رواية #انتي سيوف الثأر في اجفاني الفصل الثامن والعشرون 28 - بقلم الكاتبه سمو العراق

البارت الرابع والعشرون
رواية...انتي سيوف الثأر في اجفاني..
بقلمي..سمو العراق

💔💔💔💔💔💔💔
ا

لبارت جدا طويل العيون المتابعين المتفاعلين وعشاق خالد ودانيا...💔

..............................

لميت ملابسي بسرعه وحطيتهم بجنطه شيصير خلي يصير مليت منه شفايفي،لحد الان مورمه من ضربته وفوك كوولشي يتعيقل،وهو الزعلان....

عمه مقبلت اروح بس اني اصريت طلعت شفت ماما كاعده بالصدر ومصعب هو يسوق..

عمه طلعت ويايه سلمت علئ ماما وماما نزلت سلمت عليها...

وعذراء جانت واكفه بالباب تباوع علئ مصعب وتاشر اليه بيدها...

تسويلي،بيدها بيباي...

ركبت بالسياره...

ماما كالت...دانيه شبيج شكووو شبيها هيج شفايفج.

سكتت ماجاوبت

مصعب كال...هذا النذل ضربج والله بس الزمه اله العن خيييره ووكع سنونه بحلگه

خفت كدام عمه...وعذراء بعدها تضحك وحركت السياره..

كتله.. لا ما ضربني بس اني اريد اجي خطار الاهلي

كال بااستهزاء..صدكتج والله مااعرف شعاجبج من هذا الخبيث المتعجرف

ماما كالت بعصبية...غبيييه موتتني والله مو مال واحد يطلع وراها كتلت روحها عليه اله تزوج ويوميه مخابره تعالو وتبجي...

كلتلها بقهر...اني شوكت خابرتج اصلا موبايل ماعندي صح ذاك اليوم خابرت صح وهل مره

كالت..وادري انتي حماره يوميه داكح وكاتلج وساكته

كلتلها...ما كاتلني

تنهدت امي تعرف بيه اكذب

كال مصعب ...تعرفين بيه محامي اذا تردين قدمي شكوه بحقه والله اخلي يعفن بالسجن لان تعرضتي التعنيف....

كتله بعصبيه...اهووو مصعب انت شد دكوول خالد مسوالي شئ اني وكحه  واستاهل...

ماما حجت...عوفها هاي متصير الها جاره وصح تستاهل...

مشينه بطريق مصعب جان كوولش خايف ويتلفت بس خطيه جازف واجه...

لان هم يعتبر منطقة اهل خالد كولش خطره بالنسبه اله....

وصلنه للبيت ونزلت عفتهم ودخلت للغرفه شفت رانيه كاعده ترضع بابنها...

شافتني بعدت ابنها وكفت باستني وضلت تسال بيه شبيج وليش ضاربج وتحقيق اله اول ماله تالي...

اني عفتها ورحت نمت غطيت وجهي ودخلت بنوبة بكاء...

خطيه رانيا اجت تسكت بيه واجت ماما كاتلها رانيا...اتركيها لوحدها...

رانيا تنهدت وشالت ابنها وطلعت...

واني ضليت انحب بصوت خافت وخايفه منه اذا عرف تركته واجيت شحيسوي بس والله ماارجع اله كافي مليت منه بس يضرب ويغلط ونهار كله دايح..

اريد احس بي زوجي يحن عليه اذا يحن يوم يتعصب شهور غريب وتصرفاته مو منطقيه وسلبياته اكثر من ايجابياته...

نمت من التعب والقهر...وماحسيت علئ روحي...

.......................

دخل للبيت وهو يفر بسويج سيارته

مد راسه من باب الاستقبال وبصوت جامد...سلام

امه بحده...وعليكم السلام هله باابني هله بالكبير المحترم...

خالد..خيير خيير شكوو اكلتيني بگشوري والمحترم والكبير...صاير شئ

ام خالد بعصبيه...دااانيه

خالد غمض عيونه بتذمر...اهووو شلون ما نخلص من هاي السالفه يعني اله تردني اطكه طكه واموتها وهي هم وكحه...بس ولا يهمج يمه هسه اسحلها سحل واخليها تنضف ..وذا تردين هم اخليها تغسل رجليج

ام خالد...ولك يا تنضيف لبنيه هجت منك

خالد بعصبيه...شنوووو؟

ام خالد...اي ولك اجت امها وابن خالتها واخذوها هي خابرتهم من مرتضئ

شمر سوويج السياره بعصبيه وصرخ بصوت شيطاني ...شلوون تخلونها تطلع وهذا مرتضئ المطي شلوون يخليها تخابر من وراي والله اليوم اطيح حضه

صاح بصوت عالي ....مرتضئئئئ لك كلب مرتضئئئ

اجه مرتضئ...هاااا خالد خييير شصاير

خالد لزمه من تشيرته بعصبيه...لك مطي منو سمح الك تنطي الموبايل لدانيه

مرتضئ...خطييه شفتها تبجي...

