رواية #انتي سيوف الثأر في اجفاني الفصل الحادي وثلاثون 31 - بقلم الكاتبه سمو العراق

البارت السابع والعشرون
رواية...انتي سيوف الثأر في اجفاني
بقلمي...نور..سمو العراق
💔💔💔💔💔💔💔

اتعرفين يا مهجة القلب الحزين
اني كنت اعمئ واتوسل بشياطين الجن والإنس
حتى تطفئ نيران فقدي
فقد يدمي روحي قبل جسدي
وقد فاض الصبر بي..
ونحيت العقل جانبا وكنت انا الجلاد والقاضي والشهود والمدعي بالحق
والهبت جسدك قبل روحك بسياط الثأر
احببتك مع كل تجبري وضلمي
احببتك مع كل الظروف التي تدفعني نحو الهاويه
وتهمس الي حاقده انك ومن معك سبب بلائي وحرقتي
اعذري جلادك فهو مسير وليس مخير

ما بين الدم والدم ومابين النحر والنحر لاترحلي
استحلفك بالله لا ترحلي
فهذا الكهل الذي تسللت تحت جلده وخلاياه
قد فقد عقله واتزانه بحمق افعاله
لست انتي سيوف الثأر ياثاري...

الكلمات للمتابعه الجميله المبدعه
Mnmn78

الي استغربت اهداء كلماتها لخالد وضحكتني من كالت الكلمات هديه الخالد الشويب لان الكل متعاطف ويه دانيا 😊
...................................

جان واكف علئ باب غرفتها بالجمله العصبيه حالتها يرثئ الها....تصعب علئ الكافر والعدووو....

باوع عليها من جاام الغرفه نزعوو منها حجابها وملابسها....الممرضات ولبسوها ملابس العمليه جان واكف مثل الصخر لكن هل صخر تفتت شويه شويه

طلعوو الممرضات ودخل الممرض

وقررو يسولها عمليه لان عندها نزف بالدماغ والدم نزل علئ وجهها وصار زراگ كووولش قوووي

وعينها ورمت بصوره مقززه واللون البنفسجي احتواها...

اول ما نقلها للمستشفئ مااستقبلوها وحالوها للجمله العصبيه...

قررو يسون الها عمليه واذا فاتت 24 ساعه اذا مرت فالحمدلله واذا مامرت انا لله وانا اليه راجعون

مايعرف حتئ شلون يدعي الها ويطلب الشفاء الها من باريها وهو قاتلها

جانت روحه هايمه وطايره علئ غلاه

فتح باب الغرفه من شاف. الدكتور حضر المقص ومكينة الحلاقه...

تخبل ...شيريد يسووي هذا معقووله يحلق شعر دانيا الي ياما وياما كطعه بيده وياما قلد عليها واستهزء بشعرها...

بس اليوم يحبه ولايسمح لأي واحد يزين شعرها....

دخل ملهووف وهو يلزم ايد الدكتور

خالد بعصبيه....انت شتريد تسوووي

الممرض...لازم اكص شعرها حتئ نكدر نسوي العمليه..

خالد بغضب.....لا يمكن اسمح الك تلمس شعرها وتزينه والله والله احرگ المستسفئ بيكم...

الممرض...بس المريضه حالتها صعبه...

خالد بتوتر ورجفه...انت وخرررر منها ارييد دكتوره

طلع الممرض وصاح للدكتوره

شافها نايمه علئ السديه ولابسه الصدريه السمائيه وشعرها منفوش وشفايفها بيض ونصف مفتوحه وعينها مغلوقه وممورمه وكل الالوان بيها وجهها شاحب....

من مزقت صورة زوجته المرحومه جن جنونه ورجعتله مئساته القديمه ضربها بعنف....

وتأكد هو قضئ علئ كل امل موجود عنده وبنئ حواجز بينه وبينها

هذا مو همه ...همه بس تطيب وتصحئ ومستعد يبوس تراب رجليها ولا تكون أنثى بارده وميته

باوع علئ صغر حجمها وطولها الانيق...

هز راسه باسئ مايلوك الطولها القبر...

من ذكر طاري القبر رفت روحه وطارت من بين ضلووعه

احتضنها بلهفه وهو يبووس بخدها الشاحب

همس بااذانها بخووف ورعب...حبيبتي داانيه لا تموتين قبلي اهجريني اقتليني رووحي بس لا تموتين....

