رواية #انتي سيوف الثأر في اجفاني الفصل السابع والعشرون 27 - بقلم الكاتبه سمو العراق

البارت الثالث والعشرين
رواية...انتي سيوف الثأر في اجفاني...
بقلمي...سمو العراق

💔💔💔💔💔💔

القي عليها السلام بين الحين والآخر
لا تغفل ان تطمئن عليها..
إن كانت ما تزال يقضه او راودها الخمول..
ومهما كنت تجد الطريق شاقا
في الوصول اليها...حارب من اجلها...
ولا تجعلها تتسرب منك خفيه..
لتندثر خلف انقاض الركود
اقترب منها..واغمر قلبها بفيض اهتمامك..
ولا تدع عواطفها متعطشه لارتواء وجودك
ولاتبخل بان تشعرها بااهميتها..لديك..
فهي ذنب سيوف ثأرك..المشؤؤم...

دانية خالد💔
........................................

كالت...ماما وين زوجج لازم يوقع على اجراء عمليه فورا...ماكووو وقت....

انصدمت ضليت ابجي اني شنوو البيه شنوو راح امووت...لا ياربي...رحمتك....عملية شنووو اريييد امي اررريد اهلي....وينج ماما....خالد تعال اني ذنبك يامجرم يا طاغي ...شسويت بيه...

دخلت عمتي شافتني ابجي كالت بصوت حزين...عمه حبيبتي لا تخافين ان شاء اللة مابيج شئ هسه تسوين عمليه وتصيرين زينه...

كلتلها بخوف...عملية شنوو

كالت الدكتوره..حبيبتي عندج حمل خارج الرحم واذا ضل حيصير عندج انفجار يا ماما لازم عمليه التشخيصات والتحليلات هييج دكول...

حطيت اديه علئ وجهي وضليت ابجي عمه حضنتني كالت عمار وقع علئ العمليه...

بعدت اديه عن وجهي وكلتلها بصدمه...وخالد درئ بيه ومااجه...

كالت...لا بس ما يفتح خط...

كلتلها ...لعد خلي يجي يالله اسووي العمليه...

كالت...ولج مو زين عليج يالله راح يحيلونه المدينة الطب...

وكفت شفت عمار واكف يخابر بخالد

سمعته يكوله...حناخذها المدينه الطب الحگنا هناك

قفل الخط وكال يالله امشونه

جنت امشي بحذر وخوف اخاف يوكع الطفل احس نفسي،طفله وبريئه وكووولشي مااعرف وبس الدموع مارفقتني...لا امي ولا اهلي ولا حتئ هو

مسافه الطريق ووصلنه المدينة الطب...

استقبلونه الدكاتره وشخصوني حالوني عمليه

كالت الدكتوره...لازم كورداش...

طلعت للقاووش شفت عمار كتله...فدوه عمار خابر اهلي...

كال..ماعندي ارقامهم

كتله..حافظه رقم دانيا

كال...لعد هذا موبايلي اكتبي وخابري

اخذت الموبايل كتبت الرقم واتصلت بيها وضليت اشهك من البجي...

كلتلها علئ الصار وكالت حتجي هي،وماما وخاله

كلتلها...لعد وبابا

كالت...هسه بالدوام من يجي اخلي يجي

كتلها ...اوك....انطيت الموبايل لعمار ورحت

مسحت دموعي واجت الدكتوره انطتني ملابس العمليه الازرگ ومثل الجيس لبسته بشعري..

نمت علئ السديه وهي اجت شكلت الي الكانوله وكالت هسه يجي دكتور التخدير يضربج ابره مخدر..

ضلت روحي هايمه ومجروحه وينه اريد اشوفه احس بمشاعره من يشوفني مريضه،يحزن لو يتمنه موتي....

اكييد يتمنئ امووت اعرفه ما يحبني...

شوويه وحسيت بشخص،دخل للغرفه

رفعت نضري واني امسح دموعي بكم قميص العمليه..

شهكت من شفته اجه رغم جروحه لكن مااعرف احس وجوده مهم بجانبي....

