رواية #انتي سيوف الثأر في اجفاني الفصل العاشر 10 - بقلم الكاتبه سمو العراق

البارت التاسع

رواية...إنتي سيوف الثأر في اجفاني
بقلمي..نور..سمو العراق

💔💔💔💔💔

وأتساءل!!
ترئ كم سيبكينا مشهد
تقام فيه صلاة الموتى
علئ ضريح احلامنا التائهة؟
ترى كم ستدمينا مراسيم القدر
التي تنص على ان رحلة موتي
اوشكت علئ الإقلاع
في مهبط الثأر الأبدي؟

بابا سلم عليه وهو رد وعيونه الحاده تخترقني

صرت وره بابا ودرت وجهي عنه سويت نفسي ممهتمه اله

هو مشئ وبابا مشئ وياه بس هو تباطئ بمشيته

عرفته يريد يلزمني

حاولت اسرع بمشيتي بس هو لزمني من ايدي وعصررها حييييييييييييل

حسيت اصابعي تكسرت

كال...خرررب بليسج مو المحكمه ترحب بيج لا اوربا ترحب بيييج

باوعتله بحده مخلوطه بخوف همست بخفوت...اصابعي كسرتهم عووفني

عقد حواجبه بعصبيه وضغط اكثر وگال...شلابسه مدام ليكون عبالج بتركيا واني مااعرف

كتله...اهووو راح تمثل دور العاشق الغيوور ترئ والله مااحبك

عصرر ايدي حييييييل حسيت راح ابجي واصابعي تعوجت بيده همس ببرود...ههه مصدكه نفسج منو كلج عاشق يا ام كفشه؟؟... وماتحبيني!!! والله شعور متبادل اني اشوف دم اسناني ومااشوفج بس مجبور عليج حتى اخذ منج معلومات

حاولت اسحب ايدي احسها خدرت بس مكدرت كتله بحده...معلومات لو عندي فتفوته ماانطيها الك

كال بثقه وابتسامه مستهزئه...انشوووف اخاف تعترفين علئ نفسج

جاوبته...إلا اذا استعملت حقارتك وياي

كال...اهااا يعني اكوو شئ

شتحجين وياه هذا الي مقتنع بي مقتنع بي والله اني اخاف منه اخااف صدوك يخليني اعترف زور على روحي ضحكت على تفكيري

حسيته رخه ايده من ايدي

بابا يمشي كدامنه التفت علينه

خجلت من بابا حييل هسه يكول شوكت خلوو ايد بأيد

من بابا دار وجه سحبت ايدي بس هو رجع لزمها حيل

كتله بحقد...والله مراح انهزم

هو باوعلي بغرور ومحجه...

ردت استفزه واخلي يتركني كتله...اي صح لازمني حتئ تبين للكل انو هاي االصاكه الي تمشي وياك مرتك مفتخر موو

باوعلي وهو يرفع حاجب...اولا عندج ثقه لا محل لها من الإعراب وثانيا اعرف ان انتي مجبوره بس هذا مايمنع تهتمين بنفسج ليش جايه للمحكمه ومامشطه شعرج بابا اكوو اختراع اسمه المشط بحركات سهله يترتب شعرج

فتحت شفايفي ردت احجي

قاطعني وهو يكول...مكملت كلامي ثالثا قسما بذات الله اذا شفتج لابسه هيج لبس اجرم بيج

كتله بعناد...اني هذا لبسي مااغيره وانت تعرف من البدايه اني هيج استايلي وبعدين الاخلاق مينحكم عليها بالبس والتبرج ويجوز اخلاقي احسن من اخلاقك

صارت عيونه بكصته كال بفحيح شيطاني...لسانج طوويل...بنت الكلب والله ينرادلج اعادة تأهيل الضاهر ابووج مااعرف يربيج والله هو اكيد معرف يربيج لو بي خييير مخلاج تجين هيج مثل القرده ضاهره زينتها امشي وياج وامستحي منج

