رواية انتقام الافعى الفصل الثاني 2 - بقلم Eman Salem

(بقلم/ إيمان سالم )
التعريف بالشخصيات..........

قصي عوف : 34عام رجل أعمال جذاب ،جاد في عمله وعلاقاته منغلق على نفسه كثيرا

مكتب قصي:-
كارم: 36 اعز اصدقاء قصي وأحد المدراء الاكفاء ذو ذكاء وطيبة ليس لها مثيل

لمار: 27 مساعدة قصي ولها من الثقه والخبرة ما يجعلها محل ثقه من الجميع ،دقيقه جداً وتحب عملها ومخلصه له

كارما: 25 سكرتيرة قصي فتاة جميله فاتنه وتحرص علي الاناقه دئما والتقرب من قصي

هدي: احدي المساعدين المهمين في الشركه محجبه ملتزمه تحب احدهم ولكن هو لا يشعر بها

عائله السياف......
سند السياف :35 عام هادئ الطباع لا يتحدث وذلك لظروف خاصه

آسر السياف 33 عام جذاب ورجل اعمال ناجح ولكنه شديد الطباع ودائما له اعداء بسبب انفعالاته الكثيرة

راشد السياف: 35 عام ابن عم سند وآسر ورفيق درب سند في كل شئ ولكن ابتعدت المسافه بينهم منذ فترة قريبه ،جميل وذو روح مرحه اينما وجد يتواجد المرح

ياسمين :27 عام زوجه سند من عائله ارسطقراطيه لها مكانه، امرأه جميله للغايه، ناعمه ولكنها مغرورة وتتطلع دائما لما بيد غيرها

شهد:28عام خطيبة آسر ،دكتورة في الجامعه انسانه عمليه وخلوقه جداً

فدوي:31 زوجه راشد انسانه رقيقه جدا تعشق الفن والادب وتحب الرومانسيه لابعد الحدود

ورد: خادمه تعمل في منزل آسر وسند منذ فترة ليست بقصيرة

وهناك شخصيات آخري ستظهر في سياق الاحداث

🍂🍂🍂🍂🍂🍂🍂🍂🍂🍂🍂🍂🍂🍂

الفصل الأول..........

في شركه من الشركات التي لها وزنها في البلد
تتجه لمار تطرق الباب الخاص بمدير الشركة
جائها الرد العملي من الداخل: أدخل
لمار: صباح الخير يا فندم، الملف في دراسه الجدول وكل حاجه تخص المشروع ،يارب يعجبك حضرتك يا فندم

قصي وهو يترك ما بيده : أنتِ عارفه أنا بثق في شغلك أد ايه سبيه يا لمار وياريت بالليل متنسيش عشاء العمل
لمار: ان شاءالله يا فندم كل حاجه هتكون زي ما أنت عاوز واحسن
قصي وهو يهز رأسه بعملية : معنديش شك في كده ،اتفضلي أنتِ
لمار: عن إذنك يا فندم
تخرج لمار ويتجه قصي للهاتف يتصل علي رفيق دربه كارم

- ايوه يا ابني تعال عاوزك
كارم: خير في حاجه
قصي بخصوص المشروع الجديد هندرسه سوا عشان نخلص كل حاجه النهاردة
كارم طب اقفل وانا جايلك علي طول

اغلق معه واتجه لمكتب قصي وفي طريقه يمر بمكتب السكرتاريه والمساعدين ، يلقي عليهم السلام ويلقي نظرة متفحصه أكثر للمار
فتبادلة بابتسامه صغيرة ويبادلها ذلك ثم تنظر لما كانت تفعل أما هو فيشعر بسعادة لا مثيل لها

في مكتب قصي .......
كان يجلس ويظهر علي ملامحه الغضب او الانفعال لم يدرك كارم جيداً ما الامر فنظر له بتدقيق ليعلم ما به ،، ثم تحدث بمزاح :وحدوووه هااا مالك يا بني سرحان في ايه كده؟!
فاق من شروده متحدثا: هااا لا مفيش الملف اهو قدامك لمار خلصته عاوزين ندرسه ونراجع كل حاجه فيه ،مش عاوز حاجه نتمسك منها أنت فاهم يا كارم الموضوع ده بالنسبة لي ايه
كارم: اكيد لازم من غير ما تقول، بس أنا شايف أنك بتفكر في اللي فات ومأثر عليك ولا ايه؟!

