انثى في عرين الوحوش الفصل الرابع وثلاثون 34 - بقلم الاميرة ارجوان

#الكاتبة الاسدية#
جوري لا مو حب مثل اختك اني احس بيك اتحبني وتغار علية

شنو رئيك ايصير زواجنة رسمي بس بشرط

جببارة اتي تحجين صكد ترضين بية انة اموتن عليج شنهي شرطج

جوري اريد المهر مالتي تكتل غضبان

جبارة شوفي يابت عمي من كلتيلي زواجنة يتم كلت ماريد اظلم بت عمي ويجوز من حبي الهة كمت اغارن عليهة من الهوة الطاير وكلت انة اتوهم عدهة علاقة وي الفاهي

بس هسة توكدت اتي تحبين اركين وجاية علي حتى انتكملج من غضبان ومستعدة لجل انتكامج تبيعين حتى روحج

انة ان جنت مجرم وكاتل جا خذيت حكي من سلمان ومنسية وغضبان من زمان موش هسة

لاجن انة اخافن الله وكانع بحكمة واعرف لابد يجي يوم وينصرني عليهم لجل طيبة كلبي ❤ ولجل مخافة الله

انة موش كاتل يجوري ولا اريدنج بيوم تلطخين ايدينج بدم اي الجان

عبن هاذ حرام والانتكام مايجيب غير الانتكام والي يجتل ينجتل

جوري جبارة اني وانت وامك وامي واختي كلنة انظلمنة ومحد خاف الله بينة واني من وافقت على زواجنة لان متاكدة ماراح الكي واحد ☝ يجبني ويخاف علية وراح يحميني مثلك

جبارة صح مامش بالدنيا واحد يحبج ويخاف عليج كدي

رغم هاذ انة ماكتل حتى نملة موش بشر الله حرم كتلتله

ونصحج لوجه الله تعالى اياج تكونين سبب بموت واحد عبنج راح تضلين بنار 🔥 تسعر بروحج ماطولج عايشة

اخذيهة حكمة من مسودن عاش طول عمرة مسودن وعرف معادن الوادم كلهة عبنعم يحجون جدامة على نياتهم

يضنون هو مسودن وكلشي مايفتهم

جوري اني غلطانة اختاريت الشخص الغلط جنت اعتقد لو اطلب منك روحك متكول لا شكرا الك

عفت جبارة واريد اروح صاح عليه جبارة

جبارة جوري

جوري ها مو كملنة حجي

جبارة لا ضل شي بعده

جوري اعتقد كلشي حجينة وماضل شي

جبارة لا ضل بينة مصير مشاركتني بي اكلج يجوري اتي طالك اريدنج تعيشين عمرج وي الزلمة الي اتي اختاريتي

جوري اصلا زواجنة جان باطل من اوله

جبارة لا موش باطل عبني موش مسودن وموش ناكص اهليه

جوري رغم كلام جبارة الي يعتبر كلة رزالة الي ورغم نصايحة بس اني الي ابالي ابالي

من طلكني حسيت براحة عجيبة اخيرا صرت حرة رغم كسرة الكلب الي سببتهة لجبارة بس موبيدي عمري ماحسستة اني احبة حتى يبادلني نفس الحب

بيوم كاعدة يم الشط انتظر اركان لان صايرة ماشوفة من بدا يشتغل مترجم وهو كل يوم بمكان وتجي ايام ماشوفة ميرجع

غضبان ها يحلوة اشوفنج كل يوم تحلوين اكثر واكثر

جوري لك كلب 🐶 حقير الك عين وجاي تحجي وياية

غضبان احجي وغصب عنج جا غير اتي بنية عمي واخت حرمتي الماتت

جوري قصدك الي كتلتهة يامجرم الله ياخذك وهجمت عليه رغم هو جبير بالعمر بس عنده قوة ماكدرت علية

غضبان شوفي ان مديتي ايدج علي اكسرهة الج لا موش اكسرهة ادفننج بصف اختج وابوج

جوري والله محد يدفنك بصف ابوية غيري اذا ما اخذت حق اختي وابوية الي كتلتهم بايدي ماتسمة جوري

عبد وك غضبان النذل تمد ايدك على اختي الا اذبحنك

جوري حسيت عبد هجم على غضبان وكعة بالكاع وظرب بوكسات على وجهة وهو يصيح كون عدي سجينة جا ذبحتك هسة بس ملحوكة وين تروح تطير

حمدان هو وابنة يتعاركون وية عبد يضربون اخوية بكل قسوة مو شي جديد عليهم مجرمين وهذا الشي عادي عدهم

