رواية أنتقام الصفحه 27 (ترميم) الفصل الخامس عشر 15 - بقلم خـلود الـ محسن

بقلمي لــورا
°°°°°°°°°°°°°°°
انستا lorai_alrwi
°°°°°°°°°°°°°°°°°°°°°°
اشتركو ب قناة التليگرام الرابط بالوصف
°°°°°°°°°°°°°°°°°°°°°°°°°

سحب التلفون من ايدي و اني فاتحته على التعليقات كلهه تضحك و اني جافصه قراه و رفع عيونه عليه كال

الصعب:-منو هو!

:-هاا
:-هو منووو جاي اكلج

:-لا تصيح

غمض عينه و سحب نفس قوي ابتسم كال
:-يله عينني منو هو اليعترفلج

:-محد

:-اني شنو هنا!!

:-شنو

:-هيي لا تصيرين زماله تره رجلج اني ما يصير هيج تكتبين

:-لا تكول هييي و لا تغلط عليه و بعدين مو زوجي انت
عاف التلفون بدون ما يحجي كام شغل الضوه و جاب تلفونه من على الميز كعد بصفي و اني باقيه صافنه شبي هذا ضل يكلب بالتلفون شغل تسجيل صوتي من كلت موافقه سد التلفون و باوعلي كال

:-هسه عرفتي انت مرتي

:-تره اتفاق هذا لو ما امي ما اسوي

:-تبقين مرتي اتفاق لو غير اتفاق مو مهم

:-اهوو و هسه شتريد

:-ما تقرين قصص طيحو حضي بالقصص

:-اقره وياي شوف شكد حلوه

:-لا هاي العايزه ذبي التلفون و انطمري يله

:-انت جاي تصيح!

:-تشوفيني مصيح مو جاي احجي عدل

:-لا جنك جاي ترزل

:-لا عيني ست ملاذ انطمري

:-لا تكول نطمري لا اطمرك

:-نامي ست ملاذ

:-غصبا عليك ست

:-تره ليل و اريد انام وراي طلعه من الصبح شتردين طالبه عرايك باجر بعيوني هسه خل ننام

:-نام انت

:-بالحق ما انام و اخليج تتغزلين بهاي القصص مدري شنو لو شيصير شو جيبي التلفون

سحبه من ايدي و خلاه و يه تلفونه كام خلاهم على الميز و طفه الضوه كعد كال

:-يله شو تمددي و تغطي

سحبت الغطه و غطيت وجهي و ضميت اديه اني اعلمك
كال

:-ايدج

:-شبيها!

:-ملاذ بابا انطيني ايدج

:-شتسوي بيها

احجي و كاتمه ضحكتي ما احس غير سحب الغطه و راكي نفسه على المخده يباوعليي و رافع حاجبه
:-ها شكو شبيك انت

:-ليش تخليني انام بصفج مثل ذيج المره نطيني ايدج احسن

:-ادري شنوو بيهه مراد ايدي شتسوي بيها

:-معليج

رفعت ايدي اله بس ما راضيه لزمهه و عض اصبعي طفرت من مكاني فاتحه عيوني على وسعهم من الصدمه باوعلي و ضحك عاف ايدي و اني تخبلت ادفع بي و اغلط عليه

:-للليشش تتععضنني ليشش جلب انت جللبب

:-انجبي ولج لا تغلطيين

ضليت ادفع بي و هو يضحك ما يتحرك من مكانه دنكت اريد اعضه و دفعني تخبلت عليه كل ما اوصل يمه
يدفعني و يضحك مديت ايدي على شعره و سحبته قوي ضليت مجلبه بي و هو مستمر يضحك و يصيح

:-لجج شعرري خررررب يومجج ملاذ الخبله عوفيي شعري تره ادفعج

:-مااا اعوفه والله ما اعووفه ليش عضيتتنني انجللبت شبيكك

:-هسه اليعض مجلوب

:-اايي اكو غير الجلب يعض

:-جا ياهي البارحه عضتنني

كال هيج خلاني صافنه ما اعرف ارد عليه سحبت شعره بقوه

الصعب:-لاااا لجج عووفي كااففي

:-اله اعضك براسك

:-ههههههه ولجج كاافي تخبللتي شنوو

:-خليني اعضك

:-يله بس عوفي شعرريي

فلته و كعدت كدامه كتله
:-يله انطيني ايدك

:-شتسوين بيهه

:-والله اذا ما تنطيني ايدك اعضهه اعض راسك و انت بكيفك

:-ولج لا والله تعضين حيل

كمت من مكاني ارييد اعضه براسه و هو كام بسرعه شغل الضوه و ميت ضحك

:-انتت تضحك عليه

:-والله مخبله

:-معللليه انت البديت

:-وحده بوحده انت عضيتيني و اني عضيتج

:-لااااا معللليه والله اعض راسك

:-ههههه هي شني شلون تعضين راسي

:- لا تتتتضحكك لا تتتضحككك

:-صصوتج خرب بيووومج

:-يله خل اعضك

:-هي شننييي ملاذ انجبي

:-تصييح علليييهه و تغلط و تكلي مجلوبه و تعضنننيي اليوم اله اقدم بلاغ عليك اكلهم ييعنفننيي

:-مو صاحيه

:-اي و اكلهم يكلي مو صاحيه

:-شتردين

:-اعضك

:-اطلبي اي شي اسوي الج اله العضه خل تولي

:-اي شيي اي شييي

:-اي من غير وديني لامي

:-خوش لعد خل افكر بشي

:-يله

كعدت على الجربايه اريد شي كون ما يكدر يسوي علمود اعضه

:-شوف راح اكلك شي اذا ما سويته تخليني اعضك

:-تامرين

:-هسه بيش الساعه

باوع للساعه كال
:-ب 2 و نص

:-اي هسه تاخذني تشتري دراجه و تفتر بيه بالشارع

:-تخبلتي اكيد بيج شي !!

