رواية أنتقام الصفحه 27 (ترميم) الفصل الحادي عشر 11 - بقلم خـلود الـ محسن

حساب الانستا lorai_alrwa
::::::::::::::::::::::::::::::♡

اكلب بالاغراض جانت اغراض قديمه من بينهم ماشه مالت شعر و ربطه مشجره فتحتهه جانت صغيره مثل

هاي الي تنلبس قبل و يطلع منهه الشعر و حجل ناعم بشكل باين هل اشياء كلهه قديمه درت وجهي اتلفت

خاف الصعب يفوت عليه مثل الجني حتى ماله صوت من يكعد ردت ارجع الغراض شفت بنهاية الصندوك كلاده

شلتهه نفسهه الي شفت صعب لابسهه كم مره بيهه حلقتين وحده مالت بنيه و و حده رجاليه بقيت مركزه

بالحلقات اكلب بيهن شفت ببالحلقه الاولى محفور اسم روح بطريقه تخبل نفس الوشم الي على رگبة صعب

رجعت شفت الحلقة الثانيه محفور بيهه اسم عابس هم يشبه الاسم الي على رگبة صعب عرفت هل اشياء تخص

امه و ابوه رتبتهن مثل ما جانن سديت الصندوك و طلعت فتت للغرفه شفت صعب بعده على نومته مسحت

دموعي ما ادري على شنو نزلت بس من شفت هل اشياء و شفت صعب نايم مدري شصار بيه تمنيت المه بحضني

و اكله اني امك و اني ابوك هل شخص شكد محتفظ بأشياء يمكن تحسسه قريب لاهله جريت نفس ققوي و

زفرته اهدء بروحي قربت منه غطيته ورجعت لمكاني تمددت و بقيت اباوع عليه امنيتي اقراه و اعرف شنو

الضامه عني امنيتي افوت للغرففه و اشوف هل اشياء الجانت بزاويتهه اتمنى ما يورط روحه بشي

رفعت عيوني على السكف افكار تجيبني و افكار تاخذني هوايه اسئله ببالي شوكت ماتت امه شلون عااش اذا

عاش ويانه ليش ما اذكره مستحيل يكون ويانه زين منو رباه شلون وصل هل مرحله واضح مكون نفسه شلون اذا محد جان اله!

رجعت باوعتله بست راسه اريد اتغطه اجاني صوته سلب گلبي عبالي نايم حصره سويت شي يطلعلي كاعد

الصـعب:-شعدج تتحرشين
:-انتت مو ناايم

:-انت تحرشتي و فززتيني
:-لاا مااا متحرشه متوهم جنت تحلم

رفع عيونه عليه مليانات نعاس مد ايده
الصعـب:-يله يابه احلم جيبي ايدج

:-اددري شنو ما تنام اله تلزم ايدي
:-اممم ما عليج

لزمت ايده سحبهه عليه و خلهه بوجهه باسهه و ضل لازمهه بقيت اباوع عليه لحد ما غفيت

فزيت الصبح باوعت على مكانه ما موجود باوعت للساعه ب 8 لبست حجاب و طلعت غسلت فتت للاستقبال لكيته نضيف و شهاب متمدد على التخم اول ما فتت كال

:-صباح الخيرر مرة اخييي
ارتكيت على الباب و حضنت اديه كتله

:-لا تكول مرة اخيي
:-جا شكلج مرة اخيي

:-ملاذذ
:-لا مرة اخخي ما اكدر هاي مو من الاصوول

:-اكلك شو اسكت جوعانه كوم جيب النه شي نسوي ريوك

:-جبت ريوك و سويت جاي منتضرج تكعدين ناكل سوه
:-ليش تسوي

:-زوجج ما يقبل يكول لا تخليهه تشغل الطباخ و لا تنضف ما تشوفين نضفت الاستقبال يعني بأختصار رجلج جايبني ميري هناا

:-ههههه لا تحجي علييه
:-لاوالله متطورين وصايره ما ترضين عليه اكلج شو انجبي تره بكيفي احجي عليه ما احجي مو تجين انت تتشرطين عليه

:-لا والله! احجي على اي واحد بس صعب لا
:-جا اني شبيه امدانني كل يوم ارتبط بعشره و لا وحده كالت لا تحجن عليه اصلا هنه يحجن عليه

كام من مكانه يسوي حركه يطلع ب عضلاته كال
:-تشوفين هاي العضلات كلهه رجع يأشر على وجهه كال و هذا الجممال كله للاسف محد معترف بي شفتتي شلون انه مضلوم

:-ديلا خوش كوم جوعانه
-مشينه للمطبخ خطيه محضر الريوك

كعدنه ناكل كل ما اباوع على شهاب الكاه مبتسم خلاني اشكك اكو شي

ملاذ:-اكو شي!
:-وياي؟

:-ليش اكو احد غيرنه هنا؟
:-ليش هو بس اني وياج هنا جا و ذول؟

بقيت اتلفت و اتقرب على الصينينه بلعت ريكي بخوف رجعت باوعتله كتله

:-منووو
:-ما تشوفين احد يمنه؟

:-لاااا عليك الله جااي تشووف احدد والله جنت متأكده هل بيت بي شيي
:-اي هذول

كمت من مكاني كعدت بصفه و اتلفت بالمكان ما جاي اشوف شي بس هو يباوع على اماكن فارغه و يتبسم
نوب اخر شي يباوع على الباب مال غرفه و كال

شهاب:-اي حبيبي الصعب طالع اخذ راحتك فوت فوت
:-منووو منووو شهااببب

:-صديقنه
:-وووينه ما اشوفهه

:-هذاا تعاي يريد يسلم عليج
:-لااا لااا ما اريدد وين صععب خاابرره يييممهههه ارريد اممميي

