان طويل للساق

كلها ...تعطرت...وكنت مرتاحه انه جنى ماراح تحوسني لاني خلصت منها

بدري.....فتحت شعري..وكان ويفي..عجبني شكله بالحيل...القيت نظره

اخيره ..ونزلت تحت

ام رائد:وش هالزين وش هالحلا

رغد"ابتسمت": يعني من وين اخذته غير منك يالغاليه

ام رائد:ههههههههههه ايو العبي على

رغد:وش العب يازينة البنات انتي

ام رائد: الله يقطع شرك ع لسانك الحلو ..ماالوم سعود يوم اشوفه ميت عليك

روحي له يمه يبغاك

رغد"كشرت من طاريه..وتذكرت يالي صار امس..":متى هالكلام

ام رائد:تو اخوك يسال عنك ...يلا عجلي روحي شوفي وش يبي

رغد"وانا ماابي اشوف وجهه ابد..فكرت كيف اصرف":يمه للحين

ماخلصت قولي له مشغوله

ام رائد"بنظرات عتب": يمه هذا رجلك يعني وش بتنشغلين عنه في وش

اهم منه ..يلا ياقلبي روحي شوفيه

رغد"تنهدت": ان شاءالله

ام رائد: ايه ابي كذا الله يرضى عليك

رغد"توجهت للملحق..وانا ادعي ان رائد فيه..ماابي اكون معه لحالنا

بالغرفه...

سعود"ابدا ماعجبني تصرفي امس...حبيت اشوفها واعتذر منها..مهيب

من عوايدي الاعتذار..بس بالشئ هذا انا غلطان...تذكرته....

وليد"بتعب":سعود والي يرضى عليك اسمعني للاخر

سعود"بعصبيه": وش اسمع الله يهداك انت سامعن وش تقول

وليد"بصعوبه يبلع ريق": ايه يااخوك والحين خلني اكمل من غير ما

تقاطعني

سعود"اكتفيت اني اناظره بس":...........

وليد"وبصعوبه":انا ابي اتطمن ع بنتي وامها...ماابيهم من بعد عيني..

يضيعون..ابيك انت تصونهم..وتربي بنتي وتعاملها ع انها بنتك

سعود"يقاطعه": ان شاءالله محدن بيربيها غيرك انت..وان شاءالله

تبلغ فيها...

وليد"بابتسامه ضعف":اتمنى.... بس لانلعب ع نفسنا انت سمعت الطبيب

وش قال

سعود: طيب واذا قال..مافي حد يعلم بالغيب..وربي قادر ع كل شئ..انت

كل يالي عليك تتوكل ع الله ..وان شاءالله باذن الله بتطيب..وتصح

ولا كانه صار فيك شئ

وليد"يكح...بقوة..وبالحيل لقط انفاسه":..............

سعود"فز لعنده..وسند ظهره ومسك يده..ويحاول يحارب دمعته لاتنزل

حز بخاطره حال اخوه..يالي تغير بالحيل..صار..هيكل عظمي المرض

هد حيله..شعره اختفى عن راسع وحواجبه..وكل منطقه بجسمه...ومايقدر

يتكلم كلمه او كلمتين الا والاكسجين عليه...":ارتاح يااخوك الحين

وليد"ببحه":اذا تبيني ارتاح لاتاطعني

سعود"باسى":اسلم

وليد"يستجمع قوته":رغد وجنى امانه برقبتك...من بعد عيني امانه ياسعود

سعود"تو بيتكلم":..........

وليد"اشر بيده..ووقفه..وهو سكت":انا خايف عليها البنت طيبه واخاف

ماتلاي الي يفهمها..وخاف يجي غريب...ويهين ويرخص ببنتي ياسعود

سعود: ماعاش من يسويها وانا عايش

وليد:وشلون بتعرف اذا هي عند امها وانت بالقصيم ..وبتنشغل بعيالك

سعود:بعد عمرن طويل..لا قدر الله..البنت راح تكون عندي وانا بربيها

ومحدن بيطولها بشئ

وليد:وامها؟؟؟؟

سعود: امها تشوف حياتها..ويوم تبي تشوفها تبشر اجيبها لعندها

وليد"عاقد جبينه":وبتحرمها من بنتها!!!! انت تبي تذبحها!!!

سعود"مستغرب من نبرة اخوه":...............

وليد:امنتك الله ياسعود وباغلى ماعندك..انتبه انتبه تسويها...

سعود: اجل تبيني خلي رجالن غريب يربيها ويتكشف ع محارمنا

وليد: اكيد لا بس..يوم بتاخذ البنت راح تكون امها معها...سعود..بعد عيني

ماراح ارتاح الا وبنتي وامها ع ذمتك....

سعود"مو مستوعب طلب اخوه":منت صاحي يااخوي

وليد:وانت تشوف حالي ومرضي..مسخره لك

سعود"بسرعه": حشى والحشى عن الف يمين مهب انا يالي استهين

بالمرض ياخوك

وليد"مسك يد سعود..وعيونه غرقانه دموع":رغد ابيك تصونها..وماتقصر

عليها بشئ..ابيك تعاملها بما يرضي الله..وتتقبلها كزوجه..وتعاملها كزوجه

وتعيش معها كزوجه"كان يتطع مليون مره وهو ينطق هالكلام"

سعود"مطير عيونه...عمره ماتخيل او فكر انه يتزوجها..وياخذها حليله له.

وهي حرمة الغالي..":تكفى ياوليد ماله لزوم هالكلام

وليد"باصرار":له لزوم..ابي عيني تغمض وانا مرتاح..لاتحرمني الراحه

من بعد هالتعب كله يااخوي طلبتك

سعود"نزل راسه..وشد ع يد وليد":..............

وليد: اعرف رغد بتعاند..وانت عصبي..بس ابيك تعرف..انها مهرة

وربي مهرة..وتبي يالي يفهمها..عشان يعيش بهنا معها..لاتظن لانها

حضريه ..مهيب سنها..ترا وربي تسوى بنات عيلتنا..بالسنع والاصل

سعود":......................

وليد:هذي وصيتي لك يااخوي..رغد تكون حليله لك..باي طريقه..حتى

لو انجبرت...لاني اعرفك يااخوي..وبتقدر تكسبها..اعرفك صبور..

وبتتحملها

رغد"دخلت عليه وهو سرحان..دققت النظر...تجمدت بمكاني وانا مو

مصدقه..كانت دمعه نازله من عينه..وكانت دمعة حرقه...":احم احم

بغيت شئ

سعود"انتبهت لدخولها..وبشكل سريع.مسحت دمعتي": احم..ايه اجلسي

رغد"جلست ":تفضل

سعود"ناظرتها..كنت كل مره انبهر بزينها...بس ماعجبني لبسها...":يعني

ابي افهم انتي تعاندين ولا وش قصتس

رغد"اللهم طولك ياروح":سعود مشغوله وش بغيت

سعود"ماعجبتني نبرتها..بس طنشت": ايه بعد العزومه بنمشي

رغد"ضا صدري":ماشبعت من اهلي

سعود: لزوم نرجع انا بالحيل اخذت الاجازة هذي..وان شاءالله الجيات

اكثر..انتي زهبي الاغراض..ونازليهم

رغد"بقله حيله":ان شاءالله

سعود: ع الساعه 1 بنمشي

رغد"وقفت..وتو بمشي": طيب

سعود"بنبرة هاديه":وملابسك غيريها الله يرضى عليتس

رغد: ليه طيب..وش فيها

سعود:شوفي كيف مفصله جسمتس

رغد: طيب انا عند حريم مب عند رجال يوم تقول كذا

سعود: ولو وحتى لو حريم...يوم خاطرك بالملابس,,البسيها يوم تصيرين

بحالك...

رغد"استغربت من تفكيره..يعني اكشخ واناظر نفسي..استهبل بالله":سعود

انا متعوده ع كذا ..وغير كذا ..الكل كذا"كنت بقول وليد مارفض..بس

تراجعت ماابي اعصبه دامه هادي.."

سعود: هم حرين اما انا زوجتي ماابيها تلبس مثلهم تبين..البسي عندي يالي

تبين بس يوم تطلعين لا

رغد"ارتبكت يوم قال عنده...":.............

سعود: طيب يالله روحي غيري

رغد"استغربت من هدوئه..واسلوبه...ومن غير تفكير..":ليه تزوجتني..؟؟

سعود"تفاجات بسؤالها...كنت بقول لها وصيه وليد...بس تراجعت":ليه

هالسؤال

رغد"تفرك بيدينها":ابي اعرف..مو تول انك تكرهني وماتطيقني ليه..تجبر

نفسك..

سعود"ومن يقول اني مجبور...هذاك اول...":بعدين بتعرفين ..انتي روحي

غيري..ومع الايام بتعرفين..وراك عزومه الحين

رغد"باصرار": مو بل مااعرف

سعود:يهمك؟؟

رغد"بقله حيله..جلست ع الكنبه": انا تعبت ياسعود..تعبت من كل شئ

ابي ارتاح..دامنا محنا مرتاحين..وكل واحد ..يسبب للثاني الهم..ليه ما

نفترق..ونريح راسنها

سعود: الطلاق شيليه من بالك..بس شوفي

رغد"رفعت عيوني له": وش

سعود"يجلس قبالي":وش رايتس...بهدنه

رغد"عقدت حواجبي": كيف يعني

سعود: ابقولك وش سبب زواجي منك..بس بشرط

رغد: يالي هو

سعود: شرطي...انك تعطين زواجنا فرصه..نعيش هالفترة من غير

عناد..ولا رفع صوت..وعدم قله احترام لبعض

رغد"ماعجبني الكلام ووقفت": مستحييل اوافق

سعود"مسك يدي":ليه؟؟!!!

رغد"كنت خايفه اتكلم يتوحد فيني..ويطلع لي اشارات بوجهي":.......

سعود"شفتها نزلت عيونها..فهمت انها خايفه تتكلم..وبتشجيع":تكلمي

ولك مني مااردك ..ولا اعصب

رغد"بتشكيك": ليه وش تغير

سعود: انتي تطمني وتكلمي

رغد"بتوتر..وفت وصرت رايحه جايه..":امم بصراحه..انت تعرف اني

احب..وبحب اخوك الله يرحمه..ومستحيل..يكون غيره ..زوج لي

سعود"بهدوء":بس الحين انا رجلتس

رغد"نزلت نظري..وبصوت بان فيه حزني": بس مو برضاي

سعود"نظرتها هزتني..":...........

رغد: ليه نكذب ع بعض..انت جبرت نفسك على عشان تربي بنتي

وانا جبرت نفسي عشان اكون مع بنتي

سعود"كنت انتظرها تخلص ماابي اقاطعها...":..........

رغد"براحه": انا ماابي اخونه ياسعود...حسيت اني اموت مليون مره..

وانا معك...وكل تفكيري اني ماقدرت اصونه..ولا ابقى وفيه له

سعود"اعجبني..اخلاصها ووافائها...من جد ربيت ياعمي..":.........

رغد:انت منت قادر تفهمني ولا انا قادرة افهمك...وكل واحد فينا

يجرح الثاني..يوم بعد يوم..ماعاد اتحمل خلاص

سعود"بهدوء":خلصتي

رغد"تنهدت": ايه

سعود: واذا قلت لك انه هذي وصيه وليد

رغد"طيرت عيوني..وفز قلبي ع طاريه":مستحييييل!!!

سعود"بجديه": لا مب مستحيل...هذي وصيته

رغد:ايش!!

سعود: وصيته انك تكوني حليلتي زوجتي بمعنى الكلمه..واربي جنى

واعتبرها بنتي

رغد"منصدمه من يالي يقوله..معوله وليد يطلبه كذا..ويوصيه...بعدين

وش مصلحته يكذب..بس مو مصدقه..":متى..وليه؟؟

سعود"يتنهد": قبل اسبوع من وفاته..طلبني.. وتعرفين هذي وصيه

يعني مافيها لف ودوران وانا رجال اخاف ربي....ومااكذب بالوصيه

رغد"كنت واثقه انه مستحيل..يالف ويكذب..ع قسوته..ماانكر انه ملتزم

بصلاته ودينه..وماشي ع الدرب..وماعنده حركات المراهقه..للشباب

سعود"جلس قبالي ومسك يدي..": شوفي ع الاقل نحاول...ويوم نشوف

انه الطريق مسدود..اوعدك..انه كل واحد بيروح بطريقه..وبنتك بتكون

عندك

رغد"بعدم تصديق":اكيد

سعود: اكيد..بس مثل ماقلت لك نعطي انفسنا فرصه..بعيد عن المشاكل

ويكون الاحترام متبادل..ونتعامل كاي زوجين

رغد"ماكنت مرتاحه...بس يوم عرفت انها وصيه وليد..راح احساس الذنب

والخيانه شوي..حسيت كانه حمل وانزاح عن صدري...":.........

سعود: ماابي منك جواب الحين..فكري ع راحتك...بس اعرفي ماراح

يكون فيه طلاق..الا من بعد مانحاول..ونحاول..بصدق..مو لف ودوران

رغد"كنت اناظر عيونه..احاول اشوف اذا هو صادق ولا كاذب":....

سعود: يلا قومي الحين وانبسطي...وباخذ منك الجواب بكرا بعد

ماارجع من الدوام

رغد"وفت ويوم وصلت عند باب الملحق نادني":.......

سعود: رغد

رغد": هلا

سعود:لاتاخذيه ع انه امر..اعتبريه طلب

رغد: ايش

سعود: غيري ملابستس

رغد"ناظرت له بجمود": ان شاءالله

سعود: الله يرضى عليتس

رغد..مشيت ودخلت البيت ..وانا افكر بكلامه...

سعود"تعبت من حاله الحرب ...وماني متعود امد يدي ع حرمه...صحيح

اني مب متقبلها كزوجه لي..واخذتها من غير اقتناع...بس بالعقل ياسعود

وش عيبها...غير انها مو منا...متربيه..بنت اصل وفصل...ابوها الكل

يشهد له..هو واخوها..وكذالك امها.....اما الجمال...جمالن اشغل البال

وحير قلبي الشاعل..."اخذت نفس قوي"...ومشيت اخلص اشغالي

رغد"ودعت امي وابوي..وكنت متضايقه واصيح..للحين ماشبعت ..ولا

جلست معهم زين...جهزت اغراضي..ونزلهم رائد...طلعت من بعد

التوصيات من امي وابوي..ورائد..بعد...طلعت وانا حيلي مهدود ..من

التفكير...وخايفه وش تخبي لي الايام....صدمه..بحق صدمه..يوم عرفت

وصية وليد...للدرجه هذي انا رخيصه عندك ياوليد...تخطب لي وانت حي

وانا ع ذمتك...اآآآهـ ياوليد...

مشاعل"تطق الباب":يلا رغد قومي وجع اشتقت لتس

رغد"وانا للحين ماشبعت نوم..مانمت زين امس..طول الوقت بالسيارة..

افكر...بكلامه..واحسن مافي الموضوع انه كان ملتزم بالصمت..ومافاتحني

بالموضوع..ولا باي موضوع ثاني...سويت حالي نايمه..بس النوم جافاني

قمت بكسل...وفتحت لها الباب..ورجعت نمت..."...........

مشاعل"تنط ع السرير وبازعاج":قومي ماشبعتي نوم..حشى اكلتيه كله

رغد"وانا اسحب البطانيه منها":شعيل ووجع والله مانمت الا الساعه 9

الصباح

مشاعل"تسحبها ثاني":محدن قال لتس وش حادتس ع السهر..ولاتعذرين

بسعود..كان خامدن عند يالي ماتنطرى...

رغد"مارديت عليها":..............

مشاعل"تجي عند راسي وتلعب..بشعري بدفاشه":يلا رغود وقسم اشتقت

لتس حيل...والله هاليومين طفش وملل..لابعد الحدود

رغد"وانا حابه اقهرها":عندك مزنه

مشاعل"تخبطني بالمخده ع راسي":ياثقل دمك قومي بس خلينا نتغدا

ونسولف

رغد"والنوم طار خلاص":ياربي منك ..اللوحده ماتتهنى بنومها ابد

مشاعل"بابتسامه عبيطه": ابدا ابدا ..يلا فزي وتغسلي وانزلي تحت حتى

امي ولهانه عليتس..وع جنى

رغد"استغربت من جنى ماازعجتني..لفيت عليها الا وهي بسابع نومه

اول مره تنام هالنومه من بعد الكسر..كانت تصحى تبكي بين كل ربع ساعه

":اووك انا بقوم..وانتي صحيها بس بلا دفاشه البنت موجوعا خلقه

مشاعل"تطير عيونها":قصدتس انا دفشه

رغد"قمت ودخلت دورة المياه."اكرمكم الله":لا خيالك

ام راشد:وشلون امتس عساها بخير

رغد:ايه بخير خالتي وتسلم عليك

ام راشد:مير الله يسلمك ويسلمها..وش مسويه وش علومها

رغد:الحمدالله ..

جنى:ماما

رغد:هلا ماما

جنى:متى تديب يدي

رغد:ياعمري..بتطيب قريب ان شاءالله

جنى"بتضجر..لانها ماعاد تلعب مثل قبل..ومحبوسه وحركتها مراقبه":ابي

العب

رغد:وش تبين تلعبين

جنى"تاشر ع المراجيح":هدا

رغد:لا مايصلح حبيبتي بعد ماتطيبين تلعبين

ام راشد:يمه سعود يقول لتس ..تجهزي انتي ومشاعل وجنى ..بيمركم

رغد"باستغراب": ليه

ام راشد:والله مدري يايمه..هو قال خليهن يتجهزون

مشاعل"تنط"يابعد حيي ياخيي..حس بمعاناتي

رغد"لفيت عليها":وش معاناته

مشاعل:هذا الله يطول بعمرتس...مؤنتي خلصت

رغد:وش مؤنته

مشاعل: وش فيك هبله..حد مايعرف مؤنه شعوله..

رغد: لا مااعرفها وضحيها لي

مشاعل: هذي عبارة عن مجموعه شيبسات وكاكاوات ...وعصيرات والخ..

رغد:اها

مشاعل:وصلت المعلومه ..زين الحمدالله ..يلا فزي البسي عبايتك

رغد: لا روحي انتي مالي مزاج

مشاعل:اقول بلا سماجه وقومي...انا اليوم مبسوطه ولا تعكرين علي

رغد: كل هذا عشان بتشترين مؤنتك

مشاعل: لا بس هذا احد الاسباب"وتطق ابتسامه كرست"..من يوم

ماسافرتي..والمسعده مهيب هنا عند اهلها..وللحين مارجعت..فاقول

لتس قومي

رغد"ماابي اشوفه..اخاف يطلب من رد..وانا للحين محتارة...":خليها

مره ثانيه

مشاعل:تكفييين طلبتس لاتقولين لا ..وعشان بنتس بعد...شوفيها وشلون

ماله..وتبي تغير جو

رغد"كنت اسمع لجنى من بعد ماحمستها مشاعل":هلا حبيبتي

جنى:نروح نلعب ماما ابي ارروح

رغد"فكرت ...اكيد ماراح يجيب للموضوع طاري دام مشاعل معنا..بتردد

":اوك ..يلا بروح اغير ملابس جنى ..وبنزل عبايتي

مشاعل"تناديني من عند الدرج":رغدد

رغد"لفيت عليها":هلا

مشاعل:لاتلبسين بنطلون او جينز

رغد"عدت حواجبي":ليه

مشاعل:حكم القوى وش نسوي

رغد"فهمت انه سعود مب راضي": اها ..طيب

دخلنا ع السوبر ماركت...وانا ومشاعل مشينا لحالنا...وسعود شايل جنى

ورانا...مشاعل ماخلت نوع من الشيبسات مااخذته..وماتعرف هو زين ولا

وانا اضحك ع شكلها وكيف هي محتارة وش تاخذ ووش تخلي...بعد

ماعبت..العربيه..وتعبت ..الت انها خلصت....

رغد"استغربت وخفت يوم ناداني...":هلا

سعود"يسحبني بعيد شوي": احم ..انتي تستخدمين أي نوع

رغد"تمنيت الارض تنش وتبلعني ولا انحط بالموقف هذا...كان شايل

نوعين ويقول وش تبين بالاجنحه ولا بدون..ياويليييي":لا مايحتاج عندي

سعود"جات بتمشي ناديتها...الموضوع ماله داعي كل هالاحراج كله

وبالحيل..اختارت..واظن بعد مب يالي تستخدمه اشرت وبس عشان تروح

اصريت عليها تاخذ..يالي تبيه او أي شئ بخاطرها..بس ماقبلت..فاخذت

عربيه ع انها للجني..وصرت احط فيها أي شئ تعطي رايها فيها لمشاعل

طبعا يالي يعجبها بس..وكانت اغراض لها ولجنى...

كنت ابي اعرف وش رها ع يالي قلته لها..بس ماكان في مجال..كل شوي

مشاعل ناطه ..ولا جنى..تخرب...

رغد"قهرني يوم يطلعهم الدب...انحرجت بشكل ..مب صاحي والله

وصلنا البيت..وتو بنزل..الا

سعود"مسكت يدها":استني.."ولف ع مشاعل..":انزلي انتي وجنى

وحنا مشوار وراجعين

مشاعل:طيب والاغراض

سعود:وش فيتسم فجوعه بيجونتس لمكانك..مب متاخرين

مشاعل"تاخذ جنى":طيب

رغد"ماودي اروح معه لمكان":طيب انا بنزل وانت روح لمشوارك

سعود:سكري الباب ومحنا مطولين

رغد"سكرت الباب..ومشى..ماكنت عارفه وين بيروح...كنا ساكتين,,

بعد ..ربع ساعه وقف عند مطعم...توقعت انه بيطلب عشا

سعود"نزلت من السيارة":يلا انزلي

رغد"عقدت حواجبي":وين!!

سعود:وين يعني..يلا انزلي

رغد"نزلت ...دخلنا المطعم..وجلسنا بغرفه خاصه...طلب..هو من بعد

ماقلت له ..مب مشتهيه...طلب عصير..وكيك...

سعود"ومن غير مقدمات":اظن يومين كفايه للتفكير..وش توصلتي له

رغد"بلعت ريقي..":...........

سعود:ماالومتس لو ترددتي ..او حاسه بخوف..مافي حد يعرف وش مخبي

لنا بكرا...بس عشان تمشي الحياه لازم نتاقلم معها..ونتعايش معها

رغد"وانا منزله عيوني...":طيب بوافق بس بشرط

سعود"بجمود":يالي هو

رغد"وانا حاسه بخجل..ومب عارفه كيف انطقه":مم يعني..ماتقرب لي

وتكون علاقتنا عاديه

سعود"عاقد حواجبه":وشلون يعني

رغد"بتردد": يعني..تكون علاقتنا هاديه..نتفاهم ع كل شئ ..ومانتسرع

بالحكم قبل لانسمع وجهه نظر الثاني..وو...و

سعود:وو ايش

رغد:بس ...يعني...ماننام مع بعض ع نفس السرير..ولايكون بينا أي

احتكاك...

سعود"بعد تفكير.....":.............

رغد"شفت ملامحه جامده ..وماتبين ووش بيقول...":وش قلت

سعود:طبعا لا..حنا نبي نتاقلم ع بعض...ونبي يكون بينا تالف..وود

وسبحان الله...جعل هالطريقه...تقريب من الزوجين بما تكسبها من

حميميه..وتقرب...فلا بد منها...وغير كذا حنا متزوجين..مهب مخطوبين

وصار بينا يالي انتي رافضته الحين...يعني ماله داعي ولا لزوم...راح

تكون حياة..بتافاهم...وكل واحد يحترم الثاني ويسمع له وش قلتي

رغد"مو عارف ووش افكر فيه...بس مافيا لا الحل هذا لاني انا نفسي

تعبت..من الضرب والهواش...وحتى جنى صارت تتاثر..بكرا تكبر

وتفهم وش يالي يصير..ويسبب لها عقده بحياتها...":موافقه بس بشرط

سعود"بصبر":وش

رغد"تعطيني مهله الاسبوع هذا

سعود"بتفكير": ل كيالي تبينه...

رغد"لازم اسوي يالي ببالي":..اووك طيب من بعد مانخلص ممكن

توديني..المستشفى

سعود"بقلق":ليه فيك شئ

رغد"بارتباك":لا بس بطني شوي يالمني..وابيها توصف لي علاج له

سعود: ماله لزوم عندنا مسكنات بالبيت

رغد"بكذبه": لا انا متعوده ع كذا ومااحب اخذ شئ من غير وصف الطبيبه

سعود:ان شاءالله

رغد"الحمدالله قدرت اقنع هاني ادخل عليها لحالي..بحجه اني استحي..

وماراح اعرف اشرح لها وش ابي...ووش يوجعني..وهو بعدم رضى

وافق..وجلس ينتظرني برا

الدكتورة:ايو في ايه

رغد:ااا..انا ابغى تعطيني..موانع حمل..الصراحه انا جبت بنتي وتوها

صغيره..وابي انتظر شوي ع مااحمل ثاني

الدكتورة:طيب ممكن اسلك شويه اساله عشان اعرف ايه النوع يالي يناسبك

رغد:تفضلي

سالت اكثر من سؤال...وبعد عناء طويل اعطتني وعلمتني كيف الطريقه

وطلبت منها انها ماتول لسعود..وتحججت لها انه قاسي..ويبيني اجيب

ولد ورى ولد..والفت لها قصه طويله عريضه..وهي وافقت

رغد:تسلمين دكتورة

الدكتورة: ربنا يسلمك..ولما تخلص..راجعيني...

رغد: ان شاءالله

رغد"وقفت ودخلتها داخل بشنطتي...وخبيتها تمام...اخذت نفس وطلعت

سعود"شفتها طلعت وقفت ع طول":ها وش صار

رغد:لا الحمدالله الحين احسن

سعود:وين ورقه الدواء اروح اجيبه لتس

رغد"بارتباك"ها..لا مو لازم..اعطتني ابره..وقالت انه خلاص مو

زين ادمن عليه

سعود:اها...اجل ييالله مشينا

رغد"حمدت ربي عدت عليه..وصلت البيت..وصعدت بسرعه فوق..بحجه

اني ابي ادخل..دورة المياه..قفلت ع نفسي..وطلعت الحبوب..من شنطتي

واخذت علبه البروفيل..وفضيتها..وحطيت بداله..الحبوب هذي...

وخليت مكانها..معروف..وبالوجهه..عشان ابعد عنه الشك...

نزلت تحت..بعد ماغيرت ملابسي...استغربت من وجود الكل..حوالين

مشاعل..اكيد في شئ...جيت بصعد ثانيه..بس وقفتني خالتي.....

ام راشد:تعالي يايمه..وين رايحه

رغد:لا خلكم ع راحتكم ..انا بصعد فوق

ام راشد:اقولتس تعالي..منتي غريبه كنا نتكلم عن ملكة مشاعل..ان شاءالله

بعد اسبوع

رغد"رحت لها": صدق...الف مبروك حبيبتي"وحضنتها وهي كانت

متقطعه من الخجل..":

مشاعل:الله يبارك بعمرتس

ابو راشد:اسمع ياسعود

سعود:سم يبا

ابو راشد:عودك يسم..ابيك تتفرغ لاختك ..وتوديها ..عشان تتجهز ..

ولا تقصر عليها بشئ وانا ابوك..ومهرها ماينلمس..تخليه لها بحسابها

بالبنك

سعود:من غير قول يالغالي...وان شاءالله من بكرا..هي ورغد..بوصلهم

للسوق....

ابو راشد:ايه الله يرضى عليك

ام راشد:وين بتكون الملكه يابو راشد

ابو راشد: بتكون ..بمجلس الرجال..ثمن يجي هنا هو وسعود..عشان

يشوفها...وبعدها نتفق ع الزواج

رغد"كنت اناظر مشاعل مرتبكه...بالبدايه ضنيته خجل..بس اعرفها

في شئ ..مضايقها...انتظرت لحد ماخلص عمي الكلام..ومسكت يدها

واستاذنت منهم وصعدت معها ع غرفتي

رغد:مشاعل في شئ مضايقك

مشاعل"تناظر بالعدم":................

رغد"خفت ":مشاعل وش فيك قولي لي

مشاعل"فجاءة دخلت بنوبه بكي":..............

رغد"انهبلت وافكري صارت تودي وتجيب فيني":مشاعل والي يسلمك

تكلمي...لاتقلقيني عليك وش فيك

مشاعل"رمت نفسها بحضني وكملت بكي":...........

رغد"حضنتها وصرت امسح ع راسها واحاول اهديها":...ياقلبي

خلاص اهدي...

مشاعل"تتنهد...وتشاهق":.............

رغد"قمت وجبت لها كاسه مويه..وشربتها بنفسي":سمي بالله

مشاعل"بصوت مبحوح":بسم الله

رغد"انتظرت لحد ماهدت ...وتاكدت انها هدت ..":والحين ممكن

تقولين لي وش فيك

مشاعل"تناظر فيني..وتحاول تتكلم":رغد

رغد:ياحياتي وش فيك انا اختك ..لاتخبين شئ وش مضايقك...

مشاعل"رجعت لنوبه البكي مره ثانيه":...........

رغد"انا انفجعت...فكرت انها مجبورة ع الزواج..وماتبيه خلاص ..وخايفه

من رده فعل سعود..وعمي":مشاعل قولي لي..حد جابرك ع الزواج

مشاعل"مستسلمه..للبكي..":..........

رغد"بقل..صبر":يامشاعل تكلمي ..وربي صارت الافكار تلعب فيني لعب

مشاعل"بصعوبه تتكلم":مااابي اتزوج خلااااص

  رغد"انهبلت وشلون ماتبيه وتو تتكلم وابوها واخوها ..حددو كل شئ":

مشاعل ليه ماتكلمتي دامك ماتبينه ليه ساكته كل هالوقت

مشاعل"تحاول تتمالك نفسها":انا ابيه ...بس خلاص ماابي اتزوج

رغد"عقلي وقف عن التفكير مو فاهمه":وشلون تبينه وماتبين تتزوجينه

شعيل تكلمي مثل الناس ووجع

مشاعل:رغد...انا ابيه..وبصراحه حبيته

رغد:وشلون حبيتيه وانتي ماعمرك جلستي معه..وكل يالي فهمته منك

انك متعلقه فيه من الكلام يالي يوصلك عنه..

