أنتقام الصفحه 27 (ترميم) الفصل الثاني وخمسون 52 - بقلم خلود ال محسن

انستا للتواصل lorai_alrwi
⛔بارت اخير وبقى جزء فتافعلوو خووش🙂
……………………

تابعوا حسابي بالواتباد

درت وجهي على امي اريدهه تجي تفتحه حسيت احد فتحة من الداخل درت وجهي خايفة شلون نفتح
صارت رتيل بوجهي تباوعلي وتضحك

:-شكو؟

سحبتني من ايدي تريد تفوتني للاستقبال تضحك بدون متحجي درت وجهي اباوع ورايه امي واكفة ومبتسمة
سحبت ايدي منهه اريد افهم شصاير

:-شكوو شبيج؟

:-بسس تعاليي فوتي شبيج

:-اريد اروح لغرفتي اريد انام وخري

:-هسة شويه وروحي بس تعالي اشوفج شي

لزمت جف ايدي وفاتت للاستقبال فتت وراهه لكيت عمو هادي وشهاب وصعب كاعدين باوعت على الميز عليهه بوكية ورد وسلة جكليت بقيت صافنه عليهم كاموا مبتسمين والفرحة بوجوهم

كال عمو بضحك:-وعليكم السلام يابة

دنكت راسي خجلانه منه امي كالت
:-اعذهه ماتدري تفضلوا

هادي:-لا هاي بنيتي براحتهه وشغلة ثانية اني اكلكم تفضلوا لان اني ابو ملاذ انت من طرف العريس

فاتت امي من يمي وكفت يم صعب
:-اي يابة جايين نخطب لوليدي

شهاب:-واني من ياطرف شني تاهت

هادي:-انت اصلا زايد جبناك تفضلو بوية تفضلو

عافتني رتيل وراحت كعدت بجهه صعب وامي

وعمو هادي لزم ايدي كعد مقابيلهم
:-بوية رتيل جيبي الضايفة لخطارنه

كعدت بس صافنه احسهم يحجون الغاز ما مفتهمه شي باوعت لعمو

:-شصاير؟

رُفيدة:-خاله ابني شافج ومعجب بيج جاي يخطبج

:-منو ابنج انت امي وينه اخوية

باوعت لصعب يضحك ومدنك راسه ماخذ دور الهادئ كاشخ وعطرة تارس البيت

رُفيدة:-يمة هذا وليدي شافج وشاف هدوئج كال لو هاي لو ما اتزوج وابني كبر واريد افرح بي

تحجي هيج وتأشر على صعب الي عيونه عليه بلعت ريكي باوعت لعمو هادي

:-شبيكم؟احد يفهمني

:-بابا الناس جايين خطابة وانة اعرفه خوش ولد

فاتت رتيل بيدهه صينية العصير عمو باوعلهم
:-تفضلوا وان شاء الله خير ما نكدر ننطي بتنه بدون ما نسألها ونسأل على الولد

الصعب:-شكد تحتاج تفكر تكدر بهل لحضة تاخذ قرار لان احنه مستعجلين

كال هيج وشهاب طكهه بضحك
:-لا محد مستعجل بس العريس احنه ماعدنا شي

ملاذ:-اي ما موافقة اني

محد اهتم لكلامي وكملوا اكل اباوعلهم يضحكون ويسولفون طبيعي عبالك خطبة حقيقية

شوية وصعب كال
:-عمي اذا ما تصير بيها زحمة عادي احجي وية البنيه على انفراد نتعرف وهيج علمود تاخذ قرارها بكل اريحيه

:-بكيفهه

باوعلي وكال
:-ها بوية تحجون وحدكم

:-لا ماريد

كام صعب من مكانه عدل قميصه وسترته باوع لرتيل
:-خوية اذا ماتصير زحمة وين نحجي انة واختج

:-تعالوا وياية

راح صعب واني صافنة شجاي يسون
:-شبيكم شجاي يصيرر معقولة اني بيه شي لو انتم

محد رد عليه ولا يباوعولي حسيت روحي شي مخفي
:-شنو محد يسمعني هاي اني هنا شهااب تشوفني

:-ها

:-شبيكم شجاي يصير

:-شنو خوية اهل الصعب جايين خطابه عليج

:-ترة احنه متزوجين و تطلكنه وهاي هية انتهى كلشي بيناتنه

لزم ايدي عمو هادي وكف واشرلي اكوم وياه طلع واني وراه بدون ما يحجي شي وصلنه للممر رتيل وصعب واكفين بباب الغرفة

:-عمو لخاطري كلشي صار سمعت بي وصعب حجالي كلشي ولان يدري بيج تعزيني جابني وجاي يصلح كلشي

:-شتريد اسوي

:-روحي احجي وياه تفاهموا خلي يحجيلج كلشي وانت احجيلة انة مربي الصعب على ايدي اعرفة من يقرر قرار يصير كدة لذلك اجيت اليوم وانه متمني ترجعين وياه

حركتله راسي بمعنى اي ابتسم وباس راسي
:-يلة روحي يمة صلحوا اغلاط الماضي قبل لاتطلعون

فتت من يمة امشي ومنزلة راسي مادري شبيه ارجف فاتت من يمي رتيل عصرت خدي باصابعهه وراحت وكفت كدام صعب منزلة راسي

:-نفوت للغرفة

درت وجهي عمو هادي بعدة واكف فتت للغرفة وصعب فات وراية بقيت واكفة بنصهه سد الباب ودار وجهه عليه مرتكي على الباب وادية وره ضهره

