رواية أنتقام الصفحه 27 (ترميم) الفصل الثاني عشر 12 - بقلم خـلود الـ محسن

انتقام الصفحه27(ترميم)
الكاتبه لورا
.........
مَر قطار عُمري على الجميع انزلني جنبهم واحدا تلو الاخر لكن!!
عند وصوله اليك انزلني الى جثه هامده ملطخه بدماء بريئه ثارت الطلقات ثار الناس معها لكن اغرتهم الاموال انسحب الجميع و نسوا جثمان ابي دفنوه لكن ما زال الثأر يأخذ ارواح بريئه
كلً منهم عاد الى حياته لكن!
نحن بقينا بذلك المكان الذي قتل فيه ابي الذي صرخت فيه امي و بأحضانهه اخي بقيت انا متمسكه بطرف الحائط انضر من بعيد و بقيت اختي متمسكه باطراف ثوب امي بقى اخي ينضر الى ذلك التابوت جميعناا بقينااا بنفس المكان...
..
ما زالت النزاعات العشائريه تسلب ارواحاً دون ذنب يخرج المجرم ليعيش حياة طبيعيه يموت المظلوم و يعيش الطماعون بأموال الحرام و تبقى عائلة الشهيد مشتته💚
....
بـــــرق:-

كلنا نلعب اني و اطفال عمامي عمري بس
3 سنوات ب بدلتي اضحك و طايره مثل الفراشه

جانت اكو اصوات بره جدال او عركه بالشارع
سمعنه صوت طلقتين عم الهدوء بعدهن لكن صارت

الملاحم بگلوبنا كلهه كامت تصيح مااااتت
ماتت طلعنه على اثر صراخ الناس امي تركض

بملابس البيت اخواني مشتتين اكبرنه عشر سنوات اخويه بحضن امي عمره بس 7 اشهر كعدت بالكاع و

تصرخ بصوت عالي صوت صراخها يدخل لمسامعي و ينزل دموعي لكن ما فاهمه شي من الحادثه

ابويه ممدد بالگاع و الدم تارس ملابسه
و امي حاضنته و تصرخ الكل مخبوص اعمامي

كلها ملتمه و الناس كلها طلعت تباوع علينه
جنت واكفه على صفحه و سيف اكبرنه جان بعمر 10

سنوات واكف مقابيل امي و دموعه تنزل
اخذو ابويه من احضان امي لكن بصعوبه نقلوه

للمستشفى ما نعرف اذا جان حي او ميت ما افهم شنو يعني موت امي طفرت على سيف حضنته و بقت تصيح

سييفف ابوكك مات اشوف بليسان محتضنه باب الشارع تباوع علينه و تبجي تشتتنه بسبب هل حدث شنو صار

ليش شكو محد يفهم من بين صرخات امي و الناس اجه اتصال لعمو الي غير مسار حياتنه شال التللفون يخابر

-الوو ...الى رحمة الله

هل كلمه زادت النار بگلب اميي النسوان كلها تصرخ عم السواد على البيت ما زلنا بأماكناا ننتضر لا شيء بس

حسبالنه راح يرجع ابونه راح ترجع حياتنه طبيعي ببعد ما رجعوه لكن رجع بتابوت نزلو التابوت من على السياره

و امي احتضنته تصرخ اخواني التمو على التابوت و الناس كلها التمت جنت خايفه واكفه بعيد عنهم ما اعرف

شأتصرف سمعت عمتي تصيح عليه
-برررققق برررقق

مشيت بأتجاهم بخطوات
ثكيله و ترجف ما اعرف شكو ما اعرف شراح يصير يلي

مخوفني هو الناس ليش هيج ليش السواد تارس البيت
وكفت على راس التابوت مطلعين وجه ابويه و امي

حاضنه التابوت و تصرخ محد يكدر يحركهه من عنده تفرفح تصيح بأسمه و النسوان ككامت تبجي على بجيهه

سيف حاضن التابوت من الجهه الثانيه و يبجي بخنيك بيلسان كاعده بضهر امي امي من الفزع و الصريخ نست

اخويه بحضنهه اخذو منهه يصرخ و النسوان يشيلنه من وحده لوحده جانت واكفه يمي بنيه تجي بعمري كالت

:-شكوو ليش يبجوون

رديت بخوف اني ما فاهمه شجاي يصير ليش يسألوني

:-مَ مادرريي

اسمع صوت الاطفال يحجون و يصيحون منو ماات و هذا الي يصيح شكو و هذا يلي يبجي من الخوف شويه و

فاتوا اعمامي شالو التابوت لافين وجوهم بشماغاتهم و لابسين اسود امي مجلبه بالتابوت و تصررخ ما تريدهم

يشيلونه و احنه زاد بجينه على بجي امي بس اني جنت اباوع بدون رد فعل احس كتمه بداخلي ما ترضه تطلع

احس شي انجرح بداخلي من شالو ابويه و هو ما حجه شي بداخلي اكول يرجع النه مثل كل مره يروح و يرجع

بس هل مره راح بدون رجعه. باوعت لامي تشيل بالتراب و تذب على راسهه ففاقده ما تدري بروحهه شسوي و

النسوان تشيل بيهه من الكاع طلعت تركض لباب الشارع و تصيح بهستريا تريد احد ياخذهه وياه نستنه نست

الدنيا ضلت روحهه معلكه بأبوي من ما رجعت النسوان كامن يحجن بينهن يكولون لازم جهالها يرحون حتى

يشوفون ابوهم لاخر مره جنت بس اسمع كلامهم و اباوع بطفوله منتضره ابوي يرجع يفوت من الباب الطلع

منه بيده صينية ثواب منتضرته يرجع و يلعب ويانه مثل قبل شويه و اجت عمتي اخذت يامان و اريان واحد

بيدها وواحد شايلته تريد توديهم لامي و بليسان تمشي وراهم ضليت واكفه ما اعرف شأتصرف يصيحن عليه

عبالك مرة جبيره رووححي وراهم و اني ما اشوف شي كدامي اريد امي تجي تاخذني بأحضانهه تلمنه و تاخذنه

