رواية أنتقام الصفحه 27 (ترميم) الفصل الثامن 8 - بقلم خـلود الـ محسن

حساب الانستا lorai_alrwi
:::::::::::::::::::
انتِ مــــلاذي❤️ألصعب....
................................
روحـــ عابس💚عابس......
................................
يامُـــــهرتي🖤آيـــــوب💚
:::::::::::::::::::::::::::::::::::::::::♡

طلعلي اسم العلاج البنزود اختصار لل(البنزوديازيبينات) ضليت صافنه شنو هذا اول مره اشوف هيج اسم علاج

حتى شكله غريب نسخت الاسم و كتبته بالكوكل بحثت عنه جان مهدئات و تنوخذ للحالات النفسيه اقره عنهه و

گلبي يدك خوف شنو يعني ضعب مريض نفسي سمعت باب غرفته نفتح ضميت العلاج بصدري بسرعه و سديت

التلفون بدون ما اطلع من البحث اريد اهدأ ما اكدر رغم ما مسويه شي بس من قريت على العلاج و ينوخذ بحاله

امراض نفسيه خفت كلش فات للاستقبال گبل عينه

وكعت عليه جان مبتسم اول ما شافني غابت ابتسامته مشه بأتجاهي و كعد بصفي بلعت ريكي خايفه دنكت

راسي ضميت اديه ابين رجليه هنه و التلفون ما اريد تبين الرجفه كال

:-شبيج مــلاذ
:-مَ..مبيه شيي

خله ايده على جتفي نزيت و وخرت من يمه من الخوف طلعت مني هل حجايه بدون ارادتي
:-هيي شبيييكك

عگد حاجبه مستغرب من تصرفي جنت كاعده على طرف التخم و مبعده نفسي منه ضامه اديه ابين رجليني و

الرجفه لازمتني تخيلته مريض نفسي و راح يأذينني دنكت راسي من شفت الحبوب ما ضامتهه عدل مبينه

بالتشيرت بلعت ريكي بخوف باوعت عليه كال
:-شبيج مــلاذ

دنكت راسي ما اريد احجي شي و يبين عليه الخوف حرت شسوي نززتني حركته من لزم عكس ايدي و

سحبهه من بين رجليه جنت لازمه التلفون بيهه ما لحكت اخلي بيدي الثانيه صارت ايدي كدامه وبيهه التلفون

ضليت ارمش بعينني خايفه منه سحب التلفون و خلاه بصفه و مازال لازم ايدي رجع سحب ايدي الثانيه

وخلاهن بجف ايده ضغط عليهن حيل و شكله ما يطمن عاگد حواجبه الله اليستر شراح يسوي مد ايده بفتحة التشيرت

خلاني انتفض من مكاني و اسحب روحي منه بس جان مقيد اديه بنص ايده ما اكدر احركهن ضلت دموعي تنزل

متأكده شاف الحبوب مد ايده و سحب الحبوب خلاهن على التلفون فتح اديه بقيت كاعده بهدوء ما اعرف بهل

لحضه جنت خايفه لو جنت صاحبه حق ما اعرف تصرفي جان صح لو غلط رجع كعد عدل و خلله اديه

على راسه يحركهن بأستمرار على شعره سحب التلفون وفتحه جنت مخليته بدون رمز گبل نفتح على الكوكل و

على البحث ضل شويه يقره بي سد التلفون ورجعه المكانه يمكن هذا هدوء ماقبل العاصفه شبك جفوف اديه

و ضل يطك بأصابعه كال بصوت ما فسرته شنو ضايج لو تعبان ما عرفت شنو بالضبط
:-شستفاديتي؟

ضليت ساكته ما اعرف ارد عليه رجع باوع عليه كال
:-خايفه مني؟
نزلت دموعي احسهه تحرك خدودي من تنزل كتله

:-ص.صصعب والله والله اخاااف لا تسويي شيي

قرب مني ملت نفسي بعيده عنه و خليت ايدي على وجهي ضامه نفسي منه اخاف من رد فعله ما احس غير باس ايدي و رجع

لزمهه بأيده انصدمت من رد فعله نزل ايدي ضلت عيوني تراقب حركاته كال

:-حگج تخافين مني انني هم اخاف عليج من روححي اخاف أأذيج ملاذ صدكيي كلشي حاولت اسوي بس

علمود ما تعرفين ليش اشرب هل علاج اددرري راح تتأثرين و تبتعدين منيي

ضل يضغط على كصته يمكن متأذي باوعلي و ما زلت مصدومه بكلامه ما احجي شي كال

:-احجي شي لا تضلين ساكته حجيت بصوت يرتجف
:-انت مريض!!

باوع عليه بنضرات كلهه خوف و توتر كال

:-مو مرريضض ملاذذ مو مريضض ليش تخاافينن منييي لا تحجيين بنبرة خوفف احجي وياي مثل قبل شلون تحجين و تضحكين بدوون خوف

:-ما خايفه منك
سحب ايدي عليه بقوه صرت قريبه منه كال

:-و نضراتجج هايي شنو و رجفت اديج اول مافتت ليش من اسألج ما تجاووبين خايفه مني موو ما أذيج انني مستعد أأذي روحي بس ما أذيج

:-ليش تشرب هل حبوب راح تأذيك بعدين لا تشربهه حباب

:-من اشربها ارتاح و اعرف اتصرف اذا ما شربتهه راح اخلييج تتأذين

:-بس جاي تأذي نفسك

:-المهم انت ما تتأذذيين

ضلت دموعي تنزل ما ادريي عليه لو منه بس بهل لحضه عرفت اني ابجي عليه صعب يشرب هل حبوب بس
علمود ما يأذيني هل حبوي كفيله تدمر حياته بعدين

:-خايفه ملاذ!!!

