رواية أنتقام الصفحه 27 (ترميم) الفصل التاسع 9 - بقلم خـلود الـ محسن

حساب الانستا lorai_alrwi
:::::::::::::::::::::::::::::::::::::
وين اهذري الكلشي بيه
وين اگولن كلشي مر
لا درب ما عثراني
ولا گصد جدمي بطر
ولا محطة البيها اونس روحي لو گلبي عثر
انه ويه الكلشي ماكو أصحاب كضينه العمر........
:::::::::::::::
مــــلاذ الصعب❤️
:::::::::::::::
روحــ عابــس💚
:::::::::::::::
مــُـهرة🖤 آيــوب💚
::::::::::::::::::::::::::::::::::::::♡
اجاني الصوت خله گلبي يرتجف جسمي ينتفض ما اكدر اسيطر عليه مجرد جانت طكت باب بس اخذت روحي

درت وجهي مغمضه عيني و انفاسي محبوسه افتح عيني لو لا جنت اعيش حرب اعصاب بهل لحضه عمري

ما عشتهه للحضه ندمت فتت للغرفه فتحت عيني و اشوف الصعب واكف بالباب وجهه ما يتفسر عاگد

حواجبه و واكف بدون ما يسسوي رد فعل ما ركزت بي جانت ضلمه و ضوه المطبخ عاكس خياله صاير على

طول الغرفه خلاص اني انتهيت الحروف ما جاي تطلع مني ضلييت مركزه عيوني عليه هو فات جوه و دار

وجهه على الباب سمعت الطكه مالت القفل المفتاح بيدي اكدر افتحه و اطلع بس شلون افوت من يمه رجع باوعلي

من صدك جاي اعيش فلم رعب ما ادري شنو المنتضرني راح يبقى صعب الشخص الي ما يأذيني حتلو غلطت لو

راح يأذينني شنو راح يسوي دار وجهه عليه و ارتكه على الباب شغل اضائه من يمه بس جانت كلش خفيفه يا دوب

اشوف اليمي ركزت بوجهه جان عرگان بشكل نزلت عيني على ايده الي ترتجف بقوه ضل واكف بس ما يسوي

شي زاد خوفي بسبب صمته لو اعرف عقابي احسن من هل الهدوء الجاي اشوفه شويه و كام يضرب بالحايط

الوراه بقبضة ايده و هو مكورهه بس جان يضرب بقوه بحيث من يمي تألمت مدنك راسه و يضرب بيده قربت

منه رجليه ترتجف رجل تطك برجل لزمت ايده اريد اهدي بس ما فاد جان باعد عيونه عني و مستمر يضرب

بيده حاولت الزمهه بس قوته تفوق قوتي فلت ايدي منه حسيت اكو رطوبه بيدي باوعتلهه شفت بيهه دم بقيت

ابجي مصدومه ليش دييأذي روحه ابتعد من الباب حجه بصعوبه

:-أ...اططلعي
:-صعبب

ما رد عليه داير وجهه ما يخلي عينه بعيوني يمكن اجته الحاله درت وجهي اباوع بأرجاء الغرفه جانت غرفه

فارغه و اكو كتابات على الحايط باللون الاحمر ركزت بالكلمات كلهه متشابهه جانت كلمة انتقام ماليه حيطان

هل غرفه بكل مكان وين ما ادير وجهي اقره هل كلمه الرعب زاد بگلبي شنوو انتقام باوعت لنهاية الغرفه جانت

بس الزوايا بيهه اشياء وحده من الزوايا جان بيهاا مثل الصبوره او اللوحه جانت مشكله بيها اشياء بس ما

شفتهه جان الضلام اكثر من الرؤيا و الزاويه الثانيه مثل المكتبه اكو هواي كتب بس ما اكدر اشوفهه من الضلمه

باوعت على الصعب كعد بالكاع قربت منه متردده احاجي لو لا شسوي بهل لحضه صرت وراه و هو كاعد

بالكاع بس داير وجهه عكسي خليت ايدي على جتفه احس ايدي ترطبت لان جان عركان شفت عروگ رگبته

شلون جانت بارزه كام يعصر براسه و يمرر اصابعه على شعره كتله بصوت ماليه الخوف و الرجفه

:-ص..صععب

ما احس غير طفر عليه من مكانه خنكني من رگبتي بكل قوته و كومني من مكاني دفعني على الحايط وكع المفتاح من ايدي

ضل يحجي بهسترياا و صياحه كله المكان عروگه بارزه و جسمه عباره عن مي حتى شعره ترطب عيونهه مركزهه

بوجهي و تجدح نار شفايفه البيض من يحجي يلهث كأنما احد راكض وراه يغمض عينه ويفتحه ما تحملت الضغط كتله

::-اننسسى صععبب لا تفكرر بشيي لا تبقى بالماااضيي انسسى كللشي انسى حباب كلشيي صار بالمااضيي راحح لا تتأثر بيي

قوه قبضته عليه احس عيوني طلعت من مكانهه كال و هو صاك على اسنانه

:-لجج احتتركتتت شفتها بعيني شفت شلون تركض
هنا و هنا ركضت الكلشي اله الي خافت

لا احترك وياهه خافتت عليه و اني تدرين
شسووويت تدريينن بقيت واكف بمكانيي
اباوعلها شلون تحتررك

لازمه بأيده اسحبهه من ركبتي احس راح اموت بين اديه بس مثل الحايط ما اكدر احركه حسيت روحي راح افقد كوه حجيت هل كلمات

:-راحح اموت ايدكك صعب

عيوني كامت تدمع ضاغط بكل قوته على
بلعومي احس انفاسي بدت تنكطع محد

غيرنه بهل غرفه لو شما صيحت محد راح
يسمعنني

عيونه كأنما شراره مركزهن بيه عروگه
برزت و جسمه يتعرق الجو بارد بس حرارة جسمه

عاليه من كد ما قريب مني و ضاغط عليه
احس الحراره تلفحني

احس بده يغمى عليه وضغط ايده
خف يمكن رجع لوعيه يمكن حس

بروحه ضليت اردد بأسمه بصعوبه
-صعب

مرتكيه على الحايط ابتعد عني شويه
و وخر ايده من رگبتي عافني

جسمي باد نزلت و سانده روحي على
الحايط كعدت بالكاع و دموعي نزلت

كعد كدامي يفرك بوجهه قرب مني
و ضل يهمس بصوت حنين

-ملاذي شصاار

جنت شبه فاقده اجر النفس كوه دموعي تنزل كاعده بالكاع و حاضنه رجليه لصدري ما اريد اشوفه الرعب