خالد...لك زمااال لو تبجي نعل ما تنطيها الموبايل...

ام خالد لزمته...ولك بسك ضلم ليش،ضربت البنيه بالشارع

خالد...تستاهل واطيح حضها ومحد يفك حلگه

ام خالد..شني انت مالك رداد

خالد بغضب...اي مالي رداد

ام خالد...ولك حرام عليك لا تضلمها لا تصير باطل

خالد وهو ياشر علئ نفسه...اني باطل اني باطل تعاي مريم...منو الباطل اني البارحه السبب لو هي..

مريم نزلت راسها بخوف...بس هي محجت شئ

خالد ضرب الباب بوكس...والله كلكم باطلين....هلااا انووب مصيعب الاصفر جاي البيتي وماخذ مرتي رووح لعب خالد نايم ورجليك بشمس...

عذراء...يمممه شلون مصعب اشهب يضووي يمه انوب العصبيه سمعته يكول لدانيه خوويلد النذل الحقير ضربج اله اوكع سنونه بحلگه

كلمات عذراء كفيله ان تگلب خالد من انسان الئ شيطان

طلع من الاستقبال وهو يجري اتصال...

خالد...الووو ابو لهب اطلع من بابكم واريدك يم الفلكه تمام...

مالك شغل اطلع وبعدين اكلك...

قفل الخط وطلع...

وهو يغلط ويسب شلون بنيه وكحه وصلفه اريد اجي فديوم اذا ما الكاها مسويه مصيبه بنت النعل...

......................

كعدتني ريانه من النوم

كعدت كفشتي واكفه وعبالك صار سنه منايمه وشفايفي مورمه...

كالت بابا اجه يكول خلي تجي تتغده...

كلتلها...اي

لميت شعري بسرعه وحطيت قراصه...

رحت غسلت باوعت بوجهي شفت شفتي مجروحه ومورمه....

استغفر الله هسه بابا يضل يحجي ويسب خالد...اي والله يسبه يستاهل المسبه...

رحت شفت بابا كاعد علئ القنفه وبيده فادي يلعب بي

ابتسمت رحت حضنت بابا وهو انتبه عليه خله مفتدي علئ القنفه...

وحضني حييل وباسني كعدني بحضنه مثل الطفله

كال...باباتي دانيه شلوونج

نزلت راسي بحزن جاوبته...زينه

حط اصابعه تحت حنكي ورفع راسي تنهد بحزن وقهر

گال...هو ضربج؟

سكتت

كال...الله كريم اني اعرف اتصرف وياه...

اني خفت لان بابا يحبني ويتخبل عليه وخالد عصبي واخاف يسوي لبابا شئ فحبيت اذب الصوج بنفسي..

كتله..بس بابا اني السبب

كال...ليش؟

كتله بصدق...بابا حماتي عزمتنه واني لبست بنطرون هو مقبل كال البسي غير البنطرون...

بابا كال...وضربج علئ مود هيج والله ماله حق

كتله...لا بابا هو أصر البس صايه وبعدها رحت بثوب البيت جبرني اروح

بابا كال...اي كملي

كتله...هو ديسولف ويه اخته واني قطعت كلامه هو سكت اول محجه هماتين حجيت وبعدها خزرني...سكتت ومن راد يحجي حجيت...وهو ضربني..

بابا تنهد ...يا بابا يا دانيه انتي صغيره وخبرتج بالحياة قليله لكن صدقيني الكلام الي راح اكوله هو لمصلحتج الرجال اهم شئ عنده شخصيته ...وخاصة يضوج من المره تقطع كلامه وتستفزه حبيبتي تصرفج غلط يا بنيتي ومع هذا اني مااسكت عن حقج واحاسبه لو هاجرج ولا ضاربج..

تنهدت وجريت نفس وزفرته...