حركتله راسي بمعنى لا وخرت ايده من ايدي و كعدت بالكاع كتله

:-احجيلي صعب

كعد مقابيلي و مد رجله صرت كاعده بين رجليه ارتكه على التخم كال
:-انيي مو مريض ملاذ بس اعاني من فوبياا صدككينني ملاذ مو مريض نفسي انني

لاحضت عليه من يحجي ايده ترتجف لزمتهه و ضليت احرك بايدي عليهه كتله

:-ترجف من وره الحبوب مو؟

جان داير وجهه مني ما يخلي عينه بعيني حرك راسه بمعنى اي

:-من شنو تعاني

:-رهاب

ضليت صافنه شويه علييه تذكرت المدفئه يلي بالبيت تذكرت الطباخ الجكاره الجداحه هسه يله بديت استوعب

المدفئه جانت مغلفه ميبين منهه نار مجرد تجي منهه حراره الطباخ من يشغلهه ما يباوع عليه الجداحه جانت

من هاي الجداديح يلي تكون طويله بحيث ما تنشاف النار مالتهه و الجكاره من شافهه و انتفض من صفنتي كتله

:-رهاب من النار!!!

باوع عليه ورجع دنك راسه كال
:-اي

:-تعالجت

:-اخذ علاج

:-هاي الحبوب بعد ما تشربهه

:-ما اكدر

:- مو بككيفكك هااي الحبووبب جاي تشربهه بكثره ترريدد تصيررر مدممن وبعددينن هاا و بعدين؟ تعرفف شنو تالليتتك تعررف!!

:-ااايي اعررف بس ما مستعد أأذيجج

:-تعالج صعب بس مو بهل طريقه مره وحده اسمعليي بسس كلي من شوكت تشرب هل حبوب

:-ما جنت اشربهه بس من احتاجهه كلش بس هسه اشربهه هواي

:-للليشش
:-ما اكدرر اذا ما اشربهه أأذي اي واحد يمي اذا اجتني الحاله

:-ليش نصابيت بهل رهاب؟

ضل يبلع ريكه بصوره متكرره الي ينصابون بهل مرض اكيد متعرضين لشي و سؤالي يمكن ذكره يمكن راح

تجي الحاله لان شكله تغير انتبهت عليه اكثر من مره اذا اجته الحاله عيونه تصير حمر وشفايفه بيض و يضل

يتعرق ما اعرف اي شي عن الفوبيا و عن الامراض النفسيه بلع ريكه كال

:-ملاذذ بس هسه اريد حبايه
:-ماكو

ضل يعصر بعيونه و يتنفس بقوه اول مره اشوفه اول ما يتخربط يمكن بعد ما يحس على روحه ضلت عيونه على

التخم يريد ياخذ الحب بس ما يكدر اديه ترجف كمت قبله و اخذت الحبوب ضلت عيونه تراقبنني ما اعرف

شتصرف جنت بس اريد ابعد عنه الحبوب القريته خلاني اخاف اذا شرب هوايه يمكن بدون وعي يكتل نفسه ممكن

ينتحر لو يسوي شي بدون وعي خفت عليه ضليت واكفه مقابيله و دموعي تنزل رجفت اديه زادت كعدت

بصفه و بقيت امرغ بأيده سحب اديه مني و دفعني دار وجهه و بقه يرفع رااسه و ينزله فتحت وحده من

الحبوب بسرعه وانطيتهه اله احس بلعومي كام يطك من الخوف حاليا ما عندي غير هل حل ما اكدر اله انطي

حبايه شربهه اول ما قدمتهه اله ضليت اغسل بوجهه هو شبه الفاقد

:-ص..صصععب اااحجيي شيي شونن صرتت
ضل يفتح عيونه و يسدهن شلت ايده ابوس بيهه اريده

بس يصحى مر ربع ساعه و اني ابجي و اصيح بأسمه حسيت شويه بده يستعيد وعيه جبت مي و ضليت

اغسل بأديه كام يجر نفس بغمج باوع عليه ب تعب كال
ركه نفسه على التخم و اني ما عفت ايده لازمتهه بقوتي

:-هااا صععبب شبيك فدوهه

ابتسملي بس وجهه تعبان ما يكدر يجامل واضح التعب عليه كال

:-زين
:-صععببب شبييك ليش هيج صار والله روحي راح
تطلعع صععبب تعاللج فدوه جاي تأذي روحك ببهل حبووب

:-ما بيه شي ملاذ

شفته شويه ارتاح قربت منه و حضنته لف ايده على ضهري و باس راسي كال

:-هيج خايفه عليه؟

ضربته على صدره و اني مكوره ايدي بس على كيف ضليت اصيح عليه

:-لااا لاا ما اخااف عليك حققييرر بععدد لا تتخربطط
اهتز صدره عرفته يضحك رجعت ضربته بس هل مره بقوه صاح

:-اخخخ لا ياجلبه

رفعت عيوني عليه كتله
:-متأذي

:-ايي بوسي المكان و اصير زين

:-صدك اذا بسستك تصير زين
:-امم بوسيي و شوفي

قربت راسي يم صدره ابتسمت عضيت على شفتي ضامه ضحكتي رفعت ايدي بسرعه كرصته بقوه و طفرت من

يمه هي شرده هي سحبه من ايدي من قوه سحبته حسيت ايدي نخلعت تكومت بصفه رفعت راسي خايفه بلعت ريكي كتله

:-شووففف بس خل افهمك
:-اششش ليش هيج تسووين

:-شووفف باوع بس خلينني احجيي
:-اي احجيي

:-هووو انننيي ردت ابووسسك بسس شنوو...
رفعت راسي اباوع وره الصعب و صرخت بخوف

-يييمممههه يييمممههههه عگررربب عگررربب ييمهههه

فلت ايدي و باوع وراه اني طكيتهه بركضه وصلت لباب الاستقبال باوعلي مصدوم ماكو شي وره غميته كتله
:-ضحككت عليكك

