رواية أنتقام عاشق 🔞 الفصل الثالث 3 - بقلم الحساب مغلق

من وصلت للشركة جنت اعرف انو كلهم يعرفون بالي صار ...الموضوع انتشر والكل عرفو بخيانة مرتي ... وجنت اشوف هالشي بعيونهم بس حاولت انو اكون قوي ...وقررت أن ما اسمح لشي ياثر عليه ...هم كلهم تحت سيطرتي ... وكلامهم ميهمني ...خلص الي صار صار..
دخلت للمكتب وكعدت عالكرسي وأخذت نفس عميق وقررت أن أبدأ حياتي بشكل جديد ...شخصية غير ....وراح ابدي اعيش حياتي من اليوم  ...
**************
بعد سنتين ......
زينه ...
اليوم مرت سنتين على الحادثة الي صارت ...حادثة الخيانه الي غيرت حياتنا للأبد ....
رجعت من الشغل دخلت للبيت جان فارغ واظلم .... اني وحدي بعد ما ماتت امي ....أي ماتت ...بعد الحادثة بكم يوم ساءت حالتهه وصار بيه جلطة بسبب القهر والكبت ...وصار عدهه شلل ...شكد حاولنا نعالجهه وديناهه للخارج ...مفاد ...وووره ست أشهر ماتت بسبب جلطة ثانية متحمل كلبهه وماتت...

وامجد من بعد يوم الخيانة اختفه ومحد شافه ...مدري عايش مدري ميت ...ساعات اشتاقله بس من أذكر انو كل الي احنه بيه بسببه أكرهه ...

طبعا هالشي زاد الوضع سوء ....واحمد حقد أكثر واعتبر موت امي بسبب خيانة زمن وامجد ...وصار انسان ثاني...
   بصراحة صار يخوف ...حتى اني كنت أخاف احجي وياه ...تجيتي الأخبار عنه من الشركة شكد صاير قاسي وظالم ويه الموظفين وسمعته كلش سيئه ...بحيث علاقاته ويه البنات المتزوجات وغير المتزوجات صارت حديث الناس ...بصراحة كمت أخجل اكول اني أخته ....صارلي كم يوم مشايفته ...دائما يرجع وجه الصبح سكران لو ميرجع اصلا ..
كعدت على السجادة بعد ما خلصت صلاة ...وكمت ادعي وابجي ....
يا ربي ...اهدي أحمد ورجعه لصوابه ...ابعتله بنت الحلال الي ترجعله ثقته بالناس وبنفسة وتساعده ينسى زمن وخيانته ...يارب ...

***
يمة ميار. ...حبيبتي ...كومي ماما اتاخرتي ....

اوووف ماما ...والله بعدني مشبعت نوم ...
لا ماما كافي بعد ...كومي ....الساعة سبعة ونص ...راح تتاخرين عالدوام ...

صار ...كمت كمت ....
اني ميار ....عمري 20 سنه طالب معهد إدارة ...عايشة ويه ماما ...وحدنه ماعدنه أحد بعد ما اتوفى بابا قبل ما اجي للدنيا بحادث سيارة ...

ميار
أهل ابوية ناس طماعين للأسف ...بعد ما عرفو انو ماما حامل ببنية اخذو البيت الي جانت ماما عايشه بيه وطردوها بره وهي حامل بيه وكالو البنيه متورث شي..

راحت امي يم اخوها الوحيد  وظلت يمه لحد ما جابت ...بس كانت مرة خالي كلش تضوج من ماما وعلى طول تتعارك وياهه لحد ما خالي طرد ماما بالشارع بسببها
ظلت تدور على بيت ولكت شقة صغيرة كلش
ناس أهل خير ساعدوهه بالايجار اول أشهر بعدين هي اعتمدت على نفسهه وصارت تشتغل خياطة وخبازة وتسوي كبه ومعجنات للناس حتى تكدر تعيش وتربيني بالحلال ..

