رواية أنتقام الصفحه 27 (ترميم) الفصل الخامس والعشرون 25 - بقلم خـلود الـ محسن

الكاتبه لورا
°°°°°°°°°
انستا lorai_alrwi
°°°°°°°°°
اشتركوا بقناة التليكرام لطفاََ💚
صوتو للبارت و علقوا على الفقرات نياتي
°°°°°°°°°°
:-شهاااب وين صعب؟

:-جايج ملاذ..

كال هيج و سد التلفون اسلوبهم خلاني الوب الف فكره و فكره اجت براسي فتت جوه لبست حجاب و طلعت انتضر شهاب نسيت المرض نسيت كلشي اريد بس اسمع خبر عنه كل شويه اتصل على تلفونه يطلع مغلق التوتر اكلني

كاعده بره و اهز برجلي منتضره واحد منهم يجي سمعت صوت سياره وكفت بالباب طفرت من مكاني وكفت بصف الباب شويه و نفتح فات شهاب وجهه تعبان و يلهث

:-ها شلونج

:-هلوو شهااب وين صعب ليش بس انت؟

:-ما ادري تعاي وياي يجوز يتأخر صعب

:-ووين اججي ما اروح اله صعب موجود

:-شكالج گبل لا يروح؟

:-شنوو ما كال

:-كالج اذا تأخرت يجيج شهاب يله ملاذ

:-وين اروح خاف يجيي و ما يلكاني

:-لا يجي علينه لا تخافين

:-هو ووين فدووه

:-بالغضب ممما ادرري ووين ما ادرري

نزلت دموعيي خايفه عليه مسحتهن بطرف ردني و مشيت كدام شهاب اخذت ملابس لصعب لان كال يجي علينه و تلفوني ما اخذت اي شي ثاني طلعت شهاب منتضرني بره

:-ها كملتي

:-اي

:-جبتي علاجج؟

:-لا

:-روحي جيبي صعب كال خل تاخذه

رجعت للاستقبال اخذته و طلعت مشه كدامي شغل السياره صعدنا ما يحجي اي ششي مو شهاب الاعرفه
درت وجهي على الجهه الثانيه و دموعي تنزل اريد احد يبرد گلبي و يكلي صعب ما بي شي

:-ملاذ

بس سمعت صوت شهاب زدت بجي
:-هاج كلنس

درت وجههي اخذت منه و رجعت اباوع للجهه الثانيه
:-هسه انت ليش تبجين؟

باوعت عليه دمعتي بطرف عيني
:-كلي وين صعب

:-موجود

:-لا تجذذبب لو موجود يرد عليه يطمني عليه من العصر طلع و ماكوو بس كليي انت تعرف وينه

:-اي اي اعرف و هسه بس انزلج و اروح

:-ووين تروح

:-لصعب يعني وينن

:-اجي ويااك ما انزل بأي مكان اله و صعب موجود بي

:-ويينن تججين مخبله انتِ؟

:-يعنني صعب بي شي ليش ما تخلينني اججي

:-و الكائنات ما بي شيي ما بيي بس وين اخذج

:-معليك اني اريد اروح والله اذا ما تاخذني هسه انزل هناا اخلي صعب يطيح حضك

ما رد عليه رجع يسوق فتنه لمنطقه كلش هادئه فات بشارع وكفنه بنهايته عماره جبيره

:-وين جايبني؟

:-هنا شقتي تبقين بيها لما نجي

:-مااا ابقى شبييك انتت اريد صعبب

:-مو وحدج

:-عسى ما الدنيا كلها هنا و صعب ماكو ما ابقى

:-ليش تضيعين وكت و انه اول و تالي ما اخذج نزلي

:-ششهاب فدوه افهمني انت شفت صعب من طلع بيده سلاح و حتى شكله جان بي شيي والله خايفه عليه

:-شوفي ملاذ انت مو خايفه عليه و تردينه يرجع

:-اي

:-خليني اروح و اوعدج نرجع انه وياه سوه

:-ما راح يصير بي شي موو

:-لا والله ما عليه شي

:-شوكت تجون

:-ما ادري بس وعد اخو لاخته صعب راجعلج

:-منو يبقى يمي

:-جبت اختي وياي

:-خوش

ردت افتح الباب كال
:-شوفي

:-ها؟

:-اختي اذا سألت انت منو شتكليلها؟

:-شكلها

:-مرة صعب و بس اي شي ثاني ما تحجين و لا تجيبين اي طاري لسبب الاجيتي بي خوش

:-اي

:-اذا سألتج ليش عرسكم محد يدري بي كليلها ابويه ما صار هواي من توفه و ما ردت عرس

:-خوش

:-ليش جابج شهاب هنا و صعب وين تكولين عدهم شغل سوه و احتمال يتأخرون لذلك جابني لان محد يمي و امي مسافره

:-هاي هيه

:-يله نزلي

نزلت و هو ورايه بقيت منتضرته مشه كدامي
:-لا تبجين يمهه

:-جيب صعب و ما ابجي

:-امشي بسرعه

اخذنا لشقه فتح الباب ممر صغير فتنه بي اكو صاله كدامنه بنيه كاعده تبارع للبلازما الكدامهه من دخلنه رفعت راسهه صاحت

:-ها شهااب

اول ما شافتني كامت و الابتسامه ماليه وجهه بقيت بس واكفه ما اعرفف شسوي اجت كدامنه

ياوع لاخته
شـهاب:-هاي ملاذ زوجة صعب رجع اشر عليهه و باوعلي هاي رتـيل اختي

:-هلو

:-هلا عمـري

اجت كدامي باستني و خلت ايدهه على جتفي تطلع اكبر مني بس حلوه كلش تشبه لشهـاب

رتـيل:-صعب خوش يختار

ابتسمت الها و دنكت اني وين افكر و هاي وين تفكر
شهـاب:-يله اروح اني رتـيل ملاذ بعيونج تخلينهه

:-حاضر

مشه صحت وراه
:-شهـاب خابرني حباب

:-ميخالف

ضليت اباوعله لحد ما فات بالممر بعد ما شفته رفعت راسي لكيت رتيل متخوصره و تباوعلي

مـلاذ:-ها؟

:-شنو اني مو بعينج و باقيه تباوعين وره شهااب خيولي هذا تعااي عرفينني علييج رفعت ايدهه لزمت خدودي و عصرتهن حيل

