رواية #انتي سيوف الثأر في اجفاني الفصل السابع عشر 17 - بقلم الكاتبه سمو العراق

البارت الرابع عشر
رواية...انتي سيوف الثأر في اجفاني
بقلمي..نور..سمو العراق

طلعت من الغرفه بعد ماركعت الباب والدموع تتطاير من عيوني نزلت بايات الدرج وكعدت علئ اول درجه

اتغلب عليه الخووف ضلمة البيت موحشه والهدوء قاتل حسيت بروح مهتدئ تدور حولي الرعب سيطر عليه وغير كل هذا اني دخليه جديده للبيت ما اعرف الناس

حطيت راسي بين ركبي وبجيت متحسره علئ حالي

اتذكرت مكالمة اهلي اليه الي زادت من جروحي

صوت بابا الباكي يرن بااذني

من نحب بصوت باكي...بابا دانيه مشتاقلج

اهتز جسمي من البجي

حسيت بشخص وكف كدامي بطوله الفارع وخياله سيطر عليه

همس بهدوء بدون سابق انذار

رفعت عيوني الدامعه اله

كال بهدوء...كلي الرانيا اني احبها

صدمني وخله كل خليه بجسمي تررررجف

من بين خوفي وخجلي وكفت واطرافي جمدت

همست بصدمه..شش شنو انت شدكوول ؟

كال بهدوء...اي احبها عندج مانع

احس مثل الئ ضربني كف...اي عندي مانع هااي اختي

كال...واذا اختج يعني

كتله بعصبيه...بس ميصير

كال...ليش ميصير

كتله...هي زوجة اخوك المرحوم وحامل منه

كال...واخوويه المرحوم انتقل لرحمة ربه

كتله بحده...لا مستحييل رانيه متريد تزوج ابتعدو عنها وكفونه شركم

كال بااستهزاء...ليش نكفيج شرنه شنو خالد مو زين وياج

كتله...هذا الشئ خاص بيني وبين خالد محد اله خص بينه اوك

كال بهدوء..اعصابج اعصابج اعرف بخالد مزعلج ومضوجج ومجبوره عليه بس ترئ هذا مو معناه ان اني مثل خالد

كتله...اولا خالد ممزعلني وثانيا اختي متقبل تزوج وثالثا شيلها من راسك رانيا حامل باابن اخووك ولحد الان روح باابنها بداخلها فلا تفكر بيها رجاءا

كال..اني خبل احجي وياج انتي شنو واطلب منج اروح اطلب ايدها من ابوها واكيد ينطيها الي

تركني وراح

انقهرت بزايد والله مايطولها ابو العرگ رغم مشايفه عليه شئ بس مستحيل خالد كرهني بيهم كلهم

رفعت راسي الغرفتي خويلد النذل طفئ الضوه وانخمد نام...نامت عليك طابوكه

عمري وحياتي مشايفه هييج نذاله يعني ابد ميراضيني...

مسحت دموعي بهدوء صوت بداخل گلبي يگول انهزمي لا تضلين هنا الطريق طويل ومغلق  وملامحه مبهمه ويه خويلد لكن تضربني الحقيقه المره بقسوه علئ الارض لازم اصبر اخاف من خالد يئذي اهلي واعرفه من يهدد ينفذ نذل راضع ويه هتلر

خالد هدالي مناعه خلاني استصغر كل لي يدور حولي واستقبل كوارث الايام الجايه براحبه صدر

حلفت مااصعد للغرفه اذا هو عنيد اني اعند منه واذا اعرف انام علئ الدرج مااصعد فووگ

استغفرت ربي صارت الساعه ب12 ونص

شفت خيال واحد ضخم لابس دشداشه خفت صعدت علئ بايات الدرج ردت احتمي بزوجي النذل

من تقرب اكثر شفتها عذراء

حطيت ايدي على صدري براحه

كالت بااستهزاء...هاااا دونه شعندج هنا

كتلها...اهلي خابرو وانقهرت ضليت ابجي وكعدت هنا

كالت...جااا خالد وين

كتلها...نايم هسه حصعد انام

سحبتني من ايدي كالت...تعاي تعاي خلينه نسهر ويه حماتج

سحبتنه واني اركض وراها مثل الثوله اريد تعوفني ماكووو

دفعت الباب حيييل ودخلت البنيه دتسفط بكنتورها

كلتلها...مرررض شبيج ماعندج انوثه اكووو هيج واحد يدفع الباب

عذيره حطت ايدها علئ جسمها الرجولي...كل هل انوثه ورقه ودلع وتردين انووووثه صدك ماتستحين