رفع ايدها النحيفه وقبل اصابع ايدها بحنان همس مره ثانيه ....دااانيه لا تموتين اني متيم دانيه ماعهدتج قاسيه ومتردين عليه

لعن نفسه الف مره من جان يشوف الخووف بعيونها الحلوه منه مايوم فرحها وسعدها من حس راح يفقدها وهو السبب حس روحه ماتت هي دانته وهو خالدها....حلف بس تطيب يداوي ويطيب جروحها ولو يعرف من سابع المستحيلات تشاركه حياته الجحيميه....

همس بحقد على نفسه...اني استاهل الانتقام بس يارب لا تنتقم مني بدانيه والله تكفي زينب...يااربي صح اني حقير ونذل...يارب محد يهمني سواها يارب احفضها وشافيها واستودعتك دانيه لا تخلف بالوديعه.....

دخلت الممرضة وطلبت يبتعد عنها...

ابتعد عنها وهمس بصوت حزين...لا تكصين شعرها

الممرضة...لا مراح اكصه بس راح ازين جزء قليل منه لحتئ نكدر نسوي العمليه

خالد بتوتر....ديرري بالج دكتوره اذا ما تكدرون انقلها للخارج...

الممرضه...لا هذا دكتور معروف وهي حالتها خطره

ضحك علئ روحه بااستهزاء...يريدها تكون بخير وهو سبب بموتها....

طلب منه الدكتور يطلع حتئ يجرون العمليه

رجع باسها وهمس بااذنها ويسمي عليها بخيل بالدمووع هوو حتئ علئ دانته....

طلع من الغرفه وشاف امه كاعده وتولول علئ دانيه وتنعيها بكلمات رثاء....

ام خالد...يممه يدانيا يالصغيره شسوه بيج هذا المجرم...

اتذكرها من طلع من الحمام وشافها تبجي وهي لازمه الصوره ومزقتها وكل الصور هيج مسويه بيهن

جن جنونه ماضل براسه عقل من يجيبون طاري زينب هو يجن مو بعد هي مزقه صور زوجته المحترگات من اطرافها

رجع بذاكرته لليصار بالغرفه....

خالد...ليش؟

دانيا ببكاء...تستاهل

ماحست غير ببوكس علئ عينها طفر الدم علئ فانيلته البيضه ودمرتها دم...

وكعت كدام رجليه مغمي عليه.....

خالد برعب بعد ماشاف الدم غرك وجه دانيه

رفعها الصدره وبرعب...دااااااانيه دااااااانيه دااااانيه

تخبل..مااعرف شلوون يتصررف

جان معتقد مثل كل ضربه يضربها شويه وتصحئ وماكان يعرف هو اليوم قتل فتاته المسكينه

مسح الدم من وجهها واديه ترجف على فقدانها...

ايقن هو كسر عظام وجهها...وطفئ عينها

صررخ بصوت عالي...دااانيه دانيه اصحي والله بعد مااضربج ولا ادور وياج ثاار داانيه...

شالها بين اديه وبدون مايلبس قميصه...

نزل يركض بيها من الدرج...

لاكته امه بصدمه...يممممه خاالد شسويت للبنيه ترك امه واخته وزوجته اخوو مذهولات من رووع المشهد وركضن وراه

طلع من البيت للطارمه بيها الكراج...

سندها علئ السياره وهو يشوف الدم ترس وجهها تخبل انهار

صفها علئ باب السياره وهي مثل الميته مد ايده من ناحية خصرها برجفه وفتح الباب...

شالها وهي تتمايل بين ايده بدوون رووح...

نومها علئ الكشن وشال رجليها ومددها...

اجت امه تركض وهي لابسه عبايتها والبنات وراها يتصارخن.....

صعدت بسرعه وحطت دانيا بحضنها انرعبت من شافت الدم وانهبطت....

ضلت تصررخ

صعد هو وساق السياره بسرعه جنونيه

وامه تغلط وتسب بي بس هو مكان وياها كل همه ويه الجريحه المذبوحه

وصلوو للمستشفئ لكن المستشفئ مااستقبلوها

ونقلوها بااسعاف للجمله العصبيه....

جان بكل لحضه وياها

اجوو هناك الشرطه...

وهو دخل عندها....

امه انطت افادتها....

وكالت...رحنه اني وياها للسوك واجت سيااره قوويه وضربتها وهي ركضت وطاحت علئ الرصيف على وجهها....