:-جمارة

:-ملاذ أسمي

:-اكعدي اريد احجي

:-شصار ع القضية؟

:-مو هذا موضوعنه اكعدي هسه احجيلج كلشي

:-ماريد

:-شبيج؟

:-شبية! أسال روحك كم مرة بمرة اخابرك وتعوفني كم مرة بمرة اهتميت بيك وهملتني وكم مرة بمرة اتمرض عليك وانت ما يهمك

:-جاي اصلح كلشي حليت كل شي ابتعدت علمود ما أذيج وارجعلج فارغ بس الج وجاي اليوم اخطبج حالج حال البنات راح اعوضج وعد

:-ماريد شي تعبت اريد ارتاح

:-وهيج مرتاحة

:-اي مرتاحة وهواي

:-شايفة شصاير بيج؟شكلج وضعفج يثبت انت شكد جاي تتاذين اني وانتِ نكمل بعض ليش تسوين هيج

:-اني كملت روحي بروحي ما احتاجك ماريد ارجع اتعلق من جديد وارجع انكسر

وخر من الباب واجة كدامي رفعت راسي اباوعلة
الصعــب:جمارتي كلشي جنت اخططله من صغري هدمته علمودج و انسحبت تستاهلين اهدم كلشي لاجل عينج بعد هذا كلة عبالج اكسرج من جديد

:-ماريدك ماحبك صعب

احتضن وجهي بين ادية
:-شبيج ملاذ

نزلت دموعي ردت ابتعد عنه دفعني ليورة صرت بينه وبين الحايط درت وجهي منه

:-ماحبك وخر أذيتتني صعب وخرر

خلة وجهي بوجهي يتنفس بيه ويحجي بصوت ناصي
:-اشش اشش تحبيني ملاذ

بلعت ريكي ابعد وجهي منه لازمه بين ادية ما يخليني ابتعد

:-مااحببك وخرر

:-باوعي بعيني واحجيهه كولي ماحبك بعد

:-مااحبكك وخرر

:-تحبينيي ملاذ تحبييني

:-ووخررر داكلككك مااحبكك

:-صصصووتججج

دفعته من اجتافه اصواتنه علت وهو اعصابه طكت
:-لاا تتصيح بيه ددير بالك تتصييح ددديرر باللكل

ادفع بي واحجي ببجي:-اااننيي مو جاهل تصييح بيهه فااهم لو لاااا هااي بدااايتها تريد تغير رروحك جااي تتصيح علييه خسسرتت طفللي وخسرتك طلكتني واني اترجااكك تبقى ماريد هذا كله ينعاد مر وكوة جرعته مارريدد اعيددة

لزم جفوف اديه سحبني عليه يهديني
:-ما اصيح اشش شبيج لاترجفين ما ااصيح كلشي راح ينحل

ندك الباب واجة صوت امي جاوب بدون ما يفتحة
:-ملااذ شكو

الصعب:-ماكو شي هيج نتفاهم شوية ونطلع

راحت بدون ما تجاوب باوعلي ساكت
:-شتردين

:-اريد اطلع

:-واني؟

:-شبيك انت عايش حياتك ومرتاح شتريد بعد

:-ما مرتاح وعيونج ملاذ ميت بدونج انة حابج بكل خلكي تعبان بلياج اوكفي وياي مو ضدي

:-وهم تعوفني همم تعووفني صصعب

:-ماعوفج وعيونج ماعوفج حليت كلشي ورجعتلج كل ماضي صعب راح اريد اعيش من جديد جنت ضايع ولكيتج انتِ دربي

:-واذا عفتني بعد ما اكدر صعب والله ااموت تعبت

سحبني لحضنه بقى حاضني هوايه بدون ما يحجي
:-شنو راح تبقى هيج

سمعت صوت ضحكته ابتعدت عنه اباوعله
:-شبيك؟

:-تردين انزل اكثر؟

:-شنو

:-ههههه لا هيج عمي هسه شنو موافقه لو لا تعبت بووية ارضي بيه خل اجرب شعور العرسان

:-طلكتني انت

:-شجلبتي بالطلاك مجبور والحق مجبور امج من شافتج
هيج تاذيتي كالت طلكهه لا تتعبهه اكثر

:-بس طلكتني

:-اعتبرينه ما متزوجين ونرجع نتزوج من جديد

:-شلون اعتبر ما متزوجين واني حتى حملت

:-انسي نصلح كلشي من جديد وتحملين واصير ابو لابنه؟

:-واذا سويت اشياء انت ماتحبهه وتضوج مني وترجع تطلكني

:-كلشي بيج احبه ماعوفج

:-تبقى تعاملني مثل قبل وتهتم بيه مثل بنتك؟
... اذا ما اكدر انام تسهر وياي والصبح تروح للدوام ما نايم ومن ترجع حتى لو تعبان تكعد وياي زين تمشطلي وتكص اضافري تخليلي مكياج من اضوج وتجيبلي صبغ اضافر تقرالي قرأن علمود انام تشوف وياي افلام واني انام ومن تسألني الفلم حلو اكلك اي واني مشايفتة لو تمل مني

:-اداريج بروحي جمارة اصيرلج اب اذا احتاجيتي ابوج بيوم اصيرلج بحنية امج اذا حسيتي مشتاقتلها واصيرلج اخو اذا احتاجيتي سند