ضحك بصوت عالي و رجع باوعليي كاعده قريب يمه خاف الجني يسحبني اسحبه وياي

شهاب:-شبيج اشاقه اوي مو مال شقه
درت وجهي عليه مصدومه خلاني اخرط العافيه و طلع يجذب كمت من مكاني منتفضه صحت بي بصوت عالي

:-انتتت مخخبللل اجييت تخببلني
:-شسوينالج شو كعدي تريكي

:-صدك تحجي غير نسدت نفسيي اله يجي صعب اخلي يطيح حضك

:-يمهه خفت لحكوولي انت و الصعب افين حضكم خوش
:-دنجب

:-هلوو ولج لا تغلطين
:-ما ادري نسيت عبالي مو انت

:-جا الجنيي تعاي كملي اكلج
:-ما اريد شبعت

عفته و كمت وكفت يم السنك و هو شال المواعين يريد يغسلهن

ملاذ:-دوخرر انت و صعب بطلو سالفة تغسلون مواعين
:-ما اوخر تردين صعبب يجي و تكليله شغلني و انه زلمه اخاف و مالي خلك رزايل

:-جا منو هستوه يففين حضي و حض صعب
:-منو؟ ما ادري اني بري من اليحجي هيج

رحت كدام السنك اغسل بالمواعيين و هو واكف منتضرني اكمل و يكلب بتلفونه

ملاذ:-اكلك سؤال
:-امم كولي

:-انت مثل شغل صعب
:-امم
:-شتشغلون

:-صعب مو رجلج و اسألي لا تسألينني
باوعت عليه لازم التلفون بأيده و نازله منهه نفس السلسله ام الميزان عفت البيدي و حجيت بصدمه

:-انتتت نففسكك
عگد حاجبه مستغرب كال
:-منوو

:-انت الي سلمت على صعب بالشارع شفت الكلاده نفسهه الي بيدك
:-شبيها

:-انت و صعب لابسين نفس الشي
:-هها!
:-لا تنكررر ليش لابسين نفس الكلاده

:-ما ادري ما منتبه
:-ثنينكم جذابين
:-رحم الله و الديج

-درت وجهي اكمل المواعين و هو بقى واكف بمكانه كملت و طلعنه وين ما روح يفتر ورايه طلعت للطارمه و هو يمشي ورايه

:-اكلك مللتني شعندك تفتر ورايه
دنك راسه راكع نص ركعه فتح اديه و رجع رجله ليوره كال

:-اخاف عليك جلالة الملكه
:-شبيك انتت متأثر بالهندي

:-اخخ شحجيلج هاي جودا شسوت بيه
:-منو هاي

:-جوداا ما تعرفينهه عمرج خسارره احبهه بس هي ما تحس بيه
:-هيي منوو

:-اكلج شو انجبي شعلليج
:-صعبب وين شوكت يجي

خله اديه بجيوبه يدور ببيهن مخبوص باوعلي كال
:-يمكن طايح من جيبي ماكو
:-شكد سخيف

:-مقبولهه منك مرة اخييي
:-صعب اخوك
:-اسألي لا تسأليني اي شي رجاءََ مرة اخيي
:-اووو اسكتت

فات جوه و اني كعدت على الصبه البره احس مليت شويه و طلع بيده مسدس كعد بصفي كال

شهاب:-تلزمينه؟
:-اخاف
:-ننصب على صعب بي

:-صصددككك
:-والله
:-شنسووي

:-خابري شوفي ششوكت يجي لان اني اذا خابرته يشك انت عود سوي روحج ضايجه خوش
:-اي

:-من يقرب يريد يجي نوكف هنا يم باب الشارع و اخلي المسدس براسج اول ما يفوت صعب عساس انت صرخي و سوي روحج خايفه و اني اريد اكتلج خل نشوف شيسوي

:-اااا ااي اييي مواافققهه يله
:-تف شكد حقيره

:-ههههه معلييك المهم نتونس
:-يله خابري

فتت جوه جبت تلفوني و رجعت كعدت بصفه فتحت الحاكيه و اتصلت اول مره اخابره شويه ورد

:-هلاا اليوم الشمس منين طالعه
:-صعبب انت وين عفيه ضجت
:-ليش شهاب مو يمج

:-لا طالع
احجي و اباوع لشهاب كاتمين ضحكتنه
:-صدك شوكت طلع!

:-كعدت لكيته ماكو
:-امم راح اجي
:-شوكتت دا اختنكك

:-ربع ساعه و اوصل
:-خوش يله باي
:-باي

سديت الخط و متنه ضحك
شهاب:-تره عرفج تجذبين

:-صددك
:-والله يدري بيه ما راح اطلع
:-لا شبيك بلكت يصدك
:-ما ادري نشوف

كام اشرلي اوكف بمكان قريب على باب الشارع و هو وكف بصفي و ضلينه نمثل بالموقف شويه و سمعنه

صوت سياره صعب وكف و اني سويت روحي مخربطه اشرلي بمعنى لا تضحكين سمعنه صوت باب السياره
نسدت بلكوه كتمت ضحكتي غمضت عيوني كتله

:-لاااا صعب امني يمكك لا تسوويهه شهااب انت ششارب مو بوعيكك

:-اشش اشششش صوتجج اليوم اكتلج بيديي
فات صعب و احنه مستمرين اشو هذا باوعلنه و رجع دنك خله السويج بجيبه و اني صحت

:-صصععبب انقذذنننيي

شهاب مخلي المسدس براسي و ثنينه فايتين بدور شو هذا عافنه و طلع كبل نزع الحذاء و فات جوه ضلينه اني و شهاب واحد يباوع بالثاني صحت