كلنا ضليت مثل الضايع بصحراء ما كدامه شي حسيت واحد لزم بأيدي رفعت راسي اريد اشوف منو سيف

عيونه حمر و لازم ايدي دمعته نازله على خده و التراب تارس ملابس سحب ايدي و مشه للشارع ضل يباوع على

السيارات من شافه سياره بيهه امي تبجي و تلطم مستمره ما تعبت لحضه وداني يمهم كعدت يم رجلين

امي و هي ما منتبهه النه روحهه مشتته و راح سيف ضليت ادور عليه بعيوني بس ما شفته انطلقت السيارت

و صوت الصريخ بأذني ما يروح منهه كلام اانسوان و هنه يتهماسن بينهن على اسم الكتل ابوي ما راح من

اذنني عيوني تنتقل من وحده لوحده اسمعهن شيحجن و شلون متعاطفين ويانه بعمري ما حسيت بأحد يعطف

عليه بس اليوم كلهه تباوعلنه بنضرة ايتام وصلنه للنجف و نزلنه يم المغيسل و اخيرا لمحة سيف اجه وكف يمنه و

احنه كلنا مسطرين اخوي اريان بحضن امي هدئت بس دموعهه على خدهه يامان كاعد بجهتهه اليمنى

على الجهه الثانيه بيلسان مجلبه بعباة امي و تبجي على بجيهه بعمري ما شفت عائلتي بهل كسران وصل يمنه

سيف سحبني لحضنه و ضل واكف بدون ما ينطق شي بس عيونه على امي كتله

برق:-سيف بابا راح يرجع موو

حط ايده على راسي خله عيونه بعيوني و يغرغرن دموع اببتسم

سيف:-بابا نام بالسماا من تشتاقيله حاجي و هو يسمعج
رفعت راسي اباوع على السماا باوعت لامي الي مركزه بالفراغ

برق:-ماما شكوول لبابا

رفعت عينهه باوعتلي بقهر اشرتليي اروح يمهه سحبتني لحضنهه و سحبت يامان و بيلسان لحضنهه صرنه كلنا

متكومين عليهه رجعت باوعت ل سيف الي يرفع راسه علمود دموعه ما تنزل اشرتله يجي لحضنهه و هو راح

كعد كدام رجليهه دنك راسه و دموعه نزلت كعدت كدامه كتله

:-سيف بابا نايم هسه لا تبجي ما يرضه

ما حجه شي رجعت اباوع على السماا طفله و مصدكه ابوي بالسما و جاي يشوفني قنعوني بهل فكره شويه و

اجو اعمامي و رحنه ما مفتهمين شي نزلنا بالكبور اول مره نشوف هيج شي امي محتضنته و تمشي و صوت

شهكاتهه يوصل لمسامعنه وكفنه بعيد لان كلهه ناس متجمعه يم الكبر من خلصوا صاحو علينه و يانه عماتي و

نسوان عمامي التمن على الگبر امي فلتت ادينه و مخليه اديهه على التراب الدفنوا بي ابوي تشيله و صرخ بصوت يكطع الكلب الميت يفز على صوتهه

:-لليشش عفتني ليشش ايوب منو الي غيررك و جهالنه مو تريد توصلهم بيدكك مو كلت ارييد اشوفهم متخرجين شو عفتهم بنص الطرريق ليشش ايوووب ليشش ما اخذتني وياكك مهره ما تسوه شي بدونكك اككعدد شوف سيفف شلون روحه لايبه عليكك شوف جهالك راح يتخبلون هاي بررق تريدكك تحجي ويااك عبالهه نايم و راح ترجعع شوف بيلسان خايفه تتتلفت ما تعرف احد تريدك

غربتنه ايوب غربتنه منو لمهرة بعدك
.............
مُهرة..

:-صعب تخسر انسان صارلك ضهر حايط تنسند عليه و كلها كاسرتك شخص صارلك ام اب اخ ابن و زوج ايوب

كلشي صار الي طفله تربيت بحضنه علمني عليه رباني و ربه اطفالنه سوه وكف بوجه الدنيا علمودي عارض اهله

بس كون اني ارتاح ما خله احد يمسني بكلمه و هو موجود شلون راح اعيش بدونه عافني اني و خمس ايتام

ما ادري شلون راح اكدر اعيش بدونه اكدر للحمل التركلياه لو لا اذكر مره من سألنيي

::-💚مهرتي لو اجه يوم و متت راح تعوفين جهالنه و تزوجين

:-اسمم الله عمرك طويل من عمري على عمرك

::-يرخصلج عمري مهرتي بس لو صار و متت اطفالنه امانتج

:-اسسم الله لا تحجي هيج لا تخوفنني

::-كلنا على هل درب

:-رجلي على رجلك

ابتسم و سحبني الحضنه رفعت راسي كتله

:-زين لو اني متت

::-اااشش دير بالج تحجين هيج مستعد ابيع روحي لاجلج لا تجيبين طاري الموت

:-مو كلت كلنه على هل طريق راح تتزوج موو راح تنساني

::-مهرتي و عيونج الاحبهن ما انساج خاط حروفج بدمي شلون انساج

اتذكر كلل المواقف بينه و روحي لايبه اباوع على اطفالي احس اليتم بوجوهم احسس ببعيونهم فرگة الابو مبينه

ليش ايوب ليش كسرتهم شفته بعيوني متمدد بالكاع و الدم مالي جسمه لزمت جسمه بيدي حسيت ببرودته

شذنبب ايوب يخسر روحه علمود ثأر عشائري ما نعرفه لمنو ليش الكتل صار شربة مي عند الناس ليش الي يروح

بيهه الفقير و المضلوم عركه بين عشيرتين يروح واحد من غير عشيره ليش ما ادري شنو المنتضرنه بعد ما دفنه

ايوب و رجعت اخط بثياب الخذلان امشي و اني لامه جهالي لاحضاني سيف ورانه لازم برق و بيلسان مجلبه بديه و تمشي و اني شايله اريان و بيدي الثانيه يامان اطفال بنص الكبور بهل ليل ليش

ذنب منو آيوب

التفتت اريد اشوف سيف و خواته همه اخر شي يمشون و الباقي كلهه كدامنه صحت عليه و احس بلاعيمي