واني رجلج وصعبج بكل وكت هايم بيج تتخيلين اكسرج بيوم؟

يحجي هيج واني ابجي سحبني لحضنة
:-يعني اي ملاذ

ابتعد عنه مدنكة راسي والابتسامه شاكة حلكي
:-بكيفك

ضحك ودنك راسه يباوعلي
:-لو بكيفي ماخليج تطلعين بسلام من الغرفة

:-انجب

:-ولج

:-هاا هااا شكلنه

:-جؤؤ بابا عيب كلشي نسوي الا التجاوز

:-اي شصار ما حجيتلي

:-عليمن؟

:-القضية تأجلت صدك؟

:-ههه لا انتهى كلشي ملاذ وكل ذي حق اخذ حقة

:-يعني شنو؟

:-برأيج الي ارتكب جريمتين قتل وحاول يرتكب الثالثه وهرب اطفال وشارك بهواي جرائم خطف شنو مصيرة غير الاعدام اليوم احس روحي فعلا فارغ واريد املي روحي بيج اني ايقنت جنت على غلط من اريد اكتلهم لان راح اعيش كل عمري بتأنيب ضمير بس بعد اليوم كلشي انتهى وكلمن نال جزائة

حضنته ابجي
:-ما راح تطلع بسالفة ثانيه وتعوفني

:-ماعوفج وعد ماعوفج

ابتعد من عندي
:-هسه ترحين تنطيهم الموافقة

:-لا عيب شيكولون عليه تريد بس يخطبه

:-شني بوية غير رجلج عمي مليت اريد اتزوج اريد اشوفج لابسة بدلة حتى جبتلج امي بعد شتردين

:-هي امي مو امك

:-امنه ثنينه

:-لا امي مالتي لاتبوكهه

:-يلة بوية امج بس لا تكلبين عليه

:-خل اكلهم افكر يعني هسه يكولون فات يمهه خمس دقايق طلعت موافقة؟

:-هههه عادي تأثيري قوي اخليج توافقين بسهوله احملج بسهوله كلشي اسوي بسهولة شسوي

يحجي هيج ويغمز مبتسم
ضربته على جتفه

:-اطلع برة اطلع مو صوجكك

ضحك وسحبني وراه
:-اشاقة وياج يابة

:-شقاك ثككيل ماريد لاتشاقة

:-ميخالف ما اتشاقة بس امشي

فتنه للاستقبال كلهم رفعوا راسهم يباوعولنه فللت ايدي من صعب ورحت كعدت بصف عمو هادي وصعب كعد مقابيلنه

هادي:-ها شصار حجيتوا؟

شهاب:-اي اني اكلكم موافقه اقروا سورة الفاتحة هاي ثااني مرة اقرالكم الفاتحة وجكليته ما انطيتوني

:-لا بعدني افكر

رفع راسسه صعب فاتح عيونه مصدوم
الصعب:-لا مو فكرتي ملاذ

:-لا وين بهل سرعة افكر شسالفة

حجيتهه متشمته بية حرك راسه بمعنى اي وشبك ادية
:-براحتج جمارة

شهاب:-ملاذ وهاي السله مال جكليت عبالي توافقين ويوزعونه هسه من نروح انطيني عليج الله يضل بنفسي
ضحكت ودرت وجهي

رُفيدة:-الييوم ردولنه خبر ابني مستعجل على الزواج

ملاذ:-افكر خاله ام الصعب
حجيت مركزة على الحروف

ضحكوا على حجايتي وعمو كام
:-يلة احنه نترخص نريد جواب اليوم بوية ملاذ

وكفت وحركتله راسي بمعنى اي رتيل لبست صايتهه وطلعوا بقت هي وياي

:-ملاذ عليج الله وافقي والله صعب يحبج

:-ان شاء الله

لزمت بطنهه كبرانه شوية بستهه وهي حضنتني
:-يرووحي الله يرزقج ويعوضج يارب

:-جيبنه بنووته رتيل احب البنات

:-اليجي من الله نعم الله

رادت تمشي فات شهاب صاح
:-يلة رتيل

باوعلي كال
:-ملاذ اريد جكليت شني ما انطيتيني

:-ما انطيك لان بعدني ما موافقة

فات للاستقبال اخذ جكليت بيدة
:-هي بكيفج غير اشتروة بفلوسي نصيحة لا توافقين لان اني اشتريت الجكليت من بدايتهه ما صرف عليج مو خوش رجل

:-يلة من تخطب انت صعب يشتريلك جكليت

:-هي وينهه غير كون اكو اكلج انت لو تزوجين ابوي احسن

:-ياا انجب ولك اطلع اطللع

:-شبيج والله رتبة وشخصية وتصيرين مرة ابو لاحلى رجال بالدنيا وهو اني

:-هو هذا وجهك لو عندي للحمام ما افوت بي

صاح عمو عليهم رتيل باستني و طلعت بسرعة
شهاب:-يلة ام حاجب مسوية روحة حلوة وهي حاجبهه يكلك شارع تبليط يلة اترخص وماوصيج هالله هالله صعب يحبج مخبل هذا يموت بدونج وهو شوية حلو خطية اقبلي بي

:-خل يموت ما اقبل

:-انت تموتين وراه خوية يلة يلة هادي لا يعلكني هو منا يريد مطلعني يهودي لان فاصخ خطوبتي انوب اتأخر عليهم

طلع مستعجل طلعت وراهم اباوع من باب البيت وامي واكفة ويياهم برة صعب سلم على امي باوعلي دزلي بوسة بالهوى وطلع

رجعت امي فاتت جوة مبتسمة
:-ها ملاذ شحجيتوا

:-ماحجينه رجعيلهم خبر عود ابنهم ماعجبني

:-ليش يمة

:-مطلك ماريدة

:-يا ملاذ يمة شبيج

:-اكلج خل اشلع گلبة مثل ما شلع گلبي

:-ترة صعب محضر كلشي وحاجز قاعه لعگب باجر يكول ادري توافق وعود هل يومين يريدج تجهزين وحتى ذهب جايب ومحضر سيد يعقدلكم

