رواية أنتقام الصفحه 27 (ترميم) الفصل الثامن عشر 18 - بقلم خـلود الـ محسن

الكاتبه لورا
°°°°°°°
lorai_alrwiانستا
°°°°
اشتركوا بقناة التلي حباََ♥
°°°°°°°°°
تعليقاتكم و تصويت للبارت💚

مــلاذ
-

ياررب يفتح ياارب فريت المفتاح و سسمعت طكته بالقفل احس يطك بگلبي فتحته ركض رغم رجفة ايدي بس احاول اشوف الي بداخل الغرفه بسرعه

فتحت اليده بهدوء درت وجهي محد موجود فتت بسرعه للغرفه ضلمه ما ينشاف شي لزكت نفسي بالحايط و بقيت اتلمس بي ادور على النقطه مال الكلوب

ضليت امشي ايدي على الحايط لما لمستهه ضغطتها على كيف و اشتغل الضوه مو كلش قوي اضائه خفيفه

كل انحاء الغرفه ممليه بكلمه انتقام بس ما خليت نضري على اي مكان غير زوايا الغرفه

لان متأكده كلشي يخص صعب موجود هناك عفت الباب مفتوحه علمود بسرعه اطللع رجعت باوعت للبره خاف واحد يكعد من الولد

درت وجهي على الجهه الثانيه من الغرفة فاررغه بس بزاويتهه اكو مكتبه صغيره و الزاويه الثانيه لوحه بيهه صور تقدمت على اللوحه لونهه ابيض وعليهه صور كلش قديمه ملزوكه صورة رجال و مره على اللوحه

و محوطات بلون اسود و على جهه ثانيه صور ثنين رياجيل بس قديمات بشكل و هم محوطات بس بلون احمر

اباوع على الصور اريد اعرفها لمنو بس ما شايفه هيج شكل اول مره بحياتي المح هاي الاشكال بلاخص الصور قديمه ما اعرفهه لمنو

درت وجهي اريد اشوف الزاويه الثانيه مثل المكتبه الصغيره مشيت بهدوء و اباوع لكدامي خاف اضرب شي و يكعد صعب

وصلت يمهه بيهه كتب هوايه كلهه كتب عاديه عن الحب عن السياسه عن التاريخ

و كتابين صغار على جهه متشابهات نفس الغلاف دنكت عليهن سحبتهن ثنينهن فتحت الاول مكتوب عليه
الصعب في الماضي

كلبت بأوراقه بسرعه كله مكتوب بخط ايد ما كدرت اقره شي احس صعب راح يكعد سديته و رجعته لمكانه بسرعه فتحت الثاني مكتوب عليه
غمار في المستقبل

ضليت صافنه شنو هاي گلبت بي بسرعه اوراقه بيضه ما مكتوب اي شي غير اول ورقه مكتوب بيهه

غمار في المستقبل و بخط الايد كلبت لاخر ورقه ماكو شي سديته بسرعه و رجعته مثل ما جان تلففتت على

باقي الغرففه لوحه معلكه بواحد من حيطان الغرفه تقربت منهه لان ما ركزت زين بيهه من بعيد جانت بس

عيون مرسومه بقيت صافنه بيهن عيوني منين ما اباوعلهن هذن عيوني لا لاا اني متوهمه رفعت راسي

بااوعت على الحواجب نفس حواجبيي ايي هاي اني الرسمه تجنن ضليت صافنه منو رسمني

كأنما صوره مو رسمه عفت كلشي و طلعت بسرعه المفتاح بيدي طفيت الضوه و سديت الباب بسرعه

خايفه لا يطلع صعب مستحيل تعبر بدون ما يلكفني رجعت ركض للغرفه فتحت الباب على كيفي باوعت

للصعب ببعده متمدد سديت الباب بخفه و مشيت على طرف اصابيعي رجعت المفتاح لمكانه مثل ما جان رحت

من الجهه الثانيه صعب نايم على بطنه و وجهه صاير من جهتي صعدت على الجربايه خليت ايدي كدام عيونه

احركهه خاف يطلع كاعد بقيت اقربهه من وجهه و ابعدهه ما رمش يعني نايم سحبت الغطه منه و تمددت

بقيت هادئه و صافنه على السكف افكر بالي شفته شنو هاي الاشياء الصور لمنو كلمه انتقام الماليه الغرفه شنو

شنو الشي الي يعرفه صعب و يريد ينتقم على موده معقوله نفسه الي بالورقه لو شي ثاني اني ما اعرففه شنو

هاي الكتب منو غمار شنو مستقبل و ذاك الكتاب عن الماضي مالته ليش ما اخذته معقوله كاتب بي عن

الماضي شنو هل كتااب ليش بالماضي صعب و بالمستقبل غمار زين منو رسم عيوني
فززني من صفنتي صعب من خله ايده عليه

الصـــعب:-ما تنامين؟

:-هاا

رفع راسه باوعلي و قرب مني بقيت على وضعي گلبي كام ييدك حيل عبالي شافني من طلعت

:-وين جنتي ملاذ؟

بلعت ريكي خايفه جسمي لزمته الرجفه
:-رحت اشرب مي

:-هذا مي هنا

:-مَ مادرري هنا اكو

:-شبيج انت

لزم ايدي عصرهه بيده ترجف كال
:-شبيج ترجفين؟

:-ها اني خفت لان طلعت بالضلمه وحدي عبالي اكو شي
:-ليش ما كعدتيني

قرب مني اكثر حاوطني بيده درت وجهي عليه و نزلت راسي اخاف للا يشوف وجهي و يعرف اجذب سحبني كلش بحضنه ما اكدر اوخر

الصـــعب:-بردانه اغطيج؟

:-لاا ايي اي غطيني

رفع ايده مني خلاها على طرف وجهي و رفعه عليه بقى يباوع عليه و اني ادير بعيوني منه كال

:-شبيج باابا مريضه تحسين بشي

:-لا ما مريضه بردانه اني رفعت ايدي اله
-هاك الزم ايدي بردانه اني مو

لزمهه و خلاها على صدره جسمه دافي بس اني ببردانه
يمكن من الخوف خله ايده فوكهه يحرك بيهه علمود تدفه