:-صصععبب ما تشوف انتت
:-فوتو جوه بارده

هزيت ايدي شهاب باوعلي و غمني
:-تمثيل زر** خربتي علينه

:-انجب حتى سويتك شارب
:-ما سويتينني لحيه فرد نوب

:-اكلك عود مسوي روحك تضحك تره ما تضحك
:-شو انجبي

فتنه جوه صعب بغرفته شهاب كام يدك بالباب بس هو مو يدك يطبل بالباب

صعـب:-هاا هاا شكوو
شهاب:-اريد ملابسس اخييي اريد اسبح

عفتهم و فتت للغرفه ضليت اكلب بالتلفون مشتاقه لامي من شفناهه و لحد هسه حتى اتصال ماكو شويه و ندكت الباب

شهاب:-تعالي تغدي مرة اخيي
:-اي جايه

سحبت حجابي لبسته و طلعت تغدينه ثلاثتنه ساكتين احس صعب ضايج باوعت على شهاب باوع على صعب و

رجع باوعلي اشرلي بأيده بمعنى شكو سويتله بيدي عود ما اعرف كمل قبلنه و كام يغسل

شهاب:-شبي هذا
:-شمدريني

كملنه اكل صعب شال المواعين
ملاذ:-انس اغسلهن

:-جؤ
:-شبيك اليوم
:-ما بيه شي بس تعبان

:-وخر اني اغسل المواعين
:-جؤ روحي اني اغسلهن

:-اني مو كايله متمد ايدك على المواعين
:-ملاذ روحي هنه شيرادلهه كلاصات و صينيه

بقيت ساكته مدري شبي اليوم ضايج كمل المواعين و طلعنه سوه من المطبخ فات لغرفته بدون ما ييحجي شي رحت للاستقبال شفت شهاب يدخن بقيت واكفه بالباب كتله

:-شبي صعب
:-ما ادري
:-اكلك
:-ها

:-صعب ليش ما يدخن
:-ما يدخن شني بكيفه
:-ليش صار بي رهاب نار؟

باوعلي مستغرب رجع دنك راسه كال
:-اسألي ما ادري

هزيت ايدي اي سؤال اسأله و كال اسألي غميته و مشيت هو من صعب موجود ما يغلط عليه فتت للغرفه تمددت

بفراشي ضايجه ما ادري بروحي و غفيت حسيت اكو شي فوكاي عبالي جاي اتحلم فتحت عيني بنعاس ما

استوعبت شكو كدامي لحد ما شويه شويه صحيت شفت صعب يلعب شناو فوكايه صاير و ثنينه على الجربايه
فتحت عيني مصدومه اريد اكعد ما اكدر مستمر يلعب شناو

ملاذ:-صصععب شكووو
ما يرد عليه و لا يخلي عينه بعيني مستمر يلعب شناو بلعت ريكي بخوف رجعت صحت بي

:-صصعب شبيكك انت صاحي
باوعلي و ثبت روحه رافع نفسه

الصـعب:-ليش فاتحه الصندوك
بلعت ريكي متوتره رمشت بعيني اريد افكر بشي بعدني بتأثير النومه حتى ما مجهزه جذبه

:-ياا صندوك؟
رجع يلعب شناو كال

:-ليش فاتحته؟
:-وخرر اريد اكوم و نحجي
:-ليش

:-صعب شبيك وخر اريد اكوم
:-ليش اني طاخج
:-ميخالف وخر اريد اكعد

:-ليش فتحتي الصندوك
:-هو مفتوح جان
:-ليش طلعتي الاغراض البي

:-اسفه بس تعرفني فضوليه يله وخر
:-شلون طلعتي الغراض من الصندوك طلعي روحج منا

:-شنووو شبيك صعب شلون اطلع روحي كووم يله
يلعب شناو مستمر جسمه بده يعرك جريت نفسي بقوه كتله

:-ثبت نفسك خل اطلع
:-ماكو

سحبت نفسي من جوه اريد اطلع من فتحت ايده سحبت روحي شويه شويه نوب خفت لا اوكع طلعت ع النص كتله

:-شوف صعب والله راح اوكع وخر
:-بعد ما تلعبين بشي ما يخصج
:-اي والله بس وخر

:-ما تحلفين
:-ايي والله
:-مااا تحللللففيينن
:-اي ايي ما احلفف

كعد و سحبني صرت مقابيله مد ايده بجيبه طلع مقراضه
قدمهه الي

الصعب:-گصي اضافرج
باوعتلهن ستوهن بادي بيهن الطول صايرات مرتبات
:-لاا حباب شوف شلون حلواتت

:-گصيي وصخات
:-مااا مااا

سحب ايدي و ثبته بيده فتح المقراضه و گص اضافري و اني اترجه بي بس كون يعوفهن تالي ندمت لو اني

كااصتهن احسن طلع اللحم كملهن و سحب اديه ثنينهن ليكدام كال

:-شوفي شلون ايدج طلعت حلوه
:-ماا صععبب والله تضوجني احب اضافرري
:-مو حلوات

كال هيج و سحب اديه على وجهه باسهن سحب ايدي بقوه منه

:-لاا تبووس ايدي مما يصيير
:-معليج
كام من مكانه يريد يطلع كتله
:-وين رايح

:-شفت اضافر شهاب شويه طولانات خل يگصهن

هزيت ايدي شيحس من يفتر علينه يگصگص بأضافرنه طلع و سد الباب وراه سحبت تلفوني شفت امي متصله

قبل عشر دقايق خفت ارجع اتصل لا واحد يشوفهه ضليت لازمه التلفون و منتضره امي تخابر صدك دقيقتين و خابرت گبل رديت