:-منو كاله اقبل

:-لان تحبينه

:-منو كالكم احبة ماحبة

:-مخبلة وعلي مخبلة

فاتت كعدت بلاستقبال شالت تلفونهه
:-شتردين تسوين

:-اخابرة اكله ماتريدك

:-لا لاا اوكفي غير كالو باليل عود بليل رديلهم خبر

:-شنو الفرق بليل لو هسه انت ما موافقة

:-لا يجوز اغير رأيي بالليل

:-لا هاي هيه راح اخابر

اجيت كدامهه اخذت التلفون
:-لاا يمكن وافقت اوكفي

:-شني تضحكين علينه

:-اي غيرر افكرر

:-تعاي كعدي هنا

كعدت بصفهه لزمت جف ايدي
:-ملاذ تردينه مستعدة تعيشين وياه لو لا اني كبل كلشي اكلج صعب يحبج ومتأكدة ما راح يخذلج بس ماريد تقبللين علمودة لو علمودنة شوفي روحج راضية تعيشين وياه

:-اي اني احبة بس اني اخاف

:-من شنو اذا على اعمامه فكلشي انتهى وهمه نحكموا اعدام لان مو بس جرائم قديمة صعب هواي طلع عليهم جرائم ماتنعد ومحامي مرتضى وداهم ورة الشمس بعد منين خايفة

:-انت اكثر وحدة تدرين بيه شكد تأذيت اذا صار شي بعد ماتحمل

:-فكري براحتج

:-اني موافقة بس هو ليش نسوي خطوبة هو احنة غير متزوجين

:-يكول حالهه حال البنات اخطبهه ونتزوج من جديد وحجة لعمة كلشي صار بينكم وكاله اريدك تصير واسطة بينه وعمه ما قصر

:-اي كليلهم موافقة

سحبت التلفون مني وانيي يمهه اريد اسمع شتحجي
اتصلت على صعب بسرعة رد كبل لا تحجي كالهه
:-هاا يوم

:-نكول مبروك يمة

بس كالت هيج سمعت هلهوله شهاب ورتيل وعمو هادي يصللي على النبي وصعب يصيح الحمد لله والشكر

سدت الخط منه وباوعتلي من سمعت صوتهم بجيت
:-ليش تبجين

:-هيج

:-نكول دموع فرح

حركت راسي بمعني اي باستني وكامت سحبتني من ايدي

:-كومي غسلي وارتاحي العصر صعب يجي علينه ياخذج تشوفين فستان

:-شبسرعه شكو

:-والله هو من اجينة بالطريق كالي هو جان متأكد من المحاكمة ومحضر كلشي بدون علم احد

:-اي منو كاله مواافقة

:-ولج حيرتينني غير كلتي موافقةة

كمت من يمهه اضحك على روحي مسويه روحي ما راضية واني اريد بس يجي

غسلت وفتت للغرفة احاول انام ماكدر اغمض عيني اتدكرة وابتسم فتحت تلفوني دازلي

:-مبروك بت روحي

كتبتله
:-شأكتبلك علمني

بسرعه فتح الرساله كتب
:-كولي احبك وهاي هيه

:-شني ترا اني ماحب كله تسولف بالحب اريد مثل قبل لاتضوجني

:-شلون تردين

:-ضحكني شي اتعارك وياي اطردني من البيت

:-هههههه اول مرة تحب رجلهه يصير موزين

:-لا مو انت من تضوجني ترجع تطلعني وتشتريلي واني احب هيج

:-بعد ماكو طلعه ورة الزواج جنت اضحك عليج اريد تقبلين بيه

:-ترة هسه بكلمة انهي كلشي والله اذا تغيرت عليه افضحك

:-شلي بيهه عمي التردينه يجرالج

:-ليش خطوبتنه بعد يومين

:-ليش ترديينهه هسه حاضر اني ماعندي مشكلة

:-لا مو هيج اقصد شدعوة مستعجل وعليمن حاجز قاعه البيت بيش مقصر ويانه

:-اني عاجبني بقاعه وعاجبني هواي شغلات نسويهه

:-بكيفك

:-اخابرج؟

:-لا بعدنه ما مخطوبين ما يصير

:-ليش تشلعين بگلبي اخخ بوية شيصبرني عليج

:-يعني مليت مني

:-لا والحق لا

:-يلة روح اني عندي شغل

:-تحضري زين للعصر اني يمكم

:-اي

سديت الخط منه وكمت فتحت الكنتور اباوع بالملابس طلعت فستان وحجاب خليتهم على الجرباية طلعت مكياج بقيت انضف بالغرفة كل شوية افتح التلفون اشوف الساعه احس الوقت ما يرضة يمشي حضرت الغدة وية امي تغدينه عيونهه عليه

:-يمة انت فرحانه

:-حيل فرحانه صار اشهر ما شايفتج هيج موردة وبهذا الواهس

بست راسهه وكمت اغسل بالمواعين وهي كاعدة تباوعلي
:-اكلج يوم خلي نعيش سوة لان اني ماكدر بدونج

:-انجبي ولج لو تموتين انه على اعصاابي كاعدة بهذا البيت ولو ما صعب حلفني بروح امة ثانية ما اضل بي وهو اشترة بيت قريب منا كل ما تردين تعالي عليه

