رواية أنتقام الصفحه 27 (ترميم) الفصل السابع عشر 17 - بقلم خـلود الـ محسن

الكاتبه لـــورا
°°°°°°
lorai_alraw انستا
°°°°°°
صوتو للبارت و اشتركو بقناة التليكرام
°°°°°°

مـــــــلاذ

درت وجهي و شفت شهاب اجه على دراجه وصل يمنه و نزل لابس قمصله لاف نفسه اول ما نزل وكف الدراجه
و اجه يمنه طبك ثنين اديه و غم الصعب بقيت بس اباوع ما فاهمه شي كاله

:-عايف الفلم و البيت و الراحه و مبتلي بيكم و ابو حزامين بيكم كتله جلاب

ملاذ:-شكوو شبيكمم

صعب:-ملاذ مو تردين تصعدين دراجه؟

فتحت عيني مصدومه و شهاب يهز بيده
:-شنوو صعب يعني راح تخليني اصعد!

هز راسه بمعنى اي و هو مبتسم نسيت وجود شهاب من فرحتي درت على صعب و حضنته و هو بس يضحك رفع اديه على ضهري و نزلهم بسرعه مستحي من شهاب

شـــهاب

-اول مره اشوف صعب هيج يضعف كدام شخص و يتهاون بكلشي صعب جان من اكثر الاشخاص
الي يهتمون لشغلهم

هسه اغلب وقته مكضي بالبيت بس يكمل يرجع ركض للبيت عبالك عايف روحه بالبيت قبل جنت ابوس اديه يرجع للبيت و هو ما يقبل مكضيهه يشتغل فوك شغله
و يطلع للكهوه

هسه بس اريده يطلع للكهوه ما يقبل
مرات اباوعله صدفه الكاه يكلب بتلفونه و يضحك و من اجي يمه گبل يضم التلفون من اكله انت تحب ملاذ يضحك و يصيح لا ما احبهه

اني من اكثر الاشخاص الي يتمنون صعب يحب يجوز لخاطر هل حب ينسحب من الشي اليفكر بي اباوعلهم ثنينهم يضحكون و ملاذ مخبله بدون كلشي مو يله تصعد دراجه

:-يله اخي في الاسلام و مرة اخي اني اترخص منكم

ملاذ:-عود شكرا لان جبت الدراجه

:-ايي شعليكم يابه اجيتو بسياره و دفيانين و انه اجيت بالدراجه و راجع ادور تكسي و اذا ما لكيت انحمس حمس بالبرد و معناهه انتضركم بلثلجه و انتم تتونسون براسي جلاب

:-لا تعوي يله ولي صوجيي شكرتك

:-شكرج الج و تمني الي

:-ههههه ولي

راح و صعب لزم ايدي واكفين كدام الدراجه كال
:-هاي اول مره راح تصعدينهه؟

:-ايي مره ابن عمي عنده دراجه و اني اريد اصعدهه و امي كتلتني بالنعالل

:-هههههاي رُفيده مشبعتج نعوله

:-اي والله شفت شلون ضالمتني

:-هسه اخليج تصعدينهه

صعد و اتبعد ليوره كال
:-تصيرين كدامي احسن

:-لا خل اصعد وره شون تلوح تسسوق

:-لا كدام احسن أأمن عليج يله تعالي

:-بله اول شي اخذ فره خل اشوفك شلون تمشي اخاف علي روحي خاف تقشمرني ما تعرف تسوق

ضحك بصوت عالي و شغلهه و اني من التفاعل اسويله
:-يله عاااننن عااانننن

يسوق و يضحك عيونه عليه افتر و رجلعي الساحه فارغه مخصصه للتعليم

رجع تبعد سوالي مكان كدامه صعدت و ضهري صار على صدره قرب راسه يم وجهي كال

:-رفعي رجليج خليهم فوك رجلي لا تنزليهم

سويت مثل ما كال رجع لزم اديه ثنينهم و خلاهم على المقود مالت الدراجه عبر راسه على جتفي صار قريب مني كلش كال

:-مو توكعين ثبتي روحج زين

:-تره راح اطب بنصك

:-احسن علمود ما تطيحين

:-يله شغلهااا

رفع رجله شغلها و رجع ثبت رجله مشه على كيف و اني الفرحه ما سايعتني الضحكه ماليه وجهي الهوه يضرب بوجهي و الجو باردد و صعب يلزم بيدي قوي خاف اوكع كال

:-راح امشي اسرع

:-اااي ايييي

اضحك فرحانه و هو كام يمشي بسرعه
:-صصععب خل اططلع اددديه

:-طلعيهم بس لا تتحركين لا تطيحين كدامج

سحبت اديه من جوه ايده و اصفك غنيتله
:-ياا ساايقنه دووس دووس هسه ندورلك عروسس

بقى يضحك بصوت عالي و اني مستمره اصفك
:-كاافي لا يجي احد

:-ممحدد اكووو حباااابب فرررنه هووااايي
رجع يفتر بصوره دائريه كال

:-جلبيي زينن ملااذ

رفع الدراجه من كدام بقاهه بس على العجله الخلفيه و يمشي على كيف بس ما رجعهه هواي لان ثنينه ما تتحمل ثكل

:-ييممه صعععبب رجعهااا اخخاافف رجعههه

كام يضحك و نزلهه رجع يم السياره و وكف درت وجهي عليه احس عيوني تدمع من البرد و الفرحه و هو خشمه صاير احمر كتله

:-عفففييهه تووننسستت

:-شنو هديتي بهل مناسبه؟

كال هيج و ثبت الدراجه على الكاع نزل و وكف كدامي و اني كعدت عدل اباوعله رفع حاجبه و جتف اديه كال

:-اممم اريد هديه

:-شنو تريد ما عندي فلوووس

دنك عليه و قرب وجهه مني كال
:-بوسيني بدل الفلوس

بسته بخده و وخرت بسرعه ابتسم و وكف عدل كال
:-يله شغليها بله

:-ما اعرف

:-اني وياج

ووكفهه عدل و شغلهه الي بقى لازمهه كال
:-يله خلي ايدج و اضغطي بانزين

:-اشرلي وين اضغط ما اعرف

:-بس شوفي على كيف مو تضغطين حيل و اني راح ابقى لازمهه علمود لا توكعين

:-يله

خليت رجلي بس ضغطت البانزين ضغطه خفيفه و هي تحركت صرخت

:-ييممممهههه سقتتتهه والله سقتتتتهههه

كام يضحك كال
:-يلله كافي نزلي

:-لا حبااببب والله ستونيي تونست ما اريد ارجع للبيتت شويه شووويه حبااابب

ضحك كال
:-لا ما نرجع اريد اسويلج شي ثاني

:-شنووو

ثبت الدراجه و انطامي ايده نزلت وياه طلع المسدس من ضهره كتله

:-يمه شنسووي بي

:-اكتلج هنا منو يدري؟

:-لا عليك العباس والله حرام عليك الله يذبك بنار

ضحك كال
:-اشاقيج تتعلميله!

