رواية اسكريبت شمس سليم الفصل الرابع 4 - بقلم روني محمد

-أنا فين؟ -في المستشفى. -أنا لازم أسافر، أنا اتأخرت عالطيارة. -فاكر يا سليم لما كنت ديما بتقولي انتي شمسي، شمس سليم اللي بتنورله حياته. -ده... ده كان زمان. -ودلوقتي؟ -...... -دلوقتي إيه يا سليم؟ -ولا حاجة. -ماشي يا سليم، أنت حر بس أنا بقى مش هسيبك، أنت علمتني إن مأسيبش أي حاجة بتاعتي، ولو عاوزة حاجة هجيبها حتى لو كانت مستحيلة. -انسي، ده كلام أفلام، يلا أنا لازم أمشي عشان متأخرش. -مقولتليش ليه إن عندك سرطان.

كانت ملامحه المصمومة كفيلة بوقوف الكلام بحلقه. -متستغربش، أنا عرفت لما صاحبك اللي مستنيك بألمانيا اتصل بيك وبيقول إن الفحوصات الأخيرة طلعت. -أنا كويس، معنديش حاجة، أكيد غلطان. -سليم ارجوك، أنا مش بكلمك بصفتي بنت عمك ولا حبيبتك، أنا بكلمك عشان خايفة عليك، لازم تعمل العملية، لازم كنا نعرف من زمان، كلنا هنكون جنبك. -نسبة نجاحها ضعيفة.

-كانت ضعيفة، بس وأنا معاك أنا واثقة إنها هتكون قوية، أنت أقوى بوجودي جنبك، وأنا عمري ما هسيبك حتى لو أنت طلبت ده. -وافرضي مت... -هموت معاك، هو أنت لما بعدت عني أنا كنت عايشة! -فين دبلتك؟ -صاحبها خدها، أنا مش هحب غيرك أنت. -طب لو عشت عاجز هتستحمليني. -أنا شمسك يا سليم، يعني النور اللي بينورلك حياتك، من غيري مش هتعيش، ومن غيرك أكيد هموت. -عمي فين؟ -بيجيب المأذون. -نعم!

-أنا نسيت أقولك، أنت نمت يومين بعد ما وقعت فالمطار، الفترة دي إحنا كلمنا أكبر دكاترة وعرضنا عليهم التحاليل والأشعة بتاعتك وعرفنا إن نسبة نجاح العملية كبيرة، بس لازم تسافر في أقرب وقت، وطبعًا مش هتسافر لوحدك، هكون معاك، وبما إن إنه مينفعش، فقلت فرصة أدبسك وأتجوزك ونسافر سوا. -أنتِ مجنونة. -مجنونة بيك.

أنا كنت بتكلم معاه وأنا جوايا ألم يكفي بلاد، من يوم ما عرفت إنه عنده كانسر بالمخ والعملية لو نجحت هتسبب ليه شلل وممكن ميرجعش يمشي تاني، ولو فشلت ممكن يموت، أنا مقدرش أعيش من غيره، سليم ده دنيتي اللي فتحت عيني فالدنيا لقيتها، كان ديما سندي وضهري وأخويا وحبيبي.

لو باقي في عمري يوم واحد مش هعيشه غير معاه، لما الدكتور عرفني إنه هيفوق بعد ما تأثر المخدر اللي كان بياخده، راحت كلمت بابا وقولتله يجيب المأذون، أنا مش هبعد عنه تاني ولا هديله فرصة يبعدني عنه. بعد أسبوع -الله، بص الولاد بيلعبوا بالتلج إزاي، أنا عاوزة ألعب زيهم. -ماشي، تعالي. -ونلعب سوا. -لا لا، أنت تعبان، لما تخف، الدكتور قال مفيش مجهود خالص لغاية لما نعمل العملية بكرة.

-مانتي نفسك تلعبي بالتلج، سبيني أحققلك آخر أمنية يمكن. -لا مش آخر أمنية يا سليم، إحنا لسه في حاجات كتير هنحققها مع بعض، زي مثلاً إني عاوزاك تعملي شهر عسل كل أسبوع في بلد شكل، وكل سنة هنسافر بلد غير اللي قبلها، هنلف العالم كله. -دانتي داخلة على طمع بقى. -أمال أنت فاكر إيه. -سبني أكمل كلامي، ولادنا يا سليم، أنا ناوية أجيب خمسة، 3 بنات وولدين. -لا فعلاً داخلة على طمع.