:-ينكررطن ينكررطن

:-ههه لا بس

:-بس شنو تعالي كعدي خل اضيفج

كعدت اهز برجلي متوتره ماعرف اتصرف يم واحد ما اعرفه كل شويه اغلط على صعب بگلبي وين خليتني ببمكان ما اعرف بي احد

جابت صينيه خلتها كدامي و كعدت يمي
:-ايي احجيلي

:-شحجي؟

:-ههه صدك شتحجين خل اعرفج على روحي

:-اني رتـيل عمري 23 سنه خريجة هندسه و هسه كاعده بالبيت منتضره واحد شريف ييجي يتزوجني و يخلصني من اهلي

:-هههه وين اكو احسن من الاهل

:-والله خيه الرجل

كالت هيج بضحك
:-نزعي حجابج محد يجي

صدك اني مختنكه من الحجاب نزعته و خليته بصفي
رتـيل اخذت موزه فتحتها و انطتنيها

:-اكلي اريد تحسبيني حالي حال شهاب لا تستحين مني
اخذتهه منهه ايدي ترجف يمكن لان مستحيه منهه

:-شبيج ترجفين برد لو مستحه

:-لا هيج

:-اممم زين انت ليش هيج

:-شنو

:-ما صارلج هواي من تزوجتي ليش لا حفافه لا صبغ و انت شعرج گصير اني منج العب بي لعب

:-ها لا ما احب

:-و زوجج هم ما يحب

:-ها

:-يمه شكد فاهيه كملي اكل هسه اشوف شسويلج

:-شتسوين

:-نسوي سبرايز لصعب

:-شنو لا حبابه ما اريد اسوي شي

:-مو بكيفج اكلي اكلي

:-اكلج

:-كولي عمــري

:-انت تعرفين صعب؟

:-ياا وين عنه من هو صغير نعتبره مثل اخونه هو صح صديق شهاب بس احنه نشوفه اخونه الثاني

:-هو بس صديق شهاب؟ما يقربلكم

:-لا ما يقرب بس احنه هواي نحبه اني و خواتي لان ابوي و شهاب يحبونه و متعودين عليه

دنكت راسي متوتره فكره تجيبني و فكره تاخذني شلون صعب يكول شهاب ابن عمي و هاي تكول صديق

بقت تحجي و تضحك مثل طبع شهاب بسرعه تذب ميانه خلتني اتفاعل وياهه للحضه نستني احس شويه ارتاحيت و غيرت من مودي

كل شويه تنطيني شي اكله
رتـيل:-اكلج

:-ها

:-خل احفلج

:-لاااا شنوو

:-حبااابه حبااابه

:-لا والله ما احب

:-بس هل مره و شوفي ولج انت متزوجه و بالجديد شلون ما تحفين و تصبغين و تتدللين على زوجج

:-لا هو ما كايلي يريد هيج

:-جا شنو اله يطلب بالسانه انت من وحدج سووي

كامت من يمي سحبت تلفوني بالكت صعب متصل داز رساله ماكو خابرته نفس الحاله مغلق

شويه و رجعت بيدهه بكره كعدت بالكاع و تربعت صاحت عليه

:-يله تعاي

:-لا حبابه

:-كوومي كوممي يله علمود نسويي عشه وراهه

:-خاف يأذي

:-لاا تعاي كلشي ما عليج ايدي خفيفه

كعدت كدامهه لمت شعري كله و لبستني باند

لفت الخيط مالتهه اول ما مشته على وجهي صحت بيها
:-وووخررري يوجع والله

:-كععدي نجبي هسه اكملج وعلي اذا ما تخليني احفلج
هسه هنا امددج و اكعد على بطنج احفج اجبار

:-بسس مو توجعيننني

:-لاا

رجعت كل شويه اسحب روحي منهه و هي بس تغلط صدك بهذلتهه بس هاي اول مره احف روحي راحت كملت و صاحت

:-ينرراد هلهوله من كملت

:-يله وخريي خل اشوف شسويتتي بيه

:-لا اوكفي اكمل حاجبج يله تكومين

:-لا فدووه حبابه خلي حاجبي

:-دسكتيي شلون عروس هاي خليني اشتغل براحتتي

:-لا يجي احد

:-منو هو لو رجلج لو اخوي ما يجي احد غيرهم

سوت حاجبي ما تخليني اشوف لحد ما هي وخرت يمهه مرايا جابتهه وياهه انطتنياهه

:-هاج شوفي

باوعت لوجعي شصاير بي احمر و حاجبي مكصرته رفعت عيني اباوعلها

:-هاي شسويتي بيه

:-وعلي طلعتي تخبللين خبالل هسه شلون اريد اصبغ شعرج

:-اننجبيي انت تورطين بيه

:-معلييج كومي من يجي شهاب انزله يجيب النه صبغ

:-كوومي رتـيل اخذج الواهس

كامت فاتت للغرفه و طلعت انطتني علبه
:-هاج خلي للوجهج علمود يرتاح

خليت لوجهي و اخذت تللفوني رحت وراهه للمطبخ تكصص بتيته

:-شسوي

:-كعدي حبيبتي اني راح اسوي

:-لا نطيني شي اسوي

:-تسوين زلاطه

:-اي

طلعتلي من الثلاجه اخذتهم منهه غسلتهن و كعدت اثرمهم باوعت للساعه ب 9

:-رتـيل

:-ها

:-شهـاب مكلج شوكت راح يرجعون

:-لا والله بس على الاغلب يتأخرون

رجعت اثرم بالخيار بالي يم صعب وين راح ما متعوده هلكد يختفي

:-مــلاذ

:-همم

:-من شوكت تعرفين صعب

بلعت ريكي متوتره ما اعرف شأكلها و لا شهاب كال شأجاوب على هل سؤال من شافتني ساكته

:-بعدج مستحيه مني لاتستحين ادري يحبج من زمان بس اكول صار شكد

:-ها

:-يالله شكد فاهيه

:-لا بس ما اذكر

كملت الزلاطه و خليته بماعون وكفت بصفهه ماعرف شسوي هي كلشي سوت سحبت تلفوني اتصلت على صعب بالكت فاتحه ماكو رجعت اتصلت على شهاب مغلق
سحبت كرسي و كعدت على صفحه كتبت رساله لصعب

