انتقام حاد (لهدير دودو ) الفصل التاسع والعشرون 29 - بقلم هدير دودو

تململت ريم في فراشها و هي تشعر بشئ غريب و لكنها عندما استيقظت و فتحت عينيها وجدت الغرفة خالية لم يوجد احد عقدت حاجبيها باستغراب و لكنها قامت بلا مبالاه و جاءت تدلف الى المرحاض و لكن استوقفها شكلها في المرآة لتجد احد راسم على وجهها بعض الرسومات بالوان المياة لتصرخ سريعا ثم هرولت بسرعة شديدة الى اسفل فهي تعلم بأن تلك الحركات لم يفعلها سوى ابنتها ريناد فهي دائما تفعل تلك الاشياء معها نزلت سريعا لتجدها تجلس في الحديقة تلعب مع ريان اخاها التوأم اول ما رأتها ريناد دخلت مسرعة تجري متجهه الى والدها الذي كان جالس في غرفة المكتب يعمل على بعض المناقصات الهامه دلفت سريعا ثم صعدت جلست على ساقيه عقد جاسم حاجبيه باستغراب و لكن قبل ان يسألها وجد ريم تدلف الى الغرفة حاول كبت ضحكاته على منظر وجهها ثم قالت لريناد بعصبية شديدة : انزلي و تعالي هنا اشارت لها باصبعها امامها و اكملت حديثها بغضب شديد غير عابئة بما حولها او بما تتفوه به انت فاكرة لما تروحي لابوكي هسكت انا مثلا و لا هخاف والله ما هسيبك لو روحتي فين قال بتتحامى فابوها ظل جاسم يحدق بها فانتبهت ريم لما قالته و قالت له مصجحة حديثها : احم احم جاسم اتفضل شوف ريناد عملت ايه بص وشي بتلعب بالأوان على وشي ليه

نظر جاسم لريناد التي قالت له ببراءة مزيفة و ذكاء : مش قصدي ..يا بابي انا بس قولت اخلي شكلها حلو ... هي مامي على طول بتزعق ليه كدة

حاول جاسم كبت ضحكاته اما ريم فانفجرت بها قائلة لها بغضب : ماشي يا ريناد هو انا شكلي وحش و كدة بقا حلو انا هوريكي بزعق ازاي ماشي والله ما هسيبك ثم نظرت لجاسم بطفولة و قامت بضم يديها امام صدرها و قالت لجاسم : اتفضل انت يا جاسم اتصرف معاها هز جاسم رأسه للامام و لكن فجاءة دخل عليهم ريان و قال لريم بهدوء : خلاص يا ماما متزعليش منها انا قعدت اقولها لا لا مرضتش تسمع كلامي ثم قام باحتضان والدته ربتت ريم على ظهره بحب و قالت بفخر لكي تغيظ ريناد : حبيبي يا ريان شاطر و محترم و بتسمع الكلام مش زي ناس وحشة و نوتي

اغتاظت ريناد بشدة و قالت لجاسم : بابي .. هو انا وحشة و نوتي زي ما مامي بتقول و لا انا حلوة و جميلة ثم نظرت الى ريم بتحدي

لم يستطع جاسم ان يمنع نفسه من الضحك فانفجر ضاحكا ثن قال لريان و ريناد : روحوا العبوا في الجنينة و انا شوية و هجيب مامي و نقعد معاكوا عشان مامي دلوقتي زعلانة

هزت ريناد رأسها يمينا و يسارا دليلا على رفضها و لكن قام جاسم بتقبيلها في اخدي وجنتيها فخرجت مع ريان قام جاسم من على كرسيه و اتجه الى ريم ثم قال لها بخبث : في ايه يا ريمي ايه اللي معصبك عالصبح كدة يا حبيبتي

ضمت ريم شفايفها الى الامام بتذمر ثم هتفت بغيظ : ايوة طبعا عجبك اللي بنتك عملته في وشي بص مخلياني زي العفريتة ازاي ثم قالت مقلدة ريناد بغيظ عشان اخلي شكلها حلو

ابتسم جاسم عليها ثم قال لها بحب : تؤتؤ عفريتة ايه دة انت قمر يا ريمي قمر قطع لسان اللي يقول عليكي كدة و بعدين ريناد لسة صغيرة مش فاهمة حاجة

ردت عليه ريم بغيظ شديد : صغيرة ايه يا جاسم دي عندها خمس سنين و بعدين ما ريان قدها اشمعما هو مش بيعمل كدة على فكرة هي بتبقي قاصدة تغيظني و بتعاندني

