رواية #انتي سيوف الثأر في اجفاني الفصل الثاني عشر 12 - بقلم الكاتبه سمو العراق

البارت الحادي عشر
رواية..انتي سيوف الثأر في اجفاني
بقلمي...نور سمو العراق

💔💔💔💔💔💔

اخبرني بربك
لم يغدو هذا العالم كئيبا من دونك!!
اخبرني بربك
لم تبدو الحياة شاحبه قاتلة
وانا افيق كل ليله
أشكو غربة الدنيا بعدك!!
أيا روحي أيا مهتدئ لم هجرت هاتفي
وانعزلت عني
ابات يريحك قبرك المشؤؤم اكثر مني!!
بقلمي فديتني...💓

بينما اني جنت ادور علئ الكنلس

انفتح الباب ببقوووه انضربت بي حييييييل

صرررخت من الوجع ووكعت علئ الارض

لزمت بطني بوجع  وعمه وماما اجني يركضن

عمه كلتله...شبييييك مرتضئ متشوووف موتت البنيه...

حسيت شئ نزل عليه انرعبت حييييل وصرخت...لا لااا لا...

هو ضل مصدووم ومتفاجئ

عمه لزمتني كالت بخوف مبين علئ ملامحها...رانيا يمممه شتحسين احجي

كتله بوجع وخووف...ماا ماااعرف بس احس بشئ نزل عليه

ماما حاولت تكومني..كالت كووومي خلي ناخذج للمستشفئ

حاولت اكووم بس صرخت من وجع بطني

عمه سحبته وهو مثل الاثول صافن

كلتله...شبيييك شيلها ماتشوفها راح تموت هي والطفل..

كتله بوجع...لا لا اني هسه حگووم

عمه سحبته  كلتله ...ولك شيلها

هو كعد ركبه ونص وتقرب مني احسه صخن حط ايده جوه رجلي والثاني علئ خصري

تقززت من لمسته وشالني

بجيت بصوت عالي وهمست...وييينك مهتدئ

هو بسرعه باووع بوجهي عبالك مثل الي شمرو عليه مي مثلج

بلع ريگه واني رجعت راسي بألم

وصلني السيارته ركبت ماما وامه بالصدر وهو خلاني بحظن امي...

صعد بسرعه وركع الباب حييييل

يالله معقووله هذا وخالد اخوان مهتدئ الحنين المرح

جان عاقد حواجبه وبشرته السمره تنكط سم وشاد علئ شفايفه حيييل وشراينه ايده بارزه وهو يسوق السياره

حسيته مان عليه لان جابني للمستشفئ بس غير هو ضربني والله وأذاني

وصلنه للمستشفئ عمه كلتله تعال شيلها اني مقبلت شنو كل شوويه شايلني كأني فزاعه

نزلت امشي علئ كيف وماما وعمه يساعدوني

وهو محتار وكل شوويه كال...هااا اساعدكم

كلتله ماما...لا شكرا

وعمه تكله...اي شيلها

هو انطه نظره لامه سكتها...

اخذوني الطوارئ نمت علئ السديه واخذوني للعنايه اجتي دكتوره ضربتني ابره وشكلتلي مغذي

دخلت عليه فحصتني

كالت ماما صاير عندج نزيف والطفل مهدد بالاسقاط

وبعدين اخذتلي سونار كالت ما شاء اللة طفلج كبير رغم بعد بنهايه الشهر الخامس بس هو كبير

وكالت طبعا انتي حامل بووولد

ابتسمت بحزن بجيت وضحكت بنفس الوقت

لو مهتدئ هنا جان فررح بي وافتخر بي بس للاسف طفلي المسكين ملاگي واحد يفتخر بي غير بيبيته

كالت ماما لازم تنامين علئ ضهرج ومده اسبووع مااريد عندج اي حركه صار عندج ثقب بالمشيمه وبس ينلحم ارجعي طبيعيه بس حاليا مااريد حركه

كالت ببتسامه...ان شاء اللة تجيبين بالسلامه وين ابوو نفرحه ونگله حيجيك ولد

كتله واني امسح دموعي...بالنجف

انصدمت وحجت بتفاجئ...والده متوفي

هزيت راسي بأي ودموعي شلال

كالت...الله يرحمه ويجعل ابنه ثمره صالحه تذكره وتثوب اله

كتلها...اميييين

كالت ...عبالي الرجال الواكف بالباب هو زوجج

كلتلها برعب...لا لااا هذا حمااايه هو جابني للمستشفئ

كالت...هااا خطيه اول طفل الج هذا

حطيت ايدي على بطني كتلها..اي

ابتسمت بحزن وطلعت...

