رواية #انتي سيوف الثأر في اجفاني الفصل العشرون 20 - بقلم الكاتبه سمو العراق

البارت السابع عشر
رواية..انتي سيوف الثأر في اجفاني.
بقلمي...سمو العراق

أحزاني...
اشتقتك.. حد تفطر القلب من اليأس و القهر..
وانتظرت وقلت: سيأتي ويعتذر ويرعاني...
ما رأيت منك إلا دموعا وحرق أيها الجاني...
أتتوقع لأنك من أنت..
لا اصرخ وأقول:
أنت مغرور...أنت أناني...!!!
لا..
سأقولها واسمعها مني.. لا من شخص ثاني....
فأنت متكبر ومن عقدة الحب تعاني....
كنت أريدك لكي أحتويك وترعاني...
الآن أتضح بأنك بائعا ً ...لكل ما كان..
وتتفنن بإيذائي أيهاالجاني...
اذهب فليرعاك الله وربي سيتولاني...
قدرٌ كسرَّ جنحي..

💔💔💔💔💔💔💔

ماحسيت غير بحجابي انزاح عني وايد نشبت بشعري

صرخت لكن انكتمت انفاسي بيده الضخمه

حطيت ايدي علئ ايده وفتحت عيوني مصدوومه حاولت اسحب روحي منه مكدرت حط ايده علئ بطني...

ومشاني للدرج دموعي ترست ايده من الخوف

مشيت بخطوات كلها خووف ورعب

بعد ايده عني كال...اصعدي يا شريفه

صعدت بذل وخووف

وصلت للغرفه ورجليه وحده تضرب بالثانيه من الخووف...

صفني علئ الحايط

خنگني بيده كال شعندج بغرفة مرتضئ

كتله بحيييره ولازمه ايده...والله ججج جن جنت

عااط بصووت عااالي...بنت الكلب لفيتي علئ مرتضئ

شتردين منه كوووولي

هزيت راسي بعدم تصديق...هذا شيكول شلون يشكك بااخلاقي تماده هوووايه لازم اخلي اله حد كافي تفرعن هوووايه

دفعته حيييييل مااعرف منين اجتني القووووه

رجع خطوتين

رفعت اصبعي بتهديد وشعري واكف حالتي حاله

دااانيه....شووووف خاااالد تماديت هووواي تعبت منك والله تعبت شترييييد مني شترررريد والله اني مو سبب بموووت مهتدئ حررني من قيودك اني مو مثل ما تفكررر اني مو مثل ممتخيييل

خااالد بحددده...انتي اكبر حقييييره ومستهتره ووكحه والله عرفتج صلفه بزر دلال واعرف بيج متقصده تحركين سيارتي بس والله ورب الكعبه اله خليج تمشين وتتلفتين

غمضت عيوني حسيت حيغمه عليه من كلامه واستهتاره بمشاعري

كتله...والله ممتقصده والله اصلا ماا اعرفه شنوو انت ليش ما تحترمني والله مليت تعبت ارحم ضعفي ترئ ما عندي قوة عضلاتك والله ولا عندي جبروتك انت شنوو من بشر انت مريض نفسي لازم تتعالج روح اتعالج روووح

هجم عليه بسرعه لزمني من شعري حييييل تطاير بين اديييه

كال.. لسانج طوووويل شلون تتجرئين ودكوولين مريض والله اله امرضج وادخلج الشماعيه بيدي يا ......

صدمني من فشر عليه وقهرني حيييييييييل

هجمت عليه مثل اللبووه المفترسه

ضليت ابجي واني اضرب واسب بي

اششششرف منك واحسن منك علئ الاقل مو ضالمه مثلك الله ياخذني وياخذك الهواء انكطع بوجودك خنكتني ذبحتني

هو لزمني بثنين اديه

رجفت اديه وشفايفي من انهياري وكعت كدام رجليه مثل الطييره المجروحه

ارتعش كل جسمي عبالك صابتني حاله من الصرررع العبره المكتومه بصدري ذبحتني

ضليت ارعش وارفس برجليه وارجف وخدر كل جسمي...