:-اكرهك لا ترجع بعد ما اريد اشوفك

:-ها مـلاذ تتعشين

رفعت راسي ابتسمت الها
:-لا انتضر صعب

:-الوقت متأخر ميبقون بدون عشه

:-ميخالف تعشي انت اني ما اريد

كمت من مكاني ردت اطلع كالت

:-اسويلج لفه حبابه علمود تشربين علاجج صعب موصي شهاب

:-لا صعب من يجي اشرب

طلعت للصاله كعدت بالكاع راكيه نفسي على التخم خليت راسي عليه و غمضت احس بردانه اتذكر صعب دموعي كامت تنزل احسهه تتخلل بشعري ساعات ما كدرت افاركه شلون لو راح من يمي للابد اجاني صوت رتـيل

:-ملاذذ حبيبتتي

رفعت راسي بسرعه مسحت دموعي
:-ها

:-لا تبجين حبابه شبيج

كعدت يمي سحبتني لحضنهه
:-شبيج ليش تبجين

:-خابرري شهاب خل يجون

:-شبيج ضجتي مني والله اني فرحانه لان انت يمي لا تضوجين شتردين اسويلج

:-لا لا ما ضجت منج بس اريد صعب

:-هاي اول مره يعوفج؟

:-اي هو يروح للدوام بس ما يتأخر

:-يله ان شاء الله ما يتأخر بس كومي اكلي شي علمود تاخذين علاجج باعي جسمج مصخن

:-لا ما اريد والله هو من يجي صعب اني اكل

:-زين شوفي والله شهـاب يرزلني اذا عرف ما شاربه علاجج ساعتين يوصي بيه عليج

:-لا اني اكله انت معليج

:-تنامين

:-لا ما انعس تنامين انتِ

:-لا من تنامين انام

:-لا معليج بيه تنامين هنا العب بشعرج؟

:-و انت؟

:-ابقى كاعده اذا نعست انام كومي جيبي فراش
كامت للغرفه جابت فراشين خلتهن واحد بصف الثاني

:-يله ملاذ على الاقل بس تمددي بفراشج

:-اي

نامت و اني بصفهه خلت الغطه علينه خليت ايدي جوه راسي رفعت نفسي العب بشعرهه اريد التهي بشي على ما يجون

:-ملاذ هنيال صعب بيج

:-ههه ليش

:-حبابه و حلوه و اهم شي تعرفين تمرغين الشعر

:-هههه تعلمت بصعب

:-امم بله احجيلي عليكم

:-شحجي ما اعرف صدك اكلج

:-ها

:-المفتاح مالت الشقه عد منو

:-عندي نسخه مخليتهه بالغرفه جوه و عد شهاب نسخه و عند ابو البنايه ننسخه

:-ابو البنايهه يدري بس اني وياج بالشقه؟

:-لا شمعرفه

:-تخيلي فات علينه للشقه

:-يااا شبيج ملاذذ هو صديق شهاب و يعرفه و بعدين هاي صار سنين محد فكر يفوت للشققه

:-نفترض هسه واحد فات شلون؟

:-ياا شبيج

:-والله اني اخاف من هيج تعالي خل نجيب سجينه من المطبخ بس واحد يجي ندججه

:-ياا يمه نصير مجرمات

:-لا شبيج مو مجرمين دفاع عن نفسنه كومي على الاقل من يشوفون يمنه شي حاد يخافون

:-مسدس شهاب هنا اجيبه يمنه علمود يخافون

:-صددك؟جيبي اني اعرف للسلاح

:-يااا عزا صدك تعرفين

:-اي والله صعب علمني

كمنه ثنينه للغرفه يمكن غرفة شهاب لان الكنتور بي ملابس ولد و كلشي بالغرفه رجالي

جابت المسدس و رجعنا لمكانه خلته يم راسي
رتـيل:-احس طالعين من فلم

:-هههه لا احنه صايرين فلم

بقينه نسولف لحد ما رتـيل قفلت من النعاس و نامت باوعت للساعه ب 1 كمت من الفراش كعدت على التخم خابرت على شهاب و صعب نفس الحاله محد تلفونه مفتوح

متت من النعاس و الجوع بس ما ادري شنو غايتي ما اكل كمت غسلت و رجعت لمكاني الساعه صارت ب 2 و ربع ردت ادز رساله لصعب اول ما سحبت تلفوني اجتني رساله على الخط فتحتهه بسرعه من صعب كاتب

:-ارجع لو ما تردين اجي؟

رجفت ايدي من قريتهه ابتسامه على خوف على فرحه عبالك سنين ما شايفه رساله منه كل شعور اجتمع عليهه بهل لحضه كبل اتصلت عليه من اول اتصال رد

:-الوو صععب

:-ها ابو محمد

:-شبيك صعب اني ملاذ

سمعته يحجي يم واحد بصفه يمكن يريد يبين الي هو مو وحده

:-علاوي كعد شهاب

:-صعب راح تججي

:-اي جاي

:-تعال بسرعه حباب والله راح اموت

:- جايك جايك سد الخط من يمك عيني جاي يتصلون عليه

:-حاضر

سديت الخط و رجعت التلفون لمكانه كعدت على حيلي فرحانه بودي اكعد رتـيل و ابشرهه شويه و سمعت صوت قريب من باب الشقه جسمي كام ينتفض تخيلت حجينه اني و رتيل صار صدك و اجه ابو البيت سحبت شالي بسرعه لفيته لزمت التلفون مالتي

و اخذت المسدس من يم رتـيل رحت يم الباب لازمه المسدس بيد و ايدي الثانيه فتحت التلفون اريد اتصل على صعب اول ما اتصلت انفتح الباب كبل لا يدخل احد رفعت المسدس

و رفعت راسي شفت شهاب فات وراه صعب همه صافنين عليه و اني صافنه عليهم

صاح شهاب
:-شوو هيددداا راح نموتت

نزلت ايدي جسمي كله يرجف بقيت اباوع عليهم
الصــعب:-ها بابا شبيج

نسيت رتـيل نايمه صحت على صعب

:-وووينننن انت وييننن ررحتت عنني

تقدم عليه و سحبني لحضنه
:-اشش بابا صوتج الوكت متأخر تعالو نفوت جوه

دفعته و نطيت المسدس لشهاب درت وجهي اريد ارجع للصاله لاكتني رتـيل هي و كفشتهه

:-شكوو

باوعت كدامهه كبل ضمت روحهه وراي راددت تسحل الحجاب من راسي و اني اصيح عليهه

:-ووللج وخرريي شهااب مناا

:-ولجج صععب هذا ارييد حجاب

:-وسسسم امشيي فووتتتيي

مشت كدامي ركض للغرفه من فاتت دخل صعب لزم ايدي سحبتهه منه وكفت على صفحه و شهاب و صعب كعدو سوه طلعت رتـيل لابسه حجاب وكفت يمي