بلحضه حسيت فقدت قدرتي على الكلام واستنفذت عندي طاقة العتاب استسلمت للصمت الكاذب المبطن بهواي من لغات الاحتياج لسانه مووس يجرح سليط وحقيير

جاوبته واني ابلع ريكي بصعوبه...كلامك مستفز هذا وانت كبير وواعي مااسمحلك هيج تحجي عن بابا والله اني صح مملتزمه بحجابي بس عمري ماسويت شئ يخل بالأدب وبابا ثاق مني

كال بحقاره...اي بابا حيييل ثاق ما شاء اللة وصلت لثقه الاختج لطلعت حامل قبل الزواج

استعمرني الاسئ واستوطني الوجع كلامه سهام تخترق گلبي كلامه عن اختي جرحني

جاوبته بحده...وانتو هم ثاقين باابنكم وهو خان ثقتكم وتقرب الاختي اختي واخووك ثنينهم غلطوو اختي تحاسبت واخووك مات ليش ما لمت اخووك ليش ترجع علئ اختي

اتسعت عيوونه بحده من كلاااامي قبض علئ اييده

وهمس بفحيح مرعب...تمنيتج مو بالشارع جان دفنتج بمكانج لا تقارنين بين الثرئ والثريه واخر مره اسمع تجيبين سيره المغدوووره علئ لسانج الوصخ يا قذره

لمعت عيووني بالدموع بس جنت مثبته نضراتي عليه لايمكن اسكتله

جاوبته بهدوء عكس تيارات القهر الئ بداخلي...والله اذا متبطلع اسلوبك المستفز اكووول لبابا عليك واكله هددتني بتصوير ماله صحه

شفته ابتسم بخبث...ياريت والله حتئ من يعني هيييج بعد يطردج من رحمته وتكونين بلا حسيب ولا رقيب واعرف شلون اتصرف وياج ابوج مثلج مثل غيرج عندي دليل ضده وطبعا انتي انطاج الي حتئ يخمد نار الثار ياااا.... مدام لسانج طويل اعرف اذلج ياحشره واخليج تدورين رضاي

جاوبته بكبرياء...ماعاش الي يذلني اني انثئ ما ارفس كرامتي واتنازل عن عفافها حتئ اجدي رضا كائن غريب مثلك

باوعلي وهمس بغموض...والله وفتحتي عليج ابواب جهنم...

تركني وامشه ضليت واكفه بمكاني دايره حوول نفسي شلوون تخلص ويه الخبل خفت اكوول لبابا لان بابا هماتين مو منطقي واحس لازم علئ بابا شئ و خالد لمحلي أنوو بابا ماعنده خبر بموضوع التسجيل....

مشيت وراه هو وبابا كعدنه انتظرنه شوويه

وبعدها صاحوو بااسمنه المحامي طلب صورنه وطلب نحدد الحاظر والغايب...

بابا كال...عشره... بعشرين...

المحامي سئلني كال...عشره...بعشرين؟

خالد كله...عشره...بعشرين

اني كتله...لا عشرين بعشرين

هو باوعلي برفعه حاجب

كال المحامي هسه شنو

كتله عشرين بعشرين

خالد كال...لا عشره بعشرين

ضلينه هو معاند واني معانده كلت يمكن اذا عاندت يخرب الخطبه...

المحامي كال...بس البنيه عمرها 19 يعني داخله السن القانوني ومن حقها تقرر عقدها

خالد باوعله بجمود...كله عشرين بعشرين...

لويت شفايفي مستحيل يفرط بيه لان اني ثاره ومجرد جمرات انتقامه وافق على العشرين بس اكيد حيطلعهن من عيوني

سجل المحامي ودخلنه علئ القاضي انطينه موافقتنه بالقبول رغم جوارحي وعقلي وقلبي وكل خليه بجسمي تصررخ بلااااا مموافقه واحس العقد حررام حرررام لان اني مقابله مجبووره...