مشاعل:والكلام يالي وصلني عنه...خلاني اتخيله..تصرفه اسلوبه..وكل

شئ..احس اني اعرفه اكثر من نفسي

رغد"مدري ليه حسيت بانقباض قلبي":طيب ليه ماتبينه دامك تحبينه

مشاعل"تتنهد":هو بيرجع الاسبوع هذا بس

رغد:طيب واذا

مشاعل"تفرك يديها":وبيرجع ثانيه

رغد"وللحين مو فاهمه":طيب

مشاعل:وانا بروح معه

رغد"حسيت وكانه مويه بارد انكبت على":ايشش!!..من جدك انتي

مشاعل"تحارب الدمعه":ايه..ولاتظنين اني ماابيه ..بس ماابي فراقكم

صحيح حنا عوايدنا انه مانجلس معه ولا نكلمه..بس ع الاقل نكون بين

اهلنا وناسنا..بس انا لا راح اكون بعيده عنكم الاف الاميال...يعني غربه

وانسان جديد بحياتي..هذا كل الي خوفني....وللحين خايفه

رغد"حزنت لاني بفقدها...وبتبعد عني بعد ماتعودت عليها...":طيب حبيبتي

انتي استخيري ..واذا حسيتي براحه ..كملي..واذا لا اجلسي مع سعود و

مااظن بيجبرك

مشاعل: رغد البنت لولد عمها..والموافقه خذوها وعطو كلمتهم ....

ومايتراجعون عنها...لاتخافين رغود..اظن كل الحكايه خوف من فراقاكم

بس

رغد"ابتسمت لها":من الحين تدلعين انتي ووجهك ...هههههههههههه

مشاعل"تبتسم":يحق لي مب عروس

رغد"حضنتها":واحلى عروس..طيب ياقلبي الحين نامي بكرا وراك تفرفر

وراح تطيح رجولنا الله يعينا عليك

مشاعل:طيب ...تصبحين ع خير

رغد:وانتي من اهل الخير....

مر الاسبوع بسرعه..وهلكنا وحنا ندور بالاسواق ...ولحد ماحصلنا فستان

لمشاعل..دخل مزاجها...واخذنا الاشياء المهمه ..ومزون..وغزلان جاو

معنا وساعدونا....وخلصنا ع خير......

رغد:شعيل ووجع اهجدي خليها تعرف تسوي شغلها

مشاعل"تحوس ومطلعه عيون الكوافير":ماتشوفينها وش تسوي مع هالعده

يالي ماسكتها..وربي شكلها داخله ع عمليه جراحيه مهيب بتزين..

رغد"خبطتها ع كتفها":شعيل ووجع تو خالتي متصله تقول عجلوا

مشاعل"كشرت":ايه مهيب انتي يالي تحوس بوجهتس ..لو انتي ماسكتي

لها

رغد:هههههههههههههههههههههه خبله يلا بس خليها تخلص

مشاعل:طيب

خلصت مشاعل..وماشاءالله تبارك الله..كانت جميله ..بفستانها السكري

والمطرز بالذهبي..النافش....وتسريحه شعرها الملكيه...والميك اب الدخاني

رغد"وانا ابخرها بالبخور":ماشاءالله عليك يادبه بينهبل مشعل اكيد

مشاعل"بخوف وحيا":تظنين صدق ..بعجبه

رغد:اكيييد وش فيك ماينعجب..اقول اتركي الوسواس عنك..ويلا نزلنا

مشاعل"تاخذ نفس طويل":يلا

رغد"كنت لابسه ..فستان عودي..حرير...مخصر من عند الصدر ووسيع

..وشعري..سويت فيه التسريحه الغجريه....والميك اب ناعم عكس لون

فستاني الغامق...نزلت بعبايتي..لانه مشاعل تبيني معها وت التلبيس..

ولانه بيكون بالمقلط..بين امه وخواته..وخالتي وبناتها...والحريم بس

بيشوفونها بعد التلبيس................................

مشاعل"مرتبكه وخايفه":رغد بررررد

رغد"ياحياتي ":من التوتر اصبري يدخل تموتين حر

مشاعل"تمسك يدي وتحطها ع صدرها":شوفي قلبي وش صايرن له..احس

شوي وبيطلع من مكانه

رغد:هههههههههههههههه عادي حبيبتي ..بس انتي حاولي تهدى

ام حامد: يلا تغطوا ياحريم بيدخل ....

الكل تغطى ماعادا امه وخواته...شوي وحنا نترقب الباب بان ظله ...ثم

ثوبه...وامه وخواته متجمعين عليه ويبارككون له..صوته كان حاد..وهو

يرد عليهم...شوي وبانت ملامحه...كان عادي جدا..ولا شئ يميز وجهه

استغربت عدم وجود أي شارب او لحيه بوجهه حتى لو خفيفه...تقدم

لعند مشاعل وهي منزله راسها":الف مبروك

مشاعل"بارتباك":الله يبارك بعمرك

مشعل"ماسك يدها":وش علومتس

مشاعل: بخير وانت

مشعل:الحمدالله

لبسها الدبله والشبكه...وقصو الكيك...وشوي وطلع..مدري ...ماارتحت لها

مولانه..شين او سئ الاخلاق...بس مدري ..ماني قادره احدد وش الشئ

يالي مو مريحني....دخلت مشاعل...ع الحريم..وسلمو عليها..ورقصنا

وتعشينا...والحريم يتعشون اخذت صحن..وحطيت مقبلات ..واشياء

خفيفه ..واخذتها لمشاعل لاني اعرفها مهيب ماكله شئ...وغصبتها تاكل

وهي مو مشتهيه.....شوي الا جات ام حامد..تقول لنا نجهز مشاعل...

صعدنا فوق...وغيرت فستانها النافش..ولبست فستان احمر..مظبوط

ع جسمها وكرستالات من فوقه لتحته...لبست عبايتها...ونزلنا اغراضها

وبدت نوبه البكي...وانا احاول اهديها عشان لاتخرب مكياجها..بس لا

حياة لمن تنادي...ماالومها...كلها يومين وماعاد نشوفها الا لمن يخلص

زوجها..او بحالات نادرة...سلمت عليها..وحاولت ماابكي ..وازيدها

رغد:خلاص يادبه بتصرعين الرجال

مشاعل"تمسح دموعها":رغد ولي لسعود..ماابي اروح الحين..لما

يسافر ابروح معه

رغد"مسكت يدها":حبيبتي لا الحين عشان يمديك تتاقلمين معه وقت السفر

مشاعل":.........................

رغد"حضنتها":بلا دلع وان شاءالله بكرا نشوفك..وش بكرا دخلنا ع اليوم

الثاني كلها كم ساعه ونشوفك

صعدت ع الجناح وانا متكسرة..ابي اتروش وانااام..احس صار لي سنه

مانمت..والحمدالله خالتي ماقصرت..مسكت جنى طول الوقت ..واستغربت

انها خلتها عندها تنام...شغلت الانوار..تجمدت بمكاني...وشلون نسيت

ياربي...اليوم ...هو...ناظرته ..وهو جالس ع الكنبه ويقلب بالقنوات ..

تقدمت ع الدولاب ..ومن غير مااناظره..باخذ لي غيار..

سعود"شفتها كيف ارتبكت يوم شافتني شكلها نست اتفاقنا...وقفت ومشيت

لعندها...حسيت بتوترها كل ماقربت كثر...":وش تسوين

رغد"وانا للحين معطته ظهري":بطلع لي جلابيه ..عشان بتروش..واغير

سعود"لفيتها لوجهي..وهي نزلت عيونها..جلست اتاملها...ماشاءالله وسبحان

من صورها...بس ماعجبني يالي مسويته بشعرها..احب الشعر طايح ومن

غير خرابيط..وخاصه عليها..":لاحقه ع التروش تعالي اجلسي معي

رغد"مشيت معه...ومدري كيف اوصف احساسي..ووش احس فيه":طيب

سعود"جلست ع الكنبه..وهي جلست بس بعيد شوي..":قربي

رغد"بلعت ريقي": لا كذا مرتاحه

سعود"قربت انا وشوي واخليها تجلس بحضني..كنت بضحك ع شكلها يوم

قربت كذا..كان ودها تتكلم وتقول بعد..بس مسكت لسانها":ليه مسويتن كذا

بششعرتس

رغد"كنت مرتبكه من قربه...ومو قادرة اتنفس...وش بقى...جلسني بحضنه

اصرف..احس انه..سحب كل الاوكسجين":عجبتني التسريح هوسويتها

سعود"يحرك يده ع التسريحه":مرتن ثانيه لاتسوين كذا بشعرتس..مااحب

كذا

رغد"سكت":................................

سعود"مسكت وجهها بيدي..وحسيتها نفضت شوي..":وش فيتس

رغد: هاهـ ولا شئ

سعود"منزله عيونها...وماخلتني اكحل عيوني فيهم":ناظريني

رغد"كنت افرك يديني":............

سعود"ملاحظ توترها":ناظريني

رغد"رفعت نظري له وتقابلت عيوني وعيونه":..............

سعود"علقتني بنظراتها....وكل شوي تبلع ريقها وتعض ع شفايفها من

الارتباك...والتوتر...قربت لحد ماصارت انفاسها بانفاسي...حاوطتها

بيدني وقربتها مني..دقات قلبها..سريعه...ورجفتها..يالي باين انها مو تمثيل

وكانها عروس بليله دخلتها...حياها..مااقدر اقاومه ابد..بالوقت هذا احس

اني ملكتها..لانه ماتقدر ترد او تعاند..غمضت عيونها...يوم بستها...

رغد"تذكرت ...وشلون اصرفه ...حاولت افك نفسي منه..":سعود شوي

بس

سعود:همم

رغد"بخجل..من الوضع يالي انا فيه":شوي بس ..بروح دورة المياه

سعود"يفك عني":طيب لاتتاخرين

رغد"قمت بسرعه ..ودخلت ...قفت الباب وانا اجمع انفاسي...ع انه مو

اول مره يقرب لي...بس مدري ليه يربكني..ومااقدر استجمع قوتي..

احس اني مثل اللعبه بين يدينه ولمساته..تذكرت وليد..وكيف كان

الوضع عادي بالنسبه..لي..كان فيه خجل..بس مب مثل الحين..والربكه

والخوف....هيبته ...تربكني...اخذت الحبه...وبلعتها من غير مويه..

ماودي اطلع...بس ...

سعود"شفت الباب انفتح..سحبتها ع طول ماعطيتها مجال تتكلم.."....

رغد"صحيت...وللحين ماشبعت نوم..بس طريقه نومتي صحتني غصب

كنت للحين بحضنه...وهو محاوطني بيدينه...وجهي صار علبة الوان

جيت بقوم...بس حسيت فيه شدني...وشوي الا هو قايم..ووجهي بوجهه

انا ع ظهري..وهو مجلس شوي...

سعود"اناظر وجهها..وعلامات الخجل باينه":صباحيه مباركه ياعروس

رغد"كل الدم تجمع بوجهي...ماتوقعتها منه...وكان يبتسم..فهيت":........

سعود"شكلها يضحك...شكلها اول مره تشوفني اضحك":وش فيتس

رغد"حسيتا ني هبله...بس ابتسامته علقتني...": ولا شئ..بس

سعود"حاط يده ع المخده ومتسند عليها...ويده الثانيه عند خصري..":وش

رغد: ابي اقوم

سعود:بدري ع القومه

رغد"وانا ادور عذر":لا عشان يمديك بعد..تتروش وتلح ع صلاة الظهر

سعود"ناظرت الساعه..كانت 10 ونص..باقي كثير ع الصلاة..وعرفت

انها تصرف..تركتها تقوم ماضغطت عليها..عشان مااضايقها....

رغد"سحبت نفس ع السريع من غير مااناظره..حتى ملابس مااخذت

لي...تروشت....واخذت الروب..ع امل انه يكون نام..تسحبت بشويش

وفتحت الدورلاب من غير مااناظره...شوي الا المنشفه يالي ع راسي

انشالت وبقوة...لفيت بسرعه الا هو قبالي...بلعت ريقي":...........

سعود"احب شعرها ..واحبه ع طبيعته...كنت منسدح ع السرير انتظرها

تطلع...وشفتها بالروب...يالي لحد ركبتها...وكيف شكلها صاير..والروب

مطلعها صغيرة بالحيل...رحت ع طول لها...احب اشوفها اشوفها مرتبكه

وخجلانه................

رغد"عرفت من نظرته وش يبي":سعود..مافي وقت بنتاخر

سعود"قربت منها لحد ماصار صدري بصدرها..وتنفسها يطلع وينزل

":نتاخر ع ايش

رغد:ع صباحيه اختك

سعود"ضحكت ع تصريفتها..":لا باقي خير ..تعالي بس...

رغد"فكيت نفسي..ودخلت دورة المياه...وهو ينادي علي ويضحك

سعود:اقول اطلعي ..والله منتي نازلتن لهم لحد ماتطلعين

رغد:عادي مب لازم وانت يالي بتتفشل ..بيجون الرجال وانت مانزلت

هم

سعود:هههههههههههههه عادي اطلعي بس

رغد"جلست ربع ساعه ومافي صوت له...فتحته بشويش..وطلعت راسي

بس...وماحسيت الا بيده تفتح الباب وتسحبني

سعود"حاوطتها من خصرها وقربتها لي.":لاتحاولين ..ويالي براسي بسويه

رغد"كانت يديني ع صدره..وهو محاوطني..وصرت ارمش بعيوني":...

سعود"فهيت ع عيونها..":وتبيني افكك بعد..اقول يلا لاتاخريني بس

رغد"سحبني ..واحساس جديد انولدبداخلي مو عارفه افسره كيف.......

نزلت متاخره..لانه دخل يتروش قبلي..وطول ع ماطلع..وكان متفرغ

لابعد حد..يبي فطور..ويبي ويبي...نزلت الا شعوله معصبه على

ومتنفخه..وعيونها باين انها بكت كثير...مسكين يامشعل شكلها صجت

راسك وازعجتك بالبكي...بس وجهها ..مدري..احس الموضوع اكبر

من كذا...حضنتها":هلا والله بالعروس كيفك

مشاعل"مكشرة ومرتبكه ومعصبه":كان كملتي نومتس وش له تنزلين

رغد"استغربت من نبرتها..وعصبيتها ..بس عذرتها واكيد تمزح

وعروس":ههههههههههههههه والله مب كيفي وربي مهب كيفي

مشاعل"بجديه":طيب تعالي ابيتس

رغد:طيب بعد الغدا ميته جوع

مشاعل"تمسك يدي":لاحقتن عليه امي مير بتشيل لنا يعني ماتعرفينها

رغد"مشيت معها للغرفه":امريني وش فيك

مشاعل"تجلس وتفرك يدينها ومرتبكه":رغد

رغد"خفت ..اكيد في شئ صار":وش فيك

مشاعل"بكت ع طول ومن غير مقدمات..من شفتها وانا قلبي قرصني

وحاسه فيه شئ":رغد...بيطلقني .............

رغد"انصدمت":ليه ..وش فيه تكلمي!!!!

مشاعل"منهارة ...ورمت نفسها ع حضني.....":..............

رغد"كنت حاسه انه بيصير شئ الله يستر بس....":شعوله حبيبتي تكلمي

مشاعل"تحاول تستجمع نفسها": يقول اني ماني بنت"ورجعت بنوبه البكي"

رغد"طيرت عيوني...وصرخت":وشلووون ..وش تقولين انتي"ومسكتها

من كتوفها وهزيتها":تكلمي اتركي البكي عنك فهميني

مشعل"يفتح باب الجناح يالي اجره ":تفضلي ياعروس

مشاعل"بخجل...دخلت وراه":.................

مشعل"دخل بعدها ...وقفل الباب ..وشال البشت والشماغ وجلس ع الكنبه

يتفرج ع مشاعل وهي تفسخ عبايتها..عجبته وماتوقعها كذا...وهو يالي

ملى عينه بالشقر ..والعري...بس ماملى عينه غير بنت ديرته....ع انه

جمالها عادي...بس اهم شئ بالنسبه له تكون من عاداته وتقاليده...صحيح

يدرس برا..بس تفكيره..مازال شرقي ومتعصب...":ودك تتعشين

مشاعل"بخجل وتهز راسها":لا

مشعل"يمسك يدها":قومي افرجك ع باقي الجناح

مشاعل"قامت وراه..وهو يفرجها ويوريها كل شئ...بعدها دخلو ع

غرفه النوم..فرش مشعل السجاده وقال لي ادخل اتوضاء ..وهو دخل

بعدي...وقف قدام وانا وراه وصلينا ركعتيني...بعدها

حط يده اليمنى ع راسي وعا في قلبه الدعاء ا\لاتي:" اللهم اني اسالك خيرها وخير ما جلتها علي واعوذ بك

من شرها وشر ما جلتها علي"

وقلبها صار يدق طبول من سرعته...قفل الباب..ومشى

لعندها...ماعطاها مجال..تعترض او تبعد..صار يبوسها وهي استسلمت

وقبل ال ممممممممم........ " بسم الله اللهم جنبنا الشيطان وجنب الشيطان

مارزقتنا......... فمن دعا بها يرزقه الله طفل لا يضره ابدا

مشعل "بعصبيه وصراخ":تبين تلعبين على هاهـ"ويشد شعرها"مين

مين ياواطيه..من لعب عليتس..وداس ع شرفك..تكلمي

مشاعل"منصدمه..متالمه..خايفه..مو فاهمه شئ":.................

مشعل"بعصبيه":لاتظنين بدموعتس برحمتس ..والله لاوريتس تظنين

اني بسكت لتسع شانك بنت عمي,,ولا الي قاهرني عمي ووعياله يوم

غشوني فيتس...الله يلعنتس..."وصار يضرب فيها.من دون شعور..

مشاعل"ماني مستوعبه شئ ..وكاني بحلم ..وصحيت ع كابوس..وش

يصير ماني فاهمه شئ..كل يالي اشوفه..واحد غريب ومنهال على

بالاهانات والضرب..وانا مو فاهمه شئ ..وانتبهت لكلمه بعتي نفسك

...."بعت نفسي"..........ليه يعني انا"مو بنت": بس كيف ومافي مخلوق

لمسني...يارب رحمتك مو فاهمه شئ..واخاف اتكلم ويزيد ضربه..احس

اني جثه جسد بلا روح..الضرب موح اسه بالمه...كلمته يالي قالها وقفت

كل احساس..فيني.."حقيرة...واطيه...سافله..."اعدمت كل احساسي

مشعل"يحاول ياخذ نفس":والله لاوريتس واعلمتس من انا.......

مشاعل"متكورة ع نفسها وميته بكي":....................

مشعل"يتنفس بقووة ..وانفاسها وحرارتها..شوي وتحرق الجناح":اسمعيني

انا بستر عليتس...مو عشانك ولا عشان عمي الي ارخضني..واهاني

عشان الناس,,وحنا ناس لنا سمعتنا..بين القبايل..مب وحدتن مثلتس

تدنسها..."وتفل عليها"...وطلع من الغرفه

رغد"كنت مصدومه من الي اسمعه...ماني متخيله...معقوله مشاعل

..لا استغفر الله ياربي ..ماتسويها مستحيييل ....":وليه قال الكلام هذا

"وانا احاول ابين لها اني معها مو ضدها":

مشاعل"تبكي":والله مدري..بس اقسم لك بالله انه ماعمره حد لمسني..

غيره امس..وربي يارغد اني ماني فاهمتن شئ..اقسم بجلال الله محدن

لمسني... ولا عمري كانت لي علاقتن مع حد وربي..."وبكت"

رغد"حضنتها..وانا افكر..ليه طيب ..وش مصلحته يتبلى عليها..

عقلي توقف عن التفكير..وماني عارفه اتصرف...فجاءة..تذكرت موضوع

مر على بمنتدى ....وهي قصه وبعدها موضوع...ع طول قمت واتصلت

ع سعود..وطلبت منه يسحب مشعل..ويطلع للسيارة...وبصعوبه اقنعته

وطلبت من سعود ..يقول لمشعل يختار المستشفى يالي يبيه عشان مايقول

حنا مزورين..او شئ من القبيل..وكنت ادعي ربي يطلع الي ببالي صحيح

دخلنا المستشفى وسعود مو فاهم شئ..

سعود" بحيرة":وش صاير

رغد"باحراج": بتعرف بعد ماتخلص كشف

دخلت مشاعل..لغرفه الكشف مع الدكتورة بعد مافهمتها الوضع وطلبت من

مشعل يدخل....نص ساعه..طلعت مشاعل وحضنتني ..تبكي..بس هالمره

بكي..راحه..وسعادة...اثبتت له واكسرت عينه انها اشرف.منها مافيه

وسعود يالي محتار ومو فاهم شئ":الحين بتتكلمون ولا كيف

رغد"ماقدرت اقوله انحرجت":ادخل ع الدكتورة وهي تفهمك

سعود"ناظر مشعل الي منزل راسه ..ودخل ع طول":السلام عليكم

الدكتورة:وعليكم السلام

سعود:ابي اسالك بخصوص البنت يالي من شوي وش فيها

الدكتورة:مين حضرتك

سعود:اخوها

الدكتورة بعتب":ايه داه ايه الهمجي هدي..ازي تسمح له يعامل اختك

بالطريق دي....ياناس اتقوا الله.خافو ربنا..

سعود"مستغرب ومو فاهم شئ": وش صاير طيب

الدكتورة:للاسف الرجال يالي امنت اختك عليه ..ماصانهش..وشك فيها

وبشرفها..والمشكله انه متعلم..وفين برى..يعني المفروض..عندو خبرة

وثقافه اوسع من يالي توقعته منه ومن همجيته

سعود"عصب لانه للحين مافهم":بتتكلمين ولا شلون؟؟؟!!!

الدكتورة: الاخ الي برى ...ضرب اختك واهانها لانو كان مفتكر انها

مش عذراء!!!

سعود"وقف والدم متجمع بعروقه":ايش!!! يعني مشاعل مهيب بنت

الدكتورة"تدراكت الوضع وقبل لايعصب اكثر": لا اتطمن اختك بنت

ومافيهاش حاقه وسليمه

سعود:توك تقولين مهيب عذراء

الدكتورة:انا ماقولتش كده ..بقولك الاخ يالي برى مفتكر كذا

سعود:طيب ليه ظن كذا

الدكتورة:اظن انك انسان متعلم وعارف ايه غشاء البكارة وعارف انواعه

وبعد..الشرح فهم سعود وش تقصد الدكتورة ":

إلى الآباء والأمهات......ربوا أبناءكم تربية صحيحة...من قال أن غشاء البكارة هو دليل العذرية

( ألم يدقق في أخلاقها قبل الزواج؟؟؟؟ ألم يتزوجها لأخلاقها؟؟؟؟؟ أم أنه اختار فتاة من الشارع زوجة له؟؟؟؟؟

).......ومن قال أن النزيف لابد منه

وأحب أن أوضح حقائق هامة جدا لكل شاب مقبل على الزواج:

أولا:

ليس من الضروري...وأكرر ليس من الضروري النزيف

وأحيانا يكون الاضطراب والخوف عدم حدوث نزيف....

ثانيا:

كما في الحالة التي ذكرت في القصة أن هناك عدد من الأغشية التي لا تتمزق .ومنها المطاطي.....

ثالثا:

هناك أسباب عديدة لتوسع أو تمزق الغشاء .وسأذكر بعضا منها:

1- الرياضات العنيفة

2- ركوب الخيل وركوب الدراجة الهوائية أو الثابتة

3- السقوط من مكان مرتفع

4- الجلوس فجأة و بعنف

5- دش الحمام ( إذا كان مندفع بقوة قد يؤدي إلى تمزق الغشاء (

6

وغيرها من الأسباب.......التي تحدث غالبا في فترة الطفولة أو المراهقة, وقد لا تتذكرها الفتاة ...

....لذلك أدعو كل شاب أن يدقق في أخلاق زوجته قبل الزواج ويتأنى في الاختيار........

ولا يتهمها بالخيانة والفسوق لمجرد عدم رؤية دليل عذريتها!!!!!!!!!! الذي لا يعتبر دليل عذرية بالمرة

ـــــ التعليق :

لنتذكـّر قول رسول الله صلى الله عليه وسلم : [ تنكح المرأة لأربع :

لمالها ولجمالها ولحسبها ولدينها ، فاظفر بذات الدين تربت يداك ]

سعود"طلع ووجهه مايتفسر..وبنبرة جامده":يلا مشينا

مشينا ..ومعنا مشعل ...يالي لف عليه سعود"وبنظرة احتقار".":نعم

خير

مشعل"ارتبك من ردة فعل سعود": هاهـ وش فيك مو قلت مشينا

سعود"وهو يحاول يمسك نفسه":ايه قلتها..بس منت معني...وبعد عن

وجهي دام النفس عليك طيبه

مشعل"يبرر": سعود فهمني وحط نفسك بمحلي..وش راح تسوي

سعود"ولا ناظره": يلا مشاعل ..قدامي

مشاعل"متمسكه فيني ..ومشينا":يلا حبيبتي

مشعل"يناديها":مشاعل

مشاعل"رصت ع يدي وسفهته..وكملت مشي":.......................

وصلنا البيت ..وسعود ورانا ع طول...تو بندخل الا نادها ...":مشاعل

مشاعل"وقفت بخوف":سم ياخوي

سعود"يمشي لعندها ..ومن دون مقدمات حضنها":يابعدي حيي انتي ليه

ماجيتني..ليه ماقلت لي وانا اخذ بحقتس..وماخليت كرامتس تنهان..

مشاعل"وكانها حسة بطوق النجاة ارتمى لها وتمسكت فيه بكل قوتها":

كنت خايفه ..مب عارف وش اسوي ووش اقول ..

سعود"يمسح ع شعرها":خايفه من ايش

مشاعل"تحاول تكتم شهقاتها":خفت ماتصدقوني...

سعود"بعدها ...وكان ماسك كتوفها":انتي صاحيه...وربي ماصدقت

عليتس كلمة شينه..حتى لو يثبتونها لي...مشاعل انتي اختي وتربية

يدي...لو بشك فيتس بشك بنفسي

مشاعل"رمت نفسها ثاني بحضنه":الله لايحرمني منك ياخوي ياعزوتي

سعود"يبوس راسها": ولا منك يااغلى ناسي انتي

رغد"مسحت دموعي...الموقف هذا...غير نظرتي لسعود...من الانسان

الجامد...العصبي...المتخلف...للحنون..يالي قلبه كبير...خاصه لاخته

لو حد غيره..كان وقف بصف زوجها...وزاد الطين بله..شفت كيف

كان يحاول يخفي دمعته..ماتوقعته ابدا..ابدا كذا.................

سعود"يسحبها للمجلس...ونادني معها":وش سوا لتس

مشاعل"تشرب المويه يالي صبها لها":كيف يعني

سعود:مد يده عليتس

مشاعل"نزلت نظرها للارض":................

سعود:ردي على

مشاعل":........................

رغد"قهرتني بصمتها...وكيف خجلانه..من الي صار..ومع انه المفروض

ترفع راسها...": ايه مد يده..لا وجزاه ربي خير..ماضربها ع وجهها

بس وسم جسمها ..

سعود"يرص ع اسنانه": انا اوريه الواطي..انا اختي تنضرب..اختي

يالي ماعمر حد مد يده عليها..يجي هو ويسويها ويهينها ويظلمها

رغد"تخيلت سعود باللحظه هذي اخوي رائد..مستحيل بيخليني

اجلس عنده دقيقه وحده لو عرف انه كان يمد يده على...باللحظه هذي

احتقرته...مهوب راضي ع اخته ويرضها ع بنات الناس....

سعود"لمحت نظرتها...حسيتها...مدري كيف افسرها..بس ماارتحت

للنظرة هذي...بس بعدين ابشوف وش قصتها..."طيب الحين روحي

وريحي...وكلي لك شئ...وكل يالي يرضيك بيصير

مشاعل"تقوم":ان شاءالله

سعود"يناديني":رغد لاتخلينها تنام..قبل مااتكلن شئ

رغد"باللحظه هذي كرهته وماني طايقه صوته..وبنبرة جامده واحاول

اخفى استحقاري له":ان شاءالله.....

صعدت انا ومشاعل...وطلعت لها غيار ..وهي دخلت تروش..ويوم طلعت

كنت مجهزة لها خفايف وكمادات لظهرها..بالحيل غصبتها تاكل..وبعدها

انسدحت ...وباين انها تصيح..وتبي تخفي عني ..بس شهقاتها ...فضحتها

دعيت لها من كل قلبي...ان ربي ..يفرج همها ويسهل امورها.......   

مر الاسبوع...ومشاعل.رجعت مع زوجها بعد ماحذره سعود ان مد يده

عليها ثاني مايلوم الا نفسه..وخفى الموضوع ..عن الكل ...ومارضت

مشاعل..ترجع له الا من بعد ماتعذر منها وحب ع راسها...وحلف

انه مايمد يده عليها ثانيه..وانه بيصونها..مشاعل..رجعت له مو حبا فيه

بس خوف من كلام الناس الي مايرحم..وانا حاولت معها واقنعتها انها

تعطيه فرصه ثانيه...بس قبل تطلع عيونه...واذا حست انها مو قادره تكمل

معه ..وعدها سعود انه يوقف معها..وهذا طمني بالحييل.....

سعاد:هدي يامزنه مهيب نافعتس..يوم يصير لتس شئ

مزنه"منقهرة":اكرهها ..حلمي اصحى من نومتي ومالاقيها واعرف انه

طلقها

سعاد:باذن الله بيطلقها يااختي بس انتي اهدى

مزنه:وشلون وشلون ...وهو باين انه ميتن عليها..ومو معبرني

سعاد:ليه هو مايعدل بينكم

مزنه:الا ليله لي وليلتن لها...بس مااحسه موجود معي ..طول الوقت

واغلب الوقت يناديني باسمها...بموت قهر ياسعاد...وش اسوي

سعاد"بخبث ": طيب اسمعيني حاولي قدر ماتقدرين تكرهينه فيها

مزنه"تصرخ":وشلون انا لقيت شئ وماسويته...مافي شئ تسويه غلط

ماخذتن حذرها

سعاد:طيب هو وش يحب اكثر شئ فيها..يعني طبخها تصرفاتها..

