رواية أنتقام الصفحه 27 (ترميم) الفصل الرابع عشر 14 - بقلم خـلود الـ محسن

بقلمي لورا
°°°°°°°°°°
انستا lorai_alrwi
°°°°°°°°°°°°
الوريد♥
°°°°°°°°°°°°°°°°
احم بناوتي البارت 6000 كلمه و كسور خل اشوف وحده تكول صغير هاي اولا🙂

ثانيااا دا اتعب بشكل بالقصه ليش بس تقرون بدون تصويت علقو ع الفقرات امي و شاركو القصه حبيبينني

وثالثا احبكم. قرأه ممتعه

ملاذ:-اكلك
شهاب:-كولي

سكتت شويه و هو دار وجهه يباوعلي لازم بيده خاشوكه ارتكه على الكاونتر و رجع كال

:-ما تحجين!

خليت عيني بعينه و حجيت بأستفهام
:-منو غمار؟

الخاشوكه الجانت بيده وكعت كبل دنك اخذهه و دار وجهه غسلهه و اني منتضره منه جواب كال
:-منو!احد ييقربلج و تسألين عليه

:-لا يقرب الك

رجع باوعلي متوتر كال
:-منين جبتي صعب كاله الج!

:-لا يعني يقرب لصعب!

:-ما ادري انت منين عرفتي

:-يعني ما تعرفه

:-لا ما اعرفه

رجع يكمل بالريوك بدون ما يحجي شي تريكنه و هو ساكت وراهه فات لغرفه صعب من طلع ساكت ما يحجي شي سبح و طلع شايل بيده محفظته و سويج مالت الصعب كال
:-راح اطلع خو ما تخافين وحدج

:-اي اخاف

:-صعب نص ساعه و جاي ضروري اروح

:-لا اخااف خل يجي و روح بلا هددوني شسوي

:-ما عليج شي خلص مووضوع التهديد و انه رايح اكمل تصفية حساب

:-حساب شنو

:-صعب مشغول ما انطاهم حقهم لهذول الي يهدددو ف هاي لعبتي

:-ليش شعنده صعب

:-شغلي و شغله ثنينهن صايرات عليه ما يلحك وله هو يستمتع بهيج شي

:-ما جاي افهم شتحجي

:-و لا راح تفهمين يله اروح

:-و اذا اجه احد هددني

:-ماكو خابري صعب احجو لبين ما يجي هو ما يطول

:-دولي والله اذا صار عليه شي لو متت ما يخلصكم مني احد الا الموت

:-يمه يمه خفت ولي ام حاجب النايم

:-انننجب لا تعيب عليه

:-والله حاجبج نايم شوكت تكعدينه

:-انجب وليي والله ضوجتني جلب

:-لا يا زماله يله رايح اخرتيني

:-گلععه

راح و سد الباب وراه سمعته شغل السياره و رجعت بسرعه فتت للغرفه مالت صعب و سديت الباب ورايه

رحت للميز الي لكيت عليه الاوراق لكيتهن ماكو دورت على الميز الثاني كلبت الغرفه ما لكيت الهن اثر معقوله

شهاب شالهن فتحت الكنتور هم ما لكيت بي شي طلعت قميص من صعب قفلت الغرفه نزعت التشيرت مالتي و

لبسته ويه البجامه والله احب ملابس الولد طلعت بره غسلت المواعين حاولت افتح الغرفه الي بالمطبخ بس

ماكو الصعب كام ما يخلي مفتاح بالبيت ما ادري وين يوديهن شويه و سمعت باب الشارع نفتح طلعت بره فات الصعب باوعلي مستغرب كال

:-هاي شلابسه شنو ما عندج ملابس

:-عندي بس ما عاجباتني

:-نروح نشتري

:-لا عندي اكو بيهن بعد ما لابستهن

وصل يمي لزم ايدي و فتنه للاستقبال نزع جواريبه خلاهم على جهه و تمدد على رجلي كال
:-لعبي بشعري تعباان

:-راح تنام!

:-ساعه و كعديني

:-روح لغرفتك نام

:-تجين يمي!

:-لا

:-جا نجبي و خليني هناا

:-رجلي تخدر

رفع راسه باوعلي و ضحك هز راسه و كال
:-جؤ استغفر الله

:-شكو

مبتسم و يحجيي
:-هيج هيج يباا ماكو شي

ضربته على راسه
:-شنو تضحك عليه كوووم

:-ولج اتشاااقه بس العبي بشعري من انعس اوخر من رجلج

:-كوم اسبح

:-من اكعد ولج لا لييل تخليني انام و لا نهار

:-شمسويتلك!

:-لا يابه ما مسويه شي اني الاخاف من الرعيد و اني الابجي على امي بس خليني انام

:-نام شعليه بيك

:-كعدينني مو تخلينني نايم علمود ما نتأخر ع الموعد

:-يعني راح نشوف ام براطم

:-خل تولي شجلبتي بيهه

:-انجب

رفع ايده يريد يلزم اذني وخرت وجهي بسرعه و صحت عليه

:-والله كل ما تدافعلهه اغلط عللليك لا تمد ايدك عليه وخرر يله

:-يله يابه ما ادافعلهه رفع ايده و سحب ايدي على شعره غمض عيونه و اني بقيت العب بشعره شويه و وكعت ايده من على ايدي غفه على رجلي رفعت ايده خليتهه على بطنه و همست بصوت ناصي

:-صعب

ما يرد عليه مبين غاط بالنومه كسر خاطري هاي الفتره صاير ما يشبع نوم و اني شالعه گلبه باليل و بالنهار بقيت

كاعده العب بشعره و هو نايم باوعت على وجهه ابتمست
تلقائيا للكيت روحي منزله ايدي اتلمس حواجبه و
رموشه نزلت ايدي على خده بقيت احركه بهدوء

تذذكرت من باسني احس مغص صار ببطني گبل سحبت ايدي. منه ردت اكوم و رجلي صايره جواه بقيت كاعده

احس رجلي بدت تنمل لا اكدر اتحررك و لا اكعده تعبان الساعه كدامي احسهه تمشي بالكوه اريد تمر ساعه

عللمود اكعده شويه العب بشعره لو احرك رجلي على كيف علمود تفك من التنميل بعد ما تحملت كمت ما احس برجلي كتله

:-صعب اكعد

خليت ايدي على زنده ادغ بي اريد يكعد فز و باوعلي عيونه حمر و كوه فاتح عينه كال

:-عوفينني

رجع انكلب على صفحه و حضن اديه و رجع نام
:-ولك اكعد رجليي نملتت

سحب مخده من وره ضهره و خلاهه بحضني و رجع نام
:-شوكت تكعد

:-انعس انعس

:-مو كلت كعديني

:-تعباان

سكتت و هو نفسه ثكل جسمه كام يعرك رغم الجو بارد خليت ايدي على كصته ما مصخن امسح بوجهه و يرجع

يعرك كام يسد بعينه قوي و يتكلب عروگ گصته كلهه بينت يبلع ريكه كل شوي و يحجي كلمات ما مفهومه فز

مخروع گبل كعد على حيله و اني كعدت كدامه لزمت ايده باوعلي و مسح وجهه بيده الثانيه كتله

:-شبيك

:-ماكو شي حلم

:-شحلمت

:-بأمي

:-شكالت الك

:-ملاذ اكو شي صاير لامي و انه ما اعرفه!

