رواية أنتقام الصفحه 27 (ترميم) الفصل الحادي والعشرون 21 - بقلم خـلود الـ محسن

الكاتبه لورا
°°°°°°°°°°°
واتباد
@lora_alrawi

°°°°°°°°°°°°°°
اشتركو بقناة التليكرام حباًَ
°°°°°°°°°°°°°°°°°°°°

الصــعب:-شوفي مو حجيتلج على ملاك

:-اي حركت روحها

:-تدرين هي ليش هيج سوت لان اببن عمها النذل يكدر كلشي يسوي واصلين بالدوله خوش

:-اي و شسوه؟

:-طلع بسهوله و اهلها تنازلو عن اصدقائه تحت ضغط من اهل ابن عمهه

:-خطيه

:-اي شوفي جنت انه لازم هاي القضيه و راحت من ايدي سحبو مني كلشي يخص القضيه و حولها لشخص لصالحهم جنت كل يوم اشوفهه بس ما كتلها مو انه المحامي مال قضيتج

:-اي

:-امها و ابوها و اختها كلهم متأذين يدرون ما راح ياخذون حگ بتهم و انت تعرفين البنيه اذا صار وياهه هيج و خسرت اغلى شي عدهه شنو راح تصير عليهه نضره العالم

المهم ملاك من عرفت اني ما بيدي شي حركت روحهه بالسطح صاعده كايله لمهه اريد اشر البطانيه مالتي راشه على روحهه نفط و حركت روحهه محد كدر يسوي شي بيت عمهه طمطمو السالفه و شهاب هم يعرف بهاي

القضيه ف انتضرنه ابن عمهه و اصدقائه يطلعون وحدهم و اتأكدنه ما شايلين شي و رحنالهم انه و شهاب انطيناهم المقسوم

:-يااا عزاا عرفوكم

:-لا بابا محد يعرفنه و هاي السالفه محد يدري بيها غيرنه و غيرج ف ابد ما تحجين بيهه

:-شسويتولهم

:-شسوينالهم اكلج من الاخير بعد ما يخلفون

كمت من مكاني كعدت كدامه و لزمت ايده
:-شوف خو ما تأذيك

ابتسم و خله ايده الثانيه جوه راسه
:-اي بابا حيل تأذيني

:-صدك شلون لعد اجيبلك مسكن

:-لا ما يفيد

:-جا شلون؟هي ليش هيج نجرحت

:-ضربت الجامه بوكس

:-ياا يمه شبيك تخبلت

:-اي المهم تأذيني هسه

:-ابوسهه و تصير زينه؟

اشر على خده
:-اي بوسينني هنا و ايدي تصير زينه

:-انجب جذاب وجهك شعلي بيدك

:-ههه مو شي مرتبط بشي بس تبوسين وجهي ايدي تصير زينه تعالي تمددي

سحبت ايده و بستهه بسرعه سحبهه و كعد مقابيلي

:-ليش تبوسينهه

:-هاي من نبوس الواوا تصير زينه و هسه ايدك راح تصير زينه

:-اممم زين

خله ايده على بطني فتحت عيني مصدومه سحبتهه و وخرتهه من بطني بقيت لازمتهه رفع راسه يباوعلي

:-شبيج انت مو كلتي نبوس الواوا و تطيب؟خل ابوس بطنج مو تأذيج

:-لااا شبيك ما بيه شي

:-تستحين مني؟

:-شبيك صعب

:-كولي بابا

بلعت رييكي متوتره تحركت من يمه اريد انزل لزم ايدي وقوه قبضته

:-شبيك

:-رجعي لمكانج اريد احجيلج شي

:-اي يله اول انت ارجع و بعدين اني
رجع تمدد بمكانه و اني رحت من الجهه الثانيه

:-لعبي بشعري راسي يوجعني

قربت منه و بقيت العب بشعره مغمص عيونه ما حجه شي

:-احم مو كلت تريد تحجيلي شي

:-راحت من بالي

:-امم زين شوقت نروح للدكتور

:-خل انام و ارتاح و نروح

:-راسك يأذيك

:-اي

:-اسويلك جاي

:-لا جيبي تلفوني و دزي رساله لشهاب كليله اريد جاي

:-لا اني اسويلك انتضرني

عفته و كمت سويت جاي فات شهاب للمطبخ اخذ مي

:-ملاذ وياج كوب جاي

:-اي اكلك

:-ها

:-اريد اسألك شي بس مو تفهمني غلط

:-لا

:-شوف هو شي مو مهم بس مو تكوول راح احجي خوش

:-يابه احجي بيناتنه

:-صعب يحب منو؟

:-منو كلج انه گللب صعب

:-لا لا شبيك مو انت صديقه يعني ما تعرف

:-يحب مرته

كال هيج و رجع الكوب لمكانه
:-شقصدك

:-قصدي واضح خويه هو متزوج وحده ويحبهه

:-اكلك تسكت لا اخليلك ملح بالجاي

:-شعليه اني شعللليه غير انتِ سألتينني

شلت القوري و حضرت الكوابه سحب كوبه مني و صب لروحه

:-مو امان انتِ

:-هههه لا والله ما ردت اسوي شي

ضحك و طلع اخذت كوب لصعب و رجعت للغرفه لكيته مغمض وكفت كدامه شكله مالت واحد نايم صحت بصوت ناصي

:-صعب؟

ما رد عليه خلييت الجاي على الميز و كعدت بصفه بقيت اباوع عليه ما ادري شنو غايتي بس احس ضايجه عليه دنكت بست راسه ويه ما رفعت راسي خله ايده على ضهري و سحبني عليه