وهنا قد شرد لسنوات مضت رجع بذاكرته لاحداث لا يحب أن يتذكرها و لم يقدر علي نسيانها ايضا
فرقع كارم في الهواء بأصابعه بحركه خفيفه متحدثا: رحت فين؟

قصي: هااا مفيش معاك اهه
كارم برجاء : ياريت يا قصي متدخلش اللي فات في المشروع ده
قصي: والله ماكنت عاوز المشروع دا بس الظروف
كارم: لا طبعا المشروع دا فرصه اننا نكبر أكتر مكنش ينفع نرفض وبعدين خلاص بقي حاول تنسي اللي فات
كفاية كده

قصي: خلاص يا كارم يلا نبدأ، عشان بالليل الاجتماع ومتتأخرش فاهمني
كارم: مش هيفرق ما أنت موجود هتسد، ومين جاي معاك من المساعدين كارما ولا لمار
قصي: لمار هتيجي معايا
كارم: خلاص يا عم لمار تسد لوحدها  ولو مش عاوز تروح انت كمان متروحش هي هتقوم بالواجب وزياده
ابتسم قصي وتحدث: والله معاك حق هي بتشوف شغلها بشكل ملوش زي يلا بقي بطل كلام وابدأ
حاضر اهه وفتح الملف وبدأو في دراسه المشروع

في فيلا السياف.......
كانت تقف تنظر من النافذه وتتحدث
ياسمين: جهزِ حمام سند بيه واندهي للممرض يكون معاه وبعد كده اديله الدوا وسيبوه يرتاح وابقي مري عليه عشان لو عاز حاجه أنا هخرج دلوقتي وهرجع متأخر فاهمة يا فخرية مش عاوزاه يحتاج حاجة
فخريه: حاضر يا ست هانم اي اومر تانيه
ياسمين: روحي يالا اعملي اللي قلتلك عليه
فخريه: عن اذنك يا ست هانم وخرجت علي الفور

حملت حقيبه يدها وتوجهت له تحدثه بهمس: أنا همشي دلوقتي يا سند وهحاول ارجع بدري .... مع انه مش فارق يلا المهم سلام دلوقتي وقبلته سريعا وذهبت
ظل هو كما هو لم يرمش له جفن كأنه في عالم آخر

في المنزل المجاور......
ينزل الدرج يرتدي نظارة الشمس خاصته التي تعطيه وسامه علي وسامته
راشد: صباح الخير يا فدوي
فدوى: صباح الخير ايه،، قول مساء الخير احنا دخلين علي الظهر يا أستاذ
تنهد راشد متحدثا : الولاد مشيو
اجابته ببرود : يووو من زمان الباص خدهم دول قربوا يرجعوا
استغفر في سره وهتف وهو يجلس علي مائدة الطعام: فدوي متعمليش حسابي معاكم النهاردة علي الاكل ورايا شغل مهم وعشاء عمل
فدوى وهي تضحك بحزن: هههه زي كل يوم يعني ايه الجديد يا راشد
راشد: فدوى احنا الصبح يا حبيبتي ومش عاوزين ننكد من أول اليوم كده ولا ايه؟!
اجابته وهي تنهض من علي المائدة لا وحياتك احنا الظهر، حاول متتأخرش ياريت الولاد بيسألوا عليك كل يوم وانا زهقت من سؤالهم كل يوم

راشد :حاضر هحاول ارجع بدري ويتجه يرتدي نظارته مرة آخري ويغادر محدثا نفسه اااااه هعمل ايه بس يارب

في فيلا السياف .....
آسر :فخريه فخريه
فخريه :تحت امرك يا آسر بيه
آسر: سند بيه صحي
فخريه : اه يا بيه من بدري وفطر وخد الدوا
آسر :امال ياسمين فين
فخريه :خرجت يا بيه من ساعه ،وقالت اخلي بالي من سند بيه وهي هترجع متأخر

تبدلت ملامحه لغضب وتحدث :الباشا متكلمش النهاردة
فخريه:لا يا بيه متصلش
آسر :مش هوصيك يا فخريه خدي بالك منه ميحتجش حاجه سمعاني
فخريه : من غير متقول يا آسر بيه ده في عينيا
نظر لها نظر آخيره وتركها وذهب