ام خالد بصوت خافت ومن بين اسنانها...ولك يامجرم شسويت بالبنيه

دار وجه بدون ميجاوب

ضربته على كتفه...لك لا عبالك الضابط صدكني

خالد...يطبه مررض الصدك ولماصدك اصلا اني اريد اعترف اني ضربتها....

ام خالد بخوف...ولك يممه لااا خلينه نفتهم وخلي دانيا هي التقرر تشكيك للحكومه لو لا

خالد بقهر...دااانيا مهدده ب24 ساعه يااما تموت يا ما تعيش ...ام خالد اذا دانيا ماتت اعتبري خالد مات ماااااااات

ام خالد بنحيب...جااا اذا انت هيج ليش ضربتها

تركها ودار وجها بدون اجابه

رجع همس بهدوء...لان هيجت المواجع ياام خالد

ام خالد...اني مو ام خالد ...اني ولدي مو مجرمين انت واحد خبل ومن راحت زينب تخبلت بزايد...

ابتسم بحزن وابتسامه صفره....ما شفتي الشفته عيووني من اغمضهن يمر طيفها عليه واني شايف داهيه...

ام خالد بلوم وبكاء...جااا مو كتلك لا تطب عليها

خالد...وخليها تروح بدون مااودعها مرتي وحامل باابني احلئ سنه عشت وياها راحت من اديه ومو مثل الناس راحت ...راحت واقسم الج برب الكون اذا شافها ربج يغضب علئ عباده وشسوو بخلقه...

ام خالد...الله يرحمه يممه ويشافي دانيا ويعقلك

خالد برعب...مااريد بس يشافي دانيا وتكون بخير

ام خالد...خابرت اهله وكتلهم طكتها سياره...وخابرت اختك ام علي تخلي علي هو ياخذ افاده ويجينه للمستشفئ...

خالد بعصبيه...يمه كتلج لا علي ولا غيره اني اشهد اني الضربتها...

ام خالد لطمت...ولك يممه اسكت اذا صار بدانيا شئ اعترف بس خلينه هسه خليها هي تقرر

بهاي الاثناء دخلت ام رانيا وابوها ام رانيا جانت مفرفحه ومتخبله....

خالد بصدمه...منو خابرهم

ام خالد...اني

ام رانيا ببكاء ودموع....ماما دااانيا دانيا شبيها داانيه ولج ماما دانيه

ابو رانيا بخووف...وينها وين دانيا

خالد تركهم وراح....

وام خالد ضلت تحجي ويه ابو رانيا وكذالك وهمته هي انضربت بسياره

وابو رانيا تخبل وضل يسب ويغلط علئ الضربها....

شويه والتمت العالم مصعب وخالاتها واخوان خالد واخواته ماعدا مرتضئ وابو خالد....

منتظرين تطلع من العمليه

كانت القلوب عبرئ وجريحه....وتدعي الدانيا بصدق نيه

اما هو كان احساسه يفوق كل احاسيسهم هو المجرم والجاني...هو الوصلها لهاي الحاله....

والاغرب من هيج هو يدعي حبها....اليحب ما يعذب حبيبه بهل صورة البشعه

انت اتخذتها سيف قاتل للثأر ليش تدعي حبها...؟

........................ّّّّّّ

جنت بالفندق الوحدي بالغرفه

ومرتضئ نزل جوه يشرب كووفي

حيل متوتره بوجوده مرتضئ غريب عليه

صح اني زوجة اخوو بس اني مو مثل باقي الارامل وزوجات الاخ

اني معشت وياهم ولا عندي علاقه بيهم

مجرد انخطبت كم شهر وتوفئ خطيبي

صح مرتضئ دفع ثمن غلطتنا اني ومهتدئ لان مكان اكوو داعي اني احبل باايام الخطوبه

لكن قدر الله وما شاء فعل...

صح مرات اتندم علئ هاي العمله بس افرح لان ربي رزقني بطفل من حبيب روحي مهتدئ

اصبر نفسي واكول تهون

بس اني متعوده علئ الاهتمام والثقه بالنفس

ويه مهتدئ عشت هذا الشئ

مرتضئ ما احكم عليه لان اني هم ممتقبلته بس كاره تصرفاته ويايه

ومسألة تفضيل انثئ علئ انثئ مسئله كوولش معقده وعويصه حتئ وان كنت مااحبه لكن اني كتلة مشاعر واحاسيس....

