رواية #انتي سيوف الثأر في اجفاني الفصل السادس عشر 16 - بقلم الكاتبه سمو العراق

البارت الثالث عشر
رواية...انتي سيوف الثأر في اجفاني
بقلمي...سموو العراق

دخل بسرررررعه وشعره مبعثر وقميصه مبهذل وبنطلونه شوويه بي تراب

وشفته مجروحه شوويه والدم نازل شوويه عليه

طلعت وجهي شوويه من البطانيه وضحكت

الضربه يستاهل مكافئه مني والله الكتله لو الزمه اشبعه طن بووووووووس

ضحكت بهدوء

وهو عاط...اضحكي اضحكي بنت الكلب عبالج ماشفتج

جفلت بمكاني وغطيت وجهي

كال بتذمر..شلون بنيه تضحك متشمته الحماره مادكول رجلي خلي اكووم اشوف شبي شنو اليوجعه

تضحك مثل الحيه تكرص وتضم راسها بيج خير طلعي راسج

وخرت البطانيه وكعدت واني اباوع عليه بحقد

كال...هاااا طلعتي راسج جنج نعامه

كتله بااستهزاء...منووو كتلك؟

كال...انجبي محد يتجرء يمد ايده عليه والله اكسرها واعلگها برگبته

لويت شفايفي بااستهزاء

كتله...بس والله عاشت ايده

عاط بعصبيه...شنوووووو؟

تقرب مني واني رجعت علئ فراشي ولزمت البطانيه عصرتها من الخوووف

كتله...لا اكووول الله يكسر ايييده ليش هيج ضاربك

كال وهو يرفع حاجب...مشيتها بمزاجي اوك

هزيت راسي ...بأي

ابتعد شووويه كال كوووومي عقميلي الجرح لو عوبه كووولشي ماكوو

كتله...اعقم نفسك بنفسك البارحه وصلت للموت واليوم الساني وبطني مااكدر اتحرك منهن وانت مامهتم ليش اني اساعدك وانت ماتساعدني

كال بسخريه وعصبيه...كووومي كووومي عااب هل شكل والله جرحت لسانج وماخلصت منه ان شاء اللة مره جايه اكصه

سبيته بكلبي وتفلت عليه هم بكلبي

اه ياكلبي صاير احسن من لساني يسب ويتفل ومايفضحني ولا احصل كتله واحس رديت اعتباري

صررخ بيه يعصبيه...بنت المطي كووووومي

كمزت من مكاني ونزلت من السرير لزمت بطني من الوجع وامشي بحذر

وهو عيونه الحاقده اتبعتني للحمام

فتحت الصيدليه الموجوده بالحمام اخذت قطن وديتول اتمنيت اكوو تيزاب واعقم جرحه بي النذل

اجيت يمه شمرت الديتول والقطن بحضنه

كتله..عقم نفسك بنفسك

شمره علئ الارض وناداني بعصبيه...والله اذا ما اجيتي عقمتي الجرح اشمرج من الشباك والله

رجف كلبي مسودن المعقد يسويها

رحت شلت الگطن والمعقم

كعدت بصفه وعبالك صفر بجانبه من كثر طوله وضخامته...

حطيت ديتول بالقطن

وضليت امسح شوويه شوويه

بعد ايدي بعصبية....اااااخ بنت المطي شووويه رقه انوثه ماكووو

دخنت مااكدر ارد عليه واسبه

تكلمت بحزن مصطنع مستفز...اووووي شمسووي بوجهك مسووي خارطه والله كاتلك كتله معدله معقووله ماكدرت اله لعد والله سبع واخوو اخيته