في النادي .....
كوكي :مالك يا سو يا حبيبتي، سرحان في إيه
ياسمين :مفيش يا كوكى
كوكى: اكيد في سند طبعا
بضحكه كلها الم : سند ، هو اصلا موجود يا كوكي اسكتي
احسن انا علي آخري والله
كوكي : مفيش بردة اي تحسن ملحوظ
ياسمين:أنا خلاص فقدت الامل ان يرجع زي الاول، سيبك متقلبيش عليا المواجع ،المهم هنروح فرح بيرو يوم الخميس

كوكي: طبعا بس المشكله مش لقي فستان عجبني ابدا
ياسمين:بسيطة بكرة نروح اتيليه دمااار في حاجات خطيرة شفت الموديلات فيه خيااال هتعجبك ومش بعيد تشتريه كله
كوكي :بضحك ياريت والله دا انا هاستعد بقي
ياسمين :ايو طبعا هنروح سوا بكرة اعملى حسابك

في المساء....
في أحد المطاعم الفاخرة .....
يدخل قصي وهو بكامل اناقته المعهودة ،تتجه له لمار
قصي: مساء الخير
لمار :مساء النور يا فندم
قصي :كل حاجه تمام
لمار :طبعا يفندم ،وهما اكيد علي وصول ولم تكمل إلا ورأتهم قادمون ...... تحدثت وهي تشير برأسها :أهم وصلوا يا فندم
تنهد قصي وحدث نفسه اهدى يا قصي اهدي عاوزين كل حاجه تخلص من غير مشاكل
وهنا أستمع لصوت يحدثه
راشد :أزيك يا قصي بيه
قصي بإشمئزاز اهلا ،اتفضل
جلس الجميع علي الطاوله
آسر : ياريت ندخل في الموضوع علي طول
قصي بحدة يحاول إلا تظهر : طبعا يكون افضل
وهنا تدخل راشد ليهدء من سخونة الحديث متحدثا : هو مفيش حاجه نشربها ولا ايه
لمار: دقايق ويكون عند حضرتك يا فندم وهنا أشارت للندل بإحضار اللازم
بعد وقت من التحدث والمناقشات انتهت السهرة بالشراكه الغير متوقعه لهذا الثنائي
انتهي عشاء العمل
تحدث راشد : انا يدوبك امشي لان المدام منبه عليا مفيش تأخير النهاردة لولا كده كنت قعدت معاكم أكتر
آسر : وأن كمان همشي
وغادر راشد تبعه آسر
لمار :أستأذن انا كمان يا فندم
قصي :طب متخليك شويه حتي نتكلم عن المشروع ونشرب قهوة
لمار :تمام يا فندم بس ياريت منتأخرش
قصي :اوكى ،وتحدثوا قليلا وباغتها بسؤال مفاجئ أنتِ حياتك كلها شغل كده وخلاص مفيش حاجه تانيه بتعمليها يا لمار
لمار وقد بدا عليها الحزن :حضرتك عارف ان الشغل دا كل حياتي ومالى فراغي بعد موت جوزي الله يرحمه

قصي :انا اسف انا مقصدش افكرك، بس يا لمار أنت لسه شابه وصغيرة وقدامك لسه الحياة طويله مش معقول هتكملي كده

لمار:مش بأيدينا ان احنا ننسي اللي بنحبهم ونتجاوزهم ونكمل بعدهم بسهولة
قصي :انا مقولتش تنسي بس لازم بردة تعيشي حياتك
أنت ليه مفكرتيش ترتبطي تاني أنت لسه صغيرة ومفيش اطفال ليه لا
لمار :أرتبط...وشردت قليلا تسترجع ايام بعيدة مضت كم تمنت أنها تظل دوما وأن لا تذوق بعدها هذا الألم والمرار وادمعت عيناها
قصي : أنا اسف أني خليتك تفتكري وتعيطي بس أنا بتكلم كصديق عاوز مصلحتك وبعدين فكي كده واشربي قهوتهك لانها بردت
لمار :لا عادي انا تمام يا قصي بيه
تحدث قصي لنفسه: ياااه يا لمار اد ايه أنتِ مخلصه لجوزك اللي مات من خمس سنين لسه فكراه ومنستهوش يا بخته بجد أنتِ اللي زيك بقي عمله نادرة مش موجود اليومين دول
بعد فترة من الصمت استأذنت لمار وغادرت وكذلك قصي وتوجه لفيلاته