مزنه:تبين الحق الكل مهوب هو بس يحب طبخها..مدري من وين جابت

السنع بالطباخ...

سعاد:طيب ياذكيه خربي عليها..خربي اكلها ..هو زي مايقولون قلب

الرجال كرشه..وانتي سدي هالطريق..يعني لازم اعلمتس الله يخلف

عليتس بس

مزنه:احلفي بس..بالله كفشوني..غير انها تطيح براسي

سعاد:ياخبله..لاحد يحس بك وانتي تخربين او يشوفك بالمطبخ بيومها

وبعدين مشاعل طست يعني محدن حولتس ..خذي راحتس

مزنه"وعجبتها الفكرة":تهقين كذا

سعاد:ايه والا عندتس شئ ثاني

مزنه:بس الطباخ مايخليه يطلقها

سعاد:كل شئ يجي بالراحه..وخطوة خطوة لحد مانخليه يكره شئ اسمه

رغد

مزنه:ان شاءالله ياختي ..والله اني بموت ..والمشكله انها مهيب معبرته

وهو ميتن عليها..مهما يحاول ينكر ..او يخبي

سعاد:والله منتس ومن رداك ولا ليه ماتهتمين بنفستس هماله حالك

الرجال..وش يبي غير الحرمه يالي تتزين وكل يوم يشوفها بشكل ثاني

مزنه:والله انتس فاضيه انا حولي حول حمالي ولا هو

سعاد:مااقول الا الله يخلف عليتس..يلا ابسكر قبل لايجي الشايب

ويعطينا الموال المعتاد

مزنه:طيب وسلمي ع امي

سعاد:يوصل..ولا تنسين الي قلت لتس

مزنه:ان شاءالله...وبينا اتصال

سعاد:يالله مع السلامه

مزنه:مع السلامه

كنت جالسه بالصاله..مع خالتي..وجنى ومشعل..يتفرجون ع التلفزيون

وانا اكلم مشاعل...شوي الا نزلت مزنه..انا طنشتها..واحاول قد مااقدر

مااحتك فيها..لانه باين انها ناويه ع حركات الضراير...

مشاعل:لا للحين انا انام بالغرفه وهو بالصاله

رغد:طيب مااحتج ولا سوا سالفه

مشاعل:لا بس بان ع وجهه انه رافض ومعصب..بس مثل ماقلتي يحاول

يكسبني..ومايظغط على

رغد:طيب الاهم من هذا كله انتي وش حاسه فيه..يعني ارتحتي..معه

نسيتي

مشاعل:الي سواه يارغد شئ ماينسى بالسهوله هذي..هو اهني..وجرح

كرامتي وشرفي..

رغد:فاهمه عليك ياحياتي انتي..وماالومك..بس حنا وش اتفقنا عطيه فرصه

هذا انتي تشوفين حالي مع اخوك..وع الي سواه عطيته فرصه

مشاعل:مول انه اخوي بس يارغد..سعود مايعرفك ولا عرف رباك ..

بس مشعل انا بنت عمه..ويعرف كيف حياتي..المفروض مجرد التفكير

كذا مايفكر وشلون يوم يتهمني..ويضربني

رغد"حبيت انهي الاتصال لانه مزنه اذونها عندي..استغربت حركاتها

وكل شوي مناديه مشعل...بس مااهتميت....": المهم ياقلبي..انتبهي

لنفسك..وحاولي..انك ماتشدين اكثر من الازم لانك اول شئ بغربه

وغير كذا ماتعرفين وش عواقبها ومثل مايقولون للصبر حدود

مشاعل: لا لا شكلك بتقفلين

رغد:ههههههههههههههه يالبى الي فاهميني ياناس

مشاعل:لاتقولين الساحره فيه

رغد:هههههههههههههه ايه واذونها صحن ساتلايت موجه

مشاعل:ههههههههههههههه ابدا ماتجوز عن طبايعها هالادميه

انتبهت لدخول سعود..سلم وردينا السلام..وجلس عند خالتي..شفته

عقد حواجبه..وتكلم بنبرة امرحاده

سعود:قفلي الجوال

رغد"استغربت":اووك شعوله اخليك الحين

مشاعل:طيب فمان الله

رغد:فمان الكريم

لفيت عليه..واناظره بستفسار..وشفته معصب..وياشر ع التلفزيون

سعود"ويهز رجوله":ماشاءالله اشوف عاجبتس قلة الحيا..ولا تاركه

بنتس ووالولد يتفرجون..مهوب كافي وحده تبين تخربين العايله..وش

تحسين فيه..وش قلة الادب هذي!!!!!!!!!!!!

رغد"مو مستوعبه وش يقول ووش يخربط...ناظرت وين يده تاشر

انصدمت..كانت محطه اجنبيه..وفيه مشهد مهب زين وخاصه للاطفال

بس انا كنت حاطه ع ام بي سي 3..من غيرها...ناظرت مزنه يالي

تناظر بابتسامه انبساط..بس اكيد هي..بس وشلون ماحسيت عليها يوم

تاخذ الجهاز..ايه صح ولدها ..حسبي الله ونعم الوكيل..":انا ماحطيتها

سعود"ويحاول يمسك نفسه عشان خالتي": اجل من حطها خيالتس..مهب

الجهاز جنبتس...وبنتك جالسه تتفرج..وانتي منتي حاسه ..ولاهيه بالجوال

رغد"عصبت عليه ورديت وانا ماسكه نفسي عشان مااصرخ فيه":مثل

ماقلت ماكنت منتبهها..والمفروض مزنه يوم تشوف هالقناة تغيرها يوم

شافتني ماانتبهت...لانه مو بس بنتي يالي تتفرج حتى ولدك..وهو كبير

وفاهم..يوم جلس يغير بالقنوات

مشعل:يبه كذابه هي يالي حطتها مهوب انا

سعود"بصرخه خلته يجمد":قص بلسانك احترم خالتك يامال الوجع

مشعل"لصق بامه": اسف يبه

سعود"يناظرني بعصبيه":قومي حطي الغدا...الواحد جاي تعبان..ومايلاقي

الا المشاكل...استغفر الله بس

ام راشد"دايم يوم تشوف سعود كذا تلتزم الصمت...كانت تقول لي انه

طبعه مثل طبع عمي قبل":استهدي بالله يايمه..وقوم غير دامها تحط

الغدا

سعود"يقوم":ان شاءالله يمه

رغد"دخلت المطبخ وانا اتحسب ع مزنه..وحركاتها الي مالها داعي..

وجلست اجهز الغدا واتحلطم ع سعود..واقلد طريقته بالكلام

":قليلة الادب..مالت بس...وقت النوم يتمسكن ..واصير وش زيني

ووقت الجد جاهز بس يهزء..اففف بس

حطيت صينيه الغداء..وماجلست معه سد نفسي عسى ربي يسد نفسه

جلست..واخذت جنى بحضنى....ثواني بس الا وصرخ ثانيه

سعود"يطلع الاكل من فمه":وش انتي مسويه

رغد"علامات استفهام":..........

سعود"بعصبيه":تتعمدين يعني ولا مسويه انك ماتفهمين ..."وبصرخه"

انتي مسويه حلا ولا كبسه يامال الوجع..

رغد"وش يقول..ذا انا ذايقه الاكله كانت زينه وماعليها كلام ..شكله يبي

هوشه باي طريقه.."جاوبته..ببرود":تعوذ من ابليس..ولا تجلس تدور

المشاكل...

سعود"تظني اتبلى...وانا ارص ع اسناني": ادور هاهـ اقول تعالي ذوقي

اكلك وبتعرفين..

رغد"قمت ..مع اني مالي نفس..بس عشان اثبت له انه..نصاب..اخذت

ملعقه ومليتها شوي..!!!!!!!!وش هذا..طلعته ع طول...":وش ذا

سعود"بسخريه": لا اتبلى عليتس انا

رغد"كان الاكل حالي..ومليان سكر..بس وشلون انا متاكده ذقته وكان

زين..مو كذا..": بس انا ذقته من قبل..وكان زين ..

سعود: ايه يستهبل مثلتس...

رغد"ماعجبتني نبرته": يعني اكذب

سعود"قام وهو ماله مزاج للاخذ والعطا..":الحركات هذي اتركيها عنتس

وبعديها لانه مالي مزاج وراسي يوجعن..مدري متى تتسنعين وتتركين

عنك حركاتك هذي..."وصعد فوق"

رغد"كنت محتارة ...فكرت انه ممكن مزنه سوت كذا..بس شلون هي

ماقربت من المطبخ ابد...يمكن انا غلطانه..طيب وشلون انا ذقته..ليه

مابان...يارربي الحين بيظن اني تعمدت كذا وبيستقعد لي..اففف

مر علينا شهرين..ومافي اثقل منهم على..فقدت مشاعل حيل..وبان

مكانها..صحيح اكلمها يوميا بس مو مثل..يوم كانت بوجهي..بس يالي

ريحني..انه علاقتها وزوجها زانت...عن قبل..وصارت علاقته شبه

طبيعيه...وفرحنا يوم اتصلت ..تبشرنا انها حامل...

رغد"والفرحه مو سايعتني": الفففف الف مبروك ياقلبي...

مشاعل"بخجل":الله يبارك بعمرتس

رغد:ها وش كانت ردة فعله وفعلك

مشاعل"تضحك":اسكتي..جلست اصيح...من الفرحه..وهو مسكين ظن

اني ماابيه...بس هو فرح كثيررر ..

رغد:الله يدوم عليكم يارب..

مشاعل:تسلمين حبيبتي...

باركت لعمي وخالتي..وهم مبسوطين ع الاخر ..وباركت لسعود بعد

مزنه كانت جالسه..وباين عليها بترمي ..شئ ...

مزنه:اقول رغد

رغد"الله يستر": هلا

مزنه:كم صار لتس متزوجه

رغد"مافهمت وش قصدها": ليه هالسؤال

مزنه"وهي تحرك يدها ع بطنها": ابد بس للحين ماحملتي..."وتناظرسعود"

ولا تاخذين موانع ..ولا لاقدر الله فيك شئ

سعود"يالي كان يسولف مع عمي..ركز نظره على من بعد مابثت مزنه

سمها":......................

رغد"استغفر الله ياربي..وش تبي ذي":كل شئ بارادة ربي

مزنه: والنعم بالله..بس خبري..يوم حملتي بجنى..كنت تو مكمله شهر

بس الحين صار لتس مع سعود..فوق الست شهور..وللحين مابان شئ

اخاف انه فيك شئ روحي كشفي

رغد"كان ودي اذبحها ..ولا الي زاد الطين بلا انه الشيخ سعود يراقبني

": يصير خير ان شاءالله وبعدين ماني مستعجله..جنى للحين صغيره

قمت وماعطيتها مجال تكمل..شلت جنى..وصعدت لجناحي..وانا اتحلطم

ع مزنه..لمتى وانا ع الحال..معها ..انا متاكده انه هي يالي خربت الغدا

هذاك اليوم بس مااقدر اثبت هالكلام..صرت يوم اطبخ اشيل القدر..و

اصعد فيه فوق واقفل عليه بغرفتي...ولا كان للحين تخرب على

غيرت ملابس جنى..وجهزتها للنوم....

سعود"كلام مزنه..نبهني..ليه للحين ماحملت..وابليس ماقصر بوسوسته

معقوله تاخذ موانع..لا ماضنيت انها تتجراء وتسويها...ولا يمكن لازمها

علاج عشان تحمل ثانيه..لازم اوديها بكرا للمستشفى ابي اعرف وش سبب

تاخير حملها....صعدت لها فوق...وانا ابي اجابات لاسئلتي.........

رغد"كنت احاول انوم جنى ...وهي مو راضيه":يلا ترا بزعل عليك

جنى"تحوس بالعابها":ماابي ماابي ..مافيني نوم

رغد:خلاص زعلت عليك

جنى"تو بتجي لعندي..بس رجعت لعنادها": انا ماابيك ذعلت عليك

انتي كسلانه

رغد"طيرت عيوني ..": جنوي اشوف لسانك طال عيب

جنى"بعناد": انتي كسلانه..كلا تبيني انام.."وتمد لسانها"مافيني

مافيني.."وتركض بالغرفه":::::::::::

سعود"ضحكت ع لعب جنى..تعلقت بالبنت هذي بالحييل...خفة دمها

وحركاتها العفويه..تخلى الواحد غصب يحبها...دخلت والا جات تركض

لعندي":هلا هلا

جنى"طيران لحضنه":بابا ...بابا

رغد"حسيت ..باحساس مو عارفه كيف اوصفه..بنتي تقول بابا ولمين

لسعود...كنت بعترض واهاوشها..بس هي بزر مو فاهمه ليش..وبتسال

وبتقول وين ابوها..كنت اراقب جنى وهي بحضنها وتبوس فيه..ماتوقعت

انها بتتعلق فيه وبتحبه..كنت ملاحظه من قبل انها تحب تلعب معه وتجلس

معه ...بس ابدا ماتوقعت انها تفكره ابوها..وهو قهرني مااعترض

لا لا ..مستحيل اقبل..جنى مالها الا ابو واحد وبس..وليد هو ابوها

ولازم ابين لها...":::....................ز

سعود"شايل جنى":والحلوة وش عندها سهرانه ليه مانمتي للحين

جنى"بدلع":مافيني نوم

سعود:طيب واذا انا حطيتك بالسرير..ونمت جنبتس تنامين

جنى"بفرحه":ايه ايه يلا ننام كلنا

سعود"يناظرني": لا مانبيها بس انا وانتي صح

جنى"تشهق": لا ماما نبيها حلوة ماما

سعود:لا مب حلوة ..مانبيها

جنى"شوي وبتصيح": لا ماما حلوة ابيها انا

سعود"يحضنها": خلاص خلاص ماما حلوة ونبيها ..بس الحين ماما

مشغوله..ننام انا وانتي بس

جنى:بس ماما حلوة صح

سعود"يبوسها": أي حلوة يلا نام

جنى"تركض وتصعد ع السرير وتسدح..وتناديه ":يلا تعااااال

سعود"ينسدح جنبها..ربع ساع هالا جنى بسابع نومه..قام..وشالها

وحطها بسريرها....وجا لعندي وجلس..وانا جالسه اصفط الملابس.

بعد ماكويتها....":الا بسالتس

رغد"خفت من سؤاله": وش

سعود"بنظرات ماني فاهمتها":بكرا نبي نروح المستشفى

رغد"باستغراب": ليه

سعود:ولا شئ بس تكشفين وتشوفين وش سبب تاخرك بالحمل

رغد"جلست ادعى ع مزنه": لا ماله داعي وعادي التاخير

سعود: ايه عادي بس احسن عشان نتطمن

رغد"حاولت اغير رايه...بس ماقدرت...اليوم الثاني العصر الا وحنا

بالمستشفى...............

سويت تحاليل وفحوصات...وبعدها دخلنا ثاني ع الدكتورة وهو معي

خفت تقول انه سبب تاخري الموانع..بس الحمدالله ماعرفت ..وانا

قلت لها اني مااخذ يوم سالتني...

الدكتورة: انا ماشوفش سبب و عله للتاخير..بس كل الحكايه عوزلها

شويه وقت وان شاءالله هتحمل

سعود: يعني سليمه

الدكتورة: مي هميه

سعود"شكر الدكتورة وطلعنا وانا احمد ربي واشكره..ماانكشفت وانه

ماعرف اني اخذ الموانع...رجعنا البيت من بعد مارحنا للسوبر ماركت

واخذنا شويه اغراض لي ولجنى..ورجعنا البيت

مزنه "اخذتها فرصه يوم طلعت هي وسعود...وكانت سعاد عندي..

طلعنا ع جناحها ..وبدينا ندور ع أي شئ يفيدنا..

سعاد"تحوس بالتسريحه": فتحي عيونتس ...وانتبهي لاي شئ

أي شئحتى لو كان صغير..امكن يفيدنا

مزنه: طيب طيب رجيتني خلاص

جلسوا يدورن...ويحوسون بالغرفه...وياسو لانهم ماشافو شئ

يفيدهم...دخلت سعاد دورة المياه...ونادتها مزنه...

مزنه: وين رايحه يلا خلينا نطلع

سعاد:اصبري ابي اشوف...

مزنه"دخلت معها..وكانت متسنده ع الباب": وش بتلاقين هنا ..اخلصي

بس

سعاد"مطنشه..افتحت الصيدليه..وصارت تحوس...ومن غير ماتحس

طاحت علبة البروفيل وانفتحت وانكب يالي فيها...

مزنه"بعصبيه وجات تجمعهم": وش سويتي ووجع بتفضحينا انتي

سعاد: الي يوجعك ..هذا جزاي ادور لك شئ عشان تفتكين منها

مزنه: ومالقيتي الا الصيدليه .."وهي تجمع الحبوب"

سعاد"تناظر الحبوب ..وابتسمت بنصر": اصبري اصبري

مزنه: وش فيتس

سعاد"تاخذ الحبوب": تقولين سالتيها اذا تاخذ موانع ولا لا

مزنه"معصبه ع رواق اختها":فاضيه انتي ..يعني ماقلت لك

سعاد: ايه فاضيه ياهبله..الفاضيه لقت لك شئ ..وفيه تقدرين تتخلصين

منها

مزنه"مو مستوعبه": وش تقصدين ..وش لقيتي

سعاد: ناظري يالي بيدك

مزنه"ووللحين مو فاهمه": وش تكلمي من دون الالغاز

سعاد:هههههههههههههه والله قايلتن من زمان انتس مفهيه...ناظري

الحبوب هذول موانع حمل يالي بيدك

مزنه"مستغربه": موانع!!!!وانتي وش عرفتس فيهم؟؟؟؟

سعاد:نسيتي ياهبله يوم اروح للدكتورة ..وكانت الدورة معي مهيب

منتظمه..وعطتني اياهم عشان انظمها

مزنه"بابتسامه نصر": انتي متاكده

سعاد: ايه متاكده ..هم نفسهم يالي عندي..وبعدين ياخبله انتي ماتعرفين

البروفيل..بالله عليتس هذي شكلها

مزنه"تناظر فيهم": أي والله انتس صادقه

سعاد: وهذا هي طاحت ومحدن سمى عليها هههههههههههههههه

مزنه"بخبث": والله وطحتي بيدي يابنت الحضر..وطردتك ع يدي

اجل تستغفلينه...انا اوريتس.......

سعاد"بضحكه":بعدي والله اختي..هههههههههههههههههه

مزنه: افا عليتس...ان ماخليت سعود يرميها من شعرها

سعاد: وش بتسوين يعني

مزنه"ترجع الحبوب مكانهم": انا اعلمتس بس خلينا نطلع

سعاد: بتخلين الحبوب

مزنه: اكيد..ولا ناويه ع نفسي..

سعاد: اجل وشلون سعود بيعرف

مزنه"تمسك يد سعاد وتسحبها": خليها على وانا اختس

سعاد: طيب ههههههههههههههههههههههههه

رغد"دخلت البيت وهو راح عنده شغل...دخلت الصاله وماكان في احد

صعدت فوق..وفسخت العبايه...وجلست ارتب الاغراض الي شريناها

شوي الا الباب يندق......................

رغد:تفضل

مزنه: وين سعود

رغد: راح عنده كم مشوار وبيرجع

مزنه"بخيبه": اها

رغد"استغربت ..بس طنشت مالي خلق لحركاتها...طلعت وانا كملت

شغلي....

ع العشاء وكنا متجمعين...وانا حايسه مع جنى..يالي تلعب بالاكل

ومهيب ماكله ......................ز

ابو راشد: اقول ياسعود

سعود: سم يبا

ابو راشد: عدوك يسم... والله انه بخاطري نطلع للمزرعه

سعود: ولا يصير خاطرك الا طيب بكرا ان شاءالله نتجمع مع الاهل

ونروح

ام راشد: ايه والله من زمان عنها..علمي بها ايام..."لحظه صمت...كانت

بتقول ايام وليد الله يرحمه..بس وقفت بسبب حساسيه الموضوع":ايه خلونا

نروح ونغير جو

سعود: ان شاءالله ...جهزو حالكم وبعد صلاة الظهر نمشي

ابو راشد: ع خير ان شاءالله

صعدنا فوق ..انا وسعود وجنى..الليله ليلتي...بصراحه تاقلمت ع الوضع

من قبل كنت اشمئز واتقرف من وجوده..بس الحين لا مب معناه اني حبيته

لا للحين..حاسه بشويه كره وحقد ناحيته...بس بالاصح رضيت بالواقع

واقتنعت انه زوجي ...وانه له حقوقي على وواجبات...اذا كنت ابي رضا

ربي على...اللحظات الوحيده يالي احسه غير ..غير عن كل تصور ....

تصورته فيه ...يوم اكون بحضنه...يكون انسان حنون ..دافئ...احس

بالامان...وماودي ابعد عن حضنه..احساس عاتبت نفسي عليه يوم احسه

ماابي اتعلق فيه ..لانه حبى واخلاصي لوليد بس..واحسايسي بعد...

كنت سرحانه افكر...وماانتبهت الا بيديه ..تفك شعري..ويد ع خصري

شدني له...وصار ظهري لاصق بصدره...حسيت بانفاسه ..وصدره

وهو ينزل ويطلع....بس كنت محتارة من نفسي ..اني للحين مرتبكه

وخجلانه...منه ومن لمساته....لفني لوجهه...

سعود"يوم اكون معها كل يالي ابيه تكون بحضني وماتفارقه ابدا...

يمكن حبها تملكني... لا مو يمكن الا اكيد...بس مستحيل ابينه لها..هي

من غير شئ شايفه حالها..وماني قادرن عليها...انثتها تجذبني...عطرها

يخليني بحالة سكر...انسى العالم كله وهي بحضني..وتفكيري فيها

وبس..كنت اضحك يوم اقارنها بمزنه...والاقي النتيجه شاسعه بالفرق

ويكون النصر لها...ومزنه ولا شئ سوا انها من ثوبي ومن قبيلتي

وبنت عمي...مزنه مهيب شينه بس فعايلها...12 سنه عشتها معها

وماعمري...حسيت بالاحساس هذا تجاه مره...لاول مره احس اني عايش

مزنه انجبرت فيها..وواقع انفرض بحياتي..يوم تخرجت من ثانوي تزوجتها

لانها محيرة لي...ومارفضت لاني مااقدر اطلع من شور ابوي...تاقلمت

بالحياة معها..وربي رزقنا بمشعل..ومن بعدها ماقدرت تحمل...وانا

مااعترضت..لاني حسيت واحد وحمله ثقيل...وكان مربط ع رقبتي

واثبات انه مافي خلاص منها..ع اني ياما تشكيت منها لابوي وعمي

ع اطباعها وكل يالي انقال لي اصبر...مع الوقت تتسنع...وهي بجهها

والسنع بجهها....نفضت الافكار من راسي وركزت ع الي بين يديني

يالي حسستني اني عايش وحسستني باحاسيس عمري ماتصورتها

موجودة داخلي...ررفعت يدي ع وجهها..وصرت امشيها اتحسس فيه

ملامح وجهها....مررتها ع شعرها...ثم خدها وخشمها...ثم مبسمها

كانت ترجف بين يدي مثل الورقه...وهذا حيرني فيها ..معقوله للحين

ماتعودت على للحين....كانت منزل نظرها وترمش بعيونها..ماقدرت

اقاوم..وبستها بين عيونها..رموشها الطوال والكثيفه...تشكل اكبر لغز

بحياتي...رمشتها..تبين ارتباكها وخجلها...خجلها يالي كل ماله يذوبني

بس كان في شئ..مضايقني...انه دايم احسها بعالم ثاني...مهيب معي

واعرف وش تفكر فيه..ليه اضحك ع نفسي..هو عمره مافارق خيالها

هو حبيبها..يلي ملك قلبها..احيانا احسده..يوم انه ملك كل شئ فيها

بس انفض الافكار من راسي...

رغد"كنت متكهربه من لمساته...وحرارة يديه يالي تنتقل لجسمي

قربني اكثر واكثر لحد ماصارت انفاسي بانفاسه.....انفاسه تحرق

رقبتي...بحرارتها...غمضت عيوني..واستعديت للي جاي..بس

قطع.. علينا صوت جنى وهي تبكي..بالغرفه الثانيه...حسيت من ملامح

سعود..انه عصب..بس طنشت وبعدت عنه..وكنت بصراع..جزء مني

مايبي يبعد..لاني احس بالامان بحضنه..كنت اسب نفسي..لاني من النوع

يالي يحب الحضن.....كل الاحضان تختلف..وخاصه اذا كان حضن رجال

حضن الزوج غير..وخاصه اذا كان له هيبه...ويحسس بالامان والدفا

وجزء مني...يبي يبعد عنه باسرع مافيه..وينفر منه.....مشيت للغرفه

واخذ تجنى لحضني...شكلها حلمانه.....مسحت دموعها ..وجلست قرا

وانفخ عليها...وبصعوبه نامت لانها كانت خايفه....ماقمت يوم نامت

ع امل انه ينام...بس تفاجات يوم شفته واقف..وياشر لي اني احطها

بفراشها والحقه..... حطيتها وغطيتها بالبطانيه...وبستها...خليت الباب

مفتوح عشان اسمعها لو صحت ثانيه......

دخلت عليه...وهو جالس ع السرير...وقف ومشى لعندي....مسكني من

يدي...ومشاني...لحد ماوصلنا...جلس وجلسني جنبه ع السرير....

وتوه...بيوسني..من بعد ماكان حاضن وجهي بيديه... الا صوت الباب

ينطق... هالمره ماكبت عصبيته

سعود"الله يلع,,,, من الغثيث يالي جاي الحين

رغد"ضحكت ع شكله ": مدري

وقفت عشان ابشوف من ع الباب ..بس سحبني من يدي جلسني ثاني

سعود"ياشر باصبعه": اسكتي يوم مايشوفون حد يرد بيروحون

رغد: طيب يمكن حد يبي شئ او صاير شئ

سعود: مافيه الا الخير لاتوسوسين

رجع حضن وجهي...وقرب اكثر مني....باسني...الا رجع الباب ينطق

ثاني... قام بعصبيه وفتحه..........

سعود: نعممم

مزنه"خافت": ...............

سعود"عاقد حواجبه": خير وش فيتس في شئ

مزنه"بتمثيل":هاهـ ايه

سعود: وش الي ايه تبين شئ

مزنه"تحط يدها ع ظهرها": ايه والله انه ظهري ذبحني...من الوجع

سعود: تبين اوديك المستشفى

مزنه: ها لا لا

سعود"تكتف": اجل وش تبيني اسوي

مزنه"بارتباك" ولا شئ

سعود"بدى يعصب جد": اجل وش تبين جايه

مزنه"تبلع ريقها": ايه... جيت اشوف اذا عندكم مسكن للالم ولا شئ

يخفف على

سعود: بس انتي حامل وخطر عليتس مو أي حبوب تصلح

مزنه: والله انه ذابحني ولا كان ماجيت وازعجتك ياابو مشعل شوف

اسال ام جنى هقوتي عندها شئ..اذكر يوم كانت حاملن بجنى كانت

تتكلم عن شئ يريح ظهرها

سعود: مهبوله انتي شوفي من متى ..هالكلام

مزنه: ها ايه ..هي تتستخدمه للحين..يوم هذا

سعود: وش

مزنه: يوم يجيها العذر

سعود: اها"ولف على "رغد

رغد: هلا

سعود: وين الحبوب يالي تقول عنهم

رغد: بالصيدليه لحظه اجيبهم

سعود"مشى للصيدليه..": لا خليتس بس وشلون شكلهم

مزنه"تلحقه..وانا مافهمت ولا ضنيت انه وراها نيه...دخلت معه":.

سعود"يالي انتبه لها": نعم وش فيتس

مزنه: انا اعرف شكلهم

سعود"فتح الصيدليه": وينهم

مزنه"تسوي انها تدور...":هذا

سعود"ياشر": هذا

مزنه: ايه

سعود"اخذ العلبه..وفتحها وطلع حبه..ومدها لها..":سمي

مزنه"تاخذه ..وتسوي حالها منصدمه": وش ذا ياسعود

سعود"مستغرب": وش يالي وش ذا

مزنه: هذي موانع حمل مهيب الحبوب المسكنه

سعود"رفع حاجبه":ايشششششششش!!

مزنه"تراجعت ع ورى من خوفها من سعود": الله يهداك هدي

سعود"وعروقه بارزة برقبته من العصبيه..مسك كتف مزنه":انتي متاكده؟؟

مزنه"بخوف": اييه

سعود"رفع حاجبه": وش عرفتس فيهم ...تاخذين منهم

مزنه: لا لا لا والله العظيم اني مااقربهم بس اختي تعبت من قبل وعطوها

ياه تنظم هرموناتها

سعود"بتشكيك": طيب انقلعي ع غرفتس

مزنه"ماكان ودها تروح تبي تشوف وش بيصير":............

سعود"بصرخه":تسمعييييييييين

مزنه"بسرعه حطت رجلها وطلعت من الغرفه منظر سعود كان يخوف

بالحيل....

سعود"كان شياطين الانس والجن كلها تنطط فوق راسي...مشيت لعندها

وانا ودي اذبحها ....انا انا سعود تستغفلني بزر مثلها ..ولا مسويه ماتدري

وش القصه ومستعبطتني ..وخلتني اوديها الطبيب ..."

رغد"كنت جالسه امشط شعري..سمعت خطواته..وضنيته جاي يكمل يالي

قاطعته مزنه فيه...يوم رفعت نظري خفت من ملاحمه..ورصه ع اسنانه

وش صاير..وش قالت له مزنه...قلبي صار يدق بسرعه..الله يستر"......