كال بسخريه...لا تاكلين نعل وكملي بسكووت لا اگوملج

كتله...شتسووي مثلا تضربني اضرررب بعد مااهتم

كال...اي دوشك مال كتل...بس عندي اساليب غير الكتل ان شاء اللة تنفع وياااج

سكتت وكملت امسح بشفته

كلت...اووووي شنوو من الرجال هاااي الزلم مورم شفتك تورم

كال بغموض...استكي لا اورم شفايفج

سكتت بس بداخلي فرحانه لان قهرته حل يستاهل حوبتي ما تتعداه ان شاء اللة

دفع ايدي ووكف

ثوول ولا عنده ذوووق كون توكع وتتكسر سنونك

مشه شووويه وعثر راد يوكع بس تماسك ولزم بالحايط

بسرعه باوع عليه حاولت اكتم ضحكتي بس انفضحت

كال...هاااا فرررحانه

ضحكت بصوووت عالي شمتانه بي يممه فديتني اشور كسرته تكسر

هو ركض وراي واني انهزمت احتاريت وين اروووح ضليت متورطه وبطني توجعني

وعيوني تتلفت بخووف بالغرفه

هو تقرب مني واني كعدت علئ السرير

كتله بتهديد...لا تضرب ماضحكت عليك

هو دفعني ونمت على ضهري تمدد بصفي

وكال...بمزاجي اعبر الج وادري بيج تدعين عليه ووكعت

كتله بخوف وتنفسي صعد...لا مادعيت عليك

كال وهو يحرك اصبعه علئ خدي...دعيتي لا تجذبين

لزمت ايده ردت ابعدها بس هو حضني بسرعه وقيد مقاومتي

كال بلهفه...صااايره حلوه ومربربه وسمنانه

عقدت حواجبي مستغربه هذا شبي خبالوو ضل يتغزل وهو ميلوگ اله الغزل

حط ايده القاسيه علئ خصري ويمسح عليه بحنيه

وكمل بهيام...وصايره بيج لحيمه علئ گولت عمتي فووزيه وهذا كله من خيييري ما صار الج اسبوع عندي ونشنشتي بعد شتردين

باوعتله بااستهزاء وجه قريب من وجهي

ضربني بخفه علئ خصري ...جنج ما راضيه

كت

كتله بعصبيه اوووي شبيييك عنيف

كال...له له له بعدني ما بادي بالعنف

دفعته من صدره بس هو قيدني اكثر حسيت كلبي وكع بين رجليه هذا الصهيوني شيريد بس لا يريد يلمسني والله انتحر خلي يضربني ولا يلمسني

شكد حقير البارحه جرم بيه واليوم مخليني بحضنه

كال وهو يرتب خصلات شعري...اوووف عوود انتي ليش ما تمشطيين هسه سبحتي كوومي مشطي والله ماتنلام عمتي فووزيه من كالت شعرج يشبه ليفة عذراء

فتحت عيوووني مصدوووومه شكد نذل هو وعمته وعذراء العوبه هماتين

جاووبته...عمتك وبنتها وانت ترحووون ستين فدووه الشعري واصلا 3 صايبتكم غيره لان احلئ منكم وعمتك مو من حقها تحجي على الجمال لا هي حلوه ولا بنتها البعييره حلووة وانت هم محلوو شكلك قديم

حجه ببراءه وكأنه واحد مسكين...اني شعليه ليش تحجين عليه هي عمتي تحجي عليج

دفعته كتله دووخر ووووخر شثكلك خنكتني

ركز بنضره علئ شفايفي وايده تسللت لثوبي

عرفته يريد يبوسني

لمس رجلي واني صرررخت من الخوووف والرعب دفعته بس هو لزمني من شعري وقرب شفايفه عليه

حطيت اديه اثنينهم علئ وجهي اجت بوسته بيدي

سحب ايدي شاف دموعي نزلت

مااهتم اهم شئ يرضي غريزته حسيت بضعف لازم اقاومه هذا ميحبني بس يريد يذلني

لزمني من شعري ولزم اديه ثنينهم بيد وحده

تقرب اكثر مني وباس اذاني

واني همست بخوف كتله...الك ثااار عدنه لا تنساه..

احتدت ملامحه رفع ايييييده راااااد يضربني

بس الباب اندك

اني غطيت وجهي وصرخت

صايره بس يرفع ايده اصرررخ تلقائيا مااعرف شبيه يمكن لان عرفت هو شكد نذل وقاسي ويباغتني ويضرب

همس بشبه عصبيه...كومي افتحي الباب

كمت بسرعه لزمت خدودي صارن ناااار وكلبي يدك سررررريع وارجف شعري وكف تلقائيا

فتحت الباب شفتها عذراء

كالت بااستهزاء وهي تعطر بحلكها...جااا مو مريضه شووو بده الصريخ

كتلها تفضلي رايده شئ

باوعت عليه من فووك ليجوه وثوبي قصير واني صاحبة ملامح انثويه بارزه

كالت شسالفه انزلي جوه خلي نشوفج مامصدكه ماخذه رجل بس عمي حقج هي وين اكوو زلم بهل وكت