:-هاي شنو اشو انتم كلشي مسوينه وحدكم واني اخر من يعلم

:-والله يمة أسألي اله يكول عود اني وملاذ نأثثه سوة

:-والله مالت ارزلة

:-انجبي ولج رجلج احترمي

:-يمة شوفي بيش الساعه اتحضر لو بعد وكت

:-امشي تحضري

كملت المواعين بسرعه ورحت ركض للغرفة خليت ماسك لوجهي شوية وفتت للحمام خليت امي تمشطلي كملت كلشي وفتحت تلفوني ما دازلي شي كتبتله

:-انت وين

دقايق وكتب
:-راح اجي تحضري

:-اي خوش راح اكوم اتحضر

ضحكت على روحي هو ردت بس الوكت يمر علمود يجي
نص ساعه واندك الباب طلعت امي واني بقيت بالغرفة افتر جسمي كلة يرجف من الفرحة نفتح باب الغرفة امي باوعتلي مبتسمة

:-كومي منتضرج بالباب يكول مستعجل لا تتأخر

:-اي

لبست جنطتي بسرعة بست امي وطلعت كل ما اباوع اشوف عيونهه مليانه دموع شفته صاعد بالسيارة رحت من الجهه الثانية باوعتله من الجامه

:-اكلك اني بطلعت

:-شنو هي حزورة دصعدي ملاذ

:-لا مو ما فتحتلي باب السيارة مثل ذول اليحبون

ضحك ونزل فتحلي الباب
:-اصعدج؟

:-شتصعد اكدر

:-همم زين ما دام تكدرين

حجة هيج بضحك عرفتة نيته سوء عفته وصعدت سد الباب وصعد بالجهه الثانية شغل السيارة وسحب جف ايدي يعصر بأصابعي بيدة

:-شغل اغنية

:-لا تلتهين بيهه ويروح بالج من يمي

:-جا مليت احجي شي

:-تحبيني؟

:-ما عدك غير هل سالفة شوف لا تلزم ايدي عوفهه احنه بعدنة ما مخطوبين

:-صبرني

فلتت ايدي من ايدة وهو يضحك
:-بليل اجيب سيد مو تنامين

:-والله اذا تأخرت لا تهمني خطوبة ولا سيد انام

:-هي بكيفج ام عطوب حصرة عليه سويت شي وكالت ما مخطوبين اليوم السيد يجي

:-اي خوش انت متغير عليه مو صعب نفسك

:-اي صاير احبج اكثر

باوعتله بطرف عيني ودرت وجهي هو بقى ساكت نزلنة كدام مول

اول ما نزلنه شفت بنات كاعدات كلش حلوات وحدة منهم باوعت لصعب ما نزلت عينهه لما فتنه للمول غ

لست لان صعب اصلا ما جان منتبه الهن غصه صارت بداخلي ردت بس موقف يصير علمود اطلع ضوجتي

فريت كل المحلات ما عجبني شي الوكت تأخر اخذنه هواية شغلات اله الفستان مادري ليش ماعجبني شي ضجت والدمعه صارت بطرف عيني

:-شبيج هسه انت ليش ضايجة

:-ماكوو شي حلوو ماريد لانسوي خطوبة بطلت هيج بس نعقد بدون كلشي

حجيت هيج ودموعي نزلت
صار كدامي مايريد احد يشوفني مسح دموعي بأبهامه

:-اشش بابا اشش شنو بس هاي المولات موجودة اخذج وين ما تردين بس اهدي لاتبجين علمود فستان

:-ماريد خل نرجع للبيت امي اتصلت عبالهه صاير شي خل نرجع

:-ميخالف تعبتي هسه نرجع وعدنة باجر كلة اكيد تلكين شي يعجبج

:-ما يعجبني شي خل نرجع

لزم جف ايدي وطلعنه برة كل شوية يدير وجهه عليه واني امسح بدموعي

فتح الجنطة خلة بيهه الملابس وفتح الباب الورة
:-صعدي

صعدت بدون ما احجي صعد يمي بقى ساكت شوية ورفع راسي اله

:-لاتبجين كافي عليتي گلبي بدموعج

:-ما ابجي

رفعت ايدي امسح بوجهي والشهكه لزمتني
سحبني لحضنه زدت بالبجي ما ادري ليش هيج ابجي يمكن مشتاقه لصعب واهتمامه ما ادري بسبب ذيج البنيه لان جانت حلوة اني ابد مو من نوع ابجي على لبس لو ما يعجبني لبس بسهولة

:-كافي وين تردين اوديج وين يعجبج ببغداد تعجبج الملابس باجر اخذج لبغداد بس لاتبجين

:-مااريدد مو حللوات

:-يلة ميخالف نشوف بيجات تدورين بيهن اليعجبج نروح نجيبة

سحبني لحضنة اكثر يمسح على ضهري
:-على الفستان ضايجة ملاذ؟

:-اايي ايي ووذيجج ليش هيج تباوعع مو شاافتني وياكك مو لازم ايدديي ليش تباوعع

رفع راسي من صدرة يباوعلي مستغرب
:-منو؟

احجي والشهكة بصوتي:-بنيه حلوة اول مانزلنه تباوعلك ليش تتباوعع من وراهه مالكيت فستان حلوو

ضحك ومسح وجهي باس گصتي ورجع يباوعلي
:-انة شفتهه باوعتلهه؟

:-لاا

:-شافتج ويايي

:-اي

:-لاتهتمين لاحد انه الج وبس ماتحلى وحدة بعيني ودام تمشين وياي اشوف الدنيا كلهه انتِ ماشوف غيرج

