رواية أنتقام الصفحه 27 (ترميم) الفصل الثاني والعشرون 22 - بقلم خـلود الـ محسن

الكاتبه لورا
°°°°°°°°°°°
انستا lorai_alrwi
°°°°°°°°°°°
تابعو قناة التلي لمعرفة موعد البارت
°°°°°°°°°°°
الخوف الترس گلبي ببهل لحضه حسيت خلاص لهنا و انتهى كلشي محد يعرف شنو ممكن راح يصير بعد هل لحضه شنو الراح يسوي صعب شنو مصير الكل بعد هل يوم بس المتأكده منه صعب فعلاََ راح يكون مجرم صحت بصوت خايف ماليتة الرجفه

:-صععب

داروجهه عليه مبتسم
:-ها بابا

:-شووف

نزلت من الطشت جنت ادوس على البطانيه علمود تنضف رحت يمه

:-شوف انت ابقى و اني اجيبهن

:-لا اني اجيبهن ما بيج حيل تفتحيهن

:-لاا عادي اني مو باوعلي

:-شبيج؟

:-ما بيه بس شوف هاي خل اني اجيبهن مو اني بردانه

:-بابا فوتي جوه تدفي اني اكملهم كتلج بارده ما اكدرلج
:-لا لا ما بردانه

:-جا شبيج

:-شوف ما اكدر احجي

:-هو شنو الما تكدرين تحجينه

:-راح اكلك بس سوي روحك ما سسمعت مو هذا مخليه ملابس ع الجربايه

:-اي و شكو بيها

:-لا لا شوف مو اي ملابس قصددي ملاابس يعني شوف ما اكدر احجي بس هنه ملابس خاصه كلتهه دفعه وحده و منزله راسي

ضحك و كرص خشمي على كيف
الصعب:-ياابه من تستحي ياببه يله روحي

:-يله روح يم البطاطين المي راح يفيضنه

ابتسملي و راح شال الصونده فتت ركض لغرفتي سديت الباب اريد بس اوصل للمخده احس الرجفه لهسه بيه فتحت السحاب بسرعه بقيت اباوع ببطن المخده شفت الورقه سحبتهه و فلتت وجه المخده بقيت اباوع بالغرفه وين اضمهه....... باوعت على الجربايه شلت الدوشك خليتهه جواه و طلعت بسرعه طلعت بره جايبه وجه واحد رفع راسه باوعلي كال

:-انت خاف صخنتي

:-لا والله ما بيه شي

:-معقوله بيتنه كله بي مخده وحده

:-لا بابا عدنه هواي مخاد

:-جا شو جايبه بس واحد ادري نغسلهن بلاقساط

باوعت على ايدي ضليت صافنه من التوتر ما ادري
بروحي جايبه بس وجه مخدتي

:-ها لا مو شوف

:-اي شنو

:-كلت اجيب هذا انطيكياه و بعدين ارجع اجيب الي بغرفتك و بعدين الي بلاستقبال علمود اسوي رياضه

:-هاا والله خوش تجذبين جا غرفتج بيهه بس هاي المخده

:-ها لا شوف اكلككك شنو نسيتت ما ادري

:-اني اكلج وين بالج كله بالقصص

:-اي والله شايف شلون صار يومين اادور على قصه اقراهه ماكو

كلت هيج رفع الصونده عليه و رشني مي
:-اااششاا باررده لا ترشش

:-علمود متجذبين يله فوتي جوه بدلي وترتيني بهذا لبسج

:-شبي مالتت شغللل

:-هنياللي جا اذا هذا للشغل

:-شنو

:-ماكو شي فوتي بدلي

خليته يلتهي بدون ما ينتبه سحبت منه الصونده و نكعته بالمي

:-لاااا لج خرا بيومجج تلفوونني تنكع بجيبيي

من سمعت تلفونه نزلت الصونده بالكاع و رحت يمه
:-ياا صددك وينه والله ما ادري

سحبني عليه بسرعه حتى ما استوعبت سرعة حركته صار ضهري على بطنه و ايده محاوطتني دنك شال الصونده و خلاها على شعري نكعني تنكع يضحك و اني اصيح

:-جذذذابب وخرر غشاااششش صوجي انيي صووجيي عبالي تلفونك

:-اعلمج العب شلون يصير

ضليت اسحب بلصونده منه و هو قافل يرش عليه وخرت من يمه و لازمه الصونده بثنين اديه هو يضحك و اني
ساعه اضحك ساعه بس اريد افلت الصونده سحبتهه بقوه صارت ورايه البطاطين كبل فتح اديه من الصونده و اني وكعت بالكاع ثنينه نضحك نكعته تنكع الجو ثلج بس المي دافي دنك عليه اخذ الصونده

الصـعب:-كافي بابا تنكعتي و راح تتمرضين

:-اي عادي ثنينه نتمرض شكو بيهه

:-و منو يهتم بينه

كعد كدامي و اني متربعه على البطاطين
:-اني اكلك منو يهتم انت مو تتمرض يجي شهاب يهتم
بيك لحد ما تصير زين تهتم بيه