العشته بهل لحضه بعمري ما عشته ما استوعبت شي من الحجاه كاعد كدامي لزم زندي طفرت مبتعده منه احس الرجفه صارت بگلبي

:-لا تقررب منني ممجررمم انتت مجرررمم

طلعت هل كلمات بدموع بخوف لو باقيه شويه جوه ايده جان سلمت روحي ضليت ادور على المفتاح بالكاع مثل

المخبله ارييد بس اطلع حتى هل غرفه ما اريد اشوف البيهه شويه و كام هو راح للباب و فتحه ما اعرف وين

لكه المفتاح ابتعد عن الباب بدون ما يحجي حرف صار بعيد عنه كال

:-لا تخافين بعيد عنج اطلعي

كمت من مكاني حاضنه روحي و امشي بسرعه عيوني ما بطلت بجي صح عافني و رجع طبيعي بس بعدني خايفه

هل مره عبرت سلامات المره الجايه يجوز يموتني بيده رحت بوجهي للغرفه ما التفتت ورايه ما اريد اشوفه فتت

للغرفه و قفلتهه كعدت بالكاع اببجي ما ادري على روحي لو عليه شويه و الباب ندكت ما رديت ضميت وجهي

بوسط رجليه و لكيت نفسي اريد اكتم شهكاتي ما اكدر صارت تطلع بدون ارادتي من اسمع صوته ابجي بزيياده واكف وره الباب كال

:-حگج لا تفتحين الباب ما اجبرج بس اني هسه بحاجتج اكثر من اي وكت راح ما احجي هل شي علمود تردين عليه لو علمود تتعاطفين وياي بس محتاجج محتاج توكفين بضهري و تكليلي تعالج واني وياك اذا ارتاحيتي ردي عليه منتضرج هنا

-بس سسمعت كلامه راحت روحي اريد افتح الباب بس شي يمنعني ضليت راكيه راسي على الباب قربت روحي

منه حسيت نفسسي قريبه عليه خليت ايديي على الباب عبالك شي يخليني اتواصل وياه لو جنت مقرره 1%

اعوفه و اروح هسه مستحيل بعد ما سمعت كلماته ضليت هوايه كاعده كل ما اضفن اتذكر شكله و ارجع

اخاف مو اخاف على روحي لا خايفه عليه اخاف لا يتأذه اكثر مر هوايه وقت صحت عليه من وره الباب

:-صعب
:-ملاذه

:-روح نام
:-انتضرج

:-نام اني راح ابقى هنا
:-لشوكت لباجر؟ هم ابقى منتضرج

توقعت ساعه ساعتين يمل و يروح بس كل شويه اسمع صوته يم الباب احس نعست كمت من مكاني شلت

بطانيه و مخده فتحت الباب ويه ما فتحته صعب طفر من مكانه جان كاعد بصف الباب راكي نفسه على الحايط كام وكف كدامي كال

:-ها ملاذي شلون صرتي

:-ما بيه شي
باوع على اديه شافني شايله مخده و بطانيه كال
:-تنامين بالاستقبال

درت وجهي منه و مشيت متجه للاستقبال كتله و اني دايره وجهي

:-جيب بطانيه يله تجي الجو بارد

كملت مشي للاستقبال خليت المخدده و البطانيه بالكاع و كعدت على التخم منتضرته شويه و فات ما بيده شي كتله

:-وين البطانيه
:-ما بردان

حركت راسي بمعنى اي اجه كعد بصفي مدنك راسه و لازم جفوف اديه كال

:-ركبتج تأذيج؟

:-لا
:-اسف
:-على شنو

:-ما اريد أأذيج بس بدون ارادتي ما جاي اذكر الصار راح ادبر مكان الج و ل رُفيده بعيد عن عمامج كعدوا بي اذا خايفه مني

:-ما خايفه
:-تعبانه؟
:-جؤ

:-نطلع نفتر بالشوارع الجو حلو
:-لا مالي خلك

كام من مكانه وكف كدامي مد الي ايده كال
:-خل اشوفج اماكن تريح نفسج

انطيته ايدي و كمت للغرفه هو هم فات للغرفه مالته لبست شلون ما جان اريد الف حجابي باوعت للمرايا

صاير حداد على ركبتي ازرك من قوة ايده مخلي اثر برگبتي لفيت الحجاب و طلعت لكيته مكمل و منتضرني

بباب الغرفه اول مره يكمل قبلي لزم ايدي و طلعنه فتحلي باب السياره ما احب احد هيج يعاملني بس ما

اريد اكسر بخاطره ادري بي يريد ينسيني شغل السياره و بقى يمشي ثنينه ساكتين بشوارع الناصريه هل

محافظه الي ما شفت شي حلو بحياتي بيها بس ما زلت احبهه شويه وشغل اغنيه .في وحدتي.

ضليت احوس اريد اطفيهه بس تلفونه مو يمي كتلهه
:-غيرهه

:-ليش ما تحبينهه؟
:-مالت جهال

:-هو اني مشغلها الج
باوعتله فاتحه عيني على وسعهن كتله

:-لا والله انني جاهل تره انت الي تحبهه و بعدين غيرهه يله

جان فاتح بلوتوث على تلفونه يشغل اغاني خلاه من جهته الثانيه و هو يسوق كال

:-اخذي
:-ما اكدر
:-بكييفج

زفرت نفسي بقوه قربت منه خليت ايدي على الجكمجه ارتكيت بيهه رفعت نفسي و قربت على التلفون لزمته و

هو خله ايده فوك ايدي رفعت راسي اباوعله مصدومه هذا شيسوي و احنه بشارع صح ليل و محد اكو بس انصدمت كتله

:-ايددي
:-شبيها؟

:-منا النااس هسه شيكولون
:-شيكولون؟

:-شبيكك لا يشوفنه احد يفهمونه غلط
:-زوجج

:-صعب شبيكك هسه عبالهمم نسوي شي
:-شنسوي؟

يحجي هيج و مركز عينه على الطريق يسوق بيد وحده احجي الكلمه يردهه عليه بسؤال

:-صعب شنو شنسووي ايددي
:-اخذيهه

:-شأخذهه هو غير انت لازمهه هسه عبالهم جاي اسوي سوالف مكسره و العياذ بالله

:-امام جامع ما عرفتج
:-ياا وخرر شبيك

شال ايدي جان ضاغط عليهه ما اكدر احركهه خلاهه على وجهه جر نفس قوي و فلتهه بلع ريگه و كال

:-اافيشش
:-صصعب شنو هل تصرفات

:-يا تصرفات
:-مَا يصير تبوس ايدي

:-مرتي
:-لا والله تره مجرد حبر على ورق

:-امممم
:-اليوم شبيك!!