تقرب مني وكعد علئ السرير. كال بصوت جامد...داانيه شصاير شبيج ليش ما كلتيلي شنو اليوجعج ليش اني اخر من يعلم ليش ما حجيتي الي

جاوبته بشهكات...اهئ اهئ هو انت شوكت موجود حتئ تحس بيه اشو نهار كله بس تفتر وتجي نص من ليل

تنهد وسكت كال...هاي الدكتوره دكول حمل خارج الرحم

كتله...اي ولازم عمليه واني اخاف..

كال بهدوء وغموض...اني فگر

كتله بصدمه....لييش؟

كال...انسي

كتله...تريد طفل؟

كال بعد ما باوع بعيوني وابتسم بغموض.. اكيد اني احب الاطفال واحس نفسي كبرت لازم اكوو من يسند ضهري

كتله.. شلون وانت تكره امه

كال.. انجبي انجبي لا تخليني اطكج بمره

كتله بقهر..اتزوج علئ اساس ميته عليك

ضحك بهدوء بعدها باوع علئ وجهي واختفت ابتسامته

خفت من ردة فعله حييل

كتله...شبيك

سحبني لحضنه وحط ايده علئ راسي صار وجهي علئ صدره قلبي احس يخفق بشده واديه ترجف...

همست بخووف...خاااالد

كال بهدوء...امممم

كتله برجفه...راح اموووت؟

بعدني عنه ولزم وجهي بثنين اديه ابتسم كال...لا لتخافين

اندك الباب وهو وكف بسرعه... دخلت الدكتوره...

هو راح الها بسرعه كلها بصوت خافت...

خالد...دكتوره اشوو مرتي وجهه اصفر حييييييل وشاحب معقووله بيها شئ

كلتله بتفهم...اكييد هذا الحمل خارج الرحم هيج أعراضه وبعدين لو متأخرة بعد جان صار عندها انفجار بالرحم ويمكن تموت...

هو رئسا التفت عليه واني حطيت ايدي على صدري بخوف....

كال..يالله سولها عملية وخلصوها لا يصير بيها شئ

دخل دكتور التخدير...

خالد اجه وكف بصفي كال ...هذا شجابه

كتله منوو عبالي مصعب

كال...هذا الدكتور

باوعتله صفح...شنو تغار

كال بضحكه..اي علئ الكفشه

كتله بقهر..كون امووت واخلص منك

كال..لا لا وين الكه مثلج وحده شعرها سرح

سبيته بگلبي وبعدني اسب بي...

فاجئني من همس قريب من اذني...دااانيه قووي نفسج مااريد افقدج...

انصدمت وردت اعيد كلماته عليه لكن الدكتور ماانطاني مجال من سئلني وكال...

بابا...انتي ياصف...

كتله ...متخرجه من الاعداديه

اخذ ابرة التخدير وزرقها بالكانولها...

حسيت بيها مثل النار ومشت بجسمي صرخت بصوت ورحت بغير عالم....

......................    ........

سحر....

من بعد ما سمعت بخطبة مرتضئ احس روحي انصهرت امشي بدون شعور وهالكه نفسي بالشغل احس راسي يضررب ويوجعني وجع مو طبيعي وضهري واكف ومع كل هذا انضف وحصد وفلس البذور حتئ الطماطه والبيذنجان وكل شئ....

وصلت رساله من مرتضئ علئ،موبايل جدتي كاتب...

سحر والله اتمنئ اتزوج حشره ومااتزوج زوجة اخووي والله النفس ما متقبلتها احس نفسي مضلوم من جبروني عليها...اني احبج واريدج وحجيت وياها وكلتلها احب سحر بس اتزوجها اتزوجج...واريد واحد يفك حلگه

بيومها حيييييل انقهرت منه ومن نفسي شلون اتقبلها علئ نفسي اخذ رجال من مرته انه اريده اليه الوحدي..

ما جانت علئ بالي اعشك رجال خاطب لعب بمشاعري ياربي موتني ولا هاي الحياة..

طلعت وسمع صوت عمتي وقيس

دكله ولك يا ماتستحي يا وصخ شلون تنام ويه وحده متزوجه وبراس رجلها

وهو يجاوب بهدوء...يمممه هي خاينه الرجلها اني شسويلها

امه...ولك استر عليه يا غيس لحد يلزمك من گرابتها والله يسونك افخاذ واجتاف...

