انثى في عرين الوحوش الفصل الخامس وثلاثون 35 - بقلم الاميرة ارجوان

الكاتبة الاسدية

ميادة احنة ماشين ويمكن عمرنة ماراح نلتقي اريد اكلج بالعافية عليج المستنقع الي دخلتي بي بارادتج ويمكن هو هذا اصلج وكل واحد يحن الاصلة

رشا عمتو ديري بالج على نفسج لان ذبيتي روحج بنص الجحيم

جوري حسيت بفراغ جبير من راحو بيت ماجد بس هذا قراري واني اتخذتة بكامل ارادتي

جميلة الله لايوفقج عبنج خليتي سلمان يطلكني يجيج يوم ويمل منج ويبدلج باخسة النسوان

جوري مو مشكلة المهم شفتي شنو الي اكدر اسوي الج خاف نسيتي شسويتي بية وباختي وبالاخص جدج وابوج شسويتو باختي اذا انتي ناسية اني ما انسة

جميلة ان ماخليت سلمان يلحكج باختج شوفي جميلة شتساوي

جوري الي تكدرين عليه سوي ويلا هسة بلا مطرود باوعت شفت سلمان قريب سويت نفسي ماشايفتة كلت

وياريت بعد ماشوف وجهج ماريد سلمان حبيبي 😍 يشوف وحدة غيري حتى لتسدون نفسة

سلمان اي لا عاب حلكج صكد اكو ناس يسدون النفس ماريدنهم ولا اريدن شوفتهم

جميلة هيج يسلمان جا انة حرمتك ام فروخك هيج تجازيني

سلمان اتي هساع موش حرمتي وفروخي مالج غرض بيهم تردين لهلج مثل ماجيتي وحيدج مالج اي حك

جوري انقهرت من نفسي على نضرة الشماتة الي جانت بعيوني تجاه جميلة وراهة يرجع دافع الانتقام ينسيني انسانيتي وطيبة كلبي

راحت جميلة وسلمان ماخلاهة تاخذ جهالهة وياهة

الي عجبني ماكو احد من اهلهة اجة وسال ليش بتنة اطلكت

يمكن خوف 😱 منهم من موضوع نرجس

اما سلمان كلش واثق من حبي اله والدنيا ماواسعتة

سلمان اكولن يجورية ان تطلكتي من جبارة ماضن نحتاج تلزمين عدة عبن جبارة موش زلمة ويعرف للمرة

جوري لا شلون مالزم عدة ميصير

سلمان انة سالت سيد مصيلح وكال مامش عدة عليهة عبنهة باكرة ومامتدني ليهة

جوري لا عفية سلمونتي خلي العدة حتى نزيد بحبنة ونطورة

سلمان اي تذكرت من جانت جميلة تعشكني ان مامريت يوم ليهة بالزرع جانت تتتزعل بهاي دلالهة وكعتني بت حمييدان

جوري باوعت علية بغضب وكره كتلة خلي جميلة تفيدك عفتة ورحت

سلمان جا شمالج تغارين من جميلة تروحلج فدوة هي واهلهة تعالي يجوري تعالي خن اشبع منج

جوري مرن يومين واني حابسة روحي بغرفتي جبارة من يوم طلكني وهو باقي يم امة ينام

وسلمان ماشفتة بهاي اليومين العصر اسمع سلمان يصيح علية طلعت اشوف شنو الي يريدة مني

سلمان هلا بجورية شلونج يابعد روحي

جوري هلو

سلمان بعدج زعلانة يابعد هلي جا غير اتكشمر وياج بعد ماجيب طروة جميلة ابد جدامج خوش

جوري ماشي نشوف

سلمان لبسي شيلتج وعباتج وتعاي وراي للديوان ضاملج مفاجاة كلش حلوه

جوري خفت كلت الله اليستر من مفاجاتة كلش اخاف منهه سالت شنو المفاجاة عفية

سلمان جا ان كتلج شنهي ماتصير مفاجاة تعاي وراي وتعرفين

جوري بين ما لبست العباية على راسي ورحت للديوان الف حسبة صارت ابالي ساعة اكول عرف امي هنا ساعة اكول يريد يكتلني عبالك المسافة صارت شطولهة