:-ما بيه شي
باوعت للطريق مللني ما ادري وين يريد يوصل كتله

:-وين رايحين
:-هسه شوي و نوصل

ضل يفررنه بشوارع بعدين كام يفوت بفروع استغربت هذا وين يريد يروح اخر شي وكف السياره بفرع كتله

:-احنه وين
:-نزلي

:-يااا وين انززل
:-اني وياج

:-مااا اخاف منكك تريدد تحطني على القبله وتذبحنني ما انززل

:-يا قبله منهن مالت الله لو مالت بنادم دنزلي
:-ماا ضلممهه شوف اخاف

فتح الباب مالته و اجه من جهتي تخيلت اجته الحاله و راح يكضني و يكتلني هناا اني يمكن بيه فوبيا من الموت

بحيث كل ما اتخيل اموت احير شكل لاهلي اذا متت گبل لزمت اليده مالت الباب عود راد يفتحه اني اباوعله و

مجلبه بالباب دك الجامه عليه و اني قافله ما اريد يفتحه اخر شي فتحه و سحبني اني و الباب زين ما وكعت على وجهي

:-شبييك هسه لوو واكعه
:-شبيج مجلبه بالباب

:-ما اريد انزل
:-شكو شبيج
:-تريد تكتلني؟

ضل يأفأف رفع اديه تخوصر و دار وجهه كال

:-اني رايح ابقى وحدج هنا شويه و جني يدك عليج الباب
كال هيج ومشه ضليت اتلفت بالمكان اذا بقيت هنا الجني

ياكلني واذا رحت وياه ما ادري شيصير شفته مستمر بالمشي فتحت باب السياره و طكيتهه ركضه وراه من
سمع صوتي باوع عليه كال

:-ها شكو مو تخافين
:-خلي الله بين عيونك لا ترتكب بيه جريمه

امشي بسرعه اريد الحك بي كل خطوه منه اني اسويهه ثلث خطوات لزمت ايده اريد امشي بمستوى كتله

:-اكلك والله حرام ما يصير تكتلني الله راح يعاقبك
سكتت شويه اريد اتذكر شي واحجي كتله

:-اكلك حتى اذا تبيع اعضائي ما اجيبلك فلوس عليك الله لا تبيع اعضائي والله امي ما عدهه غيري

باوعت عليه مخلي اديه بجيوبه و مستمر يمشي عبالك ما يسمعني كتله

:-اكلك انت ما تسمع شنو
:-اممم

:-شنو امم صار ساعه الغيي
:-شجاوبج اذا كل حجيج ما بي معنى

:-اسكت المجرم انطيني تلفونك خل ابلغ عليك قبل لا تكتلني

وكف بنص الشارع وكفت وياه بقيت اتلفت محد اكو غيرنه شجاي يسوي شال تلفونه و اتصل ع شخص ما

اسمع شنو يحجي وياه الشخص الثاني بس فهمت احدد راح يجينه

:-ااي احنه بالمكان الاتفقنا عليه...اي اي وصلنه..تمام باقين هنا

سد التلفون من صدك هنا خفت كتله
:-منو هذا راح يجي

:-اصبري
:-صعبب فدوهه تره اني اخاف امي خطيه محد الهه غيري لا تسويلي شي

:-ما اسويلج
ضلينه واكفين بمكانه شويه و شفت مره اجت من بعيد و تتلفت گلبي نغزني كتله

:-منو اجانه
باوعلي و ابتسم كال
:-اصبري

قربت من عدنه هاي المره لحد ما وكفت يمنه جانت مغطيه وجهه بالكامل احس رجفه صارت بأديه الكلام

وكف عندي شفتي كامت ترجف اريد انطق و اكول اسمهه ما اكدر فلتت ايد الصعب و قربت منهه سحبتني الحضنهه و اسمع كلماتهه الحنونه تهديني

:-ها يروح امج اجيت اشوفج مشتاگتلج

ضليت ابجي بهستريا و اني بأحضانهه روحي نهدت ما اكدر اوكف نزلت للكاع و اني حاضنتهه و هي نزلت ويايه

صرنه بنص الشارع و دموعي تعبر شكد مشتاكتلهه كمت اشهك و اصيح

:-يممهه مشتاقتلجج لا تعوفينني مشتااقتلج والله

:-ما ضل شي و اخذج كاففي
وخرت من حضنهه نسيت الصعب موجود نسيت احنه

بشارع نسيت كلشي ضليت اتلمس بوجهه و ابجي احس صار سنينن مبتعده عنهه

:-ليش متغيره يوم جاي يأذوج موو
سحبتني لحضنهه و ضلت تهدي بيه

:-لا يمه مرتاحه ماكو شي
عافتني و كامت الصعب جان حاضن اديه و يباوع النه

كامت امي حضنته و هو بادلهه ضليت صافنه علييهم باس راسهه و رجع باس ايدهه

:-شلونج اياابه نسيتيني بس شفتي بنتج
:-ههه لا انت الاصل

جنت واكفه قريب منهم امي لازمه ايد الصعب و تحجي من سمعتهه هيج كالت رحت لزمت ايدهه الثانيه و حضنتهه

:-لاا والله اني الاصل
:-مو بكيفج اسألي امج و نشوف منو الاصل

:-وعلي بس تكول انت هناا افضحكم و اشهركم
درت على امي تخوصرت كتلهه

:-ياهو الاصلل؟
:-صعب

فتحت عيوني على وسعهن مصدومه عبالي امي راح تكول انتِ

عفتهم و مشيت صاحت امي
:-ها وين

:-خلي صعب يفيدج اني رايحه
مشيت اريد واحد يكلي ابقى ماكو حتى ما اعرف السياره وين صايره و الشارع ضلمه يخوف بس صوت جلاب
بعيده سمعت صعب كال

:-صدك رُفيده تذكرين البنيه الي مشت بليل بهاي المنطقه و ثاني يوم لكوهه كاتبتلهم بورقه صارت شبح؟

:-اي اي خطيه جانت بعمر ملاذ
سمعتهم ههيج كالو نبهتت روحي درت وجهي عليهم
جنت مبتعده خطوات رجعت ركض وكفت بنصهم كالت امي

:-ها مو تردين ترحين
:-خفت عليكم شلون تبقون بدونني لا يصير بيكم شي
:-اي اي صدكناج

ردت احجي و امي كالت
:-يله اني لازم اروح لو ما الصعب جان ما اجيت

لزمت ايد امي و دموعي نزلت بعدني ما شبعانه منهه ما اريد تروح كتلهه

:-اخذيني وياجج ما اكدر بدونج والله كل يوم يمر بسنه
:-ما ضل شي و اخذج شنو ضايجه يم صعب؟

