انثى في عرين الوحوش الفصل السابع والعشرون 27 - بقلم الاميرة ارجوان

الكاتبة الاسدية

ويبقى موت أختي كسرا بالقلب وغصه بأسفل الحنجرة وجرحا لا يشفى أبدا،

اللهم ارحم اغلى من فقدت. لاحزن يشبه حزن القلب على ميت اللهم ارحمها بقدر محبة الناس لها بقدر شوقي لها.

اشتقت لأختي وصوت اختي وضحكات اختي اللهم ارحم من باتت في قبرها وحيده، ربي اجعل أعمالها مؤنسه لها واجعلها تنام مطمئنه برضاك و عفوك يارب

اللهم ارحمها واجعلها ممن يقولون "ياليت أهلي يعلمون ما أنا به من نعيم" اللهم ارحم اختي بقدر ما تمنيت لها البقاء اللهم ارحمها بقدر شوقي لها.

رحيلها هو الوجع الذي أشعر به ولاأستطيع إيقافه اللهم اجعل رحيل أختي إليك نعيما في جنتك اللهم برد على قبرها وزودها إحسانا ونورا.

عاهدت نفسي وربي والامام وعاهدت نرجس الا اخذ حقهة بايدي لو يضل اخر يوم بعمري

وصلنة للمقبرة لكينة الدفان مجهز القبر الهة كلش يم قبر ابوية

اني شفتهم يردون يخلوهة بالقبر واني هجيت اركض بنص الليل وحدي بين الكبور يمكن صدك اتخبلت وصرت مثل جبارة

سلمان ولكم البت تسودنت وهجت اركضو جيبوهة

ماجد والله حقهة الي صار بيهة محد شايفة ولج جوري خوية تعالي ولاتكسرينة فوك كسرتنة

جوري ماريد لتخلون اختي بهاي النكرة لو تخلوني وياهة

ماجد كولي يا الله حرام الي تسوي خلي ندفنهة ميصير هيج هاي هم خطية تحس وتشوف لتقهريهة من تشوقج هيج وهي منا تخاف وراحت مظلومة

جوري زين من تعرفون هي مضلومة ليش جبتونة يم هذول الوحوش

مو كافي غضبان قبل كتل ابوية وهسة كتل نرجس

عيد شنهو هاذ ياهو كالج غضبان جتال ابوي

سلمان عوفوهة هاي تسودنت وتحجي بكيفهة

جوري اني مو مسودنة كلكم انتو مسودنين ويجوز انت شاركت غضبان بكتلة ابوية حتى تاخذ الورث

غضبان كتل نرجس وكبلهة كتل ابوية تسمعون متسمعون انتو بكيفكم بس هاي حقيقة

ماجد وشنو دليلج على كلامج حتى الثار يصير ثارين

جوري الدليل مات وية نرجس من غضبان جان يهددهة ويكلهة اكتلج مثل ماكتلت ابوج

وتهديد غضبان كبل الامي وهي تشوف غضبان يكتل ابوية ويهددهة يذبح بناتهة جوة رجلهة اذا حجت

سلمان الحجي هاذ موش وكتة خل ندفن ونرجع وبعدين نحجي

ماجد جوري حبيبتي بس اهدي شوية خل نكمل الدفن وراهة شتريدين تسوين سوي الطمي اصرخي ابجي براحتج فوخي كلبج بس خل ندفن

جوري رجعت من الدفنة وحبست روحي بغرفتي

كطعت الاكل والشرب والنوم وبس البجي

اي واحد يدخل علية اكوم اصرخ وعيط واطردة ماقبل احجي اي كلمة

عدا خالة سكينة تطب علية تحظني وتضل تبجي على حالي وعلى حال نرجس وتتوسل بية بس حتى اكل شي واني اضل على اصراري ما اكل

كلبي ميهدا ولا يرتاح الا اخذ ثار نرجس
الكل تحجي وتكول جوري تسودنت

واني هم استغليتهة حجة حتى اسوي الي اريدة ما على المجنون حرج

بعد مرور 3 ايام كملو الفاتحة واني اصلا ماحضرت وية النسوان

كوة خالة سكينة خلتني اشرب مي

جبارة جوري جوريتي الحبابة المسودنة هاج هاي حنونة اكلي

جوري ماريد

جبارة جا اتي موش حبابة بس مسودنة

جوري هو يمكن صرت مسودنة خلي ارتاح بلكت ماحس بشي بلكت انسة الي اني بي

جبارة جا هو المسودن مايحس بشي

جوري اي ميحس بقهر هاي الدنيا

جبارة لا ماضن هيج المسودن يحس بكلشي وينكهر جا انة موش مكهور على نرجس ومقهور عليج عبنج بس تعوين وماتسكتين وماكليتي شي