:-ليش تتحارشين؟

:-يمه وخرر شبيكك انت مو نايم

:-جؤ و يعني من انام تتحارشين بيه جا شمسويتلي من انام يمج بليل الله اعلم

:-يااا شنو والله ما اسوي شيي

:-ما اصدكج

:-بس وخر والله ما مسويتلك شي بس خل افهمك

:-فهميني

رفعت ايدي اسحب بيده مني بس ما اكدر ضاغط عليه بقوه

:-شوف اذا ما تعوفني اعض ايدك المجروحه

:-يهون عليج

:-بس وخر

:-فهميني و اعوفج

:-شفهمك؟

ضحك و سحبني عليه اكثر
:-انت كلتي وخر و افهمك

:-شوف بس عوفني اني مو كتلك ابوس الواوا و تصير
زينه و هسه بست راسك علمود يصير زين

:-جا خليني ابوس مكان وجعج

:-شنو ما متوجعه شبيك

:-يله كومي

:-وخر ايدك شلون اكوم

:-بوسيني و اخليج تكومين

بسته بخده و وخرت رفع ايده مبتسم
كمت صرت كدامه

:-الجاي هسه برد من وراك

:-لا مو بعد ما يحتاج جاي راسي و صار زين

:-ااا صدك؟

جر حسره ابتسم بقى يباوعلي شويه كال

الــصعب:-لمست يديكِ علاجاََ لقلبي المتفتتُ ماذا عن قبله على مكان ألمي البسيط

:-اكلك شنو انت محامي لو شاعر

:-ههههه عجبج؟

:- حلو بس هو المن

:-بكيفج المهم روحي صبيلي جاي جديد

:-جا انت شكد جذاب غير كلت صرت زين

:-جذبه بيضه

:-جذاب

رحت صبيتله جاي من جديد انطيته اله لزمه بيده اليسره و شرب لان ايده الييمنى لافتهه ميكدر يشيل بيهه شي

:-اكلك تره ما تكدر تنام يعني شوقت تلحك على الموعد

:-لا ما انام كومي تحضري

:-روح وحدك اليوم

:-لا ما اكدر اخليج بالبيت وحدج تضوجين و هم غير طلعة الدكتور ما اكدر اطلعج لان مشغول

:-مو شرط تطلعني تره رُفيده جانت اقوه طلعه عدهه لخوالي و لا همه يحبونهه و لا هي تحبهم ها و شرط تضل سنه تكلي طلعتج ذاك اليوم

:-هههه ميخالف بابا اني اطلعج

:-اكلك لعد مو شهاب راح يبقى بلبيت

:-حيرتيني جا لو لعد

:-ههه اكول جا علمودك تره لمهم شهاب مو راح يبقى

:-لا راح يرجع

:-امم اوكي شتريد ملابس

:-اني احضر لروحي

:-لا معليك اني احضرلك

:-تمام بكيفج شيعجبج طلعي الي

:-خوش

عفته و رحت لغرفته طلعتله ملابس صعب من نوع لازم يلبس رباط ويه ملابسه حضرتهن و عفتهن على الجربايه رجعت طلعت ملابسي و هو بعده كاعد على الجربايه يكلب بلتلفون

درت عليه صافن بالتلفون
:-كوممم يله لاحك على البنات

:-با بنات

:-يا بنات يعني صارلك ساعه صافن بالتلفون كوم بدل يله تأخرنا

:-كوميني ما اكدر ايدي تأذيني

:-شكد جذاابب هاي لو مضروب طلقه شتسوي

:-اذا مضروب طلقه اخليج حتى تسبحيني

:-كوم و انجب يله

:-اخخخ كون الزمج اعلمج على الغلط

:-بكيفي

:-بس بينه

:-يي هسه اني وين غالطه عليك هو احنه وين شايفين احد

:-ديله يله تعاي كوميني ما اكدر

:-شكد تتحجج كوم

وكفت كدامه اسحب بيده و لا يتحرك يضحك و يكلب بلتلفون جنت لازمه المعصم مالت ايده لان الجف مجروح خفت عليه من شفته يضحك ضغطت قوي على جف ايده سحبهه بسرعه و عصر عيونه قوي بقى عاض على شفته متوجع

:-ككووه لزمت روحي ما حجيت حجايه تهدم البيت

:-شتحجي مثلا صار ساعه اريدك تتحرك ما تقبل

:-طايحة الحض

:-كوممم يله شبييك

كام من مكانه صاح
:-الله اكبر عليك يا صعب الله اكبر

:-اوي شمسويتلك هسه اني دروح بدلل

عافني و طلع قفلت الباب بدلت و طلعت انتضره
بلاستقبال و اكلب بالتلفون على ما يكمل
شهاب ما موجود يمكن طالع شويه و اجه مخلي الرباط على رگبته باوع على المكان الي يكعد بي شهاب

الـصعب:-جا وين شهاب؟

:-ما ادري

:-تعرفين تسوين الرباط ما جاي اسيطر عليه بيد وحده

:-اي تعال

كعد على التخم و اني وكفت كدامه رتبته اله سحبته شويه و عدلت الياخه خليت اخر دكمه مفتوحه رفعت راسي يباوعلي و مبتسم

:-ها شبيك

:-كل يوميه راح اسوي شي لايدي علمود تسويلي هيج

:-ههههه لا شنو اصلا اني اهتم بيك حتلو انت مو مريض
بسته بخده و كعدت على الجهه الثانيه بقى كاعد اريده يكوم يكمل هم يالله تأخرنه

:-شبيك يله كوم

:-بستيني؟

:-اي بستك لان صاير حباب

عض شفته الجوه باوعليي كال
:-عيديها ملاذ

:-شنو

بلع ريكه و رفع عينه بعيني

:-البوسه

:-ههه هاي شبيك اليوم كوم حباب

راح شويه و رجع بيده المشط
:-شوفي ما اكدر امشط مشطي الي

:-تعال

رجع كعد مشطتله شعره ساعه ارفعه ساعه اخلي صفح ساعه انزله و هو ساكت

:-شنو ما انزعجت

:-جؤ

رجعت رفعته كله و رتبته
:-اكعد هسه اجي مو تتحرك من مكانك

:-لا ما اتحرك

رحت جبت مرايه صغيره خلييتهه كدامه
:-ها حلو؟

:-امم عاشت ايدج

تحرك راد يكوم
:-لااا ابقى كاعد انت مريض خطيه

:-اي صح مريض انه كل شويه بوسيني و اصير زين

:-لا انت شكد سيبندي مو هيج قصدي

:-حرامات

:-اهووو خليني مهتمه بيك تره ما اهتم

:-يله يله ساكت

:-شوف شنو بعد اجيبلك

:-الستره و ساعتي السوده على الميز تلكينهه و المحفظه و السويج و عطر نسيت ما خليت

:-زافينك؟

:-اي طالع ويه مرتي يحقلي اكشخ؟

:-مو مرتك خوش

عفته و رحت للغرفه جبت الاغراض اليريدهم وكفت كدامه رشيت اله عطر و رجعت خليت لروحي من نفس عطره بيه طبع لازم اخلي من كل العطور اليمي حتلو مو الي

انطيته السويج  و لزمت الستره لان من يسوق ما يلبسهه اله ننزل وكعت المحفظه من ايدي دنكت اخذهه و هو

