انثى في عرين الوحوش الفصل الخامس 5 - بقلم الاميرة ارجوان

الكاتبة الاسدية

مساء الورد مساء المحبة مساء السعادة

كل الي مامتابع حسابي يتابعة حتى يوصل كلشي جديد وياريت تضيفون القصة المكتبتكم حتى تجيكم التنبيهات بتنزيل البارت

مثل ما كلت سابقا اي تشابة بالاسماء او الاماكن هو مجرد صدفة لان تم تغيير الاسماء والاماكن

القصة حقيقية فقط اضافة بعض الاحداث لمتطلبات الحبكة الدرامية

اكدر اضل عايش حزين وياك
وانت بغير عالم واني هايم بيك
مامجبور اموتن واشتعل وانهار
ولا مجبور احير بعيدك شانطيك
من شفتك تحب وتساند الياذيك
جنت مثل الدرع واكف اصد الناس
واطك بوجه اليحاول يمس طاريك
ومن انه اتعبت انت ادفعتني بساع
شلونك ماكلتلي ولا كلتلي شبيك
رحت بكل صلافه تعانك الباعوك
وبيديهم تخلي كبالي ذني ايديك
مريض انت صدك راجع طبيب ارجوك
مجنون انت كلش ماجنت ادريك
ما اشكيك ابد لا والله ما اشكيك
وما اخليك ابد نص كلبي ما اخليك
روح اركض وره العافوك يامسكين
روح انت مثلهم ضايع وجذاب

هيلة كلة المصلحتكم جنت اخاف عليكم لا مصيركم يصير مثل مصيري

جوري ترحين تنهزمين وية واحد وتكتلين ابونا حتى ليصير مصيرنا مثلج مو

هيلة بس اطني مجال احجيلكم الحقيقة كلها واذا ماصدكتني اني الي بعد ماريدجن واكللجن روحن الاهلجن لان ماعندي بنات

نرجس اسمعي جوري خلي تحجي واحنا نسمع حتى لتكول ظلمتوني وماخليتوني احجي واعتقد احنا كبار ونعرف الصدك من الجذب

جوري احجي نسمعج واذا ماعجبنا الحجي وماصدكناج اهلنا موجودين ونعرف الحقيقة منهم

هيلة هيج بساع بساع صارو اهلكم وحجيهم هو الصح يابنات بطني وسفة والله ضاع تعبي وياجن

جوري انتي الي ضيعتي عمرنا كلة بوهم شكد سالناج شكد توسلنا بيج ماجان صار كل هذا لو حاجية الصدك

هيلة اسمعن ولتقاطعني خلي اسولفلكم كلشي

عوده للماضي

ابو صاحب خايبين هوو ولك صويحب دولاب وتدولبنة

صاحب ها بوية شصاير

ام صاحب شمالك يارجال جاي ترعد علينا

ابو صاحب اكللكم دولاب وتدولبنة سعدون جتل فاضل ال شنون

ام صاحب صخام وتصخمنا تحجي صدك

صاحب بوية وسعدون وين هسة وليش جتلة

ابو صاحب جنا جاعدين بالكاع نحرث من فتحنا الماي لنة مكطوع ومامش ولا كطرة ماي

راح سعيدين يشوف ليش الماي مكطوع لكاهم بيت شنون مسوين سد على كاعنا وكاطعين مايها

تعرف اخوك مسودن راح يعارك ويعربد وحجاية منة وحجاية من ال شنون حط الجيلة بكلب فضيل وجتلة بمكانة

وبعدهم بصدمتهم اخذت اخوك وهربتا جا بيت شنون مادكونة وما هدو علينة

ام صاحب يمة احو احو تفرهدنا وتعزينا ولكم ذول ال شنون مسودنين وياخذون الثار ثارين

صاحب لابوية مامش شي خل نعشم عمامنا بوية خلي امي تروح تعشم كرابتنا وانة اروحن منا وية الراك مال الماي المن اخوتي وامشي للعمارة

