رواية أنتقام الصفحه 27 (ترميم) الفصل الرابع والعشرون 24 - بقلم خـلود الـ محسن

الكاتبه لورا
°°°°°°°°°°
انستا lorai_alrwi
°°°°°°°°°°
اشتركوا بقناة التليگرام لطفا
°°°°°°°°°
تابعوا حساب الواتباد🤍
°°°°°°°°°
باوعت على صعب اشرلي اكعد يمه كعدت التوتر اكلني كال الدكتور

:-شسمج بابا

باوعت على صعب اريده يحجي بمكاني نغزته بعكسي

:-صعب شسمي

ضحكوا ثنينهم
:-بس اني سألتج ما سألت صعب

:-ها اي اسمي ملاذ

:-عاشت الاسامي

بقيت صافنه بوجهه هو اني اسمي كوه طلعته شرد عليه هسه

:-ملاذ انت ردتي صعب يتعالج لو هو راد يتعالج؟

:-ها

:-انت ليش خايفه؟

:-لا ما خايفه هو صعب راد يتعالج

الصعب:-ملاذ بابا احجي اعتبري بس اني موجود

:-ها اي دكتور هو راد يتعالج علمودي

:-اول جلسه اجه بيهه سألته ليش تتعالج تدرين شنو جان جوابه

يحجي و يطك بطرف القلم على الطاوله الكدامه فوك ما اني خايفه و متوتره وترني بزياده

:-لا ما اعرف

:-هههه هو صح شلون تعرفين

كل ما يحجي شي اباوع على صعب خاف ما يقبل احجي بس كل ما اباوعله يبتسم

:-اي هسه شكال؟

باوع لصعب
:-يابه طلع لسانهه و اني كلت يحجي عليها هاي البنيه الحبابه

:-يحجي عليه؟

:-لا دكتور على بختك وين حاجي عليهه

:-ههههه لا نشاقه وياج ما يحجي

:-هسه ليش صحتلي؟

:-ما يهمج تعرفين العلاج وين وصلنه بيه و شنو
التطورات الصارت؟

:-لا طبعا يهمني صعب ما يحجيلي

شبك جفوف ايده ببعضهم و اتقرب علينه

:-صعب من اقل الحالات هيج بسرعه تتعالج اني جداََ فرحان بالتطورات الجاي اشوفها بحالته

الفرحه الحسيتهه بهل لحضه ماكو شي يوصفهه بدون ارادتي حجيت بصوت عالي ماليته الفرحه

:-صددككك

:-اي و احس السبب انتِ

باوعت لصعب كوه لازمه روحي اريد احضنه

:-اني؟

:-نعم لان اول مره اجاني بيها الصعب كال جاي اتعالج علمود شخص و لمن سألته على هل شخص اليوم يله كالي و طلعتي انتِ

ما ادري ليش عيوني غرغرو دموع عضيت شفتي الجوه اريد اسيطر على دمعتي دنكت راسي بعد ما تحملت كبل نزلو دموعي رفعت راسي شففت صعب مقدملي كلنكس ابتسمت و اخذته منه بقو يحجون الدكتور و صعب و اني عيوني ما شلتهه من صعب احس اريد المه بحضني فرحانه بي هواي

الدكتور بعد ما كمل حجي ويا الصعب كال

:-تكدرون تاخذون راحتكم

كمنه ثنينه فرحانين

سلم على الدكتور و طلع حضنت ايده و اباوعله مبتسمه نسيت الدنيا اشوفه بس هو كدامي

:-شبيج بابا حلكج راح ينشرك

:-فررحانه فررحانننه

:-صوتج ولج

:-هههه حاضر اكلك اريد احضنك والله

:-جا شبيج بالبيت هنا لان ما اكدر تكليلي احضنك بالبيت متصخمه

:-ههه لا مو انت قصدك مو شريف اني قصدي شريف

طلعنا سوه فتحلي باب السياره و سده ورايه افتر علمود يصعد و اني عيوني ما شلتهه منه طول ما يمشي مراقبته اكو شي بداخلي ما يخليني اشيل عيني منه

صعد باوعلي و ابتسم
الصـعب :-اليوم وين

:-اخذني لمكان اكدر احضنك بي

:-لا اخاف على روحي

:-هههه والله فرحانه صعب هسه بوديي اصيح بعلو صوتي و ابشر الناس

:-هنيالي بيج

ابتسمتله ما اعرف شنو ارد شغل السياره

مـلاذ:-نطيني تلفونك

انطانياه و بقيت اشغل اغاني ساجده عبيد و اغاني اعراس و هو ميت من الضحك

:-صعب عليك الله لا تضحك عليه والله فرحانه

:-لا ما ضاحك

:-جا خل اشغلك اغنيه بالبيت و اركص

:-تخبلت البنيه

:-شبيكك والله فرحانه

:-افرحي

:-وين رايحين

:-مادري

:-اخذنا للغراف

:-خوش جا ما تحجين من البدايه

:-مو هسه خطر على بالي

شويه الغراف بعيد يحتاجله مسافه اخذلنا اكل و رجع صعد

:-اكلك

:-همم

:-انت فرحان

:-اي فرحتج فرحتني

:-احبك اني

:-تحبيني؟

:-اي لان انت حباب و اكثثر واحد يساعدني و تعالجت علمودي و ما تكرهني احبك مثل ما احب امي

:-لا تتعلقين بيه

رفعت عيني عليه
:-تعلقت

ما رد عليه بقى يمشي ساكت وصلنا نزلنا لزم ايدي و اخذنا كدام النهر

:-نكعد هنا

:-بكيفك

:-تعاي خوش مكان هذا

كعدنا واحد بصف الثاني باوعتلله و ابتسمت يباوع للنهر بدون ما يحجي تقربت منه وخرت ايده و خليت راسي على صدره حاوطني بأيده و قربني عليه اكثر