اريد اسويله حركه اخلي اديه وره اذني واحركهن بس خليت اديه شفته كام من مكانه طكيتهه بركضه للغرففه

سديت الباب بس جان ورايه ما لحكت اسده على الاخير دفعه و اني ادفع بكل قوتي اريد اسد الباب وهو يدفع صحت عليه و الضحكه لازمتني ما تروح

:-صصعععب حباابب راح انلززك وره البابب روح منا العبااس عليكك

:-والله ما اروح اله اطيح حضج

:-اله اخاابر امي رووح منااا يممه صعبب حيه ورااكك باووع

:-ما يمشن عليه

كال هيج ودفع الباب اريد اسكت من الضحك ما اكدر. من شفت الباب نفتح طفرت فوك الجربايه وهو مقابيلي صاح

:-انززللي
:-ششتتسووي اذاا نززلتت

:-اطيح حضج
:-يممهه ييمهه علليك الله روحح

:-هسه انت ليش تضحككين
:-اضحك عليك

كلت هيج وسديت حلككيي ضل صافن عليه كتله
:-ييااا لاا والعباااسس اضحك على رووحي والله مو عللييك

:-نزلييي
:-شتتسوويليي
:-نزللييي ملاذذ

:-راح انزل بس حباب لا تسوييلي شي
:-يله نزلي

باوعت للكاع وباوعت للباب صاير مقابيله حتلو اطفر واريد اشرد يلكفني نزلت مستسلمه لان ادري ما راح

يروح لو ابقى يوم كامل معلكه فوك الجربايه نزلت و صرت بنهايه الغرفه كتله

:-يله نزلت
:-تعاي

:-وين
اشرلي اجي بصفه

:-شوف راح اجي بس حبابب لا تعصر خشمي ولا تلوي اذني والله احس اذني طولانه هل فتره

:-اي تعايي

رحت امشي على كيف كاتمه ضحكتي ما ادري عليمن اضحك ادري راح اكلهه بخاشوكه صرت مقابيله سويت

وجهي يكسر الخاطر هو اني حواجبي شكلهه بريء سويتهه اكثر برائه بلكت ما يحاجيني رفعت راسي اباوعله كال

:-على يا وحده نبدي نعقابج؟
:-ليش هنه شكد

:-هواي
:-لا بسس كرصتكك

رفع حاجبه ما مقتنع بكلامي كال

:-كرصتيني و ضربتيني بقوه و غميتيني و خليتي ايدج وره اذنج مثل المشعوذين و جذبتي

اسمعله و ابتسامتي غابت اشرت على روحي اتصنع البرائه كتله

:-اننيي يطلع مني كل هذاا
:-اممم سألي روحج

:-شسوي هسه
:-اعاقبج بكيفي لو انت تختارين العقاب؟

:-علييكك الله عاقبني بسس ارأف بحالييي اني يتيمهه و امي مو يمي و اعمامميي كلهه تركض وراي خلي هل
اشياء بين عيونك كبل لا تبدي بالعقاب

:-هاي اليتيمه لا تقرينهه الي خل تولي
:-لا لاا انت بسس خلي هل شي بعينك و خفف عقوبتي
:-لا هي بسيطه

:-شنو
:-بوسيني مكان كل حركه سويتيهه

:-شننووو!!مااا لو تتموووتت
:-خوش جا اكو عقوبه ثانيه
:-ايي شنوو

:-بس ما تكدرين تتراجعين مالج حق ترجعين للعقوبه الاولى

بلعت ريكي خايفه مبين جدي بكلامه كتله
:-اي بسس مو شي سخيف بوس ومدري شنوو

:-اممم اكو هنا بالمنطقه مالتنه يعني نهاية المنطقه مكان مهجور و بي بيت محد عايش بي من عشرين سنهه

يكولون مسكون الليله تكضينهه هناك و باجر الصبح اجي اخذج

فتحت عيوني مصدومه اني كلشي ولا الجن و لا ابقى وحدي يجوز اموت بمكاني كتلهه

:-لااا فددووهه تحجيي صدكك والله لو اممي تدرري ما تخلينني يمكك وخر ثنينهن ما اسويهن

:-خوش لا تسوين اليوم ابقي وحدج بالبيت واني طالع
:-لاااا فددووهه شبيكك صععبب والله اخااف

:-مشكلتج
:-زين باوعع

:-هممم
:-يصير نرجع للعقوبه الاولى
:-لا

عافني ومشه طلع بره ورحت وراه فات لغرفته وكفت بالباب فتح الكنتور طلع ملابس كتله

:-شتسوويي!!
:-اخذ ملابس وياي اليوم ما ابات بالبيت

:-لاا فدووه اقبل بالعقوبه الاولى
:-ماكوو ما يصيير

عفت الباب و رحت بصفه سحبت منه الملابس و شمرتهن على الجربايه

:-موو بككيفكك والله ما تروح يله شترريدد وين ابوسك
:-مصره!!

رفعت راسي رافعه واحد من حواجبي ما اعرف اسوي هاي الحركه اطلع اضحك من اسويهه كال

:-لا تجربين تسوينهه مرة الثانيه
:-معلليك ييله فضني ما عندي وقت
:-هييج مصره على بوستي

طبكت سنوني بقوه تمنيت كون الزمه و اعضه علمود ارتاح كتله

:-لا تسستتفزنني احجي والله لوما اخاافف فلا اقبلل

:-اممم اول شي وين كرصتيني على صدري بوسيني يله
ضليت أأففاف قربت راسي منه بسته من وره القميص و وخرت بسرعه دنكت راسي ما اكدر اباوعله كتلله

:-هاي هيه؟
:-لا بعد شسويتي؟

:-ما سوويت بس ضربتكك
:-خليتي اديج وره اذنج؟

فتحت عيني مصدومه ادري شنو نيته من حجه هيج كتله

:-لللوو تممووتت هااي هيه خلص العقااب ما ترووح
:-لا ما خللص راح اروح

:-ترهه بستكك وهسه اطللبك بوسهه ما يصير تروح
:-سهله هسه ابوسج ولا تطلبيني و لا شي اني ما احب الدين