جوري ما اشتهي اكل

جبارة جوري جا ترديني اعوي مثلج

جوري لا لتعوي مثلي ليش تعوي

جبارة جا انة راح اعوي جي ماتاكلين هاج هاي مالتي الحنونة خبزتهة الي امي المسودنة

جوري ماريد عفية جبارة ماشتهي

جبارة جا اتي راح تموتين هيج وتلحكين نرجس

جوري ياريت الحك نرجس ولا اضل هيج شنو هسة اني حياتي

جبارة جا اتي من هيج تسودنتي عليش مانشردين هو المسودن اهنا محد ينشد علية اشردي وروحي لامج

جوري شلون اروح واعوف ثار نرجس مستحيل ارتاح اذا ما اخذت حقهة

جبارة جا هي بس نرجس وكبلهة فريفرة وكبلهة كريمة ومامش واحد اخذ ثارهن

جوري بس اني مستحييل ارتاح الا اخذ ثارهة

جبارة بس انة اخافن عليج عبنهم ذيابة وماتكدرين ليهم

جوري لتخاف

جبارة جا خوش ضلي هيج مسودنة صح يطكونج بس تكدرين عليهم عبنهم مامنين بيج مسودنة

جوري يعني اسوي مثلك

جبارة انة موش مسودن كلكم مسودنين

جوري لا اعرف انت مو مسودن واعرف انت تسوي هيج حتى تامن من شرهم

جبارة انة اطك سلمان واشرد اتي هم طكي غضبان ابو العرك وشردي

جوري جبارة اني اعرف انت عاقل وتسوي روحك مخبل

جبارة انتي المسودنة موش انة

جوري اي صح جبارة احجيلي من شوكت سويت روحك مخبل

جبارة اكنللج انة موش مسودن لاتخليني اطكج بطابوكة

جوري كافي تمثل علية جبارة اني جوري اني سندك واحافظ على سرك للموت

جبارة جا اتي شكاعد تحجين تسودنتي خلني اهج لاتسودنيني

جوري وكفت بوجة جبارة وكتلة ماخليك تروح الا تحجيلي الحقيقة الي اني اعرفهة وانت تعرفهة

جبارة شمالج تسودنتي فد نوب

جوري اني اعرف كلش زين انت مو مخبل وتمثل على الكل دور المخبل اذا كلهم يقتنعون انت مسودن اني لا اعرفك من تصرفاتك ومن اسلوبك

جبارة لا اني مسودن وخليني هيج احسن حتى اكدر ادافع عن نفسي وعن امي وهسة عنج ويو مو مسودن جا لحكتي خواتج من زمان وجا انه هسة وياكهن عبني اعرف جثير عنهم بس محد يحسب حسابي

جوري مو اكلك انت مو مخبل زين ليش هيج لتكلي حتى تكدر ادافع عن نفسك وعن امك تكدر وانت صاحي ادافع عنهة اكيد اكو سبب

جبارة جا نسيتي انة ابن فصلية شلون تريديني ادافع عن نفسي وامي وانة موش مسودن

ومن سويت اي شي جيلة يخلوهة براسي ومامش وحيد يعرف عني شي عبني هيج لا جنسية ولا اصل

جوري اريدك تساعدني اخذ ثار اختي وابوية وامي وحتى ثاري وثارك وثار امك

جبارة سودني روحج

جوري لا ماريد اسوي روحي مخبلة اريد هيج عيني بعينهم واخذ حقي منهم

جبارة جا هيج كلشي ماتحصلين

جوري زين اذا سودنت روحي شكدر اسوي

جبارة شوفي من تصيرين مسودنة الكل تطمن ليج عبنج مسودنة ويسوون الي على هواهم جدامج ليش لنج ماتفتهمين شنهي الي يساوي

وان حجيتي وكلتي هيج سوو يكولون عليج مسودنة اكو واحد يصكد مسودن

وشي ثاني اي شي تسوي مامش واحد يلومنج عبنج مسودنة وكلشي يطلع من المسودن موش صحيح حجيي

جوري صح حجيك وانت طلعت اذكى واحد بيهم وكدرت تقشمر الكل

جبارة احجيلي شنو الي تعرفة

جبارة ماحجي شي عبنج راح تكشفيني
جوري لا صدكني ماكول اي شي

جبارة موش الا تكولين بس راح تصرفين جدامهم وتفضحيني

جوري لا صدك ماتصرف اي تصرف غير الاول ويمكن تعجبني طريقتك واسوي مثلهة

جبارة جا عليش ماتشردين هسة وكلهم يكولون عنج تسودنتي ومحد راح يراجبج

جوري كتلك مانهزم اذا ما اخذ حق اختي وامي وحقي وحق ابوية الي كتلة غضبان

جبارة جا انة ادري غضبان جتل ابوج من زمان

جوري وشلون عرفت غضبان كتل ابوية

جبارة شوفي من جنت انة زغير كلهم مايريدوني والجهال الي وياي وبحلي كلهة ماترضى تلعب وياي عبني ابن فصلية ومامش واحد يتكرب ليه

ومن جنت اروحن لامي اكللهة محد يلعبني وياه وابجي تكلي ميخالف لنك ابن فصلية ومامش وحيد يعترف بيك

وكل يوم اتكاتل وية الجهال حتى العب وياهم والكل تلتم علية ويطكوني ويطلع مني دم وارجع انتكم منهم وطكهم