في الفيلا .....
قصي :سعاد سعاد
سعاد :اومرك يا قصي بيه
قصي :الهانم الصغير نامت
سعاد :اتعشت ونامت من بدري
قصي:طب روحي انتِ
ذهبت علي الفور ،وصعد هو لاعلي

في فيلا راشد .......
كانت تجلس علي الفراش تنظر للساعه التي بجوارها علي الكمود شاردة تفكر لما وصلت حياتها لهذا المنحدر هل كل الرجال هم راشد لا يشعرون بما تريد زوجاتهم وما هي رغباتهم أم أن هناك من هو يلبي نداء روحها يعطيها ما تريد دون الطلب ليست ما تريده ماديا بل معنويا .... تفتقد معه الاهتمام تشعر بالفراغ اصبح وجوده كظل ما عادت قادرة علي الامساك به او الشعور به

يدخل الفيلا يجد الهدوء هو سيد الموقف ،يحدث نفسه : هي الساعه كام وينظر لها ويكمل حديثه :مهي لسه الساعة ١٢ اهي هما ناموا بدري كده ليه وصعد غرفة الاولاد قبلهم وهم نائمون
واتجه لغرفته وجد فدوي قد نامت هي الاخري
جلس علي طرف السرير متحدثا: الحمد لله انها نامت والا كانت عملت مشكلة ملهاش مثيل دلوقتي
وهنا سقطت دموعها بحزن فهي لم تكن نائمه ولكنها تصنعت ذلك ودت معاتبته تعنيفه ولكن مهما تفعل يظل هو كما هو لا يتغير تركت لدموعها العنان في الانسدال علها تطفئ النار المشتعلة بروحها إلا أن غلبها النعاس
أما عنده هو .... قد ابدل ملابسه وتمدد علي السرير بكل هدؤ وهذا ان دل فيدل علي إنسان بارد المشاعر أو انه غير مدرك لاخطأه التي يعذب بها اناس اخرين كل ذنبهم انهم يعشقوه ولا يريدون سوى حقهم به

في فيلا السياف .......

في غرفه صغيرة جداً من غرف الخدم ......
كانت ورد علي فراشها البسيط نائمه يراودها نفس الحلم الذي لا يتركها ،تتململ في الفراش ويتعرق جبينها ،تظهر على ملامحها الخوف من شئ ما ،صدح صوتها عاليا
استيقظت تتلفت حولها وهي تلهث بشدة كأنها كانت في سباق وانكمشت علي نفسها كأنها تختبئ من شئ ما .... خائفة  وظلت هكذا إلا أن غلبها النعاس مرة آخرة وهي جالسة مكانها

وصل آسر واتجهت له فخريه تحدثه : أجهز لحضرتك العشاء
آسر :لا اتعشيت، هي ياسمين هانم رجعت ؟
فخريه بقلق :لسه يا بيه
اجابها بغضب :طب روحي انتِ نامي
فخريه :تصبح علي خير يا آسر بيه
أومأ برأسه ردا عليها فذهبت هي وجلس هو علي الاريكه شارد بعمق وكأنه يفكر في شئ ما

لم يمر وقت كثير وقد دلفت ياسمين في هدوء

تحدث آسر وهو مازال جالس :مش بدري يا ياسمين هانم
تفاجئت بوجوده فوجهت انظارها له بنظرات تحمل الكثير ، ثم تحدثت بحنق : خير ! يا آسر انا مش فايقه ليك ومش عاوزه وجع قلب علي بليل لو سمحت

آسر :وقد اتجه لها يمسكها من خصلاتها متحدثا بغضب انا مش عاوز اقلب علي الوش التاني ،خدي بالك تتأخرى بعد كده بارة فاهمه ،اوعى تفكري إن البيت دا ملوش حاكم سمعاني اطلعي فووووق يالااا

ركضت مسرعه لاعلي وبداخلها غضب شديد منه ومن غيره
فتحت باب الغرفه واغلقته بشدة خلفها ألقت حقيبتها أرضا متحدثه له :أنت السبب في اللي انا في دا ، أنت السبب ......رد عليا كفاية كدا حرام عليك

انتهي الفصل لأحداث أكثر تشويق ،،انتظروني
دمتم بخير ♥️