رواية #انتي سيوف الثأر في اجفاني الفصل السابع وثلاثون 37 - بقلم الكاتبه سمو العراق

البارت 32
رواية...انتي سيوف الثأر في اجفاني
بقلمي..سمو العراق

💔❤💔💔💔💔

واجه ورايه

صعدنه فوووك واني بلعت ريقي...

اهل دانيه ورانيه علسوو اخوونه لان السيم كارت يخص رانيا....

خالد بااستغراب...انت شجاي تحجي اي سيم كارت

مرتضئ برجفه وهو يبلع ريقه...هذا السم كارت يخص رانيه لكيته يم موبايلها واخذته

صار عندي فضول اعرف شو البي

فتحته وانصدمت من الارقام وانصدمت هم من الرساله الي وصلت قبل شوويه

خالد بعصبيه وملامح شيطانيه...رسالة شنووو

مرتضى طلع موبايله وخالد قره الرساله...

مكتوب....« أنطوني فلوس لا اعترف بموضوع مهتدئ ولا تنسون انتو قتلتو وشركتوني وياكم وبعدها كوولشي محصلت منكم....

خالد ضررب الميز بعصبيه وشد على شفايفه قتل مع سبق الاصرار والترصد ولا معترفين...

اخذ الموبايل من مرتضئ...

خالد بهدوء عكس البراكين الي جواه...وشووف مرتضى اذا فتحت حلكك بكلمه ما تلوم اله نفسك فاهم....

مرتضئ بااستغراب...شتريد تسووي

خالد بفحيح...بعدين افهمك..وهاا دير بالك تحسس رانيا بشئ خليك طبيعي اوك

مرتضئ بقهر...اي بس ترئ المرحوم هم اخوويه

خالد...ادري مگايل شئ بس خلينه نفكر بعقل قبل ما نخطي اي خطوه...

مرتضئ سكت....

وبعدها كمل...مو لازم معن وعمار يكون عندهم خبر

خالد بغضب....لاااااااا

مرتضئ بصدمه...ليش.؟

خالد بتنهيده...السر اذا صار بين اكثر من واحد اقره عليه السلام..اخاف معن يحجي لزوجته وزوجته تطش الخبر وعمار اخاف يحجي لامي وامي تگبب القضيه....

مرتضئ بحزن...بس والله احس نار تسعر بصدري اخوويه هذوله الانذال يقتلونه واحنه ملفين بناتهم...

خالد...اسكت خلي نتأكد ولا تنسئ بناتهم مرتك ومرتي ..

مرتضئ بعنف...اني لا معتبرها مرتي ولا راح اعتبرها

خالد لزمه من ياخة قميصه وبهدوء...راح تعتبرها صدگني مريت بنفس التجربه....

تركه وراح مذهول تحت تساؤلاته شنو قصده مر نفس التجربه...؟ معقوله مجان يحب دانيا...

احس نفسي دخت حييل ولعبت نفسي....

صعدت فووك بدلت بسرعه لبست ثوب ازرك قصير...

وغسلت وجهي ولفيت شعري فرحانه اليوم مشسوره
وصاير سرح....

صايره بسرعه اتعب جسمي ابد ما يتحمل ....

اتذكرته من لزمني وضل يتمنذل ويفيك عليه...

عدت الموقف بمخيلتي....

طلعت دا اخذ الصينيه للمطبخ...

وهو سحبني هسه طلع من الاستقبال..

كال بجديه...شوفي دانيه لا تركصين ترئ كلها تصور واذا طلعت الصور والله ميصير خييير

سحبت نفسي منه وكتله....اهووو تفكيرك مال شياب ترئ...وبعدين لا تمثل دور العاشق الي يغار علئ البطله وميخليها تركص تره صارت قديمه

هو سحبني وكال....ههههههاي لا ما امثل دور العاشق الغيور بس تعاي اصعدي فووك حتئ نستعجل بالذريه الصالحة

حطيت ايدي كدام وجه كتله...رجاءا ذريتك الساقطه مااريدها خليني بحالي وخليك بحالك احسن النه ثنينه....

سحبني من ايدي بقوه واني لزمت بالمحجر مالت الدرج...وهو يجر واني معانده...

لحد ما اجه مرتضئ وجه مخطوف وشافنه حيل خجلت منه...

وخالد كذالك ضل يحك بذقنه...