عقدنه واطلعنه سحبني من ايدي ولزمني كال إن شاء اللة الاسبوع الجاي حضري نفسج

باوعتلها بصدمه...لايمكن انت شدكوول اني ممحضره نفسي

كال...هيييي ليكون مصدكه نفسج عرووس جيبيلج كم خرجونه تخدمين بيه وتعااي

سكتت بس بداخلي زلازل وبراكين من القهر فوگ شينه گوات عينه

عفته ورحت ركبت بصدر يم بابا

وهو ضل يسولف ويه بابا وطولو بالكلام تقريبا نص ساعه واجه وجه ميبشر بالخيير ابببد

صعد تنهد بعدها باوعلي وابتسم بحنيه مسح علئ شعري...كال مبرووك بابا ان شاء اللة شايفه كل الخير

ضجت من بابا باركلي كتله...شكرا بابا

.........................

اجت فوزيه من السووك الساعه تقريبا ب11 ونص

دخلت لكت البيت وصخ والملابس مطشره وصينيه الريووك بعدها

تخبلت عيونه صارن بكصتها صااحت بصووت عالي

عذرررراء

طلعت من المطبخ بثقه...هااا اجيتي الله يساعدج

فوزيه بعصبيه...بنت الكلب وين جنتي ليش البيت وصخ

عذراء...جنت نايمه وتحلمت حلم يمممه يخبل يخبل

فوزيه..شتحلمتي ولج اجاج رجل وخلصني منج

عذراء بخجل...تقريبا يممه

فوزيه بردت..شنو ولج سولفي

عذراء..يمه تحلمت سالگه بيضتين واكلتهن

فوزيه...اي

عذراء...يممه وشسويت كعدت واروح اسلك بيضتين واكلهن الحمدلله...ومنا حسيت بديت احقق احلامي بدايه حلوه هااا يمه ان شاء اللة احقق باقي الاحلام

فوزيه بغضب شالت النعال وركضت وراها وهي انهزمت بس لزمتها فووزيه

كطعتها تكطع وعذراء تصررخ خبصت الامه

اجت ام خالد ...ومعن وياها ابنها الكبير فرغوو عذراء منها

فوزيه...موتتني خبلتني ارووح واجي الگه البيت هووسه الوياه تزوجن وخلفن واني المعفنه كاعده علئ گلبي ضاله ادلل بيها تدلل ومحد ياخذها

عذراء بشهقات...اهئئ اهئئ شوكت الله يخلصني منج وازوج والله بعد ولا اجيج ولا تشوفين وجهي

فوزيه...هو ياهو الياخذج خليني ساكته عذيره سحلت روحي سحل ومحد گلبج

ام خالد...يممه معن اخذها ويدها يم مرتك

معن...اي يممه يالله عذراء امشي

فوزيه..والله بس تطلع اكسر رجلها خلي تنضف وهذا زوري خلي تغسله هسه يجي ابوها تسويله غده

تركها معن وراح وهي ضلت تنضف وتخوزر بامها

ام خالد...ليش خطيه ليش ضربتيها

فوزيه..توولي خبلتني اريد گوه اسويها مره ماكوو حتئ محد دك الباب عليها وخطبها

ام خالد...تجي قسمتها جا انتي لا تشدين وياه علئ الرجل خطييه هي بيدها غير قسمه

فوزيه...لا بيدها كوولشي بيدها هسه صارلنه شكد وياكم لا خالد انعجب بيها لا مرتضئ اريد واحد ينعجب بيها ويكول بنت عمتي خلي اخطبها ماكو شمرتها شمر علئ مهتدئ وخالد ومحد خطبها

ام خالد...اخطبها العمار؟

فوزيه...خوو خطبيها المرتضئ

ام خالد..مرتضئ اله رانيه جاا ياهوو لمرت اخوو وابن اخوو

فوزيه...حاجي النه عمار ولوو اني جنت اريد اجبر خالد بيها

ام خالد...خالد عجبته دانيه الحمدلله اهم شئ رضئ يتزوج

فوزيه...علئ حورها هسه كفشتها واكفه وبراطمها هيج مسويات..« بوزت شفايفها تقلدها»

