رواية #انتي سيوف الثأر في اجفاني الفصل الحادي عشر 11 - بقلم الكاتبه سمو العراق

البارت العاشر
رواية...انتي سيوف الثأر في اجفاني
بقلمي..سموو العراق..نور

ماحسيت غير بااقتلاع شعري من جذووره

صرخت ب..اااااااااااه

لزمني من شعري حيييييل ودارني عليييييه

قرب وجه من وجهي همس بعصبيه...عيدي شگلتي؟

بلعت ريگي وسكتت بس جنت اباوع بعيونه بثبات

هزز راسي حيييل وهو لازم شعر عااط بوجهي حييييل كااااال....عيييييدي

كتله بخووف وترردد...ويي ويينك وو ويين مصع

ماكملت كلمتي من قووووه الكف الي اخذته منه لفاني بي لف

وكعت علئ الارض من قوووته حطيت ايدي علئ خدي واني ارجف من الخوف والالم والرعب

سحبني من ايييدي حييييل ورفعني لوجهه

باوع بوجهي،همس...ماكوو دموع ميخالف اوعدج الايام الجااايه اخليج تبجيين دممم

سحبت نفسي من ايده واحس خدي گب ناااار

سكتت ماحاجيته

رجع سحبني من اكتافي

ولزم شعري بيده قرب شفايفه عند اذني الي يزينها الحلق الالماس همس بخبث...اخرررر مررره تذكرين قندره مصعب علئ لسانج مفهووووم

سكتت

عاط بوجهي...مفهووووووم

هزيت راسي بسرعه وخووف بمعنئ...اي

سحب شعري من جوه ورفع راسي اله انفاسه الحاره تلفح عند رقبتي ...ابعد خصلت شعري من رقبتي ورجع باوع بعيوني بحقاره

رفع اصبعه ومرره علئ شفايفي رجعتي راسي بخووف بس هو ثبتني

خفت منه وانرعبت لازم اخلص منه بس شلووون

لزمت اييييده حيييييل وعضيييته قوووووي

هو عقد حواجبه حسيته أتألم بس بعدها ابتسم بااستهزاء

رخيت اسناني لان عرفت راح ياذيني

ورجعت قسيت بااسناني علئ كف ايده واني ناوويه اكطع ايده بااسناني

هو لزم ايدي حيييل ولواه وره ضهررري حييييل حسيتها انكسرت

فتحت اسناني من ايده وصرررخت من الوووجع

لزمت ايده اريده يخفف ضغط عليه

بس هو استمر بكل خبااااثه وحقااااره ضل مستمر وهو يرجع ايدي وره ضهري لفيت نفسي ويه حركه ايده بس ماكوو فايده بجيت من الوجع والقهر

ايدي طلع منها صوت طگ العضم

لفيت ايدي الثانيه على رقبته وهمس بتوسل واني جسمي كله يرجف ويرتعد من الوجع

دانيا ببكاء...ايدي ايدي ااااه الله يوفقك الله يخليك عووفني برروح مهتدئ عووفني

ضغط عليها اقووووئ شئئئ وبعدها تركني

لزمت ايدي من الوجع وخارت قوواي مكدرت اسيطر نزلت علئ الارض واني اتلوئ من الوجع ولحظه اضم ايدي الصدري ولحظه افتحها...دليل علئ وجعني

باوعلي وهو يحط اديه بجيوب بنطرونه...اكووو مثل يكوول باليلة عرسك اقطع راس القط من اول ليله

جربته بس ان شاء اللة ينفع وياااج

باوعتله وعيوني كلهن دمووع ردت احجي بس سكتت اني بس دا ائذي روحي وهو مستمتع بمعاناتي

تركني وطلع بره الغرفه

ضليت اشهق من الوجع وكفت بصعوووبه رحت للحمام باوعت علئ شكلي مبهذل التاج صاير صفح وشعري منفووش والكحل والمسكارا سايل علئ خدودي

غسلت وجهي بيد وحده لان ذيج ايدي احسها ماتت وتوجعني حيييل

سحبت التاج وشمرته اباوع الوجهي صاير خاارطه علبه الوان بلعت الغصه ممتعلمه علئ هذا الاسلوب اهلي محترميني ويحبوني ماعدهم هيج يضربون من النوع المسالمين