الصـعب:-جماره

:-همم

:-لو متت شتسوين؟

ردت اوخر من حضنه و احجي بس تحركت قوه قبضته على ايدي

:-خلييج و احجي

:-لا تحجي بالموت صعب

:-كلنا على هذا الطريق

:-ميخالف بس لا تحجي هيج خلينا نستمتع بلايام الجاي نعيشهه ليش نفكر بالموت

:-زين

:-اممم

:-شلون تعلقتي بيه؟

:-سويتلي الما سوو هلي بوقت الدنيا ضايكه بيه و بأمي و الناس كلها ضدي وكفتلي سند هل شي مستحيل انسى الك

:-تدرين شغله

:-شنو

:-انت الواكفه بعيني و مسكتتني عن هواي مواضيع

:-شنو يعني

:-المنتضره من سنين هسه اكدر اسوي بأي لحضه بس
دامج ييمي متخلي عن هدفي

:-شنو هدفك؟

:-هيج انسي

:-بس اني جاي احجيلك كلشي انت ليش ما تحجيلي

:-احسن ما اريد تفكرين و تتعبين

:-خل نتشارك بكلشي صدك ما اخذلك

:-لا هيج احسن شاركيني بكلشي يخصج و نحله سوه و انه هم بس الموضوع الحجيت بي هسه خله يولي

:-انت تريد ترتكب جريمه؟

:-ههههه ييجوز

:-صعب احجي صدك

سحب نفس قوي و وخر ايده مني وخرت من حضنه باوعتله بخوف

:-احجي

مد رجله و طلع باكيت جكاير من جيبه خله وحده بحلكه و رجعه

:-شبيك ما تحجي

:-شحجي؟

:-تعرف شنو تحجي

:-لا

:-شنو الي يخليك تسوي هيج؟

:-شمسوي!

:-تريد تنتقم

:-لا

:-لا تجذب

:-منين انتقم؟

:-اني جاي اسألك

:-تدريين شغله

:-شنو هي

:-يوم من الايام جنت عمري 11 سنه

كال هيج و جر نفس بقوه و زفره
:-كمل

:-ههه جنت شارد بطريق اضلم لا احد ييعرفني و لا اعرف احد شارد من ناس اذا لزموني يمكن اصير اكل للجلاب محد يعرف مصير هل طفل و كله بسبب عمامي و لليوم يا ملاذ انه بعينهم و بتفكيرهم الطفل الي مات بعمر 11 سنه لليوم اني واكف يم ذاك العمر ما تحركت منه

:-ليش وين شارد ما جاي افهم فهمني صعب

:-لا تفهمين المهم هل ناس الخلوني اوصل لهل مرحله ما اسكت منهم

:-بس الله موجود اي شي مريت بي راح يعوضك عنه بيوم و انت تجاوزت هل شي ليش ترجعله

:-مو هل سبب الي يخليني ارجع لو شما سوو بيه
مستحيل ارجع و انتقم بس دام گربو من امي راح
اندمهم بيوم من الايام الطفل الي طول عمرهم يصيحون علييه غلطه و ابن زنا راح يصحح هل غلطه بيوم من الايام

:-بابا

:-روحه

:-شوف ما اعرف شنو المريت بي و اعرف بحجم الاذيه التأذيتهه قبل و هسه و اني متأكده هوايي تأذيت لدرجة وصلت لمرحلة الرهاب بس الله شكبره بعزته و جلالته يسامح احنه ليش ما نسامح

:-غلطهم ما يغتفر

:-تصير مجرم علمود ناس ما تخاف الله؟

:-مو مجرم بس كلمن انطي حكه من السواه النه

:-شتريد تسوي

:-كلشي حلو بوكته شغلة وكت مو اكثر

:-اعمامك؟

:-شبيهم

:-تنتقهم منهم

:-ههه ما ادري

:-شراح تسوي بس كلي

:-اذوني بأمي شتردين اسوي

:-شنو السوو الها

مسح وجهه بيده و رجع باوعلي
:-مو وكتهه انه جاي اونسج ليش نضوج؟

:-بس

:-كافي يله تاكلين

:-لا خل نحجي

:-شنحجي

:-شسوولك عمامك

:-احنه مو فرحانين ليش تخربين فرحتنه

:-زين تحجيلي بعدين؟

:-الوحيده الجاي احجيلها هي انتِ

:-و شهاب؟

:-اني كلت وحيده اقصد بالبنات

:-جا لا تجذب و تكول الوحيده

:-شهاب يختلف

:-و اني؟

:-تشبهيني

:-خوش جعت تره

كام جاب الاكل و كعد بصفي فتحلي الببسي شلت الفه اكل باوعتله باقي صافن

:-همم ما تاكل

:-كملي و وكليني

:-شلون بيه اني شلون لو مخلفتلي طفل هم احسن

:-سهله تردين طفل بعيوني

:-شنو منين تجيبلي

ضحك بصوت عالي
:-هههههه اكلي اكلي بس انطيج مجال اكثر تجفصين اكثر

:-ليش اني شكلت انت كلت تردين طفل و اني سألتك
منين

:-من

كال هيج و عض شفته مبتسم

:-ما تكمل منين

:-اكلي نسيت شنو رددت اكول

:-اوكلك و توكلني؟

:-اي

فتح قوطية الببسي و اللفه مالته بقى يوكلني و اني اوكله نشلع گلبنه بس ما استسلم

كملنه و رجعنا نباوع للنهر ثنينا صافنين كدامنه للحضه حسيت محتاجه امي يميي تشوف اني وين احس هل مكان شكد ما هادئ خلى بس اممي بخيالي اتذكرت اخر مره شفتهه بيها مر هواي وكت عليهه اخر مره سمعت صوتهه اخر رساله منهه نزلت دموعي و اني اتخيلها كدامي بقيت امسح بدموعي رفعت راسي لكيت صعب يباوعلي ابتسمله و امسح دمعتي ما اريد ابيين بيه شي
رفع ايده و مسح الجوه عيني بطرف ابهامه