:-صدك؟

:-اممم يله تعالي

كعد بالكاع و اني كعدت مقابيله فلت الشاجور طلعه من المسدس تأكد منه فارغ و رجع شكله كتله

:-علممني شلون تفتحه

رجع فتحه و يشرحلي منين اضغط و يوكع الشاجور و اني صافنه عليه رفع راسه الي كال

:-يله هاج فلتي

اخذته منه ثكيل كلش سويت مثله و وكع الشاجور و اني اصيح

:-ييممهه صصععب شووف اعرررف اعرررفف

كام يضحك و اخذه مني سحب اقسام و رفع المسدس ليفوك و ضرب بالجو بس صوت ماكو طلق كتله

:-عيد ما اعرف

رجع يشرح من جديد كال

:-بس من تضربين قوي ما تسيطرين تعالي كعدي كدامي و ارمي علمود الزم ايدج

كعدت كدامه و هو صاير بضهري فتح رجليه صرت بنصه مد رجل و ثنه رجله الثانيه خله المسدس بيدي و لازمهن اخذه اييدي اليمنى خلاها على الاقسام و ضغط عليهه

:-يله سحبي

:-قوي ما اكدر

سحب و لازم بيدي رجع نزل ايده و ثبتهه على اديه كال

:-يله ارمي

خلييت ايدي على الزناد و ضربت ضربته تخلي الواحد يرجع الوره مدري شلون همه يسيطرون رغم ما بي
رصاص و هيج قوي

احس فرحه بداخلي نزل المسدس و حاوطني بديه كال

:-ها نعيدهه

:-لا هاي هيه

ضل حاضني من خصري بلعت ريكي متوتره مخلي راسه ييم ركبتي كال

:-و هاي شنو هديتهه

:-شنو!!

:-بكيفج الخير و مدت ايده

:-وخر لا يجي احد

:-محد يجي بهل وكت

:-مو قبل شويه كتلي لا يجي احد

:-اجذب

:-وخر اريد اكوم

:-انطيني هديه و اوخر

:-شتريد!

رفع ايده و لزم وجهي من حنكي دارني عليه و اني اباوعله متوتره

:-شكوو شبيك!

ابتسم عض شفته الجوه و بلع ريكه مركز عيونه عليه و اني ابد ما نزلت عيني

:-لا تباوع هيج

:-شلون!

:-عيونك لا افكسهن باوع عدل

:-شلون اباوع

سحبت ايده من وجهي و كمت من ييمه انفض بملابسي هو رفع راسه و مدد رجليه بالكاع و خله اديه ليورا بقه يباوع للسما

:-شبيك انت شو جنك ضجت هستونه متونسين

:-ما ضايج احلى ايام حياتي

:-اي اني هم تونست هسه لو يزوجوني لابن عمي هم ما اضوج

:-احط طلقه براسج و براسه بليلة عرسكم

:-ههههه خوب هسه حط طلقه براسه و خلصني منه
كام و نفض اديه خله المسدس بضهره و بقه ينفض بملابسه كال

:-يحلم يلمس طرف منج

:-صدك يعني ما اخاف اذا لزموني بعدين

:-خل بس يلزمونج اله اربيهم واحد واحد

:-زين و اذا رحت من يمك بعد ما يصير تدخل بيه

:-مرتي خل اشوف واححد يقرب منج

:-هي شنو جلبت مرتي تره اتفاق هسه بس امي تخابرني اروح

:-اممم مطوله امج بهل فتره اخليج تكولين رجلي

:-هيوو انجب

:-املص اذنج ولج لا تتجاوزين مستهترهه

:-لا تكلي مرتي

:-حاضر مرتي

:-انجب خوش

قرب مني و لزم خشمي بقوه دفعته و كام يضحك كال
:-حلمي املص خشمج بهيج مكان

:-حلمك خايس

:-مثل احلامج شبعتينه برد شستفادينه

:-لا استفادينه كول شلون

لزم ايدي و مشينه للسياره كال
:-اي بله شلون

:-اذا واحد رراد يكتلني اني اعرف شلون ارفع السلاح بوجهه و اكتله وراهه اطلع اركض اي دراجه تلاكيني اصعد بيهه و اشرد شفت شلون استفادينه

:-تصيرين مجرمه

:-عادي هسه انت مو مجرم

ضحك و فتحلي الباب صعد و هو راح صعد كتله
:- و الدراجه

:-شهاب قريب منا يجي ياخذهه

:-صدك ما رجع للبيت

:-لاا منتضرنه ما يرجع

:-هههه جذاب عبالي صدك راح يرجع خطيه يشبع برد
بقى ساكت و مشه كال

:-اكو شي بنفسج بعد

:-لا
رجعنه ثنينه فرحانين كل ما ارفع راسي اباوعله الكاه مبتسم

:-اكلك انت تونست

:-اي فوك ما تتصورين

:-صدك شنو انت هم اول مره تجربهن!!

بلع ريكه و ضحك ضل عاض شفته الجوه

:-شبيك كلت شي يضحك!

:-لا بابا

:-جاوب لعد

:-جا!

:-يله جاوب جاا

:-مجربهه هواي بس اول مره احس بيهه حلوه

:-هي شني

باوعلي و ضحك كال
:-الدراجه

:-اممم

شغل اغنية الدنيا حلوه كتله

:-بله منو احلى الدنيا حلو لو في وحدتي

:-ما ادري في وحدتي عندي بيهه ذكرى مو احبهه بس اسمعهه علمود ما انسه شي و الدنيا حلوه هم راح تصيرلي بيهه ذكرى

:-صدك شنو هاي الذكرى

:-ختولي

:-حباب احجيللي

بقى ساكت و ركن السياره يم البيت نزل و اني نزلت امشي وراه

:-صعب احجي

:-شنو يا عيوني

:-بشنو تذكرك في وحدتي

:-اوو ملاذذ ليش تخربين مودنه و احنه فرحانين

:-حباااااببب

سد باب الشارع و لزم ايدي فتنه جوه كال
:-انجبي

:-اوو وخر ابو راس

:-حاجبج نايم

:-اننجبب لا تععيبب لا تعيبب صماخك شكبرره

راد يحجي و دك تلفونه طلعه من جيبه عگد حاجبه كال
:-امج

رحت بسرعه وكفت يمه هو كعد على التخم و اني كاعده بصفه عيوني تتحرك ويه ايده فتح الخط ما يحجي اول شي اله يسمع صوتهه و اني مخليه اذنيي يم التلفون بس كالت الو كالها

:-هلا

:-شلونك يمه شخباركم

:-زينين الحمد لله انت شخبارج

:-زينه والله ملاذ شلونهه

باوعلي و انطاني التلفون اخذته منه اديه ترجف گلبي طاك عليهه خليته على اذني و هو كام من يمي