سعود" قربت منها اكثر ...وانا اشد ع يدي..ماابي امدها ...رميت الحبوب

ع التسريحه...وشفت نظرة الصدمه ع وجهها وكيف جمدت..":وش هذا

رغد"وشلون...وش عرفه...اكيد مزنه..بس هي وش عرفها اني مخبيتهم

ا واني استخدم...عقلي وقف عن التفكير...نظراته وملامحه خوفتني

جمدتني بمكاني.........":............

سعود"وانا ارص ع اسناني...مسكتها من زندها ووقفتها بقوة قبالي":وش

هذا ياست رغد

رغد"بلعت ريقي...وصرت اقرا المعوذات وادعي ربي..":.........

سعود"وبصرخه":تستغفليني ...انا تستغفليني...وتاخذين الحبوب من وراي

والله العظيم اني ماسكن نفسي عن اذبحك..لولا اني حالف ماامد يدي عليتس

ولا كان ذبحك ماكفاني...."ومسك وجهي بيده بقووة"قولي ليه ليييييييه

رغد"مت خوف وبديت ابكي....":...........

سعود"شديت ع يدينها الثنتين ..وصرت اهز فيها": لاتظنين اني برحمتس

ولاا بعدي الموضوع يوم تنزلين دموع التماسيح هذي....... اخلصي

من متى تستخدمينهم وليييييه

رغد"مدري كيف جتني القوة ع الرد": لاني ماابي عيال منك ماااابي

سعود"كلمتها كانت مثل الخنجر يالي يطعن رجولتي...للدرجه هذي غرفانه

مني وماهي طايقه تشيل جزء مني...وتجيب لي ولد":.هو ع كيفك

ولا ع كيفك يوم تقررين انك ماتبين عيال ...هاهـ...جاوبي

رغد"بصراخ": ايه ع كيفي وش اسوي فيك اذا انت منت فاهم اني

مااطيقك ولا اطيق وجودك ولمسسساتك لي...كل يالي مشيت معك فيه

خوف من ربي...لانه هذي حقوقك ...ولا لو بكيفي ماخليتك تلمس شعره

"ورفعت يديني بوجهه" انا اتقرف منككك ومن لمساتك ...اتقرف منك يوم

تجبرني اشاركك النومه..اكرهك

سعود"كلامها طعنات وحده ورى الثانيه...بس حاولت اني مو مهتم":ومن

قال اني ميتن عليتس...اصحي لنفسك...مو معناه انا عشنا مثل أي زوجين

واني طلبت منك نجرب حبيتك..ولا بموت ع التراب يالي تمشين عليه

رغد"لفيت وجهي عنه..ابي اطلع من الغرفه ماابي اجلس معه بنفس المكان

..تو بوصل لعند الباب الا مسكني من يدي بقوة ..ولفني عليه"........

سعود"طلعتني من طوري يوم سفهتني وعطتني ظهرها..شديتها من يدها

وشديت ع شعرها": مليون مره قلت لتس ماتمشين عني يوم اكلمك سامعه

وانا الظاهر عطيتس وجه اكثر من اللزوم...بس اسمعي ..عيال وبتجيبين

غصب عن خشمك سامعه...واتفاقنا اعتبريه ملقي من اليوم...بتعيشين

مثل الجاريه عندي تلبين طلباتي ...وترضيني...ويوم تعارضيني ماينولك

الا التاديب.........

رغد" بعدت كل الخوف عني وناظرته بعيونه وكلي تحدي": تبطي لا انت

ولا عشرة من امثالك تجبرني ع شئ...ويوم تجبرني واحمل ..اقسم بالله

اني اذبحه ..واذبح نفسي ولا يكون داخلي شئ منك..انا اكررررررررهك

سعود"وبتحدي اكثر...ووجهه ملاص لوجهي": بتحملين يارغد..غصببن

عنك بتحملين...وبنشوف انا او انتي

رغد: ماراح احمل وماراح اسمح لك تقرب مني ...انا قلبي وروحي وكلي

لانسان واحد.."وااشر بيدي عليه من فوق لتحت":ومستحيل اشكالك

يملكوني...سامع...تبطييييييي

سعود"وعيونه تطاير شرار..من العصبيه..حسيت عروقه بتنفجر من

كثر بروزها برقبته وجبينه":.مهوب انا يالي يبطي يابنت الاصول

يالمتربيه...انتي يالي تبطين انه وحده مثلك تاثر على بكلامها او تحرك

شعرتن فيني....

رغد"وبنبرة مقاربه لنبرته": ولا انت تحرك فيني شعره.."وبطريقه

استفزازيه..." شوف ع كثر ماجبرتني وجيتني غصب عني..ولا مره

بالمرات هذي ...حسيت بشئ معك...كنت جامد جسد بلا روح..ولا شئ

سويته حسسني بانوثتي او بغريزة الحب والحميمه يالي كانت بيني وبين

وليد..."ضحكت"ههههههههههههههه انت ولا شئ ولاشئ هههههه

ومشكلتك ماخذن مقلب بحالك ..تدري كل مره تلمسني اتخيلك انه وليد

هو يالي قربي ..عشان اخفف من احساس القرف والغثيان يالي يجيني

من لمساتك واجبارك لي...مع انك ماتوصل لمواصيله.....

سعود"لهنا وبس ..وحلفاني ابكفر عنه...وبكل قوة عطيتها كف يبرد

النار يالي بقلبي من ضربتها يالي صوبتها ..جرحتني بالكلام..وجرحت

رجولتي...وكرامتي...وبينت لي اني والجدار واحد...استفزتني..يوم

رفعت راسها بغرور..وعناد وشموخ..وكانه مااثر الكف فيها..وكانها

تقول لو تضربني لبكرة ماراح اتراجع عن كلامي....شديت شعرها

وهي لازالت بنظراتها...كنت بكمل ضرب فيها...بس ماقدرررت

كنت ناوي اثبت لها اني رجال وغصبن عنها بس كلمتها وقفتني

رغد"بشموخ": والله اذبح نفسي لو تقرب...والي خلقني منت حاط

يدك على من بعد اليوم سااااامع

....."تركتها بقرف...وتوجهت للباب": بكرا ابوريك وش ثمن كلامك

يابنت الاصول........"وطلعت"

رغد" هو طلع من هنا وانا انهرت من هنا ...مو مستوعبه وش قلت

مو مستوعبه وشلون تصرفت ونطقت بالكلام هذا..ابدا مايجوز على

اني اجيب طاري وليد...او اقوله اني افكر فيه...انا للحين مستغربه

انه ماذبحني... وكيف انه اكتفى بالكف بس...يارب سامحني واغفر

لي... ياربي انا وش سويت وش سويت...والله وبتجيبين اجلك يارغد

بترمين نفسك بالهاويه...الله يستر الله يستر من الي جاي.....

بالليله هذي مدري كيف قدرت انام....صحيت الظهر وتروشت وصليت

وجلست اقرا القران...يوم خلصت نزلت تحت بعد ماحطيت لي كريم

اساس ومخفي العيوب عشان اخفى اثار الكف يالي جاني..شفت

خالتي مع عمي سلمت عليهم وسالتهم اذا للحين معزمين ع المزرعه

وقالوا ايه راح نروح...صعدت ثانيه..وجهزت اغراض لجنى بشنطتها

واغراض لي...ماكان لي خلق اقابل حد او اجلس مع حد وخاصه انه

مشاعل مهيب معي...كنت متضايقه بالحييل.. والدنيا ضايقه فيني

ركبت السيارة ..وكانو عمي وخالتي ومزنه وولدها والشغاله معنا

وهذا يالي خفف جو التوتر شوي...... بس حسيت بذنبي وشلون

كبير ووش كبر يالي سويته يوم سمعت شيخ يحدث عن حقوق الزوج

وواجباته وعن حكم يالي قلته لسعود وكانه حاس اني سويت شئ غلط

ولزوم ينبهني

كان في حرمه متصل ع الشيخ وحالتها مقاربه من حالتي... استمعت لها وانا كلي فضول لان

عارفه يالي اسويه غلط:

الشيخ :تفضلي يااختي

الحرمه السؤال :

أعاني من النفور والتقزز والسبب الرئيسي هو خلافي المتواصل مع زوجي حتى أني لا أطيق منه لمسة

وخوفي من الله يجعلني أستجيب له كلما دعاني وأبكي كلما صار بيننا اي اتصال

وجدت حلا في التفكير بشخص آخر غير موجود حقيقة حتى أنسى أني معه ونجحت

، لدرجة أن زوجي لا يشعر بشيء، ما الحكم الشرعي فيما أفعله مع العلم أني أفعله حفاظا على بيتي وعائلتي؟

الشيخ الفتوى كالتالي:

الفتوى

الحمد لله والصلاة والسلام على رسول الله وعلى آله وصحبه أما بعد:

فقد اختلف الفقهاء في الرجل يكون مع زوجته وهو يتخيل امرأة أخرى، وكذا المرأة التي تكون مع

زوجها وهي تتخيل رجلاً آخر:

فذهب الأكثر إلى أن ذلك حرام، وهو مذهب الحنفية والمالكية والحنابلة وبعض الشافعية،

بل عده بعضهم من الزنا، قال ابن الحاج المالكي: ويتعين عليه أن يتحفظ على نفسه بالفعل،

وفي غيره بالقول من هذه الخصلة القبيحة التي عمت بها البلوى في الغالب، وهي أن الرجل إذا رأى امرأة أعجبته،

وأتى أهله جعل بين عينيه تلك المرأة التي رآها، وهذا نوع من الزنا، لما قاله علماؤنا فيمن أخذ كوزاً من الماء

فصور بين عينيه أنه خمر يشربه، أن ذلك الماء يصير عليه حراماً، وهذا مما عمت به البلوى؛ حتى لقد قال لي

من أثق به: إنه استفتى في ذلك من ينسب إلى العلم، فأفتى بأن قال: إنه يؤجر على ذلك، وعلله بأن قال: إذا فعل

ذلك صان دينه، فإنا لله وإنا إليه راجعون على وجود الجهل والجهل بالجهل، وما ذكر لا يختص بالرجل وحده بل

المرأة داخلة فيه بل هو أشد، لأن الغالب عليها في هذا الزمان الخروج أو النظر، فإذا رأت من يعجبها تعلق

بخاطرها،

فعندما تكون مع زوجها، وجعلت تلك الصورة التي رأتها بين عينيها، فيكون كل واحد منهما في معنى الزاني

، نسأل الله العافية... انتهى المراد من كلام ابن الحاج من كتابه المدخل (2/195)

وقال ابن مفلح الحنبلي : (وقد ذكر ابن عقيل وجزم به في الرعاية الكبرى: أنه لو استحضر عند ما يكون مع

زوجته صورة أجنبية محرمة أنه يأثم.. ) انتهى من الآداب (1/98)

وقال ابن عابدين الحنفي -بعد ذكره كلام ابن حجر الهيتمي الشافعي- الآتي:

ولم أر من تعرض للمسالة عندنا (يعني الحنفية) وإنما قال في الدرر: إذا شرب الماء وغيره من المباحات

بلهو وطرب على هيئة الفسقة حرم، والأقرب لقواعد مذهبنا عدم الحلِّ، لأن تصور تلك الأجنبية بين يديه

يطؤها فيه تصوير مباشرة المعصية على هيئتها، فهو نظير مسألة الشرب، ثم رأيت صاحب تبيين المحارم

من علمائنا نقل عبارة ابن الحاج وأقرها. انتهى من حاشية ابن عابدين 6/372

أما الشافعية فالمعتمد عندهم هو جواز ذلك، قال ابن حجر الهيتمي في تحفة المحتاج: 7/205 فرع:

عندما يكون مع حليلته متفكراً في محاسن أجنبية خيل إليه أنه يكون معها فهل يحرم ذلك التفكر والتخيل؟

اختلف في ذلك جمع متأخرون بعد أن قالوا: إن المسألة ليست منقولة، فقال: جمع محققون كابن الفركاح و

ابن البزري و الرداد شارح الرشاد والسيوطي وغيرهم بحل ذلك، واقتضاه كلام التقي السبكي في كلامه

على قاعدة سد الذرائع، واستدل الأول لذلك بحديث " إن الله تجاوز لأمتي ما حدثت بها أنفسها... "

ولك رده بأن الحديث ليس فيه ذلك، بل في خاطر تحرك النفس هل يفعل المعصية كالزنا ومقدماته أو

لا فلا يؤاخذ به إلا إن صمم على فعله، بخلاف الهاجس والواجس وحديث النفس والعزم، وما نحن فيه ليس

بواحد من هذه الخمسة، لأنه لم يخطر له عند ذلك التفكر والتخيل فعل زناً ولا مقدمة له، فضلاً عن العزم عليه

، وإنما الواقع فيه تصور قبيح بصورة حسن، فهو متناس للوصف الذاتي ومتذكر للوصف العارض. فإن قلت:

يلزم من تخيله وقوعه في تلك الأجنبية أنه عازم على الزنا بها، قلت: ممنوع كما هو واضح، وإنما اللازم فرض

ان تكون زوجته هي تلك الحسناء لو ظفر بها حقيقة لم يأثم إلا إن صمم على ذلك، فاتضح أن كلاً من التفكر

والتخيل حال غير تلك الخواطر الخمسة. وأنه لا إثم إلا إن صمم على فعل المعصية بتلك المتخيلة لو ظفر

بها في الخارج.

قال ابن البزري : وينبغي كراهة ذلك، ورُدَّ بأن الكراهة لا بد فيها من حكم خاص ... ونقل ابن الحاج عن بعض

: العلماء أنه يستحب فيؤجر عليه لأنه يصون به دينه، واستقر به بعض المتأخرين منا إذا صح قصده بأن خشي

تعلقها بقلبه واسـتأنس له بما في الحديث الصحيح من أمر " من رأى امرأة فأعجبته فإنه يأتي امرأته فيواقعها " انتهى

. وفيه نظر لأن إدمان ذلك التخيل يبقي له تعلقاً ما بتلك الصورة، فهو باعث على التعلق بها لا أنه قاطع له

... ثم ذكر كلام ابن الحاج السابق وقال: ورده بعض المتأخرين بأنه في غاية البعد، ولا دليل عليه، وإنما بناه

على قاعدة مذهبه في سد الذرائع، وأصحابنا لا يقولون بها... وقد بسطت الكلام على هذه الآراء الأربعة في الفتاوى

، وبينت أن قاعدة مذهبه لا تدل لما قاله في المرأة، وفرقت بينها وبين صورة الماء بفرق واضح لا غبار عليه

، فراجع ذلك كله، فإنه مهم. انتهى المراد من كلام ابن حجر الهيتمي.

على أن بعض الشافعية ذهب إلى التحريم حيث قال: العراقي في طرح التثريب ج (2/19) لو كان مع زوجته

وفي ذهنهان يكون مع من تحرم عليه، وصور في ذهنه أنه يكون مع تلك الصورة المحرمة فإنه يحرم عليه ذلك

، وكل ذلك لتشبهه بصورة الحرام. والله أعلم. انتهى.

وعلى العموم فإن عليك أن تتركي هذه العادة، وأن تستغفري الله مما مضى، واحذري من العودة إلى ذلك

لأنه قد يؤدي إلى ما لا تحمد عقباه، وما بينك وبين زوجك يمكن حله بجلسة مصارحة بينكما أو بتوسيط من

له كلمة عليه، كما يمكنك كسب زوجك ووده ومحبته بحسن العشرة والطاعة، والتزين له، والتبسم في وجهه،

ونحو ذلك.

نسأل الله أن يصلح لك زوجك، وأن يصلح ذات بينكما، وأن يجنبنا وإياك معصيته، وأن يوفقنا وإياك لرضاه.

والله أعلم.

رغد" تجمدت بمكاني... وصرت ارجف من الخوف..معقوله ..يالي كنت

اسويه اسوا بالزنا.. وش سويتي يارغد.. يااااارب اغفري لي يارب...

استغفر الله واتوب اليه يارب غفرانك...كنت طول الوقت اصيح ندم

واستغفر ................................

وصلنا المزرعه ...كان الجو خياااال...مع انه النفس ضايقه ..بس الجو

يجبر انه نتمتع فيه.............سعود مع عمي ع طول توجهوا لقسم الرجال

وانا وخاتي ومزنه للحريم ...اول مادخلت الريم والعنود بوجهي ينططون

الريم بصرخ": ياهلا بالي لافاني ياهلا عدد دقات قلبي ياهلابه

العنود" تصفق ..وتشجع": عاااااشوا

غزلان: الله مير يخلف ع عقولكم ومحدن رايحه فيها الا المساكين الي

بياخذونكن

العنود"تخصر": وش فينا يعني ...هذا بدال ماتقولين يابختهم تقولين

محدن رايحن فيها..مالت بس

الريم: أي والله مالت

العنود"تنط لعندي وتسلم وتاخذ جنى": الحمدالله ..وانتي مزون علومك

مزون: بخير جعل ربي يسلمتس

العنود: اقول رغد جهزي حالتس بتسبيحن معنا مافي مفر

رغد"ماكان لي نفس...بس ابي احاول انسى ..وافصل تفكيري عن الواقع

طول ماانا هنا ع الاقل..وانتظر الاعصار ..من سعود": افا عليك انا اول

وحده بتنط بالمسبح

مزون:هههههههههههههههههههههههههههههه لا توهقين نفستس معهم

ترا هم مهابيل...وقسم تعافين نفستس معهم

رغد:ههههههههههههههههههههه لا لا تخافين على ..اوريك فيهم

الريم: اقول مالت عليكم كلكم ..."وتلف ع عنود" ماتلحظين انهن مستلمينا

بالحيل

العنود" تحط يدها ع كتف الريم": ملاحظه ملاحظه وانا اختس

الريم: اسفهيهم وخلينا نكمل هبلنا بس

العنود"تلف معها": شورتس وهدايه الله

غزلان:ههههههههههههههههههههههههههههههههههههههههههه

مزون:هههههههههههههههههههه ويقولون ليه نقول مساكيم يزيد ونواف

سعاد"بصوت واطي":متاكده انه شافهن

مزنه "بقهر": ايه وكان معصب بعد

سعاد"مستغربه": وليه للحين هي هنا ...ولا ولا بوجهها اثار للحزن

ولا الضرب

مزنه: وهذا يالي قاهرني..اقولتس ..صايرن خاتم بيدها منتي مصدقه

سعاد: والله انك انتي الهبله وماعرفتي تحطين الزيت ع النار..ولا يمديها

عند اهلها الحين

مزنه"تناظرني بحقد": وش اسوي بمووت ياسعاد

سعاد: بسم الله عليتس بعدوينتس وفيها ان شاءالله .."وبعد تفكير"..لا

تخافين لقيت لتس حل يفكنا منها "وصارت تضحك"

مزنه: وش هو ...قولي ريحيني وانا اختس

سعاد: كل شئ بوقته حلو ياخيه ...ووقتها..لا اخليتس تطلعين من هنا..

وانتي مبسوطه ...

مزنه"بفرح بسيط": اكيد

سعاد: افا عليتس..تطمني بس

سعاد" موح بن بااختها كل يالي تسويه ...بس تبي تحرق قلبي ..مثل

حرقت قلبها ع وليد...ويوم المنى عندها اليوم...الي اتطلق من سعود.."

بعد الغدا.... كنت ابي اتمشى شوي... حاسه بكتمه للحين... ":بنات وش

رايكم نتمشى شوي

الريم والعنود: من غير قول حنا بنقوم

رغد: مزون غزلان يالله

مزون"تقوم": يالله ..خلينا نخفف شوي بعد الطفح

رغد: ههههههههههههههههههههه"لفيت ع غزلان":وانتي ماودك تخففين

غزلان"وهي حايسه مع ولدها":روحن انتم وانا بجي وراكم

رغد: طيب

طلعنا.. وكنت منبهرة بجمال المزرعه ...باين انهم مهتمين فيها ...الخضرا

الناصعه يالي فيها....والنظافه...ماشاءالله ...كان هواها يفتح النفس...والهوا

ينعش....تمشيت معهم وانا ساكته ...والريم والعنود يتناقرون كالعاده

مزون: وش سرحانتن فيه اعترفي

الريم"برومنسيه": وش فيه غير فارسها...آآهـ متى الله يرحمنا ..ويجي

اليوم يالي اتمشى معه

العنود: أي والله...متى متى يارررب

مزون"تهدد بالفنجال يالي بيدها": انتم ان ماتسنعتن لهذا بخششكم

الريم"بوجه مكشر": لحوول تكلمت هادمة الاحلام واللذات

العنود:افففف

رغد:ههههههههههههههههههههههه الله يرجكم من جد

مزون: صدق سارحتن فيه"وتغمز"

رغد"صدق انكم ماتدرون وش السالفه..وع نياتكم تظنونا غارقانين بالعسل

": لا والله افكر بمشاعل اشتقت لها الدبه بالحيل

الريم:أي والله لها مكانتها القرده

العنود: وانتن صادقين...الله يوفقها ويسعدها

مزون:امين...بس تدرون خاطري اشوفها بكرشها ..هههههههههه

الريم: هههههههههههههههههوقسسسم تخيلته..كذا صايرة بالونه..وبالحيل

قادرة تمشي

العنود:ههههههههههه أي أي ووجهها متنفخ وحالة امها حاله...ومين

الضحيه ..مشعل هههههههههههههههه

رغد:ههههههههههه اقول انتي وياها ماارضى عليها

الريم: شوفوا النصابه تضحك وماترضى بعد

رغد:هههههههههههههههههههههههههههه

طلبوا الريم ..والعنود.. انه نروح لخيل...بس رفضت لاني مااحب

الحيوانات باانوعها..اخاف منها بشكل مو طبيعي

الريم: يلا رغيد

العنود"بحماس": امانه..تلاقين رجلتس الحين..راكبن ع وحدتن منهم

رغد"بفضول": ليه هو يركب خيل

الريم: رجلتس خيال يالهبله ..ماشاءالله عليه احسن وحد يروض الخيل

رغد"ماالوم الخيل يوم يتروض...عليه يد ولا حديده": اها

العنود"بحماس": شكلها اقتنعت يالله سرينا

رغد"كان ودي اروح..بس يالي صار اليوم..مستحيل..اروح او اني اقابله

": لا مره ثانيه..خلينا نرجع الحين

العنود"بخيبه": لييييه كذا

مزون: لاتصيرون حنانات اتركو البنت بحالها يالله نرجع اكيد غزلان

تدور علينا

الريم: ارجعو انتم انا رايحه اتسبح

العنود"وراها": ايه وانا بعد

رغد:اووك روحوا انتم وانا بروح اجيب اغراضي..واشوف جنى

وجايه

مزون"تروح معي": وانا بعد وبجيب غزلان وبقول لهن للي يبي يسبح

معنا

الريم: اووك" وتمسك العنود": يالله قردتي

العنود"تخبطها": قردة بعينتس يالعنز

الريم"تمثل انها تتالم": عنز بوجهتس حشى مهيب يد ادميه هذي

العنود: امشي امشي لاتجيك ثانيه

الريم: لا واللي يرحم والديتس ورانا مستقبل

الكل قام تقريبا من البنات والحريم ماعدا الكبيرات بالسن ظلوا جالسين

وامتلى المسبح وماشاءالله كان كبير بالحييل...حتى مزنه بكرشها جات

الريم"وهي تسبح بمهارة": ياويلي... والله اني ماامل من السبوح

العنود"ومثل مهاراتها": وانا معتس

رغد:من جد خيال ولا المويه دافيه ماشاءالله

الريم: ايه عماني..مسوين الهوايل بمزرعتهم

رغد: الحين المزرعه لعمي واخوانه

العنود: ايه كلهم تعاونوا وزينوها

رغد: ماشاءالله

مر الوقت وحنا نتسبح..وانواع الهبال والمسابقات..وكل شوي وحده تنط

ع الثانيه وتغطسها..وانواع الصرقعه والهبال حتى مزون وغزلان معنا

مر الوقت بسررعه ..وكنت ناسيه كل شئ ...ومبسووطه بالحيل

مزنه"ع الدرج": ماقلتي لي وش بتسوين

سعاد"تمسح وجهها من المويه": انا اعلمتس بس تعالي"وتاشر" هناك

عشان محد يسمعنا

مزنه" تسبح وراها": وهذا بعدنا وش عندتس تكلمي

سعاد"بخبث": اسمعي..طلاق ماضنيت انه يطلقها وهذا انتي شفتي بعينتس

للحين معه ..حتى يوم استغفلته..بالحبوب

مزنه"بقهر": ايه والله ياخيتي فقدت الامل بفراقها

سعاد"بابتسامه شر": ماتفقدينه وانا اختس يابعدي

مزنه: اجل فرحيني..

سعاد"بصوت واطي تهمس لمزنه":..........................

مزنه"منصدمه": لا لا مااقدر ياسعاد

سعاد: لاتخفين مهب جايها شئ بس تخويف بسيط عشان تلم نفسها

وماتاخذ مقلب بحالها

مزنه" بخوف": لا لا اخاف سعود يدري واخرتها يطلقني انا بدالها

سعاد"بقل صبر": وش بيدريه ..لاتصيرن خوافه ..بتسوينها ولا لا

مزنه"بتفكير": مدري يابنت

سعاد: لاتخافين ...وماعليك فيها ع الاقل..تبينين لها انتس منتي ناسيه

انها خذت رجلتس..وتبين لها قدرها ومن تكون

مزنه"بتردد": طيب

سعاد"بفرحه": هي هذي مزنه يالي اعرفها ..اووك يوم نشوفها لحالها

نبدء

مزنه"تناظر فيني والبنات حولي": ماضنينت شوفيهن ملازمينها كانهم

ضلها

سعاد"بصبر": لاتخافين بيجي وقتها وانا اختس

وانا ماكنت عارفه وش يصير من وراي... ومبسووطه بالجمعه وهبال

الريم والعنود...يالي خفف من شوقي وافتقادي لمشاعل...كان الضحك

مالي المسبح بارجائه...والكل مبسوط

الريم: لا رغيد بلا سخافه بدري ع الطلعه

رغد"وانا احس بتعب لاني مانمت ...والقلق لعب فيني ع اني تناسيت

بس مهما يصير..يحتل تفكيري": خلاص رويم من العصر وحنا فيه

بياذن المغرب

العنود: واذا طيب

رغد: والصلاة

العنود: عادي هناك غرفه ..وفيها سجادات

رغد: احلفي بس..ونخرب السجدات والجلالات بالمويه

الريم: ايه عادي

مزون: لاتخافين عادي هم هذا لزومهم

رغد" مستغربه ": من جدك

غزلان: ايه هههههههههههههههههه لاتستغربين

رغد: اها ... والله انكم مهابيل

الريم" تصرخ": وين رايحه

رغد: بروح اشوف جنى وبرجع

العنود: ياويلك لو ماترجعين

رغد" وانا ابعد عنهم..لانه المسبح كبير مره..حنا بقسم والباقي بقسم

": طيب راجعه لاتهددين انتي ووجهك

الريم: ايه حريم ماتجي الا بالعين الحمرا

رغد: شب بس ههههههههههههههههههه

اخذت الروب... وطلعت ..كان الجو بارد حيييل... مشيت بسرعه لحد

ماوصلت عند باب الجلسه... وناديت امينه تدخل تشوف جنى ..لاني

ماابي ادخل واخربه بالمويه.....شوي الا جتني ..وقالت انها نايمه

تطمنت ورجعت..مدري ليه قرصني قلبي...ضنيت فيه شئ...بس الظاهر

من كثر تفكيري وسوست ...رجعت الا الكل لاهي بالمسابقه...

فسخت الروب وعلقته ...وجيت بنزل الدرج.. الا مزنه وسعاد عنده..

الصراحه.. الثنتين ذول يخوفون وكانهم ريا وسكينه...طنشتهم ونزلت

للمسبح.............

سعاد" تغمز لمزنه": الحين

مزنه" بخوف وتردد": طيب

جات من وراي.. وانا ماحسيت فيها...شوي الا احس اني انشد لتحت...

حاولت اقاوم ..الا بيد ثانيه تثبتني...ومحد حولي من الصراخ والازعاج

احاول اصعد لفوق ابي اشوف وش يصير ابي اتنفس ماني قادرة...

صرت ارفس واحاول اطلع يديني ... احاول اطلع...واليد مثبتتني بقوة

شوي حسيت انه يد فلتتني.....

سعاد" ماسكه نفسها لاتصرخ": وش فيتس تعالي

مزنه"حاطه يدها ع بطنها وتتالم": رفستني جعلها الموت ع بطني

سعاد" خافت ع اختها يوم رفستها ثاني ع بطنها بكل قوتي وانا مو

داريه بالي اسويه..كل همي اطلع واتنفس واخذا نفس..":وووجع

انتي بخير

مزنه" تتالم بقوة...": آآآهــ

سعاد" تفلتني من يدها بقوة ...وهي تتركني رجعت ع ورى وانضرب

راسي بالدرج......":مزنه وش فيتس

مزنه" بدت تبكي..": آآآآآهـــ الحقيني ياسعاد

الكل لف عليها..يوم سمعوا صرخت سعاد": ياويلي مزنه انتي تنزفين

مزنه"صارت تصرخ":الحقيني ...بطنيييي

الكل .. تجمع حولها...وطلعوها بسرعه .. والكل مرتبش معها ...وبصعوبه

قدرو يوصلونها للمجلس.. والكل تجمع حولها واتصلو ع سعود..بس كان

طالع..واتصلوا ع اخوها وجهز السيارة ..وسعود جا طيران بس مالحق

عليها اخوها اخذها للمستشفى........

الريم" بحزن وخوف": الله يستر مسكينه شفتي وشلون تتوجع

العنود" رحمتها ع انها ماتطيقها مزنه ماخلت حد يسلم من لسانها": من جد

الله يستر .. ولا يصير فيها شئ ولا الي ببطنها

مزون"تدور على": وين رغد

غزلان: يمكن عند الحريم

مزون"الي فكرت انه طول الوقت مالمحتني..مشت للمجلس..دورت على

ماشافتني": لا مهيب في

الا بصرخه واحد من العيال.. جاي ركض": الحقو الحقو

الكل لف عليه ":وش فيك

راكان " وهو ياخذ نفس..وياشر": عمتي عمتي رغد..غرقانه

سعود"يالي عند الحريم سمع صراخ راكان...ومن غير مايقول لهم تغطوا

طار ع طول للمسبح...