وهو اعترف بعضمة لسانه كال احب سحر بنت خالتي....

من شفتها هي كوولش بسيطه وناعمه وصغيره ملامحه حلوه وبيها برائه تأسر

اعترف بحبه الها وعرفت منه هي مبادلته المشاعر...

انقهرت بداخلي لان ما نجمعو ولان انهانت كرامتي...

بتفضيل انثئ عليه حتى وان كنت مااحبه....

لكن تضل عبره بداخلي وانعدام ثقه بالنفس...

اني عكس دانيه

دانيه من النوع الي انطيها بس تضحك وخجوله وحتئ وان دافعت عن حقها بصوره خاطئ تكون...

وشويه ما عندها رومانسيه او بالاحرئ مشاعرها متلبده....

مثلا لو خالد يكوولها حزوج عليج...

دكوله...يابه روح تزوج لازمتك بس المهم يتركها براحتها...

صح هي من تزعل تقفل وتعاند يبوو العناد بس تتصرف بغباء...

اني احس اتصرف بذكاء...

واكدر اكسب المقابيل...

جان مهتدئ طالب مهم بالجامعه شخصيه والكل يحبه واصدقائه يموتون عليه

جانت عليه سوالف تخرب ضحك اذكره باايام الامتحانات من يحتار شلون يكتب برشومه....

احنه جامعه اهليه مو حكوميه....

ياخذون منه البراشيم وي ويرجعون ليوره

وبعدين يضل يتوسل بيهم استاذ الله يخليك والله اليوم ماقاري...

اني كزميله اله اضحك عليه اكوله ياحيف على الشوارب تاليه تتوسل يخلوك تغش ههههههه

دائما يكول...اسكتي يالسجاجه شغل عمل بس نوم واكل....

واني جنت دائما أساعده اكتب ورقتين وحده اله وحده الي يعني هو بس يكتب اسمه ويسلم....

جان البنات دائما مشاكل عليه

واني الوحيده الي فزت بحبه

من اعترف الي جنت اسعد وحده جبت الطريق كله اضحك....وفرحانه

وعدني يخطبني وفه بوعده.....

وخطبني مع العلم بابا رفض رفض تام وكال كطن وشيلي من اذانج....

بس اني اصيريت وعاندت ضليت فتره لا اكل ولا اشرب وزعلانه

وبابا استسلم للامر الواقع وافق عليه مع العلم هوايه تشرط عليه وكان يريد يفسخها للخطبه...

بس بعدين ضل يحبه....

الخطأ الصار هو لهفة مهتدئ الي مكدر يصبر واني من حبي اله سلمته كوولشي....

اخذني باايام الخطوبه وكانت الصدمه هو موته وبعدها حملي منه...

تازمت حياتي بعد ماكنت اسعد وحده عبالك لعنه وصابتني...

واحس الي دفع ضريبة اخطائنه هو طفلي وعمه اي مرتضئ هو الدفع الثمن...

من حقه يتزوج انسانه يكون هو اول شخص يلمسها وتكون ماسبق الها وان تزوجت...

والمشكله اني زوجة اخووو رغم اني مو زوجه اني خطيبة.....

رحت للحمام سبحت ولبست تراك فسفوري واسود جان البدي مالته قصير...

وضليت امشط بشعري وانشف بي

دخل مرتضئ باوعت عليه وابتسمت...

هو ابتسم مجامله

كال...السلام

كتله...وعليكم السلام

كعد علئ السرير ومد رجليه وتكئ علئ المخده وعيونه عليه....

كال...رانيا

كتله...هاااا

كال...تعالي

اجيت يمه بس احس برعب مااعرف مجرد مايجي او اشوفه أو يحجي ويايه احس الموت يسري بجسمي ورجليه تموت ومعدتي تگلب...

كعدت بعيده عنه علئ طرف السرير

كتله واني منزله راسي واديه ترجف...تفضل مرتضئ

كال بهدوء....ارفعي راسج تره جاي نحجي مواضيع عاديه...

رفعت راسي وابتسمت بتوتر جاوبته...اي مثل متريد

كال بعد ما جر نفس عميق....رانيا انتي بنيه وصاحبة مفاتن وحلوه هذا الشئ مااكدر انكره

استغربت وردته يكمل هزيت راسي باي

كال...لذالك اريدج شوويه تنتبهين البسج كدامي لان اني مااريد تكون بيني وبينج علاقه زوجيه...