ضحك بصوت عالي
:-اسم الله عليج من المرض دنك باسني بخدي و كام سد المي كمت اسحب بالتشيرت مالتي لازك على جسمي

الصــعب:-استتلم ربيي استتلممم

رفعت راسي لكيته يباوعلي يغم بكصته و يحجي

:-يا شبيك والله ما سويت شي

:-لا ما سويتي بسرعه فوتي بدلي للا ارتكب بيج جريمه

:-يا شبيك هستونه نضحك و نسولف

:-اي ايي بس فوتي

مشه من كدامي و سحبني وراه نشفنه رجلينا و فتنه وصلت يم غرفتي فتحلي الباب و باوعلي

:-يله بسرعه بدلي نشفي شعرج و كعدي على الصوبه

:-لا راح بس ابدل علمود نغسل الغراض

:-مخبل اورط روحي اكثر من هيج يله يله سوي مثل ما كتلج

دفعني بالغرفه و سد الباب وراه قفلته و رحت طلعت ملابس دافيات جان المي دافي ميخليني احس ببرودة الجو بس من فتنه جوه بردت بدلت كل ملابسي فتحت القفل و رجعت انشف بشعري ندك باب الغرفه

:-فوت

فنتح الباب مخلي خاولي على راسه و مبدل رفعت راسي اباوعله بالمرايا

:-هاا

:-تنشفيلي شعري الشسوار البغرفتي ما جاي يشتغل
:-اي تعال هنا اكمل شعري و اسوي شعرك

فات و سد الباب وراه كعد على الجربايه كل ما ارفع عيوني الكاه يباوعلي

:-يابه شبيك لا تباوع

:-هي العيون شيسوون بيها غير يباوعون هم امنعيني اباوع

:-اقصد عليه

:-جاي اباووع على المرايا

:-اي خوش

رجعت كملت شعري طفيت الشسوار و خليت الكرسي كدام المرايا

:-يله تعال اكعد

كعد على الكرسي و اني بقيت اشسور بشعره و بعده يباوعلي بالمرايا ضربته بالمشط على راسه

:-ولجج ليشش

:-علمود ما تبصبص

:-ادري شنو وين اودي عيوني

:-غمضهم ضوجني

:-ضوجنج؟

:-لا جذب اصلا احب عيونك

:-صدك

:-اي والله احب العيون الحلوه و عيونك حلوات

:-جا شهاب شلون يعيب عليهن

:-خل ينجب شهاب عاجبته بس روحه

:-ها يعني هسه اني عاجبج

:-لا

بقى يسأل و اني ما ارد عليه كملت شعره و رجعت الشسوار و المشط على الميز بقيت ارتب بشعري كام من مكانه صار مقابيلي

:-اكلك تره انت اليوم بيك شي شكو

:-شبيه

:-نضراتك مدري شبيهن

:-ما بيهن شي كل يوم اباوعلج بنفس النضره

:-لا تجذب

:-اممم

رفع ايده خله شعري وره اذني رتب گذلتي حجه بهمس

:-تشبهين الورد

بلعت ريكي متوتره من قربه
:-هه شكراََ

ابتعد شويه و خله ايده بجيوبه
:-يله بابا رايده شي شوي واجي

:-وين رايح

:-اودي هاي الفراشات للغسل بس كومناهن شكثر

:-هههه غير اني صرت ناده براسك

:-لو مخلينهن وصخات احسن النه

:-لا تره انت نكعتنه اني ردت اغسلهن

:-اي اني اجر بالصونده و اريد ارشج مي

:-ههه يله يله روح و جيب شي ناكله جوعانه

:-بعييوني شي ثاني

:-جيب حلويات و كرزات

:-بعد

:-و من تجي نشوف فلم

:-هنيالي اصلا خلي الغراض تولي ما نغسلهن خل نشوف فلم

:-يا دروح

دفعته اضحك راج و اني بقيت بالبيت جاب سياره حمل خله بيها الفراشات

عزلت الاستقبال و كعدت انتضره يجي ساعه تقريباََ و اجه يصيح من باب الشارع

:-بابا ملاذ

:-ها هنا

فات مبتسم بيده علاليك خلاهم بالكاع و اجه يمي
:-جبتلج شي

:-شنو

سحب ايدي وكفت كدامه الابتسامه ماليه وجهه
:-شكو صعب؟

خله ايده بجيبه
:-اول شي غمضي عيونج

:-شكو خاف شيي ما احبه

:-لا وعيونج بس غمضيي

غمضت عيوني متردده ما ادريي شيريد يسوي
:-مو تفتحين

:-لاا

حسيته يخلي شي بشعري قريب من اذني و يرتب بشعري

:-شنو هاي

:-اصبري

:-شخلييت لشعري

:-ولج بابا اصبري

:-ايي يله صبرت

حسيت بي خله خصل من شعري كدام

:-همم صعب كملت

ما رد عليه حسيت ايده على عيوني مثل اليغمضهم

:-شكو ما فاتحتهم تره

ما يحجيي شي حسيت انفاسه قريبه مني رجعت ليورا اريد ابتعد عنه خله ايده الثانيه على راسي من وره و ثبته بلعت ريكي متوتره