بلعت ريكي خاايفه معقوله الشي الي يقصده نفسه الي بالورقه لو شي ثاني كتله

:-شننو يعني

:-ما ادري

كال هيج و كام من يمي يكلب بمخاد التخم اسأله شتريد ما يرد عليه اخر شي طلع الحبوب الجان يشربهه

:-صعب تأذيك

:-اخر مره

كالل هيج و طلع باكيت جكاير من جيبه خله وحده بحلكه و طلع كعد بالطارمه باوعتله من الشباك يعصر

براسه خفت اطلع يمه لو لا بقيت اباوعله من بره شفته يمسح بوجهه رحت يمه خليت ايدي على جتفه دنك

راسه كعدت بصفه دار وجهه و يمسح بعيونه عرفته جان يبجي باوعت على ادييه ترجف

:-شبيك انت مريض نروح دكتور

هز راسه بمعنى لا كال
:-روحيي جوه بارده

:-كوم وياي

سحب ايده مني مسح وجهه بثنين اديه و باوعلي رموشه مبلله كال
:-شويه و اجي

خليت ايدي على خده
:-ما اعوفك ثنينه نفوت سوه

بلع ريكه و لزم ايدي ضغط عليهه بيده و باوع لكدامه كال
:-اخاف يجي يوم و اذيج

:-ليش

:-بدون ما ادري و اذيج ما يروح من بالي من خنكتج من ذاك اليوم و لليوم اتمنى اكص ايدي النمدت عليج

:-اسم الله عادي انت جنت ما تدري و ان شاء الله راح تخلص من هل شي احجي و باوعله ابد ما رفع راسه كال

:-و اذا ما تعالجت و اذا ضليت دوم هيج تعوفيني!

:-شلون اعوفك وعدتك حتى من ارجع لامي ابقى اتواصل وياك

:-خايف عليج مني اتمنى لو ما صاير شي بحياتي ييخليني اخاف ادخل ناس الها و اضلمهم بعدين لان محد يعرف نهايتي بكثري

:- شتقصد

جر نفس بغمك سحب ايدي باسهه و فتحهه خله ايده الثانيه على باطنهه كال

:-ما ارتاح لمن اخلي اهلي يرتاحون بكبرهم

:-شبيهم!

باوعلي ابتسم و خر ايده خله الجكاره كدامه كال

:-من اكدر اشرب هل جكاره بيوم من الايام راح اكدر اخذ بثارهم

:-شتقصد جاي تخوفني انت

:-لا تخافين اريد اوصيج شي

:-شنو

:-لا تحبيني بيوم

رفعت ايدي الثانييه ضربته على جتفه
:--اااييع ما احبك اني ما اتزوج اله واتبادي

عكد حواجببه مستغرب خزرني كال
:-منو هذذاا ولج

ضحكت بصوت عالي كتله
:-مو شخص

:-جا شنني

:-اااوو سوالف بنات خل تولي

:-منو ولج

:-ولك اسسكت المهم ما احبك لا تخاف

رجع دار وجهه و دنك راسه دخل اصابعه بين اصابيعي جر نفس و زفره حجه بنبره اول مره اسمعه هيج يحجي كال

:-تمنيت لو ضال اباوعلج من بعيد تمنيت لو ضال ذاك الطفل الي يكعد يم شباك بيتكم علمود يشوف ضحكتج و يسمع صوت مناغاج تمنيت لو ما لامحج و انت جبيره تمننيت يا ملاذ بس كلشي نكلب ضدي حتى گلبي الجنت حابسه بقفص

كمل كلامه و سحب ايده رفع شعره لوره و ثبت اديه ليوره و رفع راسه يتنفس بقوه

بلعت ريكي خايفه من كلامه يمكن اني ما جاي استوعب شيحجي كتله

:-تحبني مو

بقى على وضعه و حرك راسه بمعنى لا

:-لعد شنو هذا كلامك

:-كولي جا لا تكولين لعد تطلع حلوه بحلكج مره كلتيهه لهسه طابعه ببالي ما تطلع

:-شبيك انت شحلمت و هيج تحجي عفيه تره اخاف من تحجي هيج

:-شيصير بيج بله!

:-والله اخاف شبيك احس بطني تنعصر

:-ههههه و اني گلبي ينعصر مو بس گلبي لا روحي تروح حتى نفسي يضيع هوه الله شكثره اكوم اجره بالكوه

:-صدك! !لييش

:-هيج اخخ الفطاريه

:-اكلك عفيه لا تحجي هييج والله تره اكرهك

رجع كعد عادي و باوعلي ابتسم و كال
:-ليش هسه تحبيني

:-لا ما احبك ولا تحجي هيج لا اهبدك على راسك خوش

:-خوش يابه خوش

:-كوم بدل يله خل نروح لام براطم

:-اريد البس هذا قميصي انزعي

:-ياااا انجب ماا

:-انزعجياه بيدي و اخذه بس تغلطين

:-ييااا شبيككك اننجب والله بس تحجي هيج اغلط عليك

:-هههه كومي

كام كدامي و سحب ايدي كومني فتنه جوه هو اخذ ملابس داخليه و راح للحمام و خله بسدي ملابسه و اني

طلعت خليت الملابس بحضني و كعدت بره منتضرته تذكرت اسم غمار اسئله لو لا خاف يطلع اسم صديق اله

لو واحد يشتغل وياه و ابتلي و يكلي ليش تلعبين بغراضي شسوي هسه ضليت حايره اسأل لو ما اسأل طلع

من الحمام ينكث بشعره بيدي خاولي طلعته من الملابس و كمت انطيته اله اخذه نشف شعره بره الجو بارد و هو سابح و عنده عادي بره كتله

:-شنو انت ما تبرد

:-لا

:-ما تحس بالبرد

:-لا ما احس

:-شنو بهيمه

كلتها بدون ما انتبه اخذني الواهس عبالي بنات عمي دوم اغلط عليهن رفع راسه فاتح عينه على وسعهن اني بدون
كلشي اخاف من عيونه مو يله خازرني ردت افلت و لزم ايدي