جانوو كلهم واكفين بره الغرفه من اجت الدكتوره اجوو عليها بالهفه

ام خالد...هاااا دكتوره بشري شلونهم جنتي وابنها

الدكتوره...لا تخافين بس تلتزم بعلاجها والاشياء الوصيتها عليهم محيصير بيها شئ

مرت ساعه وطلعوو دانيا من المستشفئ

طلعت وماما تساعدني جان هو واكف وداير وجه وحاط ايده على خصره ومزعووج

سمعت يكوول لامه...لو تنبت شجره براسها مااخذها

ضجت حيييل على شنو ماياخذني هسه ااجر تكسي وياخذني ابو التكسي قابل ضاله عليه...

هو رئسا اندار علينه وسكت مسح وجه بتوتر

كال وهو يمشي كدامنه...الحمدلله علئ السلامه

كالت عمه ببتسامه شاحبه...يالله حبيبتي خلونه نروح

كتلها...لا هسه نأجر تكسي

كالت...لا لا شلون تاجرون تكسي وسيارتنه موجوده امشوو امشوو

استسلمت للامر الواقع وركبنه بسيارته ملامحه متتفسر وجه كئيب مااعرف ليش احسه شايلنه علئ ضهرره

طول الطريق السكوت سيد الموقف واصل امه لبيتهم

وبعدين وصلانه لخاله نزلت ركعت الباب حيييل حسيته بوده ينزل من السياره ويكتلني

باوعلي بعتب وكال...والله ذكرتيني بالحزبيه قبل

ابتسمت ودخلت لبيت خاله شنو قصده بالحزبيه هاا معناها شكلي رجووولي لان الحزبيه عدهم شوارب ثخاب ويخوفون ضحكت هذا الفسرته اني بعد مااعرف شنوو يقصد...

...........................

يوم جديد

جنت نايمه علئ القنفه وايدي حاطتها علئ صدري ولافتها بقميصي

حسيت بطيفه واكف علئ راسي..

استفاقيت علئ ايده القاسيه الي لزمت كتفي وهزني حيييل

كعدت مرعوووبه تكلمت بتهجم...شبيك علئ كيفك كسرت كتفي اكوو واحد هييج يكعد شخص نايم

خالد...اهووو لا تمثليلي دور الدلوعه

كتله واني ارفع حاجبي...من يوم يومي دلوعه

كال بااستهزاء...انت شايفه روحج من نايمه

كتله...اي اجنن

كال...مشايفه روحج قبل شوويه السعابيل نازله علئ المخده وكفشتج واكفه جنج ملك الحبشه بفلم الرساله..

انصدمت من كلامه معقووله اني هيييج والله جذاب اصلا اجنن ليش ديخليني افقد ثقتي بنفسي

مسحت شفايفي معقوله اني ام السعابيل والله جذاب

وكفت ومشيت بحقد ضربته بكتفه متعمده

هو سحبني من تشيرتي من وره

كال...متقصده موو

كتله...لااا

سحب خصلة شعري وجرها حيييل

كتله بعصبيه واني الزم ايده....ااااااه

كال ببراءه...العفووو ممتقصد

خزرته بعصبيه

دار ضهره ابوودي اركعه بااكبر تحفيه بالغرفه علئ راسه الخسيس

كال بجمود...حضري نفسج اليوم نرجع البيت اهلي وهااا البسي حجاب

كتله بغضب...ماعندي حجاب

كال...اوك هسه اشتريلج

كتله..مو تجيب ربطه جيبلي شال بيجي اريده

كال بعصبيه...هييي لا تشرطين وبعدين شنو هذا شال مدري شنشول هو ربطه واسسكتي

كتله...لااااا اريد شال الله يخليييك حباب

كال..راح اجيب ورقه واكتبي

كتله..يالله

راح طلع من الغرفه دقايق واجه كال اخذي

اخذت الورقه والقلم ابتسمت وكتبت

«شال اخضر شال وردي وشال اصفر وشال بيجي وشال احمر ومكياج اهم شئ كريم اساس،ومورد وحذاء بيجيه وجنطه نفس لون حتئ يكمل استايلي هاا واريد عطر حلووو وغالي وجيبلي وياااك شسوار بس كون الاصلي اذا نوعيه اينزو يكون افضل واريد سيروم»