وصلت للديوان شفت سلمان وياه جاسم وعبد ورجال لابس اسود وعمامة سودة عرفت هذا السيد وشفت جبارة كاعد بنهاية الديوان

سلمان شفتي يجورية شلون حلوة المفاجاة شفتي شكد رايد خاطرج انة

عبد شنهي الموضوع عليش مجرجرنة وراك وجايب السيد شنهي الكصة

سلمان اريدنكم شهود عبن جبارة راح يطلك جورية

جاسم جا عليش يطلك موش نريدهة جوة ايدينة

سلمان اي يطلكهة جبارة وتزوجهة انة يلا جبارة كوم خن اعلمنك

جوري عيني بعين جبارة الي تغيرت هواي كتلني القهر عليه

جبارة جا اتة شرايد

سلمان شوف جبارة هاذ اسمة السيد اريدنك تكول جدامة جوري اتي طالك وخلص خوش

جباره شنهي يعني هيج اكولن

سلمان حتى من تطلكهة اتة انة اتزوج وياهة عبنك ماتنفعهة جوري بت حليوة وتريد زلمة حوك

جبارة معلية جوري عروستي انة مانطيهة

سلمان بسك كافي صار هواي هي عروستك خن تصير عروستي انة

جبارة مالي غرض جوري عروستي وتة جذبت علي كتلي البسنك عباية مثل مال الشيخ واعرسنك بس ماسويتهة

سلمان ميخالف انة اعرسنك وحيدة حليوة بس هسة كول جوري اتي طالك

جبارة مالي غرض انة اريدن جوري وهو يحاول ينهزم وسلمان جلب بي كوة

سلمان ولك جبارة لاتخليني اطكنك طلك جوري لا وحك علي اذبحنك

جبارة انة اطكك بحجارة

سلمان ولك يالمسودن انة تطكني

جبارة اتة المسودن وكلكم مسودنين خوش لاتكول علي مسودن

سلمان وك صبري كليل وياك ماضل صبري عدي كول اتي طالك بس هاي

السيد ابني يجوز ميريد يطلك حرمتة لاتجبرة لان هاذ حرام وباطل طلاكهم

سلمان جوري اتي تردين تطلكين يو لا

جوري وعيوني بعيون جبارة وبيهة توسل حتى يوافق كلت اي اريد اطلك

السيد بنتي ان ابغض الحلال عند الله الطلاق راجعي نفسج

جوري لا سيد اني فكرت هواي

سلمان ها جبارة سمعت حوري ماتريدك انة اجيبنلك عروس حلوة وزغيرة وتلبس بدلة بيضة الك وتلعب وياك

جبارة جا لبسولي جوري بدلة بيضة وانة وياهة نلعب

سلمان وك جبارة وهو لازمة من ركبتة اليوم الا اموتنك

جاسم وعبد كوة خلصو جبارة من سلمان والسيد ماقبل يطلك من غير جبارة راح يركض محد يكدر يلحكة بالركض

سلمان والله الوكت اغم جا انة سلمان هيج يخليني الوكت بيد جبارة يضحك علي الوادم ياكاع انشكي وطميني

جوري على كيفك عمري لتسوي بروحك هيج اني احجي وياه واحاول اقنعة

سلمان شتحجين وياه هاذ مسودن لا علم ولا فهم راح يسودني شفتي يجوري هاذ نتيجة اختيارج لجبارة

جوري حتى تعرف شكد جنت مقهورة منك لان متزوج اكثر من وحده

جا شمعرفني انة اشوفنج بيوم واحبنج وتحبيني وانة ماساويت حرام عبن الشرع حلل اربعة

جوري اذا فكرت بيوم تزوج علية الا اذبحك بيدي

سلمان يابوية ماتحمل هنيال حظك يسلمان من كون جوري هيج تحبك

جوري خلي اروح اشوف جبارة بلكت اكدر اقنعة ومن انطيك خبر جيب السيد وتعال

سلمان وج ماضل صبر اريدنج مشتعل نار 🔥 صار سنين وتي بعيده عن حضني

جوري هانت اصبر بعد شوي

عفت سلمان ورحت على جبارة اخيرا لكيتة بالمكان الي دوم يكعد بي من يعتزل ميريد يعرف احد هو وين