انذهلت من الحاله الصابتني...

هو نزل نفسه بسرعه رفعني من خصري وحط ايده الثانيه علئ كتفي

شالني بين اديييه دخلني للحمام وسند بطني علئ المغسله وضهري عليه...

فتح الحنفيه غسل وجهي بمي بارد شهكت من برودة المي وخدي حرگني من الكف الئ اخذته منه وهماتين انجرحت بخدي،من شمر المزهريه

كال بجمود...اتنفسي اتنفسي،لا تخنگين نفسج

ضليت اشهك اذا حن عليه انهار وضل ابجي بصوت عالي وافضح نفسي

اني مو ضعيفه ودائما اوكف بوجه بس هو قاسي يقسي ويايه حييييل احسه مثل الصهاينه من يلزمون مسلم يجرمون بحقه

دارني عليه مسح دموعي...

من يمسح دمعه وحده ينزل شلال كامل من عيوني وازيد بالبجي..

احس اديه متشنجه

لزمني من ايديه واحتضنهن بين اديه ضل يفرك بديه ويحاول يرجع الدم اليه...

رجع شالني مره ثانيه احس راسي حينفجر من الوجع..

كتله بووجع ودوخه...راسي ديئذيني

نومني علئ السرير وسحب المخده من جووه راسي وكع راسي علئ الفراش

وبعدها اخذ المخده خلاها جووه رجليه رفعت رجليه شووويه

ديريد ينظم ضغطي

صدري تبلل مي شوويه ونفسي يصعد وينزل حسيت نضراته وصخه علئ صدري رغم حالتي تعيسه بس نضراته مو راحه

حطيت ايدي على صدري ماعندي طاقه اله

تمدد بصفي،وسحبني الصدره

شهكت من البجي لمساته تخوفني

تكلمت بصوت حزين ومتألم ...شوووف تمعن بوجهي زييين ركز خالد ركز شوووف زين

كال بااستغراب.. شنو اشووف

كتلها بصوت باكي...شوف اثار جريمتك بوجهي شوكت تحس شوكت تحررني من جحيمك..حرمتني من اهلي وموبايلي،ودراستي حتئ انوثتي قلت بوجودك...

كال بهدوء وحضني قووي....اشششش وكعتي بجحيمي وما الج مخرج

كتلها بشهقات...بس،تشوفني دا امووووت

حضني مره ثانيه وسكت

سحبت نفسي من حضنه القاسي

كعدت ردت اكووم

كال...وين رايحه ؟

كتله.. اجيب الذهب بيعه وصلح سيارتك

سحبني حيييل مثل الشالني

صار جسمي فوك جسمه

صرخت من الخجل حاولت اسحب نفسي منه بس حاوط خصري بااديه وثبتني...

رفعت راسي ونزله شعري صار علئ وجهي

همست بخجل.. عووفني اريد اجيب الذهب حتئ ترضئ وتسامحني

رفعت وجهي اباوع بوجه...كال اسامحج بشرط ما محتاج الذهبج اني!!!

كتله بااستغراب...شنو الشرط؟:

بعد شعري من شفايفه بااصابعه وكال...اول مرة خلي اوخر ليفة عذيره وبعدين نبدي بالشرط

ضجت..لفيت شعري كله ودموعي نزلت علئ خدي

هو سكتت ماحجه

كتله...يالله ابدي بشرطك ما اريد مذلتك

ضحك بااستهزاء...

الحمدلله طلع يعرف يضحك واخيرا شفنه اسنانه

كال...امممممم بوسيني والله وبعد ماا جيب طاري السياره...

رفعت حاجبي وضغطت علئ صدره بثنين اديييه حيييل...