طلعت اسحب بروحي سحب البدله ثكيله

شفت بالصاله جنطه صغيره مال سفر هو جايب بيها ملابسه اثار انتباهي تشيرت بالون الوردي الفاقع استغربت معقووله الصهيوني يحب اللون الوردي ويلبس وردي

استغربت مااتخيل شكله لابس وردي هو كله يلبس اسوود مشايفته لابس لون فاقع

سحبت التشيرت باايدي السليمه

طلعت تشيرت مالت التراك مالتي دورت بين ملابسه طشرت كلهن طلع جايب الي تراك وردي وبنطرون كابوي ازرگ وقميص طوويل ماروني

الحمدلله طلع عنده ذووق وجايبلي ملابس وياه

رجعت ملابسه بيد وحده وعفستهن عفس رغم هو مصفطهن بصوره انيقه

ملابسه كلهن نفس الموديل ونفس الون وماكوو اي تغيير وطلع ماعنده ذووق بااختيار الملابس

اخذ التراك واحتاريت شلون ابدل البدله بيها قياطين ورانيا ضبتهن حييييل

اذكرتها من ضحكت كالت اليوم اشلع كلبه اخلي يفتح بالقياطين ويرجع ليوره

استغفرت ربي لا اكدر افتحها ولا ايدي اتعيني احس عيوني غوشت من البجي

اتصلت بخدمه..room service

وطلبت منهم تجيني وحده تساعدني شوويه واندك الباب

كمت امشي بصعوبه ولازمه ايدي باوعت من العين السحريه للباب شفت وحده من الموضفات فتحت الباب

ابتسمت بوجهي لكن سرعان مااختفت ابتسامتها

كالت...مرحبا اكدر اساعدج بشئ

كتلها بتردد...بس ممكن تفتحين الي قيطان البدله ولوو ازحمج

كالت بهدوء...لا عادي ماكوو اي زحمه ادللي

كتله شكرا ودرت وجهي وانطيتها ضهري

فتحته بهدوء وكالت...لعد وين زوجج

كتلها...بجهنم

كالت...هذا هو مئذيج اذا هو اخلي حرس الفندق يعاقبوو

كتلها...لا يمعووده حتئ لو هو محداله دخل بينه

هي فتحت باقي القيطان وهو دخل كمزت من مكاني وحطيت البدله علئ صدري ونسيت وجع ايدي

هو ضل يباوع علينه بنظرات تشكك الواحد بنفسه

اشر للموضفه كلها ...تفضلي

هي كالت...محتاجه شئ كتلها لااا

خلت وطلعت

واني لزمت البدله من وره ورحت للصاله ذبيتها بخووف اخاف يهجم عليييه

لبست البجامه بسرعه وتشيرت لبسته مرتين بالمكلوب وضليت كاعده بصاله

جابوو العشاء سمعته يطكطك بالخاشوگه بس ماصاحني...

........................

ثاني يوم

اجت ام رانيا ورانيا جابهن عمار من زيونه بعد ماخابرن علئ ام خالد

لان يتصلن بخالد ميفتح خط واتصلن بدانيا موبايلها مغلق....

اجه عمار وكف بباب بيت خالتهن بسيارته الضخمه

طلعن رانيا جانت لابسه تشيرت اسوود طووويل وفضفاض لكن بارز كبر بطنها...وستريج اسوود وشال اسود وجاكيت طوويل اسوود وبدون ولا قطره مكيااج...

اتفحصها بنظرات ثاقبه وعيونه كلها لهفه عليها مع العلم مو هوواي شايفها حتئ من خطبوها ماشافها احتمال هاي ثالث مره يشوفها وكلهن من بعد وفاة مهتدئ... لان علاقتهم بعيده كل البعد بين اهلهها واهله لكن يحس انزرعت بروحه وصدره

سلمن عليه وصعدن بالسياره

كعدن وره

ام رانيه...شلونها دانيا شوو اتصل بيها متفتح خط

عدل المرايه عليهن وبهدوء...هو حاليا بالفندق واكيد عرسان يردون ياخذون راحتهم

ام رانيه...بس لازم يفتح خط عليه بنتي صغيره وكلبي نار عليها والله

عمار ونظره علئ رانيا...لا لتخافين هو طمنه وكال بخير واكيد دانيه بخيير لتخافين

ام رانيه...هو مبين عصبي ودانيه مو كده ودانيه عندي مدلله وتزعل بسرعه اخاف ميعرف اسلوبها ويئذيها والله اني مراضيه بهذا الزواج بس بعد شسوي هي دكول احبه