متجرحه اخاف عليهم بس مالي طاقه احميهم و المهم بحضني مثل قبل احس روحي اندفنت بصف ايوب رجعنه كلنه بس روحي ما رجعت

:-سيف يمه امشي كدامي

:-امشي وراج انه احميكم يمه

:-ضلمه يمه اخاف عليكم

:لا تخافين ما علينه شي ابوي بضهرنا و انت كدامنه و انه ساند خواتي

درت وجهي اكمل دربي و ابطىء خطواتي اريدهم يمشون بمساري اخاف عليهم المكبره شبه فارغه بس تارستها

الكبور و دنيا ليل كل شويه واحد صايح علينا استعجلوا شنستعجل و احمه عايفين رويحتنا بالكبر

رجعنا وجوهنه صفر بكل نضره من جهالي اشوف ايوب بكل حركه اذكره دخلت للبيت و هنا هاجت مواجعي وين

ما ادير وجهي اشوف اله اثر وين ما اخلي عيني اشوفه واكف مبتسم بشكله الهادئ اسمع اصواتهم و افز عبالي

هو فاتو جهالي للغرفه و اني ضليت بره روحي لايبه دموعي احسهه خانتني و بطلت تنزل

فرگتــه غصــه بوســط روحــي

كعدت بالصاله من شفت كلمن راح لغرفته و شفت جهالي كلمن راح لفراشه خليت اديه على وجهي اكتم بشهكاتي

كمت اعاتب بيه بدون ما ادري بروحي شحجي ما اهتميت اني وين كل الافكر بي ايوب نايم وحده بالنجف

طلعت من الصاله كعدت بالحوش مال بيتهم و رفعت عيوني للسما ما اريد اشوف الجادر كدام البيت و

الكراسي المحضرينه لفاتحته باجر ما اريد اصدك غمضت عيني و كمت احجي من بين شهكاتي

-ليششش عفتتني بنص دربيي ليش تهدمني بموتك و انه الجنت مثل الجبل هسه مالي حيل احجي ليشش علقتني بيك ايووب رربي رجعه النه والله ما نكدر بدونه روححي هذا

من كل عقلي باوعت على الجادر و احجي اريد شي يطفي نار گلبي عليه ماكو

-اايييوب اكعدد سيف ما يكدر بددونك انه شلون اربيهم ما اكدر خممس اطفال ايوبب شلون بيهم ليش يتمتهم عساهه بحض كلمن اخذك منيي

فحطت من الببجي منضره ما يروح من بالي شلون سابح بدمه ما اكدر انسه رجعت باوعت للسما و اني ادعي من كل گلبي

-يااارب انت تدري ايوب انكتل مظلوم يااارب مثل ما فجعتني بي افجع الكتله ياااررب عساهم ما يضوكون طعم الراحه اخذو راحتي الله لا يهنيهم

احس تعبت و طاقتي خلصت سمعت صوت الاذان و انه ويه صوت الاذان اردد و اتحسب على الكتلوه احس بعد

ما بداخلي رحمه لاحد اخذو اعز شي عندي سمعت اصواتهم بدو يكعدون و اني توضيت و فتت لغرفتي

باوعت لجهالي بيلسان حاضنه اريان و نايمه و سيف حاضن برق و صاير هو بالطرف يحميهن يامان نايم

بفراشه سحبت المصلايه مالت ايوب فرشتهه و خليت عليهه قرأن و فرشت مصلايتي وراهه صليت الوحشه و

صليت صلاة الصبح كل ما المح المصلايه فارغه كدامي دمعتي تنزل امسحهه و ترجع تنزل

و بده ثاني يوم الوجوه كلهه موجوده ادور بوجوهم على ايوب اريد بس كون لمحه منهم اله كل شويه يغمى عليه

اصرخ بنص النسوان و من اسمع النعاوي تزيد نار گلبي ما اصدك ايوب راح و خلص ثاني يوم و ايوب مو ويانه

اخذت جهالي للغرفه محد ياكل كلهم مخروعين ما يروح المنضر من بالهم كعدنه بالغرفه كعدت سانده روحي على

الحايط و جهالي كلهم كدام عيني يبجون لبجيي اباوع بعيون سيف نسخة ابوه بتصرفاته بشكله بحنيته حاير

بأخواته و هو كل عمره عشر سنين نزلت راسي بين رجليه ما اريد اباوع بالغرفه اشوفه يضحك وياهم يلاعبهم

اشوفه بكل حركه يسوونهه و من اشوف سيف گلبي يوجعني نسخته ياربي نسخته

اكتم بشهكاتي ما اريد جهالي يضوجون حسيت ايد على جتفي رفعت راسي شفته سيف كال

:-يمه ابوي مات و كسرج و احنه هم انكسرنه بس اكثر لان عدنه حايطين و مالان ابوي عافنه و انت مكسوره جا احنه منو يجبر كلوبنه

سحبته لحضني و كمت ابجي بصوت مسموع اريد اسيطر على روحي ما اكدر

:-انه امكم انه سندكم لا تبجيي اوكف بوجه الدنيا لاجلكم

رفعت راسي لكيت بيلسان شايله اخوهه و عينهه مليانه دموع و برق و يامان بصفهه يباوعون بس ما مفتهمين شي اشرتلهم بيدي على حضني

مُهره:-تعالوا يا روح امكم تعالو

بس كلت هيج ذبو روحهم بحضني سسيف حاضنهم و انه حاضنتهم ضلينه هواي على هل وضع اباوع بوجوهم

-يارب لا تخليني اقصر بترباتهم يارب لا تكسرني بواحد منهم

برق حجت بصوتهه الطفولي

:-ماما الصوت يأذني
رفعت راسي مستغربه كتلهه

:-يا صوت

:-ما يروح ما يروح بأذني ضل اسد اذني و هو ما يروح
سحبتهه عليه و بعدت اخوانهه مني اباوع عليهه بلهفه

:-يا روح مهره انتِ يا صوت روح امج

:-من جنه نلعب و بابا طلع منه دم الصوت الصار ما ييعوفني براسي

سحبتهه لحضني اهدي بيهه طلعت جبتلهم عشه
لكيت اخوات ايوب بالمطبخ اخذت بلم و رحت اصب للجهال وحده منهن كالت