بس مرتضى ماانطه مجال وكله أريدك بموضوع

ماعرفت شنو موضوعه...

اني شعليه نارهم تأكل حطبهم...

تمددت اريد اريح راسي وضهري....

مشتاقه الاهلي حيل اريد اروح الهم بعد ما ارجع....

سمعت الباب انفتح

كلت بكلبي....اهووو راح يبدي يتحارش ويقلل ادب...
ويخنگني شثكله مثل الجبل..

اشوو هذا فاجئني اصلا ما اهتم الوجودي...

بسرعه فتح كنتوره...

وطلع ملابس ودخل للحمام...سبح وطلع....

جنت اباوعله بنظرات اريد افسر شنو الديصير شبي قبل شويه يريد بس يسترضيني وهسه ممهتم الوجودي...

ليهتم اصلا مااحبه....

ضليت اباوع عليه بطرف عيني....

وروحي تحترك من صمته المفاجئ...شبي لويش ساكت....

عدنه ملحق بالكنتور شويه عالي شفته طلع المفتاح وديريد يفتحه...

اتذكرت من جان يخبث ويايه هو عملاق يكدر بسرعه يفتحه...

يعاند ويايه اله اني اجيب شغلاته منه جان يخلي بي محابسه...جنهن محابس سحار هندي...

وهماتين يخلي ساعاته واوراق ومااعرف شنو ودائما اشوف مسدس ملفوف بقطعه بيضه مركون بزاوية الملحق....

اتذكر مره جنت كاعده اكووي بقميصه وهو دخل بهجوم...

كال...دااانيه انطيني هويتي اريد اروح مكان بعيد

كتله ...بالملحق وما الوح..

كال بعصبيه...جيبيلج كرسي واصعدي وسوالفج العجوزيه بطليها....

شمرت القميص بتذمر وطفيت الاوتي ووكفت

مشيت من يمه واني اتذمر وهو لزمني من كتفي كال بغضب وعيونه الضالمه التقت بعيوني البريئه

كال بهدوء..شنو معنئ تصرفج؟

جاوبته بخوف واستثولت نفسي...شنو معناه

كال بغضب...اني اسالج

كتله بخوف وتردد...والله اسفه بس انت عملاق وتكدر تجيب هويتك يعني انت بس تريد تعبني لان لازم اجيب كرسي من المطبخ...

كال بهمجيه...مهمتج تخدميني هنا مفهووم

جنت حييل ضايجه ردت ارد عليه واكله لا خدامتك ولا خدامة الخلفوك بس سكتت لان اعرف مراح ائذي شخص غير نفسي..

هو تركني بعد ما نزلت راسي بحزن واني رحت نزلت جبت كرسي واجيت...

صعدت عليه وجنت ادور علئ هويته وهو تقرب مني خفت حييل اعرفه خبيث والي برأسه يسووي..

مجرد حط رجله علئ حافة الكرسي صرخت بصوت عالي...

وحضنته من رگبته وطاحت الاغراض من ايدي

وهو احتضن خصري وضحك  وبعدها بعد ايده

بس ما لزمني خلاني اتلولح واني لازمه بركبته واتوسل بيه يلزمني

هو دفع الكرسي  وخلاني لازمه برگبته ومحتضنته

حط ايده وره ضهري وشالني وهمس ...انحكمتي اعدام بحضني...

نزلني علئ  السرير وتقرب مني بحقاره احساس صعب ومذل من شخص يهينج وبعدين يكون وياج روحين بجسد...ويأخذ كل شئ منج رغم رفضج لهذا الشئ.......

استفاقيت من ذاكرتي علئ صوت المسدس الي امتلئ شاجوره بالرصاص...

فزيت وزحفت علئ السرير....

هذا شديريد يسووي...منوو يريد يقتل بس لا بابا او اهلي...

لا والله اقتله...ترئ والله تجبر هووايه

وكفت بلهفه وصارت مقابيله كتله...انت شدتسوي المن ماخذ مسدسك انت تريد تقتل اهلي...

باوعلي بنظره غامضه وگال...ليش اقتلهم

كتله باارتباك وخوف...لان انت متهمهم بقتل مهتدئ

كال بهدوء...ليش همه قتلووو

كتله بعصبيه...انت مو دكول بعد مااشك بيج والله يرحمه هذا يومه ليش رجعت تتهم من جديد انت شبيك ليش متقلب....

