رواية #انتي سيوف الثأر في اجفاني الفصل التاسع عشر 19 - بقلم الكاتبه سمو العراق

البارت السادس عشر
رواية...انتي سيوف الثأر في اجفاني
بقلمي...سموو العراق..نور

💔💔💔💔💔💔

كم يؤسفني أن تستسلمي وأنت بهذا الكمال النسائي ،حفاوة جسم وعنفوان قلب وسلامة عقل ورصانة فكر ،إذا تبسمت الزهرة الملونة تبعثرت من كامل الجمال إن لم تحاكي لألئ ثغرك ،وإن صفت السماء لم تنعش إن لم تظلك ولو في بعدك ،،انت اللباس كالسحاب وأنا الفراش كالبحر في وجودك

انصدمت من طااااااح صبغها لالا انجلطت يممممه شسووووويت والله اليووووم يذبحني

رشيت المي عليها صارت بالزايييد

رجفت شفايفي يرررربي شسوووي عمتي مو هنا وتحميني واخوانه ميعترف بيهم يممممه وييينج راااح يموتني

وكعت علئ ركبي واحس البطش قرح جلدي

البطش...ماده قووويه تزيييل الدهوون لكن تدمر الاشياء المصبووغه....

ضليت اكح واسعل بصوره متواصله قووي حيييل ويخنگ غسلت وجهي بسرعه

وگوه وكفت علئ رجليه حسيت بحكه مو طبيعيه بجسمي واحس اصابعي تقرحت

غسلت الكراج بسرعه ومسحته بالماسحه

اخذت الچادر مالت السياره وغطيتها

اخذت السطل وكلبي يرجف ومعدتي تگلب من الخوف...

صعدت فوووك شفته يبحوش بالكنتور

اول مدخلت باوع عليها رجعت خطوتين من الخوف حسيته كشفني

كال...هاااا خلصتي

كتله بصوت يرجف...اي خلصت

كال...خوووش اريد اطلع بس اسبح

يبووو راح يشوفها شفته اخذ ملابسه راد يدخل للحمام...

ركضت لزمته من ايده وجانت ملابسي مبلله

كتلها كالت الله عليك خلي اسبح قبلك

دفعني بقرف..هاااي ما تشوفين نفسج مبلله دمرتيني

ابتعدت شويه كتله خالد عفييه حسبح قبلك

كال وهو يتوجه للحمام...وولي اريد اروح مواعد جماعه...

وكفت مقابيله واني ارجف وجسمي يحكني احك بصوره سريعه

الله يخليك شووف شلون احك متت

كال بااستغراب...و ليش تحكين بيج جرب

كتله بااستدراك...لا بس من الزاهي الله يخليك خلي اسبح قبلك شبيك اول مره اطلب منك

راح كعد علئ السرير كال...يالله اسبحي حتئ تعرفين اني شكد محترمج ولو تدورين الدنيا كلها متلكين مثلي. بس انتي متعافيه ما تحمدين ربج وتشكرينه

هزيت راسي بأي

رحت للباب قفلته واخذت المفتاح

هو باوعلي بغموض وكال...خفت منج بس لا تردين تغتصبيني وضعج مو طبيعي

كتله بعصبية...لاااا بس اخاف عذراء تدخل علينه كبل

ضحك بااستهزاء...

رحت بسرعه اخذت ملابس ياربي شلوون مااريده يطلع بس يشوف سيارته يجرم بيه لازم اخلي يتأخر شوويه منا لمن تجي عمه

ضليت اسبح ودموعي اخطلت ويه مي الدووش وكل شوويه احس كلبي،يوكف

ضليت اشهك من البجي

تقريبا مرت نص ساعه واني مطالعه من الحمام...

سمعت صوته الغثيث صاااح...هيييي اتاخرتي يالله

كتمت انفاسي وسديت الدوش نشفت جسمي ولبست ملابسي ضليت واكفه بالحمام ولازكه بالحايط بلكي ينسئ ينام...

ضررب بابا الحمام بقووه...بنت المطي اطلعي لزكتي

كتله بسرعه وخوف...اي اي طلعت

فتحت باب الحمام وطلع ويايه البخار

باوعتله ببراءه وعيوني مدمعه...كتلها خلصت

كال يالله روحي علكي ملابسي اخذتهن اعلكن بهدوء وبطئ...