-بس بس، سبني أكمل. أنا مش بعرف أطبخ غير الإندومي، فتعمل حسابك من دلوقتي إنك تتفق مع مطعم ابن حلال يبعتلنا الأكل كل يوم. -شمس. -يا قلب شمس وروحها. -أنا خايف مقدرش أحققلك كل أحلامك دي وأموت وأنا... -بس يا سليم متكملش، أنت هتعيش وهنحقق كل حاجة حلمنا بيها، أنا مش هعيش من غيرك، إحنا روح واحدة في جسمين، أنا شمسك يا سليم، وشمس سليم مفيهاش غروب. بعد شهر -استعنا عالشقا بالله. -إيه ده، إيه الشنطة الكبيرة دي؟ -دي أشيائي.

-أشيائك، أنتِ اشتريتي البلد كلها وحطاها فالشنطة، طب سيبي حاجة لسكان البلد. -سلمونتي، بلاش البخل ده، واعمل حسابك، أنا اللي همسك مصروف البيت من هنا ورايح. -آه، شكلنا هنشحت من قبل ما نوصل لنص الشهر. -بقولك إيه، ما تقوم وتسبني آخد لفة بالعجلة بتاعتك دي. -ههههههههههه، أنتِ يابت عبيطة، هو أنا متجوز عيلة صغيرة. -سلمونتي، كده أزعل منك. أه صح، نسيت أقولك، بابا حجز لنا الفرح في قاعة اللؤلؤة هههههه.

-يا نهار لؤلؤة إيه، أنا قولتله هنعمله في الفيلا الجديدة وخلاص. -لا أبداً، أنا عاوزة أعمله في اللؤلؤة، وكمان هيجيب أحمد شيبة يغني في فرحنا. -يانهار أحوس، بقى أنا المهندس سليم أبو المجد أعمل فرحي في قاعة اللؤلؤة وكمان هجيب أحمد شيبة وهقلب الفرح شعبي. -ههههههههه، ده الليثي جي كمان ومعاه بوسي. -شمس. -أنا رجعت في كلامي، أنا مش بتاع جواز. -مش بمزاجك يا سلمونتي، ويلا، أنا خلاص جهزت الشنط وكل حاجة جاهزة، يا دوب نروح المطار.

-شمس، ممكن نتكلم جد شوية. -ماشي، معنى ما بحبكش فالجد، بس ماشي، هعصر على نفسي لمونة. -شمس، أنا بقيت عاجز، مشلول، يعني هعمل فرح إزاي في قاعة، مش هستحمل نظرة حد ليا أو... -متكملش يا سليم، أنت مش عاجز ولا مشلول، دي فترة وهتعدي وهترجع تقف على رجليك من تاني مع العلاج الطبيعي زي ما الدكتور قال، ولو عالفرح، إحنا ممكن منعملش فرح خالص لو ده هيضايقك. -يعني لو معملناش فرح مش هتزعلي.

-لا، مع إن كنت هموت وأغني مع الليثي، بس يلا تتعوض في سبوع البيبي. -هههههههه، ولله أنا عارف مش هعرف أخلص منك. بعد سنة -سلييييييييم، اااه، ألحقني يا سليم، أنا بولد. -بتولدي إيه بس يا حبيبتي، صلي عالنبي، أنتِ لسه فالرابع. -يووووه، كنت بجرب، هشوف أنت هتعمل إيه، ديما كاشفني كده. -شمس، روحي نامي يا حبيبتي، أنتِ الحمل بوظ دماغك أكتر ما هو بايظ. -ماشي يا سليم، طيب أنا عاوزة آكل قصب. -ماشي يا حبيبتي، بكرة هجبلك، نامي بقى.

-لا مش قادرة، أنا بجد نفسي آكل قصب، أنت عاوز البت يطلع في دماغها قصباية. -وده هجيبه منين دلوقتي الساعة 3 الفجر. -معرفش بقى، اتصرف. -طب لو جبته هتكليه فعلاً ولا هرجع ألاقيكي اتوحمتي على حاجة جديدة. -اممممم، على حسب. متتأخرش يا سليم. بعد 5 شهور -مبروك، جالك بنت زي القمر. -هتسميها إيه يا سليم. -هسميها شمس. شمس سليم.