الصـعب:-شلونج رتوله

:-زينه الحمد لله انت شلونك

:-الحمد لله

شهـاب:-ولج رتـيل شمطيه لملاذ

:-شنو شمطيه؟

:-شلون تدلينههه على المسدس لو ما شويه جا هسه انت لابسه اسود علينه انت ما تدرين هاي نص مخ

:-اسم الله ليش شصار

مـلاذ:-ما صار شي و بعدين اني شمعرفني بيكم؟مثل الحراميه جاييني نص اللليل

الصـعب:-شلون صرتي بابا

باوعتله و درت وجهي ما ارييد احجي وياه

رتـيل:-شوف صعب ملاذ ما اخذت علاجها و لا اكلت و لا نامت. و بس تبجي و كل ما اباوعلها صافنه و دمعتهه بعينهه بعد تريد غير اخبار

شهـاب:-عليمن ما تاكلين لا تكليلي علمود هذا العار

مـلاذ:-معليك انت

باوعت لصعب ما يحجي شي بس مركز نضره عليه
متلاذ:-رتـيل وين انام نعست

كوه لازمه روحي ما ابجي بودي احضن صعب گلبي ينكز عليه بس مدام هيج خوفني عليه اني اعلمه

رتـيل:-اكلي شي قبل لا تنامين صعب و اجه

:-لا شكرا ما اريد

الصـعب:-وديها للغرفه رتـيل

مشت ويايه للغرفه ما حجيت وياهه كبل نزعت الحجاب و تمددت على الفراش

:-سدي الباب وياج رتـيل

:-تمام

سمعت طكت الباب يعني طلعت سحبت الغطه من وجهي شفت تلفوني صعب دازلي رساله كاتب

:-لا تنامين جمارتي راح اجي

سديت التلفون اريد احرك كلبه مثل ما حرك گلبي غطيت راسي بالغطه اريد النعسه تجيني ماكو شويه و سمعت الباب نفتح سويت روحي نايمه اسمع يخرخش لحد ما اجاني صوته

:-مـلاذي

غمضت عيني بقوه حتى نفسي كطعته ما حجه شي وراهه سمعت طكطكه على الجربايه سحب الغطه مني بقيت مجلبه بي

:-جماره

:-ما تشوفنني نااايمه وخرر

:-صوتج ولج صوتج

وخرت الغطه مني بنتر
:-شترريدد؟

:-كومي اكلي جبتللج عشه و اشربي علاج شوفي شصاير بحالج

:-ما اريد كلشي ما بيه روح مناا

:-كومي لخاطريي

:-عوفنني صعب كوه ساكته منك لا تحجي اي شي

:-ميخالف بس كومي اكلي و ما احجي

:-ما اريد

:-بسس شويه شوفي شلون طيب

كعدت و هو كعد مقابيلي بقيت اباوعله هسه هذا شكله يعنيي ما يفتهم اني زعلانه

:-شتريد انت؟

:-اكلي و شربي علاج و مشتاقلج نحجي شويه

:-ما اريد احجي ما مشتاقتتلك اكرهك خوش

:-ليش

:-لليشش و بكل صلافه تكلي ليش؟

تروح بدون عذر و اني گلبي مثل النار عليك و تغلق تلفونك صععب من الباررحه روحي لايبه عليك و انت ما هاامك الف فكره و فكره اجت براسي تدري شكول خاف واحد خطفه خاف مثل قبل هم تهدد و اخذوه خاف عافني و بعد ما يررجع كل هااي و تكلي ليش ولكك انت بدون احسااس لو شنوو

:-خايفه عليه؟

:-عوفني صعب اطلع اريد انام

:-مشتاك لحضنج

:-صصععبب روح مناا والله كوه لازمه روحي ما اكطعك بسنوني هسه

:-تعاي لحضني و خل نتفاهم

:-عوفني كلمه ثانيه صدك اتخبل

رجعت تمددت و غطيت وجهي بالبطانيه احس نار تطلع من عيوني ما ادري على شنو بس من خوفي عليه هيج سويت

سحب الغطه مني و سحبني من ايدي علييه
:-عندي وياج موضوع مهم خل نحجي بي

:-ما اريد

:-يله لخاطر هذا وجهج مدري شمسويتله صاير املس

:-شنووو شمسويه معللليك انتت

:-حافه عود

:-صصععب معليك

:-بس لايكلج

:-اهوو وحق الله راح يخلينني ارزله

:-نوب معصبه حلت بالزايد يلكعبه

ضربته بقوه على صدره صاح
:-اخخ خرا بيومج ملاذ

:-شبيك انت شبيك هاا ما تكلي شبيك عوفني بحالي جاي اكلك عووفنننييي

:-بيه انتِ

:-اهووو صععبب وين جنت انتت

:-شغل وداعتج

:-يا شغل هذا ما تكلي من البارحه العصر رحتت و توالي الليل تجيني

:-حكج عليه بابا بس و عيونج شغل ياعيني

:-اخرر مره تعوفني و تروح صعب اخر مره

قدمت اديني اشوفه شلون يرجفن
:-ششووف من رحتت و لحد هل لحضه اديه بس ترجف من وراك خايفه عليك لا تروح بعد

لزم ايدي و باسهه سحبني عليه و حضني باس راسي
:-اسف اخر مره ما اروح بعد

:-اشتاقيتلك عبالي راح تعوفني

:-هـو انه كوة حصلتج شلون اعوفج

:-شهاب الجلب كتله وين صعب ما كلي شفته شلون جلب

:-خل يولي جلب يله كومي اكلي رتـيل مسويه عشه النه

:-انت وكلني اني مريضه ما اكدر

:-بعيوني

سحب نفسه مني جاب الصينيه من الكاع خلاها على الجربايه كعد بصفي يسوي لفات صغيره و ينطيني