:-لا انت كلت اي شي

:-بس مو هيج

اني من صدك عاجبني واحد يصعدني بدراجه و يفرني حلمي اصعد و الهوى يضرب بوجهيي اعتبره واحد من احلامي

:-معليه جا اعض راسك

:-ويين اكو دراجه هسه منو يبيع

:-مشكلتك اعضك

:-عضيني

:-مااااا طلعني

:-ليل ملاذ ليييل

:-مشكلتك

عافني و رجع لمكانه تمدد رحت كعدت بصفه و تربعت ادغ على راسه

:-كوم صعب كوم

:-ارد انام

:-ما اخليك

:-اهووو ملاااذ وين اكو دراجه بنص الليل و بعدين لو تموتين وين اطلعج كدام العالم نامي خلي سوالف الزعاطيط تولي

:-والله هسه ابجي

:-ابجي شسويلج

:-راح ااابجي صععب و ما اسكت لو تموتت

:-اريد انام

:-نام و اني راح ابجي

:-ابجي يله

ضليت صافنه اذكر مواقف حزينه ماكو افكر بأمي اريد بس ابجي ما تأثرت ابد حتى تذكرت ابوي من مات و اني دوم من يجي ببالي كبل ابجي اليوم ابد يكلك دموعي مساندات صعب هل مره ما يرضن ينزلن كل الطرق طلعت فاشله

:-اكلك

ما يرد عليه مسوي روحه نايم
:-اكلك شنو انت نمت اكعد بس خل اكلك شي وعلي كاعد ديلا كوم لا اعض راسك اخليك سبوع ما تكدر تنام

:-شتردين

:-شو ما اكدر ابجي

:-جا نامي

:-لا مااا انام راح اخذ تلفوني

:-اطيح حضج

:-جاا اكعد هي شنووو صعب انت ضحكت عليه لا سويتلي الاريده و لا عضيتك وعليي انت حقير

:-باجر عضيني

:-لا ما اريد اعضك فرني بالدراجه

:-ناااممميي

كال هيج و سحبني على المخده رفع نفسه و سحب الغطه غطه حتى وجهي و لزم اييدي سحبت الغطه لازمه ما يخليني اشوف شي

:-اختنكتتت ولكك شبيك اليوم مجلوب

:-ولج ملاذ والله انعس هسه اني ابتليت نمت هنا

:-روح نام بغرفتك يله

فلت ايدي و شال الغطه مني رفعت راسي باوعتله لكيته متمدد و رافع راسه يباوعلي حط ايده جوه راسه ثبتهه عاض شفته
كال
:-انت تضوجين من انام هنا احجي الصدك

:-لا تعودت عليك ما اكدر انام اذا ما تجي لا مو تعودت عليك اخاف من الجني و انت تحميني

:-اممم زين خل نسوي شي شتكولين

:-شنوو

:-اني اروح انام بغرفتي و انت ابقي هنا نشوف ياهو بينه ما يكدر ينام بدون الثاني و الي ما يكدر يروح ينام بغرفه الثاني هاا شكلتتي

كعدت بسرعه عجبتني الفكره كتله
:-اااايي بس هم اعض راسك

:-شقفلتي براسي والله اريده

:-ميخالف بس اعضك

:-خووش خووششش باجر عضي بس هسه شكلتي

:-اي موافقه يله ولي

كام و جر اذني بسرعه شلت المخده ركعتهه بي طلع يضحك اخذ تلفوناتنه وياه

كتله
:-عوف تلفوننيي يجوز اريد ادزلك شي يجوز انت تخاف و تريد مني شي

:-شتردين مثلا اذا مكدرتي تنامين تعالي يمي للغرفه

:-اكدر تره انت الي ما تكدر

:-امم نشوف يله

طلع و سد الباب وراه شلت المخده و الغطه صعدت على الجربايه ما اكدر انام و هو اخذ التلفون بقيت اتكلب

شويه و سمعت صوت مثل الشي الي ركع على الكاع بس مو بغرفتي رجع الصوت مثل قبل شوي احس بالممر الصوت عبالك دعبل ديوكع بالكاع طبطبه و شويه و تروح
لفيت روحي بالبطانيه

-يمكن اتخيل ماكو شي يله نامي ملاذ لا تتخيلينن هاي لان راح ابو صماخ ضليت اتخيل كلبت نفسي على الجهه الثانيه ما اريد اسمع شي تخيلت الجني راح يجيني من الباب رجعت درت نفسي على الباب رجع الصوت نفسه

مديت ايدي متعوده اخلي التلفون فوك راسي تذكرت صعب اخذه رجعت بسرعه غطيت روحي مطلعه بس عيوني و خشمي

شويه و فات ضوه للغرفه من جوه الباب كلت يجوز واحد من الولد شغل الضوه بس شفته يتحرك ساعه يروح هيج و ساعه يجي هيج صحت بصوت ناصي

:-صععب

مايرد عليه يمكن نام اباوع جوه الباب اختفه الضوه و اختفى الصوت نزلت من الجربايه بسرعه اتلفت ورايه

وصلت للباب بروح الطالعه فتحته على كيف باوعت للممر ضلمه و غرفه صعب باوعتلهه من جوه همات

ضلمهه احس روحي راحت لعد هذا الصوت منين اجه اكيد جني ماكو غير هل شي صحت

:-صصععببب شنو ناايمم

يمكن نايم لان ماكو صوت طلعت ركض من غرفتي فتحت باب غرفة صعب و سديتهه ورايه بقيت اتلمس بالحايط ادور على النقطه اذا هو حتى البرده سادهه مخلي غرفته هندس بلكوه لكيت النقطه شغلت الكلوب و باوعتله مغطي روحه و نايم

:-صصععبب اكعدد

وصلت يمه ادغ بي اريده يكعد

:-اككعددد اجانه الجننيي اكعددد

فتح عيونه باوعلي كال
:-ها شتردين

:-نمت انت

:-اي نمت هسسه شتردين انعس روحي باجر نحجي

:-تعال نام يمي اجاني الجني بس رحت

:-يا جني روحي نامي

:-ماااا صعب انت ما سمعت صوت بس اكعد خل احجيلك فدوه

كعد يطك بركبته و يفرك عيونه كال
:-شنو!

