رواية اوركيدا
الفصل السادس والعشرون26
بقلم دانيا
قال ليها من دون مقدمات ومن الآخر اخوي امين اعجب بيكي وطلب مني اشوف رأيك شنو عشان لو موافقه نجي نخطبك وم ضروي تردي هسي اخدي وقتك وفكري وإذا م حابه تقولي لي انا ممكن تكلمي غرام بقرارك .. عاينت ليهو وسكت مسافه وبعدها قالت ليهو شوف يااحمد مع احترامي ليك وانت اخوي الكبير لكن خالتو زينب ؟ بري م بقدر اخش بيتها كفايه العملتو في غرام ، احمد عاين ليها بإستغراب وقال ليها قصدك شنو يابت ؟ ميناس اتوترت وقالت ليهو عن إذنك انا م عاوزة اخش في اموركم العائليه بكره يقولو ميناس قالت ومشت خلتو .
احمد بقى واقف محتار شديد من كلامها وم قادر يستوعب هي قصدها شنو ؟ جاء البيت لقاني عملت الشاي ومولعه البخور وريحة البيت تفتح النفس جاء صبح علي واترمى في السرير مشيت جبت ليهو الشاي وجيت .... بنشرب في الشاي كدا وهو شارد في افكارو قلت ليهو ماما زينب اصبحت كيف امس مشيت لقيتها نايمه ،، قال لي كويسة احسن بكتير الحمد لله عاين لي مسافه وبعدها قال لي غرام ! قلت ليهو احكي قال لي انتي وقت كنتي عايشه هناك وسكت وانا منتظراهو يكمل .
عاينت ليهو وقلت ليهو هناك وين ؟ قال لي في بيتنا قلت ليهو اها .... قال لي م تفهميني غلط لكن حصل مره شفتي من امي شينة او عاملتك بطريقه ماياها حسيتي إنها م بتريد ليكي الخير ؟ قلت ليهو بسم الله يااحمد دا كلام شنو ؟ والسبب شنو البخليك تقول كدا ؟ قال لي انسي ياغرام انسي مجرد سؤال بس اعتبري نفسك م سمعتيهو اها م ماشه الصيدليه الليله ولشنو ؟ قلت ليهو حريم الحله رسلو لي ميناس امس المساء قالن لي لو بكره فاضيه جايين نشرب معاكي الجبنه وم حبيت اقول ليهن م فاضيه عشان كدا خليت ساره تسد لي خدمه وبكره انا بشتغل في مكانها .
قال لي ايواه كويس والله خير ما فعلتي يلا انا طالع عندي بضاعه جايه بدري ماشي استلمها قلت ليهو تمام موفق إن شاء الله .. طلع مشى وانا قمت رتبت ونظفت وعملت الفطور جاتني ميناس قعدت اتونست معاي كتير وجهزت معاي حاجات الجبنه ،، بعد خلصنا قلت ليها ح اخش استحم مسافة الحريم يجن قالت لي غرام استني انا عاوزة اقول ليكي حاجه
الفصل السابع والعشرون من هنا
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!