خفت على عبد منهم وضليت اصيح والتمت الناس عليهم وواحد يتهدد الثاني

عبد انة اعلمك يغضبان ان شفتك جدام عيني 👀 اعتبرة اخر يوم بعمرك

امشي جدامي اتي ولاتضلين تفرفرين منا منا

جوري خفت على عبد مشيت وياه بدون ولا كلمة

رشا جوري تعالي عندي حجي وياج

جوري ها شكو رشاوي

رشا جوري عفية بيت محمد راح يرجعون البغداد واريد اروح اشوفة وامي متقبل اطلع

جوري زين اني شسوي هسة

رشا محد يكدر يقنعهة غيرج كليلهة اريد رشا وياية نروح نشوف امي

جوري اوف رشا مادري شنو نهايتج وية محمد احس الولد ملعب

رشا ولج والله يريد يتقدملي بس شوفي الظروف شصايرة قابل يخطبني اهنا ويطلع النة الف واحد ☝ يكول بت عمي وناهي عليهة

ميادة واني كتلج هذا الموضوع مو وكتة كلهة يومين ونرجع البغداد

جوري شنو وين ترجعون والوضع هذا زين واني

ميادة اذا على الوضع كل الناس رجعت لبيوتهم وتدرين لازم نرجع للدوام بالاخص هسة سلموني مستشفى صرت مديرة بيهة

واذا عليج ماجد راح يحل موضوع جبارة واركان منتظرج على نار 🔥

جوري عفتهم وكعدت افكر شلون راح يرحون واني اريد احسس الكل اني ماريد اركان ولازم اتصرف بسرعة كدام الكل

سلمان جميلة وينج يامرة

جميلة هلا يابعد عمري

سلمان تعالي منعولة الوالدين عليش رايحة البيت شيخ جواد وكايلة ليهم سلمان شرد ومايريد بتكم

جميلة جا انة ماصكدت تخلصت من زهيرة وصفيت بس الي ترجع من جديد تريد تزوج عليه

سلمان جا من هيج الا اتزوج عليج اثنين موش بس وحيدة

جميلة وحك علي اروحن للامريكان واكللهم هاذ سلمان حزبي وخاتل منكم

سلمان جا غير اذبحنج بمجانج هاذ

جميلة جا انة مارضى تتزوج علية

جوري سلمان دير بالك منهة هاي مثل جدهة حقيرة تروح صدك تبلغ عنك
الامريكان لو ادز واحد يكتلك على اساس حزبي وكتلوه

سلمان اي اعرفهة منعولة الوالدين كلشي يطلع منهة

جوري عفية حاول لتضل هنا بين ما تهدا ونشوف شراح تسوي

سلمان انة ماخايف منهة وان ماتزوجت اثنين ماتسمة سلمان وشتريد تساوي خل تراويني

جوري لا شنو تزوج اثنين اكيد متسويهة

سلمان جا اتي شلج غرض

جوري مو اني اخاف عليك

سلمان اه صكد تخافين علي من يمتة واتي تخافين علي

جوري من زمان بس انت متدري ومتشوف جانت جميلة عامية عينك

سلمان من كون العمة الي يعمي عيونهه 👀 وعيون اهلهة جا انة ماصكد جوري تخاف علي

جوري بكيفك بعد تصدك منصدك المهم هسة دير بالك منهة هاي حية مثل جدهة تروح تلدغك وبعد كلشي ميفيد

عفت سلمان ورحت لكيت بيت ماجد يجمعون اغراضهم والجنط مالتهم

رشا وهي تبجي جوري عفية شلون راح افاركج فدوة تعالي ويانة شعندج ضالة هنا

ميادة اي مامة تعالي زحالج من حال رشا الله شاهد مايوم افرقج عنه

جوري ادري والله بطيبة كلبج بس ماكدر هسة ارجع

اركان جوري عمري حبيبتي تعالي وياية صدكي كل الي تردي وتحلمين بي اسوي الج بس خلي نبتعد منا

جوري اركان كتلك ماعوف اهنا وانت متكدر هنا تعيش فكر زين وابتعد عني طريقنة مو واحد

اركان جوري انتي شتحجين وحبنة شنو جنتي تحلمين وكعدتي

جوري حبنة ماكاتب الله اله ان يعيش ويكبر خلي ندفنة بكلوبنة

اركان مستحيل اعوفج جوري تدرين بية احبج واليوم اخطبج من اهلج

جوري اكو واحد يخطب وحدة متزوجة

اركان كلنة نعرف شنو زواجج من المخبل ولازم ننهي هذا الزواج

جوري كتلك عوفني اني ماحبك ولا اريدك جانت عندي غاية من هذا الحب ردت اوصل الشي من خلالك وهسة وصلت روح يا ابن الناس وعوفني وحدي