سعود"ماحسيت بنفسي..كل يالي سمعته غرقانه..وماانتظرت اسمع شئ

ثاني.. ولا قلت لهم يتغطون او يبعدون....ركضت ..حسيت قلبي

بيوقف .. الله يستر..وصلت المسبح...وحسيت اني طولت وانا اركض..

صعدت الدرج...الا انصدم...فيها تطفي ع المويه..ومن غير حركه

صرخت": رغددددددد

رغد"كل الي اذكره اني كنت احاول قد مااقدر ارفع راسي لبرى المويه

ابي اخذ نفس باي طريقه ..المويه دخلت بفمي..واليد للحين شاده على و

مثبتتني....يوم حسيت انها بتتركين ..ماكان في فرصه افرح او افكر

بشئ لان راسي ضرب بالدرج ...ثواني وكل شئ اسود وظلمت

دنيياي .............."

سعود" كنت جاي مسرع بالطريق ...لما اتصل عمي ابو مزنه يقول

زوجتي تنزف ولازم ارجع اوديها الطبيب...ماعرفت وش افكر فيه

انصدمت...حطيت رجلي وسرعت بالسيارة لحد ماوصلت ...دخلت

ع مجلس الحريم...الا قالوا انها راحت مع اخوها ...رفعت جوالي ابكلمه

اساله باي مستشفى ...الا صراخ البنات...جذبني...طلعت من غير لا

شعور فيني يوم سمعت اسمها....تجمدت بمكاني..وانا اسمع راكان

..مرت لحظه..حسيت الزمن وقف فيها..وماعاد فيه الا انا..منصدم

تخيلت اني فقدتها...انعصر قلبي الم...صحاني من سرحاني صراخ

البنات مره ثانيه...مااعرف كيف رجولي قوت ع الركض...طرت

للمسبح من غير مااعطيهم خبر عشان يتغطون...صرت اركض

واركض...واحس المسافه طويله..وكل مالها تطول...لحد ومااخير وصلت

صعدت الدرج..وانا ادعي ربي ..اني ماافقدها...ع اني كرهت كلامها

اليوم...وقررت اني اطلقها لانه العيشه معها ماتطاق من بعد امس

قطع افكاري...منظرها وهي تطفي ع ظهرها ...وللحين راسها ينزف

ع طول رميت حالي وسبحت لحد ماوصلت لعندها طلعتها ...وع طول

صرت اشوف اذا تتنفس او لا...والحمدالله كانت تتنفس..بس مو صاحيه

مغمى عليها...حاولت اصحيها لكن لاحياة لمن تنادي...شلتها بسرعه

الا البنات بوجهي...صرخت": بسررعه هاتو عبايتها

مشيت بسرعه...لحد ماوصلت لبوابه المزرعه...الا وامينه مقبله بعبايه

رغد... غطيتها ع السريع...وحطيتها بالسيارة ورى ..وركبت بسرعه

طرت ع المستشفى..والي كان مخوفني انها ماترد والنزيف مو راضي

يوقف...وصلنا اخيرا ونزلت فيها بسرعه ع الطورائ..........

انتظرت ساعه بالتمام لحد مااخيرا تشرف الدكتور وطلع ..فزيت له

وسالته":طمني وش صار

الدكتور: والله للحين الوضع حرج يااخوي..هي وش تقرب لك

سعود: حرمتي

الدكتور: المدام صابها ارتجاج بالدماغ بسبب ضربه وسببت لها نزيف

حاد ..وغرقها بعد ماساعد ...ويؤسفني اقول لك انها بغيبوبه الحين

سعود"كلامه مثل الطعون بصدري...وشلون خليتها وشلون ماتاكدت

انها تعرف تسبح ولا لا...لو اني ماهاوشتها اليوم...لو اني ماتركتها

تجي المزرعه وهذي كانت نيتي..بس ":طيب متى تصحى ..هي

بخير ولا لا دكتور امنتك الله لاتخبي شئ

الدكتور: مااكذب عليك الاربع وعشرين ساعه يالي راح تمر راح تكون

حرجه ..وخطيره عليها ادعي ربك يعديها ع خير

سعود" تو بسال هالا جوالي يرن...كنت بسفهه بس تذكرت مزنه...وش

صاير اليوم ..وش هالمصايب...استغفرت ربي..وهديت نفسي ورديت":هلا

السلام عليكم ..وش صار

فهد" اخو مزنه": وينك يارجال حرمتك تعبانه وانت غاطس

سعود" بضيق": يارجال وش اسوي حرمه بمستشفى ..والثانيه بعد

فهد: وشلون

سعود: بعدين اقول لك طمني ع مزنه وشلونها وش صار معها

فهد" ومو عارف وشلون يقوله": والله يااخوي البقى براسك بالولد

سعود" عقد حواجبه ": وشلون

فهد: الولد مات ببطن امه بسبب ضربات عنيفه جاتها...

سعود" مو مصدق يالي يصير اليوم":ومن وين الضربات ..وهي وشلونها

فهد: والله مدري ...بس هي الحين نايمه من تاثير البنج ..وهي بخير

سعود" يتنهد": لا حول ولا قوة الا بالله ..انا لله وانا اليه راجعون

فهد: لزوم تجي عشان الاجراءت

سعود: طيب .. جاي الحين

قفلت منه.. ورحت ادور الدكتور..للحين ماني مطمن عليها ابي رد منه

يريح قلبي.. ويطمنه انها بتعيش وبتكون بخير........."

الدكتور: والله يااخ سعود مااقدر اقول لك شئ الحين..حنا سوينا الي علينا

والباقي ع المريضه..وعليكم بالدعاء

سعود" حسيت الدنيا كلها ضايقه فيني...الولد وفقدته...وهي..هي..للحين

في نسبة مرجحه اني افقدها...لما ترددت صدى هالكلمه براسي...وجعني

قلبي... حسيت وكان في حد يعصره... لا لا مستحيييل ..يارب يارب

انك تقومها بالسلامه وتحفظها يارب...": ممكن اشوفها الحين

الدكتور: الحين لا بس تقدر ترجع بعد نص ساعه ..

سعود: وش تفرق الحين عن النص ساعه

الدكتور: لا يااخوك بعد نص ساعه

سعود" بقل حيله ": طيب بعد نص ساعه راجع

طلعت وركبت السيارة...والدنيا مسوده بوجهي...انا وش سويت بدنيتي

عشان يصير فيني كذا..استغفرت ربي ع تفكيري...وتعوذت من ابليس

وتذكرت..انه المصايب ماتجي الا للمسلم وامتحان من الله له...حاولت

ابعد الافكار عن راسي..وكنت استغفر طول الوقت..لحد ماوصلت

مستشفى الولادة..دخلت الا مزنه صاحيه وتنوح ع الي فقدته...

مزنه"وهي تصيح": يمه ولدي ولدي ..راح ..وماشفته ولا حملته

ام مزنه"تهدي بنتها": اذكري الله يابنيتي...والله رحمه..واخذ بامانته

الدكتور يقول لو انه عاش كان صار معاق

مزنه"تناظر سعاد": كله منت سليتني ماسمعت كلامتس..."وصرخت"

آآآآهـ ياضني...مت وماتهنيت بوفتك ياعين امك..

سعود"سمعت خر جمله قالتها..استغربت..طقيت الباب": درب درب

ام مزنه و سعاد تغطو": تفضل ياابو مشعل

سعود" منزل عيونه ": السلام عليكم

الكل: وعليكم السلام

سعود" يروح لمزنه": الحمدالله ع السلامه..واليقى براسك..

مزنه" تنوح": سعود ولدي راح وماشفته..مات ببطني

سعود: اذكري الله يامزنه..وان شاءالله ربي يعوضنا خير

مزنه"تحاول تتماسك": لا اله الا الله

سعود" جلست معها شوي... واهدي فيها...حاولت اعرف وش صار..بس

ماقدرت لاني كل ماسالتها رجعت تبكي...شوي الا الدكتورة داخله

وعطتها ابره مهديه ...وطلعت وطلعت وراها...":

سعود: لو سمحتي

الدكتورة: ايوه

سعود: انا زوجها.. ابي اعرف وش سبب موت الجنين

الدكتورة: واللهي ..انه المدام تعرضت لضربه قويه ...وهذا سبب

موته وسبب بالنزيف

سعود"وشلون..وش الي صاير الحرمتين بوقت واحد..شكيت بالموضع

مااظن انه السالفه حادث وبس..طردت الافكار من راسي..خليهم يطلعون

بالسلامه.. ولكل حادث حديث..": اها طيب متى ترخصونها

الدكتورة: هي هتظل تحت الملاحظه اليوم وبكرا ان شاءالله نكتب لها

خروج

سعود: يعني هي سليمه الحين

الدكتورة: ايوا مافيهاش حقه ..بس عوزة تعويض للدم الي خسرته..وكل

شئ تمام

سعود" بشويه راحه": الحمدالله

دخلت عليهم ثانيه.. وطمنتهم وقلت لهم بكرا بيرخصونها..انتبهت

لربكه سعاد.. بس بالي مشغول برغد.. سلمت عليهم وطلعت

ام مزنه: علامه طايرن كذا ماجلس

سعاد"بشر": طايرن قلبه ع المصيبه يالي دخلت حياتنا

ام مزنه: من هي

سعاد: يوووه يايمه من غيرها رغد

ام مزنه: وش فيها هي بعد

سعاد: مدري بس الي فهمته انها كانت غرقانه بالمسبح

ام مزنه" بشك عارفها بناتها وحسها قلبها انهم ورى الموضوع":بنت

وش مسوين انتم

سعاد" تبلع ريقها": وش مسوين الله يهداتس يايمه ..

وصلت المستشفى.. ودخلت عليها انصدمت من منظرها ..كيف كانت

الاجهزة حوليها... والمغذي..بيدها.. وجهاز التنفس..واصوات الاجهزة

المزعجه...وجعني قلبي ع حالها... قربت منها.. وجلست ع الكرسي

يالي قبالها...مسكت يدها... كانت باردة مثل الثلج..."آآآهـ يارغد

وش صار لتس.. وش وصلتس لهنا...جبينها كان ملفوف..وعينها

مورمه من اثار الضربه...وتذكرت الكف يالي عطيتها..وكيف اثره

زاد من بعد يالي صار لها... تندمت .. تندمت من كل قلبي ع اخر كلام

صار بينا...معقوله .. معقوله افقدها... من بعد ..مانبض قلبي لها.. من بعد

ماقلبي عشقها.. عشق عنادها غرورها شموخها... وحب دلعها ..وذاب

لضحكتها.. وجمالها وزينها..."شديت ع يدها":كنت مقرر اليوم انفصل

عنها واوديها لاهلها من بعد الي صار امس...كنت مقرر اتركها لانه

من بعد كلامها امس.. وحلفانها.. ماله مجال للتعايش.. تكرهني..

وحاقده على.. وماارضها ع نفسي اعيش مع وحده كارهتني..لحد

الموت.. وانا اعشقها للموت...ماراح يقوى قلبي ع جفها وكلامها الجارح

تعودت اني اكون قوي ومايهزني شئ...بس هالطفله .. قدرت تكسر

كل حواجز قوتي.. قدرت تكسر.. الاسوار يالي بنيتها حول قلبي..عشان

ماينبض.. قدرت..وبكل سهوله تحطم كل شئ...قمت .. ودخلت دورة

المياه" اكرمكم الله" توضيت .. وطلعت ..للرسيبشن وسالتهم وين المصلى

صليت .. وجلست ادعي ربي ..بكل خشوع .وتضرع انه يشفيها :

لا إله الا الله الحليم الكريم .. لا اله الا الله العلي العظيم ..

لا إله الا الله رب السماوات السبع و رب العرش العظيم ..

لا إله إلا الله وحده لا شريك له ..

له الملك .. و له الحمد و هو على كل شيء قدير ..

الحمد لله الذي لا إله إلا هو .. و هو للحمد أهل .. و هو على كل شيء قدير ..

و سبحان الله .. و لا إله إلا الله .. و الله أكبر .. و لا حول و لا قوة إلا بالله ..

إلهي ..

أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً ..

إلهي ..

أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..

إلهي ..

إني أسألك من عظيم لطفك وكرمك و سترك الجميل أن تشفيه و تمده بالصحة و العافية ..

إلهي ..

لا ملجأ و لا منجا منك إلا إليك .. إنك على كل شيء قدير .

اللهم اني عبدك ابن عبدك ابن امتك ناصيتي بيدك, ماضي في حكمك, عدل في قضاؤك,

أسالك بكل اسم هو لك سميت به نفسك او أنزلته في كتابك , او علمته احد من خلقك او

استأثرت به في علم الغيب عندك أن تجعل القرآن ربيع قلبي, ونور صدري , وجلأ

رجعت لها وهي ع نفس نومتها ولا في اي تغير" تنهدت .." وجلست جنبها وحطيت يدي ع راسها:

"بسم الله الرحمن الرحيم أعيذك بالله الأحد الصمد الذى لم يلد ولم يولد ولم يكن لة كفوا احد من شر ما تجد"

حطيت يدي ع راسها":بسم الله ثلاث مرات و سبع مرات :أعوذ بالله وقدرتة من شر ما أجد وأحاذر"

بسم الله اللهم داوها بدوائك وأشفنها بشفائك وأغننها بفضلك عمن سواك واحدر عنها أذاك"

بسم الله اللهم أذهب عنى شر ما أجد بدعوة نبيك الطيب المبارك المكين عندك بسم الله"

"الحمد لله الذى عافانى مما ابتلاك بة وفضلنى على كثير ممن خلق تفضيلا عوفى من ذلك

البلاء كائنا ما كان عاش"

(ربى إنى مسنى الضُر و أنت أرحم الراحمين )

اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .

و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .

و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة

المُضطرين .اللهم البسه ثوب الصحة والعافية عاجلا غير اجلا ياأرحم الراحمين..

اللهم اشفه اللهم اشفه اللهم اشفه..اللهم امين.

مر.. اسبوع وهي للحين بالغيبوبه.. وموح اسه بحد حولها ..امي وعماتي

كل يوم عندها.. وانا انام عندها بعد.. وكل يوم اطلب ربي انه يقومها

بالسلامه... ومزنه طلعت .. وهي ببيت اهلها لانها تعتبر نفاس. ومن

ناحيه ارتحت عشان ماتجلس تزن ع راسي وتنشب لي .. وعشان ارتاح

وانا قبالها...جلست.. نفس مكاني.. وجلست اتاملها وشلون ضعفت وبان

التعب بوجهها الاصفر... تذكرت جنى وشلون جننتنا اول الايام وهي

تصيح وتبي امها .. ومحدن قدر يسكتها.. الا انا.. حسيت باانبساط وراحه

اني قدرت اكسب قلبها.. ع الاقل.. بس بعد ايش .. مدري كيف جاتني

قوة الصبر ع صياحها وازعاجها...ومافي حد كاسر ظهري ومحزني

غيرها يوم نامت بحضني.. فقدت ابوها.. والله يستر ماتفقد امها....

الدكتور ارتفع ضغطه مني من كثر ماازعجته عن حالها... وهو يقول

مافي أي تغيير.....

سعاد: عساها ماتقوم

مزنه" بندم ولانه موت الي بطنها ماثر فيها": لاتقولين كذا ..الي صار

لها بسببنا

سعاد" بعدم مبالاة": ماجاها شئ هذي مثل القطوة بسبعه ارواح

مزنه: استغفري ربك يابنت

سعاد: وش فيتس حنيتي .. يعني ماكانه لك يد بالي هي فيه الحين

مزنه" ندمانه": وهذي عقوبتي وشفتي وش صار فيني

سعاد: وانتي عارفه انه كل قصدنا انه نخوفها.. ماكان قصدنا انه نسدحها

وتتنوم كذا

مزنه: الله يستر وتقوم بالسلامه.. هذي روح ياسعاد وحنا تسببنا فيها

سعاد"بلا مباله": ايه ايه

مزنه:سعاد ليه احستس منتي مهتمه من يالي صار

سعاد"مشغوله بجوالها":وشلون يعني ..لاني ماني زعلانه ..ولا جالسه

ابكي يعني مو مهتمه..لا تطمني مهتمه ..وماابي اكسب ذنب موتها

"ليتها ماتت وارتحت منها ..يهب ياذا الوجهه عليتس.."

مشاعل: مشعل تكفى خلينا نروح الحين ..وربي ماني قادرة ارتاح ولا

اتطمن لحد مااشوفها تكفى

مشعل: مااقدر ياقلبي انتي عارفه بالظروف ومستحيل يعطوني اجازة

مشاعل: الا يامشعل الويك اندب يكفي ..احجز من الحين طلبتك

مشعل: لعبه هي نروح يوم ..ونرجع المشوار طويله وكل شوي صاعدين

نازلين من الطيارة

مشاعل"وهي تبكي": طلبتك لاتردني ..وبعدين اذا بتقول حملي مايستحمل

خلني هناك..اجل متى ماصار عندك فرصه ..تعال وخذني

مشعل"رافض فكرة انها تغيب عنه..وتجلس بديرة وهو بديره": لا يابنت

صعبه.. انا مدري متى تحصل لي فرصه وانزل

مشاعل"بترجي ..ومسكت يده": عشاني وبغلاتي عندك يامشعل ابي

اشوفها اخاف افقدها من غير مااشوفها ..طلبتك لاتردني

مشعل"مو مقتنع ..بس دموعها ورجاها له ..مقدر غير انه يوافق":طيب

خلاص مهوب زين الزعل لتس.."قام وجاب لها منديل ومويه..":يلا

سمي بالله واشربي.."ومسح دموعها"

مشاعل"بعد ماهدت ..وشربت المويه": يعني بنرجع السعوديه

مشعل: ايه ببننزل

مشاعل: بكرا

مشعل: ابتصل قبل واشوف اذا فيه حجز ولا لا

مشاعل: امانه بقرب فرصه حتى لو اليوم

مشعل" يبوس راسها": ان شاءالله تامرين امر..بس قومي ريحي شوي

من يوم ماسمعتي بالخبر ..وانتي مهملتن نفستس ويالي ببطنتس

مشاعل: لا تخاف... حتى لو اهملت حالي..ولدك مهب جايه شئ يعبر

حاله .. ويغذي نفسه

مشعل" مسك يدها": وانا مهب خايفن عليه خايفن ع امه ..راس المال

والغلا كله

مشاعل" بخجل": تسلم لي حبيبي ..من عيوني ابقوم اكل واريح الحين

مشعل" يقوم" : اجل انتظريني لاتنامين ابروح اشوف الحجوزات

واجيب شئ ناكله

مشاعل: طيب بس لاتتاخر

مشعل: ان شاءالله ..من عيوني..تامرين ع شئ ثاني

مشاعل: لا سلامتك

مشعل: يالله فمان الكريم ..وقفلي ع نفسك الباب

مشاعل: فحفط الرحمان.. ان شاءالله

يومين بالظبط ..ومشعل ومشاعل ..وصلو السعوديه ..وصلها بيت اهلها

ونزل يسلم ع عمه وعمته..وبعدها طلع ع بيتهم

مشاعل: وشلونها الحين يايمه ..بشري عسى تحسنت

ام راشد" بحزن": والله يابنتي ع حطة يدتس ماتغير حالها للحين

مشاعل: وسعود وش قال ..ماقال وش قال له الدكتور

ام راشد: يقول لو ماصحت هالشهر ..بتكون نومتها ع طول

مشاعل"ودموعها نزلت": لا ان شاءالله بتقوم وبتصحى

ام راشد"وبدت تبكي": ان شاءالله انا مهوب موجعني الا هالبنت فقدت

ابوها والدور جا ع امها

مشاعل: لاتقولين كذا ان شاءالله بتقوم ومهيب فاقدتها

ام راشد" ترفع يديها .وتدعي": اللهم امين ..يارب انك تقومها سلامتن

معافيه ..ياااررب

مشاعل: اللهم امين .. الا وينها جنى

ام راشد: مع اخوتس ..ماتسكت الا عنده ..ياخذها يفر فيها لحد ماتنام

مشاعل: ايه متعودة ماتنام الا بحضن اميمتها

ام راشد: الله يقومها بالسلامه

مشاعل" تقوم": طيب انا بروح اريح شوي ..ويوم يجي سعود صحيني

ام راشد: ان شاءالله

ع الساعه 2 رجع سعود.. وكان شايل جنى ..وهي نايمه ع كتفه ..دخل

الا ومشاعل بوجهه.. استغرب وجودها... وهي فزت له.. بس اشر لها

"بااصبعه": لاتطلعين صوت .. بالحييل نامت ..وهي تبكي تبي امها

مشاعل" كسرت خاطرها جنى.. وكيف دموعها بعيونها للحين: ياعين

ابوي الله يرجعها لها سلامه يارب

سعود"يجلس ويحطها بحضنه.. خايف تجلس": اللهم امين

مشاعل" انتبهت ع شكل سعود .. وكيف كان ضعفان واثار التعب

باينه عليه.. شكله لا نوم ولا اكل": وانت وشخبارك

سعود" بتنهيده": الحمدالله .. وانتي وشلونتس .. ومتى جيتي.. وليه

ماعطيتني خبر.. اجيكم المطار

مشاعل: انا بخير .. يااخوي .. وتو اليوم وصلنا.. وع المطار ..ياخوي

الي فيك مكفيك..

سعود" يهز بجنى .. يوم تحركت":طيب ابقوم اسدحها بالغرفه والحقيني

ع الصاله .. اخاف تصحى ... ووش ينومها ثاني

مشاعل: ان شاءالله روح انت وانا جايه وراك

سعود: طيب

صعد سعود فوق... وانا دخلت المطبخ.. سويت لها بيض..مقلي.. وطلعت

شويه نواشف.. وصخنت الخبز.. عارفه انه مااكل شئ.. سعود يبان

عليه التعب.. اذا مااكل.. ويتعب بسرعه.. ع انه جسمه ..ماشاءالله ..

بس كل شئ يبان فيه بسرعه وع اقل شئ....صعدت بالصينيه ..بعد

مااخذت كاستين عصير...دخلت بشويش الا شفته منسدح ع السرير

وغفى.. قلت بترك الاكل.. وبطلع اخليه يرتاح.. تو بطلع الا نادني

سعود" يصلح جلسته .. وبصوت واطي": تعالي ع وين

مشاعل: خلك مكانك نام لك كم ساعه

سعود" يقوم": لا وين انام ابنتظر اصلي الفجر ثمن اروح لرغد

بالمستشفى

مشاعل: طيب تعال الصاله لا تصحى

سعود: يالله

سعود" جلس": وش هوله هالاكل.. الله يهداتس ..ماني مشتهي

مشاعل: لا بتاكل.. وابيك تاكل معي ترا ع لحم بطني ..من امس

يعني يرضيك ولد اختك يظل جوعان"وهي تحرك يده ع بطنها"

سعود" بضيق": والله مالي نفس يامشاعل

مشاعل: عارفه يااخوي .. بس ماراح تنفع حد اذا طحت علينا تعبان

بعيد الشر عنك

سعود: لا لاتخافين مهب صايرن لي شئ

مشاعل: ان شاءالله.. بس مد يدك وسم ..متاكده انك مااكلت شئ يسوى

من طاحت رغد بالمستشفى

سعود" سرح ع طاري رغد":................

مشاعل: سعود.. سعود

سعود" انتبه لها": هلا .. سمي

مشاعل: سم الله عدوك" وتمد لها خبزة فيها بيض ..وطماط." يالله كل

سعود: والله ماني مشتهي

مشاعل: بس هاللقمه .. عشاني

سعود" ماحبيت اردها .. ولاني عارف انها مهيب ماكله .. لو مااكلت":تسلم

يدينك يالغلا

مشاعل: بالعافيه

ظليت ساكته لحد ماتاكدت انه اكل كفايته.. وبعدها شلت الصينيه ونزلتها

وصعدت له ثانيه ابي اتطمن ع رغد .. ماني قادره اصبر اكثر من كذا

دخلت .. الا هو ع نفس جلسته... وسرحان.. ياعين ابوي انت ... جلست

قباله .. وناديته................

مشاعل: سعود

سعود: سمي

مشاعل: لاتخبي على وش لونها الحين

سعود" بتنهيده": الله كريم .. وانا مؤمن بالله.. وان شاءالله مايصير الا

الي ربي كاتبه.. وباذن الله بتقوم بالسلامه

مشاعل: ان شاءالله

سعود" يقوم" : يالله قومي توضي الحين بياذن.. صلي وريحي

مشاعل: لا يااخوي ابروح معك ابي اشوفها

سعود" ماوده تشوفها وهي بالحاله هذي.. صارت جلد ع عظم ووجهها

يالي كان ممتلي..وبيضاه يالي كان منور به.. اختفى..والتعب.. بان عليها

..": لا قومي ارتاحي.. والحين ماينفع الدكاترة رايحين جاين عليها

ومني ماخذه راحتس.. ان شاءالله الظهر ابجي اوديتس لها.. وانتي

خلك مع جنى.. ع الاقل تعرفين لها يوم تصحي

مشاعل: ان شاءالله

سعود: يالله انا طالع

مشاعل: بحفظ الله .. وكلمني اذا صار أي تغيير بحالتها طلبتك

سعود" يشيل شماغه ويحطه ع كتفه .. ويطلع": ان شاءالله يالله

بحفظ الرحمان...

طلع .. ورحت استعديت للصلاة وتوضيت...شلت جنى لغرفتي..

ماقدرت انام ع سرير رغد.. واستحيت انوم بغرفتهم... صليت..وبعدها

صليت ركعتين لله .. ودعيته انه يقومها بالسلامه.. وترجع لبنتها الي

تقطع قلبها ع شوفتها.................

مر الاسبوع الثالث ومافي أي تغير بحالتها للحين جثه بلا حراك بس

يالي طمني انهم شالو الاجهزة عنها.. صارت تتنفس من حالها من دون

أي مساعده... واللفه يالي ع راسها انشالت والجرح بدى يبرى....

لكن الهزل والضعف .. مستمر والمغذي مازال ع يدها يالي عروقها

برزت وصارت زرقا بسببه...تنهدت ..وجلست جنبها وحطيت يدي ع

راسها وصرت اقر من يالي احفظه من القران... والدعيه وانفخ عليها

اليوم جات مشاعل معي .. وتركتها هي ومشعل ..ورحت اجيب شئ

ناكل .. تفاجات بااتصالها ..خفت انه يكون فيها شئ .. او برغد .. صارت

الافكار توديني وتجيبني...تركت كل يالي بيدي ودخلت بسرعه ع الغرفه

شفت مشاعل ودموعها ع وجهها .. قلبي انقبض.. وجمدت مكاني.. كان

اطلع.. ماابي اسمع الخبر... خلاص ..مااقدر اتحمل .. طول الوقت هذا

وانا ادعي القوة.. وانا حيل مكسور.. واي هزة تقضي علي.. ماابي

اسمع خبر فقدانها ماضنيت قلبي يتحمله.. جيت بطلع ووجهي بان.. الحزن

والضيق فيه الا .. حسيت بحبل الامل ارتمى ثاني .. ورجعني للحياة من

جديد..

مشاعل" بدموع الفرح": ابشرك ياسعود..

سعود" لفيت.. وبلا شعور.. وماقدرت اداري دمعتي..يالي نزلت من ضن

فرقها..": وش

مشاعل: الدكتور يقول انها بدت تسترجع ..قوتها.. وبدت تحس بالي حولها

سعود" مو فاهم كلامها .. بس كل يالي قدرت استوعبه انها ماماتت..للحين

عايشه.. للحين معي مااتركتني..": وشلوون

مشاعل: كنت اسولف عليها واقول لها كيف حنا مشتاقين لها وبنتها مشتاقه

وبين سوالفي وانا ماسكتن يدها الا تضغط ع يدي . ضنيتها حركه عاديه

مثل يالي قبل.. بس كملت ضغط.. هالمره فز قلبي وحسيت انها مو مثل

كل مره قلت لها.. رغد تسمعيني.. اذا تسمعيني اضغطي ع يدي

سعود" باامل كبير": وش صار

مشاعل" تحضنه": ضغطت ع يدي وناديت الدكتور وكشف عليها وقال

انها بدت تستفيق من الغيبوبه .. كلها يومين بالكثير وهي صاحيه

سعود" بعدم تصديق": من جدتس .. ماتكذبين على

مشاعل" هزها حال اخوها .. وشلون فرحته وعدم تصديقه بالي يسمعه":

أي من جدي ياعين ابوي انت روح الطبيب برا تاكد منه

سعود" من غير مايناظرني .. طلع للطبيب وشافه وقال نفس يالي قلت

له .. وع طول شفته دخل ع المصلى....

سعود" بعد الاخبار الطيبه هذي.. والامل يالي ربي رجعه لي.. رحت

صليت.. ركعتين شكر.. وسجدت لربي .. وانا احمده واشكره انه ماخيب

رجاي.. ومارد دعواتي له ..

اتصلت ع عمي وعمتي.. هم عندنا بالقصيم .. من طاحت رغد.. بشرتهم

بالي قاله الطبيب... وجاو ع السريع عشان يشوفونها...

سعود" دخلت ..شفت مشاعل نايمه... مشيت لعنده رغد.. وسكرت الستارة

علينا.. جلست جنبها...ومسكت يدها وصرت اتاملها....بست جبينها

وبصوت واطي": يالله اصحي وبسك كسل... نوري دنيتي بضيا عيونك

وصدى صوتك... ابي اشوف بسمتك.. يالي من اشوفها هزت كياني

واسعدتني... اصحي... ماكفاك هجر لنا... مااشتقتي لنا...

رغد" هالصوت مهوب غريب على .. بس ماني قادرة اتذكر مين ...حسيت

بدفا صوتها وهو يكلمني...حاولت افتح عيوني.. بس ماقويت... احس راسي

ثقيل... وريقي ناااشف بالحييل... "وبصعوبه": ا..بي.. مويه

سعود" فزيت من مكاني... مو مستوعب يالي صار...معقوله الي اسمعه

ولا يتهئ لي من الفرحه... رجعت وقربت ثاني لها ": رغد انتي صحيتي

رغد" حسيت يوم احاول اتكلم حلقي يتجرح من الجفاف...ماقدرت ارجع

اتكلم ثاني... حاولت افتح عيوني...وبصعوبه..قدرت افتحها بشويش..