بسرعه دنك راد ياخذهه بس اني شلتهه اسرع رجعت الفلوس بيهه استغربت من الصور البيهه فتحتهه على جهة الصور

:-شوفي ملاذ انطينياهه
ما اهتميت لكلامه صورة رجال و مره قديمه كلش

و صورتنه سوه اني نايمه و هو يمي مخلي ايده جوه راسه و قريب مني كلش بس وجوهنه صوره صغيره جانت

احس رجفه بيدي بسرعه سديت المحفظه و انطيتهه اله بدون ما اباوعله طلعت كدامه وكفت يم باب الشارع هو طلع يلبس بحذائه هادء ما حجه اي شي

فتح باب الشارع و لزم ايدي طلعنه سوه فتح الي باب السياره صعدت و هو صعد شغل السياره كوه يسوق ايده ما يكدرر يحركهه مركز على الطريق حمحم و كال

:-شوفي انت فهمتي غلط

:-شنو؟

:-لا تبقين ساكته شوفي بس الصوره عاجبتني مو شي
ثاني

:-تمام

:-زعلانه؟

:-عليمن؟

:-ليش هيج تحجين

جريت نفس و زفرته باوعت عليه شويه يباوعلي و يرجع عينه للطريق حضنت اديه لصدري

:-تحبني؟

بلع ريكه و بلل شفايفه بقى يعض شفته الجوه ما حجه شي وكفنه بأزدحام باوعتله

مدنك راسه يلعب بأصابعه و يحرك رجله درت وجهي على المرايا صافنه على الطريق

ما احس غير رجه بالسياره و صوت الهورنات درت وجهي عليه بسرعه فتح الباب و نزل

باوعت على الازدحام كله ماشي درت وجهي ليوره شفت سياره ضاربه سيارتنه بس مبينه ضربه عاديه

فتحت الجام من ييمي اسمع صياحهم و المرور واكف ذاك يمكن سيارته متأذيه بس يصيح كمت ابجي ما ادري عليمن اخاف انزل و صعب وحده و ذولاك ثلاثه

و المرور موجود و الناس على ابو حادث كلهه تباوع علينه بقى يحجي وياهم صعب لحد ما هدأو اجه فتح باب السياره فتح الجكمجه طلع منهه فلوس شويه و رجع صعد سد الباب بقوه و ضل يغلط و يسب اول مره اسمع صعب هيج يتلفظ الفاظ

:-اهم شي سلامتك الفلوس تتعوض

:-مو على الفلوس مو على الففللووس خرا بيهه

:-لعد شبيك تصيح

:-خلوني اضطر احجي بيج كدامهم لج اني صوجي صووجي حجيت بيج كدامه هذذول

:-شحجيت؟

حرك السياره لان الازدحام مشه ما حجه اي شي لما وصلنه صف السياره خله راسه على الستيرن و مدري
شيحجي قربت منه خليت اييدي على شعره سحبهه عليه و بقى عاصرهه

:-اسف ملاذي

:-على شنو

رفع راسه يباوعلي

:-والحق فكرت بيج كلت بس ياخذوني للمركز هاي تتخبل وحدهه و شهاب مو يمي بعيد شلون يجي كتلهم مرتي حامل لذلك حليناهه بفلوس اسف بابا ما اريد اجيب سيرتج بلسان غريب

:-على هاي ضايج

:-اي

:-عبالي علمود السياره لو علمود الفلوس

:-لا شنو ذنيي تقارنين روحج بيهن ما اضوج بس عليج ملاذ

:-شوف السياره خو ما تأذت

:-لا زينه شوييه من وره

:-زين هو انت شنو ما شفت الازدحام

:-هو انت مخليتني اشوف شي الازدحام ييمشي و انه اشوفج كدامي

:-هه شبيك يله خل ننزل تأخرنه

:-اي نزليي بس جيبي الستره وياج

فتح الباب و نزل اخذت الستره و نزلت لزمت ايده و فتنه سوه ويه ما وصلنا شفت ام براطم راجعه صعب كال

:-السلام عليكم

وهي ردت بصوتهه اليعزعجني
:-وعليكم اهلا

اني بقيت صافنه شرجعهه مو شفت وحدهه غيرهه ما ادري بروحي شلون حجيت جنت افكر بس بصوت عالي كتلهه

:-ياا شرجعج مو اجت وحده غيرج

عكدت حاجبهه مستغربه و صعب عصر جف ايدي قوي
:-شنو مضوجج وجودي

:-ههه ها لا بس اشتاقيتلج بذيج الجلسه

:-امم جنت ماخذه اجازه و اجت وحده بديل بمكاني يعني ما رحت

:-ها ايي

ردنه نكعد حتى ما محضره شي اغثهه بي باوعت على الستره بيدي شفت محد موجود غيرنه اني و الصعب و ام براطم

:-حبيبي البسك الستره؟

باوعلي مستغرب ضحك و دنك كال
:-اي حبيبي لبسيني

صرت وراه لبسته رفعت رجليه علمود اوصلهه لاجتافه
دار وجهه عليه رتبتهه من كدام كعدنه واحد بصف الثاني قربت روحي من عنده حيل خليت راسي على جتفه
عيوني على البنيه حجه بهمس

:-تخبلتي ولج؟

:-معليك سوي روحك ما مصدوم

:-والله انتِ فلا صاحيه

:-معليك يله ابتسم على اساس فرحان

:-هو منو كلج انه ما فرحان اليوم راح اكل للدكتور يصير كل يوميه نسوي جلسه

:-وعلي تره اهبدك اسكت

:-ههه ما اكدر وضعج ما يخليني اسكت

رفعت راسي عليه و السكرتيره صاحت اسمه علمود يفوت باس راسي و كام كبل باوعت للسكرتيره عي دنكت راسهه بقيت كاعده منتضرته ملل حتى التلفون يملل

اجاني صوتها الينرفز هو ما بي شي بس اني اسمعه مثل نغمة المنبه هيج احسه مزعج

:-شبيها ايده؟

رفعت راسي عليهه فاتحه عيني مصدومه من سؤالها

:-عفواََ ايد منو قصدج؟

:-الصعب

:-ايد زوجي اني الي اهتم شبيها مو انت

:-تغارين عليه

:-زوجي و حبيبي و ابو جهالي محد يحق الها تسأل عنه و ياريت هاي اخر مره تسألين عليه

:-على كيفج

:-لا مو على كيفي ديري بالج تخلين عينج عليه تره ما يشوف غيري

:-اذا ما يشوف غيرج شكو خايفه

:-خايفه مو من عنده خايف منجن

:-اوي شبيج ما تتحملين

عفتهه و درت وجهي اعصابي تلفت من وراهه اريد شي بالتلفون التهي بي ماكو ساعتين يله طلع صعب كبل كمت لزم ايدي و طلعنا حتى ما سألته على الجلسه قريب نوصل للسياره كال