:-اننج.......شسمهه اقصد لااا شنوو تريدد بعدد
:-ردتي تغلطين

:-لاااا
:-يله راح اعتبر روحي ما سمعت وهسه بوسيني وره اذني
كوه مصبره روحي ما الزكه براشدي

:-ما الووح اذذاا انت بطول البابب
دار وجهه و كعد على الجربايه راكي اديه ليوره و مبتسم بخبث كال

:-و هسه تلوحين؟
:-اذا ما بستك تروح!
:-امم طبعاا

قربت يمه و ضليت واكفه مقابيله نضراته وترتني
:-ديرر وجهكك

عبالك ما يسمعني دنكت عليه لزمت وجهه ودرته بسته بسرعه و وخرت مدنكه راسي و اباوعله بلع ريكه و ذب نفس بقوه مبتسم كتتله

:-كافيي حباب
:-جذبتتي عليهه

:-وهااي بله وين ابووسكك بله
:-هاي انت مخييره بكيفج

:-مخيره؟
:-اي

:-اختار ما ابوسك
:-هههه هذا مو من ضمن الخيارات

جريت نفس بقوه و زفرته بسته بخده بسرعه و وخرت ابتسم و ضل مركز عيونه عليه كتله

:-هاي هيه موو
:-بعد غميتيني

:-كاافي حباب يعني غميتك وين ابووسك ببله
:-بيش غميتيني

:-بيدي!! كلت هيج وانصدمت شنو يريد ابوس ايده كتله
-ان شاء الله تريد ابوسس ايدكك

:-تعالي كعدي هناا
اشرلي اكعد على المكان البصفه

:-ما اريد
:-عاجبج تباتين وحددج

:-اهووو شبييكك حبابب
:-تعالي كعدي

رحت كعدت من صدك ضوجني ما احب احد يتحكم بيه ولو ييموت ما ابوس ايده

باوع عليه جنت حاضنه اديه لصدري رفع ايده قبل لا يسوي اي شي كتله

:-لوووو شيصير ما ابوسس ايدكك خووش

ما رد عليه سحب ايدي عكدت حاجبي مستغربه دنك عليهه و باسهه ضليت جامده بمكاني ما ابديت اي
رد فعل من حسيت على روحي سحبتهه منه صحت بي

:-ششسسوووييتت ليش تبووسهه
رفع عيونه عليه كال

:-ضوجج العقاب؟
نزلت راسي حركته بمعنى اي كال

:-اني همم اضوج من تتصرفين هيج اني اقبل تسوين هيج وياي بس باجر عكبه غيري ما يتحملج و راح تتأذين

:-بس ليش تبوس ايدي

:-هسه هاي مضوجتج من جنتي طفله شبعت بيج بووس
:-والله ما تستحي انتت تره اني مو طفله هسه كبرت شنو شبعت بيه بوس

:-المهم بايسج
من غبائي كتله
:-تره حتى هسه بايسني

باوعلي مصدوم اني كبل كمت من مكاني كتله

:-شووفف مو هيجج اقصدد .....شسمه اكلك جوعانين كوم جيب النه اكل

ضحك و كام من مكانه كال
:-ربع ساعه و جاي

طلع واني بقيت وحدي رحت للاستقبال شلت تلفوني و ضليت ابحث عن المرض خلاص قررت لازم الصعب

يتعالج حاله الصعب كلش متقدمه واصل مرحلة الرهاب لو جان بمرحلة الفوبيا جان علاجه راح يكون اسهل بس

اكو امل يتعالج ضليت افوت من موقع لموقع و اصور بالمكتوب عسى شي يفيدني عرفت انو هل مرض علاجه راح يكون

-التعرض لحالة الفوبيا بالتدريج
-علاج نفسي من قبل طبيب
-و علاج بأخذ الدواء و بالاخص المضادات

ضليت اقره هوايه عرفت اذا استمر بدون علاج ممكن يتعرض للاكتئاب سمعت باب الشارع نفتح عرفته اجه

خليت التلفون بصفي فات للاستقبال كمت من مكاني اريد اخذ العلاكه منه كال

:-لا تعاي كعدي بالمطبخ اني احضره

ابتسمتله و مشيت وره بقيت واكفه هو طلع صينينه خله الاكل بيهه و خله كلاصات وبطل بيبسي رحت يم الطباخ

شلت الجداحه اعرف مو وكته بس لازم ابدي من اليوم ما عندي وقت اتمنى لو اكدر اساعده بهل فتره قبل لا

امي تخلص كلشي و اروح صحت بأسمه ويه ما باوعلي شغلت الجداحه و طفيتهه

بلع ريكه جانت بيده جطل خلاهه على الكاونتر ودار وجهه تذكرت القريته لازم من يتعرض لمخاوفه ما نخلي

يذكر الموقف ادرري بي راح يفكر بهل موقف شمرت الجداحه و رحت بصفه كتله

:-الله شم ريحة الاكل شللون طيبهه

احجي هيج و مركزه عيوني عليه نفسه قوي و يعصر بعيونه حرت شسوي كتله

:-صصععبب امميي خابررت و سألتني عليك كتلهه هسه يجي جان بالهه يمنه لان هل فتره ما مخابرينهه عافني

و مشه طلع من جيبه مفتاح و حبوب فات للغرفه الي بالمطبخ

كعدت بمكاني و دموعي نزلت سمعت صوته جوه يمكن جاي يبجي ما اكدر أأذي بس لازم يتعالجج ما اعرف شي شلون راح ابدي وياه كمت غسلت

-كاافي ملااذ مو كلشي ينجح من اول محاوله رحت كعدت مقابيل باب الغرفه منتضرته يطلع هواي مر وققت