:-صعب تسمعني

رفعت ايدي خليتهه على سدره اريد ابعده حسيت بي مخلي شفايفه على خدي حجيت بصوت يرجف خوف و توتر

:-شبيك صعبب وخر مني

احس خشمه يطخ ببشرتي نزل اييده من عيني خله اصببعه الابهام على شفتي يمشي بي فتحت عيني اباوعله احسه فاصل مو وياي

:-وخر صعب

وخر اصبعه من شفتي باسهه بخفه و ابتعد يتنفس بصوت عالي مسح وجهه بثنين اديه و بلع ريكه باوعلي و بلل شفايفه

:-شوفي اعتبري ما سويت شي و خلل نضل على الخليته بشعرج

نزلت راسي متوتره احس رجليه ترجف ما اكدر اوكف بعد رفعت ايدي اريد اتلمس شعري صاح

:-لا لا اوكفي هسه اجيبلج مرايا

هزيتله راسي بمعنى اي ليش ما جاي ارفضه معقوله اني جاي اتقبل صعب ك زوج راح شويه و اجه بيده مرايا
باوعت على روحي و ابتسسمت مخلي ورده حمره بوسط شعري

:-ها حلووه؟

ما ادري ليش هلكد فرحت بيها لدرجة حسيت عيوني دمعت من الفرحه رفعت عيني الممليه فرح اله

مـلاذ:-شكرا بابا احلى شي صار الي اليوم

:-جمارتي تدلل مقصر حيل وياج

كعد بصفي و انطاني تلفونه
:-صورينه

اخذت منه التلفون فتحت الكامره و هو خله ايده على جتفي سحبني عليه حيل اخذت صوره خليت التلفون كدامنه نباوع بيها صايرهه بنص صدره ساحبني عليه حيل رفعت راسي اريد اسأله حلوه لولا لكيته يباوع عليه
مو على التلفون

:-شفت الصوره؟

:-ها

:-يا هاي الصوره

كلت هيج و خليت التلفون كدامه بلل شفايفه و ابتسم مجامله

:-ها اي اي حلوه

:-لا تجذب دشوف خشمك طالع ششكبره و جاعصني فوكاهه

اخذ مني التلفون بقى يباوع بيهه

:-اني اكلج وين الغلط

:-وين

:-هاج اخذي صوري من جديد هسه اكلج وينن

رجعت فتحت الكامره رفع ايده يلي على جتفي و خله راسي على صدره لان اني مبعدته منه

الصـعب:-هيج احلى

احس رجفه بيدي القرب مالته يخوفني اخذت الصوره حتى ما باوعتلها كبل انطيته التلفون و سحبت نفسي منه بقى يباوع بيها و مبتسم سد التلفون خلاه بجيبه

:-يله كومي ناكل وراهه نشوف فلم و نمزمز

:-شنو نمزمز

:-يعني اقصد نسهر

:-ها خوش

كام و رحت وراه خله العشه بصينينه و خله كلاصات كعدنا ناكل كل ما ارفع راسي الكاه يباوعلي

:-ها بابا شبيك تباوعلي

:-طالعه حلوه بعد كل يوم اجيبلج ورده تشبهج

خليت ايدي جوه حنجي ارمش بعيوني واسويله حركات
ضحك و تمتم كلمات بصوت ناصي ما سمعته

:-شكلت

:-ما كلت شي

:-لا سمعتك كلت شي

:-كلت تخبلين

:-جذااب

:-صدكيني بابا

:-ادري بيك جذاب

:-تمام اكلي

:-شنووو جاي تاخذني على كد عقلي كلي شكلت ترهه ازعل

:-بابا ما كلت شي بس كلت الله يصبرني

:-عليمن

:-على ما ابتالاني

:-يعني اني بلوه

:-ما اقصدج ولجج

:-ولج بخشمكك والله تره اهبدك فاهم

:-احبج من تكولين اهبدك و جا احسج مني

:-خوش

دنكت اكل كمل و كام غسل و اني كملت وراه شلت الصينينه اخذهه مني

:-سوي جاي و انه اغسل المواعين

:-لا روح حضر للفلم مالتنه و اني اكمل هنا

:-اديج تعبن من المواعين

:-وين شوكت غاسله جنت كبل اغسل عشر وجبات باليوم ليش و وين ما ادري

:-ههههه ميخالف يمي ما اريد تتعبين

:-لا ما اتعب يله روح

راح و اني نضفت المطبخ و صبيت جاي رحت للاستقبال لكيته ماكو استغربت اخر شي الغراض جانت بلاستقبال رجعت لغرفتي لكيته ماكو دكيت باب غرفته صاح

:-تعايي بابا

فتت للغرفه لكيته كاعد على الجربايه و كدامه لابتوب و فاتح العلاكه مال حلويات و كرزات كالب الدنيا
انطيته كوب الجاي باوعت نضره على المسوي