خطيه اخت خالد عافتها وتقربت مني لزمتني من ايدي بنعومه وكعدتني علئ سريرها

كالت ...اهلا وسهلا بيج حبيبتي اكعدي

كعدت وعذيره طلعت العده جايبه جياسه حب وجباسه وبسكت وكعدت تاكل

اخت خالد انطتني حب ضليت اكل وياهم بهدوء وبعدين تاقلمت وياهن وكدرن ياخذن استجابه مني

ضلينه نسولف ونضحك

عذراء كالت اسمعن اسمعن

كنالها...اي

كالت...جانت نايمه بالكاع كلها كوومي حبيبتي نامي علئ السرير

كلتله بعناد...ماااا

كلها ...مو اجي اشيلج وحطج علئ السرير

كلتله...متكدر

تقرب منها وشالها خلاها علئ السرير

حضنته بحنان وباسته بخده

احنه جنه مندمجين وياه اتاكدت صاير عدنه تصحر وجفاف عاطفي واني ايقنت من وره خويلد صايره صحراء قاحله....

كنالها اي...

كالت...باسته بخده وكلتله شكرا بابا هووايه احبك

انصدمنه منها وضحكنه بصووت عالي

كالتها بنص عين...هااا عبالجن احجي شئ سخيف لا حبيباتي اني طول عمري محترمه وكلامي شريف ههههههههههه...

ضلينه نضحك وعذراء تسولف بس علئ الزواج

كالت...حبي ماكوو نونو على الطريق

كتلها بخجل...لااااا

كالت...لا تشككيني بقدرات ابن خالي ترئ محبل قبلج

كتلها بعدم فهم...شنووو

ضربتها اخت خالد على ضهرها كالت...خلي تنجب هاااي سخيييفه..

كتلها بضحكه...شنو محبل قبلج مفهمت

كالت...قصدها يعني لو يزوج غيرج تصير حامل

ضجت هو اصلا ممتقرب مني دتشكك بيه عود اني ميصير عندي اطفال واني مصار اسبوع ونص من تزوجنه....

جان اندك الباب ونفتح بسرعه

شفته دخل خوويلد هادم الذات

درت وجهي زعلانه

بدون سابق انذار كال...يالله ست الحسن كومي نامي

كتلها بعناد...لا حااابه اكعد ويه البنات اذا تريد نام وحدك

عذراء كلتله...اذا تريد انام يمك نياهااااا

هو باوعلها بنص عين وبسخريه...شبيه تخبلت منوم بعير بصفي وانتي يالله كوومي

عذراء بعصبيه...اني بعيييير

خالد...حشئ البعير

ضلت تدردم وتحجي

صاح بعصبيه كال.....كووووووومي

كمت بخجل وفشله وجهي صار نار استحيت من صاح عليه كدام البنات

طلعت وهو سد الباب وطلع صعدت بايات الدرج بيأس ونهيار ودموعي نزلت لا ارادي

دخلت للغرفه نزعت الروب وشمرته وكعدت علئ القنفه مسحت دموعي وكتمت باقي،عبرتي

هو دخل طفئ الضوء ونام علئ السرير

رحت فتحت التلفزيووون

كال بصوت عاالي...طفئ مو تشوفيني جاي انخمد

كتمت باقي غضبي واني اتمنئ اشيل لبلازمه واركعه براسه واخلي دمه بطووووله

كعدت اتكلب مثل السمجه المتزوهره

ضجت حيييييل رحت حطيت ايدي على كتفه العاري

كتله...خااالد

كال...خيييير

كتله بتوسل...انطيني موبايلك العب بي لعبه شوويه والله ضايجه

كال...روحي نامي لا العب بيج طووبه هسه

كتله... عفيه حباب

كال...اهووو

كتله...برووح مهتدئ عليك

وكف بسرعه وحده لزمني من حنجي حيييل ودفعني علئ فراشه صرت جوواه وهو فوگاي

لزمني من شعري وقرب وجه من وجهي همس بفحيح رعبني...وحق الله اذا مره ثانيه حلفتيني بمهتدئ شايفه شسوووي بيج؟

ضليت اطكطك من الخووف وصافنه بوجه هزيت راسي ب لا

كال..اسوويج شيش مال كص

نزلت نفسي وقلصت روحي منه

حط اصبعه علئ الشامات المتتاليه بين حنكي ورقبتي...