:-شبيج؟

:-ما بيه شي هيج

خله ايده على خدي و بقى مركز نضراته عليه

:-عيونج تعبانه رغم فرحتنه اليوم

:-ماكو شي

:-مشتاقه لامج؟

:-هوواي

كلت هيج و خنكتني العبره نزلت راسي ما احب واحد يشوفني و اني ابجي

سحبني عليه و لف اديه عليه صار راسه فوك راسي يحرك بذقنه عليه

:-ما ااريد الدمعه تنزل من عينج و انه موجود لو شما
صار

:-صعب مشتاقتلها حيل

:-ترجع بس اصبري

:-صار هواي شوكت بعد

:-ميخالف انت يمي مو يم واحد غرييب شنو مليتي مني

:-لا و حتى من اتذكر امي راح تجي و اني راح اروح من يمك ابجي اريدكم ثنينكم

:-ما ضل شي راح ترجعين بابا

وخرت ممن يمه و مسحت دموعي

:-نروح؟

:-بكيفج

:-اي خل نروح لان بردت

شال العلاليك و مدلي ايده كومني بقى لازم ايدي لما وصلنه للسياره فتح الباب و صعدت خليت راسي على الكشن الكدامي و اباوع للجهه الثانيه شغل السياره بدون ما يحجي شي

الصـعب:-وين تباوعين

رفعت راسي و ابتسمتله

:-هيج على الطريق

:-باوعي لجهتي

:-ما اشوف شي

:-و اني؟

:-ههه لا اقصد شارع

:-سأصبح من اجلكِ شارع الحُب تيهي بين زواياي...

:-هه للشاعر؟

:-الصعب؟شنو مو بعينج

:-ههه لا صدك؟

:-وداعتج

:-تحب الشعر؟

:-اممم

:-بيت شعري تحبه

:-يكول الشاعر

:-شيكول!

:-لَيتَ الَّذي خَلَقَ العُيونَ السودا
خَلَقَ القُلوبَ الخافِقاتِ حَديدا
لَولا نَواعِسُها وَلَولا سِحرُها
ما وَدَّ مالِكُ قَلبِهِ لَو صيدا

:-الله ما فهمت شي

:-هههه المهم الفكره زين انت انطينه شعر تحبينه

:-ماما جابت بيبي تعتبر شعر؟

:-لا هاي هيه بطلنه ما نريد شعر

:-شنو صوجي اريد اقرالك شعر

:-شتحبين؟

:-ااغاني اعراس اكل نوم غيبه

:-ما شاء الله

:-لا تحسدني خل احط ام سبع عيون

:-لا قريت عليج المعوذات لا تخافين

:-زين اسألك بعد

:-امم اسألي

:-تحب الرسم؟

جان يمشي سريع فجأه وكف السياره و باوع عليه بقيت اتلفت عبالي صار شي

:-شكو؟

بلع ريكه و بلل شفايفه
:-يا رسم؟

:-شبيك جاي أسألك تحب الرسم

:-ليش؟

:-هو سؤال شنو ليش

:-لا ماحبه

رجع شغل السياره

:-زين اكثر ثلث شغلات تحبهن بحياتك؟

باوعلي رفع حاجبه و رجع باوع للطريق
:-شغلي و الذكريات و عيونها

:-عيون منو؟

:-حبيبتي الحجيتلج عنهه مره

:-ها ما شوفتني صورتهه

:-ما تصور

:-صدك جا اخذنه على يوم نشوفهه

:-راح تحبينها؟

:-اي طبعا احبهه

:-اممم

بقيت ساكته ما عندي شي احجي وصل لمنطقتنه

:-اكلك بابا

:-كولي

:-من شوكت انت عايش وحدك

:-من زمان

:-يعني من شوكت

:-شنو انت ما تخلصين اسأله

:-لا ما اخلص

صف السياره و نزلنه فتت قبله للبيت و هو فات ورايه
فتت لغرفتي و عفت الباب مفتوحه لان اريد اخذ ملابس و اطلع فتحت الحجاب مطيه ضهرب للباب خليته على الجربايه شفت صعب بالمرايا فات للغرفه ما اهتميت اريد ادير عليه اكله شعندك هنا ما احس غير حضني من وره و دفن راسه برگبتي محاوطني بثنين اديه

بعدت راسي منه جسمي مكزبر من ملمس شواربه لرگبتي

:-صعب

:-هممم

:-شبيك وخر

وخر وجهه من ركبتي و خله حنجه على جتفي

:-مو كلتي احضنك شو ما حضنتيني؟

:-شوكت كلت

:-من جنه بالدكتور

:-ها مو نسيت شسمه وخر اريد اسبح

:-ملاذيي

:-ها شبيك صعب

درت وجهي عليه صرنه عين بعين قريبين على بعض

الصـعب:-ردت أسألج شي بس خليها وره السبح

:-شنو

:-هيج شغله

وخر من ييمي و طلع من الغرفه اخذت ملابس من الكنتور و خاولي بقيت صافنه شيريد يسأل سبحت بسرعه و طلعت شفت باب غرفته مسدوده فتت لغرفتي مشطت و خليت تنت تمددت بفراشي و تغطيت عفت باب الغرفه مفتوح علمود يجي