:-الوو

:-الو هلا يمه

:-ووينج انت ويننج گلبي طاك عليج ليشش ما تخاابررين

:-شلونج حبيبه والله ما اكدر علمودج ما اخابر

:-ادري بيج بس اني جاي اشتاقلج

:-الله كريم تحملي يمه

:-لشوقت يا يومم فدوه حاولي والله تعبت اريد ارتاح

:-ما ضل شي حبيبتي يله اني لازم اروح

:-يوم فدوه لا تكطعين هلكد حتلو بس رساله والله گلبي يتكطع عليج على الاقل بس طمنيني

:-ان شاء الله يله سلمينه على الصعب و شهاب

:-يوصل

سديييته منهه و صعب كاعد كدامي انطيته التلفون احس غصه بصدري خايفه على امي منهم خاف يأذونهه لو يسولها شي مرات احس روحي غلطت ما جان المفروض اشرد

:-شبيج مو حاجتج ليش ضايجه

:-مشتاقتلها صعب

كعد ييمي خله ايده على جتفي و يباوعلي بدون ما يحجي دنكت راسي ما اريد ابجي بس غصب عني
دموعي تنزل من احجي وياهه رفع راسي

:-كاافي ما عرفتج هيج ضعيفه

:-شوكت نخللص والله روحي طلعت

سحبني لصدره حاضني مسحت وجهي و وخرت

:-اكلك

:-ها

:-انت بس تشوفني ابجي تحضني شكد سيبندي

ضربني بخفه على راسي كال
:-وووللجج لا تحجين هيج طاح حضج

:-شكلت هسه اني

:-لا ما كلتي

:-وخر مني بعد لا تمد ايدك عليه

:-زين اذا اني بجيت شتسوين!

:-اصورك و اضحك علييك

هز ايده و ضحك سمعنه باب الشارع نفتح شويه و فات شهاب خشمه احمر و يفرك بدينه باوع علينه كال

:-كشش كششش امده هل شكولل

الصعب:-سلامات شبيك

:-كاعدين و مرتاحين و اني بالبرد بره ضال اودي لماطور لمدري ياهو و ارجع الماطور لمدري ياهو كله علمود ذولاك الناس ما يضوجون

ملاذ:-هسه مو زين مشغلينك عدنه

:-مييررريي ميررريي ماللتكمم جلاب

:-هههه احسن ميريي

الصعب:-جيبلنه عشه

شهاب:-لاااا هاااي العاايزه اي والله هاي امداني شوفو وابو حزامين تره اطلع لساني عليكم ساكت منكم انتم الاثنين

:-طلعه هاي ملاذ اتحداك تطلع لسانك اطول منهه تاكلك

:-هههه ياا صعب شهل سمعه

شهاب:-ملاذ كومي سوي عشه

صعب:-لا تعبانه ملاذ انت سوي

:-هههيي شنننييي اكلك اني اشتاقيت لاهلي يله اترخص راجعلهمم ضل انتم و ام حاجب

:-سويلنه عشه و روح

:-خايبين امداني اي والله

ملاذ:-لا يله مثل البارحه نسوي سوه و صعب يغسل المواعين

:-اي خووش كومي

كمنه ثلاثتنا للمطبخ اضحك على شهاب كسر خاطري كتله

:-شهاب روح اني اسوي

جان لازم بيده سجينه يكصص بتيته عافهه كال

:-اي والله خوش تسوين عبالج اكلج لا والله اله اسوي لا لا ما عندي هل سوالف

عافني و راح و صعب كاعد منطيني ضهره يسوي زلاطه رحت يمه خليت الجداحه يمه و سويت نفسي بس كاعده

منتضره الدهن يحمه عفت الجداحه و كمت يم الطباخ  لزمت البتيته بيدي و ايدي الثانيه بيهه خاشوكه كتله

:-صعب الجداحه من يمك

:-تعالي اخذيهه

:-لا ما اكدر اريد اخلي بتيته الدهن احترك بسررعهه
خليت البتيته و بقيت الح عليه درت وجهي عليه لزمهه و مدنك راسه وصصل يمي كتله

:-شغل الطباخ

عافهه على الكاونتر الي يم الطباخ و دار وجهه كال

:-هاي الجداحه ما اكدر اشغل بيهه

:-شراح يصير يا عينني بس شغله

:-ما اكدرر

خليت البتيته و غسلت ايدي هو مدنك راسه و يطك باصابعه متوتر

لزمت ايده و هو رفع راسه ابتسم الي مجامله علمود ما يبين الي بي شي

:-اسفه

:-عليش!

:-ما اريد اضوجك بس لازم تتعود

:-الله كريم

عافني و طلع كال

:-راح اصيح لشهاب يمج بس اشتم هوه و ارجع

:-لا لا تصيحه ما عندي شي

راح بدون ما يحجي شويه و اجه شهاب يصيح من الممر

:-مااا اخللص اني ما اخلللص مخلفكم و ناسسيكمم

:-اووي شبيك عيني هسه شسويت

:-انت انجبي

عفت البيدي و كعدت على الكاونتر كال
:-كووممييي ملاذ ما اسوي وحدي

:-ماا يله يلله جوعانين

اخذ الخاشوكه من ايدي و ضل يشتغل و يدردم فات صعب و شهاب يحضر بالصينيه و اني اصيح عليه خلي مي جيب الخبز كوه لازم روحه مني

وكف يمي صعب و اني متربعه على الكاونتر لزم ايدي و نزلني

:-يله بابا يله سودة عليه تعبتي

شهاب:-و انننني و انننيي اشتغل و اذب بالشط حتى محد يكلي شكراا لو مربي جلاب و لا انتم

ملاذ:-شوف بابا هاي اني كملته كله

:-اي بابا ااي ادري بيج اديج تعبن سوده عليك شهاب

كال هيج و لزم ايدي باسهه و يكلب بيهن و اني ميته ضحك

شهاب:-خل اشوف ياهو يسويلكم شي بعد منا لهنا نكرتو صدك لو كالو سوي خير و ذب بالشط

:-اووي هسه انت شسويت

كعدنا ناكل و نتناكر كسر خاطري شهاب شلت المواعين اغسلهم و شهاب كال

:-يله اني اسوي جاي

باوعتله كتله
:-لا شهاب روح هسه اني اجيبلك

راح  و اني درت على السنك اعزل بالمواعين حسيت صعب ورايه درت وجهي و هو عبر ادينه مني صرت بينه و بين السنك ضهري على صدره يغسل بيده رجعت درت وجهي على السنك و دنكت كتله

:-خل اوخر و غسل

:-لا ابقي واكفه هيج و اني اغسل المواعين

:-لاا اني اغسلهم انت سوي جاي

ما رد عليه شال ماعون من السنك و اخذ الجلافه يغسل بي ثنينه مشلوع گلبنه هو اديه بعيده و اني مجعوصه بنصه درت وجهي عليه

:-شبيك روح اني اكمل

جنت مخليه الحجاب طرح على راسي و شامرته بس مغطيه شعري لان شهاب موجود رفع ايده لوجهي اباوعله متوتره بلعت ريكي خايفه و هو خله الرغوه الي بيده على خدي

:-شبيك انت !!