كاال....اخخخخ يا مجرمه كسرتي صدري

كتله...ما ينكسر ما تشوف شضخمك وشكبرك ايديه الناعمه الي متوقف نموهن منجنت بكد ابن اخوك يكسرن صدرك ؟؟ ماا اتوقع

بحركه سريعه منه سحبني صار هو فوكايه واني جواه

فتحت عيوني مصدومه وارجف من جرائته

كال...بكيفج لا تبوسين بس صدكيني اني من اخبث اطلع حليب امج من خشمج

جاوبته بااستهزاء...لا تحلف خابزتك وعاجنتك

كال بغموض...لا بعدج متعرفيني...

دانيه...عوفني يالله نعست

كال...وين بوستي قبل النووم

كتله...اهووو ذكرتني بحكايات جدتي دروح وين اكو عدنه بوسه قبل النوم بقوانينك... اكوو رفسه قبل النوم......... ترييد؟

كال بخدر وهيام...اي

ماكدرت ارفسه لان رجليه صايره بين رجليه

كورت ايدي وضربته علئ صدره

يالله هاااي قبل النووم ناااام ...يالله ناااام اخذتلك رفسه قبل النوم

ضحك مسح علئ خدي المجروح بحنان

ولزمني من وجهي باسني بحنان وبيه شويه بهارات مال عنف

حسيته خمط شفايفي،بين شفايفه مبين ملعب،ومحترف لا ومجرب لان مبين اني،مو اول وحده يبوسني...

دفعته ابتعد شوويه بس لزمني من شعري خاف انهزم منه...

كال بحقاره وفصحئ مكسره...اريد قبله بشفاة نصف مفتووحه...

كتله بقرف شنوو...؟؟

كال...اي عمي شمفهمج بالفصحئ...اخذيها بالعاميه افتحي شفايفج شويه وخلي اقتحم الباقي وبادليني،اووك...

كتله بغرور...ولا بااحلامك...اوووك

كال...اجبرج

كتله...متكدر لان مراح ابادلك

كال...نشوووف

كتله...انت غريب الاطوار قبل شووويه جرمت بيه علئ سيارتك وفشلتني كدام خالتك وهسه تريدني ابادل انت فعلا مو صاحي...والله بابا من يغث ماما بكلمه بسيطه ماما تزعل وتندمه

حسيته يقلد عليه من كال....نفس،ماما وبابا ونبي

درت وجهي زعلانه

كال...والله واحد غيري حتئ لو فاهي ونعجه..وحاركه سيارته هيييج...اله يعلكج بالبنكه ويشنقج بس اني كلبي طيب واسامح بس للاسف محد يستاهل

كتله...بس مو قصدي بنت عمتك ثووله وانطتني هذا اليحرك الادين وغسلت بي السياره ودا اكولك بيع الذهب وصلح سيارتك او اجيبلك من بابا فلووس

كال...بنت الزمال اجدي من ابووج اني ....عندي فلوس واني اصلحها وذهبج خلي الج شكلولج عليه فكر ما عندي

سكتت...كتله ترئ اختنكت انته ثكيل وشامر حيلك عليه وخرر شووويه

ابتعد شوويه وحضني دفن وجهي بصدره وانترست انفاسي بريحة عطره الممزوجه بريحة الدخان...

ردت اكووم بس،هو منعني،وسحبني رجع راسي علئ صدره

احس بحقاره بحضنه ذلاني كدام الكل واليسوه والما يسووه وفوزيه ضلت تعد وتسفط عليه وقبل شويه طعني بشرفي وهسه نايمه بحضنه ...بس اني مجبوره وحسسته مجبوره بس هو مااستجاب

غفيت بحضنه وانفاسي تشكيله حقارته واجرامه بيه..

......................