:-اوكف خل اروح اجيب مواعين للحلويات علمودد ما يصير وصخ على الجربايه

:-لا لا تعاي اكعدي انه رايح

كعدت اخذ الكوب مالته و راح اباوع للابتوب ما اعرفله منين يشغله منين يطفي بس متروس دكم شويه و فات بيده مواعين نطانيهم و كعد بصفي خليت الحلويات بمواعين و فتحت الكرزات ارتكيت على الجربايه

الصىعب:-شنو اليوم ما انام بحضنج

ضحكت و تربعت تمدد و خله راسه بحضني نام صفح و خله اللابتوب كدامنه

:-اكلك

:-ها

:-هايي شلون يشتغل علمني عليه

:-حاضر

شغله كدامي و يشرحلي على اسم الدكم اليدوسهه فتح يوتيوب وكتب اسم الفلم رفع راسه باوعلي كال

:-ها عرفتي

:-اي

:-خوش

كال هيج و مدري شضغط و طفه اللابتوب

:-هاي ليش

:-شغليه انت و طلعي نفس الفلم الطلعته

بقيت اضغط و اباوعله خاف وحده غلط
:-هاا صح لو لا

:-اي بابا كملي

:-شوف خاف ادوس شي و اعطلهاا

:-هسه انت شمشغله هو يوتيوب دكملي

شغلتها من فتحت اليوتيوب و طلعت الفلم كيفت
:-الله طلعت سهله

:-اي شي يعجبج كليلي اعلمج عليه

:-صدك من نكمل الفلم اكو شي اريد تعلمنيي عليه

:-شنو بعيوني

:-خل نكمل انت خو ما تنام من يخلص الفلم

:-لا

:-خوش لعد

شغلت الفلم و بقينا نباوع اكل و اباوع عجبني الفلم اباوعله مركز بكل حواسه ويه الفلم حتى ما يرمش جبت الجبس كدامي اوكل بي ياكل و ما يحجي وكفت الفلم رفع راسه عليه

:-هاي ليش بابا مو جاي نشوف

:-ششنو اوكل بيك حتى شكرا ما تكلي

:-ههه على هاي

سحب ايدي و باسهه

:-يابه عبالي جنت اكل عسل طلعت هاي اديج توكلني

:-يا شنو حتى ابوي الله يرحمه ما يتغزل هيج
ضحك بصوت عالي

:-ههههههه الله يرحمك احمد الشيي الزين بحياتك خلفت هل بنيه

:-اهوو هم رجع يحجي على ابوي

:-شو سكتي خل نكمل الفلم

:-اكلك شنو تعال انت اكعد و اني اتمدد تعبن رجليه خل اتعب رجلك

:-خوش تعاي بس بليل هم تنامين بحضني

:-جا هذا شنو

:-اقصد بللليل بببللللييلل

:-دتعال تعال

كعد و خليت راسي عليه بقى يلعب بشعري بس يباوع للفلم

احس نعست كوه فاتحه عيني ييلعب بشعري و متغطايه و اباوع لفلم مدري شلون ما نمت سمعته يصيح