:-ما سألتيني على الجلسه

:-ها اي شصار

ما رد عليه وصل يم السياره فتحلي الباب و صعد درت وجهي على الجهه الثانيه

:-شبيج بابا

درت وجهي عليه ما ادري بروحي لهل درجه متنرفزه
:-ششوف بسس باوع عليه

:-بس صوتج بابا يله باوعت شصاير؟

:-شووفف هاي كلهه خل تسكت مني تره ما تعرف شسوي والله اكضهه بنص العياده و اسحلهه

:-منو؟

:-منوو غيرهه ام براطم قسسسمم اذا سألتني عليك مرت الثانيه الحجي يختلف

:-بويييه نجره من يمي خفت

:-تستهزء حضرتك تره ما تعرففني زين صعب

:-انه اخوك يشهاب اي بابا والله تخوفين

:-صصعععببب

:-يا عيني

:-اعصابي تلفت اسكت مني خليني احجي وحدي

:-بعيني المهم لا تضوجين

:-اكتلهه

:-كتليهه اجيبهه الج للبيت و كتليهه
باوعتله بودي اطفر عليه و اشنقه و هو و لا مهتم

:-تجيبهه لللبيت شنوو اذبحكم ثنينكم والله

:-لا اجيبهه الج تكتليهه

:-لا متتفووت عتبة بابنه

حجه بصيغة سؤال
:-بابنه؟

رجع صاح بصوت عالي

:- هنننياللك صععب

:-ااسكت انت جايي تضوجني بدل ما تعرف شأحس اسسكت منني

:-اعرف تحسين بالغيره

:-لا والله عليمن اغار؟

:-عليه

:-من جمالللك؟

:-بعيونج اخبل اني متأكد

:-شكد وااثق اكلك اسكت حباب لا تحجي

سكت شويه و كال
:-وين بنفسج نروح

:-ننخمد بالبيت

:-لا بابا لا خل اونسج

:-ما ارريد

:-شلون بينه احنه شبيج بابا يله احجيلي شنو المضوجج

:-لوو انت من كلبلك تكلي بابا جان فهمت شبيه

:-تكرهين ام براطم

:-وانتتت هم اكرهه وياي

:-حاضر سيدي امر خدمه؟

:-ما تسلم عليهه من نروح

:-انت سلمي اقلهه مو من الاصول ثنينه ما نسلم

:-زين خوش افكر عود

:--وبعد؟

:-اذا سألتني عليك ارزلهه

:-اي بس مو بخشونه على كيفج

:-لا والله ادوس بمصارينهه

:-لا بابا عيب هسه تكول هذا زوجهه منطيهه مجال

:-وشعليهه بيك هيي منطيني ممنطيني ميخصها
صفن شويه عض شفته الجوه ادري بي كوه حابس ضحكته كال بصوت ناصي

:-تذكرت جايتهه الدوره هاي هرمونات

خلاني لا اكدر احجي و لا ارد خنست بمكاني
بقيت ساكته وكفت السياره رفعت راسي جايبنه للسوك حفظته هذا المكان من اجينه ذيج المره

:-وين جايبنه

:-ما محتاجه شي

:-لا

:-لا اشتري ملابس و شوفي شنو محتاجه اغراض جيبيهم

نزلت قبله و هو قفل السياره و اجه من جهتي فتنه جوه هو وحده يختارلي ملابس و اني اهز بيدي اول و تالي البس ملابسه على شنو يشتريلي

فتنه على محل مكياج اني من نوع احب المكياج جنت حتى بلبيت اخلي مسكاره و حمره خفيفه رغم اشبع رزايل من امي بس ما اهتم

:-صعب خل نفوت هنا

:-تمام

فتنه اخذت بس مسكاره و حمره وصبغ اضافر و صعب صافن ما يعرف شنو هاي الاغراض

:-انت شجاي تشترين طلاسم

:-اي اريد اسوي سحر لام براطم

:-ههههه يله يابه بكيفج

:-اي طبعاََ بكيفي

كملت و رحنه لمحل اخذت منه شيره و اغراض مالت جسم طاخ ببالي اهتم بروحي كملنه و صعب شايل نص العلاليك و اني امشي وراه شايله البقييه لان بس ايد وحده يكدر يشيل بيهه

خلاهم بالسياره و صعدت صعد كال
:-ها نروح مكان ثاني

:-لا تعبت

:-لا خل ناخذ عشه نشوف مكان حلو نتعشه بي

:-بكيفك

:-نروح على نهر الغراف؟

:-لا بعيد ذاك اليوم تأخرنا

:-تمام جا نروح بحديقه

:-بكيفك

اخذلنه عشه و رحنه لحديقه تعشينه بيهه
:-شوفي اني ما اكل باليسره و اليمنى ملفوفه وكليني

:-ما جذاب ما بيك شي شكد تتحجج و هي ايدك بس متشخطه ياريت لو جرح قوي

:-جا منين اجه الدم اذا بس متشخطه

:-شووف انت ليش تخليني ينكسر خاطري عليك

:-يله يله بطلت اكل وحدي

:-لا جيب

:-لا كملي

:-جيب شنو هي بكيفك

اخذت اللفه من ايده فتحتله القوطيه هو يشرب تفاح بس اني اشرب ببسي خليتهه كدامه ضحك و اخذهه من ايدي

:-اشاقه وياج اكدر كملي اكل

رجعت اخذت لفتي اكل و اباوعله صدك يكدر ياكل كملنه و بقينه شوي كاعدين

:-احم شوف اسألك شي

:-لا

:-مو بكيفك اسألك

:-ههه اسألي يابه اسألي

:-حبيبتك الحجيتلي عنهه شخبارهه

:-ياهي؟

:-يا مو انت كلت تحب وحده و ميت بيهه مدري شنو شو نسيت

:-هااا ايي بعدني احبها شتغير

:-عرفت بيك

:-لا

:-شوف هي يجوز تحبك بس انت ما تدري

:-اي يجوز هي كايمه تغار عليه

:-صدك؟ هي وياك بالشغل

:-لا

:-جا وين هو انت لو بالشغل لو بالبيت

:-يجوز وياي بالبيت!