و هو ماكو يمكن نص ساعه بس اسمع صوته جوه يحجي اشياء ما مفهومه شويه و طلع من الغرفه گبل

باوعت عليهه جان فاتح شويه من الباب بس ماكو شي جانت فارغه تماما و ضلمه ما شفت اي شي بيهه قفل
الباب و باوعلي مستغرب كال

:-ها شبيج
كمت من مكاني كتله

:-شربت حبايه مو
:-لاا

:-لا تجذذبب
:-ما اكدر بدونهه

زفرت نفسي بملل كتله
:-ززينن تعال ناكل
:-ما اريد

:-لعد اني جوعانه و ما راح اكل
:-انجبي مو بكيفج اكليي
:-ماااا

لزم ايدي ومشه كدامي يم الصينيه اخذ لفه وخلاهه بيدي رجع صب كوب بيبسي و قدمه الي كال
:-شو اكلي

مشيت خطوتين لكدامي و خليتهن على الكاونتر طلعت لفه وصبيتله ببسي و انطيتهن اله كتله

:-شوا كل
:-تقلديينيي
:-اككلل مامماتتي

ضحك و خلاهن بالصينيه نزلهه بالكاع وكعد اشرلي اكعد بصفه ااخذت لفتي وكوبي من الكاونتر و كعدت مقابيله ضل ياكل و هو ساكت كتله

:-صعب ليش صار بيك رهاب!

:-ملاذ لا تحجين بهل موضوع بس تحجين ما اضمنلج روحي

ما رديت عليه و كملت اكل شفته كوه ياكل كتله
:-اذا ما تكمل اللفه مالتك اليوم ما نقره الكتاب

:-هههه احسج اليوم ماخذه دوريي
:-ايي بكيفي اني ام هلل بيت

رفع راسه ابتسم و رجع نصه شفته لابس الكلاده ام الخاتمين موضوعهه حيرني كتله

:-هل كلاده ليش مو دائما تلبسهه
:-عاجبني

كمل و كام يغسل شلت الصينيه و كعدت اعزل بالمواعين غسلتهن و كملت و هو واكف منتضرني كتله

:-روح للاستقبال راح اسوي جاي و اجي لان راح اشغل نار

متعمده هيج اكول لان لازم يسمع هل كلمه بكثره علمود يبدي يتعود حرك راسه بمعنى اي بدون ما ييرد مشه

شغلت الطباخ و ضليت منتضره الجاي صفنه تجيبني و صفنه تاخذني شنو الخلاه يخاف من النارر شنو الوصله

لمرحلة الرهاب لابد يجي يوم و اعرف كملت الجاي صبيتله كوب و رحت لكيته كاعد بالكاع و بصفه الكتاب

قرببت منه انطيته الكو وكعدت بصفه ثنينه مرتكين على التخم عبر ايده وره ضهري بس مبعدهه مني كتله

:-نقره؟
:-امممم
انطاني الكتاب من يمه و فتحته

:::::::::::::::::
عوده الى الماضي
روٌحہ عآبسہ.....
الصفحه السابعه

رُفيده
روح باوعت على النسوان و نطقت كلماتهه الي غيرت ملامح كل الموجودين للصدمه

::-اني امي مسيحيه بس اسلمت و تربيت هنا بعد ما ماتوا اهلي

من حجت هل كلمه بقن النسوان وحده تباوع بالثانيه كالت وحده منهن

::-شنو يعنني انت تعودين للمسيح
ردت عليهه امي ما راضيه على كلامهه كالتلها

:- و شبيهم المسيح و البنيه كالتلج امهه اسلمت و حتى قبل لا تنولد روح

:-بس تبقى امهه من غير طائفه

:-و شنو الي يأثر عليكم هل شي امهه مسيحيه بس اسلمت و ابو البنيه كذلك اسلموا ومن گبل لا تنولد روح

وحده من النسوان كامت كالت
:-هل زواج من بدايته جنت معارضه عليه بس من شفت البت شويه اقتنعت بس الحمد لله عرفنه الحقيقه گبل لا نتورط عابس ما يتزوج هل مسيحيه هاي

هي حجت هيج خلتنه كلنه مصدومين النسوان الوياهه كامن و طلعن امي ما طلعت وراهن ضلت تحجي و تكول

:-ما يستاهلن احد يطلع وراهن شبيهم المسيحح بسس تلكينهه هاي عمته لو خالته ماتت من القهر لان ابنهم رايد بتنه و عايف بناتتهم

بباوعت على روح مصدومه ما سوت اي رد فعل خفت عليهه كعدت بصفهه وحضنتها

:-شبيج روحايه لا تهتمينن عابس شاريج اكيد ما يهتم لكلام اهله

:-شفتيي شحجت شلون شارينني و اهله هيج حتلو راد يتزوجني اله بالغصب و اني ما اكدر

كالت هسج و كامت تبجي امي عافتنه وراحت تدري بروح ما تحجي بس يمي

:-كااففي حبيبتتي كااففي خل نشوف ابوي من يجي شيكول

كومتهه للمطببخ غسلت كلت لا يشوفهه ابوي يضل يحجي علينه شويه و فات ابوي طلعت روح من باب

المطبخ خليتهه تكعد على المرجوحه كتلهه راح اجيب مي و اجي فتت بسرعه للمطبخ اتنصت على ابوي و امي شيحجون كالهه

:-عابس جان مصر بس نسوانهم مبينات وكحات شنو مره تفوت لنص الديوان تكول ما ناخذ بت مسسيحيه

::-هم هنا حجن خلنه فاكين حلوكنه

::-تدرين اني حتى ما ردت اكول امهه مسيحيه لان البت گبل لا تنولد امهه اسلمت بس ما اذري شنو تفكيرهم

::- و عابس شكال
::-عاف اهله و طلع كبلهم و اهله طلعوا لديارهم
::-يعني ضل هنا
::-اي