كتله هسه رايده شئ

كالت اررريد خااالد

كتلها واني اسد الباب شتردين منه

دفعتني ودخلت...عززه بعينج جااا غير ابن خالي شريد منه

هو عدل كعدته ورتب قميصه

عذراء...خالد امك تريدك

خالد..شتريد؟

عذراء...والله ماادري

خالد...هي اصلا ماتدري بيه من دخلت

عذراء...لا مو اني شفتك من دخلت وكتلها خالد اجه وجه مخطووف بس ما كتلها مسحوول

شال المزهريه وشمرها عليه

الغبيه سحبتني بسرررعه جنها ثوور وحطيني كدامها تريد تحمي نفسها بيه

صرت كدامها حاضنتني اني ناعمه وطولي وسط وهي طوويله وخشنه ضعت بيدها صرنه مثل بومبا وتيمون...

اجت المزهريه بضهري لحسن حضي المزهريه جانت بلاستيك...

هو بسرعه وكف وهي دفعتني عليه وطلعت تركض بسرعه

انضربت بي وهو دفعني مشئ بسرعه شافها سوت الدرج خطوتين

قفل الباب خزرني وراح اخذ ملابس ودخل للحمام شكد يسبح

اني هماتين طلعت ملابس لبست ثووب نيلي واحتاريت شنو البس شال عندي بس الاخضر اتذكرت رانيا حطتلي كم شال طلعت واحد كريمي

لبسته وحطيت شويه مكياج اخفي اثار التعب بطني شوويه احسن رغم الاذيه المتئذيتها

هو طلع لابس قميص اسود وبنطلون اسود كلهن نفس الملابس ماكوو اي تغيير

مشط شعره بااصابعه ونزل

نزل ونزلت وراه

كعدنه شووويه بالاستقبال

عمه كالت هااا دانيه شلون صرتي

كتلها...شوويه احسن عمه

كالت تريد تصرفني...روحي عمه شوفي البنات شيردن

كمت رغم الالم بس اني صامده

رحت للمطبخ لكيتهم يسوون غده كعدت علئ الكرسي لزمت بطني

عذراء بسخريه...شنووو حامل؟

درت وجهي ...اي حامل عندج مانع

عذراء...دهرر صابكم شبسرعه حبلتي طلع ابن خالي مفعووله قووي...وتغمز الي

درت وجهي وبكلبي...ثوول ولا تستحي

كلتلها مرت معن...لا مو حامل بس تتغير هرمونات وهيج شئ فمتاذيه

كالت...هااااا انت يا صف

كتلها...متخرجه من السادس...وانتي ياصف

دخل مرتضئ كال...عذراء ست سنين تروح للمدرسه علئ ضهر الحمار بالسنه السابعه ضلت تروح مشي احزري ليش

عدلت حجابي بخجل وكتله...لييييش؟

هي عذراء هم كالت...ليش؟

كالت..لان الحمار تخرج هههههههههههههاي

ضحكت بهدوء وعذراء هجمت عليه هو عافها وطلع وسد الباب بوجهه

كعدت تحجي وتسب وكالت اني خبله اجيهم محد يحترمني اروح اكلي زوري وبصل اخضر احسن الي

كامت بعدها بثوبها الاخضر والزلوف طالعه وشال شامرته شمر

دخلت امها....عذاري عذوووره ويينج يمه

عذراء...هاااا اجيت صخووومه اجت

دخلت فوزيه تفاجئت بيها سلمت عليه ببرود

واني رديت عليها بااحترام اخذت عذراء وراحت جانت تباوعلي بحقد عبالك ماخذه حبيبها

جنهن رقم عشره عذراء شطولها وامها قصيره

...............................

ام خالد بخووف وهي تلمس جروح وجه...منوو ضاربك يمممه خالد ان شاء اللة كسر بيده

بعد ايد امه بهدوء...يمممه ماكووو شئ بس تعرفين شارع وازدحامات واحد كسر عليه وتعاركنه وضربته وضربني

ام خالد برجاء وهي تبوسه...يمممه خالد لا تعارك والله گلبي خلصان بعد جمرة مهتدئ تسعر بصدري لا تفجعني بيك يايمه

