رواية أنتقام عاشق 🔞 الفصل الثاني عشر 12 - بقلم الحساب مغلق

احمد ...
والله خوش جذبه ...حلوه سالفة اصدقاء ابويه ..

لعد شكول ....اذا احجي نرمين مراح تسكت واخاف ماما تعرف وبعدين تموت بحسرتهه عليه ...

مايهمني ...تجذبين تحجين الصدك شي يخصج ...الي يهمني الاتفاق ...حان موعد تنفيذ الاتفاق ....

احمد كام واجه يمي ...مد ايده ..
يالله كومي حبابه ...

هااا ...ووووووين ...!!!

لجهنم ...دتنتظرج ...تعالي ...

اني طبعا ردت اموت من الخوف ...حسيت رجليه متشيلني ...وكمت ارجف بس هو جرني حيل ووكفني ولزم وجهي حيل بايده وقربه من وجهه ...
اسمعي لج ...اني لحد هسه زين وياج ...لتخليني اطلعلج وجهي الثاني ...استري على نفسج وامشي بهدوء لا اطيح حظج

حححاضر ....بس لا تاذيني ...
تركني ولزم ايدي ...امشي
مشيت وياه طلعنه من المكتب وطول الوقت لحد ما تركنه  الشركة هو لازم ايدي حيييل وكل الموظفين جانو يباعون عليه ...جنت ميته من الخجل ...يا كاع انشكي وبلعيني....احساس ما اكدر افسره ولا اشرحه ...مزيج من الخوف والالم والحزن والاحساس بالخزي ....جنت اتمنى اكلهم اني مو وحده موزينه ...اني خوش بنيه ...بس الزمن غدر بيه ...

ركبنا بالسيارة ومشى بسرعة ...جان الوقت قريب العصر ...ظل يمشي بالسيارة واني منتهيه بمكاني ...بس نفس يصعد وينزل ...حتى دمي نشف ...وعقلي وكف ...كمت ما افكر ...بس اباوع بعيوني بدون تركيز ...لحد ما حسيت السيارة وكفت ....كدام عمارة كلش كبيرة وحلوه ...

نزل احمد وفتحلي الباب ...
يالله نزلي ...
نزلت ...ولزم ايدي من جديد ...ومشيت وياه ...دخلنه المصعد للطابق 11 .. بعدين دخلنه على شقة كلش حلوة وجبيره بس مبين فارغة ما بيها احد ....

نورتي يا حلوه ...جوعانه ...عطشانه ...احجي ..

لا...
براحتج ...اني علمودج ...صدكيني يرادلج طاقة ..ههههههه

لا ...
لعد تعالي ...
لزمني من ايدي ودخلني لغرفة جبيرة وحلوة ...اكيد هاي غرفته ...

باعي ...اريدج تاخذين راحتج ..هذ الحمام ..طبي اسبحي وارتاحي وبدلي ملابسج هذا الكنتور بيه ملابس اشكال ...واني اجيج بعد نص ساعة ...انتظرج بره ..اوكي ..

طلع احمد وسد الباب ..اني راسا وكعت بالكاع وكمت ابجي ....شلون ..شسوي ...ساعدني يا ربي ...من صار الموضوع صدك مكدرت اكمل ...كله الا الحرام ....ما اكدر ...فكرت انتحر ...دخلت للحمام ماكو شي ...بيش انتحر...شفت كلاص ...كسرته وردت اجرح نفسي حتى اموت ...بس مكدرت ...والانتحار هم حرام ....

احمد...
طلعت من الغرفة رحت شربت كم كلاص حتى اكدر اظبط مزاجي ..و
وره نص ساعة رحت للغرفة فتحت الباب لكيت  ميار كاعده عالفراش مثل ماهي وبعدها بهدومها وجانت ميته من البجي ..

شنو هاي؟شو بعدج على حالج ؟ ليش ما سويتي الي كتلج عليه ؟

اسفة ...والله ما اكدر...حاولت بس ما  اكدر...