بقيت اكلب بالتلفون اجتني رساله من رقم كاتب

:-عينيكي بحراََ و ما انا الا غريق

صفنت هسه هذا منو كل يوم دازلي ما يمل كل مره احضره و يجي برقم ثاني صورت الكتابه و دزيتها لصعب شافهه ما كتب شي شفت باب غرفته نفتح فات لغرفتي و سد الباب ردت اكعد علمود انزل فراشنه بالكاع لان جربايتي ام نفر ما تكفيلنه اول ما شلت الغطه مني كعد على الجربايه بصفي

الصـعب:-ابقي بمكانج

ما نطق غير هل كلمتين و رفع ايده دفعني على الجربايه عكدت حاجبي مستغربه ردت اكعد خله ايده على ايدي ثبتهه على الجربايه

:-شبييك انت شجاي تسوي

ما رد عليه رفع نفسسه على الجربايه و تمدد على طولي خلاني ارجف من تصرفه

:-صصععبب شكووو وخرر

:-اششش

رفع ايده من ايدي على شعري يرتب بي ابد ما باوعلي بلعت ريكي متوتره

:-صعب حباب شبيك وخر

رفع عينه عليه و خله ايده على وجهي و اصبعه الابهام على شفتي يحركه بهدوء

رفعت ايدي اريد اسحب ايده
الصـعب:-جؤؤ ملاذ

:-شبيك حباب

:-أسألج شي و جاوبيني بصراحه

:-بس وخر و أسألني

:-جؤؤ علمود اذا جذبتي اعاقبج

رخيت نفسي و رجعت على المخده جريت نفس اهدء بروحي

:-يله اسأل

:-الغرفه

:-يا غرفه

:-فايتتلها مو؟

احس رجفه سرت بكامل جسمي اباوع لعيونه احسهن كاشفاتني بللت شفايفي

:-لا صعب شوكت فتت

:-لا تجذبين

كال هيج و نزل راسه على شفايفي باسني و سحب نفس قوي احسه مله ريته بي رفع راسه و ابتسم و اني الرجفه للزمتني احس حتى انفاسي تخربطت

:-جاوبي؟

:-ما فايته شبيك فدوه وخرر

رجع دنك راسه على ركبتي و باسهه بخفه رفع راسه و خلله كصته على كصتي

:-لا تجذبين عليه اعرفج من عيونج

:-ما مجذبه حباب وخر

:-كل ما تجذبين انزل اكثر و انت بكيفج

:-بسس وخر حبااب

:-احجي و اوخر تدرين بيه ما اسويلج شي

:-اي فتت بس ما شفت شي

:-ههه ما شفتي و شلون سألتيني على الرسم صدفه؟

:-شوف

ما خلاني اكمل كبل كام من يمي و طللع بره ما اعرف شسوي بقيت كاعده بمكاني ما ادري ليش كل ما صعب يصير زين و افرح بي يطلعلي شي يضوجه

شفته فات من كدام الغرفه بأتجاه المطبخ يمكن راح للغرفه رجعت تمددت بمكاني اخاف اروح وراه و يعصب
سديت التلفون غمضت عيوني اريد استسلم للنوم احس البروده صارت براسي ناسيه شعري ما مغطيته و مبلل ما ادري بروحي من نمت

كعدت من نومتي احس راسي ثكيل و جسمي نحلان كوه فتحت عيني باوعت بصفي ماكو احد باوعت للجهه الثانيه صعب متمدد بالكاع و يكلب بالتلفون

:-صعب

بس سمع صوتي رفع راسه و بسرعه كام وكف كدامي خله ايده على جبهتي

:-شبيج يا بابا صخونتج تصعد ما تنزل

:-راسيي شبي

:-ما بيج شي اذا انت تسببحين و ما تنشفين شعرج شلون ما تتمرضين

:-رااسيي ثكيلل

:-بس خل يصير الصبح و اخذج هسه وين نروح

:-اكلك انت كاعد على راسي

فاتحه عيني كوه اباوعله احس بروحي شجاي احجي بس ما اعرف معنى كلامي

:-تشربين مي

:-لاا ولك راسي ثكيل شبيك انت اكلك هاي شنو

:-شنو

:- بردانه

:-انام يمج؟

:-اي و احضني و دفيني

:-و بعد

:-خلي رجلك فوك رجليني علمود ما اوكع من الجرباايه

:-اي

:-تعالل

تمدد بصفي لزمت ايده خلييتهه على خصري و قربت منه كوه احرك روحي الصخونه مبيده جسمي

:-خلي بعد غطه

:-متغطيه هواي هاي هيه

:-كله من وراك تمرضت خل امي تجي

:-نامي بابا الصبح نحجي

:-اكلك

:-همم

:-بله أسألني بيش الساعه

:-بيش الساعه

:-بفلوس ههه اكلك

:-ناميي اذا ضليتي دقيقتين تفضحين كلشي

:-عادي غير رجلي اهخ يمهه راسي ااكلك

:-همم

:-انت ليش تبوسني باجر اكل لامي عليك

:-ميخالف

:-برردانه ولك

:-نامي و تدفين

:-غطي راسي بردان

:-متغطيه والله بس نامي

:-مو تروح من يمي الجني ياخذني

:-لا

:-هااي شنوو

:-شنو ياعيني

:-عينك شبيها

:-شبيها

:-غمضهاا ولك برردانننه اني انت شبيك

:-نامي

:-نايمه اني انت تحجي

:-اشش نامي

:-اكلك

:-همممم

:-انت راسم عيوني مو هههه اكول منو رسمهن

:-اممم اسويلج كمادات

:-كمادات لو حضاين هههه

:-صخونتج وصلت للستار

:-دفيني شبيك انت

بقيت هواي احجي ما ادري بروحي ششوكت نمت و شوكت كعدت فزيت الصبح جسسمي مثلج ما اكدر احرك روحي احس مكسره باوعت كدامي صعب حاضني و نايم اول ما تحركت فز عيونه حمر