عمار وعينه علئ رانيا ويوجه كلامها الها بس بصوره غير مباشره...هههههه جااا شبي حضي محد يحبني

رانيا...درت وجهي مزعوجه من اسلوبه اني موجاهله تصرفاته كرهته لان مااحترم حرمه وحدود اخووو الله يرحمه

يباوع عليه بجرئه مااعرف شنو من مله هذا واحد غيره جان كال حامل باابن اخوووي خلي احطي اخووي وابنه بعيني بس هو لا وكأن يكوول انتي الي

تقزز جسمي والله محد يلمسني غير مهتدئ حبيبي الله يرحمه ويجمعني وياه بالجنه

اتذكرت موقف وياه

من اخذني للشقه

جنت متغطيه بالبطانيه واكتافي العاريه ضاهره

وهو يلعب بخصلة شعري

كتله بضيق...اني ضايجه من هذا الشئ مهتدئ احس دا ادخل بدوامه الها اول مالها تالي

كال وهو يدخل خصلة شعري وره اذني...لعد ليش اجيتي؟

كتله...مهتدئ انت تجبرني وتزعل اذا مااجيت وياك وبعدين اني احس نفسي مثل السكرانه اجي وياك وابادلك بكل مشاعري بس بعد ماا ينتهي كوولشي احس اني خطئت واتحسف واتندم وتدري والله العضيم وداعت بابا ارجع للبيت اشبع بجي لان احس نفسي رخيصه

تقرب مني وباسني بشفايفي حيييل...كال والله والله والكعبه ماتندمين وانتي ويااي انتي لوو بس تخلينه نتزوج جان ارتاحينه ترئ انتي الي جاي اتاخرين علئ ابو شنو اريد اطلع امتياز واخاف تلهيني عن دراستي احنه صح غلطنه من اول ليله بس بعده حسيت اني مدمن ومااكدر اتركج

نزلت دموعي بحيييره

هو بسرعه مسح دمعتي وحضني الصدره الدافي...حبيبتي لا تخافين اني زوجج مو غريب وعاقد سيد ومحكمه وبعد بس نشهر العرس

حضنته وحفرت اصابعه بضهره العاري وهمس ببكاء...لا تتركني

ضمني الصدره حييييل واضلاعي حسيتها طبگت علئ اضلاعه

گال...مايفرقنا بس الموووت والله مااتركج

صحيت علئ واقعي ومسحت دمعتي المتمرده علئ خدي صدووك وفرگنه المووت

وبموته تدهورت امورنه بابا شاد حرابه ويايه وماما هماتين وخطييه دانيه صارت كبش فداء ياريت يطلع خالد حنين مثل مهتدئ وميئذيها ويعطف عليها

دانيه صح عنوديه وطايشه بس بسرعه تتقشمر وذا حن عليها تفدي بروحها بعد ضلت يمه

بس شلون وهو يعتبرها سيوف ثأره...

مسافه الطريق ووصلنه الهم دخلنه

استقبلتنه امهم واخواته وعمته هذي اكبر خبيثه بالفاتحه كل شوويه وكالت فكر جسحته بعده ماماخذها وجسحته

رحبوو بينه وجابوو عصير وزوجة اخو معن هم رحبت بينه

خطيه عمتي ام خالد...كل شوويه  وتلزم بطني وتسالني

كالت بيا شهر

كتلها بالخامس

كالت ديري بالج عليه ترئ هو مصبرني علئ فراگ ابوو

ابتسمت وحطيت ايدي علئ بطني اتمنيت اعيش عدهم لان ام خالد تحسيني بالحنيه ومتحسسني اني غلطانه وتحسسني اني الفضل عليها لان حامل بحفيدها من ابنها المغدوووره...

كتلها بعيوووني هو والله

كالت مااخذتي سونار

كتلها...لا والله شيجي من الله يامحلاه

كالت...اني اريد ولد يرفع اسم ابووو وكون صدك يكولون الخلف مامات

كتله ببتسامه واني ابوس ايدها...ان شاء اللة ويكون سند الج لكبرتج ياام مهتدئ

باستني بخدي...كالت حرامات خسرناج

كتله...اني موجوده بكل وقت وصح مهتدئ فصلني عنكم بس الحمدلله ابني موجود ويجمعني بيكم ومو اله اتزوج

ابتسمت ولزمت ايدي تمسح عليها بحنيه....