هو دار وجه وحط المسدس بحزام بنطلونه ولبس سترته واستدار وطلع....

انقهرت حييل من بروده وتطنيشه اليه

درت وجهي ادور شئ اضربه بيه ملكيت شئ بس المكياج والتحفيات...

شلت علبة الفرش..وشمرته عليه بعصبيه اجت بضهره

بسرعه دار وجه عليه وعيونه تجدح ناار

تقرب مني بسررعه واني رجعت بسرعه بس هو لزمني

لزمني من شعري بس بخفيف مو حيل وقرب شفايفه من اذاني وهمس وعيونه جانت ممتوجه عليه....صح اذيتج وندمت علئ فعايلي وياج وصح احاول استرضيج واروضج وانقهر عليج بهوواي امور بس قسما بذات الله اذا تجاوزتي مره ثانيه واسترجلتي عليه قسما بذات الله ماارحمج...ماارجع خالد القديم بس مااقبل تجبرين مفهوم

باوعتله بحقد وكتله بجمود...خالد طلگني

هو ضل مركز بعيوني اني هم ضليت مركزه بعيونه

بس مااعرف شنو الي صار بيه حيل خجلت من نظراته واحس باانقباضات اسفل بطني...

نزلت عيوني من عيوونه وكسرت نظراتي

همس بخبث...ههه لا واضح طلكتج

تركني وراح واني ركضت وراها لزمت ايده كتله...لا تسوي شئ البابا الله عليك

كال بهدوء..اذا ماله ايد اكيد ما اسوي شئ

كتله برجاء...عفيه الخاطري

تنهد وكال...والله الج خاطر بس اني حقي لازم اخذه من حلك السبع

ضلت رجليه ترجف من الخووف وارتعبت من كلامه اخاف ياخذ بابا بذنب غييره مثل ما اخذني بذنب غيري

هو حيل متهور وكلامه يدل علئ ان هو حاقد...

لزمت راسي من الوجع.. احس راسي دار واختنكت

هو من شافني هيج لزمني من اديه كال...اهدي اهدي ماكو شئ

وبعدها كال بعصبيه...انتي شبيج شكوو تعيشين الحاله بابا اني عندي شغل وطالع شكوو دخلتي ابوج واهلج وتخليني فعلا اشك بيهم...

كتله بنحيب وصوت تعبان...انت كلامك يسم البدن واخاف تاخذ بابا بذنب غيره...مثل ما اخذتني بذنب غيري

هو ابتسم بهدوء وكال...لا تخافين ماكوو شئ والله مااضلمكم بعد...

كعدني علئ السرير وطلع خارج الغرفه...

ماا اعرف ليش ما ارتاحيت اله خفت حالته متطمن ضليت اروح واجي وراسي موتني احس عيوني حتطلع...

يارب احفظ اهلي ولا تخلي خالد سبب بتدميرهم ياارب.

......................................

جنت بعدني ببدلتي واخوات علي يركصن وعلي كاعد بصفي واني عاكسه نفسي ومبتعده عنه وحيل متوتره من وجوده....

هو جان شكله اعتيادي عنده شوارب وشعره خفيف

ماحبيت شواربه احسهن مرعبات ومن سالت جدتي علئ شواربه كالت شبيج هذا ضابط ولازم عنده شوارب حتئ يخوف العالم

كتلها...جااا جده اني شنهي ذنبي يرعبني بشواربه خلي يزينهن

كالت...انجبي انجبي صح الها رجل صاحت اعوج هو لو يدري بسالفتج ويه غيس جاا حتئ ما باوع بجهرتج

بيومها سكتتني وذكرتني بقيس النذل وخلتني كرهت روحي...

انتبهت علئ همساته من كال..سحر اليوم باليل اجي اكعد وياج اوك

انه خفت وبسرعه كتله...لا لا انه اليوم تعبانه وراسي يوجعني خليها غير مره

هو ضاج وسكت وبعد اصلا ما اهتم الوجودي...

احسن خلي يفكنه احس ما متقبلته....

اجت عذراء وكفت يمه كلتله...بالخير والعافيه ان شاء لله يوم عرسك ولوو متستاهل بس ميخالف

هو ضحك كلها...ان شاء الله يوم الج خاله

عذراء...من كلت خاله ائيست منك...اكلك علاوي وين مكانك بالضبط بشغلك

هو ضحك كلها...بالنجف

ضحكت وضلت تباوع عليه هو جان لابس بنطرون زيتوني وقميص ابيض وستره سوده...