كال...هذن شامات

همست ...أي

كال..عبالي ذبان

عقدت حواجبي متعصبه منه تقرب مني وحط شفايفه علئ شاماتي

دفعته حيييل وغطيت وجهي وضميته بااديه

هو سحبني من ثوبي كال...يالله ولي ولي

كمت واني ارتب ملابسي وارجف

مشيت خطوتين

كال...اوكفي

وكفت حسيت بطيفه ورايه حط ايده علئ خصري

بلعت ريكي من التوتر والخووف

دارني عليه  فتح ايدي وخله الموبايل بيدي

كال...اخذي العبي بي لا تحاولين تتصلين بااهلج كلهم مؤمن ارقامهم وديري بالج تحطين رقم وتراسلين الرصيد حافضه بالسانت

وكمل...ورب الكائنات المجهريه اذا لكيتج داخله علئ مقطع لو مفتشه بموبايلي افلش الموبايل علئ راسج

سكتت وبكلبي امده موبايلك امداني الثور متعجب عنده موبايل وشلون يحلف حلفان شنو الكائنات المجهريه...

طلع هو لعبه وكتم الصوت ونطاني اياه

كعدت علئ القنفه معرفت العب بالعبه الي مخليها عجيبه غريبه لا هي حرب الشوارع لا هي زومبي انوب اختلست

طلعت منها

وضليت اتصفح بموبايله دخلت علئ سجل الارقام

تفاجئت من اسماء اصدقاءه شكبره شكده ليشوفه يحووفه واصدقائه

مضيوي...طايح الحظ...مكسر راسه...ابو سعدون ..ابو علاء الفاشل...ابو لهب...اخي 1 أخي 2 اخي 3 اخي 4ّّّ..ابوويه حاط علئ رقمه سمايل لابس مناظر مدري شنو يقصد

اثار فضولي ابو لهب شنو هذا

دخلت على مراسلاته وياه

ابو لهب كله يرسل مواضيع دينيه ومواعض وحكم وكيفيه الصلاه وكيفيه الوضوء وتلقين الميت

وبيهن بالعشرين رساله وخالد ماراد واخيرا رد عليه

كاتبله...من كثر الرسائل الدينيه الي ترسلهن الي موبايلي طلعتله لحييه..واخلي علئ الشحن مايشحن طلع صايم...

متت من ضحك رغم خبل بس عنده سوالف تونس

لا والأدهى من هيج ابو لهب راد عليها

جزاك لله خيرا يا اخ خالد وجعله في ميزان حسناتك

ضحكت اكثر واحد اخبل من الثاني

وباقي رسائله ويه اصدقائه..كوله يا مطي ابن المطي

استغفرت ربي ...هذا شبي امه متنسيه بي بمطي

دخلت علئ الفيس مالته صفحته الرسميه ما ناشر بيها صوره كلها تعاسه وحزن وحداد

وناشر عراضه مالت شيوخ بفاتحة مهتدئ صار عندي فضوول افتحه

خفت منه يطلع الصوت وكتلني بالشاحنه

شفته يشخر

رحت اخذت السماعه شكلته بجهازه وخليتهم بااذاني وعيوني تترقبه خاف يكعد

فتحت المقطع جان عراضه مالت شيوخ جانوو يلقون الشعر بصوره حلووه ويرثون مهتدئ بنحيب

جان المهوال يلقي القصيده ومجموعه من الشباب يهوسون وحتئ اعلام شايلين

وكل شوويه تجي رابطه باسم شيخ فلان وشيخ علان....

واحد من الشيخ كال....

هايخويه ليش ساكت
عيونك الحلوه غفن
خويه اجيتك من بعيد
بلوعت الملفوف اخيه بنص جفن

ناخذ ثااااره المات اليوم ...

وهمه الشباب هوسو وعادوو الهووسه ناخذ ثاره المات اليووم

بعدها بدوو يقرون بالهاويل والرثائات

جان بالتصوير كل شويه طالع خالد لابس قميص اسود وبنطلون اسوود ولابس غتره سوده وبيه ابيض...