اووف لو يعرف بابا بالرفسات والبوكسات جان شسووه اني اخاف علئ بابا منه..هو يفاجئني بتصرفاته وعدواني وسوداوي حيييل...

باسني براسي وضماني لصدره...

بصراحه اني اميل لبابا اكثر من ماما ...بابا من زمان حيل يحبني واني عنوديه من صغيره وماما متقبل عليه وتزعل مني وبابا يراضيني بدل عنها

ماما ورانيا علاقتهن كوولش قوويه واني علاقتي ببابا قوويه ...مسوين حزب تضامني ضد ماما ورانيا هههه

حضرن ماما ورانيا الغده ورحنه اكلنه بالمطبخ

رانيا خافت علئ ابنها يوكع من القنفه شالته ونيمته بسريره

خلصنه غده...

ضلينه اني ورانيا نغسل مواعين وبعدين رحنه لغرفتنا...

شكد جنت اتعيقل علئ رانيا ...جان التنضيف الغرفه يوم عليها ويوم عليه واليوم الجان عليه اسووي روحي مريضه لو اشرد البيت خاله ام مصعب هههه راحت ذيج الايام..

شمرت روحي علئ السرير رغم فرحانه بوجودي ببيت اهلي لكن اخاف كل شويه والتفت للباب اخاف خالد يجي ويسحلني لبيتهم....

انتبهت علئ صوت رانيا من كالت...دااانيه

باوعت عليها كلتلها....هاااا

كالت بخجل...تعرفين سحر

كلتلها بااستغراب...ياا سحر

كالت...بنت خالة مرتضئ خطيبي

كلتلها...هاااا اي اعرفها ليش شبيها؟

كالت...لا أسأل...هي حلوه لو لا

كلتلها بصدق...اي حلوه هي بيتهم بالكوت وتگلب الاحرف القاف تسمي غين..مااعرف ليش..بس هي ناعمه وحلووه وعليها شعر يجنن وجسمها ابيض من وجهها

كالت بتنهيده...دائما تجيكم

كلتلها...لا كم مره اجت وعمه رادت تخطبها لعمار ومقبل يكول مو ستايل ومعجبتني

كالت بااستهزاء...هههه لعد شبيها الباشا كاتل روحه عليها..

كلتلها بتساؤل...يا باشا؟

كالت...مرتضئ..لج يكول احب سحر بنت خالتي واريد اتزوجها...

سكتت ..اني اعرف بي يحبها وهي هم تحبه سحر لان عيونهم تنطق وحتئ اخت خالد كالت هي تحبه...

كالت رانيا...منو احلئ اني لو هي

كلتلها...بصراحه هي هم حلووه وانتي حلووه ثنينجن حلوات بس هي برئيي يمكن احلئ منج لان مامهتمه بروحها مثلج..لو تهتم بروحها بكدج جان هسه هي ملكه

باوعتلي صفح كالت...هوو من ضربج ما عرف يطيح سنونج گبر عود هاي اني اختج وهيج دكولين

كلتلها...اي اني مو جذابه

كالت..انجبي عابت كرهتيني بروحي

كلتلها..شنوو تحبين مرتضئ

كالت..ياااا هاي شبيها مرض لج اسكتي والله ما ينلام خالد يوم الضربج

كلتلها..اوووف ذكرتيني بي شلون ذلاني البارحه خلاني نص من ليل اطبخ برياني وسمج ومااكل ورجعني گليت بيض وهم مااكل....شكد خبيث...

ضحكت كالت..ذوول شبيهم مخابيل اشوو مهتدئ جان ملاك ونازل من السماء الله يرحمك يا عمري والله مشتاقه اله....

كلتلها...الله يرحمه اني خوويلد خبلني مااعرف شلون اتصرف وياه

كالت ...تعالي اعلمج

وكفت وكعدت يمها ...كلتلها اي شلون بالله

كالت...تدلعي البسي من يصير ويغلط لا تصيحين وتغلطين رئسا بوسي وشوفي شلون راح يهدئ...وتتغير طقوسه

هزيت ايدي بااستهزاء...بااع هاي الثوله لج هذا خالد عنده بس طقس واحد دايح يفتر ليلا متعصب مغضب نهارا..

ضحكت وحطت ابنها بحضني وفتحت الكنتور...

طلعت ثوب نوم اسود وتور خفيف وقصير

كالت ..روحي البسي

كلتلها...يااااا والله خوو البسي انتي

كالت ...لج البسي خلي اعلمج علئ الدلع...