سحب الغطه عليه خله بس وجهي طالع رجع حاوطني بثنين اديه رفع ايده على راسي يقره بصوت ناصي تذكرت الغرفه من الخوف كمت ابجي بدوون ما طلع صوت

مــلاذ:-صعب علي صوتك

باس راسي و حجه بصوت ناصي
:-شبيج انت تبجين؟

:-لا

سكت و عله صوته يقرالي قرأن علمود اهدء

بسم الله
:-قُلْ أَعُوذُ بِرَبّ الْفَلَقِ * مِن شَرّ مَا خَلَقَ * وَمِن شَرّ غَاسِقٍ إِذَا وَقَبَ * وَمِن شَرّ النّفّاثَاتِ فِي الْعُقَدِ * وَمِن شَرّ حَاسِدٍ إِذَا حَسَدَ.....صدق الله العضيم

كمل و بقى يحرك بيده على شعري نسيت روحي بحضنه رفعت ايدي من صدره اريد اعدل نومتي

:-جؤ رجعيهه

رجعتهه بدون ما احجي
:-نامي يله

:-جعصتني

:-دفيتي؟

:-اي

:-لا جسمج بعده بردان من تدفين اوخر

:-بس دفيت

:-اشش نامي

حركت نفسي اريد اوخر منه
:-جؤؤ شلون تخليني ارتكب بيهه جريمه

:-شسويت هسه اني

:-بس نامي لا تحوسين

:-يابه ضاع عليه الهوه

:-ما ضاع منج نامي

بقيت ساكته ما اعرف شحجي مر وقت مو قليل ما كدرت انام

:-اكلك

:-هممم

:-انت ما نمت

:-لا

:-اني شو ما اكدر انام

:-نامي بابا الوكت تأخر

:-نام انت

:-يله نامي و انام

:-اكلك انت ليش كعدت

:-كعدت عطشان و لكيتج كاعده

:-اشو ما شربت مي

:-ارتويت

:-ها؟

:-تنعسين؟

:-لا

:-اممم وين جنتي !

بلعت ريكي متوتره حسيته قاريني بدون ما يباوعلي رفعت راسي من صدره باوعتله و هو مدنك يباوع عليه

ملاذ:-وين هو اشرب مي؟

:-ما ادري وضعج مو طبيعي معقوله كله لان رحتي تشربين مي

:-اي هو رحت اشرب مي و ماكو ضوه انت تدري اني اخاف من الضلمه و تخيلت يجيني جني و انت ماكو

:-اممم بعد ما تطلعين وحدج لو بعز نومتي كعديني

:-اي

نمت و هو بقى كاعد كعدت الصبح ماكو بالغرفه بس اني و الكلوب مشتغل باوعت على الميز المفتاح ماكو لكيت

تلفوني بصفي فتحته لكيت الساعه ب 9 رجعت تمددت لكيت رسائل من رقم غريب على الواتساب فتحتهم كاتب

*ايا ليت النوم يجافيني و اسهر محدقا على عيناكِ

كبل طفرت من فراشي خايفه اتلفت
-منو هذاا ماعرف احد والله

كبل دزيت لصعب رساله كتبتله
:-شوف وينك انت

ما رد عليه كمت افتر بالغرفه خايفه صعب شيسوي اذا عرف بهل رساله

رجعت فتحت التلفون ماكو ما عنده نت كتبتله
:-افتح نت اريد احجيلك شي و من هسه اني ما الي دخل بالسالفه

بقيت كاعده منتضرته يرد سمعت صوت رساله گبل فتحت التلفون من نفس الرقم مكتوب

* ياليتهم علمُوا في القلب منزلهم أوليتهم علمُوا في قلب من نزلوا وليتهُم علمُوا ماذا نكنُّ لهم فرُبما عملُوا غير الذي عملُوا .....

بلعت ريكي خايفه بس افتح الرسائل ما ارد رجعت لحساب صعب ماكو عنده نت

اخذت تلفوني و طلعت لكيت شهاب بالمطبخ غسلت بره و رجعت فتت للبيت رحت للمطبخ باوعلي شهاب كال

:-صباح النور

:-انجب ماحب سوالف الرسميه

:-اي والله اني هم مرة اخي تعاي تريكي منتضرج

:-اكلك صعب وين

:-بشغل

:-شوكت يجي لازم نروح للدكتور و هو طالع من الصبح و ما عنده نت

:-خابري

:-اي صح اني ليش ما خابرته

فتحت تلفوني اتصل عليه يطلع مغلق
:-شووف مغلق تلفونه ليش؟

:-يجوز عنده شغل

:-لعد شنو اذا عنده شغل تلفونه شعليه

:-ما ادري تعاي اكلي

طفه الطباخ و خله القوري بالصينيه كعد بالكاع كعدت كدامه اريد اساله على الرقم بس متردده صبلي جاي و كعدنه ناكل كتله

:-اكلك اسألك شي

:-اسألي

:-باوع تعرف رقم نهايته**

صفن شويه كال
:-بله ردييلي الرقم خل اشوف اذا عندي لو لا

طلع تلفونه رديتله الرقم ع النص كال
:-منين جبتي هذا؟

:-تعرفه!