ويرجعون يطكوني وكامو يصيحون علي المسودن وانة جنت اتسودن صكد من يكولون عني مسودن

بس وراهة كمت من اطك واحد مامش وحيد يحجي عبني مسودن ومامش جارة لية وانة عجبتني الشغلة هاي

بس بيوم عمي محيسن اخذ امج فصلية وامج جابتج وجابت اختج جنت انكهر عليجن خاف يسودنوجن مثلي

من شوي كبرتن وانة عيني عليجن حتى مامش وحيد ياذيجن

انتن كمتن تريدني وتحبني وانة ضليت وين ماتمشن وي امجن اروحن وراجن

وبيوم بالزرع وانة اراكب شفت غضبان يتكاون وي امجن وهي تبجي وتصارخ

اجة عمي محيسن ورجع تكاون وي غضبان وشفت غضبان شلون جتلة بالكرك وامج خذتكم وشردت

انة رحت شفت سلمان كتلة غضبان جتل محيسن كالي ها يالمسودن

تذكرت انة مسودن ومامش وحيد ياخذ حجايتي الصكد

وراهة صرت انة جبارة المسودن ومن صرت مسودن شفت اشكال والوان ومامش واحد يخاف يسوي شي جدامي عبنهم محد يصكدني

شفت اتفاك غضبان وي سلمان من كالة انة شفت شلون جتلت عمي محيسن

وغضبان كالة اسكت لا تشهرنة وتفكو ان ورث نرجس يصير السلمان

وشفت منسية المسودنة شلون خذت سلمان من امة وشمرتهة لهلهة وخلت سلمان الكل بالكل

وشلون خلت سلمان يكتل اخو منسية وحيد حتى تاخذ حكة من ورث ابوهة والكل ماعرفو ياهو كتاله

جوري عزززة شنو من بشر هذول تكتل اخوهة علمود ورث وفلوس

جبارة اي وشفت هواي تخلي الواحد صكد يتسودن

جوري احجيلي بعد شتعرف عنهم

شفت منسية تتفق وي اخوهة على كتله جدي لانة كال اوزع كيعاني وحلالي على اولادي هي كالت لخوهة جا ابو فرج وابو غضبان ياخذون حلال من اولادي

من هيج ودت اخوهة يكتله بس مالحك عبن جدي مات من الله

وشفت كريمة من عشكت هويدي ابن عم حمدان ومن جبرتهة منسية تتزوج حمدان حتى يرد حكة من الورث من جديد الحبوبتي ومن ما رضت كريمة على حمدان تعاركت وياه وكالت انة عاشكة هويدي

ومن هيج خذاهة غصب وذبحهة

جوري لا لا مستحيل اصدك معقولة هيج ايدهم كلهة دم وقتل

جبارة اي كل هاذ انة عرفتة جي مسودن واكدر اخذ حكي والي يطكني اطكة

ومن رديتي اتي وختج ماجان اي واحد يعرف بجيتجن ومنسية كالت السلمان اذبحهن وطمهن محد يعرف بيهن عبنهن امهن شاردة بيهن ومانعرف وين هنة

وانة بيومهة جيت نمت بحجرتي وانتن عيطتن والوادم عرفت بيجن حتى لايذبحوجن

ومن جنتن زغيرات انة الي احامي عليجن ومن رديتن لينة كلت اشوفن ان جنتن مثل منسية والشر مزروع بيجن اعوفنجن تاخذن مصيرجن

بس عرفت انتن مثل امجن فقيرة من يومهة انة صرت حامي ليجن

جوري اريدك تساعدني

جبارة وانة وياج بكلشي

جوري مرت الايام واني بحزني وقهري وجبارة علاقتي بي مثل قبل ماتغير شي احسة اخوية وسندي

كدام الكل جبارة هو جبارة حتى من نكون اني وياه بغرفتنة لان يخاف منهم يتصنتون علينة

وجان جبارة كل يوم يروح يجيب اخبار بيت غضبان ويجي

انحكم غضبان اعدام بس هو جان مجهول الاقامة وبس حمدان رجع الاهلة

مم سمعت بالحكم ارتاح كلبي شوي ورجعت شوي شوي للحياة وياهم

اما منسية بعد مرضهة والشلل الي هي بي ساءت حالتهة كلش وحتى فقدت الوعي وضلت بس نفس يصعد وينزل

على كولت خالة منسية اتجالع وتطلع بالروح ومتطلع لان اعمالهة كلهة سيئة

ضلت شهر تتعذب وتللوع واني من اشوفهة ازيد حقد وكره وادعي ربي يزيد بعذابهة ولا يغفر الهة وللموت ماراح اسامحهة

بيوم الصبح سمعت صوت خالة سكينة تصرخ وتصيح ماتت ام محيسن

حبايب كلبي صدك تعبتوني متخسرون شي اذا دستو النجمة

صدكوني ماراح استفاد شي غير بس النجوم تصعد القصة والكل تشوفهة وتستفاد منهة

تحياتي الكم الاسدية