:-الوو يووم
:-هلاا بنيتي

:-شلونج يومم گلبيي طاك عليج
:-زينه الحمد لله مشتاقتلج انت شلونج

:-زينه اني بس محتاجتج
:-مما ضل شي و اخذج

:-صددك كملتتي كلشي
:-لا ملاذ ما نسافر
:-ششنوو تحجين صددك؟

:-جناسينه اني وياج اخذوهن عمامج و كلشي ما اكدر اسوي كل المستمسكات عدهم
:-و تالليي شراح نسوويي

:-نأجر بيت بغير محافظه راح ادور النه على بيت بعد ماكو امل نطلع بره العراق
:-و اذاا لزمونه

:-محد يلزمج همه اصلا اذا ما لكونه بالمحافظه محد راح يدور ورانه
:-يوم والله خايفه

:-لا تخافين يله اني لازم اروح لا يجي واحد
:-ديري بالج على روحج
:-ان شاء الله باي

سدت التلفونن بقيت اباوع على رقمهه يالله شكد مشتاقتلهه احس گلبي راح يطلع من مكانه و نوب راح

نبقى بالعراق والله اعمامي اذا يلزمونه ما يرحمون بحالي

كعدت بالكاع ركيت راسي على الجربايه مخنوكه يالله ليش هيج يصير وياي ليشش يارب والله طلعت روحي

كمت ابجي و شهكاتي صارت عاليه اريد اكتمهه ما اكدر الله لا يوفق كل واحد وصلني لهل مرحله خلاني اعيش

ويه ولد ما اعرفهم سمعت تلفوني يتصل عببالي امي رجعت خابرتنيي شلته من الجربايه لكيته صعب رفضته مالي خلك ارد شويه و دزلي رساله كاتب

:-ليش تبجين ملاذي

كتبتله
:-ماكو شي

ضليت كاعده بمكاني تعبت احس صار هواي كاتمه رجعت اكلب بالتلفون كل شويه افوت على رسالة صعب ما رد

عليه ربع ساعه و ندكت الباب خليت التلفون على الجربايه مسحت وجهي اعرف هذا صعب لو شهاب جان
سوه حفله يم الباب هو اصلا ما يدك باب غرفتي

:-فوت
نفتح الباب فات صعب كعد مقابيلي
الصعب:-شبيج!

:-ما بيه شي
طلع من جيبه علبه خلاهه كدامي بيهه اضافر اصطناعيه ضحكت كتله

:-شنو هاي
:-ضجتي على اضافرج موو هاي جبتلج ااضافر لا تضوجين

:-ههه لا مضايجه
:-بعد ما اخليج تكصينهم
:-لا اصلا هيج احلى
قدمتله ايدي اشوفهه اله

خله الاضافر يمي و رجع طلع صبغ اضافر من جيبه كال
:-حلوو

جان لونه اسود ذوقه عباره عن اسود كتله
:-يخبل
:-ارسم ااضافرج

:-ههههه اسمهه اصبغ مو ارسم يله صبغهم

ابتسم و سحب اديه خلاهم بالكاع كعد مركز كدامي ثاني رجل و ماد الثانيه فتح الصبغ و دنك يصبغ بأضافري ايده

ترجف خاف ييغلط بي اباوع عليهن و ميته ضحك سواهن مخربطات و ما يحجي من كد التركيز حتى

النفس كطعه كملهن و كام ينفخ على ايدي علمود تنشف
بقيت اباوعله و مبتسمه رفع راسه باوعلي كال

الصـعب:-هاا حلوات
:-يخبلن
:-صددك
:-والله

:-رضيتي بعد ما تبجين
:-مو منك تره اكلك صدك
:-ها

:-شلون اصلي هسه
ابتسسم كال

:-عبالج ما فكرت بيهه جبتلج هذا بس تردين توكعي يوكع
:-شنو

طلع من جيبه اسيتون
الصـعب:-شوفي هذا بس تخلين منه بيدج تمسحينه و يروح

:-هههه حافظ سوالف البنات كلهن
:-هههههه لا شايفه شسويت
:-شسويت

:-رحت لكوزمتك بيهه بنيه كتلهه تبيعون اضافر بقت صافنه عليه شويه ضحكت نوب كالت اي عدنه كتلهه

اريد اضافر و شي يرسم الاضافر هو طلع اسمه صبغ انوب اني تذكرت شلون تصلين كتلهه اريد شي يوخره من الاضافر و انطتني هذا

اباوعله مبتسمه ضحك و كال

:-اكلج خو ما صارلج واهس و تطولين اضافرج بعد

:-اي اذا ما تخليني اطولهن ابجي و ما ارضه بذن السوالف
:-لا ماكوو بس اليوم هو حتى هذا الرسم مو حلو بس شسوي

:-موو رسمم صببغ صبغغ
:-يابه صبغ

ضحكت و دنكت اباوع على ااضفري مسويهن خرايط مو صبغ رفع ايده سحب شعري ضل يسحبه منا و يرجعه منا كال

:-شوكت يطول
:-ما يطول اگصه

:-اكص اصابعج بس تگصينه هو الله انطاج شي تلعبين بي ليشش

:-هسه انت مو تگص اضافري و الله انطاهن النه ليش تگصهن

:-لا ذن وصخ
:-اكلك شعندك هسه
:-ما عندي شي
:-خل نقره بالكتاب

:-اي لبسي حجاب و تعاي بلاستقبال
طلع و اني لبست حجاب طلعت وراه لكيته هو و شهاب يحجون اول ما فتت سكتو

ملاذ:-كملو ادري تسولفون على جرائمكم
شهاب:-انجبي مرة اخي

صعب رفع ايده و ضربه على رگبته بقوه
:-اطيح حضك من تغلط

:-شعليك هي مرة اخي لو مرة اخوك
:-ما تغلط عليهه

:-والله كيفيي يا اخي ما تدخل بينه هي راضيه
:-لا هي ملاذ مو راضيه
هزيت ايدي على سخافتهم

شهاب:-اكلك تره هي هم تغلط عليه
صعـب:-لا ما تغلط
:-تغلط اسألهه و شوف

باوعلي كال
:-تغلطين!
:-اكلك هي انجب غلطه لو مو غلطه؟
:-انت تكليله انجب!