:-ها بابا تردين شي

:-غطيني بردانه

:-لا كومي اسبحي علمود نروح للدكتور يله بابا

:-مااا بارده ما اسبح

:-لا جمارتي تصيرين زينه

:-لا لا والله بارده

:-كومي ياعيني كومي شلون تضلين هيج

:-شبيك اني بردانه ما اريد اسبح

:-هو بس تسبحين تخف صخونتج و تدفين

:-ماااا

عافني و كام بدون ما يحجي فتح الكنتور و اني لفيت البطانيه عليه شفته مغطيني بثلاث بطاطين بس بعدني بردانه غمضت عيني احس حراره تطلع منهم حسيت ايده على وجهي فتحت عينيي لازم ملابس بيده

:-كومي

:-شوف والله ابرد

:-بس كومي و ابقى منتضرج بره و لازملج بطانيه اول ما تطلعين تلفلفي بيها

:-اا كول والله

:-و داعتج بس كومي

:-و شعري

:-اني امشطج بس كومي

:-وخر هذا تل البطاطين ايدي بايده ما بيه اتحرك

:-شوف الصوت يالله

شال البطاطين و يحجي
:-شبيي تره لان منشوله هسه يرجع معليك

:-اي يابه على صوتي اني اقصد

وخر البطاطين و احس جمدت

:-صصععب رجع الغطه ثلجت والله

:-جؤ كومي

سحلني سحل من الفراش وصلني لباب الحمام فوتني جوه كعدت على مسطبه صغيره بالحمام لامه نفسي من البرد علك ملابسي باوعت خله الملابس الداخليه و تراك ثخين

:-شنو انت ما تستحي

كمل و باوعلي مستغرب
:-شنو ليش؟

:-منو كالك تطلع ملابسي

:-ديله هسه من هاي استحيتي جا البارحه ما استحيتي من تحضنين بيه

:-انجب اطلع يله

:-اتحمل لان مريضه

:-خوش

:-اسبحج

:-لااااا اطلعع

طلع كمت سديت الباب وراه حايره شلون افاتح المي بالموضوع و ما ابرد كعدت جوه الدوش المي دافي ارتاحيت عليه ما بودي اطلع لما صاح عليه

:-شنو ملاذ وينج

:-المي دافي ما اريد اطلع

:-كوه فتي تسبحين و هسه ما تطلعيين شيقنعج يله بابا بسرعه

:-اي

سديت المي و لفيت شعري بخاوليي بدلت كوه احس ما متوازنه اسند روحي بالحايط و امشي اول ما طلعت واكف كدام الباب لازم بطانيه و منتضرني وكف كدامي و خله الببطانيه على ضهري و على راسي لزمت ايده
و فتنه للاستقبال

عافني و طلع و اني ركيت راسي على التخم احس اريد انام باوعت للساعه ب11 الصبح

شويه و اجه شايل صينيه خلاها كدامي و كعد
:-صعب لعبانه نفسي

:-اكلي شويه و يروح لعبان النفس

:-لااا والله تلعب نفسي حباب

:-اشش هسه تصيرين زينه يس تاكلين راح اسويلج لفه

:-ولك احس سنوني توجعني

:-اي لان ما ماكله زين

يحجي و يسوي لفه خلاها كدامي طلعت ايدي من البطانيه لزمتهه و صفنت

:-ها شو صفنتي

:-ما اكدر اكل بلاعيمي توجعني

:-بس هاي وراهه اشربي حليب حار هذا وتصيرين زينه

:-ماا ماريدد

:-غير تفضها

سحب الفه من ايدي فتحها و كعد يوكل بيه كل شويه اكله ما اريد كام ما يرد عليه لحد ما صدك حسيت ما اكدر بعد

:-صععب والله راح اتقيء

:-يله هاي هيه

صب حليب البخار طلع من عنده
:-يله هذا شربي و هسه تصيرين زينه

:-والله ما اريد شبيك

:-شربي ليش تخليني اخذج لدكتور و ينطيج ابر

:-لا جيبه اشربه بس ما نروح لدكتور

:-لا اذا شربتي ما نروح

اخذته منه ردت انفخ على الكوب صاح
:-جؤؤ لا تنفخين شربيي هيج

كوه شربته كاعد يباوعلي لمن كملته كله اخذ المواعين للمطبخ شويه و فات بيده دهن شعر و كيتر و مشط
و اني مخليه ايدي على التخم و مخليه راسي عليهه كعد بصفي

:-ملاذ بس نطيني ضهرج خل امشط شعرج

:-انت كوم صير ورايه

:-التخم ما اكدر بس شويه تحركي

درت ضهري اله نزل البطانيه و كعد يحرك بالخولي على شعري وخره و خله دهن كعد يمشط شعري خصله خصله

:-على كيف جاي يأذيني

:-هو على كيف

:-لا هذا حيل

:-اسكتي خل امشط شتردين اسويلج

:-ضفيرتين

:-وين يصير بشعرج

:-لا وحده منا و وحده منا

:-شللون

:-بكيفكك ما ادري

بقى يكلب شعري منا و منا و اني بس اصيح عليه
:-اكلج

:-ها

:-ما تحسين راسج مصفح

:-شنوو

:-شبيج صار ساعه اسوي بشعرج ما يصير يمكن راسج
مصفح

:-وخر من شعري يله هاي ايدك مصفحه

سحبت روحي منه صار ساعه يضحك عليه

:-اريد مخده

:-ماكو نوم تمرضين بروحج كوه

:-شعليك انعس تره

:-ما تنامين

:-ما انام بس اتمدد راسي يأذينني

كام شويه و اجه بيده مخده خليتهه بالكاع و تمددت و هو كعد على التخم مقابيلي

:-صعب

:-ها

:-جيبلي بطانيه بعد بردانه

ما حجه شي راح جاب بطانيه و رجع غطاني

:-لا تنامين

:-لا ما انام

ما ادري بروحي من نمت حسييت اكو شي على راسي رفعت ايدي اتلمسه فتحت عيني صعب كاعد يسويلي كمادات