اخذته ودخلت للحمام لبسته يخزي عبالك وحده طالعه من الملهئ قصيير وخفيف...

شفت رانيا ساحبه ونازعه ملابسها بالحمام بجامه مالت التراك حمره وبدي احمر وفوكاه مثل البليره زركه...

لبست البجامه طبعا رانيا اضخم واسمن مني بس جسمها يجنن...

ورجعت لبست بس البليره وطلعت الرانيا

من شافتني ضلت تلطم علئ خدودها...لج معزايه هاي شنو يا مصخمه واني اكوول ليش الرجال يعاملج معامله المشتركين ويه جون سينا اثاري مخبلته. امشي ولي انزعي البيجامه وبليره وتعالي

كلتلها...يااااا...هلوووو..والله لا انزعهن وبعدين عيب اذا يشوفني هيج يغتصبني اني البس تراك هو عيونه تضل ترمش...

كالت بقهر...هم كالت يغتصبني ولج رجلج هذا مو غريب لازم تدلعين عليه

شمرت البليره ولبست ثوب من رانيا طلعته من كنتورها ورجعت نزعت البجامه..

كلتلها...ضليت لابسه ثوبج مال النوم احتمال اذا رجعت اقهر خالد بي هههه

هزت راسي ...خررب حضي اذا صار براسج خيير

بعدها صاحت عليه...

كالت...دانيا

كلتلها...هااااا

كالت...تعالي شووفي رجلين مفتدئ مطكعه زرك

اجت شفته صح بي طكع زرك وبنفسجيه تخوف

ضحكت كلتلها...يااااا لج بس لا موكلته جبس حاار

ضربتني علئ راسي كالت ...ثووول يا جبس دباعي شلون رجلي مزوركه ومنعس حتئ رضاعته قلت ومصفر وبس ديتقيئ ومخنجر احس بي شئ...

كلتلها بخوف...لا اسم الله عليه مابي شئ بس يمكن دا يسنن...

كالت...لج غبيه بعده مو هسه تطلع اله اسنان

حطيت ايدي علئ سني يوجعني من ضربني خالد بس ماوكع بس احسه يتگلگل ...مدري اني يتخيلي الان احرك بي....

كلتلها...خلي بابا ياخذه للدكتور..

كالت..اي اكوله...

ضليت العب بي وابوسه وعضه بس هو مخنجر وعيونه ذبلانه حسيت مثل لنضرب سجين بس محبيت اخوف رانيا علئ ابنها والله تتخبل اذا صار عليه شئ

...................................

جان واكف امام احد الملاهي بالكراده وبطاله العرگ مكسره كدام باب الملهئ وصوت الموسيقئ الصاخب يضج باانغام الطرب....

خالد...شوووف ابو لهب هذا سلاح اريدك تحمي ضهري...

ابو لهب...ماهذا يااخ خالد انت تحرضي علئ فعل المنكر الغناء وبيوت الطرب من افعال الشيطان

خالد...غير يسكت اية الله العضمئ...لك ادخل وشوف شراح اسوووي...بس اريدك توكف اي واحد يوجه سلاحه عليه انت
وجه سلاحك بوجه اوك...

ابو لهب..تحرضني علئ القتل تريد ان اغضب الله بهذه الافعال من قتل شخص كأنما قتل الناس جميعا...

خالد...لك انت منو كلك اكتل انت بس اوكف واسكت اكوو واحد جووه بالملهئ اريد اطيح حضه

ابو لهب...يالله..

خالد...قدس الله سرك يا ابو لهب دير بالك ترمي طلقه

ابو لهب...لك ياطلقه هذه فجور وراقصات كاسيات عاريات مااريد اتحمل ذنب من وراهن...

خالد بنص عيين...لك اخاف فدشوويه الگاك تهز وياهن مثل فيفي عبدوو...

ابو لهب...ااااه رقصها جميييل

خالد...هااا ولك وطلعت متابعها

ابو لهب...لا يا اخ خالد من محل الصدفه كنت اقلب القنوات الدينيه وفجاءه طلعت فيفي عبده ترقص وغيرت القناة بسرعه انها من اعمال الشيطان...

سحبه ودخله للملهئ...خوووش صدفه...والله اله ازوجك عذراء

دخلوو للملهئ فتشهم واحد جان سكران

جانت الاضواء كل شوويه تتغير والشباب والبنات تتمايل علئ صووت الاغاني والضحك والعربده ماليه المكان...