:-اكل

:-اكل بعدين

:-لا اكل وياي تره ابطل ما اكل

:-كملي و وكليني انتِ

:-امم

:-ما اكلتي علمودي مو

:-لا

:-ههه رتـيل ما تضم سر تره

:-خوش

خله ايده يم شفتي مسح طرفهه رفعت ايدي مسحت يم حلكي باوعتله

:-ها شنو اكو شي بعد

:-لا مسحته

:-شبعت كافي خل اوكلك

:-جؤ ما جوعان

:-مو بكيفك

سويت لفه و انطيتها اله خلاها على الصينيه و نزل من الجربايه جاب علاكة العلاج و بطل مي كعد بصفي

:-ليش ما شربتي علاجج

:-ما اريد من تروح ما اشرب

سحب ايدي الكانونه بعدها بيها
:-ما عرفتي تشيلينهه

:-لا اخاف

:-هاي بس اضربج بيها ابره و اشيلها خلي جديده
جنت اباوع عليه يفتح بالحبوب و يخلي بيده
قدملي حبايه

:-لللحضه شنو كلت؟ منو يضربني ابره؟

:-اني

:-لووو امووت ما تضرربني يريد يقشمررني

:-مو هي بكيفج

:-صصععبب والله ماا شنوو ما تضرربني دكتور انت مثلاا

:-اشش صوتج شربي الحبوب

:-اشرب بس ما تضربني اببره

:-اشربي هسه

اخذتهن منه شربتهن انطاني بطل المي شربت و ردت اوخر لزم ايدي

:-وين؟

:-اريد انام شنو وين ايدي عوفهه

:-اول و تالي راح اضربج ابره ليش هل دراما

:-ششبييك انت وين تعرف ترييددد تموتني بيدك

:-اجرب خل اتعلم بيج سهله

:-صعب شوف خل نحجي بهدوء

:-شنو هذا الهدوء ما اعرفه ينوكل ينشرب

:-شبيك والله اخاف

:-غمضي عينج و خلي الباقيه عليه

:-قصدك موتج عليه شوف عوفني بحالي مالي خلك اعارك

جنت ممدده رجليه جوه الغطه كام من مكانه و كعد عليهن

:-ووخرر انت تخبلت

:-امم

طلع الابره و كعد يحضر بيها شال النيدل منهه و اشرلي انطي ايدي و اني حاضنتهن

:-مااا صعب مااا

:-لا تشلعين گلبي والله تعبان اريد انام

:-ما تنام شعليه بيك بس ما تضربني ابره

:-نطيني جمارر ليش تتعبيني

:-لا تأذيني حباب

:-لا

انطيته ايدي لزمهه و فتح قبق الكانونه شكل بيها الابره و اني محضره ايدي الثانيه اريد اسحب ايده

:-ايدج وخريها مني

:-صععبب على كيفك حباب

:-اممم

حسيت بالعلاج من دخل بأيدي مو كلش تأذي بس اني اخاف

:-ها خو ما وجعتج

:-ايي اصلا ايدي هسه موتتني راح اموت من الوجع الحكوني

:-ههه خوش

:-يله وخر رجليه اريدهم كسرتهن

كام من يمي شال الصينيه
:-مو تنامين اودي الصينيه و اغسل المواعيين و اجي

:-يله بسرعه

طلع و اني بقيت بالغرفه فتحت تلفوني شهـاب دازلي رساله من ربع ساعه كاتب

:-صعب تعبان اليوم على كيفج وياه

:-ليش شبي؟

ما رد عليه ما عنده نت يمكن نام شويه و فات صعب للغرفه

:-ها شبسرعه غسلت المواعين

دار وجهه سد الباب و بده يفتح بدكم القميص

:-لكيت شهاب متمدد بالصاله يريد ينام قشمرته و راح يغسلهن

:-ليش والله خطيه لو كايلي اني اغسلهن

:-جؤ انت مريضه و اني نعسان خلي شهاب يغسلهن

نزع القميص و الحزام اجه يمي على الجربايه
:-جبتلك ملابس اذا تريد تبدل

:-لا احس جسمي حار

:-وين الحر انت ما تحس

:-جؤ

سحب ايدي يحرك باصابعه عليهه
:-ها جمارتي العلاج مشه بيها

:-اي

رفع ايده يريد يفتح اللزكه سحبتهه بسرعه
:-لاا فددوه

:-جؤ ما تأذي بسرعه ما تحسين بيها

:-لا لا والله اخاف

:-كطن بالمجر اليمج جيبي

:-توجع لو لا

:-لا

فتحت المجر طلعت كطن و نطيته اله

فتح اللزكه و سحب الكانونه كبل طلع دم من ايدي شال الكطن و خلاه عليهه

:-طلعع دمم من ايدديي شفتتت

:-اي عاديي

:-لا مو عادي طلعت دميي

:-هسه ابوسه الج

:-لا جذب عادي يله تعال نام

:-اشدلج كانونه؟ لان بعد عندج ابر

:-لااا باجر خليها حباب

:-تنامين بحضني

:-اي

تمدد و مدلي ايده خليت راسي عليهه سحب الغطه علينه بعد شعري من وجهي خله عينه بعييني و ابتسم

:-اشتاقيتلج هواي صح مو يمج جنت بس روحي و بالي و كلي هنا من بعيد عنج احس روحي فارغ

:-و اني هم روحي طلعت حتى رتـيل تحجي وياي بس بالي مو يمهه

خله ايده على خدي يحرك بأصبعه الابهام عليه
:-بيج و بلياج انه ضايع

:-حتى لهاي سوالفك اشتاقيت

رفع عينه عليه فص عيونه يتحرك من يباوعلي بلع ريكه و قرب يمي

:-ابوسج؟

حركت راسي بمعنى لا
:-اعتبريها سلام من اجيت ما سلمنه

:-جؤ

:-بس هل مره

:-لااا

:-جا بوسيني انتِ

قربت منه بسته على خده ردت اوخر رفع ايده خلاها وره راسي

:-ها وخرر

غرس اصابعه بين شعري سحبت نفسي منه رفع راسه و خله گصته على كصتي

:-مشتاقلج روحي مفرفحه عليج

:-اي خوش وخر

ما رد عليه باس خدي جر نفس قوي خله وجهه بصف وجهي و زفره قرب لاذني يحجي بهمس

:تـدكين بـروحي دك دفـو لروحـي انتِ

:-صعب حباب

:-اممم

رفع راسه خله شفته على شفتي بس بدون ما يبوسهه وخر و خله راسه على مخدته رجع سحبني عليه