باوعت عليه و رجعت دنكت كتلهه
:-لا ما ضايجه اصلا كل ما اضوج يطلعني بس اني مشتاقتلج

:-ما ضل شي اصبري بس ادبر امورنه و ابيع كل ذهبنه و اكمل الاجرائات بصعوبه جاي اطلع ما اكدر اذا واحد

يشوفني من عمامج ما راح اكدر اكمل اليوم بصعوبه اجيت لو ما صعب ضل يترجاني علمودج كال بس تبجي
باوعت عليه و ابتسمت كتلهه

:-اي صح يله روحي بس ديري بالج على روحج و خابريني كل ما تصيرلج فرصه

حضنتهه حيل اريد اشبع منهه و رجعت سلمت على صعب بقينه واكفين و هي راحت لحد ما صرنه ما

نشوفهه صعب جان لازم ايديي و مقربني عليه من راحت كال

:-يله نروح؟
:-اي

خله ايده على ضهري و مشه ضل گلبي يم امي كل شويه ادير وجهي عسى و لعل اشوفهه ترجع النه الجو بارد كل
ما افتح حلكي يطلع دخان من البرودده

:-صعب وين السياره

:-شويه و نوصل ما كدرت افوتهه لان فروع ضيكه منا
شبيج انتِ بردتي؟

:-اي صارت بارده
وكف بنص الشارع نزع الجاكيت مالته كتله

:-شدسوي ما اريده
ما رد عليه نزعه و خلاه على جتفي ضعت بي كد ما جبير
:-وانت؟
:-ما بردان

رجع خله ايده على جتفي و كملنه مشي وصلنه للسياره صعدت بيهه و هو انتضرني لما صعدت يله صعد بده

يسوق و اني الف سؤال براسي حايره منين ابدي باوعت عليه منتبه على الطريق و ساكت ما يحجي شي كتله
:-صعب شنو تعنيلك امي؟

:-هواي تعنيلي
:-تعتبرهه مثثل امك؟

:-امم
:-شوكت خابرتهه
:-اليوم

:-ليش
:-سامحتيني؟
:-على شنو

:-ادري اذيتج اليوم بس صدكي مو بأرادتي ملاذ اني ما اعرف اتعامل ويه الناس خصوصا ويه البنات اذا زعلت

وحده ما اعرف ارضيهه بس حسيت راح تنسين الصار اليوم من تشوفين امج لذلك خليتهه تجي اسف ملاذي بس انت ما تعرفيني

قطع حجيه ووكف السياره باوعلي و كمل حجيي جنت مركزه ويه كل كلمه يكولهه

:-ملاذ اني من تجيني الحاله افقد ما اعرف بروحي شأتصرف و لحد هسه جاي اضغط على روحي بس اريد

اذكر شسويت ما اكدر بس متأكد أذيتج سامحيني
:-ما أذيتني

:-لا اذيتج لا تحاولين ادري اني واصل مرحله بمرضي و من الصعب اتعالج بس راح اسويهه لخاطرج بس على

مودج ما اريد أأذيج اكثر من اليوم اني محذرج من ذيج الغرفه ليش تفوتيلهه

:-اريد افهمك
:-شتفهمين مني؟

:-كلشي لحد الان ما عرفتك انت شنو ليش هيج صار بيك منو احترك كدامك من فقدذت بالغرفه ضليت تحجيلي كلمات و تصيح احتركت منو الاحترك؟

:-خل نكمل الكتاب اكو اشياء انه هم اريد اعرفهه بس اليوم خلينه نسد هاي السيره و اعتبري روحج ما شفتي ذيج الغرفه

:-ما اكدر اخاف صعب
:-مني؟

:-اي صعب منك صح اثق بيك و عرفت انت شخص تعني لامي هواي يجوز حبتك على محبة امك بس الشي الشفته بالغرفه يجوز امي ما تعرفه

:-شنو شفتي
:-شجان مكتوب على حيطان ذيج الغرفه!!

بلع ريكه و خله ايده على شعره رجع ييمسح بوجهه طك ركبته و رجع باوعلي كال

:-شمكتوب؟
:-من منو تريد تنتقم؟
:-ما انتقم متوهمه

:-ما متوهمه شفت الكتابه بعيني حتى جان اكو اشياء غريبه بذيج الغرفه بس ما كدرت اشوفهه
انت تثق بيه!!

:-لو ما اثق بيج ما جبتج لامج بدون ما اوصيج تحجيلهه شصار لو ما اثق بيج ما اخليج تقرين الكتاب لو ما اثق بيج ما خليتج تعيشين وياي ملاذ اثق بيج اكثر من روحي

:-ليش
:-لكيت روحي بيج

بلعت ريكي بخوف متردده احجي بس دام هادئ خلاص راح احجي

:-صعب تحبني؟
باوعلي مستغرب من سؤولي ساق السياره بدون ما

يحجي ضلت عيوني تراقبه منتضره جوابه شويه و رجع كال

:-لا
:-و تصرفاتك وياي؟

:-ححتلو اجه يوم و حبيت مستحيل اعترف للانسانه الحبيتهه ما اكدر اضلم شخص وياي لان ما ادري شنو مستقبلي يجوز تتأذه بسببي

:-شتريد تسوي
:-ملاذ خل ننسى كلشي صار اليوم و نعيش يوم حلو
:-خل نرجع للبيت

:-تعبتي؟
:-ما ادري بس احس محتاجه ارجع للبيت

:-اريد اخذج لمكان بس ااذا تعبانه نرجع
:-بكيفك

سكتنه ثنينه و اني الافكار تاكل براسي ما ادري شيريد يسوي من منو يريد ينتقم معقول يعرف شنو بذيج
الصفحه!!

للاا مستحيل لو يعرف ما يبقى بهل هدوء
فززني من صفنتي لما شغل اغنيته المعتاده في وحدتي

من فراغي رجعت احسب بعدد السيارات التفوت اقره بالوحات الي على المحلات وكفت السياره باوعتله وكف

كدام واحد من الباعه المتجولين جان صغير باوعتله و رجعت درت وجهي اباوع للجهه الثانيه تحركت السياره صعب كال

:-لزمي

درت وجهي عليه شفته لازم بيده مسدس فقاعات يتخله بمي و تنفخ عليه يطلع فقاعاات ابتسمت من شفته

اخذته من ايده و اني اضحك احب هيج شغلات غطيته بالمي و نفخت بالسياره نترست فقاعات كمت اطكطك بيهن و اضحك فتحلي الجامه كال

:-نفخي بره

رجعت امليهه زاهي و انفخ بره اضحك رغم بساطة هل شي بس حلو السيارت تمشي و الفقاعات ترست الطريق