قيس...اهوووو

امه بعصبيه ...ولك عوفها خلي تولي هل عاهرة

قيس..يممه مو بيدي مدمن عليها وهي تحبني والله والله هي عندها ثنين بنات والله متأكد بناتي لان رجلها عنده عقم ما يخلف شلون صارن هل بنات

عمتي سمعتها تلطم.. صخام بوجهك قيس صخام الصخمك يا سافل والله .والله اذا ما تكطع علاقتك بأم رجل والله اروح اشتكي عليك عند شيخنه يسويك أفخاذ واجتاف

هو صاح بعصبيه...هي شني يمممه اصلا صارلي فتره تاركها من وراح...

سمعته غيرت نبرة صوتها وحجت بحنيه...ولك يمه هاي وراها مصايب اذا تريد خليني ازوجك سحر واشبع بيها منا لمن يكلك الله بس...

احس روحي طاااارت ورجفت بصوره غريبه لميت اديه علئ جسمي مستحيل هل نذل اتزوجه ويلمسني اني اريد اخلص منهم لان اني مدفونه بالحياة وياهم اكرهم والله اكرهم....

سمعته يكلها...هههه هم خووش فكره اجيبها وحطها بغرفتي ولا مهر ولا نعالات

ركضت لغرفتي واني ابجي ياربي خلصني من غيس وامه يارب يا حبيبي لا تخليني هل نجس ينجسني بقذارته مااحبه والله مااااحبه...

نمت علئ وسادتي...

وبهاي لحضه قررت انسئ مرتضئ وكعدت اخطط لهذا الشئ...استدعيت النوم حتئ امحي من ذاكرتي...

لكن للاسف هو يتسلل للاحلامي...

واعيش الذكريات وياها من جديد وعبالك هسه عشقته...

ياربي موافقه انزل علئ ضره حتئ لو مره بس مااريد غيس...

......................  

جانو الكل واكفين منتظرين خروج الدكتوره

ابو دانيه وامها واختها وخالد وعمار وخالة دانيه وام خالد

طلعت الدكتوره والكل ركض عليها...

ابوو دانيه وخالد...

خالد..هااا دكتوره شلونها دانيه

الدكتوره..الحمدلله زلنه الطفل ورحمها نضيف بس كتبت الها علاج وابر...ياريت تجيبو الها وتنتظم بالعلاج

ابو دانيه بحزن...داانيه يا يابه لو يگولون انطي،كل املاكي وتشافين مستعد انطي...

مرت تقريبا نص ساعة..

ودخلوو عليها كلهم

جانت هسه فاتحها البنج ومتوجعه وتبجي

دانيه...ااااه بابا بابا

جانت اكثر كلمه ترددها هي كلمة بابا اررريد بابا

تقرب منها ولمس ايدها وهمس بحنان...اش دانيه اني بابا

فتحت عيوني بين حالة الغثيان والركوز انتبهت عليه خالد واكف علئ راسي وديكول اني بابا

ضليت ابجي متوجعه...

وبعدها شفت بابا وماما ورانيا دخلوو

ابتسمت بحزن وضليت ابجي ماما كعدت يمي ضلت تبوس بيديه وتمسح دموعي...

ماما...كافي حبيبتي كافي بنيتي يالله مابيج شئ

كلتلها بالم..توجعني

بابا مسح علئ راسها ومسح جبيني..باباتي دانيه لا تخافين هسه يروح الوجع هسه تجي الدكتوره تضربج ابره وترتاحين...

ضليت اتلوئ من الوجع وخالد راح جاب الدكتوره رجعت ضربتني ابره واني خجلانه ومستحيه وخايفه وابجي...

اكره هيج مواقف مؤلمه ومحرجه بنفس الوقت...

ضليت يوم كامل بات ويايه خالد وعمه...

جان خالد يحووس ما متعلم يكعد ساعه وجنت مراقبته كلتله روح ارتاح

مقبل يروح...

الصبح خلصنه كوولشي وخالد نزلني بالمصعد واني وعمه ورجعنه للبيت...