:-كليلي منين جبتي

:-باوع شهاب انت عصبي لو مو عصبي

:-لا شفتيني يوم عصبت

:-هذا دازلي شعر مدري شنو

ابتسم و سد تلفونه رجع ياكل بدون ما يحجي

ملاذ:-هاا ما تحجي

:-لا ما اعرفه لا تردين عليه

حركت راسي بمعنى اي شهاب غسل المواعين و لكيته منضف الاستقبال رجعت للغرفه مالت صعب رتبت

الفراش و نضفت غرفتي  سبحت و طلعت لكيت شهاب بلاستقبال كتله

:-خابر صعب حباب

:-شتردين منه

:-اهو شعليك خابره

:-خابرته كال ساعتين و يجي

:-خوش

عفته و رحت حضرت ملابس لصعب على ذوقي وراهه حضرت ملابسي رحت يم شهاب بس يكلب بتلفونه

ملاذ:-اكلك شهاب

:-همم كولي

:-منو غمار عليك الله؟

عدل كعدته و عاف التلفون كال

:-ما ادري انت ليش تسأليني ذاك صعب و اسألي

:-يكول صديقي

:-اي صح يمكن صديقه اني ما ادري

:-معقوله ما تعرف صديقه

:-لا ما اعرف ما عليه لا تسأليني بعد حبابه

:-اهو هسه اني شسألتك

بقى ساكت شويه و كال
:-صدك راح تشتاقولي لو لا؟

:-ليش

:-هسه اذا رحت من يمكم تشتاقولي

:-لا

:-تف عليج شكد جلبه بس اروح يصير الشغل عليج

:-وين تروح انت

:-لهلي شنو ماعندي اهل

:-لا حباااب ابقى لا تروح هسه شنو ما مليت من اهلك هاي السنين كلهه

:-لا ما امل على الاقل ما يشغلوني

:-لااا انت وين بيتكم لا تروح فدوه

:-اهلي عبالهم اني بشمال

:-صدك ليش اخوب كلهم اني يم ابن عمي

رفع راسه باوعلي مصدوم يمكن ما يدري اعرف قرابته لصعب شنو رجع دنك كال

:-لا

المهم اجيكم بعدين
:-شوف اكلك خل اسألك بعد

:-اي سألي

:-تعرف هذا الدكتور الي يروحله صعب

:-لا والله ما اعرفه سألنه و انطونه اسمه كالو خوش
دكتور ليش شتردين منه؟

:-شوف هاي برطومه مضوجتني

:-ياهي

:-هايي السكرتيره بس تسال على صعب و تباوعله

:-اي خليهه شتردين منهه

:-لاا شنو خليهه اطيح حضهه انطيني طريقه احرك كلبهه بيهه

:-ليش تردين تحركين كلبهه

:-هيج اني احب اضوجهه

:-اسألج بس ما تفهميني غلط

:-اسأل

:-شوفي والله انه اشوفج مثل اختي و اكثر صح ما صار هواي من عرفتج بس اول ما شفتج حبيتج مثل حب الاخت

:-اي ادري اطلعلي بالنضيف

:-شكد جلبه انت

:-عويت يمك مثلا و كل شويه كتلي جلبه

:-الجلب مو شرط يعويي

:-هسه انجب و اسأل شتريد

:-تحسين بشي تجاه صعب؟

:-شنو يعني

:-يعني شلون اسألج والله صعبه انت افهميني

:-قصدك احبه

:-اي هو هيج

:-خوب اسأل عليمن ضليت تلف بسالفه لا ما احس بشي هيج بس اشوفه قريب عليه اكثر من اي شخص

:-حاولي ملاذ

:-شأحاول؟

:-يجوز تكدرين تغيرين شي من صعب

:-شنو يعني قصدك لان مريض اي انيي راح ابقى وياه لحد ما يصير زين

:-هاي شي وحد عن الجاي احجي

:-شنو ما افهمك

جر حسره و رجع لزم تلفونه كال
:-هيج انسي مو مهم

:-لا مهم احجي لا تحجون شي تخلوني طرن بينكم

حجه بحديه مو صياح بس مبين كلامه مال واحد ضايج
:-يعني شحجي انت ما تحبينه بعد على شننو احجي

:-ليش لازم احبه علمود تحجي؟

:-لا

:-اكلك شووف تره اني ما احب واحد يسوي روحه لوتي عليه احجي مثل البشر احجي بالقلم العريض لا تحجي شي ما مفهوم اهبدك والله

:-هههه شورطني انه؟

:-دنجب و مرة لثانيه احجي عدل

:-يابه حاضر

:-شوف راح اسألك جاوب خوش مو تكلي ما ادري

:-اسألي

:-صعب يحبني؟

:-شمدريني شنو انه مشاعر صعب مثلا؟

:-اهووو اني شكلت مو كلت احجي عدل

:-والله مصيبه هايي شمدريني شمعرفني

:-خوش يله اسكت

:-شيحب منج حاجبج نايم

:-انت على جمالك تعيب عليه والله تره اخلي صعب يطيح حضك

:-هههااي صعب صديقي قبل لا يعرفج تردين ياخذ بحجايتج

:-بس اكله شهاب ضوجني يطيح حضك

:-اكله تجذب راح يصدكني لان يحبني

:-لا يصدكني لان...

سكتت ما كملت حجايتي كال
:-لان شنو؟

:-شتريد هسهه تريد تعارك تره لساني ماكو اطول منه

:-لا ما اريد اورط روحي اكثر بس اكلج صعب يحبني و راح يصدكني

:-خوش يرجع و نسأله يصدك منو اني لو انت

:-و اذا صدكني؟

:-بعد ما اغلط عليك و اذا صدكني انت شتسوي؟

:-معناهه يحبج اكثر مني

:-لا شوف نجبب مو هيج كول شي ثاني

:-يعني واثقه راح يصدكج؟

:-اي ادري يصدكني بس باوع مو معناهه يحبني انت ما تفهم اسكت مللتنني اذا صدكني عادي ابقى اغلط عليك

بقى يضحك عليه لان صدك وترني منتضرين صعب يجي سمعنه باب الشارع نفتح واحد باوع على الثاني شهاب