وجعني النور القوي...ورجعت غمضتها ثاني...بعدها .. حاولت افتحها

ببطئ اكثر.. دمعت عيوني.. من الهوا يالي لفحها..عقدت حواجبي

وفتحتهم.. كانت الرؤيه عندي مشوشه وضباب...فتحت عيوني وسكرتها

كذا مره.. بعد المره السادسه تقريبا صارت توضح عندي...وجعتني

عيوني...ناظرت المكان وماني عارفته... لفيت بنظري.. وخفت..

":.......................................

سعود" كنت اظن انه صوتها يالي طلع بس.. يوم قربت منها شفتها تحاول

تتكلم ثاني.. وتجاهد عشان تنطق.. بس هدت بعدها ملامحها...جلست

بخيبة امل...الا انتبه لحركه عيونها المستمرة..فزيت وكلي امل مره ثانيه

ووقفت عند راسها.. شفت عيونها وهي تحاول تفتحها..بالوقت عرفت

وتاكدت وحمدت ربي وشكرته انها صحت..جيت ابروح انادي الطبيب

بس ..وقفت ابي اشوف عيونها وحشتني .. نظرتها بكل مافيها من عناد

كره شموخ.. عزة نفس..وحنيتها مع الكل ماعداي....واخيرااا فتحت عيونها

كانت تدمع.. وهذا شئ طبيعي من بعد نومتها.. الطويله... وصارت ترمش

فيهم.. لحد ماقدرت تفتحها...نورت دنيتي..بضيا عيونها...":

رغد" انفجعت .. من يالي واقف قدامي... ماعرفته.. وحاولت اصرخ

ماقدرت ... وجعني حلقي.. وماقدرت اقوم.. جسمي مكسر...":......

سعود" استغربت من نظرتها.. والخوف يالي ملاها.. قربت منها حاول

اهديها.. لفت راسها بسرعه .. وصارت تصيح بصمت... مهيب قادرة

تطلع صوت.. حز بخاطري.. للدرجه هذي تكرهيني...حتى يوم صحيتي

وكنت اتمنى اكون اول انسان تشوفينه.. تشوفين شوقي وانتظاري لك ..

مديت يدي ..بمسك يدها احاول اهديها...الا شفتها تزيد بالبكي..كرهتك

ياسعود.. ماهي طايقه قربك ولا لمستك من بعد هالغياب .. وش منتظر

يعني.. وش بيغير الحال...ماتغير شئ..بينا وهي مهيب عارفه..وش صار

بفراقها...بعدت عنها ..وكلي الم بقلبي... من صدها لي.. عرفت انه صحيتها

هي .. موعد الفراق صدق....... رحت لمشاعل..وبصوت هامس":مشااعل

مشاعل:.......................

سعود" هزيت كتفها": مشااعل

مشاعل" انتبهت": سم اخوي بغيت شئ

سعود" ماكان فيني حيل اتكلم.. اشرت لها بيدي":..................

مشاعل" فزت من مكانها يوم شافتها.. طارت لعندها وبدموع فرح وعدم

تصديق... انها صحت":اخيرا اخيرا مابغيتي تصحين ياشيييخه

" حضنتها... بس لفت انتباهي.. رده فعلها نفس ردة الفعل... يالي قابلتني

فيها... حتى مشاعل يارغد منتي طايقتها.. ضحكت بداخلي... من كرهها

لي كرهت اهلي شكلها... طلعت انادي الطبيب .. الا واشوف عمي وعمتي

مقبلين......

ابو رائد: بشرني ياابوك وشلونها الحين

سعود" احاول اخفى الالم يالي بقلبي": ابشرك ياعم.. رغد صحت

وانا رايح انادي الطبيب .. يجي يشوفها ويطمنا عليها

ام رئد" ماانتظرتني اكمل جملتي الا طيران ع غرفت بنتها.... ابو رائد

انتظر برا الغرفه... لحد مارحت وجيت بالطبيب لانه مشاعل فيه... دخلت

من بعد ماطلبت منهم يتغطون...دخلنا ..الا انصدمت ..بردة فعلها ...انهبلت

حتى امها خايفه منها .. ومهيب راضيه لها تقرب منها...لفيت ع الطبيب

سعود"وانا عاقد حواجبي ومستغرب من ردة فعلها": دكتور وش السالفه

الدكتور" نادى النرس... ": والله ماني عارف..."قرب منها .. ونفس

نظرة الخوف... والدموع... يعني مب بس انا وش السالفه"

سعود" حاولت امسك اعصابي ومااصرخ...": وش فيها يادكتور ..ليه

تسوي كذا

رغد" انتبهت لصوته... هو الصوت يالي سمعته ..الصوت الدافي..الحنون

يالي حسيت بقربه لقلبي...رفعت نظري له ...مدري ليه حسيت هو الوحيد

الي حسيت بالراح له.. كل يالي حولي ماني عارفتهم...رفعت يدي ااشر له

"بمعنى ..تعال.. انت الوحيد يالي بحس بالراحه له".....

سعود"نظرتها غير ... مهيب خوف ولا كره.. نظرة تناديني فيها.. معقوله

يالي اشوفه.. بعدها نفضت هالفكرة... انا اخر انسان ..ممكن تسويها معه

لكن.. يوم شفت يدها تاشر على...ماقدرت ومن غير شعور رحت لها

ع طول...":........................

رغد"شفته قرب مني.. وبصعوبه شلت نفسي ..وتمسكت بثوبه..ودفنت

راسي فيه .. وصرت ابكي...هو جلس جنبي بالسرير ..وحضني...ما

قاومت.. حسيت بدفا وامان مهب طبيعي....حسيت براحه..مع اني ماني

عارفته...":................

سعود" حسيت روحي ردت لي من بعد مادفنت نفسها بحضني...حضنتها

بقوة لعندي خايف ..تضيع مني.. خايف انها تنتبه .. وتبعدني ثاني عنها

وبحنيه ": الف الحمدالله ع سلامتك يارغد... كذا تخوفينا عليك...شوفي

امك وشلون متقطعه بكي عليتس.. وناظري ابوتس بعد

رغد" صوته.. حنيته.. خلتني ادفن راسي بصدره اكثر... بس استغربت

يوم قال.. امك .. ابوك... مين هذول..رفعت نظر اشوفهم ثاني..بس ما

عرفتهم...وش يقول هذا .. انا اول مره اشوفهم بحياتي...واستغربت

يوم ناداني باسم رغد.." رفعت نظري له .. وحسيتا ني مااشوف شئ

من دموعي يالي كانها ضباب...وبصعوبه":م...مين.. رغد

سعود"تجمدت بمكاني.. وش يعني كلامها.. رفعت نظري للطبيب

وكل وعلامات الاستفهام .. والاسئله بوجهي.": دكتور

الدكتور" قرب من عندها يبي يكشف عليها.. بس خافت والصقت فيني

اكثر وتمسكت بكل قوتها.. يالي كانت ..مثل الطفل ومافيها حيل..من

شدة ضعفها...":ممكن تبعد شوي استاذ سعود

سعود" جيت بقوم.. تمسكت اكثررر..ماقدرت ابعد عنها.. ودي شلتها

ودخلتها بداخلي.. ولا اشوف نظرة الخوف بعيونها.. حسيت بنشوة

مهيب طبيعيه .. يوم مارمت نفسها الا بحضني.. عافت الكل..امها

ابوها ..حتى مشاعل.. ومابغت الا انا...مسحت ع راسها وبحنيه":رغد

لاتخافين انا معتس.. ماني قايم.. بس الطبيب يبي يكشف عليتس

عشان يطمنا ..طيب

رغد"تصيح..ودافنا راسها بحضني":.................

سعود" رفعت وجهها الاصفر الذبلان..بيدي ومسحت دموعها..وبحنيه

": لا تخافين انا معتس.. امسكي يدي.. ماراح ابعد عنتس.. بس نبي

نطمن ..طيب

رغد"هزيت راسي.. طول ماهو قربي.. احس بالامان...سكت ..وبعدت

عن حضنه.. وماودي ابعد ابعد..كنت ماسكه يده ..وكانها طوق نجاة

للغرقان..قرب من الطبيب.. وصار يكشف على.. بعدها صار يسالني

اساله .. وماجاوبته...":................

سعود: ردي ع الطبيب..

رغد" ماقدرت ريقي ناشف.. وحلقي ..يوجعني.. اشرت له ع حلقي..بس

مافهم.. بس الطبيب راح جا مويه ومدها لي.. انا بعدت عنه خايفه..":...

الدكتور" يلف ع سعود": عطها هالمويه .. حلقها جاف.. وماراح تقدر

تتكلم بسهوله..

سعود" اخذت الكاسه منه.. وقربت منها .. وهي مابعدت..حسيت بكل

السعادة.. الراحه..والاحساس.. الي ملكني.. باني احميها من كل شئ..

هي مارضت بقرب حد غيري.. ماارتحت الا لقربي..وعافت الكل..الا

انا.. مو قادر اوصف شعوري ولا احساسي... شعور فوق الوصف..

جلست جنبها.. وقربت الكاسه من فمها ...وهي مابعدت ..شربتها

بالبدايه صارت تكح... وبان الوجع بوجهها..رجعت قربت المويه لفمها

وهي كملت تشرب.. بصعوبه..": خلاص

رغد" حسيت الالم خف شوي... بس بالبدايه وجعني حييل...من جفافه

شربت كفايتي.. واشرت له براسي بمعنى ايه":...........

سعود.."يناظرني بحنيه ..حبيتها.. وماودي نزل عيونه يوم اشر ع الطبيب"

:رغد جاوبي ع الطبيب.. طيب

رغد"وبصوت مبحوح": لاتروح

سعود"كلمتها زلزلت كياني":ماني رايح شوفيني ماسكن يدتس..وماراح

ابعد الا يوم تقولين..طيب

رغد" ارتحت.. هزيت راسي بمعني"طيب":...........

الدكتور... صار يسالني اساله.. أي سنه انا فيها.. ووش اسمي..ووين انا

وكم عمري.. واساله كثير.. خلتني ابكي.. لان يماني عارفه لها جاوب

حاولت افكر.. بس وجعني راسي... ماقدرت...اسالته حيرتني...وسببت

لي ضيقه مب طبيعيه...رفعت نظري لسعود.. عرفت انه سعود..يوم

اسمع الكل يناديه بكذا": سعود

سعود" بلا شعور": عيونه

رغد"بخوف": قول لهم يطلعون..مااعرفهم.. مين هذول

سعود" استوعبت الموضوع كله ولفيت ع الطبيب": دكتور معقوله

الدكتور" هز راسه": ايو للاسف المدام عندها فقدان بالذاكرة

ام رائد" انهارت.. هي ماصدقت بنتها ترجع لها.. وبالنهايه تلاقي منها

الصد والخوف.. ابو رائد راح لعندها وحضنها.. وهون عليها بالكلام

وقال لها انه كلها يومين وتذكرهم..والطبيب طمنها بعد..طلب منا

نطلع ونخليها ترتاح.. بس هي دخلت بنوبة بكي...قربت منها خفت

عليها.. ومن بكائها.. شكلها كان طفله..ميته رعب.. من الي حولها

وهي ارتمت ع طول بحضني..": لاتروح ..قول لهم كلهم يطلعون بس

انت لا تروح

سعود" حضنتها..ومتناسي وجود عمي وعمتي ومشاعل...": ماني رايح

ابجلس هنا معتس...طيب

رغد"دفنت راسي بصدره":طيب

عطاها الطبيب مهدي.. وشوي الا راحت بالنوم.. بعدت عنها وماكان

ودي اقوم.. بس كنت ابي اتطمن واعرف وش السالفه...

سعود: الحين وش صاير

الدكتور: الضربه اثرت عليها ..ومن الارتجاج سبب فقدان للذاكرة

سعود: طيب هل هو مؤقت ولا شلون

الدكتور: والله مدري يااخ سعود.. بس بعد ماتهدى ومن بعد التحاليل

كل شئ راح يبان

سعود" مستغرب": طيب ليه مارضت لامها وابوها يقربون منها..

ليه انا بس وهي ماتذكر حد فينا

الدكتور: المريض يوم يكون بغيبوبه ...يحس بالي حوله.. وانا اشوف

السبب لانك كنت ملازمها طول الوقت واكثر صوت كانت تسمعه صوتك

فعشان كذا.. اتوقع حست بالامان.. مثل ماانتبهت انها كانت خايفه منك

انت بعد.. بص صوتك طمنها وحسسها بالراحه

سعود: طيب حالتها هذي لمتى.. تشوف امها وابوها متقطعين لقربها

يبون.. يتطمنون عليها

الدكتور: والله مدري .. كل حاجه بتبان مع الوقت...

مر اليوم كله عليها وهي نايمه.. وكانت فرصة عمتي لقربها..صارت

تبكي.. وتكلمها.. وهي ميتة شوق..لبنتها...طلعت وتركتها مع امها

وابوها .. ورحت اوصل مشاعل.. يالي كانت متضايقه بعد..

مشاعل:بتطول معها الحاله

سعود"ومركز ع السواقه": والله يااخوك مدري

مشاعل: والله انه عمتي ..وجعت قلبي وهي تبكي..كان ودها تحضنها

بس رغد مارضت...بالبدايه استنكرت الموقف بس يوم عرفت

انها فاقده الذاكرة.. هدى بالي شوي..كنت مشتاقه احضنها ..واتحمد

لها بالسلامه..بس هي ماعطتنا فرصه

سعود: مع الايام ان شاءالله تتحسن ..وبترجع رغد يالي تعرفونها

مشاعل: ان شاءالله.. والله اني ميتة شوق لها ..بس صدق ليه انت

بالذات رضت بقربه..

سعود" كنت مبسوط..والدنيا مو سايعتني للسبب هذا..حسيت اني

ملكت الدنيا كلها ..يوم مارضت الا بقربي.. حسيتا ني ارتويت..من بعد

عطش طوييل..هد حيلي..": مثل ماقال الطبيب.. يمكن لاني كنت

اكثر واحد تسمع صوته.. فعشان كذا .. صار يالي صار.. بس يوم

تهدى.. وتبدى تذكر .. راح تسمح لكم بقربها....

مشاعل: يارب ..انك ماتطول علينا.. وترجع رغد يالي نعرفها

سعود"من غيراقتناع بالدعوة.. لانه لو صارت..انا يالي راح اكون بمكانهم

جزء مني .. ماوده ترجع ذاكرتها.. لانه راح يرجع كرهها لي معه..وجزء

مني يبي ترجع.. يبيها ترجع بصحتها وسلامتها.. ترجع لامها وابوها

واخوها.. ترجع لبنتها.. حتى لو كانه.. ثمنه.. بعدي عنها...":امين

تو وصلت البيت وبطفي السيارة .. الا اشوف اتصال من المستشفى

خفت انه في شئ وبسرعه رديت: الو

الممرضه: الاستاذ سعود

سعود" بخوف": ايه معتس

الممرضه: ياليت تجي لعندنا بسرعه

سعود: ليه

الممرضه: المريضه .. صار معها حاله هيستريه وخوف..وموراضيه

لحد يقرب منها.. وتنادي عليك

سعود" سمعت انها تنادي على.. ع طول مشيت..بااسرع مافي

السيارة.. وصلت المستشفى.. وركضت ع غرفتها.. سمعت الازعاج

يالي طالع.. صوت عمتي ..تهدي فيها.. والكل يحاول يهدي فيها ..وهي

تصرخ.. وتطلب منهم يبعدون وتناديني..فتحت الباب بلا شعور... كان

كل همي.. اخليها تشوفني.. اخذها بحضني.. ماابي اسمعها تبكي.. ماابي

الخوف يالي بصوتها...شفتها.. وشلون واقفه بالزاويه..ومتكورة ع نفسها

وتبكي...اول مالمحتني.. فزت.. وجات ركض ورمت نفسها بحضني..

حضنتها..وودي دخلتها بصدري.. ابعدها عن الكل.. وتكون لي لحالي

ومافي حد يشاركني.. ودي شلت كل هالخوف منها..واحميها من الكل

ومن العالم كله..صرت امسح ع راسها": وش فيتس يارغد ليه هذا كله

رغد" بصوت مبحوح.. وبكي": ليه رحت عني.. ليه تركتني

سعود"ملكت الدنيا كلها من كلماتها..حضنتها اقوى لصدري..وهي

شدت اقوى...ومسحت ع راسها": ماتركت .. رحت اوصل مشاعل

تذكرين مشاعل صح..

رغد" وانا للحين دافنة وجهي بصدره.. حركت راسي": لا مااذكرها

وماابي اذكر احد.. وماابي اشوف احد.. طلعهم سعود.. مااعرفهم

ماابيهم .. الله يخليك بعدهم عني

سعود" رفعت راسي وناظرت عمي.. وبنبرة فهم على منها": عمي واللي

يسلم عمرك.. خذ عمتي.. وروحوا ارتاحوا.. ان شاءالله بعد ماترتاح..

وتهدى.. وانتم بعد تهدون.. كل شئ بيكون بخير..

ابو رائد" يمسك ام رائد": يلا مشينا

ام رائد" وصياحها يقطع القلب": ابي اجلس مع بنتي .. ماصدقت اشوفها

وهي صاحيه... ماشبعت منها ياابو رائد

ابو رائد" بحنيه": بنتك بخير.. وكلها كم يوم وترجع مثل قبل..الحين

احنا تطمنا عليها.. قومي.. قومي خليها ترتاح.. وقلبها يرتاح.. من

هالخوف..

ام رائد" تقوم" : وانا مو ذابحني الا خوفها مني.. تخاف من حضن امها

ابو رائد: ان شاءالله مايطول يالله مشينا .."ولف على": مااوصيك

ياسعود ع بنتي

سعود" وانا للحين حاضنها..وخجلت ع الوضع..وانا قدام عمي..تو انتبه

اني..مطيحن الميانه قدامه..": ان شاءالله لاتوصي حريص

طلعوا.. والدكتور معهم.. وصارت الغرفه لي ولها بس..كانت للحين

بحضني.. ودافنه راسها فيه..ومتمسكه بكل ..قوتها.. تمنيت الزمن

يوقف.. ع الحال هذا.. ماابي بعدها.. حبيت هالاحساس..وحبيت نظرة

الاحتياج.لي.. بعيونها..حبيت.. انها مارضت بقرب غيري..احساس

حلو بالحيل... يوم تكون محبوبتك..بين يديك.. ورافضه قرب العالم

كله.. وماتبي الا قربك.. بس قطعت تفكيري.. ورجعت لارض

الواقع.. لاتحلم كثير ياسعود.. كلها كم يوم وترجع ذاكرتها.. وتكون انت

بالجهه المرفوضه..": رغد

رغد:.....................

سعود" شلتها .. وهي ماقاومت..مشيت فيها للسرير.. وسدحتها...وكانت

للحين متمسكه بيدي..جيت بجلس ع الكرسي..مارضت...بعدت.وسوت

لي مكان..وانا مارديتها.. وماصدقت خبر.. اشتقت لنومتها بحضني

انسدحت.. جنبها.. وحطت راسها ع صدري.. وحضنتها..": مرتاحه

رغد" ماهمني أي شئ .. كل يالي همني انه مايبعد عني.. هو الانسان

الوحيد الي حسيت بالراحه والامان والدفا بحضنه.. ماابي يبعد عني..

مع اني مااعرفه ومااعرف من يكون..":ايه

سعود" بعد ماحسيت انها هدت من طريقه تنفسها ..صلحت جلستي

وبعدتها شوي وصرت مقابل وجهها": الحين انتي ماتعرفيني

رغد" هزيت براسي ": لا

سعود: طيب ليه..مارضيتي الا بقربي..

رغد"بحيرة": مدري..

سعود: طيب حاولي تتذكرين..

رغد"عقدت حواجبي.. لانه راسي وجعني وانا احاول": ماابي راسي

يوجعني

سعود"مسحت ع راسها": طيب اقول ل كانا مين

رغد: ايه

سعود: انا اصير زوجك

رغد"ارتحت للخبر .. لاني راحتي .. وحاجتي له ماكانت راحه اخت

لاخوها.. ولا احد من اقربها.. كانت حاجتي له حاجه بنت لحضن حبيبها

وزوجها.. شكلي كنت اموت عليه.. لاني مو قادرة ع فراقه..":صدق انت

زوجي

سعود: ايه

رغد: اها .. يمكن عشان كذا مارضيت لحد يقرب لي غيرك وماارتحت

لحد غيرك

سعود"كنت مبسوط من كلامها.. وصرت اشيل أي افكار تذكرني بالواقع

حتى لو كانت فترة مؤقته.. ابي اعيشها بقربها وحاجتها وحبها الكذوب

لي..": ايوا اتوقع كذا..مم طيب ماتبين تعرفين من كان هنا

رغد" بعدم اهتمام ": لا

سعود: ليه

رغد" بانزعج": مايهمني

سعود"ماحبيت اضايقها.. انا ماصدقت تصحى.. واشوفها تتكلم ..وتناظر

بعيونها ثاني":طيب.. انا جوعان.. وش رايك تتعشين معي

رغد" خفت انه يقوم ويبعد عني": لا لا ماابي.. لاتروح

سعود" ابتسمت.. لخوفها اني ابعد عنها": ماني رايح مكان العشاء

بيجي لعندنا..وش قلتي

رغد: لا مو مشتهيه

سعود"وانا ماكنت مشتهي.. بس يوم ناظرتها وشفت ضعفها..واصفرار

وجهها..قلت اباكل.. عشان تاكل.. هي وتصح": عشاني طيب

رغد"من غير أي تردد": طيب

سعود: وش ع بالك

رغد"بحيرة": مدري.. انا وش احب

سعود" كنت عارف وش تحب.. وش تكره.. مافاجاتني بسؤالها":ممم..طيب

الحين بطلب وتعرفين وش تحبين

رغد:طيب

سعود"اتصلت ع المطعم.. وطلبت منه يجيب صحن مقبلات ..وورق عنب

ولازانيا...وسيزلنغ دجاج... واتصلت ع المطعم الثاني.. وطلبت صحن

مشاوي...وورق عنب.. لانها تحب من المطعمين هذول..وعصير

كوكتيل..وطلبت من الممرضه انها تجيب كاسه عصير عشان تشربها

الحين ع مايوصل الطلب...قمت.. وهي رفضت قومتي.. بس طمنتها

اني بكون قربها.. كنت عارف رغد وشخصيتها.. وعارف انها ماتروق

وترتاح الا من بعد ماتاخذ لها شور.. مريح ودافي.. دخلت دورة المياه

"اكرمكم الله" وهي عيونها تراقبني.. وخايفه اطلع من الغرفه...جهزت

لها المويه..وعبيت البانيو..طلعت لها ومسكت يدها.. قلت لها تاخذ شور

سريع وماتطول.. ولا تقفل الباب .. واذا احتاجت شئ تناديني..ووريتها

كل شئ.. الشامبو .والجيل.. وكل شئ...طلعت .. ووقفت عند باب الحمام

بعد نص ساعه.. طلعت وهي لابسه الروب.. ولافه الفوطه ع راسها..

مديت لها .. البيجامه يالي عمتي جايبتها لها.. وقلت لها بنتظرها برا

عشان تغير.. بس استغربت من سؤالها

رغد"بحيرة": مو تقول زوجي.. ليه تطلع طيب

سعود" توهق": ايه زوجك.. بس انتي مو متعوده انك تغيرين قدامي

رغد" كنت خايفه انه يطلع.. وبخجل.. بس قاومته": طيب انت لف و

عطني ظهرك.. وانا بغير بسرعه.. بس لاتطلع

سعود" ضحكت ع شكلها.. كانت ميتة خجل..يالبى هالخجل الي ذبحني

وعلقني..وعرفت انها خايفه ابعد عنها": طيب

رغد" من بعد ماعطاني ظهره لبست بسرعه..":خلاص

سعود"لفيت عليها..وهي تجلس ع السرير..":نعيما

رغد"بخجل": الله ينعم عليك

سعود" جلست جنبها.. وخليت ظهرها ..بوجهي..وشلت الفوطه من راسها

وشعرها نزل..مثل الشلال ..ع ظهرها ..قربت راسي منه وشميته..

وحشتني ريحته..وملمسه..صرت اجففه..وهي ماقالت شئ...":.

رغد"بضحكه ذوبت قلبي... ضحكه اشتقت لها ودعيت ربي اني اسمعها

ثانيه": طيب ممكن تكمل جميلك وتمشطه

سعود" توهقت.. مااعرف امشط وخاف يوجعها طريقتي":بس مااعرف

رغد:عادي عادي

سعود: لا اخاف اوجعك وانا امشطه

رغد: ياسلاام للدرجه هذي شعري خشن

سعود" ضحكت ع طريقه كلامها":ههههههههههه لا مب كذا بس انتي

راسك مجروح اخاف اوجعك

رغد"بدلع طبيعي": عادي عندي احساس انك مستحيل توجعني او ترضى

لي بالوجع"ومسكت يدي بيدها الصغيرة..يالي كانت مزرقه من المغذيات

":صح

سعود"انعصر قلبي...خايف انها ترجع لها الذاكرة باي ثانيه..ويروح

كل هذا": اكيييد

رغد" تعطيني ظهرها": اجل خلاص

سعود"مسكت المشط.. وصرت امشط فيه..شعرها ماشاءالله تبارك الله

عليه..كان طويل.. بالحيل..خلصت..ورجعت لفيته ثانيه..عشان البرد

ومافي أي مجفف له..

وصل العشاء.. وجلسنا ناكل... انبسطت يوم شفتها تاكل..ومبسوطه..

كانت طبيعيه.. كم مره تمنيت.. اني اكون معها وهي بالحاله هذي

كنت احسد مشاعل.. واهلي.. يوم كانت تجلس معهم ..وتضحك

معهم.. وهذا ربي.. حققها لي.. حمدته وشكرته.. حتى لو كان ليوم

بس.. راضي..فيه..جلست ااكلها بيدي.. لحد ماشبعت..وهي تضحك

صارت تسوي مثلي وتاكلني بعد..كنت مبسووط من الوضع.. يالي حنا

فيه...

بعدها.. جلست معها ع السرير.. وصارت تسالني.. عن عمرها وكم صار

لنا متزوجين..هالجواب.. تعديته مدري ليه..بس صرت اقول لها عن

حياتنا بشكل سطحي...يعني عن مشاعل..امها امي..اخوها..وبنتها

يوم تكلمت عن جنى... فاجاتني بسؤالها

رغد" مبتسمه وبخجل": يعني صار لنا مده متزوجين..كم عمر بنتنا

سعود"حبيت هالكلمه..ماعرفت وش اقول لو قلت لا مب بنتنا بحيرها

واخاف انه يسبب لها انتكاسه او شئ:عمرها اربع سنين

رغد: يالله يعني صار لنها اربع سنين متزوجين"وبزعل":طيب ليه

مااذكر شئ منها

سعود: لانه صار معك حادث بسيط وبعدين اقولتس عليه..خلك تنسين

كل شئ

رغد"بحب": بس كل هذا ماخلاني انساك..او ع الاقل انسى اني ارتاح

لك واتطمن لك..وبخجل: شكلي كنت اموت عليك صح

سعود" بابتسامه..موجعه حاولت اخفيها عنها: ايه

رغد: وانت

سعود"مسكت يدها... وبستها": اموت ع التراب يالي تمشين فيه

رغد" بخجل.. ووجهها حمر":صدق

سعود: ايه صدق

رغد"رميت نفسي بحضنه.. احس اني مااشبع منه":طيب كلمني عنك

وعن حياتنا.. وعن بنتي

سعود"حضنتها.. وصرت اشم شعرها..غمضت عيوني..وانا اتهرب من

الاجابه":ممكن تخلين الاسئله بكرا.. انا الحين تعباان وميت نوم

رغد: لا اجلس شوي

سعود" وانا احرك اصبعي ع خشمها": ايه وش عليتس انتي نايمه لمدة

ثلاث اسابيع.. وانا الفقير.. النوم جافني ..

رغد"بحيا": اسفه

سعود" رفعت وجهها وبست جبينها": ليه الاسف

رغد: تعبتك معي

سعود"حضنتها وحطيت راسها ع صدري..وغمضت عيوني

وانا احمد ربي ع اللحظه هذي.. حتى لو كانت لليله بس":تعبك راحه

رغد"من غير تفكير":احبك

سعود"تجمدت..":.................................... ......

سعود" تجمدت.. حسيت الدم جمد بعروقي...وبطعنه بقلبي..من احساسها

بنطق هالكلمه..غمضت عيوني بالم..لاني عارف انه احساسها وحبها

كله لوليد..هي فاقده الذاكرة..واكيد انها بتوجه كل احساسها لاقرب شخص

مقارب للانسان الي حبته..وعشقته..حضنتها وانا ودي اقوم واطلع احس

اني مكتوم...":.........................

رغد"مانمت لاني كنت شبعانه نوم.. جلست اتامل وجهه..حسيت بصراع

داخلي.. احس بالراحه الامان..واعرف اني احبه.. بس ليه احس بالخوف

واحس بشويه غربه..وانا بحضنه..في احساس غريب.. ماني عارفه

ايش هو بالظبط... بس في شئ ..في حاجز.. كبير بيني وبينه..رجعت

انسدحت ع صدره.. وصرت اسمع دقات قلبه..غمضت عيوني وتذكرت

شكله يوم قلت له احبك.. كيف ارتجف .. وجمدت ملامحه.. ليه كذا..وش

يالي صاير.. او كيف هي حياتنا بالاساس.. بس اظن انها حلوة ومليانه

حب ..وتفاهم.. لانه هذا احساسي..فجاءة حسيت بصداع.. ومثل لمح

البصر.. مرت على لحظه ..ذكرى..كنت جالسه واحرك يدي ع بطني

شكلي يوم كنت حامل بجنى...وكان سعود معي وكان حنون بالحيل معي

.. ابتسمت.ورفعت نظري له..هذا سبب عدم خوفي منك ع اني مااتذكرك

عارفه اني احبك.. وعارفه انك الوحيد يالي توفر لي الامان والحنيه والحب

حسيت بالنعاس من التفكير ونمت وانا بحضنه...........