كل ما تخلص ارجع انفخ من جديد درت وجهي على الصعب شفته موجهه التلفون عليه اول ما درت وجهي نزله كتله

:-جنت تصور
:-لاا ردت اخابر

ما اهتميت و رجعت العب بيهه من صدك الشخص لو شكد ما كبر يبقى يحب طفولته الشيطان كام يلعب

براسي خليت بيهه زاهي و باوعتله مبتسم كل شويه يباوعلي و يرجع يباوع للطريق كال

:-ها شو بطلتي
قدمتهه اله كتله

:-اننفخخ بيهه
:-انجبي جبتهه الج

:-ماا مااا اننفخ والله حلووووه
:-انجبي لج

:-جا زعلانه ما ارضه و هسه راح ابجي و بعد ما احجي وياك

ضحك و كال
:-خليهه كدامي

هو يسوق و خليت مالت الفقاعات كدامه نفخهه و ضلت تطلع منهه فقاقيع ثنينه نضحك غيرت الاغنيه شغلت

الدنيا حلوه سسكت ما حجه شي رجع فات على محل مالت لفات كال

:-شتاكلين؟
:-مشتهيه فلافل

:-صدكك
:-امم حباب صار شكد ما ماكلتهه

نزل و اني عيوني تراقبه الفرحه ماليه گلبي
كل شويه يباوعلي و يرجع يباوع على المحل شويه و

رجع بيده علاگه وكفه واحد و هو يرجع جان لازم جنطه بيده سوده و لابس رسمي لازم فايلات هواي بيده سلم

عليه و بقوا يحجون ضليت مركزه عيني عليه
ايد هذه الرجال نازله سلسله منهه لافهه على ايدهه لفتت انتباهي

بقيت مركزه بيهه اريد اشوف المداليه انتبهت المداليه ميزان رجعت باوعت على مدالية الصعب الي بالسياره

نفسهه استغربت معقوله صدفه ممكن هذا صديقه و يلبسون نفس الكلاده او ممكن هذول مجرمين و هاي رمز

بينهم يا الله على افكاري و تحليلاتي تسالموا و اجه صعد بالسياره ويه ما صعد كتله

:-مننو هذااا
:-صديق

:-قصدك مجرم
:-بكيفج

:-يييعنني مجججررمم
:-لاا

:-لعد شنوو
:-صديققق

:-بس مجرم
:-شبيج بويه

:-اكلك شي
:-و هوو
:-هاي شنو المداليه

حجيت هيج و اني أاشر على الكلاده الي معلكهه بمراية السياره كال

:-كلاده و المداليه مميزان بيها شي؟
:-صديقك لابس مثلهه شفته هستوني

عگد حاجبه مستغرب شغل السياره و كال
:-صدك!!

:-ايي لا تسوي روحك مصدوم
:-ما ادري ما منتبهله

:-صديقك و روح و تعال و ما شايف يلبس مثل كلادتك و اني لمحه وحده شفتهه

:-انت تدققين مو شرط اني مثلج ملاذ حبابه خلي هل يوم يصير مميز لا تخربينه

:-يله يابه ما اخربه
:-المهم ناكل بالسياره لو ننزل بحديقه

:-خل ننزل
:-تمام

مشه مسافه وكفنه كدام حديقه عامه نزلنه بيهه ناس متطشرين اكو كاعدين ياكلون و اكو بنات اعمارهم وسط

يلعبون مراجيح و الجهال تلعب بالحديقه كعدنه على مصطبه صايره على جهه انطاني لفه و طلع لروحه خليت

لفتي على جهه فتحتله ققوطيه بيبسي خليتهه يمه و فتحت لروحي

باوعلي مبتسم كال
:-اكثر شي احبه بيج تدرين شنو

:-شنو؟
:-كلشي تسويننه بالمشاركه

:-اممم بس انت عكسي ما تشاركني بشي
:-مشاركج بكلشي

:-جؤ لا تجذب
:-اكلي و اسكتي بس نطول بلحديث تزعلين

:-شقصدك اني زعاله
:-زعاله شنو؟

:-اوو معليك جمع زعله انت متعرف بالجممع
ضحك و رجع ياكل كال
:-اكلي اكلي بويه

بنفسي بعد اجادله بس جوعانه اكلنه كملنه و بقينه كاعدين نباوع على الجهال كدامنه يلعبون طوبه كتله

:-شكد احب الطوبه من جنت طفله العب ويه ولد المنطقه و يخلوني الحارس اني عبالي الحارس مو زين اخليهم

يلتهون ابوك الطوبه و اشرد و نوب امي تكضني و تكتلني و ترجعلهم الطوبه

يباوعلي و يضحك كتله
:-تحب الطوبه
:-اممم

:-انت هم مثلي جانو يخلونك حارس
:-لا ما جنت العب

:-صددك ليشش
جر نفس قوي و زفره كال

:-جنت ملتهي بغير اشياء ما الحك العب طوبه
:-شجنت تسوي

ما حجه شي باوعتله عاض شفته الجوه و عيونه بيهن الاف الحجي احس الدمعه وكفت بطرف عينه ما ادري

شصار بيه بهل لحضه من شفته هيج باوعت عليه خليت ايدي على خده باوعلي و ابتسم رجع ددنك كال

:-نرجع للبيت
:-تعبت
:-لا بس بارده عليج

:-لا ما بردانه اريد نبقى هنا
:-بكيفج

باوعت على المراجيح جان اكو وحده فارغه و الباقي بيهن بنات يلعبن كل وحده وراهه اختهه لو صديقتهه تدفعهه رجعت باوعتله كتله

:-اطلب منك شي
:-اممم الييوم كله الج اطلبي و انفذ

:-اريد العب مرجوحه و انت تدفعني
:-لاا شوفي وحده من هاي البنات تدفعج
:-لا ما ارييدد اله انتت كووم

كمت من مكاني اسحب بيده من شافني قفلت كام وياي شال العلاكه ذبهه بحاوية الزباله و رجع لزم ايدي رحنه

للمراجيح البنات بقن يباوعن علينه صعددت و خزرته واكف على صفحه مستحي كتله

:-يله ادفعنني ادرري الجني يدفعني
:-ملااذ حباببه خلي وحده من البنات تدفعج

باوعت على البنات يباوعلنه و يضحكن كتلهن
:-بناتت منو تدفعني و اشرتلهن بيدي حركه لا تقبلن وحده كالت

:-لااا مندفعج
تحجي و تضحك مبينه جذب
برطمت بشفتي كتله

:-ششووفف ما يقبلن يله تعال انتت ادفعنني
اجه ورايه و بقه يدفعني و اني ميته من الضحك لزم المرجوحه و دنك كال