شمر تلفونه و كعد و اني جنت متربعه نزلت رجليه فات صعب ثنينه نباوعله كال

:-سلام
باوعلي

الصعب:-ها بابا شلون صرتي

استغربت من سؤاله
:-ليش اني شبيه؟

صفن عليه شويه تذكرت بليل

:-ها اي صرت زينه ما بيه شي

كعد يمي نزع سترته و فتح دكم القميص الفوك باوعت على شهاب اريده يسأله كتله

:-يله شهاب

:-اي اسمع صعب

:-اسمعك

:-تعاركنه اني و ملاذ

:-امم شنو الجديد

ملاذ:-شهاب ضوجنني طيح حضه يله

شهاب:-تنجاوز عليه ترضاهه

:-شوف صعب جذاب هو يغلط عليه و اني غلطت عليه و ضوجني شنو انت ما تصدكني

صعب:-شتردون هسه؟

ملاذ:-طيح حضه

صعب:-شتردين اسويله

شهاب:-صععب هي تغلط عليه كلهه لا تغلط

صعب بقى يباوع عليه و يحجي ويه شهاب
الصــعب :-اي بس انت ضوجتهه

دنكت راسي باوعت لشهاب مبتسمه و رجعت اباوع للصعب

:-الوي اذنه صعب اسحله منهه

كام من مكانه و شهاب طفر فوك التخم يصيح
:-خرا عليك و على الصداقه الجمعتني بيك تبيعنني بأيام ولكك

:-اله ملاذ شهاب

:-اتتفقننا نريد نشوف تصدك منو بينه اسألهه اذا ما تصدك بس وخرر لا تجي يمي

باوع عليه كال
:-اتفقتو بابا لو لا؟

:-لا بابا لا ما اتفقنا يجذب

شهاب:-لا يااا جللبه

:-ها مو اتفقنا اذاا صدكني بعد ما تغلط عليه

باوعولي صعب يضحك و شهاب صاح
:-ضهر الحق و زهق الباطل

رجع صعب كعد
الصعب:-يله يابه ما تدري نستت ملاذ تحضري علمود نروح

:-اي حضرتلك ملابس تعال شوفهن

كمت وياه و شهاب كال يريد يطلع
فات للغرفه و اني وراه دار عليه ابتسم و حضني بسرعه وخر دنكت راسي ما حجيت شي

الصعب:-ليش تعبتي روحج و طلعتي ملابس

:-شسويت قابل

:-لا لاتسوين اي شي الي بعد اني اسوي

:-لا معليك يله شوفهن حلوات

:-مدام انت مطلعتهن يعني حلوات تعايي لزميهن الي اروح اسبح و اطلع البسهن

:-يله

اخذت الملابس و هو راد يطلع صحت عليه
:-اخذ منشفه تبرد

:-انطيني

طلعت منشفه من الكنتور وكفت يمه خليت الملابس بيده و خليت المنشفه على جتفه رجعت اخذت الملابس هو باقي واكف

:-يله روح اسبح علمود ما نتأخر

:-اي

راح للحمام و اني كعدت على الصبه البره منتضرته

ملاذ:-اكلك انت تتأخر بالحمام

:-شنو ملاذ تحجين وياي

:-انت ما تسمع؟

:-شنوو

:-امداك لعد

:-تره جاي اسمعج اطلع و اطيح حضج صدكي

:-جا لليش تجذب و تكلي شنوو اني بس ردت اشوفك تسمع لو ما تسمع

ما رد عليه بقيت حاضنه الملابس منتضرته طلع ينشف بشعره

كمت فتت جوه و هو فات
:-شوف راح انتضرك هنا بدل و تعال

:-تعاي يمي انطيني الملابس علمود اشوف ذوقج

:-هو شنو اختاريتلك رسمي لان انت ما تطلع بس برسمي

:-ميخالف

كمت وراه للغرفه سد الباب و كعد يشسور بشعره كعدت على الجربايه منتضرته يكمل

:-اكلك

:-هممم

:-اليوم صاير الك شي

:-ليش

:-احسك فرحان

:-حيل

:-ليش

:-ما ترديني افرح؟

:-لا طبعا اريدك تفرح

كمل و وكف كدامي انطيته القميص لبسه هو يخلي اخر دكمه مفتوحه هل مره فتح ثنين

بقيت ساكته انطيته البنطرون لبسه ثنينهن ضيكات عليه القميص بس مغطي جسمه عبالك مفصل عليه مد ايده الي علمود انطي الستره شمرتهه عليه و كمت اريد اطلع

الصعب:-ها وين؟

:-غير ملابسك

:-ليش غير انت طلعتيهن

:-مككيفف شوف شلونهن عليكك تريد برطومه تشووفك
هيج

:-و اذا شافتني؟

:-شوف سد الدكمه مال قميصك

:-اختنك

:-طبك مررض خووش شعليه روح وحدك عسى ما تروح بدون ملابس اني شعليه

عفته و طلعت ركعت الباب وراي بقوه صاح

:-شبيج تخبلتي

رجعت فتحت الباب و ركعته اقوى من البدايه فتت للغرفتي قفلت الباب و كعدت على الجربايه سمعته يدك بالباب ما رديت عليه

-اني شعليه هسه و اذا لبسهن خل يلبسهن ما ادخل بي
كمت فتحت الباب واكف كدامي و لابسه الستره و عايف الدكمه مفتوحه هزيت ايدي ردت اسد الباب بوجهه لزمه كال

:-بس اوكفي شبيج مو قبل شويه تضحكين

:-اي شعليك بيه اضحك ابجي روح مالي خلك

:-بدلي بسرعه

:-ما اروح

:-ملاذ شبيج

:-ما اروح كتلك

:-تمام اني هم بطلت

:-مو بكيفكك يله روح

:-ما اروح

كال هيج و راد ينزع الستره
:-ههيي شنوو والله تروحح

:-ما اخليج وحدج

:-ما عليه شي

:-بدلي ملاذ

سد الباب و طلع رجعت كعدت ما اروح مدام هيج يسوي ما اروح يدري بيه اكره برطومه و لابس هيج علمود

تشوفه ايي طبعا ييكيفون على النسوان اهل النسوان هسه هذا بس لا ما يروح طلعت من الغرفه شفت باب غرفته مسدوده

دكيتهه ما اله صوت فتحته لكيته بس بالملابس الداخليه متمدد على الجربايه وبيده تلفون من فتحت الباب رفع راسه