:-رجلهه ما صارله يومين مدفون و تاكل

جريت نفس بقوه ما اريد اسوي شي اندم عليه ايوب دوم يكلي اتجاهليهن و اليوم هم اتجاهلهن وجعني گلبي من سمعت اخته الثانيه كالت

:-مثل امهه بس تخلص الاربعين تشمر جهالها و تزوج مشهودتلهن

كملت بالكوه احس ايدي كامت ترجف بلعت ريكي بنفاذ صبر وصلت لباب المطبخ وكفتني حجايه زهره من كالت

:-رجلهه مكتول و هي مكضيه الليل كله بره مدري شعدهه

درت وجهي روحي محروكه و الدمعه متحجره بعيني احسهه تيزاب مو دمعه باوعتلهن يا حجايه احجيهه و تحرك كلبهن مثل ما حركن كلبي

:-بعده ترابه اخضر لاحكات على المشاكل

اكتفيت بهل حجايه و عفتهن يدردمن فتت للغرفه امسح بدموعي و ترجع تنزل ادير بوجهي من جهالي ما اريد يشوفوني ابجي

عشيتهم كوه اكلو و رجعت المواعين غسلتهن ماكو احد بالمطبخ و رجعت للغرفه ثاني يوم نفس الشي امي اجت

عيوني صايره جمر كل ما المح واحد من اطفالي يزيد بجيي لحد ما شفت سيف واكف يم باب الشارع لابس

اسود ولاف شماغ على راسه و شايل دولكة مي وجهه تعبان تخبلت اباوعله و اصرخ يحس روحه مسؤول من

بعد ابوه يركض بين خواته و بليل ما ينام اذا ما يشوفهن نامن...

برق:-احجي و احس روحي راحت و انيي اتذكر ابويه احس بعدني متعلكه بذاك المكان لكيت روحي ارجف و

ابجي و اني يجي ببالي صوت الطلق تعذرت من ملاذ و سديت التلفون روحي رايحه اريد انسه كل ما احس هيج

اروح اطلع صور ابويه و اصمم رغم ما اذكر شي منه غير التحجي امي بس هواي احس روحي متعلقه بيه و

لاكدرت اتخطى ذيج الحادثه ابد صعب فقدان الاب صععب

من هنا تبدأ حياة الجحيم
...............................
مـــلاذ

-رفعت راسي من المخده للكيت روحي ابجي على برق امسح بدموعي و اني اتخيل شلون تحملو كل الصار شكد

جنت حابه ابوها الله يرحمه ما حجت شي بي مو زين بس من الله دائما الزين ما يضل هواي ياخذه الموت نوب

كمت اتذكر ابويه و ابجي بزياده سحبت ايدي من صعب اريد اكوم احس اختنكت ويه ما سحبته فز مرعوب و عيونه حمر بلكوه فاتحهم

:-شكوو شكوو شبيج

:-اسم الله اسمم الله شجاك نام

رجع يفرك بعيونه عدل كعدته و رفع راسه يباوعلي الضوه خفيف ما مبين شي رفع تلفونه من جوه المخده شغل فلاش و خلاه بوجهي حجه مستغرب

:-شبيج!
:-ما بيه شي

درت وجهي اريد ارجع اتمدد حسيت ايده على جتفي فزيت و انداريت عليه مرعوبه تذكرت من باسني

:-هاااا شترريد

عاگد حاجبه مستغرب كام شغل الضوه باوع بالساعه و كعد مقابيلي لزم جف ايدي بقى يباوع بوجهي شويه و

اني ابعد عيني عنه جسمي كام يرجف امسح بدمعتي و اتذكر ابويه و اتخيل ابو برق و ابجي امسح بدمعتي بطرف التشييرت مالتي

بقى مدنك شويه بدون ما يحجي شي رجع باوعلي و سحب ايدي الثانيه

الصــعب:-منو وياج انه!

هزيت راسي بمعنى لا و ادير بعيوني منه شكله هسه على شنو ابجي رجع سحب ايدي الثانيه و خلاهن بين اديه

كاعد كدامي ثاني رجله و طاببك الثانيه و عيونه بعدهن حمر ما صار هواي من نام

:-شهاب ضوجج اخلي يروح منا

:-لا لاا معليه

:-زين اني مضوجج بشي بدون ما ادري
:-لا

:-جا شبيج خاف على ااضافرج

:-لا اريد انام

:-كومي نصلي مأذن

هزيت راسي بمعنى اي كام و اخذت شالي رحت وراه وكف يتوضى و مخلي جاكيت على اجتافه روحي راحت

من البرد اريده بس يكمل خشمي احسه صار طماطيه كمل و وكف على صفحه رحت توضيت كوه مسيطره على

رجفتي هم بارده و هم بااجيه رفعت راسي اعدل حجابي حسيته واكف ورايه اول ما درت وجهي خله

الجاكيت على متوني ابتسمت اله و عدلت الحجاب فتنه جوه كال

:-عادي اصلي يمج بالغرفه!

هزيت راسي بمعنى اي و هو فات للاستقبال جاب النه مصلايات و مشيت وراه للغرفه فرشهن مالته كدامي

شويه و اني وراه صلينه كملت و بقيت اباوع بالفراغ لان هو بعده يصلي كمل باوعلي و ابتسم

الصعب:- تقبل الله

:-منا و منكم

:-ها بعدج ضايجه
:-لا

لف المصلايه مالته و اني هم لفيتهه

اخذهن مني و طلع بقيتت كاعده بمكاني ما ادري شريد احس روحي رايحه و بديت انعس رجع فات للغرفه كعد مقابيلي

:-يله احجي ليش تبجين

:-ماكو شي تذكرت ابويه

:-الله يرحمه ما يستاهل بجي

رفعت عيني خازرته و هو و لا مهتم

:-شوووف بس تحجي على ابويه اعلكك والله

:-شلون هو انت غير فصمه

:-اكل لشهاب يساعدني

:-توالموا توم و جيري

:-معليك

محجه شي بقى بس يباوعلي و اني من التوتر اباوع بكل ارجاء الغرفه اله صعب جر حسره و كال