:-نامي

:-انت ليش هيج تسويي صدك بعد ما ابوسسك ابدد

:-ميخالف

:-يله وخر اريد انام بالكاع انت نام هنا

:-لا جني يطلعلج من جوه الجربايه

:-لا شنو حتى هنا لاحكني الجني

:-ايي وين ما جان

:-امم خوش يله نام انت مو تعبان

:-راح التعب من شفتج

:-لا تجذب نام يله

ابتسم و لف ايده الثانيه عليه من التعب و السهر نمت ما كعدت لثاني يوم لكيت صعب بعده نايم

:-بابا

:-همم

:-اكعد

:-نعسان رجعي نامي

:-شوف الساعه ب 11 شوكت تكوم

فتح عيونه كوه
:-شنو بيش الساعه

:-باوع ب 11

:-هاي اني ليش هلكد نايم ما كعدتوني

:-هو اني هستوني كعدت

:-كوميي بسرعه شوكت نرجع للبيت

:-شعليه اني غير انت نايم

:-كومي حضري روحج خل اغسل و اجي اشوف شهاب ليش ما كعدني

لبس قميصه و طلع و اني لبست حجابي ما عندي شي احضره ملابس جبتهن بعلاكه ما طلعناهن طلعت وره صعب غسلت و هو بالساحه يحجي ويه شهاب فتت جوه دورت على رتـيل ماكو فات شهاب

:-صباح الخير مرة اخي

:-صبباح الجير ما احجي وياك

:-دخيل الحمزة شعليه اني

:-معليك بس ما احجي وياك رتـيل وين

:-راحت و انتم نايمين ادري شنو ما تشبعون هي
افترقتكم كم ساعه اخوي شريف متأكدد منه بس انت اخخ منج نسووان بعد صاح عليه صعب

:-هااا هااا شكوو

:-اخذني الواهس خويه اريد اصير خال هي شني صايره هيته

الصـعب:-قصدك عم؟

:-لا خال اني اخو ملاذ من اليوم و رايح

مـلاذ:-كول شرايد من الاخير

:-انجبي ام صماخ مال واحد يحترمج انتِ

:-ملاذ يله جيبي الغراض خل نروح

شهـاب:-شنو صعب تريكو

:-لا نتريك بره تأخرت هواي

:-يله شرفوني

صعب هز ايده و طلع بلساحه و اني رحت اجيب الغراض من جوه طلعت هو و شهاب واكفين يسولفون سوه من شافني كال

:-يله بابا

مشيت وراه
شهـاب:-الله وياك شهاب

:-غير زعلانه عليك شني؟

:-ها تذكرت يله من اجيكم اشتريلج و ارضيج

:-خوش حسب التشتريلياه اذا قليل ما ارضه

:-سهله

سلمنه عليه و صعدنا بالسياره
:-شنو اليوم ماكو اغاني

:-لا مالي خلك

:-امم

:-البارحه وين رحت؟

:-شغل

:-استغفر الله

ثنينه سكتنه ادري بي جذاب بس ما يقبل يحجي شسويله وصلنه للبيت رراح هو يجيب ريوك و اني كعدت اعزل بالبيت صاير هوسه خليت جاي على ما يجي كملت الجاي و هو اجه كعدنا نتريك ثنينه ساكتين كمل شال المواعين غسلهم و اني طلعت انضف لاستقبال و الساحه فات لغرفته شويه و طلع مبدل

:-ها وين؟

:-للشغل

:-يا شغل مثل البارحه؟

:-لا ب 3 اجي

:-و اذا تأخرت

:-لا و عيونج اجي ب 3

باس راسي و طلع كملت تنضيف رحت للاستقبال شغلت التدفئه و فتحت تلفوني صعب كاتب

:-شربي علاجج

جنت ناسيته كمت شربت و رجعت احجي ويه برق راحت حسيت بملل رحت اقره قصه التهيت بيها لحد ما سمعت باب الشارع نفتح باوعت للساعه صايره ب 3 شكد ملتهيه و لا انتبهت لروحي

فات صعب
:-ها شلونها الحلوه

:-زينه

نزع جواريبه و تمدد على التخم
:-كوم اسبح

:-اي كايم بس شويه ارتاح

:-العب بشعرك؟

:-لا كومي جيبي علاكة العلاج مالتج

:-شربته

:-ميخالف كومي

رحت جبتهه طلع كانونه منهه
:-شنووو صعب والله صرت زينه

:-امم ادري تعاي

:-لا والله توجع

:-هم ادري يله تعاي

استسلمت للامر ادري شكد ما اعارضه غصب عليه يسوي اليريده كعدت مقابيله اخذ ايدي يطلع منهه وريد لحد ما لكه شكلهه غمضت عييني بقوه نغزتهه بالبدايه تموت

:-كملت خو ما أذتج

:-اي اذتني

:-جذابه...تتغدين

:-لا ما جوعانه

:-خوش

كام يسبح سديت التلفون سويتله جاي و جبت الكتاب مشتاقه نقره حتلو تعبان غصباََ عليه نقره

من طلع صبيت و اجيت يمه بالغرفه انطيته الكوب

:-اكلك

:-همم

:-خل نقره خليت الكتاب بالاستقبال

:-جيبي هنا منتضرج

:-خوش

رحت بسرعه جبت الكتاب انطيته اله تمدد على الجربايه رحت بصفه

:-هاج انت اقري

:-لا اني مريضه انت اقره

:-كلشي ما بيج

فتحلي ايده خليت راسي و اباوع وياه

.......................
عودة الى الماضي

الصفحه الرابعه و العشرون

رُفيده

روح حالتهه تعبانه بشكل بس تلوب و من نحاجي الممرضات يصيحن بعدها و عابس روحه رايحه

:-رُفيده حاجيهن انت كليلهن راح تموت

:-شسويلهن هنهه هم مو بديهن غير لمن يشوفن صار الموعد

:-جا شوفي راح تموت

:-لا اسم الله ما عليهه شي

:-اخابر اخوي هو هنا بالناصريه خاف نحتاج شي

:-بكيفك خابره

:-اي

راح من يمي شويه و رجع
:-خابرته راح يجي

:-ان شاء الله خير

نص ساعه و اجه اخو عابس اسمه هادي
سلم عليه و راح يم عابس

:-اكلج رُفيده شنسوي

:-شنسوي؟

:-اخابر بعد واحد

:-شتسوي ببيهم

:-والله ما ادري جا شسوي

:-لا لا تخابر احد ما يحتاج احنه موجودين هاي هيه
بقينه بالساعتين روح تلوب و كل ما تجي وحده تفحصهه يكولن بعدها و بس اني يمها الولد بره شويه و روح كعدت بصفي