لزمت سترته كلتله..ولك عليوي هاي الستره من يا جثه خامطها...

كلها ...من جثت ابوج

هو جان لابس محبس اسود وبي شرخ رصاصي باوعت عليه وكلتله...فدوه علاوي انطيني محبسك هذا مدري من ياجثه خمطته بس مبين صاحي...فدوه بس انخطب ارجعه الك

هو نزعه وهو يضحك وانطاه الها....

وهي لبسته وضلت تفتر ضحكت عليها

كتله بهمس..عذراء حبابه بس شويه جنها مخبله

هو رفع حاجب كال...لا لا خالتي مااقبل تحجين عليها

نزلت راسي بفشله وعضيت شفتي بخجل

كال...لا عذراء تحب تشاقه بس هي ذهب والله

كتله بخجل...اي والله ان شاء لله تلكه ابن الحلال الي يسعدها

كال بااستهزاء..ابن الحلال من ياخذ عذيره يصير ابن حرام الله وكيلج...

بعدها خلوو وراحو هو انطاني مصرف وكال اشتريلج موبايل حتئ نتواصل

واني كتله...لا لا مااحب الموبايل

مااعرف ليش مجنت حابه اتواصل وياه

هو تنهد وصاح علئ عذراء اخذ محبسه وطلع...

وكل باركلي.وطلعوو....

رحت للغرفه لبيها اني وجدتي

صحت علئ اختهم فتحت البدله ورحت فتحت التسريحه رحت سبحت ودخلت بنوبة بكاء

مااعرف ليش متوتره وخايفه ومزعوجه مااريد اتزوج احس ممستعده...

اخذت موبايل بيبي وكعدت العب دوده لعبه رغم بسيطه بس احبها...

جنت العب بيها حتئ انسه شوويه

بعدها رحت اشوف بيبي عدلت حجابي وطلعت...

ومرتضئ طلع من غرفته ردت ارجع بس فشلت مااكمل طريقي

هو باوعلي بعتب وكال بغصه...مبروك سحر شايفه كل الخير

لمعت الدمعه بعيوني الوحيد مرتضئ الي احسه عفوي واحس بأمان وياه بس هو غدرني ما اعرف حضي العاثر هو الي غدرني...

كتله بحزن...شكرا تسلم

كال بهدوء...مجان لازم تزوجين علي لان تقربتي مني اكثر مااريد احجي اكثر من هيج

كتله بتوتر بعد ما بلعت ريقي...واني هم مجنت رايده اكون قريبه منكم بس هذي قسمتي والحمدلله علئ كل حال

شفت رانيا طلعت من المطبخ ورجعت دخلت خفت حيل تشك اكوو شئ

كتله...مرتضئ الله وياك

كال..الله وياج انتي زوجة ابن اختي وان شاء الله اختي ربي يسعدج

كتله..شكرا

وتركته ورحت ضليت ابجي بنحيب علئ حضي المزفت
سمعت رنه موبايل جدتي

رقم غريب مارديت عليه

رجع يرن اكثر من مره

فتحت خط وكلت...الووو

وانصدمت من الصووت السمعته احقر خلق الله

كال بحقاره...هلا بالي تونسني اوووف شكد نمت ويه نسوان بس مثلج ما شفت

قفلت الموبايل بسرعه وجسمي كله يرجف وكلبي يدك سريع بجيت بصمت ولفيت نفسي بالبطانيه وانحب بصوت يكطع الكلب...

الكلب رجع عليه شسوي ياربي انت المعين لا تخلي هل نذل يذلني اكثر من هيييج...

شلون ورطه شلون اذا عرف انخطبت ياربي سترك مااريد مشاكل...

...................................

جنت كاعده بالمطبخ ابد مصعدت الغرفتي هاي مو عيشه هاي انتقام

هو زعلني وما راضاني

دا اقارن بينه وبين مهتدئ الله يرحمه ماكوو اي تقارب بينهم...