نعممم؟؟شنو قصدج ....
اتقدم احمد ولزم ميار حيل من راسها وجر ربطتها ولزم شعرها حيل
شنو شايفتني زعطوط تضحكين عليه بحجايتين ...
وضرب ميار لحد ما زورك وجهها ..
وكعت بالكاع ...نزلت على رجليه ...
فدوه اروحلك ...لبوس ايدك لبوس رجلك ...لتجبرني على شي بالحرام ...اني ما ضحكت عليك ...عبالي راح اكدر اسوي الي تريده بس من وصلت مكدرت ...ردت انتحر واموت حالي هم مكدرت ...فدوه ..الله يخليك ...اقتلني ...موتني شتريد تسوي بيه بس لا تجبرني عالحرام ...

انجبي ...هسه صرتي شريفه ...من اخذتي الفلوس واطمنتي على امج...ما عاش الي يضحك عليه ...كلجن ساقطات ....ومتسوون فلس ...بس عبالج اتركج ...مستحيييل ...سمعتيني ...مستحيييل
...اليوم موتج على ايدي ...
وصار يضربها بدون وعي وهي بالكاع تبجي وتتوسل ..

بس اسمعني ....انت تريدني الك ...اني موافقة ...اخذني سوي الي تريده بيه ...بس مو بالحرام ...سويه بالحلال ...اتزوجني ...ولو يوم واحد وباجر طلكني ...الله يخليك ...اني عمري ما سويت حرام ...عمري ما غلطت ...طول عمري اخاف وامشي بصف الخايط ...والله ما اكدر .....

هاااا ...طلع لسانج .....ترديني اني اتزوجج انتي ...لازم جنتي مخططه لهالشي ...مووو؟؟

لا والله ...انت مراح تخسر شي ...اني الي راح اخسر ...اتزوجني واخذ حاجتك بعدين طلكني حتى لو ساعة وحده ...سوي الي تريده ...بس بالحلال ..ابوس رجلك ...ومحد راح يعرف ...والله محد يعرف ...

احمد ظل ساكت ...ودار وجهه...وظل يفكر وهي تبجي وتندعي..

زين ...اني موافق ...راح اتزوجج....بس راح اخليج تندمين يا ميار...وهذا وعد مني ...

احمد...
شوفي ....اني موافق ...بس الا اخليج تندمين ...عندج 5 دقايق تعدلين نفسج وتلحكيني ..اني نازل قبلج ...واذا اتاخرتي اعتبري الموضوع ملغي وارجع اكمل عليج ....افتهمتي ..

اااي ...حاااضر ..

ميار
مصدكت من وافق ...الف الحمد والشكر الك يا رب ....حفظتني من الحرام ...وهديته لاحمد حتى يقبل ...اني جنت مأيسه من الموضوع لان موافقته على هيج شي جان محتاج معجزه... وفعلا....معجزه انو يقبل يتزوحني ....

كمت بسرعة حتى اعدل هدومي ...باوعت بالمرايه ..عزززه ...هاي شصاير بوجهي ...مورم وازرك وعيني مورمه وكصتي مجروحة ودتنزف ...هاي من غير الالم الي بجسمي لان جان يضربني برجله ...وكله كوم ورجلي كوم...يمكن رجعت انكسرت ...لان ضربني عليهه حيل وهسه دتموتني ...كوه ادوس عليهه...مو مشكلة ...اتحمل ...بس المهم ماما بخير واني مراح اسوي شي حرام يغضب ربي ...مسحت وجهي ..ولبست الحجاب وطلعت امشي بالكوه بس بسرعة لان خفت لا اتاخر ...ويرجع من جديد عليه

نزلت لكيته بالسيارة دينتظر ..
ركبت وهو طار بالسيارة ...طول الوقت اني ساكته ...ومنزله راسي حتى اخاف ارفعه ...وهو جان يحجي بالتلفون ويه واحد اعتقد جان يوصفله مكان شيخ يعقد النه ...
وصلنه منطقة شعبيه ...وكف بمكان ودك هورن اجه واحد يركض عليه ...
هله عمي...نورتنه...اتفضل ...الشيخ دينتظر ..انطيته زايد حتى يقبل يفتح بهالوقت ...هو بعد المغرب ميشتغل..بس لخاطرك كل شي يصير