باوعلي بنضرات عجزت افسرهه عاف البيده و دارني عليه رفعت ايدي مسحت وجهي و رجعت اباوعله ما يحجي شي

:-انخرست شبيك

ابتسم و نزل اديه خلاهم بجيوبه
:-ياريت

:-تريد تصير اخرس؟

:-الاف الحجي كلته بس انت ما تفهمين

:-ششوكت شنو اني ما اسمع!

:-ما تحسين

:-ليش هو الحجي احساس لو سمع!

جر حسره عاض على شفته رجع جتف اديه كال

:-اكو كلام ما ينحجي بس ينفهم ينحس بي  تعرفين هذا يا كلام؟

:-اي هو كل الكلام ينسمع شنو قابل اكو ينشرب!

ابتسم و نصه كال
:-صح الكلام كله ينسمع و متفقين على هل شي بس اكول كلام بالعين ينكال هذا نحس بي مو نسمعه

تعرفين شلون كال هيج و باوعلي مبتسم
بلع ريكه و رفع ايده كدامي

:-برجفة الايد
سكت شويه و نزل ايده اخذ ايدي و شالها لگلبه يدك بقوه

:-بدكات الگلب

رجع رفع نفس ايدي من گلبه خلاها على رگبته

:-بحرورة الجسم

سحبت ايدي منه دنكت راسي متوتره باعده نضري منه

:-واخيرها بالتوتر و ضياع الكلمات  هيج ما راح نحجي كلام مسموع راح نحجي بعيونه

:-انت شبيك اليوم؟

:-ما ببيه شي

:-لا تحاجيني هيج

:-حاضر

:-يله وخر روح للاستقبال اني اكمل و اجي

:-لا نكمل سوه

رفعت راسي عليه احس الخوف مسيطر عليه

:-اكلك فدوه تره اني اخاف لا تحجي هيج

ضحك و تفاحة ادم صعدت و نزلت مركزه ويه كل حركه يسويها ما ادري شنو الغايه ابتسمت وياه كال

:-شحاجي انه!

:-مدري تحس و گلب و رجفه ما اعرف حباب لا تحجي هيج ااحس بشي

:-بشنو تحسين؟

:-اكلك بشنو؟
:-امممم

:-احس تحبني

حرك راسه بمعنى لا و وخر من يمي كال

:-سوي جاي و انه اغسل المواعين

:-لا بالعكس

:-شغلي الطباخ

:-بيش اشغله؟

:-بالجداحه يعني بيش

:-الجداحه شنو يطلع منهه

عگد حاجبه مستغرب كال
:-غاز!

هريت ايدي و رحت اخذذت القوري كتله

:-شو انت اغسل المواعين تملل و اني اسويي جاي

هو ضل يغسل بالمواعين و اني كملت الجاي كمل و اني كاعد اصب  بقى منتضرني كملت اخذ كوب شهاب

:-اني راح انطي لشهاب و انت وديي لكوب لغرفتي

:-خوب اخذ كوبك و روح للغرفه و اني انطي لشهاب

:-لا معليج روحي

اخذته فتت لغرفته و هو راح للاستقبال بقيت لازمه الكوب و واكفه اباوع على الغرفه كل يوميه اسوي هيج بلكت اشوف شي سمعت فتحت الباب فات و سد الباب وراه قدمتله الكوب ردت اطلع كال

:-اوكفيي

:-ها!

كعد على الجربايه بيده الكوب كال
:-فتحي الكنتور

:-ييا كنتور!

:-كنتوري يا كنتور يعني

رحت يم الكنتور مديت ايدي اريد افتحه باوعتله كتله
:-اكلك صدك ليش اني افتحه خوب انت كوم فتحه

:-دفتحي مو وكتج

:-شبي خاف جني!

:-لا و داعتج ما بي شي بس فتحي

:-و اذا طفر عليه الجني!

:-طفري بحضني و احميج

:-شو انجب لا تتبربك

:-لللسسانج ولجج

:-اي هسه كلي شبي الكنتور !

:-افتحي

درت وجهي افتح الكنتور شويه و ارجع اسده اكله
:-و اذا بي جنني

خبلته بلاخير كال

:-ولي لا تفتحينه امشي مناا

:-لا يله يله راح اشوفه

فتحت الكنتور كلشي ماكو بقيت اباوع فارغ مثل كل مره بس ملابسه معلكات كتله

:-شنو انت تجذب عليه شكو!

كام من الجربايه وكف بصفي سحب اول تشيرت معلك لونه ابيض رجالي كتله

:-شنو

:-حلو!

:-اي يخبل بالعافيه هسه من تلبسه يطلع يخبل عليك

:-الج جبته بس على قياسي

ضحكت
:-صددك ليش جبته

اخذته من ايده اباوعله و اضحك كال
:-عجبج

:-اي يخبل بس ليش جايبهه علي قياسك

:-شمدريني هو غير انت تحبين ملابسي شفت هاي و
صرتي كدامي تخيلتج لابستهه ف اشتريتهه

:-هههه شكررا

رغم شي عادي بس ما ادري احس لففرحه بداخلي جبييره حضنته فرحانه و هو لف ايد على ضهري كال

:-اذا هيج ترديلي الشكر كل يوميه اشتريلج شي

وخرت منه اضحك ضربته على بطنه
:-انجب انت ليش تخلي بيهه انه تفكيرك خايس

:-اشكرج

:-عببالك راح تخجلني بهذا ردك لا ما اخجل

:-الصاروخ صايره هواي تغلططين و انه ساكت منج

:-عفيه اني ما اكدر الزم لسانيي خليني اغلط براحتي

:-اممم نجبي ماكو غلط اخر مره

:-حاضر

بقيت اكلب بالتشيرت و هو ساكت رفعت راسي عليه يباوعلي مبتسم بدون ما يحجي شي

:-يابه شبيك انت لا تباوع هيج لو تحجي لو لا تباوع هيج تعرف هل نضرات شتحسسني

:-اي بلا شتحسسج

:-احس تحبني من تبباوعلي هيج

:-ليش اني اكرهج

:-لا مو هيج باوع

:-جا!

:-شوف اقصد يعني هذاك سوالف الحب يعني هذول الي يحبوون يحببون مو حب عادي بين صديقين و مدري شنو فهمتني!

:-اي قصدج مو حب زواج

:-اييي ايي عفيه انت صاير تفتهم

:-ليش گبل ما افتهم!

:-لا والله مو هيج قصددي المهم معلينه من هاي لا تباوعلي هيج بعد

:-جا شلون اباوعلج يا عيني اني هاي نضراتي للكل

:-جا ما تباوع لشهاب هيج! 

ضحك بقوه اول مره اشوفه هيج يضحك
:-هههههههه ولججج اخخخخ عليتتينني عليتتيننيي

:-يا شسويت غير انت كلت للكل

:-ما سسويتي تنامين؟

:-بغرفتي

:-لا

:-ما بغرفتي

:-زين تمام تمام نتفق!