كال
:-عيدي شكلتتي

:-شوف بس خل احجي بسس انطينني مجال

احجي و اسحب بيدي منه ايدي الثانيه لازمه بيهه الملابس

:-انت ما تتوبين

:-للسااني هذا مو انني

:-اطيح حضجج خوش

:-بس حباب لا تسويلي شي والله بعد ما اغلط

:-ااشش اششش لا تحلفين ادري بيج تغللطين

:-ااسفه ااسسفه

باوعاله بترجي صدك من اغلط و يلزمني اخاف بس من يعوفني كلشي انسه فلت ايدي كال
:-ديله انطيني ملابسي و فوتي سبحي بسرعه

انطيته ملابسه و سحبت الخاولي من جتفه و فتت للحمام مستغربه من نفسي شلون اكدر انشف ويه نفس

الشخص بنفس الخاولي و البس من ملابسه لعد ولد عمامي ما سويت وياهم هيج كملت و طلعت رحت للغرفه

باوعت ملابسي ما عجبني شلون احرك كلب ام براطم ضليت اكلب بالملابس طلعت احلى لبس عندي لبسته

مشطت شعري و لفيت الحجاب مرتب وكفت كدام المرايا ارفع بحواجبي على گوله شهاب نايمات اريد اكعدهن

بقيت اباوع على روحي بالمراياا والله احلى من ام براطم شجابهه عليه صافنه ارتب بشكلي ندك الباب صحت
:-فوت

و بقيت اباوع بالمرايا فات صعب و بقى واكف بالباب كال
:-ما كملتي

:-كملت

درت وجهي عليه كتله
:-حلوه لو لا!

:-تخبلين

:-منو احلى اني لو ام براطم

:-يا طلابتهه الما تخلص انت عمي انت بس فضينه

:-مااا بس باوعلي زين اكو شي مو حلو بيه

:-تخبلين والله

:-و حواجبي

:-حلوات

:-جا شهاب الجلب ليش يعيب عليهن

قرب مني مبتسم و صل يمي رفع ايده رتب حاجبي بأصبعه و رجع رتب الثاني باس اصبعه رفعت راسي عليه بلعت ريكي متوتره ابتسمت و تلافيت نضراته الي كال
:-يولي شهاب الجلب منيله ذوقق

نزلت راسي و درت وجهي على الجربايه اخذت تلفوني و باوعتله بعده واكف وحاضن اديه كتله
:-يله نروح

:-امم يله

طلع و اني طلعت وراه سد البيبان و صعدنه بالسياره شغل اغنية الدنيا حلوه
:-اكلك

:-همم
:-عود شهاب وين راح مدري شحجه ما فهمت شي

:-راح يصفي حساباتنه

:-شنو يعني

:-محد يهددنه بعد

:-صددك يعني من تطلع بعد ما اخاف عليك و يبقى بالي يمك

:-ليش انت تخافين عليه من اطلع

:-اي من اجه التهديد و لليوم كل ما تطلع وحدك روحي تروح اخاف لا واحد يسويلك شي اكلك انت ليش يجيلك تهديد

:-ما ادري المهم اليوم وين تردين اخذج

:-يعني اي مكان اكوله تاخذني اله

:-اذا بالمعقول اي طبعا

:-كول والله

:-اذا معقول ماكدر احلف كتيلي للمريخ شسوي

:-لا مكان مو بعيد

:-كولي شنو

:-لامي

:-مو بيدي وعيونج هاي اصعب من المريخ هانت ملاذي هانت فتره و تخلصين

:-اكلك اني اضوج اذا رحت من يمك انت كل ما يصير الك مجال تعال علينه

:-امم خوش

بقينه ساكتين نزلنه نمشي سوه قبل لا نفوت قربت منه و لزمت ايده عناد ب ام براطم ابتسم و حجه بصوت ناصي
:-اخخ يا غيرة النسوان

:-ما اغاار و عفيه لا تضوجني اليوم اني كلش فرحانه ما اريد اخرب فرحتي بوحده مثل برطومه

:-انوب مدلعتهه

:-ختولي والله اله اخبلهه اني الهاا

ضحك و مشيينه وصلنه هو حاجز بس جان كدامنه شخص بقينه كاعدين و السكرتيره بدت تلغي و صعب

يحجي وياهه عادي قربت منه لزكت روحي بي و لفيت اديه على ايده كام يبتسم من جوه ليجوه شفتهه تباوعلنه رفعت راسي للصعب كتله

:-دنك خل اشاورك

ضحك و دنك راسه كتله
:-شوف اذا رديت عليهه بعد اطلع جبار البداخلي

:-جا شلون تسألني و انه ابقى ساكت

:-اي معليك اني ارد عليهه

:-خوش

كال هيج و اني رفعت نفسي بست خده باوعلي مصدوم و رجع باوع داير مدايرنه ما جان اكو احد و بس ام

براطم كاعده ما انتبهت الها شافتنه لو لا بلكت شافتنه علمود احرك دمهه شويه و فات صعب لزمت ايده بقوه كتله

:-انت كدهه كلي امل راح ترجع صععب الي ما يهتم لشي لا تضوج من شي و تفاعل ويه الدكتور خلي ببالك انو انت راح ترتاح بعد هل شي

ابتسملي و كال
:-ان شاء الله

فات و اني رجعت كعدت كل شويه ارفع راسي اشوف برطومه تباوعلي شويه و كالت

:-انت شنو اسمج حسيت فرصتي علمود اغثهه كتلهه

:-اني اسمي ملاذ بس زوجي حبيبي يسميني ملاذ الصعب و هسه مشه عليه هذا الاسم بحيث اي واحد يعرفني يسميني هيج

ابتسمت و دنكت رجعت كالت
:-عدكم جهال!

:-اي لج عيني اول متزوجنه سبوع و طلعت حامل لو تدرين طلعو توم و نوب هم جبت وره فتره طلعت حامل و هسه عدنه ثلث اطفال ثمرة حبنه اني و حبيبي صعبي

:-الله يحفظهم الج عندج صورهم

صفنت هسه هاي منين اجيبلهه صور كتلهه
:-ها لا بذاك تلفوني مصورتهم هذا مالت طلعه مخليه بي بس ارقام و اخاف عليهم ماخلي صورهم بي لا يضيع مني و صعب يخاف عليهم

:-شسمهم

بلعت ريكي حايره شكلهه كتلهه
:-يامان و اريان توم عمرهم ثلث سنين و البنيه اسمهه بررق عمرهه سنه

ضحكت على روحي شهل جذبه بس برق نقذتني
ضلينه ساكتين كل شويه اباوعلهه الكاهه تباوعلي شويه وكالت

:-شكد عمرج

:-19

:-يا لعد شكد عمرج و تزوجتي

:-هههه يا حبيبتي مو صعب يحبني واني صغيره و من شافني شويه كبرت قفل على اهله لو يتزوجني و اذا ماكو ينتحر

:-اي بس هو خوش ولد

:-اي ادري بي غير رجلي

:-الله يحفظكم

:-شكررا

ددرت وجهي منهه متوتره شكو تسأل عليه كون اكوم و الطخ راسهه بالمكتب الكدامهه

ضلت تحجي عادي و اني ارد عليهه من وره خشمي من شافتني هيج كالت

:-انت ضايجه مني!