انطيتها اله بسرعه واني ابتسم

شفته عقد حواجبه باوعلي بحقد ولزم الورقه ومزقها نصها واخذ بس جزء منها

وكعت كدام رجليه

كال...بنت المطي مستلم راتب الخلفوج كاتبتلي جريده شكبرها

نزلت جسمي واخذت الورقه انهبطت من شفت عايف الشغلات كلها وماخذ الشال الاخضر

لا مو معقووله البس قميص ماروني واخضر

هو مشئ واني ركضت وراه اتوسل بي ميجبلي شال اخضر

مااستجاب التوسلاتي ودفعني وطلع

ضربت رجلي علئ الارض والله ماالبس حجاب وشيسوي خلي يسووي والله شنو البس اخضر واحمر شنوو اني زلاطه خررررب حضي

رحت غسلت وسبحت مشطت شعري ولفيته ولبست قميص ماروني وبنطرون الي هو جايبهم ولبست حذاء العرس

وبدلت العرس لحد الان مشموره اكوله وديها يكوول شعليه...

........................

جان كاعد علئ القنفه وحاط وجه بين كفوفه ومزعووج حيييييل

كعد يمه عمار وضربه علئ كتفه

عمار...هلاااا بالشيخ

مرتضئ بااستهزاء..يا شيخ يا قنادر

عمار...شبيك وجهك يلطم

مرتضئ...لك راح اتخبل راح اجن اكلهم مااريدها ماريدها ولا زكينها بيه يااخي مااريده

عمار...رانيه

مرتضئ...اي رانيه

عمار...ليش متريدها شنو السبب اشو من ناحيه الجمال تجنن

مرتضئ باوعله بعدم رضا...كل همك الجمال يااخي نفسي متتقبل جانت بحظن اخووي وحامل منه ومعشعشه براسه مااكدر افكر بيها مااكدر

عمار...مهتدئ مات وانتهئ وانت حي وبمرور الايام تنسئ وانت مو اول واحد

مرتضئ..مامتقبلها والله والله احس روحي مخنوووگ حاس اريد امووت والله علئ يوم اطك روحي طلقه واخلص من حياتي يعني خالد راح اتزوج اختها ليش ماتزوجها وخلصنه من حيرتها لو المهمه الصعبه شمرها عليييه

عمار...يمعود انسئ همك اليوم باليل اخذك الابو نؤاس واونسك اخر ونسه

مرتضئ...هههه هو اني شكول ابو نؤاس

عمار...امشي وراي ومتندم

مرتضئ...اوك نروح ليش لا

....................

ركبت بالسياره واني قهر الدنيا كله فوووگ راسي تقتلني لا مبالاته وادركت انو نفذ صبري وعطائي واني بعدني باول 3 ايام

مع العلم كال هاي ايام راحتج ماابدي وياج من هسه ودكولين حقير لان ليضوج يذكر اول ايام عرسه فإني اريدج تذكرين اول 3 حلوه بعرسج وكعد يتمنذل عليه ويتفلسف وقسملي اخر مره بالفندق كال تعترفين منوو القتل مهتدئ تعترفين

وضل يعدد...ابوووج مصعب عمج عدكم عصابه

ماحجيته شفته حااامي فضلت السكووت

خلاني لبست الشال الاخضر ورحنه الاهله جنت ساكته طوول الوقت وهو مشغل قران

جان كال هذا قران تعرفي

كتله بكذب...لا مااعرفه

كال.. هذا قران كلام الله نازل من السماء على صدر سيدنا محمد وطبعا بي حكم القصاص من القاتل

تافئفت...استغفر الله

خالد...معقوووله متعرفين القران

عطت بوجه بعصبيه...شكلولك عليه من كفار قريش انت شبيك تحسسني يهوديه لو والله حتئ اليهود احسن بنظرك