:-ضجتي لان بستج

فتحت عيني مصدومه ما اريد اشوف وجه ادير بوجهي ساعه ادنك العب بأصابيع اديه صارن حمر شكد ما عصرتهن بيدي

:-ما ادري شلون بستج والله طلعت من البيت كله اريد بس تروح الخنكه مني ما اريد اسويلج شي انت ما راضيه عنه

رفعت راسي عود اريد اكله انسى و اغلس على السالفه كتله

:-لا شنو ما راضيه

رفع راسه و ضحك

:-شوف انت بس شوف هي مو هيج وحدهه طلعت ردت اكول شي ثاني

:-اممم شردتي تكولين

:-باوع بس ردت اكلك انسى ما صار شي

:-ما ضايجه هسه

:-لا انسى بس بعد لا تعيدهه احسن النه ما ضل شي و اروح اعتبرني صديقه و راحت

سحب اديه الي عاصرتهن ايد بأيد جان راكي نفسه على ايده كعد عدل و لزمهن بثنين اديه يفرق بين اصابيعي بدون ما يحجي شي رفعهن لوجهه و باسهن

:-اموت روحي و لا اأذيج التردينه يصير الج بس لا تضوجين

:-ما ضايجه

سحبت اييدي متوتره و هو كام شال غطاي من الكاع و مخدتي خلاهن على الجربايه كال

:-يله نامي

هزيت راسي بمعنى اي و هو على وكفته شابك اديه لصدره نزعت حجابي و رحت يم الجربايه صار مقابيلي

ملاذ:-ليش ما تنام

:-طالع عندي شغل

:-شوكت تجي

:-تكعدين من نومتج انه جاي بس مو شهاب يكعدج ب 8 ترديني جاي

:-بيش ساعه

:-تكعدين و تلكيني هنا

:-و اذا كعدت من وقت و ما لكيتك

:- ما تكعدين اذا شهاب ما لح هسه اطلع اوصي

:-نروح اليوم موو

:-وين

:-طبيب مو كتلي حجزت

هز راسه و ابتسم

:-اي تذكرت نروح بس اجي يله نامي

:-تصبح على خير

:-هههه قصدج صباح الخير

-ضحكت و هو باقي بمكانه

:-يله روح اريد انام

:-نامي معليج بيه

:-ماا احس اتوترر

تقدم عليه ضل واكف كدامي شويه رفعت راسي اباوعله متوتره بلعت ريكي كتله

:-شكوو

ابتسم و حضني باس راسي و ابتعد شبك اديه لصدره و كال

:-هيج اعتبري شكر يله تضهرين على خير لان اكيد تكعدين الضهر

:-هههه غير من وراك ما نايمه

:-بنتت الحلو اخرتينيي يله رايح اني

دار وجهه و اني بعدني اباوع اله وصل للبباب كتله

:-دير بالك على روحك من ذول اليهددون

باوعلي خله اصابعه يم عيونه وكال

:-بعيوني وصيتج

رجعت لفراشي اول ما خليت راسي نمت لان تعبانه و نعسانه من صدك حسيت على شي بوجهي رفعت ايدي

احك خشمي رجع نفس الشي و اني تنحست درت وجهي صار على ركبتي نفس الشي سحبت الغطه و غطيت

وجهي بي انسحب الغطه هنا فزيت لان تخيلته الجني ماكو واحد هلكد يلزك غير الجني شفت صعب كدامي

بلكوه فاتحه عيني و شعري كفشه احس النعسه بعدهه بعيني

:-باووع انت صعب لو الجني مالته

:-بكيفج

:-لا صعب لان الجني يتغير صوته ليش كعدتني اننعس
ضحك و كعد على الجربايه جان كاعد بالكاع و رافع نفسه عليه

:-شكدد تنامين انت يله كومي نتغده علمود نروح

:-ليش هسه بيش ساعه

:- ب 2 ادري شادتلج محرك مالت نوم شو كومي

:-انعس والله

:-كوومي منتضرج ما ماكل

-شلت الغطه مني كتله

:-لعد شهاب وين

:-طالع من الصبح لليل يله يجي

كمت كدامه و هو فات لغرفته جاي اغسل على المغسله الشمس طالعه و الجو بارد يخبل طلع صعب بيده ملابس

من باوعتله ابتسم و فات للحمام بقيت كاعده بره شابكه اديه ادفي بنفسي منتضرته ييطلع طول بالحمام صحت عليه

:-يلهه شنو هاي مو سبحه

:-ليش انت منتضرتني

:-ايي

:-هسه اطلع فوتي جوه بارده عليج لا تتمرضين

:-ما انت مو تطلع بالملابس الداخليه جا ما تتمرض

:-هااا

:-انجب

:-غلطتتي ملااذ

:-لاا

:-انه الج من اطلع

-سمعت الحجي هيج طفرت للغرفه سديت الباب طلعت ملابس و وكفت بباب غرفتي اريده يطلع شفته فات جوه ينشف بشعره لمحني كال

:-ليش غلطتي

يحجي و ييتقدم يمي

:-ما غلطت

:-غلطتي

:-لا انت صاير ما تسسمع

:-سمعتج كلتي حيوان

:-لا كلت انجب

باوعلي رافع حاجبه و مبتسم خليت ايدي على حلكي لازم اجفصهه قرب يمي و لزم خشمي يشوطني من يسوي هاي الحركه

:-اطيح حضج اذا غلطتي

:-عوفننيي انت هم تغلط

:-شكايل

:-كتلي اطيح حضج

:-خوش هاي مو غلطه

سحب روحي منه احسه ملص خشمي على يوم يكلي تفضلي يخلي خشمي بيدي

:-انت شبييك خشمي جاي يكبر من وراك

:-شعليه اني خشمج جبير لا تذبينهه براسي

:-احلى من وجهك الخايس

دار عليه فاك عينيه على وسعهه
رجعت ليورا اريد اسد باب الغرفه لزم الباب و اجه بأتجاهي و اني ارجع اريد بس احاجي