:-عليش؟

:-ما ادري احس ضايجه

:-احساسج غلط

:-اوكي

كالت هيج و رجعت تكلب بلاوراق العدهه و اني كل شويه ارفع لتلفون لاذني اسوي نفسي جاي اخابر لان من

صدك اريد احرك كلبها شويه و اجو بنيه و و ولد كعدو يمنه و الولد يحجي ويه البنيه و يطمن بيهه يمكن هي

الي دا تتعالج ابد ما عافهه و كل شويه يبوس ايدهه و يحجي بصوت ناصي لكيت روحي ابتسم الهم بدون ما

ادري شوويه و طلع صعب كمت بسرعه اله لزمت ايده هل مره مو عناد ب برطومه اصلا نسيت منو الي يمنه باوعلي و ابتسم كال

:-يله نروح

عليت صوتي كتله
:-اي حبيبي ععمتي كل شويه تخابرني جهالنه شلعو گلبهه
يردونك

عگد حاجبه مستغرب و اني گبل سحبت ايده علمود نمشي كال
::-يا جهال

:-دمشي مو وكتك

امشي بسرعه و حاصرتني الضحكه اول ما صعدنه كال
:-يا جهال

:-يا جهال هيج جذب احرك بگلب برطومه

هز ايده و يضحك كال
:-وصلتينه للجهال

:-واكثر عيني المهم شكالك شصار شسوويتو

:-ما اريده مو خوش دكتور

:-يا شبي

:-لج يسألني هواي ضجت كل شويه يكلي من شنو تعاني نشف ريگي من كد ما جاوبته شكيت بي ما يسمع

:-ياا يجوز هو العلاج هيج

:-لا ماكو مو خوش دكتور وين اكو جلسه كامله يسألني شسمك و شنو مرضك

:-و هسه شنو

:-نغيره ما اريده

:-يا شبيك صعب شنو تريد تاخذ وياه صوره هو تتعالج يمه اكيد هو يعرف شلون يعالجك

:-هو مو لازم المريض يرتاح لطبيبه انه ما ارتاحيت اله

:-وتالليي

:-ربج عالي

:-لا حبااب بس شوف الجلسه الجايه اذا ضوجك نغيره

:-اهوو الله كريم وين تردين نروح

:-للبيت

:-ضايج من البيت خل نفتر

:-وديني لامي

:-مو عندي العصى السحريه شأريد اجيبه هنا

:-اي مو هو هذا شغل المجرمين

:-ياصبر ياااصببرر

:-اليصبرني عليك يااصببرر

:-شبيج بابا

:-انجب ما اريد احجي وياك تعبتني

:-هذا لسانج على يوم اكصه

درت وجهي عليه كتله
:-يله گصه طلعته اله ضحك و دار وجهه

شغل السياره و ضل يمشي ما عدنا وجهه مجرد نخلص وقت

:-صعب

:-همم

:-احجيلي شنو الوصلك لهل مرحله

:-ملاذ اريد اغير نفسيتي الدكتور ضوجني من هل سؤال و انت تصيرين دكتور ثاني

:-انطيني مجال

:-اتعب ملاذ اتعب

:-زين يله سكتت

:-لا تسكتين احجي الترديه بس مو بشي يخرب علينه الطلعه

:-امم زين اسألك و تجاوبني

:-اسألي

:-اكثر شخص متعلق بي منو

:-شهااب

:-تضوج من اغلط عليه

:-لا بيناتكم ما بيهه شي

:-زين راح اسألك شي بس مو تعصب

:-ليش انه شوكت معصب عليج

:-مو هذا السؤال يجوز يخليك تعصب

:-امم لا يله ما اعصب

:-احلف

:-يابه و عيونج ما اعصب

:-هاي هم حلفه

حرك راسه بمعنى اي اني ما مقتنعه ما يعصب بس ما اكدر اضمهه اكثر من هيج لازم احجي غمضت عيني و حجيتهه دفعه وحده كتله

:-شوف صعب ادري متقبل العب بأغراضك بس منوو غمار

ما رد عليه فتحت عيني باوعتله مركز على الطريق طبك على صفحه و باوعلي ما يحجي شي ضل يرفع شعره و يرجع ينزله لو يطك بأطراف اصابعه على الگير رجع حجه كال

:-منين جبتي هل اسم!

:-هسه بس كلي منو

:-مننننيننن جبتتي هل اااسم

حجه صاك على اسنانه و مركز على الحروف خازرني احس نضرته راح تخترقني بعد شويه بلعت ريكي بخوف اني شورطني

:-لا تصيح

:غمض عينه و جر نفس يهدء بروحه و يعض بشفته الجو يريد يطلع ضوجته بشي

باوعلي بعد ما هدء كال
:-منين جبتي الاسم

ضليت ساكته ما احجي اريد اغير السالفه ما دام صاح عليه ما اجاوبه بعد

:-احجي وياج غضب

:-شتريد!

:-مملاااذذذ لاا تستتغبيين

:-افتح السياره

:-شتردين

:-نزلني ما ابقى وياك

:-مو هي بكككيفجج جاي اسأل جاوبي مثل ما جاوبتتج
باوعتله متفاجأه

:-جاووبتنني!!
شووكت جاووبتنني ششوكت و على شنو كل هل عصبيه هاا على شنووو لان سألتك على اسممم ماكو داعي شخص تعرفه كول اي اعرفه ما تعرفه لا تصيح بوجهي خوووش منو انت و تصيح بوجهي

:-اششش اششش صووتج لا تعلينه

:-دام عليت صوتك عليه اعلي صوتي خوش ما حجيت شي غلط كتلك اسألك و جاوب و انت وافقت

:-و اني ما حجيت شي بس كتلج منين جبتي هل اسم

:-علليت صوتك عليه صعب اني مو مكفخه الك خوش

كلت هيج و طلعت تلفوني من جيب التشيرت الي لابسته اريد اخابر لامي فتحته احس اديه ترجف من الغضب لو الزمه بيدي يمكن اگطعه ويه ما فتحت جهات الاتصال سحب التلفون من ايدي و صاح بيه

