رواية أنتقام عاشق 🔞 الفصل الحادي عشر 11 - بقلم الحساب مغلق

أحمد
ميار؟؟...هله...خير؟
ممكن احجي وياك أستاذ. ..
أي ..ليش لا ..تعالي للشركة انتي تعرفين الطريق ما اعتقد نسيتي ....
بس اني اصلا واكفة بره بس مخلوني ادخل الا عندي موعد ..
همممم...مو مشكله انتظري بمكانج هسه ادخلج ...
وره شويه اجاني موظف وكلي اتفضلي الاستاذ ينتظرج ...
دخلت للشركة عبالك داخلة للقبر ...
صعدت وصلت للمكتب ..شافتني السكرتيرات وكامو يتهامسون ويباعون عليه ...اكيد كالو عني رخيصة ...بعد الحال الي طلعت بيها ذاك اليوم اكيد عبالهم اني وحده من صاحباته ...
اهلا ميار .....اتفضلي ...الاستاذ ينتظرج ...

باوعتلي وضحكت باستهزاء
دخلت للمكتب وظليت واكفه بمكاني متجمده ...اتذكرت الي صار وكمت ارجف وابجي ...
اهلا وسهلا ميار خانم ...خير يا طير ...شذكرج بينه؟

اااني ...اااااني .....اااريد احجي وياك بموضوع اذا ممكن ...

اكيد ...اتفضلي ليش واكفه ...انتي مو غريبه ...واحنه بيناتنه مثل ميكول المثل  زاد وملح ههههه  اقصد بوس وحضن ...مو؟

تشربين شي؟
لا
براحتج ...خير؟

استاذ اني اريد احجي وياك بموضوع ...وصدكني قبل ما اجيك ما تركت باب ما دكيته بس ما لكيت الي يساعدني لذلك اضطريت اجيك اليوم ...لان انت املي الاخير ...

اوكي ...كملي ..

بديت احجي والدموع تسبقني والعبره بصوتي ...

الموضوع يخص والدتي ...هي كلش تعبانه وصارلها يومين بالمستشفى
والدكتور كال محتاجة عمليه مستعجله ولازم تنعمل باجر كاقصى وقت لان كلبها ميتحمل ..والعمليه تكلف 4 مليون ...اني كدرت اجمع مليونين  وباقي مليونين ...اذا ممكن تساعدني واني مستعده اكتب وصل امانة واوقع على تعهد وصدكني احاول جهدي ان ارجعهم لحضرتك ...بس ساعدني الله يخليك

مممممم .. .خطيه الحجيه متستاهل ...اني ممكن اساعدج اكيد ...بس انتي تعرفين اني لا يهمني وصل امانه ولا تعهد ..
اني ممكن اليوم اسوي العمليه لوالدتج وادفع بدل ال4 مليون 40 مليون بسسسسسس بشرط ...اني هسه راح احجي وياج بشكل صريح بدون خداع ....اني اريدج انتي ...تكونين الي ... ملكي...وبدون اجبار...اذا وافقتي من هسه احجز لامج باحسن مستشفى واخلي احسن جراح يسويلها العمليه وحتى من ترجع للبيت ادز وياهه ممرضة خاصة تعتني بيها لحد ما تشفى تماما...هاااااااااا !! شكلتي؟

غمضت عيني حيل وحاولت ان اسيطر على نفسي حتى ما انهار ...جنت خايفة كلش ...ومقهورة حيل لان اني الي اجيته برجليه ...حسيت نفسي رخيصه وذليله ...سامحني يا ربي ...سامحيني يا امي ...لازم اسوي هيج ...اني ما اكدر اعيش يوم بدون امي ...هي كل حياتي ...ما اكدر اظل اباوع عليهه وهي تموت وما اسوي شي ... خلص ...

ااني موافقه

احمد ...
ابتسم ابتسامة النصر ...ونظرته لميار كانت نظرة المفترس الي ينظر لفريسته ....