سعود" انتبهت لدخول الممرضه..":.........

الممرضه"وهي تعدل بالمغذي ..": وقت العلاج

سعود" انحرجت من الوضعيه يالي كنا فيها... حاولت اقوم بس هي

كانت متمسكه.. وخفت تصحى..الممرضه صارت تبتسم واشرت لي

انه ماله داعي اقوم .. كلها لحظات وبتخلص..":...........

خلصت وبعدها طلعت...ناظرت الساعه..2 الظهر...وبصوت واطي

": رغد... رغد

رغد" كنت مستمتعه بنومتي":هممم

سعود"يحرك يده ع ظهري": يلا قومي ياكسلانه..

رغد"حضنته اكثر": لا بدري ..ماشبعت نوم

سعود" ابتسمت ع شكلها وكيف كانت ع طبيعتها ومن غير قيود":لا وين

يالي تقول مافيها نوم..هاهـ

رغد"خبيت وجهي بصدره":هههههه "بعدها رفعت وجهي":تصدق النومه

بحضنك شئ خطيررر..شكلي مزعجتك ماانام الا بحضنك صح

سعود" ماعرفت وش اقول لها .. هل صدمها بحقيقه وضعنا او امثل

واتغمص دور وليد... اكتفيت بابتسامه":..............

رغد"قمت من عنده وانا حاسه بنشاط..بس مازال التعب فيني":صباح الخير

سعود"يحرك يده ع خشمي": قولي مساء الخير..يلا قومي شوي بقوم

رغد" بخوف": وين

سعود: لاتخافين ... بروح اتوضا واصلي.. وانتي بعد قومي

رغد"مدري كيف ذكرت الصلاة... والوضوء..يمكن لانه شئ فطري

عند المسلم": ليه كم الساعه

سعود:2 الظهر

رغد"بفزع": ياربي اخرنا الصلاة .."وقمت من مكاني"

سعود"قام هو بعد": طيب قومي توضي ..وصلي..بس بسالك تذكرين

كيف

رغد" بابتسامه": تصدق مستغربه اني اذكر كيف" وضحكت"

سعود"رديت لها الضحكه": طيب يلا روحي وانا رايح للمصلى

رغد: لا لاتروح صل هنا

سعود: انا لازم اروح البيت يارغد بروح اتروش.. واغير ملابسي

وبرجع لك لاتخافين

رغد" بزعل": بتتركني لحالي

سعود: لا امك ومشاعل اختي وامي راح يجون الحين

رغد"كنت راح اصيح.. ماابي اشوف حد.. وماابيه يبعد عني..مدري ليه

للحين ماني متقبله حد..":سعود

سعود" بحنيه": سمي

رغد"بتردد": ممكن اطلبك شئ بس لاتزعل

سعود: وش

رغد: ممكن ماتخلي حد يجي.."وصرت افرك يديني"ماابي اجلس لحالي

معهم ...خلهم يجون يوم تجي انت

سعود" مشيت لعندها ورفعت وجهها": بس هذول اهلتس واهلي وانتي

تحبينهم ومتعوده عليهم

رغد"بضيقه باينه":بس مااتذكرهم .. وماني مرتاحه اجلس لحالي معهم

تكفى سعود.. روح غير بس لاتخلي حد يجيني

سعود" بضيقه ع حالي.. وبضيقه اكثر عشان امي اليم يته وتحضني

": طيب بس بشرط

رغد: يالي تبي

سعود: راح اخليهم يجون بعد ماارجع لتس.. بس ماتردين حد يوم يبون

يحضنونك .. هم اهلك ومشتاقين لتس.. وماصدقوا صحيتي من يالي

كنتي فيه

رغد" بتفكير": بس ماتتركني لحالي معهم

سعود" يبوس جبيني": ان شاءالله ... يالله روحي توضي وصلي..ومااجي

الا وانتي متغديه.. سامعه

رغد"بدلع ": لا ماراح اكل الا من يدك

سعود" ذاب قلبي ..ع دلعها": يمكن اتاخر

رغد: بستناك...

سعود"بابتسامه": طيب تامرين ع شئ

رغد: لا سلامتك حبيبي

سعود" رجف قلبي من الكلمه..ابتسمت": يالله فمان الله

رغد: بحفظ الرحمن

صليت الظهر وتوجهت ع طول للطبيب ودخلت مكتبه وجلست ...

سعود: دكتور .. فقدان الذاكرة عندها مؤقت ولا كيف

الدكتور:والله من التحاليل والاشعه يالي قدامي ... ماضنيت انها مؤقته

سعود: طيب .. وشلون نتعامل معها.. يعني يالي سمعته وقريته انه تكون

حالتهم حرجه يالي يفقدون الذاكرة.. ولازمن يكون التعامل معهم بشكل

حساس.. عشان نتفادى الانهيار النفسي..ولا انا غلطان

الدكتور: كلامك صحيح اخ سعود.. عشان كذا لازم نتعامل بحرص

شديد مع المريضه ونمنع أي ضغوط نفسيه عليها .. ونمشي الامور.ع

حسب .. تفكيرها وحيطها.. وطبعا لازم اشياء محفزة..عشان تسترجع

ذاكراتها.. وتبعدونها عن أي ذكرة سيئه

سعود" باهتمام": ليه

الدكتور: أي ذكرة سيئ هاو حادث مزعج.. راح يسبب للمريضه ..حاله

من الضياع والخوف.. وبكذا راح تبني حواجز كثيررة عشان ماتذكرها

والظغط النفسي المصاحب للحواجز هذي ..يسبب بانهيار وقد يؤدي احيانا

للجنون..

سعود" تنهد": طيب وش الطريقه المتبعه معها

الدكتور: انا راح اعطيك اسم دكتورة نفسيه تتابع معها الحاله... وتقدر انت

والمريضه تراجعونها.. ولما تشوفها .. وع اساس تقييمها للحاله راح

النصايح يالي تتبعها معها

سعود: طيب.. متى تقدر تطلع من المستشفى

الدكتور: راح نخليها هاليومين تحت الملاحظه.. وبعدها ان شاءالله

راح نكتب لها خروج

سعود"يقوم": ع خير يلا عن اذنك

الدكتور: اذنك معك

طلعت من عنده وانا حاير اكثر... ماني عارف وشلونا تصرف معها...

رحت ع طول للدكتورة .. والحمدالله دخلت عليها ع طول من غير أي

انتظار.. او حجوزات.. دخلت عندها وبعد مابينت لها حالة رغد..ووش

كان وضعها مع اخوي الله يرحمه.. وعن وضع زواجنا...

الدكتورة: زي مافهمت انه كان بينكم خلافات شديده قبل الحادث

سعود: ايوا مثل ماقلت لتس يادكتورة

الدكتورة"وهي تكتب ملاحظاتها":هو لازم اشوفها عشان اعرف ايه يالي

بدور بفكرها.. بس يالي فهمتوا منك انك.. اول شخص لجأت له من بعد

افاقتها من الغيبوبه.. دا معناه ..انو بعقلها الباطني.. ومن غير ماتعرف

انك انت سعود.. وايه شخصيتك..اتطمنت لك..بسبب انك كنت اقرب

شخص لها وهي بالغيبوبه..ودا طبيعي..انها تنشد وتتعلق..بالصوت

وكيان الشخص المرافق لها بغيبوبتها..يالي هوا انتا..بس عشان نتفادى

أي انتكسات.. لازم تمشي معها .. ع الي يريحها.. وتبعدها عن أي وضع

يضايقها او يسبب لها أي ازعاج.. ع قد ماتقدر.. لحد ماتبدى ذاكرتها

ترجع لها بشكل تدريجي..

سعود:طيب يادكتورة مثل ماشرحت لتس... هي تظن اني شخص ثاني

الدكتورة: بالوقت دا عاوزك تجاريها ..لانك انت الشخص..الوحيد يالي

امنت لوه..وبعدت كل الحواجز وتعلقت فيه..فالي عليك..انك تسايرها

بكل حاجه.. وتفهم يالي هايعيشوا معها انهم ..مايغيرو من أي حاجه

بتفكيرها بالوقت هذا.. لحد ماهيا تجي وتسال عن حاجه افتكرتها..وطبعا

بعد مراجعتي..

سعود" بحيرة": وكيف راح يكون .. يعني اقصد.. هل تعيش حاله

مم.. اقصد حياتنا الزوجيه كيف تكون.. واقول لها انها كانت متزوجه

من قبل.. واني متزوج قبلها.. ولا كيف

الدكتورة: لا دلوقتي لا دا صعب عليها انها تستوعبه..كل يالي عليك

انك تخبي كل حاجه عن ماضيها..لحد ماتتشفى تمام ..وترجع صحتها

مثل قبل..

سعود" ناظرت الساعه": طيب متى اقدر اجيتس معها

الدكتورة: انا هاديك رقمي بالعيادة.. لما تحس انك حيران بحاجه ...

بخصوصها.. تصل على فورا.. او لما تحس بانتكاسه ليها..اووك

سعود: ان شاءالله .. يالله عن اذنك

الدكتورة: ازنك معاك

رجهت البيت ..سلمت ع امي وعمتي الي كانت موجوده..طمنتهم عليها و

قلت لهم يتجهزون ع مااتروش واوديهم...كانت الغرفه مقلوبه فوق ع

تحت ..صدق مكانها كبير بحياتي...ترتيبها.. اهتمامها.. نظافتها..

تنهدت... وطلعت ..نزلت وامي ومشاعل وعمتي متجهزين

سعود: يلا انتظركم بالسيارة

مشاعل" تقوم": يلا امي .. عمتي

وصلنا المستشفى.. وطلبت منهم ينتظرون عشان اقولها انهم بيدخلون..

دخلت... وكانت جالسه ع السرير وتهز رجولها بتوتر..يوم شافتني.. فزت

من مكانها وجت بسرعه لعندي.........

رغد"بخوف..وزعل": ليه تاخرت ضنيتك منت جاي

سعود" بابتسامه": اسف.. بس انشغلت .. وحاولت قد مااقدر مااتاخر

اكثر من كذا.. الا قولي لي اكلتي ولا لا

رغد"ماكنت مشتهيه اكل أي شئ.. مدري ليه من طلع من عندي وانا

حاسه بضيق العالم كله فيني": لا

سعود" بزعل": وليه مب قلت لتس تغدي

رغد"بدلع ": مااشتهيت ..وقلت ابنتظرك

سعود" ابتسمت لطريقه كلامها.. اسلوبها اسرني...تمنيت الاسلوب هذا

يكون.. صدق من غير فقدانها.. ويكون باقتناع وحب لي..":طيب

الحين بيدخلون امي وامك واختي ..مثل ماقلت لتس لاتردينهم

رغد"بشويه خوف.. لاني مب عارفتهم ولا ذاكرتهم":طيب ..بس ما

تتركني لحالي معهم

سعود" مسكت يدها": ان شاءالله

ثواني الا عمتي تدخل .. وتجري لبنتها وتحضنها بحرارة.. بعكس برود

رغد..

ام رائد" حاضنة رغد":الف الحمدالله ع سلامتك يايمه.. الف الحمدالله

رغد" ارتحت بحضنها.. بس في احساس صد لي من جهتها..حاولت

ابعد ماقدرت..":الله يسلمك

ام رائد" وهي تبكي":يمه اشتقت لك.. طولتي علينا بنومتك

رغد"كنت اناظرها ودموعها يالي ع وجهها ..كانت صادقه باحساسها

بس..مدري ليه..ماتفاعلت معها ولا تاثرت ..كل يالي همني..انها تبعد

عني..":...........

ام رائد"وللحين حاضنتني":في شئ يوجعك.. انتي بخير

رغد:ايه بخير

ام رائد: الحمدالله لك يارب...اللهم لك الحمد والشكر"وصارت تبوسني

وتحضني"

رغد"ناظرت بسعود.. ابيه يبعدني..وعرفت انه فهم على لما صار يهز

براسه"بمعنى" معليش شوي بس تحملي"

ام راشد"جات لعندي حرمه ثانيه وماني عرفتها بعد..وبدموعها ":هلا يمه

وشلونتس.."وحضنتني":الف الحمدالله ع سلامتس ..تو مانورت

دنينا..لاتعودينها يمه ثاني.. وتتركينا..

رغد: الله يسلمك

ام راشد"حضنتني بقوة":الله يخليتس لنا ..ويحفظ من كل شر

رغد: مشكورة

مشاعل"قربت مني بنت ..وباين من شكلها انها حامل.. وحضنتني بعد

": وحشتيني يادبه... وربي ماقدرت ارتاح الا يوم جيت هناوشفتس

بعيوني..الحمدالله ع سلامتك يالغاليه

رغد: الله يسلمك

مشاعل:ماعرفتيني.. ماتذكريني

رغد"ماعرفتها.. واول مره اشوفها":لا

مشاعل"تضايقت..امها ماعرفتها بتعرفني انا يعني":ان شاءالله مع الايام

بتذكرينا

رغد: ان شاءالله

سعود: يالله اخليكم ع راحتكم

رغد"بخوف":لا تروح

سعود"كنت بطلع ابخلي عمتي..تاخذ راحتها..بس رغد وخوفها وتوترها

خلاني اتردد..بس لازم تتعود..لاني مااقدر اكون معها طول الوقت..

":بجلس انتظر عمي واخوك برا..ماني رايح مكان

رغد"بزعل": طيب انتظر هنا

سعود"بابتسامه": لا وش يجلسني بمجلس حريم

رغد"بزعل":طيب

سعود"بصوت هامس":لاتخافين هذول اهلتس ومهب ضارينتس

رغد"كنت شوي وبصيح":طيب لاتبعد خلك عند الباب

سعود" بحنيه": ان شاءالله

وصلت عن باب الغرفه وتذكرت.. رجعت وناديت مشاعل .. عشان تطلع

معي..":اسمعي

مشاعل: سم

سعود:انتبهي.. لحدن يجب لها طاري ع كيف صار لها الحادث..ولا

يقول لها شئ عن سالفة زواجنا.. او زواجي من مزنه ..نبي نعطيها

خبر بشويش..

مشاعل: ان شاءالله

سعود: يالله ابروح اخلص اشغالي.. اذا صار شئ اتصلي على

مشاعل: ان شاءالله

دخلت الغرفه.. وجفت امي وعمتي... يسالونها وهي ترد عليهم بجفا..

جلست قبالها": تبين شئ

رغد"ناظرت البنت...وجهها مريح..حاولت اتذكر اذا انا شفتها من قبل

او اتذكرها.. ماقدرت..": لا...انتي وش اسمك

مشاعل"بابتسامه": اسمي مشاعل.. وانا اصير اخت رجلتس

رغد: مم حنا كنا اصحاب

مشاعل: بالحييل.. كنا دايم نسهر مع بعض...ونتفرج ع افلام..وسوالف

للصبح

رغد"استغربت... كيف اسهر معها واترك سعود":ليه وسعود

مشاعل: وش فيه

رغد: كيف اسهر معك للصباح... واترك زوجي لحاله

مشاعل" توهقت وش اقول لها": لا هو احيانا يكون مسافر عشان شغله

فانتي تجين عندي تسهرين

رغد: اها

ام راشد: خوفتينا عليتس ..يابنتي..ويوم تطلعين لااسوي حفله..الكل

يتكلم عنها..عشان طلعتس بس

رغد"التجاعيد يالي بوجهها...والنور يالي بوجهها جذبني...ملامحها

شديده... شكلها قاسيه..":لا مايحتاج مو لازم

ام راشد: الا لزومنا سويها بمناسبة ان ربي سلمك وعافك

رغد"انتبهت للحرمه الثانيه يالي كانت تراقبني.. ومن غير ماتتكلم

كانت تصيح ..بهدوء..دموعها تنزل..ماكانت كبيرة مثل الاولى..

ملامحها.. ناعمه..ووجهها دافي..باين عليها حنونه..بس ليه ماني

قادرة اتذكر...وجعني راسي..وتضايقت...لاني مو عارفه مين هم

نظراتهم.. تقول انهم منتظرين مني شئ..منتظرين مني ارحب..وافرح

بوجودهم.. بس مو قادرة.. كنت اتمنى يجي سعود.. ويطلعون..بس

شكلهم.. مطولين..انسدحت ع السرير":انا بنام احس اني تعبانه

ام رائد"تقوم... وتغطيني...وتمسح ع شعري": ارتحي ياقلبي..ونوم

العوافي

رغد"باست راسي..وصارت تناظر فيني... غمضت عيوني...ولفيت

عنها..":يعافيك ربي

طول ماهم موجودين.. ماكنت نايمه..بس مسويه حالي..نايمه..ماعرفت

وش اقول لهم.. وهم يحاولون يفتحون أي موضوع معي..ماقدرت

اكمل جلستي..معهم وهم منتظرين مني اتجاوب معهم...انتبهت لصوت

رجال.. اتوقع انه ابوي.. مالفيت عليه.. لانه حتى صوته ماميزته...

والحرمه..يالي يقولون انها امي.. صارت تسولف معه..وتقول له اني

بخير..بس مو عارفه أي حد منهم..كان باين من كلامه انه صبور...

زجلس يهدي فيها.. وهي تبكي.. تضايقت عشانها.. ودي قمت وحضنتها..

بس خفت..وحاولت اتذكرها عشان اطيب خاطرها بكلمه..ومالقيت

الا جدار مسدود بوجهي..طولو.. وسعود ماجا.. تضايقت لعدم..وجوده

هو الوحيد يالي ارتحت له..واحس بالامان بوجوده..وللحين ماني ذاكرته

ولا اعرف غير انه زوجي...واسمه سعود..بس يالي اعرفه اني احبه

حيل...جلست افكر..واتخيل كيف حياتنا..وصرت اتخيل بنتي...غريبه

هالكلمه...بنتي...ماعرفت اوصل لشبه لها...

سعود" وصلت المستشفى ع الساعه..9.. دخلت للجناح ..وشفت امي

وعمتي..يتقهوون ويسولفون.. ومشاعل.. نايمه ع الكنبه..ورغد..نايمه

ومعطتهم ظهرها..":السلام عليكم

الكل: وعليكم السلام

ام راشد: هل يايمه تعال تقهوى

سعود" يحب راسها": هلا فيتس ...صبي لي فنجال

رغد" سمعت صوته وع طول لفيت عليه وقمت من مكاني":ليه تاخرت

سعود"انبسطت لعتبها": والله انشغلت ..وخلصت يالي عندي وجيت عطول

رغد"ماقدرت اروح اجلس جنبه..لانه مافي مكان لي..جلست ع السرير

ويديني بحضني..وكنت افركهم.. كنت ابيهم يمشون..عشان ارتمي بحضنه

اشتقت لحضنه..بس شكلهم مالهم نيه...شوي الا شفته يكلم بالجوال

سعود: ايه تعال بس ثواني اقول لهم يطلعون للغرفه الثانيه

ام راشد: من

سعود: رائد يبي يدخل يشوفها ويسلم عليها

م راشد"تقوم وتروح لمشاعل تصحيها... ودخلو ع الغرفه الثانيه..وظلت

الحرمه الثانيه.. وسعود..شوي الا دخل رجال ..طويل..وجسمه رياضي

وبشرته بيضا..وملامحه دقيقه والسكسوكه..بارزه بياضه..خفت..لاني

ماعرفته..بس تطمنت يوم ناظرت سعود...

سعود"يقوم لعندي": هذا اخوتس يارغد

رائد" بفرحه.. جا لعندي وحضني...وصار يبوس راسي": مابغيتي تصحين

خوفتينا عليك... وربي اشتقت لك.. وماتتصورين كيف حياتنا كانت

رغد"ودي انه يبعد..ماعرفته..وماحسيت من ناحيته باي..شئ":.........

رائد: اخبارك الحين.. مافي شئ يوجعك

رغد"وانا اناظره ..واحاول اتذكره بس مافي فايده": الحمدالله بخير..بس

شوي راسي يوجعني

رائد"لف علي":سعود ..كان ناديت الدكتور

سعود" يطمنه": لاتخاف.. يقول طبيعي.. انه يوجعها لانه تعتبر الاشياء

هذي.. والوجيه .. اول مرة تشوفها..والتفكير..والتشويش يسبب لها الصداع

بس ماراح يطول معها ان شاءالله

رائد"بخوف": اكيد

سعود: اكيد

شوي.. الا رجع الرجال..يالي دخل من قبل.. وحضني..وقال انه ابوي

ونفس الشئ.. ماعرفته..سعود طلب العشاء..ودخل هو والرجالين يالي

معه ع الغرفه الثانيه..والحرمتين ..ومشاعل جاو لعندي..حاول فيني

اكل ..بس رفضت..وتحججت اني مو مشتهيه.. كان ودي اتعشى مع

سعود بس...

ام رائد"تحضني": تامرين ع شئ يايمه

رغد: لا

ام رائد: ماتبيني انام معك اليوم

رغد"كنت انتظر متى يطلعون": لا

ام رائد" بحزن": خلاص بكرا راح اجيك بدري

رغد" بضيق": لا ماله داعي..

ام رائد"حز بخاطرها ردي لها":ماراح اطول ابي اطمن عليك واجلس

شوي وبمشي

رغد"ماعرفت وش ارد عليها":........

ام راشد"تحضني": يالله ..نشوفتس يوم تطلعين بالسلامه من المستشفى

ولا تطولينا علينا نبيتس تنورين بيتس

رغد: ان شاءالله

مشاعل: يلا ..يادبه ..اشوفك بكرا

رغد: طيب

ماصدقت انه مطلعو.. وسعود يودعهم عند الباب.. ويوم قفل الباب..

ركضت لعنده.. ورميت نفسي بحضنه..": ليه تاخرت وتركتني لحالي

سعود"وش ناويه تسوين فيني.. بتذبحيني يابنت بتذبحيني..":ماكنتي

لحالتس .. كانت معتس امي..وامك ومشاعل..

رغد"بضيق": بس مااعرفهم... وكرهت نظرة الحزن يالي بوجههم لاني

مو عارفتهم.. بصراحه حزنت عليهم.. هم يحاولون يتواصلون معي وانا

موح اسه باي شئ ناحيتهم

سعود" يمشي وهو حاضني...": طيب ليه ماعطيتيهم فرصه

رغد: حاولت بس وربي ماقدرت

سعود: معليش بتتعودين بعدين.. وان شاءالله تتذكرينهم..ويوم تذكرينهم

ماراح تبين الا جلستهم

رغد"بثقه": مستحيل.. انت الوحيد يالي ابي اكون معه

سعود: طيب انتي منتي ذاكرتني وش يالي يخليك متاكده

رغد"مسكت يده وحطيتها ع صدري": قلبي يالي يخليني اتاكد..شوف

كيف نبضاته..

سعود"ناظرت عيونها": تحبيني

رغد"تعلقت عيوني بعيونه": ايه

سعود:متاكده

رغد: صحيح اني مااذكر أي تفاصيل عن حياتي..بس الي اعرفه احب

اكون معك.. ويوم تطلع افكر..فيك واحسب الدقايق..والساعات عشان ترجع

واشوفك.. واجلس بحضنك..

سعود:طيب ليه ماتعشيتي

رغد: وشلون عرفت

سعود" ياشر ع صينيتي": باين

رغد"بدلع طبيعي": كنت انتظر اتعشى معك

سعود: يعني ماتحبين تاكلين الا من يدي ..شكلي دلعتك..وتوهقت..هههههه

رغد"بشويه زعل": ايه توهقت.. ومالي شغل.. ماراح اكل الا من يدك

سعود" بابتسامه ذوبت قلبي": افا عليتس.. من عيوني.."وقام وقرب

الصينيه.. وصار ياكلني..."

رغد"كنت ااشر له ع الاكل يالي ابيه.. وهو مبتسم ويضحك علي..

ويهبل فيني.. يقرب الملعقه من فمي..ويوم افتحه يبعدها...":يادب

خلاص ماابي

سعود:هههههههههههه لا بتاكلين ...يلا افتحي

رغد"لفيت عنه": ماابي

سعود"حطيت الملعقه ع الصينيه..ومسكت وجهها": زعلتي

رغد"بدلع": لا

سعود: عيني بعينتس

رغد"لفيت عليه ": ها شوف

سعود: هههههههههههههههههههههههههههههه

رغد: وتضحك بعد

سعود:هههههههههههههههههههههههههههههههههههههههههه

رغد: خلاص روح ماابيك تجلس عندي

سعود:هههههههه اكيد

رغد"خفت يقوم": لا .."وبزعل": ليه تضحك

سعود: ماضحكت عليتس.. ضحكت لاني مبسوط ومن زمااان

ماضحكت كذا..

رغد: ليه

سعود"صرت امسح ع شعرها": بسبب انك حرمتينا وجودك

رغد"ويقول ليه احبه واحب اكون معه":طولت يعني

سعود: بالحييل

رغد:اسفه

سعود: ليه الاسف

رغد: لاني سبب بحرمانك من الضحكه

سعود: طول منتي معي ..هذا يعوضني عن الايام يالي راحت

رغد"حطيت راسي ع صدره":ابي انام

سعود"يقوم": طيب ارتاحي

رغد: وين

سعود: ابجلس ع الكنبه

رغد"بخجل": نام جنبي.. ابي انام بحضنك..بصراحه حبيت النومه

سعود"بابتسامه": من عيوني.. بس ابروح اغير

رغد: طيب لاتتاخر ميته نوم

سعود: بس يالي فهمته انك طول الوقت نايمه

رغد: بصراحه.. ماكنت نايمه.. بس ماعرفت وش اقول ووش اسوي..

معهم..

سعود:اها.. طيب .. ان شاءالله بتتعودين

رغد: ان شاءالله

يعد يومين.. سجلوا لي خروج.. كنت متوترة .. اني راح ارجع للبيت

يالي كنت عايشه فيه..جهزت اغراضي... وجلست انتظر سعود لحد

ماخلص من الاجراءات...طلعت معه وركبنا السيارة...وبعد نص

ساعه.. وصلنا لبيت كبير..اشر لي سعود وقال انه هذا بيتنا....نزلت

بتوتر....مسكت يده .. ودخلنا البيت.. كان البيت بشكل عام مريح

وحلو تنسيقه وترتيبه...دخلنا الصاله.. وام سعود.. وامي موجودين

سلمت عليهم.. وحضنوني.. وبكوا.... وجلست جنبهم..وكل شوي

امي تبوسني.. وتناظر فيني...شوي الا مشاعل دخلت .. ومعها

بنت صغيرة... كانت بمنتهى الجمال.. والبرائه..انتبهت للبنت

تاشر على وتجي لعندي ركض

جنى"بفرحه": مامااااااا

رغد"اخذتها لحضني.. وهي تحضني وتبوسني":.......

جنى" تصيح": وين رحتي وخليتني..انا اصيح واقول لهم وين ماما

رغد: خلاص انا جيت

جنى: ماتروحين صانيه صح

رغد: ايه

جنى" تحط راسها ع صدري":احبك ماما

رغد"تضايقت.. حتى هي مو ذاكرتها...": وانا بعد

سعود" انتبهت لضيقها": معليش لاتزعلين.. مع الايام بتتذكرين...

رغد: ان شاءالله

بعدها حطو العشاء... وجلسنا نتعشى.. وجنى بحضني طول الوقت

وانبسطت فيها كانت حبوبه حيل.. صرت ااكلها.. وهي تدلع ..وجبت

كل العابها بحضني توريني وش عندها.. وكل شوي تناظرني تتاكد

اني وجوده ومارحت مكان...

الساعه... وحده نامت جنى بحضنى.. والكل حاول يشيلها.. وهي مو

راضيه.. قلت لهم يتركونها...حسيت بتعب وارهاق شوي.. بس تحملت

انتظرت.. سعود لحد مايجي واروح.. معه ع الغرفه...

مشاعل: قومي ارتاحي انا اوريك غرفتك

رغد: لا بنتظر سعود

مشاعل: يادبه عادي ..قومي

رغد: لا والله بنتظر سعود.. انا ماابي اصعد الحين

مشاعل: طيب براحتك

طول اليوم وهم يحاولون قد مايقدرون يوفرون لي ..كل اساليب الراحه

ويحاولن مايضايقوني بشئ..كنت كارها الاحساس بالضيق تجاهم

بس غصب عني.....

سعود: السلام عليكم

الكل: وعليكم السلام

رغد"حسيت ان الدنيا نورت بوجهي.. يوم شفته حسيت براحه وانبساط

كنت اعد الساعات عشان..يرجع واقوم عنهم واجلس..معه لحالي..جلست

اناظره وهو يسولف معهم كان جدي بالحيل...استغربت..وانا اشوف ....

حواجبه معقودة.. ابتسمت ع شكله وهو انتبه لي.."

سعود"حسيت في حد يراقبني.. رفعت نظري .. الا هي تبتسم .. وبلا شعور

رديت لها الابتسامه..": وشلونتس اليوم.. عسى ماتعبتي

رغد" طرت من الوناسه يوم صار يكلمني": الحمدالله.. لا ماتعبت..

سعود: ايه زين.. تعشيتي ولا لا

ام راشد: ياولدي شو فلك حل معها مهيب راضيه تاكل.. اكلت لقمتين

وقامت.. وين تصح بعدين

سعود"بزعل": افااا.. وين يالي وعدتني بتاكل

رغد: ماكنت مشتهيه والله

سعود" بحنيه الكل استغربها..": لازم تاكلين عشان تصحين..وتطيبين

بسرعه

رغد"بخجل من نظراتهم": ان شاءالله

سعود: ايه هذي رغد يالي اعرفها وتسمع الكلام

رغد" شعور الضيقه كله راح من يوم اقبل على... جلس يسولف معهم..

وبعدها قام.. زعلت ضنيته بيطلع.. بس انبسطت يوم قال...