كعدت من النوم.. طبعا البارحه ما سبحت خفت من هذا الي اسمه خالد شلون هجم على مرته وكتلها وهي ناعمه وهو ضخم ويسب ويقلط

حمدت ربي وشكرته واثنيت عليه

وتأكدت غيس احسن بهواي من هذي العايله

من الخوف نمت بدون سبح وبتراب النجف ولا اكلت ولا شربت وانه اصلا تعبانه وما بيه حيييل وجدتي تكعدني وارجع انام ...كمت طلعت ملابسي

سحر .. اخذت ملابسي اريد اسبح ...
شفت مرة معن ..
كتلها عفية اريد اقسل دليني ع الحمام ..
شفتها ضحكت كالت تعاي وراي ..
استقربت ضحكتها مدري على شنو
تبعتها امشي وراها . 
وصلتني للحمام ووكفت كالت يااا اكو احد هنا!!
امشي  لغرفة مرتضى اسبحي خاف يتأخرون ..

واندارت مشت واني وراها ..مشينه القرفته وصلنه لقرفة مرتضى فتحت الباب ودخلت واشرتلي على الحمام ..
كالت دخلي هنا اسبحي ..

سحر .. استحيت كلش وانوب قرفة مرتضى كتلها مو خاف يجي ..
كالت .. لا ميجي هسه اخذي راحتج ..
دخلت اني وبيدي ملابسي وهيه راحت وسدت الباب وراها ..
ظليت اباوع على القرفة دخلت لريتي ريحة عطره باجوائها .. خلتني ابتسم لاارادي ..
توجهت للحمام فتحت الباب ودخلتله .. علكت ملابسي وبديت اسبح ..
من خلصت لبست ثووب وردت البس بجامتي لان جدتي ما تقبل ما البس بجامه تخاف عليه باوعت للارضية كلها مي .. شون راح البس البجامه هنا خاف اوكع ..
اخذته وطلعت برة الحمام ..
وبلشت البس البجامه ..

مرتضى .. رجعت للبيت ورحت الغرفتي
كبل فتحتها .. صارت كبالي سحر بنص الغرفة  مدنكه ودتلبس الستريج ..سيقانها البيضة والرشيقة ظاهرة ، شعرها مبلول واكع على وجهها واكتافها ..
فتحت عيوني على اوسعها شافتني جفلت
وكعت بالارض واحتارت بشنو تغطي نفسها نزلت ثوبها بسررررعه...
صاحت بصوت يرجف  ياااعزااااا شبيييك تباوع  اطلع برره اطلع..
درت وجهي انطيتها ظهري وغمضت عيوني بسرعه.

كلت بصوت بااكي...اطلع اطلع يا ما تستحي عييب عليييك تباوع عليه ما تستحي شفت كلشي

كال بكلام حرك كلبي وهو داير وجه...لا والله اصلا اول ما شفت شئ  غمضت عيووني

كملت لبس البجامه وردت اطلع كتله..جذاب ما قمضت عيوونك

دار وجه عليه وضحك كال...لا والله غمضت بس شفت شووويه

دفعته بس ضل ثابت

ذكرني بحغارة غيس..« بحقارة قيس»

كال بغموض..صدك النسوان ضامات جمالهن جوه الملابس

رجفت من كلاماته وخفت يعتدي عليه

كتله...عيب عليك تغتحم القرفه هييج جااا دكيت الباب..

كال...والله غرفتي مو غرفتج واقتحمها مثل مااريد وشوكت مااريد ومحد اله دخل

كتله...الله لا يعووزنه

دار وجه عليه خفگ گلبي من ضحكته...

كال....الغرفه وصاحبها فداااج

خجلت من كلامه اول مره واحد يفداني ويحجي وياي بهدوء غيس كلب غارنته « قارنته » بمرتضئ

انه حسيت بمشاعري ركضت وره مرتضئ عكس غيس الي يجبرني ويبوسني ويعيرني بصابعي السته اكرهنه ما احبنه عساه الموت

طلعت بعد ما اخذت ملابس ولفيت شالي علئ راسي ورجف من البرد

مرتضئ...اوووف موو بنيه رغم بساطتها تجذب وعمار الحمار يقلد عليه وعلئ اصابعها يروح فدوه الاصابعها

وكفت فتريت بالغرفه مااعرف شنو الي صار بيه ليش من دوون البنات شغلت تفكيري معقووله الحب من اول نظره

احس كوولشي بيها حلوو ومن وراها احس عشقت القرفه...والغميص...ههههههههاي

حتئ اللهجه حبيتها...