دخلت علينه بنيه طوويله خشنه لابسه ثوووب ماروني طاير لنص الساق مو موديله قصير لا هي طوويله. ولابسه قراصه كبيره سمائيه وبيها ريش وحاطه حمره سحررريه

كالت السلام عليكم

كتلها وعليكم السلام

لزمت امي سلمت عليها طاحتلها بووس

وبعدين لزمتني طاحتلي بووس اني بالنسبه الها قصيره وهي طوويله وعضمها خشن حسيت اختنكت

عبالك مو تبوس ترمي عشوائي..

يمين يسار..يسار يمين...شلونج اخبارج الطفل شلوونه ابوج شلوونه امج شلونها دراستج شلونها...امح امح امح...يمين يسار...« تبوس»

فحطت من بوساتها واسالتها

كعدت رجل علئ رجل وهمست لاخت خالد

هااي عرفتيه الططوه الجسحت مهتدئ

فتحت عيوني مصدومه...لا يا بعيره كل هل بوس والاسالها عبالي تحبني وتاليها تكول عليه ططوه

فوزيه كالت بفخر...هاااي بنتي عذراء جانت تخبل وما ضل واحد ما اجاني عليها ومن عيوون الناس ذبلت مثل الورده المفتحه وذبلت...

ابتسمت اذكرتها مرات من جانت تصير بيني وبين مهتدئ مشكله يكوول اليوم مصبح بوجه عذييره

كتلها...ممزوجه

كالت...لا يمعووده شلي بزواج وشلعان الكلب وتعاي خضي مميات ولبسي حفاضات خليني هيج مرتاحه

علئ گوله ابووي هو الزواج شنو تجيبلك مصيبه من بيت اهلها وتحطها بيتك

عايزه مصايب اني

كتلها...بس ابوج هنا يقصد المراءة مو الرجال

كالت...نفس المصيبه الله وكيلج ...هسه راضي ابن خالي كاتل روحه عليه هو وعمار بس اني مااقبل اريد جراح

سكتت هسه تلكوها مكطعه روحها علئ الرجل وراضي وعمار اصلا ماتجيهم بااحلام اليقضئ  بس باافلام الرعب

.........................

كعدت الصبح غسلت وجهي ليل كله منايمه من ايدي بس ابجي وهو كل شووويه وكال...اهووو اسكتي زعجتينه

وصرت اكتم شهقاتي حتئ ماازعجه

هو نايم علئ السرير واني علئ القنفه

جنت علئ سرير وهو طردني ونام عليه الصهيوني المتعجرف

الجلف يكوول دافع فلووس الفندق هو وماانام نومه مريحه

سبحت بسرعه ومامشطت ايدي مااعينها

لفيتها بقميصي رحت كعدت على القنفه وضميت ركبي الصدري وحطيت راسي على ركبي احس بصداع مو طبيعي...

هو كعد بدون اي كلام دخل للحمام سبح وطلع...

ينشف بشعره بالمنشفه واندك الباب راح فتحه

طلعوو جايبين الريوك

اشرلي كال روحي هناك

وكفت رحت كعدت بصاله

شووويه وصاح عليه

كلت الحمد لله طلعت عنده مشاعر مراح يخليني،جوعانه

بس مارديت عليه

صااح بهدوء مره ثانيه...دانيه

مارديت

صاح بصوووت عااااالي...دااااااااانيه صخيييييمه

ركضت بسرعه كتلها بخوف..هاا هاا

كال..تعالي

كتله بدلال...مااريد

كال...اهووو انتي من جماعة ماما زعلت حقفل الغرفه ومااكل وامااشرب وعساني امووت مووو

صفنت وبكلبي...اي والله صح اني من ازعل اقفل الغرفه ومااكل ولا اشرب ويضلون يتوسلون بيه وما اقبل منا لمن اشلع گلبهم

كال...بابا انتي عندي سوالف المراهقين بطليها ويالله تعالي

كتله بعصبيه واني افرك ايدي...مااارييييد اكل

كال..يطبج مرض منو كلج اكلي اني كايلج اكلي تعاي صبيلي جااي

شكد قهرني كعدت مقابيله صبيتله جاااي

ردت اكووم كال ضلي كاعده احتمال احتاج شئ

ضل يتآمر واني انفذ

بعدين كال هنيالج وين تلكين مثلي محترمج ومقدرج واحد غيري خلاج اعترفتي من اول ليله بس اني ذواق معتبرج عرووس ومئجل الموضوع..

