رواية أنتقام عاشق 🔞 الفصل السادس عشر 16 - بقلم الحساب مغلق

كعدت من النوم الصبح شفت ميار نايمه بحضني وشعرها مغطي وجهي ...الله ...شكد جنت مفتقد هذا الشعور ...اخر مرة هيج نمت ويه وحده جان ويه زمن ....صح صار عندي علاقات هوايه ..بس جانت حتى اطفي عطشي للانتقام من كل وحده مثل زمن ...ما جنت احس باي مشاعر ويه اي وحده ...علاقات حيوانية فارغة هدفها الانتقام ...اوووف يا زمن ..الله يحركج ...دمرتيني وقتلتي الانسان الي بداخلي ...
جنت اباوع على ميار وهي نايمه...ملامح جميلة بريئة طفوليه ...حاولت ادمرها بغبائي وسعيي للانتقام ...مسكينة...تركت اثار واضحة على وجهها وجسمها ...ما ادري اذا ممكن تنسى في يوم من الايام الي سويته بيها ...
..
ميار.
فتحت عيني الصبح لكيت احمد يباوع عليه وهو مبتسم ..ويلعب بشعري..
صباح الخير يا حلوه ...

صباح النور

نمتي زين ؟

اي كلش زين ...عبالك صارلي سنه منايمه ...

حرارتج خفت ...يجوز جنتي مريضة بسبب التعب وقلة النوم..

يجوز ...احس اني احسن بهواي ...

اي مو حضني بيه سر ...يشفي من الامراض ...

هاا...اي زين ...لذلك بسرعة طبت ...هههه

طبعا ...شنو متصدكين؟...اما غير شي ....بيه سر من نو ع ثاني ...راح تعرفين من تجربيه ...شو صرتي حمره ...
شنو ليش تخجلين ...انتي حلالي ...لازم تتعودين على هالكلام ..
.واتقربت منها وبستها من شفايفها ...

ميار..
من باسني حسيت برعشة بكل جسمي ...فرق بين البوسه مال يوم وبوسة البارحة ...البارحة رادت تطلع روحي من الخوف والرعب والقرف من باسني بالغصب ...بس اليوم غير....ذبت بين ايديه ... عبالك البارحة كان شخص ثاني

..اكلج ...اني وعدتج ما اسويلج شي ...بس اذا بقيتي بعد دقيقة بين ايديه ما اعتقد راح احافظ على وعدي ...كومي ...

كمت ...رحت للحمام ..بدلت ملابسي وطلعت لكيته دينتظرني ..لزمني من ايدي ونزلنه اني وياه ...
من نزلت كلي تعالي نتريك...
كعدنه اتريكنه بعدين راح وتركني بالبيت بعد ما وصى الخدم يديرون بالهم عليه ويسمعون كلامي ...
ظليت افتر بالبيت ..وتعرفت على الي يشتغلون بيه ..بعدين صار الظهر ضجت من الوحده و ظليت كاعده بالصاله اباوع عالتلفزيون ...وفجاة اجت البنية العصبية ...دخلت للبيت شافتني اتخبلت ...كامت تصيح عليه ..

انتي شدسوين هنا ...شرجعت ...كومي طلعي منا ...روحي رجعي للملهى الي جابج منه احمد ...كومي...وجرتني من ايدي ورادت تطردني

زينه ..
دخلت للبيت لكيت البنية الي جابها احمد البارحة بعدها بالبيت وكاعده وماخذه راحتها....اتخبلت ...شلون هيج يسوي ...ردت اطردها وارجعها للشارع..

كومي طلعي ..يالله ..

الله يخليج ...اسمعيني ...انتي فاهمة غلط ...اني مو مثل ما تعتقدين ...
اي طبعا ...شتريدين تكولين ...اكيد شريفة وحبابة مو؟

والله شريفة ...اني مو وحده موزينه ...اني زوجة اخوج ...

شنوووو؟؟؟

اي والله ...زوحة احمد ...هو عقد عليه ...مخليته يلمسني الا يعقد عليه ...وهاي اثار الضرب الي عليه لان امتنعت اسوي شي حرام وياه ...الله يخليج ...اسمعيني...انطيني فرصة اشرحلج وراهه سوي الي تردين...

كعدت وحجيتلها كلشي صار ويايه من اول يوم شفت احمد لليوم ...

اني اسفة ...طلعتي انتي مظلومة ...بس احمد خبلني بسوالفه واعتقدتج وحده من البنات الي يمشي وياهم ...اعتذر حبيبتي ...طبعا اني اخته الصغيرة واسمي زينه...

لا ...لتعتذرين ...العفو منج ...اتشرفت بمعرفتج ...والي سويتيه من حقج ...تخافين على اخوج ...بس هو كلش يختلف عنج ...انتي مثل الملاك ...ليش هو هيج؟
اوووف ...هيجتي الجرح ...راح احجيلج ...بس لتخلين احمد يعرف ...لان هالموضوع مؤلم بالنسبة اله ...
وحجتلي زينه على كل الي صار وشلون زوجته خانته ويه اخوه ...
طبعا هي تحجي وتبجي ..واني هم كمت ابجي وياهه ...كلش تاثرت بالقصة ...وبصراحة انقهرت على احمد حييل ...حسيت بحركة كلبه ...الله يساعده ...وقررت اني وزينه انو ما اتركه ...واوكف جنبه حتى لو دفعت الثمن غالي ...لازم ارجعله ثقته بنفسه ... وبالاخرين ...

انتي خوش بنيه ...اني متاكده انو ربي دزج لاحمد حتى تساعديه ...لا تتخلين عنه ...ظلي يمه ..خليه يحبج...والله هو كلش خوش ولد وكلبه طيب بس اتغير بعد الي صار...محتاج قلب طاهر ونقي وطيب مثل قلبج حتى يرجع مثل قبل ...

صار...وعد مني راح احاول كل جهدي حتى اخليه يرجع لطيبته ...

ظليت  اسولف ويه زينه وحجيتلهه عن حياتي وعن كلشي يخصني ...وفتحت كلبي الها ...واعترفتلها انو اني احب احمد رغم كل الي سواه لان جان عندي احساس انو هو طيب ...

باليل..رجع احمد ...اني حنت انتظره بالغرفة ...لبست واتعطرت وكعدت عالفراش انتظره ...