:-ضحكتج ولج
:-واللهه حلللوه معلليك محد اكووو

رجع يدفعني احس روحي فراشه باوعتله مشغل تلفونه كتله

:-لاا تصووررننيي حباااب
:-ما جاي اصورج بس اگلب بلتلفون

:-متأكد
:-امممم

هوايه ضلينه نلعب احس الناس كامت تباوعلنه شويه و اجتي بنيه تطلع بعمري هي و زوجهه كعدت على المرجوحه

و بقه يدفعهه باوعتلي و ضحكت كالت
:-سويتيللي واهس

ضحكتلهه و درت وجهي استحي من واحد ما اعرفه يحاجيني شو هذا وكف المرجوحه كال

:-يله كافي كومي
:-شويه شويه حباب
:-لا ماكو كوميي

من صدك اني شبعت لعب كمت و لزم ايدي و مشينه كال
:-هاي هيه ونسه لو بعد

:-لا تعال وياي اخر شي
سحبت ايده جان اكو اشخاص يفترون بالحديقه يبيعون العاب اطفال و حلويات و نفاخ شفت واحد يبيع طوبات اخذته يمه كتله

:-جيب النه طوبه
:-تردين تلعبين؟

:-انت كلت اليوم كله الج جيبب طوبه بسرعهه
راح اشتره طوبه و رجع انطانياهه وكفت بعيد عنه و خليت الطوبه يمي كتلله

:-تعال اخذهه
ابتسم و صار قريب مني عود ضليت اراوغ بالطوبه بس

وصل يمي اخذهه ضل يلعب بيهه اريد بس اخذهه ماكو نلعب و ميتين ضحك هو يضحك عليه لان بس اريد احصل الطوبه كمت اجر النفس كوه كال

:-يله كافي
شلت الطوبه من الكاع كتله

:-تره لان تكسر خاطري خليت الطوبه بيدك لو اريد جان خليتك تحلم تلمسهه

:-اي صح كابتن
:-لا كابتتن شنوو مو هيج

:-جا؟
:-صاروخ

:-لا مو هيج
:-لعدد

:-ملاذي
باوعتله مبتسمه كتله
:-شنو اعنيلك

:-ما ادري بس احس روحي جاي ارجع لطفولتي من جنت العب وياج و انسى كلشي يمج و هسه كبرت و رجعت نفس الطفله نستني كلشي

:-تدري شأتمنى
:-اممم ادريي
:-شنو بله

:-تتمنين تعرفين شنو جنت احجي وياج
باوعتله مصدومه

:-شمدريك!!!
:-حافظج

:-ييممه يممه انت قارئ الارواح
:-هههه بطليي تتأثرين بالافلام
:-ما اكدر

وصلنه للسياره فتحلي الباب احس روحي اليوم مثل الشخصيات الكبار و الملوك صعدت و سد الباب
صعد كال

:-ببعد بنفسج شي
:-لاا ها هيه
:-ما ضايجه مني؟

:-اساسا انه ما ضجت منك بس انت عبالك ضجت
:-مييخالف بويه

باوعت للساعه ب 11 بليل و لا منتبهه للوقت ابد وكفنه كدام محل مالت عصير جابنله و رجع يسوق

:-اليوم شبعتك خساره
:-كلشي اسوي الج مو خساره

ابتسمت و رجعت اباوع للطريق وصلنه للبيت اخذت مسدس الفقاعات و نزلت يفتح باب الشارع كتله

:-اكلك هذا خوش مسدس كل ما تضوجني و اشوفك نايم انفخ على وجهك

:-اني شورطني و جبته
:-ههههه بعد كل متشوف شي مالت جهال جيبه

فتنه للبيت و سد الباب ورانه رحت للغرفه طلعت ملابس و هو فات لغرفته طبعت شفتت باب غرفته مفتوحه و هو

ماكو طلعت بره سمعت صوت الحمام فات قبلي و اني مستحيل اسبح بالحمام الجوه اخاف طلعت بره صحت عليه

:-ليييشش تفوت قبلليي
:-هااا

:-و سمااا
:-لا تغلططيينن ولججج

:-الغلطه سمعتهه و الحجي القبلهه ما سمعته
:-شنووو

:-وجعوو
:-اني اعلمج بس اطلعع
:-دسكت مالي خلك

كعدت بره منتضرته يطلع الجو يكص كص من البرد شويه و طلع بطرك الشورت و الكيمونه كتله

:-انتت شنوو بدون احساسس باباا بااارررددده
:-وين البرد! المهم ليش تغلطين

:-احم شسمه باوعع مغلطت هذا الدوش مو مشتغل و يجيبلك اصوات جذابيه

:-جذابيه شنو
:-جمع جذب

:-اللغه العربيه تلطمم
:-معليك شمعرفك انتت اكلك فوت البس شي دافي و تعال انتضرني هنا اريد اسبح و اخاف

:-امم
فات جوه شويه و طلع مبدل كعد على كال

:-يله فوتي
:-اي و كل شويه صيح علييه خاف الجنيه تخطفني
:-دفوتيي لا تخافين ماكو جني يورط روحه

:-شنو يعني
:-يعنيي هسه نايمسن ما يجون
:-ها خوش

فتت للحمام سبحت شلون ما جان و طلعت كل شويه اصيح على الصعب خاف يفوت جوه و يعوفني طلعت

جان لازم بيده الجاكيت مالته اول ما وصلت يمه خله الجاكيت عليه كال

:-بسرعه فوتي جوه
فتت رحت للغرفه ركض نشفت شعري و مشطت طلعت

صحت عليه اجاني صوته من الاستقبال اخذت تلفوني و رحت يمه لكيته متمدد بمكانه المعتاد و يكلب بالتلفون

تمددت خليت راسي على نفس المخده رفع راسه باوعلي و ابتسم كال

:-نامي ما تعبتي
:-لاا خل نقره ببالكتاب و بعدين ننام

:-لا باجر ما اطلع الصبح و نقره اليوم تعبنه
:-خوش لعد نام

:-العبي بشعري
تمددت صفح رفعت ايد العب بشعره و ايد اكلب بيهه

بالتلفون منتضره برق ترد عليه ما انعس شويه و كتبتلي
:-ها اليوم وينج

:-جنت طالعه مشتاااقتلجج كومه
:-والله اني هم راسلتج بس ماكو

:-جنت طالعه ويه الصعب
:-والله بنفس اشوفه

:-ههه احسلج لا تشوفي من اسسمه وقيسيي
:-ههه اي هو اسمه خلاني اصير فضوليه

ضلينه نحجي كل حجينه عن يومنه شنو سوينه بعدين كتلهه

:-نكمل القصه لو تعبانه
:-لا ما عندي شي نكمل
:-يله

...........................
مـــُهره آيوب

-مُــهره
حسيت خلاص تعبت يمهم ايوب طول صار 10 ايام و هو ماكو

كاعده انضف بالغرفه ما احس غير واحد حضني من وره نزيت درت وجهي مرعوبه جان اشوفه آيوب من فرحتي درت عليه و حضنته