جبارة شعدج جاية وراي

جوري ليش هيج جبارة ليش ماطلكتني كدام سلمان والسيد

جبارة عبنج كلشي ماتفهمين انة نيتي احميج من سلمان ومن روحج عبنج تلعبين بالنار

جوري لا شنو العب بالنار اني احب سلمان واريد نتزوج

جبارة ان كل الوادم صكدتج انة دارسج زين

جوري فدوة اروحلك جبارة ابوس ايدك اريد ارتاح نار 🔥نرجس تسعر بكلبي اذا تحبني صدك وتحب نرجس الي نظلمت تطلكني لان انت اكثر واحد حس بالضلم

جبارة جوري لان انة نضلمت جثير ماريدج تصيرين ضالمة ضلمتي جميلة وضلمتي روحج

جوري نسيت الي سوتة بية جميلة شتريد اسوي ها اصفك الهة واكول عفية زيدي بعد

جبارة انتي الحجي ماينفع وياج والي براسج براسج انة راح اساوي الي تردي وتي تحملي نتيجت غرارج

جوري اني اشكرك وعمري ما انسة موقفك وياي هاي اذا ضل عندي عمر

رجعت على سلمان وكتله قشمرت جبارة حتى يطلكني

وبالفعل كدام الكل طلكني جبارة

طلبت من سلمان تخلص العدة مالتي رغم السيد كال ماعليج عدة

وهاي الثلاث اشهر خبلت سلمان بالدلال والحب والهيام

ضل يحسب ساعة ساعة حتى يجي اليوم الي اصير زوجتة

سلمان جورية باجر اخر يوم بالعدة مالتج وراهة عكب باجر اجيب السيد وعكد عليج ونساوي عرس تحجي بي الديرة كلهة

جوري شدعوة مستعجل غير نتفق الاول

سلمان عليش نتفك وانة وتي واحد عاشك الثاني

جوري صح ✅ اني احبك واعشقك واموت بيك بس عندي كم طلب لازم نتفق عليهم

سلمان كل طلباتج انة مستعد ليهة عسى ما ردتي نجوم السمة

جوري اوي فدوة الحبيبي الي يمفذ طلبي شكد احبك سلمانتي

سلمان وج اشتعل ابو سلمانتج وج خل نتزوج باجر

جوري ههههه مو قبل متسوي الي اريده

سلمان كولي وانة من ايدج هاي الايدج هاي بعد مكصر وياج انه

جوري لا حشاك من التقصير
اني مهري غالي

سلمان كل حالي ومالي ليج بعد شتردين

جوري لا ماريد لا مال ولا كلشي اريد مهري موتت غضبان بس هذا المهر اريده

سلمان شنهي ولج تستغلين حبي ليج لجل اجتل غضبان

جوري لا شنو استغل حبك ليش متصدك شكد اعشقك واموت بيك

سلمان بس حجيج هاذ يكول تستغليني

جوري لتزعلني منك وتخليني اكول انت متحبني

مو صار شكد اتكلي اطلبي عيوني اطلبي روحي وانة ماطلبت منك لا روحك ولا عيونك

سلمان بس اتي ترديني اكتل ابن عمي

جوري وابن عمي هم نسيت وبعدين هو مطلوب للدولة ومن تكتلة يصير حلال ابوية كلة الي واني وياك واحد اتنازلك عن ورثي وورث اختي وحتى امي