جنت من ازعل اقفل الموبايل عليه الگاه حارك الموبايل حرك بالاتصالات

وماارد عليه يرجع يخابر علئ امي وعلئ دانيا بس كون احجي وياها

ومره زعلت وياه وقفلت موبايلي عليه وبعدين فتحته لكيت عدد كبير من الرسائل والاتصالات

وبعدها اتصل انطيته لماما حجت وياها بس كلتله الوو

وهو حجه بلهفه خطيه...الوو هااا حبي راانيا والله اموت عليج ما يهون عليه زعلج لا تخليني اكتل روحي والله

ماما ضحكت كلتله اني ام رانيا هاي رانيا

هو خجل حيل

وبعدها حجيت وياها وضليت ابجي اتخبل اجه للبيت وراضاني واخذني الارقئ مطعم

بس مااعرف ليش وشنو الحكمه من موته

كووولش جاي اتعب بالتفكير ليش مات ليش هو بالذات الكل اتئذئ بموته مو بس اني الكل

دانيه وخالد..ومرتضئ وسحر...وماما وبابا...واهله...واني وطفلي الكل تاذينه

هو مات يمكن ارتاح لكن احنه دنعاني والله اتمنئ امووت بس طفلي مسكين منو اله....

طلعت من المطبخ شايله طفلي هزني المشهد الي شفته سحر مرتضئ واكفين مااعرف شنو يحجون حيل انقهرت

ورجعت للمطبخ حسيت بااهانه لذاتي هي انخطبت وهو متزوج ماكوو داعي لهاي السوالف...

حضنت ابني والحسره تاكل بكلبي....

سكتت قررت احجي ويه بابا لان اني مااريد اضل هنا بين رجال ميحترم وميقدر وكلبه مو الي...

دخل عمار وكال...هلا بالغالي،فادي وامه

ابتسمت بحزن وسكتت

هو اخذه مني وباسه وكعد علئ الكرسي

كال...رانيا سويلي جاي

كتله...اي ادلل

كمت واحس بنظراته تلاحكني...

سويت جاي وانطيته اله

كال بهدوء...رانيه انتي مثقفه وواعيه ومتخرجه يعني شكوو راضيه بمرتضئ وانتي تكدرين تربين ابنج...

كتله...عود ماردت ابني يعيش مذلول وحيد ردته يعيش بين عمامه وماردت الناس تعيره بامه

بس مرتضى هم زين وهم صعبه عليه يتقبلني ان شاء الله تنحل امورنه...

كال...ليش صعبه عليه ترئ عادي هو مهتدئ مات الله يرحمه والله لو اني جان دللتج دلال

كولش نرفزني بكلامه ونظراته ترخصت منه وطلعت

تركته وشلت ابني ورحت لغرفتي...

مجنت ناويه اروح للغرفته...

دخلت شفته نايم علئ بطنه هاي عادته من يضوج...

ضليت كاعده وهو ما حرك ساكن

بلعت ريگي..

شلت فادي وطلعت هو صاح ....وين رايحه

كتله بهدوء...لدانيا

هو سكت....

صعدت الدانيا دكيت الباب اتمنيت ما الكه خالد

دكيت الباب شويه وفتحت دانيا لباب

كالت بااستغراب...هااا رانيا شكوو

جنت نايمه واندك الباب فتحته لكيتها رانيه خطيه ضايجه

دخلتها

كالت بتوتر...خالد وين

كلتلها...كالعاده دايح منو يفر الشارع غيره ويتفقد احوال الرعيه...

ضحكت كالت...دايح ولا مزعج

كلتلها...لا لا زوجي المحترم كلهن جامعهن...

نومت فادي علئ السرير وضحكت

كالت ...تحبينه

كلتلها بااستهزاء.. امووت عليه.من كثر مااحبه استشهدت بحبه...

رانيه....هههههههههه طيح الله حظج

كلتلها...والله بطرانه انتي

ضلينه نسولف وحده تسولف للثانيه عن مئساتها وبعدها نمت بحظن رانيه....

والمعدل مدري وين طس من العصر لثاني يوم وامه خابرته كلها يم ولد صديقي

ههههههههههه انوب يريد ذريه صالحه اخاف ذريه دايحه علئ ابوهم....

..................................

من اول ما طلع من باب بيتهم ركب سيارته بسرعه وساق بسرعه جنونية اتصل على صديقه ابو لهب...