ام خالد...لا بناتي يكولن يمه هو الي محليها شعرها وحلگها يكولن حلووو هسه كلها تسوي بكتوس مدري بسكوت ...« بتوكس» حتئ يصير مثل شفايفها

فوزيه...اي مال بووس هسه خويلد يطحلها بوس ههه

ام خالد..يا خيه شهل حجي اني مااحب واحد هيج يحجي علئ ولدي

فوزيه...جا مجذبه

ام خالد...يالله خييه اني اترخص وبعد لا تحاجين عذراء ترئ الضنا غالي إسألي الفاگد ضنا اتحسف لان بيوم من الايام زعلت مهتدئ عمت عيني عليه

فوزيه..موتتني ياخيه

ام خالد...الله كريم تستعدل

فوزيه...الله كريم عود حاجي عمار

ام خالد..اي ان شاء اللة اليوم

فوزيه..ان شاء اللة

ام خالد تركتها وطلعت شافت خالد دخل ابتسمت بوجه

حضنته بحنان وهمست عند رقبته...لو ماحزنانه علئ اخووك جااا تطشرت كليت بس يايمه روحي متطشره اعذرني

خالد باس ايدها بحنيه...ويهون عليه يممه تطشرين جكليت لا والله ازعل عليج ولا ارضئ يمه حزني علئ مهتدئ مثل حزنج عليه بس اني خطبت الان البنيه ابن خالتها رايدها فماحبيت اطول خاف ياخذها هو

امه..مبروك يمه ان شاء اللة بالرفاه والبنين واشوف ولدك عن قريب

تنهد بحزن وتركها وراح تفاجئت من تصرفه

صعد درجات الدرج بجبروت وبااستهزاء..هههه البنين انشوووف بالله ولو احس بقرف منها مااريد طفل ولا اريد حياة بعد الي صااار

صعد للطابق الثاني وكف امام باب الغرفه الئ مقفوله من ست سنين مضت وعدت ومحد اتجرئ يفتحها هز راسه بقهر وسحب نفس طوووويل

وتركها وراح دخل لغرفته شمر نفسه علئ السرير تمدد علئ ضهره

اتذكرها من زيدت المهر حلف اله يرجع الها الصاع صاعين....

.................................

ام خالد كعدت بالاستقبال يم عمار

شافت عمار كاعد يشرب جكاره سحبتها بعصبيه

لاتشرب هذا السم موتتك لا يصير لك شئ

عمار...يمممه شسالفه ولدج كلها تشرب وخالد الباكيت اباكيته

ام خالد...خالد مااكدر اله وانت بعدك صغير هاي تائذيك وتسوي عندك سرطان اسم الله عليك

طفتها بالنفاضه وهو سكت

ام خالد بتردد...عمار يمممه اريد افاتحك بموضوع

عمار...اي يمه احجي

ام خالد..يمه اني نويت اخطب الك

عمار ببتسامه ....ومنو سعيدة الحظ

دخل عمار راجع من دوامه...اي صدك منو سعيدة الحظ

ام خالد...عذراء بنت عمتكم فوزيه

وكف عمار مصدوم ...شنوو شنووو والله هسه من تصيغوه ذهب هم اتزوجها عبالي جايبتلي مره بيه خيير جايبتلي عذراء جنها حصان شارب نفط

مرتضئ...هههه لك شبيها عذراء

عمار بعصبيه...رجاءا اسكت هي لا خلقه ولا اخلاق

ام خالد...شبيها خووش بنيه

عمار بزعل...اخطبيها المرتضئ

ام خالد...لا يمه مرتضئ مرته موجوده

مرتضئ بضيق..شتقصدين

ام خالد...رانيه خطيبة مهتدئ

مرتضئ بغضب...والله مااخذها مااخذها يمممه والله العضيم هاااي اخر مره اسمعج هيج تحجين والله انهزم منا وماتلگيلي اثر