:-ماا تخافين انتت ما تخاافينن

:-من شنوو اخاف يردون يزوجوني خل يزوجوني ما يهمني انطيني التلفون

:-كككاافيي خبالل

:-اننطينني التلفون صعب

:-انجبي

كال هيج و شغل السياره طفرت عليه اريد اخذ التلفون و هو رفعه ليفوك شغل السياره و اني ادفر بي اريد اطلع ضوجتي بيه صاح بيه

:-ككاافففييي ولجج كااافيييي

:-ما اررريد ابقى ووياك

:-اذا ما تخافين على روحج خافي على امج

من كال هيج وخرت منه ودرت وجهيي على الشارع فتحت الجامه لان اختنكت بلكوه مسيطره على دمعتي

ما تنزل سد الجامه من يمه رجعت فتحتها شويه و سداهه ما اريد اباوع بوجهه لان بس اشوفه اتنرفز

ضليت امسح بدموعيي هسه اني ليش هنااا ليش مو يم امي بصفته شنو هل شخص و اجيت بين ليله و يوم عقد

عليه و عشت وياه شنو تاليتي ابقى دوم شارده من عمامي يم شخص ما اعرفه مجرم لو شنو

اديه كامت ترجف هم بارده و هم ابجي وكف السياره و خله كدامي خاولي صغير بقيت دايره وجهي ما اباوعله

:-اخذيهه

:-ما اريد وديني لامي

:-بس اخذيهه

سحبتهه من ايده و درت وجهي مسحت بيهه دموعي و لفيتهه بيدي الف بيهه الهي روحي بشي ما اريد افكر بس

ارجع لامي أأذيهه مو بس أأذي نفسي مضطره ارجع وياه
ضل يمشي على كيف كال

:-وين نروح

:-للبيت

مشه بدون ما يحجي فتنه لمنطقتنه اول ما وصل للبيت فتحت الباب اريد انزل مقفل السياره اعرفه يخاف لا

افتح الباب بالشارع و انزل ما حجيت وياه من وحده فتحه و نزلت فتت لغرفتي بوجهي لفراشي لفيت نفسي

و كمت ابجي اريد افرغ ضوجتي هم مشتااقه لامي و هم صعب صاح عليه ما ادري شببيه صايره اتحسس بسرعه

سمعت الباب اندكت ما حجيت غطيت وجهي بنص المخده ما اريد اسمع

:-ملاذ بس كلمتين و اروح

ما حجيت شي ما اريد اسمع صوته بس الزمه ببين اديه اگطعه

سمعت الباب نفتح خليت البطانيه على وجهي و لزمتهه بقوه حسيت بي كعد على طرف الجربايه ضل ساكت شويه وراهه كال

:-اسف ملاذي

وخرت الغطه من وجهي و كعدت على حيلي ما باوعلي بقى كاعد و مدنك مسحت وجهي و حجيت

:-على شنوو اسفف ها على شنوو ليشش تتصيح عليه بدون سبب شنوو اني مكفخهه هاا مكفخه فوك ما امي امنتني يمك تصيح عليه

:-اسف لان صيحت عليج و اسف لان حلفت جذب اخر مره ملاذ

:-اخرر مرره!! ادرري بيك تجذب صعب اياك تعلي صوتك عليه و هسه كوم اطلع بره يله

دار وجهه عليه
:-شوفي ملاذ مو جاي اكلج اسف

ضليت ادفع بي اريده يكوم يطلع

:-كووم اطلع اسفكك الكك روح صيح على غيرري ام براطم يجوز تقبل انني مو اي وحده و تجي تصيح عليه لا عباللك اخااف منك اططلع يله اطلعع

احجي هيج و منفعلله لزم اديه بيد وحده و دفعني على الجربايه دنك راسه مني رافع حاجبه ابتسم كال

:-على شنو هل عصبيه

:-عوف ايدددي خل اخرب معاني وجهكك

:-و اذا ما عفتهه شتسوين

:-اذذببحك بثنين اديه وخرررر مننيي عووف ايددي عوفهه حقييرر

:-اشش لسانج ولج

:-معلليك يله وخرر منني

:-ما اوخر

:-صعب و العباس اخابر امي اخليهه تطيح حضك

:-انت طيحتي والله

:-وخررر

:-شسوي و ترضين

:-لليش صيحت عليه

:-غبي

:-اي والله غبي وخرر خل اعضك

:-تعضيني و ترضين

:-ايي

وخر مني و اني كعدت لزمت ايده و ضحكت اني اعلمك عود عباله ما راح اعضه خليت طرف ايده بحلكي و
عضيته حيل سحب ايده مني شايط و يغلط

:-خررب بيج نجلببتتي شنوو مو هيجج ندمتتينني والله

:-حل تستاهل علمود ما تفكر تعلي صوتك عليه

ضل ينفض بيده و اني اضحك صدك راحت زعلني و ضوجتي

رجع كعد يمي على الجربايه رفع رجليه و تربع لزم اديه و دنك راسه ما يباوعلي كال

:-اسف و عيونج ما ادري بروحي من اعصب ما ادري بروحي من عليت صوتي عليج كون ميت و لا منزل دمعتج

سديت حلكه بطرف اصابيعي
:-اشش اشش اسم الله لا تفاول عادي يله بس بعد لا تعلي صوتك عليه علمود شي ما يستاهل

:-زين خل نحجي بالتفاهم اني اجاوبببج و انت جاوبيني

:-عليمن

:-منين جبتي اسم غمار شفتي شي لو شنو!