:-بابا نمتي شنو

:-هممم لا نعست

:-كعدي شنو نمتي من هسه بعدنه ببداية السهر

:-اوي وخر صعب خلينني

:-كوممي بمكانج جا

:-ما ما خلينيي

:-بس خل اشيل الاغراض و نامي

:-مااا ما انام

:-جا شني هاي اخت النومه

:-لا بس لاتلعب بشعري جاي اباوع

:-وين تباوعين

:-للفلم

:-هو غير خلص

رفعت راسي باوعت للحاسبه خلصان الفلم رجعت باوعتله

:-شنو اني خو ما نمت

:-لا ما نمتي

:-صدك جا شنو بيش انتهه الفلم شو ما حبهه

:-هو غير من نص الفلم غفيتي

:-هههههه ما ادرري الجو يساعد على النومه

ابتسم و رفع حاجب ضل عاض شفته الجوه
:-شبيك؟

:-هييج اخخ شكدد تجفصين

:-شجتفصه دنطيني جبس من يمك

شال الجيس و انطانياه
:-دفتحه

:-صار

فتحه و انطانياه

:-وكلني

:-تدلل

:-شنو ما تنغث من أأمر عليك

:-انغث منج؟

:-امممم

:-لو اموت

:-هههه شكد حباب يله سولفي نهاية الفلم

:-تزوجو

:-يعني صار عرسهم بلاخير

:-لا تردين اشوفج شصار بلاخير؟

:-اي شوفني

:-لا عيب سوالف كبار

:-شنو قصدك اني زعطوطه

:-لا بابا ما اريدج تتعلمين هل سوالف

:-هو شنو صار

:-تذكرين بلاستقبال شسويتلج؟هيج انتهه

:-ها خلالها ورده

غم كصته و كام

:-بيش بليتني ربي بيشش

سحب الابتوب و سداه خلاه على الميز شغل الاضويه
:-ها شو شغلتهن

:-شنو تناميين

:-لا طارت نعستي

:-اي واني باجر ما عندي دوام

:-يعني شنو

:-نسهر

:-اييي

:-شنسوي

:-نلعب اي شي نسوي

:-خوش كملي اكل اجيب مي واجي

:-يله

راح و اني شلت الغراض من الجربايه
اجه كعد بصفي

:-ها يله شتلعبين

:-ما ادري ما تطلعنه تفرفرنه

:-لا بارده ماكو طلعه اليوم

:-شنو اني ضايجه اريد اطلع

:-جؤ بابا كعدي تعلمتتي على الطلعات

:-اهوو شنو

:-باجر اطللعج

:-خوش لعد شفت شي باللفلم خل نسوي

:-شنو

:-شفتهم جاي يلعبون بديهم منو اقوه

:-ها اي عرفت يله تعاي

كعدت على الجربايه و حضرت ايدي كعد كدامي و خله ايده ثبتهه على الجربايه

:-شوفي ما يصير ترفعين ايدج يتعبر غش

:-اي اصللا اني ما احب اغش ابد ما اغش

:-خوش يله

خليت جف ايدي بجف ايده ويه ما لزم ايدي نزلهه للكاع

:-يييااا اوكف حتى ما حسسسبت

:-خسرتي ما عليه

:-لا والله خل احسب

:-يله

رجعنه ثبتنه ادينه حسبت للثلاثه ويه ما حرك ايده رفعت ايدي الثانيه ثبتت بيها ايدي اريد انزل ايده ماكو عبالك حديد هم رجع نزلهه

:-خسرتي و غشيتي

:-انت غشيت ايدك جبيره و ايدي صغيره

:-لا صح حگج

:-خل نننعيدها ها وشوف اذا فزت عليك تدري شنو

:-شنو

:-اعتبر اني فايزه بكل اللعبه

:-و اذا ما فزتي

:-افوز صدكني

:-واثقه حيل

:-ههه ديله شوف

رجع خله ايده تقربت يمه حيل و ثبتت ايدي

:-شوف احسب يله تلعب

:-خوش

:-يله واحد ثنييننن

گلت ثلاثه و قربت منه بست رگبته علمود ينسه اللعبه گبل كلبت ايده و هو بقى ثابت بمكانه وخرت اضحك

:-ششوف فففزززتت

بلع ريكه و دنك باوع على ادينه
:-هه اي

ابتعد مني و خله ايده على ركبته

:-شسويتي بيه انتِ

:-شسويت؟

:-فززتي روحي ملاذ

:-شبيك لا تحجي هيج جاي نلعب تره

:-بس السويتي ما جان ضمن اللعبه

:-انت ما تعرف تفكرر محامي و روح و تعال ما عرفت خطوتي الجايه

:-هههههه الوحيده الما حفظت خطواتهه كلشي تصدميني بي حتى دخولج بحياتي

:-ما صدمتك امي خابرتك و كالتلك راح اجيبهه

:-ههه ما اقصد هذا

:-جا شتقصد

:-اهخخ وللجج الجااا هاي مبهذلتني

:-يا شبيك

:-كومي تردين اطلعج

:--صدكك

:-والله

:-كبل هاي كلتي من يخلص الفلم ردتي مني شي شنو

:-ها هيج يمعود مو اهم من الطلعه كومم نبدل

:-لا لتبدلين راح اخذج لمكان محد بي بس خلي شي على شعرج و لبسي من قماصلي

:-خوش يله كوم

كمنه بسرعه لغرفتي سحبت شال من الكنتور واخذت من عنده قمصله و خليت كلاو فوك الحجاب لان بارده طلعت و لكيت صعب طالع بلاستقبال

:-يله بابا كملتت

:-يله امشي

طلعنا صعدت بالسياره شغلنا الدنيا حلوه
:-هه صاير تحبهه

:-علمودج

:-اكلك

:-ها

:-من اني وياك لا تشغل في وحدتي

:-اشرلي على عيونه بمعني بععيوني

:-اكلك وين رايحين

:-افرج بأمكان بالناصريه ما رايحيلها و بعدين اخذج لمكان احبه

:-اي بس انطيني تلفونك

اخذته منه ضليت اطلع اغاني طلعت اغنية يسالني الليل ردت اغيرهه كال

:-عوفيها بابا

عفتهه كلماتهه تجنن صدك ما احب هيج اغاني بس هل اغنيه غير تكررت الاغنيه صعب كال وياهه بصوت واضح

:-أتغيب يا حبيبي عن نضري

:-ههه لمنو هاي لحببيبتك

:-لبنية روحي

:-عرفتهه

:-هه منو

:-ام براطم

:-ههههه و عييونج من انت وياي ما خلي عيني على وحده

:-و اذا اني مو وياك

:-احسج وياي بكل وكت

:-اي و انت ليش هيج تحجي

:-هيج

:-امم

بقى يفتر و يشوفني الاماكن و يفرني بشوارع حلوه و يكلي اسمائهه صدك تونست هوايه مر وقت باوعلي