وكف وهو يعدل المسدس بحزام بنطرونه وابو لهب وراه

وعيونه تدور علئ عدوه الدود من بين الجموع يعرف هذا اكثر مكان يلتقي بي

شافه واكف لازم بطل لعرگ ويركص ويه وحده من الراقصات ويحط الفلوس علئ صدرها...

دار وجه وشاف ابو لهب وجه صاير هيج علئ النسوان😨

خالد...هيي احمي ضهري مو حمي روحك...انتبه عليه

نزل عيونه باارتباك...نعم نعم العياذ بالله من هذا المكان

مشئ بخطوات واثق من نفسه...

سحب مصعب من تشيرته التفت عليه مصعب بفزع

خالد...لك نذل منو تضربه وتطيح سنونه بحلگه

مصعب فتح عيونه مصدوم...هييي وخر مني شتريد

خالد...اريد اكسر سنونك يا نذل

مصعب...انجب هههه اليوم مرتك كاعده بصفي بالصدر وكالت راح ارجع لحضنك مصعووبي...

خالد فتح عيوونه بعصبيه ووجه لكمه قاسيه لمصعب طيرته من مكانه...

الراقصات صرخن وضج المكان بالصريخ...

وكف مصعب وهو يهجم مثل الثور ويكسر بالطاولات

وهجم علئ خالد ....وخالد هجم عليه صارت بوكسايات وبالبطاله وصريخ وانكلبت الامه گلاب...

خالد دفع مصعب وصعد فوكاه وطاحله بوكسات...لك نذل جذاب اليوم اوكلك نعل...

مصعب ...والله والله شاربي مو عليه اذا ما طلكتها منك وتزوجتها...

خالد...اي خووش عود زين شاربك بالقندره يا قندره

مصعب...نسيت اني محامي واورطك باب تهمه وانومك بالسجن...

خالد...امداك امده لسواك محامي ابو الملاهي اكيد معدلك خمسين وداخلك كليه اهليه انت عربانه ومطي مااسرحك بيهن

ابولهب وهو يحاول يرفع خالد من مصعب...اخ خالد انه محامي وامره بيد القانون اترك جزاك الله خيير

خالد دار وجه علئ ابو لهب..واجه لكمه من مصعب قريبه من عينه لكن بسيطه لان خالد مقيد حركة مصعب

رجع عليه وهو يضربه بقسووه وتدخلوو السكارئ وابو لهب والبديگارديه

طلع خالد وهو يضحك وراه ابو لهب...

اوووف الحمدلله ارتاحيت بعد ذيج العرمه..لازم اصفي حسابي وياها...

ركب بسيارته وابو لهب راد يصعد..وخالد شخط السياره...

ابو لهب...اخ خاالد انتظرني تبا لك

طلع راسه من جام السياره...شكرا ابو لهب ان شاء الله اشوفك بالاسبوع ويه كفار قريش تركص هنا....جان اخذت وياي بس اخاف يصكوك....

تركه وراح لبيت دانيه....

جنت كاعده علئ القنفه ولابسه بجامه جويتي فيزون ولابسه بدي ضيق اصفر قصير ولافه شعري كله ليفوك

وكاعده اباوع علئ مسلسل باب الحاره اعاده...

بس بالي مو يم المسلسل،يم ابن ريانه خطيه مدري شبي..

شوويه واندك الباب..

لبست الشبشب ورحت كلت منووو

ما حجه

رجعت كلت...منوو؟

فتحت الباب بهدوووء...

ماحسيت اله الباب ندفع ولزمني من كتفي سحبني

صررخت بصووت عالي...

اجه بابا يركض...

هو من شاف بابا ضحك كال...هههه شبيج دانيه كمزتيني...

جذاب لو ما صارخه جان خطفني من اهلي...

باوعت عليه بقهر وغضب...

شفته شكله مبهذل مبين متعارك

دخل هو وبابا بالاستقبال...

وماما متحلفه بي كالت اليوم اطيح حضه هذا الشايب المتعجرف منطيته دانيه تسوه راسه ويضربها...

اني مقبلت وضليت ابجي...اعرف ماما عصبيه وهو لسانه زفر واخاف تصير مشكله...

صحت لبابا وكتله لا تدخلون واني ابجي...

كال...لا ماندخل بس لا تبجين حلوو مشاكلكم وان شاء الله اني هم الي كلام وياه...