ابو صاحب اي بوية امشي وروح الخوالك عبن السالفة جبيرة وبيها دموم

ام صاحب ولج هويلة سعيدة انطني عباتي ولجن موت الخذاجن ولا ياخذ اخوتجن

هيلة يمة شمالج ليش هيج تصيحين وجان نسمع صوت التفك والجيلات ترست البيت ترس

سعاد يمة دشو علينا الايرانيين

هويلة يمة انة اخافن منهم راح اختل بالتنور

ابو صاحب ولك بوية صويحب راح يجتلونة بمجانة

صاحب لا بوية هاي بس دكة خلهم يرحون وانة المن اخوتي كبل لايسمعون بينا ويجون اهنا

ام صاحب ولك يمة شوف مريتك وين خلها تجي يم هذن الغظب بس يرعدن من الخوف وانة ماشية العمامكم

وماوصيكم اخذو فلوس وياكم حتى ماتضلون بالعمارة

هيلة عافتنا امي واحنا الخوف كاتلنا وصاحب راح بعد ماشفناه لا هو ولا اخوتي وابوي لازم التفكة وجاعد اباب الحوش

كلها شوي من الوكت ونترس الحوش زلم كلها مسلحة وشكلهم يخوف

جنت كلش خايفة منهم واني ماعرف شكو

خلصنا يومنا كلة نركض انة وامي ونسوان اخوتي نسوي اكل وجايات وكل شوي تصير حرب يمنا وانة اريدن بس اعرف هذول الايرانيين شعدهم ويانة

سعاد اكولن هيلة جا ذول الايرانيين عافو الجيش كلة وجايين يحتلون بيتنا

هيلة لا ولج جا هم مايعرفون الجيش من اهلي بس انة اخافن جايين علينا ياخذونا يكولون هم ياخذون البنات ويصخموهن ويجتلوهن

سعاد يمة غنية جا عليمن يصخمونة وهم منين يجيبون صخام يمكن من الجدورة مالتنا

هيلة اي يمكن جا هي مو بس جدورتنا مصخمة شفتي ذاك اليوم جدر بسيمة الرعنة شلون الصخام تارس حتى بطن الجدر

ام صاحب ولجن كافي بس تهذرن وكومن ساعدن البنات بساع

هيلة كمت كل شوية اروح اتصنت على عمامي اريدن افهم شكو كلشي مافهمت

بس احسهم ارتاحو من اخذو شيوخ وجاهة من غير عشيرتنا وخذو عطوه من اهل ال شنون

يومين وتطشرت الوادم كلمن راح الحلالة وبيتة وضلينا احنا وحيدنا بس النسوان والجهال وابوي رجال جبير

انة هلي 12 نفر اخوتي 7 وخواتي 3 وامي وابوي اخوي صاحب الجبير وطالب وسعد وسعدون هلال وبدر والزغير جاسم امي غنية وابوي حسون

اختي الجبيرة بدرية متزوجة ابن عمي وانة واختي سعاد ازغر مني

عندي عمام خمسة وكل واحد بيهم عنده جيش من الولد والبنات وطبع بعشيرتنا البت تاخذ اين عمها ماينطوها للغريب

البنات عدنا متطب للمدرسة عدهم عيب البت يشوفوها الغربة ومن يصير عمرها 14 سنة يزوجوها لابن عمها

وانة هسة عمري 13 سنة ونص امي اتكلي ورة الحصاد تزوجين ابن عمج مهيدي اسمة حسن

جنت ماعرف حسن ياهو من ولد عمي مهدي بس اعرف بي هو هسة بالجيش وبالجبهة

جانت امي ماتحجي شي بسوالف الكبار لو بسوالف الزواج كدامي انة واختي سعيدة

ومن يجون نسوان من السلف يتعللن يمنا جانت امي متقبل نطلع الهن ويشوفنا

تكول عيب عبنهن يكولن غنية تعرض بناتها على النسوان تريدلهن رجل

ابوي وامي يومية ينحبون على خوتي والفلك الي صار بينا مرن عشر تيام على جتلة فاضل ابن ال شنون صارت الكعدة مال العشيرة حتى يفصلون ال شنون