وخرت منه دنكت راسي خجلانه
:-الحمد لله على سلامتك

:-الله يسلمج مهرتي
:-شوكت اجيت

:-هسه اجيت بوجهي للغرفه حتى ما شفت احد من اهلي
:-مشتاقتلك

ررجع سحبني لحضنه
:- و اني اكثر

:-احضرلك ملابس
:-لا خل اروح اسلم على امي و بعدين اجي

:-يله براحتك
:-تعاي نروح سوه

لزم ايدي و مشه على غرفه امه دك الباب و فات رفعت راسهه شافتنه ابتسمت و لمن شافتني غابت ابتسامتهه

فلت ايدي و راح سلم عليهه باس راسهه و نزل يبوس ايدهه سحبتهه منه رفع راسه مستغرب كالتله

:-والله و تزوجت يا ايوب و صرت تسلم على مرتك اول شي نستك امك الضاهر

:-لا يمه مو هيج بس مهره جانت بره و اول ما فتت لاكتني و اجينه سوه

:-خوش جا ليش ما سبحت
حجت هيج و باوعت عليه كملت كلامهه موجهته الي

:-شني ما تعرفين تحضرين ملابس لرجلج امج ما علمتج و لو امج ملتهيه وين تلحك
دنكت راسي بدون ما احجي شي رد عليهه ايوب

:-ييمه حضرتهن بس انه ردت اسلم عليج و بعدين اسبح يله من رخصتج تعبان

طلع و لزم اييدي مشيت وراه كلمتهه ضلت تنغز بگلبي فتنه للغرفه مشيت للكنتور بهدوء طلعلته ملابس ضل هو واكف يم الباب كال

:-هاي مو اول مره يحجن هيج موو!

رفعت راسي ويه ما حجه نزلت دموعي درت وجهي منه ما اريد يشرفني ابجي اجه يمي دار وجهي عليه و بقه يمسح بدموعي كال

:-كافي مُـــهرتي كاافي ييابه هاي اني اجيت محد يسمعج حجايه بعد

:-خل يحجن عليه بس لحد تحجي على امي
:-محد يحجي هاي هيه لا تبجين

انطيته ملابسه و بقيت بمكاني كال
:-تعاي انتضريني بباب الحمام

:-كل يوميه؟
:-اي تعودي

ابتسمت و رحت وياه انتضرته بباب الحمام منو يشوفني واكفه يخزرني اجتي زهره ما تدري منو بالحمام كالت

:-شعدج واكفه هنا صنم شنوو
:-شعلييج؟

:-روحي نضفي المطبخ يله شعدج واكفه بدون شغل
كملت حجايتهه و نفتح باب الحمام طلع ايوب ينشف
بشعره من شافته زهره انصدمت بقى ينشف بشعره كالهه

:-انصحج لا تدخلين بأحد اهتمي بروحج و بس
مو بس مهمره عدهه ادين تنضف المطبخ انتِ هم عندج

:-لا خويه فهمتني غلط اني عبالي ما عدهه شي
:-حتى لو ما عدهه تريد ترتاح

عافتنه و مشت حسيت بفرحه من رزلهه رحت وياه للغرفه تمدد بفراشه كال

:-تعاي
:-ما نعسانه

:-بس انه نعسان تعاي نامي يمي

رحت يمه مرتبكه ما زلت استحي منه مد ايده الي خليت راسي عليهه حضني و نام على الدفو نمت وياه ما كعدنه

للعصر بلكوه كام من الفراش عدلت الفراش و بقى منتضرني طلعنه سوه سلم على اهله و كعدنه يمهم محد

منهم تجرأت تحجي وياي ما دام موجود وين ما يروح ياخذني وياه بقى يمنه هواي هل مره و اني مكيفه مر

على زواجنه شهرين تعودت عليهم من آيوب ماكو تعاملهم زفت نوم ما الحك انام و من هو موجود يدللني

دلال ما يخلي احد يحاجيني بشي جانوا يسون غده يمنه خطار شميت ريحة الاكل و روحي كلبت جان آيوب

هستوه نازل ضليت اغسل بوجهي روحي لابت ما اكد
ر اشم شي طلعت بره افتر اريد ارتاح ماكو شفت ايوب

برهه شافني من بعيد و اجه بأتجاهي وكف بصفي مستغرب كال

:-شبيج مهره
:-ما ادري روحي كلبت

:-تعاي للغرفه ارتاحي اليوم تعبتي
رحت وياه وكفنه صوت امه من كالت

:-ها ويين ست الحسن
حجه ايوب وياهه بحديه

:-يممه تعبتت ما تشوفينه شصاير بيهه
:-شبيهه كلشي ما بيهه

:-شنو الكلشي ما بيهه روحها كلبت
باوعت عليه كالت
:-منين

:-شميت ريحة الاكل و نفسي لعبت منهه
:-خاف حامل

:-هاا
باوعلي ايوب بلهفه كال
:-صددك حااامل

بلعت ريكي فرحه على خوف ما ادري شنو هل احساس الاجاني كتله
:-ما ادريي

:-صارلهه شكد من اجتج
دنكت راسي مستحيه من ايوب ما اكدر احجي كدامه رجعت عادت عليه السؤال

:-هاا مَ ماذكرر
:-شنو ما تذكرين لا تضمين علينه ما نحسد حامل لو لا تذكري

:-ما اجتني من تزوجت
:-جا حاملل

باوعت على اييوب فرحانه و هو فرحته بين على وجهه امه باوعتله كالتبها

:-بالخيير يتربى بعزك
:-رحم الله والديج

لزم ايدي و مشاني للغرفه و امه راحت من يمنه كعدني على الفراش ضحكت كتله

:-اكدر وحدي
:-اخاف عليج هو وحدج بلكوه تمشين مو شايله طفل ببطنج

لزمت بطني فرحانه صح بعدني صغيره بس تمنيت اجرب هل شعور اريد اربيهم اخلى تربيه اخلي الكل يحلم بيهه

اعوضهم حنان الام و متأكده ايوب راح يعيشهم احلى عيشه و يدللهم اجه كعز بصفي لزم ببطني كال

:-يعني هسه ابني هناا
:-امممم

:- فرحانهه
:-اي هواي و انت
:-فرحان اكثر منج يله تمددي ارتاحي

تمددت و راح شويه و اجه شايل صينيه كعد يوكلني بيده رغم جنت ما مشتهيه بس لان شفته شلون مهتم كعدت

اكل و اباوعله اخاف لا اخسره الله يحفظه الي من كل مكروه

كملت اكل شال الصينيه شويه و رجع كعد يمي كال

:-اعرف من التحق يأذوج و يتعبوج بس كل ما تصيرلي فرصه انزل علمودج انت لا تصيرين ضعيفه الي يسمعج

حجايه لا تسكتيلهه اهم شي صحتج و هسه انت حامل لا تتعبين روحج اهم شي صحتج

:-حاضر
..