وجه حزين وما يبشر بخييير

ومتصدر صدر العراضه

نزل بنص العراضه وهو يهوس بصوره حلووه بارزه شخصيته

كال بحزن وصوت عالي

يا خووويه اكعد عدنه طلابه ياخوويه اكعد

لزموو اخوانه وابوو وعشيرته عض علئ اصبعه حييل ونزل نفسه

ابوو ضل يبوس بي ويهدي بيه وجابوله مي شرب

جان هووايه متأثر مااعرف ليش دموعي نزلت مااعرف عليه لو علئ مهتدئ

باوعت عليه مقهوره عليه

قفلت المقطع

ونزلت اباوع علئ الصور والمقاطع

اثار انتباهي صورة شاب كاعد علئ قبر مترب ومكتوب

وسلاما على قبرا  احتضن اعز ما كنت املك...

تنهدت بحزن منشوراته بالفيس وكدام العالم متبين ان هذا الشخص خبل بس سجل المكالمات فضيع واصدقائه دمار

قفلت الموبايل بعد مادورت بمعرض الصور واكتشفت ميحب ياخذ صور...

خليت ورحت حطيت الموبايل بصفه

ورحت نمت دعيت ربي يكون يومي احسن من باقي الايام وتسهل اموري

........................................

اليوم فرحاااااانه غيس رجع البقداد

اي مكرووه ان شاء اللة تريله بدون رغم «رقم» تدوسك ذهابا وايابا...

شكد اكره لزمت المكناسه اكنس بيتهم الصبه وترابه صارت گباره

تذكرت غبل.« قبل » لا يروح

لزمني واني جنت كاعده يم اخواتها

صاح عليه...سحر تعاي

ختلت وره اخته كتله...شتريييد؟

تقدم بعصبيه وجراني من وراها..

كال...انتي علئ يوم اضربج ضربه اوصلج بيها للنجف من اكلج تعاي يعني تجين

رجعت وجهي منه بخووف

لزمني من وجهي وايده الثانيه تعوث فساد علئ خصري

زميت شفايفي مااريده يبوسني

كرصني من خصري حيييل صرخت وشفايفه احتضنت شفايفي

اخواته جانن يباوعن وكانو مصاير شئ

دفعته حيييل ودموعي تنزل لا ارادي وارجف

ابتعد شوويه كال بهمس..بادليني يصير الطعم اطيب

سمع صوت بيبي دفعني بسرعه وطلع

ضليت امسح بشفايفي بقرف وتنفسي يصعد وينزل

كلت لاخته...شفتي شسوه بيهه

كالت...ديالله هي بوووسه قابل شمسووي

رجعت من ذاكرتي بجيت الان هذا انسان تعده حدوده هووواي ومضلت حركاته بس علئ البوسه ضل يتمادئ هوووايه

ويفشر ويحجي كلام محلووو ما متغبله « متقبله» كلامه الوصخ بس وييين اروح

ضليت يوميه البس ثوب امه واني اصلا مابيه شئ يقري « يغري» ماادري عليمن كاتل نفسه بس الاحرئ هو شهوته وغريزته تمشي...

..............................

كعدت الصبح ملكيته طبعا البارحه نمت بدون غطا والاخ صاير حنين لاتفرحون مامغطيني

شامر الغطه بصف القنفه معناه تغطي

فكرت يعني مثلا واحد بالحلم يغطيني ثووول

دخلت سبحت ولبست تراك سمائي هو يتخبل من البس هيييج بس شسوي ماعندي
ولبست فوكاه بليره طووويله وحطيت شال علئ راسي وحطيت مكياج بسيط

نزلت جوه ساعدتهم بكم شغله

اندك الباب راحت فتحته اخت خالد

من دخلووو وهي تهلي وترحب بيهم

طار كلبي من بين اضلاعي وفرفحت مثل الحمامه المجروحه والفرحانه بشووفه احبابها

امي واختي اعز ناسي اجووو

ركضت عليهم مثل طفله يتيمه وربها سمح الها بشوفة امها حتئ لو بالحلم

ماما فتحت حضنها الدافي اليه

ركضت ذبيت روحي بحضنها واني اشكي الها من بنحيبي من ضلم خالد اليه

هي هم بجت عليه وباستني واختي تبجي عليه ركضت حضنت تؤم روحي رنوو الغاليه ممفاركتها هل كد باستني وهي تبجي