كعدت كدامه و اتلفت بالغرفه رفعت رجليه على الجربايه خاف الجني يسحبهن

:-شوف انت مو رحت

:-اممم

:-اي شوف والله اني رحت اريد انام على الجربايه و الجني ضل يطلع صوت و حتى شغل ضوه من جوه الباب صعب البيت بي جني يلحك بيه فدوه تعالل يمي

:-جا ما اجاني

:-ما ادري هو اجه يممي حباب تعال ارجع نام يمي انت ما سمعت شي

:-لا ماكو متوهمه

:-لااا صعععب حتى ردت اراسلك و تذكرت انت ماخذ تلفوني شوف بسس اسمع يمكن الجني جان يلعب دعبل

:-ههههه لا وين اكوو جني يلعب دعبل

:-لا فدوهه بس تعال نام يمي

:-احنه شأتفقنه

:-شووف خل يولي اني ما اريد اتفق على شي

:-لا ماكو اتفقنه و اني ما احب اخسر بأتفاق بس اجي انام يمج تعتبرين فايزه عليه

:-جا هسه شسويي حباب تعال

:-تعالي انت نامي هنا

:-لا شبيكك تعال يمي

:-ما اجي يله روحي نامي تصبحين على خير

كال هيج و سحب الغطه يريد ينام لززمت الغطه
:-ششووف راح اعععضك ترره اكلكك جنني ببيتكك انت ما تخاافف

:-انعس ملاذ

:-جا باوع

:-شنو

:-خل ننزل ننام بالكاع

:-لا غرفتي ما مفروشه ننام هنا فوك

:-نجيب فراش من غرفتي

:-غير بيهه جني

:-اي تعال انت وياي و هو ما راح يجي هو يجي من انت ماكو

:-لا انعس روحي راح انام

تمدد و غطه نفسه و اني كاعده يمه باوعت للباب و رجعت بسرعه باوعتله خاف اشوف شي كورت ايدي و ضربته على بطنه فز و باوعلي كال

:-ووللج مخبلله اكلج انععسس اننعي ارد اناام

:-و اني اخاف

:-تعاي ناميي

:-زين شووف

:-شنو!

:-روح نام من ذيج الجهه و اني منا علمود الجني من يجي يوصلك اسرع و اني الحك اشرد

:-يعني تضحين بيه

:-جا ان شاء الله تريد الجني ياخذنني

:-ههههه يله يابه يله تعاي نامي

ابتعد من يمي راح للجهه الثانيه و اني نمت بمكانه كال

:-ننام على مخده وحده!

:-لااااا

:-بكيفج يابه

ضليت اباوعله منطيني ضهره كتله
:-شووف باوع عليه

دار نفسه عليه كال
:-هاا!

:-اي ابقى هيج نايم علمود ما اخاف

غمض عيونه و اني بس اتلفت ما اكدر انام خايفه شو هذا يريد ينام بدون ما يلزم ايديي

:-صصعب

:-هممم و لجج ما انام شلوون

:-شبيك سولف وياي لمن انام

:-شسولف

:-شسمه باوع

:-هاا

:-شنو كمت تكدر تنام بدون ما تلزم ايدي

جان مغمض و يحجي من كتله هيج فتح عيونه يباوعلي و مبتسم كال

:-لا ما اكدر بس انت ما تنطينهه

قربت ايدي منه كتله
:-الزمهه

لزمهه كال
:-ليش ايدج بارده!

:-من اخاف جسمي يبرد

:-انت صدك خايفه

:-اي والله شبيك عبالك اجذب صدك اجه الجني بس انت ما شفته

:-نامي لا تفكرين

:-اخاف

كعد بدون ما يرد عليه شال مخدته و خلاهه بالكاع قرب مني نام على مخدتي

:-ارجع لمكانكك

:-بس انومج و ارجع

:-ما اثق بيك

:-لا وعيونج بس علمود ما تخافيين

:-زين باوع اني راح اباوع وراك و انت باوع وراي اول ما يجي الجني ثنينه نطفر

:-هههه حاضر

:-غطينني احس راح اثلج

سحب الغطه عليه وجهه بصف وجهي ابتسم و لزم ايدي باسهه و خلاهه على صدره و خله ايده فوكهه كال

:-لا تفكرين بشي نامي و اني راح اضل كاعد لما تنامين

:-من انام ارجع المكانك اطيح حضك اذا تبقى

:-امم يله نامي

غمضت عيني اريد انام بس ما اكدر

:-النومه ما تجييني شسووي

ما حجه شي فتحت عيوني عبالي نام شفته يباوع عليه اول ما فتحت عيني باس راسي و وخر شعري من على وجهي رفع ايده حاوطني بيهه فتحت عيني مصدومه

:-وخرر لا تستغل خوففي

:-ما مستغلج اريد احميج

:-صععبب بديننه تره ميصير

:-شنو الميصير!

بلعت ريكي حجيت متوتره
:-حرام

:-مرتي مو حرام و اذا عبالج جاي استغلج لا ما استغلج جنت اككدر من اول يوم اكلج انت مرتي و استغلج بس ما افكر هيج تره اخاف على روحج اكثر منج

:-شوف تره اني لو ما خايفه جان طيحت حضك بس اني متأكده اكو جني

:-خوش يله نامي اني يمج اذا يجي الجني اطرده

:-يعني انت شفته!

:-لا انت مو تكولين من اجي اني هو ماكو

:-ايي

:-يعني نامي ما اعوفج لا تخافين

:-زين خل نحجي لمن انعس اني

:-يله احجي

:-جا مو انت عندك دوام شلون بيك

:-ما عليج بيه احجي

:-اممم زيين باوع بس خل اسألك شي

:-امم اسألي التردينه

:-شهاب شيقربلك و هيج مخلي يعيش ويانه و تثق بي

بسرعه رد عليه بدون ما يتردد
:-ابن عمي

رفعت راسسي اله مصدومه بلعت ريكي و حجيت بخوف

:-ززيين هو انت عندك عمام!

:-امم ثلاثه

:-هاا زين وينهم اشو بس شهاب

:-ما اتواصل وياهم بس شهاب

:-زين و ابو شهاب

:-اي هم اتواصل وياه علاقتي قويه بيه كلش

:-ها زين شوف و الباقين

:-شبيهم

:-تتواصل وياهم !!

:-ليش تسألين عليهم شعندج وياهم

:-ها مو اني خايفه و جاي ادور سالفه التهي بيهه

:-هممم

:-اي ما كتلي و الباقين

:-ما احبهم و لا يعرفوني

:-صدك!