الصـعب:-ها تردين شي

:-شنو شكوو كوم بدل بسرعه

:-شتردين

فتحت الباب كلله و رحت وكفت كدامه
:-شوف صعب كووم بسرعهه يله

:-تجين وياي؟

:-ما تلبس نفس الملابس

:-ليش هو غير انت اختاريتيهن

:-اهووو صعععب لا تعصبنني

:-ليش انت عصبيه هسه؟

:-باوع تره ما تعرفنيي تره اشيلك و اركعك بالكاع بس تشلع گلبي

:-امممم هيج جا خل نجرب و نشوف ياهو يشيل ياهو

:-كوم بدل

:-ما بطلت بعد ما اروح

:-كوم

:-ترحين مو

:-بغير ملابسك موو

:-كليلي ليش؟

درت وجهي اريد اروح كال
:-بدلي يله كايم

:-بغيرهن؟

:-طلعي اليعجبج البسه

:-البس اي شي بس عريض و عادي مو تكشخ كون لبس لابسه من قبل

عفته و رحت بدلت بقيت منتضرته بلاستقبال شويه و طلع لابس غير ملابس كمت بدون ما احجي طلعت للطرمه صاح ورايه

:-ابدل لو رضيتي؟

:-لا رضيت

صعدنا بالسياره كبل شغل اغنية الدنيا حلوه

ملاذ:-نطيني التلفون

:-شتسوين بي

:-اريده

انطانياه طلعت اغنية في وحدتي باوعتله مبتسم

:-اكلك

:-ها

:-شوف اني راح احجي بس اني مالي دخل

:-شنو

فتحت تلفوني شوفته الرقم الي داز رسائل

:-شوف هذا ما ادري منو

اخذ التلفون مني بقى يقره بيهم كال

:-هذا منووو

:-مادري والله حتى سألت شهاب ما يعررفه

كام يحجي بصياح
:-يحبج مو؟

:-لا تصييح شنو اني كايلتله

:-ضجتي منه؟

:-اي ما اعرفه طبعا اضوج

:-و اذا عرفتي

:-شنو صعب انت تعرفه

:-برايج ليش هيج كاتب

:-زعطوط

:-اممم خيولي

:-بس والله شعر حلو

:-حلو مو؟ الاول من خاطره

:-شنو يعني؟

:-هيج انسي و هذا يجوز غلطان بالرقم لا تردين عليه

:-اي خوش

وصلنه اول ما فتنه طاحت عيني على السكرتيره شفتهه متغيره باوعت على صعب فرحانه من شافني هيج بقى يضحك كعدنه بلانتضار

الصـعب:-فرحتي مو

:-حيلل

:-جانت تعجبني حرامات

:-اي خوش و اني شعليه و تره هي مو حلوه بوزهه شطوله ببوز النعالل و تطك بعلجهه و تحجي هيج نننننن بخشمهه ام خشم

:-لا مبين معليج بيهه

:-اسكت مالي خلكك

شويه و صاحو اسمه فات جوه و اني كل ما يفوت ابقى ادعي بس اريده ييبقى ويه الدكتور رغم امل وحدي من الانتضار بس علموده

ساعتين و طلع وجهه ما يتفسر كمت وراه يمشي و يأفأف صعدنا بالسياره لا اني احجي و لا هو صعد بالسياره بقى يمسح بوجهه

مــلاذ:-شبيك صعب؟

:-تعبت ملاذ الدكتور تعبني ما جاي يعالجني

:-ليش شجاي يصير ساعتين صععب ساعتتين شتسوون بيهه

:-نلعب دعبل

:-اهوو وكت تحشيش صدك شجاي يصير

:-يسألني شسمك ليش اجيت ليش تريد تتعالج ليش
تمرضت منو وياك جاي ويه منو عايش هذا علاج ملاذذ هذا علااجج مو علاج يشوفني ما اكدر احجي بالحادثه يسد الموضوع و يرجع يسألني اشياء عن حياتي

:-اي يا بابااا هو هيج العلاج شوف عندك نت

:-شتسوين بي

:-بس خلل اشوفك شي

اخذ تلفوني فتحلي نت و انطانيه

فتحتله الكوكل بحثت عن طريقة العلاج و كعدت اقراله شلون يعالجون و شلون يسألونه اشيااء هو يحسهه عاديه بس هي الها صلة بالعلاج و شلون يحتاج يتأقلم ويه الدكتور

:-شووف صعب اذا التزمت وياه و شاف حالتك تتحسن
راح يصيرن جلستين بلاسبوع و راهه تصير جلسه وراهه عادي نشغل الطباخ سوه

شغل السياره حسيته مثل الي اقتنع شويه صفنت عليه كتله

:-صعب

:-همم

:-اني كلت نار و انت ما ضجت

:-امم

ما حجه شي ربطت تلفوني على البلوتوث

الصعب :-شغلي الدنيا حلوه

شغلتهه و كمت اصفك وياهه و اردد بيهاا

باوعلي كال

:-ذكريني اليوم من نرجع للبيت تگصين اضافرج

:-لااا صععب

:-ايي ملاااذ

:-اسكت ضوجتني

:-اممم هسه تروح ضوجتج راح اخذج لمكان يخبل

:-صدك لامي؟

:-لا

نزل كدام مطعم كال

:-شتاكلين؟

:-بكيفك

:-اليوم راح اسوي كلشي بذوقي شتكولين؟

:-اممم متفقين

راح ما تأخر شويه و رجع جايب وياه اكل سفري بقه هوايه يمشي صف السياره نزلنه كدام نهر الجو يموت

:-صعب هذا يا نهر؟

:-ما تعرفينه

:-لا والله

:-الغراف

فتح باب السياره الوره اخذ الاكل و طلع الكتاب

:-هاي شوكت جبته

:-من جنتي زعلانه مدري شبيج

:-ههه لا ما زعلانه

كعدنه بمكان كدام النهر مرتكين على ضهر السياره واحد بصف الثاني نباوع على النهر و الضلام بده ينزل احس