مر اسبوع عليه طبعا العمليه سويتها بالناظور...

جانت عندي ابره لازم اروح اضربها...

بدلت بسرعه لبست بنطرون ازرگ وتشيرت ابيض مرسوم بي بالوسط تفاحه حمره...

حطيت شوويه حمره لان صايره عبالك ميته لفيت شعري ولبست شال ابيض وماعرفت الفه لان مجنت محجبه ولبست فوكهن صايه...

نزلت ببطئ شفت خالد كاعد ويه اخوانه

كتله بحذر واني لازمه ضهري ...يالله خالد خلصت

هو وكف ومشئ كدامي

طلعنه وركبنه بسياره هو جان ساكت واني هم ساكته

وصلنه للمضمده ضربت الابره بسرعه ونطيتاه فلوس ورجعت....

ركبت بسياره واني اتوجع

كال...هاااا

كتله..خلص ضربتها

كال..مشافئ ان شاء لله

كتله..شكرا

رجعني للبيت جنت اتمنئ شوويه يفرني بس هو سيده علئ البيت شكد خبيث لا وصاير ممل ميحجي خاصه يمي..

وصلنه للبيت دخل للاستقبال واني دخلت وراه شبي شوو شايل خشمه عبالك محملني مسؤؤليه موت الطفل اني شعليه...

رحت دخلت للاستقبال كعدت يمه

جانوا كلهم ملتمين ويسولفون طبت عذراء

لابسه ثووب حشيشي وبي ورده حمره دانتيل علئ طوول الثووب ولابسه شال سمائي ومطلعه الكذله والحمره السحريه...

خلت وكعدت

كالت بغباء...خااالد شنوو هاي جديده حمل خارج الرحم ولك شمسوي...

هو جان ديشرب ببسي نزل القوطيه علئ الطاوله وكلها بتذمر...سدي حلكج سدي حلكج...

هي اجت وكعدت بصفه كالت اله

لا صدك خالد اني علئ وجه زواج علمني حتئ اتجنب هاي الطريقه

هو حسيته صار نار واني خجلت وكل تتبسم بخجل

كلها...بنت النعال تسكتين لا بالقووطيه

كالت...يالله لا تعلمني هو اني مكتوب عليه اضل عذراء طول عمري امده حضي...

ضحك مرتضئ كلها ...لا عمار يتزوجج..

عمار باوعله صفح كال...اي انزوجها هي اليوم شطالعه متضامنه ويه طليان ابو سلمان يالحشيشي...

هي كالت...قلدو قلدوو والله لخليكم تبوسون اديه ومااقبل اتزوجكم...اروح التركيا واسوي عملية تجميل غير اجنن

خالد..شلوون لازم يفصلون منج ثنين نسوان علئ هل ضخامه...

مرتضئ...لا خالد ما تعرف القصد ابوها سجل البيت باسمها وكاع العماره بسمها وعمتي فوزيه راح تسويلها راتب مال رعايه اجتماعيه تستلم بالشهر 300 ومسويه سلفه ويه ام محمود ست ملايين ميت واحد يتمناها طكت بعد عذراء

هي عدلت شالها كالت...فعلا كلامك صحيح صرت زنكيله

خالد باوع عليها بهيام وگال...لج عذراء احبببج من الطفووله من جنتي..«تفله» قصدي طفله واني طايح بحبج تزوجيني اهم شئ السلفه

هي باوعتله صفح...

اني ضحكت وغرت كرصت خالد بهدوء من ايده

هو باوعلي وضحك وكمل غزل بعذراء...

عمار كال...من تزوج عذراء هي منا طويله وتلبس كعب وتسريحه عاليه ياربي شلون تدخل للبيت بالله بالسياره نجيب الها سياره كشف بس البيت شلون...

خالد كال بضحكه...هههههاي انشيلها من رجليها واديها وندخلها بالاستقبال..

متت من ضحك وهي فارت ضلت تعض بشفته واكلت الحمره السحريه...

مرتضئ كال لا واذا تصير حامل الجده تضل تجر بالطفل منا لحد الصاله لان يطلع اطول من يونس محمود..هههاي

وكفت بعصبيه كالت ماتستحون ما تخجلووون

اندك الباب وهي بعدها تحجي وتدردم...