اخذت العصير ورحت وبكلبي اكول ان شاء الله تشرب سم..

حطيته كدامه ودرت وجهي وكتفت اديه...

كال بعد ما شرب العصير كله كال...هييي اريد ابوس المطي الرباااج علئ هل تربيه

عطت بوجه...هييييي لا تغلط علئ بابا ترئ والله اطردك من بيتنه

كال..ههه تطردني هي لج شلون تطلعين بدون اذني لا وجايه ويه الاصيفر والله لو ما گلبي طيب ولو واحد غيري جااا دفنج بيتكم علئ عملتج وسوالفج

كتله...ليش لسويته قليل اكولك وبعدين اني شفت منك بس ضرب واهانه وخدمه يالله روح بدون مطرود ما الك عدنه مرره

كال...انتي وكحه وسوالفج تغث ترئ هواي عديتلج البارحه سالفتج مو هينه وسالفة الموبايل وبعد وبعد بس اكول زعطوطه وماتفهم...

كتله...خف علينه يالشايب

شو هذا ما صدك وكف وشالني حطني بحضنه وكعد

صرخت بصوت ناصي...لك عووفني لا بابا يدخل استغفر الله ياربي وخررر

كال..لا حلوو هيج الكعده مرتاح والله

كتله بحده ...بس اني ممرتاحه

كال ببرود..ومنو كال ادور راحتج اني....

كتله بعصبيه وكلبي يفور...خالد لك لا يجون اهلي

كال..وشعليه بيهم حلالي...

كتله...حلالك بجهنم يا خالد...

كال وهو يدخل ايده جوه التشيرت...شلابسه.ولج شو يمي تفترين بعبايه الصلاه عبالك كاعدين بالكعبه مو بغرفتنه

بعدت ايده القاسيه من خصري وعطت بوجه...اهووو وخرر اني غيير زعلانه ويالله ماارجع وياك وسوالفك بطلهن...

كال...لا ترجعين منو كلج ارجعي...

ردت اكوم سحبني ورجعني ويبوس بخدي ويشم بااذاني وركبتي...

واني ارجف

باس شفايفي وهي توجعني صرخت من الوجع..

دفعته كتله..شبيك حلگي يوجعني من ضربك

رجع باسني بهدوء...

تخبلت من فتح ازرار قميصه

لزمت...ايده...لك انت شدا تسووي...

كال..اخذ حقي واروح

كتله...صخاام لك دروووح انت شدا تسوي يمعود انت بيت اهلي

كال..وشعليه بيهم

كال...تمشين وياي لا تخلينه هنا نكمل ونشتغل عدل

دفعته

وهو رجع يبووس بيه ويرفع بتشيرتي

كتله...اوك اوك امشي وياك بس احلف متلمسني هناك ونضل متزاعلين

كال...كومي والله ماالمسج...

كمت من حضنه واني اعدل بتشيرتي...

ركضت وصلت لباب الاستقبال مديت لساني كتله...روووح قشمرت عليك والله ولا اجي وياك

هو ضحك وعض شفته...

طلعت واني اغلط نذل حقير يريد يذلني..وياخذني والله ولا ارووح....

ماسمعت بس صرخة رانيا

لاااااااا بااابا ابني مفتدئء

جفلت بمكاني من صرختها

والكل ركض عليها اني ركضت وحتئ خالد اجه...

اخذه منها خالد جان مفتدئ فاقد الوعي وميتحرك...

ضربه خالد بخده علئ كيف وداره علئ بطنها

ضل يفرك بضهره بس ماكوو انفاسه محبوسه...

لزم رگبته والعرگ النابض شاف بي روح...

شاله بين اديه ولفاه بالملحف وكلها حضري نفسج نروح للمستشفئ..

رانيا تبجي وتلطم لبست بنطرون وقميص طويل وجاكيت بسرعه وطلعت من الحمام وهي تبجي وتلطم...

ولك ماما حبيبي يروحي لا تيتمني انت الوحيد الي مفرحني

وماما تبجي وياها...

اني هم بدلت ورحنه اني وياها وبابا وماما وخالد هو يسوق صارت السياره حشگ

هو داس اله سررعه وبسرعه وصلنه المدينة الطب...

بسرعه اخذوو منه للطوارئ وبدوو يسون فحوصات وتشخيصات وتحليلات....

نقلوو للعنايه المركزه...

كالوو...احتمال عنده سرطان بالنخاع...