طلعت شفته يخابر بصديقه يكوله شووويه واجيك

ابتسمت بوجه بغير العاده

سحبته من ايده وكعدته علئ السرير

هو استغرب

كال ...بدون لف ودوران شتردين؟؟ وقبل لا تجاوبين خلي اكلج شئ...موبايل مااجيب الج لو تطكين راسج بالحايط ..ابات عند اهلي هم انسيها ...اريد فلوس هم اجليها ما مستلم راتبي بعد شنو ذكريني بسوالفجن...

حطيت ايدي على ازرار قميصه وبدلع ...لا كلهن مااريدهن بس حبيت اكعد ويااك

خالد...ومن شوكت وصارت عندج هاااي المحبه وناويه تكعدين وياي

بداخلي اعاصير من الخووف لكن احاول ما ابين والهي بين ما تجي عمتي من النجف حتصير ب 12 وهي ماكوو

كتله بدلع...خااالد صدوك شعري معاجبك

سحبني بلهفه وعنفوان وسحب المنشفه من شعري وشمرها

حط ايده علئ شعري وقرب شفايفه من رقبتي

همس عند رقبتي...اي والله مو حلوووو بس شسووي بعد الفاس طاح بالراس

ضل يحرك خشمه علئ رقبتي غمضت عيوني بقرف من حركاته وايده علئ خصري

باس رقبتي وصعد باس حنجي وخدي

حسيت الدم صعد الراسي وكلبي يدك بسرعه وعيوني تدمع لا ارادي لو  ما حارگه سيارته جان دفعته...

بس مجبوره اتحمله...

همست بهدوء..ليش هيج تسوي تحبني؟

همس بذوبان وصوت اشبه بالخدر...لاااا

انقهرت من رده وحقارته حطيت ايدي علئ صدره كتلها...لعد ليش ذايب بيه

همس وهو يبوس بحنكي بوسات متقطعه...بكيفي

سحبت نفسي من بين ادييييه نذل طايحلي بوس ويكول مااحبج

حبتك حيه ام راسين ميته عليك هسه..بكلبي طبعا مو كدامه لا تفرحون

وكفت ورحت للمرايه لزمت المشط امشط

كال بعصبيه...بنت الكلب منو كلج گومي

كتله بتذمر...گوم اسبح گوم ما صدكت انطيتك عين

اجه عليه ملهوووف مثل الاسد الي لگه فريسته

رجعت خايفه كتله مو علييييك اشاااقه وياك

لزمني من شعري ورفع راسه لوجه كال ولج المن انطيتي عيييين

كتله بخووف اشاقه اشاقه...

هجم علئ شفايفي بقووووه خلاني مصدومه

ادفع بي ما اكدر مثبت وجهي بثنين اديه وشفايفه احتضنت شفايفي بعنف

ابتعد وهو يفح من العصبيه ابتسم بخبث  ويباوع بعيوني مسح شفايفه بكف ايده

سحب اكنلكس ورجع مسح شفايفه وشمر الكنلكس بوجهي

رفع اصبعه بتهديد...شفتي ساكت بمزاجي ومغلس علئ هوواي اموور بمزاجي اكدر اخذج واذلج بس مأجل الموضوع هااا يعني مفكر بي بس مو هسه ولا عبالج موضوع مهتدئ ناسي بس كتلج بمزاجي وكل شئ بوكته حلووو يا حلووو اوك

تركني وراح للحمام

حطيت ايدي على شفاتي مقهووره لعبت نفسي منه ومصدوومه اول مره واحد يبوسني

الله  يقرفك يا مقرف ان شاء الله تبلعك البلوعه وتخلصني منك

والله حتئ جسمي تعب بعد ما اتحمل خنگتني العبره وبعد ورايه سيارته الي احتركت يا ربي شسووي والله مليت

مشطت شعري ولميته

طلع من الحمام بدوون قميص 

درت وجهي منه عابتله طالع بدون قميص عود شوفي عضلاتي

لازم قميصه بيده اجه تقرب مني وبخبث

خالد...لبسيني قميصي

كتله بعصبيه...لبس روحك انت حتئ عيب اشوفك

خالد..ليش بالله

دانيا..لان لازم اشوف بس زوجي

خالد باستهزاء..وهو يدكم ازرار اكمامه...واني منو

دانيا...انت خالد

خالد..يعني شنوو

دانيا...يعني طليقي

خالد...اهااا زين مو كتلج اذا اريد اخذج اخذج بس بمزاجي وحاليا مزاجي برتقالي ان شاء الله علئ الجايات افهمج زوجج من طليقج اوك