:-واذا شفت غيري

:-مستحيل وعيونج الما عندي اغلى منهه مستحيل

:-جا شوف عجبني فستان خل نروح نجيبه

ضحك وطلع كلنس من جيبة
:-هاج يلة خل ننزل

اخذته منه ورجعنه من جديد كسر خاطري اشلع بگلبة
:-هذا عاجبني

صاح على البنيه
:-نزلينه هذا

نزلته وباوعتلي
:-هاج حبيبتي قيسي

:-صعب بس الزم الي الباب

لبست الفستان اباوع لروحي بالمرايا مبتسمة اريد افتر بالبدلة بس المكان ضيك صحت على صعب

:-اكلك يمكن حلو

دفع الباب بدون ما يحجي خليت ايدي على صدري لان كلش مفتوح

ضحك وباوعلي رافع حاجبة
:-مستحية؟جا ياهي الحملت مني

:-شبييك انتتت ياا ماتستحيي يلة وخر سد الباب صوجي اخليك بالباب

:-بلة نزلي ايدج خل اشوف الفستان بابا

نزلت ادية وهو مازال مبتسم:-لا لا شنو هذا مطلع الدنيا والبيهه

:-جا ماريد غيرة بس هو عجبني

:-تتحملين نتائج اختيارج انه معليه

:-اي معليك هو عاجبني اطلع يلة

طلع والبنيه اجت شافته بدلت واخذناه جان كلش غالي من عرفت السعر ردت ارجعه وصعب عگد حاجبة عليه شنو تكولين رجعه

وصلنه للسيارة شكد ما عجبني الفستان ضجت من سعرة
:-صعب والله غالي لو مأجرينه احسن

:-اريد اشوفج لابستة مرة ثانيه شلون؟هم نرجع نإجر

:-هو مرة وحدة ينلبس

:-اخليج تلبسينه الف مرة ولا يهمج

:-هسه انت عليمن ضايج

:-ما ضايج الفستان عجبج وعجبني ليش تنكين فوك راسي

بعدة يحجي واتصل تلفونه باوعلي كال
:-رُفيدةة لا تتصلين وعلي اخذتهه منج وبعد ما ترجع

ضحكت وفتح الخط يحجي وياهه لان تأخرنة كلش
سد الخط وباوعلي
:-نجيب اكل للبيت لو ناكل برة

:-امي كالت مسويتلنه عشة

:-جؤ ناخذ للبيت ويانه احسن

اخذ عشة وصعد:-ملاذ تاكلين ذرة قبل لا نرجع للبيت

:-بكيفك

اخذنه على الرجال الي جابني اله من قبل افرح من اشوف صعب يمة كله يصيحلة يابة

ماتأخرنة بسرعة رجعنه لان الوقت تأخر نزلنه هو شايل العلاليك وامي منتضرتنه بالباب

:-هلا يمة فوتوا

بوستني وفتنه جوة عيونهه تلمع من الفرحة تعشينة سوة

الصعب:-يوم مرة ملاذ سوتلنه اكل واحنه هنا

:-اي

:-ما احجيلج سوينه كلشي بيومهه يلة تذكرت هي مخليه شي على الطباخ بوكتهه لكينه الجدرية تصيخ الغوث
امي بقت تضحك

ملاذ:-جذااااب شووكتت مو جنت كل يوميه اطبخلك

:-اي صح وانه شاهد

ضلوا هو وامي يحششون عليه لحد ما خابرة شهاب وراح طلعت وراة مطنكرة عليه

:-يلة محتاجة شي

:-لا

:-اليوم ردت نجيب الشيخ بس ما صارت تأخرنة باجر الصبح اجيبة وعفت فلوس يم امي علمود تشوفين الصالون وشمحتاجة بعد وباجر هم اجيبلج رتيل تساعدج خاف تحتاجين شي

:-امم خوش

:-شبيج ضايجة

:-لاا

رفع ايدة عصر خدي بين اصابعه

:-احبج بابا ليش ضايجة تردين نأجل الخطوبة تعبانه

:-لاا ليش تطلعني كدام امي ماعرف اطبخ

ضحك ولزم ايدي سحبني وراه فتح باب البيت بقى واكف يمة صاح

:-يييومم

:-هاا يمة

:-ملااذ تعرف تطبخ ترة وجانت باليوم تسويلي خمس وجبات

كال هيج وسد الباب باوعلي واني اضحك علية
:-هاا بعدج ضايجة

حركت راسي بمعنى لا ضحك وحضني
:-احبج من تددلين علية

:-يلة روح بعددنة ما عاقدين لا تحضن

:-خووشش اطلعهن بيج

باس راسي وطلع سديت الباب ورجعت جوة نمت بحضن امي كعدت باليل شفت صعب ددازلي رسائل كتبت اله
:-نايمة شتريد

شوية ودزلي
:-راح اخاابرج بس افتحي اتصال ونامي

فتحت الخط عليه بدون ما احجي شي نمت كعدت
الصبح لكيت الاتصال بعدة وامي ما موجودة
:-الوو

ما رد عليه يمكن نايم سديت الخط وكمت عزلت البيت وامي محضرتلي ملابس علمود العقد لبستهن اجت رتيل صعب مانزل راح يجيب الشيخ وعمو وشهاب

:-تعاي خل احطلج شي

:-انت وطحشج دوخري اني اخلي

:-لا تعاي اكدر والله

تكسر خاطري لان حملهه صعب
كملت الي

بقينة كاعدين بالغرفة شوية وسمعنه صوت برة عرفتهم اجو احس بطني مغصتني رغم هذا كلة سويناه من قبل بس هل مرة احس شي مختلف