هسه راح اتصل بشخص هو الي راح يسهل الامور وينقل والدتج للمستشفى ويبلغ الطبيب بموعد العمليه ...وما يصير خاطرت الاطيب

اتصل احمد ببعض الاشخاص واتفق وياهم وفهمهم بكل شي ...
هسه كله تمام ...سيارة الاسعاف رايحة حتى تنقل والدتج للمستشفى ..والطبيب دفعناله فلوس العمليه واتاكد الحجز بعد ساعة عمليتهه...

صدك....والله بهالسرعة ....اني اشكرك اشكرك ...الحمد لله ..واخيرا راح اشوف ماما من جديد وهي بخير وترجع تنور حياتي ....
طبعا من كد الفرحة نسيت المصيبة الي دتنتظرني ...وكمت اشكر احمد بدون وعي ...حتى هو ظل صافن عليه ...عباله اتخبلت ...

لا تشكريني بالكلام ...اشكريني بالفعل ...

زين هسه اني اروح حتى اشوف ماما ...هي وين

شنو ؟تروحين ؟ وين تروحين حبابه ...اني نفذت جزئي من الاتفاق...هسه الدور عليج ...تنفذين الجزء الخاص بيج ....

بس ماما ...لازم اطمن عليهه الله يخليك ...كلبي مثل النار ...بس اشوفها واطمن عليها ...

اسف يا حلوه ...شنو الي يضمنلي انو بعد ما تطلعين منا راح ترجعين؟يجوز تنهزمين؟بهالحالة خسارتي راح تكون كبيرة واني ممستعد للمجازفة
والله ما انهزم ...بعجين انت ممكن تحيبني من اي مكان عندك معارف ونفوذ وين اريد اروح يعني ... بس اشوفها ..

احد كلج اني كلبي رقيق؟احد كلج اني ممكن اتاثر بالدموع؟لا ...سوري ...الموضوع منتهي ...متروحين لامج الا بعد ما تنفذين الاتفاق ...
كعدت بالكاع وكمت ابجي بحركه ...جنت كلش قلقه على ماما ...اريد بس اشوفها ...

زين موافقه ... ماروح اشوفها ...بس ماروح وياك اذا ما اتاكد انو ماما سوت العمليه وطلعت ...اطمن عليهه من نرمين هي هناك وراح اخابرهه حتى تطمني ...

ممممم.،،اوكي ...مو مشكله ..ممكن ننتظر كم ساعة ...ما دام انتي هنا وكدام عيني ...مو مشكله

خابرت نرمين وفهمتها انو تظل ويه ماما وتخابرني تطمني بعد متطلع من العمليه ...بس ما كلتلها عالاتفاق الي صار بيني وبين احمد ...لان نرمين متسكت وخاف تطلع منها حجايه فد  يوم  كدام ماما وتصير مصيبه ...
اني ظليت بالمكتب يم احمد ...طبعا هو جان مشغول وكل ساع جايه احد بس مع ذلك جان مخليني كاعده كدامه وما خلاني اتحرك و كل ساع يباوع عليه بنظرات حقيره ويبتسم باستهزاء ....
وره اكثر من ساعتين انتضار دك تلفوني ...
ها نرمين ...بشري ؟..

الحمد لله ميوره ...خاله طلعت من العمليه والدكتور طمنا ...كال جانت كلش حالتهه متاخره ...همزين لحكتو عليهه ..

الحمد لله ...مدا اصدك ...عبالك كابوس وانتهى ...

المهم وينج ...لازم تجين ختى تشوفيها ...ليش اختفيتي...شنو هاي الشغلة الي عندج بهالوقت ؟
لا...ممماكو شي ...اني بس اتذكرت ناس اصدقاء بابا من بعيد بغير محافظه سافرتلهم حتى اجيب فلوس العمليه منهم ...وهم الي ساعدوني بهالموضوع ...

هااا ...تمام ...لعد ليظل بالج ...اني يم خاله واطمنج عليهه كل شويه