:-اي بس انجب
:-لا بويه جا هاي مو غلطه

شهاب:-جا اني كتلهه انجبي نفس الشي هاي مو غلطه
:-لا غلطه هاي

شهاب هز ايده و غمنه ثنينه كال
:-هسه شتردون شمعات الفكر

اشرلي صعب اجي اكعد يمه كعدت و هو تمدد خله راسه بحضني استحيت من شهاب سويت روحي ما اشوفه و شهاب هم غلس

الصعـب:-جيب الكتاب من يمك
شهاب:-ممميرري مييرريي

:-دنجب و جيبه
كام شهاب جابه و كعد يمنه

....................
الصفحه العاشره
روح عابس

رُفيده
:-شلت التلفون رديت و اجاني صوت مره اول مره اسمعه كالت

:-ام رُفيده؟
:-بتهه اني منو حضرتج

:-البقيه بحياتج
كالت هاي الكلمه احس اطرافي جمدت بلعت ريكي بخوف جان امي و رُفيده كاعدات قريب مني من شافني هيج صاحت امي

:-شكو
بلكوه طلعت الحجايه كتلهه
:-شكوو

:-ابوج انطاكم عمره
وكع التلفون من اييدي طفرت روح يمي
:-شكوو رُفيده

شالت التلفون تحجي بس محد رد جان الاتصال مكطوع رجعت تحي ويايه احس لساني نربط صرخت بصوت عالي

:-ابووييي رووحح ابووييي ماتت

كلت هيج و صار الصياح بالبيت امي تدك و تلطم و هي صحتهه علىكد حالهه و روح حايره بينه تجي يمي و

تروح يم امي اجو الجيران على صياحنه ضلت روح
حايره بالنسوان طلعتنه ملابس اسود و ابن جيرانه

اخذنه لبيت ابويه الثاني وصلنه و لكينه الناس كلهه ملتمه جهاله يبجون و مرته مكطعه نفسهه ابوي بعمره ما

قصر ويانه صح اخر فتره عافنه بس امي الي ما ترضه يرجع من صدك حسيت بالنقص اني و امي و روح مثل

الغربه تمنيت واحد من اخواني يجي و يخفف علينه بس ماكو امي تعبت حالتهه الصحيه تراجعت و اني صرت

مطويه على نفسي مالي واهس احجي ويه احد روح تحاول وياي ماكو كم مره اجانه عابس للبيت يجيب النه

مسواك و مصرف لان شغله هو و ابويه مشترك كل الفلوس يجيبهه لامي ابد ما قصر من عدنه و روح وكفتنه

وكفت الاخت ما خلتني وحدي ابد امي دخلت بعده و اني تركت دراستي روح صارت تداوم يوم و تغيب اسبوع

ما تكدر تعوفنه لحد ما بالاخير تركت الدراسه و كعدت بالبيت شكد لحينه عليهه علمود ترجع للدراسه بس ما

قبلت هل فتره الي وكف النه سند همَ روح و عابس خلصت العده مالت امي جنه كاعدين كلنه بالصاله امي كالت

:-رُفيده راح يجونج خطابه
فتحت عيني مصدومه ابويه ما صار اله سنه شلون هيج تحجي كتلهه منتفضه

رُفيده:-شنوو ما اريد يوم ابويه ما صار اله سنه
:-مو بس انتِ عابس حاجاني على روح و اني قبلت كتلله بأي وكت تجي هلا بيك

روح:-بس خاله اهل عابس ما راضين

:-شوفن يمه اني حالتي تعبانه رُفيده شافهه ابن جيرانه و راد البنيه و روح عابس شاريج و كال هنا يجيبلكم بيت

فترة الهوه يم اهله اني و رُفيده يمج و انه رضيت بيهم ثنينهم علمود تضلن دوم قريبات خاف اني اروح بيوم من الايام

:-اسم الله عليج يوم بس اني ما اريد اتزوج منو الج
:-ثنينجن دوايري ما عليه شي و اخوانج و مرة ابوج راح يعيشون هنا لان ذاك بيتهم ايجار

:-شنننو مستحيل اخليج تعيشينن وياهم محد منهم كلف روحه و اجه سألنه شمحتاجين

:-صغار يمه ما يفتهمون
:-حتلو صغارر على الاقل يسلمون علينه لا همه و لا امهم
امي عصبت و صار تححجي جد بعد ما سمعت الرفض مني

:-مو كيفج رُفيده احمد خوش ولد ترضين بيه و تسكتين
:-هوو وين عرفنني

:-شافج الولد و امه حاجتني عليج
:-خلي ابويه يطلع السنه مالته

روح:-اي خاله ليش تستعجلين

:-مو بكيفجن و انت روح تحضرين روحج لان عابس مستعجل و محضر كلشي بدون عرس و طبطبه هم علمود عمج و هم لان عابس وحيد راح يجي وياه اخيه واحد منهم

:-التشوفي خاله
كامت روح سحبتني لان كمت ابجي و طلعنه بره بالحديقه

روح:-رُفيده كافي خاله مريضه ليش تضوجينهه
:-ما اريد اتزوج اني ما مفكره بالزواج اريد ابقى ويه امي اذا اني تزوجت و انتِ امي شلون بيهه