:-لااا الجني يركض وراي بس نتفق

:-ههههه اي ديري بالج

:-لا عفيه تعال انت يمي

:-تردين انام يمج لو علمود الجني؟

:-اكلك انت اليوم بيك شي بس تسأل و مدري شلون تباوع وتحجي شي اني ما افهمه شتريد بالضبط

جان مدنك و يستمعلي اول ما كملت رفع راسه جر حسره و كال

:-عيــــونج

احس مو كلمه عصرت گلبي من صدمتي رديت عليه
:-هاا؟!

دنك راسه و وكف دار وجهه حجه بسرعه

:-اقصد ياعييوني هذا انني بس انت ما منتبه
رجع باوعلي كال

:-هسه شنو ويين تنامين

:-بغرفتي اني وياك

:-بغرفتي ملاذ

:-شنو الفرق؟

:-ماكو بس اني ارتاح اكثر هنا

:-خوش بس بالكاع

:-لااا جسمي يتكسر مابيها فراش

:-شوف صعب

:-شفت ياعيوني

:-انجب لا تحجي هيج

:-عيونه ما احجي

:-مخبل انت مخبللل

:-اي هذا مو موضوعنه شكلتي وين تنامين!

:-انام هنا بس شوف اذا سويت مثل البارحه اشوفك وجهي الثاني

:-و اشوف وجهين الج انه وجه واحد ما متحمل

:-شنوو يعني قصدك اني ام وجهين؟

:-انت كلتي اني شعليه

:-باوع لا تضل تذب حجي مالي واهس اعارك

:-عود هاي مالج واهس

:-اكلك روح جيب الكتاب و تعال بدون كلام زايد تره اليوم مدري شلونك

:-هاي يمكن الدكتور النفسي سوه شي بدماغي بعد ما نروحله

:-لا مو بككيفك ما يروحله كلشي ما بيك زيي الورد اصلا اني البيه شي اليوم روح

طلع هو يضحك وكفت يم الباب قفلته و نزعت التشيرت مالتي جاي ارتب بالتشيرت الجابه اريد البسه و دك الباب كال

:-ها شجاي تسوين

:-اوكف جاي ابدل

كملت و فتحت الباب بقى يباوعلي ساكت اخذت من ايده الكتاب و درت وجهي شفت روحي بالمرايا الكدام

التشيرت مضيعني بس اني احب هيج لبس كال صعب

:-حلوه طالعه

:-اي ادري يله تعال

مشه كدامي كعد على الجربايه و اني رحت من الجهه الثانيه

:-تربعي خل انام على رجلج صار شكد ما لاعبه بشعري

:-تعال تعال بس لا تبجي

تمدد خله راسه على شعري فتحت الكتاب باوعتله مخلي عيونه عليه

:-شوف لا تباوع تره ما اقره

:-جا وين اباوع

:-هاك الزم اني اكلك وين تباوع

انطيته الكتاب اشرتله بعيوني

:-يله اقره و باوع للكتاب ضحك و فتحه

....................................

عودة الى الماضي

الصفحه السادسه عشر

رُفيده

بقى عابس هل فتره يروح و يرجع علينه و روح
رجعت بيها الروح كل يوم اشوفهه لازمه الكتاب و تكتب

مرات تضحك و هي تكتب مرات تمسح بدموعها العصريه محد ببيتنه اروح ركض لبيت اهلي احمد يحجي عليه بس اني ما مهتمه ما اكدر بدون ما اشوف روح فتت للبيت شفتهه كاعده على المرجوحه

كعدت يمهه كملت كتابه و سدت الكتاب باوعتلي مبتسمه و حاضنه الكتاب

:-ها شلونها الاوضاع

:-زينه

:-شجنتي تكتبين

:-اسماء اطفالنه اني و عابس تدرين شيكوول

:-شيكول

:-يكلليي اريد اخلف عشر اطفال خمس ولد و خمس بنات يريدهم يشبهوني

:-اي و شنو اليفرح عشر اطفال تلحكين تخلفين دجيبي النه ثنين ثلاثه نعمه

:-ههه لا صدك تدرين اريد هوووايه جهال اول واحد ابوه كال اذا ولد نسمي الصعب و اذا بنيه نسميها مُرنان

:-هههه جا شو اني حامل و لهسه ما مفكره شسمي ابنيي
ضحكت و خلت ايدها على بطني الي اساساا بعدها ما طالعه كالت

:-خنتيني و راح تجيبين قبلي

:-ههههه شسوي ما صبرت

:-يله يله عود جيبي ولد علمود افكر ازوجه لبنتي

:-مو بكككيفج والله ياخذهه غصب عليكم

:-واذا بنيه

:-اذا اني جبت بنيه انت غصبا عليج تجيبين ولد و يتزوج بنتي

:-هههه اي الصعب يتزوج بنتج و اذا انت جبتي ولد مُرنان تتزوج ابنج

:-اي عيني قابلين قابلين

ضلينه نضحك شويه و رحنه للمطبخ كالت امي
:-روح شنو البقى ما مجهزينه خل نجهز كلشي علمود ما ينشلع گلبج بعدين

:-لا خاله كلشي كامل هو ماكو عرس و طبطبه ما راح ينشلع گلبنه

كامت امي تحضن بروح
:-انت امانتي اخاف قصرت منج يا خاله عذريني

:-لا ياروح روح والله ما قصرتو مني خليتوني ببطن عينكم و عاملتوني مثل رُفيده و احسن

ما بقى غير ايام لعرس روح ثاني يوم امي كالت ضروري تجين لان عابس و اخو هادي جايين علينه ثاني يوم كملت كلشي من وقت و رحت على احمد كاعد يشتغل بالغرفه

:-اكلك حبيبي

:-شتردين من الاخير!

:-هيج

:-ما تكولين حبيبي اذا ما رايده شي مني

:-شوف هو اليوم امي تريدني اروح ييمهم لان يمهم رجل روح و حماهه

:-ما ترحين

:-شبيك منو يساعد امي و روح

:-اكلج ما ترحين اني عابس و روح ثنينهم ما احبهم

:-هسه انت ما تحبهم اني شعليه احمد حباب لا تسوي هيج

:-ماكو تردين روحي بس من عابس ما موجود

:-هو شمسويلك

:-ما مسويلي شي حتى سلام ما بينه

:-بس هل مره خليني اروح

:-لا هاااي و لا غيرررها ماكوو روحه خووش

شفته كام يصيح عفته و طلعت لاكتني امه كاضه بيدهه سطل مسح

:-كلج مشاكل من اجيتي و لهسه ما شفت ابني مرتاح

:-اكلج خاله هسه ما بيه حيل اعارك اجليها على غير مره
قدمتلي السطل مال مسح و كالت

:-اي غير مره و هل مره امشي نضفي الحوش

:-نضفته

:-شفته هسه ما عجبني تنضيفه عيدي عليه

اخذتهن منهه و هي وكفتلي بالباب خاف اجذب ما امسحه هي نضيف هستوني منضفتهه شمسح منهه

ضليت امسح و كل شويه تباوع على مكان و تكلي هذا وصصخ عيدي كملت احس ضهري نفصم كوه اجر بالنفس