احلامي البسيطه جاي تتحقق بوجود صعب بدون ما انتبه

:-تاكلين

:-اي جعت

طلع لفات صاج و بيبسي
:-وخر الغلاف من اللفه

وخره منهه و انطانياهه
:-افتحلي القوطيه

فتحهه و خله بيهه قصبه خلاهه كدامي

:-انت ما تضوج من أأمرك

:-لا ليش اضوج

انطيته اللفه مالتي و القوطيه

:-هاك الزمهن الي

لزمهم يباوعلي مستغرب فتحت القوطيه و خليت بيهه القصبه و راهه فتحت اللفه انطيتهه الها اخذت لفتي و

انطيته لفته و رجعت انطيته القوطيه و اخذت مالتي كام يضحك لان هنه نفس الشي بس اني هيج بدلتهن بقينه ناكل و احنه ساكتين ايدي صار بيهه صوصج من اللفه

:-ششوفف ايدديي

:-كملي اكل و نغسل

:-لا لا امسحهه هسه

طلع كلنسه من ايده بقى يمسح بيدي لف الكلنسه ورجعهه لجيبه رفع ايده ومسح طرف شفتي بابهامه

:-متدمره؟

:-لا شويه مسحته

قدملي اللفه مالته
:-اكلي

اكلت منه بقى يوكلني

:-اكل انت اعرف وحدي

:-لا شبعت اني

كل ما اخلص يوكللني من جديد و يرفع القوطيه مال بيبسي يشربني لحد ما خلصت اللفه حسيت الاكل طلع من خشمي

رجع اخذ لفتي هم خلاهه كدامي يردني اكل

:-ييممه الاكل راح يطلع من عينني وخرر انت اكل

:-هاي اكو بعدين اكل

:-ششبعت والله راح تلعب نفسي

خله اللفه بالعلاكه و كعد يباوع للنهر

الصـعب:-عجبج المكان

:-اي يخبل صعب اني احب هيج بس محد يسويلي

:-شنو بببالج بس كليلي

:-ليش هيج تسوي؟

:-ما ادريي

رفع ايده خلاهه وره ضهري سحبني عليه

الصعـب:-تسمعين اغنيه

:-اممم

:-يا اغنيه

:-مو اتفقنا اليوم كله على ذوقك

شغل الدنيا حلوه
ملاذ:-بس هاي اغنيتي

:-ذاي وقي

:-امممم

سحبني عليه اكثر خليت راسي على صدره لان ما الوح جتفه

:-ملاذ

:-ها

:- لا تسوين هييج تتعبيني

:-شمسويه؟

:-هيج بابا نقره بالكتاب

:-اي هو اريد اكلك خل نقره

:-انت اقري

:-تمام

جان مخلي الكتاب من جهته انطانياه

....................
عوده الى الماضي

الصفحه السابعه عشر

رُفيده

اجت روح يمي جانت كاعده يم عابس و اخوه بالحديقه
:-ها رُفيده نطلع بره شنو راح تبقين هنا

:-مالي خلك

:-كومي حبابه راح اكل لعابس نبطل ما نتزوج ما دام انت بعدج هييج ضايجه

:-عگب اجر عرسكم شنو تبطلين تره اني ما بيه شي بس شويه تعبانه

:-كلت لعابس خل نأجله تدرين شيكول

:-شيكول

:-يكول كلي لرُفيده مو صبرت هواي بعد ما اتحمل

:-ههههه والله حگه

:-كومي خل نطلع بره و احجيلج شنو كال

:-كومي يله

لزمت ايدي و طلعنا رغم ما بيه شي بس روح خايفه عليه تريد تنسيني الصار لحد هذا اليوم و محد من اهل احمد

اجه بس احمد يروح و يرجع علينه بس ما احجي وياه لان قررت مستحيل ارجعلهم ببيت واحد

كعدنا بالحديقه على المرجوحه

روحــ:-شوفي اجه اخوه حبااب مو مثل اهله بس هو اصغر من عابس

:-امم شكال

:-كال لا تهتمون لاحد تزوجو و امي اول و اخر راح تتقبل الموضوع

:-اي روحايه معليكم بأحد اهم شي عابس

:-خايفه اني رُفيده احس راح يصير شي

:-لا تفكرين هيج يعني شنو يصير

:-حلمت شي قبل فتره و ضل ببالي ما اكدر انساه

:-شحلمتي

:-شوفي جنه اني و عابس واكفين سوه و فرحانين بعدين اجو ناس اخذو عابس مني و هو مجلب بيه بعدين صار صدى قوي و عابس اختفى بقيت اني اتلفتت اريد اشوفه ما شفت احد بس نبته صغيره و المكان جان صحراء
رحت يمهه و اجاني صدى صوت بس ماكو شخص كال
هذا من عدنه

:-شنو يعني

:-ما ادري وراهه حلمت غير حلم

:-شنو

:-شوفي اني جنت بنفس الصحراء بس النبته جانت كبرانه و هم جان اكو ناس نفسهم الي اخذو عابس مني اجو يمي و اني رحت بعيد عن النبته علمود محد يشوفهه شبت نار كبل لا توصل الي فزيت من نومتي

:-اسم الله حبيبتي لا تفكرين بهيج سوالف

:-ليش هيج احلم احلام؟

:-لان تفكرين بأهل عابس و بعابس عبالج راح يصير شي

:-احس عابس راح يعوفني

:-لا ما يعوفج لو راد يعوفج جان عافج من زمان و
ماتزوجج غصب بأهله

:-اي صح

مرة اليومين بسرعه و امي فرحانه بروح اني غيرت من نفسيتي علمود روح عابس حضر كلشي سوينه عرس

بيناتنه لان ابو عابس هستوه طالع الاربعين و اهله ما
راضين اول مره اشوف اخوه يشبه عابس هوايه بس

اصغر منه عسكري صار عرسهم و امي زفت روح بيدهه بيتهه قريب من عدنه داير ما يدورنه رجعنا من بيتهم اني

و اني و مرة ابوي فتنه للبيت و ندكت باب الشارع فات احمد للبيت و اني رحت جوه اجه وراي للغرفه مثل كل مره يقنعني ارجع