درت وجهي اجيت وياه بالحسنئ ما مشئ اجيت ويه بالعصبيه احتقرني واريد احجي اكثر اخاف يجبرني

طلع من الغرفه حاولت اخلي ميطلع بس مكدرت

شفته نزل الدرج واني قفلت الغرفه كلت والله ولو يكسر الغرفه تكسر ما افتحها شنوو ما رايده روحي

تمنيت عندي موبايل اخابر بس اهلي ينقذوني منه شنو اني فصلية الخلفوه لو ورث من ابووو ضال بس يضرب ويسب بيه والله مو ما مهددني با ابويه جاان من زمان انهزمت

كل شوويه يفز كلبي من الخووف واحس بي اجاني بس مرت ساعه كااامله وهو ماكووو لا حس ولا خبر

معقووله رجعت السياره طبيعيه !!

احتمال...ليش لا يجوز رجعت

فتحت الباب نزلت جووه باوعت من الحووش علئ الكراج شفت السياره متغطيه بالجادر معناها راح بدون سيارته الحمدلله بلكي ما يشوفها وثاني يوم انلف اله قصه ونكول مدري منوو نازل علينه ومدمرها

عااد هو اول واحد يشك بي مصعب او بابا الصهيوني

رحت امشئ ببطئ لا كتني عذراء

عذراء...هااا دوووينه شسوين هنا عليمن تباوعين هم عندج رجل وهم ما كاعده راحه جاا شدكولين علينه احنه المضلومات الضالات نتحسر ولازمين سبوته وكل خميس نشغل شمعه ومن تمطر تلكينه بالطابق الثاني كاتلنه البرد ورافعين ادينه بالدعاء...

ياااااا رب زوجني واصوم واصلي وحتئ صلاة اليل اصليها...

تنهدت بقهر هاي الثوله شتحجين وياها كتلها...لا دا ادور علئ خالد

كالت...يمكن راح

كتلها...لعد خلي اروح اتوضئ واصلي

كالت...هم تصلين

كتلها...لعد وحد شايفتني من كفار قريش

كالت بضحكه...هههههه من جنت صغيره من يصلي اصلي وراه ومن اسجد اكول وس وس وس جانت اول بدايات دخولي الاسلام

ضحكت عفتها ورحت

شفت عمار

سد الطريق عليه

كتله بدون ماارفع وجهي عمااار وخررر

كال ...حاجيتي رانيه

كتله بحده....لاااااا وماراح احاجيها ولا تحلم بيها اوك

كال بعصبيه...وانتي شبيج صايبتج غيره لان خالد ميحبج

فاجئني باوعتله بصدمه كتله....انت صدك متستحي لو خالد ما يحبني ما البارحه اجه يطر راسك طر لان تغزلت بيه بس للاسف ما علمك حدك وين اني يجي واكله

كال بعصبيه...كليله وشوفي اليجرالج والله اخلي يدفنج وانتي عايشه والله قسما بذات اله اكوله هي تتحارش بيه واحطج بمصيبه الها اول ما الها تالي

رجفن شفايفي من الخووف هذا شديكوول كتله...ابتعد عني ولا تخليني والله هذا كلامك كله اوصله اله

كال بضحكه...شووفي حنونتي اني اعرف بكوولشي واعرف مصعب هو الكتل مهتدئ اني مراقب خالد واعرف كوولشي اذا فتحتي حلكج بكلمه اورطج ورطه بس الله يدري بيها...هااا وكلي لرنووش تقبل بيه

تركته ومشيت حقراء انذال كووولشي يسووون بابا ومصعب شنو مصيرهم

ليش مهتدئ الله يرحمه مسالم ليش مرتضئ مو مثلهم ليش عمه هادئه ياااربي خالد وعمار منين راضعين

درت وجهي عليه بعصبيه...رانيه ماتزوجك وانت خبيث شلون ترضئ بوحده نامت بحضن اخوووك

كال وهو يتلفت خاف واحد يشوفنه ومامن المكان

عمار...مهتدئ مو اخووووي ولا اي واحد منهم اخوووي عادي راضي بيها بحضن ابن خاااالي

هبط ضغطي من كلااامه...انت منووو؟:

عمار...طفل يتيم ربتني مرت خالي ويه ولدها عشت وشفت وكبرت واني اخوووهم

كتله...انت جذاب

كال...امي ماتت واني عمري 12 سنه وابووي اتزوج شفنه الضيم من وره مرة الابوو بعت جكاير استهترت واني انام علئ الرصيف دكلي بوووگ بس جيب فلوووس تصوري حتئ جيس المعجون جنت ابوگه من علاليگ النسوان لحد ما خالي نقذني منهم وجابني عشت ويه ولده

تنهدت...يمعوود ووخر لحد يشوفنه والله البيه مكفيني....الله يرحم امك

كال بهدوء...ويرحم احبابج حنونتي

تركته ومشيت اذا امك ماتت ابوووك ليش ما يسال عنك

كال...تزوج وعنده كوومه ولد مو بحاجتي

سكتت وكملت طريقي

شفت باب البيت انفتح جانت عمه وسحر وبيبيت سحر....

عمه اول ما دخلت ضلت تبجي وتنعه وتلطم

كعدت مددت رجليها وضلت تنعئ وتبجي

....يمممه يا غالي يمممه عبالي اجيييك ارتاااح لا والله ما مرتاحه ولا ما. تاحيت كبرك زيد همي وجرح كلبي يمه يا ضناي يا لغالي دافنتك بالهيمه يمه يا لحلووو سووده عليه انهجم بيتي عليييه

ضلت جدت سحر تسكت بيها وهم تبجي وياها

تنهدت ومسحت دموعي بهدوء رحت جبتلهن مي خطيييه تعبانات وكلهن تراب

انطيت العمه شربتها وسحر شربت بيبيتها...

هدئت عمه شووويه ومسحت دموعها بشيلتها...

رحت حضرت الها الحمام كلت بس تسبح نحضر الغده

دخلت كتلها...عمه الحمام جاهز

كالت ...خلي سحر تسبح بغرفتج

كتلها...اي تدلل

وكالت لاختها...يالله خييه كوومي اسبحي كدامي

كالت بيبية سحر...جده دنيا اطيني هدمي

ضحكت...اسمي دانيا وانطيج ملابسج ادللي

سمعت الباب انفتح خالد عنده سويچ السياره من بعيد يدوس دكمه تضل السياره تطلع صوت مثل..طون طون....مااعرف المهم...

من سمعته انصدمت وانهبطت ياااربي اجه شلوون مصيبه بس الحمدلله عمه اجت

اشووويه وهو عااااط

.......داااااااااااااانيه

ركضت لزمت عمتي كتلها بتوسل...الله عليييج عممه ساعديني

كالت...شمسووويه شبييييج

سمعته كل لزوجة معن ....وييييين نعااااااال دانيه

كلتله..بالاستقبال يم عمممه

هو دخل مثل الاعصاااار

كاااال بنت الكلب اليوووم وين ترحين

امه كلتله...شبييييك شمسووويه

هو هجم عليه حضنت عمتي حيييييل

سحبني من حضن عمتي لزمني من شعررري

الحجيه لزمته بس ماكدرتله كلتله...خاله علئ كيفك

رفع ايييييده اقوووئ شئ وضررربي راشدي صررخت حسيت شئ طاااار مني

حطيت ايدي علئ خشمي طار دمي من خشمي

امه لزمته وسحر اختلست لصقت بالحايط من خوفها منه...

كلتله امه...ولك شبييييك تخبلت تسودنت

ولج لمياااااء روووحي صيحي واحد من الولد مااكدرله

ضليت مرعووبه وهو صافني علئ الحايط ويغلط ويسب خفت يرفسني ببطني

كوووه عمه والحجيه لازماتها

الحجيه...يمممه كوول يالله شمسوويه البنيه

خالد بعصبيه...كلبه بنت سطعش كلب حركت سيارتي

امه ضلت تلطم...يممه يمممه شلوون ولك حركت سيارتك والله اذا صدك تطلكها مااريد وحده هيج صلفه بيتي

اجه مرتضئ وعمار كووه لزموو

وكعت علئ الارض وابجي بصوت مسموع

اجت فوزيه وعذراء..