كعدنه بالاستقبال وبعدني حاضنه ماما عبالك تريد تشرد

ماما كالت...يااا دنواي ماما شبيج علئ كيفج شنوو هااي ليش هيج تبجين مو انتي ردتي خالد وحتئ ضليتي متتصلين بينه

كتلها...لا والله انكسر موبايلي

كالت..ميخالف بابا يجيبلج احسن منه

ام خالد كالت...لا رجلها يجيب الها

لوت شفايفي اي يجيب الصهيوني المتعجرف

اجت عذراء كاشخه لابسه ثوب قرمزي وبيه طك دهن صاير قوس قزحي..ولابسه شال وردي ومطلعه الزلوف والحمره السحريه وطك بعلجها

لزمت امي ودك بوووس خطيه ماما انعوجت

رجعت علئ رانيا خطيه رنوو رجعت بخووف عبالك هجم عليها وحش

لزمتها بااثنين اديها من وجهي ودك بوس مع الكلام وسلام

شلونج شلون صحتج احوالج امورج ابوج شلونه انشاء الله مرتاحه الطفل شلونه

ان شاء اللة الولد الساقط..اهوو قصدي الصالح

كعدت رانيا فحطانه

ضلينه نسولف وعذراء تسولف بس علئ الزواج

كالت رانيا...شلونه خالد وياج؟

كتلها..زين

عذراء..زين عيني زييين كل شووويه وكبت العيطه وكب الصريخ ابن خالي حمش ما يقنع هههههه

وجهي صار احمر من الخجل ورانيا باوعتلي خجلانه وهي تتبسم

احس كلبي صار بطني من كلامها ولا تخجل ام عضلات

ماما ورانيا رادوو يرحون واني طكيت من البجي وعاندت اله اروووح وياهم ماما مقبلت اروح

وهماتين رانيا بس ماما شافتني فرفحت

انقهرت عليه حيييل

ضليت لازمه بيها

عمه ام خالد كالت روحي ويه اهلج

كتلها بخووف...وخالد

كالت..اني احاجي

كتله..خاف ميقبل

كالت...لا ما ضن يكسر كلمتي

رحت اركض بسرعه لميت ملابسي ولبست بنطرون وقميص طويل وشال لو يدري بيه يعلگني بالبنكه ويجلدني مئه جلده

بس استحيت مصار اسبوع ونص من اتزوجته واروح الاهلي بس قررت اروح لازم انهزم منه

طلعت بسرعه ورحت وياهم واني اتلفت خاف يجي وميخليني رغم مسافه مو طويله لكن عشت برعب منا لمن وصلنه للسيارات ركبنه وحسيت بالامان

ضحكت براحه بس خفت من ردة فعله

مشت بينه السياره ووصلنه البيت خاله ومناك اخذنه رجل خاله البيتنه

وصلنه البيتنه

بابا حبيبي فتح الباب صرت بوجه

ضحك بصدمه حضنته بالهفه وبجيت بسوت عالي وهو يبوس بيه ويمسح دموعي

دخلت عبالك تحررت من السجن فتريت بيتنه بفرح

سحبتني رانيا كالت لج متغيره صايره محلوه شبيج

كتله بضحكه...من الخير

كالت..لا والله

كتلها...لا بالعكس خالد يكول صرتي حلوه وسمنتي عندي هذا كله من خيري

رفعت حاجبها بعدم رضا

ضحكت حيييل

جرتني كالت اكعدي سولفي

ضحكت وضليت اراوغها ومااعرف ليش خويلد النذل ما ذميته ومحجيت عليه يمكن مااريد اقهر اختي واقلقها عليه

..................................

تقريبا الساعه بالتسعه باليل

اجه من الدياحه مالته

دخل سلم على امه وباسها

صعد الغرفته مالك اسيرته الناعمه

نزل بسرعه يدور عليها وعيونه ملهوفه تدور باارجاء البيت

اجه بعصبيه لامه...وين دانيا

ام خالد...راحت ويه اهلها

خالد وشياطين الجن والإنس تتراقص امامه...شنووووووووووووووو؟

شدكولين انتي شلوووون تخليها تروووح وشلون تطلع بدووون اذني

ام خالد وهي تحاول تهدئ...يمممه خالد كوول يالله البنيه مدري شبيه فرفحت من البجي ولزكت باامها واني انقهرت عليها وكتلها روحي خفت تموت

