رواية #انتي سيوف الثأر في اجفاني الفصل الثاني وثلاثون 32 - بقلم الكاتبه سمو العراق

البارت الثامن والعشرون
رواية...انتي سيوف الثأر في اجفاني
بقلمي...سمو العراق

💔💔💔💔💔💔💔💔

اعرف انك لن تتوسدي صدري مجددا
اشعر انني قد انهيت عداد لحظات الشقاء المكتوب لكل العالمين
وكأن فجائعي قد ابت الا ان تتجدد وان تحفر اضلعي بدون رحمة او شقاء
عيناك هجرتا ضوء محياك وانطفئ
منها الحياة
كم تمنيت ان تهدني نوبات البكاء فتسيل منها عبرات الملح والقيح الذي حفر في روحي .
عل الرحمة تزهر صحراء الحياة
اقول لك سرا صغيرا لاتخبري به الاخرين
انني خائف بكل اكاد ارتجف خوف فقدك
خوف ارتحال العصافير الالوان وقناديل الضياء
ماعدت اعرف من انا
ودنوع قلبي الحيرى تذرفها العيون
واقسى انواع البكاء هو بكاء الروح بلا دموع فلا العينان تجري بقطرات الماء علها تطفئ الحريق ولا الروح تهدأ ولا صبر لدي .

للمتابعه المبدعه..Mnmn78

.........................

فقت من الغيبوبه ....احس جنت بغييير عالم

ادييه ثگيله ولساني يابس ومااكدر حتئ انطق ورجليه احس ميتات....

كل جسمي مييت

همست ...اءء امممه ماممه

الحروف ما تطلع ولا اكدر انطق...

اني شنوو صار بيه اني وين ليش لا اكدر اوكف ولا احجي ولا اشووف شنوو الصاار...

رفعت ايدي ببطئ مااكدر ارفعها

لمست الفراش باصابعي اريد ارفعها خدرانه مااكدر بصعووبه رفعتها حسيت اكوو فد شئ جاثم علئ تنفسي حطيت ايدي علئ وجهي حسيت شئ مثل البلاستك علئ انفي حاولت ارفعه من وجهي مكدرت اديه احس مثل النمل يمشي بيهم....

ضليت اتنفس بصعووبه ارمش بعيوني يعني فاتحتهم لعد ليش مااشوف...شنوو الصار انعميت...

بجيت بتعب من الخووف والضلمه وبرودة الغرفه...

سمعت اندك جهاز انذار مااعرف جرس ...

شويه وحسيت بااشخاص فوك راسي سمعي ثكيل ومااعرف شنوو يحجون

واحد منهم لزم ايدي ومخلاني ابعد جهاز التنفس من انفي

رجفت شفايفي واشهك...

سمعته كال....بابا بعدج تعبانه والرئه مالتج تعبانه ولازمج تنفس لا تبعدين الاوكسجين من خشمج

بلعت ريقي وارعش رعش خووف والم وحياة برزخيه...

مااتذكر شنو الصار ...فعلا شنو الصار اني ويين

شوويه ودخل صوت كريه علئ گلبي....

لمس ايدي عرفته من اول ما لمس ايدي....

كال...دانيه حبيبتي شلوونج...

فتحت عيوني بصدمه مااشوف شئ....سحبت ايدي حيييل منه...

هذا المجرم والجاني ...اريد احجي لساني مربوط وتئتئ بالكلام وهم اصلا ما اكدر من جهاز التنفس الي مخلينه اليه....

رجعت عليه اللحظه الي ضربني بيها....

هذا وحش هذا مجرم اناني اخااف منه اخاااف لا تعوفوني وحدي وياه لا تطلعووون....

ضل جسمي يهتز واصرخ بنفس مكتوم

جسمي يهتز بصوره غريبه من الخووف والقهر وتنفسي يصعد وينزل...

هو ضل يمسح علئ راسي ويكول...دانيه دانيه تحملي لا تخافين اني ويااج حبيبتي الحمدلله من صحيتي

جان يتكلم واني اتمنئ ارجع للعالم لجنت بي كلامه ذبحني وجرحني بالزايد...

النذل يتحمد الي بالسلامه وهو سبب نومتي هناا

سمعت الدكتور يكوله...اطلع اخي خلينه نشوف شغلنه لا ترجع الها الغيبوبه وهي هسه صحت....

خالد بخووف ...دكتور ليش هيج تهتز

الدكتور...اطلع واحنه نشوف شغلنه ونعرف السبب بعدها حالتها حرجه...

هو تنهد. بحزن ومسح على لحيته وطلع لكن روحه تحتضر المنظرها المفجع...وشكلها البريئ المقتول...بسيوف ثاره

.....

الدكاتره ضلوو يحطوون مغذي وضربوني ابره بالوريد..احس راسي يريد ينفجر...

وبنفس الوقت لهفه بروحي اريد اهرب من المكان كله وماالتقي بأي شخص...

كاره الكل....

سمعت الدكتور يكول وهو واثق من نفسه...

It in the world of medicine we call it shock emotional the thing she feel

ترجمه...الشئ الذي تشعر به دانيا نسميه بعالم الطب صدمه عاطفيه...