ابو صاحب غنية اليوم مامش مجال ياكاتل يامكتول تعرفين ال شنون مو كليلين شر وخافن مايرضون بالفلوس ولنهم يردون دم بدم

ام صاحب اسم الله فال الله ولا فالك انطيهم كلشي يردو فلوس كياعين حلال لاتكصرون بشي

ابو صاحب كلبي لاعب والشيوخ مايردوني اروحن وياهم يكولون جرحهم جديد ومانريد ينلجم من يشوفون واحد من اهل الجاتل

هيلة جان كلبي ينمرد مرد على ابوي من اشوفنة متزوهر مثل السمجة الي طالعة من الماي

كاعدين وناطرين الوادم الي راحت للفصل ترد لينا واسمع صوت هوسة وصياح اباب الحوش مالتنا

ابوي طلع يركض واشوفنة مجتف واحد وهذاك الرجال مثل الثور يرافس وابوي زلمة جبير مايكدر يلزمة وهذاك يصيح ويصرخ

حسن والله لو اسويها مجاتل لو العشيرة كلها تتجاتل جدام عيني بت عمي هيلة الي ومانطيها فصلية

هيلة يا اكلج سعيدة هو هاذ ابن عمي حسن الي يريد يتزوجني جا شنو يكول مانطيها شنو اني صخلة مالتة وماينطيني والله يالله

سعاد اكلج هيلة جا هو ياهو الي يريد ياخذج وحسن مايقبل ينطيج

هيلة شني جا انة صخلة وينطوني الياهو الجان اشمالج انتي ابوي مايرضى ينطيني وامي هم ماترضى وهسة حسن مايرضى

كاعدين نحجي اني وسعاد ونسمع صوت الزلم والهوسة وعمي مهدي اتعارك وية ابنة حسن ويكلة تسكت وتنجب ولا كلمة تحجي تريد الزلم تنجتل علمود حرمة

الزلم كعدت واتفقت بيت عمك يجلون من السلف ونطيهم هيلة فصلية ونطيهم الفلوس الي رادوها

حسن بوية هيلة حرمتي شلون ترضاها انطي حرمتي خلهم ياخذون اختها سعاد

ابو صاحب لاعمي مايصير سعاد بعدها جاهل كل عمرها 12 سنة مومال فصلية

هيلة ولج سعيدة جاهي شني الفصلية يعني مثل هاي الخياطة الي تفصل دشاديشنا

سعاد اي هي مثلها

هيلة جا خوش من اصيرن خياطة وافصل دشاديش للنسوان

ابو صاحب غنية ياغنية

ام صاحب جيتك جيت

ابو صاحب حضرن رويحتجن ولمن الي تكدرن علية راح نعوف السلف هذا شرط اهل المجتول وزهبي ( جهزي ) بتج هيلة خذوها فصلية وخذو 25 مليون فصل او شرطو وين مايشوفون واحد من ولدنا يجتلوه

ام صاحب دخيلك ربي جا وكياعينا وحلالنا جا وين نطي وجهنا وياهو الي يلفينا وهاي هيلة الفاهية تروح فصلية جا غير يمرعدوها تمرعد ربي دخيلك

ابو صاحب مايفيد الحجي تساعدن وخلنا نمشي انطونا مهلة ثلث تيام مانضل بالسلف وباجر الشيخ ياخذ هيلة يكطع مهرها على محسن ابن ال شنون

ام صاحب عزة وصخام محيسن الزلمة الجبير جا هاذ عندة كومة فروخ

ابو صاحب احمدي ربج صارت لمحيسن مو الفرج جان رايدها فرج بس الساده مارضو كالو انت بكد جدها وحرام تاخذها وصارت من نصيب محيسن