::-شنو راح يضل يشتغل وياك
::-اني و عابس شغلنه مشترك ما اكدر انسحب عنه اله ادفع فلوس و ماعندي مضطرين نبقى سوه

::-و روح؟
::-ما عليهه شي

سمعت ملامهم ر رجعت بسرعه يم روح كعدت هي صافنه بالهه شارد ما ادري وين كتلهه

::-روحايه
ما ردت عليه الدموع واكفه بطارف عينهه بشرتهه البيضه صايره حمره من تضوج وجهه يصير احمر و جفونهه دم
قربت منهه و خليت ايدي على اجتافهه كتلهه

::-روحايه عابس اذا يحبج راح يحاول لا تيأسين من اول محاوله

::-شفتي حجي اهله شنو يعوف اهله علمودي
::-مو اله يعوف اهله يسوي اي شي بس علمود يقنعهم لا تفكرين بشي

::-ما اكدرر رُفيده خاف عمي بعد ما يخلي يشتغل وياه وين اشوفه

::-لا اني سمعت ابويه كال يضل وياه و عابس هنا ما راح ويه اهله

::-صددك شمدريج!!!

دنكت راسي روح ما تقبل اتصنت على احد بس اني بيه سوله كل ثنين سوه مو الشيطان ثالثهم اني ثالثتهم عضيت طرف اصبعي السبابه و باوعتلهه كالت

::-تتصنننتتيي مووو!!
::-لا لا همه حجو بصوت عالي

::-و انت شلوون تصنتين مو ععيب
::-لا مو عيب همه يحجون بصوت عالي و بره و اني
اجيت امشي سمعتهم شسووي

::-طاحضجج ما تبطلينن سوالفج ابدد
::-معليج المهم اليوم راح اكل لامي ابات يمج

::-صددكك
::-والله

عفتهه و مشيت لكيت امي كاعده بالصاله كتلهه
::-يوم
::-هاا
::-اليوم ابات يم روح

::-خوش روحي خطيه لا تخلينهه وحدهه
::-اي

رجعت يم روح فتنه للغرففه مالتهه و هي لزمت الكتاب كعدت تكتب و كل شويه نازله دمعتهه و تمسحهه طلعت

بره اريد اجيب كتبي علمود نقره سوه سمعت صوت من الشارع واحد يصيح اسمي بهمس درت وجهيي محد اكو

تقدمت ورفعت رجليه اشوف منو طلع عابس كتله
::-شتسوويي هناا

::-فتتحي الباب عليج الله اريد اشوف روحايه
::-عاابسس لا يشوفك ابوي

::-رُفيدده بشاربج انه بس خل اشوفهه
::-لا لا ما اكدرر
::-بداعة روح عندج

فتحت الباب و اتلفت خاف ابوي يلزمني فتت و هو يمشي وراي رحنه بسرعه يم غرفة روح فات كال

::- ضلي هنا شويه و اطلع
::-لااا لو امووت
::-عليج عليي والله ما اسووي شي

::-لا تسوويي شييي
::-اي بس ضلي هناا خاف يجي احد

ضليت واكفه بره عشر دقايق و ماكو ضضليت خايفه حتى صوتهم ماكوو دكيت الباب اجاني صوت عابس كال
::-فوتتي

فتحت الباب اشوف روح كاعده بالكاع و ضامه وجهه تبجي و عابس كاعد بصفهه رحت الها بسرعه كتلهه

::-شكوو شبييجج
ما ردت عليه حضنتهه و باوعت لعابس بتساؤل كال

::-اققننعي صدديقتتجج والله ما اعوفهه مستعد ابيع الدنيا بس ما ابيعهه

::-عابس تره روح حگهه من تبجي و تخاف انت ما شفت تصرف اهلك هي شلون راح تعيش وياهم

::-مو اله اعيشهه وياهمم فتره بس خل تهدأ الاوضاع و ارجع اخطبهه

سحب رجلين بنطرونه وكعد كدامنه كال
::-اذا ما قبلوا ابوكج و اتزوجج بعيد عنهمم
::-وانننيي منو تبقى صديقتتي

من كلت هيج روح ابتسمت هو كال
::-جا انت دوم تضلين وراننه

::-اي والله تره حتى بنتي تزوج ابنكمم
::-لا لا اني و روح نريد بنيه المهم ما ناخذ بنتج
::-سهله اجيب ولدد و اخذ بتكم اله

::-يعني طول عمرج لازكتلنه
::-هههه ايي
حجت روح بصوت ناصي كالت

::-لا تحجي على رُفيده لو ما هي هسه ما شفتنني
::-اي والله بهاي صدك رُفيده فايدتنه

ضلينه نضحك فرحت من شفت روح فكت عابس وكف وكال

::-روحايه لو اعرف حبج يوصلني للموت مستعد اله
::-اسم الله عليك روح روحك

ابتسملهه و باوعلي كال
::-رُفيده بس شوفيلي البره خل اطلع
::-اي

كمت من مكاني فتحت باب الغرفه طلعت اباوع و اشوف امي جايه بأتجاه الغرفه درت وجهي على روح و عابس
حجيت بخووف

::-امممميي امممممييي اجتت

روح جانت واكفه بصف عابس من كلت هيج گبل كعدت رجليهه ما تعينهه توكف عابس ضل ساكت ما حجه شي وامي قربت يمنه

::::::::::::::::::::::::::::::::::::::::::
مـــــــــلاذ♡

سديت الكتاب وافكر شنو راح يسوون بباوعت ل الصعب
لفضول صار يقره الف كتله

:-نقره صفحه ثانيه
هز راسه بمعنى لاا

:-حباب
:-جؤ ماكو

شلت الكتاب و خليته على التخم باوعت على الصعب منتبهه اله كل ما نكمل ورقه من القصه يبقى يصفن يمكن يفكر بأهله لزمت ايده باوعلي و ابتسم كتله