الشخص الثاني...راح ترجع الطبيعتها دكتور؟

الدكتور...حسب استجابتها للعلاج ومساعدتها لنفسها البنت متعرضه لتعنيف

المساعد ...كالوو جاي تدعمها سياره وهي راكضه واكعه علئ وجها وهيج صاير بيها....

الدكتور...كذب هذا الشئ كذب البنت متعرضه التعنيف وهمه سدوها من يمهم...

المساعد...زين ليش نسمح الهم

الدكتور...هي راح تنطي افادتها احنه مجرد دكاتره يجوز متحجي شئ....

المساعد...فعلا...

جنت ائن من الوجع واسمع كلامهم الي زاد من قهري وهمي يكذبون وينطون افاده غلط... يحمون المجرم القتلني واني  مطروحه علئ فراش الموت وين المنطق...وين العداله وين الإنسانية

رادو يخلوني صاحيه بعد محد دخل عليه وره تقريبا ساعات...

دخل الدكتور فتح ايدي جان رابطها بالسرير لان كل شويه اريد اوخره....

كعدني وسحب الاوكسجين...

جان جسمي ميت واون من الوجع....

وجسمي مكسر....

حاول يكعدني بس اوكع هيج وهيج مااسيطر

كتله بتلكئ....اءء دد كم

ما كدرت اكمل كلامي بجيت بصمت...

كال بحنيه..دانيه شنو التردينه

اشرت علئ شفايفي

كال...مي

هزيت راسي بأي

كال..شويه وانطيج هسه اخذتي مغذي قوي اخاف يتضارب وياج...

بلعت ريقي...حطيت ايدي على عيوني ياربي ليش مااشوف معقوله عميت لو صرت عوره والله اذا صرت عوره انتحر....لا ياربي...

رجعت حجيت..دد ك توو ر

احس مو كلمه انكطع نفسي

كال...هاا دانيه

اشرت علئ عيوني...

كال ...ان شاء لله ماكوو شئ لا تخافين

هزيت راسي بمعنئ مااشوف...

كال...اي لان هذا شاش علئ عيونج ان شاء الله من انفتحه نتأكد من سلامة بصرج...

شوويه ودخلت ماما هي ودانيا وبابا وتبجي تبوس بيه حنت جامده او بالاحرئ ما عندي طاقه الهم...

بابا خطيه يبوس باديه ويفرك برجليه لان احسهن ميتات والدكتور كلهم فرجوها....

جنت ابجي وشاش تبلل

رجعت نمت...

ماما كالت ...داني ماما منو ضربج...

درت وجهي ردت احجي بس نفسي ضاق...

كالت...الله لا ينطي المجرم الدعمج .

عضيت شفايفي بتعب النذل يكلهم مدعومه الجذاب يريد يفلت من التهمه شكد حقير....

خطيه رانيا تبوس بخدي وتبجي واني ولا يمهه تعبانه حيييل...

رجعت نمت مره ثانيه

.......

ابو رانيا خاف من رجعت نامت عباله فقدت بس الدكتور طمنه هاي نومه مو غيبوبه....

................................

رجعت من المستشفئ اني ومرتضئ...بالسياره جان فادي يبجي خليته عند خاله...

ومن جبته منها بس يبجي...

كال مرتضئ...شبي؟

كتله بخوف...مااعرف يمكن ممتون...

كال...خلينه نوصل فوزيه تمتنه...

وصلنه رحنه كبل البيت فوزيه...

تلكتنه عذراء تغسل بالبيت....

كالت...اهلا وسهلا تفضلو تفضلوو مليت نهارك كله انضف جني سندريلا بس فكر ما يجيني الامير

ضحكت كتله...ان شاء لله تزوجين احلئ امير

كالت...لا خيه الامراء محجوزين مثل بيتزت المطاعم مخلينه بس بيتزت امي جنها خبز عروك..

ضحكت عليها...

كالت..عمي هم راضين بيتزت امي بس كون يجي حتئ لو ابو لهب...نسبة العنوسه بالعراق 60 بالميه لازم اتلاحك علئ روحي...

كتلها بااستغراب..انتي محد يخطبج

كالت...كفيلج العباس محد بس الفقراء والمساكين والمغضةب عليهم...بس بيتزت المطاعم ولا واحد خطبني منهم....

ضحكت ودخلت لكيت مرتضئ كاعد وبيده فادي انطاه العمته

هي كلتلها...عذراء جيبي بطل الزيت...

عذراء...شني تمتنينه تگلينه شلج بزيت

كلتلها...امشي ولي شكد تحجين

راحت جابت الزيت

انطته لامها وامها تمتن بفادي وهو يصرخ واني ابجي وياه....

شوويه وهدئ فادي

كالت فوزيه شلونها دانيه كالوو كعدت...

كتلها...اي كعدت بس خطيه تعبانه حييل ومتكدر تحجي يكول الدكتور من الغيبوبه...

كالت عذراء...ما تستاهل والله جنه نباوع اني وياها علئ ابو لهب ونتغزل بي كتلها ادفعيني بالغلط وخليني اطب عليه وبلكت يزوجني ....