:-نامي

:-ليش ما تحبهم

:-ملاذ نامي عيوني انتِ

:-شبيك

:-ما بيه نامي

رفع ايده يمسد على شعري حسيت جسمه صار حار و يتنفس بقوه بقيت مغمضه كتله

:-انت نايم

ما رد عليه و شال ايده مني باوعتله كبل كعد شغل التيبلام و اخذ حبوب من الميز شرب وحده ثبت اديه على الجربايه و رفع راسه ليفوك يحرك بي كعدت لزمت ايده ما باوعلي

:-صعب ليش تشربهن

:-علاج والله من الي انطانيه الدكتور

:-ليش شربته هسه

:-هو وقت الحاجه

:-ليش اني سويت شي صعب ذكرتك بشي

هز راسه بمعنى لا و رجع دنك للكاع و خله وجهه بين اديه يحركهم على كيف يمه بطل مالت مي سسحبه و شرب منه انتبهت لايده ترجف

يمكن تذكر الحادثه الصارت وياه و سببتله هل رهاب ليش اني شنو الي حجيته و خلاه يتذكر بقيت كاعده اباوعله بدون ما احجي و هو جان بأتم هدوئه

-معقوله سبب الرهاب اعمامه بس هو كال ما يعرفوني شلون ما يعرفوه زين هو يعرف بالسووا اعمامه

معقوله ابو شهاب اله ايد و صعب ما يدري لو شهاب يطلع يعرف بهل شي و ضامين على صعب مستحيلل شهاب مو هيج

بقى بالربع ساعه على هل وضع رجع باوعلي و ابتسم وجهه تعبان و حلكه يصير ابيض من تجي هل حاله كال

:-ما نمتي

:-تعال نام

قرب يمي و تمدد سحبني ييمه و لف ايده على خصري قربني عليه و شال ايدي خلاهه على گلبه يدك سريع

:-صعب ليش نبضك سريع

:-نبضاتنه سوه هنا

:-شنو!

ابتسم و غمض عينه كال
:-نامي يله لا يجيج الجني

سحبت رجليه و نزلت راسي ليجوه قربت منه و غمضت عينوني باس راسي و ضل يحرك بأبهامه على ضهري

:-صعـب

:-هممم

:-لا تحرك اصبعك

:-اشش نامي

:-صععبببب

:-هممم

:لا تحرك اصبعك لا ادفرك انت و الجني خوش

:-اممم نامميي

:-باوع نفسك عالللي

:-و بععد

:-شنوو و بعد نفسك عالي و اصبعك لا تحركه ضوجتني و گلبك خل يدك على كيف شنو سباق بگلبك! و

قطع كلامي كال
:-راح تموتيني كافي

:-موت يله خل انام براحه

:-ههه عادي اموت ما تهتمين

:-لا اضوج عليك و شسمه لا تموت اني ويين اروح
اعمامي يكتلوني

:-اممم

:-و انت عندك عادي تموت

:-اذا بهاي اللحضه لو يخلوني بالنار هم عادي

:-يا ليش

:-ناممي يا عيوني والله نعست و هستوني ارتاحيت خل ننام

:-اي اني هم نعست شوف باجر اعضك لان هسه بردانه و خايفه و نعست و انت مالك خلك

:-تصبحين على خير

:-اصبعك راح اكسره

:-ههه حاضر

-غمضت عيوني ما ادري بروحي من نمت

مكان غريب و بس اني بي و مره لابسه ابيض تباوعلي و مبتسمه قربت مني و لزمت اديه بس ما اكدر اشوف شكلهه احسهه مثل الشي المغوش كالت

:-ديري بالج لا تخلينيه يضيع

:-منو هوو

:-ضلي يمه لا ترحين

:-منوو هوو منووو

عافتني و راحت كمت وراهه ارييد اسألهه طحت بالكاع باوعت على رجلي مزنجله رجعت اباوعلهه و اصيح
منو انتت و هي مشت بسرعه و بدت تختفي بنص مكان مثل الغيم ردت افتح رجلي و اروحلهه بس ما كدرت

فتحت عيونيي خايفه شفت صعب حاضني و نايم و ايده جوه راسي ضامني بنص صدره باوعت للساعه بلكوه

مبينه بس ضوه التيملام بالغرفه ب 4 ما صار هواي من نمنه ليش هيج تجيني احلام منو هاي المره شنو معنى هل حلم

سحبت روحي شويه من يم صعب باوعت على وجهه غاط بنومته خليت ايدي على خده و احرك بأبهامي على وجهه جريت نفس و زفرته

:-يارب ما يصير الك شي ان شاء الله هل حلم مو عليك ما ادري شتريد تسوي يا صعب ما ادري

بس ياريت ما تضيع روحك رفعت ايدي لشعره العب بي نوب نزلته على اذنه احرك بيدي بدون ما انتبه اله مركزه عيوني بمعانيه

-صعب اكيد يشبهه لابوه لان صعب كال امه شكره شكلهه مسيحي بحت بس صعب ابد ابد مو يم المسيح كلش

يشبه الجنوب مرات اشوف اكو شبهه بينه و بين شهاب بس يمكن اني غلطانه لان عرفت بي ابن عمه تخيلته

يشبهه حسيته تنحس حرك راسه لان احرك ايدي عليه رفع ايده مسح اذنه كال و هو مغمض

:-و هسه شبعتي نامي

فتحت عيني مصدومه
:-انتت ششكعدك

:-عبالي الجني صعدت عنده الرومنسيه و كعد يتلمس بيه بعدين عرفت هاي ايدج

:-ههه انجب يله

رفع ايده لزم ايدي يتلمس بأطرافهه كال
:-مو جن اضافرج طولانه

:-نام نامم
رجع ايده لفاهه على خصري و نمنه

كعدت باوعت على صعب بعده نايم رفعت راسي على ساعه ب 11
-عزاا هاي شكد نايمين

صعب محاوطني بين اديه حتلو الجني يجي ما يشوفني رفعت ايدي دغيته بخاصرته

:-كووم لك كووممم الحك شوف الساعه

فتح عينه متململ كال
:-شكووو

:-لك ب 11 اكعدد

:-انعس انععسس

:-اهوو كوممم احس جسمي تكسر كوممم

:-ماااا خليني هيج مرتاح

:-لك انجبب كوم صاير مستهترر

:-لج ادبسزز راح اطيح حضج صايره هواي تتجاوزين

:-ما متجاوزه يله وخر

رفع ايده مني و اني كعدت دار وجهه على الجهه الثانيه و سحب الغطه عليه

:-هي شنو شو اكععدد ما شبعت نوم

:-لااا وين اشبع وياج اذا الليل كله تتلمسين بيه

ضربته على جتقه و هو كام يضحك كعد يتمغط شال التشيرت من على الميز الي بصفه و لبسه

:-عزاااا لككك

باوعلي مستغرب و اني خازرته كال
:-ها شكوو شبيج

:-ششوكت نزعتت تشيرتكك

:-شنو نزعتهه من اول ما اجيتي لللغرفه

:-لا تجذببب جنت لابسهه لككك شون تنام يمميي بدون تشييرتت

:-تخنكنني ما اكدر انام

:-جذاااببب والله اطيح حضكك

:-جا انه هم اطيح حضج مو كعدتيني بالليل تتلمسين بيه
قربت منه ضربته على جتفه ادفع بي من الجربايه