:-يله هسه حضري الغده

ما رديت عليهه غسلت اديه و طلعت غراض الغده احس مغص صار ببطني و كل ما ادنك ضهري يأذيني لليلل

حسيت شي وكع عليه بس خفيف تمدد على فراشي اففكر بروح هسه شصار يا يوم اتفقو يتزوجون شكد

حقير احمد يدري بيه شكد احبهه و مثل هيج يوم ما يخليني اروح  كل شويه الوجع يزيد عليه اخر شي ما

تحملت كمت ابجي و احمد ففات للغرفه حاير شيسوي و السياره ماخذهه اخوه ما يكدر يوديني للمستشفى كمت

اتللوه من الوجع و النزف زاد من ضاكت بي الدنيا طلع بسرعه من البيت و اني وحدي بقيت محد من اخواته لو

امه اجتنيي شويه و رجع طلعلي حجاب و عباه لبسني ما اكدر اتحرك شالني و طلع شفت امي لابسه عبايتهه و

تبجي لاكتني صعدت وره و اني يمهه اعض بعباتي من الوجع شفت عابس يسوق صعد يمه احمد درت وجهي

على باب اهلي شفت روح تمسح بدموعهه و لازمه الباب عابس يسوق طاير و كل شويه احمد يكله

:-استعجل فدوه

:-ما ضل شي خويه

ودوني للمستشفى سقطت الجنين اكبر الم مر عليه بحياتي حتى ما ضجت علي حملي من الوجع الحسيت
بي

عابس ويانه ما عافنه ابد و اهل احمد ما بينو و لا شفنه واحد منهم ثاني يوم طلعونه رحت على بيت امي ما

حجيت ويه احمد اي شي و عابس بقى للعصر و راح اجت يمي روح تمسح دموعهه و ترجع تنزل لزمت ايدي تدفي بيها بين اديه

:-تأذيتتي كون بيه و لا بيج

:-اسم الله عليج ما بيه شي بس هاي يمكن حملت ببنيه و ابنج ضاج كال شنو اكبر مني لذلك سقطت

:-ههههه نجبي حتى انت مريضه تضحكين

:-جا الطم يله شدولنه حيلكم و تزوجو

:-البارحه ليش ما اجيتي

:-انت غبيه روح شلون اجي و اني هذا وضعي

:-لا اقصد قبل لا تتخربطين

:-احمد الجلب ما قبل

ضلينه نحجي امي فاتت يمنه كالت
:-احمد راح يجي

روح جانت ما محجبه عادي تبقى بدون حجاب فات احمد سلم و روح ردت هي منصيه رادت تطلع و اني لزمت ايدهه كال احمد

:-ابقي خويه

بباس راسي و كعد كال
:-الله يعوضنا حبيبتي

:-شكرا

:-بيج شي!

:-اهلك وين شعجب ما يتحمدولي بسلامه؟

:-يجون يجون

:-خل يجون المهم بيتكم ما افوتله بعد

رفعت عيني عليه باوعلي مصدوم يعرف كلش زين بسوالف اهله وياي بس اني ساكته و هو مغلس بقي

ساكت كامت روح ضيفته و هو بس يريد يحجي وياي كمت اسمعه و ما ارد راح لبيتهم

عابس بليل اجه جايب مسواك و سلم عليه طلعو هو و روح بالحديقه عرسهم بعد اله سبوع لان عابس كمل

كلشي و ابوه يومين و يطلع الاربعين بدوون علم اهله راح يتزوج بس اخوه يدري بهل شي روح كل ما ترجع

طايره من الفرحه و تكتب كل شي اخواني و زوجة ابويه استقرو يمنه بالبيت ما يجمعهم كلام ويانه بس شدو ويه روح بأخر فتره و هي ما تحجي شي..........

....................................
سد الكتاب يضحك كال

:-عرفتي ليش ما حب ابوج حتى بعقد اهلي ما خله رُفييده تجي

:-كول الله يرحمه و اسكت لا تحجي

:-يله يابه الله يرحمه

:-امم عفيه و وخر رجللييي

ردت اكول خدرت تذكرت اخر مره شسوه بقيت ساكته رفع راسه كال

:-شبيها

:-نملت نملتت

:-ههههه مرتاح خليني هيج

:-كوم كومم جيب مخده على الاقل

سحب مخده خلاهه بحضني و رجع خله راسه على المخده كال

:-احنه نعتبر مخطوبين من 30 سسنه قبل اليوم

:-ششنو شلون؟

:-كبل لا نصير امج و امي قررن يزوجنه

:-ايع شلون قرارر

:-شبي صار تره و هسه انت مرتي

:-اتفااق اتففااق

:-اي ياعيوني بس صار

:-اكلك خل نتعارك و اني اسويلك هاي مالت طلككنني اريد ارتاحح

:-تحلمين

:-شأحلم

:-هيج

:-قصدك احلم تطلكني مو

:-امم ما ادريي

:-بكيفك هي راسسك بالعرض وخر يله وخر نعست

كام من يمي طلع يغسل و اني جبت تلفوني و رجعت ركض اخاف من غرفتيي خاف صدك بييهه جني تمددت

على الجربايه اسولف ويه برق و صعب يكلب بتلفونه كمل و كام طفه الضوه شغل التيبلام و سحب تلفوني

:-ها شبيك غير جاي احجي جيبه

:-مو تنعسين نامي يله

:-اهوو شبيك انت

ما رد عليه سحب مخدته خلاهه بالكاع من جهته و نام وياي على المخده

:-شوف وخر شتفقنا احنه

:-اتفقنى ما ننام مثل البارحه

:-يعني رجع المخده

:-نامي ما احضنج صدكي

:-شو انت مستهترر والله بس تمد ايدك اكسرهه فاهم

:-امم بس نامي

متمدد على بطنه و داير وجهه على الجهه الثانيه و يحجي تمددت بالطرف تغطيت و

مادري بروحي من نمت كعدت عطشانه احس روحي متقيده رفعت نفسي صعب لامني بحضنه و التشيرت

ملتف على جسمي سحبت روحي منه كوه غاط بنومته هذا يجذب عليه دوم يسوي روحه نايم خليت ايدي على

وجهه احرك بأصابعي وخرتهن ما حجه شي يعني صدك نايم شفت دولكه من جهته وخرت ايده مني و كمت

شربت مي رجعتهه و شفت مفتاح على الميز ما اادري ليش گلبي دك من شفت هل مفتاح باوعت للساعه ب2

بلعت ريكي خايفه سحبت المفتاح باوعت للصعب بعده نايم

-خل احاول يمكن هذا نفسه مفتاح الغرفه

مشيت بخفه على اصابعي و كل شويه ادير وجهي للصعب خاف يكعد فتحت الباب بدون ما اطلع صوت

باوعت اخر مره للصعب على نومته سديت الباب و طكيتهه ركضه بالممر وصلت للمطبخ شغلت الكلوب مالته

بسرعه حتى للضللمه ما اهتميت وصلت للغرفه و ايدي ترجف اريد اوصل لكلشي بهاي الغرفه خليت المفتاح

بلقفل و احس انفاسي و جسمي كلشي بيه يرجف التفتت ورايه ماكو احد رجعت غمضت عيوني قوي

:-ياررب يفتح ياارب......