فووزيه ضلت تعد وتصفط

شلون تحرك سيارتك

كلهم روحو شوفوها

راح مرتضئ ورجع...كال هاي مو محتركه واكع صبغها

هجم عليه مره ثانيه كال...بيمن غاسلته بنت النعال

كتلهم واني وجهي انترس دم ودموع..عذراء انطتي شئ تغسل بي سيراميك غسلته بيها

كالت عذراء...بطش

كتلها. واني اشهك..اي

كال ...شوووف شلوون حقيره تريد بس تقهرني والله اليوم ارجعكم للنجف تدفنوها

ضل يتهدد ويغلط

كتله...والله مو قصدي بس مااعرفه شنوو والله اهئ اهئ..

فوزيه...عوووبه اكوو وحده هيييج تسووي شلون باجر يصير عندج جهال والله تموتيهم هو انتي مال زواج بس الله ينطي الجوز للما عنده سنون

خالد....كااااافي

اني اشهك من البجي وكاعده وحدي وهو كلها ملتمه عليه...

كتله...طل ططط طلگني

هو هجم مره ثانيه ولزموو شال التحفيه الكزاز وشمرها عليييييه

وخرت بسرعه اتفاديتها تكسرت وريه حسيت بااحد اجزاءها جرحت خدي بس مااهتميت

ضل يغلط ويسب واليوم يحركني مثل السياره لو يشربني بطش

خلوو الولد وطلعوو برره الاستقبال

اجت عمتي كالت اكوو وحده تسوي سوايتج

كتلها...والله مو قصدي والله عمي بيعوو ذهبي واشترو سياره

بس لا يهيني هييييج

كالت الحجيه ...الزلمه كلشي ولا سيارته عدنه غيس حتئ ما يرضئ نطخها...

كتلها ...حجيه والله ماادري....

..............

خالد...بلله رجاءا مرتضئ لا تكعد تتفلسف علئ راسي

مرتضئ...اي والله تصلح بس يصبغوها

خالد...مااريدها بعد والله احركها الله لا يوفقج با بنت الكلب ادري بيها تريد تحرك كلبي بس والله بختها بخالتي لو ما خلتي اله اسحلها سحل

عمار...بيعها خالد لان كل ماتشوفها يحترك كلبك بزايد

خالد بعصبيه...انت ما تسكت احسن الك

كعد علئ الكرسي الموجود بالحديقه وضل يدخن

خالد...اووووف منووو يوكعج بيدي

................

كالت عمتي لا ترحين يمه هسه هو اعصاب ولا يروح يذبحج ونبتلي بلوه

كومتني اخته راحت غسلتلي خشمي بس ينزف وخدي مجروح

رجعت كعدت صبوو الاكل مااكلت

رحت نمت بغرفة اخته

ضليت بس ابجي

خطيه كل شوويه يجن اسوووي روحي نايمه

صار دنيا ليل

جابن الي عشاء مقبلت اكل توسلن ماقبلت

تقريبا صارت الساعه بالعشره

اجت اخته فرشت فراش ونامت

احس عيوني تكمطت من البجي وغوشت

شفتها نامت خليت وطلعت

بعد ما لبست حجابي

رحت الغرفة مرتضئ دكيت الباب

كال ادخل

رجعت دكيته

هو فتح الباب شافني انصدم

كال...خيير دانيه

كتلها...اريد اخابر اهلي انطيني موبايلك ضل يحجي ويايه مقبل ينطي كال ساعة عصبيه وهسه يهدئ لا تقلقيهم بنص اليل

توسلت بي خطيه استسلم للامر الواقع

دكيت رقم رانيه حافضته خابرتها اول ما اجاني صوتها طكيت من البجي

كالت شكووو

محجيت الها كتلها تعالووو باجر لازم ضروري تجون

كالت خالد ضاربج

كتلها..تعالو ومالج شغل

قفلته تشكرت من مرتضئ وطلعت

مشيت بيأس وخطوات تعبانه

ماحسيت غير بحجابي انزاح عني وايد نشبت بشعري

صرخت لكن انكتمت انفاسي بيده الضخمه

نهايه البارت ...يتبع

كونوا انتم كونوا بخير...احبكم

تابعوو حسابات ذوول الكاتبات فضلا وليس امرا فديتكم

Rafal20022noor-noor16
h

user15427885 هذي الكاتبه عندها قصه حلوه تابعوها...😘😘