رواية اوركيدا الفصل الخامس والعشرون 25 - بقلم دانيا

رواية اوركيدا

الفصل الرابع والعشرون24

بقلم دانيا

قالت لي احمد شنو كمان عاوزة احمد يستفهم ليك دي حاجه م حصلت في مجتمعنا تعالي ستفيهم بنفسك قفلت الخط في وشها وم اشتغلت بالوضوع الصباح اتصل لي احمد قال لي لقيت بيت على إتجاه الدكان ح اجي اسوقك عشان تشوفيهو قلت ليهو طيب تمام قال لي انتبهي على نفسك .... قفل مني ومشى لناس امو في البرندا امو قالت ليهو اقعد اشرب الشاي ياولدي ماشي وين قال ليها راجع يااعمي طالع قريب محسن دا راجيني جنب الدكان طلع شوية وجاء راجع شايل مفتاح في يدو امو قالت ليهو دا شنو ياولدي ؟ قال ليها دا مفتاح البيت حق عم محسن الفي السعويه قال داير يأجرو وانا قلت ليهو ح ااجرو منك لأنو اقرب بيت غيرو م لقيت .

طقطت يديها مع بعض وقالت ليهو يا سبحان الله ياولدي بيت شنو البتأجرو مالو بيت ابوك دا بشتكي من شنو ؟ قال ليها ياامي الموضوع دا انا م عاوز اتناقش فيهو تاني مع احترامي ليكي لكن خلاص خلينا م نجيب سيرة المواضيع دي تاني ..... اماني قالت ليهو طيب انت وقت تأجر بيت ودا كله اها والعرس ؟ عاين ليها بإستغراب وقال ليها في شنو يابت انتي انا شايفك مهتمه بالموضوع دا اكتر من اللازم لمن خليتي بيتك وجيتي قعدتي هنا احمد الله إنو عبدالرحيم ود عمنا وسفرتو للسعوديه دي فادتك امو قالت ليهو عيب يااحمد دي اختك واكبر منك قام طلع وخلاهم .

احمد جاني بعد الفطور ومشين شفنا البيت للصراحه البيت حلو واكبر من بيتهم كمان لكن انا لسه حاسه بحاجه جواي اتكسرت م ح ترجع تاني زي زمان حتى في الكلام بقيت م بنضم معاهو كتير لو سألني بجاوب م سألني مستعده اقضي الوقت كله ساكته .... انا بقيت واقفه في البرندا وبعاين ليهو وهو بفتح في ابواب الغرف وبوريني دي غرفنا ودي غرفة الضيوف ودا المطبخ ودا الصالون وانا بس ساكته وبعاين ليهو ،، جاء مسكني من يدي وقال لي مالك ياغرام ؟ البيت م عجبك ؟ ابتسمت إبتسامه خفيفه وقلت ليهو عجبني قال لي طيب مالك ساكته قولي اي شيء .... قلت ليهو اديني وقت عاوزة وقت افكر فيهو بيني وبين نفسي وارتب افكاري واسترجع طاقتي الإيجابيه ابتسم ومسك يدي بيدينو الإتنين وقال لي " عمري كله ليك " .

اثناء ما واقفين تلفوني اتصل طلعتو من الشنطه عاينت ليهو لقيتها اماني اختو عاينت للإسم وصمت التلفون احمد كان مركز قال لي مالها ؟ قلت ليهو م مالها يمكن عاوزة تطمن علي م كنت عاوزة ارد ليها قدام احمد عشان عارفاها ح تنضم معاي في موضوع العفش المكالمه فصلت قلت في نفسي الحمد لله .... لقيت احمد بعاين لي قلت خلاص برجع ليها بعدين يلا بعدا نرجع لأني تعبت قال لي كويس ،، تاني التلفون اتصل عاينت ليهو وصمتو ودخلتو في الشنطه .