باس ايد امه بهدوء ...لا تخافين يمممه مجرد عركه فاشله ماتنعاد ان شاء اللة

امه...ان شاء اللة

دخلنه حضرنه الغده مسوين سمك شوووي وتمن احمر ولبن وطرشي وخضره وحبشكلات علئ گولتهم

حضرنه السفره ورتبناها هنه خطيه مخلني كالن انتي تعبانه ارتاحي

كعدنه كووولنه ناكل وعمه كعدتني بصف الصهيوني

مكدرت اكل اي شئ لساني مقيدني گوه كتمت عبرتي ماابجي وكل شوويه وكالوو دانيه اكلي ليش متاكلين

تضايقت حيييل

هو خلص اكل ضربني علئ ضهري بخفه

كال كوومي سويلنه جاااي

حسيت انحنيت من ضربته رغم متوجع كلت بكلبي ثوول مو اديك كلهم زفر المعفن

كمت كلها ضلت تحجي عليه كلولها خطيه بعدها تاكل

كلهم لا شبعت

شبعت حتئ الاكل صار علئ مزاجه

كمت مااعرف شئ بمطبخهم المهم اليدور يلگه دورت دورت ولگيت

سويت جاي

هو طلع غسل هو .واخوانه جنهم رجال المافيا ههه كلهم لابسين اسود وعدهم لحايه

صبيت الجاي وجبته والبنات لمن السفره

همه شربووو

كعدت بصفه ...كال صبيلي بعد

جاوبت بهمس...ميصير تشرب جاي وره الغده لان يقتل الحديد الي بالجسم...« تعاجزت اگوم »

باوعلي بنص عين كال...ادري شمتغدي شيلمانه كومي لا اركعج بالاستكان

كمت زعلانه من كلامه بس اهله ماسمعوو صبيت مره ثانيه وكعدت شويه بعيد عليه.

عمه كالت...عمار يممه شلون لكيت الك بنيه

مرتضئ..منوو بس لا عذيرره ههههه

عمه...لا بنيه من الكووت

خالد...منين عرفتيها

عمه..شبيكم اختي ام جاسم مو عدها ولد مات انكلبت بي السياره وعاف مرته حامل جابت مرته وقبل كم سنه ماتت بالخبيث

عمار بعدم قبول...اي وشنووو

ام خالد...سحر يتيمه وحلوووه وصغييره صدك همه من مناطق زراعيه بس حلووه  وتكسب بيها اجر

عمار...لا والله جايبتلي عربيه ومنو كلج اني فاتح دار الايتام

مرتضئ...اهااا عرفتها مره تذكر جابتها بيبيتها البنيه ام خدود الحمر طفله جانت تحجي بالقاف والغين هههههههه حتئ ضحكنه عليها اني وياك

عمار وكف بعصبيه...خررررب حضي ولا جابتلي وحده بيها خييير

ام خالد...جااااا شبيها سحر والله خووش بنيه وبعدها طفله تربيها علئ ايدك

خالد وهو يدخن...دخلي يربي روحه بالاول السكير وبعدين يربيله مره

مرتضئ نزل راسه لان كلهم بالهوئ سوئ...

اني ستئذنت خليت وصعدت فوووك....

تقرب مرتضئ من خالد

منووو ضربك غيررر تكلي حتئ اترس حلگه تبن

خالد...مالك شغل

مرتضئ...ليش ضربك ومنووو

خالد...اهوووو يا سالفه ماتخلص

سكت مرتضئ وخله وراح

رجع بذاكرته لسبب ضربته

اتذكر من جان بالفندق واخذ موبايل دانيا اتصل مصعب عليها وخالد صور الرقم

من كسرت دانيا الموبايل وكلتله مصعب يكول حتى لو تزوجين اخطفج وازوجح وضربها

خابره الصبح...

خالد...الوووو

مصعب...الووو منوو وياي

خالد...كسار راسك

مصعب بااستغراب...منوو انت احترم نفسك احسلك

خالد...انجب لا اوكلك تبن شوووف خليك بعيد عن مرتي لا والله ادفنك بيتكم وافجع امك بيك

مصعب بصدمه...دااانيه...خالد يانذل والله دانيه الي واعرف مجبوره عليك وماتحبك ولا يمكن تنطيك شئ

خالد..ههههههاي والله قديم لك انطتني كووولشي

مصعب...انت زلمه واجهني

خالد...وين الكاك يا مطي

مصعب...بالمكان .........