:-ها بابا شلون صرتي ادري شنو تنامين منا تصخنين منا

:-بردانه صعب

:-كومي خل اخذج

:-مااا

:-شنو ما بكيفج كومي

:-ينطوني ابر ما اريد

:-ما اخليهم ينطونج

كام شويه و رجع مبدل ملابسه و لازم بيده حجاب

:-كعدي لبسي حجابج

:-ما اريد ماااا

كعد كدامي وخر الغطه و سحبني

:-ااااششه باررده

:-اشش

خله الحجاب على راسي مدريي شلون لفه الي ما بيه حيل اشوفه سحلني بلكوه

فتحلي باب السياره صعدت و لميت رجليه على الكشن
اخذني للمركز قريب علينه نزلت بلكوه احس جسمي واحد مكسره

كاعدين ييم الدكتور اشرت بعيوني للصعب
فضحني كدامه صاح بصوت عالي

:-ها بابا

عضيت على شفتي علمود ما يشوفنه الدكتور

:-ها شكلتي؟

:-ابر ما اريد

:-ها دكتور لا تكتبلها ابر

ضحك الدكتور كال
:-اذا مو ابر كانونه الفايروس قوي بجسمهه

باوعلي صعب

:-ها؟

:-اي كانونه و لا ابر

:-بكيفج

طلعنا بره جبنا علاج و رحنا للمرضه علمود تشدلي كانونه كعدت مقابيلها

:-اكلج حبابه خو ما تأذي

:-لا

:-صدك؟

:-بس شويه

:-اكلج ما يصير اشرب الابره و افض السالفه

:-هههه لا وين يصير

:-جا اخاف اني

:-لا ما تخوف

حضرتهه بس شفتهه كدامي احس روحي راحت صعب وكف يمي و عصر ايدي الثانيه باوعتله

:-شبيج؟

:-خل نعوف الكانونه والله التزم بالعلاج

:-اذ مو كانونه اخذلج ابر و انت بكيفج

سحبني عليه ضم راسي بحضنه و لزم ايدي الثانيه
حسيت على نغزه الكانونه ردت اسحب ايدي و البنيه لزمتهه بقوه لازم تضرب ابره بالكانونه

:-لا ليش تسحبيها

:-اذتني كاافي

:-ما بققى شي بابا راح تكمل

شويه و وخرت ايدهه كبل كمت البجيه حاصرتني لو ضاربه ابره احسلي من هذا الوجع

طلعنا بره فتحلي السياره ما احجي وياه صعد

:-شبيج مطنكره

:-معليك اله اكل لامي شدلي كانونه

ضحك و دار وجهه يسوق بسرعه وصلنه فتحلي الباب و نزلنه كبل رحت للفراش ردت انزع الحجاب لمست راسي مسويه كصيبتين و صايرلي كرون بالحجاب رفعت راسي صعب حاضن اديه و يباوعلي مبتسم

:-هاي شبيي راسي

:-مو اكلج راسج بي شي ما صدكتتي

:-شنو ماخذني بكروني

:-شعليه هو راسج مصفح

خلاني الطم سحلت الحجاب و شمرته عليه شويه و راح جاب صينيه مال اكل كعد كدامي

كعد يسويلي لفات صغيره و يوكلني كملت و شربني العلاج تمددت بفراشي و هو كعد يمي يلعب بشعري

:-راح تنامين بابا

:-لا ما انعس

:-ما صرتي شوي احسن

:-لا احسن

:-تردين اجيبلج شي

:-لا اقرالي شي

:-مثلا شنو

:-قصه

:-ما اعرف

:-جا اقره بالكتاب

:-مالج خلك خلي

:-لا اريد اسمع شي

:-هسه اجيبه مو الكاج نايمه

:-ههههه لا ما انام

كام شويه و رجع بيده الكتاب خله مخده بصفي و تمدد

:-تغطى ويايه

:-ما بردان

فتحلي ايده

:-نامي على ايدي عوفي المخده

خليت راسي على ايده اباوع وياه على الكتاب باس راسي و بده يقره

...........................
عودة الى الماضي

الصفحه الثالثه و العشرون

رُفيده

كاعدين اني و روح يم امي و امي باوعت لبطن روح ابتسم كالتلها

:-روح بيج ولد

ضحكت روح و لمست بطنهه

:-صدك؟

:-اي مبينه من بطنج

:-يعني راح يجي ابني مثل عابس

رُفيده:-روح انت والله بطرانه شتسوين بثنين عابس بحياتج

:-يا و شبي عابس

:-لا يابه ما بي شي

:-لو بيدي حتى انت اسويج عابس

:-يااا هيج تهون عليج الصداقه

:-لا شبيج هسه اني شكلت

كطعت حجايتهه لازمه بطنهه و اضحك باوعتلي بلهفه
:-يررفس بطننني شفتتي ما يرضه عليج

:-ههههه روح خالته حتى و هو ببطنج يحبني

:-متعبني هذا الطفل بس يصير اذبه عليج ما اريده

:-اكيف والله ما انطيجياه

:-بالعافيه عليج

ضلينا نسولف و نضحك لحد ما كل وحده راحت لبيتهه كل ما يصيرلي مجال اروح لو لامي لو لروح و جنت كل ما اروح لروح احمد يعصب ما يقبل اروح الهم

رجعت للبيت و اجت روح وياي نريد نروح لامي شفنا ناس متجمعه يم بابنه عفت روح و رحت اركض فتت للبيت و روح هي و بطنهه تركض ورايه فتت للبيت شفت امي ممدده و مغطينهه و اخواني كلهم كاعدين يمهه