:-شوف احمد لو تموت ما ارجع ببيت اهلك

:-شتردين بس كليلي

:-وحدي ما اعيش ويه اهلك

:-ما اكدر
:-طلكني
:-ما اطلكج

:-روح من بيتنه مو عبالك اني من ذن اليسكتن على حگهن

:-ويامن مشكلتج انت

:-وويامن مو ويامن
وياك شخصيا ويه اههلك

:-شبيهم اهلي شسوولج

:-لا ما سوو شي ليش ما اجو مو جنتهم اني مو سقطت بسسبهم ليش ما شفت احد منهم

:-عبالهم ترجعين للبيت

:-و ما ارجعع احمد روح صدكني صايره ما اطيييقك

:-مو بكيفج رُفيده جنت ساكتلج علمود روح لان وياج هنا و هسه روح تزوجت بعد شنو حجتج

:-اكلك ما عاجبك طلكني كتلك امي و اهلك مستحيل ننجمع سوه

عافني و طلع بدون ما يحجي غميته و نمت ثامي يوم رحنه ل روح طايره من الفرح هي و عابس ما مصدكين

اشوف الحب يطلع من عيونهم الله عوض روح الله يبعد عنهه كل شر مرة ايام روح تجينه لو مرات احنه نروحلهه

بقيت ويه امي بالبيت و احمد من اهد اخر مره بعد ما اجه عزمونه روح و عابس يمهم و روح اخذتني للمطبخ

تسولفلي كلشي يصير ويياهم بالتفصيل و اني اضحك عليهه حتى من تشرب مي تكلي شربت مي اخذنه روح ويانه لان عابس يريد ينزل لبيتهم...........

............................
مـــلاذ

سديت الكتاب باوعت لصعب باقي صافن على النهر

الصعب:-ها خلصت الصفحه؟

:-اي

:-اممم شفهمتي منهه

:-ما ادري بس اكيد حلم خاله وراه شي

:-اي

:-اكلك اني بردت

وخرني من حضنه نزع الستره مالته
:-لا ما اريدهه

خلاهه على جتفي كال

:-لا بابا بارده عليج اني دفين

:-ليش تكلي بابا

:-احسن

:-ناخذ صوره هنا

:-يله اخذي

فتحت تلفوني و انطيته اله

ملاذ:-صورنه

اخذ التلفون مني صورنه و رجعه الي رجع سحبني لحضنه رفعت راسي شفته لابس الكلاده ام الحلقات

:-صعب حلوه هاي الكلاده

:-تلبسينهه؟

:-لا حلوه عليك

:-اكلج شي

:-شنو

:-اذا بيوم صار الي شي متت نسجت اختفيت اي شي من هاي الشغلات و دزيتلج هاي الكلاده بيد شهاب تلبسينهه لو لا؟

:-اسم الله لا تكول هيج

:-لو نفترض هسه احنه

:-لا ما اريد تحجي هيج

:-غير تجاوب

:-صعب حبباب لا تحجي هيج

:-تلبسينهه؟

:-اي

:-زين اسالج شي و متجذبين عليه

:-اي اسأل

الصعب.........
....................
بـــرق

-كل الضروف الي مرة عليه و اني طالبة ثالث متوسط جانت صعبه بدت من حادث سيف لنضري الي ما اعرف

شنو مشكلته ما اكدر اركز بشي بسرعه ادوخ الكتابه يلي على الصبوره ما اشوفهه الوضع الي عايشين بي و مشاكل

عمامي كلها اجتمعت عليه بهل سنه طلعت نتائج و طلعت مكمله بدرس اهلي ضاجو بس كلهم ما لاموني لان وضعنه كلهه تعرف بي

بديت اقره بس نضري صار ياثر عليه امي منا تصرف على علاج سيف ما ملحكه مرت سنه كامله يله سيف رجع

يمشي على رجله  رغم كلشي و رغم الصرف الي صرفته بهاي الفتره امي اخذتني سوولي نضاره لان عندي ضعف بالنضر بيلسان جانت طالبة سادس كاعدين ناكل اني وياهه كالت

:-اخت صديقتي هم ثالث و نجحت

:-ها بيا مدرسه

:-اختهه بمدرستنه بس هي لا

:-يا صديقه منهم؟

:-اسمهه نور

للعصر اخذت التلفون دزيت لنور رساله جانت هي صديقة بيلسان بس يعرفني احجي وياهن طلعتلي اختهه كالت

نور نايمه بقينه نحجي كل يوم بقينه نتراسل بقت تدزلي اسئله وزاريه لان احنه نفس المرحله

هوايه قريت بالعطله سيف بقي يقريني لان كاعد ما عنده شي بحيث ضبطت الماده رحت امتحنت اخذتني امي للامتحان اول ما طلعت تلكتني

:-هاا يمه بشرري

:-مجاوبه كلش زين

:-الحمد لله

رجعنا و سيف مكيف بيه لان مجاوبه بيلسان ملتهيه تقره للسادس بقيت اغلب وقتي احجي ويه ملاذ لو ويه لورا

ما شايفتهن بالحقيقه جانو صديقات الكترونيات

عفت التلفون و رحت يم سيف بيلسان تكعد بالساحه تقره و يامان واريان يتابعون افلام امي تخيط سمعنه صوت

بره طفرت امي و الولد طفرت اريد اشوف شكو لكينه بيت عمي متجمعين يم حفرة المنهوله و مرة عمي ذابحه روحهه تصرخ و امي تهدي بيهه بيلسان واكفه قريب من عدنه صحت عليهه

:-بيلسان شكوو؟

:-علاوي ابن عمو وكع بالمنهوله جاي يطلعونه

سيف وياهم طلع علاوي من المنهوله جابوله خاولي ينضفون بي و الولد فاقد ركضو بالطفل سيف شايل

علاوي و ياه عمو رغم كلشي سوو ويانه بلاخص ويه سيف من جان بعز حاجته الهم بس محد منهم اهتم اله هسه هو اول واحد ركض بأبنهم بس طلعو مرة عمي دارت علينه تصيح