:-انجب خوش

:-اممم

:-شوف تلعب؟

:-لا

:-اكعد بالكاع مو بكيفك هاي لعبه اجباري
تربعت كدامه بالكاع ضحك و كعد كدامي

:-شنو لعبتج؟

سحبت وحده من القواطي

:-باوع راح افرهه منو تصير عليه الفتحه مالت القوطيه راح يصير عليه السؤال يختار صراحه و تحدي و لازم يسوي اليكوله الثاني شرررط

:-تمام يله

فريت القرطيه صارت الفتحه مالتهه على جهتي
ضحك كال

:-يله صراحه لو تحدي؟

:-اذا اختاريت تحدي شتسويلي؟

:-ما ادري اختاري

:-اكلك اني ما عندي شي ضامته خل اختار صراحه

:-اسأل اسئله صعبه

:-لا جا شوف تحدي بس راعيي ضروفي امي ماكو

:-هههه بعيوني

دار وجهه اكو مره جبيره كاعده هي وبنات ثنين و يمهم اطفال يلعبون كال

:-ترحيين لهاي المره تأشرين عليه و تكليلها احب زوجي

:-ياا شنو صعب

:-انت اختاريتي شعليه اني

:-واذا ما سويتهه

:-تتعاقبين

:-شتسويلي

:-ابوسج بنص العالم

:-انجب راييحه

كمت من يمه وصلت يمهم مستحيه اباوع عليه و ارجع اباوعلهم باوعلي

:-السلام عليكم
جاوبت المره الجبيره و البنات ردو السلام

:-هلا يمه

:-شوفي خاله

:-شنو حبيبتي

:-والله ما ادري شكلج بس مو تضحكين علينه شايفه ذاك اشرتلها على صعب باوعله كلهن و رجعن يباوعن عليه

:-اي يمه شبي

:-احبه كلت هيج و عضيت اصبعي ضحكت المره كالت

:-اي يمه بيها الخير

:-شوفي خاله والله جاي نلعب و جبرني هيج احجي مو تكولين هاي مخبله

:-ههههه لا حبيبتي عادي الله يحفظه الج

:-شكرا

كلت هيج و رجعت ركض اباوع للصعب يضحك كون الزمه و اخنكه

:-والله انت جلب

:-انت الي اختاريتي اللعبه

:-خل نكمل اني اعلمك

رجعت كعدت فريتهه و صارت عليه رفع راسه يباوعلي و يضحك

:-ششنووو شو كله عليه؟

:-شعلي ههم كولي اغش انت تفريهه

:-يله صراحه و شوف لا تورطنيي

:-اممم شنو شعورج تجاهي؟

:-شوف ما ادري بس احسك مميز يعني من اضوج انت توخر ضوجتي و مهتم بيه و متخلي عمامي يأذوني يعني انت حباب و مرات من اشوفك الكه روحي اضحك بدون سبب

:-امم و بعد

:-اي بس هيج ها مرات اصفن الكه روحي افكر بيك والله صدك ما ادري ليش هيج يصير

:-اممم و بعد

:-اي بس شنو شبع ههي

:-هههه يله هاي خوش لعبه كملي

سحبت القوطيه اريدهه بس توكع عليه فريتهه و صارت عليه كبل درتهه عليه صاح

:-غشش والله غششش

:-معليه يله صراحه لو تحدي

:-اذا اختار تحدي تورطيني؟

:-اي يجوز اخليك ترگص بنص العالم و شرط بدون اغنيه

:-الك الله صعب زين شوفي راح اختار صراحه بس مو تسألين اسأله غبيه

:-بكيفي يعني هسه صرااحه

:-اي

:-تحبني الي مو و البنيه الي تقصدهه هي اني ؟

:-لا

:-صراحه؟

:-شوفي انه ما اكدر احب

:-ليش

:-سؤال واحد ما يصير اكثر سقط دورج

:-اي سهله نلعب مرة لخ

:-لا كافي كومي

:-مااا اخر مره

:-اكدرلج انه؟

:-لا متكدر

فريتهه و اخيرا اجتي عليه غم گصته و اني اضحك

:-شتختار

:-راح اختار تحديي مو تخزيني

:-كوم ارگص خمس دقايق و هز جتف و شعر بس ما نشغل اغنيه

:-انت صاحيه والله فلا اسويهه

:-تكدر تختار صراحه

:-امشي كومي كلشي ما اختار

:-بس ما تختار ابقى كاعده هنا و بس تضغط عليه ابقى اصرخ اكلهم خطفنني

:-مرتي؟

:-معليه يله خل نكمل

:-اهوو اسألي شنو

:-ليش متكدر تحب؟

وكف شال علاكة الاكل و لزم ايدي سحبني

:-ما احب اضلم وحده وياي مريض و مستقبلي مجهول و يله كافي اسأله

شمر العلاكه بالحاويه و رحنه للسياره رجعنه للبيت شهاب ماكو يمكن راجع لاهله هل ولد فجأه تلكونه مختفي

سويت جاي و صعب كاعد يشتغل على اللابتوب انطيته كوب و كعدت يمه

:-اكلك باجر تروح

:-اي

:-واني ابقى وحدي

:-اي احاول ما اتأخر ما اكدر اجيب يمج احد ما أمن بواحد هنا

:-و شلون تعوفني وحدي و تأمن بيه

رفع راسه رافع حاجب و يباوعلي

:-اياج تخلين نفسج ويه احد

:-شوف بس حاول تجي بسرعه

:-اسهري بليل و من تطلع نامي علمود ما تحسين بغيابي

:-ومنو يسهر وياي

:-اني
:-و شلون تداوم بدون ما نايم

:-عادي لمهم انت عود من ارجع انام

:-شكد حباب انت لا يله بطلت نام ما اخاف و اذا خفت اخابرك

:-خوش جا اتفقنا

كمل الجاي سد اللابتوب
:-تنامين

:-اي

شلت اللابتوب اله و هو شال الجاكيت مالته

:-وين اخلي

:-بغرفتي

فتت للغرفه فات ورايه و سد الباب

:-شوف بغرفتي ننام

:-جؤ بعد ما يصير فتنه لغرفتي اول شي

:-صععب

:-يا عيني

:-اهوو اسكت

خليت اللابتوب على الميز صعب نزع قميصه و تمدد بمكاني متعوده انام اله بذيج الجهه

:-مكاني

:-اي تعاي شمسوي هسه اني

:-نايم بي

:-اوخر من تجين

:-جذاب وخر يله

رجع لمكانه صعب من نوع ما ينام اله على بطنه
تمدد بمكاني احس ما نعسانه

:-اكلك

:-هممم

:-اني ما انعس و القصه الجاي اقراهه خلصتهه و برق هسه مو ببيتهم خل نقره بالكتاب

:-اخخ لو بس تعوفين القصص

:-ما اعوفهه و هسه نقره لو لا

:-بشرط انت تقرين و انه اسمع

:-خوش كوم جيب الكتاب

:-لا والله

:-اي والله شبيك

كام جاب الكتاب و رجع انطانيه تمدد قريب مني داير وجهه على جهتي تمددت خليت راسي يم راسه و فتحت الكتاب

..........................
عودة الى الماضي

الصفحه العشرون

رُفيده
.........................