:-اني ما اتزوج
:-علمود عابس يكتل روحه

:-ههههه لا اني ابقى وياهه من عابس يروح لاهله ابات يمهه و انت مرات يمهه و راح يجون اخوانج مستحيل راح يأذونهه شوفي خل نكون واقعيين
:-شنو

:-خاله مدايمه النه لا سامح الله نفترض صار شي على خاله اني و انت اكيد راح نفترق لان اني ما اكدر اعيش

ويه اخوانج و اكيد عابس ما راح يخليني اكون قريبه اذا انت ماكو او تزوجتي بعيد منا شوفي ابن جيرانه افضل من البعيد

:-ما ادري روح و ابويه
:-انت حاجي خاله خل تأجل الزواج لحد ما تطلع السنه مالت عموو

:-اي ان شاء الله و انتِ
:-شبيه اني
:-انت و عابس

:-ما عندي غير حل اقبل بي مستحيل اكدر اعيش ويه غيره و لا هو الي راح يفرط بيه و لا اهله الراح يخلوني

ارتاح اقبل و الله كريم دام اخوه راح يجي هاي هيه
:-ان شاء الله خير
...............................
بعد صعب ما ساد الكتاب صاح شهاب
:-جججييب اني و ملاذ نريد نقره بعد خل اشوف امي شلون تزوجت

:-امه ابو الوصخ دكوم لا بارك الله بيك
:-احتررمني صععب تره اشوفك وجهي الثانني

:-شوفني احتمال احترم وجهك الثاني
:-شننيي سالفتك دخلينه نقره بالكتاب و احنه فارغين
باوعلي صعب

الصـعب:-بكيفك ملاذ
اشرلي عود لا تقبلين قبل لا احجي شهاب كال
:-خلل نققرهه ملاااذذ بشاربج

:-لا ما نقره
:-تفف عليج جا شكد خبيثه و انت صعب امداك صاير تمشي بشور مرتك الك الله يالفقيير

الصـعب:-دكوم لا تتمسكن
ملاذ:-لو مساع ما غالط عليه جان خليته يقره صفحة ثانيه

شهاب:-مالي خلك جهال جان رديت عليكم
صعب:-ياهو جاهل!

كال هيج و خزره و يفرك بأديه
شهاب:-انني انننيي خويه
ملاذ:-رايحه رايدين شي

الصعـب:-لا روحي
فتت للغرفه طلعت ملابس و فتت اسبح اباوع على اضافري و اضحك كملت و طلعت لافه الخارلي على

شعري نسيت شهاب اول ما طلعت صار ببوجهي يدخن بره گبل دار وجهه

شهاب:-و حمسس حمسج وين طالعه هيج جنج گطب جكاره فوتتي بسرعه العيطه

:-انجب شهاب شمدريننيي بيك بره منو عيطه ولك وجهك عبالك بي اعادة ترميم

:-دنجبي وين اكو بجمالي انت و رجلج ما تلحكون قطره من جماليي

:-اكلك شو انجب وعلي احلى منك ثنينه
طلع صعب و شهاب گبل دار وجهه قبل لا يشوف الجكاره بيده

الصعـب:-فوتي ملاذ بارده
شهاب:-جا و اني مو بارده عليه

كال هيج و طفه الجكاره بالحايط و راح يذبهه بالحاويه عدلت الخاولي سويته مثل الحجاب

ملاذ:-باوع باوع لبست حجاب لا تضل داير وجهك جنك طرن

الصعب:-ملاذ و شهاب اذا سمعت واحد منكم يتجاوز على الثاني افين حضكم فاهمين

ملاذ اخذني الحماس تعللمت اغلط على شهاب كتله
:-شعلليك انت

خليت ايدي على حلكي و ثنينهم نصدموا من حجايتي شهاب طكهه بضحكه و صعب ضل رافع حاجببه خازرني

بلعت ريكس خايفه هسه اني ما جفصت اله كدام شهاب لو بيناتنه جا سهله

ملاذ:-شوفف اني اقصد على شهاب اقصدد اكله اي لا تغلط بس الحجايه طلعت بالغلط

:-خوش فوتي جوه و انت شهاب تعال للغرفه
شهاب:-لاااا ما اجي امي ما تقبل تخاف عليه

ملاذ:-هههههه لا اطمئن وجهك ما يساعد
:-مرة اخي بلكوه لازم حلكي منج دحموسه ولي مناا

عفتهم و فتت جوه مطت شعري لبست حجاب و طبعت للاستقبال ماكو ثنينهم و غرفة صعب مسدوده قربت

منهه اريد اسمع شيحجون بس ماكو صوت فتت للغرفه ملل فتحت تلفوني امي ماكو دزيت لبرق و تمددت ما

جايني نوم تأخرت يله ردت عليه سلمت عليهه حسيتهه ضايجه

ملاذ:-براق احسج ضايجه؟
:-اي والله ضايجه مو كتلج راح اقدم على الكليه بس ما صارت

:-ليش
:-الوضع ما يساعد اهلي كلهم مشغولين و اني اجي اداوم محد يبقى لامي

:-لعد شتسوين تعوفين الدراسه قابل حالج حال اخوانج
:-لا ما اكدر خلي اختي تتخرج و تكعد يم امي عود تالي اني ادرس

:-اختج هسه يا مرحله
:-ثانيه

:-يااا يعني بعد سنتين لا برق والله ما عليج درسي
:-ما اكدر يله يمعوده الله كريم كلشي بأيد الله ما مقسوملي السنه

:-يله الحمد لله ان شاء الله خير
ضلينه نحجي هي تحجيلي يومهه و اني هم كعدت

احجيلهه يومي و شصار بعدين رجعت سألتهه علي امهه
اجتني رساله من صعب و اني احجي وياهه كاتب

:-ها خو ما نمتتي
:-لا ما انعس

:-لا تنامين عشر دقايق و اجي
:-تمام

شافهه و ما رد رجعت احجي ويه برق كتبتلها
:-كتببيلي بين ما اجي راح اسوي جاي
برق:-اوك

كمت سويت جاي لان احس راسي يوجعني كملت و طلعت فات صعب من باب البره بيده علاكه رفع راسه باوعلي كال

:-صبيلي وياج
:-اوك شهاب يشرب!