خالد بصدمه...هاااي شنووو والله العضيم لو مو بالشارع اله لطمتج علئ حلگج علئ هذا صوتج

سكتت وبكلبي نااار مشتعله اررريد امي اررريد اهلي هذا الخبل مااكدر اعييش وياااه

مسافة الطريق وصلنه نزلت من السياره

كال..اذا ركعتي الباب حييل انعل والدي والدييج

عود اني جاي اركعه حيييل سديته بهدوء

هو نزل وفتح باب بيت اهله ودخلنه

استقبلتنه زوجة اخووو وعمته واخواته سلمن عليه وهو يرد بااسلوب حلووو

وبعدها سلمن عليه بس عمته شايله خشمها الضاهر هي مربيته نفس النمط

دخلت سلمت علئ امه وهي خطيه باركتلي

ضلينه كاعدين يمهم

وهو كعد يمي الصهيوني

شويه ودخلوو اخوانه ثنينهم باركوله وسلموو عليه

ضلو يسولفون وجابوو عصير تضايقت من وجودهم

بعدين دخلت بنيه ضخمه لابسه ثوب كشمير طاير لونه سمائي هو جديد بس بي طكع دهن مال طبخ ومطعه زلوف منا ومنا وحاطه حمريه سحريه ولابسه شال وردي

الحمدلله اكوو واحد بالبيت مينسق بالوان

لزمتني وبوس للضالين صار بيه شرجي انعوجت رگبتي
استلمتني اكس مربع يمين يسار فوك تحت

شلونج شلون صحتج بالخيير وبالعافيه ان شاء اللة الولد الصالح شلونكم بالفندق خالد شلوونه وياج ان شاء اللة مرتاحه اهلج شلونهم

كعدت بعد ماطيحت حضي

همست..دهر صابها اخذته

ضلت تسولف وياي وتسالني علئ خالد وشلون قضينه اول ليله جانت رومانسيه لو لا

واني كتلها اي رومانسيه

اشووو هاي ضاجت شوويه وكفت

كلتلهم ....اني مليت تعبت متت

امها كلتلها...شبيج؟

كالت بحزن...والله محد يحس بيه محد ينقهر عليه اني عايشه بمئساة

كلها خالد...شبيج احد مضوجج

كلتله...لاااا اني حاااامل

الكل انصرررررع من الخبر حتئ اني مو بس انصرعت تخبلت خطيه شلون حامل وهي ممتزوجه اكيد حتعاني صحيح اني فكر بعدني مدخلت عليهم طلعت بنتهم حامل

امه لزمته ...منووو اغتصبج احجي منوو خالد مرتضئ عماررر احجي

اني صفنت خالد يغتصب اشو اني الجني لعابه مباوع بوجهي...« يا شين الغرور😒»

امها لطمت وكفشتها تكفش وهمه لزموها رادوو يفهمون السالفه

كلتلهم....اي والله اني حامل بالقهر والهم

خالد لزمها من شالها بعصبيه...وج شنو حامل بالقهر والهم انتي منين حامل

كالت...لا مو حامل بطفل حامل بالقهر والهم والمئساة

مرتضئ كلها...نعله علئ والديج هبطتينه

امه سحلتها واخذتها وما نسمع بس العياط احتمال كتلتها

بعدين كتله بهمس...خالد اريد اروح الغرفتي

كال...امشي

رحنه للغرفه بعد مااستاذنت من عمه

دخلت وهو رئسا طلع

فتحت الكنتور واخذت ملابس بدلت

تمددت شوويه اريد موبايلي مشتاقه الاهلي وهو حارمني منهم وكاطع التواصل بيهم

ضليت اتكلب وابجي متحملت ابببد مااحبه واريد اهلي احس مختنكه واريد اداوم جامعه وهو حرمني من كوولشي من غير المسبه مالته

وره تقريبا ساعت اندك الباب فتحته اخته كالت دانيا خالد يريدج بالمطبخ
نزلت بعد مااخذت شالي شفته كاعد علئ كرسي مقابيل الطاوله