:-شوفف بس خل افهمك هي مو هيج بسس اصبرر باووع بس وخر خليني احجي

-وكعن الملابس من ايدي و هو و لاجنه يريد يلزمني وصل يمي و لزم اذني لواهه خلاني اشيط و ارفع برجلي علمود ما يسحبني لفوك

:-منو خايس

:-اننيي اننيي

:-اششش اششش ما تغلطين على روحج

:-شهااب

:-يله شهاب مسموحلج

:-عوف اذني

عافهه و طلع مدري شبي يضوج من واحد يغلط عليه عكس شهاب يرد عليه الغلطه بعشره طلعت سبحت و

رجعت للغرفه شويه و صاح علييه اتغده طلعت لكيته كاعد بالمطبخ يكلب بتلفونه و كدامه اكل كعدت يمه تغدينه و ثنينه ساكتين رفعت راسي كتله

:-شوكت نروح

:-هسه كملي اكل ب 3 و نص نروح

كملت و شلت المواعين

:-اني اعزلهن بس سوي جاي راسي يوجعني

:-روح للاستقبال اني اكمل

ما حجه شي اجه يمي اخذ المواعين و كعد يعزل بيهن و اني خليت الجاي على الطباخ ابد ما رفع عينه و باوع لللطباخ

:-اكلك اذا انت اكلك كله جاهز و ما تباوع للنار ليش تشتري طباخ

:-علمود شهاب دوم يمي

:-شهاب يعرف يطبخ

:-كلشي يعرف ام بيت معدله

:-اكلك

:-همم

:-انت شلون عرفت بيك رهاب

باوعلي متوتر مجرد اذكر يمه كلمة نار احسه يتوتر بقى يمسح بوجهه كال

:-من اني صغير اي نار اشوفهه ما اتحمل عرفت عندي شي راجعت هواي لحد ما عرفوا رهاب

كمل و طلع بسرعه فات لغرفته صبيت جاي و وديته اله اخذه بدون ما يحجي و لا يرفع عيونه بعيوني يعدل

بقميصه سد الباب وراه و اني فتت ابدل و اغلط عليه شكو ما يرد عليه اني اعلمه بس يصير زين

طلعت انتضرته بالاستقبال شويه و طلع بيده سويج السياره كال

:-جيبي الكتاب وياج اليوم نقره بره

:-شنو راح نتأخر

:-اي بليل نرجع

اخذت الكتاب و كمت وراه صعدنه بالسياره شغلهه ساكت باوعتله شفته لابس الكلاده مالت اهله هواي شغلات

صعب من يختنك يسويهه اذا مو الجكاره يلزمهه بدون ما يورثهه ف ييللبس كلادة اهله و اذا بالبيت يفوت

للغرفه الجوه وصلنه احسه متوتر فتت وياه كاعدين بلانتضار شويه و صاحوا اسمه هو و السكرتيره ببقوا

يحجون ما اسمعهم يمكن تعرفه لان كضوهه ضحك و اني بس اباوع ببعيوني من راد يفوت جوه خفت

:-اكلك خل افوت وياك

:-ما يصير

:-جا شلون

:- ما اتأخر بأول مراجعه رفع راسه باوع للبنيه و هي تباوع النه كالهه

:-عينج عليهه

ابتسمت اله و اشرت على عيونهه رجعت كعدت بمكاني و هو فات قبل لا يفوت دار وجهه باوعلي و ابتسم ضليت

هواي منتضره و هاي البنيه غثه ما اتحمل هيج اني كالت

:-شتعودين اله

:-ها

:-مرته!

حركت راسي متوتره بمعنى اي كالت

:-بيهه الخير

درت وجهي بدون ما احجي رجعت كالت

:-شلونه وياج

ضليت اطكطك بأصابعي متوتره شعليهه هي شهل اسأله رجعت كررت السؤال من شافتني ساكته كتلهه

:-عفواا شي يخصنه

احسهه مثل النضربت على عينهه سكتت و بقت ما تحجي وياي تأخر صعب يله طلع هو ما تأخر بس اني ما تحملت

البنيه سلم عليه و مد الي ايده يكومني عفته و كمت بدون ما احجي هسه شبيه اني ليش الددمعه بعيني

امشي بسرعه اريد اطلع حسيته سحب ايدي و اني ما اندل اطلع غلست اريده يوصلنه للسياره بقى ساكت لمن

وصلنه السياره صعدنا ثنينه ما حجيت حرف باوعلي كال

:-شبيج منو وياج

:-ممحد معلييك

:-شبيج احد ضوجج سمعتي حجايه جوه واحد سمعج شي يضوج

خزرته و حجيت متوتره احس هاي البنيه موغفه على گلبي حجيت بصياح

:-اايي ايي حبيبة روحك
عگد حاجبه مستغرب

:-منوو!!!

:-منو ام علج اليطك امداهه لعبت روحي من العلج عود عبالك حلوه حمرتهه تلعب ستين نفس توقعتهه شاربه مرك بالكاسه و ناسيه تغسل وجهه ام راس الخايسه وجه الجوب ام خشم حتى شهاب احلى منهه

:-شبيج منو

حجه هيج و صوته بي ضحك باوعتله رافعه حاجبي الي اسساسا ما ينرفع كتله

:-ضحكت عليه!!

:-لاااا

رفع اديه مستسلم

:-لا ضضحككتت صوتك يضحكك

:-وين اكو صوت يضحك

:-انني سسمعتكك ثنينكم روسكم مصفحه والله اذا تحجي طلقه براسك و اخلص منك

:-هيي منوو

:-هاي الحماره من تف عليهه

:-لا حول الله منو خل نرجع نشوفها

:-افكس عيونك يرجع يشوفهه هوو

بقى ساكت تنرفزت و هو حرك السياره

:-اووككف انت ماخذني على كدد عقلي ليش ما ترد عليهه هااا تخاف على مشاعر ام حلك الخايس

طفه السياره باوعلي بنفاذ صبر جر نفس و زفره كال

:-منوووو

:-تصييح عليه

:-لا عليه بسس هي منو

:-نزلني هناا

من كلت هيج رأسا قفل السياره و مشه بدون ما يحجي و اني اصيح عليه تعبت و سكتت شويه و كال

:-منو ضوجج احد سمعج حجايه هناك

:-معليك شكالك الدكتور

:-احجي و احجيلج

:-ايي احد ضوجني ذيج الهايشه تكلي شيعودلج

:-شكتيلها

:-كتلهه مرته و گلبهه احترك حل وياهه بس ولو انت عوزك بس تفتحلها اديك و تحضنهه

:-انجبي

:-و فوكاهه ما ترضه عليههه الهايشه الخايسه ديلا

:-تغارين!!