اجه احمد جايب امي من المستشفى حالتهه تعبانه بقى يمنه بس اني وياه ابد ما بينه كلام انطيت لامي علاجها

جاي ارجعها على فراشهه و روح راحت تسوي شوربه لامي اخواني و امهم ببيت خوالهم صار يومين ما شفناهم فات احمد وكف بصفي و سحب الغطه غطه امي
عفته و كعدت بالكاع

:-رُفيده اريد احجي وياج وحدنه

:-ما بيناتنه حجي

:-شي مهم رُفيده ما يخصنه

باوعت على امي نامت كمت مشيت كدامه طلعت بالحديقه و هو ورايه بقيت واكفه صار كدامي

:-شتريد؟

:-امج حالتهه الصحيه بالنازل الدكتور كال ما تطول
كلماته مثل الصاعقه نزلت عليه بقيت صافنه ما اعرف شحجي

:-رُفيده شبيج

نزلت دموعي ما تحملت كعدت بالكاع ابجي و ضامه وجهي بثنين اديه خسرت ابويه ما اريد اخسر امي منو الي

:-احممد شنسويلها وين اوديهه و تصير زينه

:-ادعيلهه ما بيدج شي

كعد بصفي سحبني عليه يهدي بيه
:-كافيي انت بيدج شي و ما تسوينه

:-احممد منو الي بعدهه منو اني و روح نتبهذل بدونهه

:-اني وياج ما اعوفج و روح عابس مستحيل يعوفهه

:-انتت احمد انتت و اهلك؟لا تخليني احجي و روح؟

شايف شلون جاي تتبهذل بس ساكتين علمود شنو علمودكمم و لو ما امي بضهرنه صدك اني و روح محد النه

:-بس انطيني فرصه وعيونج ما اخذلج

:-ابد احمد ابدد خسسرت طفلي شلون ارجع وياهم

:-نطلع بس بغير منطقه لا انت يم اهلج و لا اني

:-و روح و امي؟

:-اخوانج هنا و مرة ابوج و روح متزوجه

:-احممد لا تغشم نفسك انت اكثر واحد تعرف ضروفنه

:-لشوكت راح تضلين معنده

:-لما يصحه ضميرك

عفته و كمت
:-خلي يكون بعلمك اني خسرت طفل مو شي هين

:-رايدج رُفيده رايدج

:-اكثر شي ما يهمنيي بهل دنيا هو الحب ف لا تتعب نفسك و عبالك اتأثر بكم كلمه منك رايدني بس اني ما رايده اعيش نفس العشته

عفته و مشييت فتت للمطبخ لكيت روح كاعده بباوعتلي كالت

:-رُفيده خطيه

:-اسكتي انت اسكتتي

:-يحبج خطيه

:-خطاه البيين معليج يحبني جا شني اني اكرهه ما اكرهه بس اريد اسويله جرة اذن صارلي شكد هنا واحد من اهله اهتم لااا

:-بكيفج

:-اي طبعاََ بكيفي و شغله ثانيه خل يجي عابس و اشوفج راجعه مكيفه سووي حد لاهله احنه نضل كل يوميه متبهذلين

:-شكله

:-امممدااني و امداج و امده ساعة السوده الحبيتيي بيها عابس خوش

:-يا شبيج

:-شبيهه هاي الزلم لازم نسويلهم حل متونسين على اذيتنه خل يجي عابسس و اني اعلمه

:-لا حبابه على كيفج

:-اشش روح تره روحي واصله لخشمي اذا لزمتج هسه اكرهج بلحب

:-عابس بعد ساعه هيج و يوصل

:-اي خوش

:-يبات يمنه كتله خالتي مريضه

:-هلا بي

:-شوفي انام يمه لو يمج؟

:-يمه شنو اني رجلج

:-ها مو عبالي ما ترضين

صبت شوربه لامي و كعدت توكلهه شويه و فات عابس سلمنه علييه و روح مسويه روحها مستحيه كعدت بصفه
كال

:-رُفيده امج طيحتهه بسبب اهلي؟

:-لا هي مريضه

:-خوش

:-شوف عابس روح بعد ما ترجع وياك احنه ببيتنه و اهلك جاي يأذونه شحال لو راحت لبيتكم

:-محد يتعرضلكم بعد

:-محددد!!

:-وقبل

:-منا و هيج محد يتعرضلكم روح ما حجتلي على اول مره لو ما انت ما تحجيلي

:-خوش عابس شوف اني ما يهمني بكيف روح تريد تجي تريد لا بس اني اختهه و اكبر منهه و تعرف محد النه غير امي و هاي امي كدام عينك ما تكدر تحرك روحهه لذلك اني المسؤوله على روح شيصيرلهه هي بأمانتي

:-بعيوني اخليهه مستعد اخسر روحي و ما اخسرها عفت كلشي لعيونهه لمهم ما تتأذه

:-ياريت هذا مو بس كلام

:-ماحجي شي و ما انفذه و انت تدرين عارضت الدنيا و تزوجتهه بس لان وعدتهه و روح هاي روحي شلون أخليهه تتأذه

:-ان شاء الله خير

:-ان شاء الله شوفي رُفيده

:-هاا

:-اريد احجي وياج بموضوع اتمنى ما ترديني......