ام صاحب سودة بوجهي هاي الجمارة الزغيرة تروح فصلية هاذ حظها المصخم

ابو صاحب ماينفع حجيج جهزيها باجر ياخذوها شيخ حمزة وسيد حسين هذا كدرها ومحد يغير الاكدار

هيلة جاعدة اني ونسوان اخوتي نشتغل بالحليب حتى نروب دشت علينا امي بس وجها مليان وجع وقهر كلنا خفنا

ام صاحب كومن يبنيات لمن الي تكدرن علية باجر عايفين السلف وماشين للعمارة

فرحة مرت صاحب جا ليش نعوف السلف وحلالنا والبيت

ام صاحب هاذ هو الفصل نعوف السلف وانطينا هيلة فصلية وفوك كل الظيم بعدهم يردون دم

هيلة ماجنت افتهم شكو اسمع بس نسوان اخوتي يتصارخن وكل وحدة بيهن تجي تشبكني وتنحب وتروح وتجي غيرها نفس الشي

جان تجي امي بيدها بقجة ملابس ( قطعة قماش تربط من الجوانب لحفظ الملابس والاشياء داخلها ) وخلتهن يمي

ام صاحب يمة هيلة هاي بقجت هدومج كلهن اسود وهاي شيلة منا وغاد تلبسين شيلة عبنج راح تصيرين حرمة

اريدنج تصيرين كوية وتحملين كل الي يجيج من بيت ال شنون يمة باجر تطلعين من بيتنا ويمكن عمرنا ماراح نشوفج ولا تشوفينا

خلي ايمانج برب العالمين هذا كدر ومكتوب

هيلة جا يمة اذا كلبي طك عليكم شلون

ام صاحب خلي عينج بعين الله هو اليصبرج

يوم ثاني امي لبستني الشيلة ماجنت اعرف البسها ولبستني عباتي وانطتني بقجتي بايدي واخذوني السيد والشيخ بعد ما ابوي كال للشيخ انت وكيلها تكطع مهرها

من طلعت من بيت هلي سمعت الثغيب ( البكاء الشديد بصوت ) والنحيب وراي وجان هذا اخر يوم اشوفن هلي بي

وصلت بيت ال شنون جانت كيعانهم اوسع من كاعنا وبيتهم كلة غرف وهواي تعجبت على كثرتها

من وصلنا اخذني واحد كالي تعالي وراي واريدنج تتحشمين وتكبعي بشيلتج لا تخلين الزلم تتفرج عليج

سويت الي كالي علية ومشيت وراه دشيت بغرفة جانت زغيرة بيها دوشك ومخده وبيها صندوك وحصيرة مال سعف

كال الولد طبي بغرفتج هاي وماتطلعين منها ابد لو تنكلب الدنيا ماتطلعين سد الباب علية وراح

بقيت افتر بالغرفة وعاين بيها شو مالكيت المكينة الي تخيط حتى افصل الدشاديش للنسوان

جا هاذ الولد كال لاتطلعين من الغرفة جا شلون اكل شلون اشرب والله يا الله شماله مسودن هاذ

ضجت خليت راسي على المخدة وغفيت ماحسيت غير ايدين تسحلني وتملش بشعري من غير الغلط والسب

وياها مرة ثانية لزمني كطعني ضرب ورفس وتملش حتى عض عضني

ماخلصني منهن غير زلمة دش علينا وهو يسب بيهن ويطردهم

محسن اذنج المسودنات

هيلة واني ابجي من الوجع اي كتلني واني ماسويت الهن شي

محسن ميخالف اتحملي هاي مرت المرحوم محترك كلبها عبن اخوج جتل رجلها والثانية مرتي ام ماجد غيرانة منج

هيلة جا هي تعرفني حتى تغار مني

محسن لا متعرفج بس لان خذوج فصلية الي كعدي بغرفتج ولاتطلعين هسة ادز كريمة تجيبلج ماي