:-ررتيل عليجج الله هسه من يسألني الشيخ شسوي استحي

:-شيكلج كولي اي

:-مو لازم ابيع ثكل

:-لا لا تبيعين اني بخطوبتي قبل علي حجيت هو جان مستحي واني اطفك

بقسنه نسولف ونضحك
شوية وامي صاحت عليه لبست صاية وخلت شال على وجهي

فتت جوة جسمي يرجف امي وياي كعدت باوعت بصفي كاعد صعب

كمل العقد وشهاب كام يهلهل ادية ترجف ما اسيطر عليهه مستحية منهم احس گلبي راح يطلع من مكانه عاصرة ايد بأيد اهدي بروحي بين كل خوفي هدأت من صعب لزم ايدي وضغط عليهه بدون ما يحجي بقى يحرك اصبعه الابهام عليهه

باركولي عمو وشهاب
هادي:-صعب هاي بنيتي تداريهه بعيونك مسلمينك امانه صونهه بوية

:-بعيني

شوية وطلعوا بقينة بس اني وصعب بس سمعت الباب نسد نزعت الشال من راسي

:-ييمةة اختننكتت

باوعت على صعب يباوعلي مبتسم
:-مبروك

:-انت ليش تسوي هيج لو راجعين بدون هاي السوالف والعباس گلبي طفر من مكانه

:-واني فرحان كلت ملاذ كامت تستحي مني

:-منك؟ مااستحي

:-وهذا الاريدة

قرب مني يرتب بشعري
:-طالعه حلوة

:-امم اي ادري

خلة وجهه بوجهي يحجي ومغمض عيونه
:-نرجع انه الصعب الي يسهل بحضنج و انتِ ملاذه

بلعت ريكي ردت ابتعد خلة ايدة بشعري ثبتني
:-احبج ملاذ احبج هوواي

:-احبك

فتح عيونه يباوعلي
:-عيديها

:-احبك

دنك راسه بعد شعري عن رگبتي باسني بخفة ورفع راسه باس طرف شفتي

:-اضيع هنا جمارة اضيع

رفعت ايدي خليتهه على ركبته وبعدت نفسي اباوع بعيونه

:-اوعدني ماتعوفني بعد

:-ماياخذني بس الموت اموت واحيى بحضنج روح الصعب انتِ

:-اسم الله

قرب مني راد يبوسني كمت من يمة
:-يلة بابا اشو اخذت راحتك ترة منتضرينه برة

:-ها سالمين مرتي ان شاء الله يمنعوني منج

:-لا كوم يلة

رتب ملابسة وكام
:-شهاب ينصب عليه برة خو ما بيه شي؟

:-لا

طلع كدامي بوجهه للساحة ردت اطلع فاتت رتيل ترفع بحواجبهه

:-اعتترفيي شصاارر

:-باسني وبعد شغلات ماتسولف

:-شني هاي الصراحة ولج على الاقل استحي شوية

:-والله جا ترديني اجذب واسوي روحي مستحية عليمن

بقينة نضحك راحوا واني وامي ورتيل بقينة للعصر حجزنه بصالون ورتيل لازمتني تصبغ بشعري وتعدل بوجهي

ردت اخابر صعب بليل فاتت رتيل للغرفة بيدهه مخدة
:-جيبي تلفونج هسه تسهرين وياه للصبح وباجر ما تتونسين جيبي

:-بس اشوفه وين

:-لا تشوفينه ولا يشوفج بأرض الله يعني وين

اخذته مني وجبرتني انام كعدت من الصبح ادور على التلفون ما لكيتة امي ورتيل يجيبن اكل ويخلن كدامي عبالهن راح اسمن بهاي الساعه

اجة شهاب اخذنه للصالون اتصلت على صعب شوية ورد
:-ها گلبي كملتوا

:-شنو گلبي لاتكول هيج

:-جا شكول

:-كول بابا احسك تغيرت اكلك خل نبطل من الزواج حيل تغيرت انت

:-هو انة ماعولت الزمج ومن صارت صدك ترديني ابطل يللة يلة شكد بقالكم

:-كملنة

:-شهاب راح يجي يوصلجن كل الناس تشوفينهم هناك سلمي عليهم كلهه اعرفهه وغطي روحج زين اضفرج ما يطلع ومن توصلين سوي الي يعجبج بالقاعه لا تتقيدين

:-اي انت شوكت تجي

:-ساعتين هيج واجيي

:-خوش

سد الخط ربع ساعة واجة شهاب
رتيل وامي حايرات بية واني اغطي بنفسي لان وصاني احس لازم اسوي الي رادة

وصلنه للقاعه بس نسوان شوية والنسوان بدت تجي كلهن نسوان اصدقائه ماعرف اي وحدة واهل شهاب واخواته اجوي سون اجواء وخلني اكوم اركص من صدك تونسنه فاتت امي صاحت

:-اجة الولد لبسن حجاباتجن

كلهن لبسن واني كعدت على الكوشة گلبي يدك من الفرحة احس روحي صار سنين ما شايفتة عيوني معلكة بالباب منتضرته يفوت

اول مافات ابتسامته شاكة الحلك وعيونه عليه بقوا يهوسون هوسات قديمة وصل يمي باس راسي وكعد لازم ايدي قرب مني كلهه عيونهم علينه دنكت راسي خجلانه
:-شطالعه ملااذ خل نتزوج هسه بروح ابوج

ضحكت ودنكت راسي
:-انت هم طالع حلو

:-بلة وجهج خل اشوف لاتحرميني من النعمة

بقيت اضحك ومدنكة راسي استحي ارفعه خلة ايدة على جتفي مقربني منه ويحرك اصابعه على ضهري جسمي يقشعر

:-صعب عيب كلهه تباوعلنه

:-ويباعون مرتي حلالي بويه ماخذج بالحلال واخو زينب بالحلال

اجت رتيل يمي
:-كوموا اركصوا خل نصور

فتحت عيني اريد رتيل تحس اني مستحية عبالي صعب ما يكوم لو يستحي شو هذا گبل لا احجي شي لكيته واكفف