:-كوم جلب حقيررر شوكت تلمستت

:-مو بس تلمستتي و ما كدرتي تنامين بدوني متعوده على انفاسي

:-وووللي والله لو ما الصوت السمعته و لا اجي و بعدين شنو انت دبة اوكسجين متعوده على انفااسكك شوف وحق الله تره اهبدك على راسك انسيك اسمك

:-ههههه ام الجناونه

:-اننجبب و انت شعندك باقي يمي اليوم ماكو جريمه تولي تسويهه شهاب احسنن منك ما يضوجني

:-غير انت ما تخليني انام بالليل ما كدرت اروح اليوم تعبان

:-كوم سويلي ريوك جوعانه

:-اني احضر الصينيه و كلشي و انت بس سوي الجاي

:-لا معليه انت تسوي الجاي و الباقي عليه

:-شوفيي والله ذيج الجداحه خلصانه بس بيهه اكدر اشغل الطباخ لان طويله هذن صغار ماكدر

:-حاول

:-ما اكدر

:-شنو الي ما تكدرله

متعمده احجي هيج اريده يتعود يحجي بالنار لان علاج الفوبيا يبدي من التعويد على موضوع مخاوفه

:-ملاذ تعرفين ما اكدر اشغل الطباخ

:-ليش !

:-تعرفين

:-شنو ! شأعرف

:-مرريض ملااذذ ما اكدر اباوع

:-على شنو تباوع

:-نننارر ناررر ما اكددرر

طول ما نحجي هو متوتر و يبلع بريكه
:-يله شبيك اني اسوي

:-لا كومي نتريك بره

:-لا ما اريد

كمت و هو بقى واكف بمكانه ردت اغير اله جو فتحت كنتوره اخذت منه تشيرت شتائي كال
:-هاا

:-اريد البسه من اسبح

:-خل نجيبلج ملابس اليوم

:-لا عندي بس احب ملابسك اخذته و طلعت خليته بلاستقبال شهاب طالع و منضف الاستقبال

سويت ريوك و صعب اجه يمي يحضر بالصينيه كتله

:-شوقت موعدك الثاني ويه الدكتور

:-مو كلت خل يولي ما اروحله

:-مو هي بكيفك والله اسحلك من اذنك

:-هههه باجر يابا

:-اي خوش خل افكر بشي اقهر بي برطومه

:-هههه مو صاحيه

:-اكلك صعب

:-كولي

:-اني ليش دا احلم احلام غريبه

:-شنو مثلا!

:-ناس ماعرفهم و يوصوني على ناس ماعرفهم

:-يعني شنو

:-احس امك توصيني عليك

عفت البيدي و باوعتله و هو هم باوعلي كال
:-شتوصيج !

:-ما ادري بس تعرف صعب الاهل يحسون بابناهم حتلو ما جانو ويانه بهل دنيا سواء جانو ميتين او مبتعدين او اي شي

مهما يكون الشي الي راح احجي الك ياريت تتقبله مني بددون ما تعصب

:-شنو !

:-شوف ما اعرف انت ليش هيج كاتب بهذيج الغرفه ليش كاتب انتقام و لون احمر و شنو الاشياء البيهه ماعرف
بس اكيد بنيتك شي تحفظك على الغرفه و خوفك من انو اوصللها ثبتلي انت وراك شي اكبر من الجن اذا جنت مفكره انو هل غرفه مسكونه ف اني غلطانه

:-ما بيهه ششي

:-لا بيها الي اجاني بالحلم سواء امك او غيرهه وصتني و اني متأكده وصتني بيك خايفه عليك من الضياع لا تضيع روحك صعب بعدنه ببدايه الطريق

:-ما ضايع لا تفكرين ماكو شي

:-براحتك

شلت القوري و خليته بالصينيه و هو محضر الباقي خلاهم بالكاع و كعدنه ناكل ساكتين

:-انت زعلت!

:-لا يا عيني عليمن ازعل

:-عبالي زعلت كلت ما ارضيك مو تفرح عبالك ارضيك

:-صاروخ

:-ما احب هاي الكلمه

:-جماره

:-منو هاي خاف ام براطم هيج اسمهه

:-لا انت جماره

:-لا تطلعلي اسماء غير اسمي

:-امم حاضر

كملنه و هو غسل المواعين فتت سبحت و لبست التشيرت مالته ضعت بي بس يدفي جبت الكتاب و كععدت بلاستقبال هو بغرفته صحت عليه

:-يلهه صععبب تعال

:-جااي

:-اببو الهيلل

:-دنجبي

شويه و اجه كال

:-انت تقرين اليوم

:-يله بس تعال اكعد

............................
عودة الى الماضي
الصفحه الخامسه عشر
رُفيـده

-درت وجهي على باب الشارع و شفت عابس فات لحيته طولانه و شكلله متغير لابس اسود و لاف شماغ على
ركبته تقدم علينه و اني الضحكه ملت وجهي

شحال روح لو شافته هسه خله اصبعه على حلكه بمعنى اسكتي و اني دنكت اباوع لروح الصافنه على ايدهه و الحلقه بيهه

باوعتله وصل يمنه و راح كعد من جهة روح الثانيه رفعت راسهه باوعتله و فزت لزمت ايدي بقوه باوعتلي كالت

:-رُفييدهه اننيي جااي اتخيلل

:-شبيج

:-هذاا عااابسس يطلع بخياللييي خل يروح

ضحكت بصوت عالي كتلهه
:-لا ما تتخيلين صدك اجه

هو ضحك و لزم ايدهه سحبت روحهه منه منتفضه كالتله
:-روووح مناا ما اريدك هسهه ذكررتنني روووحح

:-اشش شبيج روحي اجيتج ما اعوفج والله

:-لا تحلفف ما اريددك هم حلفتلي من قبل و شصاارر بجيتنيي دم بدل الدمع ما اريدك عابس ما اريدك

رفع ايده يهدي بيهه و هي مجلبه بي من الصدمه ما عرفت شنو تتصرف

:-روح عابس ليش هيج تسووين والله ما كدرت اعوف امي و هي بوضعهه هذا نكسرت امي و ممحد الها ما كدرت اعوفهه

:-و اني عاابس و انننييي ما كلت شلون بيهه مخاببره ما كلفت روحك تخابرني

:-حگج عليه و عيونج

:- هسه تذكرتني!!