بلعت ريقي بتوتر وانقهرت بنفس الوقت مو لان كال مااريد علاقه زوجيه لا ...بس لان احسه ديحسسني ان هو مجبور واني دا اغري بلبسي...

كتله...مرتضئ اني من يوم يومي هيج لبسي اصلا اني مجنت محجبه...والحمدلله تحجبت بفضل ربي وبفضل ابو مفتدئ...لذالك لا تفكر ان اني ممكن اغريك بالبسي...

كال بصدمه...انتي ليش هجوميه واندفاعيه ترئ اني محجيت شئ فقط كتلج لبسج احشمي

كتله...دتحسسيني لابسه ثوب نوم وافتر بي عليك

كال...اهووو انت هم ما تتحاجين

كتله بعصبيه....جيبلي ثووب امك واني البسه واني بعد مااغريك

هو تخبل لزمني من فكي حييل وقربني عليه

كال بعصبيه...تستهزئين بامي انتي

هزيت راسي بخوف...لا مو قصدي بس لان يكون ثوبها عريض وكبير هيج كلت

كال من بين اسنانه...احجي وياج بااحترام ترجعين تحجين بااحترام...مفهووم ولا تضلين تخرطين عليه وتاكليني بالسانج اوك

كتله بعصبيه وجهي قريب من وجه...انت كلامك يغث واني ممجبوره اتحملك....

ضغط على فكي حيل كال...رانيه والله العظيم اذا ما سكتي هسه ادميج تدمي

انصدمت يضربني

بعدت يده عني ووكفت....

بجيت بالم....تضربني

كال بعصبيه...واكسر راسج

رجفت شفايفي وبجيت بحضرته ... انت شنوو ؟؟ ليش متحس ليش مدكول هاي مكسوره وماكملت فرحتها وكمل كسرتها ابنها تصير انت والقدر عليه

هو حسيته بدل كال...لا ما اضرب اني

رفعت اصبعي بتهديد واني ابجي واشهك...شوف مرتضئ اني لا يمكن اسمحلك تضربني ومهما يكون السبب اني لا عبالك مثل دانيه يضربها خالد وباليل ينومها بحضنه اني رانيا وشخصية عن شخصية تختلف...

هو وكف وضحك ...ادري شبيج تبجين هاي بعدني ما ضاربج خلصتيها مناحه...طلعتي ام دميعه

كتله واني امسح دموعي...اني بابا مضاربني..ومااحب الرجال اليضرب...

كال..يابه ما نضربج...انتي ام فادي اخاف اضربج وانوب يهد عليه البطل

بسرعه كدر ياخذ مني استجابه مسحت دموعي وضحكت كتله...هو وينه سوده عليه مريض

ضحك كال ...الله يشافي

وبعدها تقرب مني ولزم ايدي....

حسيت اجتني رجفه مو طبيعيه اباوع علئ ايده حاركتها الشمس وتحسيها بيها رجوله عكس ايدي الخجوله والناعمه بحضن ايده

كال بجديه...ياا رانيه لا تاخذين كلامي محط الزعل اني وياج نعرف كل زين شنو الي نريده

اني كاخ ما اكدر اتاقلم علئ الوضع حاليا يحتاج وقت يمكن اكدر احبج او لا

يمكن جاي اجرحج بكلامي بس صدكيني مو قصدي لكن اني مااعرف اعبر ولذالك يمكن تكون طريقتي همجيه وجرحتج....فتهمتيني؟

كتله...اي افتهمتك والله بس،شوويه اصبر اخطبلك سحر

ضحك بقهر كال...ما افتهمتيني...

كتله بعناد...لا بالعكس هاي انت من حقك تتزوج حبيبتك .انسانه تكون انت اول واحد بحياتها....

كال بجديه...اني ليش اصريت علئ سحر لان فقيره ويتيمه واحسها مغلوب علئ امرها ومضلومه عند بيت جدها من هذا الباب اني...بس الحمد لله على كل حال....

قهرني بزايد وعرفته مجبور....

درت وجهي كتله...اخطبها لتخاف...

سحبني من ايدي كال بضحكه...انتي ليش اندفاعيه وتهجمين بسرعه

كتله بتفاجئ...بس محجيت شئ اني

كال...لا حاس بداخلج....

سكتت ونزلت راسي...

هو حط ايده على كتفي وسحبني كعدنه علئ القنفه..