كلت هيج طلع شهاب من الاستقبال صاح
:-استغفر الله استتغفرر الله على كدكم اني ما اسوي كبائر
ملاذ:-نجب اقصد جاي

:-ها لا مرة اخي ما اريد طالع اني رايدين شي
الصعب:-لا ولي

طلع شهاب و اني رجعت للمطبخ صبيت كوب للصعب
وديت الكوب مالتي للغرفه و رجعت لغرفته دكيت الباب كال

:-فوتي
فتحت الباب و فتت جان يشتغل على لابتوب و مركز بي من فتت قبل لا اوصل يمه سداه قذمتله الكوب بقيت واكفه كال

:-ها!
:-انت مساع راسلتني كتلي لا تنامين شتريد
:-لا هيج ماكو شي روحي مشغول هسه انت تنعسين؟
:-لا

:-خوش تنتضريني
:-عليش
:-اريد واحد يلعب بشعري

:-امم خوش منتضرتك
:-تجين انت هنا ننام

:-لاا انت تعال ما اجي اني
:-نفس الشي
:-لا تعودت على الغرفه الثانيه

:-تمام بكيفج
طلعت للغرفه رجعت صبيت جاي من جديد لان هذا برد و فتحت التلفون اكمل ويه برق

......................................
مهُــرة ايوب

مُهرة❤️

:-كل يوم احس بثكل اكثر من القبله خفت لا اطلع حامل اني سييف و كوه مكضيتهه وياهم محد يتحمل لحد ما

تأكدت من روحي صدك طلعت حامل للمره الثانيه و هنا التعب زاد عليه طفل و حمل و عيال وصلت مرحله اكل

كام ما ينطوني من ايوب ماكو تعبت ما اكدر ابقى بدون اكل رغم امي الانضف و اطلع للزرع و انضف حوش

حلالهم و اسوي كلشي بس كلهه معاديتني من حموين و جناين بيبي ابد ما ترأف بحالي كل ما تشوفني و عيرتني

بأمي كل فتره زواجي امي ابد ما زارتني بس من اروح لبغداد اشوفهه صرت اتمنى ارجع لعيشتي القديمه يم

بيبيتي و اخوي بس اخوي تزوج و طلع ببيت وحده بقت بيبي وحدهه مشت الايام و كبرت بطني فتره الي ايوب

بيها موجود ما يخليني اسوي شي و ارتاح بس من هوه ماكو يطلعونهه من عيوني لدرجة تمنيت ايوب يكعد

بالبيت و يعوف الشغل الى ان وصلت ليوم الولاده و الله رزقني ببنت و سماهه جدهه بيلسان

وصلت لعمر ال 23 و اني ام ل 5 اطفال

(سيف،بيلسان،برق،يامان،اريان) عانيت و تعبت انكسرت جعت و انضلمت بس ما قضرت بحقهم ضميتهم بنص

روحي الاكل الي اخذه من عيالي انطي الهم و اكعد اباوعلهم شلون ياكلون جان ايوب هستوه ملتحق و

جاننت هاي اخر مره يلتحق بيهه لان قرر وراهه يشتغل بسياره و يستقر يمنه فرحت لان وجوده راح يغير حالتنه

جببت اكل من المطبخ لجهالي خليته يمهم و كعدت جان قليل بس ما بيدي شي ما اكدر اجيب اكثر من هيج

كعدت ارضع اريان و سيف و برق و بيلسان و يامان ملتمين على الصينينه ياكلون

سيف:-يمه تعاي اكلي
مهرة:-لا حبيبي اني اكلت گبلكم

:-وين اني مو جنت يمج
:-لا حبيبي ما تدري بيه من اكلت

كام من مكلنه خله تمن بالخاشوكه و اجه يمي عمره جان 9 سنوات

سيف:-اكلي هاي من ايددي حتلو شبعانه
ابتسمتله رغم جنت جوعانه بس من اششوفهم ياكلون من يمي اشبع

:-لا حبيبي روح اكل
:-ماا

قدم ايده الي و اكلتهه لان اصر رجعت بيلسان كامت سوت مثل سيف و اجتي برق ايدهه صغيره مخليه بيهه تمن

تحجي مكسر عمرهه سنتين قدمتلي ايدهه جايبه صم تمن اخذته من ايدهه و كعدت ابوس بيهم دموعي تنزل

لان اشوف الحنيه ببعيونهم لو شكد ما تقسه وياي الدنيا شكد ما اكون بعوز شكد ما انذل بس اشوف عيونهم

كلشي يهون استمرت حياتي هيج صرت شبه متعوده سيف و بيلسان بالمدارس الصبحيه يبقون يمي برق و

يامان و اريان جنت حايره ببرق اكثر وحده بيهم عودهه ضعيف و صغيره جنت انضف بالمطبخ و الجهال نومتهم

بس برق تلعب يمي ما منتبه الها طلعت تلعب بره و اني التهيت بالمواعين شويه و سمعت صوتهه تصرخ عفت

البيدي و رحت اركض شفت زهره لازمتهه من اذانهه و طبع ايدهه بخد برق رحت ركض سحبتهه من ايدهه كمت ابجي على بجيهه

مهُره:-للليشش تضرربينهه
:-فايته لغررفتتي

:-و شسوت هي طفله ما تفتتهم شلون تمدين ايدج عليهه
:-امشي منا انوب عليه البغداديه و بتهه امشي لا اطيح حضج