رجعنا البيت احمد قال لي ماشي السوق قلت ليهو تمام قام ماشي قال لي نسيت م كلمتك بكره نبدأ نرحل هناك قلت ليهو طيب ،، مشى وانا دخلت جوا تاني اتصلت رديت ليها لقيت امي وغيداء وفاديه قاعدات في الصاله بشربو في الجبنه .... قلت ليها اتصلتي لي كتير انا كنت قبل اتم كلامي قالت لي انتي م جايه تلمي عفشك ماقلنا ليكي عاوزين نجهز م معانا زمن نحن .. زهجت منها ومن طريقه كلامها قلت ليها انا قلت ليكي احمد بلمهم وح يرحلهم بكره البيت الجديد ولو مستعجله للدرجه دي خليهم ليكم عفيتهم ليكم قالت لي دا آخر كلامك قلت ليها ايوه وقفلت الخط ناس امي قالن لي عاد بالغت عديل دي شنو الشفقه دي قلت ليهم م تشغلوا بالكم .

الصباح كنت مستنيه احمد يتصل لي او يجي عشان نمشو نرتبو البيت الجديد لا جاء لا اتصل امي قالت لي اتلقي امو حلفت عليهو قلت ليها م اظن ما عارفه الحاصل شنو فاديه قالت لي اتصلي ليهو .... قلت ليها لالا لو اتصل خير ولو م اتصل خير وبركه ودخلت غرفتي ،، لقريب المغرب كدا جاء سلم على ناس ابوي وقال لي يلا ورح قلت ليهو وين ؟ قال لي بيتنا قلت ليهو لكن مش المفروض نمشي الصباح عشان نرحل ونرتب العفش ؟ قال لي م عليكي ورح عاينت لناس امي بإستغراب قالت لي امشي طلعنا مشينا .

بفتح في الباب كدا جاء شاب شايل شنطه قال ليهو احمد ؟ طوالي احمد اتلفت عليهو وقال ليهو امين ؟ ومشى عليهو سلم ليهو بالحضن وكان متحمس شديد قال ليهو دي شنو المفاجأة دي م قلت لينا جاي !! قال ليهو لو وريتكم م بتبقى مفاجأة عاين لي وقال لي " اوركيدا " صاح؟ عاينت لأحمد احمد قام قال لي دا اخوي الصغير امين طوالي جاء سلم لي احمد قال ليهو ااي دي غرام .... طبعاً ياغرام امين م حضر العرس لكن بعرفك من صور العرس ومن كلامي الكتير عنك زمان قلت ليهو ايواه ،، امين قال لينا خير دا بيت منو ؟ احمد فتح الباب وقال ليهو خش يازول انت عاوز تعرف كل شيء دفعه واحده وبقو يضحكوا .

خشينا جوا وكنت محتاره احمد جايبني في وقت زي دا ليه دا م وقت ترتيب لكن لمن خشيت جوا اتفاجأت إنو البيت مرتب .... عاينت لأحمد بإستغراب همس لي بصوت واطي قال لي بعدين ،، امين اتلفت لأحمد وقال ليهو م جاوبتني احمد اتنهد وشال نفس عميق وقال ليهو دا بيت اخوك وخت يدو على كتف امين وقال ليهو خلي علامات الإستفهام الفي راسك دي لبعدين اتفضل اقعد وقال لي تعالي ياغرام مشينا المطبخ قال لي رأيك شنو في ترتب ايمن ظابط ؟ قلت ليهو والعفش دا من وين ؟ ضحك وقال لي برضو انتي اسألتك دي لبعدين يلا طلعي العصير من التلاجه وامشي قدمي لحماكي انا ماشي على الدكان وجاي .

وديت العصير لأمين قال لي ناس بيتكم طيبين ؟ قلت ليهو الحمد لله قال لي بعتذر م قدرت احضر العرس كان عندي إمتحانات في الجامعه وكدا قلت ليهو م مشكله موفق إن شاء الله .... احمد جاب العشاء بعد اتعشو قال لي بمشي مع امين البيت وبجي هسي م بتأخر قلت ليهو تمام ،، في الشارع حكى لأمين الحاصل امين قال ليهو هي بت خالي دي لسه حارسنك بيها والله بالغو عديل لكن بيني وبينك البحصل دا م صاح والله لكن نقول شنو احمد قال ليهو يازول م تشغل بالك محلوله بإذن الله .

قاعده وفي راسي الف سؤال سمعت صوت الباب ضرب مشيت عليهو لقيتو دا احمد بعد دخلنا جوا وانا لسه مستغربه قلت ليهو اسألك ول ح تجاوب براك ؟ قال لي عارفك ح تسألي لكن اسمعي مني طيب العفش دا اشتريتو قبل فتره

الفصل الخامس والعشرون من هنا