:-ليش انه ناسيج حتى اذكرج

باوعت عليه كالت

:-رُفييدهه كليللهه خل يرووحح ما اريد يكسرني مرة لثانيه مووو انت تدررين شصار بيه خل يرووح

:-كافي اسمعي منه

:-بس احجي وياج روحايه و عيونج گلبي طاك على لمسة ايدج تعبان جاي ارتاح بنضرة عيونج

عفتهم و كمت امي فاتت قبلي بقيت جوه مر هوايه وقت و فاتت روح مبتسمه كالت

:-لبسي عابس راح يفوت

ضحكت و خليت شالي على شعري فاتت و فات عابس وياهه يضحكون ثنينهم و لا جنها قبل شوي گلبت علينا
الدنياا

كعدناا نسولف و كمنه سوينه الغده سوه من يجينه عابس ابد ما نتقيد بالعكس هو يكوم يسوي ويانه خلينا الاكل بالحديقه و طلعنا بره اني و امي كاعدين و روح و عابس كدامنا

عابــس::-ام رُفيده اذا ما تصير زحمه عليكم انه قررت بس يطلع ابوي الاربعين نزوج انه و روح بدون عرس و طبطبه و روح موافقه بهل شي انت شتكولين

:-يمه بكيفكم التردونه يصير و كل ما استعجلتوو احسن الكم عاد تجيبولنه طفل نشوف انتاجكم

:-ههههه هنيالي اشوف اطفالي و من روح بعد شأريد من الله

:-يمه دير بالك عليهه تراهه ترفه هل روح لا تأذيهه

:-بوسط روحي شلون أذيهه ابعدها من الدنيا كلهه علمود ما تتأذه

:-الله يحفظكم بس روح بنتي و مثل ما وصيت على رُفيده لازم اوصي على روح انه خايفه عليهه من اهلك بصراحه

:-ليش احد حاجاكم!

:-تريد الصدك يمه ببدايه موتت والدك الله يرحمه خابرتنه بنيه تتهدد علينه و هددت روح اذا تزوجتك ياذونهه اني خايفه على روح من اهلك

:-طول ما انه عايش محد يوصللها روح بروحي اله اموت ذيج الساعه خافي عليهه

:-الله يطول بأعماركم

كملنه اكل و عابس ضل يمنه يوم كامل و روح مكيفه كل شويه و اجت يمي كالت

:-بااسسننيي و كال طعمج مثل الكيكه

:-يضحك عليج ههههههه

:-لا ولي تغارين لان احمد ما كايلج هيج

:-ههههه اي والله خيه احمد مسويهه صحراء و لا يتغزل

:-ههه صدك شوكت تسوون طفل

:-اكلج احس بروحي حامل

:-صصددككك

:-والله متأخره عليه و هل ايام احس روحي مبهوته

:-صددكك ييعننيي راح اصيير خاللله

:-اي و اخلي بنتج تزوج ابني غصبا عليهه

:-هه لا يا خاينه ما انتضرتينني نخخلف سوه

:-هسه بس تزوجون انت و عابس كبل تحبليين هههه

:-الله اكلج جيبي بنيه و اني ولد علمود نزوجهمم

:-لااا اني اجيب ولد علمود اشلع كلب بنتج

:-يمهه والله اخلي بنتي تشلع گلب ابنج اخليج تندمين جننتيهه

:-هه لا والله هنيالي اذا ابنج لو بنتج ياخذون مني ياريت بنتج تطلع بجمالج

:-اي عود نريد ابنج مو حلو علمود لا يشوف روحه على بنتي

:-هههه لا ما يشوفهه

ضلينه نحجي متونسين

كملنه المطبخ و طلعنا سوه امي و عابس كاعدين يحجون على زواجهم و عابس يكول اخوه يجي بيوم العرس لان باقي اهله ما راضين اهل عابس كلهم يحجون عليه و يلومون بي بس هو رغم هل شي كله وكف ضد ناسه و اهله بس علمود ياخذ روحه

.....................
مـــــلاذ

سديت الكتابه مبتسمه فرحت لان عابس رجع اخر مره قرينه گلبي ضل يم خاله روح عبالي عمو عابس ما راح يرجع باوعت على صعب اضحك كتله

:-شووف امي و امك يتعاركن علينه

:-ههه اي شفتي شلون رُفيده تريد تجييب ولد و تخلي امي تجيب بنيه جا هسه بلعكس اني شارد من عمامي يمج

:-هههههه اي و اني اشوف روحي عليك

:-هو انت عايزج بس شارب و تسيطرين علينه تصيرين ابو البيت

:-ياااا وين لاكي بأنوثتي

:-لا وين اكو بأنوثتج كله تلبسين ملابسي اكبر من حجمج بألف مره و تغلطين و كاصه شعفاتج بعد وين الانوثثه ما تكليلي

:-شوفف معليك تغار من جمالي انت

:-اي اغار

:-اسكت الاجلح انت مو امك مسيحيه و حلوه شحالك طلعت اجلح

:-غير تسكت الشكره

:-اهوو نجب

سحب خشمي بقوه و اني طلعت لساني عليه مترين

كام يسبح و اني فتت للغرفه العب بالتلفون لو اراسل برق و نحجي كلشي لبعض للعصر اجه شهاب تغدينه سوه

شهــاب:-عليج الله اليوم ما افتقدتيني

:-لا والله ما افتقدتك

:-هههه جا شكد جلبه

:-هههه لا بس ماكو واحد يتعارك وياي صعب بسرعه يسكت لو يرزلني انت تضل مستمرر

:-تعلمت منج

:-اكلك
:-هاا

:-انت ما تحس اذنك مشنتره!

لزم اذنه يكلب بيهه و صعب ميت من الضحك كال
:-اي صح ملاذ اني هم اشوفهه مشنتره

:-انجبوووو شنو مشنتره نوب وعلي احلى منكم

شغل تلفونه على الكامره يباوع بأذنه و يكول
:-لا شنو ما بيهه شيي غلطانين

رفع رساه كال
:-عليج ابو حزامين صدك اذني بيهه شي

:-هههه لا ما بيهه شي

:-جلبه ام حاجب النايم

:-ابو اذن المشنتره

صعب بس يضحك باوعله شهاب كاله
:-ومررضض سكتهه حاجبك يكلك جنائن مععلقه

:-هههه انت وين شايف الجنائن

:-شمدريني هي اسمهه جنائن معلقه و حاجبك معلك مثلهه
...
طلعنا بره صبيتلهم جاي و شهاب اله ضوكنياه يله شرب صارت بي خوفه وراهه كعدو على صفحه يحجون على الشغل و اني كلشي ما سمعت منهم

لليل صعب كال
:-ملاذ كومي بدلي

:-شكوو

:-كوومي بسررعه

كمت بدلت ما ادري شنو السالفه طلعنه سوه و من اسئله وين رايحين ما يجاوب مشه مو هوايه و وكفنه بمكان
فارغ محد بي حتي بيوت ماكوو فارغ تماما احس
البروده بي اكثر كتله

:-شنسوي هنا

نزل و فتحلي الباب كال
:-نزلي

:-شكوو صعبب شنسوي هناا

:-دنزلي

نزلت متوتره شعنده جايبنه لهيج مكان و بهيج وقت

:-صععب بس احجي شعدنه هنا تره باردده و المكان فارغ شنو انت تريد تكتلني

ضحك و طلع مسدس خلاه بملابسه من وره من صدك بلعت العافيه شال تلفونه خابر على شهاب كاله
:-ها اشهب وين صرت...خوش منتضريك

:-احجي صعب تره صدك خفت!