:-ها بعد نفتر لو نروح للمكان الكتلج عليه

:-لا خل نروح بس مو الوكت تأخر

:-لا موجودين بكل وكت ما يرحون

:-خوش يله

مششينا مسافه قليله وكف يم عربانه يبيع ببيها رجال جبير بالعمر

:-تنزلين خل اعرفج على هذا الرجال

:-يله

نزلت و هو بقى واكفلي وصلت يمه لزم ايدي و رحنه يم الرجال مجرد تباوع للوجهه تحس بي رحمة ربانيه وكفنه كدامه رفع راسه من شاف الصعب ابتسم

:-هلا بويه صعب

وكف و حضن الصعب و صعب باس راسه و ايده بقيت صافنه اشرله عليه

:-منو هاي البنيه

:-مرتي

نسيت اني و صعب عاقدين رفعت راسي اباوعله مصدومه زين و لزمت لساني و ما كتله شوكت

:-هلا بويه هلا صعب هواي يحجيلي عليج الله يحفظج
باوعت على صعب ما اعرف ارد ضحك و عصر ايدي كاله

:-تستحي جماره لان ما تعرفك

:-ههه ميخالف بويه حگهه البنيه

:-يابه اريد من هاي الذره الطيبه بعد لمرة صعب

:-ههه تدللون يابه كلشي يخص صعب احطه بعيني

:-يابه على ما تكملها احنه كاعدين هنا خلي حماده يجيبهن النه

:-تدلل

لزم ايدي و رحنا وكفنا كدام السياره ارتكيت على البنيد مال السياره و صعب كعد عليها

:-حبيتي هذا الرجال

:-اي هو منو هذا

:-واحدد غالي عليه

:-صعب

:-همم

صرت كدامه و لزمت ايده بقى يباوعلي

:-انت شكد حباب

:-بس وياج

:-ههه لا ويا الكل

:-لا وعينج بس التردين اصير وياه زين اصير

:-زين و الي اني ما احبه

:-اني هم ما احبه اكيد مضوجج بشي و ما تحبينه

:-هممم زين اني اكره ام براطمم

:-ليش

:-تباوعلك و تسألني عليك و لزكه و اكرها

:-اني هم اكرهه يله

:-صعب احبك اني

بلع ريكه بقى صافن عليه ما يحجي شي
:-فهمت شلون احبك؟

:-لا تحبيني ملاذ

:-بس انت ما جاي تفهم شلون احبك

:-شلون؟

:-يعني احبك مثل ما احب امي و ابويه الله يرحمه لان احسك مثلهم احسك مثل امي نقي و اكثر شخص شايل حنييه بهل دنييا

سمعت الولد يحمحم واكف بعيد علينه كام صعب جاب العلب مالت الذره خلاهم علي البنيد باوعلي

:-تكعدين على البنيد

:-اي بس خاف يجي احد

:-لا محد يجي بهيج وكت

:-لعد ما الوح

:-اني اصعدج

اجه كدامي خله اديه على خصري و رفعني ليفوك كعدت و رجعت نفسي ليوره اخاف لا اوكع

:-ها هاي هيه

:-اي

انطاني الذره بيدي و خلالي خاشوكه بيهه كعد يمي و اخذ مالته كعدنه ناكل صدك جانت طيبه بشكل

:-ها طيبه؟

:-تخبلل عاشت ايده لعمو

:-ههه من عمري 12 سنه اكل هنا

:-منين تعرفه هذا الرجال

:-مو مهم لمهم كملي اكل خو ما بردتي

:-بس شويه

خله الذره من الجهه الثانيه و قرب مني فتح سحابة الجاكيت مالته لفاه على ضهري و قربني منه كلش

:-يله املي مدام دافي هسه تدفين

ابتسمت و كعدت اكل
:-متاكل

:-بعدين

خليت بالخاشوكه و خليتهه كدامه

ابتسم و اكلها

سمعنا صوت واحد يحمحم صعب من شافه گبل طفر من السياره و اني جلبت بي وكعت وراه اجيت اوكع للكاع من الخرعه سمعنه ضحكت العمو الجبير يصيحوله ابو علي

:-ها شجاكم ردت اشوف خاف تردون شي

ضميت روحي وره الصعب
الصـعب:-لا يابه سلامتك و مرتي تكول عاشت ايده

:-الف عافيه يله رجعو خربت عليكم اللحضه

:-هههههه لا احنه مكانه غلط

:-ههههه الله يحفظكم بويه بارده عليكم رجعو للبيت

:-اي راح نرجع

سلم عليه و شال الذره مالته فتحلي الباب صعدت و هو صعد كملنه اكل بالسياره كملنه

الصـعب:-ها تونستي

:-اي كلش تونستت

:-نرجع للبيت لو بعد ببالج شي

:-لا خل نرجع

:-يله

شغل السياره و طول الطريق مشغلين يسألني الليل تخلص و يعيدها حتي حفظتهه وصلنا للبيت الوكت متأخر فتح الباب فتنه جوه صحت عليه

:-اكلك

:-ها

:-تنعس انت

نزع حذائه و فات امشي وراه
:-لا

:-خل نقره بالكتاب لعد

:-ميخالف

فات لغرفته ردت افوت لغرفتي لزم ايدي و سحبني وراه

:-بس خل ابدل

:-ابقي بملابسج

فتت للغرفه و راح هو يجيب الكتاب و يغسل تمددت اكلب بتلفوني دزيت لبرق رساله و رجعت اكلب بالفديوهات لحد ما اجه بيده الكتاب

تمدد بصفي
:-يله ملاذ اقري

:-عليك

:-خوش اذا عليه تعاي نامي على ايدي

ما حجيت شي فتح ايده الي و تمددت عليهه فتح الكتاب
................................
عوده الى الماضي

الصفحه الحاديه و العشرين

رفُيده
..............................