عفتهم وطلعت للزرع اركض ماريد اشوف اي واحد

اتذكرت اغنية كاظم الساهر

ابعد عني يبن الناس
خليني بمراوري وروح
شتداوي جرح جرحين
انة ميت جرح مجروح
منين اجيت انت شجابك الدنياي
ماتحمل مراري

سلمان شمالج جاعدة وحيدج وتبجين

جوري ضايجة ومقهورة

سلمان عليش ضايجة ياهو الي مضيك خلكج

جوري ليش يهمك ضوجتي

سلمان جا عليش مايهمني

جوري انت الي مضوجني

سلمان انة شنهي وصلت يمج مساويلج شي وانة مدري

جوري اي انت لان متحس بية

سلمان جا دولبتيلي عكلي كولي شمالني وياج

جوري اليوم اجيت تكول الجميلة تريد تزوج

سلمان جا هو الشرع حلل اتزوج اربعة وتعرفين حرمتي ماتت وبعدين شلج غرض ان تزوجت يو لا

جوري اي الي غرض تدري ليش قبلت اتزوج جبارة الخبل وماتزوجتك

سلمان عبنج غبية تعوفين الزلمة الحوك وتركضين ورة المسودنين

جوري صح ✅ غبية بس اني ماقبلت بيك لان انت متزوج واني ماقبل وحدة اتشاركني زوجي وانت جنت ماخذ اثنين غير اموت وماتحمل وحدة غيري تشاركني بيك

سلمان جوري اتي صكد تحجين يو الصواب الي تصوبتي سودنج وخلاج تحجين شاطي باطي

جوري لا احجي صدك وياريت هاي مو الحقيقة ردت احرك كلبك مثل ما اني احترك كلبي ❤

سلمان ولكم انة مامصكد روحي وج يجوري اتي صكد تحجين يو تتكشمرين وياي

جوري اهوو كل شوية صدك صدك اني كتلك الحقيقة وانت بعد بكيفك تصدك لو لا وها اذا فكرت تزوج من جديد اموتك
عفت سلمان ورجعت للبيت

لكيت رشا وميادة كاعدات بس شايلات حقد الدنيا كلهة علية

رشا ماما عفية خلي نرجع بسرعة

اختنكت لو ضالين بغداد احسن من جيتنة لهنا ماعرف احس نفسي عايشة بعالم مو حقيقي

ميادة لا ماما هو هذا العالم الحقيقي الي ماجنة نعيش بي

جوري رشا ممكن حجاية وياج

رشا وهي تباوع الامهة احجي ماكو غريب

جوري لا اريد احجي وياج اخذت رشا وطلعت حسيت بيهة مجبورة تجي وياية
كلت رشا اريد اكلج شغلة
بعد ما كملت كلامي

رشا كل هذا مو مبرر على الي سويتي وية اركان

جوري اني اعتبرة مبرر قوي 💪 بعد هاي قناعتي اني

رشا خلي اروح اكمل جمع اغراضي باجر راجعين البغداد الله العالم اذا راح نلتقي من جديد او لا ديري بالج على نفسج

جوري وية هاي الكلمة شفت سلمان جاي قريب علينة

كتلهة ميحتاج ادير بالي على نفسي مادام اني يم سلمان اني بامان

سلمان جا هي غير يم زلمة حوك ياخذ حكهة من حلك السبع

جوري تسلملي ربي يحفظك الي وميحرمني منك

من رشا سمعت هيج احجي عافتني وهي تهز بايدهة

سلمان شمالهة بت اخوج تهز بايدها
جوري شعلينة بيهة هي باجر رايحة
البغداد والله العالم اذا شفناهة بعد لو لا

سلمان جوري تعرفين اتي دوهنتيني اليوم امشي وانة متدوهن وعكلي مشدوه بحجيج ماصكد اتي تخافين علي وتغارين بعد جا عليش ماحجيتي من الاول جا كل هاذ ماصار

جوري اني تندمت ماعرفت اتصرف غيرتي عمتني

سلمان ماطول هيج انة لزوم اتصرف واطلكنج من جبارة المسودن

جوري مو تكول مايمشي طلاكي لان جبارة مخبل وميكدر يتحكم بافعالة شلون هسة

سلمان لا هي جلمة نعلمة شلون يحجيهة وخلص بس اجيبن السيد

جوري زين اذا طلكني جبارة شلون

سلمان شنهي الشلون غير نتزوج انة وياج عبن اتي تحبيني وانة احبنج وموتن عليج وحك علي يوما اعرف جبارة مسودن ومايعرف شنهي الحرمة جا كتلتج وماخليتج تتزوجي

جميلة يبوووو تعالو لية شوفو جوري الك.... ال ال ال جاعدة تتمعشك وي زلمتي اليوم اشهرنج

سلمان هس ولا جلمة وحك علي الا اخليهم يشيلوج جنازة منا

جميلة يا هاي علي انة حرمتك ام فروخك هيج تكلي لجل هاي الك.....