ام خالد باسئ...بس يممه

مرتضئ ضرررب جاام الباب بيده حيييل وتناثر الگزاز علئ الارض انجرحت ايده ونزفت

ام خالد بخوف ورعب...يممممه يمممه مرتضئ ليش هييج

صاحت علئ اخته واخته اجت تركض

شافته انقهرت حييل كعدته علئ القنفه وجابت ديتول وشاش وضمدت ايده

بنتها...يمممه اسكتي منه ما تشوفينه شلون يتعصب

عمار...يممه اذا تردين اني اتزوج رانيا

ام خالد...لا يممه بعد مانريدها

حضنت مرتضئ وباسته ...عذبت امك وحيرتها ياضناي...

مسح وجه بتوتر وتركها وراح الغرفته....

..............................

يوم العرس

كعدت متضايقه واحس مثل الكابوس جاثم علئ صدري البارحه سويت حنه اجوي بنات خاله وبنات عمه وخالاتي...

ورانيا لبستني فستان طوويل ومكيجتني

اما هو لا اجه ولا شفته ولا حتئ اهله اجوو عبالك ماعدهم عرس

بابا وماما تعاركوو من الصبح بابا يكولها خليها تروح بحال سبيلها والناس حزنانين

وماما دكول لا بنتي الصغيره لازم عرسها بالقاعه ومن صبح عركه الها اول مالها تالي

وبابا لاول مره يعيط على ماما وميحترمها وبعدها ماما استسلمت للامر الواقع

من القهر والخووف حسيت نفسي اريد اتقيئ ركضت للحمام تقيئت شكو شئ ماكلته وضليت ابجي من السعال الئ صار الئ

خطيه اجت رانيه حضنتني ومسحت وجهي

اجه بابا جايب البدله من ابو البدلات

شفت طرف البدله الابيض حسيت انضربت بوكس علئ بطني مستحيل هيج اتزوج والبس البدله لهذا الخبيث....

مسحت دموعي خطيه اختي واكفه بصفي حضنتني بحنانها الاحبه

كالت...لا تخافين شبيج هسه يطيح بغرامج بس انتي هم لا تراددينه وخليج طبيعيه وتنازلي شويه

سكتت هاي مشايفته وشايفه لسانه الي ينكط سم

لفيت شعري بااهمال ولبست بنطرون تسعيني وحذاء فلات وقميص عريض مقفل

رحنه للصالون بلشت تشتغل بيه احلئ شئ سرحت شعري بصوره حلووه

وخلته مفتووح وبرمته بنعومه بس من اطرافه ولبست البدله والعقد وحطتلي مكياج بمبي ولبست التاج والحذاء البيضه وحطتلي رانيا عطر وبودره وانطتني هيل وانطتني قران

طلعنه من صالون اجه بابا رانيه غطتني بالبرنص لان البدله دلع وصدري طالع

وصلنه البيت خاله لان هو مقبل يجي المنطقتنه وهم منطقتنه بعييده عليهم

وصلت خاله خطيه مشغله الديجي والبنات يركصون

من شافني تخبلن وضلن يصلن علئ محمد وكالن اليوم العريس ميرحمج

ضجت من كلامهم وگلبي وجعني وتقززت

جانن يركصن احسهن يركصن علئ جرحي

گلبي جان يكافح ارتعاشات الخوف الي اعتراني ويناضل اوجاعه...ردت احضئ بفرحه صغيره بس للاسف ماكوو اي فرحه بداخلي مضطهده بالحزن واحس بشراييني تمزقت فضلت الموت بصمت ومردت شفقه من احد....