................................

مُـــهره(ترميم)

رجعت اباوع للدكتور بنضرات اترجه بي بس كون ما يعوف ابني ما اكدر اخسره كال

:-كافي اختي لا تبجين

دار وجهه على الممرض الي وياه كاله
:-حضرو غرفة العمليات للمريض

باوعلي و بمعننى شنو اسمه مسحت دموعي و الفرحه ملت گلبي

:-سيف اسمه سيف ايوب

ضحك و داروجهه على الممرض

:-سيف ايوب

بدو يجهزون للعمليه اجه اخوي من امي و ابوه وياه سلموا عليه و بقوا واكفين وياي ابد ما قصرو يطلع الدكتور يكومون گبلي

دخلو سيف للعمليات و روحي لايبه اجو اعمام سيف من عرفو بحالته هيج كلهه التمت ساعتين و و خلصت

العمليه جانت ناجحه بس ننتضر لمن يصحى كاعده بالكاع مخليه راسي بين رجليه ارددد بدعاء

إلهي أذهب البأس ربّ النّاس، يا رب اشف وأنت الشّافي، لا شفاء إلا شفاؤك، شفاءً لا يغادر سقماً، يا رب أذهب البأس ربّ النّاس، بيدك الشّفاء، لا كاشف له إلّا أنت يا رب العالمين، اللهم إنّي أسألك من عظيم لطفك وكرمك وسترك الجميل، أن تشفيه وتمدّه بالصحّة والعافية، لا ملجأ ولا منجا منك إلّا إليك، إنّك على كلّ شيءٍ قدير".

سمعت صوت محمد اخوي ابتسمت اله كال
:-كومي خويه تعبتي كومي ارتاحي

:-لا ما تعبانه

مد ايده الي كومني محمد يختلف عن اخوانه و عن اخوي من امي و ابوي ما قصر وياي ابد وكفت يمه منتضرين

يكولون فوتو اله ربع ساعه و كالو عادي تفوتون
امشي و اديه ترجف ما اكدر اشوف ابني ممدد ما يكدر

يحرك روحه بس شفته كوه فاتح عينه روحي راحت كعدت يمه حاضنته و هو ما بي حيل يحجي اريد اكتم

شهكاتي ما اكدر ابني الجبير سندي هيج اشوفه

:-زين زين ياروحي ما بيه شي

:-سوده عليه يمه بيه و لابيك

لزمت ايده جسمه تعبان ووجهه اصفر يجر الحجايه جر سلم عليه خاله و زوج امي وراهه اجو عمامه سلمو شويه

و كلمن راح بقيت كاعده يم سيف تعبان ما يكدر يحجي نام و ضل يمي اخوي محمد ما قبل يروح بقيت كاعده و محمد يسألني على اعمام الولد كال

:-شو ما بققوا وياج شنو سالفتهم؟

:-ما ادري عدهم شغل

:-اهم من ابن اخوهم؟

ابتسمت اله
:-ما دام انت وياي هاي هيه ما احتاج واحد منهم

:-عيوني الكم

ضل وياي لليل سيف كعد ضل بالي يم البنات منو الهن خابرت على عمهن اريد احاجيهن علمود يطمنن على
اخوهن ادري محد يطمنهم

:-الو
:-شلونك خويه

-هلا ام سيف الله يسلمج صاير شي

:-لا بس اريد احاجي البنات اطمنهن على اخوهن

:-شويه و اخابرج

بقيت لازمه التلفون شويه و اتصل

:-الوو
:-هلو يوم شلونه سيف

:-هلاا يمه زين والله و هذا كاعد

باوعتله اببتسم بتعب
:-انطيينياه خل نحجي وياه

باوعتله شكله تعبان ما ادري اذا يكدر يحجي
وخرت التلفون و كلته

:-سيف تكدر تحاجي بيلسان؟
حرك راسه بمعنى اي

اخذ التلففون مني و حاجاهم

:-هلو حبيبتتي ...زين اني انت شلونج ..دييري بالج على روحج برق وينهه

بقى ساكت شويه و حجه

:-هلا برقي شلونج زين اني كلشي ما بيه ادلل عليكم ههه.... ميخالف اخلي امي تجيبجن ....يله حبيبتي اقرو زين لا تلتهون و اخوانج خل يقرون ادري بيهم يكيفون على هل سوالف علمود ما يقرون..بيباي حبيبتي

اخذت التلفون منه و كعدت اوكله شويه اكل كال
:-هااي هيه شبعت اريد اتمدد

اخذت الاكل منه وخليته على الميز ساعدته و رجع تمدد كال

:-يوم جيبي تلفون للبنات اني الضاهر مطول بالمستشفى شنو البنات يضلون بمنة عمامي

:-ميخالف بس ارجع للبيت اجيب الهن

:-باجر ترجعين هذا خالي هنا

:-ميخالف نام انت و ارتاح لا تفكر بشي

:-منو بات يمهن؟

:-يمهن عمتهن

:-بس كون برق تلزم روحهه

:-والله خايفه ارجع و الكاهن كاتل و مكتول

:-ههه اذا يعيلون بيهن حيل وياهم خليهن

شويه و نام لان ما يتحمل العلاج ينطوته اله بي منوم و ضال على المسكنات اذا خلص المسكن يكوم يتلوم من

الوجع عمليته مو سهله ثاني يوم خاله بقى وياه و اني رجعت للبيت اخذت النه ملابس لان كالو نتأخر

بالمستشفى و اخذت غراض نحتاجهن هناك لكيت لبنات يطبخن وحدهن بس ببليل تجي وحده تبات يمهم و

بالنهار يداومون اخذت وياي يامان و رحنه علىمحل موبايلات اخذتلهن جهاز و خط علمود نخابرهن اني هم

ما امن اعوفهم يم عمامهن انتضرتهن لبين ما اجن من المدرسه فاتت برق شافتني ععبالهه سيف طالع صاحت و هي بالباب قبل لا تفوت

:-نووور الللبيت

فاتت تتلفت ما شفته موجود
:-سلمي عليه غير اني امج

:-اي ياا نسيتت

سلمت عليه تضحك و اجت بيلسان سلمت كالت برق

:-وين سييف!