انفجر جاسم ضاحكا ثم قال لريم بحب و هو يداعب ارنبة انفها : ريم انت هبلة يا ريمي انت بتغيري من ريناد بجد انا فاكرك بتهزري تغيظك ايه دي لسة صغيرة و بعدين انت امها و هي بتحب تهزر كم مرة بوظتلي اوراق شغل و بيبقي شغل مهم ريان لم مسح اخر مرة كل الشغل اللي على اللاب توب كان قاصده يغيظني هما بيهزروا يا ريمي ثم غمز لها بوقاحة قائلا لها : و بعدين ما تسيبك من ريناد و ريان دلوقتي و تركزي معايا انا مفيش اي حاجة ليا صباح الخير يا حبيبي اي حاجة ثم قام من على كرسيه و اتجه اليها اما هي فظلت ترجع بخطواتها الى الخلف و هي تشعر بالخجل الشديد حتى التصق ظهرها بالحائط شعرت بشئ صلب خلفها استغل جاسم تلك الفرصة و حاوطها بيديه ثم قال لها بحب و هو يطبع على شفتيها قبلة رقيقة سريعة : صباح النور يا ريمي

عضت ريم على شفتيها بخجل شديد و لكن ابتسم جاسم على فعلتها و قال لها بمزاح : ايه يا ريم يا حبيبتي انت لسة لغاية دلوقتي بتتكسفي آمال الاتنين اللي برة دول نتيحة ايه

عقدت ريم حاجبيها و قالت له متسائلة ببراءة : نتيجة ايه مش فاهمة بجد ما توضح كلامك يا جاسم

انفجر جاسم ضاحكا بشدة حتى ادمعت عيناه ثم اقترب منها و همس بداخل احدى اذنيها بعدة كلمات عضت ريم على شفتيها بخجل شديد و احمرت وجنتيها بشدة ثم قالت له بخجل و خفوت و صوت متقطع غير مجمعة ما سوف تقوله : ج... جاسم... انت.. قليل الأدب على فكرة.. ابعد عني بقا

ضمها جاسم الى صدره بحنان و قال بحب : عدى خمس سنين و لسة بتتكسفي يا ريمي بس عارفة اللي يشوفهم يفتكرهم خمس دقايق الحاجة الوحيدة اللي كبرت في الخمس سنين دول هو حبي ليكي هو الحاجة الوحيدة اللي كبر و اتضاعف و هيكبر بينا و بولادنا ابتسمت ريم له بحب شديد التقط جاسم شفتيها في قبلة حانية تحمل العديد من المشاعر و الحب فصل قبلتهما صوت دق على الباب زقت ريم جاسم كي يبتعد عنها ابتعد جاسم
عنها بصعوبة و اتجه كي يفتح الباب وجد جدته امامه و معها الممرضة الخاصة بها قالت له متسائلة بهدوء : ها يا جاسم كلمت سيف و ياسر عشان يجوا يقعدوا معانا هنا و لا نسيت

نظر لها جاسم و اردف بهدوء و عقل : بصراحة كدة يا جدتي ياسر و ندى مستقرين و مش حابين يجوا و كمان بيقولولك ولادهم كبروا و اتعودوا على حياتهم

قاطعته سعاد بسخرية و عدم رضا : ولادهم ايه اللي اتعودوا دة الواد ساجد عنده تلت سنين و اهي لسة حامل يبقي ولاد ايه و سيف قالك ايه هو كمان

اجابها جاسم بهدوء : هو قال انه مرتاح كدة و حياته الخاصة و شذي كدة مرتاحة و كمان لما بتيجي بتفتكر الي حصل قبل كدة و بعدين هما مرتاحين كدة مش انت اهم حاجة عندك راحتهم

هزت سعاد رأسها و قالت له بتفهم : ايوة طبعا اهم حاجة عندي راحتهم بس كنت عاوزاهم جنبي و حواليا الواحد مبقاش ضامن عمره

خرجت ريم من الغرفة على تلك الكلمة قاطعتها ريم بحب و لهفة : بعد الشر عنك يا تيتة ليه بتقولي كدة امال مين اللي هيربي معايا ريناد و ريان بصي ريناد عملت فيا ايه و جاسم بيشجعها على طول

ضحكت سعاد و قالت لها بمزاح : ما انت اللي هبلة مش عارفة تسيطري عليهم

ضمت ريم شفتيها للامام بطفولة و عقدت زراعيها امام صدرها ثم قالت مدعية الزعل : بقا كدة يا تيتة انا هبلة ماشي براحتك هي جات عليكي