رفع راسه و ابتسم اجه شهاب درت وجهي خايفه بس احنه الثلاثه بهل مكان.................

..........
بـــرق

:-ننتضر نتيجته لليوم الي طلعت بي النتائج
واكفين خايفين و هو يبحث عنهه و كلنا واكفين
امي كاعده بصفه منا

و بيلسان ببالجهه الثانيه و اني كاعده كدامه يامان و اريان فوك راسه كلنه عيونه تتحرك ويه حركة ايده كال

:-اووكفووو اوككفوو حمملتتت حمللت

يمشي بالشاشه يشوف بدرجاته و صاح
:-نننناججحححح وعللي نااجحح

كلنه طفرنه فرحانين و امي ضمته بحضنهه تبوس بي
و هو يبوس براسهه الولد يرگصون و بيلسان تطش جكليت

ضلينه نحضن بيه و هو مكيف يمسح دموعه و تنزل و امي بقت تهلهل صورة ابوي معلكه كدامنه عافنه و تقدم وكف كدامهه كال

:-ابنك نجح سيف ايوب نجح اوعدك ما راح اقصر من امي و اخواني اوعدك

خلانه كلنا نببجي على كلامه رجع يبوس بينه جان من احلى ايام حياتنه امي سوت ثواب لوجهه الله و عمامي

محد كلف روحه و بارك لسيف حتى ما سألو بس اكييد درو بي ناجح ايام عبرت و تعدينه مرحلة نجاح سيف

بس ما تعدينه الفرحه امي من كد فرحتهه كل يوم تحجي بي حقهه

اول تعبهه بده يثمر

سيف صار عنده شغل و راح لاحد مناطق الكوت و كال لامي يرجع بالليل متعودين عليه لان يشتغل هل ايام

عادي يروح غير مناطق كاعدين اني و بيلسان ناكل بليل نسهر لان عطله و يامان و اريان يباوعون على التلفزيون

و امي تخيط عد امي تلفون مخليه بي رقم سيف و ارقام النسوان اليي يخيطن عدهه اتصل تلفونهه و امي ملتهيه تخيط كمت سحبته من فوك الثلاجه شفت
المتصل سيف

كلت لامي
:-يمه هذا سيف

:-اي يمه ردي عليه يجوز اجه و ما متعشي

فتحت الخط و اجاني صوت غريب مو صوت سيف كال
:-السلام عليكم

من سمعته صوت واحد غريب احس اطرافي جمدت ققربت لامي و خليت التلفون على اذذنهه بدون ما احجي شي كالت

:-وعليكم السلام....

كامت من مكانهه خايفه كالت
:-منوو انت سيف وينن!!!

خليت اذني على التلفون اسمع ويه امي كالهه

:-ابنج بالمستشفى★★★★ سوه حادث بس مو خطير
هو كال هيج و اني ما كدرت الزم التلفون

احس روحي انبهتت و التلفون وكع من ايدي امي كامت ندك و تلطم و بيلسان تهز بيه تريد تفهم شكوو

و اني بس اصيح بأسم سيف طفرت امي تكلب بالغراض طلعت عبايتهه و راح وياهه يامان راحت على اعمامي و احنه ضلينه ما قبلت يجي واحد من عدنه

بيــلسان:-ببررقق فددوه احجي سيف بي شيي

:-مسووي حادث ولجج سيففف مسوي حاادثث اذا صار اله شي اكتل روحي

ضلينه اليل كله كاعدين اني و بيلسان و اريان محد اجه علينه من عمامي و اريان كاعد ما يخلينه و ينام يخاف

علينه مدري شلون اخذتنه الغفوه كعدنه من الصبح و هم ماكو خبر اجت عمتي تطلكت قبل فتره و شايله عرامة الدنيا كلهه وكفت بباب الغرفه كالت

:-شبعانات نوم الخاتونات و اخوهن بين الحياه و الموت

بيلسان كعدت بزاوية الغرفه تبجي بصمت
بيلسان من نوع هادئه ما تراداد واحد و اريان راح يجب ريوك كتلهه

:-نمنه كعدنه متنه عشنه شعليج انتِ امنه ابونه !

:-شوف لسانهه نفس الوالده ماكو فرق موتن ابوجن و هسه افتريتن على اخوجن كش مو نسوان

:-كش بوجهجج طلعي بره والله لو ما اخت ابوي خوش اسمعج كلام خليني محترمتج و يله مو جايه تذبين سمج علينه و ترحين روحي شوفي غيرنه

:-كح** هي هاي التربيهم مره يصيرن بر*** وعلي اله اخلي عمامج يكسرون راسج

:-صيري مثل تربيتي و بعدين احجي جلاب هسه ذكرتينه و اجيتي تشوفين تربيتنه جا من نمنه جوعانين و بردانين ما كلتي شلون راح يتربون

:-والله ما شفتكم جعتو شو الناس مبطله و انتم تهلهلون على نجاحكم و الناس بردانه و انتن تتكشخن

:-بتعب امي و اخوي مو بتعبج و لا بتعب رجلج و هسه يله لا اشوفج وجهي الثاني تره ساكته لاجل ابوي يا عمتتيي الي مربينج احسن تربايه

:-كح** والله

:-ما تطلكت اقلها من وره سوالفي يله روينه عرض اجتافج التسد عين الشمس من الغيبه و النميمه

:-لسانج بطول النعال على الاقل ابجي على اخوج خل ينكسر خاطرنه عليجن

:-كسرة خاطرج الج خوش و لساني بطول النعال بس ويه امثالج حطيتو عينكم علينه لمن نومتو اخوي بالمستشفى و هسه ارتاحيتن كش لهل عيون الما صلت ع النبي بره بدون مطرود