…………………………

سديت لكتاب باوعت لصعب مغمض عيونه

خليت الكتاب على الميز درت عليه خليت ايدي على شعره

:-انت نمت؟

:-جؤ

:-ها عبالي وحدي اقره

:-امم بس نعست

:-يله نام

:-لعبي بشعري

:-اي

بقيت العب بشعره لحد ما غفيت كعدت الصبح الصعب ماكو سحبت تلفوني شفت الساعه ب 10 شكد نايمه فتت على الواتساب لكيت رقم جديد دازلي

:-انا من انجن بعيناك أهذهِ عينين ام انها السحرُ

گبل حضرته لا يروح يدزلي مثل ذيج الرساله و صعب بالمره الاولى ما حاجاني هل مره يطيح حضي رجعت فتت على محادثه الصعب كاتب

:-صباح الخير بابا جماره ريوكج بالمطبخ و ديري بالج على روحج احاول ما اتأخر

سديته و كمت تريكت عزلت البيت ملل وحدي طلعت الغراض الاشتريتهم سويت جسمي صار هوايه ما مسويه

شيره و اني من نوع احب اهتم بهل شغلات كملت و فتت سبحت لبست تراك من الجبتهن حرامات اشتري

هيج على الاقل البسهن حتلو مره وحده مشطت شعري و شسورته صار شكد ما مهتمه بروحي خليته نازل على

رگبتي كصيت گذله قصيره و خليت صبغ اضافر و حمره خفيفه و مسكاره

اباوع للوقت احسه ما يمشي كعدت اصور مليت من كلشي خابرت صعب رفضه و خابرني

:-الو

:-الو ها ملاذي

:-عفيه اني مليت شوقت تجي

:-راح اجي بالطريق

:-مللييت

:-اي مو جاي

:-جاي لو كهوه

:-ما تضحك

:-اضحكك

:-هههاي يلله ضحكت

:-شوف خل اكلك شي بس لا ترزلني

:-شنو

:-ما ترزلني مو

:-امم بله احجي

:-لا لا تجي و تشوف ما اكول

:-شمسويه من مصيبه

:-ما مسويه شي بس تعال

:-اي عشر دقايق و اجي

:-يله روح

:-سسدي الخط

:-اهوو ما

:-سدي بنت الحللوه رصيديي

:-اهو ييله باي

سديته و كعدت ارتب بكذلتي بس لا يرزلني اذا شافهه كعدت بلاستقبال اكلب بالتلفون ادور قصص اقراهه

سمعت باب الشارع نفتح عدلت كعدتي بسرعه خليت اديه على كصتي و رفعت كذلتي ليفوك غطيته بديه ثنينهم فات و اني اباوع على الباب كال

:-سلام

جان لازم السويج يفر بيه من شافني مسويه هيج استغرب كعد كدامي كال

:-ها شبيج

:-شوف بس سؤال

قرب مني خله ايده على كصتي كبل وخرت

:-شبيج حتى ما مصخنه اوكفي اننت شمخليه بوجهج

:-هاا شنو حلو؟

قرب مني صار مقابيلي و اني لازمه الكذله اخاف لا يشوفهه

:-شنو هاي

:-شنو

رفع اايده خلاهه على خدي و خله اصبعه الابهام على شفتي بلعت ريكي متوتره

:-شبيك؟

مسح شفتي بطرف اصبعه و باوع بيه صار بي لون من الحمره

:-هاي الاشتريتيهه البارحه هيج شغلهه؟

:-هاا

بلل شايفيه و ابتسم
:-لايكتلج

:-ها

عض على شفته الجوه و دنك مسح وجهه بيده و استغفر

:-شوف شبيك انت اشوفك لو لا

:-هو ضل شي ما شفته ورطيني اكثر ورطيني

سحب الرباط من ركبته و يمسح بيهه

:-اكلك شبيك انت خاف عصبي

:-لا مو عصبي راح اروح اسبح تردين شي

:-باوعلي

رفع راسه باوعلي كبل نزلت كذلتي  و عدلتها

:-ها شلوني

ابتسم و رفع ايده يعدل بكذلتي
:-حلوه؟

:-تخبلين

كام بسرعه راح لغرفته و اني كيفت ما عصب عليه شويه و طلع

:-نسيت الغده بالسياره راح اجيبه

:-تمام

راح شويه واجه
:-تعاي بالمطبخ

:-اي

كمت وراه حضر الصينيه و اني وياه لان تعبان

:-كعدي اليوم انت ناويه عليه

:-شمسويتلك؟

:-كولي شما مسويتلك

:-ياا شبيك صعب هو كعدت الصبح مثل كل يوم و انت ماكو و خابرتك و عادي اني دوم اخابرك و من اجيت سلمت عليك بعد شمسويه

:-يا صببر يااصبررر

:-اسكت والله ما مسويه شي

:-بعد لا تسوين هيج بروحج كوه كاض روحي

:-شمسويه شبيك

كعد بالكاع و اني كعدت مقابيله بقينه ناكل كل شوييه اكله شمسويتلك و هو بس يصيح يا صبر كملنه شلت المواعين غسلتهم و سويت جاي كاعد بلاستقبال كعدت يمه

:-اكلك

:-ها

:- خل نغسل فراش الجرابي صار هواي ما غاسليهن

:-اي و فراشات الي نفرشهم بالكاع هم يراد الهن غسل اني اوديهن بعدين

:-وين توديهن اني وياك نغسلهن

:-لا بارده

:-لا عليك الله حباب احب اغسل فراشات

:-لا

:-حححبباابببب

:-اهوو خوش

:-كمل جاي و اني راح اطلع الفراشات بره

:-هسه

:-جا شوكت معليك انت

كمت للغرفه طلعت الفراشات كلهه و البطاطين خليتهم بره و الصعب طلع فتح الشاش البيده بقى يحركهه كال

:-جيبيلي سجينه

:-شتريد تسوي

:-الميي بارد خل نسوي دافي

جبتله سجبنه و اجيت كص صوندتين بنفس الطول و كصار عدنه بساحة البيت ثنين بواري مالت مي وااحد

حار و واحد بارد شكل كل صونده ببوري و خله بيهم توصيله و شكل الصونده الجبيره و فتح نص من البارد

و نص من الحار المي دافي صار يخبل رفعت بجامتي و نزعت التشيرت الفوك بقيت بتشيرت نص ردن صاح صعب

:-و تكليلليي شممسويه استللم

:-هاا شكوو

ما حجه شي نزع التشيرت مالته بقى بالكيمونه و البجامه خليت البطانيه بطشت

:-شوف صعب انت رشلي مي و خلي زاهي و اني ادوس عليهه

:-خوش يله

بقه يرش مي كال

:-ملاذ راح اجيب وجوه المخاد كملي بين ما اجي

:-اي

مشه خطوه و تذكرت المخده مالتي اريد انطق كلمه ما كدرت نشف رجليه و فات من باب البره...