:-اطلب منك طلب!
:-مكضيه

:-خل نروح لدكتور و اتعالج حباااببب
:-ما بيه شي

:-لخاطرري
:-ما يفيد
:-نحاوول

:-حاولت من قبل
:-بس هلل مره اني وياكك صدك ما اعوفك

:-ما بقى شي و تعوفيني و ترحين
:-صدكني ما اعوفك راح اسوي كلشي اكد عليه بس خل نجرب

:-ممملااذذ
:-ففددووهه فدوووه

ضليت لازم ايده اترجه بي كال
:-اسبوع اذا ما شفنه فرق اعوفه

:-عششرر اياامم حبااببب
سحب نفس بقوه وزفره ادري كوه عليه كال
:-بسسس عشر ايام ماكوو غييرهم

:-ااي بس مسموحلي اسوي اي شي بهل عشر ايام
:-جا الله اليسترر

ابتسمت بسته بخده وكمت باوعلي كال
:-حتى بوستج بريئه

ضليت حايره ما اعرف ارد غلست و رحت من يمه كعدت على التخم و هو سحب تلفونه ضل يكلب بي فتحته و

دزيت رساله ل برق ردت عليه كمت من مكاني رحت للغرفه تمدددت سلمنه و حجينه شويه بعدين كتلهه كمليلي القصه
:::::::::::::::::::::::::::::
مـــُهرة آيوب(برق❤️)

::-راحت بيبيتي و بقيت بس اني يمهم ما اعرف اطباعهم بس مرت كم يوم بدون ما احجي ويه احد بس

ايوب احس روحي اعرفه منهم و هو دائما مشغول يجي بليل عود ماخذ اجازه مالت عرس نسوان حمويني ما

اللهن علاقه بيه بس مرات زهره اشوفهه گبل افوت للغرفه بس علمود ما اسمع سمهه بيبيتي ام ابوي لازم كل

يوم الصبح ننزل نسلم عليهه خلص الاسبوع و ايوب لازم باجر يلتحق جنت نايمه بصفه ثنينه ساكتين لحد الان استحي منه قطعت الصمت بينه و كتله

::-شوكت تنزل؟

دار وجهه مبتسم فتح ايده الي بدون ما يحجي شي قربت منه و نمت علي ايده منزله راسي استحي اباوع عليه كال

::-15 يوم اذا كدرت 10 ايام
::-هواي

::-راح تشتاقيلي

:-امممم
سحبني لحضنه اكثر ضل يردد بأذني كلمات ضلت كلمه عالگه ببالي ما تروح منه

«مــــُهرتي ألبغداديه»

غفيت بحضنه كعدت ثاني يوم باوعت بصصفي ما جان موجود ضجت لان راح بدون ما اشوفه

طلعت من الغرفه سبحت و رجعت نضفت الغرفه طلعت و لاكتني زهزه

:-شني بعدج عايشه دور العروس يله بوجهج للمطبخ عيني

ما رديت عليهه تخطيتهه و فتت للمطبخ شفته متروس مواعين و لازم اجيب جدر مي و اغسلهن ضليت حايره ما

اندل شي و ياهي اسألهه تنتر بوجهي لكيت جدر جبير رحت ترسته من صوندة البره و سحبته للبيت ما اكدر

اشيله وحدي ثكيل كعدت اغسل بالمواعين و اعزلهه تعبت طول عمري ما غاسله هلكد مواعين

كملتهن و طلعت من المطبخ كلهن كاعدات بالهول مجموعه تسولف و وحده تباوع على التلفزيون و هاي

التمشط لجهالهه جان طالع برنامج احبه على التلفزيون ردت اكعد اباوع وياهن صاحت بيبيتي

::-مُهره نضفي حوش الحلال
باوعتلهه مصدومه كتلهه
::-انني!!

ردت زهزه من يمهه
::-ليش اكو غيرج مهُمره هناا

::-بسس اني اخاف من الحلال
ردت بيبيتي

::-هي هااي تربايتكم كلهه غلط بغلطط زهره روحي وياهه خلهه تتعلم تنضف حوش االحلال منا و غاد هل حوش هي تنضفه

ضليت مصدومه من كلامهم و زهره كامت تمشي كدامي بس شافوا ايوب راح كلهه تغيرت وياي مشيت بهدوء وره

زهره وصلنه لحوش جان عباره عن طليان و جهه ثانيه بيهه ابقار ضليت مصفنه عليهن اخاف لا اروح يم وحده و

تسحكني جان اكو قريب منهن حوض بي مي زهره كعدت على الطرف مالته و كالت

::-يله نضفيي
::-شللون!!

::-لا اتعايررينن نضفيي يلهه
::-والله ما اعرفف

كامت كدامي و جابت كونييه كعدت تلم بفضالة الحلال شالت كم ووحده كدامي و اشرتلي اجي اكمل بمكانهه

كعدت اشيل بي و لعبانه روحي هي عافتني وحدي وراحت كعدت بالكاع و كمت ابجي شفت بقره تباوعلي

خفت منهه تخيلتهه تعلكني بكرونهه و تمشي اجت وحده منهم اسمهه مريم ضلت واكففه يمي كالت
::-شبيج؟

::-فددووه ايوب شوكت يججي
::-هو اليوم راح بهل سرعه اشتاقيتيله

::-لا بس من هو هنا محد يحاجينني بس من راح خلوني حتى فضالة الحلال اشيلهه

::-تعودي هاي حياتج الجديده لازم تتعودين عليهه
مسحت دموعي بطرف ثوبي كتلهه

::-زين ابقي واكفه هنا لبين ما اكمل اخاف لا تجيني بقره ضحكت بصوت عالي كالت

::-هايشه اسمهه
سكتت منهه ورجعت اشيل و لعبانه روحي كملت بلكوه

طلعت بره غسلت احس الريحه ما تروح مني رحت لغرفتي بسرعه طلعت ملابس و اريد افوت اسبح شافتني زهزه كالت