احساسي ركض وراها عكس رانيا الي من شفتها حسيت بكره ناحيتها بس لا اتورط برانيه...

...................

انصدمت بعذراء وهي متعصبه وتدردم

كتلها...العفوو ما شفتج

كالت..دووخري مني انتي الثانيه

كتلها بخوف..شبيج صار شئ

كالت...اي صاااير صخيمممه

كتلها...يااا صخيمه؟

كالت..دانيه الكتلها رجلها البارحه

كتله بااستغراب...ياااا جااا وين راحت

كالت...راحت الجهنم معزومه بيت ابو لهب

كتلها...صدك

كالت..خااب وخررري اندري وين راحت يمكن نهبت

كتلها ...يمممه اسم الله جااا رجلها يموتها

هي جاي تحجي وباوعت ليفووك شافت دانيا نزلت من فوووك

كالت عذراء بسخرريه...جااا البزون تحب خناكها مو البارحه سوواج بزونه منفووشه

نزلت مقهوره من كلامها وخجلانه من سحر لان خالد ضربني كدامها

كتلها ببتسامه..شسووي ما يرضئ علئ زعلني ويكون عين ناااقه صابتنه وخلتني اضربج

كالت وهي تلوي شفايفها...علئ شنو يحسدووج بس انتي يصير بيج الحگلگ اله تحلگين الرجال وتاخذين المقسوم

كتلها..رجلي حلالي

كالت...يالله ازوج مرتضئ واحرگ كلبج

سحر..باوعتلها عبالك شمرت عليه مي بااارد من حجت هييج

كتلها...بس عمه دكوول اخطب رانيا لمرتضئ

سحر..رجعت باوعت علئ دانيا احسها ضربتني راشدي  مو كالت يخطب رانيا....رانيا منووو

كالت عذراء...ياااا والله شنو يزوج رانيا ترئ ما يصير هيج ناس محرومه وناس،متخوومه بالعباس انتحر شئ تاخذ رجلين واني كل شئ ماكوو والله اطلع مضاهره وقد اعذر من انذر وترئ اختج مو حلووه بس بيضه

اندك الباب تافئفت اليصبح بوجه عذيره تصيبه جلطه رحت للباب افتحه

بس مرة معن فتحت الباب

ضحكت تلقائيا من شفت احبابي امي واختي

ركضت الاحضانهن وشبكتهن بجيت بحضنهن ماما رفعت راسي شافت خدي تخبلت

كالت...منوو ضاربج

كتلها بخووف...لاااا وكعت علئ خدي

كالت...لا هااي اصابع واحد مطبوعه بخدج منوو ضاربج خااالد

كتلها ...لااا

كالت بعصبيه...وييينه هووو

كتلها...ماما اني غلطانه حركت سيارته بالبطش وكع صبغها وهو ضربني بس هو اعتذر والله

تنهدت ماما بس اعرفها مقابله هي،حييل تحبنه وحتئ بابا مرات من يحجي علينه متقبل...

كالت...كتلج لا تزوجيته بس انتي غبيه وينه اريد احجي وياه يا اما يحترم نفسه يا اما يطلكج والله مصعب منتظرج بس تطلكين ويتزوجج

كتلها بتوسل...ماما عووفي الله عليييج

رانيا...ماما عووفي بعدين حاجي

دخلنه جوووه بالاستقبال ماما سلمت علئ ام خالد واختها وكعدت...