...........................

بــرق

خلصت العمليه و رجعنا لبيتنه احس نفسي مرببطه ما اكدر اسوي شي اول ايام و الاستاذه كل شوي تتصل على
امي تتطمن عليه جان لازم اروح مراجعه كل شهر

سـيف:-ها برقي شلون صرتي

:-احسس ما عايشه وياكم شوكت افتح عيوني

:-سبوع حبيبتي وراهه تفتحيهن

:-ما اتحمل

:-لا هيج ضلي مرتاحين منج

يامان:-ما حجيت اله الصدك مرتاحين منهه

سـيف:-انجب انت لا تدخل بينه

:-لا والله شنيي قابل هي بس اختك

:-اي بس اختي و روحي اشوف واحد يضوجهه بحجايه

:-برق العميه

سيف:-اكوملك؟

:-لا اتشاقه وياك حتى الشقه ما يمشي عدكم

:-اله برق

:-خوش

من بين حجينه سمعت الباب ندكت ما اشوف شي احس راح اتخبل اريد اشوف منو اجه

:-سيف منو هذا

:-عمتي زهره

:-ايع

:-اش ولج صوتج

شويه و اجاني صوتهه
:-الحمد لله على سلامتج

:-شكرا الله يسلمج

:-شنو يعني راح تشوفين لو تضلين عميه

سيف:-ضعف بنضرهه مو عميه

:-نفس الشي

برق:-ان شاء الله تنعمين علمود نشوف الضعف و العمى نفس الشي لو لا

:-كش منج هم مريضه و هم لسانج شطوله

:-شكلت غير نريد نشوف نفس الشي لو لا

:-عود جبتلج كبسة ببسي بس ما تستاهلين

:-ياا وينج بيلسان لا تموتين الببسي راح من ادينه

عمه اني جاي اتخيلج بضبط لابسه ثوبج الجوزي و متخوصره تك ايد و طكين بعلجج ما عاجبج العجب و تحجين من وره خشمج ف انت تخيليني واكفه وكفتج لان بصراحه مابيه حيل اكوم اقلدهه و اكلج مشكوره ببسيج واصل

مُهره:-يا عيني زهره تفضلي معلييج بيهه هاي تحجي وحدهه

:-ضبي لسانهه عيني مهره تره ساكته منهه لان زعطوطه

:-مو زعطوطه اني

:-سيف ما تشوف اختك لسانهه بطول النعال

:-شنو عمه شكالت ما كالت شي انت اكلتيهه و شربتيهه جايه تشوفينهه هلا بيج تفضلي بس لا تغثينهه بكلمه

:-هو انتم تستقبلون من الباب و تطردون الواحد

:-شوكت طاردينج؟ لا تتحججين و عمه اني اكلج ما دام صارت هيج ف زيارة المريض ما تطول اخذي راحتج

برق
احس اعصابي كامت ترجف بلاخص هاي من عماتي
اتنرفز منهه تذب الحجايه مثل السم

بس من راحت رجعو بيلسان و الولد يضحكون و يسولون عليه نسوني كلامهه بوكت سيف ماكو امي و بيلسان

يهتمن بيه و بوكت سيف موجود ما يخلي احد غييره يتهم بيه شلت الشاش من عيوني احس خلصت الاستاذه

ابد ما عافتني حتى اجتنه يوم للبيت بعد ما سويت العمليه رجعت اداوم و الطلاب يتحمدولي على السلامه
اجت لورا يمي مشتاقتلها

:-الحمد لله على سلامتج حبيبتي

:-الله يسلمج ها شخبار الدوام بدوني

:-والله اشتاقيتلج كل يوم اكول وينهه

:-ههه والله اني هم

:-شلون صارن عيونج

:-زينات بعد على المراجعه لازم استمر

:-ان شاء الله خير

جاي نحجي و سمعنه صوت المدير اجه لورا جانت واكفه كدامي كبل ختلت ورايه

:-ها شكو

:-شوفيي بررق  والله اخاف من المدير لا يشوفنه

:-ههههه لا حباب لا تخافين

:-لا يمعوده يخوف

راح و هي طلعت موتتني ضحك خلصت الفرصه كل وحده راحت لصفهه بس بالفرصه نلتقي

اكره هل مدرسه كل طالب بيها يذكرني بحادثه ابوي بنفس المكان الاني بي طالبات و طلاب يصيرون ولد
الي قتل ابوي

اكعد بنفس الرحله ويه اقربائه للقاتل صح مالهم ذنب بس صعبه خلص الدوام و رجعت للبيت بالطريق صار

رمي قوي احس تهسترت ردت بس اوصل للبيت ويه ما فتت كعدت بالزاويا اسد بأذننيي ما اريد اسمع شي احس

الحادثه و اني طفله كلهه صارت كدامي جسمي يرجف ما اسيطر عليه

بيلسان:-شبيج برق شبيج حبيبتي

:-خللي هذا الصوت يروووح خل يرووح

:-اههدي ماكو شي

امي تقره قرأن يمي و بيلسان حايره بيه و الولد مو بالبيت لحد ما راح الصوت احس راحت روحي

رغم جنت طفله بس الحادثه ما تروح من بالي كمت ابجي و تمي تريدني بس اسكت مو زين عليه البجي

يأثر على عيوني هل يوم جان مثل المر عليه كل ما اسد عيني اذكر الصوت و نغزه تصير بگلبي ثاني يوم ما

كدرت اداوم استمرت حياتنه طبيعي سيف يشتغل و امي تخيط و احنه ندرس كل شهر امي و سيف

ياخذوني مراجعه المؤوسسه جان حدهه ويانه للعمليه وراهه احنه تكفلنه بكلشي سيف يداوم جامعه و من

يرجع يروح للشغل بليل يرجع متأخر امي من الصبح للليل تخيط و عمامي لهذا يومنا محد دك الباب و شاف

شنو محتاجين تكلو حق ابويه و مازالو ياكلون بحقنا فلوس القطعه الي جدو سجلهه باسم امي قليله ما تكفي مصرف لدواماتنا لكن لابد يجي يوم

كل ساقََ يسقى بما سقى.....يتبع

.
.
.
.
.

.
.للحكايه بقيه

كلانا كتف للاخر♥
الوريد♪