:-ها روح شلون صرتي؟

:-اكلج يمكن ما اجيب شو راح الوجع

:-صدك تحجين

:-اي والله راح الوجع

:-و قبل شويه ياهي تدغمث هنا؟

:-شسوي هو راح اني شعليه مو اكلج هذا الطفل صعب

:-شنو يعني ما راح تجيبين

:-لا كلشي ما بيه حتى الطفل يمكن نام

:-ياا تحجين صدك و هسه من نطلع شنكلهم عابس حتى خابر اخوه

:-اي شسويي شنو اجبر روحي اتوجع

:-كومي روح مو مال واحد يطلع وراج

طلعت اهز بيدي حايره شكول طبت مثل الميت و طلعت صل وكفنه كدام عابس و هادي كاعدين على مسطبه رفع راسه باوعلنه

:-ها شنو؟

روح:-شنو خل نرجع للبيت

:-و الطفل؟

:-ما ادري شو راح الوجع

باوع لاخوه و رجع باوعلنه كاموا كدامنه و اخو بس يضحك

وصلنه للبيت فرشتلها فراش و رجعت للبيتنه لكيت احمد كاعد بالساحه اول ما فتت صاح

:-بعد وكت

:-روح وحدها تريدني اعوفها مثلا؟

:-طلعي ما اريد اشوفج

احس دموعي تحجرت بعيني حرف ما كدرت انطق بسرعه طلعت و ركعت الباب وراي رحت لبيتنه اريد اذب روحي بحضن امي وصلت للباب و تذكرت امي خلاص

ماتت دكيت الباب جسمي كله ينتفض من جانت امي عايشه ادك الباب و افوت هسه احس غريبه ما اكدر افوت هيج طلعت اختي فتحت الباب

:-تعاي فوتي شبيج رُفيده منو وياج

:-محد

فتت جوه اخواني و امهم كاعدين اول ما فتت كال ابنها الجبير

:-ها سالمين؟

عكدت حاجبي بباوعت وراي عبالي اكو احد غيري حجه وياه

:-على منو تقصد؟

:-عليج امج و ماتت شكو جايه

عضيت شفتي الجوه كوه سيطرت على روحي

:-شوفف البيت بيت ابوي شوكت ما يعجبني اجي لا انت و لا امك و لا اي واحد منكم يمنعني خوش

:-و مات ابوج و البيت صار بيتي اني يحقلي اطرددج

:-ليش تطردني بيت و بي امثالك يحرم عليه افوتله

جانت اختي لازمه ايدي سحبتهه منهه و طلعت وكفت بنص الشارع بيت امي بضهري و بيت روح كدامي و بيت احمد على الجهه الثانيه كلها تقربلي بس و لا واحد راح

يلمني مثل ما امي جانت لامتنه حرت وين اروح بهل وكت ما منتبهه للطريق دموعي تارسه عيني حسيت واحد لزم ايدي رفعت راسي اريد اشوف منو………

.....................

مـلاذ

صعب سد الكتاب و خله راسه قريب مني

:-ملاذ مرغي راسي راح ينفجر

:-تشرب ببعد جاي

:-لا بس مرغي

بقيت اعصر براسه لحد ما نام اخذت تلفوني اكلب بي باوعت لصعب غاط بنومته بقيت اصور بي و اضحك شويه و اتصل تلفونه سحبته طلع شهاب فز و باوعلي
عيونه حمر

:-منو؟

:-شهاب

اخذه مني و خله اصابعه السبابه و الابهام على عيونه مغمضهن يحجي و صوته مبين عليه النعاس

:-الوو…ها اشهب

اممم…خوش هلا بيك خوشش فهمت سد الخط و شمر التلفون

:-ملاذ من يجي شهاب كعديني

:-كوم صاير تنام هواي

:-تعبان

:-دكوم يا بابا كوم

:-شتردين

:-ما اريد شي

:-جا اسكتي مني

رجع غمض عيونه ادري بي ما نايم هل مره كل شويه يرمش لحد ما ندك الباب طلع لشهاب و اني بقيت بالغرفه مالي خلك اطللع هيج وكت من يجي شهاب يطلعون سوه يتونسون و يرجعون……

………………

شهـــاب

:-اتصلت عليه ملاذ و اني هستوني طالع من دوامي اريد بس اوصل للبيت بالي كله يم صعب

اني و صعب عدنا صديق كلش قريب علينه علي هو ضابط بلاستخبارت محد يعرفنه عنه شي عايش حياة المجرمين و حافظهم اكثر ما عايش ضابط

الشخص الوحيد اليعرف علاقتنه اني و صعب شنو الكل عبالهم مجرد اصدقاء علي الوحيد يعرف صعب ابن عمي شفته كاتبلي رساله

:-الحك صعب راح يورط روحه و دازلي موقع الهم

اخابر على صعب ماكو اخابر علي تلفونه مغلق اعرف علي من تصير عنده مهمه يغلق تلفونه حاولت بكل طريقه
اوصللهم ماكو رديت على ملاذ عرفت صاير شي من صوتهه شويه و صعب دزلي رساله كاتب

:-اخذ ملاذ يمك اني اتأخر عندي شغل مهم دير بالك عليهه و خل تاكل و تشرب علاجها لا تعوفهه وحدها

قريتهه و عيوني صارت بكصتي كمت اغلط دفن ما يريد يكلي وين هو ما اعرف بسوالفه وين يريد يوصلنه رحت لييتنه جبت رتـيل و رجعت اخذت ملاذ الها رحت للموقع الدزه الي علي منطقه قديمه فتحت التلفون الموقع يأشر على شقه رحت عليهه كبل خابرت علي ما يرد دفعت ضليت ادك بالباب لحد ما اجاني صوت علي