حسيت روحي صغيره بصفه...

كال ...رانيا تحمليني الله عليج والله نفسيتي تعبانه

هزيت راسي بأي

هو حط اصابعه جوه جنكي ورفع وجهي...

نزلت عيوني بسرعه

باس راسي كال...هذا اعتذار عن الصار

ضحكت كتله ...شكرا

ضلينه شوويه...

وخابر اخووو

هو فتح خط وكال... الوو هاا عمار شلونك

عمار...هلا بالعريس لك الحك ماتدري شصار

مرتضئ بااستغراب...شصار خييير شكوو؟

عمار...الك دانيه يكولون ضربتها سياره وحالتها خطره واذا ما مرت 24 ساعه تموت...

مرتضئ وكف مصرووع

واني صررخت ولطمت علئ وجهي

مرتضئ كال...جايك جايك

قفل الموبايل واني ضليت ارعش من الخووف وابجي وهو يكوول كافي كافي ان شاء الله ماكوو شئ...

لبست بسرعه ولميت اغراضي واني ابجي علئ اختي الوحيده

يممه سووده عليه يا دانيه والله اموت اذا صار شئ عليها..

طلعنه بسرعه...واني بسرعه خابرت ماما....

خطيه ماما مفرفحه من البجي

كلتلها بخووف وبكاء...ماما شكووو شبيها داانيه احجي والله حتئ بعد مااكدر احجي

كالت بنحيب...شحجي ولج ماما داانيه بالضيم صاير عندها نزف بالدماغ....وديسولها عمليه...

بجيت بصوت عالي

مرتضئ ساق بسرعه حييييل...

مااخذنه للمستشفئ اخذنه للبيت....

بسرعه وصلنه نزلت واني ابجي والبنات خطيه تلكني ويبجن...ويدعن الها...

كلتلهن...الحقيير شلون سحكها وعافها بمكانها....

كالن بتوتر...اي جانت طالعه ويه امي،ونضربت....

رحت اخذت الاغراض للغرفه وطلعت واني ابجي علئ اختي....

شافتني عذراء حضنتني حييل وتبجي خطيه حييل..

واني بجيت وياها...

طبعا دانيه صديقة عذراء وتحبها ودائما تضحك على سوالفها...رغم بالبدايه وحده متحب الثانيه...

كالت فوزيه باليل نجي اني،وعذراء....

ركبنه السياره ورحنه واني ادعي الها وكلبي يرجف ومتشتته

...............

طلع الدكتور من غرفة العمليه...

والكل ركض عليه...

خالد وابو دانيه بخوف ورجفه....هااا دكتور بشر شلونها دانيه..

كال باسف....هي عمليتها ناجحه لكن دخلت بغيبوبه ومااعرف اذا تصحئ هسه او بعد او تضل عايشه بغيبوبه....

انصدم وبلع ريقه بقهر...اءءء دكتور انقلها للخارج

ابو رانيه...لا اله الا الله لا يا بابا يا دانيه

الدكتور...لا ما الها علاج...هنا علاجها أفضل هي بعد حسب طاقة جسمها واستجابتها للعلاج الله يشفيها..

خالد...اكدر ادخل الها...

الدكتور...بس انت والبس ملابس الطبيه

خالد بقهر...اي اي

راح لبس ملابس معقمه ودخل عليها...

للغرفه

جانت الغرفه هادئه ومايسمع غير دقات قلبها المعذب..

تقرب منها اكثر

شافها اكتافها عاريه....

والاجهزه حوالينها وجهاز التنفس وصوندات بخشمها..

واسها مضبر...

وعيونها ملفوفات بالشاش الابيض...

انرعب من منظرها

وما كدر يواجها ...رجع خطوووات كبييره وطلع من الغرفه...

مشئ،بسرعه والكل يسئله ويستفسر منه بس هو مو وياهم هو عقله وقلبه وجوارحه عند اسيرته المقتوله.

طلع خارج المستشفئ وركب سيارته

عض اصبعه بقووووه وضرررب استيرن السياره

شكد تجبر عليها وضلمها وتفرعن عليها...وهي جانت لا حول ولا قوة

اتذكرها من تجاوز عليه وتسوي روحها ماتعرف...

نعيد المشهد...

اتذكر من اجه بتالي اليل....

دخل وهو عاقد الحواجب...

