رواية أنتقام عاشق 🔞 الفصل الخامس عشر 15 - بقلم الحساب مغلق

اني ماريد اجي هنا ...وديني لبيتي...

هذا بيتج...بيت رجلج..

ما اريد ..اريد اروح ..

انتي من كل عقلج اخليج تروحين هناك وتباتين وحدج...لا وفوكاهه مريضة ...انسي الموضوع...انزلي وسمعي كلام ...

ما ...

همممممم....الظاهر انتي ينرادلج ربط وتاديب...بس مو هسة انتي خطيه مريضة ...انزلي وسمعي كلام ...الجو بارد وراح تتمرضين بالزايد...

ما ...

براحتج
..
نزل ودخل للبيت وعافني...

بقيت بالسيارة شوية ...بعدين بردت ...والدنيا ظلمة خفت كلش ....
نزلت من السيارة ودخلت للبيت ..
البيت كان هدوء ...والجو مظلم...ما عرفت وين اروح ...خفت لا تطلعلي هذيج البنية العصبية و تطردني...صعدت فوك ...جان اكو هواي غرف ...ما عرفت ياهي غرفة احمد ...صحت على كيف..

احمد...انت وين ...احمدد..

واني دا امشي انضربت بمزهرية جانت بالزاوية ووكعت وانكسرت ...يبوووووو...هاي عود اني ردت امشي بهدوء...

انفتحت باب وطلع احمد ...
ههههه..هله ....انتي دائما دخولج مميز ...تذكرين شلون دخلتي للسيارة اول مرة شفتج...هههههه..جان دخولج كارثي...

خجلت من ذكرني...

اني آسفة...ما شفتها...ظلمة...

مو مشكله ...فدوة الج ..ولو هي أثرية وغاليه...بس فدوه الج المزهرية وصاحبها ...
تعالي..
.اخذني ودخلت وياه للغرفة ...من دخلت خفت ..اتذكرت البارحة شصار بيه ..جسمي كله كام يوجعني ..

.لتخافين ...مراح اسويلج شي...صح انتي حلالي...ومن حقي اسوي الي اريده وياج...خصوصا انو احنا بينا اتفاق وانتي لحد هسة ما نفذتي الجزء الخاص بيج ...بس مع ذلك ..مراح اجبرج ...اني قررت اتركج على راحتج...هذا مو معناه اني متنازل عن حقي بيج ...لااا...بس صابر وياج ...
يالله ..بدلي ملابس وتعالي نامي...
لا اني هيج مرتاحة ...
اوووف ...كم مرة كتلج لتعانديني ...اني احب الي يسمع كلامي ...اذا تريديني اصير زين وياج لتعانديني ...زين؟..بدلي وتعالي...كتلج ما اسويلج شي ...

زين ...شالبس..ما اريد نفس هذيج الهدوم مال بارحة..

ههههه..ماشي ....
فتح الكنتور وانطاني تيشيرت من عنده ...

هاج ...هذا يصير دشداشه عليج ...
اخذته ورحت للحمام بدلت ...طلعت لكيت احمد نايم .......استحيت انام يمه ...نمت على كنبه موجوده بالغرفة...بس سمعته يكول...

مو كتلج لتعانديني ...تعالي هنا احسنلج...

كمت نمت عالفراش بس بقيت عالحافه...ودرت وجهي ...ما حسيت الا وهو جرني يمه وحوطني بايديه الاثنين وخله وجهه بشعري...

ااانت مو كلت ما سوي شي ....

اي ...ليش اني شمسوي ...بس حاضنج ...ما اعرف انام اذا ما احضن ...وظل يلعب بشعري بوجهه ...كلش اتوترت ...وكلبي كام يدك ...ردت احجي بس حسيته نام ...نام وهو حاضني ومغطي وجهه بشعري ...
جانت انفاسة حارة على ركبتي ...ظليت متوترة ...وخايفة ...بس لا ...مو خايفة ...الخوف بده يروح شويه شويه ...حسيت بالدفو والامان واني بحضنه ...اول مره يصير عندي هيج احساس ...على الرغم من كل الي سواه بيه بس اني احبه ...اي ...احبه ...من اول مره شفته انعجبت بيه ...وظليت ادور على معلومات عنه ...بعدين حبيته وتعلقت بيه اكثر لما اتقرب مني ... انجرحت منه هواي وحسيت بالذل والاهانه ...بس خبي بقه جوه ...خاتل ...بنص كلبي...لذلك ما كدرت اكرهه ...ابد ...ولا لحظه ...تمنيت نظل هيج ...ويحبني ...ويخليني زوجته صدك وما يتركني ...كمت ابجي وعيوني دمعت ...وكعت دموعي على ايديه ...حس بيه دا ابجي ...شبكني حيل ...

ليش تبجين ؟...بعدج خايفه مني؟
مو كتلج لتخافين ...

لا مخايفه ...بالعكس ...حاسه بالامان ...كلش حبيت هذا الاحساس ...وتمنيت ما افقده ...لذلك نزلت دموعي ...اسفة اذا كعدتك

دار وجهي عليه ...باوع بعيوني ...ومسح دموعي ...وابتسملي ...

تدرين عيونج يصيرن حلوات من تبجين؟...بس احلى من تضحكين...
اني ابتسمت ...وهو باسني من راسي...وحضني من جديد ونمت بحضنه ...جانت احلى نومه بحياتي ...