:-صعب ماعرف اركص

:-لا يابة ماتعرفيين جا ياهي جانت ترگص اشوفج روحج لو تذكرتي

باوعت لرتيل ادري هاي سوالفهه ضحكت ونزلت جوة لزم ايدي ونزلنة خلة ادية على خصري وقرب راسة مني

:-ملاذ وداعتج ولا اعرف ارگص بس ماريد شي يضل بنفسج ارگصي يلة وحركيني وياج

اباوع للناس مستحية صح جنت اركص بس لان صعب ماكو قرب مني اكثر

:-لاتشوفين احد غيرنه هنا باوعي بعيوني وبس

رفعت راسي عليه اباوع بعيونه بيهن لمعة فرح رفعت ادية حاوطت ركبته وهو شد ادية على خصري اكثر رفعت نفسي اريد اوصل لاجتافة خليت راسي على صدرة وبقينه نتحرك وسط الناس

:-احبك هواية احبك اتمنى اصيح بوسط الناس صعب الي

:-انتصاري انتِ اليوم وبهاي اللحضة اني طلعت من معركة ونلتج بيها وعد مني الج وغلات عيونج اذا الله قدرني اخليج اسعد انسانه بالكون

:-وجودك سعادتي

رفع راسي اله باس گصتي وابتعد عني وكف كدامي حجة بصوت عالي وهو عيونه عليه

:-شكد مرت عليه ناس شكد شفت بنات بس ماحلت غير الملاذ بعيوني اتمنى اصيح كدام الناس كلها هاي بنتي كبل لاتصير مرتي وحلاتها من نلتهه بعد تعب

كمل كلامه ونزل لكاع ركع دموعي نزلت وشفتي ترجف اباوعلها كلهه فرحانه وتصفك النه كام يباوعلي مبتسم

:-اتمنى اعوضج على كل خسارة خسرتيهه على كل أذية تأذيتيهه وانت وياي

رتيل:-شنوو ترة خطوبه لاتبجوونة

ضحك وسحبني لحضنة
:-هسه شنسوي رتيل اخذهه واروح بطبت ماريد عرس

بقوا يضحكون رجعنه على الكوشة حاضن ايدي بيدة ابد ما فلتهه لبسني الذهب حلقات مثل مالت اهله بس بيها اسمائنه

كام يريد يطلع شاورني كال
:-ملاذ لاتبدلين من ترجعون اجي عليج

حركتله راسي بمعنى اي طلع وعيونه كلهه فرح
بس راح التمن عليه رتيل والبنات شكالج وشحجيتوا
كوة طلعت روحي منهن سلامات اكلني اكل رجعنه شهاب للبيت

رُفيدة:-يلة يمه فوتي اسبحي وارتاحي علمود تاكليلج شي

:-لا انت اكلي راح انتضر صعب يجي

:-ها ولج من هسه بعتيني

بقت تضحك فتت للغرفة رتبت نفسي ودزيت رساله لصعب

:-وينك ترة تعبت

:-دقايق الكاج بالغرفة

بقيت بالغرفة ما طلعت لحد ما امي دكت الباب فتحته الها

:-رجلج اجه

:-اي خل يجي هنا

شويه واجة للغرفة سد الباب واني بمكاني اباوعلة مبتسمة نزع سترتة شمرهه على الجرباية واجة كدامي
بدون سابق انذار رفعني عليه من خصري خله وجهه بوجهي و سحب شفايفي بعدته بيدي

:-اوي شبيك

:-خبلتيني ملاذ خبلتينيي ولج

:-ههه شسويت

:-وتكول شسويت ولج بوية گلبي رهيف عليج

:-صعب اليوم ليش هيج سويت معقولة هذا كلة حب

:-مو بس احبج احسج جزء مني احسج بنتي شما اسوي مقصر بحقج اتمنى هاي الدنيا اصغرهه واحطهه بيدج

:-ممقصر صعب

:-اريد امشطلج جايب شي وياي

:-شنو شجايب

طلع مشط من جيبة باوعتله اضحك
:-يا صدك

:-امم يلة روحي اسبحي وتعاي

:-لاعيب من امي شتكول

:-عممي واخو زينب مرتي روحي منتضرج

فتحت الكنتور طلعت تراك باوعتله
:-حلو هذا البسه

:-اي

سبحت بسرعة وطلعت لكيته منتضرني كعدت بين رجلية سحبني اله اكثر وخر شعري باس رگبتي وابتعد نشف شعري وبقى يمشط بي

:-ملاذي اسبوع للعرس هاي هيه يكفيج لان مستعجل حيل

:-صعب خطوبتي صارت بسرعة العرس هم بسررعة

:-اسبوع هواي كلشي عليه بس اجري الفستان انت
ومعليج بالباقي ملاذ كوة مصبر روحي

:-بكيفك

:-راضية لو لا

:-اي

كمل شعري جبت عشة وكلني بيدة جان احلى يوم بحياتي

راح وفتحنة اتصال نمت واني احجي وياه الاسبوع كلة ركضة جان احضر للعرس وهو هم يحضر بالبيت يدزلي واني اختار اثاث لحد بليل نرجع ثنينه تعبانين نفتح الاتصال و ننام رتيل قبل العرس بيوم باتت يمي قررنه نسوي حنه وعرس بيوم واحد

.
.
.
.
.
.
.
.للحكاية بقية(جزء واحد بس😞❤️)

كلانا كتف للاخر
الوريد♪