فوزيه عاطت بيها...كوومي يمصخمه الناس وين وصلت واني ضاله بس توزع نظرات

عذراء...يمه شسووي حبيتهم كلهم بدون استثناء ومحد عبرني اغتصبلي واحد منهم واسويها قضيه

فوزيه رادت تكتلها...

واني ومرتضئ نضحك.....

اتصل موبايل فوزيه طلعت بيبة سحر من كلام فوزيه وياها اكوو شئ

بيبة سحر رادت عمتي...

وراحت عذراء صاحتها...

جان مرتضئ طول المكالمه متضايق وضايج ومركز وياها...

واني انتبهت عليه تنهدت بضيق مراح نخلص من سحر

اجت عمه حجت وياها...

كلتلها....هلا خييه 

عمتي...ياااا ياااا يممممه دهر الصااابه الفلك الفلكه

وبعدها سكتت وطلعت

اخذت الموبايل وراحت جووه....

مرتضئ بسرعه راح وراها وكف يم الباب واني وكفت بحزن وراها بس بعيده عنه....

امه لطمت صدرها كلتلها....ياااا اغتصبها. قيس اغتصب سحر

وضلت دكول الوو الووو خاب وين رحتي يااا

مرتضئ دار وجه عليه عبالك واحد انكرص واني باوعتله مصدوومه....

ركض للغرفه واني ركضت وراها....

شفته يدور بالكنتور...

حطيت فادي علئ سريره ورحت عليه...

شفته طلع مسدسه وعيونه شرار...

تخبلت فتحت عيوني مصدووومه شديصر مو كال متعاطف وياها

سحر اغتصبها ابن عمها وهو يريد يقتله

لزمته كتله ...مرتضئ ويين رايح

كال بعصبية...مالج شغل

كتله...لا الي شغل انت دتعرض نفسك للخطر هو ابن عمها وهو يحلها...

دفعني كال...لج وخري من وجهي احسن الج

كتله بغضب ودموعي نزلت...انت اناني تحب سحر

كال بعصبيه....اي اي احبببها ومااحبج بسببج خسرتها ونكسرت والله سحر اذا صار الها شئ اكلب الكون كلاب....

ضربته علئ صدره بثنين ادييه...لك اكررررهك اكرررهك طلكني يالله طلكني...

دفعني حيييل كال...اصبري اني هم اكرهج

وكعت علئ السرير

ونطيت من البجي دفنت وجهي بصدر طفلي وشكيت اله همي ومئساتي

وهو طلع شايل سلاحه....

................................

دخل عندها بعد ماراحو اهلها من  المستشفئ وغرفتها

كعد علئ الكرسي ولزم ايدها بحنان باسها

حسيت بشخص يبوس بيدي

عرفته رغم المي وقهري وعدم الرؤيه عندي بس عرفته

هذا المجرم الصهيوني شيريد مني يريد يذبحني ويقتلني مااكتفه

سحبت ايدي

هو تقرب مني وباسني بخدي بسرعه لفيت راسي

كال بصوت حزين ...دااانيه كوولشي ينحل اوك

عصرت ايدي حييل وشديت شفايفي

هو كال بلهفه لا تضغطين علئ نفسج حبيبتي مو زين عليج....

شكد منافق واناني ليش هو منو الضربني مو انته

صدك لو كالوو يقتل القتيل ويمشي بجنازته...

كال...دانيه اني فاقد الكلام بس صدكيني انتي اعز من روحي

تنفسي ضاااق وعيوني توجعني وراسي يئذيني...

لزم ايدي واني حفرت اضافري بيده حيل وباانتقام حسيته توجع بس صبر وحسيت بلل بيدي اعتقد طلعت الدم....

كال...انتقمي يروحي والله ائذيتج ومعترف

كتله بتلكئ...اكك اك رر هه ك....

هو ضحك بهدوء .كال...احبج

حسيت ببوساته علئ وجهي

واني انهاريت صرخت بصوت عالي

ورجفت سحبت ايدي وانكسرت ابرة المغذي بي ونزفت...

دانيا....ااااااااااااااااااااااااه

ضلت ترجف وترعش وهي تعيد الماضي الاليم وخايفه من الوحش الكاسر الكاعد وياها بالغرفه

دخلوو الدكاتره يركضون وهو ابتعد عنها مصدووم

حاولوو يهدئونا...

سوويه واجت امها وابوها شافوو حالتها تخبلووو

انطوها ابره وهدئت شوويه...

امه ...ماما دانيه هسه تطيبين واخذج البيتنه وتدرسين بعد شتردين

دانيا بنحيب...ارر اروح وي ه خالد

صدمت الكل بقرارها...واول المجرم والجاني...

معقوله تروح وياها شنو نيتها بروحتها وياها....

ليش تريد تروح وياها....

نتلقئ الاجابه بالبارت القادم....

ماراح انهي البارت لان قصير...وراح اكمله يااما نص اليل او باجر....

اعتذر عزيزاتي لكن ضروفي سبقتني اتمنى تقدرون وضعي.....

كونوا انتم كونوا بخير....

سمو العراق...نور