رفعت اصبعي بوجهه اول مره هيج اتجرأ شكد اذوني شكد كسروني كلهم و بلاخص زهره ما حجيت حرف بس

من شفت مدت ايدهه على جهالي و على برق هل طفله ما تحملت

:-اسممعي زين قسما عضماا ايدج اكسرهه اذا نمدت على واحد من جهاللي اييياج

:-يييمهه طالع الج السان بنت الكح*** بنت ام الزلمم
:-تشررفج امي على اقلها تزوجت بالحلال

ضلت تذب حجي و اني ما سكتت كلها التمت علينه و اني شايله برق طفرت عليه ترييد تكتلني سمعت صوت جهالي

يبجون بالغرفه و اني ساده عليهم الباب محد يمهم ضليت حاضنه برق احميهه من ضربات زهره اريد وحده

تروح لجهالي محد تحركت و لا وحده خلصتني من اديهه اجانه صوت آيوب رفعت راسي شفته واكف بالباب

جنطته بيده و بملابسه العسكريه من شفته ردت روحي
:-شششصااييررر

زهره:-مررتك هدت عليه
تقدم و هو عاكد حابجه كومني من مكاني و شال برق لزم ايدي كالهه

:-اسمعيي زين اذا شفتج محاجيه مُهره ما تلومين اله روحج هاي اني اجيت خل اشوف شريف منكم يقرب لمرتتي

سحبني و مشه للغرفه روحيي تركض كبل رجليه اريد اوصل لجهالي اول ما فتح الباب لكيتهم ناطين من البجي

ثنينهم صغار ضليت اسكت بيهم و ايوب شال اريان و اني سكتت يامان من هدئو و برق كعدت ب

تلعب بالغرفه قرب يمي ايوب
ايوب:-شلونج مهرتي

:-زينه
الحمد لله على سلامتك
:-مشتاقلج بويه

:-اني هم
:-ليش تحجين وياهن ليش تضوجين روحج خل يولن من انه ماكو ضلي بغرفتج لا تطلعين يم اي واحد
:-مييخالف

:-راح يصير النه عشر سنين سوه و كل ما اكلج تكليلي صار و ما شفتج طنشتيهم
:-شسوي ايوب اريد اعيش

:-بعد ما التحق ارد اشوف احد يأذيج
:-يعني صدك بعد ما تروح من ييمنه
:-اممم ما اروح

كلش فرحت لان راح يضل يمنه على الاقل يخافون منه ما يأذون الجهال

رغم كل الضروف الصعبه المرسنه بيها جان ايوب مصر الجهال يكملون دراسه فتره كعد بالبيت علاقته ب سيف

كلش قويه علمه عليه يطلعه وياه وين ما يروح يدرسه بيده يفتر عليهم واحد واحد يخلص واجباتهم اشتره

سياره وره فتره و بقى يشتغل بيهه صرت مبتعده عنهم كلهم محد تحاجيني بس وحده تحجي ايوب يسكتهم

صار عمر اريان 7 اشهر و برق 3 سنوات اكبرهم سيف دخل 10 سنين ايوب الصبح يطلع و يرجع ب 12 يبقى

ويه الجهال ملتهي هذا يقري هذا يلاعبه هذا ينومه و هم يطلع العصر و يرجع بليل هذا شغله افضل بهوايه من

شغله القديم ايوب انسان يختلف عن اهله جذريا شخص ملتزم بصلاته ما يوم سمعته حجه عن شخص بسوء بار

بأهله و كل رمضان متعود يسوي ثواب يوزع على الشارع مالتنه

...................
بـــرق

:-ملاذ تعبت خلي نكمل غير مره
ردت ارد عليهه وندكت الباب صحت

:-فوت
فات صعب و بيده علاكه ابتسمت و دنكت ارد على برق كتبتلها

:-براحتج حبيبي
ما احس غير صعب سحب التلفون مني كتله

:-هاا جاي احجي ويه صديقتتي
:-بعدين كملن خلي نسهرر اليوم

ما رديت عليه ضايجه هسه ببرق شتكول تريد بس تروح فتح العلاكه جايب حلويات خلاهن على الجربايه و اني

صافنه عليه كام طلع شويه و رجع جايب ماعونين و الابتوب مالته كتله

:-ششجاي تسوي
:-معليج

خله الكرزات بالمواعين و كعد بصفي خله اللابتوب كدامنه فتحه على فلم اسمه(divergent)

اخذ كرزات بيده و بقى يباوع على اللفلم اني ما متعوده اتابع افلام مليت بلاخير كمت اباوع وياه بدت الاحداث

تصير حلوه بقيت مركزه خبيت البطل و البطله مر وقت هوايه بس ممليت الفلم صعب من نوع اذا يشوف فلم

كون محد يحجي صمت ضليت اباوع لحد ما طلعت لقطه البطل اجه يم البطله بعوزي بس اصفرلهم فاتحه

حلكي و اضحك من الفرحه لان صارو سوه اشو صعب لزم راسي من وره ثبته و سد عيوني بأيده الثانيه صحت بي

:-هااا شكوو شكووو
:-انجبي ما اريد تشوفين طيحان حض

لازمه ايده اريد اوخرهه من عيوني كتله
:-بس وخرر هسه هي شنننو

:-جؤؤ ولجج سوالف كبارر
:-جا ليش خليتني اشوفه
:-معليج

فتح عيني مخلصه اللقطه ضججت حرامات ما شفت وياه خلص الفلم سد اللابتوب كال

:-نعستي
:-اي
:-اريد اكلج شي

:-كول
الصعب:-......

.
.
.
.
.

.
.للحكايه بقيه

كلانا كتف للاخر❤️
الوريد♪