وماما ورانيا كطعن ارواحن ورانيا فرفحت هي تتبرغق مقل الطفل...من مات مهتدئ مسوت هيج...

وخالد تخببل عليه ويبوس بيه ويبوس بااديه وحتئ رجليه باسهن...عموو حبيبي لو اعرف علاجك ابيع روحي هم ابيعها....

شوويه وخابر مرتصئ كله تعال للمستشفئ...

ومقبلو الدكاتره واحد يضل بس امه ....اجه عمار ومرتضئ تخبلوو من عرفوو بمرض مفتدئ...

خالد اخذني البيتهم واستحئ يضل يم رانيا...

وماما وبابا رجعوو للبيت واني وخالد وعمار هم رجعنه بس خالد كال بس اوصلج ارجع الهم....

استقبلتني عمتي باستني هي والبنات جنت ضايجه وابجي وهنه عبالهن من خالد ميدرن علئ ابن رانيا...

صعدت فوك وخالد سبح بسرعه وطلع

رجع عليه جنت ابجي باسني بشفايفي بهدوء وكال..لا تبجين والله لو علاجه يكلفني عمري هم اعالجه....

بجيت اكثر وهو طلع ...رحت توضيت ولبست عباية الصلاة وصليت ركعتين اطلب بيهن شفاء لابن رانيا

.............................

جنت كاعده يم ابني واني ابووس بي واشمه يمه ياضناي لاتروح ...

احس گلبي يفوور ودموعي تجري بدون شعور...

كتله...مهتدئ ابنك مريض ادعيلي عند ربك ياشهيد ادعيلي يفرج عني ويشافي مفتدئ والله روحي ذابت من الحزن من يوم الرحت ما شفت يوم حلوو هو الي مصبرني علئ فركاك..اذا مات مفتدئ ادعيلي امووت...

يمه من عمري على عمرك...

دخل مرتضئ للغرفه...

اجه كعد يمي شاف مفتدئ...

كال...كعد

كتله...اي ونقلو من العنايه لهنا...

باس ايده ...

كال..حبيبي عموو سبع شبييك اليوم

مفتدئ فتح عيونه بطفوله ويرمش بعيونه...لعمه

ضحكت واني ابجي..

هو ضحك بحزن كال...هلا بالبطل كعد الشيخ شلونك حبيبي...

ابتسمت ومسحت دموعي كتله...صدوك شيخ

كال..شيخ الشيوخ فداه عمه ان شاء الله

بجيت وضليت اشهك كتله...بي مرض خبييث بالنخااع

هو تنهد سحبني لحضنه ونزل راسي ومسح علئ شعري كال...اش بعد اكوو تحاليل مضهرت ان شاء لله يطلع غير شئ...

خجلت منه كتله...بس جسمه مطكع الدكتور من شاف الطكع تخبل...كال هذا الخبيث ماكل جسمه

هو من حجيت هييج حضني اكثر وعصر جسمي بصدره..لاتخافين رانيا اله علاج حتئ لو نسافر اني وياج

رفع راسي من صدره ومسح دموعي بااصبعه بحنان...

رغم حزني على ابني لكن كلبي يرجف...

كتله...شكرا مرتضى الله يكثر من امثالك ماحنسئ معروفك..

ضربني بااصبعه على خدي كال...تؤ تؤ تؤ اولا هذا من لحمي ودمي ماكوو داعي واحد يذكرني بي وثانيا انتي زوجتي وهو ابني ومسؤؤلين مني اني مو رجال اذا ما وكفت الكم...

ابتسمت من كلامه ومسحت دموعي كتله...ونعم منك

سحبني وضل يمسح علئ شعري بحنيه واني اشهك على ابني.....

بعدها اجه خالد وطلع هو مرتضئ واخذو مفتدئ

سووله تحليل كالوو هذا النهائي 15 ويطلع...

وكل تحليل يسونه انهار من البجي طفلي صغير وضعيف والتحاليل قاسيه...

اخر تحليل سحبوو مي من ضهرها خلوني اركض بالمستشفى مثل الخبله...

وماما تسكت بيه ومرتضئ وكفلي وكفه شهم ورجال هو وخالد ابد ماانساها....

ومفتدئ طفل وريده ضعيف ساعه يحطون الكانوله برجله ساعه بالرگبته ساعه بيده زرفو تزرف واكثر الكادر الطبي ميعرفون يشدوها دمرو دمار...