خالد بعصبيه...يطبها مررررض تموت تغسليها وتدفيتها هناااا اني مموجود ماتعتب بررره البيت

اخذ سووويجه وجكايره وطلع

ام خالد.لزمت بقميصه...يااا خالد يمممه لا تروح لا يكتلوك مثل ما كتلووو اخووك

خالد...انعل والدي والديهم والله

طلع بره ركب سيارته فتح الجك مجه وطلع من عندها المسدس عباه رصاص وانطلق البيت اهل دانيه

طريق طووويل ومضلم وسواد حالك لكن مو مثل سواد كلبه

اتصل باابوها

سلم عليه بهدوء وطلب منه ينطي دانيه

انطاه دانيه

خالد بدون سابق انذار...بنت نعاااال خمس دقايق اذا ما طلعتي اخليج تبجين دم اني واكف ببابكم

من بابا انطاني الموبابل وكال خالد خفت

اخذته وايدي ترجف بعدني مكايله الوو ضل يهدد ويسب

ضليت احجي الوحدي وهو قفل الخط من زمان بي من فشلتي شسوووي...

كتلهم بضحكه...حرووووح اجه خالد ياخذني

تفاجئوو ومقبلوو بس اني جنت اضحك وكتلهم لا لازم اروح وبداخلي براكين موجره

رمش عليه

طلعت شفته سافط سيارته ببابنه

بابا طلع سلم عليه هو نذل مانزل من السياره يخاف انصكه سلم علئ بابا من داخل السياره

فتحلي باب السياره صعدت بالصدر ودرت وجهي عنه

مشئ بالسياره حيييييل يشخط شخط

كال حسابج بالبيت اله ادمرج

درت وجهي عليه كتله...علئ شنوو ترئ مسويت شئ

كال..جايه مشتاقه الحبيب الكلب اني اعلمج

كتله بقهر ...حبيب الكلب احسن منك علئ الاقل كاتب بيه قصيييده

كال..شكاتب بالزحمه كمت اكتب شعر من وره ام كفشه....

خزرته بحده ودرت وجهي...

كال وكاتب...ردلي كافي عيوني زنجرها الدمع

كتله ...علئ الاقل مثقف

كال...امداه امده ثقافته النعجه

وصلنه الطريق ترابي ومضلم ويخوووف

كتله...شكد تغلط ماعندك احترام

كال...انجبي لا اشمرج بره السياره تعلمني علئ الاحترام أم كفشه

كتله بحقد...والله جبان كادر بس عليه بيك خير اوكف وفتح سيارتك واشمرني ولا انت كاتلك الخوف خاف تفتح السياره ويصكوك

هو باوعلي وعيووونه تجدح ناااار دااااس بررريك بسرعه وكف السياره

نزل منها واني كلبي وكع بين رجليه صحيح قسيت وياه بالكلام بس يستاهل واني عرضه ميصير يسوي بيه هييج

معقوله يشمرني خارج السياره ويعوفني ويرروح صوت الجلاب تنبح والضلام الدامس يرعب المقبره احسن من هذا المكان

شفته توجه لباب السياره وفتحه جرني من ايدي حيييييييييل وطلعني خارج السياره

بسرعه داس دكمه بالسويج تقفلت السياره

كال..هاي وفتحتها خلي تاكلج الجلاب خطيه ممتعشين ويدعولي اليوم سويت عمل خييري

توجه السيارته واني ركضت وراه اتوسل بي ميعوفني وهو جان يبعد اديه بخبث

ركب بالصدر ودفعني.رغم متمسكه بي بقوووه

قفل السياره وشغلها ضليت ادك علئ باب السياره واحس الدموووع تتطافر من عيوني وما تلمس خدودي الشاحبه الخوووف تملكني وقتل كل خليه بجسمي

حرك السياره وانقتل عندي الامل

نهايه البارت...يتبع

كونوا هنا كونوا بخير...مااحبكم😒
لان كل مااكول احبكم وحده دكول احبج بكد الهديه الموجوده بالجبس وحده دكول احبج بكد حب خالد الدانيا..فزعلت وقررت مااحبكم 😒

لا تنسوو التصويت حبايبي 😽

هااا باركولي وصلت مركز اول طبعا بفضلكم فديتكم وفديت تعليقاتكم الحلوه وتشجيعكم ربي يجزيكم الف خيييير