سلمان وياهو الي يكول اتي صادجة بحجيج

جوري قابل شكدر اسوي شو اني هنا كبال عينك اذا ماوفيت بحجيي تسوي الي تريدة بية

سلمان شوفي يجوري وحك حبي ليج ان حسيت منج بغدر انة اموتنج بيدي

جوري الله احلى موتة من اموت بيد حبيبي وعمري زوجي سلمانتي ابو جهالي الي عمري ما ملت عيني رجال غيرة برجولتة وشهامتة

سلمان صكد هيج تشوفيني

جوري واكثر من هيج بس اني استحي احجي

سلمان زين كلشي يجرالج

جوري صدك الله عليك كول وداعت جوري

سلمان وعيون جوري ان ماجبت مهرج كبل ماتخلص عدتج ماتسمة سلمان وتي بعد حضري روحج عكب باجر تنزفين عروس الي

جوري ماشي واني ماعندي شي غير بس انتضر هاي الساعة الي اصير بيهة مرت سلمان

سلمان يجرالج يجوري تصيرين

جوري راح سلمان وعافني بنار 🔥

جبارة شوفي يجوري هاي النار 🔥 الي شابة بكلبج راح تضل تسعر ماتطفة للموت

جوري ادري بس بعد مشيت بدرب مامنة رجعة وماجنت اتوقع سلمان راح
يصدكني هيج بسرعة ويسوي الي اريدة

فدوة جبارة شوفلي سلمان وين خلي اكلة اني استغليتك وكذبت عليك

جبارة ان ساويتي هيج راح يذبحنج جي سويتي مضحكة للوادم دربج الي مشيتي بي مامنة رجعة

جوري اني اروح اكولة لو اروح اكول العبد حتى يتصرف

جبارة نصيحت مسودن اخذي بيهة خلي سرج بيني وبينج بس لاتورجين وحيد بي

جوري عافني جبارة وراح

بالليل سلمان رجع وما مر علية ابد
ماعرف شوكت نمت يمكن من طلع الفجر
فزيت مت النوم رحت اركض اريد اشوف سلمان مالكيتة بغرفتة

ركضت على غرفة خالة سكينة جبارة ماموجود كالت طلع من طر الفجر

ضليت كاعدة على نار 🔥 شغلة ساعة وصارت الهوسة

اجانة جبارة يركض ويهوس ويصيح سلمان جتل غضبان

شكد جنت منتظرة اسمع هذا الخبر حتى اكول اخذت ثارر اختي بكد ما حسيت خنجر وضرب كلبي ❤ من سمعتة

نورية شنهي وك يالمسودن اتة شتكول جا عليش سلمان يجتل غضبان

جبارة هو اتي المسودنة جا انة شفتة بعويناتي من جتلة وهوست حيل

والوادم كلهة سمعت والتمت وحمدان شاف ابوه مجتول ويدور على سلمان

جاسم الله ياخذك يالمسودن جا اتة فضحت سلمان وشهرتة جدام الوادم

جوري راحو الولد يركضوم وكل واحد بيهم شايل رشاشتة بيدة والكل كامت تتراكض

كلهة اقل الساعة ورجعت الهوسة من جديد والدنيا اشتعلت بالرمي

ورجع من جديد جبارة يركض ويصيح حمدان جتل سلمان

رجعو الولد للبيت وكلهم اتسلحو والتمت العشيرة والكل واحد يهد على الثاني

هواي بيهم كبارية يهدون الوضع لان اثنينهم اولاد عم وكتصير ثارات بينهم
حمدان مهزوم محد يدري هو وين

جبارة شفتي جوري كتلج اضل احميج طول عمري ضليت اراكب سلمان لين عمل عملتة بغضبان وانة شهرتة حتى الوادم كلهة تعرف بي هو جتال غضبان وحتمن اولاد غضبان مايسكتون

وياخذون حك ابوهم وبهيج تخلصين من سلمان وغضبان وتعيشين حرة

جوري ماعرف شكول انت سويت الي اخوتي ماسووه الي والاختي اني اشكرك هواي واريدك تسامحني