كتله واني اعدل الشال...هااا خالد رايد شئ

كال..اي تعالي نضفي الدجاجه

كتله بااستغراب..يعني شنوو انضفه قصدك اغسلها

كال...لا بعدها بريشها اهلسها بالمعنئ الأصح

كتله بقرف...اهلس دجاج

كال..اي ليكون معاجبج

كتله...طبعا معاجبني اني اصلا الدجاجه من تشيريها امي من السوك مااشيلها وهي مذبوحه ومنضفه

كالت بثقه...تنفضيها وغصبا ما عليج

كتله بقهر...والله مااااااعرف

كال...تعلمي مابيه شئ

كتله واني امسح دموعي...مستحييييل

اجت عمه كتله...خالد شبيك شكووو

ضحك وهو يدخن ...يمه ماكوو شئ والله مرتي وجاي اعلمها اصول الطبخ

امه...عوفها يمه بعدها عروووس

وكف ودار امه علئ الباب وهو يضحك ...هههه ادري يمه شبيج

لاكتهم عذراء كلتله...شكووو

ام خالد..كلتلها يريد دانيا تهلس الدجاجه

عذراء...ياااا جااا شووو جانت زينب كوولشي متشتغل من الكليه للنوم

هو رئسا انكلب شيطاااان لزمها من كتفها وعاط بيها

كلها....اطلعي بررره بنت نعااال

هي خطيه شردت

وامه حاولت تهدئ هو ضل يفتر بالمطبخ بتوتر ويمسح بوجه

كلتله علئ كيفك يممه

هو لزم امه وطلعها وقفل الباب

عاط بيه وملامحه تخووف وترعب...نضفيها الا ادفنج بمكانج

اني بلعت ريكي واخذته ريحتها معفنه ورجليها كلهم ذروك مدري ضروك

حطيته بالمغسله فتحت المي عليها سحبت ريشها ماانسحب ضليت اجررر ماكووو

الدجاجه لو صاحيه جان ضربتني راشدي

عاط بيه كال...ثوووله فوري مي ونزليها بيها وهو ريشها يوكع

اخذت جدر واني اسب بي بكلبي وفورت مي وانتظرته فار

فكرت منوو زينب معقووله متزوج قبل زين اذا مزوج وينها مطلكها؟: لو ميته لوو وين حتئ لو ميته ميتعصب هيييج

خليت المي وخليت الدجاجه اديه شعوطت من الحراره

اتمنيت اضربه بالسجينه

كوووه نزعت الريش منهاااا وكل شووويه احاول اتقيئ وهو ولا جنه يدخن

لزمتها من رجلها كتله نضفتها

كال كصيها وطلعي احشائها

كتله...ونبي مااعرف

كال...اتعلمي محد طلع من بطن امه يعرف كلشي

لزمت السجين وشوهت الدجاجه

المراره انفجرت بداخلها لبست جيس وطلعت احشائها

وضليت ابجي واشهك وهو ولا مهتم

غسلتها حيييل بس هي صارت خضره

حطيته يمه واحتمال اصعب مهمه مرت عليه حتئ اصعب من امتحان الفيزياء

هو وكف فتح الباب واني طلعت ركضت للغرفه اخذت ملابس وسبحت

وفرفحت من البجي لا والله اشرد ولا اضل دقيقه يم هذا الخبل والله العظيم مو صاحي

.............................

دخول عائله جديده للقصه من خلال سرد القصه راح تعرفوهم...

طلعت من غرفتها المضلمه بهدوء وترقب باوعت يمين ويسار ماكوو اي احد او بالاحرئ ماكوو الشخص الي تعتبره عله علئ قلبها

مشت بحذر وهدوء وخووف

وصلت لحد باب الصاله

ماحست غير بااديه القاسيه تحتضن خصرها الناعم

صرخت بخوووف

وهو كتم باقي انفاسها

صفحها علئ الحايط وحط ايده علئ حلكه وبعصبيه خلتها ترتعد...انتي ليش تعانديني

بلعت ريقها بخووف ورجفت شفايفها منه...مااعاندك والله

لزمها من شعرها وقربها عليه...لاااا تعانديني اني مو كتلج تجين اليوم للبستان مااجيتي وقافله غرفتج هسه ماكدرت افووت الها عبالج مالزمج ياكلبه

نزلت راسها باانكسار وهمست...حراام عليك اني بنت عمك وجاي تسووي قلط وياي..« ما سحكت 😒 بس هي تلفظ القاف غين...الغين قاف»