احس روحي فرفحت اللكلمات ما تشفي الغليل والله لو ما امي موصيتني اسكت منهن جان مددتها بنص الساحه و دفنتهه بالمنهوله بس امي تدفني وراهه

لل 11 اجت امي و احنه على نار فاتت وجهه مورم من البجي و عيونهه صايره جبود احس گلبي وكف من
شفتهه هيج كامت بيلسان بصف امي كالتلها

:-هااا احجي يوم شصار سيف شبي

:-كولي شما بيي راحح من ايددي وليددي راحح

قربت منهه اديه ترجف تربعت كتلهه
:-شنوو شبي

:-جاي بليل يعبر الشارع و جاي واحد بدراجته ضارب اخوجن

:-و سييففف شبييي يووم احجي لا تفتين گلوبننه

:-ووللجج اخووج رجله بس بالشريان باقييهه ولجج
اخووج رجله راحتت لو عمليه لو ابني يروح من ايدديي

:-ششننسووي يووم شننسوويي نسفره!!ابيع كليتتي و سفرري لا تخلينه يومم اي شيي نسوي علمووده بسس اكوو امل موو اكووو

خلت اديهه على وجهه تبجي و تشهك و بيلسان شهكاتهه تشك الگلب كتله

:-يوومم اذا على الفلوس لا تهتمين كتلج اني ابيع كليتتي والله الفلوس تدبررر يوم احجججييي

:-ترردين اخسسركم ثنننيينكم ولجج بررقق ما بيه حيل ثنينكم عليه ولججج ثنينكم ولديي ابيع روحي و مأ اخلي واحد بيكم يتأذه

:-خل ناخذه لاي مكان لمهم يتعالج و يرجعلننه

:-لازم عمليه

:-خل يسووييه مستعده ابوس رجلين اعمامي بس ينطونه الفلوس بيين ما ندبرهن كتلج والله ابيع كليتي لا تخافين انت اجلتي العمليه علمود الفلوس

:-لا الدكتور يريد يساافررر ماكو غيره يسووييهاا و اهل الولد كالو نفصل شكد ما تردون فلوس العمليه سهله بس منين نجيب دكتور اليوم لازم سيف يسوي عمليه

:-شوفي يوم باوععيلييي لا تبججين كووممي كومممي خل نحجي ويه الددكتور انت بس كليله ما عندي غيره كليله هذا ابنني كوممي فدوه اروحلج

كامت روحها رايحه كل واحد بينه همه بثكل الجبال ما قبلت اروح وياهه لان تعرف عماتي و عمامي ما يسكتون من عدنه و بيلسان اذا يحاجونهه تخاف ضليت بالبيت نلوب كل شويه و بيلسان كالت

:-هسه وصلت امي مووو اكيد راح يبقى ما يسافر مستحيل اكو

دكتور لهل درجه يعوف واحد و يسافرر و حياته معتمده عليه مو برق مووو

:-ان شاء الله مستحيل يعوفه

ضلينه نردد ادعيه و كل شويه تجي وحده تذب علينه سمها لليل و ماكو خبر و لا عدنه تلفون نشوف شصار

لبست حجابي و اخذت بيلسان وياي و اريان جان كاعد بباب الشارع رحنه لبيت عمي من الباب البينه دكينه لباب طلعت زوجته كالت

:-خيرر

:-وين عمي جايين عليه

:-يتعشه

حجيت بصوت ناصي
:-سم كون

رفعت صوتي كتلهه
:-شني ما نفوت كلمتين و اروح

اشرتلي بيدهه بمعنى فوتن لكيناه كاعد ياكل و يباوع للتلفزيون شافنه و رجع يباوع كتله

:-عمي

:-خير

:-بس خابر على امي شوف سيف سوه العملييه لو لا

:-ما عندي رصيد

:-شنوو ما عندك تره هذا ابن اخووك و يتيمم و بس مره تفرفر وياه بالمستشفى اقلهه اوكفو وياهه شنو بكلوبكم انتمم

:-ولجج منيلج طولة هل لسانن تره اكوم اترس حلكج نعل بنت الكلبه

:-لا تغلط على امي كون الله يحرك كلبلكم مثل ما حركتو كلوبنه

كام و اني لزمت ايد بيلسان و طكيناهه ركضه رجعنه للبيت و قفلت الباب علينه خاف يجي مالي خلكه ضلينه نلوب ماكو حل و هذا الجلب مستحيل يخاببر على امي

..............
مُــهره

:-رجعت من البيت للمستشفى واكفه كدام الغرفه البيهه ابني منتضره الدكتور يجي لو اعرف ابوس رجله المهم

يشوف حل لابني واكفه و انعاد كدامي شريط وفاة ايوب اتذكر شلون جان متعلق بسيف اخخ يا ايوب لو تشوف

ابنك وين متمدد ضليت واكفه و امسح بدموعي اهل الولد الي دعم سيف ابد ما عافونه واكفين وياي بس

شيفيد ابني رجله شبه انكصت لو ما الشريان باقي مجلب جان راحت رجله و ما الها حل الضربه جايته من

وره و صايره قوتهه على الرجل بيهه امل يسوله عمليه بس الدكتور عنده سفره و رافض يستقبل اي عمليه رفعت

عيوني و شفت الدكتور اجه يمشي بالممر رحت اله و روحي رايحه كعدت كدامه. ابجي و اشهك ما ادري
شلون احجي و شكله علمود يسوي عمليه لسيف

:-ابووس رجللك دكتورر والله ماعندي غيره محد النه غير الله و هو دكتورر اعتبره مثل ابنك و لا تكسرني بيي
اخواته متانياته بالبيتت فدوه اروحلك لا تخليي هييج طول عممرره

دنك الدكتور كعد مقابيلي كال

:-عندي سفره مهمه ما اكدر أأجلهه

:-ابني هذاا ابننيي والله اموت اذا صارله شيي مستعده ابوس رجلك بس سويله عملييه اذا ابني صار اله شي راح تدمر عائله كامله اخواته يموتن و انه ما اتحمل هذذاا يتتييم اعتبره ابنك فدوه رحتلكك

احس بتشتت غريب سيف بجهه و بناتي عايفتهن بارض وحوش و محد يرحم بحالنه

احس انتهت طاقتي من الدكتور بقى ساكت غمضت عيني و حجيت بيني و بين روحي

:-اللهي ما عدنه غيرك كسرتني ب أيوب لا تكسرني بسيف
:-........يتبع

.
.
.
.
.
.

.
.
.

كلانا كتف للاخر♥
الوريد♥