كمت من النوم بالكوه ...نعسانه ....رحت غسلت وجهي حتى اصحصح ...اني جنت بيضة كلش على ماما وجسمي ناعم وعيوني سود كبار ورموشي كثيفة بحيث بدون كحل مكحله.. وملامحي حلوة بس جنت قصيرة
صباح الخير ماما
صباح النور عمري ...يالله ماما تعالي حتى تاكلين
لا ماما ما اشتهي .... ما الحك اصلا لازم  اروح ابدل بسرعة
اوووف منج ...هو انتي ضعيفة ومتاكلين هسه يصير بيج شي ...
جانت الدنيا مغيمة كلش ...طلعت للمعهد اني اركب سيارات أجرة ...وصلت للمعهد وداومت بشكل طبيعي ...ما عندي بالمعهد أي صديقة بس وحده هي صديقتي من واني صغيرة ولحد هسة ما افترقنه اسمها نرمين  ...بس هي صديقتي لأن اني جنت كللللش خجولة واستحي احجي ويه الناس ودائما اختل وره نرمين وهي تحجي بمكاني ... بس هي بقسم وإني بقسم ثاني

نرمين
اكلج ميار اني راح اطلع من وكت اليوم لأن أريد اروح لطبيب الأسنان ..
لا عفية نرمين لتعوفيني ...أخاف ارجع وحدي الظهر لازم انتي وياي
لعد طلعي قبل وكت انتي هم ...

ما اكدر آخر محاضرة عندي امتحان لازم أحضر ...

آسفة حبي ميوره بس والله سني حيموتني وما اكدر أتحمل الألم ...

خلص ...مو مشكلة روحي وإني ارجع وحدي ...الله يستر ..

لتصيرين جبانه ميار ...عمرج 20 سنه وبعدج تخافين؟

اوووف شسوي ...والله مو بيدي ...

طلعت نرمين وإني رجعت للمحاضرة مالتي ...وإني بالمحاضرة كامت تمطر ...مطر كلش قوي ...حتى المعهد مالتنه غرك ...

يا ربي ...شنو هالحظ ...هاي لأن اني لوحدي ونرمين ماكو هيج مطرت ....شراح يرجعني اليوم ؟

خلصت المحاضرة الاخيرة...وظليت كاعدة  بالمعهد بلكي يخف المطر واكدر اطلع ...
وفعلا ...الحمد لله وكف شويه المطر وكل الطلاب صارو يركضون حتى يلحكون يطلعون قبل مترجع تمطر من جديد ...
طلعت باوعت الشوارع غركانه وين اروح ؟....حتى سيارات الأجرة هم ماكو ...
الطلاب كلهم راحو... الي عدهم سيارات كلهم وصلو أصدقائهم  والباقين اخذو تكسيات ...بقيت بس اني
..حظي ...لاعندي صديق حتى يوصلني ولا عندي فلوس حتى أخذ تكسي 
خفت أظل وحدي واكفه ...وقررت امشي ...بس شنو...من الخوف كمت اهرول مو امشي ...عبالك اكو احد ديركض ورايه ...
ما حسيت إلا وإني بالكاع ....

ااااااخ يا رجلي ....رجلي التوت بالطين الي بالكاع ووكعت ....يمكن انكسرت ....ااااااخ

أحمد. ...
جنت كاعد بالمكتب وبدت الدنيا تمطر ...اني كلش أكره المطر ...يحسسني بالكابة ويزيدني هم فوك همي ....
خابرت عبد المنعم السايق حتى يجيب السيارة العالية ويجي يوصلني للبيت لأن اكيد الشوارع راح تغرك بعد هالمطره وإني اليوم جاي بغير سيارة ....

بعد ساعة تقريبا اجه عبد المنعم وطلعت حتى ارجع للبيت ....

ليش اتاخرت ....

آسف والله أستاذ ...الشوارع غركانه وكلش ازدحام ...

لعد شلون حنوصل ...اني تعبان وأريد أوصل بسرعة ...شوفلي طريق مختصر ...

حاضر ...

واحنه دنمشي بالسيارة بطريق مختصر بالفروع. .. اني جنت احجي بالموبايل لما عبد المنعم وكف السيارة ...

ها خير...شو وكفت بس لا عطلت السيارة...

لا أستاذ ...بس هاي البنية خطية واكعه بالكاع  وشكلهه متاذية ..

والمطلوب؟ منو كلك احنه إسعاف
آسف أستاذ بس والله انقهرت عليهه خطيه بالشارع وحدهه والدنيا مطر وذكرتني ببنتي لأن اني هم عندي بنية شابة ...ممكن بس أنزل اشوف شبيها

اوووف ...تريد تجمع حسنات براسي حضرتك ...لا ...امشي ...

آسف أستاذ ...الي تشوفه يصير ...

راد يحرك السيارة عبد المنعم بس اني باوعت للبنية جانت تريد تكوم ومتكدر و توكع ...ولازمه رجلهه ...ما ادري شلون  انقهرت عليهه ...

اوكف لتحرك ....أنزل شوف شبيهه