كعدت اني يم رانيا

كالت...شكووو شبيكم

كتلها...لج نذل شسوووه بيه بس اني مااريد اقهر ماما واقلقها عليه والله عشت برعب

اختي مسحت دمعتي تفاجئت اني ابجي وماادري بروحي

كالت.. علئ شنوو ضربج

كتلها...لان حركت سيارة بالبطش

كالت...شبي تخبل هذا صح سيارته عزيزه بس مو هييج قابل سيارة اعز منج

كتله ببراءه..اي اعز مني

دخلت عذراء وبدت بالبووس العشوووائي وتكسير الرگب...

كعدت كالت...خاااله ام رانيا شسولفلج البارحه خالد كطع دانيا تكطع واني وامي نفارغ بيها وماكوو خطييه ضلت دموعي تجري عليها...

ماما...احس صعد ضغطها من كلامها...

كالت بهدوء...ام خالد دانيا صغيره ومتعرف ومن خطبتوها كتلكم من البدايه هي تنام للضهر ومتعرف تشتغل شنوو خالد يضربها علئ مود سياره وشنو دنوو تغسل سيارته خدامته هي

عمتي كالت...لا والله احنه ما رضينه علي بس هو انقهر وضرب العامي والشامي

وانه حتئ ما ارضئ تنضف بس عدنه شوويه خالد عصبي

ماما...علئ رووحه واذا عصبي يطلع عصبيته بدانيا والله اخذها ومن يتحكم بااعصابه خلي يجي ياخذها يالله ماما حضري نفسج

كتلها بتردد...لا ماما راضاني واني هم ماارد لساني وضربني اني الغلطانه

كالت عذراء...اي خاله هي بتج لسان دلاله اكلها بابا الصمي حلكج الرجال يتقشمر بوسه لا هي تلعلع واخذتها راشدي بس مو راشدي بعد شعر ما يطلع بوجهها موت المسامات كلهن والقران

حركت ماما حررررك

سمعت صووته صاااح.....داااااانيه

كمزت من مكاني وماما لاحظت خووفي منه

رحتله اركض

فتحت الباب كتلها هاااا خالد

كال...منووو هنا

كتلها بخووف...اءءءء ماما ورانيه

تأفئف بضيق...شجابهم ماكووو رجال يلزمهن ابووج ويين

كتله...مسافر

كال...هاااا ماخذهن وياه

كتله...مااعرف

كال..سئلنج منوو ضربج

كتله...اي

كال...وشكلتي يمكن سردتي الاول وتالي

كتله...لا عذراء سردته وزيدت شوويه بهارات

كالت...بنت المطي اله انعل والدي وإلديها الصخله بس طووول عقل ماكوو

كلت بكلبي...كلكم بس طووول وعقل ماكووو

كال...اني رايح لا ترحين ويه امج مفهوووم وماكو داعي احذر تذكرين شسويت من رحتي بدون علمي

كتله...لااااا مااروح

طلعت ماما هو رئسا باوع عليها ....

كلتله...صباح الخير

هو حك لحيته ومثل المسوي جريمه كال...صباح الخير...

كلتله امي...خالد ممكن شوويه من وقتك عندي موضوع وياك

كلها...اي بس صديقي منتظرني بالباب ان شاء اللة بس ارجع احجي وياج

كلتله...بس اريد ارووح

كلها...لعد اخابرج

قبل لا ترد كال يالله مع السلامه

خله وطلع وترك ماما بحاله من ذهوول....

دخلت وضلت تسولف ويه ام خالد واختها وتوصيها عليه....

بعدين اني ورانيا صعدت بغرفتي

كتلها ...رانيا حبيبتي انطيني موبايلج

كالت...شسوووين بي

كتلها...اخذه اليه

كالت...مو خالد ميقبل

كتلها...اي بس اضمه منه ميشوفه

كالت...يمعووده اكعدي لا تذبين نفسج بمصيبه

كتلها...لا رانيه عفيه انطيني الموبايل والله البارحه ردت اخابركم تلحكون عليه بس ماكوو موبايل

الله عليج انطيني الموبايل اخاف هذا يجرم بيه اخابركم...