سلمان وج ان عدتي هاي الجلمة اكص السانج كص

جميلة ولكم تعالو لية وجابلوني ياهالوادم تعالو لية وسمعو زلمتي شيساوي وي حرمة جبارة

نورية هاي شكو شنهي هالعياط فضحتونة جدام الواد

جميلة وج خالة لكيت سلمان جاعد يتمعشك وي جوري

نورية يا يا صكد جذب جا مالكيت غير بت الفصلية تعشكهة

سلمان اي اعشكهة واريدنهة حرمة الي
جميلة يا شنهي تاخذ هاي المسودنة ضرة علي اليوم الا اطلع روحهة بيدي

جوري هجمت علية جميلة مثل الثور الهائج مانطتني فرصة حتى ادافع عن نفسي الاجرام ماشي بدمهم

سلمان وهو يبعد جميلة عن جوري ولج يالمسودنة شمالج عوفي البت لا اوديج الاهلج وتي تعرفيني كلش زين ان نويت اتزوج لا اتي ولا اهلج كلهم يمنعوني

وانة نويت اتزوج جوري مامش حجي بعد حجايتي

جميلة وحك علي الا اجنزهة الك كل يوم

جوري واني ما اتزوج سلمان الا يطلك جميلة

سلمان تهدي يجورية انة احط ليهة حد وماتمد ايدهة عليج ابد

جميلة يا يا جا تتوسل بيهة هيج صارت

جوري واني كلت الي عندي لو اني لو جميلة

سلمان جوري اريدنج بجلمة وحيدنة

جوري بهاي الحجي طب اركان حتى ياخذ عائلة ماجد ويرجع البغداد

اركان ميادة اني انتظر بالسيارة ماتحمل لحظة هنا

ميادة ياخوية هو منو يتحمل يضل هنا امشو يمة خلي نطلع منا

جوري شتريد سلمان الي عندي كلتة

سلمان امشينة نتفاهم

جوري رحت وية سلمان كعدنة قريب على الديوان كتلة اسمعك سلمان

سلمان جوري مالج غرض بجميلة هاي مسودنة وتحبني كلش وتغار علي بس شوي وتهدا

جوري اذا هي هيج اتحبك ليش جاي علية روح خليهة تفيدك واني احاول اكوم من مكاني

سلمان وهو يلزم ايد جوري يحاول يكعدهة اكعدي خل نتفاهم

جوري ماعندي تفاهم انت شنو قصدك تحرك كلبي وتكلي جميلة اتحبك

سلمان وحك علي موش مصكد اذني وج جورية اتي هيج تحبيني وانة مدري

جوري بعد ماحبك عندك جميلة

سلمان عليج العباس ابو فاضل كولي انج تعشكيني

جوري ماكول متستاهل هاي ابسط شي طلبتة منك متسوي الي

سلمان يبو شعلتي ابو ابوي من تدللين علي وج ابيعن هلي وعشيرتي كلهم لجلج

جوري اي امبين

سلمان من هاي الساعة جميلة حرمت علي مثل ما حرمت علي اختي ها رضيتي علي

جوري هسة تروح اتطلكهة

سلمان اي هسة وانة اخلي جبارة يطلكج ونتزوج

جوري اوك

سلمان جميلة من هاي الساعة اتي حرمتي علي مثل ماحرمت علي اختي واتي طالك هاي جدام الكل

جميلة يبووو تطلكني يسلمان لجل وحدة كح.... بت فصلية

سلمان ان سمعت جلمة وحدة على جوري ادفنج بمجانج

ميادة احنة ماشين ويمكن عمرنة ماراح نلتقي اريد اكلج بالعافية عليج المستنقع الي دخلتي بي بارادتج ويمكن هو هذا اصلج وكل واحد يحن الاصلة

رشا عمتو ديري بالج على نفسج لان ذبيتي روحج بنص الجحيم

جوري حسيت بفراغ جبير من راحو بيت ماجد بس هذا قراري واني اتخذتة بكامل ارادتي

حبايب انتظروني وتكملة البارت الاخير من قصة انثى في عرين الوحوش

تقبلوي تحياتي اختكم الاسدية