خالد بدون نفس...كومي حضري الحمام اريد اسبح

دانيا بااستهزاء...هااا عزلت الشوارع تعبت من الديا...

سكتت من عرفت بنفسها راح تجفص...

تقرب منها ولزمها من شعرها وهي لزمت ايده بوجع...

خالد...عيدي عيدي شكلتي

دانيه بخوف...لا اكول اهلا وسهلا تدلل هسه احضر الحمام...

خالد ابتعد عنها...اهااا عبالي مدري شكلتي يالله حضري الحمام اريد اسبح...

مشت شوويه وكالت بغرور..مو رجال شكد يسبح هسه يزنجر...

شافته ركض وراها وركضت

دخلت بالحمام وبخووف...والله اشاقه

خالد...ازنجر يا ام كفشه

دانيا...والله اشاقه

فتح الدووش وسحبها...

لزمها من خصرها ونزل عليهم المي...

سحبت نفسها...اهوو خالد وخررر

خالد بهيام وهو يشم بااذانها...دخلينه نزنجر سووه

دانيا بزعل...فدووه خالد نگعتني وخر

نزل علئ رقبتها وهو يبووس الشامات المتتاليه والماخذه مكان من رقبتها...

فتح قميصه وشمرها....

دانيه بقرف...لا خالد فدووه والله هنا لعبان نفس عاد خليها بالغرفه...

كال بخبث...لا حلووه

دفعته وركضت بس هو اسرع منها ولزمها..من خصرها...

همس عند اذنها...وين رايحه

دانيه بتوسل....لا عفييه خالد حباب بالغرفه احسن

همس برومانسيه...روحي حضري نفسج منتظرج يا غلاي..

دانيه...اي اي هسه احضر روحي

طلعت تركض....

نشفت شعرها بسررعه ونزعت ملابسها لبست ستريجات 2 وبجامه وتشيرتات ثنين وشالت ملابسه المببله وشمرتهن بالغساله....

نامت علئ القنفه وتغطت ببطانيتين....وسوت روحها تشخر خششس خششس...حست روحها جذابه...فنظمت انفاسها وسوت روحها نامت بسابع نومه.....

طلع هو من الحمام

شافها نايمه جان ينشف بشعره....

رفع البطانيه وهي بلعت ريقها....

همس قريب من اذنها ...بنت المطي سويت روحج نايمه يالله انتي موجوده وين ترحين ونشع منج ولوو انتي نادره ما ينشبع منج يالله نامي حتئ افهمج اني مو ملطلط...

باسها بشفايفها بعمق وراح...

مسحت شفايفها بقرف وهمست...ملطلط ودايح ييع

رجع شالها بين اديه ونومها بصفه وهو يتأمل ملامحها الجميله وهي مصطكه منه وخايفه... وكل شوويه يبوسها ويتعمق....

استفاق من ذاكرته

وجررر نفس شسويت يا خالد شلون جرمت بطفلتك وبهذلتها..بغيبوبه يا خالد بغيبوبه...

......................

تقريبا باليل وصلنه للمستشفئ

نزلت من السياره ملهوفه مقابيل مستشفئ الجمله العصبيه

مسحت انفي بالكنلكس وشهك من البجي ماما كالت دنو دخلت بغيبوبه...

تخبلت عليها

اختي مسكينه متستاهل الصار وياها....

دخلنه شفناهم طارديهم كلهم بالحديقه

خطيه ماما تسبح وتبجي وخالاتي كاعدات مقابيلها...

وعمار واخوو وامه واخواته. كلهم كاعدين ....

رحت حضنت ماما ونطيت من البجي وماما تبجي سئلتها عن ابني كالت وديته الخاله...

وبعدها اجه خالد ضل واكف علئ صفحه ويدخن بشراسه

ضلينه للصبح كاعدين

ودانيه مرت عليها ساعة الخطر وتدعت

صارت تقريبا بالعشره كوولشي محاطين بحلكنه

وخالد حتئ مي ميقبل يشرب

اجه ابن اخت خالد اسمه علي ضابط بالجيش وسجل اقوالهم...

عمه كلتله...هي ضربتها سياره وابو السياره انهزم....

وبعدها اجه صديق خالد يسمونه ابو لهب...

اسمع خالد يكوله ادعيلها انت فقير ادعيلها الله يستجاب دعائك

اجت عذراء وامها فوزيه تقريبا ب 11

وعذراء خطييه تبجي

حضنت خالد بالمستشفئ وبجت بجي

ودكوله...لك خالد دانيا تحبك تموت عليك

كلنه انصدمنه شوكت حبته حتئ هو انصرع مو انصدم...