جبارة عليش اسامحج انة الغلط مني عبني ضليت اعاين للسمة وهي عالية وهيج تنجسر ركبتي

جوري والله انت السمة واني الي لازم ما اباوع الهة

ورة الفاتحة يوم اجتي جميلة هدت علية وتتعارك وياية وتكلي مات ولا يضل الج عساج ماتهنيتي بيوم

ماجد جوري اني راجع البغداد رشا سولفت النة كلشي ووضحت الموضوع الخالهة تروحين وياية لان اركان منتظرج وما الكي شخص مثلة اامنج يمة

جوري اي اروح وياك ماعندي شي اضل هنا علمودة

اخذني ماجد اني وامي البغداد وعشنة ابيت ماجد

جانت امنيتي اكمل دراستي واصير دكتورة

قبل زواجي من اركان وجانت الامور منفلتة كلشي تكدر تسوي

طلبت من ماجد يسوي جنسية لجبارة وفعلا سوينالة جنسية باسم جابر واخيرا صارت عندة هوية والكل عرفو جبارة مو مخبل

اتنازلت لجبارة عن حقي بورثي وورث نرجس وورث امي لجبارة

اتزوجت اركان وبحكم عملة مترجم وية الامريكان اتعرض لمحاولة اغتيال

والحمد لله طلع منهة وكدرنة نحصل لجوء الامريكا وحتى بيت ماجد لان ميادة اتهددت حالهة من حال الكثير من الاطباء

امي رفضت تسافر ويانة وماجد قنع جبارة وخالة سكينة وبت سلمان وزهرة يجون يعيشون بالبيت مال ماجد وية امي

وفتح لجبارة مشروع زغير عبارة ن سوبر ماركت يكدر يعيش بي بدون الحاجة المساعدة واحد وبالاخص بالمنطقة الكل تعتبر جبارة مجنون

بس هنا يكدر يعيش حياة جديدة وكدر يتزوج وياسس اسرة

امي اتعلمت القراءة والكتابة وبدت تساعد النساء الي متعرف تقرا وتكتب على التعلم من خلال فتح معهد مجاني لمحو الامية

وصارت ناشطة مدنية تطالب بحقوق المراة وبالاخص في الارياف

اني كملت دراستي وفعلا صرت دكتورة وحاليا رجعت البلدي اني وزوجي واولادي اثنينهم وبديت اساعد امي بالمنظمة وتقديم الدعم المادي الهم

اما بيت ماجد مارجعو للعراق ضلو مستقرين بامريكا ورشا اتزوجت زميل الهة وقصي اتزوج بنت سورية مقيمة بامريكا

حبايب نودع عائلة جوري مثل ما طرقنة بابهم اول مرة وتعرفنة عليهم وعلى حياتهم

بهاي القصة فتحت ملف مضلم من احكام العشاير وهو ملف الفصلية

اكو كثير من العشاير حاليا رفضو هذا العرف ومنعو العمل بيه وهذا دليل على الوعي الحالي الهم

يارب تنقرض ضاهرة الفصلية من بلدنة لان البنت مالهة ذنب بتهور وطيش واحد من اخوانهة او اولاد عمومتهة

احب اشكر كلمن دعمني وساندي وصبر علية لان اتاخر بتنزيل البارت

ماعرف شنو الي صار بظروفي بهاي القصة الي خلتني اتاخر هواي بيهة من اول مابديت بيهة واني الاوضاع كلهة تغيرت عندي
شكرا حبيباتي وصديقاتي واصدقائي الي وكفو وياية وتحملوني

اعتذر من الكل ويارب تكون القصة عجبتكم وتكون عبرة لكل بنت انضحك عليهة بقصص الفصلية الي اتكوم بعدين اتحب البطل ويعيشون بحب وسعادة وهذا الشي بعيد كل البعد عن الواقع

تقبلو تحياتي وتحيات جوري

واني راح اخذ فترة عطلة ما ارجع لكتابة القصة الا بعد ان اتاكد من التزامي بالتنزيل اليومي

انتضروني وقصة من واقعنة العراقي المليء بالقصص والحكايات

https://www.youtube.com/watch?v=EYKg0Pluns4