عابس:-رُفيده رايدج بموضوع

كمت وراه للحديقه حضنت اديه و صرت كدامه

:-رُفيده ادري كلشي حگج بس شوفي

:-علمود احمد؟

:-اي

:-ما ارجع شي ثاني لو اروح

:-مو جايج برجليه ترديني

:-عابس انت ما تعرفني الشي الادري بي يأذيني مستحيل اسوي لخاطر احد

:-و تالي شلون

:-ما يسويلي حل يطلكني ما عندي غير هل كلام
كال بضحك

:-جا و ابني يضل بدون مره

:-هههه عادي نلكاله غير وحده

:-لا ما اريدله لو بنتج لو ما يتزوج

:-ههههه و اذا خلفتو بنيه

:-روح تكول اخلي رُفيده تجيب ولد

:-هههه تولي روح

:-المهم رُفيده شنو هسه

:-هو دزك

:-لا والله بس اني اكثر واحد ييعرف شنو حبيبته مو يمه يتعذب ارجعيله والله خطيه و مبين راح ييتوب بعد هل مره سويتيله جرة اذن

:-شوف عابس ما تعرفني اني حگي اخذه لو تنكلب الدنيا لو ادري الدنيا كلها ضدي اوكف بوجهه

:-اعرفج رُفيده القويه الما تضعف بيوم بس ما تكدرين تخفين الحب بعيونج

:-اي احبه بس الحب مو كلشي ما اعيش ويا لان يحبني اريد واحد يوكف بوجهه الدنيا علموديي عابس ما تعرف احمد اكثر مني تعبت والله تتعبت ما اكدر انسى شلون خسرت طفلي بسببهم

:-الله يعوضج بس حاولي

:-الله كريم

:-ماكو اكرم من الله بس اريد حجايه منج ما اريد
تخذليني رجعي

:-خل امي تصير زينه

:-جا خير معناهه راح ترجعين

:-اي الله كريم

:-والله روح اكلت گلبي

:-ما تبطل من سوالفهه

شويه و روح صاحت علينه فتنه جوه صدك خلاص لهنا يمكن سويتله جرة اذن خل اميي تصير زينه و ارجع اباوع لروح و عابس مثل العصافير كدامي يضحكون كمت للمطبخ اسوي جاي درت وجهي شفت روح ورايه

:-هاا

:-راح ترجعين

:-اي

:-اييي واخييرااا اكلج

:-ها

:-عابس يكول خل نرجع للبيت ما نبات لان شسمه

:-شنو

:-ههه يكول مشتاقلي

:-ههههه يابه خوش

:-اكلج

:-ها
:-وحده شلون تعرف روحها حامل

باوعتلهه بلهفه احس گلبي فز من كالت هيج

:-ششنوو يعننيي

:-شوفي بس كليلي صار هواي فايته عليه و مدري احس حامل

سحبتهه عليه و اكمز من الفرح و هي تضحك تسويلي

:-اشش اششش لا يسمع عابسس ما اريده يدري هسه

:-هههه هاا شوكت تكليله

ضحكت و دنكت
:-بليل عود اكله

ضحكت و سحبتهه لحضني طلعنا ثنينه سوه شو كعدنا شويه و روح صاحت

:-عابسس

رفع راسه بسرعه نسى وجوددنه كالها

:-عيونه

:-شوف............
.......................................
مــلاذ

سد الكتاب خلاه على الميز رفعت نفسي اريد اكوم سحبني عليه

:-ها خل انام

:-بحضني

:-ماا

:-شأتفقنى من جنه نشوف فلم

:-ما اتفقنا شذكرك جنت اجذب

:-و انه كلشي منج اصدكه سحب الغطه و خله ايده
الثانيه عليه نمت ما ادري بروحي

فزيت الغرفه ضلمه و صعب ماكو سحبت تلفوني شفتهه الساعه ب 3 و ربع شغلت فلاش ما موجود نزلت من الجربايه هذا وين راح فتحت الباب لكيت الضوه مالت الممر مشتغل و باب الطلعه مفتوح و صعب منطيني

ضهره طلعت اباوعله رفع اديه خلاهم وره رگبته يحرك بيهم على راسه و بيده جكاره ما مشتغله ما اعرف شيسوي بقيت واكفه شويه و فتت للمطبخ اخذت جداحه و طلعت سوييت طكطه علمود يشوفوني رفع راسه
باوعلي و رجع دنك كال

:-ها ليش كاعده

:-انت ليش كاعد

:-شبعت نوم

كعدت بصفه سحبت الجكاره من ايده
:-لا تجذب ما صار ساعه من نمنه

:-ما ادري شبعت نوم و كعدت

:-و الجكاره

بقى يفرك بكصته بدون ما ييحجي شي سحبتهه من ايده و طلعت الجداحه رفع راسه يباوعلي شغلت الجداحه

كدامه و ورثت بيها الجكاره رفعت عيني عليه احس عيونه ما ادري شصار بيهن..............