كالو اجه العريس عضيت شفايفي

اول مره اشوفه شوووويه حلوو مزين ولابس قاط اسود يمووت علئ الاسود حتئ القميص اسود وهو ضخم وطويل

دخلت امه وياه كم مره

امه شكلها جان حيييل حزييين وحاطه العصابه علئ عيونها واللثمه علئ حلكها مطالع منها شئ

هو كعد بصفي والبنات رادوو ياخذون صور النه هو مقبل اببببد ومنع التصوير البنات خافن منه ونزلن موبايلاتهن

بعدها اجه ابوو وكفني باسني براسي

ولبستني اختي البرنص هو كلها انطيني دبوس

سحبه حييييل وشكل الدبوس وسحبني مثل البهيمه بجيت بصمت ما سمحلي اودع اهلي ابجي بحظن ابويه وامي زفني الكهفه المضلوم وحياته البرزخيه الموحشه

صعدني بالسياره وهو يسوق واني بالصدر جان الجوو هادئ وطريق طووويل

سألته بخووف...وين ماخذني

همس...الجهنم

سكتت من الخووف حسيت راح انجلط

أتأكدت محد ويانه والطريق الماخذني بي مجهوول

وكف وفتح باب السياره نزلني لزمني بيده القاسيه

ضل يحجي ويه واحد عرفت احنه بفندق وبعدها سحبني وصعدنه بالمصعد

الغبي جايبني للفندق وماانطاني خبر اجيب ملابس الي

وصلنه للغرفه هو اول مادخل شمر الستره علئ السرير وفتح الرباط اني رجعت خايفه منه ضحك بااستهزاء وراح....

شفته دخل للصاله فتحت الدبوس وشمرت البرنص
وكفت شفت روحي بالمرايه كووولش حلووه وناعمه

همست ببتسامه حزينه...كل هل جمال واخذلي ثور

رجعت كعدت شفته اتاخر والبدله ضايقتني

وكفت رحت اله شافته واكف يريد ينزع قميصه ويمه جنطه الضاهر جايب ملابس وياه

اول ما حس بيه دار وجه عليه جان فاتح 3 ازرار وفتح الرابع

وكف كدامه بمكياجي وتسريحتي وبدلتي حسيته اعجب بيه بس هو خبيث ميبين عليه مدري اني اتوهم انعجب بيه ماحددت نضراته

تقرب مني واني رجعت خطووه من خووفي

لزمني من اكتافي العاريه حيييل قبل لا اهرب منه

باوعتله ببراء وگلبي يدك سررريع احسه شخص ملطخ بالسوداويه وتحتوي كآبه فضيعه

باوع بوجهي وكأنه يحفظ ملامحه رفع اصبعه وخر خصله من شعري

اني بعدت وجهي بسرعه منه

جانت اكوو كدمه من ضربني من خطفنه اني ورانيا وضربني بالحايط حط اصبعه وضغط عليه بهدوء

التقت عيوني بعيونه المرعبه

همس بحقاره...شتردين ؟ تردين تاخذين ليلتج

انحرجت حييل حسيت راح ابجي كتله...انت ليش متخلف متستحي شنو ليلتي والله لو تضل اخر رجال مااجيت وطلبت ليله منك اصلا احس بقرف

ضحك بااستهزاء وضحكه قوويه....ههههههاي ضحكتيني يا بنت الشييخ ..البنيه بيوم عرسها تستحي انتي شبيج جايه برجلج وكانج دكولين خالد تعااال طولت عليه....« يقلد صوتي »

ضجت حيييل جرحني بالصميم...ترئ مصدك نفسك زياده عن اللزوم والله والله من تلمسني احس بالووعه انت وييين ومصعب وييين

شفته فتح عيوووونه مصدووم

تركته ومشيييت وماحسيت غير باااقتلاع شعررري من قبله

صررخت بصوووت عااالي....اااااااااه

اريد شخصا كأبي!!💔
يحتويني بدفئه الغامر حين يغتال القلق جسدي
ودون ان اتاوه احتاجا له
يشعر بعبوسي واقتضابي
دون ان انفجر امامه غاضبه
واعلم تماما بأني اهذي وماتمنيت سوئ المستحيل
فقلب كقلب ابي وطن استثنائي فئ هذا الوجود ولن يتكرر💔💔

نهايه البارت يتبع....

كونوا هنا كونوا بخير...سمو العراق

لا تنسو التصويت غالياتي❤