سعود" يقوم": يالله تصبحون ع خير"ولف على": يلا ماودك تنامين

رغد"قمت ع طول": ايه.. احسب دوخه شوي

سعود" جا لعندي": تحسين انك تعبانه ولا وش

رغد: لا مو تعب بس دوخه خفيفه

سعود" مسك يدي": طيب يلا مشينا عشان ترتاحين

رغد"مشيت معه": طيب

وصعدنا ع فوق.. وانا متسنده عليه.. ومرتاحه انه اليوم خلص اخيرا...

ام راشد"مبتسمه": والله وقدرتي عليه ياام جنى

مشاعل:ههههههههههههه أي والله مهي سهله الدبه.. ولا من يتخيل

سعود يبتسم..ولا يقرب كذا من حرمه..مزنه يالي صار لهم سنين .بولادتها

ماسندها.. وهي تتقطع الم..ورغيد وده يشيلها لو مالخجل

ام راشد:ههههههههه الله يتمم عليهم

مشاعل: امين.. ويدوم فك عقدة حواجبه هههههههههه

ام راشد: الله يقطع بليستس...ههههههههههههههههههههههه

ابو راشد"يقوم": يالله بروح انام.. وبكرا خبيري سعود يجهز الذبايح

عشان العزومه ع طلعتها بالسلامه

ام راشد" تقوم معه": ان شاءالله

مشاعل" تقوم تبوس راس ابوها وامها": تصبحون ع خير

ام راشد: وانتي من اهله.. ويلا روحي نامي

مشاعل: اكيد بنام.. قبل عندي المليحه تسهر معي الحين ..مب فاكه من

سعود

ام راشد: ههههههههههه"وبعدها جمدت ملامحها"

مشاعل: وش فيتس يمه

ام راشد" تتنهد": والله اني احاتي رجعة مزنه.. ونتوا للحين ماقلتو للبنت

انه متزوج..خايفتن يصير لها شئ

مشاعل: لا تخافين سعود بيكلمها اكيد.. بس ينتظر تستقر شوي

ام راشد: الله المستعان

رغد" مشيت وراه.. لحد ماوصلنا لجناحين متقابلين.. في واحد من الابواب

حسيت باحساس غريب من ناحيته..خوف..ضياع..ماني عارفه كيف

افسره.. عقدت حواجبي.. وانا اناظر فيه...":...

سعود" شفتها وقفت ع جناح وليد القديم.. وحواجبها معقده..وباين عليها

انها تصارع افكارها..":رغد

رغد"حسيت وجهي تغير...من يوم شفت هالغرفه": هلا

سعود" وجهها صار اصفر..اكيد جا ع بالها وماهي عارفه مين هو":يلا

ادخلي

رغد:هذي غرفتنا

سعود" يفتح الباب": ايه ادخلي

رغد" دخلت.. وصرت اناظر فيها..كان جناح..كبير اول مادخلت كان..

صاله كبيرة.. بصبغها.. البيج..وفيه رسومات بنفس لون الصبغ..بس بارزة

والكنب... العودي.. الفخم.. حسيت انه هذا ذوقه وهو مختار كل شئ..لانه

باين انه ذوق رجالي..وشاشه التلفزيون البلازما.. ومكتبه فيها كتب ...

مشيت وراه..وفتح باب..كانت غرفة النوم...كانت كبيرة وكان العنابي

والبني العودي.. طاقي عليها....ماحسيت باي شعور.. وكاني اول مره

اشوفهم بحياتي.. يعني بنتي عمرها 4 سنين المفروض يكون عندي

احساس غير الغربه.. هالغرفه جمعتني بينه سنين ..والمفروض تكون

مليانه صور وحميمه .. بس حسيتها باردة..ومافيها أي ذكرى حلوة

مشيت للسرير.. وجلست...":............

سعود" جلس جنبي": حاسه بتعب

رغد" ابتسمت له": لا.. بس

سعود"رفع وجهي بيده": بس وش

رغد"ماني عارفه كيف اوصل له يالي ببالي": مدري احس اني اول مره

اشوف هالغرفه..احسها خاليه من أي ذكريات لنا

سعود"ع انك فاقده الذاكر هالا انه قلبك حاسك":يمكن عشانك ماتذكرين

رغد: حتى لو مااذكر مااحس بشئ ولا احس انها جمعتنا 4 سنين

سعود" لزوم اقولها.. كل شئ ماابيها تنصدم بعدين": طيب هذا احساسك

مع امك وامي ومشاعل.. نفس الشئ صح ولا لا

رغد" كلامه اقنعني": صح

سعود" ياشر لي": يلا قومي هذي غرفة التبديل.. غيري ويلا ننام

رغد" قمت": طيب

مشيت للغرفه.. ووصلت للدولايب.. فتحت اول واحد.. وكان له ..الثاني..

والثالث.. والرابع.. استغربت من الملابس.. كانت عاديه جدا..ماحسيت اني

البس كذا.. كان كله جلابيات.. ومافيه ولا بيجامه..او قميص نوم...ولا أي

شئ يدل انه هذا دولاب وحده متزوجه وتحب زوجها..عقدت حواجبي

ولفيت عليه.. شفته يناظر بالارض وسرحان...اخذت لي جلابيه ودخلت

وتروشت... وجففت شعري بعدها طلعت..

سعود" يناظرني": نعيما

رغد: الله ينعم عليك

رغد: اطلع لك ملابس عشان تتروش وتغير

سعود" باابتسامه": ياليت

رغد"مشيت": ان شاءالله

سعود" اشتقت لاهتمامها فيني.. وعناياتها لي..يوم غابت عني..حسيت

بضياع من بعد دلالها لي..دخلت اتروش.. وطلعت وكل شئ جاهز ومعطر

بعد...هالبنت بتهبل فيني.. وهذا وهي فاقدة الذاكرة بس مافقدت سنعها..

لبست.. ملابسي.. وشفتها تتمشى بالغرفه.. شكلها تحاول تلقط أي ذكرة

":عجبتس

رغد"كنت امشي واناظر": بالحييل.. بس

سعود" جلست ع الكنبه وناديتها": تعالي

رغد" مشيت لعنده..وجلست":....

سعود: بس ايش... قولي يالي بخاطرتس

رغد"بحيرة": ممم حنا صار لنا 4 سنين متزوجين صح

سعود"مارديت اكتفيت اني اناظرها":.,..............

رغد: يعني مدري... احس انه توا شوفها..وغير كذا ملابسي..

سعود"عقدت حواجبي": وش فيها ملابستس

رغد: مدري.. يعني كلها ملابس عاديه.. وكانها ملابس بنت مب مرة

متزوجه

سعود"وش ارد عليها":...............زز

رغد: سعود

سعود: سمي

رغد: حنا كنا متهاوشين ولا شئ..

سعود: ليه

رغد" بتوتر": عارفه اني احبك واعرف انك تحبني..

سعود"بااستغراب": وشلون

رغد: احيانا تجي لمحات .. براسي.. عني وعنك.. ووو.. يعني من الي

افهمه.. انا حنا متفاهمين ونحب.. بعض..

سعود" مافهمت وش تقصد.. واكيد اللمحات عنها وعن وليد":مو فاهمن

عليتس

رغد:يعني" بتردد": يعني يالي اعرفه.. انه يوم تصير البنت تحب رجلها

مثل يالي احسه تجاهك.. احس ملابسها بتكون غير..وع الراحه.. يالي

احسها بتجاهك.. احس اني اباخذ راحتي معك من غير قيود

سعود" كنتي مع وليد كذا...":.............

رغد" مسكت يده": قولي الصدق كنا زعلانين صح

سعود"ومو عارفن وش اقول": ايه

رغد: ايوا كنت حاسه.. لاني يوم شفت الملابس.. ماحسيتها ذوقي ابدا

مو ع الشكل ..اقصد الاسلوب...اللبس مهب لبسي

سعود" ابتسمت..عشان اصرف الموضوع": وبس هذا يالي مكدرن

خاطرك ولا يهمتس بعد بكرا اوديتس السوق وخذي يالي بخاطرتس

رغد" فرحت": صدق

سعود: اكيد.. بس الحين قومي خلينا نريح باكر عندنا عزومه ..

رغد"بضيقه": لازم هالعزومه

سعود"وقفتها قبالي": ايه ... بس لاتخافين يوم تحسين انتس..متضايقه

ومو مرتاحه.. اتصلي على ع طول

رغد:طيب

سعود: يلا ننام وبكرا نكمل سوالف

رغد: طيب

سعود.. انسدحت ع السرير وعطيتا ظهري كالعاده.. بس ماحسيت ....

بوجودها جنبي.. لقيت عليها..": وش فيتس منتي نايمه

رغد" كنت افرك يدني..": للحين زعلان مني.. انا وش سويت

سعود"عقدت حواجبي بااستغراب": ليه ازعل منتس

رغد:لانك مااخذتني بحضنك"وبلا شعور كنت اتكلم" انت بالعاده

ماتنام الا وحاضني

سعود" حسيت بوجع بقلبي.. ذاكرتها مع وليد.. تضنها معي..ابتسمت

واحاول اخفي... انزعاجي":ابد ماني زعلان..بس صنيتك تبين تاخذين

راحتك

رغد"مدري ليه احس اني ماانام الا بحضنه..والي محيرني اني ماني

ذاكره أي شئ عنه..وماني عارفته..بس احساسي..يقول اني انام

عنده وانه علاقتنا غير.. كنت اتكلم وانا مستغربه من نفسي.. وكيف اني

متاكده وانا اكلمه من يالي يصير بينا وع انه ماني ذاكرة شئ":لا انت

عارف اني مااقدر انام الا بحضنك

سعود"لفيت عليها وفتحت يديني لها": ولا تزعلين تعالي

رغد" ماصدقت خبر ونطيت عنده.. ونمت ع صدره...ياااااهـ وش حلاة

هالشعور.. يوم انكون بحضن الحبيب ..والزوج.. نحس بالدفا والامان

والراحه.. احس انه ماراح يمسني ضر يوم اكون بحضنه...":الحين انام

وانا مرتاحه.."ابتسمت": تصبح ع خير..."ودفنت وجهي بصدره

سعود"ليت هالاحساس.. والتصرفات هذي... يوم ترجع لك ذاكرتك

وتعرفين من.. انا ومن يالي بذاكرتك..": ونتي من اهل الخير

رغد" انتبهت الساعه 11 الظهر..قمت وصحيت سعود عشان الصلاة

جهزت له ملابسه.. وهو يتروش...كنت حاسه بنشاط ومستغربه وش

ذكرني بتجهيز ملابسه وتعطيرهم وتبخيرهم..في اشياء احسها معروفه

عندي.. وياكثرهم .. بس الاشخاص يالي ماني ذاكرتهم..اعرف كل شئ

واعرف اني زوجه ..واحب ويحبني.. بس ماني حاسه بااحساس الامومه

ويالي فهمته من كلامهم.. انه بنتي كل شئ بحياتي...

سعود" طلعت .. الا وكل شئ جاهز...ابتسمت ..احب اهتمامها..":تسلم

يديك ..

رغد" باابتسامه": الله يسلمك ولو

سعود"يلبس ثوبه...قربت منه..وسكرت الازارير وهو مستغرب..ويناظر

فيني...":.......

رغد: وش فيك وكاني اول مره اسويها..يعني منت متعود على اني انا

يالي اسكرهم لك.. من فقد الذاكرة يادب انا ولا انت هههههههههههه

سعود"ضحكتها لخبطت كياني..قربها مني وابتسامتها...وعيونها

يالي مليانه حب..وشوق... شتتني....اول مره تكون قريبه مني برضاها

وهي يالي جات من غير مااناديها..لمساتها غير..لمسات زوجه محبه

لزوجها وتدلعه..وتحاول انها ترضيه باي شكل..":......

رغد"ناظرت شكله وشلون متنح": حبيبي هههههههههههههه

سعود"وش ناويتن عليه تبي تذبحني... وتدلل لي ودلعها يالي اول مره

اشوفه ..وباين انه مو مصطنع ياويل حالي...":عيونه

رغد"ابتسمت بخجل": تسلم لي عيونه..البس شماغك لاتتاخر

سعود"حسيت ع نفسي": هاهـ ايه .. طيب

رغد"ارتحت ...كان ببالي احساس انه متغير.. او انه في شئ بينا..بس

نظراته لي.. كانت مدري..بس مو نظرات واحد مو طايقني او فيه شئ

كبير بينا..":...........

سعود"آآآآهــ بتجنني يابنت..": يلا تامرين ع شئ

رغد" رحت وحضنته..وبست خده": لا سلامتك

سعود"وش اقول.. وش اسوي .. كل هذا لي انا.. معقوله..هذي رغد

وش كنت مسوي لك وخافي تصرفاتك الحلوة هذي.. للدرجه هذي كارهتني

..وحابه وليد...استغفرت ربي.. لاني بديت احسده ..وش تحسد ياسعود

الرجال مات.. ايه مات بس للحين مالك كل احساس فيها..وكل نبض

بقلبها...للحظة تمنيت اكون وليد..عشان تكون احسايسها صادقه ..لي

بست راسها": يلا فمان الله

رغد: بحفظ الرحمان

فضيت الدولاب كله.. وماني لاقيه شئ..يعجبني للعزومه..معقوله..

ماعندي فساتين سهرات ولا طقم بدل للعزومات..انتبهت لشنطه

فوق الدولاب.. رحت اخذت كرسي... وحاولت ارفع نفسي..عشان

اوصلها .. ماقدرت..حاولت اكثر..وانتبهت للكرسي انه صار يهتز..

ناظرت رجولي الا وهي ع الطرف..والكرسي فجاءة فلت..غمضت

عيوني متوقعه اني بطيح ع الارض..بس تفاجات بالدفا يالي حسيته

ايه ايه.. هذا هو حضنه..يالي اميزه عن الكل..فتحت عيوني وانا مبتسمه

":المفروض مااخاف لاني عارفه انك بتكون فيه..مهما صار لي

سعود"كنت معصب ع اهمالها..وكنت بهاوش..لانها تو طالعه من

الشر.. تروح وتسوي كذا انا ماصدقت ترجع بالسلامه.. بس ابتسامتها

وكلامها...سكتني..":.....

رغد"تعلقت عيوني بعيونه...شعور غريب..للحظه حسيت انه مهب يالي

اعرفه..فيه نظرة شموخ.. وهيبه..غير يالي ببالي..بس بعدها قلت اكيد

من يالي صار معي..يخليني افهي...":متى جيت

سعود" وانا انزلها":من شوي.. الا انتي وش مطلعتس..لفوق ..وليه

تسوين كذا.. يعني لو اني مادخلت كان الحين طحتي علينا

رغد"ابتسمت": خايف على

سعود" الا ميتن خوف عليتس..خايف افقدتس ثاني..":...........

رغد"حاوطت رقبته بيدني":لاتخاف حبيبي ناشب هلك ماراح افك عنك

سعود"ضحكت ع حركات وجهها يالي كانت تسويها وهي تتكلم":ههههه

ههههههههههههههه

رغد: ايه اضحك يادب

سعود: اشوفتس طايحتن لي دب ودب..وش شايفتني

رغد"بدلع": كيفي انت دبي وحبيبي وكل شئ بحياتي..واناديك بالي ابي

سعود" لا ناويتن على.. خلاص..رحت فيها":احم

رغد"ضحكت ع شكله.. يالي يشوفه وكاني اول مره ادلعه":حبيبي

وش فيك يعني ناسي اني دايم اناديك كذا

سعود" جمدت ملامحي لاني عارفت انها تقصد وليد":الا وش بغيتي

من فوق الدولاب

رغد"اشرت له": هذي الشنطه حقتي ولا لك

سعود: لا لتس ..تبينها

رغد: ايه

سعود"اخذت الكرسي.. ووصلتها .. نزلتها..وناظرتها": يعني بتقنعيني

انتي يالربع.. بتقدرين تنزلينها يوم ترزين وجهتس

رغد"طيرت عيوني": شوف الدب من الربع

سعود"ضحكت ع ملامح وجهها وشهقتها":ههههههههههههههه انتي من

من غيرتس يعني

رغد" جلست ع الارض عند الشنطه.. واسوي حالي زعلانه": يضع سره

بااضعف خلقه..

سعود: في هذي صادقه ههههههههه بس بالمعقول

رغد" طنشته وفتحت الشنطه.. ابتسمت ابتسامه كرست يوم شفت

يالي بداخلها": اييييه هذي اغراضي.. مب يالي بالدولاب..حسيت اني

وحده عمرها بالخمسينات ع الجلابيات هذي

سعود"تعليقها واسلوبها بالكلام يضحك..كنت اشوفها وكاني اول مره اشوف

الانسانه هذي":هههههههههههههههههههههههههه

رغد"وانا احوس بالملابس": بس ليه كنت رافعتها

سعود" ماعرفت وشلون اصرف":ههههههههههه كنتي زعلانة مني

رغد"بجديه": ليه

سعود:مدري عنتس.. لاني قلت مشغول وماراح اوديتس لاهلك الشهر هذا

انتي برطمتي لي ..وسويت لي عقاب يقالتس..تظنين بهتم لو تلبسين

خيشه ناشبن لتس هههههههههه

رغد" خجلت من نظراته..":سعوود

سعود"ذبت":عيوونه

رغد" وانا اصرف الموضوع": ايوا انتم الرجال كذا مايهمكم

سعود" قربت منها ومسكتها من خصرها": ايوا مايهم دام الحرمه

شايلتن رجلها شيل.. لو تجلس بخيشة قدامه يتكون احلى الحريم

رغد" خجلت وانا بين يديه حسيت بتناقض بمشاعري..احس براحه

واحس اني مطيحه الميانه معه.. ومافي خجل بينا..بس الحين لا..اتردد

قبل لااروح لحضنه او ابوسه الا ان كان بلا شعور...":يعني انا ماليه

عينك

سعود" باابتسامه": بالحييل

رغد" انحرجت من نظراته.. وضنيت انه بيقرب مني ويبوسني..بس

فجاه صد عني وبعد..":..........

سعود"كنت مشتاق لها ولقربها..جذبتني..بدلعها ..وفجاءة ترددت كلماتها

براسي.. مستحيل اخليك تقرب مني..وحلفانها...وحسيت بضيقه..بعدت

عنها..": يلا تجهزي الحين لاتتاخرين ع العزومه

رغد: ان شاءالله..الحين بجهز ملابسك قبل بعدها بروح

سعود: طيب

خلصت من شعري اخيرا.. وقمت البس...لبست...بلوزة بيضا بااكمام

طويله..وباطرافها تحديد برتقالي..ومن فوق الفتحه وسيعه وتبان الاكتاف

لبست تحتها بدي..لانه من اسلوبهم حسيتا نهم مايرضون بكذذا....

والتنورة واسعه وبرتقاليه وفيها ورود بيضاء..وقصيرة لنص الساق

ولبست الصندل الكعب.. وتعطرت..الميك اب خليته ناعم..لبست

الاكسسورات ..وتعطرت..مشيت لسعود اصحيه.. لانه قال بياخذ غفوة

ع مايجي وقت العزومه...

رغد" نزلت لمستواه وشعري نزل معي..": سعود.. سعود

سعود:..............

رغد" حركت كتفه": حبيبي.. يلا قوم لاتتاخر ع الرجال

سعود" شميت ريحة شعرها..يآآهـ وش قد فقدتها واشتقت لها..فتحت

عيوني.. وهي جالسه ع الارض.. وتناظرني وتبتسم.. مديت يدي لشعرها

وصرت احرك يدي عليه..": كم الساعه

رغد: 8ونص.. يلا عشان يمديك تخلص

سعود"قمت وهي وقفت.. تنحت ع شكلها.. شعرها يالي دوخني ووداني

ورى الشمس..وجسمها .. ع انها نحفانه.. بس زينها فيها..كشرت بملامحي

وهي انتبهت..":...........

رغد" قربت منه.. ": وش فيك سعود

سعود"بتردد": ماابي ازعلتس.. بس مو كان التنورة والبلوزة كاشفين

رغد" ناظرته بااستغرب": شلون

سعود: يعني كتوفتس باينه ورجولتس

رغد" بابتسامه": ايه عادي سعود.. وبعدين انا عند حريم مب رجال

سعود: ولو مااحب حد يشوف حرمتي.. كذا

رغد" انبسطت حتى من الحريم يغار منهم.. مع انه ملابسي مو كاشفه

حيل..": طيب تبيني اغيرها ...

سعود" بتردد": ماتزعلين

رغد" باابتسامه": وليه ازعل حبيبي اهم حاجه عندي رضاك

سعود" كلمتها هذي سوت الدنيا كلها عندي..":لا لاتغيرين بس هالمره

نوبتن ثانيه.. اللبس هذا مو للحريم

رغد" بخجل": من عيوني بيكون ل كانت وبس

سعود" ماتوقعت هالاجابه.. معقوله رغد .. تبي تخلي زينها لي انا وبس

..كنت اشوفها انسانه ثانيه.. غير عن يالي عرفتها.. وبعدها رجعت

لواقعي.. ايه هي نفسها بس كانت معي متغيرة..والله لو انه تذكرين

كل شئ ماعطيتيني الا لسانتس..":طيب يلا ابروح اتجهز

رغد: طيب

لبست وخلصت... الا جت لعندي بالبخور تبخرني... قربها صار

يوترني... مااقدر..ع قربها كذا.. بالحيل اقاوم وامسك حالي..وهي

بحضني.. تنام.. والحين بكامل زينها.. وبين يديني..وماني قادر..المسها

ع انها حلالي.. بس حاس بذنب.. حلفانها.. وحاس اني بستغلها..وبستغل

ظرفها.. ومو سعود يالي يسويها...صحيح من قبل كنت اجيها بااجبار

بس كانت بوعيها..الحين لا وكانها انسانه ثانيه..مهب رغد يالي اعرفها

عطرها تخلل بخشمي..عيونها.. غرقتني..لمساتها...ذبحتني...اخذت المبخر

من يدها ونزلته.. وقربت منها...رجفتها ..نفسها يوم تكون بين يديني..

خجلها للحين موجود..بس هالمره بدلع..وبرضا..آآآهــ ليتك كذا دووم

نزلت عيونها.. يوم بست جبينها..رفعت وجهها وبيدي الثانيه حاضنها

ناظرتني.. بخجل.. ذوبني.. انفاسها باانفاسي..قربت من شفتها...

وبستها....ونسيت الدنيا والعالم .. تمنيت انه الزمن يوقف وهي بين يديني

وبرضاها.. كان احساس ماني قادر اوصفه.. رغد بين يديني..وماهي

قرفانه.. ومو حاقدة..راضيه وهي بين يديني..دق الباب وقفني ورجعني

للواقع..رفعت راسي من عند رقبتها..وهي خجلانه..":من!!!

مشاعل: ايو يلا تاخرت ع الرجال يقولك ابوي

سعود" تركتها وهي وجهها صايرن علبة الوان..": احم .. طيب طيب

جاي

مشاعل: افتح الباب زين

سعود" ودي ذبحتها.. مشيت للباب وفتحت وطلعت وهي دخلت":ماصارت

رغد" كنت للحين ضايعه.. وسرحانه بعالم ثاني من يالي صار.. حسيت

اني اول مره.. احس بكذا... ماالوم قلبي يوم حبك وعرفك من بين الكل

ياسعود.. نسيت نفسي ودنيتي.. بين يديك..":.....

مشاعل" بشهقه": وش ذا

رغد" خفت": وش

مشاعل" تاشر ع رقبتي": هذا .. انهبلتو لعنبو داركم ماتهورتوا الا اليوم

رغد" مشيت للمرايا وشفت يالي تاشر عليه.. وجهي صار طماط من

الاحراج.. الله يقطع بليسك ياسعوود.. ماحسيت وشلون صار كذا..

وبخجل..مشيت لعلبة كريم الاساس ومخفي العيوب وصرت احط ع

رقبتي.. واحاول اتجاهل وجود مشاعل..":في حد جا

مشاعل" تخفي ضحكتها":لا ههههههههههههههههههههههههه

رغد: ليه تضحكين

مشاعل: تخيلي لو انتس نازله بالبصمه هذي قدام الحريم وش راح يفكك

منهم هههههههههههههههههههه

رغد" ياويلي .. ماابي اتخيل حتى": خلاص طيب

مشاعل:ههههههههههههههههههههههههه يقطع شرك ياسعود منت

صابر لحد ماتخلص الليله

رغد" بعصبيه وخجل": شعيل

مشاعل:ههههههههههه لبى شعيل.. يلا خلينا ننزل الحريم وصولوا

رغد: طيب وووجع لاتضحكين خلاص

مشاعل" تمسك نفسها": طيب هههه طيب

مزون" تسلم على": وشلونتس عساتس بخير

رغد: الحمدالله وانتي

مزون: بخير الله يسلمتس.. بشريني عنتس

رغد: لا الحمدالله

مزون: يعني انتي الحين منتي ذاكره حد فينا

رغد" هزيت راسي": لا والله

الريم والعنود نطو...": ماتذكرين حد ابد ابد

رغد: لا

الريم تاشر ع العنود: ولا المليحه هذي

العنود" وتاشر ع الريم": ولا المسعدة هذي

رغد" ضحكت ع اشكالهم": لا والله

الريم: وشعيل

مشاعل: ابشرتس ولا حد.. مير ماتذكرت الا الحبيب بس وناشبتن له

وكانها ماصدقت انه يجلس عندها مهيب راضيه تفكه

رغد" خجلت من تعليقها": وجع حتى هو ماتذكرته

مشاعل: ايه باين.. ودك 24 ساعه جالسه بحضنه منتي فاكته

الريم: ايه قولي تسذا ماصدقتي تلقين عذر تنشبين للرجال ههههه

الكل: هههههههههههههههههههههههههه

رغد"بحرج": لا والله بس هو الوحيد يالي احس اني اعرفه..ومشاعري

له معروفه..ليه وكيف مدري

العنود" تاشر ع قلبها": ايه القلب مهب هين يميز الحبيب

رغد:ههههههههههههههههههههههههههه

مشاعل: انتم فاتكم لو مارحت اناديها هي والحبيب كانوا تهورو وماشفنا

وجههيهم

العنود والريم: وشلون

مشاعل" تكش عليهم بمعنى بعدو": انتم مناك يالمراهقات كلام كبار

الريم" تخصرت": الله يالدنيا يوم اعرستي صرنا مراهقات ماكانتس بعمرنا

ياشيخه

مشاعل:ههههههههه ايه بعمركم بس متاهله مب انتم للحين بطور التاهل

الحين تخرب اخلاقكم ونبتلش عند رجالكم

غزلان: يقال الحين ماخربت ههههههههههههههههههه

مشاعل:ههههههههههههههههه عارفه بس ماعلينا فيهم

رغد: ابذبحك شعيل

مشاعل: خلاص منيب قايلتن شئ

الريم: لا شعيل قولي

مشاعل"بضحه": مانيب بايعتن نفسي..انا حامل..وهذي نظرتها مير

تخوف..ههههههههههههههه

العنود: خلك شجاعه وتكلمي ماعليتس فيها

رغد: اقول انتوا وجعع استلمتوني

الكل:هههههههههههههههههههههههههههه

بعد العشاء.. كنت اغسل استغربت من نظرات وحده ..يوم سالت عنها

قالو انها بنت عم سعود.. ع المغاسل قربت مني...

سعاد" بخبث": عساتس مرتاحتن بس

رغد"استغربت من نبراتها": الحمدالله

سعاد: ايه الي مثلتس .. تهتم يعني.. وش عليتس دامتس اخذتي الرجال

ماهمتس شئ

رغد" مو فاهمه عليها": وش تقولين

سعاد" بسخريه": مسويه حالتس بريئه

رغد: لااسوي حالي ولا شئ بس مب فاهمه عليك

سعاد:يعني تقنعيني انك ماتدرين انه حرمته طايحتن بالبيت وجعانه

يوم فقدت الجنين

رغد" حرمته.. جنين": وش تخربطين انتي وش حرمته ووش جنينه

سعاد"بخبث":هههههههههههههههههه لاتقولين لي انتس للحين ماتدرين

رغد: ادري عن وش

سعاد"باانتصار": انا اقولتس يا لاعبه .. ياخطافة الرجال

رغد"عصبت من اسلوبها": وش تقولين احترمي نفسك

سعاد: احترم نفسي يوم تصيرين محترمه نفسك..لعبتي ع رجال متزوح

واخذتيه من حرمته بعد مالفيتي عليه.. ولا ماسالتي نفسك رجال قبيلي

ياخذتس انتي.. ولا متزوج وعنده ولد من حرمته

رغد"انصدمت لا اكيد تكذب": انا مو فاضيه لك ولكذبك بعدي

سعاد: ومن قال اني اكذب.. روحي هذا هم عندتس اتحد حد ينكر انه له

حرمه غيرتس.. وعنده عيال منها..انا ابي اعرف وش نوعتس يوم

توافقين ع رجال..متزوج..وعنده عيال.. وش حسيتي فيه يوم لعبتي عليه

وشبكتيه..

رغد" مصدومه.. ماني مصدقه الكلام": انا!!!!

سعاد: في غيرتس.. مااقول الا حسبي الله عليتس.. هذا هي مرميه

بيت اهلها..ومنسيه .. بسببك

رغد:انا!!!!

سعاد" كانت عارفه انها بتقدر تغثها بالكلام هذا...":وشلون تنامين

الليل بس..وشلون تغمضين عينتس براحه..

رغد.."رفعت وجهي الا بمشاعل..بوجهي..":صحيح سعود متزوجني ع

حرمته

مشاعل"بعصبيه":ليييه قلتي لها

رغد"عرفت انه كلامها صحيح":يعني صدق

مشاعل: يارغد منتي فاهمه

رغد"بصراخ": وش افهم..وين سعود وينه

ركضت ع الصاله .. ورفعت السماعه اتصلت ع الرقم يالي عطاني اياه

وقال اتصل عليه يوم احس اني متضايقه...اتصلت مره مرتين ثلاث ولا رد

بكيت.. وصرت اصرخ ع مشاعل وهي تحاول تهديني...رميت السماعه

ورحت جري..ع غرفتي..وقفلتها رميت نفسي ع السرير..وانهرت

بكي................................