هيلة شمالهم ذول كلة لا تطلعين لا تطلعين جا انة محبوسة لو فصلية

ضليت شوي كاعده طبت علية بنية بكدي لو اكبر ماعرف شايلة بيدها سراحية ماي

كريمة هاج ازقنبي لاعبالج اخدمج غصبن عليج تخدميني انة وامي بس اصبريلي خل يروح ابوي تفو عليج

هيلة يا هذول شجاهم انة شدخلني بيهم ليش هيج يكرهوني
بقيت بالغرفة ساعات اريد اروح للحمام محصورة

والجوع كتلني بقيت الوبن وصار الليل وانة على كعدتي
جان تنفتح الباب ودش عليه الزلمة الي وخر النسوان شايل بيده ماعون وعلية خبزة خلاهن جدامي

محسن ادري بيج جوعانة هاج اكلي

هيلة صح جوعانة بس اريدن وسكتت لان خجلت منه

محسن شتردين

هيلة اريد واني افرك بايدي

محسن كولي شتردين لاتستحين مني

هيلة حسيت بي خوش زامة اريدن اروحن للحمام

محسن تعالي وياي اني اخذج

هيلة يا جا انت ماتستحي تروح وياي للحمام

محسن لا ماستحي لان انتي هسة حرمتي

هيلة لا حرمتك شنو انة فصلية وانة حرمة ابن عمي حسن

محسن اسمعي ولج انتي حرمتي واذا يوم سمعت اسم حسن بحلجج احط جيلة براسج وراس حسن افتهمتي يو لا

هيلة اي اي افتهمت

محسن يلا كومي اخذج للحمام ماضل انتضر اليوم كلة والوادم تريد مني النيشان يلا

هيلة كمت وياه واخذني للحمام اشكد جنت محصورة متت حسيت روحي ارتاحيت شفت جسمي كلة اثار ضرب وعض وتملخ شكد يوجعني

طلعت لكيت الزلمة واكف ليغاد ينطرني اطلع من الحمام

انة طلعت جان ترجع تهجم علية وحده من هذن الي كتلني لزمتني من شيلتي وملشت شعري كوه هذا الزلمة وخرها مني وهو يضربها ويعيط عليها

ام ماجد ها خذيتها حلت بعينك عبنها جاهل وترفة تكتلني علمودها انة ام فروخك هيج تساوي بية

محسن وج انة شلحكت اسوي البت كاتلها الجوع والعطش وجانت محصورة جبتها اهنا

ام ماجد جاعليش ماخذيتوها الابن فرج الابن فتاح يامكثر شبابنا

محسن مو انه الي ردتها هي هيج صارت وبعدين الفصلية لازم تصير من نصيب اخو المجتول كافي حجي وطبي الحجرتج

هيلة خذاني الزلمة وطبينا للغرفة حط الاكل جدامي وانة استحي

جا هو شمالة ضل بالغرفة وياي مايروح حتى اكل مو متت من الجوع

محسن كالو اسمج هيلة صحيح

هيلة اي

محسن يلا هيلة اكليلج لكمة وفضيني لان عندي هواي حجي وياج

هيلة زين انت اطلع خلني اكل

محسن لا ماراح اطلع اكلي وانة ادورن وجهي عنج

هيلة حسيت بي خوش زلمة كافي دافع عني وجابلي اكل

شلت الخبزة لكيت جواها تمرات وشوي جبنات مالحات هلكد جوعانة جني ماكلة خروف موش جبنات كملت اكل وشربت ماي شفت الزلمة يعاين علية وهو يتنوعلي

شوي شفت الزلمة نزع دشداشتة ونزع فانيلتة وانة جفلت بمجاني

عبن اخوتي وابوي مايوم نزعو هدومهم جدامنا

شوي واشوفنة نزع سروالة وانة خبصت الدنيا بعياطي

اليوم الاغنية كلها حنين وألم

لتنسون التصويت فدوه الكلبكم الي يحبني يدوس 🌟🌟

تحياتي الكم اختكم الاسدية

https://www.youtube.com/watch?v=S1sGyS5Bxsw