:-حسبيي الله بيجنن ك*** كله من وراجن ابنني مدري يموت مدري يعيش

امي جانت تهدي بيهه و تطمنهه كالتلها

:-علي كيفج ويه روحج ان شاء الله ما بي شي

:-اذا ابني صار اله شي اشردجن بالليله سوده ملفين ك** هناا مو نسواانن ما يجي منجن غير الفكرر بحووشكم ااابني مات بحووشكمم

برق:-ششوفييي عينني لا ببحوشنه و لا بحوشكم اول شي المنهوله منهولتكم ثاني شي شبيج انت ما لزمتي

ابنج حايره بروحج بدل ما تفترين و تحفحفين بوجهج لزمي جهالج يله عينني مناا ما ناقصنه احنه

:-والله انتت كله من وراج لساانج بطول النعاال

بيلسان:-ببرق فوتتي جوه فووتتي

مهُره:-ببرررق فووتي جوووه ما تشوفين ابنهم حالته خطره بدل ما تهدينهم تزيدين النار

:-اكلج يوك فدوه سكتتي و خلوهه تطلع من بيتنه لا والله افضحهه هنا تريد تتهمنه بيهه خير خل تلزم جهالها و تكعد

:-ولججج برييقهه تم لساان وعلي من الزمج محد يخلصج مني

:-روحي ادعي لابنج و بعدسن لزمينني لاحكه

كلت هيج و فتت جوه نرفزتني صدك نقهرت علي ابنهه خطيه طفل ليش ما تلزمه
شويه و فاتت امي وراي هي و بيلسان يحجن عليه

:-انت ما تستحين شللون هيج تحجين

:-هي الما تستحي مو شفتيهه تفشر علينه

:-كلمن يعكس اخلاقه

:-اي اني ما فشرت لان اخلاقي احسن من اخلاقهه يله خابرو على سيف خل نشوف علاوي شلون صار

:-بيلسان :-انت گلبج طيب ليش تعمين على روح بلسانج
:-لا گلبي مو طيب

:-لا تجذبين مو هل گلبج على علاووي

:-لا خطيه كسر خاطري لان اخذ منه الرمز مال الشبكه
هزت ايدهه و كعدت على صفحه امي تتصل على سيف
ماكو ما يرد مرة ساعه كمت الوب كل شويه اكل لامي تتصل اتصلت عليهم

مُهره:-الوو ها يمه شصار..الحممد لله ..الله يخليك يمه هلا بيكم الحمد لله على سلامته

سدت التلفون من سمعتهه تحجي احس ثلج وگع على كلبي

بيلسان:-هاا يوم شنو كاللو

:-الحمد لله زين الولد رايد يموت بالطريق و سيف مسويله تنفس لحد ما واصلين لحمد لله عدت سلامات

:-الحمد لله و الشكر

برق:-يوم سوي ثواب لان عدت على خير

:-اي والله صح لازم اسوي

طلعت بيلسان تقره و اني نضفت الغرفه امي رجعت تخيط شويه و فات سيف كبل فات يسبح لان ملابسه متنكسه

للعصريه طلعنه بره كلنا كاعدين و اجو عمي و مرته يتهددون و يصيحون من وراكم و من وره المنهوله

سيف:-عمي هي الكم لو النه

:-ببس هي بحووشكم

:-بس مالتكم مال تجي و تريد تذبهه بروسنه لا عمي اعذرني تريد الزم جهالك لا يعبرون علينه لو تريد ادففن المنهوله

:-شنو ما شفتو طفل غررك هيج عميان مو هاي بيلسان جانت طالعه بره

:-بيلسان بالجهه الثانيه و جانت تقره و احنه مو حراس على اطفالك هناا كتلك اذا ما عاجبك لا تعبرهم علينه ما متكفلين باحد احنه

:-شوف سيف عوفنه من المنهوله هاي اختك ليش مالهه رداد لسانهه بطول النعال

:-منو

:-اكو غيرهه برق

:-شسوتلك؟

:-تغلط على مرتي و تفشر

:-برق ما تفشر

:-شنو يعني تجذبنه و تصدك باختك

:-اجذب الدنيا كلهه من اخواتي يحجن حجايه

:-شووف سيف تره تماديتو كللش لا تنسى انتم عايشين بخيرنه

:-يا خير؟ لو عايشين بخيركم ما امي حارت بصغرنه
شتكولنه ما نمنه و احنه جوعانين ما تنازلتو عن كاتل

ابوي مااا خليتوو امي ينكسر ضهره بالخياط بس علمود توصلنه و ندرسس و ما خليتوها تبوس ايد الغريب بس علمود يسويلي عمليه لو عايشين بخيركم ما عشنه هاي العيشه

صرنه ثلث زلم يا عممي و هاي امي و ذن خواتي ثنين نسوان كلنه عايشين بغرقه بيا قانون خير هااي وين حگنه

مو انت اكلتوو بسس خل يكون بعلمك هذا حگ يتامه ما راح تتهنون بي و صدك مستحيل اعبرهه الكم والله ارفع عليكم قضايا و اخيسكم بالسجون

:-سسيييفف تهدددد

:-لا مو اهددد بس جاي احذرك مني

عمي بقى واكف خازر سيف و سيف حاضن اديه لصدره و احنه كلنه وراه امي خايفه تريد سيف يفوت و اني مكيفه ما اري نسكتلهم

:-سيف الضاهر ما تعرفني

:-و لا اريد اعرفك تكدر تروح لبيتك اذا ما عندك كلام
:-اخر مره احذرك برق اذا علت صوتهه علي مرتي يصير الحجي غير

:-برق ما تتجاوز بس على اليتجاوز و اسمحلي اكلك مرتك تستاهل

:-سسسيييفففففف

:-نعم

عمي من شاف سيف هيج اخذ مرته و راح و سيف فات جوه امي ضاجت لان ما تريد سيف يعلي صوته على احد بس سيف ما يكدر يسكت على تجاوزاتهم علينه و احنه كبار
.................يتبع

.
.
.
.
.
للحكايه بقيه



كلانا كتف للاخر♥
الوريد♪