:-منو

:-اني شهـاب

فتت صعب لازم سلاحه يرتب بي اول ما شافني وكف مصدوم

:-شجابك شهاب؟

:-شتريد تسوي! ما يصيرلك حل انت تريد احجي لابوي عليك

:-تعال اكعد خل افهمك مو مثل ما انت فاهم السالفه

:-فاهم ما اريد افهم شي امشيي كدامي صعب ليش
تخليني اخابر ابوي هسه

:-خابره شهاب ليش تخليني اسوي شي بدون ما
احجيلك؟

:-وانت ما حجيتلي هاي وحده يا صعب و هسه كول شتريد تسوي احجي

:-تعال اكعد

كعدت كدامه و هو عاف السلاح اجه علي يمنه

الصــعب:-………

…………………………

بــرق

كمت اسوي جاي و اسمعهم شيحجون عمي الجبير كال

:-سيف جايك بموضوع

:-أمرك عمي

:-شوف سيف انت تدري هاي الكاع ملك جدك

:-اي

:-و احنه ققرنه من حد بيتكم و للاخير نريد نسوي حوش حلال لان نريد نزيد حلالنه

عفت البيدي باوعت على امي وجهه صوفر ما كدرت تحجي شي

سيف:-و المطلوب؟

:-واضح المطلوب

:-تريد تطلعنه من البيت مو

:-لا اني مو اريد اطلعكم بس انت تعرف الحلال وين نودي

:-و ولد اخوك المات بدون ذنب و التنازلتو عن الكاتل مالته علمود الفلوس وين يرحون؟

:-سييفف لا تعلي صصوتك عليه اني عمك الجبير لا تنسى

:-عمي!!!! هيج عمومه ما اريدها اني مثل ما كل واحد بيكم اله حگ بهل بيت احنه النه الحگ الاكبر ليش تخلوني اسويها محاكم و ارجع اطالب بفلوس الفصل مالت ابوي و اصير احقر منكم خليكم بعاد عني

:-شووف سيفف لا تاخذنه بصوتك العالي مالك اي حك ويانه صار سنين عايش بسدنه انت و اخوانك

:-ههههاي عاشت ايدك عمي شوكت عشنه بسدك ولك اكل ما انطيتونه نمنه جوعانين محد كال ولد ايوب
شمحتاجين يجي العيد اطلع من البيت ما اكدر اخلي عيني بعين اخواني و ما اشوفهم لابسين جديد مثل الجهال يا سد العشنه بي و اميي صار سنين ركبتهه نكسرت من المكينه وينكم عنه ما تذكرونه بسس من تحتاجون شي

:-شوف عمي سيف انه كتلك تكدرون تضلون بالبيت بس مكانكم رايده

:-و انه رايد حگنه اني و اخواني و رايد فلوس الفصل مالت ابوي

:-يا فلووس انت تحجي عن سالفه صارلها 13 سنه من راحت جاي تطالب بيها هسه

:-اي اطالب هسه و بعدين شفتونه ساكتين هواي تماديتو البيت مثل ما انت ياعمي و انت عايشين بي ف احنه
نعيش بي معززين مكرمين

:-خوش سيف دام مصر على البيت اسمع

:-شرايد و اذا شي مثل هل سالفه ياريت تطلعون كبل لا تحجونه

:-قطعة الارض الي بأسم امك حولوها النه صاحت امي من بعد صمتهه الطويل

مُهره:-تحلم هاي القطعه عيشت بيها ضناي مسستحيل اتنازل عنهه

:-ام سيف اعرفي ويامن تحجينن

سيـف:-صووتكك ابو محمد لا تعلي على امي

:-صرت ابو محمد ولك سيف؟

:-و لو ما عيون ابوي اشوفهه بيكم صحت باسامييكم بس تربية امي و عيون ابوي واكفه بعيني ياريت الباب الفتو منه تطلعون منه بكل احترام

:-سيف لا تماطل بالسالفه انتم مو كدنه ليش ما تتنازل بسهوله

:-بالله ما اتنازل و هسه اطلعو من بيت مُهرة

كام عمي و الغضب يشع من عينه سيف طلع وراهم و ركع الباب بقوه رجع كعد بالكاع يتفاور

مُهرة:-سيف اهدء شبيك

:-شهدء ييممه شهدء سسممعتتي حجييهم؟شلون عمام هذووول بياا قنانونن قسمااا بالله العضييمم باجرر

اشتكي عليهمم اله اطلعع حكنه من بين عيونهم
سنننين عيشونه بخرابه و كلنه ميخالف و صلت وياهم يستحسفون بينه العيشه هناااا

جان سيف عصبي لدرجة محد حجه وياه حرف وجهه نكلب احمر و بس ينافخ و يستغفر لليل لازم راسه و يعصر بي خفت لا يصير بي شي من وراهم كوه نام لثاني يوم من الصبح سيف ماكو امي ضلت حايره وين راح اتصلنه عليه

:-الوو سيف وين انتتت

:-ما اتأخر عندي شغل مهم

سد الخط امي كل شويه و كالت هاف صار بي شي خاف عمامه يسووله شي طلعت مخنومه اذكر بسيف شصار بيه من وراهم لكيت ابن عمي الجبير كاعد يلعب  بحوشنه

:-هيوو شعدك هنا وليي منا

:-انت شعليج بستنه هذا

سمعته كال هيج رحت ركض عليه اريد اتوبه لزمت اذنه عصرتهه بقوه خليته يتلوه كام يبجي و راح لاهله

باوعت من زرف الباب صبح محد كاعد الناس كلها نايمه و منطقتنه ما بيها كامرات جريت حجاب من الحبل و اخذت مقطه من المحفظه مالتي كسرتهه باوعت لامي ملتهيه تعجن و الولد بدوام و بيلسان بلقسسم

بس اني دوامي ضهري كسرت المقطه و طلعت باوعت للشارع فارغ بس سيارة عمي الجبير  من هاي الحديثه مشيت بصفهه خليت الموس عليهه شخطتهه قوي رحت و رجعت سويت بيهه خطين و رجعت ركض للبيت لا واحد شافني و لا شي رجعت لحجاب لمكانه طلعت كتابي و رجعت اقره………يتبع

.
.
.
.
.
.
.
.للحكايه بقية

كلانا كتف للاخر♥
الوريد♪