نزل احمد واشرلي حتى انزل ...ظل يمشي هو والولد واني امشي وراهم بالكوه من وجع جسمي ورجلي ...دخلنه فرع ضيق وبعدين دخلنه مكتب جان بنهاية الفرع ...بيه كراسي وميز ...كعد احمد واشرلي اكعد على كرسي كدامه...ظلينه ننتظر ...اني حسيت عيني بدت تنسد ...مديت ايدي اتحسستها شفتها مورمة ...وتوجعني كلش ...شكد عيب ...شيكولون عليه الناس ...طول ما اني امشي يباعون عليه ...اكيد عبالهم غلطانه وجايه للشيخ حتى اتزوج ويستر عليه ...دخل الشيخ سلم وباوع عليه ...وكام يستغفر ...اكيد عباله وحده موزينه...

استغفر الله ...استغفر الله

احمد..
خير شيخنه اشو تستغفر ...احنه جايين نعقد بالحلال...لو تريدنه نسوي حرام احسن؟

لا ابني ..بارك الله بيك ماكو احسن من الحلال والستر ...

خلص لعد ...مشينا بسرعة وخلينه نشوف حلالنه ...

انطوني بطاقاتكم ...

اني جمدت ...بس لا ناسيه بطاقتي .لان رادوهه بالمستشفى من دخلت ماما ..بعدين دورت بجنطي ..لكيتهه ...الحمد لله ...مره ثانيه حمدت ربي لان حسيته واكف جنبي حتى ما اسوي شي غلط او حرام ...
عقد الشيخ وكملنه ...طلعنه ورحنا بالسيارة ...طول الطريق هو ساكت ...لحد ما وصلنه لبيت كلش جبير بمنطقة راقيه ...وبه حرس ..استقبلوه وفتحو الباب ..اعتقد هذا بيته ...لعد والشقة ؟شو ما رجعنا هناك ؟؟ما ادري ..جنت اخاف اسال...

نزلي ..وصلنه ...

وووين احنه .؟؟

بيتي ..انتي هسه مو زوجتي ؟.  خلص تجين لبيتي ...ذيج الشقة لحبايبي ...متناسبج خاتون ...

نزل ونزلت وراه ...امشي واني خايفة وما اعرف شنو ينتظرني ...

دخلنه للبيت ..كلش جبير وراقي ...بس فارغ...وهناك لمحت بنيه شابة كاعده ...شافتنه من بعيد وكفت وظلت تباوع عليه ..احمد صاح لوحده اعتقد خادمة ...

سناء

نعم استاذ؟

اخذي ميار فوك لغرفتي وخليهه تسبح وانطيهه ملابس نوم جديده ..فهمتي ؟

نعم استاذ ...اتفضلي ست ...

زينه...
اوووكف ...هاي وين رايحين ؟ومنو هاي ...شالقصة احمد النوب كمت تجيبهن للبيت ...انت تخبلت ؟..

وانتي شعليج ؟اني بكيفي ..اجيب بنات اجيب ساقطات...بكيفي ...ليش هذا البيت مو جان بيه ساقطة عايشة لو نسيتي ؟ بيتي واني حررررر...
يالله صعدي فوك ميار ويه سناء خلي توديج للغرفة ...بسرعة ولا تظلين واكفه ...

صعدت فوك وهو ظل يتعارك وي هاي البنيه جوه ...بس منو؟يجوز زوجته ؟ما اعتقد ...يجوز اخته ؟يمكن ...زين منو الساقطة الي جان يحجي عليهه؟..والله هالشخص كلش غامض وما ينحزر ....
وصلت لغرفة كلش جبيرة واثاثها يخبل ..بس يغلب عليها اللون الاسود والرمادي ...دخلت بعجين الخادمة راحت جابتلي ملابس ومنشفة وخلتهم بالحمام ...وكالت اتفضلي سبحي ...وطلعت ...

اني هم طبيت للحمام ...مو بكيفي ..جنت مجبورة اسوي هالشي لان هو التزم بالاتفاق وهسه دوري لازم التزم خصوصا بعد ما نفذ الي ردته ...