راحت مريم فتحت الباب

شوويه واجت مريم كالت للولد اطلعو اجن خالات دانيا وامها واختها...

حسيت من الفرحه طارت روحي وكفت بضحكه

وهمه طلعوو بسرعه سمعت خالد يسلم عليهن

دخلت خاله ام مصعب وبنتها توته ورانيا وماما..

ركضت عليهن فرحانه بوستهن وحضنتهن...

وعذراء استلمتهن اكسين مربع هل مرره خطيه عبله يمكن صار بيها صرع وهي ناعمه...

جانت اخت مصعب لابسه بنطرون ثلجي وتشيرت اصفر ولابسه وشعرها مفتوح بس لابسه شفقه كلاوات لان منطقتنه شعبيه....

كالت...هاي شنوو دنوو لج يمعووده شصاير بيج وين جنتي جنج العافيه اشوو ذبلانه هيج الزواج يبهذل

كلتلها...هههههه لا بس تعبانه من العمليه

كالت بصوت خافت...والله ذول مو من طبقتج لو متزوجه مصعب يوولي مجان هيج صار بيج والله تخبل عليج من كالو حامل وخارج الرحم اجه يجي للمستشفئ بس ماما مقبلت...

كلتلها بخووف...لا يمعووده والله زوجي يذبحه متعرفين شكد زوجي عصبي

كالت..لا اعرف لان ذاك اليوم متعارك ويه مصعب وضاربه...

تنهدت اي هاي اخر عركه من وراجن دخلتنه بالكروب وزوجي بهذلني بيومها....

ضلينه نسولف ونضحك ورانيا كالت اريد مرتضئ...

خابرته وهو كلها تعالي الغرفتي

اخذتها اخته وراحت....

جنت امشي بخطوات ثكيله رغم كوولشي اني مرتضئ احسه غريب عليه وكوولش اخجل منه...

لكن كااعتباره زوج واسمي مقيد باسمه لازم احترمه

عصفت عواطف متقلبه بداخلي

فتحت الباب ودخلت شفته واكف بكل هدوء

نزلت راسي بخجل وبيدي فادي

هو شاله مني وباسه كال...شلونه حبيب عموو البطل

ابتسمت بحزن كتله ...الحمدلله

هو خلاه علئ سريره وتقرب مني كال ...تشوفيها لايقه تجين لبيتي جان حجيتي علئ موبايل

بلعت ريقي بغصه كتله...من حقك بس لا اني عرضك ولازم انت تعرف الصار ما حبيت اخليك ورايه واسد الموضوع من يمي

كال بااستغراب..شنووو

كتله...ديتصل عليه رقم غريب وديكول احبج ومااعرف شنوو وكلام فارغ

شفته عقد حواجبه  كال...وشسويتي

كتله حضرته بس رجع من غير رقم

كال بعصبيه..انطيني موبايلج

انطيته الموبايل وايدي ترجف

هو فتشه وشوويه طلع السيم كارت وكسره وشمره انقهرت حييل من تصرفه ابد ماعنده ذووق بس سكتت

كال..هذا هو بعد موبايل ماكوو

انصدمت وفار دمي كتله ...من كل عقلك انت شنوو عبالي تفتهم طلعت كولشي ماكوو

ما حسيت غير بااصابعه نبتت بخدي وانفاسه تلهث علئ بشرتي كال بعصبيه...شووفي لج خليني محترمج ومقدرج ومخلي عيون المغدور بين عيوني لا تتحاوزين احسن الج

دفعته بعصبيه كتله...انت باي حق هيج تعاملني شوووف باجر تطلكني فاااهم انت مجبور واني مجبوره وما بينه مكان للصلح...

بسرعه لزمني من رقبتي وبفحيح شيطاني كال...والله جنت ناوي اطلك بس بعد اليوم تحلمين ويالله برره

شلت الطفل واني رجف من قساوته وحقارته عليه يالله هذا وين ومهتدئ وين ياربي شنو اضل اقارن يوميه اني لازم اتخلص منه لازم بس شلون...

............ . .........

بعد مرور شهر كامل....