استغفرت ربي وذكرت نفسي لا تتعصبين احسبي من واحد للعشره. او اشربي كلاص مي حتئ تبردين هو بس يريد يغثج وحتى يلگه سبب يضربج

وكف كال ...يالله اكلي

كتله بحده...مااكل فضايل

كال...اوك براحتج

راح يغسل واني متت من الجوع ومعدتي من تفرغ تضل تئذيني

بسرعه اخذت صموونه خمستها بالكيمر ورجعت غمستها بالمربئ حطيتها بحلگي

بعدني استوني امضغ بيها

وهو دخل

حسيت نفسي مثل الي ذبوو عليه مي باررد

ضليت بين الماكلتها وبين البالعتها وعيوني تباوعله بخجل

ابتسم بحقاره وهز راسه باسئ

وكال...ذكرتيني بزونتنه من تتدلل علينه و وره شويه نلگاه تاكل بزبالة جيرانه

انقهرت حيييل وكرهت نفسي الدنيئه ليش هيج سويت وعرف نقطه ضعفي،امده حضي المعفن اله يشوفني يعني

لبس قميصه وزر ازراره وكال اكلي فضايل براحتج

كعدت واني استدرك الموقف...ماكوو فضايل كلها نعمه

صبيت استكان جاااي وكعدت اشرب

كتله ما اموت روحي من الجوع علئ ناس ماتسوه

تقرب مني بسرررعه

ورفع وجهي بيده الئ لزم بيها شعررري

قرب شفايفه من شفايفئ وهمس...اصلا انتي فضاله وتضلين فضاله وبس اخلص منج اشمرج مثل اي افضاله

بعدت شفايفي من شفايفه وحرت اشمئزت منه ومن كلامه

كتله...والله تندم ياخالد والله بس صدكني يوم الي تندم بي مررررراح اسامحك اني مو يوسف يوم السامح اخوانه اني دانيه والله اخليك تبجي دم علئ فراكي

كال بااستهزاء...خفي علينه يا نفر تيتي

بعدت وجهي عنه بسرعه وهو دفعني حييييل وطلع

همست بداخلي مووت الياخذك بس هو وين الزين يروح بس امثالك عله علئ المجتمع

انووب اخذ موبايلي مني همزين بي رمز جان شاف رسائل مصعب وجن جنونه المخبل...

...........................

بعد ما انتظرنا خالد يجي هو ودانيه ومااجه

اتصلت امه بيه وهو طمنها بعدها ماما حجت وياه كلها هي بخير بس اني طالع من ارجع اخليها تحاجيكم...

ماما كلتله لتعوفها وحدها خطييه بعدها صغيره وتخاف

كلها لا رادت كم شغله ورحت اجيبهم الها

اني عرفته كذاب ودانيه مو بخيير ليش متتصل من موبايلها اكيد حرمها منه

ومن ماما سئلتها

كلها مابي شحن وماكوو شاحنه اله

احتمال اجيبلها وياي شاحنه

خلينه وطلعنه

ماما ضلت تبجي علئ دنوو لان هاي اول مره تفاركها

وعمه كلتلها لعد الله يساعدني دفنته بديه جوه التراب..

وضلت تبجي اني هم ضليت ابجي مهتدئ موضوعه يجرحني ويئذيني

طلعنه واني فتحت الجنطه دا اطلع اكنلكس

وماما ضلت توصي ام خالد علئ دانيه

بينما اني جنت ادور علئ الكنلس

انفتح الباب ببقوووه انضربت بي حييييييل

صرررخت من الوجع ووكعت علئ الارض

لزمت بطني بوجع  وعمه وماما اجني يركضن

عمه كلتله...شبييييك مرتضئ متشوووف موتت البنيه...

حسيت شئ نزل عليه انرعبت حييييل وصرخت...لا لااا لا...

نهايه البارت....يتبع

اعتذر جميلاتي لكن تعرضت لوعكه صحييه جدا قاسيه صار عندي تسمم بسبب احد البائعه المتجولين واضطريت اسوي غسل معده ولحد الان تعبانه لكن ماحبيت تنتظرون

كونوا انتم كونوا بخير....احبكم بعدد حبات الرمل 😘نور