:-عليمن اغاار

:-منهه

:-ليش يابه اغار من الهويشه هي احترك كلبهه مني

:-جا ليش تغلطين عليهه

:-من اني كاعده لو كاعد رئيس الوزراء تعوفه و تحجي وياي خوش

:-بنص عيني

:-يله خل تولي الجلبه الخايسه نرفزتني ما اريد اتجاوز عليهه شكالك الدكتور

:-من باجر نبدي بالاسبوع ثلث مراجعات

:-و شنو

:-ان شاء الله خير

:-صدك

:-اممم نحاول

:-يعني شنوو

:-اكلج وين نروح!

:-دا اسألكك

:-انه هم جاي اسألج

:-دجاوب

:-شنو

:-صععب لا تستفزني تتشافه موو

:-اي بس يحتاج وكت و راحة بال و هواي سوالف

:-اي لعد شعندك دام اني وياك راح اسويلك واهس

:-ترحين!

:-لبين ما اروح تتعالج و ابقى اتواصل وياك من اروح

حرك راسه بمعنى اي و رجع يباوع للطريق شغل اغنية في وحدتي سحبت تلفونه و غيرتهه على الدنيا حلوه بقى ساكت ما حجه شي

:-ناخذ اكل وراهه نشوف مكان نروحله؟

:-بكيفك

:-تمام جا نروح نطلب اكل

اخذنه لمطعم طلب اكل و رجع للسياره

:-خلي ننزل

:-لا

:-ليش

:-هوسه جوه بالسياره احسن

:-حبااب

:-لا ملاذ

ردت احجي و اتصل تلفونه

:-الو...ها اشهب...لكيتهم همه نفسهم اهل الولد...لا التصوير ما واضح بالكامرات سياره و بسرعه شخطت حتى رقم ما مبين....اني اعرف اتصرف ..الله وياك

:-شبي شهاب

::-هيج ماكو شي

:-يا ولد

:-اهوو نجبي لا تلحين

-درت وجهي ضايجه منه اي شي سألته و ما يجاوب نزل يجيب الاكل تأخر شويه اتصلت عليه ما رد رفضه و رجع خابرني

:-ها شبيج

:-ليش تأخرت

:-هذا الاكل راح يكمل و اجيبه بيج شي

:-لا بس تعال ضجت

:-جاي بس لا تكولين ابو الهيل

:-اسولفلك نكته

:-من اجي

:-لاا مااا هسه

:-هاي جبت الاكل و سولفي

:-والله اذا صعدت السياره و اني ما مسولفه النكته بعد فلا احجيهه

:-يله ضميهه لايام العوز لا تسولفينهه

:-والله اله اسولفهه شنو بكيفك

:-يله سولفيهه

:-ولا اسولفهه شنو هي بكيفك

:-حيرتيني

باوعت شفته اجه يمشي و شايل الاكل بيد و يخابر بيه وصل يم باب السياره كتله

:-اذا تصعد ازعل

:-جا شسوي هسه اكلج سولفي ما تسولفين اكلج لا تسولفين تكليلي اسولف اباوعله واكف كدامي و يباوعلي و يحي بس الجام مالت السياره مسددود اسمعه بس بالتلفون

:-اني مو اكلك راح اسولف شي كلي بكيفج

:-خوش يله عيدي

:-اسولفلك نكته

:-بكيفج

:-اي طبعا ببكيفي ف ما اسولف يله اصعد
باوعلي خازرني كال

:-سدي الخط

:-ماا

:-رصيددي ولج جايبه بفلووس

:-انت سده من يمك

فتح باب السياره خله الاكل وره و رجع صعد كدام سحب تلفوني من ايدي و سد الاتصال
حرك السياره بدون ما يحجي

:-عود ليش ما تسد الاتصال

:-بكيفي

:-وين رايحين

:-حديقه عامه

:-ما جوعانه بعدني

:- و لا اني

نفتر شويه بالسياره لحد ما يصير الغروب نروح حديقه
:-اي

ضل يمشي و يشوفني اماكن وصلنه لمنطقه احس اول مره اشوفهه بيوتهه عاديه تشبه المنطقه العايش بيهه

ضل يمشي هادء و عيونه على الطريق وصل كدام بيت وكف السياره و بقى يباوعله بدون ما يحجي كتله

:-احنه وين!

جر نفس قوي و زفره
الصعــب:-تعرفين هذا المكان!

:-لا اول مره اجي هنا

ابتسم و رجع يباوع على الجامه من جهته
كال
:-هنا جان بيتنه بس نبنه غيرهه رجع باوع على البيت الي بصفه كال

:-هذا تعرفين المنو

:-لمنو!

:-انتم جنتو عايشين هنا بس البناء تغير صار هواي من هذا البيت طلعت اركض ادور على بيت القابله علمود انت تجين للدنيا

ابتسمت و باوعتله يحجي بس مقهور عيونه صارن حمر دنك راسه يتنفس بسرعه

ملاذ:-تحب هل مكان!

رفع راسه سانده على الكشن ابتسم و حجه هو مغمض

:-هنا نولدت هنا تدللت هنا شفت ابوي هنا لعبت ويه امي هنا انضلمت و انكسرت خسرت و تبهذلت هنا ربيت روحي هنا شفت اطفال يلعبون طوبه و بنات تلعب بيت بيوت و انه اباوع متحسر هنا كلشي شفت هنا تمرضت
بلع ريكه رفع اديه مسح وجهه و كــال

الصعـب:-و هنا كعدت ساعات بالبرد بس كون المح ملاذ و احجيلهه يومي

:-بس ما اذكر

:-كل عمرج جان اقل السنه شتذكرين

:-شصار هنا بعد!