::-شكوو كل شويه سابحه حتى ايوب مو هناا
::-ما عليج بيه

::-لسانج اذا يطول عليه ارجعه بالقندره
::-لا تحجين ويايه و ما اطول لساني عليج

عفتهه و مشيت ما اتحمل اسمع حجيهه سبحت و رجعت للغرفه ضايجه جان ايوب مالي فراغي رحت للكنتور و

طلعت ابرة الحياكه و خيوط وطلعت قماش احوك عليه كعدت بمكاني و ضليت احوك. جنت من اضوج اتجه لهل

شي و اليوم احس بفراغ رجعت احوك باوعت على الغرففه بالطرف مخليه مكينتي مشتاقه ارجع اخيط بس

تمر هل فتره و يجي ايوب ارجع للخياطه ضليت احوك لحد ما اندكت باب الغرفه طلعت و صارت بوجهي زهزه

استغفرت ربي لان كل ما اشوفهه لازم تصير سالفه كالت
::-بيبيتج تكول صبي الغده

::-شبيج خاله انت متشوفيني بگد بناتج ويني وين الصب و انتم عشيره

::-لا والله خاف شايفتني بكد امج ولج اطيح حضج والله البكدج دارن بيوت وانت جايه تتفيكين علينه عود من

بغداد هو صوج ايوب انطاج مجال يله شو امشيي كداممي للمطبخ مشيت بقلة حيله ما اكدر لهل نسوان و

بالاخص زهزه كلهن نضراتهن عليه مثل السم رغم ما مسويتلهن شي ضليت اصب صواني مالت تمن و طلعت

كاسات اصب بالمرك حار يلسوع بيدي و يصيحن عليه استعجلي ما استعجلي حصرتني البجيه و اني احضر كوه

كملت كلهه راحت تتغده غسلت و فتت للهول صاحت بيبيتي

::-روحي لغرفتج نكمل يله تتغدين ما اكدر اشوفج كدامي
احس اختنكت رحت ركض للغرفه و سديت الباب كعدت

مرتكيه على الباب و ابجي ضامه وجهي بأديه و اذذكر شسون بيه بيوم واحد

-ووين رحتت ايووبب ما اريده يروح يأذني من هو ماكوو
رحت على فراشي مخنوكه تمددت و غفيت كل يوم جان يمر بألف يوم بدون ايوب

كلهه كلبت عليه من راح لكوهه فرصه يأذوني ما شفت منهم زين بهل فتره تحلفت بس يجي ايوب احجيله

كلشي ما عافن شي بحگي ما سونه بحيث صارن ييكعدن يضحكن و يسولفن و الشغل كله عليه ما صارلي شهر من تزوجت يصيحن عليه عاگر ما حملت من يومهه ..........
...............
مـــلاذ
جنت مندمجه ويه برق شويه و كالت
:-يله اني اروح سيف يصيحني

:-منو سيف
:-سنديي و حبيبي

:-ههه لا صدك منو
:-اخويه الجبير

:-ها الله يحفظه يله حبيبتي اخذي راحتج
:-باي حبيبي
:-بايات

:::::::::
احس الفضول راح يكتلني هم قصة اهل الصعب يلي ميخليني اقره اكثر من صفحه باليوم و هم قصة برق

ذبيت التلفون وطلعت بره صعب ما اله صوت فتحت باب غرفته ما موجود مشيت للاستقبال شفته نايم قربت منه

ابتسمت على شكله مبين غاط بالنومه جبت بطانه من غرفتي و رجعت اغطي شفت المفتاح طالع شويه من جيبه

اليوم انتبهت اله فتح الغرفه بهذا المفتاح كعدت بصفه بدون ما اسوي صوت كلي حذر اسحب المفتاح بهدوء

احس دكات گلبي راح تفضحني شكد ما جانت عاليه سحبت المفتاح و صار بيدي غطيت الصعب بسرعه شفته

بعده غاط بالنومه طبعت ركض من الاستقبال و رحت للمطببخ حتى خطواتي اخليهه خفيفه خاف يسمعني

وصلت للباب و گلبي يدك ايدي ترتجف و اخييرا راح اعرف شنو بهل غرفه خليت المفتاح بالقفل و فريته

بسرعه و دايره وجهي خاف يطلع الصعب نفتح خليت ايدي على اليده تحركت و ندفع الباب يارربي شنو راح

الكه بهل غرفه ضلييت اسمي بسم الله و اردد كلمة يالله يا محمد يا علي لان من صدك احس اني بفلم رعب

فتحت الباب الغرفه ضلاام باررده بشكل ما اندل نقطة الكلوب و لا اكدر ارجع خاف صعب يكعد فتت للغرفه و

اول مره افوت بضلام اجاني صوت وكف كل اعضائي من الحركه من خوفي ما فررزنت هل صوت منين صادر ................

.
.
.
.
.
.
..

.
.
.
.للحكايه بقيه

كلانا كتف للاخر.♥
الوريد♪

سنارة الحياكه يلي تستخدمهه خاله مُــهره
وهاي حياكتهه برققنه لابسته💚

*قصه مُهره وايوب هي قصة ام برق و بعد اشخاص لحد الان مضاهرين بالقصه
*قصه روح و عابس كلنه نعرفهه لاهل الصعب (اكو هوايه الغاز و اشياء راح ننصدم بيهه بعدين)💚
*اما خاله رُفيده لحد الان مبدينه بقصتهه بيها هوايه احداث
*ملاذ و الصعب الي همه ابطال الحاضر و كذلك بعدنه ببدايتهه ما شفنه شي منهم و لا عرفنه شنو وره الصعب❤️
****
اذا القصه صعدت هواييه مشاهدات و ضهرت كل الشخصيات راح انشر تشبيه🖤