هو بعدها عنه بخجل كالت...والله تحضر حمامه حتئ دكول راح يزنجر من السبح...وتحضر اكله وتغسل ملابسه حتئ دكول ماعنده ذوق لبسه كله يتشابهئ...

هو تركها وابتعد....

ضلت تسولف...وتبجي وتطلع سوالف تعبانه....

اجه ابن اخت خالد علي وامه...

كالت عذراء...هااا ولك عليووي صاير ضابط خرب حضي جنت اكتلك كل كتله ساحلتك سحل....

علي...خااب انجبي ساحلتني العيطه شلوونج ولج

عذراء ...الحمدلله صاير زلمه ماعرفتك

علي...وغصبا عنج

عذراء..خااب گوم غصبا عنج لك احترمني اني خالتك...لا لا اني مو خالتك الح بنت عمة امك يعني يصير تزوجني

علي..ازوج بعير وماازوجج خاب اني ضابط

عذراء...دوولي هو انت نص رجال مال ضابط انت

علي....ههههههههاي ولا تبطلين سوالفج

همست لام علي...خررب حضي اكله نص زلمه يضحك الفطير عبالي هسه يحصرني بغرفه من غرف الممرضات ويغتصبني ويشوفني الرجوله علئ اصولها طلع صدك نص رجال

ام علي ضربتها...يييع عابتلج يممه انتي تغتصبين علي ابني

باوعت علئ خالد ومرتضئ وعمار وابو لهب ومعن وابويه ومصعب وعلي

كالت...شووف نعمة الله شلوون مشموره بالكاع هاي نعمه لازم واحد يبوسه ويحضنها هذا امر من رب العالمين رايحه ابوسهم...

سحبتها ام علي وامها يرزلن بيها وكللها البنيه تريد تموت وانتي تحششين....

هي طكت من البجي على دانيه وتتذكر مواقف وياها وتبجي....

وبعدها اغلبيتهم راحوو

وخالد يتجنب مصعب ما يتعارك ويا ومصعب يفور علئ خالد....

.........................

بعد مرور 15 يوم علئ غيبوبة دانيا....

مرت الايام مثل النار عليهم...

جانت فقط عايشه علئ المغذي حالتها يرثئ الها وهو مايتركها دقيقه بس يسبح ويرجع الها....

ضل يلزم ايدها ويبوسها ويتوسل بيها...

حتئ لو كان اله ثار وياها مايريده...

حملها سبب موت زينب وشركها بالطائفه جان كل همه تعترف علئ اهلها بالاجرام وهي مااعترفت نبت حبها بقلبه....

بس جان متشتت وميعرف شيريد من حس بفقدانها راحت روحه عليها مثل مراحت علئ زينب...

حرمها من موبايلها ودراستها وانوثتها وكل ضربه يقدمها الها ياكد النفسه راح تمل وتعترف بس هي صبرت....

صارلها 15 يوم بغيبوبه....

امها تحفضها لان تاخذ مغذي وتتدرر وتلبسها

اما هي مثل الميته....

باس ايدها وطلع منها....

.........

دانيا....جنت اشووف نقطه سووده ارركض عليها واوكع راودتني بغيبوبتي بنيه لابسه صايه جوزيه وشال وحلووه....

جانت دكولي....انتي اخذتي شالي شالي احببه ارريد شالي...

واني جنت معانده ماانطي اله وكلتلها شالج من لبستها ما رتاحيت

كالت...اي شالي احببه

فقت من الغيبوبه ....احس جنت بغييير عالم

ادييه ثگيله ولساني يابس ومااكدر حتئ انطق ورجليه احس ميتات....

كل جسمي مييت

همست ...اءء امممه ماممه

الحروف ما تطلع ولا اكدر انطق...

اني شنوو صار بيه اني وين ليش لا اكدر اوكف ولا احجي ولا اشووف شنوو الصاار....

نهاية البارت....يتبع

نور...سمو العراق

كونوا انتم كونوا بخير...احبكم 😘

التصميم اهداء من الكاتبه المبدعه SoSo---2003اهداء لدانيه وخالد فديتج سوسو شكرا....

شكر دانيه للمتابعين الكرام 😊

لا تنسوو التصويت حبيباتي....😘😘