اخت خالد المتزوجه عزمتنه علئ العشاء كالت خالد يحب البرياني وسمك وتعالوو

محد قبل يروح رحت بس اني واخته وهو

جنت كاعده بصدر واني ضايجه تذكرت من قبل لا نطلع جنت لابسه قميص بنفسجي طوويل وبنطرون اسود وشال بنفسجي فاتح...

وحاطه مكياج قليل هو شافني وتخبل اله هسه تبدلين وتلبسين نفنوف طويل

توسلت بي كال لا تعاندين 

رحت بدلت وكتله مااروح

لزمني من حنجي وسحبني كال تمشين وغصبا عليج

جان يسولف ويه اخته ويضحك

اني بقصد قطعت كلامه وحجيت ويه مريم هي جاوبت

وجاي يحجي رجعت قاطعته وهو تخبل

ما حسيت غير بضربه قويه بضاهر كفه علئ حلكي صرنه مقابيل السيطره

خطيه اخته كمزت من مكانها واني صرخت وحطيت ايدي علئ حلكي شفت سني صب دم...

كال..بنت النعال اني اعلمج والله اليوم اله امشيج علئ سراط المستقسم يا عديمة التربيه يا سافله

اخته كلتله...مو قصدها خطيه

كلها بعصبيه...لا كلبه بنت سطعش كلب بس تريد تستصغرني

وصلنه البيت اخته واني حاطه ايدي علئ حلكي بس ماكوو دموع مااعرف تلبدت مشاعري بوقتها...

كال...انزلن انعل خييرجن اليووم

نزلنه بسرعه دخلت سلمت علئ اخته ببرود وهي شافت الدم تخبلت

كالت شكوو

مريم اشرت بعيونها معناها تعاركوو

طلعت اخته بالباب توسلت بس يدخل مقبل اسمعه يكولها خلي المطيه بنت المطي تشبع روحها...

اجن هنه كعدن يمي زوجها جان ديجيب لبن اجه سئل علئ خالد كلتله راح هو تخبل كللها شلون يروح غير عازمه

كلتله عنده شغل...

اني احس سني يوجعني وديريد يوكع

ضليت ابجي واكتم بصدري متت وهنه يهدن بيه

صدوك حجيت كلتلهن...ترضنها علئ نفسجن تنضربن وتنهانن بشارع وكدام السيطره والله متت قهر والله لو عندي اخوو جان عرف شلون يتصرف وياه بس هو شافني وحيده

هنه كالن...لا والله منرضاها

واخته بجت ويايه اختنكت حييل وضليت اسعل وخدرن رجليه هنه تخبلن ضلن يفرجن بيه...

اخته خابرته وضلت تحجي عليه..وهو بدون خجل نزل بالمسبه ويكلها والله اذا اجت انهيها

كلتلها...خلي زوجج ياخذني البيت اهلي

هي خافت مقبلت لان المنطقه خطره

بعدين رحنه البيت اهل خالد

اول مدخلت حست برعب مو طبيعي حسيت بحاجتي لاهلي...

صعدت فوك صفته يشرب اركيله

كال بعصبيه...هااا تسممتي

سكتت بس روحي محتركه

كال...امشي ولي هسه تسويلي برياني وسمج

انصدمت ...وفتحت حلكي

عاط بيه...امشيييي

رحت نزلت للمطبخ اجت اخته ضليت ابجي وكلتلها شنو يريد

خطيه ساعدتني
ساعه وجهز كولشي صعدته اله حطيته كدامه

كال...شيلي مااريد

تمنيت اركعه بصينيه براسه

شلت ونزلته جووه

صعدت كال روحي كليلي بيض سممتيني الله يسممج

هذا شبي بس يريد يشلع كلبي

نزلت كليت ونطيته اله.

ضليت ابجي طوول ليل وقررت مااضل...

كعدت الصبح رحت العمتي خابرت ماما

وماما شوويه وجابت مصعب لميت ملابسي ورحت...

مع العلم عمه تخبلت مقبلت اطلع بس اني عاندت..وشيصير خلي يصير

نهايه البارت....يتبع....

لاتنسو التصويت رجاءا...😘

كونوا هنا كونوا بخير...احبكم. نور