:-ما مطلعينه بعده

:-شوكت يطلع يوم والله ما تحمل بعد

:-شسوي يوم غير حالته تعبانه لازم يرتاح

:-اخذيني اله

:-وين و مدرستج جبتلجن شي

:-شنوو؟

رحت فلتت التلفون من الشحن خليتهه كدامهن كالت بيلسان

:-شنو هذا
ضرببتهه برق على جتفهه كالتلها

:-تلفون تلللفون

:-اعررف تلفون اقصد مالت منو؟

كالت امي
:-الكم علمود تخابرونه من عنده

اخذته بيلسان تكلب بي و اخذت تلفون امي نقلت رقم سيف و رقمهه كتلهه

:-يوم منو بقى ويه سيف بالمستشفى؟

:-خالج محمد

:-ها جا عمامي الكو** شبيهم

:-ولجج برررقق لسانج طولان لا تحجين هيج

:-خوش خوش اريد اروح لسيف

:-عندج مدرسه

:-شوكت يطلع هوه

:-من يصير زين هيه بعد يجوز سبوع

:-ما اتحمل سبوع ما شايفته فدوه ودييني اله

:-بالجمعه اخذكم

جاي نحجي و اجه اريان من المدرسه ما يدري بأمي بالبيت يصيح

:-بيللسان ما عدها لسااان بررققق الببرربب**ق

عضيت اصبعي مترقبه الباب يفوت اريان و امي بقت تخزر بينه و احنه نضحك اول ما فات سكت كالت اله امي

:-كمل كمل

نزع حذائه كاله

:-اكول اليوم اول ما فتت للبيت شفت ضوه طالع من بيتنه طلعة بنيتنه منوره البييت اياابه البيت اضلم بدونج
ضربته على جتفه

:-وخرر تريد تنسينني شكلت قبل شويه

:-شكلتتت يا عيوني ياحلووه وين سيووف

:-ما طلع

:-هااا جا خوش اليوم اروحله اتشمت بي اطك برجلي كدامه

فات يامان گبل شارك بالحديث بدون ما يدري شنو السالفه

:-نلعب يمه طوبه علمود رجله تنفعل

:-ههههه والله اذا واحد ضوج سيفيي اطيح حضكك

:-برق انجبي احسلج

بقينه نتاكر لما اني صاحت بينه شويه و كالت اروح اخذت الولد وياهه و احنه بقينه بالبيت اكلب بالكتب

كلشي ما افهم كل تفكيري بسيف متأذي هسه شجاي يسوي شلون صار خاف امي تجذب علينه و ما تاخذني

اله شوكت يمشي بيلسان كاعده يمي تكلب بالتلفون كتلهه

:-هاج راح اجيب رمز الشبكه من عمامي و نخابر على امي

:-شلون تجيبينه

:-معليج هسه اروح اجيبه

عفتهه ومشيت لبيت عمي عدهم شبكه ببيتهم لكيت ابنهم الصغير لازم تلفونه و يلعب كعدت اقشمر بي لمن

انطاني الرمز رجعت ركض لبيلسان خليناه و اجانه نت گبل خابرنه على امي لان عدهه نت من المستشفى

بقينه نحجي وياهه و ويه سيفه بقي يوصي بينه نقره و يكول زين و هو نصه رايحه متغيير و شكله تعبان من

شفته هيج روحي راحت كمت الوب اريد اشوفه اداوم و ارجع بدون ما افتهم شي يومين مرن كوه صار يوم
خميس خاببرت امي

:-الوو

:-هلو حبيبتي

:-مو حبيبتتج انني

:-ها شكو شصاير!

:-تعاي اخذينني اذا ما شفت سيف اليوم اموت والله

:-اسم الله هسه خلي خالج يمر عليكم يجيبج انت و بيلسان تحضرن

سديت التلفون منهه و كلت لبيلسان بقو الولد بلبيت كملنه و اجه خالي مو هواي ملتقين بيهم سلم علينه خالي محمد بس هو ارتاحلله بيهم و اضحك وياه و انطلق كال

:-كبرانات و لا عرفتجن

:-اي خالي مو البارحه جنت ضايجه و عندي وقت فراغ كلت خل اكبر علمود اصدم خالي محمد

:-ههههه طول عمرج ام لسان ما تنكدريين

:-اي خالي مربيته يكبر وياي

بقينه نضحك وصلنه و احس گلبي يركض قبل رجليه اريد اشوف سيف گلبي طاك عليه فتت قبلهم و خالي

اشرلنه على الغرفه البيها سيف فتت ركض جان كاعد بدون ما اباوع منو يمه و لا. اهتميت لاحد ركض حضنته

و دموعي تتسابق بيلسان اجت من الجهه الثانيه و هو حاضنه و يحجي ويانه

:-لا تبجن بابا لاتبجن هذا اني ما بيه شي كاافي يروح اخوجن

لزمت ايده اريد ابوسهه سحبهه مني
:-لااا بررقيي

من شفت شكله شلون تعبان و لاعبالك سيف الهاللات صايره جوه عيونه و وجه اصفر و ضعفان ابجي بدون ما

احس على روحي و هو يمسح بدموعنه بقينه كاعدين نحجي و كل شويه يسألنه على المدرسه حتي هو مريض ما متهاون بموضوع المدرسه

رجعنه للبيت احس شويه ارتاحيت من شفته عشر ايام يله طلعو ما يكدر يمشي على رجله امي و خالي ساندينه

من نزل و عمامي جايين نصهم يمنه و نص بالمستشفى خليناله فراش گبل كعد عليه جسمعه عركان لان مشو

مسافه من السياره للغرفه ما يكدر يتحرك و لا يخلي رجله بالكاع كعدت يمه كل ما يريد شي ركض اجيبه اله

صار بيتنه عباره عن خطار ناس رايحه و ناس جايه و عمامي يحضرون لان يردون يسوون كعده ويه اهل الولد

الداعم سيف و امي تركض منا و منا فلوسهه كلها صرفتهه ما تلحك على العلاجات على المراجعات و خالي

و زوج بيبي  وياهه اي شي تحتاجه يساعدونهه بخد ما صارت الكعده فصلوهم اربع ملايين صارت علاج لسيف

و امي صرفت فوكهن ملايين كامت تتعب بالشغل اكثر ما خلتنه نترك دوامنه بس سيف اجل السنه لان ما يكدر

يمشي و لا يتحرك الولد يكومونه و يرجعونه لفراشه كل شهر لازم  مراجعه و كل مراجعه  250 الف ربع ما يضل

بالبيت كله للمستشفيات و سيف روحه طالعه لان يشوف امي تتعب و هو ما يكدر يتحرك و لا يشتغل اروح للدوام

ارجع اسولف لسيف يومي و شنو صار وياي و اكعد اقره يمه لو هو يقريني اريان و يامان ممكضينهه ضحك و

يلعبون طوبه و سبف يحترك دمه منهم يردهم يقرون بس همه ما مهتمين بس من يشوفونه يعصب كلمن يلزم

كتابه و يخنس بيلسان هادئة البيت تكعد يم سيف تستحي كلامهه قليل تتعلم تطبخ و تدرس اجت

امتحانات الثالث متوسط جنت داخله بكلوريا و ماعدين عطله ندرس سيف شويه صار احسسن يكدر يوكف بس

على عكازه ما يضغط على رجله بديت امتحنت كملت امتحانات و جنه منتضرين النتائج ............ يتبعے

.
.
.
.
.
.
.
.

.....اشتركو بقناة التليكرام لمعرفة موعد البارت

كلانا كتف للاخر♥
الوريد♪