هو موغلط اني احبج

هي...غيس« قيس » حرام عليك اذا تحبني اخطبني

لزمها من حنكها ورفع وجهها...ام ست اصابع تشوفيني شكل زوااج بعدين نزوج

نزلت راسها باسئ...دائما يعيرها بااصابعها السته الئ تملكهم برجلها اليمين

رفع راسها مره ثانيه وقرب شفايفه من شفايفها وقبلها قبله قااااسيه قطعت انفاسها

دفعته بكل ماتملك من قووووه بس هوو ضضخم ماكدرت اله فتحت عيونها من صدمتها وحركت راسها يمين ويسار حتى تفلت من تقبيله لكن للاسف ماكدرت

حفرت اصابعها النحيفه بيده ودفعته ركضت ورجعت الغرفتها مالحك بيها

قفلت الغرفه بسرعه

وببكاء...يمممه وييينج هذا السافل اخاف بيوم من الايام يقتصبني..« يغتصبني » وين عفتيني تعاي يممه ارريدج بس يقلطون عليه ومحد يحترمني ..

...« اماه اين انتي عندما اعلنوو فاجعه موتك كنت كسيره...اتمنئ ان ينشطر قبرك الئ نصفين وارقد الئ جانبك...»

..........................

رجعووو بنص اليل الفايخين وهم يطوطحون شاربين خمر مناااا لمن كووولش انثولو

دخلووو للبيت وهمه واحد يسند الثاني

ام خالد جانت واكفه بالحديقه منتظرتهم كلبها رجف عليهم تخابر وماكوو وتخاف من هاي السالفه من تخابر ومتحصلهم

ضلت تدعي وتفرك بديها وتبجي

دخلووو عليها وهمه يطوطحوون تخبلت

لزمتهم وشمت ريحت الخمر بيهم انصدمت

لا ياحقراء سكارى عزة الله والله اليوم خالد يجرم بيهم

مرتضئ العاقل شااااارب

صاحت بصوت عالي علئ اختهم واجت تركض

روحي صيحي خالد خلي شوفلي حل لهل مصيبتين

.............. ..

مليت من الكعده وحتئ ميقبل انزل جوووه تعشينه بالدجاجه ظبخوها همه مررره تلعب النفس

كلت بالله خلي اسايسه يجي

رحت كعدت مقابيله هو مندمج بموبايله

كتله...احم خااالد

كال احجي اسمعج بس بدون ميباوعلي

كتله...تقبل ادرس

كال...ليش لاااا

كتله بفرحه....الله عليك

كال...اي باجر اخلي امي تجيبلج صدريه وجنطه وشرايط بيض

كتله...لا اني دخلت جامعه

كال...هااا العفووو لعد نجيبلج بنطرون شنوو رئيج

كتله...بكيفك

كال...اوك

كتله...خالد احسك تجذب عليه

كال...اي والله اجذب عليج

كتله بزعل...ليش حرامات والله شهادتي مهمه

كال...اي عادي روحي علكيها بالحمام

كمت بعصبيه اني هم خبله جايه لهذا الخبل

كعدت متعصبه وشعري واكف شكد يقلد عليه

قررت ازين صفر

كمت مره ثانيه كتله جيب موبايلي

كام جابه كال اي والله ذكرتيني اسف والله

يالله حبابه افتحينه الرمز خلي نشووف المصايب

اخذته كتله عووود باااجر

لزمني من ايدي كااال افتحي...بعصبيه

صفنت بوجه وخفت بي اسرار موبايلي

عاط بوجهي افتحييييي...

اذكرت رسائل مصعب ممسحتهن يبووو والله يذبحني

اخذته من ايده وباوعتله بخوووف وتردد

لزمت الموبايل حيييييل وشمرته ضربته بالحايط

هو دار وجه وشاف الموبايل تفلش تفلش...

قبض علئ اييييده بعصبيه حتئ بينت شرايينه

هجم علييييييه واني انهزمت بس هو لزمني...

نهايه البارت...يتبع

كونوا هنا كونوا بخير...احبكم بحجم الولايات المتحدة الأمريكية 😂😂

سمو العراق...نور

لا تنسو التصويت رجاءا😘