حرك السياره بدون ما يحجي تقدم ما مشه هوايه و وكف كال

:-تعرفين هنا منو!

:-منو

:-بيت القابله الي نولدتي على ايدهه

ابتسمت و اني اشوف المنطقه النولدت بيهه كل شبر للصعب ذكرى هنا و يشوفني خطوات حياتي شعور حلو تشوف اماكن انت جنت ساكنهه و جبرتك ضروفك تعوفهه رجع مشه هوايي كتله

:-وين رايحين

:-بنفسج مكان نروحله لو نروح ناكل

:-لا نروح ناكل

:-تمام

وصلنه كدام حديقه عامه بيهه ناس قليل و الشجر داير مدايرهه نزل ردت انزل كال

:-جيبي الكتاب

:-اي

اخذته و نزلت و هو شال الاكل الوقت هستوه صار غروب
امشي كدامه التفتت اباوعله كبل نزل التلفون كتله

:-تصورني!

:-لا يابه

:-خوش ديلا امشي وين نكعد

باوع على مكان صاير جوه الشجره مصطبات كال

:-هنا حلو المكان

:-اي

كعدنا و هو فتح الاكل اني كاعده مقابيله رجع فتح الببسي و خله قصبه انطانياه كعدنه ناكل ساكتين كملت اديه تلوصن كتله

:-وين اغسل

:-ما ادري اني هم اريد اغسل بس يمكن ماكو مغاسل هنا
شال بطل مي كال

:-اصبلج غسلي وراهه صبيلي

:-خوش يله

مديت ايدي كدام اغسل و راهه هو غسل شال العلاليك ذبهم بالزباله و اجه كعد بصفي

:-نقره بالكتاب!

:-جا و شهاب

:-خل يولي هو بده من النص ما يفتهم شي خل نقره

:-تمام انت اقره

:-لا انت

سحبت الكتاب و فتحته على الصفحه
.......
الصفحه(الثانيه عشر)
عوده الى الماضي
رُفيده

صحت على روح من الحايط بقينه نسولف كتلهه
:-شبقى لعابس و يكمل

:-ما بقى شي جاي يتعب لان وحده

:-كله من وره اهله تف عليهم

:-يله يمعوده شنسويلهم اني هم ما اريد اروح لغير محافظه بعيد عنكم و اعيش ويه ناس ما طايقيني
:-اي والله اني ما اتحمل بدونج اكتل روحي غير انت روحيي

:-هههه عابس ما يرضه لا تتغزلين

:-هي بكيفه غير صاحبتي والله اكتله و ابوكج منه

:-هههه اسم الله عليه غير اكتل روحي وراه

:-انجبي شو اني احمد اذا كتلتي عادي عندي ما اهتم
عندي فكره انت كتلي احمد و انه اكتل عابس و نرجع نعيش سوه

:-لا عيني ما ارضه على عابس

:-طاحضج خنتي الصداقه بسرعه المهم امي شلونهه صار ساعتين ما شايفتهه

:-كل ساعه تسأليني شنو اني مقصره منهه قابل زينه نامت

:-اكلج من باجر مو يجون اخواني عشتو انتبهيلي لتصرفات مرة ابوي و جهالها خاف يضوجون امي علمود من تزوجين اعرف شلون اتصرف

:-خوش

:-عابس شوكت يجي

:-هسه يشتغل بالبيت يكول اريد نخلص بسرعه بليل يجي

:-خوش اجي عليكم

:-منريدج

:-ياا مو هي بكيفهه وعلي اجي
سمعت صوت امي تصيح على روح كالتلي

:-يله عيني اروح انني تعاي مو ما تجين

:-اي اجي

عفتهه و رجعت للبيت كملت شغلي كله و رحت لاحمد بالغرفه كتله

:-اكلك

:-ها

:-لشوي راح اروح لامي

:-حبيبتي انت كل ثانيتين يمهم عليمن تترخصين

:-شوكت رايحه

:-لا ما رايحه ابد

سكتت منه خاف اطوخ بالكلام و ما يخليني اروح لليل رحت يم روح بقينه نحضر بالعشه لان عابس عشاه يمنه و امي كاعده بالصاله احسهه ارتاحت من امنت علينه اني و روح كملنه العشه و باب الشارع ندك باوعت لروح الابتسامه شاكه حلكهه تعدل بشعرهه كالت

:-طالعه حلووه موو

:-تخبلين

راحت ركض اباوعلهه من الشباك فتحت باب الشارع و فات عابس حضنهه و هي تضحك ابتسمت على شكلهم و

رجعت اكمل البيدي احسهم مثل طيور الحب فاتو جوه يم امي سلمنه على عابس و جبنه العشه اني و روح
كعدت بصف عابس

شكله تعبان من وره الشغل بالبيت و يرجع يروح لاهله و شغلهم هو و ابويه كله رجع عليه و منا امه و ابوه ما

يحاجونه كملنه عشه و اني و روح كمنه نسوي جاي رجعنه قدمتلهم روح و كعدت بصف عابس كال

:-عمه شسوي لابوي و يرضه وياي

:-ليش لحد هسه ما حاجاك

هز راسه متأسف ودنك يشرب

:-لا تضوج الله كريم الاهل ما يزعلون من ابنهم لابد يجي يوم و يرجع يحاجيك

:-ان شاء الله

مد ايده و خلاهه وره ضهر روح هيي مستحيه من عدنه بس هو ما مهتم ضلينه نحجي و نتشاقه دك التلفون  عابس كام يرد علية

فتحه و رد جان صوتة بعيد علينة يمكن جان واحد من اخوانه ملتهين نحجي و فززنه صوت عابس من صاح

:-لاااااا

كلنه باوعناله مصدومين سحب السويج و روح كامت وراه طلع بسرعه بدون ما يحجي ويه احد ضليت اهدي بأمي و روح شويه و اجت كتلهه

:-شكو

نزلت راسهه و دمعته بعينهه كالت......يتبع

.
.
.

.
.
.
.
.
.
.
.
للحكايه بقيه

كلانا كتف للاخر♥
الوريد♪

اشتركو بقناه التلكيرام الرابط بالوصف تابعو حساب الواتباد و صوووتووووو للبارت😀واحبكم