....................................
برق

:-احس الصوت السمعته صار الي مثل الفوبيا ما اكدر اتقبل اي صوت عالي كل شي يذكرني الحادثه القديمه كاعده بالساحه مال البيت و صافنه اذكر شصار بيه من سمعت الصوت اجاني صوت عمتي يلعلع

:-هاا برق شعدج بره

:-شتردين؟

:-شعدج بالضهاري وحدج بالساحه

:-شعليج

:-شعليه شنوو ما عدنا ببنات تطلع بضهاري وحدهه الله اعلم شسووين

:-عمه ديري بالج على بناتج احسن ما حايره بينه شنسوي و وين نكعد

:-لناتي ابوهن مربيهن انت ياهو رباج

ردت احجي و اجانه صوت سيف فات من باب الشارع كالها

:-ربتها امي اكو احسن من هل تربيه

كملت على كلامه
:-و رباني اخوي بعمري ما غلطت ويه احد

:-سيف اني علمودها شريد منهه هسه لو وحده غيري تشوفهه مخلييه ايدهه على خدهه و صافنه جان كبل تهمتهه تحب

:-بس اطلعو منهه انتم و محد راح يكول

سيف كال هيج و تقدم عليه سحب ايدي و فات للغرفه احس دمي يغلي كوه سكتت منهه شفت امي كاعد من حركة گلبي صحت

:-ييومم احنه شوكت نعيش مثل الناس و تالي ويا هاي الغرفه تره احنه كبررنه

سيف:-شبيج برق

:-ما بيهه شيي بس سيف لشوكتت منا حلاهم و ريحة الحلال و اصواتهم تلعب النفس و منا المنهوله فاتحينهه علينه و منا احنه ست اشخاص بغرفه وحده الكونه حللل مو ملينه

كلت هيج و سحبت كتابي طلعت بره امسح دموعي و تنزل ما ادري شبيه اليوم من سمعت صوت الرمي و لحد هل لحضه احس اعصابي متوتره حسيت اكو احد واكف ورايه درت وجهي شفته يامان كعد بصفي

:-شبيج برق

:-ما بيه شي

:-تره امي و سيف خطيه تشوفينهم يركضون و ما
ملحكين ببس يردون نعيش مثل الناس

:-اي ما ادري شلون هيج حجيت

:-ميخالف كرميي رضي امي خطيه تكتم بكلبهه مو زين عليهه

:-اي هسه شويه و اجي

اجه اريان وجهه يتمضحك كال

:-ها برق الب**** شمسوييه من مصيبه

:-ما مسويه شي اسكت لا افعصك

:-هو انت مفعوصه شتفعصين مني

:-وعلي تره اكوم اللك

سكت و باوع عليه رفع حاجبه صاح
:-هايي شلابسه

:-شلابسه؟

:-هااايي مو قمصلتتي انزعييهااا

طفرت بسرعه فتت جوه علمود لا يرزلني لان البس ملابسه

سمعته يصيحح عليه غلست ما طلعت كدام امي و سيف ما نتعارك ما يرضون من اسوي مشكله كبل اشرد يمهم
باوعت على بيلسان و لا يمنا ملتهيه تقره سادس و سيف يدور على شغل ثاني ويه شغلته رحت اتمشى علىكيف يم امي الي مكضيه حياتهه خياط

:-ها الحلوه ضضايجه

ما ردت عليه خليت ادييه على متونهه بوستهه من خدها ما حجت شي صحت

:-سييف

:-روحي

:-شوف امي تدري شكالتللي

:-شكالت

:-تكلي كلي لاخيج يدورلي عريس منا منا

كلت هيج و هي دارت عليه اني طفرت من يمهه كلنا نضحك بصوت عالي شمرت عليه النعال بس ما لاحني لبدت وره سيف

و هي ضلت تدردم عليه انوب يامان و اريان صفو وياي و يصيحون بعدج شباب خل نزوجج سيف و بيلسان

يضحكون و امي كامت تقسم علينه
جانت حياتتنه طبيعي كل واحد حاير بضيمه ناس

بدراستهه امي و سيف حايرين شلون يوفرولنه كلشي لحد نا اجه اليوم الي سيف لكه بي
شغل بمحافظه بغداد امي خافة بالبدايه
بس من عرفت الشغل امنت...........يتبع

.
.
.
.
.
.

.للحكايه بقيه

كلانا كتف للاخر♥
الوريد♪