..........................

بعد مرور اسبوع جان الدنيا ليل

جان الدنيا ليل وجنت اسووي جاي اني وعذراء...

خطيه مرتضئ يم رانيا يجي بس شوويه

طبعا محد يعرف بي مريض بس الولد لان عمه تتخبل

كالت عذراء...منو بالاستقبال

كلتلها...بس خالد وعمار ومعن وابو لهب...

عذراء...اوووف العشق ابو لهب يذكرني بمنكر ونكير ويوم الحساب

ضحكت كلتلها..ان شاء الله يتزوجج

كالت...ياااارب والله طلي لوجهك الكريم

كلتلها...شنو ذنب الطلي يتحمل غلطت المطي ابو لهب...

صايره لساني زفر مثل رجلي المصون

كال..فديته شوفي من نتزوج شلون يعاملني باليلة الدخل...اخت عذراء هل تسمحين الي بااغتصابك

واني اكله تعاااال لا والله اني اغتصبك هههههاي

كلتلها..مرض صوتج...

رحت وديت الجاي وهي ورايه تريد تشوف ابو لهب...

اخذه عمار مني وراح...

اني وعذراء نباوع من زرف الباب نريد نشوف ابو لهب اني كدامها وهي وراي وتهمس يمه يذووب

اذووب واشرب حبوب...

ابو لهب جان ضعييييييف وطوويل ولحيته سوده مامحدده وشكله مبين متدين وتربه مطبوعه بجبينه ولابس تشيرت قديم مخطط وبجامه قديمه

عذراء كتلت روحها عليه

ما نشوف اله الباب انفتح كمزنه من مكانه

يممه خالد سحلنه سحل اني وعذراء

كال بعصبيه شسوون...

كلتله عذراء بدون خجل وخووف..جنت اباوع علئ ابو لهب رضي الله عنه...

كلها...كبر ماتستحن

وانتي شعندج...

كتله والعباس ابو فاضل عذراء ورطتني

ضحك عليه اول مره احلف بالعباس...

كال...هلااا تعلمت علئ حلفان من رافق القوم اربعين يوم صار مثلهم...عذراء بعد تكطعين علاقتج بيها...

دخل مرتضئ وطلع عمار..

مرتضئ كال...عفيه خالد بسرعه اريد فلووس فادي محتاج تحليل وعلاجات وابر هاي الابره بورقه...

كاله شكد تريد...

كال ...اريد  فد مليون

كله..اوك

صعد جاب اله

ومرتضئ هم عنده فلووس راح جابهم...

كال..راح اروح اجيب اغراض رانيا من اهلها وبعدين اطلع للمستشفئ....

كله خالد...دير بالك يغدروك انتبه للطريق...

كله..لا لتخاف

خله وطلع....

شوويه والبيت كله فرغ وخالد طلع هو وابو لهب....

صعدت فووك اول مره يعوف كنتوره مفتوح....بس هذا الخانه من الكنتور ممخلي بيه ملابس لا بس اغراض وفلوس.....

لكيت مثل الباكيت كبير اثار فضولي فتحته لكيت بي جيس...

فتحت

فتحته وضليت ادور بي

جان بي صور وكلهن اطرافهن محتركه بس الاطراف

صور عرس خالد هو وزينب...

بس محتركات بس الاطراف...

انصدمت وحالتهم غريبه....

.......................

جان يسووق بسرعه وانتباه وهو يفكر بحياته برانيا وطفلها...

تعب مده أسبوع وهو نايم بالمستشفئ بس يسبح ويرجع وامه من تسئله يكلها عندي شغل...

ماحس اله سيارتين كسرن عليه

وقيدن سياقته....

وكف بذهوول...

نفس الموقف انعاد من اكثر من سنه

وبنفس المكان ومن نفس المجرمين

الاسلحه كلها توجهت عليه وطلبو منه ينزل لا يفجرون صندوك البانزين...

نزل وعيونه تحكي واقع اليم

واحد منهم ملثم حط المسدس براسه...

غمض عيونه ومر طيف عليه ارمله مثكوله وطفل يتيم وحبيبه مجروحه.....وام حزينه....

نهاية البارت ....يتبع

لا تنسو التصويت احبتي ...شكرا بيج اوسار علئ نقل القصه والمتابعين الكرام بالفيس شكرا لتعليقاتكم الحلوه احبكم....

كونوا هنا كونوا بخير...احبكم...