كالت...لااااا

كتلها...شبيج رانيه احسن اموووت اريد موبايل

كالت...لج مااكدر انطيج موبايلي بي ذكريات مهتدئ

اخذي موبايل ماما وفرمتي وهي تشتري جديد

كتلها ...لعد كوليلها وضمي بجنطت وجيبي كوون محد يشووفه

كالت...اي هسه

نزلنه جووه رانيه شاورت ماما وكلتلها ماما خطيه مقصرت انطته الها

ورانيا سلمته اليه ضميته بصدري

بدون محد يحس

رحنه نرجع للغرفه حتئ رانيا تفرمت الموبايل وتخلي الارقام...

سوته بسرعه كتلها عمه دتريد تخطبج المرتضئ هي تخبلت وضلت تبجي واني انقهرت كتلها لا جذب اشاقه وياااج....

خلت ونزلت شافت مرتضئ يلبس بحذائه ديريد يوصل سحر وامه للكوت لان مقبلوو تروح الوحدها

ضاجت من شافته وهو رفع عينه ورجعها بسرعه سلم عليها ببرود...وطلع

احس من سابع المستحيلات ينجمعون

بس القسمه تسد الحلوك احتمال تصير قسمته

رانيه بطنها باارزه وداخله بشهر جديد...وحليانه وخشمها ويه الحمل صاير احمر يجنن...

راحووو واني دخلت بنوبه بكاء حاااده بس الحمد لله اخذت الموبايل اكدر اتواصل وياهم....

.......................

بعد مرور فتره مو طوووويله...

جنت اكنس بالبيت وعمه دتصلي وخالد دايح كل عاده وحاليا صاير كووووولش ما يلفي

ويتجنبني وحتئ يضل يصيح من البس ضيق حتئ بالغرفه...

عقدني بس مخفف ضررب لان اني متجنبته

واني هماتين مااتقرب منه اخاااف علئ الموبايل يشوفه سوويت كروب ودخلت بنات خالاتي كوولهم بس لحد الان مو اني مديره الكروب

ان شاء اللة اصير حتئ اطرد بكيفي وادخل بكيفي

واليوم دخلت بنيه بالكروب اسمها لمياء دخلتها اخت مصعب حجيها معجبني بس ضلت بالكروب ترسل كله رسائل غراميه وانكسار وقلب مكسور ههههه

مخبله مدري شبيها...

اتصل موبايل ام خالد...

وفتحت خط...

عمه كالت....ياااااااا صدددددك ياااا ياااا شلوووون يبووووووو

نهايه البارت...يتبع....

هلاوو حبيباتي الكاتبه طبعا ماتت😢

لا لا جذب 😂😂😂مات النت عندي وابو حطام عجوزي كوه اشترك ...

اسفه علئ التاخير فديت المتفهميني وخاصه هداوي ورده عرفت ماعندي نت وعلقت بتعليق حلوو فدوه الگلبها تعرف نفسها 😘😘😘

واحب ارحم بالضيوف الجدد الي انتموو القافلتي اهلا وسهلا بيكم...

وحابه تكثفون التصويت لان دا احس التصويت ضالمني مع عدد المشاهده 😢😢

وتابعوو حسابي فضلا وليس امرا..😘😘

دانيه تقريبا نفس شعر هذي وهماتين مجعد اكثر للطلبت صوره تقريبيه وهم بيه شبه منها بس،عيونها مو ملوونه....

وخالد ماكوو شخص مقارب اله بس هو شكله عادي مثل اي عراقي اكثر شئ يشبه هذا يالي ما اعرفه منوو دورت هووواي قبل اسبوع واني ادور وهذا احس اقرب اله....

كونوا انتم كونوا بخير....احبكم بحجم السماء 😘