خالد...الوو بشير تعال يم الفلكه اوك

بشير...اهوو بس لا تاخذنه للملهئ

خالد بدون نفس...ملهئ شنو لك تعال يالشيخ

ابو لهب...مااجي كتلك خلي اعقد لابن اختك ما قبلت

خالد...هسه غير يخف علينه الشيخ تعال ولك شلون لكيتلك مره تطيح من الجيب الوره....

ابو لهب ...جايك جايك اهم شئ المره...

خالد...هي تلوگ الك

لف السياره  وراح للفلكه....

لكه صديقه منتظره...

صعد بالسياره وسلم عليه...

ابو لهب...خالد شبيك

خالد بضيق...ضايج وطالعه روحي

ابو لهب..هذا من ابتعادك عن الله عز وجل اقرئ سوره البقره فان الله غاضب عليك

خالد...ان شاء الله حسستني مسوي خطة معركه احد ومنتصر علئ المسلمين

ابو لهب...لا والعياذ بالله لكن الا بذكر الله تطمئن القلوب

خالد ...اووف شحجيلك احس عرفت القتل مهتدئ

ابو لهب بصدمه..شنو شلون عرفته

خالد...اعتقد اهل زوجتي هم قتلوو لان السيم كارت مالت اختها اخويه لكاه واجت رساله من واحد من عاصبتهم

ابو لهب بتساؤل...وشسويت؟

خالد...دزيت رساله وكتبت ولا انطيك فلس واعلئ ما بخيلك اركبه...ردت استفزه حتئ يعترف علئ نفسه

ابو لهب...ورد عليك

خالد...لا بعده ما راد...

ابو لهب...اعرف ولد صديقي يعرف بالجرائم الاكترونية بس تنطي الرقم هو يطلعلك منو القاتل...

خالد بلهفه...صدك

ابو لهب...اي والله

خالد بسرعه....اخذني عليه

ابو لهب...يالله

راحوو وهو يسووق بسرعه ويتمنئ يكون القاتل مو من اهل دانيا

اتمنى يكون مصعب والله يطيح حضه...

خابرو علئ الولد الي يشتغل بهذا المجال ووصف الهم المكان

وصلوو للمكان المخصص...

ونزلوو ...سلمو علئ الولد..وانطوو السيم كارت والرقم الثاني....

الولد طلع السيم كارت المن.....

خالد برجفه وتوتر ورهبه...شنوو المن السيم كارت

الولد....عمار......

فتح عيونه بصدمه وحط اديه فوووك راسه لا يمكن يصدك لا لاااا مو معقووله عمار قاتل مهتدئ...لااااا هذا اكيد مقلب

سحب الموظف من قميصه وصرخ بوجه...انت شدكوول هذااا اخووووي مو معقووله يقتل مهتدئ

الموظف بخوف...والله هذا الطلع عندي وهذا العنوان تاكد منه

باوع بالحاسبه وهو يرجف مسح وجه بتوتر ... لااااا لااااا مااصدك والله....

رجع دخل السيم كارت بموبايله...

واجته رساله...

مكتوب بيها...لك عمار نذل والله لو يدرون بيك خوانك انت خاينهم اله يسوك افخاذ واجتاف...

ركع الموبايل بعصبية علئ الارض وركضت السيارته...

جان دنيا الصبح تقريبا بالعشره....

صرخ بوجه ابو لهب...بسررعه انطيني موبايلك هذا الكلب لا يفلت

انطاه موبايله واتصل علئ مرتضئ

اجاه صوت مرتضئ الناعس...الووو

خالد بعصبيه...كوووم الك نايم وعمار قاتل اخووك

فز مرتضئ من سريره مرعووب ...شلوون

خالد...الك عمار طلع هو لقاتل

مرتضئ...انت تضحك عليه

خالد بغضب...وكت ضحك زمال روووح الزمه لا يفلت

مرتضئ ركض وهو يصيح لك عمااار نذل قتلت مهتدئ

الكل فز علئ صووته العالي

وضربه علئ باب عمار وام خالد تلطم ولازمه مرتضئ تريد تفهم السالفه...

ومرتضئ فلش الباب تفلش...

طلع عمار وهو لازم مسدسه صاح بصوت غاضب...والله اذا تقربت اقتلك

هجم عليه مرتضئ ووووو

نهاية البارت....يتبع....

كونوا هنا كونوا بخير...احبكم😘😘

ان شاء الله بعد غد البارت الاخير من الجزء الاول...

لا تنسوو التصويت بنياتي فديتكم 😘😘