:-تريد الصدك

:-اي

:-لكيت اوراق بغرفتك بقيت اكلب بيهم و ورقه جان
مكتوب بيهه اسم غمار ف سألت

بلع ريكه و رفع شعره بيده كال
:-زين شنو شفتي بعد لا تجذبين

:-لا والله ما اجذب هو ورقه جان مكتوب بيهه و اوراق ما عرفت معناهم و وياهم جانت جنسيه بس ما شفتهه

:-امم زين

:-و هسه انت جاوبني منو غمار

:-صديقي

:-لا تجذب

:-لا ما مجذب هو صديقي بس اني انفعلت كلت منين جابت اسم صديقي هي هاي كل السالفه

:-خوش و بعد لا تصيح عليه

:-لا ما اصيح كومي ناكل

:-وينه العشه

:-هسه اروح اجيب

:-لا جيب النه مسواك و اني اسوي

:-لا تتعبين

:-معليك جيبب

:- زين انت و شهاب سوو العشه و اني اغسل المواعين

:-لاا ما اريد شهاب

ضحك و خابر عليه فتح الصوت كال شهاب
:-لك هاا ***

فتحت عيني مصدومه و صعب بسرعه سد الصوت خازرني لان ضحكت

:-ابن النعال لا تفشر ولك ...ههههه اي ييمي المهم ...جيب مسوك وياك اليوم تسوون عشه بالبيت ...ههههه انت و ملاذي....ولي ولك ولييي

سد التلفون يضحك و اني مغلسه كال
:-خو ما سمعتي

:-لا يابه شسمعت كلشي ما سمعت

:-امم عفيه

كام و نزل نفسه عليه باس راسي و اخذ الخاولي الي انطانياه من على الميز و طلع خلاني بوسط توتر و ضياع

ليش يسوي هيج ليش يتصرف هيج يتعمد يريدني احبه بس اني ما احبه مستحيل احبه ليش گلبي يرف من يسوي هيج

نفضت الافكار من راسي لبست حجاب و كمت بره شفته كاعد و مخلي جكاره بيده شنو المضوجه و هيج يسوي

كعدت بصفه گبل ضم الجكاره بيده و سدهه عباله ما انتبهت كتله

:-من شنو ضايج

:-ما ضايج

:-لا تجذب

:-تعبان شويه

:-لا تجذب

:-هيج بدون سبب

:-لا تجذب

:-يابه من تقفل

:-يله احجيلي

:-خاف ما اتعالج اريد اتعالج مو علمود روحي علمودج و لهوايه اسباب بس اليوم من شفت الدكتور هيج احس روحي ما راح اتعالج

-سحبت ايده بين اديه باوعت عليه هو مدنك و يحجي
:-باوعلي

رفع راسه عليه خليت ايدي على خده

:-شوف بعدنا بالبدايه تذكر اول مره شفتك بيهه لا انت متعود عليه و لا اني متعوده عليك و بعدين شويه شويه تعودنه و هسه صرنه قريبين لبعض همات العلاج نفس الشي شويه شويه يله تتعود شنو تريد فرق من اول جلسه

هز راسه مبتسم سحب ايدي و باسهه و لزمهه بيده بقينه كاعدين بدون ما نحجي نفتح باب الشارع و فات شهاب شايل علاليك مسواك خلاهن بالكاع كال

:-يله كل واحد يشيل علاكه اني تعبت

ملاذ:-هسه انت جبتهن دوصلهن للمطبخ

:-لا شنو ميري مالتكم اني راح اسويلكم عشه و جبتلكم مسواك و انضف الاستقبال مرات انضف الساحه ما عليه بعد

:-انجب لا تمن علينه

:-اسكتي حاجبج نايم

:-صععب حاجييي

صعب:-شهاب عوفهه بحالهه

فتنه جوه نضحك و نسولف صعب كعد يمنه بس داير وجهه نطيته غراض الزلاطه بقى يسوي بيهه و اني و

شهاب سوينه عشه من صدك مشتاقه لاكل البيت كضينهه عرك كملنه و كعدنه نتعشى سوه كملنه و صعب

قفل اله هو يغسل المواعين شهاب كال اني تعبت بالعشه و راح للاستقبال و اني بقيت كاعده يم صعب رفعت

نفسي علي الكاونتر تربعت و هو يغسل مواعين يباوعلي و يضحك عاف المواعين على النص و فتح الثلاجه طلع

تفاحه گصصهه و خلاهه بماعون يمه اخذ منه شيف و اجه وكلنياه ضليت اكل بي و هو يغسل كمل و بقى واكف كل ما اخلص شيف ينطيني الثاني كتله

:-تره شبعانه

:-ميخالف خاف تجي امج و تكول ضعفت بنتي

:-هههه لا وين سمنانه تره

:-ميخالف يله نزلي

نزلت و طلعنا سوه هو راح للاستقبال و اني للغرفه دزيت رساله لصعب

::اكلك اذا فارغ نقره بالكتاب!

شافهه و ما رد
انتضرته شويه ما رد هستوني كتبت اريد ارزله و ندك باب الغرفه صحت

:-هاا

:-افوت!!

:-اي

فات للغرفه بيده الكتاب سكتت منه عبالي غلس عليه بدون ما يحجي اخذت مخده و غطه و كعدت جوه
صعـب:-حافظه شغلتج

:-ههههه اي

تمدد و اني بقيت كاعده العب بشعره فتح الكتاب
.............
عوده الى الماضي

الصفحه الرابعه عشر

رُفيده

:-سمعت التلفون يتصل رديت عليه

::الو

اول ما كلت هيج اجاني صوت وحده تصيح و تغلط

::اسمعي لج ك**الخدامه انت مو خدامه تشتغلين عد هل ناس مو زين ملفين وحده مثلج الله يعلم وين جنتي و شتسوين و لفوج

::-منو انت

::-مو مهم باعي زين مو عليه انوب المسيحيات عوفي عابس لا والله اندمج

::هل حجي احجي لعابس مو الي

::والله ثم والله اذا عابس تزوجج اله اندمج بليله و يوم اخلي يشردج مخليه الولد ساكن الناصريه و عايف اهله
بس علمود يرضيج صدكيني ما راح اخلي عابس يرجع هل مره يموت و ما يصير الج

::اذا بيج حض هل حجي احجي يم عابس و خل يعوفني

:-ولج منين جايبه هل لسان لفيتي على الولد و اخذتي من عدنه والله اجيج للناصريه و اكتلج بيدي

::جربي تجين والله نندمج

::الخدامه ****لا تستشرفين براسي عاجبج تزوجي اي واحد لا تفترين وره ابنه تمرض من وراج ابوه مات و ما راضي علي

::اني مو عزرائيل و اذا ما راضي عليه هاي مشكلتكم كالكم احبهه و انتم رفضتو شوفو نهايه رفضكم وين وصلتنه

سديت التلفون بوجهه درت وجهي و شفت روح واكفه ورايه كاللت

::-منو هاي

::-تعالي نفوت للغرفه

::-عابس ما ييريدني بعد

::-لاا مو عابس شبيج انت

::-منو هاي بس كليلي شكالت راح يعوفني عابس موو ما يريدني بعد عباله من وراي مات ابوه

::-استغفر الله

لزمت ايدهه و طلعنا بره اريد اغيرلهه جو كعدنا بالحديقه و هي عيونهه مورمه و كل شويه تنزل دمعتهه كتلهه

::-شوفي والله مو عابس ما اعرف منو بس همه ضايجين لان عابس رايدج مستيحل يفرط بيج هو يحبج