مرة الايام و رجع ايوب التحق و مثل قبل محد اهتم اذا حامل و ما اكدر اذا اكلهن تعبانه كلهه تصيح احنه هم

خلفنه و ما كلنه تعبانين لحد ما كامو يطلعوني وياهم للزرع اشتغل هناك يطني كبرت و كوه ادنك اشتغل ارجع

من الزرع بوجهي للبست انضف و اطبخ و كلهه تصيح و تحجي تعبت بشكل خصوصا هل فتره ايوب يتأخر هواي

محد اخذني لدكتور افحص ابد كضيت حملي كله بتعب دخلت بشهري على حسابي و ايوب التحق شكد ترجيت

بي يبقى ما اريد اجيب و هو ماكو بس ما يكدر مو بيده بليل احس مخنوكه ما اكدر انام و بطني من الصبح

تأذيني لحد ما الوجع زاد عليه كمت اتلوه بمكاني و محد يمي ابجي بصوت ناصي خاف واحد يسمعني للصبح بس

اتلوه بعد ما تحملت اكثر طلعت رحت لام ايوب من شافت حالتي كالت

:-تردين تجيبين انت

حضرن رواحهن و مشيه للمستشفى و اني الوب ابجي من الوجع و ابجي لان ايوب ماكو حسيت بعد ما اتحمل

الوجع لا واحد من اهلي لا واحد احبه وياي فوك هذا كله الممرضات بس يصيحن كمت اصرخ حسيت الطفل راح

ينزل يله اخذني يجيبني كمت اصرخ و اصيح بأسم ايوب اخذني الوجع سمعتهن كام يصيحن جابت جابت بعدهه فقدت الوعي
.....

بـــــرق
:-نكمل بغير وقت هسه نعست
:-براحتج حبيبي

سديت التلفون باوعت على الصعب نايم رجعت باوعت للساعه صايره ب 2 لزمت ادين الصعب و نمت فتحت عيوني شفت صعب كاعد كدامي يكلب بالتلفون اول ما فتخت عيني باوعلي كال
:-صباح العافيه
:-صباح الورد
كمت غسلت و رجعت للاستقبال كال
:-تعالي للمطبخ منتضرج نتريك
رحنه للمطبخ حميت الجاي مبين صار هوايه محضره كعدنه نالك سوه كتله
:-اليوم ليش ما رحت ما عدكم جريمه
ضحك كال
:-لا ماكو
كمللبنه ريوك كمت اغسل بالمواعين اريد اكمل القصه صار عندي فضول كتله
:-صعب نقره بالكتاب
:-كملي و نروح
:-كملت يله تعال
اجه ورايه اخذت الكتاب و كعدت تربعت و هو تمدذت خله راسه بحضني فتحت الكتاب
............
عودة الى الماضي
الصفحه الثامنه

روح عابس
رُفيده

::-من شفت امي ارتبكت ضلينه واحد يباوع علي الثاني سديت الباب عليهم و طلعت بسرعه لاكتني امي وجهي مخطوف ابتسمت كتلهه

::-هاا يوم شعجب شرايده
::-اجيت اشوف روح

::-ن..ناممتت روحح
::-ها صدك شبيها خل اشوففهه خاف مريضه

::-لااما بيهه شيي خطيهه نامت بلكوه من تكعد اصيحلج تشوفينهه هسه امشينه للبيت

::-يله امشي
اخذتهه و رحت للبيت شلت كتب ما ادري يا ماده. و طلعت بسرعه كالت امي

::-شتسوين بيهن
::-هاا اروح اقره على ما تكعد روح

::-يله براحتج دييري بالج عليهه
::-اي

رحت ركض اريد اوصل لروح فتت للغرفه بدون ما ادك لباب لكيتهه تفتر اول ما فتت اجت عليه كالت

::-هااا شسوويتتي
::-عدت سلاماتت

::-الحمد لله
::-عابس طلع موو

::-اي راح
::-شصار

::-كال السبوع الجاي يجيب اهله
::-صددك

::-كال اقنعهم غصب عليهم يجون
::-الله كريم
::- و نعمه بالله

مرة ثلث ايام على اخر مره شفنه عابس بيهه
جنه كاعدين بالحديقه و فاتت مره وياهه ثنين ولد و بنيه

البنيه تقريبا عمرهه 10 سنوات و الولد كبار يجوز 14 لو 15 سنه كمنه اني و روح لاكيناهه اول ما شافتنه كالت
::-وين امكم

::-منو انتِ
::-ما عليج اريد امج هسه

فات ابوي من باب الشارع اجه بأتجاهنه بين على وجهه الخوف من شاف المره اول ما شافته كالتله

::-يا هلاا
ضلينه اني و روح وحده صافنه بالثانيه طلعت امي من
شافتنه كلنه متجمعين اجت بأتجانهنه مستغربه كالت
::-منوو!!

حجت المره كلماتهه الي جانت اكبر صدمه النه لامي و لابويه الي و حتى ل روح كالت
::-اريد اعرف منو الاصل اني لو انتِ منو بواكة الزلم بينه انت الاخذتتي رجلي منني

ضلينه كلنه صافنين امي اول ما سمعت حجيهه بهتت روحهه و وكعت بالكاع رحنه اني و روح نركض الهه

صافنه اريد استوعب الكلام ما اكدر ابوي كام يصيح و يغلط

ضليت اضرب على وجهه امي اريدهه تكعد ماكو روح راحت تركض جابت مي و اجت ترش على امي و ابوي

لازم ايديها يمرغهن الهه و المره و لا تحركت من مكانهه متخوصره و تباوعلنه بكل صلافه

....
خلصت الصفحه باوعت للصعب اريد اترجاه نقره صفحه ثانيه كبل لا انطق كلمه كال

:-اششش ما نقرره
:-حبببااابب

ويه ما حجيت كلمتي سمعنه صوت شي نضرب بجام البره كام صعب و كمت وراه نريد نعرف شنو هل صوت.....
.
.
.
.
.
.
.
.
.
.

.
.
.
.
.للحكايه بقيهه

كلانا كتف للاخر.♥
الوريد♪