ضحكت سعاد ثم ضمتها الى صدرها بحنان و قالت لها بحب : ربنا يخليكي لينا بجد ربنا يعلم انا بحب و معزتك في قلبي قد ايه

بادلتها ريم الحضن بسعادة و فرحة و قالت هي الأخرى بدعاء و حب من اعماق قلبها : يارب و يخليكي لينا عارفة طبعا و انا بعتبرك جدتي اللي مشفتهاش

اقترب جاسم و همس داخل اذنها بخبث : ريم وشك انت نسيتيه و لا ايه

تنفست ريم بصوت مسموع ثم قالت لسعاد باستئذان و احراج و هي تنظر ارضا من يراها يقول عنها طفلة لا يصدق انها ام لطفلين : عن اذنك يا تيتة هروح اغسل وشي عشات زي ما انت شايفة و اشارت على وجهها الذي كان مليئا ملطخا بالالوان هزت سعاد رأسها بتفهم فصعدت ريم مسرعة متجهه الى غرفتها و هي تود ان تضرب ابنتها ريناد على ما فعلته بها و لكن هذا ليس جديد عليها دائما تستيقظ على كارثة من افعال ريناد او ريان و يقفوا امامها مدعين البراءة اول ما دخلت غرفتها اتحهت الى المرحاض و وقفت أمام المرآة تغسل وجهها بعدما تأفأفت بانزعاج عدة مرات فالالوان قد نشفت على وجهها و بصعوبة شديدة عندما ازالت اثار تلك الالوان اول ما خرجت من المرحاض تفاجأت بجاسم يجلس على الفراش منتظر اياها عقدت حاجبيها باستغراب و قالت له بتساؤل و اهتمام : في حاجة يا حبيبي ايه اللي طلعك من تحت جذبها جاسم اليه و اجلسها على ساقيه باحكام ثم قال لها بحب و شرود و هو يهمس امام شفتيها : بحبك يا قلب و روح و عقل جاسم ثم التقط شفتيها في قبلة بث فيها مدى حبه و اشتتياقه لها بادلته ريم قبلته و حاوطت ريم عنقه بزراعيها تمنى جاسم ان يظلا هكذا طوال حياته و لكنه اتصطر ان يبتعد عنها عندما احس بحاجتها للهواء و عندما ابتعد عنها ظلت ريم تأخذ انفاسها بصوت مسموع جذبها جاسم اليه مرة اخرى و ظلت يقبل جميع أنحاء وجهها قبلات متفرقة رقيقة ثم نزل على عنقها تاهت ريم معه لم يشعرا بنفسهما الا عندما سمعوا صوت دق الباب قامت ريم سريعا التقطت روبها الذي كان ملقى في الارض باهمال و لبسته سريعا و اخذت تظبط شعرها و ذهبت لكي تفتح الباب وجدت اولادها الاثنين واقفين امامها باحترام عقدت حاجبيها لهما باستغراب و قالت لهما بتساؤل : في ايه مالكوا ثم اكملت بتخمين حصل حاجة او عملتوا مصيبة صح

هزوا رأسهم يمينا و يسارا عدة مرات دليلا على النفي و قال ريان بشجاعة : مفيش يا ماما بس ريناد عاوزة تعتذر لك على اللي عملته الصبح في وشك

هزت ريناد رأسها بتأكيد و اقتربت من ريم و حضنتها بشدة رفعتها ريم اليها و قالت ريناد باسف طفولي : سوري يا مامي انا اسفة مش كان قصدي ازعلك مني انا كنت بهزر بس ..و ريان قالي و فهمني ان دة غلط و انا مش هعمل كدة ابدا ابدا

ابتسمت لها ريم و ازدادت من ضمها ثم قالت لها بحب و هي تداعب وجنتيها : خلاص يا قلب مامي هزري براحتك هو انا عندي كام ريناد يعني ثم نزلتها و اقتربت من ريان و قالت له بحب : حبيبي يا ريان و قامت باحتضانه

خرج جاسم عليهما بعدما ارتدى ملابسه و قال لريان باعجاب و فخر و تشجيع : شاطر يا ريان ايوة كدة افضل جنب اختك و فهمها لما تغلط ثم وجه بصره لريناد و قال : و انت يا ريناد متضايقيش ماما تاني دي حبيبتنا و قام باحتضانهم جميعا

الكاتبة : هدير دودو

**************************
********************* ******************
************
*****
***
*

كدة الرواية الحمد لله انتهت بجد مبسوطة على تفاعلكوا عليها 💖 اتمنى تكون الرواية على المستوى اللي اتمنيتوه و بشكر كل شخص اتفاعل عليها و فرحني 💖