::-اخاف لا يحجون براسه و يعوفني رُفيده والله اخاف اخسره لان احسهه عوضي خاف يكسرني

::-لا اسم الله لا تحجين هيج يحبج عابس مستحيل يكسرج

::-و اذا اهله ما خلوه يرجع الي

::-مو بكيفهم مثل ما عاندهم اول مره و اجه هنا و قرر يتزوجج راح يعوفهم الف مره لاجلج

::-بس هل مره تختلف ابوه مات
اني احبه والله احبه ما اتخيل حياتي بدونه اموت اذا عافني

كعدت يمهه حضنتهه اسكت بيهه شويه و فتنه جوه فرشنه وحده بصف الثانيه لاول مره ننام سوه بدون ما نحجي بدون ما نفرح لان نايمين سوه فزيت بالليل

عشطانه لكيت روح كاعده و صافنه على الفراغ و دموعهه تنزل باوعت للساعه ب 3 بليل قربت منهه مسحت عيونهه و دارت وجهه

::-شبيج روحايه ليش هيج تسوين بروحج

ابتسمت و كالت
::-بالضبط جان يسمميني روحايه

::-ليش هل دموع و تالي

::-احس ما راح يرجع

::-لا تكولين هيج يرجع والله عابس يحبج

::-يجيني احساس راح اخسره اذا مو بهل مره بغير مره دام اهله ما عافونه من البدايه ما راح يعوفونه للنهايه

::-لا تفكرين هيج روح بس اصبري هل ايام اكيد فاتحه و ملتهي لا تصيرين انت و الدنيا عليه

::-ما اكدر بدونه

لزمت ايدي خلتهه على كلبهه تحجي و تشهك كسرت گلبي
::-شووفي والله گلبي عاصرني يوجعني حيل اخاف يروح و ما يرجع والله اني احبه والله عوضني هواي شوففيي سحبت الدفتر من يم راسهه و فتحتلي ورقه من الاوراق كاتبلها

::-احبج روح عابس مستحيل يجي اليوم الي اخلي دمعتج تنزل بي من اليوم و رايح ايامج امليها سعاده

:-شوففيي هو كال هيج هوو كتبهه و اليوم اني دموعي تنزل خاايفهه والله خايفه خاف امه ما تخلي يرجعلي لو اهله ما يخلونه يزوجني شسوي اني

::-كافي يروحي كاافي

اخذت الدفتر منهه و سحبتهه لحضني امسد على شعرهه لحد ما غفت

ثاني يوم روح مكابله التلفون و كاعده كل ما يتصل تفز على صوته بس هم ماكو خبر من عابس رحت لبيتنه و

بالي كله يم روح ما اكدر اعوفهه وصيت امي عليهه و رجعت طل شويه اصيح من الحايط تجيني امي روح ما

ترضه تطلع استمرت شهر على هل حال لا عابس بين و لا روح ملت من بجيهه صدك هنا يأست عابس يرجع لروح

و هي تمرضت كل يوم تذبل اكثر من الگبله وين جانت روح مثل الورده مفتحه هسه ذبلانه و اغلب وكتهه

صفنات رحت الهم العصريه كاعدين بالحديقه اني و امي و روح ندكت باب الشارع كامت امي فتحتهه و احنه

منطين ضهورنا للشارع مخليه روح على صدري امسد بشعرهه و هي تبجي ابد ما مملت من البجي درت وجهي على باب الشارع و شفت..........

.......................
مـــلاذ

:-يابه خل نشوف ششافت

:-لا ماكوو

:-جا نام يله

:-ما تنامين انت

:-لا مانعس اني

:-لعبي بشعري

بقيت العب بشعره و هو كل شويه رافع ايده يحرك بيدي لو يكرصهه موتني راسلت برق ماكو بقيت اقره بقصه

مندمجه بيهه و اتغزل بالبطل طول عمري كضيته اتمنى اصير بطلة قصه
...................
مُــــهره' بــــرق

:-يله ماما كعدوا دوامكم

بلكوه شلعتهم من فراشهم غسلو كعدو تريكو و بدلو ملابسهم طلعو و باسوا راسي متعودين على هل شي

رجعت للبيت بس ياملن و اريان يلعبون بالغرفه خليت الغده على الطباخ لان هم ياله اخلي من الصبح عين

وحده يا دوب يلحك يكمل المرك وراهه اطبخ التمن كملت الغرفه و اطلع انض خوش الحلال لو انضف ببيتهم

جهالي وياي ما اخليهم اخاف عليهم من الطباخ كملت الحوش تنضيف و كاعده اغسل على المغسله اجت وحده

من اخوات ايوب و هنه واكفات قريب يمنه يسمعن شنو نحجي كالت

:-ها شلونهه الارمله

حجت هيج و طكنهه بضحكه ما رديت عليهن غسلت اديه شون ما جان و ردت اطلع جان صاحت ورايي

:-اكلج سؤالل كبل لا ترحين

درت وجهي عليهه بنفاذ صبر كتلهه
:-شتردين

:-بله برق منو سماهه هل اسم الحلو

استغربت من سؤالهه بقيت ساكته رجعت عادته كتلهه
:-ابوها

:-همم خطيه الله يرحمه سماهه على حبيبته خطيه لا تهنه بحياته و لا تزوج الي يحبهه

احس جسمي كام يرجف شبيهه هاي اخوهه و مات و هيج تحجي عففتهه و اخذت جهالي رجعت للغرفه كعدت

حايره شسوي لا اهلي يساعدوني و يكولون عدهه ايتام و لا عيالي فلوس الشهر مالت القطعه معتمدين عليهه و

هسه احنه ببدايه الشهر و خلصن شسوي ضليت حايره اكل ما اكدر ادبره اجو الجهال من المدرسه صبيت الهم و

كعدنا نتغذه الهم اكل گلبي المصارف تزيد و عندي ثلاثه مدرسه و ثنين صغار شلون ادبرهه عمامهم كدام الناس

مسوين روحهم ولد ايوب و بس و شعدنه غيرهم و من يجون للبيت سؤال ما يسؤلون علينه كملو و كلمن راح

لكتبه يقره و امي شلت المواعين برق طلعت بره و رجعت كالت
:-ماما هذا عمو جاي يحفر يمنه

باوعتلها مستغربه

:-شنو شيحفر!

:-بالكاع

عفت البدي و طلعت و همه ورايه باب الغرفه مالتنه درناه من الجهه الثانيه علمود اعزل عنهم صارت الساحه

الكدامنه فارغه الجهال يطلعون يلعبون بيهه مثل الحوش صار النه شفت عمامهم ثنين يحفرون بالكاع كتله
:-ها عيني ابو محمد شتحفرون

:-المجاري نريد نسويهه هنا

:-يااا تحجي صدك كددام غرفتنه!!