صرخت بعلو صوتي ما مصدكه امي عافتنه روح كدامي فقدت ما تعرف شتحجي الناس تسكت بينه اجو احمد و عابس

كوه شلعونا منهه عابس ما قبل وحده من عدنه تروح كعدت بالزاويه اشوف امي بكل مكان بهل بيت روح مخليه راسهه على الحايط و دموعهه تنزل

خلاص اني و روح منو النه امي و ماتت شنو تاليتنه ان شاء الله عابس ما يخذل روح
كمت يمهه سحبتها لحضني

:-روح كومي اكلي شي مو زين على الطفل

:-ما اريد

ضمت وجهه بحضني و كامت تشهك بتنه بالبيت صارت الفاتحه حسييت نكسر جنحي الجنت متقويه بي صح امي ما جاننت تسوي شي بس من يغلط وياي واحد

احجي بزود و امي موجوده هسه وين اروح كاعدين بالغرفه مالت امي فات واحد من اخواني بدون ما يدك الباب صاح

:-روح

جانت لازمه ثوب امي مسحت دموعهه و رفعت راسهه عليه

:-انت وحده غريبه بينه و الشخص الجان رابطج بينه مات اعتقد بعد ما الج جيه لهل بيت

بقت ساكته و تباوعله مصدومه

عابس يم اهله و هو ما يخليها تبات ببيتهم من ما موجود

رُفيده:-شوف مرتضى البيت مو بييتك و تقرر منو يبقى بي و منو يجي اله

:-و لا بيتج ناس غربه ما تفوت لبيتنه و اذا تردين الحجي يصير هيج حتى انت مالج حق تفوتين امج و راحت
كمت من مكاني منتفضه وكفت كدامه رفعت اصبعي بتهديد

:-شووووف ااياك تشوف روحك علينه والله اندمك والله يا مرتضى

:-اطلعي بره انت و بت المسيحيه

سحبت روح جسميي كله ينتفض طلعنا بره اخذتهه وياي للبيت مالتته افتر متوتره و روح دمعتهه بعينهه

:-شبييج انت شبيج لا تبججين

كامت من يمي شويه و رجعت

:-ها شبيج

:-خابرت عابس

:-شنووو شسويتتي انتت

:-احسن خل يجي

:-روحح بس اليوم والله اطيح حضهم ما عليج بأحد

:-بطني توجعني رُفيده

كعدتها بالكاع بقيت امسد على بطنهه ما اعرف شسوي ببهل حاله و هي كل شويه يزيد وجعهه فات احمد للبيتت و روح كاعده على صفحه تبجي كال

:-ليش روح هنا خو ما رجلها طردهه و اجتنه

:-صوتكك لا مو هنا

:-شنو راح تبات يمنه

:-احمممدد هاي روووح

:-و اذا روح من هسه اكلج محد يبقى يمنه خوش

:-اششش اششش صوتتتك

عفته و طلعت يم روح مسحت دموعهه و كامت من يمي فتحت باب البره

:-وين روح

:-عابس راح يجي اريد اروح

:-اجي وياج

:-لا ابقي هنا عابس بالبيت

ما اهتميت الها طلعت و طلعت وراهه بدون ما اكل لاحمد كعدت بنص الشارع ما تكدر تكمل مشي من وجع بطنهه
لزمتها من ضهرها ابجي على بجيهه

:-ها شبيج

:-يمكن راح اجيب

كومتهه كوه وصلنه لبيتهم بقيت يمهه و هي تتلوه ساعه تكعد ساعه توكف ما تكدر تسوي شي مر ثلث ساعات هي على نفس الوضع لحد ما فات عابس سلم عليه و راح ركض لروح لمكرفصه و عاصره بطنهه

:-ررراحح اجججيبب ما اككدر بعد عاابسس

لبست حجابي و هو بسرعه شغل سيارته و اخذناهه و هي بس تصيح راح اجيب وصلنا للمستشفى دخلناهه جوه حالتهه فد نوب و بس تصيح راح ينزل الطفل ...........

.................................

سد الكتاب و دار عليه حاوطني بديه

:-شلون صرتي

:-شويه احسن

:-تاكلين شي

:-لا شبعانه

:-هذا الرقم هم بعده يدزلج شي؟

:-اخر مره من صورتلك بعد ما دز هو انيي احضره و يجي من رقم ثاني

:-واكع على وجهه و محد مسمي عليه

:-ما اعرفه والله

:-ادري يجوز قصده شريف

:-لا خيوللي ابو القبله

:-ههههه تضوجين من يحجي هيج

:-لا خيولي

:-اقرالج بعد شي

:-اي شعر

:-تردين شعر شنو فصيح لو عاميه

:-بكيفك شتحب اقرالي

:-وحبيب اخفوه مني نهاراً
فتخفى و زارني في اكتئام
زارني في الضلام يطلب  سترا
ففتضحنا بنوره في الضلام

:-انت شلون تفهم هذا الخريط

ضربني على راسي بخفه
:-هذا خريط هذا ما تفتهمين

:-مو حلو

:-امم خوش

:-لمنو هذا لحبيبتك الما تشوفني صورتهه

:-اي

ردت ارد عليه و اتصل تلفونه سحبه شاف الاسم حسيت معانيه تغيرت من شاف الاسم اخذ التلفون و طلع بره
شويه و رجع وكف بباب الاستقبال

الصعب:-ملاذ عادي تبقين وحدج

:-وين رايح

:-شغل

:-شوكت تجي

:-ما ادري اذا تأخرت شهاب يجي يمج

:-اي بس دير بالك على روحك

:-اي

كال هيج و فات للغرفه شويه و طلع لابس اسود و خله المسدس بضهره من شفته هيج خفت ما يروح للشغل و هيج مسوي