خالد...جايك اوكلك نعل...« حشئ القارئ »

راح الغرفته سبح وطلع ركب سيارته وانطلق

توجه للمكان وكسرت عليه سياره همر سوووده  وبيه مجموعه من الشباب

انصدم خالد لا ياجبان يا مصعب انت وكومه نسوان وياك...«-همه زلم بس هو بي سوله مال غلط »

كسر عليهم بسرعه ولف السياره كدر ينقذ نفسه وساق بسرعه جنونيه من زقاق لزقاق ومكان المكان

ومع ملاحقة مصعب واصدقائه اله

وكدر يتفوق مصعب علئ خالد طووقه بسيارته ونزلوو جماعته

باوع عليهم ولزم مسدسه مستعد لاي مواجهه

نزل بعد ماحط المسدس بخصره وخفاه عنهم

مر عليه طييف اخوو المغدوور هم هيييج لزموو وعدموو وقتلووو وضاع دمه

وكف باانتقام.

صديق مصعب...جاااي تهدد يا نذل والله اله احرك سيارتك وخليك ترجع البيتكم مشئ

خالد...روح حبيبي نام بحضن امك وتغطئ ولا تهدد

مصعب...والله تجيبه وترجعها وانت الممنون المهره اليه

خالد...المهره اني خيالها والمهره لازم تاخذ فرس ماتاخذ حمااار فهمت قصدي

مصعب وجه قبضته علئ وجه خالد وضربه بوكس

اما خالد فهجم كردة فعل ....ومصعب اعماه الغضب وجان يرد بشكل قوووي

وكعوو اثنينهم علئ الارض وهمه يتعاركوون

هجم صديق مصعب وجهه لكمه لخالد بس خالد ابعد وجهه

اتدخلوو الخيرين وحاولوو يفكوون بينهم

صار الغلط والسب ومصعب يتهدد بعده مماخذ حقها

خالد باغته من بين الناس وطلع مسدسه وضربه بحافه المسدس علئ حنچه خله الدم ينزف

الناس ركبت خالد بسيارته وهو انطلق بسرررعه وابتسم  وحس بنشوه من ضرب مصعب بحافة المسدس وسال دمه

وشاف بعده يتهدد ويكوول...عوفوني مااخذت حقي

افاق من ذاكرته ومسح مكان اللكمه

ابتسم بغرور....هههههه يريد ياخذ المهره ومايدري بخيالها بعده مامتروض....

...................................

تقريبا الساعه ب 11 باليل

جنت متمدده علئ القنفه وضايجه حيييل

الصهيوني لهسه ماكووو

سمعت صوت حذاءه يصدر صوت علئ الدرج نهار كله داااايح وليل كله هم دايح مدري وين يولي واذا واحد حجه وياه يضل يخررط لسانه شطوله مو لسان رشاشه

سويت روحي نايمه

دخل وهو يخابر

خالد...هااا اي اي وصلت لا والله ما مغلس لا صدك جذب

تقرب مني حط ايده علئ كتفي...دانيا دانيا

محجيت سويت روحي ميته

كال...دانيا نمتي

كال...الووو هااا ابو رانيا دانيا نايمه ان شاء اللة باجر

كعدت بفرحه...بابا

انطيني بابا خلي احاجي

كال با استهزاء..قبل شويه نقلتي روحج العالم الاموات اشوو هسه صحيتي

تركته يسربت الوحده اخذت الموبايل

ومكدرت احجي من البجي .اشهك وبابا خطييه ضل يبجي ويايه اول مره بابا يبجي

حجيت ويه ماما وصوتي انكطع من البجي

ضليت اتوسل بيهم يجوني مشتاقه الشوفتهم والدلالهم  فرفحت من البجي

حسيت روحي مثل الطفله الئ اخذوها من امها ويتوموها منها اررررريد امي ارررريد انام بحضنها

اني اعاني موجوعه مجروحه اريد اشكي الاختي من ضلمه

هو من شافني هييج سحب الموبايل من ايدي وقفل الخط

وطفئ الجهاز كووولش

انصدمت من تصرفه

كتله ليششش

كال...كاااافي  همه كم يوم يجونج وبعدين لا تتخربطين عليه من البجي

تخبلت منه دفعته ولبست روب ثخين وشال وطلعت كعدت علئ الدرج وبجيت بهدوووء

وكف كدامي بطووله الفارع

رفعت عيوني الدامعه اله

كال بهدوء...كلي الرانيا اني احبها

صدمني وخله كل خليه بجسمي تررررجف

نهايه البارت...يتبع

نور سمو العراق

كونوا انتم كونوا بخير..احبكم بحجم السماء السابعه💓