:-شتردين ام سيف البيت بيتنه وين ما نريد نحفر نحفر لا تدخلين

سيف من يمهم يصيحون طلع يريد يعارك كاله
:-لا تعلي صوتك علي امي

:-ولك سويف منو معلمك هيج تحجي

:-محد معلمني بس لا تعلي صوتك عليهه

:-لا تذافعلهاا عمي مثل امها فتره و تزوج و تخليكم تتلطلطون من بيت لبيت

كلامهم مثل السم نزل لگلبي سحبت سيف كوه دخلته
للغرفه و فاتو اخوانه سديت الباب و رحت اغسل

بالمواعين مخليه نجانه صغيره الهن درت وجهي من جهالي امسح بدموعي و يرجعن ينزلن مو كد هل حمل

ربي والله مو كده وينك ايوب شوف شصار بينه بعددك
حسيت واحد لزم جتفي من وره شفتهه بيلسان كالت

:-لا تبجين معلينه منهم ما نطلع بره بس من نروح للمددرسه

ابتسمتلها و اخذتهه بحضني
بررق:-وووانننييي هم احضننينني

اجت لحضني و اني ابوس بيهن سيف كبران كايم يستحي يجي لحضني يباوعلنه و ينصي اجو اخوانهم
الصغار و ضلو يحضنون بيه نضحك سوه كلنه كتلهم

:-يله ماما لدروسكم

بيلسان:-اني كملت راجعيلي

نشفت اديه و رحت راجعتلهه مكمله دروسهه خليتهه تكعد تعلم اخوانهه الصغار على الحروف علمود من

يدرسون ما يتعبوني كملت لبيلسان و شفت برق هم مكمله نامو لان تعبانين من الدراسه و سيف جاب كتبه
يريد اشرحله موضوع كعدت اشرحله كال

:-يوم خلصت فلوسج مو

رفعت راسي و دنكته متوتره كال
:-ادري خلصت شوفي

:--شنو

:-اكو هنا جمعيه

قطعت كلامه
:-اشش شنو جمعيه تريد الناس تتصدق علينه

:-لا بس اسمعي مو يتصدقون جمعيه خيريه للايتام و المحتاجين

:-بس احنه ما محتاجين ليش يوم ردتو شي و ما جبته الكم مقصره وياكم اني

:-يوم بس افهمينني يعني وين نروح لا اهلج و لا عمامي يساعدونه انت شنو تبتلين!

:-بس احنه ما محتاجين الهم

:-ولا راح نحتاج دام انت موجوده بس بين ما نلكه حل خل نسجل بهاي الجمعيه يجيبون سله غذائيه و ينطون فلوس

احس الدموع متحجره بعيني ماكدر احجي شي كال
:-احنه مو تمر علينه ايام نضل بدون اكل كله بسبب
اعمامي اقلهاا خلي الجمعيه تساعدنه

هزيت راسي موافقه سجلنه بالجمعيه و كل فتره يجيبون سله غذائيه و فلوس كمت اجمع على صفحه فلوس اريد

اشتري مكينه نكشي بيهه حالنه لان اني اعرف اخيط و اطرز على الاقل استغل هل شي علمود اساعد جهالي و

صدك كملت الفلوس و اشتريت المكينه سمعت الف حجايه من عيالي عليهه منين جابت الفلوس و اكيد سوت

شي بالحرام هواي حجي سمعته و جرعته علمود اوصل جهالي صار حلمي اشوفهم متخرجين لو يكلولي اني

عينج و نخرجهم مستعده انطيهن جهالي كبرو و الغرفه ما توسعناا بس ما اكدر اطلع لا عندي فلوس كافيه لا احد

يخلينه براحتناا يا دوب الحك اصرف على البيت مو مالت اجمع ابو ايوب ما بيده شي ولده همه المسيطرين

على البيت عشنه بغرفه سنين عباره عن خرابه حيواناتهم بضهر الغرفه و المنهوله كدامهه مستحيل بشر

يكدر يعيش بيهه و احنه ست نفرات بهل غرفه مرت خمس سنوات و احنه على نفس الوضع اجاانه خبر الي

صدمني و كسرني بنفس الوكت اخوان ايوب تنازلو عن القاتل و طلع حر لطمت صرخت بس محد اهتم همتهم

الفللوس اخذو فلوس و طلعو و من حجيت وياهم طلعوني اني المو خوش جان اصعب شي عليه من اطلع و

اشوف قاتل ايوب كدام عيني يمشي حر طليق و ايوب جوه التراب بالشارع من كد تركيزي بالخياطه ضهري

كام يوكف ما احس بي و عيوني قل نضرهه كل ما يكبرون اكثر كل نا تزيد الممعاناه اكثر برق نضرهه

ضعيف و لازم تسوي عمليه لعيونهه و ماكو فلوس و بيلسان عودهه ضعيف دوم روحهه رايحه سيف صف

سادس يطلع يقره بره ما يرجع اله لليل و الباقي كلهم متوسطه رغم السنوات الي مرت و مازلت اسمع من

عيالي كلمه مثل امهه راح تعوف جهالهه و تزوج تعبت كد ما سمعت هل حجايه جان اكبر مختوف عيالي من

الورث لا يتقسم و يصير منه الي و لجهالي كل همهم و مشاكلهم الي ما تخلص بسبب الورث مشكله و الثانيه كالو

ولد ايوب السبب وصلونه لمرحله يخافون من نومة الليل لا يجي واحد يسويلهم شي

ما جنت مهتمه الهم بده سيف يمتحن سادس تعب كلش و ضلينه ننتضر نتيجته لليوم الي طلعت بي النتائج
واكفين خايفين و هو يبحث عنهه.......
.........
مـــلاذ

-اقره بالبارت و اضحك وصلت لمقطع البطل اعترف للبطله يحبهه و اني صارلي شكد منتضرته يعترفلها من

الفرحه كمت اضحك و اصفك بصوت ناصي كتبت تعليق الله شوكت يجي واحد يعترفلي ما تحملت كمت اطك اصبع مكيفه فز صعب خازرني كال

:-شكو
حجه هيج و شغل فلاش تلفونه

عضيت اصبعي كاتمه الضحكه كوه كتله
:-ها شبيك شنو حلمت

:-يا حلمت شبيج تدكيين فوك راسي
:-هااا

سحب التلفون من ايدي و اني فاتحته على التعليقات كلهه تضحك و اني جافصه قراه و رفع عيونه عليه كال

الصعب:-...........يتب؏

.
.
.
.
.
.
.للحكايه بقيه

كلانا كتف للاخر♥
الوريد♪