كعد اباوعله

:-صعب متأكد ششغل

باوعليي شويه و كال

:-اممم

:-يا شغل هذا عصر وين اكو شغل صعب؟

:-شغل ما تعرفين بي ضروري

:-بس لا تتأخر دير بالك على روحك

:-ان شاء الله

باوع لتلفونه و رجع يمي باس راسي بقى يباوع بوجهي شويه عض شفته الجوه ابتسم و طلع

ما ادري ليش ما مرتاحه لهاي طلعته گلبي ناغزني بقيت افتر بالاستقبال على امل يرجع باوعت للساعه مر ساعتين و هو ماكو اتصلت عليه يتصل و ما يرد خلص الاتتصال رجعت اتصلت مرة ثانيه نفس الشي هم ما يرد بالمره الثالثه طلعلي مغلق خفت بالزايد من شفته هيج خابرت على شهاب گبل رد عليه

:-الوو شهااب

:-ها ملاذ

:-شهاااب وين صعب؟

:-جايج ملاذ..

..............
بـرق

بيلسان صارت جامعه انقبلت كلية علوم سياسيه و اني ادرس خامس كلش اضوج بالدوام ما عندي احد اعرفه

سيف مو بالبيت ملتحق بيلسان ااقسام داخليه اني و اريان و يامان كاعديين بالساحه مال البيت نقره فاتت مرة عمي كعدت كدامنه تباوعلنه كلنه مغلسين عليها صاحت

:-اكلك اريان

:-كولي عمه

:-سمعت يكولون امك عدها ورث صدك

:-الله ويدج منو كالج بله

:-والله سمعت و حجي موثوق مو شلون ما جان

:-الوصلج ما وصل كامل عدنه بيت ملك و كل واحد بينه عده راتب هم بس عاجبنه نعيش بالخرابه

:-يا شبيك اريان اكلتني صاير مثل اختك برق ما تنطي فكه للواحد

:-عمه شكتلج غير جاي اكلج بالاملاك العدنه عمي صيت الغنه و لا صيت الفكر

طلعت امي بيدها صينية مال تمن تنضف بي كعدت يمنه على الشمس

:-شلونج ام سيف

:-هلا زينه الحمد لله

كعدت امي شويه و صاحت مرة عمي

:-اكلج ام سيف اريد اكلج شغله

:-كولي

:-ذاك اليوم شفت يامان يشرب جكاير و اني اضوج على ولد ايوب تدرين بيهم ييهموني تعجبت كلت امه لو تدري تذبحه يامان كاعد على طابوكه و مرتكي على الحايط مخلي رجل على رجل و عود اسنان بحلكه وخره كال

:-الله اكببر عافت برق رجعت علي يامان شلون شفتيني بلا زحمه نريد الزمان و المكان و نوع الجكاره لطفاََ يا عمتي

:-شنو اني اجذب

:-حشه الجذب عمه

:-ام سيف شبيهم ولدج فوك ما خايفه عليهم ذاك اليوم وليدي اجه و كال شفت يامان طالع بملابس المدرسه
ويه اصدقائه رايحين للكهوه و عايف دوامه

:-شنسوي عمه هم نشرب جكاير

:-و عمه يعميك

من شافت محد يرد عليهه كلنه متجاهلينهه هزت ايدهه و راحت فتنه جوه راسلت بيلسان سألتهه شلون اوضاع القسم وياهه تكول متونسه ثاني يوم ينزل سيف انتضرته بالباب

اول ما فات حضنته و شلت الجنطه مالته بقيت منتضرته سلم على عمامي و اجه فتنه من يم مرة عمي صاحت

:-كش و بره

باوعت لسيف كلت

:-من خلقتج

:-هاي عليمن ولج

:-الي بعبه صخل يمعمع

مشيت و سيف يرزل بيه ما يريد اراددهم تغدينه و
كملنه واجباتنه بسرعه علمود نسهر ويه سيف اقره و

احس اكو نغزات بگلبي ما اهتميت للموضوع كلت يمكن وجع عادي شويه و راح نسيته لليل كعدنه سوه نسولف و نضحك

اريان:-اكلج عيني ست الحسن شوكت تزوجين سيف اريد اتزوج انني

:-محد يتزوج كبل سيف

اريان باوع لسيف كاله
:-سيييف تزوج و ارحم بحالنه

:-ما اتزوج لمن ازوجكم

:-خووش منو واكع بيها احنه امي ما تزوجنه و انت ما تزوج ولكم وعلي اكاوكم اذا ما زوجتوني

بقينه نضحك رجع كال
:-هاي برق ذاك اليوك كالت لبيلسان اني اريد اتزوج كبرت

:-انجججب شوكت كايله

سمعنه باب البره ندكت امي لبست حجابهه و كام سيف فتح الباب فاتو عمامي ثنين الجبير و الوسط كالهم

:-تفضلو

عمي الجبير هل شخص كل ما اشوفه احقد عليه نفسه الي تنازل عن قاتل ابوي نفسه الي ما ساعدنه بربع من عشنه اصعب ايام و نمنه جوعانيني نفسه الاخذ غرفتنا و عيشنا بهل خرابه نفسه الما ساعد سيف من نكسرت رجله
فاتو كعد

:-الله بالخير

ردو الولد
:-الله بالخير و العافيه

كمت اسوي جاي و اسمعهم شيحجون عمي الجبير كال

:-سيف جايك بموضوع.....
.
.
.
.للحكاية بقيه

كلانا كتف للاخر♥
الوريد♪
اعتذر على التأخير يلي صار بالبارت بس حرفيا جان اسبوع مليئ بالضغوطات و المرض ان شاء الله اخر مره هيج نتأخر عليكم بعدهه نرجع ننزل بترتيب ❤️